Kwa sababu ya Changamoto ya COVID-19 na usumbufu kwa huduma ya utumaji barua kimataifa, tumesimamisha kwa muda huduma yetu ya 'Utumaji wa Vitabu vya Bure viyilivyo chapishwa.
Kwa kuzingatia hali hii hatuwezi kukutumia vitabu hivi kwa wakati huu.
Omba kwamba janga hili litamalizika hivi karibuni na kuanza tena kwa huduma ya posta.
Omba kwamba janga hili litamalizika hivi karibuni na kuanza tena kwa huduma ya posta.
Somo la 3: Ufunuo
3-14. مَیں ایمان رکھدا ہاں پئی پاک لوک وڈے دکھ جرن توں پہلاں چُک لَئے جان گے ۔ پر پاک کلام پاک لوکاں لئی بوہت چوکھےحوالے بیان کردا اے جیہڑے ایس زمین اُتے وڈے دکھ جرن دے زمانے وچکار اوس ویلے زندہ ہون گے ۔ کیہ اوہ ایہو جیہے لوک نیں جنہاں نیں دنیا دے نال سودے بازی کیتی ، تے جنہاں دا ایمان نتیجے طور اُتے نیم گرم ہوگیا سی ؟
سب توں پہلوں، تہانوں لازمی سوچنا چاہی دا اے پئی دکھ جرن توں پہلوں چُکے جان دا نظریہ جیہدے اُتے تُسیں ایمان رکھدے او، اصل وچ جھوٹھا خُدائی نظریہ اے ۔ ایہہ اوہ حصہ اے جتھے بوہت سارےمسیحی غلط سمجھ چُکے نیں ۔ اوہ سوچدے نیں ایس لئی پئی پاک لوک پہلوں ای وڈے دکھ جرن توں پہلوں چُکے گئے نیں ، جد ایہدا زمانہ آئے گا تاں ایس زمین اُتے صرف پاپی موجود ہون گے ۔ پر ، مسئلہ ایہہ ہیگا اے پئی پاک کلام پاک لوکاں لئی بوہت چوکھے حوالے دسدا اے جیہڑے ، وڈے دکھ جرن دے زمانے وچکار ایس زمین اُتے اوس ویلے جد پئی باقی ہون گے ، دکھ جرن اُتے ڈٹ کے فتح پاؤن گے تے شہید ہوجان گے ۔
ایس لئی بوہت چوکھے لوک غلطی نال سوچدے نیں پئی ایہہ پاک لوک جیہڑے باقی بچن گے تے دکھ جرن دے زمانے وچ ستائے جان گے اوہ لوک نیں جیہڑے دنیا نال سودے بازی کر چُکے سن تے جنہاں دا ایمان صرف نیم گرم سی ۔
لوک جیہڑے ایس نظریے اُتے قیم نیں ایہو جیہی پریشانی وچ زندہ رہندے نیں ایس لئی پئی خُدا دے کلام دے مطابق چُکے جان دا ٹھیک زمانہ نئیں جان دے ۔ فیر چُکے جان دا ٹھیک زمانہ کدوں اے ؟
ایس مسئلےاُتے ، پولُس نے ۲۔ تھِسّلُنیکیوں ۲:۱۔۴ وچ ہیٹھ لکھے طریقے نال سانوں فرمایا: ”بھراؤ! اسی اپنے خُداوند یسوع مسیح دے آؤن تے اوہدے کول اپنے اکٹھے ہون دی بابت تہاڈی منت کرنے آں ۔پئی جے کسے روح دی گل یاکوئی کلام یا اجیہا خط آوے۔جیہڑا ساڈے خط وانگوں دسے اوس توں ایہہ سمجھ کے پئی خُداوند دا دن پُج گیا اے ۔ تُسی دلوں ناڈولو تےنا تُسی گھابر جاؤ۔ کسے طرح کسے دے دھوکھے وچ نا آ جانا کیوں جو اوہ دن نئیں آؤنا جد تیکر پہلاں برگشتگی نا ہوئے ۔ تے اوہ گناہ دا بندہ یعنی ہلاکت دا پُترظاہر نا ہوئے ۔ جیہڑا مخالفت کردا اے ۔ تے ہراک کولوں جیہڑا خُدا اکھواؤندااے ۔یا جِہدی منتا ہوندی اے ۔ اپنے آپ نوں اُچا کردا اے ۔ ایتھوں تیکر پئی اوہ خُدا دے مَقدِس وچ بہہ کے اپنے آپ نوں خُدا ظاہر کردا اے ۔ “
” گناہ دا بندہ ۔۔۔ہلاکت دا پُتر “ ایتھے مخالفِ مسیح بارے دسدا اے جیہڑا وڈے دکھ جرن وچکار نکلے گا ۔ دوجے اکھراں وچ، مخالفِ مسیح دنیا وچ چُکے جان توں پہلوں اپنے آپ نوں ظاہر کرے گا تے اپنے آپ نوں خُدا وانگر اُچیاں کرے گا ۔ ایس لئی اوہ اپنے آپ دے بُت بنائے گا تے لوکاں نوں پوجا تے اوہدی سیوا کرن لئی مجبور کرے گا ۔ ہر کسے نوں اپنے اختیار ہیٹھاں لیاؤن لئی ، او ہ لوکاں نوں پشُو دے ناں یا عدد دا ٹھپہ بھاویں اپنے سجیاں ہتھاں یا متھیاں اُتے لوان لئی وی مجبور کرے گا ، ہر کسے نوں جیہڑا ایہہ ٹھپہ نئیں لواؤندا کوئی شے خریدن یا ویچن توں روکے گا ۔
جد ایہہ پشُو دنیا وچ نکلے گا ، ایس دنیا دے لوک اوہدے ناں دا بنیا ہویا ٹھپہ یا اوہدے ناں دا عدد لین لئی مجبور کیتے جان گے۔ ایسے طرح ، ہر کوئی جِہدا ناں دنیا بناؤن توں پہلوں حیاتی دی کتاب وچ نئیں لکھیا ہویا سارے پشُو دا ٹھپہ لواندے ہویاں تے پوجا کردے ہویاں مک جان گے ۔
پر، ایس لئی پئی پاک لوک جیہڑے خُدا دے لوک بن گئے نیں اپنے دلاں وچ وسن والا پاک رُوح رکھدے نیں ، اوہ خُدا وانگر یعنی اپنے اصل خُداوندخُدا توں ہٹ کے کسے بندے دی پوجا نئیں کرسکدے ۔ ایس لئی اوہناں دے دلاں وچ زندہ پاک رُوح شیطان تے مخالفِ مسیح دے ظلم دے خلاف روکن تے اپنی شہادت نال اپنے ایمان دی راکھی کرن لئی اوہناں نوں طاقت دیوے گا ۔تے پاک رُوح اوہناں نوں بولنا وی دیوے گا جِہدے نال اوہ اپنے ویریاں دے خلاف کھلو سکدے نیں ۔
مُکاشفہ ۱۷ : ۱۲ ۔ ۱۳ سانوں دسدا اے ، ” تے اوہ دَس سِنگ جیہڑے تُوں ویکھے نیں دَس بادشاہ نیں اجے تِیکر اوہناں نُوں بادشاہی نئیں مِلی۔ پر اوس پشُو نال اِک گھڑی لئی بادشاہاں وانگر اوہناں نُوں اختیار دِتّا جاوے گا۔ایہناں سبھناں دی اِکّو ای رائے ہوئے گی تے اوہ اپنی قُدرت تے اختیار اوس پشُو نُوں دے دین گے۔ “ مُخالفِ مسیح پاک لوکاں نوں ستاؤن لئی اختیار لوے گا تے صرف تھوڑے چر لئی دنیا دیاں قوماں اُتے راج کرے گا ۔ ایس لئی مُخالفِ مسیح دے اپنا ٹھپہ لواؤن بارے آکھن دے ، تھوڑے چر بعدوں پاک لوکاں دی شہادت دا زمانہ ہوئے گا ۔
دوجے پاسے، مُکاشفہ ۱۱ : ۱۱ ۔ ۱۲سانوں دسدااے ، ” تے ساڈھے تَرے دِناں پِچّھوں خُدا ولّوں اوہناں وِچ زِندگی دی رُوح آئی تے اوہ اپنے پیراں اُتّے کھلو گئے تے اوہناں دے ویکھن والیاں نُوں بڑا ڈر لگّا۔تے اوہناں نُوں اسمان اُتّوں اِک زور دی اواز سُنائی دِتّی۔ پئی ایتھے اُتّے آ جاؤ۔ تے اوہ بدّلاں اُتّے سوار ہو کے اسمان اُتّے چڑھ گئے تے اوہناں دے وَیری اوہناں نُوں ویکھدے پئے سن۔ “ ایس سچیائی توں ، یعنی دو شہید گواہ جیوں پئے تے ساڈھے تَرے دناں پِچھوں چُکے گئے سن ، اسیں ایہہ وی ویکھ سکدے آں پئی ساڈی شہادت تے جیوں اُٹھن وچکار وقفہ وی آیا بوہتے لمے چر دا نئیں ہیگا ۔ ایہہ دو گواہ اپنے جیوں اُٹھن دے فوراً بعدوں چُک لَئے گئے سن ۔جد خُداوند واپس آئے گا ، شہید پاک لوک تے زندہ پاک لوک جنہاں نیں پشُو دا ٹھپہ نئیں لوایا سارے جیوں اُٹھن گے ، وَا وِچ چُک لَئے جان گے تے، وَا وِچ خُداوند دا استقبال کرن گے ۔
ایس لئی ، اسیں سوچ سکدے آں پئی مُخالفِ مسیح دا نکلنا ، پاک لوکاں دی شہادت تے جیوں اُٹھنا تے اوہناں دا چُکیا جانا سارا نیڑے نیڑے اک دوجے نال اکٹھے رَلے ہوئے نیں۔ پولُس تے یوحنا نے اِنج ساڈے اُتے ایہو جیہی تفصیل نال پاک لوکاں دے چُکے جان دے زمانے دی وضاحت کیتی ۔ سارے پاک لوک وڈے دکھاں دے پہلے ساڈھے تِن ورہیاں وچوں لنگھن گے ۔ دوجے اکھراں وچ ، جد تیکر ست تُرہیاں دیاں آفتاں مک نئیں جاندیاں ، اوہ سارے ادوں تیکر ایس زمین اُتے موجود ہون گے ۔
تے مُخالفِ مسیح دے نکلن نال ، پاک لوک وڈے دکھاں دے دوجےساڈھے تِن ورہیاں وچ داخل ہوجان گے ،تے اوہ ایس زمین اُتے موجود رہن گے جد تیکر اوہ پشُو دا ٹھپہ لوان دے انکار دے سببوں شہید نئیں ہو جاندے ۔ ایہہ سوچدیاں ہویاں ، سانوں ساریاں نوں لازمی ہُن خُدا دی کلیسیا وچ ، بالکل ایسے موجودہ زمانے وچ ایمان دی خوراک پانی چاہی دا اے ۔
Copyright © 2021 by The New Life Mission