[11-7] សម្ភារៈសាងសង់រោងឧបោសថ ដែលបានធ្វើជាមូលដ្ឋានគ្រឹះនៃជំនឿ (និក្ខមនំ ២៥:១-៩)

អំបោះពណ៌ផ្ទៃមេឃ ពណ៌ស្វាយ ពណ៌ក្រហម និងអំបោះខ្លូតទេសយ៉ាងម៉ដ្ត

នេះគឺជាសម្ភារៈផ្សេងៗទៀត ដែលជារឿយៗ ត្រូវបានប្រើប្រាស់៖ អំបោះពណ៌ផ្ទៃមេឃ ពណ៌ស្វាយ ពណ៌ក្រហម និងអំបោះខ្លូតទេសយ៉ាងម៉ដ្ត។ អំបោះទាំងនេះត្រូវបានប្រើប្រាស់សម្រាប់ទ្វារចូលទីលានរោងឧបោសថ ទ្វារចូលទីបរិសុទ្ធ និងវាំងននខ័ណ្ឌចែករវាងទីបរិសុទ្ធ និងទីបរិសុទ្ធបំផុត។ អំបោះទាំងបួននេះប្រាប់យើងអំពីសេចក្តីពិត ដូចដែលបានទាយនៅក្នុង លោកុប្បត្តិ ៣:១៥ ថា ព្រះអម្ចាស់នឹងយាងមកក្នុងនាមជាពូជរបស់ស្ត្រី ព្រះអម្ចាស់ពិតជាបានយាងមកផែនដីនេះ ហើយសង្រ្គោះមនុស្សមានបាបចេញពីអំពើបាបរបស់ពួកគេ ដោយការទទួលបុណ្យជ្រមុជ និងការសុគតនៅលើឈើឆ្កាង ហើយថា ទ្រង់ផ្ទាល់បានសង្រ្គោះពួកគេ។ 
អំបោះទាំងបួននេះមិនគ្រាន់តែត្រូវបានប្រើប្រាស់ សម្រាប់ទ្វារចូលរោងឧបោសថប៉ុណ្ណោះទេ ប៉ុន្តែក៏សម្រាប់សំលៀកបំពាក់របស់សម្តេចសង្ឃ និងគម្របរោងឧបោសថផងដែរ។ នេះគឺជាសម្ព័ន្ធមេត្រីរបស់ព្រះថា ព្រះយេស៊ូវគ្រីស្ទនឹងយាងមកផែនដីនេះ ហើយសង្រ្គោះយើងចេញពីអំពើបាបរបស់យើង តាមរយៈការបំពេញសម្រេចព័ន្ធកិច្ចនៃអំបោះពណ៌ផ្ទៃមេឃ ពណ៌ស្វាយ និងពណ៌ក្រហម។ ហើយព្រះអម្ចាស់របស់យើងពិតជាបានបំពេញតាមសេចក្តីសន្យានេះ ហើយបានសង្រ្គោះយើងចេញពីអំពើបាបរបស់លោកិយនេះមែន។ 
ចំណុចសំខាន់បំផុតនៃទ្វារចូលរោងឧបោសថ គឺជាអំបោះពណ៌ផ្ទៃ មេឃ។ ហេតុអ្វីព្រះយេស៊ូវគ្រីស្ទដែលយាងមកផែនដីនេះក្នុងនាមជាព្រះមែស៊ី ត្រូវតែសុគតនៅលើឈើឆ្កាង? មូលហេតុគឺថា ទ្រង់បានទទួលបុណ្យជ្រមុជ។ អំបោះពណ៌ផ្ទៃមេឃសំដៅទៅលើបុណ្យជ្រមុជរបស់ព្រះយេស៊ូវ អំបោះពណ៌ស្វាយប្រាប់យើងថា ព្រះយេស៊ូវគឺជាស្តេច ហើយអំបោះពណ៌ក្រហមសំដៅទៅលើការសុគតនៅលើឈើឆ្កាង និងការបង្ហូរព្រះលោហិតរបស់ទ្រង់។ អំបោះពណ៌ផ្ទៃមេឃ ពណ៌ស្វាយ ពណ៌ក្រហម និងអំបោះខ្លូតទេសយ៉ាងម៉ដ្តគឺជាសម្ភារៈសាងសង់ចាំបាច់ ដែលបង្កើតអំណោយទាននៃសេចក្តីសង្រ្គោះ ដែលព្រះយេស៊ូវគ្រីស្ទបានប្រទានឲ្យយើង តាមរយៈការយាងមកផែនដីនេះក្នុងនាមជាព្រះមែស៊ី និងការទទួលអំពើបាបទាំងអស់របស់យើងដាក់លើអង្គទ្រង់។ 
មនុស្សជាច្រើននៅលោកិយនេះ គ្រាន់តែសង្កត់ធ្ងន់ថា ព្រះយេស៊ូវ គ្រីស្ទគឺជាព្រះរាជបុត្រានៃព្រះ ហើយថា ទ្រង់គឺជាព្រះផ្ទាល់ តាំងពីដំបូង។ ប៉ុន្តែព្រះប្រាប់យើងយ៉ាងច្បាស់លាស់ តាមរយៈរោងឧបោសថថា សេចក្តីបង្រៀនបែបនេះមិនអាចជាសេចក្តីពិតពេញលេញបានឡើយ។ 
នៅក្នុង ១ពេត្រុស ៣:២១ សាវកពេត្រុសបាននិយាយថា «ដែលទឹកនោះហើយ ជាគំរូពីបុណ្យជ្រមុជ ដែលជួយសង្គ្រោះអ្នករាល់គ្នាសព្វថ្ងៃនេះ មិនមែនជាការសំអាតក្អែលរបស់រូបសាច់ចេញទេ គឺជាសេចក្តីសន្មតិរបស់បញ្ញាចិត្តដ៏ជ្រះថ្លាចំពោះព្រះវិញ ដោយសារព្រះយេស៊ូវគ្រីស្ទទ្រង់មានព្រះជន្មរស់ឡើងវិញ»។ 
នេះធ្វើបន្ទាល់ប្រាប់យើងថា ព្រះយេស៊ូវគ្រីស្ទបានបំពេញសម្រេចតាមសេចក្តីសន្យារបស់ទ្រង់អំពីសេចក្តីសង្រ្គោះ ហើយបានបង្កើតមូលដ្ឋានគ្រឹះនៃជំនឿទាំងមូល ដោយការទទួលបុណ្យជ្រមុជ ដែលជាគំរូដែលសង្រ្គោះយើង។ តើព្រះមែស៊ីគឺជាអ្នកណា? ព្រះមែស៊ីមានន័យថា ព្រះអង្គសង្រ្គោះ ដែលប្រាប់យើងថា ព្រះយេស៊ូវបានយាងមកផែនដីនេះ បានទទួលបុណ្យជ្រមុជ ដើម្បីទទួលយកអំពើបាបទាំងអស់របស់យើង និងអំពើបាបទាំងអស់របស់លោកិយនេះដាក់លើអង្គទ្រង់ ហើយបានទទួលយកអំពើបាបទាំងនេះ តាមរយៈបុណ្យជ្រមុជរបស់ទ្រង់។ 
ព្រះបានបង្គាប់ឲ្យសាសន៍អ៊ីស្រាអែល ធ្វើទ្វារចូលទីលានរោងឧបោសថ ដោយការត្បាញអំបោះពណ៌ខៀវ ពណ៌ផ្ទៃមេឃ និងពណ៌ក្រហម និងសំពត់ខ្លូតទេសត្បាញយ៉ាងម៉ដ្ត។ ហើយគោលបំណងរបស់ព្រះអម្ចាស់ដែលជាស្តេចលើសអស់ទាំងស្តេច និងជាម្ចាស់ស្ថានសួគ៌ ក្នុងការយាងមកផែនដីនេះក្នុងនាមជាមនុស្សម្នាក់ គឺដើម្បីបំពេញសម្រេច សេចក្តីពិតអំពីអំបោះពណ៌ខៀវ ពណ៌ផ្ទៃមេឃ និងពណ៌ក្រហម និងសំពត់ខ្លូតទេសត្បាញយ៉ាងម៉ដ្តនេះ។ ព្រះអម្ចាស់បានយាងមកក្នុងនាមជាមនុស្សម្នាក់ ហើយបានទទួលបុណ្យជ្រមុជដែលនឹងបំពេញសម្រេចគ្រប់ទាំងសេចក្តីសុចរិតនៃព្រះ ពីលោកយ៉ូហាន-បាទ្ទីសដែលជាតំណាងនៃមនុស្សជាតិ។ 

នេះដូចគ្នានឹងតង្វាយយញ្ញបូជានៅក្នុងព្រះគម្ពីរសញ្ញាចាស់

ជំនឿគ្រីស្ទបរិស័ទសព្វថ្ងៃនេះបាត់បង់អត្ថន័យនៃ អំបោះពណ៌ផ្ទៃមេឃ

សម្ភារៈទាំងនេះត្រូវបានប្រើ ដើម្បីធ្វើរនាំងនៃរោងឧបោសថ។ រនាំងទីមួយត្រូវបានត្បាញដោយអំបោះពណ៌ផ្ទៃមេឃ ពណ៌ស្វាយ និងពណ៌ក្រហម និងសំពត់ខ្លូតទេសវេញយ៉ាងខ្មាញ់ ហើយរនាំងទីពីរត្រូវបានស្រោបដោយរោមពពែ។ បន្ទាប់មក គេស្រោបរនាំងនេះ ដោយស្បែកចៀមឈ្មោលជ្រលក់ពណ៌ក្រហម និងស្បែកផ្សោតនៅពីលើ។ តាមរបៀបនេះ រនាំងដែលមានបួនស្រទាប់ បានគ្របដណ្តប់រោងឧបោសថ។ 
រនាំងដែលត្រូវបានដាក់ពីលើរោងឧបោសថ ត្រូវបានធ្វើពីស្បែក ផ្សោត។ ដូច្នេះ ស្បែកផ្សោតពណ៌ខ្មៅទាំងនេះនៅផ្ទៃខាងលើនៃរនាំងរោងឧបោសថ។ ផ្សោតគឺជាសត្វសមុទ្រ ដែលស្បែករបស់វាមានទំហំប្រហែលទំហំរបស់មនុស្សប្រុសម្នាក់ ឬតូចជាងបន្តិច ហើយស្បែកនេះមិនជ្រាបទឹកទេ។ ដូច្នេះហើយបានជាស្បែកផ្សោតត្រូវបានប្រើជារនាំងសម្រាប់ស្រទាប់ខាងលើនៃរោងឧបោសថ។ ដោយហេតុនេះ ទម្រង់ខាងក្រៅនៃរោងឧបោសថមិនមានអ្វីគួរឲ្យចាប់អារម្មណ៍ ឬមិនគួរឲ្យកាន់ផង។ នេះប្រាប់យើងថា នៅពេលព្រះយេស៊ូវបានយាងមកផែនដីនេះសម្រាប់យើង ទ្រង់ពិតជាបានយាងមកនៅក្នុងសណ្ឋានអន់ដូច្នេះ ជាមួយរូបអង្គដែលមិនគ្មានអ្វីគួរឲ្យចាប់អារម្មណ៍សោះ។ ស្បែកចៀមឈ្មោលជ្រលក់ពណ៌ក្រហមប្រាប់យើងថា ព្រះយេស៊ូវគ្រីស្ទនឹងយាងមកផែនដីនេះ ហើយសុគតនៅលើឈើឆ្កាងជំនួសយើង ខណៈដែលរោមពពែប្រាប់យើងថា ទ្រង់នឹងសង្រ្គោះយើង តាមរយៈការទទួលបុណ្យជ្រមុជក្នុងនាមជាតង្វាយយញ្ញបូជារបស់យើង ហើយដូច្នេះ បានទទួលអំពើបាបរបស់យើងដាក់លើអង្គទ្រង់ និងសុគតនៅលើឈើឆ្កាង។
នៅក្នុងន័យផ្សេង សម្ភារៈធ្វើរនាំងរោងឧបោសថទាំងនេះគឺជាមូលដ្ឋានគ្រឹះនៃជំនឿរបស់យើង។ សេចក្តីពិតទាំងនេះគឺជាសម្ភារៈសាងសង់ជំនឿរបស់យើង ដែលមិនអាចខកខានបានឡើយ។ ដើម្បីប្រទានសេចក្តីសង្រ្គោះឲ្យយើង ព្រះយេស៊ូវគ្រីស្ទបានយាងមកផែនដីនេះ ក្នុងនាមជាតង្វាយយញ្ញបូជារបស់យើងផ្ទាល់។ នៅក្នុងព្រះគម្ពីរសញ្ញាចាស់ ព្រះបានបង្កើតប្រព័ន្ធថ្វាយតង្វាយ សម្រាប់ការអត់ទោសអំពើបាបដល់សាសន៍ អ៊ីស្រាអែល៖ សត្វយញ្ញបូជាឥតខ្ចោះ (ពពែ កូនចៀម ឬកូនគោ) បានទទួលយកអំពើបាបរបស់សាសន៍អ៊ីស្រាអែល តាមរយៈការដាក់ដៃលើ ហើយត្រូវបានគេសម្លាប់ បង្ហូរឈាម និងដុត ហើយដូច្នេះ បានសង្រ្គោះពួកគេចេញពីអំពើបាបទាំងអស់របស់ពួកគេ។ 
ព្រះយេស៊ូវគ្រីស្ទបានយាងមកផែនដីនេះ ក្នុងនាមជាកូនចៀមយញ្ញបូជា ហើយបានទទួលយកអំពើបាបរបស់យើងដាក់លើអង្គទ្រង់ តាមរយៈបុណ្យជ្រមុជរបស់ទ្រង់ ដែលជាការដាក់ដៃលើ។ ដូចដែលតង្វាយយញ្ញបូជាត្រូវបានគេសម្លាប់ ដោយការបង្ហូរឈាមរបស់វា ហើយបានដុតនៅលើអាសនាតង្វាយដុត ដោយសារបានទទួលយកអំពើបាបរបស់សាសន៍អ៊ីស្រាអែល តាមរយៈការដាក់ដៃលើ ព្រះយេស៊ូវគ្រីស្ទក៏ទទួលយកទោសនៃអំពើបាបទាំងអស់របស់យើង ដោយការទទួលបុណ្យជ្រមុជ និងការសុគតនៅលើឈើឆ្កាង ហើយដូច្នេះ បានសង្រ្គោះយើងចេញពីអំពើបាបរបស់លោកិយនេះផងដែរ។ 
ដូចដែលឈ្មោះនៅក្នុងបញ្ជីជំនុំជម្រះត្រូវបានលុបចេញ ដោយសារការប្រោសឈាមតង្វាយយញ្ញបូជានៅលើស្នែងអាសនាតង្វាយដុត ដោយសារព្រះយេស៊ូវបានទទួលុបណ្យជ្រមុជ និងបានបង្ហូរព្រះលោហិតទ្រង់ ទ្រង់បានបញ្ចប់ការធួននឹងបាបដ៏អស់កល្បជានិច្ច ដោយព្រះលោហិតទ្រង់ ហើយបានដោះអំពើបាបទាំងអស់របស់លោកិយនេះចេញ។ ដូច្នេះ សម្ភារៈទាំងអស់សម្រាប់ធ្វើរោងឧបោសថប្រាប់យើងអំពីព្រះយេស៊ូវគ្រីស្ទ និងព្រះរាជកិច្ចរបស់ទ្រង់ថា ទ្រង់បានសង្រ្គោះយើងចេញពីអំពើបាបរបស់លោកិយនេះ។ ចាប់ពីព្រះគម្ពីរសញ្ញាចាស់ ដល់ព្រះគម្ពីរសញ្ញាថ្មី ព្រះបន្ទូលថា ព្រះយេស៊ូវបានសង្រ្គោះចេញពីអំពើបាបរបស់យើង គឺជា សេចក្តីពិតដ៏ពេញលេញដែលគ្មានកំហុសអ្វីទាំងអស់។ 
គ្រីស្ទបរិស័ទជាច្រើននៅសព្វថ្ងៃនេះមិនជឿថា ព្រះយេស៊ូវគ្រីស្ទបានយាងមកផែនដីនេះក្នុងនាមជាតង្វាយយញ្ញបូជារបស់យើង ហើយបានទទួលយកអំពើបាបរបស់យើងដាក់លើអង្គទ្រង់ តាមរយៈបុណ្យជ្រមុជរបស់ទ្រង់ទេ ប៉ុន្តែពួកគេបែរជាជឿយ៉ាងឥតលក្ខខណ្ឌលើការសុគតរបស់ទ្រង់នៅលើឈើឆ្កាងតែមួយមុខគត់។ ជំនឿរបស់គ្រីស្ទបរិស័ទបែបនេះគឺជាទ្វារខុសច្បាប់ចូលទៅទីលានរោងឧបោសថ ដែលត្រូវបានត្បាញដោយអំបោះពណ៌ស្វាយ និងពណ៌ក្រហមតែប៉ុណ្ណោះ ឥតមានអំបោះពណ៌ផ្ទៃមេឃឡើយ។ ពួកគេគ្រាន់តែមាជំនឿខុសដែលមើលមិនឃើញពីសេចក្តីត្រូវការសម្រាប់រនាំងធ្វើពីអំបោះពណ៌ផ្ទៃមេឃ ពណ៌ស្វាយ និងពណ៌ក្រហម និងសំពត់ខ្លូតទេសវេញយ៉ាងខ្មាញ់ឡើយ ហើយថា ពួកគេត្រូវការរនាំងធ្វើពីស្បែកចៀមឈ្មោលជ្រលក់ពណ៌ក្រហម និងស្បែកផ្សោតតែប៉ុណ្ណោះ។ 
បើសិនអ្នកពិនិត្យមើលគំនូរនៃរោងឧបោសថ ដែលគេដាក់បង្ហាញនៅទូទាំងពិភពលោក នៅលើគំនូរភាគច្រើន យើងមិនអាចមើលឃើញដានតែបន្តិចនៃអំបោះពណ៌ផ្ទៃមេឃឡើយ។ ដោយសារអ្នកដែលបានគូររូបភាពទាំងនេះ មិនស្គាល់ដំណឹងល្អអំពីទឹក និងព្រះវិញ្ញាណ ទ្វារចូលទីលានរោងឧបោសថនៅក្នុងគំនូររបស់ពួកគេ មានពណ៌ស និងពណ៌ក្រហមទាំងអស់។ ប៉ុន្តែជំនឿនេះមិនអាចមានភាពត្រឹមត្រូវនៅចំពោះព្រះបានឡើយ។
អំបោះដែលត្រូវបានប្រើភាគច្រើន សម្រាប់ទ្វារចូលទីលានរោងឧបោសថ គឺអំបោះពណ៌ផ្ទៃមេឃ បន្ទាប់មក អំបោះពណ៌ស្វាយ ពណ៌ក្រហម និងពណ៌ស។ ដូច្នេះ កាលណាយើងសម្លឹងមើលទ្វារចូលទីលានរោងឧបោសថ ពណ៌ទាំងបួននេះត្រូវតែលេចមកឲ្យយើងឃើញភ្លាមៗតែម្តង។ ប៉ុន្តែដោយសារមានមនុស្សយ៉ាងច្រើននៅក្នុងលោកិយនេះ ដែលមានជំនឿមិនយល់ពីបុណ្យជ្រមុជរបស់ព្រះយេស៊ូវ ពួកគេទាំងអស់គ្នាបានព្រងើយកន្តើយចំពោះអំបោះពណ៌ទាំងបួន ដែលត្រូវបានគេប្រើសម្រាប់រោងឧបោស ហើយបែរជាសាងសង់ទ្វារចូលរោងឧបោសថរបស់ពួកគេ ដោយអំបោះតែពីរប៉ុណ្ណោះ។
ដោយធ្វើដូច្នេះ ពួកគេកំពុងតែបោកបញ្ឆោតមនុស្សជាច្រើន ដែលមានការយល់ដឹងដែលមានកម្រិតអំពីព្រះ និងមិនសូវយល់ពីព្រះបន្ទូល ទ្រង់។ ពួកគេគឺជាពួកហោរាក្លែងក្លាយ។ ព្រះយេស៊ូវអង្គទ្រង់បានចាត់ទុកមនុស្សទាំងនេះជាស្រងែ ដែលអារក្សបានព្រោះនៅក្នុងចំណោមស្រូវ សាឡី (ម៉ាថាយ ១៣:២៥)។ នៅក្នុងន័យផ្សេង ពួកគេបានធ្វើជាមនុស្សដែលប្រកាសសេចក្តីកុហក ដោយការបោះបង់អំបោះពណ៌ផ្ទៃមេឃចេញពីគំនូនៃទ្វារចូលទីលានរោងឧបោសថរបស់ពួកគេ។ ដូច្នេះហើយបានជាមនុស្សយ៉ាងច្រើននៅតែមានបាប ហើយត្រូវវិនាស ដោយសារបាបរបស់ពួកគេ ទោះបើពួកគេជឿលើព្រះយេស៊ូវក៏ដោយ។ 
មូលដ្ឋានគ្រឹះនៃជំនឿរបស់យើងត្រូវតែឈរនៅយ៉ាងរឹងមាំ។ តើមានប្រយោជន៍អ្វី បើសិនមានជីវិតបែបសាសនារយៈពេលយូរសម្រាប់ព្រលឹងរបស់អ្នក ខណៈដែលវាស្ថិតនៅលើមូលដ្ឋានគ្រឹះនៃជំនឿខុសច្បាប់? ជំនឿខុសអាច ហើយនឹងដួលរលំចុះគ្រប់ពេលវេលាបាន។ ទោះបីជាផ្ទះរបស់យើងស្អាតយ៉ាងណាក៏ដោយ តើវាមានប្រយោជន៍អ្វី បើសិនផ្ទះនេះត្រូវបានសាងសង់ឡើងនៅលើមូលដ្ឋានគ្រឹះនៃជំនឿខុសច្បាប់? ទោះបីជាអ្នកបានបម្រើព្រះយ៉ាងឧស្សាហ៍យ៉ាងណាក៏ដោយ បើសិនមូលដ្ឋានគ្រឹះនៃជំនឿរបស់អ្នកខុសច្បាប់ នោះអ្នកកំពុងតែសាងសង់ផ្ទះរបស់អ្នកនៅលើដីខ្សាច់ហើយ ហើយកាលណាព្យុះ ខ្យល់ និងទឹកជំនន់មកដល់ វានឹងដួលរលំចុះមួយរំពេច។ 
ប៉ុន្តែជំនឿដែលមានមូលដ្ឋានគ្រឹះរឹងមាំវិញយ៉ាងដូចម្តេចដែរ? វាមិនដួលរលំឡើយ ទោះបើវាត្រូវរង្គោះរង្គើក៏ដោយ។ ព្រះបានប្រាប់យើងថា ផ្ទះដែលត្រូវបានសាងសង់នៅលើថ្មដានៃសេចក្តីពិតអំពីអំបោះពណ៌ផ្ទៃមេឃ ពណ៌ស្វាយ និងពណ៌ក្រហម និងសំពត់ខ្លូតទេសវេញយ៉ាងខ្មាញ់ នឹងមិនដួលរលំឡើយ។ នេះគឺជាសេចក្តីពិត។ តើជំនឿនៃថ្មដាគឺជាអ្វី? វាគឺជាជំនឿដែលជឿតាមសេចក្តីពិតនៃអំបោះពណ៌ផ្ទៃមេឃ ពណ៌ស្វាយ និងពណ៌ក្រហម និងសំពត់ខ្លូតទេសវេញយ៉ាងខ្មាញ់។ ជំនឿរបស់អ្នកដែលបានសាងសង់ផ្ទះនៃជំនឿប្រភេទនេះ នឹងមិនដួលរលំឡើយ។ ដូច្នេះហើយបានជាជំនឿរបស់យើងចាំបាច់ត្រូវតែមានមូលដ្ឋានគ្រឹះរឹងមាំ។ បើសិនយើងយើង ដោយមិនទទួលយកអ្វីដែលព្រះអម្ចាស់បានធ្វើសម្រាប់យើងទេ នោះជំនឿរបស់យើងនឹងក្លាយទៅជាជំនឿបែបសាសនា ដែលព្រះមិនសព្វព្រះទ័យហើយ។ 

គ្រប់ទាំងសម្ភារៈនៅក្នុងរោងឧបោសថសុទ្ធតែទាក់ទងនឹងសេចក្តីសង្រ្គោះចេញពីបាបរបស់មនុស្ស

បើសិនយើងថ្វាយអ្វីដែលជារបស់ផែនដីនេះ យើងនឹងមិនគ្រាន់តែប្រមូលសេចក្តីក្រោធរបស់ព្រះទុកសម្រាប់ខ្លួនយើងប៉ុណ្ណោះទេ ប៉ុន្តែយើងក៏នឹងកំពុងតែប្រព្រឹត្តអំពើបាបដ៏ធ្ងន់ធ្ងរមួយ ដោយការបង្កើតការទាស់ប្រឆាំងនឹងព្រះផងដែរ។ នេះគឺជាជំនឿក្បត់ ពីព្រោះវាទាស់ប្រឆាំងនឹងព្រះ។ គ្មានអ្វីនៅលើផែនដីនេះ ទោះបើមានតម្លៃថ្លៃយ៉ាងណាក៏ដោយ មិនអាចផ្គាប់ព្រះទ័យព្រះបានឡើយ។ ការថ្វាយទ្រព្យសម្បត្តិលោកិយទៅកាន់ព្រះមិនមែនជាជំនឿត្រឹមត្រូវ ដែលទ្រង់សរសើរនោះឡើយ។ ទោះបីជាវាមានលក្ខណៈពិសេស និងតម្លៃថ្លៃយ៉ាងណាក៏ដោយ ក៏ព្រះមិនទទួលយករបស់ទាំងនោះឡើយ។ ដូច្នេះ យើងត្រូវតែមានជំនឿដែលព្រះពិតជាចង់បានពីយើង ហើយថ្វាយជំនឿនេះទៅកាន់ទ្រង់វិញ។ 
ជំនឿរបស់យើងត្រូវតែជឿតាមព្រះបន្ទូលព្រះ ហើយថ្វាយតង្វាយដែលព្រះបង្គាប់ចង់បានពីយើង។ ជាមួយគ្នា យើងត្រូវតែទទួលស្គាល់អ្វីដែលព្រះបានធ្វើសម្រាប់យើង ហើយយើងក៏ត្រូវតែទទួលស្គាល់កំហុស និងភាពមិនពេញលេញរបស់យើងផងដែរ។ យើងត្រូវតែចងចាំពីព្រះគុណដ៏បរិបូរ ដែលព្រះបានប្រទានឲ្យយើង ហើយយើងត្រូវតែដឹងយ៉ាងច្បាស់លាស់ និងជឿលើអ្វីដែលទ្រង់បានធ្វើសម្រាប់យើង ហើយទ្រង់បានស្ម័គ្រព្រះទ័យជួបជាមួយយើង។
យើងត្រូវតែបោះបង់ជំនឿខាងអធម្មជាតិទាំងអស់ចោល ហើយយើងត្រូវតែមានជំនឿតាមព្រះបន្ទូលដែលព្រះមានបន្ទូលតែប៉ុណ្ណោះ។ តង្វាយនៃជំនឿនេះគឺជាអ្វីដែលយើងត្រូវតែថ្វាយទៅកាន់ព្រះ។ លុះត្រាតែយើងថ្វាយតង្វាយនៃជំនឿត្រឹមត្រូវនេះទៅកាន់ព្រះ ទើបទ្រង់សព្វព្រះទ័យ ជួបជាមួយយើង និងទទួលយកជំនឿរបស់យើង។ ហើយលុះត្រាតែយើងធ្វើដូច្នេះ ទើបព្រះប្រទានឲ្យយើងនូវព្រះពរទាំងអស់ ដែលទ្រង់បានត្រៀមសម្រាប់យើង។ 
ដូច្នេះ នៅពេលយើងនៅជាប់ជាមួយព្រះបន្ទូល យើងត្រូវតែសញ្ជឹងគិតថា «តើជំនឿបែបណាដែលព្រះពិតជាចង់បានពីយើង? តើការអធិស្ឋានបែបណាដែលទ្រង់ចង់បានពីយើង?»។ បន្ទាប់មក យើងបានដឹងថា ការអធិស្ឋានដែលព្រះចង់បានពីយើង គឺជាការអធិស្ឋាននៅក្នុងជំនឿ។ ព្រះអម្ចាស់ចង់ឲ្យយើងថ្វាយការអធិស្ឋាននៅក្នុងជំនឿលើសេចក្តីសង្រ្គោះនៃអំបោះពណ៌ផ្ទៃមេឃ ពណ៌ស្វាយ និងពណ៌ក្រហម គឺនៅក្នុងជំនឿដែលបានទទួលយកអ្វីដែលព្រះបានប្រទានឲ្យយើង។ ព្រះចង់បានការអធិស្ឋានអរព្រះគុណនៅក្នុងជំនឿពីយើង ហើយទ្រង់នឹងមិនទទួលយកអ្វីដែលយើងបង្កើតដោយខ្លួនឯង ដែលយើងព្យាយាមថ្វាយទ្រង់ ឬថ្វាយនៅឯព្រះបាតទ្រង់នោះឡើយ។ ដូច្នេះ យើងត្រូវតែដឹងថា យើងមិនគួរធ្វើដូច្នេះទេ។ 
ព្រះកំពុងតែប្រាប់យើងថា «ទេ ទេ នេះមិនមែនជាជំនឿដែលអញចង់បានពីឯងឡើយ។ អញបានទទួលបុណ្យជ្រមុជ និងសុគតនៅលើឈើឆ្កាងសម្រាប់ឯងហើយ។ អញបានទទួលបុណ្យជ្រមុជ ដើម្បីដោះអំពើបាបរបស់ឯងចេញហើយ។ ដោយសារអញត្រូវតែទទួលយកអំពើបាបរបស់ឯងដាក់លើអង្គអញ មុនពេលអញទទួលទោសសម្រាប់អំពើបាបទាំងនេះ និងសុគតនៅលើឈើឆ្កាង។ អញគឺជាព្រះសង្រ្គោះរបស់ឯង ប៉ុន្តែពីដើមមក អញក៏ជាព្រះរបស់ឯងផងដែរ។ អញគឺជាស្តេចលើសអស់ទាំងស្តេច ប៉ុន្តែដោយសារអញគឺជាព្រះរបស់ឯងដែរ អញបានមកផែនដីនេះ ហើយបានបំពេញសម្រេចគ្រប់យ៉ាង។ អញចង់ឲ្យឯងជឿអញឲ្យពិតប្រាកដ ទទួលយកអំណាចរបស់អញនៅក្នុងចិត្តរបស់ឯង ហើយប្រកាសចេញពីចិត្តថា អញគឺជាព្រះរបស់ឯង»។ ដោយមានគោលបំណងនេះហើយ ដែលព្រះបានប្រទានឲ្យយើងនូវអំបោះពណ៌ផ្ទៃមេឃ ពណ៌ស្វាយ និងពណ៌ក្រហម និងសំពត់ខ្លូតទេសត្បាញយ៉ាងម៉ដ្ត។ ហើយនេះគឺជាជំនឿដែលព្រះចង់បានពីយើង។ 
យើងពិតជាត្រូវតែមានជំនឿលើអំបោះពណ៌ផ្ទៃមេឃ ពណ៌ស្វាយ និងពណ៌ក្រហមនេះ។ អ្នកអាចគិតចំពោះខ្លួនឯងថា «មើល ខ្ញុំនៅតែអាចរស់បាន។ ខ្ញុំនៅតែមិនមានបញ្ហាអ្វី ហើយគ្រប់យ៉ាងកំពុងតែដំណើរការធម្មតា។ បើសិនវាគ្មានបញ្ហាអ្វីទេ ហេតុអ្វីចាំបាច់ដោះស្រាយវា? ហេតុអ្វីខ្ញុំត្រូវតែជឿតាមរបៀបនេះ? ទោះបីជាខ្ញុំជឿតាមរបៀបនេះ ឬមិនជឿ តើវាមិននៅតែដូចគ្នាទេឬ?»។ ទេ វាមិនដូចគ្នាឡើយ! បើសិនអ្នកមានជំនឿផ្សេងពីជំនឿនេះនៅក្នុងចិត្តរបស់អ្នក អ្នកពិតជាមិនបានសង្រ្គោះឡើយ។ ដោយសារនៅក្នុងចិត្តបែបនេះ នៅតែមានបាប អ្នកត្រូវតែបែរចិត្តរបស់អ្នកមកឯជំនឿដែលពិតជាជឿតាមដំណឹងល្អអំពីទឹក និងព្រះវិញ្ញាណវិញ។ 
ចិត្តរបស់អ្នកដែលជឿតាមដំណឹងល្អពិត និងចិត្តរបស់អ្នកដែលមិនជឿ គឺខុសគ្នា។ ព្រះជ្រាបការនេះ ហើយយើងដែលបានកើតជាថ្មី ក៏ដឹងផងដែរ។ នៅពេលអ្នកស្គាល់ខ្លួនឯង អ្នកត្រូវតែបែរក្រោយ។ «ព្រះអង្គ ទូលបង្គំពិតជាមានបាបមែន។ សូមជួយសង្រ្គោះទូលបង្គំផង។» ដូច្នេះ កាលណាអ្នកបែរចិត្តរបស់អ្នក ហើយស្វែងរកសេចក្តីសង្រ្គោះរបស់អ្នក ព្រះនឹងជួបជាមួយអ្នកនៅក្នុងសេចក្តីពិតរបស់អ្នក។ 

ព្រះអម្ចាស់របស់យើងបានសង្រ្គោះយើងចេញពីអំពើបាបរបស់យើង