Kwa sababu ya Changamoto ya COVID-19 na usumbufu kwa huduma ya utumaji barua kimataifa, tumesimamisha kwa muda huduma yetu ya 'Utumaji wa Vitabu vya Bure viyilivyo chapishwa.
Kwa kuzingatia hali hii hatuwezi kukutumia vitabu hivi kwa wakati huu.
Omba kwamba janga hili litamalizika hivi karibuni na kuanza tena kwa huduma ya posta.
Omba kwamba janga hili litamalizika hivi karibuni na kuanza tena kwa huduma ya posta.
Somo la 1: Kuzaliwa mara ya pili kwa maji na kwa Roho
1-29. مینوں پکایقین سی پئی یسوُع اُتے ایمان رکھن دے راہیں میَں مکتی پاچُکیا آں، میرے دِل وِچ شانتی تے پکا سکون سی ۔پر ہُن میَں تُہاڈے وَعظاں دے سبب پریشان آں ۔ کیہ مینوں مکتی پاؤن لئی اوہدی صلیب دے نال نال اوہدے بپتسمہ اُتے وی ایمان رکھنا چاہیدا اے؟
جے تُسیں یسوُع دے بپتسمہ اُتےایمان نئیں لیاندے تے لازمی طور تے تُہاڈے دِل
وِچ پاپ موجود اے ۔ یوحنا رسوُل نیں آکھیا،”جےاَسیں آکھیے پئی اَسیں بے پاپ آں تےاپنے آپ نُوں دھوکہ دیندے آں تے ساڈے وِچ سچیائی نئیں۔“ (۱۔یوحنا۱:۸)۔ جے تُسیں آکھو پئی تُسیں بے پاپ او ،فیر وی تُسیں پاپی اوکیوں جے تُسیں یسوُع دے بپتسمہ اُتے ایمان نئیں رکھدے،ایہہ تُہاڈے اپنے ذاتی ضمیر نُوں دھوکہ دین دا عمل اے تے پکاثبوت اے پئی تُہاڈے اندر سچیائی نئیں ۔ ساڈے دِلاں وِچ مکتی دایمان اوس ویلے ظاہر ہوندااے جدوں اَسیں یسوُع دے بپتسمہ تے صلیب اُتے ایمان لیا کے پاپاں دی معافی تے رُوح القدّس انعام دےطورتے حاصل کردے آں۔
پولُس رسوُل نیں فرمایا، ”۔ ۔ ۔ ہورطرحاں دی خوشخبری جیہڑی دُوجی نئیں ۔ ۔ ۔ “ (گلتیوں ۱:۶-۷) ۔ہورکجھ نئیں سوائے پانی تے رُوح دی اوس خوشخبری دے جیہڑی رسولاں نیں یسوُع کولوں حاصل کیتی تے لوکاں وِچ اوہدی منادی کیتی اے، سانُوں ساڈے سارے پاپاں توں بچا سکدی اے ۔ جے اَسیں پانی تے رُوح دی خوشخبری دایقین نہیں کردے جیہدی منادی رسوُلاں نے کیتی سی ، تے پاپ ہُن تیک ساڈے اندرلازمی طور موجود اے۔
جے پاپ ہُن تیک ساڈے اندر موجود اے تے اَسیں کِویں مکتی دی یقین دے نال حیاتی بسرکرسکدے آں؟جدوں اوہ مسیِحی ،جیہڑے ہُن تیک نویں سِرے توں پیدا نئیں ہوئے ، خُدا دے حضُور چنگے کم کردے نیں تے اوہ بڑا پکا ایمان رکھدے نیں پئی مکتی دی خوشی تے کامل یقین اوہناں دے وِچ نیں؛پرجدپاپ کردے نیں تے دل اُتے پاپاں دے بوجھ دی وجہ توں خوفزدہ ہوندے نیں پئی ساڈے اندریقین دی کمی ہوندی اے ۔ ایہہ جھوٹی مکتی اے جیہڑی اوہناں دے خیالاں تے اپنے جذبیاں اُتے مبنی اے۔ پرخُدا وَلوں نئیں ایں ۔ اوہ اپنے خیالاں تے مبنی مکتی نُوں ہرروز پاپاں دی معافی دی درخواست پیش کرن تے اپنی آسانی دے نال ڈانواں ڈول مکتیاں نُوں قائم رکھن دا رُجحان رکھدے نیں۔
ایس جھوٹی مکتی اُتے ایمان رکھن والے لوک سوچ دے نیں پئی جے اوہ پاک حیاتی بسر کرن،ہرروز معافی منگ دے رہن تے شریعت نُوں عملاں نال پورا کرن، تے آخرکار اوہ بچ جان گے ۔ جے اوہناں نیں اوہدے بپتسمہ اُتے ایمان دے راہیں اپنے پاپاں نُوں یسوُع اُتے نہیں لدیاتے ہُن تیک اوہ پاپی ای نیں ۔
جیہڑی مکتی خُدا نیں تیارکیتی اوہ مکمل مکتی اے ، ایہہ سانُوں دَسدی اے پئی یردن وِچ یوحنا دے راہیں بپتسمہ دے ویلے یسوُع نیں دُنیا دے سارے پاپاں نُوں چُک لیا تے صلیب اُتے اوہناں نُوں مٹادِتا ۔
ایس لئی یوحنا رسوُل نیں آکھیا ، ”جے اَسیں اپنے پاپاں دا اِقرار کرئیے اوہ ساڈے پاپاں نُوں معاف کرن تے سانُوں ساری ناراستی توں پاک کرن وِچ سچا تے عادل اے ۔ “ (۱۔یوحنا ۱:۹)۔جے پانی تے رُوح دی خوشخبری نُوں نہ جانن دے سبب ساڈے سارے پاپاں دی معافی نئیں ہوندی تے سانُوں خُداوند دے اَگے اِقرار کرنا ،کیوں جے اَسیں اوہدےاُ تے ایمان رکھدے آں،پر ہُن تیک اَسیں پاپی ای آں تے ساڈے پاپاں دی وجہ توںساڈی منزل دوزخ اے ۔ ایہہ پاپ دا سچا اِقرار اے۔ بھاویں ساڈا پاپ بوہت ای معمولی کیوں نہ ہووے ، ایہہ پانی تے رُوح دی خوشخبری دے اَڈ دُھل نہیں سکدا ۔ جدوں اَسیں ایس طرحاں پاپاں دا اِقرار کردے آں تے پانی تے رُوح دی خوشخبری اوسے ویلے ساڈے پاپاں نُوں دھو دیندی اے تےسانُوں راستباز بنادیندی اے۔
” ہُن قبولیت دا ویلا اے “ (۲۔کرنتھیوں ۶:۲)۔ہرکوئی جیہڑا یسوُع دے بپتسمہ تے صلیب دی خوشخبری نُوں سُن دا تےاوہدے اُتےایمان لیاندا اے اوہ اپنے سارے پاپاں توں مکتی پاندا تے راستباز بن جاندااے ،اوہ پکا ایمان رکھدااے پئی جدوں یسوُع آوے گا تے اوہ اوہدی بادشاہی وِچ داخل ہون لئی ہرویلے تیار اے۔مذہبی تعلیماں تے اِلٰہی عِلم تے کوئی وی ایمان ،یعنی سچی خوشخبری توں اَڈ، سانُوں ساڈے سارے پاپاں توں چھُڈا نئیں سکدا ۔ ایہہ صِرف اِبلیس دِیاں چالاک تدبیراں نیں جیہڑیاں اوہ اِنسان ذات دے خیالاں وِچ پاچُکیا اے ۔ سانُوں پانی تے رُوح دی خوشخبری وَل پَرتنا چاہی دااے تے اپنے دِلاں وِچ سچی مکتی نُوں حاصل کرکے پاپاں توں رہائی پاؤنی چاہی دی اے ۔ایہہ خُدا تے اوہدے کم نال محبت کرنا اے۔
- Kabla
- Baada ya
Copyright © 2021 by The New Life Mission