Do COVID-19 và việc gián đoạn dịch vụ thư quốc tế,
chúng tôi đã tạm thời đình chỉ "Dịch vụ sách in miễn phí" của chúng tôi.
chúng tôi đã tạm thời đình chỉ "Dịch vụ sách in miễn phí" của chúng tôi.
Trong trường hợp này, chúng tôi không thể gửi sách cho bạn vào lúc này.
Xin cầu nguyện cho đại dịch này sớm kết thúc và dịch vụ bưu chính nối lại.
Xin cầu nguyện cho đại dịch này sớm kết thúc và dịch vụ bưu chính nối lại.
ဘာသာရပ် ၃ - ရေနှင့်ဝိညာဉ်တော်သတင်းကောင်း
[3-3] ရေ၊ အသွေးနှင့် ဝိညာဉ် တော်အားဖြင့်ကြွလာသော သခင်ယေရှုခရစ်တော် (၁ ယော ၅း၁-၁၂)
(ရှင်ယောဟန်ဩဝါဒစာပထမစောင် 5:1-12)
“ယေရှုသည် ခရစ်တော်ဖြစ်သည်ဟု ယုံကြည်သောသူတိုင်းသည် ဘုရားသခင်ထံမှပေါက်ဖွားလာသောသူဖြစ်၏။ ပေါက်ဖွားစေတော်မူသောအရှင်ကို ချစ်သောသူတိုင်းသည် ထိုအရှင်ထံမှပေါက်ဖွားလာသောသူကိုလည်းချစ်၏။ ငါတို့သည် ဘုရားသခင်ကိုချစ်၍ ဘုရားသခင်၏ပညတ်တော်တို့ကိုလိုက်နာကျင့်သုံးကြလျှင် ထိုအမှုအရာအားဖြင့် ငါတို့သည် ဘုရားသခင်၏သားသမီးများကိုချစ်ကြောင်း ငါတို့သိကြ၏။ ဘုရားသခင်ကိုချစ်ခြင်းဆိုသည်မှာ ဘုရားသခင်၏ပညတ်တော်တို့ကို စောင့်ထိန်းခြင်းပင်ဖြစ်၏။ ဘုရားသခင်၏ပညတ်တော်တို့သည်လည်း စောင့်ထိန်းရန်ခဲယဉ်းသည်မဟုတ်။ အကြောင်းမူကား ဘုရားသခင်ထံမှပေါက်ဖွားလာသောသူတိုင်းသည် လောကကိုအောင်နိုင်၏။ လောကကိုအောင်နိုင်သော အောင်ပွဲမှာ ငါတို့၏ယုံကြည်ခြင်းပင်ဖြစ်၏။ မည်သူသည် လောကကိုအောင်နိုင်သနည်း။ ယေရှုသည် ဘုရားသခင်၏သားတော်ဖြစ်သည်ဟု ယုံကြည်သောသူပင်မဟုတ်လော။ယေရှုခရစ်တော်သည် ရေနှင့်သွေးအားဖြင့် ကြွလာတော်မူသောအရှင်ဖြစ်၏။ ရေအားဖြင့်သာမဟုတ်ဘဲ ရေနှင့်သွေးအားဖြင့်ကြွလာတော်မူ၏။ ဝိညာဉ်တော်သည် သက်သေခံသောအရှင်ဖြစ်၏။ အကြောင်းမှာ ဝိညာဉ်တော်သည် သမ္မာတရားဖြစ်တော်မူ၏။ ဝိညာဉ်တော်၊ ရေ၊ သွေးတည်းဟူသော သက်သေသုံးပါးရှိ၍ ထိုသုံးပါးတို့သည် တညီတညွတ်တည်းဖြစ်ကြ၏။ ငါတို့သည် လူ၏သက်သေခံချက်ကို လက်ခံကြသည်ဆိုလျှင် ဘုရားသခင်၏သက်သေခံတော်မူချက်သည် ပို၍ကြီးမြတ်၏။ အဘယ်ကြောင့်ဆိုသော် ဘုရားသခင်၏သက်သေခံတော်မူချက်သည် မိမိ၏သားတော်နှင့်ပတ်သက်၍ပေးထားသောသက်သေခံတော်မူချက်ဖြစ်၏။ ဘုရားသခင်၏သားတော်ကိုယုံကြည်သောသူသည် ဤသက်သေခံချက်ကို မိမိအထဲ၌ရရှိထား၏။ ဘုရားသခင်ကိုမယုံကြည်သောသူမူကား ဘုရားသခင်ကို လိမ်လည်သောသူဟုဆိုရာရောက်၏။ အဘယ်ကြောင့်ဆိုသော် ဘုရားသခင်က မိမိ၏သားတော်နှင့်ပတ်သက်၍ သက်သေခံတော်မူသောသက်သေခံချက်ကို ထိုသူသည် မယုံကြည်သောကြောင့်ဖြစ်၏။ ထိုသက်သေခံချက်မှာ ဘုရားသခင်သည် ငါတို့အား ထာဝရအသက်ကိုပေးတော်မူပြီး ထိုအသက်သည် ဘုရားသခင်၏သားတော်၌ရှိ၏ဟူ၍ ဖြစ်၏။ သားတော်ကိုရရှိသောသူသည် အသက်ကိုရ၏။ ဘုရားသခင်၏သားတော်ကိုမရရှိသောသူမူကား အသက်ကိုမရ။”
| ယေရှုသည် မည်သည့်အရာအားဖြင့် ကြွလာတော်မူသနည်း |
| ရေ၊ အသွေးနှင့် သန့်ရှင်းသောဝိညာဉ်တော် |
သခင်ယေရှုသည် ရေအားဖြင့် ကြွလာတော်မူခဲ့သလော။ ဟုတ်တယ် အဲဒါမှန်တယ်။ ကိုယ်တော်သည် မိမိ၏ဗတ္တိဇံဖြင့် ကြွလာခဲ့သည်။ ရေမှာ ယောဒန်မြစ်၌ ဗတ္တိဇံဆရာယောဟန်အားဖြင့် သခင်ယေရှု၏ ဗတ္တိဇံကို ပုံဆောင်ထားသည်။ ၎င်းမှာ ကိုယ်တော်သည် လောကအပြစ်များအားလုံးကို ယူဆောင်သွားတော်မူခဲ့သော ရွေးနှုတ်ခြင်းဗတ္တိဇံ ဖြစ်သည်။
သခင်ယေရှုသည် အသွေးအားဖြင့် ကြွလာတော်မူခဲ့သလော။ ဟုတ်တယ် အဲဒါမှန်တယ်။ လောကီသားအပေါင်းတို့၏အပြစ်အားလုံးကို ထမ်းဆောင်သွားရန် လူ့ဇာတိခံယူ၍ ကြွလာတော်မူပြီး ဗတ္တိဇံခံယူတော်မူခဲ့ကာ၊ လက်ဝါးကပ်တိုင်ပေါ်တွင် အသွေးတော်သွန်းခြင်းအားဖြင့် အပြစ်၏အခကို ပေးဆပ်တော်မူခဲ့ပါသည်။ သခင်ယေရှုသည် အ သွေးအားဖြင့် ကြွလာတော်မူခဲ့သည်။
သခင်ယေရှုသည် သန့်ရှင်းသောဝိညာဉ်တော်အားဖြင့် ကြွလာတော်မူခဲ့သလော။ ဟုတ်တယ် အဲဒါမှန်တယ်။ သခင်ယေရှုသည် ဘုရားသခင်ဖြစ်သည်၊ သို့သော် သူသည် အပြစ်သားများ၏ ကယ်တင်ရှင်ဖြစ်လာရန် လူ့ဇာတိ၌ ကြွလာခဲ့သည့် သန့်ရှင်းသောဝိညာဉ်တော်တစ်ပါးဖြစ်သည်။
လူအများစုသည် ယေရှုသည် ရေ အသွေးနှင့် သန့်ရှင်းသောဝိညာဉ်တော်အားဖြင့် ကြွလာခဲ့သည်ကို မယုံကြည်ကြပါ။ ယေရှုသည် အမှန်တကယ် ဘုရင်တကာတို့၏ဘုရင် ဘုရားတကာတို့၏ဘုရား ဖြစ်သည်ဟု ယုံကြည်သူမှာ လူအနည်းငယ်သာ ရှိပါသည်။ လူအများစုသည် ‘ယေရှုသည် အမှန်တကယ် ဘုရားသခင်၏သားတော်လော သို့မဟုတ် လူသားလော’ ဟု သံသယဖြစ်နေကြဆဲဖြစ်သည်။ ထို့အပြင် ဘာသာရေးပညာရှင်များနှင့် သင်းအုပ်ဆရာများအပါအဝင် လူအများစုသည် ယေရှုအား ဘုရားသခင်၊ ကယ်တင်ရှင်နှင့် အကြွင်းမဲ့ဖြစ်သောသူအဖြစ် မယုံကြည်ဘဲ လူသားတစ်ဦးအဖြစ်သာ ယုံကြည်ကြသည်။
သို့သော် ဘုရားသခင်က မည်သူမဆို ယေရှုသည် ဘုရင်တကာတို့၏ဘုရင်၊ စစ်မှန်သောဘုရားသခင်နှင့် စစ်မှန်သောကယ်တင်ရှင်ဖြစ်သည်ဟု ယုံကြည်သူသည် ထိုသူထံမှ မွေးဖွားလာသည်ဟု မိန့်တော်မူခဲ့သည်။ ဘုရားသခင်ကို ချစ်သောသူသည် ယေရှုကိုလည်း ချစ်၍၊ ဘုရားသခင်ကို စိတ်နှလုံးအကြွင်းမဲ့ ယုံကြည်သောသူသည်လည်း ယေရှုကို ချစ်သည်။
လူသားများသည် ကမ္ဘာကြီးကို မကျော်လွှားနိုင်ပါ။ တမန်တော်ယောဟန်က စစ်မှန်သောခရစ်ယာန်များသာလျှင် လောကကို အောင်နိုင်ကြောင်း ကျွန်ုပ်တို့အား ပြောပြခဲ့သည်။ သန့်ရှင်းသူတို့သည် လောကကို အောင်နိုင်ရခြင်း၏ အကြောင်းရင်းမှာ သူတို့သည် ယေရှု၏ရေနှင့် အသွေးနှင့် သန့်ရှင်းသောဝိညာဉ်တော်ကို ယုံကြည်သောယုံကြည်ခြင်း ရှိသောကြောင့် ဖြစ်သည်။ ကမ္ဘာကြီးကို ကျော်လွှားနိုင်တဲ့ စွမ်းအားဟာ လူသားတွေရဲ့ စိတ်ဆန္ဒ၊ ကြိုးပမ်းအားထုတ်မှု သို့မဟုတ် စိတ်အားထက်သန်မှုမှ ပေါ်ထွက်လာခြင်း မဖြစ်နိုင်ပါ။
“ငါသည် လူ့ဘာသာစကားနှင့် ကောင်းကင်တမန်၏ဘာသာစကားတို့ကို ပြောနိုင်သော်လည်း မေတ္တာမရှိလျှင် မြည်ဟည်းသောကြေးမောင်း၊ သို့မဟုတ် စူးရှစွာမြည်သော လင်းကွင်းကဲ့သို့ဖြစ်၏။ ငါသည် ပရောဖက်ပြုဟောပြောနိုင်သောအခွင့်ကိုရရှိ၍ လျှို့ဝှက်နက်နဲသောအရာရှိသမျှနှင့် အသိပညာအလုံးစုံတို့ကို နားလည်သိရှိကာ တောင်များကိုရွှေ့နိုင်သည့် ယုံကြည်ခြင်းအပြည့်အဝရှိသော်လည်း မေတ္တာမရှိလျှင် အချည်းနှီးဖြစ်၏။ ငါသည် မိမိဥစ္စာပစ္စည်းရှိသမျှတို့ကို စွန့်ကြဲသည်သာမက ငါ၏ကိုယ်ခန္ဓာကိုမီးရှို့စေရန် အပ်နှံသော်လည်း မေတ္တာမရှိလျှင် ငါ၌မည်သည့်အကျိုးမျှမရှိ” (ကောရိန္သုဩဝါဒစာပထမစောင် 13:1-3)။ ဤနေရာတွင် ရည်ညွှန်းထားသော ‘အချစ်’ ဆိုသည်မှာ ရေနှင့် အသွေးနှင့် သန့်ရှင်းသောဝိညာဉ်တော်အားဖြင့် ကြွလာတော်မူသော ယေရှုကို ဆိုလိုခြင်းဖြစ်သည်။
ရေနှင့်အသွေးတော်ယုံကြည်သူများသာလျှင် လောကကို အောင်မြင်နိုင်ကြသည်
| မည်သူသည် လောကကို အောင်နိုင်နိုင်သနည်း |
| ယေရှု၏ဗတ္တိဇံ၊ ကိုယ်တော်၏အသွေးတော်နှင့် သန့်ရှင်းသောဝိညာဉ်တော်၏ ရွေးနှုတ်ခြင်းကို ယုံကြည်သောသူ ဖြစ်သည် |
ရှင်ယောဟန်ဩဝါဒစာပထမစောင် 5:5-6 တွင်၊ “မည်သူသည် လောကကိုအောင်နိုင်သနည်း။ ယေရှုသည် ဘုရားသခင်၏သားတော်ဖြစ်သည်ဟု ယုံကြည်သောသူပင်မဟုတ်လော။ ယေရှုခရစ်တော်သည် ရေနှင့်သွေးအားဖြင့် ကြွလာတော်မူသောအရှင်ဖြစ်၏။”
ခရစ်ယာန်ညီအစ်ကိုများခင်ဗျား၊ စာတန်နှင့်လောကကို အောင်သူ မှာ သခင်ယေရှုခရစ်တော် ဖြစ်တော်မူသည်။ ယေရှု၏ရေ၊ အသွေးနှင့် သန့်ရှင်းသောဝိညာဉ်တော်၏နှုတ်ကပတ်တော်ကို ယုံကြည်သောသူသည်လည်း လောကကို အောင်နိုင်လိမ့်မည်။ ယေရှုသည် လောကကို မည်သို့ အောင်နိုင်ခဲ့သနည်း။ ရေ၊ အသွေးနှင့် သန့်ရှင်းသောဝိညာဉ်တော်၏ ရွေးနှုတ်ခြင်းအားဖြင့်ဖြစ်သည်။
ကျမ်းစာထဲတွင် ‘ရေ’ ဆိုသည်မှာ ‘ယေရှု၏ဗတ္တိဇံ’ ကို ရည်ညွှန်းသည် (ရှင်ပေတရုဩဝါဒစာပထမစောင် 3:21)။ ယေရှုသည် လူ့ဇာတိအားဖြင့် ဤလောကသို့ကြွလာခဲ့သည်။ ကိုယ်တော်သည် လောကီသားအပြစ်သားများကို ကယ်တင်ရန် ကြွလာခဲ့သည်။ ကိုယ်တော်သည် လောကသားများ၏အပြစ်များကို ကယ်တင်ရန် ကြွလာတော်မူခဲ့သည်။ လောကသားအပေါင်း၏အပြစ်များကို ဖယ်ရှားရန် ဗတ္တိဇံခံယူတော်မူခဲ့ပြီး ထိုအပြစ်များအတွက် အပြစ်ဖြေရန် လက်ဝါးကပ်တိုင်ပေါ်တွင် အသေခံတော်မူခဲ့သည်။
ကားတိုင်ပေါ်တွင် သွန်းကျသော အသွေးတော်မှာ ကိုယ်တော်သည် လူသားတစ်ဉီး၏အသွေးအသားဖြင့် ဤလောကသို့ ကြွလာတော်မူခဲ့သည် ဟူသောအချက်ကို ရည်ညွှန်းသည်။ သူသည် လူ့အသားဖြင့် ကြွလာပြီး အပြစ်သားများကို ကယ်တင်ရန် ရေနှင့် နှစ်ခြင်းခံခဲ့သည်။ ထိုကြောင့် သခင်ယေရှုသည် ရေနှင့်အသွေးနှစ်ပါးအားဖြင့် ကျွန်ုပ်တို့ထံ ကြွလာတော်မူခဲ့သည်။ တနည်းအားဖြင့် ကိုယ်တော်သည် မိမိ၏ဗတ္တိဇံရေနှင့် မိမိ၏သေခြင်းအသွေးတော်ဖြင့် လောကီသားအပေါင်းတို့၏ အပြစ်အားလုံးကို ယူဆောင်သွားခဲ့သည်။
စာတန်သည် လောကကို မည်သို့ အုပ်စိုးခဲ့သနည်း။ စာတန် သည် လူသားများအား ဘုရားသခင်၏နှုတ်ကပတ်တော်ကို သံသယ ဝင်စေ၍ သူတို့၏နှလုံး သား၌ နာမခံခြင်းမျိုးစေ့ကို စိုက်ခဲ့သည်။ တနည်းအားဖြင့်၊ စာတန်သည် လူသားများအား ဘုရားသခင်၏နှုတ်ကပတ်တော်ကို မနာခံစေရန် လှည့်ဖြားခြင်းအားဖြင့် သူ၏အစေခံများအဖြစ် ပြောင်းလဲစေခဲ့သည်။
သို့သော် သခင်ယေရှုသည် ဤလောကသို့ ကြွဆင်းတော်မူခဲ့၍ ကိုယ်တော်၏ ဗတ္တိဇံ၏ရေနှင့် ကားတိုင်ပေါ်တွင် အသွေးတော်အားဖြင့် သူတို့အပြစ်များအားလုံးကို ဖယ်ရှားပေးတော်မူခဲ့ကာ ကိုယ်တော်သည် စာတန်ကိုအောင်၍ လောကအပြစ်များအားလုံးကို ဖယ်ရှားပေးတော်မူခဲ့သည်။
ဤသို့ဖြစ်ပျက်ရခြင်းမှာ ယေရှုခရစ်တော်သည် အပြစ်သားများ၏ကယ်တင်ရှင် ဖြစ်သောကြောင့်ဖြစ်သည်။ ကိုယ်တော်သည် ရေနှင့်အသွေးအားဖြင့် ကြွလာတော်မူသောကြောင့် ကျွန်ုပ်တို့၏ကယ်တင်ရှင် ဖြစ်လာခဲ့သည်။
သခင်ယေရှုသည် ရွေးနှုတ်ခြင်းဗတ္တိဇံအားဖြင့် လော ကအပြစ်များအားလုံးကို ယူဆောင်တော်မူခဲ့သည်
| ယေရှု လောကကို အောင်နိုင်သည်ဆိုသည်မှာ အဘယ်သို့ အဓိပ္ပါယ်ရသနည်း။ |
| ၎င်းသည် ကိုယ်တော်သည် လောကီသားအပေါင်းတို့၏ အပြစ်အားလုံးကို ယူဆောင်သွားခဲ့သည်ဟု အဓိပ္ပါယ်ရသည်။ |
ယေရှုသည် လောကီသားအပေါင်းတို့၏ အပြစ်အားလုံးကို ယူဆောင်သွားရန် ဗတ္တိဇံခံယူခဲ့ပြီး ထိုအပြစ်များကို ဖြေရှင်းရန် အသေခံတော်မူခဲ့သောကြောင့် ကိုယ်တော်သည် ကျွန်ုပ်တို့အား အပြစ်အားလုံးမှ ကယ်နှုတ်နိုင်ခဲ့သည်။ ယေရှုသည် လူသားအားလုံး၏ကိုယ်စားလှယ်ဖြစ်သော ဗတ္တိဇံဆရာယောဟန်ထံမှ ယော်ဒန်မြစ်တွင် ဗတ္တိဇံခံယူခဲ့သောကြောင့် လောကီသားအပေါင်းတို့၏ အပြစ်အားလုံးသည် ကိုယ်တော်ထံသို့ လွှဲပြောင်းခံခဲ့ရသည်။ ထို့နောက် ကိုယ်တော်သည် အပြစ်၏အခအတွက် လက်ဝါးကပ်တိုင်ပေါ်တွင် မိမိ၏အသက်ကို စွန့်လွှတ်ခဲ့သည်။ ကိုယ်တော်သည် အသေခံ၍ သေခြင်းမှ ရှင်ပြန်ထမြောက်ခဲ့သောကြောင့် စာတန်၏တန်ခိုးကို အောင်နိုင်ခဲ့သည်။ ကိုယ်တော်သည် မိမိ၏သေခြင်းဖြင့် အပြစ်၏အခကို ပေးဆပ်ခဲ့သည်။
ယေရှုသည်ဗတ္တိဇံ၏ရေနှင့်ကားတိုင်ပေါ်တွင် အသွေးတော် အားဖြင့် အပြစ်သားများထံ ကြွလာတော်မူခဲ့သည်
တမန်တော်ယောဟန်က ရွေးနှုတ်ခြင်းသည် ရေသက်သက်ဖြင့်သာ မဟုတ်ဘဲ ရေနှင့်အသွေးဖြင့် ဖြစ်သည်ဟု ဆိုခဲ့သည်။ ထို့ကြောင့် ယေရှုသည် အပြစ်အားလုံးကို လွှဲပြောင်းယူဆောင်၍ ကျွန်ုပ်တို့၏အပြစ်များကို ထာဝရဖယ်ရှားပေးရမည်ဖြစ်သောကြောင့်၊ အပြစ်သားအပေါင်းတို့သည် ကိုယ်တော်ကို ယုံကြည်ခြင်းနှင့် ကိုယ်တော်၏နှုတ်ကပတ်တော်များကို သစ္စာရှိစွာ လိုက်နာခြင်းအားဖြင့် အပြစ်မှ ကယ်တင်ခြင်းခံရကြလိမ့်မည်။
| ယေရှုသည် စာတန်၏အာဏာကို မည်သို့ အောင်နိုင်ခဲ့သနည်း။ |
| ဗတ္တိဇံ၊ အသွေးနှင့်သန့်ရှင်းသောဝိညာဉ်တော် အားဖြင့် အောင်မြင်နိုင်ခဲ့သည် |
ယေရှုသည် ဤလောကသို့ ကြွဆင်းလာသောအခါ လောကီသားအပေါင်းတို့၏ အပြစ်အားလုံးကို ယူဆောင်သွားခဲ့သည်။ ကိုယ်တော်သည် ယော်ဒန်မြစ်တွင် ဗတ္တိဇံခံယူခြင်းဖြင့် ကျွန်ုပ်တို့၏အပြစ်အားလုံးကို ယူဆောင်သွားခဲ့ပြီး လက်ဝါးကပ်တိုင်ပေါ်တွင် ထိုအပြစ်များ၏အခကို ပေးဆပ်ခဲ့သည်။ ကိုယ်တော်သည် မိမိ၏သေခြင်းဖြင့် ကျွန်ုပ်တို့၏အပြစ်များအတွက် ပေးဆပ်ခဲ့သည်။ ထို့ပြင် ‘အပြစ်၏အခသည် သေခြင်းဖြစ်၏’ (ရောမဩဝါဒစာ 6:23) ဟူသော ဘုရားသခင်၏ဖြောင့်မတ်သော ပညတ်တရား၏ ပရောဖက်ပြုချက်သည် ပြည့်စုံခဲ့သည်။
လောက ကိုအောင်ပြီးပြီဟုသခင်ယေရှုပြောသောအခါ အဘယ်အရာကို ဆိုလို သနည်း။ လောကကို အောင်နိုင်သော ယုံကြည်ခြင်းသည် ယေရှုက ကျွန်ုပ်တို့အတွက် ရေနှင့်အသွေးဖြင့် ယူဆောင်လာသော ရွေးနှုတ်ခြင်းဧဝံဂေလိတရားကို ယုံကြည်ခြင်း ဖြစ်သည်။ ကိုယ်တော်သည် လူသားအသွင်ဖြင့် ကြွလာတော်မူခဲ့၍ ရေ၏ဗတ္တိဇံနှင့် ကားတိုင် ပေါ် တွငအသေခံတော်မူခြင်းအားဖြင့်ကယ်တင်ခြင်းကိုသက် သေခံတော် မူခဲ့သည်။
သခင်ယေရှုသည် ဤလောကကို အောင်နိုင်ခဲ့သည်မှာ စာတန်ဖြစ်သည်။ ရှေးဦးအသင်းတော်မှ တပည့်တော်များသည် ရောမအင်ပါယာကို လက်နက်မချဘဲ သို့မဟုတ် ဤလောက၏ မည်သည့်သွေးဆောင်မှုကိုမျှ မလိုက်လျောဘဲ အသေခံရမည့်အရေးကို ရင်ဆိုင်ရသည့်တိုင်အောင် ခိုင်မာစွာရပ်တည်ခဲ့ကြသည်။
ဤအရာအားလုံးသည် ယေရှုသည် ရေဖြင့် ကြွလာခဲ့သည် (ထိုကိုယ်တော်သည် ကျွန်ုပ်တို့၏အပြစ်အားလုံးကို ယူဆောင်သွားရန် ဗတ္တိဇံခံယူခဲ့သည်)၊ ထို့အပြင် လက်ဝါးကပ်တိုင်ပေါ်မှ အဖိုးထိုက်သောအသွေးတော်ဖြင့် ကြွလာခဲ့သည် (ထိုကိုယ်တော်သည် အသေခံခြင်းဖြင့် ကျွန်ုပ်တို့၏အပြစ်အားလုံး၏အခကို ပေးဆပ်ခဲ့သည်) ဟူသော ယုံကြည်ခြင်း၏ ရလဒ်ဖြစ်သည်။
သခင်ယေရှုသည် သန့်ရှင်းသေဝိညာဉ်တော်အားဖြင့် (ကိုယ်တော်သည် လူ သားအသွေးအသားဖြင့် ကြွလာတော်မူခြင်း)ကြွဆင်းတော်မူခဲ့၍ ဗတ္တိဇံခံယူတော်မူခြင်းနှင့် ကားတိုင်ပေါ်တွင် အသွေးတော်သွန်း လောင်းတော်မူခြင်းအားဖြင့် အပြစ်သားများ၏အပြစ်များကို ယူ ဆောင်သွားတော်မူခဲ့သောကြောင့် ကျွန်ုပ်တို့အားလုံးသည် လောက ကို အောင်နိုင်စေရန် ရွေးနှုတ်ခြင်းခံရသောသူများ ဖြစ်ကြသည်။
ရေသည် ယေရှုခရစ်၏ ရှင်ပြန်ထမြောက်ခြင်းအားဖြင့် ယခုအခါ သင်တို့ကို ကယ်တင်သော ပုံပမာဖြစ်၏။ ၎င်းသည် ဗတ္တိဇံပင်တည်း (ရှင်ပေတရုဩဝါဒစာပထမစောင် 3:21)
| ကယ်တင်ခြင်း၏ပုံဆောင် ချက်မှာ အဘယ်နည်း |
| သခင်ယေရှု၏ဗတ္တိဇံ |
ရှင်ပေတရုဩဝါဒစာပထမစောင် 3:21 တွင် “ဤအရာသည် ယခု သင်တို့ကိုကယ်တင်သော ဗတ္တိဇံကိုပုံဆောင်၏။ ဗတ္တိဇံသည် ကိုယ်ကာယ၏အညစ်အကြေးကို ချွတ်ပယ်ခြင်းမဟုတ်ဘဲ ယေရှုခရစ်တော်၏ရှင်ပြန်ထမြောက်ခြင်းအားဖြင့် ကြည်လင်သောအသိစိတ်ကို ဘုရားသခင်ထံတောင်းလျှောက်ခြင်းဖြစ်၏။” တမန်တော်ပေတရုသည် ယေရှုသည် ကယ်တင်ရှင်ဖြစ်ကြောင်းနှင့် ကိုယ်တော်သည် ဗတ္တိဇံရေနှင့် အသွေးတော်အားဖြင့် ကြွလာခဲ့ကြောင်းကို သက်သေခံခဲ့သည်။
ထို့ကြောင့် ကျွန်ုပ်တို့သည် ရေနှင့်အသွေးဖြင့် ကြွလာတော်မူသော ယေရှုကို ယုံကြည်သင့်ပါသည်။ ထို့အပြင် ယေရှု၏ဗတ္တိဇံရေသည် ကျွန်ုပ်တို့ကို ကယ်တင်သော ပုံပမာဖြစ်ကြောင်း သိရှိသင့်ပါသည်။ ဗတ္တိဇံ၏ ‘ရေ၊’ ‘အသွေး’ နှင့် ‘သန့်ရှင်းသောဝိညာဉ်တေ’တို့သည် ရွေးနှုတ်ခြင်း၍ ‘မဖြစ်မရှိလိုအပ်သောအချက် များ’ ဖြစ်ကြသည်ဟု တမန်တော်ရှင်ပေတရုက ပြောခဲ့သည်။
တပည့်တော်များသည် သခင်ယေရှု၏ဗတ္တိဇံမပါဘဲ ကားတိုင် ပေါ်တွင် အသွေးတော်ကိုသာ ယုံကြည်သူတစ်စုံတစ်ဉီးမျှမရှိပေ။ အ သွေးတော်တစ်ပါး တည်းကိုသာ ယုံကြည်ခြင်းမှာ စစ်မှန်သောယုံ ကြည်ခြင်း၏တစ်ဝက် သာပိုင်ဆိုင်ခြင်း ဖြစ်သည်။ တစ်ဝက် သို့မဟုတ် မပြည့်စုံစွာ ထိန်းသိမ်းထားသော ယုံကြည်ခြင်းသည် အချိန်ကြာလာသည်နှင့်အမျှ ကွယ်ပျောက်သွားသည်။ သို့သော် ရေ၊ အသွေးနှင့်သန့်ရှင်းသောဝိညာဉ်တော်သတင်း ကောင်းကို ယုံကြည်သူများ၏ယုံ ကြည်မှုသည် အချိန်ကြာလာသည်နှင့်အမျှ သန်မာစွာ တိုးတက်လာ လိမ့်မည်။
သို့သော် ယခုအခါ ကမ္ဘာတွင် အသွေးတော်၏ဧဝံဂေလိတရား၏အသံသည် ပိုမိုကျယ်လောင်လာနေပါသည်။ ဘာ ကြောင့် ဤသို့ဖြစ်ရသနည်း။ လူတို့သည် သမ္မာတရားစကားဖြစ်သော ရေနှင့်သန့်ရှင်းသောဝိညာဉ်တော်၏ ကယ်တင်ခြင်းကို မသိကြသောကြောင့် ဒုတိယမွေးဖွားခြင်း မခံနိုင်ကြပါ။
တစ်ချိန်က အနောက်နိုင်ငံများရှိ အသင်းတော်များသည် အယူသီးမှုများ၏ သားကောင်ဖြစ်ခဲ့ရသည်။ ၎င်းတို့သည် တစ်ခဏတာ ကြီးပွားနေပုံရသော်လည်း စာတန်၏အစေခံများက ယုံကြည်ခြင်းကို အယူသီးမှုအဖြစ်သို့ ပြောင်းလဲစေရန် ကူညီခဲ့ကြသည်။
အယူသီးမှုဆိုသည်မှာ စာရွက် သို့မဟုတ် သစ်သားပေါ်တွင် ကားတိုင်ပုံဆွဲလျှင် နတ်ဆိုးထွက်ပြေးသွားမည်ဟု ယုံကြည်ခြင်း၊ ယေရှု၏အသွေးတော်ကို ယုံကြည်လျှင် စာတန် နှင်ထုတ်ခံရမည်ဟု ယုံကြည်ခြင်းဖြစ်သည်။ ဤကဲ့သို့သော အယူသီးဆန်သော ယုံကြည်ချက်များမှတစ်ဆင့် စာတန်သည် လူတို့အား ယေရှု၏အသွေးတော်ကိုသာ ယုံကြည်ရန်လိုသည်ဟု လှည့်ဖြားခဲ့သည်။ စာတန်သည် ယေရှုသည် အပြစ်သားများအတွက် အသွေးသွန်းခဲ့သည်ဟုဆို၍ အသွေးတော်ကို ကြောက်ရွံ့ဟန်ဆောင်သည်။
သို့သော် ပေတရုနှင့်တကွ တပည့်တော်အားလုံးသည် ယေရှု၏ဗတ္တိဇံနှင့် လက်ဝါးကပ်တိုင်ပေါ်မှ အသွေးတော်၏စစ်မှန်သော သတင်းကောင်းကို သက်သေခံခဲ့ကြပါသည်။ သို့သော် ယခုအခါ ခရစ်ယာန်များသည် မည်သည့်အရာကို သက်သေခံနေကြပါသနည်း။ သူတို့သည် ယေရှု၏အသွေးတော်ကိုသာ သက်သေခံကြသည်။
သို့သော် ကျွန်ုပ်တို့သည် သမ္မာကျမ်းစာတွင် ရေးသားထားသော စကားများကို ယုံကြည်သင့်ပြီး သန့်ရှင်းသောဝိညာဉ်တော်၏ ကယ်တင်ခြင်း၊ ယေရှု၏ဗတ္တိဇံနှင့် အသွေးတော်ကို ယုံကြည်သင့်သည်။ အကယ်၍ ကျွန်ုပ်တို့သည် ယေရှု၏ဗတ္တိဇံကို လျစ်လျူရှု၍ ယေရှုသည် ကျွန်ုပ်တို့အတွက် လက်ဝါးကပ်တိုင်ပေါ်တွင် အသေခံတော်မူခဲ့သည်ဟူသော အချက်ကိုသာ သက်သေခံပါက ကယ်တင်ခြင်းသည် ပြည့်စုံနိုင်မည်မဟုတ်ပါ။
ဘုရားသခင်၏ ကယ်တင်ခြင်းအတွက် ‘သက်သေခံခြင်း၏ နှုတ်ကပတ်တော်’
| ဘုရားသခင်သည် ကျွန်ုပ်တို့ကို ကယ်တင်တော်မူခဲ့ကြောင်း သက်သေမှာ အဘယ်နည်း |
| ရေ၊ အသွေး၊ နှင့် သန့်ရှင်းသောဝိညာဉ်တော် |
ရှင်ယောဟန်ဩဝါဒစာပထမစောင် 5:8 တွင် သခင်ဘုရားက “သက်သေသုံးပါးရှိ၍” ဟု မိန့်တော်မူသည်။ ပထမမှာ သန့်ရှင်းသောဝိညာဉ်တော်ဖြစ်ပြီး၊ ဒုတိယမှာ ယေရှု၏ဗတ္တိဇံ၏ရေဖြစ်ပြီး တတိယမှာ ကားတိုင်၏အသွေးဖြစ်သည်။ ဤအရာသုံးပါးသည် တစ်ခုတည်းဖြစ်သည်။ ယေရှုသည် ကျွန်ုပ်တို့အားလုံးကို ထိုအပြစ်များမှ ကယ်တင်ရန် ဤလောကသို့ ကြွလာခဲ့သည်။ ကိုယ်တော်တစ်ပါးတည်းသာလျှင် ဗတ္တိဇံ၊ အသွေးတော်နှင့် သန့်ရှင်းသောဝိညာဉ်တော်ဟူသော ဤသုံးပါးအားလုံးဖြင့် ဤအမှုကို ပြုတော်မူခဲ့သည်။
“သက်သေခံသုံးပါးရှိ၏။” ဘုရားသခင်သည် ကျွန်ုပ်တို့ကို ကယ်တင်တော်မူကြောင်း သက်သေပြသည့် အရာသုံးခုရှိသည်။ ဤအထောက်အထားသုံးမျိုးမှာ ယေရှု၏နှစ်ခြင်းခံခြင်း၏ ရေ အသွေးနှင့် သန့်ရှင်းသောဝိညာဉ်တော်ဖြစ်သည်။ ဤအရာသုံးခုသည် ယေရှုက ဤလောကတွင် ကျွန်ုပ်တို့အတွက် ပြုတော်မူခဲ့သော အရာများဖြစ်သည်။
ဤသုံးခုအနက် တစ်ခုခုကို ချန်လှပ်ထားပါက ကယ်တင်ခြင်းသည် ပြည့်စုံမည်မဟုတ်ပါ။ သက်သေခံသုံးပါးရှိ၏။ ၎င်းတို့မှာ သန့်ရှင်းသောဝိညာဉ်တော်၊ ရေနှင့် အသွေးတော်တို့ဖြစ်သည်။
လူ့ဇာတိအားဖြင့် ကြွလာတော်မူသော ယေရှုခရစ်သည် ဘုရားသခင်၊ သန့်ရှင်းသောဝိညာဉ်တော်နှင့် သားတော်ဖြစ်သည်။ ကိုယ်တော်သည် လူ့ဇာတိ၌ သန့်ရှင်းသောဝိညာဉ်တော်အဖြစ် ဤလောကသို့ ကြွဆင်းလာ၍ လောကီအပြစ်အားလုံးကို ယူဆောင်သွားရန် ရေ၌ ဗတ္တိဇံခံယူတော်မူခဲ့သည်။ ကိုယ်တော်သည် မိမိကိုယ်ပေါ်သို့ အပြစ်များအားလုံးကို ယူဆောင်သွားတော်မူခဲ့၍ ကားတိုင်ပေါ်ဝွင် အသေခံအသွေး တော် သွန်းလောင်းတော်မူခြင်းအားဖြင့် အပြစ်သားများကျွန်ုပ်ုတိ့ကို ကယ် တင်တော်မူခဲ့သည်။ ကိုယ်တော်သည် အပြစ်အားလုံးကို အပြည့်အဝ ပေးဆပ်တော်မူခဲ့သည်။ ဤသည်မှာ ရေ၊ အသွေးတော်နှင့် သန့်ရှင်းသောဝိညာဉ်တော်တို့ဖြင့် ပြည့်စုံသော ရွေးနှုတ်ခြင်း၏ ဧဝံဂေလိတရားဖြစ်သည်။
အကယ်၍ ဤအရာများမှ တစ်ခုကို ချန်ထားခဲ့လျှင် ကျွန်ုပ်တို့ အပြစ်များအားလုံးမှ ကယ်တင်တော်မူခဲ့သော ဘုရားသခင်၏ကယ် တင်ခြင်းကို ငြင်းဆိုခြင်း ဖြစ်သည်။ သို့သော် ယနေ့အခါ ယုံကြည်သူအများစုသည် အသွေးတော်နှင့် သန့်ရှင်းသောဝိညာဉ်တော်၏ ဧဝံဂေလိတရားကိုသာ သက်သေခံ၍ ယုံကြည်ကြသည်။
သို့သော် တမန်တော်ယောဟန်က သက်သေခံသောအရာ သုံးပါးရှိကြောင်း ဖော်ပြခဲ့သည်။ ယေရှု၏ဗတ္တိဇံရေ၊ လက်ဝါးကပ်တိုင်ပေါ်မှ အသွေးတော်နှင့် သန့်ရှင်းသောဝိညာဉ်တော်တို့ဖြစ်သည်။ တမန်တော်ယောဟန်သည် သူ၏သက်သေခံချက်ကို အလွန်ရှင်းလင်းတိကျစွာ ဖော်ပြခဲ့သည်။
အပြစ်သားများကို ကယ်တင်သော ယုံကြည်ခြင်းသည် သန့်ရှင်းသောဝိညာဉ်တော်၊ ရေနှင့် အသွေးတော်ကို ယုံကြည်သော ယုံကြည်ခြင်းဖြစ်သည်။ လူသားသည် လောကကို အောင်နိုင်နိုင်သော ယုံကြည်ခြင်းသည် အဘယ်မှာရှိသနည်း။ ထိုယုံကြည်ခြင်းသည် ဤနေရာတွင် ရှိပါသည်။ ရေ၊ အသွေးတော်နှင့် သန့်ရှင်းသောဝိညာဉ်တော်ဖြင့် ကြွလာတော်မူသော ယေရှုကို ယုံကြည်ခြင်းပင်ဖြစ်သည်။ ဤအရာကို ယုံကြည်၍ ကယ်တင်ခြင်းနှင့် ထာဝရအသက်ကို ရရှိရမည်ဖြစ်သည်။
| ယေရှု၏ဗတ္တိဇံမပါဘဲ ဘုရားသခင်၏ ကယ်တင်ခြင်းပြည့်စုံသလော |
| မပြည့်စုံပေ |
ကျွန်ုပ်ဒုတိယမွေးဖွားခြင်းမခံရမီ ကာလရှည်ကြာစွာက ကျွန်ုပ်သည်လည်း လက်ဝါးကပ်တိုင်ပေါ်မှ အသွေးတော်နှင့် သန့်ရှင်းသောဝိညာဉ်တော်ကိုသာ ယုံကြည်သော ခရစ်ယာန်တစ်ဦးဖြစ်ခဲ့သည်။ ကိုယ်တော်သည် သန့်ရှင်းသောဝိညာဉ်တော်အဖြစ် ကြွဆင်းလာ၍ ကျွန်ုပ်အတွက် လက်ဝါးကပ်တိုင်ပေါ်တွင် အသေခံကာ အပြစ်အားလုံးမှ ကယ်တင်တော်မူခဲ့သည်ဟု ကျွန်ုပ်ယုံကြည်ခဲ့သည်။ ကျွန်ုပ်သည် ဤနှစ်ခုကိုသာ ယုံကြည်ခဲ့ပြီး ၎င်းကို လူတိုင်းအား ဟောပြောလိုလောက်အောင် မာနထောင်လွှားခဲ့ပါသည်။
ယေရှုပြုတော်မူခဲ့သကဲ့သို့ လူတို့အတွက် အလုပ်လုပ်၍ အသက်စွန့်နိုင်ရန် သာသနာပြုတစ်ဦးဖြစ်လာရန် ဓမ္မပညာကို လေ့လာဆည်းပူးရန် ကျွန်ုပ်စီစဉ်ထားခဲ့သည်။ ကျွန်ုပ်သည် ကြီးကျယ်ခမ်းနားသော အရာမျိုးစုံကို စီစဉ်ထားခဲ့သည်။
သို့သော် ကျွန်တော်သည် ဤအရာနှစ်ပါးကိုသာ ယုံကြည်နေသ ရွေ့ ကျွန်တော့်နှလုံးသား၌ အပြစ် အမြဲတမ်းကျန်ရစ်ခဲ့သည်။ ထို့ကြောင့် ကျွန်ုပ်သည် လောကကို မကျော်လွှားနိုင်ခဲ့ပါ။ ကျွန်တော် သည် အပြစ်မှ ဖြေလွှတ်ခြင်းမခံရနိုင်ခဲ့ပေ။ အသွေးတော်နှင့် သန့်ရှင်းသောဝိညာဉ်တော်ကိုသာ ယုံကြည်နေစဉ် ကျွန်ုပ်၏စိတ်နှလုံးထဲတွင် အပြစ်သည် ရှိနေဆဲဖြစ်သည်။
ယေရှုကို ယုံကြည်သော်လည်း ကျွန်ုပ်၏စိတ်နှလုံးထဲတွင် အပြစ်ရှိနေသေးသည့် အကြောင်းရင်းမှာ ယေရှု၏ဗတ္တိဇံတည်းဟူသော ရေအကြောင်းကို ကျွန်ုပ်မသိသေးသောကြောင့်ဖြစ်သည်။ ဗတ္တိဇံရေ အဖိုးထိုက်သောအသွေးတော်နှင့် သန့်ရှင်းသောဝိညာဉ်တော်ကို ယုံကြည်ခြင်းဖြင့် ရွေးနှုတ်ခြင်းခံရသည်အထိ ကျွန်ုပ်၏ကယ်တင်ခြင်းသည် ပြီးပြည့်စုံခြင်း မရှိခဲ့ပါ။
ကျွန်ုပ်သည် ဇာတိပကတိအပြစ်ကို မအောင်နိုင်ခဲ့သည့် အကြောင်းရင်းမှာ ယေရှု၏ဗတ္တိဇံ၏ အဓိပ္ပာယ်ကို မသိခဲ့သောကြောင့်ဖြစ်သည်။ ယခုချိန်၌ပင် လူများစွာတို့သည် သခင်ယေရှုကို ယုံကြည် ကြသော်လည်း ဇာတိပကတိ၏အပြစ်များကို ကျူးလွန်ကြသည်။ သူတို့သည်မိမိနှလုံးသားများ၌အပြစ်ရှိကြ၍သခင်ယေရှုအပေါ် သူတို့ ရှေ့ဉီးစွာရှိခဲ့သောအချစ်ကို နိုးထရန် အရာအားလုံးကို ကြိုးစားနေ ကြသည်။
သူတို့သည် ယေရှု၏ရေဖြင့် အပြစ်ကို လုံးဝဆေးကြောခြင်း မခံခဲ့ဖူးသောကြောင့် ပထမဦးဆုံးသော စိတ်အားထက်သန်မှုကို ပြန်လည်မရရှိနိုင်ပါ။ သူတို့သည် ယေရှုဗတ္တိဇံခံယူချိန်တွင် မိမိတို့၏အပြစ်အားလုံးသည် ယေရှုထံသို့ ကူးပြောင်းသွားခဲ့ကြောင်းကို မသိနားမလည်ကြသောကြောင့် ဖောက်ပြန်ပျက်စီးပြီးနောက် ယုံကြည်ခြင်းကို ပြန်လည်ရရှိနိုင်ခြင်း မရှိပါ။
သင်တို့အားလုံးကို ဤအချက်ကို ရှင်းလင်းစွာ ပြောပြလိုပါသည်။ ကျွန်ုပ်တို့သည် ယေရှုကို ယုံကြည်သောအခါ ယုံကြည်ခြင်းဖြင့် အသက်ရှင်၍ လောကကို အောင်နိုင်နိုင်ပါသည်။ ကျွန်ုပ်တို့သည် မည်မျှပင် မပြည့်စုံသည်ဖြစ်စေ၊ ဤလောကတွင် မည်မျှပင် အပြစ်ကျူးလွန်သည်ဖြစ်စေ၊ ကျွန်ုပ်တို့အား မိမိ၏ဗတ္တိဇံဖြင့် အပြစ်မှ လုံးဝကင်းစင်စေတော်မူသော ကယ်တင်ရှင်အဖြစ် ယေရှုကို ယုံကြည်နေသရွေ့ ကျွန်ုပ်တို့သည် အောင်မြင်စွာ ရပ်တည်နိုင်ပါသည်။
သို့သော် ကျွန်ုပ်တို့သည် ဗတ္တိဇံရေမပါဘဲ ယေရှုကို ယုံကြည်ပါက လုံးဝလွတ်မြောက်နိုင်မည် မဟုတ်ပါ။ တမန်တော်ယောဟန်က လောကကိုအောင်နိုင်သော ယုံကြည်ခြင်းသည် ဗတ္တိဇံ၏ရေ၊ အသွေးတော်နှင့် သန့်ရှင်းသောဝိညာဉ်တော်အားဖြင့် ကြွလာတော်မူသော ယေရှုခရစ်တော်ကို ယုံကြည်ခြင်းဖြစ်သည်ဟု ဆိုခဲ့သည်။
ဘုရားသခင်သည် ဗတ္တိဇံနှင့် အသွေးတော်ကို ယုံကြည်သူများကို ရွေးနှုတ်ရန် မိမိ၏တစ်ပါးတည်းသောသားတော်ကို ကျွန်ုပ်တို့ထံ စေလွှတ်တော်မူခဲ့သည်။ ယေရှုသည် မိမိ၏ဗတ္တိဇံဖြင့် ကျွန်ုပ်တို့၏အပြစ်အားလုံးကို ယူဆောင်သွားခဲ့သည်။ ဘုရားသခင်၏တစ်ပါးတည်းသောသားတော်ယေရှုသည် သန့်ရှင်းသောဝိညာဉ်တော်အားဖြင့် (လူ့ဇာတိ၌) ကျွန်ုပ်တို့ထံသို့ ကြွလာခဲ့သည်။ ထို့နောက် အပြစ်၏အခကို ပေးဆပ်ရန် လက်ဝါးကပ်တိုင်ပေါ်တွင် အသွေးသွန်းတော်မူခဲ့သည်။ ထိုကြောင့် သခင်ယေရှုသည် လူသားအားလုံးကို အပြစ်မှ ရွေး နှုတ်တော်မူခဲ့သည်။
လောကကို အောင်နိုင်စေသော ယုံကြည်ခြင်းသည် ယေရှုသည် ရေ၊ အသွေးတော်နှင့် သန့်ရှင်းသောဝိညာဉ်တော်ဖြင့် ကျွန်ုပ်တို့ထံသို့ ကြွလာ၍ အပြစ်အားလုံးမှ လုံးဝလွတ်မြောက်စေတော်မူခဲ့သည်ဟူသော သမ္မာတရားကို ယုံကြည်ခြင်းမှ ပေါ်ထွက်လာပါသည်။
ဗတ္တိဇံရေနှင့် လက်ဝါးကပ်တိုင်ပေါ်မှ အသွေးတော်မရှိခဲ့လျှင် စစ်မှန်သောကယ်တင်ခြင်း ရှိနိုင်မည်မဟုတ်ပါ။ ထိုနှစ်ခုအနက် တစ်ခုခုမရှိလျှင် ကျွန်ုပ်တို့သည် စစ်မှန်သောကယ်တင်ခြင်းကို ရရှိနိုင်မည်မဟုတ်ပါ။ ရေ၊ အသွေးနှင့် သန့်ရှင်းသော ဝိညာဉ်တော်မပါဘဲ စစ်မှန်သောကယ်တင်ခြင်းကို မရရှိနိုင်ပါ။ ထို့ကြောင့်၊ ကျွန်ုပ်တို့သည် ရေ၊ အသွေးနှင့် သန့်ရှင်းသောဝိညာဉ်တော်ကို ယုံကြည်ရမည်။ ဤအရာကို သိနားလည်ပါက သင်သည် စစ်မှန်သောယုံကြည်ခြင်းကို ရရှိပါလိမ့်မည်။
ရေ၊ အသွေး၊ သန့်ရှင်းသောဝိညာဉ်တော်၏သက်သေမပါဘဲ စစ်မှန်သော ကယ်တင်ခြင်းမရှိပေဟု ကျွန်တော်ပြောကြားသည်
| ကယ်တင်ခြင်းသက်သေခံသောမရှိမဖြစ်လို အပ်သောအရာသုံးမှာ အဘယ်နည်း |
| ရေ၊ အသွေးတော်နှင့် သန့်ရှင်းသောဝိညာဉ်တော် |
အထက်၌ကဲ့သို့သောမေးခွန်းမျိုးကို လူတစ်ဉီးသည် တွေးတော် နိုင်သည်။ “သခင်ယေရှုသည် ကျွန်ုပ်ကယ်တင်ရှင်ဖြစ်တော်မူတယ်။ ကျွန်ုပ်သည် ကားတိုင်ပေါ်တွင် အသွေးတော်ကို ယုံကြည်၍ မာတုရတစ်ဉီးအဖြစ် အသေခံလိုတယ်။ ကျွန်တော်သည် မိမိ နှလုံး သား၌အပြစ်ရှိသော်လည်းသခင်ယေရှုကို ယုံကြည်တယ်။ ကျွန်တော် သည် နှစ်ထောင်းအားရစွာ နောင်တရခဲ့၍ ကောင်းမှုကုသိုလ်ပြုရန် အလွန် ကြိုးစားခဲ့ကာနေ့တိုင်းနှစ်လိုဖွယ်သောအမူအရာဖြင့် အသက် ရှင်ရန် ကြိုးစားခဲ့သည်။ ငါ့အသက်နှင့် ဤလောက၌ ငါ၌ရှိသမျှကို မင်းအတွက် ငါပေးပြီ။ ကျွန်တော် အိမ် ထောင်မပြုသေးပါ။ ဘုရားသခင်သည် ကျွန်တော့်ကို မည့်သို့ သိ တော်မမူနိုင်သနည်း။ သခင်ယေရှုသည် ကျွန်တော့်အတွက် ကား တိုင်ပေါ်တွင် အသေခံတော်မူခဲ့တယ်။ ကျွန်ုပ်တို့၏သန့်ရှင်းသောဘုရားသခင်သည် လူသားအဖြစ် ကြွဆင်းလာ၍ ကျွန်ုပ်တို့အတွက် လက်ဝါးကပ်တိုင်ပေါ်တွင် အသေခံတော်မူခဲ့သည်။ ကိုယ်တော်ကို ကျွန်တော် ယုံကြည်တယ်။ ကိုယ်တော့်အတွက် အသက်ရှင်ခဲ့တယ်။ ကိုယ်တော့် အတွက် သစ္စာရှိစွာဖြင့် အလုပ်လုပ်ခဲ့တယ်။ ကျွန်တော်သည် မထိုက်တန်၍ နှလုံးသားများ၌ အပြစ်အချို့ရှိသေးသော်လည်း သခင် ယေရှုသည် ကျွန်တော့်ကို ထိုအရာအ တွက် အပ္ပါယ်ငရဲသို့ ပို့ဆောင် တော်မူလိမ့်မည်လော။ မဟုတ်ပါဘူး၊ ထိုသို့မပြုလုပ်ပါဘူး။”
ဤကဲ့သို့သော လူအများအပြား ရှိပါသည်။ သူတို့သည် လောကီအပြစ်အားလုံးကို ယူဆောင်သွားရန် ယေရှုဗတ္တိဇံခံယူခဲ့ကြောင်းကို မယုံကြည်သူများ ဖြစ်ကြသည်။ ဤသို့ ယေရှုကို ယုံကြည်သော်လည်း အပြစ်ရှိနေသေးသော သူများသည် မည်သည့်နေရာသို့ သွားကြမည်နည်း။ သူတို့သည် အပ္ပါယ်ငရဲသို့ သွားရကြသည်။ သူတို့သည် အပြစ်သားများသာ ဖြစ်ကြ သည်။
သူတို့ထင်ချင်သည့်အ တိုင်းထင်၍ ဘုရားသခင်သည်လည်း ထိုနည်းထင်တော်မူလိမ့်မည်ဟု ယူဆသူများသည် အပ္ပါယ်ငရဲသို့ သွားရကြလိမ့်မည်။ အချို့သောသူများက ယေရှုသည် လက်ဝါးကပ်တိုင်ပေါ်တွင် အသေခံခြင်းဖြင့် အပြစ်အားလုံးကို ဖယ်ရှားပစ်တော်မူခဲ့သောကြောင့် လောကတွင် အပြစ်မရှိတော့ဟု ပြောဆိုကြသည်။ သို့သော် ဤသည်မှာ အသွေးတော်နှင့် သန့်ရှင်းသောဝိညာဉ်တော်ကိုသာ ပြောဆိုခြင်းဖြစ်သည်။ ဤသည်မှာ လူသားများကို ပြည့်စုံသောကယ်တင်ခြင်းသို့ ပို့ဆောင်ပေးသော ယုံကြည်ခြင်း မဟုတ်ပါ။
ယေရှုသည် မိမိ၏ဗတ္တိဇံဖြင့် ကျွန်ုပ်တို့၏အပြစ်များကို ယူဆောင်သွားခဲ့ကြောင်း၊ ကိုယ်တော်သည် တရားစီရင်ခြင်းခံရပြီး ကျွန်ုပ်တို့အတွက် လက်ဝါးကပ်တိုင်ပေါ်တွင် အသေခံတော်မူခဲ့ကြောင်း၊ ထို့နောက် သုံးရက်မြောက်သောနေ့တွင် ရှင်ပြန်ထမြောက်တော်မူခဲ့ကြောင်း။
ထိုသို့သော ယုံကြည်ခြင်းမရှိဘဲ ပြည့်စုံသောရွေးနှုတ်ခြင်းသည် မဖြစ်နိုင်ပါ။ ယေရှုခရစ်သည် ဗတ္တိဇံခံယူခဲ့၊ လက်ဝါးကပ်တိုင်ပေါ်တွင် အသေခံတော်မူခဲ့၊ ထို့နောက် ရှင်ပြန်ထမြောက်တော်မူခဲ့သည်။ ယေရှုခရစ်သည် ရေ၊ အသွေးတော်နှင့် သန့်ရှင်းသောဝိညာဉ်တော်ဖြင့် ကျွန်ုပ်တို့ထံသို့ ကြွလာတော်မူခဲ့သည်။ ကိုယ်တော်သည် လောကီအပြစ်အားလုံးကို ယူဆောင်သွားတော်မူခဲ့သည်။
သက်သေခံခြင်း၏ အရေးကြီးသော အင်္ဂါသုံးရပ်မှာ သန့်ရှင်းသောဝိညာဉ်တော်၊ ရေနှင့် အသွေးဖြစ်သည်။
ပထမအချက်မှာ၊ သန့်ရှင်းသောဝိညာဉ်တော်သည် ယေရှုသည် ဘုရားသခင်ဖြစ်ကြောင်းနှင့် လူ့ဇာတိ၌ ကြွဆင်းလာခဲ့ကြောင်းကို သက်သေခံသည်။
ဒုတိယအနေဖြင့်၊ ‘ရေ’ ၏သက်သေခံချက် ဖြစ်သည်။ ရေသည် ယေရှုက ယော်ဒန်မြစ်တွင် ဗတ္တိဇံဆရာယောဟန်ထံမှ ဗတ္တိဇံခံယူခြင်းဖြစ်ပြီး၊ ဗတ္တိဇံအားဖြင့် ကျွန်ုပ်တို့၏အပြစ်များသည် ယေရှုထံသို့ ကူးပြောင်းသွားခြင်းဖြစ်သည်။ ယေရှုဗတ္တိဇံခံယူသောအခါ ကျွန်ုပ်တို့၏အပြစ်အားလုံးသည် ကိုယ်တော်ထံသို့ လွှဲပြောင်းခဲ့သည် (ရှင်မဿဲခရစ်ဝင် 3:15)။
တတိယသက်သေမှာ အသက်သစ်ကို ကိုယ်စားပြုသော ‘အသွေးတော်’ ဖြစ်ပြီး၊ ယေရှုသည် ကျွန်ုပ်တို့၏အပြစ်များအတွက် တရားစီရင်ခြင်းကို ကျွန်ုပ်တို့ကိုယ်စား ခံယူတော်မူခြင်းဖြစ်သည်။ ယေရှုသည် ကျွန်ုပ်တို့အတွက် အသေခံတော်မူခဲ့ပြီး၊ ခမည်းတော်၏တရားစီရင်ခြင်းကို လက်ခံတော်မူခဲ့ကာ သုံးရက်အကြာတွင် ရှင်ပြန်ထမြောက်တော်မူခဲ့သည်။
ခမည်းတော်ဘုရားသခင်သည် မိမိသားတော်၏ဗတ္တိဇံနှင့် အသွေးတော်ကို ယုံကြည်သူတို့၏စိတ်နှလုံးထဲသို့ သန့်ရှင်းသောဝိညာဉ်တော်ကို စေလွှတ်တော်မူ၍ ကျွန်ုပ်တို့၏ရွေးနှုတ်ခြင်းကို သက်သေခံစေတော်မူသည်။
ဒုတိယမွေးဖွားခြင်းခံရသူများသည် လောကကို အောင်နိုင်စေသော နှုတ်ကပတ်တော်ကို ပိုင်ဆိုင်ကြသည်။ ကယ်တင်ခြင်းခံရသူများသည် စာတန်နှင့် ပရောဖက်အတုအယောင်များ၏ လိမ်ညာမှုများနှင့် ၎င်းတို့ကို အဆက်မပြတ်တိုက်ခိုက်သော အတားအဆီးများနှင့် ဖိအားများကို ကျော်လွှားနိုင်မည်ဖြစ်သည်။ ကျွန်ုပ်တို့တွင် ဤအရည်အချင်းရှိရခြင်းအကြောင်းမှာ ကျွန်ုပ်တို့၏နှလုံးသားထဲတွင် သခင်ယေရှု၏ရေ၊ အသွေးတော်နှင့် သန့်ရှင်းသောဝိညာဉ်တော်သုံးပါးရှိသောကြောင့်ဖြစ်သည်။
| ကျွန်ုပ်တို့သည် လောကနှင့် စာတန်ကို မည်သို့ အောင်နိုင်သနည်း။ |
| သက်သေခံချက် သုံးခုကို ယုံကြည်ခြင်းအားဖြင့်ဖြစ်သည်။ |
ကျွန်ုပ်တို့သည် သန့်ရှင်းသောဝိညာဉ်တော်၊ ရေနှင့် အသွေးတော်ကို ယုံကြည်သောကြောင့် စာတန်နှင့် လောကကို အောင်နိုင်နိုင်ပါသည်။ ယေရှု၏ဗတ္တိဇံနှင့် အသွေးတော်ကို ယုံကြည်သူများသည် မိစ္ဆာပရောဖက်အမျိုးမျိုးကို အောင်နိုင်နိုင်ပါသည်။ ဤအောင်နိုင်နိုင်သော တန်ခိုးပါဝင်သည့် ကျွန်ုပ်တို့၏ယုံကြည်ခြင်းသည် ရေ၊ အသွေးတော်နှင့် သန့်ရှင်းသောဝိညာဉ်တော်တို့တွင် တည်ရှိပါသည်။ သင်သည် ဤအရာကို ယုံကြည်သလော။
သခင်ယေရှု၏ဗတ္တိဇံ၊ အသွေးတော်အားဖြင့် ရွေးနှုတ်ခြင်းနှင့် သခင်ယေရှုသည် ဘုရားသခင်၏သားတော်နှင့် ကယ်တင်ရှင်ဖြစ် တော်မူသည်ဟူသောယုံကြည်ခြင်းကို သင်မရှိလျှင် သင်သည် တဖန်ဖွားမြင်ခြင်းသို့မဟုတ်လောကကို အောင်မြင်မရှိနိုင်ပေ။ ဤအရာသည် သင့်စိတ်နှလုံးထဲတွင် ရှိပါသလား။
သင့်စိတ်နှလုံးထဲတွင် သန့်ရှင်းသောဝိညာဉ်တော်နှင့် ရေရှိပါသလား။ သင်၏အပြစ်အားလုံးသည် ယေရှုထံသို့ လွှဲပြောင်းခဲ့ကြောင်းကို ယုံကြည်ပါသလား။ သင့်စိတ်နှလုံးထဲတွင် လက်ဝါးကပ်တိုင်၏အသွေးတော် ရှိပါသလား။
ယေရှု၏ရေဖြစ်သော ဗတ္တိဇံကို စိတ်နှလုံးထဲတွင် ယုံကြည်၍၊ ယေရှုသည် သင့်အတွက် လက်ဝါးကပ်တိုင်ပေါ်တွင် အသေခံတော်မူခဲ့ပြီး တရားစီရင်ခြင်းကို ကိုယ်စားခံယူတော်မူခဲ့ကြောင်းကို ယုံကြည်လျှင် သင်သည် လောကကို အောင်နိုင်လိမ့်မည်။
တမန်တော်ရှင်ယောဟန်သည် မိမိနှလုံးသား၌ ဤမရှိမဖြစ်လို အပ်သော အချက်သုံးချက်အားလုံးကို ရှိခဲ့ကြသောကြောင့် သူသည် လောကကို အောင်ခဲ့သည်။ သူက အနှောင့်အယှက်များကို သည်းခံ၍ မိမိလုပ်ငန်းများ၌ ပါဝင်လှုပ်ရှားသူ ယုံကြည်ခြင်း၌ မိမိညီအစ်ကိုများ အားလုံးထံ ရွေးနှုတ်ခြင်းအကြောင်းကို ပြောကြားခဲ့သည်။ “ဤသည်မှာ သင်ကမ္ဘာကြီးကို ကျော်လွှားရန် နည်းလမ်းဖြစ်သည်။ သခင်ယေရှုသည် သန့်ရှင်းသောဝိညာဉ်တော်၊ ရေ၊ အသွေးနှင့် ကြွလာခဲ့သည်။ သခင်ဘုရားသည် လောကကို အောင်နိုင်တော်မူသကဲ့သို့ သန့်ရှင်းသောဝိညာဉ်တော်၊ ရေနှင့် အသွေးတော်ကို ယုံကြည်သောသူသည်လည်း လောကကို အောင်နိုင်လိမ့်မည်။ ဤသည်မှာ ယုံကြည်သူများ လောကကို အနိုင်ရနိုင်သည့် တစ်ခုတည်းသောနည်းလမ်းဖြစ်သည်။”
ရှင်ယောဟန်ဩဝါဒစာပထမစောင် 5:8 တွင် “သန့်ရှင်းသောဝိညာဉ်တော်၊ ရေ၊ သွေးတည်းဟူသော သက်သေသုံးပါးရှိ၍ ထိုသုံးပါးတို့သည် တညီတညွတ်တည်းဖြစ်ကြ၏။” လူအများသည် အသွေးတော်နှင့် သန့်ရှင်းသောဝိညာဉ်တော်အကြောင်းကိုသာ ပြောဆိုနေကြသေးသော်လည်း၊ ယေရှု၏ဗတ္တိဇံရေကို ချန်လှပ်ထားကြသည်။ သူတို့သည် ‘ရေ’ ကို ဖယ်ထုတ်လိုက်လျှင် စာတန်၏လှည့်ဖြားခြင်းကို ဆက်လက်ခံနေရဦးမည်ဖြစ်သည်။ မိမိကိုယ်မိမိ လှည့်စားပြီး နောင်တရကြရမည်။ သူတို့သည် ယေရှု၏ဗတ္တိဇံတည်းဟူသော ‘ရေ’ ဟုခေါ်သော တဖန်ဖွားမြင်ခြင်းကို ယုံကြည်ရမည်။
ရေနှင့် အသွေးတော်ကို မယုံကြည်ဘဲ မည်သူမျှ လောကကို အနိုင်မရနိုင်ပါ။ သင့်အား ထပ်မံပြောပါမည်၊ တစ်ယောက်မှ မရှိဘူး! ကျွန်ုပ်တို့သည် ယေရှု၏ရေနှင့် အသွေးတော်ကို ကျွန်ုပ်တို့၏လက်နက်အဖြစ် အသုံးပြု၍ တိုက်ခိုက်ရမည်။ ကိုယ်တော်၏နှုတ်ကပတ်တော်သည် သန့်ရှင်းသောဝိညာဉ်တော်၏ ဓားနှင့်အလင်းဖြစ်သည်။
သူတို့၏အပြစ်အားလုံးကို ဆေးကြောပေးခဲ့သော ယေရှု၏ဗတ္တိဇံကို မယုံကြည်သူ အလွန်များပြားနေဆဲဖြစ်သည်။ အရာနှစ်ခုကိုသာ ယုံကြည်သူ အလွန်များပြားနေဆဲဖြစ်သည်။ ယေရှုက သူတို့အား ‘ထလော့။ လင်းလော့’ ဟု ပြောသောအခါ သူတို့သည် မတောက်ပနိုင်ကြပါ။ သူတို့သည် မိမိနှလုံးသားများ၌ အပြစ်ရှိနေသေးသောကြောင့်ဖြစ်သည်။ ယေရှုကို ယုံကြည်သော်လည်း သူတို့သည် နောက်ဆုံးတွင် ငရဲသို့ ရောက်ကြသည်။
ယေရှု၏ဗတ္တိဇံနှင့် အသွေးတော်၏ဧဝံဂေလိတရားကို သေချာစွာ သက်သေခံမှသာ လူတို့သည် ကြား၍ ယုံကြည်ပြီး ကယ်တင်ခြင်းခံရနိုင်မည်ဖြစ်သည်
| ကိုယ်တော်၏ဗတ္တိဇံကို ယုံကြည်ခြင်းသည် ဘာသာရေးဆိုင်ရာအယူဝါဒတစ်ခုမျှသာ ဖြစ်ပါသလား။ |
| မဟုတ်ပါဘူး၊ ၎င်းသည် အယူဝါဒမဟုတ်ပါ။ ၎င်းသည် သမ္မာတရားဖြစ်ပါသည်။ |
ကျွန်ုပ်တို့သည် ဧဝံဂေလိတရားကို သက်သေခံသောအခါ တိ ကျမှန်ကန်ရမည် ဖြစ်သည်။ သခင်ယေရှုသည် သန့်ရှင်းသောဝိညာဉ်တော်အား ဖြင့်၊ ဗတ္တိဇံ (ကျွန်ုပ်တို့အပြစ်များအားလုံး ယူဆောင်သွားခြင်း) အား ဖြင့်၊နှင့် အသွေးတော် (ကျွန်ုပ်တို့အပြစ်များပေးဆပ်ပေးခြင်း) အား ဖြင့် ကြွလာတော်မူခဲ့သည်။ ကျွန်ုပ်တို့သည် ဤအရာသုံးပါးအားလုံး ကို ယုံကြည်ရကြမည် ဖြစ်သည်။
ထိုသို့မဟုတ်လျှင် ကျွန်ုပ်တို့သည် ဧဝံဂေလိတရားကို ဟောပြောခြင်းမဟုတ်ဘဲ ရိုးရှင်းသောဘာသာတရားကိုသာ ဟောပြောနေခြင်းဖြစ်သည်။ ဤလောကရှိ ခရစ်ယာန်များသည် ခရစ်ယာန်ဘာသာကို ဘာသာတရားတစ်ခုဟု ခေါ်ကြသည်။ ခရစ်ယာန်ဘာသာကို ဘာသာတရားတစ်ခုအဖြစ် အဓိပ္ပါယ်ဖွင့်ဆိုနိုင်ခြင်း မရှိပါ။ ၎င်းသည် သမ္မာတရားပေါ်တွင် တည်ဆောက်ထားသော ရွေးနှုတ်ခြင်း၏ယုံကြည်ခြင်း၊ ဘုရားသခင်ကို မျှော်ကြည့်သော ယုံကြည်ခြင်းဖြစ်သည်။ ၎င်းသည် ဘာသာတရားတစ်ခု မဟုတ်ပါ။
ဘာသာတရားဆိုသည်မှာ လူသားများက ဖန်တီးထားသောအရာဖြစ်ပြီး၊ ယုံကြည်ခြင်းမှာ ဘုရားသခင်က ကျွန်ုပ်တို့အား ပေးသနားတော်မူသော ကယ်တင်ခြင်းကို မျှော်ကြည့်ခြင်းဖြစ်သည်။ ထိုအရာသည် ကွာခြားချက်ဖြစ်သည်။ သင်သည် ဤသမ္မာတရားကို လျစ် လျူရှုလျှင် သင်သည် ခရစ်ယာန်ဘာသာအား အခြားသော ဘာသာ တစ်ခုအဖြစ်သာ ထင်မှတ်၍ အကျင့်နှင့်ကျင့်ဝတ်များအတွက်သာ ဟောပြောသည်။
ယေရှုခရစ်တော်သည် ဤလောကတွင် ဘာသာတရားတစ်ခုကို တည်ထောင်ရန် ကြွလာခြင်းမဟုတ်ပါ။ ထိုကိုယ်တော်သည် ခရစ်ယာန်ဘာသာဟုခေါ်သော ဘာသာတရားတစ်ခုကို မည်သည့်အခါမျှ မတည်ထောင်ခဲ့ပါ။ အဘယ်ကြောင့် သင်သည် ၎င်းကို ဘာသာတရားတစ်ခုဟု ယုံကြည်ပါသနည်း။ အကယ်၍ အားလုံးတူညီသည်ဆိုပါက၊ အဘယ်ကြောင့် ဗုဒ္ဓဘာသာကို မယုံကြည်ပါသနည်း။ ကျွန်တော် သည် ဤအရာပြောရန် မှားယွင်သည်ဟု သင်ယူဆသလော။
လူအချို့သည် ယေရှုကို ဘာသာတရားတစ်ခုအဖြစ် ယုံကြည်ပြီး “ဘာကွာခြားချက်ရှိမှာလဲ။ ကောင်းကင်နိုင်ငံတော်၊ နိဗ္ဗာန်၊ ပရဒိသု... အမည်သာကွဲပြားပြီး အားလုံးတူညီတယ်။ ဘယ်လိုပဲဖြစ်ဖြစ် ကျွန်တော်တို့အားလုံး နောက်ဆုံးမှာ တူညီတဲ့နေရာမှာ အဆုံးသတ်ကြမှာပဲ” ဟု ပြောကြသည်။
ခရစ်ယာန်ညီအစ်ကိုမောင်နှမများခင်ဗျား၊ ကျွန်ုပ်တို့သည် သမ္မာတရားကို ရင်ဆိုင်ရမည်။ ထို့အပြင် ကျွန်ုပ်တို့သည် ‘ထ၍ တောက်ပရမည်’။ ကျွန်ုပ်တို့သည် တွန့်ဆုတ်ခြင်းမရှိဘဲ သမ္မာတရားကို ပြောဆိုနိုင်ရမည်။
တစ်စုံတစ်ယောက်က “ထိုအရာသည် တစ်ခုတည်းသောနည်းလမ်း မဖြစ်နိုင်ဘူး” ဟုပြောလျှင်၊ သင်သည် သေချာသောလေသံဖြင့် “မဟုတ်ဘူး၊ ၎င်းသည် တစ်ခုတည်းသောနည်းလမ်းဖြစ်သည်။ ရေ၊ အသွေးတော်နှင့် သန့်ရှင်းသောဝိညာဉ်တော်အားဖြင့် ကြွလာတော်မူသော ယေရှုခရစ်တော်ကို ယုံကြည်မှသာ သင်သည် ကောင်းကင်နိုင်ငံတော်သို့ ဝင်စားနိုင်မည်” ဟု ပြောသင့်သည်။ သင်သည် အခြားသောဝိညာဉ်များက ရွေးနှုတ်ခြင်းနှုတ်ကပတ်တော်ကို ကြားနိုင်ပြီး ဒုတိယမွေးဖွားခြင်းခံရကာ ကောင်းကင်နိုင်ငံတော်သို့ သွားနိုင်စေရန် တောက်ပစွာ ထွန်းလင်းသင့်သည်။
မှန်ကန်သောယုံကြည်ခြင်းကို ရှိစေ- ယေရှု၏ဗတ္တိဇံ၏အပြစ်ဖြေခြင်းနှင့် ကိုယ်တော်၏အသွေးတော်ကို မသိသော တစ်ဖက်သတ်ချစ်သူများသည် ပျက်စီးကြလိမ့်မည်
| ယေရှုကို ယုံကြည်သော်လည်း မည်သူသည် ပျက်စီးမည်နည်း။ |
| ယေရှု၏ဗတ္တိဇံကို မယုံကြည်သူများ |
ယေရှုကို ယုံကြည်သည်ဟု ပုံမှန်မဟုတ်ဘဲ ဆိုခြင်းသည် ယေရှုအပေါ် တစ်ဖက်သတ်ချစ်ခြင်းဖြစ်ပြီး၊ သမ္မာတရားကို ရိုးရှင်းသောဘာသာတရားတစ်ခုအဖြစ် သတ်မှတ်ဆက်ဆံသကဲ့သို့ ဖြစ်သည်။
ပစိဖိတ်သမုဒ္ဒရာကို ဖြတ်သန်းသွားသော သင်္ဘောတစ်စီး နစ်မြုပ်သွားပြီး အသက်ရှင်ကျန်ရစ်သူ အနည်းငယ်သည် ရာဘာဖောင်ပေါ်တွင် မျောနေခဲ့ကြသည်။ သူတို့သည် အရေးပေါ်အကူအညီတောင်းခံချက် (SOS) ကို ပို့လွှတ်ခဲ့သော်လည်း ပင်လယ်လှိုင်းကြမ်းသောကြောင့် အခြားသင်္ဘောများ အကူအညီပေးရန် မလာနိုင်ခဲ့ပါ။ ထို့နောက် ဟယ်လီကော်ပတာတစ်စီးက အစားထိုးရောက်လာပြီး ကြိုးတစ်ချောင်းကို ပစ်ချပေးခဲ့သည်။
သူတို့ထဲမှ တစ်ယောက်သည် ကြိုးကို မိမိကိုယ်ပတ်လည်တွင် မချည်ဘဲ လက်ဖြင့်သာ ဆုပ်ကိုင်ထားပါက၊ သူသည် ယေရှုကို တစ်ဖက်သတ်ချစ်မိသူနှင့် တူပြီး ဘုရားသခင်ကို မိမိစိတ်ကြိုက် ယုံကြည်နေခြင်းဖြစ်သည်။ သူသည် လုံခြုံစိတ်ချရသေးခြင်း မရှိသော်လည်း “ကျွန်ုပ်ယုံကြည်ပါသည်။ ကျွန်ုပ်ကို ကယ်တင်ပါ။ ကျွန်ုပ်ယုံကြည်သောကြောင့် ကယ်တင်ခြင်းခံရမည်ဟု ထင်ပါသည်” ဟု ပြောဆိုနေသည်။
သခင်ယေရှု၏ ဗတ္တိဇံနှင့် အသွေးတော်သမ္မာတရားကို နားမ လည်သောသူတစ်ဉီးသည် ကြိုးကို ဆုပ်ကိုင်နေသောကြောင့် သူ သည် ကယ်တင်ခြင်းခံရလိမ့်မည်ဟု ယုံကြည်သည်။
သို့သော် သူ့ကို အပေါ်သို့ဆွဲတင်သောအခါ၊ သူ၏လက်များသည် ကြိုးကို ဆုပ်ကိုင်ထားနိုင်စွမ်း ဆုံးရှုံးသွားလိမ့်မည်။ သူသည် မိမိခွန်အားဖြင့် ကြိုးကို ဆွဲကိုင်နေလိမ့်မည်။ ထိုအားကုန်ဆုံးသွားသောအခါ၊ သူသည် ဆုပ်ကိုင်ထားနိုင်စွမ်း ဆုံးရှုံးပြီး ပင်လယ်ထဲသို့ ပြန်လည်ကျဆင်းသွားလိမ့်မည်။
ဤသည်မှာ ယေရှုကို တစ်ဖက်သတ်ချစ်မိခြင်းနှင့် တူသည်။ လူအများသည် သူတို့သည် ဘုရားသခင်နှင့် ယေရှုကို ယုံကြည်သည်ဟု ပြောကြောင်းပြောနိုင်သည်။ သူတို့သည် သန့်ရှင်းသောဝိညာဉ်တော်အားဖြင့် ကြွလာတော်မူသော ယေရှုကို ယုံကြည်သည်ဟု ဆိုကြသည်။ သော် ဤသည်မှာ အပြည့်အစုံ၏ တစ်စိတ်တစ်ပိုင်းသာ ဖြစ်သည်။ သူတို့သည် ပြည့်စုံသောဧဝံဂေလိတရားကို အမှန်တကယ် ယုံကြည်နိုင်ခြင်း သို့မဟုတ် ထိုတရားတွင် နေထိုင်နိုင်ခြင်း မရှိသောကြောင့် မိမိတို့ယုံကြည်သည်ဟု အစဉ်မပြတ် ကြိုးစားပြောဆိုနေကြခြင်း ဖြစ်သည်။
ယုံကြည်ခြင်းနှင့် ယုံကြည်ရန်ကြိုးစားခြင်းတို့သည် တူညီသောအရာ မဟုတ်ပါ။ သူတို့သည် နောက်ဆုံးထိ ယေရှုနောက်လိုက်ကြမည်ဖြစ်သော်လည်း၊ သူတို့၏စိတ်နှလုံးထဲတွင် ကျန်ရှိနေသောအပြစ်ကြောင့် နောက်ဆုံးနေ့တွင် စွန့်ပစ်ခြင်းခံရလိမ့်မည်။ သူတို့သည် ယေရှုသည် ဗတ္တိဇံ အသွေးတော်နှင့် သန့်ရှင်းသောဝိညာဉ်တော်တို့ဖြင့် ကြွလာတော်မူခဲ့သည်ကို မသိဘဲ ယေရှုကို ချစ်ကြသည်။ သူတို့သည် အသွေးတော်အတွက်သာ သခင်ယေရှုကို ချစ်ကြလျှင် သူတို့သည် အပ္ပါယ်ငရဲသို့ သွားကြ လိမ့်မည်။
ဗတ္တိဇံရေနှင့် လက်ဝါးကပ်တိုင်၏အသွေးတော်နှင့် သင့်ဝိညာဉ်ကို နှုတ်ကပတ်တော်တွင် ချည်နှောင်ပါ။ ယေရှုသည် ကယ်တင်ခြင်းကြိုးကို ချပေးသောအခါ၊ ရေ၊ အသွေးတော်နှင့် သန့်ရှင်းသောဝိညာဉ်တော်တို့ဖြင့် မိမိတို့ကိုယ်ကို ချည်နှောင်သူများသည် ကယ်တင်ခြင်းခံရလိမ့်မည်။
ရဟတ်ယာဉ်မှ ကယ်ဆယ်ရေးသမားက အသံချဲ့စက်မှတစ်ဆင့် အော်ဟစ်ပြောကြားသည်မှာ “ကျေးဇူးပြု၍ ကျွန်ုပ်ပြောသည်ကို သေချာစွာ နားထောင်ပါ။ ကျွန်တော် ကြိုးကို ပစ်ချတဲ့အခါ၊ အဲဒီကြိုးကို သင့်ရဲ့လက်မောင်းအောက် ရင်ဘတ်ပတ်လည်မှာ ချည်နှောင်ပါ။ ထိုနောက် ဘာမျှ မလုပ်ဘဲနေပါ။ ကြိုးပေါ်တွင် မိမိလက်များဖြင့် မ တွယ်ပါနှင့်။ ရင်ဘတ်ပတ်လည်တွင်သာ ချည်ပြီး အေးအေးဆေးဆေး နေပါ။ ထိုအခါ သင်သည် ကယ်တင်ခြင်းခံရလိမ့်မည်။”
သူ ထိုညွှန်ကြားချက်များကို ပေးပြီးနောက်၊ ညွှန်ကြားချက်များအတိုင်း လိုက်နာ၍ ကြိုးဖြင့် မိမိကိုယ်ကို ချည်နှောင်သော လူတစ်ဦးသည် ကယ်တင်ခြင်းခံရသည်။ သို့သော် အခြားလူတစ်ဦးက “စိတ်မပူပါနှင့်။ ကျွန်တော် အလွန်သန်မာပါတယ်။ ကျွန်တော် ကျန်းမာရေးကလပ်မှာ လေ့ကျင့်ခန်းလုပ်နေပါတယ်။ ကျွန်တော့်ကြွက်သားတွေကို မြင်နိုင်ပါသလား။ ကျွန်တော် မိုင်ပေါင်းများစွာ ဆွဲထားနိုင်ပါတယ်” ဟု ပြောသည်။ ထို့နောက် ကြိုးကို ဆွဲတင်သောအခါ သူသည် လက်ဖြင့် ကြိုးကို ဆုပ်ကိုင်ထားလိုက်သည်။
လူနှစ်ဦးစလုံးသည် အစတွင် အပေါ်သို့ ဆွဲတင်ခြင်းခံရသည်။ သို့သော် ကွာခြားချက်တစ်ခု ရှိသည်။ ညွှန်ကြားချက်များကို နားထောင်၍ ကြိုးကို မိမိကိုယ်ပတ်လည်တွင် ချည်နှောင်ထားသူသည် အခက်အခဲမရှိဘဲ အပေါ်သို့ ဆွဲတင်ခြင်းခံရသည်။ သူသည် လမ်းခရီးတွင် သတိလစ်သွားသော်လည်း ဆက်လက်၍ အပေါ်သို့ ဆွဲတင်ခြင်းခံရသည်။
မိမိ၏ကိုယ်ပိုင်အားအင်ကို ဂုဏ်ယူသူသည် နောက်ဆုံးတွင် သူ၏အားအင်ကုန်ခန်းသွားသောကြောင့် ဆုပ်ကိုင်ထားနိုင်စွမ်း ဆုံးရှုံးသွားသည်။ ထို့ပြင် သူသည် နားထောင်ရန် ငြင်းဆန်၍ ညွှန်ကြားချက်များကို လျစ်လျူရှုခဲ့သောကြောင့် သေဆုံးသွားသည်။
လူတစ်ဉီးသည် ပြည့်စုံသောကယ် တင်ခြင်းရရှိရန် ဝိညာဉ်များ အားလုံးကို အပြစ်မှကယ်တင်ပေးခဲ့သော ကိုယ်တော်၏ဗတ္တိဇံရေနှင့် အသွေး၏ရွေးနှုတ်ခြင်းကို ယုံကြည်ရမည် ဖြစ်သည်။ ကယ်တင်ခြင်းသည် “ငါသည် ဗတ္တိဇံဆရာယောဟန်ထံမှ ခံယူသောဗတ္တိဇံဖြင့်နှင့် လက်ဝါးကပ်တိုင်ပေါ်တွင် သွေးထွက်သည်အထိ အသေခံခြင်းဖြင့် သင့်ကို အပြည့်အဝ ကယ်တင်ခဲ့ပြီ” ဟူသော နှုတ်ကပတ်တော်ကို စိတ်နှလုံးအကြွင်းမဲ့ ယုံကြည်သူများအတွက် ရရှိနိုင်သည်။
အသွေးတော်ကိုသာ ယုံကြည်သူများက “စိတ်မပူပါနှင့်၊ ကျွန်ုပ်ယုံကြည်ပါသည်။ ကျွန်ုပ်သည် ယေရှု၏အသွေးတော်အတွက် ကျွန်ုပ်၏ဘဝတစ်လျှောက်လုံး ကျေးဇူးတင်နေမည်ဖြစ်သည်။ ကျွန်ုပ်သည် နောက်ဆုံးထိ ယေရှုနောက်လိုက်မည်ဖြစ်ပြီး အသွေးတော်ကိုသာ ယုံကြည်ခြင်းသည် ကျွန်ုပ်၏ကျန်ရှိသောဘဝတစ်လျှောက်လုံး လောကနှင့် အပြစ်အားလုံးကို အောင်နိုင်ရန် လုံလောက်စွာ ပိုလျှံနေမည်ဖြစ်သည်” ဟု ပြောကြသည်။
သို့သော် ဤအရာသည် မလုံလောက်ပေ။ ဘုရားသခင်သည် မိမိလူများအဖြစ် လက်ခံတော်မူသောသူများမှာ ဤသက်သေခံချက် သုံးချက်တို့ကို ယုံကြည်သူများ ဖြစ်ကြသည်။ ၎င်းသက်သေများမှာ သခင်ယေရှုသည် သန့်ရှင်းသောဝိညာဉ်တော်အားဖြင့် ကြွလာတော်မူခြင်း၊ ကိုယ် တော်သည် ဗတ္တိဇံ (သခင်ယေရှုသည် ယောဒန်မြစ်၌ ဗတ္တိဇံအားဖြင့် အပြစ်များအားလုံးကို ယူဆောင်သွားတော်မူခဲ့သည်)ခံယူတော်မူ ခြင်း၊ ကိုယ်တော်သည် အပြစ်များအားလုံးအတွက် ပြစ်ကြွေးများပေး ဆပ်ရန် ကားတိုင်ပေါ်တွင် အသေခံတော်မူခြင်းနှင့် ကိုယ်တော်သည် သုံးရက်မြောက်သောနေ့၌ သေခြင်းမှ ရှင်ပြန်ထမြောက်တော်မူခြင်း တို့ ဖြစ်ကြသည်။
သန့်ရှင်းသောဝိညာဉ်တော်သည် ဤသုံးခုကို ယုံကြည်သူများ အပေါ်၌သာ ကြွလာတော်မူ၍ သူတို့အတွက် သက်သေခံတော်မူ သည်။ “မှန်ပါသည်၊ ငါသည် သင်တို့၏ကယ်တင်ရှင်ဖြစ်သည်။ ငါသည် ရေနှင့် အသွေးဖြင့် သင်တို့ကို ကယ်တင်ခဲ့သည်။ ငါသည် သင်တို့၏ဘုရားသခင်ဖြစ်သည်။”
သို့သော် ထိုအရာသုံးခုလုံးကို မယုံကြည်သူများအား ဘုရားသခင်သည် ကယ်တင်ခြင်းကို မပေးပါ။ တစ်ခုကိုသာ ချန်လှပ်ထားလျှင်ပင် ဘုရားသခင်က “မဟုတ်ပါ၊ သင်သည် ကယ်တင်ခြင်းမခံရသေးပါ” ဟု မိန့်တော်မူသည်။ ကိုယ်တော်၏တပည့်တော်အားလုံးသည် ထိုအရာသုံးခုလုံးကို ယုံကြည်ခဲ့ကြသည်။ ယေရှုက ကိုယ်တော်၏ဗတ္တိဇံသည် ကယ်တင်ခြင်းအတွက် သက်သေဖြစ်ပြီး၊ ကိုယ်တော်၏အသွေးတော်သည် တရားစီရင်ခြင်းဖြစ်သည်ဟု မိန့်တော်မူသည်။
တမန်တော်ရှင်ပေါလုနှင့်ပေတရုတို့သည် သခင်ယေရှု၏ ဗတ္တိဇံနှင့်အသွေးတော်ကို သက်သေခံခဲ့ကြသည်
| ယေရှု၏တပည့်တော်များက ဘာကို သက်သေခံခဲ့သနည်း |
| ယေရှု၏ဗတ္တိဇံနှင့် အသွေးတော် |
တမန်တော်ပေါလုသည် ယေရှု၏ဗတ္တိဇံအကြောင်း ပြောခဲ့ပါသလား။ သူသည် ယေရှု၏ဗတ္တိဇံအကြောင်း ဘယ်နှစ်ကြိမ် ပြောခဲ့သည်ကို ကြည့်ကြပါစို့။ သူသည် ရောမဩဝါဒစာ 6:3 တွင် “သို့မဟုတ် ခရစ်တော်ယေရှု၌ ဗတ္တိဇံခံခဲ့သောငါတို့သည် ကိုယ်တော်၏အသေခံတော်မူခြင်း၌ ဗတ္တိဇံခံခဲ့ကြောင်း သင်တို့မသိကြသလော။” ထို့ပြင် 6:5 တွင် “အကြောင်းမူကား ငါတို့သည် ခရစ်တော်၏အသေခံတော်မူခြင်းနှင့်တူညီသောသဏ္ဌာန်၌ ကိုယ်တော်နှင့်အတူပေါင်းစည်းကြသည်ဆိုလျှင် ကိုယ်တော်၏ရှင်ပြန်ထမြောက်ခြင်းသဏ္ဌာန်ကိုလည်း ဧကန်အမှန်ဆောင်ကြလိမ့်မည်။”
ဂလာတိဩဝါဒစာ 3:27 တွင် သူက “အဘယ်ကြောင့်ဆိုသော် ခရစ်တော်၌ဗတ္တိဇံခံသောသူရှိသမျှတို့သည် ခရစ်တော်ကိုဝတ်ဆင်ကြ၏။” သခင်ယေရှု၏တမန်တော်များအားလုံးသည် ‘ရေ၊’ သခင်ယေရှု၏ဗတ္တိဇံကို သက်သေခံခဲ့ကြသည်။ “ဤအရာသည် ယခု သင်တို့ကိုကယ်တင်သော ဗတ္တိဇံကိုပုံဆောင်၏” (ရှင်ပေတရုဩဝါဒစာပထမစောင် 3:21)။
သခင်၏အပြစ်ဖြေရာကယ်တင်ခြင်းတည်းဟူသောကယ်တင်ခြင်းသည် ယေရှု၏ရေနှင့်အသွေးတော်အားဖြင့် ပြည့်စုံခဲ့သည်
| ဘုရားသခင်သည် မည်သူ့ကို ဖြောင့်မတ်သည်ဟု ခေါ်တော်မူသနည်း။ |
| စိတ်နှလုံးထဲတွင် အပြစ်မရှိသူ |
ယေရှုက လူသားအပေါ် ပေးအပ်တော်မူသော ရွေးနှုတ်ခြင်းသည် ကိုယ်တော်၏ဗတ္တိဇံရေနှင့် လက်ဝါးကပ်တိုင်ပေါ်မှ အသွေးတော်ကြောင့် ဖြစ်သည်။ ထိုရွေးနှုတ်ခြင်းကြောင့် ငါတို့သည် ထ၍ တောက်ပရမည်။ မည်သို့နည်း။ ဤအရာသုံးခုကို သက်သေခံခြင်းအားဖြင့် ဖြစ်သည်။
“ထလော့။ လင်းလော့။ သင်၏အလင်းသည်ရောက်လာပြီ။ ထာဝရဘုရား၏ဘုန်းအသရေတော်သည် သင်၌ ပေါ်ထွန်းလေပြီ” (ဟေရှာယအနာဂတ္တိကျမ်း 60:1)။ ဘုရားသခင်သည် ငါတို့အပေါ် အလင်းကိုထွန်းတော်မူပြီး ငါတို့ကိုလည်း ထွန်းလင်းရန် မိန့်တော်မူသည်။ ငါတို့သည် ထိုအမိန့်ကို နာခံသင့်သည်။
ကျွန်ုပ်တို့သည် ဧဝံဂေလိတရားကို အစွမ်းကုန် ဟောပြောရမည်။ သို့သော် လူအများအပြားသည် နားမထောင်ကြပါ။ ယေရှုကို ယုံကြည်လျှင် သင်သည် ရွေးနှုတ်ခြင်းခံရလိမ့်မည်။ သင်သည် ဖြောင့်မတ်သူဖြစ်လိမ့်မည်။ သင့်စိတ်နှလုံးထဲတွင် အပြစ်ရှိနေသေးလျှင် သင်သည် မဖြောင့်မတ်သေးပါ။ သင်သည် လောက၏အပြစ်များကို မအောင်နိုင်ခဲ့သေးပါ။
ယေရှု၏ရေ (ယေရှု၏ဗတ္တိဇံ) ကို မယုံကြည်လျှင် သင့်စိတ်နှလုံးထဲမှ အပြစ်ကို ဘယ်သောအခါမျှ မဖယ်ရှားနိုင်ပါ။ ယေရှု၏အသွေးတော်ကို မယုံကြည်လျှင် သင်သည် တရားစီရင်ခြင်းကို ဘယ်သောအခါမျှ မရှောင်ကွင်းနိုင်ပါ။ သန့်ရှင်းသောဝိညာဉ်တော်အားဖြင့် ကြွလာသော ယေရှုခရစ်ကို မယုံကြည်လျှင် သင်သည် ဘယ်သောအခါမျှ ကယ်တင်ခြင်းမခံရနိုင်ပါ။ သင်သည် ထိုသက်သေခံချက်သုံးခုကို မယုံကြည်လျှလင် လုံးဝဖြောင့်မတ်သူမဖြစ်လာနိုင်ပေ။
မပြည့်စုံသောဖြောင့်မတ်ခြင်းသည် ‘ဖြောင့်မတ် ခြင်းခေါ်သော အရာ’ သို့သာ ဉီးဆောင်သည်။ သူသည် အပြစ်ရှိသော်လည်း မိမိ ကိုယ်ကိုကိုယ် ဖြောင့်မတ်သူအဖြစ်စဉ်းစားသည်ဟု လူတစ်ဉီးသည် ပြောလျှင် သူသည် သခင်ယေရှု၌ မရှိသေးပေ။ ယနေ့လူ အချို့တို့သည် ‘ဖြောင့်မတ်ခြင်းခေါ်သောအရာ’ ပေါ်တွင် ရွေး နှုတ်ခြင်း ကို တွယ်ကပ်ရန် ကြိုးစားကြသည်။ သူတို့သည် ဤအကြောင်းအရာနှင့်ပတ်သက်၍ အသုံးမဝင်သော ဆောင်းပါးများစွာကို ရေးသားထားကြသည်။
ဘုရားသခင်သည် လူတစ်ဦး၏စိတ်နှလုံးထဲတွင် အပြစ်ရှိနေသော်လည်း ထိုသူကို အပြစ်ကင်းစင်သူဟု ခေါ်တော်မူပါမည်လား။ ကိုယ်တော်သည် ထိုသို့ မပြုလုပ်ပါ။ ကိုယ်တော်သည် မိမိ မြင်တော်မူသည့်အတိုင်း မှည့်ခေါ်တော်မူသည်။ ထိုကိုယ်တော်သည် အနန္တတန်ခိုးရှင်ဖြစ်သော်လည်း မုသားစကားကို ဘယ်သောအခါမှ မပြောနိုင်ပါ။ လူတို့သည် ဖြောင့်မတ်ခြင်း၏စစ်မှန်သောအဓိပ္ပါယ်ကို နားမလည်ကြပါ။ ငကျွန်ုပ်တို့သည် တစ်စုံတစ်ခုသည် သန့်ရှင်းနေမှသာ ထိုအရာကို ‘သန့်ရှင်းသည်’ ဟု ခေါ်ပါသည်။ အပြစ်ရှိနေသောအခါ ‘သန့်ရှင်းသည်’ ဟု မပြောပါ။
သင်သည် နှလုံးသား၌ အပြစ်ရှိသော်လည်း သခင်ယေရှုသည် ဖြောင့်မတ်သူဟု မှည့်ခေါ် တော်မူလိမ့်မည်ဟု သင်ထင်နိုင်သည်။ ထိုအရာသည် မမှန်ကန်ပေ။
ယေရှုသည် ငါတို့က ကိုယ်တော်အား သန့်ရှင်းသောဝိညာဉ်တော်အားဖြင့် ကြွလာသူ၊ ရေအားဖြင့် ကြွလာသူ (ဗတ္တိဇံခံယူသောအခါ ငါတို့၏အပြစ်အားလုံးကို ဖယ်ရှားပေးခဲ့သည်)၊ အသွေးတော်အားဖြင့် ကြွလာသူ (လူ့ဇာတိကိုခံယူ၍ ငါတို့အတွက် အသေခံတော်မူခဲ့သည်) အဖြစ် ယုံကြည်သောအခါမှသာ ငါတို့ကို ဖြောင့်မတ်သည်ဟု ကြေညာတော်မူသည်။
ညီအစ်ကိုမောင်နှမ ခရစ်ယာန်များခင်ဗျား၊ ‘ခေါ်ဆိုသည့် ဖြောင့်မတ်ခြင်း’ သည် ရေနှင့်အသွေးတော်၏ ဧဝံဂေလိတရားနှင့် မည်သို့မျှ မသက်ဆိုင်ပါ။ ‘ခေါ်ဆိုသည့်’ သို့မဟုတ် ‘ဖြောင့်မတ်သည်ဟု ခေါ်ခြင်းခံရခြင်း’ သည် လူသားများထံမှ ထွက်ပေါ်လာသော သွန်သင်ချက်ဖြစ်ပါသည်။ သင်သည် နှလုံးသား၌အပြစ်ရှိသောအခါ ဘုရားသခင်သည် သင့်ကို ဖြောင့်မတ် သူဟု မှည့်ခေါ်တော်မူမည်လော။ လူတစ်ဉီးသည် သခင်ယေရှုကို မည်သို့ပင် စိတ်အားထက်သန်စွာ ယုံကြည်စေကာမူ သူ၏နှလုံးသား ၌ အပြစ်ရှိသောအခါ ဘုရားသခင်သည် သူ့ကို ဖြောင့်မတ်သူတစ်ဉီး အဖြစ် မှည့်ခေါ်တော်မမူပေ။ သခင်ယေရှုသည် မုသာပြောတော်မ မူနိုင်ပေ။
သို့သော် လူတစ်ဉီးသည် မိမိနှလုံးသား၌ အပြစ်ရှိနေသော်လည်း ကိုယ်တော်သည် သူ့ကို ဖြောင့်မတ်သူဖြစ်သည်ဟု မှည့်တော်မူသည် ဟု သင်ယူဆသေးသလော။ ထိုအရာမှာ လူများယူဆခြင်းဖြစ်၍ ဘုရားသခင်၏ထင်မြင်ချက်မဟုတ်ပေ။ ဘုရားသခင်သည် မုသာစ ကားကို မုန်းတော်မူသည်။ ‘ဝိညာဉ်တော်’ နှင့် ‘အသွေးတော်’ ကိုသာ ယုံကြည်လျှင် ထိုကိုယ်တော်သည် သင်တို့ကို ဖြောင့်မတ်သည်ဟု ခေါ်တော်မူမည်လော။ ဘယ်တော့မှ။
ဘုရားသခင်သည် ဖြောင့်မတ်သူများဟု မှည့်ခေါ်တော်မူ သော လူတန်းစားတစ်ခုတည်းရှိသည်။ ထိုသူသည် စိတ်နှလုံးထဲတွင် အပြစ်မရှိသောသူ ဖြစ်သည်။ ဘုရားသခင်ဖြစ်တော်မူသော သခင်ယေရှုသည် လူသားတစ်ဉီးအဖြစ် ဤလောကသို့ ကြွဆင်းတော်မူသည်ကိုလည်းကောင်း၊ ကိုယ်တော်သည် ယောဒန်မြစ်၌ ဗတ္တိဇံခံယူတော်ခဲ့သည်ကိုလည်းကောင်း၊ ကိုယ်တော်သည် အပြစ်များအားလုံး ဖယ်ရှားပေးတော်မူရန် ကားတိုင်ပေါ်တွင် အသွေးတော်သွန်းလောင်းတော်မူခဲ့သည်ကိုလည်းကောင်း၊ ဤအရာအားလုံးကို ယုံကြည်သူများကိုသာ ကိုယ်တော်သည် အသိအမှတ်ပြုတော်မူသည်။
ရွေးနှုတ်ခြင်းသခင်းကောင်းကို ယုံကြည်သူများသာလျှင် ဘုရား သခင်သည် ဖြောင့်မတ်သူများအဖြစ် အသိအမှတ်ပြုတော်မူခဲ့သည်။ သူတို့သည် မှန်ကန်စွာ ယုံကြည်သူများဖြစ်ကြသည်။ သူတို့သည် ကျွန်ုပ်တို့အတွက်ကိုယ်တော်ပြုတော်မူခဲ့သောအရာအားလုံးကို လုံးဝ ယုံကြည်ကြသည်။ သူတို့သည် ယေရှုကြွလာ၍ သူတို့၏အပြစ်အားလုံးကို ယူဆောင်သွားရန် ဗတ္တိဇံခံယူခဲ့ကြောင်း၊ ကိုယ်တော်သည် လက်ဝါးကပ်တိုင်ပေါ်တွင် အသေခံခြင်းဖြင့် ငါတို့အတွက် တရားစီရင်ခြင်းကို ခံယူခဲ့ကြောင်း၊ နှင့် သေခြင်းမှ ရှင်ပြန်ထမြောက်တော်မူခဲ့ကြောင်းကို ယုံကြည်ကြသည်။
ဤအရာအားလုံးသည် ဘုရားသခင်၏ချစ်ခြင်းမေတ္တာတော်မှ ဖြစ်ပေါ်လာခြင်း ဖြစ်သည်။ ယေရှုသည် ကောင်းကင်ဘုံမှ ဆင်းသက်ကြွလာ၍ “ဝန်လေး၍ပင်ပန်းသောသူအပေါင်းတို့၊ ငါ့ထံသို့လာကြလော့။ ငါသည် သင်တို့အားငြိမ်သက်ချမ်းသာမှုကိုပေးမည်” (ရှင်မဿဲခရစ်ဝင် 11:28) ဟု မိန့်တော်မူခဲ့သည်။ ကိုယ်တော်သည် ငါတို့၏အပြစ်များကို ဖယ်ရှားပေးခြင်းအားဖြင့် ဤအမှုကို ပြုလုပ်တော်မူခဲ့သည်။
ဘုရားသခင်သည် ယေရှု၏အသွေးတော်ကိုသာ ယုံကြည်သူများကို အသိအမှတ်ပြုတော်မမူပါ။ ယေရှု၏အသွေးတော်ကိုသာ ယုံကြည်သူများသည် သူတို့၏စိတ်နှလုံးထဲတွင် အပြစ်ရှိနေဆဲဖြစ်သည်။
ယေရှုသည် မည်သူ့ကို ရွေးနှုတ်ခြင်းခံရသူအဖြစ် အသိအမှတ်ပြုသနည်း။ “ငါသည် ဤလောကသို့ဆင်းသက်လာ၍ ဗတ္တိဇံဆရာယောဟန်ထံမှ ဗတ္တိဇံခံယူသောအခါ သင်တို့၏အပြစ်အားလုံးကို ယူဆောင်သွားခဲ့သည်။ လောကရှိအပြစ်အားလုံးသည် ငါ့အပေါ်သို့ လွှဲပြောင်းခြင်းခံရကြောင်း ငါသက်သေခံသည်။ ငါသည် လက်ဝါးကပ်တိုင်ပေါ်တွင် အပြစ်များအတွက် အဖိုးအခပေးဆပ်ခဲ့သည်။ ဤနည်းဖြင့် ငါသည် သင်တို့ကို ကယ်တင်ခဲ့သည်။” ယေရှု၏ဗတ္တိဇံ၊ ကိုယ်တော်၏အသွေးတော်နှင့် ကိုယ်တော်သည် ဘုရားသခင်ဖြစ်တော်မူကြောင်းကို ယုံကြည်ခြင်း။ ဤအရာအားလုံးသည် ကယ်တင်ခြင်းအတွက် လိုအပ်သည်။
ဤသုံး ချက်အားလုံးကို ယုံကြည်သူများအပေါ် သခင်ယေရှုက “ဟုတ်ပါတယ်။ မင်းက ကယ်တင်ခြင်းခံရတယ်။ မင်းက ဖြောင့်မတ် သူနှင့် ဘုရားသခင်၏သားသမီးဖြစ်တယ်” ဟု မိန့်တော်မူသည်။ ယေရှု၏ ဗတ္တိဇံ၊ ကိုယ်တော်၏ အသွေးတော်နှင့် သန့်ရှင်းသောဝိညာဉ်တော်ကို အားလုံးအတူတကွ ယုံကြည်လျှင် ကယ်တင်ခြင်းကို ရရှိပါသည်။ အသွေးတော်နှင့် သန့်ရှင်းသောဝိညာဉ်တော်ကိုသာ ယုံကြည်သူသည် စိတ်နှလုံးထဲတွင် အပြစ်ရှိနေသေးသည်။
ဘုရားသခင်၏နိုင်ငံ တော်တွင် သမ္မာတရားတစ်ခုတည်းရှိသည်။ တရားမျှတခြင်း၊ ရိုးသား ဖြူစင်ခြင်း၊ ချစ်ခြင်းနှင့် ကြင်နာမှုသာရှိသည်။ မုသာစကား တစ်ခွန်း မျှ မရှိပါ။ ကောင်းကင်နိုင်ငံတော်တွင် မုသာစကားနှင့် လှည့်စားမှု မရှိပေ။
| ‘တရားမဲ့မှုကို ကျင့်သုံးသူ’ ဆိုသည်မှာ မည်သူနည်း။ |
| သခင်ယေရှု၏ဗတ္တိဇံကို မယုံကြည် သူများ ဖြစ်ကြသည် |
‘ထိုနေ့ရက်တွင် များစွာသောသူတို့သည် “သခင်ဘုရား၊ သခင်ဘုရား၊ အကျွန်ုပ်တို့သည် ကိုယ်တော်၏နာမတော်အားဖြင့် ပရောဖက်ပြုဟောပြောလျက် ကိုယ်တော်၏နာမတော်အားဖြင့် နတ်ဆိုးများကိုနှင်ထုတ်ကာ ကိုယ်တော်၏နာမတော်အားဖြင့် တန်ခိုးလက္ခဏာများစွာတို့ကို ပြုခဲ့ကြသည်မဟုတ်လော” ဟု ငါ့အား လျှောက်ကြလိမ့်မည်’ (ရှင်မဿဲခရစ်ဝင် 7:22)။
ဘုရားသခင်သည် လူသား၏ ဤကဲ့သို့သော အပြုအမူကို ဘယ်သောအခါမှ အသိအမှတ်ပြုတော်မမူပါ။ ‘ထိုအခါ ငါသည် သူတို့အား “သင်တို့ကို ငါလုံးဝမသိ။ တရားမဲ့သောအမှုကိုပြုသောသူတို့၊ ငါ့ထံမှ ထွက်သွားကြလော့” ဟု အတိအလင်းပြောမည်’ (ရှင်မဿဲခရစ်ဝင် 7:23)။
“ကျွန်ုပ်သည် သခင့်အတွက် အိမ်နှစ်လုံးကို လှူဒါန်းခဲ့ပါသည်။ ကျွန်ုပ်သည် သင့်အတွက် ကျွန်ုပ်၏အသက်ကို စွန့်လွှတ်ခဲ့ပါသည်။ ကိုယ်တော် ကျွန်ုပ်ကို မမြင်ခဲ့ပါသလား။ ကျွန်ုပ်သည် နောက်ဆုံးအသက်ရှူချိန်အထိ သခင့်ကို ငြင်းပယ်ခဲ့ခြင်း မရှိပါ။ ကိုယ်တော် ကျွန်ုပ်ကို မမြင်ခဲ့ပါသလား။”
“ထိုသို့ဆိုသော်၊ သင် သည် မိမိနှလုံးသား၌ အပြစ်ရှိသလော။”
“ဟုတ်ကဲ့ပါ အရှင်ဘုရား။ နည်းနည်းလေးပဲ။”
“ဒါဆို မင်းနဲ့ လမ်းခွဲရအောင်။ အပြစ်သားများ ဤနေရာသို့ မဝင်ရ။”
“ဒါပေမယ့် ငါက အာဇာနည်တစ်ယောက်နဲ့ အသေခံလိုက်တာ။”
‘“အသက်စွန့်သူအဖြစ် သေဆုံးခဲ့သည်ဟု ဆိုသည်မှာ” ဘာကိုဆိုလိုသနည်း။ သင်သည် သင်၏ခေါင်းမာမှုကြောင့်သာ သေဆုံးခဲ့ခြင်းဖြစ်သည်။ သင်ဟာ ငါ့ရဲ့ဗတ္တိဇံနဲ့ အသွေးတော်ကို အသိအမှတ်ပြုခဲ့သလား။ ငါက သင်တို့ကို ငါ့လူမျိုးလို့ ဘယ်တုန်းက သက်သေခံခဲ့သလဲ။ ငါက သင်တို့ဟာ ငါ့လူမျိုးဖြစ်တယ်လို့ သင်တို့ရဲ့စိတ်နှလုံးထဲမှာ သက်သေခံခဲ့သလား။ သင်တို့ဟာ ငါ့ရဲ့ဗတ္တိဇံကို မယုံကြည်ခဲ့ဘူး၊ ငါကလည်း သင်တို့ကို ငါ့လူမျိုးလို့ ဘယ်တုန်းကမှ သက်သေမခံခဲ့ဘူး။ ဒါပေမဲ့ သင်တို့ဟာ သင်တို့ရဲ့ကိုယ်ပိုင်ယုံကြည်ခြင်းကို ဆုပ်ကိုင်ထားပြီး အဲဒီအတွက် အသက်စွန့်ခဲ့တယ်။ ငါသည် သင့်အတွက် ဘယ်တုန်းက သက်သေခံခဲ့သနည်း။ သင်တို့ကိုယ်တိုင် ဖန်တီးခဲ့သောအရာ ဖြစ်သည်။ သင်ဟာ သင့်ရဲ့ကိုယ်ပိုင်ကယ်တင်ခြင်းအတွက် တစ်ယောက်တည်း ချစ်မြတ်နိုးပြီး ကြိုးစားခဲ့တယ်။ သင်နားလည် သဘောပေါက်သလား။ ယခု သင်၏လမ်း၌သာနေ့ပါ။’
ယေရှုသည် ငါတို့အား ထ၍အလင်းထွန်းလင်းရန် မိန့်တော်မူခဲ့သည်။ ရွေးနှုတ်ခြင်းခံရသောသူများသည် များစွာသော အတုအယောင်ခရစ်ယာန်များနှင့် မိစ္ဆာပရောဖက်များရှေ့တွင် တွန့်ဆုတ်နေကြပြီး တောက်ပစွာ မထွန်းလင်းနိုင်ကြပါ။ သို့သော် မီးပွားသေးသေးလေးသည် မီးကြီးကို ဖြစ်ပေါ်စေနိုင်သည်။ လူတစ်ဉီးသည် ရဲရင့်စွာရပ်တည်၍ သမ္မာတရားကို သက်သေ ခံလျှင် တစ်ကမ္ဘာလုံးသည် ထွန်းလင်းလိမ့်မည်။
ဟေရှာယအနာဂတ္တိကျမ်း 60:1-2 တွင် ဤသို့ဖော်ပြထားသည်၊ “ထလော့။ လင်းလော့။ သင်၏အလင်းသည်ရောက်လာပြီ။ ထာဝရဘုရား၏ဘုန်းအသရေတော်သည် သင်၌ ပေါ်ထွန်းလေပြီ။ ကြည့်ရှုလော့။ မှောင်မိုက်သည် မြေကြီးကိုလည်းကောင်း၊ အမှောင်ထုသည် လူတို့ကိုလည်းကောင်း ဖုံးလွှမ်းမည်။ သို့သော်လည်း ထာဝရဘုရားသည် သင့်ထံ၌ ပေါ်ထွန်းတော်မူမည်။ ဘုန်းအသရေတော်သည် သင်၌ထင်ရှားမည်။”
သမ္မာတရားမဟုတ်သောအရာနှင့် မှားယွင်းသောဧဝံဂေလိတရား၏ မှောင်မိုက်ခြင်းသည် ဤကမ္ဘာမြေကို ဖုံးလွှမ်းမည်ဖြစ်သောကြောင့် ငါတို့အား ထ၍ အလင်းထွန်းလင်းရန် အမိန့်ပေးထားသည်။ သခင်ယေရှုကို ယုံကြည်သူများသာ လျှင် ကိုယ်တော့်ကို ချစ်နိုင်ကြသည်။ ရွေးနှုတ်ခြင်းမခံရသောသူ များသည် သခင်ယေရှုကို မချစ်နိုင်ကြပေ။ ဘယ်လိုဖြစ်နိုင်ပါသလဲ။ သူတို့သည် မေတ္တာအကြောင်းကို ပြောရုံသာ ပြောကြသော်လည်း သူတို့ သည် သမ္မာတရားတစ်ခုလုံးကို ယုံကြည်ခြင်းမရှိလျှင် ကိုယ်တော့်ကို အမှန်အကန် ချစ်နိုင်ကြမည် မဟုတ်ပေ။
အပြစ်သားများ၏ကယ်တင်ခြင်းအတွက် သက်သေခံ သောအရာ သုံးပါးရှိသည်
| ငါတို့၏စိတ်နှလုံးထဲရှိ ကယ်တင်ခြင်း၏ သက်သေခံချက်သည် အဘယ်နည်း။ |
| သခင်ယေရှု၏ဗတ္တိဇံ |
“သန့်ရှင်းသောဝိညာဉ်တော်၊ ရေ၊ သွေးတည်းဟူသော သက်သေသုံးပါးရှိ၍ ထိုသုံးပါးတို့သည် တညီတညွတ်တည်းဖြစ်ကြ၏။” သခင်ယေရှု သည် ဤလောကသို့ ကြွဆင်းတော်မူခဲ့၍ ရေနှင့်အသွေးအားဖြင့် မိမိ လုပ်ငန်းကို လုပ်ဆောင်တော်မူခဲ့သည်။ ကိုယ်တော်သည် ဤအမှုကို ပြုတော်မူခဲ့၍ ကျွန်ုပ်တို့အား ကယ်တင်တော်မူခဲ့သည်။
“ငါတို့သည် လူ၏သက်သေခံချက်ကို လက်ခံကြသည်ဆိုလျှင် ဘုရားသခင်၏သက်သေခံတော်မူချက်သည် ပို၍ကြီးမြတ်၏။ ဘယ်ကြောင့်ဆိုသော် ဘုရားသခင်၏သက်သေခံတော်မူချက်သည် မိမိ၏သားတော်နှင့်ပတ်သက်၍ပေးထားသောသက်သေခံတော်မူချက်ဖြစ်၏။ ဘုရားသခင်၏သားတော်ကိုယုံကြည်သောသူသည် ဤသက်သေခံချက်ကို မိမိအထဲ၌ရရှိထား၏။ ဘုရားသခင်ကိုမယုံကြည်သောသူမူကား ဘုရားသခင်ကို လိမ်လည်သောသူဟုဆိုရာရောက်၏။ အဘယ်ကြောင့်ဆိုသော် ဘုရားသခင်က မိမိ၏သားတော်နှင့်ပတ်သက်၍ သက်သေခံတော်မူသောသက်သေခံချက်ကို ထိုသူသည် မယုံကြည်သောကြောင့်ဖြစ်၏။ ထိုသက်သေခံချက်မှာ ဘုရားသခင်သည် ငါတို့အား ထာဝရအသက်ကိုပေးတော်မူပြီး ထိုအသက်သည် ဘုရားသခင်၏သားတော်၌ရှိ၏ဟူ၍ ဖြစ်၏။ သားတော်ကိုရရှိသောသူသည် အသက်ကိုရ၏။ ဘုရားသခင်၏သားတော်ကိုမရရှိသောသူမူကား အသက်ကိုမရ” (ရှင်ယောဟန်ဩဝါဒစာပထမစောင် 5:9-12)။
ဒုတိယမွေး ဖွားခြင်းခံရသောသူများသည် လူများ၏သက်သေ ကို ရရှိကြသည်။ ကျွန်ုပ်တို့သည် ဖြောင့်မတ်သူများအဖြစ် အသိအ မှတ်ပြုခြင်းခံရကြသည်။ ရွေးနှုတ်ခြင်း၊ ပြန်လည်မွေးဖွားသူများသည် ရွေးနှုတ်ခြင်း၏အမှန်တရားကို ပြောဆိုသောအခါ၊ လူတို့သည် ၎င်းကိုအငြင်းပွား၍မရပါ။ သူတို့သည် ၎င်းကို လက်ခံကြသည်။ သူတို့က ကျွန်ုပ်တို့သည် မှန်ကန်စွာ ယုံကြည်ပြီး ကျွန်ုပ်တို့၏ ယုံကြည်ခြင်းသည် မှန်ကန်သည်ဟု ပြောကြသည်။ ငါတို့က မိမိတို့ မည်သို့တဖန်မွေးခြင်းခံရကြောင်း ပြောပြလျှင် မည်သူမျှ ထိုအမှန်တရားကို မငြင်းခုံကြပါ။ သူတို့က ငါတို့မှန်ကန်ကြောင်း ပြောကြသည်။ ငါတို့သည် လူတို့၏သက်သေကို ခံယူကြသည်။
သို့သော် ဤကျမ်းပိုဒ်က “ဘုရားသခင်၏သက်သေခံတော်မူချက်သည် ပို၍ကြီးမြတ်၏။ အဘယ်ကြောင့်ဆိုသော် ဘုရားသခင်၏သက်သေခံတော်မူချက်သည်” ဟုလည်း ဆိုထားသည်။ ဘုရားသခင်၏သက်သေခံတော်မူချက်သည် ကိုယ်တော်၏သားတော်နှင့်ဆိုင်သည်ဟု ဆိုထားသည်။ မှန်ပါသလား။ ကိုယ်တော်၏သားတော်၏သက်သေခံတော်မူချက်သည် အဘယ်နည်း။ ဘုရားသခင်သည် ကျွန်ုပ်တို့ကို ကယ်တင်တော်မူခဲ့သည်ဟူသော သက်သေ များမှာ သခင်ယေရှုသည် သန့်ရှင်းသောဝိညာဉ်တော်အားဖြင့် ကြွဆင်းတော်မူ၍ ရွေး နှုတ်ခြင်းရေအားဖြင့် ကြွဆင်းလာကာ ကားတိုင်ပေါ်တွင် အသွေး တော်အားဖြင့် ကြွဆင်းတော်မူခဲ့ခြင်း ဖြစ်သည်။ ဤအရာမှာ ကိုယ် တော်သည် ကျွန်ုပ်တို့အား ကယ်တင်တော်မူခဲ့ သောနည်းလမ်းဖြစ် သည်ကိုလည်းကောင်း၊ ကျွန်ုပ်တို့သည် ၎င်းကို ယုံကြည်ကြသော ကြောင့် ကိုယ်တော်၏လူများဖြစ်ကြသည်ကို လည်းကောင်း ဘုရားသခင်သည် သက်သေခံတော်မူသည်။
“ဘုရားသခင်၏သားတော်ကိုယုံကြည်သောသူသည် ဤသက်သေခံချက်ကို မိမိအထဲ၌ရရှိထား၏။ ဘုရားသခင်ကိုမယုံကြည်သောသူမူကား ဘုရားသခင်ကို လိမ်လည်သောသူဟုဆိုရာရောက်၏။ အဘယ်ကြောင့်ဆိုသော် ဘုရားသခင်က မိမိ၏သားတော်နှင့်ပတ်သက်၍ သက်သေခံတော်မူသောသက်သေခံချက်ကို ထိုသူသည် မယုံကြည်သောကြောင့်ဖြစ်၏။”
ဤကျမ်းပိုဒ်သည် ကယ်တင်ခြင်းခံရသူများသည် မည်သူများဖြစ်ကြောင်း အတိအကျ ပြောပြထားသည်။ ဘုရားသခင်၏သားတော်ကို ယုံကြည်သောသူသည် မိမိအထဲ၌ သက်သေရှိသည်ဟု ဆိုထားသည်။ သင့်စိတ်နှလုံးထဲတွင် သက်သေရှိပါသလား။ ယင်းသည် သင့်အထဲ၌လည်းရှိ၍ ငါ့အထဲ၌လည်း ရှိသည်။ ယေရှုသည် ငါတို့အတွက် ဤလောကသို့ ကြွလာတော်မူခဲ့သည်။ (ကိုယ်တော်သည် သန့်ရှင်းသောဝိညာဉ်တော်အားဖြင့် မာရိ၏ကိုယ်ခန္ဓာမှတစ်ဆင့် လူ့ဇာတိ၌ ကြွလာတော်မူခဲ့သည်။) ကိုယ်တော်သည် အသက်၃၀နှစ်ရှိသော အခါ ကျွန်ုပ်တို့အပြစ် များအားလုံး ယူဆောင်သွားတော်မူရန်အတွက် ဗတ္တိဇံခံယူတော်မူခဲ့ သည်။ ထို့နောက် ငါတို့၏အပြစ်အားလုံးနှင့်အတူ လက်ဝါးကပ်တိုင်ပေါ်တွင် တရားစီရင်ခြင်းကို ခံတော်မူခဲ့သည်။ ကိုယ်တော်သည် ကျွန်ုပ် တို့အား ထာဝရအသက်ပေးအပ်တော်မူရန်အတွက် သုံးရက် မြောက်သောနေ့၌သေခြင်းမှရှင်ပြန်ထမြောက်တော်မူခဲ့သည်။ သခင် ယေရှုသည် ကျွန်ုပ်တို့ကို ဤသို့ဖြင့် ကယ်တင်တော်မူခဲ့သည်။
ကိုယ်တော်သည် သေခြင်းမှရှင်ပြန်ထမြောက်ခြင်းရှိ တော်မမူ လျှင် မည်သည့်အရာ ဖြစ်ပျက်လိမ့်မည်နည်း။ ကိုယ်တော်သည် သင်္ချိုင်းတွင်း၌ ကျွန်ုပ်တို့အတွက် မည်သို့ သက်သေခံနိုင်မည်နည်း။ ထိုသို့ဖြင့်ကိုယ်တော်သည် ကျွန်ုပ်တို့၏ကယ်တင်ရှင်ဖြစ်တော်မူခြင်း ဖြစ်သည်။ ဤသည်ကား ငါတို့ယုံကြည်သောအရာဖြစ်သည်။
ထို့နောက် ကိုယ်တော်မိန့်တော်မူခဲ့သည့်အတိုင်း ဗတ္တိဇံနှင့် အသွေးတော်အားဖြင့် ကျွန်ုပ်တို့ကို ကယ်တင်တော်မူခဲ့သည်။ ကျွန်ုပ်တို့သည် ယုံကြည်ကြသောကြောင့် သင်နှင့်ကျွန်တော်တို့သည် ကယ် တင်ခြင်းခံရကြသည်။ သက်သေသည် ကျွန်ုပ်အထဲ၌လည်းရှိ၍ သင့်အထဲ၌လည်း ရှိပါသည်။ ရွေးနှုတ်ခြင်းခံရသောသူများသည် ကိုယ်တော်၏ဗတ္တိဇံတည်းဟူသော ‘ရေ’ ကို ဘယ်သောအခါမှ လျစ်လျူမရှုကြပါ။ ငါတို့သည် ကိုယ်တော် ငါတို့ကိုကယ်တင်ရန် ပြုလုပ်တော်မူခဲ့သောအရာများကို ဘယ်သောအခါမှ ချန်လှပ်မထားပါ။
“အကြောင်းမူကား ငါတို့သည် ဖြောင့်မတ်ခြင်းအလုံးစုံကို ဤသို့ပြည့်စုံစေသင့်၏” (ရှင်မဿဲခရစ်ဝင် 3:15)။ ယေရှုသည် ဗတ္တိဇံဆရာယောဟန်ထံမှ ဗတ္တိဇံခံယူသောအခါ ယော်ဒန်မြစ်တွင် ငါတို့၏အပြစ်အားလုံးကို ယူဆောင်သွားခဲ့ကြောင်းကို ငါတို့သည် ဘယ်သောအခါမှ ငြင်းပယ်ခြင်းမပြုပါ။ ရွေးနှုတ်ခြင်းခံရသောသူများသည် ယေရှု၏ဗတ္တိဇံတည်းဟူသော ‘ရေ’ ကို ဘယ်သောအခါမှ ငြင်းဆို၍မရပါ။
ယုံကြည်သော်လည်း ရွေးနှုတ်ခြင်းမခံရသောသူများသည် အဆုံးထိ သခင်ယေရှု၏ဗတ္တိဇံကို ငြင်းပယ်ကြသည်
| မည်သူသည် ဘုရားသခင်ကို လိမ်လည်သူအဖြစ် ပြုလုပ်သနည်း။ |
| သခင်ယေရှု၏ဗတ္တိဇံကို မယုံကြည် သူများဖြစ်ကြသည်။ |
တမန်တော်ယောဟန်က “ဘုရားသခင်ကိုမယုံကြည်သောသူမူကား ဘုရားသခင်ကို လိမ်လည်သောသူဟုဆိုရာရောက်၏” ဟု ပြောသောအခါ သူသည် မည်မျှတိကျခဲ့သနည်း။ တမန်တော်ယောဟန်သည် ယခုအချိန် ဤနေရာတွင် အသက်ရှင်နေပါက၊ သူသည် ခရစ်ယာန်များဖြစ်သော ငါတို့အား မည်သည့်အရာကို ပြောပြပါမည်နည်း။ သူသည် ‘ယေရှုသည် ဗတ္တိဇံခံယူသောအခါ ငါတို့၏အပြစ်အားလုံးကို ယူဆောင်သွားခဲ့သလား’ ဟု မေးလိမ့်မည်။
ဗတ္တိဇံဆရာယောဟန်သည်လည်း ယေရှုသည် မိမိ၏ဗတ္တိဇံဖြင့် ငါတို့ကို ရွေးနှုတ်ခဲ့ကြောင်း ဧဝံဂေလိတရားကို သက်သေခံမည် မဟုတ်ပါလော။ “ယေရှုသည် ငါ့ထံမှ ဗတ္တိဇံခံယူသောအခါ သင်တို့၏အပြစ်များသည် ကိုယ်တော်၏ဦးခေါင်းပေါ်သို့ လွှဲပြောင်းခြင်းခံရ၍၊ ကိုယ်တော်သည် သင်တို့၏အပြစ်များကို ထမ်းဆောင်ခဲ့သည် မဟုတ်လော။” သူသည် “ယေရှုသည် သင်တို့ကို ကယ်တင်ရန် ဗတ္တိဇံခံယူခဲ့သည်” ဟု သက်သေခံလိမ့်မည်။
တစ်နည်းအားဖြင့် ဘုရားသခင်ကို မယုံကြည်သူများ၊ ကျွန်ုပ်တို့ အားကယ်တင်ရန် ကိုယ်တော်ပြုတော်မူခဲ့သောအရာများအားလုံးကို မယုံကြည်သူများသည် ကိုယ်တော့်ကို မုသာပြောစေကြသည်။ ငါတို့က ယေရှုသည် ဗတ္တိဇံခံယူသောအခါ ငါတို့၏အပြစ်အားလုံးကို ယူဆောင်သွားခဲ့သည်ဟု ပြောသောအခါ၊ သူတို့က “အို၊ ဘုရားသခင်! ကိုယ်တော်သည် ကျွန်ုပ်တို့၏ အပြစ်အားလုံးကို ဖယ်ရှားနိုင်မည် မဟုတ်ပါ။ ကိုယ်တော်သည် မူလအပြစ်ကိုသာ ဖယ်ရှားခဲ့သောကြောင့် ကျွန်ုပ်တို့ နေ့စဉ်ကျူးလွန်သော အပြစ်များသည် ကျန်ရှိနေပါသေးသည်။” ဟု ပြောကြသည်။
သူတို့သည် ‘ရွေးနှုတ်ခြင်းခံရရန် နေ့စဉ်နောင်တရ၍ ပစ္စုပ္ပန်အပြစ်အားလုံးကို ဝန်ချတောင်းပန်ရမည်’ ဟု အတင်းပြောဆိုကြသည်။ ဤသည်မှာ သူတို့ယုံကြည်သောအရာဖြစ်သည်။ သင်တို့အားလုံးလည်း ထိုသို့ပြောကြပါသလား။ ငါတို့၏အပြစ်များသည် ယေရှု၏ဗတ္တိဇံဖြင့် ဆေးကြောခြင်းခံရကြောင်းကို မယုံကြည်သူများသည် ဘုရားသခင်ကို လိမ်လည်သူအဖြစ် ပြုလုပ်နေကြခြင်းဖြစ်သည်။
သခင်ယေရှုသည် ဗတ္တိဇံ၍ ကားတိုင်ပေါ်တွင် အသွေး တော်သွန်းလောင်းခဲ့သောအခါ ကျွန်ုပ်တို့ကို တစ်ကြိမ် တည်းကယ်တင်တော်မူခဲ့သည်
| မည်သူသည် မုသာ ပြောသနည်း |
| သခင်ယေရှု၏ဗတ္တိဇံကို မယုံကြည်သူများ ဖြစ်သည် |
ယေရှုသည် ဗတ္တိဇံခံယူ၍ အပြစ်အားလုံးကို တစ်ကြိမ်တည်းဖြင့် အပြီးအပိုင် ယူဆောင်သွားခဲ့သည်။ ဘုရားသခင်သည် ယေရှု၏ဗတ္တိဇံနှင့် အသွေးတော်ကို ယုံကြည်သူများကို ကယ်တင်တော်မူသော်လည်း၊ မယုံကြည်သူများကို စွန့်ပစ်တော်မူသည်။ မယုံကြည်သောသူတို့သည် ငရဲသို့သွားလိမ့်မည်။ ထို့ကြောင့် ငါတို့သည် ကယ်တင်ခြင်းခံရမည်လား မခံရမည်လားဆိုသည်မှာ ငါတို့ မည်သည့်အရာကို ယုံကြည်သည်ဆိုသည့်အပေါ် မူတည်နေသည်။ ယေရှုသည် ငါတို့ကို လောကီအပြစ်အားလုံးမှ ကယ်လွှတ်တော်မူခဲ့သည်။ ယုံကြည်သူများသည် ကယ်တင်ခြင်းခံရမည်ဖြစ်ပြီး၊ မယုံကြည်သူများသည် ဘုရားသခင်ကို လိမ်လည်သူအဖြစ် ပြုလုပ်ကြသောကြောင့် ကယ်တင်ခြင်းခံရမည် မဟုတ်ပါ။
လူတို့သည် သူတို့၏အားနည်းချက်များကြောင့် ငရဲသို့မသွားကြပါ။ သို့သော် မယုံကြည်ခြင်းကြောင့် သွားကြရသည်။ “ဘုရားသခင်ကိုမယုံကြည်သောသူမူကား ဘုရားသခင်ကို လိမ်လည်သောသူဟုဆိုရာရောက်၏” (ရှင်ယောဟန်ဩဝါဒစာပထမစောင် 5:10)။ သူတို့၏အပြစ်အားလုံးသည် ယေရှုထံသို့ လွှဲပြောင်းခြင်းခံရကြောင်းကို မယုံကြည်သူများသည် သူတို့၏စိတ်နှလုံးထဲတွင် အပြစ်ရှိနေဆဲဖြစ်သည်။ သူတို့သည် အပြစ်မရှိဟု ပြောဆိုနိုင်မည် မဟုတ်ပါ။
တစ်ကြိမ်က ကျွန်တော် သင်းထောက်လူကြီးတစ်ဉီးကို တွေ့၍ တစ်ကြိမ်က ကျွန်တော် သင်းထောက်လူကြီးတစ်ဉီးကို တွေ့၍ “သင်းထောက်လူကြီးရေ၊ ကျွန်တော် ယေရှုကို ယုံကြည်ရင် အပြစ်တွေ ပျောက်သွားမှာလား။” ဟု မေးခဲ့သည်။
“ဟုတ်ပါတယ် ကွယ်ပျောက်ခဲ့ပါတယ်။”
“ထိုနောက် သခင်ယေရှုသည် လောကအပြစ်များအားလုံးကို ယူဆောင်သွားတော်မူခဲ့၍ အမှုပြီးပြီ ဟု မိန့်တော်မူခဲ့သောကြောင့် သင်သည် ကယ်တင်ခြင်းခံရတယ်။ မှန်ကန်တယ်မဟုတ်ဘူးလား။”
“ဟုတ်ပါသည်၊ ကျွန်ုပ်သည် ကယ်တင်ခြင်းခံရပါပြီ။”
“ဒါဆိုရင် သင့်မှာ အပြစ်မရှိတော့ဘူးပေါ့။”
“ဟုတ်တယ် ဒါမှန်တယ်။”
“ငါထပ်ပြီးအပြစ်လုပ်ရင် ဘာဖြစ်မလဲ။”
“ငါတို့အားလုံးက လူသားများဖြစ်ကြတယ်။ အပြစ်မပြုဘဲ မည် သို့နေနိုင်ကြမလဲ။ ဒါကြောင့် ကျွန်ုပ်တို့သည် နေ့စဉ်အပြစ်များအ တွက် နောင်တရ၍ ဆေးကြောရမည် ဖြစ်တယ်။”
ဤသင်းထောက်လူကြီးသည် ကယ်တင်ခြင်း၏ ပြည့်စုံသောသမ္မာတရားကို မသိသောကြောင့် သူ၏စိတ်နှလုံးထဲတွင် အပြစ်ကို ဆက်လက်သိုမှီးထားဆဲဖြစ်သည်။
သူကဲ့သို့သောသူများသည် ဘုရားသခင်ကို ပြက်ရယ်ပြု၍ လိမ်လည်သူအဖြစ် ပြုလုပ်နေကြသူများဖြစ်သည်။ ဘုရားသခင်ဖြစ်တော်မူသော ယေရှုသည် လောကီအပြစ်အားလုံးကို ဖယ်ရှားရန် ပျက်ကွက်ခဲ့သလား။ ဤသည်မှာ အလွန်စိတ်ပျက်စရာကောင်းသည်။ အကယ်၍ ယေရှုသည် အပြစ်အားလုံးကို မဖယ်ရှားခဲ့လျှင် ကိုယ်တော်သည် ကယ်တင်ခြင်း၏ဘုရားသခင် မည်သို့ဖြစ်နိုင်မည်နည်း။ ကိုယ်တော်ကို ယုံကြည်ရန် ကျွန်ုပ်တို့အား မည်သို့ပြောနိုင်မည်နည်း။ သင်တို့သည် ကိုယ်တော်ကို လိမ်လည်သူအဖြစ် ပြုလုပ်မှာလား။ ထိုသို့မပြုလုပ်ရန် သင့်အား အကြံပြုပါသည်။
ကျမ်းစာက ကိုယ်တော်ကို မပြက်ရယ်ပြုရန် ပြောထားသည်။ ဤသည်မှာ ကိုယ်တော်ကို လိမ်လည်သူအဖြစ် မပြုလုပ်ရန်နှင့် ကိုယ်တော်ကို လှည့်ဖြားရန် မကြိုးစားရန် ဆိုလိုခြင်းဖြစ်သည်။ ကိုယ်တော်သည် ငါတို့နှင့် မတူပါ။
တမန်တော်ယောဟန်သည် ရွေးနှုတ်ခြင်း၏ဧဝံဂေလိတရားအကြောင်းကို ငါတို့အား တိကျစွာ ပြောပြထားသည်။ လူအများစုသည် ဘုရားသခင်က ငါတို့အတွက် ပြုလုပ်ပေးခဲ့သောအရာများကို (ယေရှုခရစ်တော်သည် ရေ၊ အသွေး၊ နှင့် သန့်ရှင်းသောဝိညာဉ်တော်အားဖြင့် ကြွလာတော်မူခဲ့သည့်အချက်) ယုံကြည်လိုကြခြင်း မရှိကြပါ။
အကယ်၍ ပြောပြခံရသည့်အတိုင်း မယုံကြည်သူများနှင့် ဘုရားသခင်က ငါတို့အတွက် ပြုလုပ်ပေးခဲ့သောအရာအားလုံးကို ယုံကြည်သူများ (ဘုရားသခင့်ရှေ့တော်၌ “ကျွန်ုပ်သည် ဖြောင့်မတ်သူဖြစ်သည်” ဟု ပြောသူများနှင့် “ကျွန်ုပ်သည် အပြစ်သားဖြစ်သည်” ဟု ပြောသူများ) ရှိပါက မည်သူတို့သည် အမှန်တရားကို ပြောနေကြသနည်း။
ဘုရားသခင် ဆောင်ရွက်တော်မူခဲ့သောအရာများ၊ ရေ၊ အသွေး၊ နှင့် သန့်ရှင်းသောဝိညာဉ်တော်၏ သက်သေခံချက်ကို မယုံကြည်သူများသည် လိမ်လည်နေကြခြင်းဖြစ်သည်။ သူတို့သည် မှားယွင်းသောယုံကြည်ခြင်းကို ကိုင်စွဲထားကြသည်။ မယုံကြည်သူတိုင်း ဘုရားသခင်ကို လိမ်ညာစေတယ်။
ကိုယ်တော်ကို လိမ်လည်သူအဖြစ် မပြုလုပ်ပါနှင့်။ ယေရှုသည် ယော်ဒန်မြစ်သို့ ကြွလာ၍ (ဗတ္တိဇံခံယူခြင်းဖြင့်) ဖြောင့်မတ်ခြင်းအမှုအလုံးစုံကို ပြည့်စုံစေတော်မူခဲ့သည် (လောကီအပြစ်အားလုံးကို ဖယ်ရှားတော်မူခဲ့သည်)။
မယုံကြည်သော စိတ်ဝိညာဉ်သည် ယေရှု၏ ဗတ္တိဇံနှင့် ကိုယ်တော်၏ သန့်ရှင်းခြင်းကို ငြင်းပယ်သည်
| စာတန်နှင့် မာရ်နတ်သည် မည်သည့်အရာကို ပယ်ချသနည်း။ |
| ယေရှု၏ဗတ္တိဇံနှင့် ကိုယ်တော်၏သန့်ရှင်းခြင်း |
ကိုယ်တော်၏သားတော်ကို ယုံကြည်သောသူသည် မိမိအထဲ၌ သက်သေရှိ၏။ ရွေးနှုတ်ခြင်းခံရသောသူသည် ယေရှု ဗတ္တိဇံခံယူသောအခါ မိမိတို့၏အပြစ်များသည် ကိုယ်တော်ထံသို့ လွှဲပြောင်းခဲ့ကြောင်းနှင့် ယေရှု၏ရေနှင့်အသွေးတော်အားဖြင့် မိမိတို့သည် ကယ်လွှတ်ခြင်းခံရကြောင်းကို ယုံကြည်သည်။ သူတို့သည် သခင်ယေရှုသည် အပျိုကညာမာရိ၏ဗိုက်အားဖြင့် ဤလောကသို့ ဖွားမြင်ခြင်းခံရတော်မူသည်ဟု ယုံကြည်ကြသည်။ ကိုယ်တော်သည် ကားတိုင်ပေါ်တွင် အသေခံတော်မမူမီ ယောဒန်မြစ်၌ ဗတ္တိဇံခံယူတော်မူခဲ့သည်။ ကိုယ်တော်သည် သေဆုံးပြီး ရှင်ပြန်ထမြောက်တော်မူခဲ့သည်။
ဖြောင့်မတ်သောသူတို့သည် သက်သေရှိကြ၏။ ရေ၊ အသွေး၊ နှင့် သန့်ရှင်းသောဝိညာဉ်တော်အားဖြင့် ကြွလာတော်မူသော ယေရှုကို ယုံကြည်ခြင်းသည် ငါတို့၏ကယ်တင်ခြင်း၏ သက်သေဖြစ်သည်။ သက်သေသည် သင့်အထဲ၌ရှိ၏။ ‘သင့်အထဲ၌ သက်သေရှိစေလော့။’ သင့်အား ငါပြောသည်မှာ - သက်သေမရှိလျှင် ကယ်တင်ခြင်းမဟုတ်။ ကယ်တင်ခြင်း၏သက်သေသည် သင့်အထဲ၌ရှိ၏။
တမန်တော်ယောဟန်က “ဘုရားသခင်၏သားတော်ကိုယုံကြည်သောသူသည် ဤသက်သေခံချက်ကို မိမိအထဲ၌ရရှိထား၏” (ရှင်ယောဟန်ဩဝါဒစာပထမစောင် 5:10)။ လက်ဝါးကပ်တိုင်ပေါ်မှ အသွေးတော်ကိုသာ ယုံကြည်ခြင်းသည် သက်သေရှိခြင်းဖြစ်သလော။ ရေကိုယုံကြည်၍ အသွေးကို မယုံကြည်ခြင်းလော။ ဘုရားသခင်၏ အသိအမှတ်ပြုခြင်းကို ခံရရန် သင်သည် သုံးခုလုံးကို ယုံကြည်သင့်သည်။
ထိုအခါမှသာ ယေရှုက ‘သင်သည် ကယ်တင်ခြင်းခံရပြီ’ ဟု သက်သေခံပေးတော်မူမည်။ နှစ်ခုတည်း (အသွေးနှင့် သန့်ရှင်းသောဝိညာဉ်တော်) ကိုသာ ယုံကြည်လျှင် သက်သေခံချက်ကို ရရှိနိုင်သည်ဟု ဆိုလိုပါသလား။ ထိုသို့ဆိုလျှင် သင့်နည်းသင့်ဟန်ဖြင့် ဘုရားသခင်ကို ယုံကြည်ခြင်းဖြစ်လိမ့်မည်။ ထိုအရာသည် ‘မိမိအတွက် သက် သေခံခြင်း’ သက်သက် ဖြစ်သည်။
ဤကဲ့သို့သောသူများ အများအပြားရှိသည်။ သုံးခုအနက် နှစ်ခုကိုသာ ယုံကြည်သူများ ကမ္ဘာပေါ်တွင် အများအပြားရှိသည်။ သူတို့သည် ကယ်တင်ခြင်းခံရပြီဟု သက်သေခံ၍ ထိုအကြောင်းစာအုပ်များ ရေးသားကြသည်။ သူတို့သည် မည်မျှ ပြောဆိုရာတွင် ကျွမ်းကျင်လိမ္မာသည်နည်း။ အလွန်စိတ်ပျက်ဖွယ်ကောင်းလှပါသည်။ သူတို့သည် မိမိကိုယ်ကိုကိုယ် ‘ဧဝံ ဂေလိယုံ ကြည်သူများ’ ဟုမှည့်ခေါ်ကြသည်။ သူတို့သည် ‘ဧဝံဂေလိယုံကြည်သူ များ’ သာမက ‘ဘာသာရေးသမားများ’ လည်း ဖြစ်ကြသည်ဟု သူတို့ ခံစားကြသည်။ သူတို့သည် ‘ရေ’ ကို မယုံကြည်ကြသော်လည်း သူတို့ ကယ်တင်ခြင်းအတွက် ဝါကြွားကြသေးသည်။ သူတို့သည် ဘယ် လောက် ယုတ္တိဆန်သလဲ။ သို့သော် သတို့သည် မိမိနှလုံးသားများ၌ ဘုရားသခင်၏သက်သေမရှိကြပေ။ ထိုအရာသည် ယူဆချက်သက်သက်သာ ဖြစ်သည်။
သင်သည် ထိုအရာကို ကယ်တင်ခြင်းဟု မည်သို့ခေါ်နိုင်မည်နည်း။ သန့်ရှင်းသောဝိညာဉ်တော်၊ ရေ၊ နှင့် အသွေးအားဖြင့် ကြွလာတော်မူသော ယေရှုကို ယုံကြည်သူသာလျှင် ဘုရားသခင်နှင့် လူတို့၏သက်သေခံချက်ကို ရရှိပါသည်။
တမန်တော်ပေါလုက “အကြောင်းမူကား ငါတို့ဟောပြောသည့် ကောင်းမြတ်သောသတင်းသည် စကားအားဖြင့်သာမဟုတ်ဘဲ တန်ခိုးတော်အားဖြင့်လည်းကောင်း၊ သန့်ရှင်းသောဝိညာဉ်တော်အားဖြင့်လည်းကောင်း၊ ပြည့်ဝသောစိတ်ချမှုအားဖြင့်လည်းကောင်း သင်တို့ထံသို့ရောက်လာ၏” (သက်သာလောနိတ်ဩဝါဒစာပထမစောင် 1:5)။ လူတို့သည် ယေရှု၏အသွေးတော်ကိုသာ ယုံကြည်ကြသောအခါ စာတန်သည် ဝမ်းမြောက်၏။ “အို၊ လူမိုက်တို့၊ သင်တို့သည် ငါ၏လှည့်ဖြားခြင်းကို ခံရကြပြီ... ဟား ဟား!” ယေရှု၏အသွေးတော်ကို ချီးမွမ်းသောအခါ စာတန်သည် ထွက်သွားသည်ဟု ယုံကြည်သူ အများအပြားရှိသည်။ သူတို့သည် စာတန်သည် လက်ဝါးကပ်တိုင်ကို ကြောက်ရွံ့သည်ဟု ထင်ကြသည်။ စာတန်သည် ရှိုးပွဲကိုသာ ပြသနေခြင်းဖြစ်သည်။ ငါတို့သည် ထိုအရာကြောင့် လှည့်ဖြားခြင်း မခံသင့်ပါ။
နတ်ဆိုးတစ်ကောင်သည် တစ်စုံတစ်ယောက်အထဲသို့ ဝင်သောအခါ၊ ထိုသူသည် ရူးသွပ်၍ ပါးစပ်မှ အမြှုပ်ထွက်လာနိုင်သည်။ ဤသည်မှာ မာရ်နတ်အတွက် ခက်ခဲသောအရာ မဟုတ်ပါ။ မာရ်နတ်သည် လူတစ်ယောက်အား ဘာမဆို လုပ်စေနိုင်သည့် တန်ခိုးရှိသည်။ မာရ်နတ်က သူ့ဦးနှောက်ကို နည်းနည်းသုံးဖို့ပဲလိုတယ်။ ဘုရားသခင်သည် မာရ်နတ်အား သတ်နိုင်သည့်စွမ်းရည်မှလွဲ၍ အခြားစွမ်းရည်အားလုံးကို ပေးအပ်ထားသည်။ မာရ်နတ်သည် တစ်စုံတစ်ယောက်အား သစ်ရွက်ကဲ့သို့ တုန်လှုပ်စေခြင်း၊ အော်ဟစ်စေခြင်း၊ နှင့် ပါးစပ်မှ အမြှုပ်ထွက်စေခြင်းတို့ကို ပြုလုပ်နိုင်သည်။
ဤကဲ့သို့သောအရာဖြစ်ပေါ်လာသောအခါ ယုံကြည်သူများက “ယေရှု၏နာမတော်အားဖြင့် ထွက်သွားလော့။ ထွက်သွားလော့” ဟု အော်ဟစ်ကြသည်။ ထို့နောက် ထိုသူသည် သတိရလာ၍ ပုံမှန်အခြေအနေသို့ ပြန်ရောက်လာသောအခါ၊ သူတို့က ယေရှု၏အသွေးတော်၌ တန်ခိုးရှိခဲ့သည်ဟု ပြောကြသည်။ သို့သော် ဤသည်မှာ ကိုယ်တော်၏အဖိုးထိုက်သောအသွေးတော်၏ တန်ခိုးမဟုတ်ပါ။ စာ တန် သည် ‘ပြကွက်’ တစ်ခုကိုသာ ပြသခြင်းသက်သက် ဖြစ်သည်။
ဗတ္တိဇံအားဖြင့် ကျွန်ုပ်တို့အား သန့်ရှင်းစွာဆေးကြောခြင်းခံရ၍ အသွေးတော်ဖြင့် ကျွန်ုပ်တို့အတွက် တရားစီရင်ခြင်းယူဆောင်ပြီး သုံးရက်မြောက်သောနေ့တွင် သေခြင်း မှ ရှင်ပြန်ထမြောက်သောသူ သခင်ယေရှုကို ယုံကြည်သူများအား စာတန်နှင့် မာရ်နတ်တို့သည် ကြောက်ကြသည်။ စာတန်သည် ယေရှု၏ ဗတ္တိဇံနှင့် အသွေးတော်၏ ကယ်တင်ခြင်းကို သက်သေခံသူ၏ အနားတွင် နေလိမ့်မည်မဟုတ်ပါ။
သင်သိထားသည့်အတိုင်း၊ ကက်သလစ်ဘုန်းတော်ကြီးများသည် တစ်ခါတစ်ရံ စာတန်ကို နှင်ထုတ်ကြသည်။ ငါတို့သည် ၎င်းကို ရုပ်ရှင်များတွင် မြင်တွေ့ခဲ့ကြသည်။ ‘The Omen’ ရုပ်ရှင်တွင် ဘုန်းကြီးတစ်ပါးသည် သစ်သားလက်ဝါးကပ်တိုင်ကို ကိုင်မြှောက်၍ လှုပ်ခါသော်လည်း ထိုဘုန်းကြီး သေဆုံးသွားသည်။ ဒုတိယမွေးဖွားခြင်းခံရသောသူတစ် စုံတစ်ဉီးသည် ဤသို့ဖြင့် ရှုံးနှိမ့်လိမ့်မည် မဟုတ်ပေ။
သူသည် ယေရှု၏ရေနှင့်အသွေးအကြောင်းကို ရဲရင့်စွာ ပြောဆိုသည်။ မာရ်နတ်က သူ့ကို နှောင့်ယှက်ရန် ကြိုးစားသောအခါ၊ သူက မာရ်နတ်အား “ယေရှုသည် ငါ၏အပြစ်အားလုံးကို ယူဆောင်သွားခဲ့ကြောင်း သင်သိပါသလား” ဟု မေးလေ့ရှိသည်။ မာရ်နတ်သည် ထွက် ပြေးလိမ့်မည်။ မာရ်နတ်သည် ‘ဒုတိယမွေးဖွားခြင်းခံရသူများ’ ၏အနီးတွင် နေရန် မုန်းတီးသည်။ ‘ဒုတိယ မွေးဖွားခြင်းခံသောသူတစ်ဉီး’ သည် ထိုနေရာတွင် ထိုင်လျှင် စာတန်သည် ထွက်ပြေးရန် ကြိုးစားလိမ့် မည်။ ဘုရားသခင်ကို မယုံကြည်သူများသည် ကိုယ်တော်ကို လိမ်လည်သူအဖြစ် ပြုလုပ်ကြသည်ဟု ဆိုကြသည်။ သူတို့သည် ရေနှင့်အသွေး၏ သက်သေခံချက်ဖြစ်သော ကိုယ်တော်၏သားတော်၏ သက်သေခံချက်ကို မယုံကြည်ကြပါ။
| ဘုရားသခင်၏သားတော်၏ သက်သေမှာ အဘယ်နည်း |
| ကိုယ်တော်၏ဗတ္တိဇံ၊ အသွေးတော်၊ နှင့်သန့်ရှင်းသောဝိညာဉ်တော် |
ဘုရားသခင်၏သားတော်၏ သက်သေခံချက်သည် အဘယ်နည်း။ သန့်ရှင်းသောဝိညာဉ်တော်အားဖြင့် ကြွလာပြီး ငါတို့၏အပြစ်များကို ရေဖြင့် ဆေးကြောပေးတော်မူခဲ့ခြင်း ဖြစ်သည်။ ကိုယ်တော်သည် လောကီအပြစ်အားလုံးကို မိမိအပေါ်သို့ ယူဆောင်၍ ငါတို့အတွက် လက်ဝါးကပ်တိုင်ပေါ်တွင် အသွေးသွန်းခဲ့သည်။ ဤသည်မှာ ရေ၊ အသွေးနှင့် သန့်ရှင်းသောဝိညာဉ်တော်၏ အပြစ်ဖြေခြင်းမဟုတ်လော။
လူတို့သည် ရေနှင့်အသွေး၏ ဧဝံဂေလိတရားနှင့် ရွေးနှုတ်ခြင်း၏ ဧဝံဂေလိတရားကို မယုံကြည်သောကြောင့် ဘုရားသခင့်ရှေ့မှောက်တွင် လိမ်လည်ပြောဆိုကြသည်။ သူတို့ရဲ့ယုံကြည်ချက်တွေက လွဲမှားပြီး ဒီလိမ်လည်မှုကို ဖြန့်တယ်။
ရှင်ယောဟန်ဩဝါဒစာပထမစောင် 5 သို့ ပြန်သွားကြပါစို့။ အပိုဒ် 11 တွင် “ထိုသက်သေခံချက်မှာ ဘုရားသခင်သည် ငါတို့အား ထာဝရအသက်ကိုပေးတော်မူပြီး ထိုအသက်သည် ဘုရားသခင်၏သားတော်၌ရှိ၏ဟူ၍ ဖြစ်၏။” ဘုရားသခင်သည် ငါတို့အား ထာဝရအသက်ကို ပေးတော်မူကြောင်း၊ ထိုအသက်သည် ၎င်းကို လက်ခံရရှိသူ၌ ရှိကြောင်း ဖော်ပြထားသည်။ ထို့အပြင်၊ ဤအသက်သည် ကိုယ်တော်၏သားတော်၌ ရှိသည်။
ထာဝအသက်ရရှိသောသူများသည် သခင်ယေရှု၏ဗတ္တိဇံနှင့် အသွေးတော်ကို ယုံကြည်ခြင်းအားဖြင့် ရွေးနှုတ်ခြင်းခံရသောသူများ ဖြစ်ကြသည်။ ရွေးနှုတ်ခြင်းခံရသောသူများသည် ထာဝရအသက်ရရှိ ကြ၍ ထာဝရအသက်ရှင်ကြသည်။ သင်သည် ထာဝရအသက်ရရှိ ခဲ့ပြီးပြီလော။
အပိုဒ် 12 တွင်၊ “သားတော်ကိုရရှိသောသူသည် အသက်ကိုရ၏။ ဘုရားသခင်၏သားတော်ကိုမရရှိသောသူမူကား အသက်ကိုမရ။” တနည်းအားဖြင့်၊ သားတော်က ဤလောကတွင် ပြုတော်မူခဲ့သောအရာများ၊ တနည်းအားဖြင့် ဗတ္တိဇံခံယူခြင်း၊ လက်ဝါးကပ်တိုင်ပေါ်တွင် အသေခံတော်မူခြင်း၊ နှင့် ရှင်ပြန်ထမြောက်တော်မူခြင်းတို့ကို ယုံကြည်သူသည် ထာဝရအသက်ကို ရရှိပါသည်။ သို့သော် ဤအရာများထဲမှ တစ်ခုခုကိုမျှ ချန်လှပ်ထားသူသည် အသက်ကို မရရှိသကဲ့သို့ ရွေးနှုတ်ခြင်းကိုလည်း မခံရပါ။
တမန်တော်ယောဟန်သည် ယေရှုပြုတော်မူခဲ့သောအရာများ - ရေ၊ အသွေး၊ နှင့် သန့်ရှင်းသောဝိညာဉ်တော်တို့ကို ယုံကြည်ခြင်းအပေါ် အခြေခံ၍ ဘုရားသခင်၏လူတို့ကို ခွဲခြားသတ်မှတ်ခဲ့သည်။ ဤအရာများသည် သူတို့၌ နှုတ်ကပတ်တော် ရှိမရှိကို ပြသနေသည်။ သူသည် ရွေးနှုတ်ခြင်းခံရသူများကို ယေရှု၏ ဗတ္တိဇံရေ၊ ကိုယ်တော်၏အသွေးတော်နှင့် သန့်ရှင်းသောဝိညာဉ်တော်အပေါ် ယုံကြည်ခြင်းဖြင့် ခွဲခြားသိမြင်သည်။
ဒုတိယမွေးဖွားခြင်းမခံရသေးသောသူများသည် ဆိတ် နှင့်သိုးကို မပိုင်းခြားနိုင်ကြပေ
| မည်သူသည် ရွေးနှုတ် ခြင်းခံရသူများနှင့် မခံရသူများ ကို ပိုင်းခြားနိုင်သနည်း |
| နောက်တဖန်မွေးဖွားလာ |
တမန်တော်ရှင်ယောဟန်သည် ရွေးနှုတ် ခြင်းခံရသောဖြောင့် မတ်သူများကို ရှင်းလင်းစွာ သိခဲ့သည်။ တမန်တော်ပေါလုကလည်း ထိုနည်းတူ ပြုခဲ့သည်။ ဘုရားသခင်၏အစေခံများသည် သိုးနှင့်ဆိတ်ကို မည်သို့ ခွဲခြားသိမြင်နိုင်သနည်း။ သူတို့သည် ဘုရားသခင်၏စစ်မှန်သောအစေခံများနှင့် မုသားလူများကို မည်သို့ ခွဲခြားသိနိုင်ပါသနည်း။ သခင်ယေရှု၏ရေနှင့်အသွေးတော်ကို ယုံကြည်ခြင်း အားဖြင့် ရွေးနှုတ်ခြင်းခံရသောသူများသည် မြင်တွေ့ရန် တန်ခိုးရရှိ ကြသည်။
သင်းအုပ်ဆရာဖြစ်စေ၊ဧဝံဂေလိဆရာဖြစ်စေ၊ သင်းထောက်လူ ကြီး ဖြစ်စေ၊ သူသည် ရွေးနှုတ်ခြင်းခံရသောသူ အသိအမှန်မပြုလျှင် သို့မ ဟုတ် သူသည် သိုးနှင့်ဆိတ်ကိုမခွဲခြားနိုင်လျှင် သူသည် ဒုတိယ မွေးဖွားခြင်းမခံရသေးဘဲ သူ၌ အသက်မပိုင်ဆိုင်ပေ။ သို့သော် ဒုတိယမွေးဖွားခြင်းအမှန်အကန် ခံရသောသူ များသည် ခြားနားမှုကို ရှင်းလင်းစွာ မြင်တွေ့နိုင်ကြသည်။ မိမိ၌ အသက်မရှိသောသူများ သည် ခြားနားမှုမမြင်တွေ့နိုင်၊ အသိအမှတ်လည်းမပြုနိုင်ကြပေ။
၎င်းသည် မှောင်မိုက်ထဲတွင် အရောင်အမျိုးမျိုးကို ခွဲခြားခြင်းနှင့် တူသည်။ အစိမ်းရောင်သည် အစိမ်းရောင်ဖြစ်၍ အဖြူရောင်သည် အဖြူရောင်ဖြစ်သည်။ သင်သည် မျက်စိကိုမှိတ်ထားလျှင် အရောင်များကို မမြင်နိုင်သကဲ့သို့ အသိအမှတ်လည်း မပြုနိုင်ပါ။
သို့သော် မျက်စိဖွင့်ထားသူများသည် အရောင်၏ အသေးငယ်ဆုံးသော ကွဲပြားခြားနားမှုကိုပင် သိမြင်နိုင်ကြသည်။ သူတို့သည် မည်သည်က အစိမ်းရောင်ဖြစ်၍ မည်သည်က အဖြူရောင်ဖြစ်သည်ကို ပြောပြနိုင်ကြသည်။ ထိုနည်းတူပင်၊ ရွေးနှုတ်ခြင်းခံရသူများနှင့် ရွေးနှုတ်ခြင်းမခံရသူများကြား ထင်ရှားသော ကွာခြားချက်ရှိသည်။
ငါတို့သည် ရွေးနှုတ်ခြင်း၏ဧဝံဂေလိတရား၊ ရေ၊ အသွေး၊ နှင့် သန့်ရှင်းသောဝိညာဉ်တော်၏ ဧဝံဂေလိတရားကို ဟောပြောရမည်။ ငါတို့သည် ထ၍ ထွန်းလင်းရမည်။ ယုံကြည်ခြင်းကို ဖြန့်ဝေရန် ငါတို့ပတ်လည်တွင် လူများကို စုဝေးစေသောအခါ၊ ငါတို့သည် လူ့စကားဖြင့် မပြောဆိုကြ။ ကျမ်းစာထဲတွင် ရှင်ယောဟန်ဩဝါဒစာပထမစောင် 5 သည် ၎င်း၏အဓိပ္ပါယ်ကို ရှင်းပြထားသည်။ နားလည်မှုလွဲမှားခြင်း မရှိစေရန် ငါတို့သည် အဆင့်ဆင့် ရှင်းပြသင့်သည်။
ငါတို့ဖြန့်ဝေနေသောနှုတ်ကပတ်တော်၊ တနည်းအားဖြင့် ယေရှု၏ရေ၊ အသွေး၊ နှင့် သန့်ရှင်းသောဝိညာဉ်တော်၏နှုတ်ကပတ်တော်သည် ရွေးနှုတ်ခြင်း၏အလင်းဖြစ်သည်။ ယေရှု၏ ‘ရေ’ ကို လူတို့အား သိစေရန် ပြုလုပ်ခြင်းသည် တောက်ပစွာ ထွန်းလင်းခြင်းဖြစ်သည်။ ယေရှု၏ ‘အသွေး’ ကို သိစေရန် ပြုလုပ်ခြင်းသည် တောက်ပစွာ ထွန်းလင်းခြင်းဖြစ်သည်။ ဤအချက်ကို ဤမြေပေါ်တွင် မသိသူ တစ်ဦးတစ်ယောက်မျှ မရှိစေရန် ကျွန်ုပ်တို့သည် ရှင်းလင်းစွာ ဟောပြောရမည်။
အကယ်၍ ရွေးနှုတ်ခြင်းခံရသူများသည် မထ၍ အလင်းမပေးလျှင်၊ လူအများသည် ကယ်တင်ခြင်းမခံရဘဲ သေဆုံးကြလိမ့်မည်၊ ထို့အပြင် ဘုရားသခင်သည်လည်း ဝမ်းမြောက်တော်မမူပါ။ ကိုယ်တော်သည် ငါတို့ကို ပျင်းရိသောအစေခံများဟု ခေါ်တော်မူလိမ့်မည်။ ငါတို့သည် ယေရှု၏ရေနှင့်အသွေး၏ ဧဝံဂေလိတရားကို ဖြန့်ဝေရမည်သာဖြစ်သည်။
ကျွန်တော် မကြာခဏပြန်ပြောရခြင်းအကြောင်းမှာ သခင် ယေရှု၏ဗတ္တိဇံသည် ကျွန်ုပ်တို့ကယ်တင်ခြင်းအတွက် အလွန်အရေး ကြီးသောကြောင့် ဖြစ်သည်။ ကျွန်ုပ်တို့သည် က လေးသူငယ်များထံ စကားပြောကြသောအခါကျွန်ုပ်တို့သည်အကြိမ်ကြိမ်ရှင်းပြ၍ အဓိက အချက်ကို ပြောကြားမှသာလျှင် သူတို့သည် ကျွန်ုပ်တို့ပြောသော အရာကို နားလည်သဘောပေါက်ကြလိမ့် မည်။
ကျွန်ုပ်တို့သည် စာပေမကျွမ်းကျင်သောသူတစ်ဉီးထံ သင်ကြား ပေးရန် ကြိုးစားကြလျှင် ကျွန်ုပ်တို့သည် ပထမဉီးဆုံး ဗျည်းအက္ခရာ အားဖြင့် စတင်ရပေမည်။ ထိုနောက် ကျွန်ုပ်တို့သည် ဤဗျည်းအက္ခ ရာဖြင့် စလုံးပေါင်းမည်သို့ ရေးသားရမည်ကို တဖြည်းဖြည်းသင်ကြား ပေးနိုင်ကြသည်။ သူသည် ‘အပြစ်ဒဏ်’ စကားလုံးကို စလုံးပေါင်းနိုင် သောအခါ ကျွန်ုပ်တို့သည် ဤစကားလုံးများ၏အနက် အဓိပ္ပါယ်ကို ရှင်းပြနိုင်ကြလိမ့်မည်။ ဤသည်မှာ လူတို့ အမှန်တကယ် နားလည်နိုင်စေရန် ကျွန်ုပ်တို့က ယေရှုအကြောင်း ပြောပြနည်းပင် ဖြစ်သည်။
ငါတို့သည် ယေရှု၏ဗတ္တိဇံကို ရှင်းလင်းစွာ ရှင်းပြသင့်သည်။ ကိုယ်တော်သည် ရေ၊ အသွေး၊ နှင့် သန့်ရှင်းသောဝိညာဉ်တော်အားဖြင့် ဤလောကသို့ ကြွလာတော်မူခဲ့သည်။ သင်သည် ယေရှုကို သင့်ကယ်တင်ရှင်အဖြစ် ယုံကြည်၍ ရွေးနှုတ်ခြင်းခံရမည်အကြောင်း ငါဆုတောင်းပါ၏။
ရေနှင့် သန့်ရှင်းသောဝိညာဉ်တော်၏ ရွေးနှုတ်ခြင်းသည် ယေရှု၏ ဗတ္တိဇံနှင့် လက်ဝါးကပ်တိုင်၏ အသွေးတော်ကို ယုံကြည်ခြင်းနှင့် ယေရှုသည် ဘုရားသခင်ဖြစ်တော်မူ၍ ငါတို့၏ ကယ်တင်ရှင်ဖြစ်တော်မူသည်ဟု ယုံကြည်ခြင်းမှ ပေါ်ထွက်လာသည်။
ဤဒေသနာကို အီးဘွတ်ခ် ပုံစံဖြင့်လည်း ရရှိနိုင်ပါသည်။ အောက်ပါစာအုပ်အဖုံးကို နှိပ်ပါ။
![သင်သည် ရေနှင့်သန့်ရှင်းသောဝိညာဉ်တော်အားဖြင့် အမှန်တကယ် အသစ်တဖန်မွေးဖွားခြင်း ခံယူခဲ့ပါပြီလား [ပြန်လည်ပြင်ဆင်ထုတ်ဝေခြင်း]](../../upload/book/Burmese1D.jpg)
Copyright © 2021 by The New Life Mission