Kwa sababu ya Changamoto ya COVID-19 na usumbufu kwa huduma ya utumaji barua kimataifa, tumesimamisha kwa muda huduma yetu ya 'Utumaji wa Vitabu vya Bure viyilivyo chapishwa.
Kwa kuzingatia hali hii hatuwezi kukutumia vitabu hivi kwa wakati huu.
Omba kwamba janga hili litamalizika hivi karibuni na kuanza tena kwa huduma ya posta.
Omba kwamba janga hili litamalizika hivi karibuni na kuanza tena kwa huduma ya posta.
مضمون 10: مُکاشفہ(مُکاشفہ دی کتاب اُتے تفسیر)
[1-1باب] خُدا دے کلا م دے مُکاشفہ نُوں سُنو (مُکاشفہ ۱:۱- ۲۰)
)مُکاشفہ ۱:۱- ۲۰(
”یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔جِس خُدا دے کلام تے یِسُوع مسِیح دی گواہی دِتّی۔ یعنی اوہناں سارِیاں شیواں دی جیہڑیاں اوس ویکھیاں سن شہادت دِتّی۔ایس نبُوّت دی کتاب دا پڑھن والا تے اوہدے سُنن والے تاں جو کُجھ اوہدے وِچ لِکھیا ہویا اَے اوہدے اُتّے عمل کرن والے مُبارک نیں۔ کیوں جو ویلا نیڑے اے۔ یُوحنّا ولّوں اوہناں ستّاں کلِیسیاواں دے ناں جیہڑیاں آسِیہ وِچ نیں اوہدے ولّوں جیہڑا اَے۔ تے جیہڑا اَے سی تے جیہڑا آؤن والا اے۔ تے اوہناں ستّاں رُوحاں ولّوں جیہڑیاں اوہدے تخت دے سامھنے نیں۔ تُہانوں فضل تے تسلّی مِلدی رہے۔تے یِسُوع مسِیح ولّوں جیہڑا سَچّا گواہ تے مُردیاں وِچوں جی اُٹھن والیاں دا پلیٹھا اے۔ تے دُنیا دے بادشاہاں دا حاکم اے۔جیہڑا ساڈے نال مُحبّت رکھدا اے تے جِس اپنے خُون دی راہِیں سانُوں گُناہ توں خلاصی بخشی۔تے سانُوں اِک بادشاہی بنایا تے اپنے خُدا تے باپ دے لئی کاہِن وی بنا دِتّا۔ اوہدا جلال تے سلطنت ہمیشہ تِیکر رہے۔ آمِین۔ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹن گے بے شک۔ آمِین۔خُداوند خُدا جیہڑا اَے تے جیہڑا اَے سی تے جیہڑا آؤن والا اے۔ یعنی قادرِمُطلق آکھدا اَے۔ پئی مَیں الفا تے اومیگا ہاں۔مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔مَیں خُداوند دے دِن رُوح وِچ آگیا۔ تے اپنے پِچّھے تُرہی وانگر اِک اُوچی اواز سُنی۔پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔مَیں اوس اواز دین والے نُوں ویکھن لئی مُنھ پھیریا۔ جِس میرے نال گلّ کِیتی سی۔ تے پھر کے سونے دے سَتّ دِیوے ویکھے۔تے اوہناں دِیویاں دے وِچکار آدم دے جائے وانگر کِسے نُوں ویکھیا۔ جِس پیراں تِیکر چوغہ پایا ہویا سی۔ تے چھاتی اُتّے سونے دی پیٹی پائی ہوئی سی۔اوہدے سِر اُتّے وال چِٹّی اُنّ سگوں برف وانگر چِٹّے سن۔ تے اوہدیاں اَکھّیاں اَگ دی لاٹ وانگر سن۔تے اوہدے پَیر اوس پِتّل وانگر سن جیہڑا بھٹّھی وِچ تایا ہویا ہوئے۔ تے اوہدی اواز چھلّاں مار دے پانی دے زور وانگر سی۔تے اوہدے سَجےہتّھ وِچ سَتّ تارے سن تے اوہدے مُنھ وِچوں اِک دو مُونہی تیز تلوار نِکلدی سی۔ تے اوہدا چہرہ ایس طرح چمکدا سی جیویں ٹِلّ دے ویلے دِن۔جدوں مَیں اوہنوں ویکھیا مُردے وانگر اوہدی پَیرِیں ڈِگّ پیا۔ تے اوس ایہہ آکھ کے اپنا سَجّا ہتّھ میرے اُتّے رکھیا۔ پئی نا ڈر مَیں شُروع تے اخِیر ہاں۔تے جِیونا ہاں۔ مَیں مر گیا ساں تے ویکھ ہُن ہمیشہ تِیکر جِیوندا رہاں گا۔ تے مَوت تے پاتال دِیاں کُنجیاں میرے کول نیں۔تَد جیہڑیاں گلّاں تُوں ویکھیاں نیں تے جیہڑیاں ہَین تے جیہڑیاں ایہناں دے پِچّھوں ہون والیاں نیں۔ اوہناں سارِیاں نُوں لِکھ لے۔یعنی اوہناں ستّاں تاریاں دا بھیت جیہڑے تُوں میرے سَجے ہتّھ وِچ ویکھے سن۔ تے اوہناں سونے دِیاں ستّاں دِیویاں دا بھیت وی۔ اوہ سَتّ ستارے ستّاں کلِیسیاواں دے سَتّ فرِشتے نیں۔ تے اوہ سَتّ دیوے سَتّ کلِیسیاواں نیں۔“
”یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔جِس خُدا دے کلام تے یِسُوع مسِیح دی گواہی دِتّی۔ یعنی اوہناں سارِیاں شیواں دی جیہڑیاں اوس ویکھیاں سن شہادت دِتّی۔ایس نبُوّت دی کتاب دا پڑھن والا تے اوہدے سُنن والے تاں جو کُجھ اوہدے وِچ لِکھیا ہویا اَے اوہدے اُتّے عمل کرن والے مُبارک نیں۔ کیوں جو ویلا نیڑے اے۔ یُوحنّا ولّوں اوہناں ستّاں کلِیسیاواں دے ناں جیہڑیاں آسِیہ وِچ نیں اوہدے ولّوں جیہڑا اَے۔ تے جیہڑا اَے سی تے جیہڑا آؤن والا اے۔ تے اوہناں ستّاں رُوحاں ولّوں جیہڑیاں اوہدے تخت دے سامھنے نیں۔ تُہانوں فضل تے تسلّی مِلدی رہے۔تے یِسُوع مسِیح ولّوں جیہڑا سَچّا گواہ تے مُردیاں وِچوں جی اُٹھن والیاں دا پلیٹھا اے۔ تے دُنیا دے بادشاہاں دا حاکم اے۔جیہڑا ساڈے نال مُحبّت رکھدا اے تے جِس اپنے خُون دی راہِیں سانُوں گُناہ توں خلاصی بخشی۔تے سانُوں اِک بادشاہی بنایا تے اپنے خُدا تے باپ دے لئی کاہِن وی بنا دِتّا۔ اوہدا جلال تے سلطنت ہمیشہ تِیکر رہے۔ آمِین۔ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹن گے بے شک۔ آمِین۔خُداوند خُدا جیہڑا اَے تے جیہڑا اَے سی تے جیہڑا آؤن والا اے۔ یعنی قادرِمُطلق آکھدا اَے۔ پئی مَیں الفا تے اومیگا ہاں۔مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔مَیں خُداوند دے دِن رُوح وِچ آگیا۔ تے اپنے پِچّھے تُرہی وانگر اِک اُوچی اواز سُنی۔پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔مَیں اوس اواز دین والے نُوں ویکھن لئی مُنھ پھیریا۔ جِس میرے نال گلّ کِیتی سی۔ تے پھر کے سونے دے سَتّ دِیوے ویکھے۔تے اوہناں دِیویاں دے وِچکار آدم دے جائے وانگر کِسے نُوں ویکھیا۔ جِس پیراں تِیکر چوغہ پایا ہویا سی۔ تے چھاتی اُتّے سونے دی پیٹی پائی ہوئی سی۔اوہدے سِر اُتّے وال چِٹّی اُنّ سگوں برف وانگر چِٹّے سن۔ تے اوہدیاں اَکھّیاں اَگ دی لاٹ وانگر سن۔تے اوہدے پَیر اوس پِتّل وانگر سن جیہڑا بھٹّھی وِچ تایا ہویا ہوئے۔ تے اوہدی اواز چھلّاں مار دے پانی دے زور وانگر سی۔تے اوہدے سَجےہتّھ وِچ سَتّ تارے سن تے اوہدے مُنھ وِچوں اِک دو مُونہی تیز تلوار نِکلدی سی۔ تے اوہدا چہرہ ایس طرح چمکدا سی جیویں ٹِلّ دے ویلے دِن۔جدوں مَیں اوہنوں ویکھیا مُردے وانگر اوہدی پَیرِیں ڈِگّ پیا۔ تے اوس ایہہ آکھ کے اپنا سَجّا ہتّھ میرے اُتّے رکھیا۔ پئی نا ڈر مَیں شُروع تے اخِیر ہاں۔تے جِیونا ہاں۔ مَیں مر گیا ساں تے ویکھ ہُن ہمیشہ تِیکر جِیوندا رہاں گا۔ تے مَوت تے پاتال دِیاں کُنجیاں میرے کول نیں۔تَد جیہڑیاں گلّاں تُوں ویکھیاں نیں تے جیہڑیاں ہَین تے جیہڑیاں ایہناں دے پِچّھوں ہون والیاں نیں۔ اوہناں سارِیاں نُوں لِکھ لے۔یعنی اوہناں ستّاں تاریاں دا بھیت جیہڑے تُوں میرے سَجے ہتّھ وِچ ویکھے سن۔ تے اوہناں سونے دِیاں ستّاں دِیویاں دا بھیت وی۔ اوہ سَتّ ستارے ستّاں کلِیسیاواں دے سَتّ فرِشتے نیں۔ تے اوہ سَتّ دیوے سَتّ کلِیسیاواں نیں۔“
تشریح
آیت۱:”یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔“
مُکا شفہ دی کتاب نوں یوحنا رسول نے لکھیا ، جنہے یسوع مسیح دے مُکا شفہ نوں پتُمس وچ اپنے رہن دےویلے لکھیا ، جیہڑا بحیرہ ایجیئن (Aegean Sea) دا اک جزیرہ اے جتھےاوہنوں رومی راجے دو میتیان(Domitian) دے راج دے ویلے دےمکن دے ورہیاں وچ (لگ بھگ ۹۵بعد اَز مسیح) دیسوں کڈھ دتا گیا سی ۔ یوحنا نوں خُدا دے کلام تے یسوع دی گواہی دین لئی پتمس دے جزیرے اُتے دیسوں کڈھ دتا گیا سی ، تے ایہہ اوسے جزیرے وچ اے جتھے یوحنا رسول نوں یسوع مسیح نے پاک رُوح تے اپنے فرشتیاں دےالہام دے سبب خُدا دی بادشاہی وکھائی ۔
ایہہ ” یسوع مسیح دا مُکاشفہ“ کیہ اے ؟ یسوع مسیح دے مُکاشفہ دے راہیں ، ایہدا مطلب ایہہ ہیگا اے پئی خُدا اپنے نمائندے یسوع مسیح دے راہیں ، آؤن والے دناں وچ اسمانی بادشاہی تے ایس جگ نال کیہ ہووے گا ساڈے اُتے ظاہر کرے گا ۔ خاص کر کے یسوع مسیح کون اے ؟ اوہ جگ نوں بنان والا خُدا تے مکتی داتا اے جنہے سارے لوکاں نوں اوہناں دےپاپاں توں مکتی دتی اے ۔
یسوع مسیح آؤن والی نویں بادشاہی دا خُدا اے ، ظاہر کرن والا جیہڑا سانوں ایس آؤن والے نویں جگ دے بارے وچ سارا کجھ وکھاندا اے ، تے خُدا باپ دا نمائندہ اے ۔ یوحنا دے سبب لکھے گئے مُکاشفہ دے کلام دے راہیں ،اسیں ویکھ سکدے آں پئی یسوع مسیح پرانے جگ نال کِنج دارویہ رکھے گا تے اک نواں جگ شروع کرے گا ۔
آیت ۲:”جِس خُدا دے کلام تے یِسُوع مسِیح دی گواہی دِتّی۔ یعنی اوہناں سارِیاں شیواں دی جیہڑیاں اوس ویکھیاں سن شہادت دِتّی۔“
یوحنا خاص کر کے سچیائی دے کلام دا گواہ ہو سکدا اے ایس لئی پئی اوہنے ویکھیا پئی آؤن والے دناں وچ خُدا باپ دے نمائندے وانگر یسوع مسیح کیہ کرے گا ۔ یوحنا نے ویکھیا تے سُنیا پئی یسوع مسیح دے راہیں کیہ پورا ہووے گا ، تے ایس طرح، اوہ ایہناں ساریاں معاملیاں بارے گواہی دے سکدا اے ۔
آیت ۳:”ایس نبُوّت دی کتاب دا پڑھن والا تے اوہدے سُنن والے تاں جو کُجھ اوہدے وِچ لِکھیا ہویا اَے اوہدے اُتّے عمل کرن والے مُبارک نیں۔ کیوں جو ویلا نیڑے اے۔“
ایتھے ایہہ آکھیا گیا اے پئی مبارک نیں اوہ لوک جیہڑے خُدا دے کلام نوں پڑھدے تے سُن دے نیں جیہدی گواہی یوحنا نے دتی ۔ کون مبارک نیں ؟ پہلی تے سب توں خاص گل ایہہ ہیگی اے پئی ،ایہہ اوہ ایمان دارنیں جیہڑ ے خُدا دے کلام اُتے اپنے ایمان دے راہیں اپنے سارے پاپاں توں مکتی پاؤندے ہوئیاں خُدا دے لوک بن دے نیں ۔ صرف پاک لوک ای مبارک ہو سکدے نیں ایس لئی پئی ایہہ نیں اوہ جنہاں نیں خُدا دے کلام نوں پڑھیا ، سُنیا تے اوہدی گواہی نوں قائم رکھیا— ساریاں شیوا ں جیہڑیاں یسوع مسیح دے راہیں ہون والیاں نیں — جنہاں نوں یوحنا نے لکھیا ۔ جیہڑے لوک ایس طرح خُدا دے پاک لوک بن گئے نیں اوہ خُدا دے کلام نوں سُن دے تے اوہدے اُتے اپنا ایمان رکھدے
ہوئیاں اسمانی برکتاں پاؤن گے ۔
جے خُدا نے سانوں ساریاں نوں پہلوں ای ، یوحنا دے راہیں ، اوہناں ساریاں شیواں دا بھیت جیہڑیاں ایس دھرتی تے اسمان اُتے ہون والیاں نیں نئیں دسیاسی تاں ، پاک لوک ایہنوں ہمیشہ کویں سُن تے ویکھ سکدے سن؟ کویں اوہ پہلوں توں جانن دی برکت رکھ سکدے سن تے اوہناں ساریاں تبدیلیاں بارے جنہاں وچوں جگ لنگدا پیا اے ایمان رکھ سکدے سن ؟ میَں خُدا دا سانوں یوحنا دے سبب اوہناں ساریاں گلاں نوں جیہڑیاں ایس اسمان تے دھرتی اُتے ہون والیاں نیں وکھاؤن لئی شکر تے اوہدے ناں نوں جلال دیندا ہاں ۔ساڈے موجودہ زمانے وچ ، سچ مُچ مبارک نیں اوہ جیہڑے یسوع مسیح دے سبب خُدا دے مُکاشفہ دے کلام نوں اپنیاں اکھاں نال ویکھ تے پڑھ سکدے نیں ۔
آیت ۴:”یُوحنّا ولّوں اوہناں ستّاں کلِیسیاواں دے ناں جیہڑیاں آسِیہ وِچ نیں اوہدے ولّوں جیہڑا اَے۔ تے جیہڑا اَے سی تے جیہڑا آؤن والا اے۔ تے اوہناں ستّاں رُوحاں ولّوں جیہڑیاں اوہدے تخت دے سامھنے نیں۔ تُہانوں فضل تے تسلّی مِلدی رہے۔“
یوحنا ایتھے دسدا اے پئی وہ آسیہ دیاں ست کلیسیاواں نوں اپنا خط گھل دا پیا اے ۔ پتمس جزیرے وچ دیسوں کڈھے جان دے ویلےخُدا نے اوہدے کولوں اپنے مُکاشفہ تے نبُوتاں نوں لکھوایا ۔ یوحنا نے ایہنوں آسیہ دی ست کلیسیاواں دے ، نال نال سارے جگ وچ خُدا دیاں ساریاں کلیسیاواں نوں وی گھلیا ۔
آیت ۵:”تے یِسُوع مسِیح ولّوں جیہڑا سَچّا گواہ تے مُردیاں وِچوں جی اُٹھن والیاں دا پلیٹھا اے۔ تے دُنیا دے بادشاہاں دا حاکم اے۔جیہڑا ساڈے نال مُحبّت رکھدا اے تے جِس اپنے خُون دی راہِیں سانُوں گُناہ توں خلاصی بخشی۔“
یوحنا یسوع مسیح نوں ”سچّا گواہ“ کیوں آکھدا اے ؟ ساڈا خُداوند ایس جگ وچ آیا تے اوہنے یوحنا بپتسمہ دین والے کولوں بپتسمہ لیا تاں پئی اوہناں ساریاں نوں مکتی دیوے جیہڑے پاپ وچ نیں تے اپنی بربادی دے حق دار نیں ۔ یسوع نے اپنے بپتسمے دے راہیں اکو ای ویلے جگ دے سارے پاپاں نوں چُک لیا ، اپنی ذاتی زندگی نال پاپاں دا مُل اتارن لئی سولی اُتے لہو وگایا تے تیجے دیہاڑے مویا ں وچوں جیوں اُٹھیا — سارے ایمانداراں نوں بچان تے اوہناں دے پاپاں نوں مکان لئی ۔ایس لئی پئی ایہہ صرف یسوع دے سوا کوئی نئیں ہیگا جنہے جگ دے سارے پاپیاں نوں اوہناں دے سارے پاپاں توں مکتی دتی ، مسیح ایس مکتی دا جیونداگواہ اے ۔
” مُردیاں وِچوں جی اُٹھن والیاں دا پلیٹھا اے“دے راہیں ، یوحنا سانوں دسدا پیا اے پئی یسوع شریعت دیاں ساریاں شرطاں نوں پورا کرن تے ایس جگ وچ آؤن دے راہیں —دوجے اکھراں وچ ، پاپاں دا مُل اداکرن—اپنے بپتسمے نال سارے پاپاں نوں چُکن ، سولی اُتے مرن تے مویاں وچوں جیوں اُٹھن نال پہلا پھل بن گیا ۔ تے جویں پئی مسیح نے، ”ساڈے نال محبت رکھی تے جس نے اپنے ہی خُون دے راہیں سانوں دھو دتا “ خُدا نے اوہناں لوکاں نوں جیہڑے پانی تے رُوح دی خوشخبری اُتے ایمان رکھدے نیں اوہناں دے سارے پاپاں توں چھڈایا اے ۔
آیت۶:”تے سانُوں اِک بادشاہی بنایا تے اپنے خُدا تے باپ دے لئی کاہِن وی بنا دِتّا۔ اوہدا جلال تے سلطنت ہمیشہ تِیکر رہے۔ آمِین۔“
خُدا باپ دے نمائندے وانگر ، یسوع بندیاں وانگر ایس جگ وچ آیا تے اپنے بپتسمے تے سولی اُتے لہو نال پاپیاں نوں مکتی دتی ۔ فضل دے ایہناں کماں نال ، یسوع نے سانوں پاک کیتا تے سانوں خُدا دے لوک تے کاہن بنا دتا ۔اوس باپ دی جنہے سانوں حیران کرن والے فضل نال ایہہ نعمتاں دتیاں نیں ، تے پُتر دی جیہڑا اوہدانمائندہ تے ساڈا مکتی داتا اے ، سارا جلال ، عزت تے وڈیائی ہمیش تیک ہوندی رہوے ! مسیح دا بدن لے کے آؤن دا ارادہ سانوں باپ لئی خُدا دی بادشاہی دے لوک تے کاہن بنانا سی ۔ اسیں دوجے اکھراں وچ اسمانی بادشاہی دے ”بادشاہ “بنائے گئے آں جتھے اسیں خُدا نال سدا لئی رہواں گے ۔
آیت ۷:”ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹن گے بے شک۔ آمِین۔“
ایتھے ایہہ دسیا گیا اے پئی مسیح بدلاں دےنال آوے گا ۔ تے میَں ایہدے اُتے پکا ایمان رکھدا
ہاں ۔ایہہ کوئی سائنسی قصہ کہانی نئیں اے ۔ ایہہ پیشین گوئی ہیگی اے پئی یسوع مسیح لازمی طور اُتے اسمان توں ایس دھرتی تےواپس آوے گا ۔ ایتھے ایہہ وی آکھیا گیا اے پئی ”جنہاں نے اوہنوں وِنّھیا سی “اوہنوں ویکھن گے۔ایہہ کون نیں؟ ایہہ اوہ لوک نیں جنہاں نیں پانی تے رُوح دی خوشخبری نوں صرف جگ دیاں بوہت ساریاں دینی تعلیماں وانگر ویکھیا ، ایتھوں تیک پئی ایہہ کلام اوہناں ساریاں نوں بچان دی طاقت رکھدا اے ۔
جد مسیح واپس آوے گا تاں، اوہ لوک جنہاں نے اوہنوں اپنے کفر نال وِنّھیاسی اوہ لازمی پٹن گے ۔اوہ رون تے وین پاؤن گے ، ایس لئی پئی جد اوہناں نوں ایہہ پتہ لگے گا پئی پانی تے رُوح دی خوشخبری ای لازمی اوہناں دے پاپاں توں چُھٹ جان تے مکتی دی خوشخبری اے ، تے ایہہ پئی یسوع نے یوحنا بپتسمہ دین والے کولوں بپتسمہ لے کے جگ دے سارے پاپاں نوں چُک لیا ، اوہناں نوں کویلا ہو گیا ہووے گا ۔
آیت ۸:”خُداوند خُدا جیہڑا اَے تے جیہڑا اَے سی تے جیہڑا آؤن والا اے۔ یعنی قادرِمُطلق آکھدا اَے۔ پئی مَیں الفا تے اومیگا ہاں۔“
”الفا تے اومیگا “دے راہیں ، یوحنا سانوں دسدااے ساڈا خُداوند جج خُدا اے جنہے سارے جگ دا مُڈھ تے اخیرتے سارا سنسار شروع توں بنایا اے ۔خُداوند راستبازاں نوں بدلہ دین تے پاپیاں نوں سزا دین واپس آوے گا ۔ اوہ اپنی مرضی دا مالک خُدا اے جیہڑا لوکاں دے پاپاں دی سزا دیوے گا تے اوہناں لوکاں دی راستبازی دا پھل دیوے گا جیہڑے اوہدی راستبازی اُتے ایمان رکھدے نیں ۔
آیتاں ۹ ۔۱۰:”مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔مَیں خُداوند دے دِن رُوح وِچ آگیا۔ تے اپنے پِچّھے تُرہی وانگر اِک اُوچی اواز سُنی۔“
”بھرا “ دا اکھر ورتیا جاندا اے جد سنگی ایماندار اک دوجے نوں آکھدے نیں ۔ خُدا دی نویں سریوں جمی ہوئی کلیسیا وچ ، اوہ جیہڑے پانی تے رُوح دی خوشخبری اُتے ایمان رکھ کے اک خاندان بن گئے
نیں ، اک دوجے نوں بھرا تے بھین آکھ کے بلاندے نیں ، تے ایہہ لقب سانوں پانی تے رُوح دی خوشخبری اُتے ایمان رکھن دے راہیں ملے نیں ۔
ایتھے ”خُداوند دے دِن “دا مطلب سبت دے بعد دا دیہاڑا اے ، جد یسوع مویاں وچوں جیوں اُٹھیا سی ۔ایہہ ہفتے دا اوہ دیہاڑا اے جد یسوع زندہ ہویا سی ، تے ایسے سبب توں اسیں اتوار نوں”خُداوند دا دن “ آکھدے آں ۔ ایہہ دیہاڑا شریعت دےزمانے دے مکن تے مکتی دے نویں زمانے دے شروع ہون دا نشان اے ۔ تے ہور ، اوہدے جیوں اُٹھن نال ، ساڈے خُداوند نے سانوں دسیا پئی اوہدی بادشاہی ایس جگ دی نئیں اے ۔
آیت ۱۱:”پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔“
یوحنا نے یسوع مسیح دے مُکاشفہ دے راہیں جو کجھ ویکھیا ایہنوں لکھیا تے ایہنوں آسیہ دیاں ستاں کلیسیاواں نوں خطاں وانگر گھلیا ۔ ایہہ سانوں دسدا اے پئی خُدا اپنے خادماں دے راہیں ساری کلِیسیانال گل کردا اے جیہڑے ساڈے اگے ٹُر دے نیں ۔
آیت ۱۲:”مَیں اوس اواز دین والے نُوں ویکھن لئی مُنھ پھیریا۔ جِس میرے نال گلّ کِیتی سی۔ تے پھر کے سونے دے سَتّ دِیوے ویکھے۔“
ایس لئی پئی رسولاں دے دیہاڑاں وچ خُدا دا کلام اجے پورا نئیں ہویا سی ، ایس لئی چیلیاں نوں نشانیاں تے رویا دی لوڑ سی ۔ جد یوحنا نے خُدا دی اواز سُنن لئی مُنھ پھیریا ، اوہنے ، ”سونے دے سَتّ دِیوے “ویکھے ۔ایتھے چراغ دان خُدا دی کلیسیا دی نشانی نیں ، پاک لوکاں دا اکٹھیاں ہون جیہڑے پانی تے رُوح دی خوشخبری دے مُکاشفے اُتے ایمان رکھدے نیں ۔ خُدا آسیہ دی سَتّ کلیسیاواں دا خُداوند سی ،تے اوہ ایّالی سی تے ہیگا اے جیہڑا سارے پاک لوکاں دی ویکھ بھال کردا اے ۔
آیت ۱۳:”تے اوہناں دِیویاں دے وِچکار آدم دے جائے وانگر کِسے نُوں ویکھیا۔ جِس
پیراں تِیکر چوغہ پایا ہویا سی۔ تے چھاتی اُتّے سونے دی پیٹی پائی ہوئی سی۔“
” آد م دے جائے وانگراک بندہ “جنہوں یوحنا نے ”ست دِیویاں وچکار ویکھیا“دا مطلب یسوع مسیح اے۔ پاک لوکاں دے ایّالی وانگر ، یسوع اوہناں لوکاں نوں ملدااے تے اوہناں نال گل بات کردا اے جیہڑے اوہدے بپتسمے تے سولی دے سچیائی دے کلام اُتے ایمان رکھدے نیں ۔ یوحنامسیح دی تفصیل ”پیراں تیکر چوغہ پایا ہویا سی۔تے چھاتی اُتے سونے دی پیٹی پائی ہوئی سی “ دسدا اے جیہڑا خُدا باپ دے نمائندے وانگرساڈے خُداوند دے رُتبے دی نشانی اے ۔
آیت ۱۴:” اوہدے سِر اُتّے وال چِٹّی اُنّ سگوں برف وانگر چِٹّے سن۔ تے اوہدیاں اَکھّیاں اَگ دی لاٹ وانگر سن۔“
ساڈا خُداوند کامل ، پاک ، جلالی تے وڈیائی دے لائق اے ۔ ”اوہدیاں اَکھّیاں اگ دی لاٹ وانگرنیں۔“دا مطلب اے پئی اوہ اپنی من مرضی دی طاقت والا خُدا ،ساریاں دا جج اے ۔
آیت ۱۵:”تے اوہدے پَیر اوس پِتّل وانگر سن جیہڑا بھٹّھی وِچ تایا ہویا ہوئے۔ تے اوہدی اواز چھلّاں مار دے پانی دے زور وانگر سی۔“
اسیں کیہ سمجھدے آں پئی یسوع کون اے ؟ پاک لوک ایمان رکھدے نیں پئی اوہ سارےداسارا مکمل طریقے نال خُدا اے ۔ ساڈا خُداوند اپنی من مرضی دی طاقت والا اے تے بالکل ماڑا نئیں ۔ پر ایس لئی پئی ایس دھرتی اُتے رہندے ہوئیاں اوہنے ساڈیاں کمیاں نوں پچھانیا ، ایس لئی اوہ ساڈی کیفیت تے حالاں نوں چنگی طرح جان دا اے ، تے ایس طرح اوہ ساڈی ٹھیک مدد کر سکدا اے ۔ اوہدی اواز زور دے پانی وانگرسی ظاہر کردی اے پئی ساڈا خُداوند بوہت پاک تے اپنی من مرضی دا اے ۔ ساڈے خُداوندوچ ادھورا پن تے ماڑے ہون دا کوئی نشان نئیں ملدا ، تے اوہ صرف اپنی پاکیزگی ، محبت ، عظمت تے عزت نال بھریا ہویا اے ۔
آیت ۱۶:”تے اوہدے سَجےہتّھ وِچ سَتّ تارے سن تے اوہدے مُنھ وِچوں اِک دو مُونہی تیز تلوار نِکلدی سی۔ تے اوہدا چہرہ ایس طرح چمکدا سی جیویں ٹِلّ دے ویلے دِن۔“
ایہہ پئی ” اوہدے سَجےہتّھ وِچ سَتّ تارے سن “دا مطلب ایہہ ہیگا اے پئی خُداوند خُدا دی
کلیسیا نوں سنبھالے ہوئے اے ۔ اوہدے مُنھ وچوں ”دو مونہی تیز تلوار “دوجے اکھراں وچ ایس گل دی نشانی اے پئی یسوع من مرضی دا مالک خُدا اے جیہڑا خُدا دے اختیار تے طاقت والے کلام دے نال کم کردا اے ۔ ” جیویں ٹِلّ دے ویلے دِن چمکدا اے“ساڈا خُداوند کلام دا خُداا ے ، جیہڑا بوہت طاقت والا اے ۔
آیت ۱۷:”جدوں مَیں اوہنوں ویکھیا مُردے وانگر اوہدی پَیرِیں ڈِگّ پیا۔ تے اوس ایہہ آکھ کے اپنا سَجّا ہتّھ میرے اُتّے رکھیا۔ پئی نا ڈر مَیں شُروع تے اخِیر ہاں۔“
ایہہ آیت سانوں وکھاندی اے پئی اسیں خُدا دی پاکیزگی دے اگے بوہت ماڑے تے ہنیر ہیگے آں ۔ ساڈا خُداوندسدا کامل تے اپنی من مرضی دا مالک اے ، تے اوہ خُدا دے خادماں اُتے کئی واری بیلیاں وانگر ظاہر ہوندا اے ،تے دوجیاں ویلیاں وچ سخت جج وانگر ۔
آیت ۱۸:”تے جِیونا ہاں۔ مَیں مر گیا ساں تے ویکھ ہُن ہمیشہ تِیکر جِیوندا رہاں گا۔ تے مَوت تے پاتال دِیاں کُنجیاں میرے کول نیں۔“
ساڈا خُداوند سدا لئی جیوندا اے تے خُدا باپ دے نمائندے وانگر اسمان دا سارا اختیار رکھدا اے ۔ سارے لوکاں دے مکتی داتا تے جج دونواں وانگر ، اوہ خُدا اے جیہڑا ہمیش دی زندگی تے موت اُتے راج کر دا اے ۔
آیت ۱۹:” تَد جیہڑیاں گلّاں تُوں ویکھیاں نیں تے جیہڑیاں ہَین تے جیہڑیاں ایہناں دے پِچّھوں ہون والیاں نیں۔ اوہناں سارِیاں نُوں لِکھ لے۔“
خُدا دے خادماں دا فرض ہیگا اے پئی اوہ خُدادے ارادے تے کماں نوں موجودہ تے آؤن والے دن دونواں دے بارے وچ سانبھ کےرکھن ۔ خُداوند نے ایس لئی یوحنا نوں ایمان ودھاؤن لئی آکھیا جیہڑا اوہ اوہدے اُتے نازل کرچُکیاسی ،خُدادی کلیسیا دا ایمان جیہڑا ہمیش دی زندگی پاوے گا ، تے اوہناں ساریاں شیواں نوں جیہڑیاں آؤن والے دناں وچ آؤن والیاں نیں ۔ ایہہ ہے کیہ خُدا ، یوحنا دے راہیں ، سانوں
وی ایس طرح کرن لئی فرماندااے ۔
آیت ۲۰:”یعنی اوہناں ستّاں تاریاں دا بھیت جیہڑے تُوں میرے سَجے ہتّھ وِچ ویکھے سن۔ تے اوہناں سونے دِیاں ستّاں دِیویاں دا بھیت وی۔ اوہ سَتّ ستارے ستّاں کلِیسیاواں دے سَتّ فرِشتے نیں۔ تے اوہ سَتّ دیوے سَتّ کلِیسیاواں نیں۔“
” ستّاں تاریاں دا بھیت “ کیہ اے ؟ ایہہ ہیگا اے پئی خُدا اپنے خادماں دے راہیں سانوں اپنے لوک بنا کے اپنی بادشاہی بناوے گا ۔ ”سونے دے دیوے“پاک لوکاں دے راہیں خُدا دی کلیسیا دے بنن دی نشانی اے ، جیہڑے خُدا دی لوکاں نوں دتی گئی پانی تے رُوح دی خوشخبری اُتے ایمان رکھدے نیں ۔
خُدانے اپنے خادماں تے اپنی کلیسیاواں دے راہیں ، ایمانداراں نوں وکھایا اے پئی اوہناں دا مقصد کیہ اے تے آؤن والے دناں وچ ایس جگ نال کیہ ہون والا اے ۔ مُکاشفہ دے کلام دے راہیں جیہڑا اوہنے یوحنا اُتے ظاہر کیتا اوہدے کولوں لکھوایا ، اسیں ، وی ، بوہت چھیتی اوہدے کماں نوں اپنی اکھیاں نال ویکھاں گے ۔ میَں خُدا دا شکر گزار ہاں تے اوہدے خُدائی سوچ بچار لئی اوہدی وڈیائی کردا ھاں جنہے اوہناں ساریاں گلاں نوں ظاہر کیتا اے جیہڑیاں ایس جگ وچ ہون والیاں نیں ۔
Copyright © 2021 by The New Life Mission