Do COVID-19 và việc gián đoạn dịch vụ thư quốc tế,
chúng tôi đã tạm thời đình chỉ "Dịch vụ sách in miễn phí" của chúng tôi.
chúng tôi đã tạm thời đình chỉ "Dịch vụ sách in miễn phí" của chúng tôi.
Trong trường hợp này, chúng tôi không thể gửi sách cho bạn vào lúc này.
Xin cầu nguyện cho đại dịch này sớm kết thúc và dịch vụ bưu chính nối lại.
Xin cầu nguyện cho đại dịch này sớm kết thúc và dịch vụ bưu chính nối lại.
مضمون 11: خیمۂ اِجتماع
[11-18] چڑھاوےدی روٹی دی میز <خروج ۳۷:۱۰۔۱۶>
> خروج ۳۷:۱۰۔۱۶ <
”تے اوہنےا وہ میزکِکردی لکڑدی بنائی۔ اوہدی لمان دو ہتھ تےچَوڑائی اِک ہتھ تے اُوچیائی ڈیڑھ ہتھ سی۔ تے اوہنے اوہنوں کھرےسونے نال مَڑھیا تے اوس لئی آلےدوالےسونے دا اِک تاج بنایا۔تے اوہنے اِیک کنگنی چار اُنگل چَوڑی اوہدے چارےپاسے رکھی تے اوس کنگنی اُتے آلےدوالے سونے دا اِک تاج بنایا۔تے اوہنے اوس لئی سونے دے چار کڑے ڈھال کے اوہناں نُوں اوہدیاں چونہہ پاویاں دیاں چونہہ کونیاں وِچ لایا۔ایہہ کڑے کنگنی کول سن تاں پئی میز چُکن دیاں چوباں دیاں خانیاں دا کم دین۔ تےاوہنے میز چُکن دیاں ا وہ چوباں کِکر دی لکڑدیاں بنائیاں تے اوہناں نُوں سونے نال مَڑھیا۔تے اوہنے میز دے اُتلےسارےبھانڈے یعنی اوہدے تھال تےچمچے تےوڈے وڈے پیالے تےلُدن والے آفتابے کھرےسونےدے بنائے۔ “
اپنیاں دلاں وچ اِک کنگنی رکھ کے ، سانوں لازمی اوہ لوک بننا چاہی دا اے جیہڑے زندگی دی روٹی کھاندے نیں
خیمۂ اِجتماع دے اندر والیاں شیواں وچوں اِک ،چڑھاوے دی روٹی دی میز، کِکر دی لکڑ نال بنائی گئی سی تے کھرے سونے نال مَڑھی گئی سی ۔ ایہدی کاچھ لمان وچ دو ہتھ (۹۰ سینٹی میٹر:۳ فٹ)، اُچیائی وِچ ڈیڑھ ہتھ (۵.۶۷ سینٹی میٹر: ۲.۲فٹ)،تے چوڑائی وِچ اِک ہتھ (۴۵ سینٹی میٹر: ۵.۱فٹ)سی ۔ چڑھاوے دی روٹی دی میز اُتے سدا روٹی دے باراں پھُلکے پئے رہندے سن، تے ایہہ روٹی صرف کاہن کھاسکدے سن (احبار ۲۴:۵۔۹)۔
چڑھاوے دی روٹی دی میز دیاں گُناں وچوں ایہہ نیں: ایہہ اپنے چارے پاسے چار اُنگل چوڑی کنگنی رکھدی سی: ایہدی کنگنی اُتے آلے دوالے سونے دا اِک تاج بنایا گیا سی ؛ سونے دے چار کڑے چونہہ کڑیاں وچ لائے گئے سن؛تے کڑیاں نیں سونےنال مَڑھی ہوئی کِکر دی لکڑ دیاں چوباں نوں پھڑیا جیہڑیاں میز نوں چُکن لئی ورتیاں جاندیاں سن ۔ میز دے سارےبھانڈے — ایہدے تھال ،چمچے ، پیالے تےلُدن والے آفتابے—وی سونے دے بنے ہوئے سن ۔
خروج ۳۷:۱۱۔۱۲ قلمبند کردااے، ”تے اوہنے اوہنوں کھرےسونے نال مَڑھیا تے اوس لئی آلے دوالے سونےدا اِک تاج بنایا۔ تے اوہنے اِیک کنگنی چار اُنگل چَوڑی اوہدے چارےپاسے رکھی تے اوس کنگنی اُتے آلےدوالے سونے دا اِک تاج بنایا۔“ خُدا دے گھر وچ پاک تھاں وچ چڑھاوے دی روٹی دی میزاِک کنگنی رکھدی سی جیہڑی چار اُنگل چوڑائی جِنی اُچی سی ، تے ایہہ کنگنی آلے دوالے سونے دا تاج رکھدی سی ۔خُدا نے کیوں موسیٰ نوں ایہو جیہی کنگنی رکھن دا حکم دتا ؟ چار اُنگل چوڑی ایہہ کنگنی، لگ بھگ دس سینٹی میٹر باہر نوں نکلی ہوئی ، میز اُتے موجود روٹیاں نوں ڈِگن توں روکدی سی ۔
جویں پئی صرف کاہن ای ایہہ روٹی کھا سکدے سن جیہڑی چڑھاوے دی میز اُتے رکھی جاندی سی ، ایسے طرح سانوں وی لازمی ایہو جیہے لوک بننا چاہی دا اے جیہڑے ایس روٹی نوں رُوحانی طریقے نال کھا سکدے آں ۔ صرف اوہ جیہڑے پاپ توں بچ گئے نیں تے یِسُوعؔ مسیح دے بپتسمے تے صلیبی لہو اُتے ایمان رکھ کے سدا دی زندگی پاؤندے نیں —دوجیاں اکھراں وچ ، صرف اوہ جیہڑے اپنی مکتی لئی پانی تے رُوح دی خوشخبری اُتے ایمان رکھدے نیں — ایس روٹی نوں کھا سکدے نیں ۔
ایس لئی پئی چار اُنگل چوڑی اُچیائی جِنی کنگنی خاص کر کے خیمۂ اِجتماع دی چڑھاوے دی روٹی دی میز دے چارے پاسے لائی گئی سی ، ایہنے ایس گل نوں پکیاں بنایا پئی روٹی تِلک کے ہیٹھاں نا ڈِگے۔ تے ہر سبت نوں ، سجری پکی ہوئی روٹی میز اُتے رکھی جاندی سی ۔ سانوں خاص کر کے ایس سچیائی ول دھیان کرنا ہوئے گا پئی چڑھاوے دی روٹی دی میز دے آلے دوالے چار اُنگل چوڑی اِک کنگنی بنائی گئی سی ،تے ایہہ پئی کنگنی سونے دے تاج نال آلے دوالے لپیٹی گئی سی ۔
چڑھاوے دی روٹی دی میزدی کنگنی سانوں سکھاؤندی پئی اے پئی سانوں لازمی سچیائی دے کلام نوں اپنیاں دلاں وچ سانبھ کے رکھنا چاہی دا اے جیہڑا سانوں مکتی دیندا اے تے اِنج سدا دی زندگی پاؤنی چاہی دی اے ۔ ایہہ سانوں دسدا اے پئی اسی خیمۂ اِجتماع دے پھاٹک لئی ورتے گئےاسمانی، ارغوانی،تےلال دھاگےتےمہین وٹے ہوئے کتان دا رُوحانی ایمان اوسے ویلے رکھ سکدے آں جد اسی یِسُوعؔ مسیح دے بپتسمے تے صلیبی لہو اُتے ایمان رکھدے آں ۔ تے اسی ایس مکاشفے دے راہیں احساس کیتا پئی صرف اوہو ای لوک جیہڑے ایہناں اسمانی، ارغوانی،تےلال دھاگےتےمہین وٹے ہوئے کتان وچ ظاہر کیتی گئی سچیائی اُتے ایمان رکھدے نیں خُدا دے نیانے بن دے نیں ۔
ایس لئی پئی اسی خُداوند نال کوئی میل جول نئیں رکھاں گے جد تیکراسی ایس طریقے نال ایمان نئیں رکھدے،ساڈے وچوں جیہڑے لوک زندگی دی روٹی لینا چاؤہندے نیں اوہناں نوں لازمی اوہ ایمان رکھنا چاہی دا اے جیہڑا اسمانی، ارغوانی، تےلال دھاگےتےمہین وٹے ہوئے کتان وِچ ظاہر کیتی گئی پانی تےرُوح دی خوشخبری اُتے بھروسہ رکھدا اے ۔ سانوں لازمی ایمان رکھنا چاہی دا اے پئی صرف پانی تے رُوح دی خوشخبری مکتی دی اصلی سچیائی اے ۔ نکی تے خاص گل ، خُدا سانوں اپنیاں دلاں وچ ایمان دی کنگنی نوں اُچیاں کرن لئی آکھدا پیا اے تاں پئی مکتی دا کلام ساڈے توں دُریڈے نا تِلک جائے ۔
پانی تےرُوح دی ایہہ خوشخبری سانوں مُڈھلی کلیسیا دے زمانے توں ای دتی گئی اے ۔ مُڈھلی کلیسیا دے ایس زمانے توں لے کے اَج تیکر ، خُدا اوہناں دیاں پاپاں نوں دھو چُکیا اے جیہڑے ایس خوشخبری اُتے ایمان رکھدے نیں ۔ اسی ویکھ سکدے آں پئی ہُن پہلاں وانگر ، خُدا اوہناں دیاں جاناں نوں بچاؤندا اے جیہڑے پانی تےرُوح دی ایس خوشخبری دی سچیائی اُتے ایمان رکھدے نیں ۔ اسی خیمۂ اجتماع دے پھاٹک وچ ظاہر کیتی گئی سچیائی اُتے ایمان رکھ کے مکتی یافتہ ہو گئے آں ، تے خُدا سانوں اپنیاں دلاں وچ اِک کنگنی چُکن نال رُوحانی طریقے نال زندہ رہن دے لائق کر چُکیا اے ۔
خُداوند ولوں دتی گئی پانی تےرُوح دی خوشخبری اُتے ساڈے ایمان نال اسی سدا دی زندگی پا چُکے آں تے سچیائی دی ایس خوشخبری نال اسی دوجیاں نال زندگی دی روٹی ونڈن دے لائق ہوگئے آں ۔ تے اسی خُدا دیاں سچیاں کماں دی وی سیوا کر چُکے آں ۔ ایتھو ں تیکر پئی جد اسی پانی تےرُوح دی خوشخبری اُتے ایمان رکھدے آں ، جے اسی ویلا لنگھن نال ایس خوشخبری دی سچیائی اُتے پکیائی نال قیم رہن وچ ناکام ہو جاندے آں تے ایہنوں گوا لیندے آں ، تاں ایہدا مطلب ساڈی اپنی زندگی دے گھاٹے توں علاوہ ہور کُجھ نئیں ہوئے گا ۔ ایس طرح ، سانوں لازمی سدا ایمان نال پانی تےرُوح دی خوشخبری اُتے دھیان تے سوچ نال اپنیاں دلاں وچ ایمان دی کنگنی نوں چُکنا چاہی دا اے ۔
ساڈیاں دلاں وچ لازمی ایہو جیہا ایمان ہونا چاہی دا اے جیہڑا اسمانی، ارغوانی، تےلال دھاگےوالی خوشخبری اُتے بھروسہ رکھدا ہوئے
جے لوک ایس سچیائی اُتے ایمان نئیں رکھدے ، فیر اوہ اپنیاں پاپاں توں مکتی یافتہ نئیں ہو سکدے ۔ اوہ اپنے طریقے نال اَڑی کر سکدے نیں پئی اوہ لازمی مکتی یافتہ ہو گئے نیں ، پر، حالے ، ایس لئی پئی اوہناں دے دل اسمانی، ارغوانی، تےلال دھاگےوچ وکھائی گئی پانی تےرُوح دی خوشخبری نوں نئیں پھڑدے تے ایمان نئیں رکھدے ، ایہہ مکتی جیہڑی اوہ رکھدے نیں صرف ادھوری مکتی اے ۔
پانی تےرُوح دی خوشخبری اُتے سچے دلوں ایمان نا رکھنا اپنے دل وچ خُداوند نوں ردّ کرن وانگر پاپ اے ۔ زندگی دی روٹی صرف ایہو جیہی شے نئیں جیہدے اُتے سانوں قبضہ کرن دی لوڑ اے ، سگوں ایہہ ایہو جیہی شے اے جیہڑی سانوں لازمی اپنے مُنھ وچ پاؤنی چاہی دی اے ، ایہنوں چبنا چاہی دا اے تے ایہنوں کھانا چاہی دا اے تے اِنج ایس سچیائی نوں اپنی بناؤنا چاہی دا اے ۔ جد اسی خُدا دے کلام اُتے ایمان رکھن تے ایہنوں اپنیاں دلاں وچ رکھیوں بغیر اگانہہ ودھدے آں ،فیر مکتی دی سچیائی بوہت چھیتی ساڈے دلوں مک جائے گی ۔
تُسی سوچ سکدے او پئی جد تُسی پہلون ای پاپ توں مکتی یافتہ ہو گئے او تاں تہاڈے لئی اینی مہنگی مکتی نوں گوا لینا کویں ہو سکدا اے ۔ پر بے نصیبی نال ، بوہت سارے لوک خُدا دے کلام نوں نئیں پھڑدے ، بھاویں اوہ پہلاں خوشی نال سچیائی قبول کر چُکے سن ، اوہ مردیاں ہویاں مُک جان گے ، ایس لئی پئی اوہ اصلی خوشخبری وچ قیم رہن والی ایمان دی جَڑ نئیں رکھدے ۔
ایس معاملے دے بارے ، یِسُوعؔ نے ’ بیج بیجن والے دی مثال‘وچ دل دیاں چار وکھ وکھ زمیناں دے بارے فرمایا (متی ۱۳:۳۔۹، ۱۸۔۲۳)۔ایس مثال وچ ،خُدا دی سچیائی والے بیج لوکاں دیاں دلاں دیاں چار وکھ وکھ زمیناں اُتے بیجے گئے ۔ پہلی زمین راہ دا کنڈھا سی ،دوجی پتھراں والی تھاں سی ، تریجی کنڈیاں والی زمین سی ، تے چوتھی چنگی زمین سی ۔ ایہناں وچوں، اوہ بیج جیہڑے پہلیاں تِناں زمیناں اُتےڈِگے کوئی وی پھل پیدا کرن وچ ناکام ہوگئے ،تے صرف اوہ جیہڑے چوتھی زمین اُتے ڈِگے ، یعنی چنگی زمین اُتے ڈِگے، پھل لیائے ۔ ایہدا مطلب ایہہ ہیگا اے پئی بوہت سارے لوک وچکار ای اپنی مکتی گوا سکدے نیں بھاویں اوہناں نیں اِک وار پانی تےرُوح دی خوشخبری، مکتی دی سچی خوشخبری نوں سُنیا تے قبول کر لیا سی ۔ ایس طرح ، سانوں لازمی یا د رکھنا چاہی دا اے پئی جے ساڈے دل دی زمین چنگی نئیں ہیگی ، تاں ساڈے لئی اپنی مکتی نوں گواؤنا سوکھا اے جیہڑی خُداوند سانوں دے چُکیا اے ۔
جے اسی اپنیاں دلاں وچ ایس مکتی اُتے ایمان رکھدے آں جیہڑی اسمانی، ارغوانی، تےلال دھاگےتوں ملی اے ، فیر ساڈی دل دی زمین چنگی ہو سکدی اے ۔ پر کئی واری اسی ویکھدے آں پئی کُجھ لوک خُدا دے کلام وچ اپنے ایمان دی ڈوہنگی جَڑ نا رکھ کے یعنی اپنے ایمان دی راکھی کرن وچ ناکامی دے سبب، اپنی مکتی گوا لیندے نیں ۔ ایس لئی سانوں لازمی خُدا دی کلیسیا وچ رہنا چاہی دا اے ، ہر دن زندگی دی روٹی کھانی چاہی دے اے تے ایمان وچ ودھنا چاہی دا اے ۔ اسمانی، ارغوانی، تےلال دھاگے وچ ظاہر ہون والی سچیائی نال ، خُدا ہر دن سانوں پال دا پیا اے تاں پئی ساڈا ایمان ودھ جائے ۔
سانوں لازمی ہر دن اپنیاں دلاں وچ پاپ دی معافی دی تصدیق کرنی چاہی دی اے جیہڑی اسی پا چُکے آں، سچیائی جیہڑی لازمی ساڈیاں دلاں وچ ہونی چاہی دی اے اسمانی، ارغوانی، تےلال دھاگےتےمہین وٹے ہوئے کتان وچ ظاہر کیتی گئی پانی تےرُوح دی خوشخبری دی مکتی اے ۔ مکتی دی ایہہ سچیائی اوہناں دیاں دلاں وچ اے جیہڑے پاپ دی معافی پا چُکے نیں۔پانی تےرُوح دی ایس سچی خوشخبری اُتے اپنے ایمان نوں نواں کر کے ، اسی ہر دِہاڑے خُدا دیاں نیانیاں وانگر زندہ رہ سکدے آں ۔
ایس طرح ، اوہ لوک جیہڑے پانی تےرُوح دی خوشخبری اُتے ایمان رکھدے نیں ، اوہناں نوں وی ہر دِہاڑے اسمانی، ارغوانی، تےلال دھاگےتےمہین وٹے ہوئے کتان وچ ظاہر ہون والی خُدا دی راستبازی دی خوشخبری اُتے دھیان تے سوچ کرنی چاہی دی اے تے اپنے ایمان دی ہر دِہاڑے تصدیق کرنی چاہی دی اے ۔ کیوں ؟ ایس لئی پئی جے اسی پانی تےرُوح دی خوشخبری نوں سدا پکے ہتھیں نئیں پھڑدے تے ایہدی تصدیق نئیں کردے تاں اسی ایہنوں کسے وی ویلے گوا سکدے آں ۔سانوں سدا یاد رکھنا چاہی دا اے پئی عبرانیوں دے لکھاری نے دیسوں کڈھےیہودیاں نوں کیہ آکھیا: ” ایس لئی چاہیدا اے۔ پئی اوہناں گلّاں اُتّے جیہڑیاں اساں سُنیاں نیں ہور وی دِل لاکے دھیان کریئے۔ متے اوہناں توں رُڑھ کے دُور نا لگے جائیے۔“ (عبرانیوں ۲:۱)۔
اَج ، اوہناں لوکاں وچ وی جیہڑے پانی تےرُوح دی خوشخبری نوں جان دے نیں ، اسی ویکھدے آں پئی بوہت سارے ایہو جیہے نیں جنہاں دا خوشخبری اُتے ایمان ویلے دے نال نال مُک جاندا اے ۔ ایہدا سبب ایہہ ہیگا اے پئی ، بھاویں اوہ پہلاں ای پانی تےرُوح دی خوشخبری اُتے ایمان رکھ چُکے سن ، پر اوہ پاک تھاں توں لگاتار زندگی دی روٹی کھان وچ ناکام ہو گئے نیں،تے، نتیجے طور اُتے ، اوہناں دے دل سچے ایمان نال دوبارہ کھرے نئیں ہوئے ۔
ایس جگ وچ شیطان دے بوہت سارے خادم ایہو جیہے وی نیں جیہڑے راستبازاں نوں خمیری روٹی نال ، یعنی اپنی بدنی تعلیماں وچوں اوہناں نوں کھوا کے مارن دی کوشش کردے پئے نیں ۔ جےخُدا دی کلیسیا وچ نقلی خوشخبری متعارف کرائی جاندی اے ، تاں سچ جھوٹ نال رَل مِل جاندا اے ، ایمانداراں نوں ایہو جیہے لوک لوکاں وچ بدلدیاں ہویاں جنہاں نوں خُداوند قبول نئیں کر سکدا ۔ ایہو جیہے لوک سچیائی نوں جان دے نیں پر ایمان دی کنگنی چُکن وچ اپنی ناکامی دے سبب ایمان نئیں رکھدے ، تے ایس طرح اوہ اوہناں لوکاں وانگر مُک جاندے نیں جیہڑے ہُن پورےطور پاپ توں چھڈائے نئیں گئے ۔ امثال ۲۲:۲۸ فرماندی اے، ” اوہناں پُرانیاں حداں نُو ں نا کھسکا جیہڑیاں تیرے پئو دادے نے بنایاں نیں۔ “
ایس لئی ساڈے لئی ایہہ بوہت خاص اے پئی اسی اپنے ایمان دی نشانی نوں نا کھسکا دئیے۔ سانوں اپنے سچے ایمان دی حد صاف طریقے نال رکھنی چاہی دی اے تے ایہدی راکھی کرنی چاہی دی اے جد تیکر ساڈے خُداوند دی واپسی دا دِن نئیں آجاندا ۔ فیر ای اسی سدا دی زندگی دی روٹی وچوں کھا سکدے آں،فیر ای خُداوند ساڈیاں دلاں دیاں خانیاں وچ وسوں کر سکدا اے ،تے صرف فیر اسی سدا دی زندگی پا سکدے آں ۔ ایس توں کوئی فرق نئیں پیندا پئی خُدا سانوں کِنی ای روٹی دیندا اے ، جے اسی ایہدے مُل دی قدرنئیں کردے تے اپنے سچے دلاں نال ایہنوں منن وچ ناکام ہوندے آں ، یا جے اسی اپنیاں دلاں دیاں دی کنگنی کھسکا دیندے آں تے میز توں زندگی دی روٹی نوں تِلکن دیندے آں ، فیر اسی بربادی دی نیانے ہوندیاں ہویاں مُک جاواں گے ۔
ساڈے وچوں کئیاں نیں تھوڑا چر پہلاں ای اپنیاں پاپاں دی معافی پائی اے ، جد پئی دوجیاں لئی ، بوہت چر ہو گئے نیں جد اوہناں نیں پہلی واری پانی تےرُوح دی خوشخبری نُوں سُنیا تے اپنیاں پاپاں توں معافی پائی ۔ ایس لئی پئی اسی ہر دِن جیہڑا کُجھ سُن دے آں اوہ پانی تےرُوح دی خوشخبری دے کلام دے بارے وچ اے ، ایس لئی ایہہ بوہت سوکھا ہو سکدا اے پئی ساڈے وچوں کُجھ لوک پانی تےرُوح دی خوشخبری دا اکھر ”پانی “ گل کردیاں ای تھک جان ۔ پر فیر وی ، سانوں سچی خوشخبری دی روٹی کھاندیاں رہنا چاہی دا اے ۔ سانوں ایہہ کدوں تیکر کرنا چاہی دا اے ؟ اوس دِن تیکر جد تیکر پئی خُداوند واپس نئیں آ جاندا ۔
تہاڈے وچوں کئی گِلا کر سکدے نیں پئی مَیں سدا تے بوہتی وار پانی تےرُوح دی خوشخبری دی منادی کردا پیا ہاں ، پر تہانوں ایہہ سمجھن دی لوڑ اے پئی کیوں مینوں ایس طریقے نال منادی کرنی پیندی اے ۔ ایہہ ایس لئی اے پئی ساڈے ایمان نُوں لازمی پانی تےرُوح دی خوشخبری اُتے دھیان تے سوچ کر کے بوہتا بوہتا پکیاں ہونا چاہی دا اے تاں پئی اسی خُدا دے کم کرن والے بن سکیے۔ سانوں لازمی ایس زمانے دے لوکاں لئی وفادار تے بھروسہ کرن دے لائق راکھے دا کم کرنا چاہی دا اے ۔ نویں سریوں جمے ہوئے لوکاں لئی وی ، ایہہ پانی تے رُوح دی سچی خوشخبری زندگی دی روٹی تے ایمان دا سچا کھانا اے ۔ ایس طرح ، سانوں لازمی ایہہ روٹی ہر دن لینی چاہی دی اے ، تے ناصرف ایہہ — یعنی ، سانوں صرف ایہنوں اپنے آپ لئی نئیں رکھنا چاہی دااے — سگوں سانوں ایہنوں ہر دن دوجیاں نوں وی ونڈنا چاہی دی اے تاں پئی اوہ وی اپنی پاپ دی معافی لے سکن ۔
راستبازاں د ی روٹی پانی تے رُوح دی خوشخبری دے کلام نوں ودھاؤنا اے تے اِنج لوکاں نوں ہنیرے دی طاقت توں چھڈاؤنا تے اوہناں نوں پُتر دی بادشاہی یعنی اوہدی محبت وچ پوہنچاؤنا اے (یوحنا ۴:۳۴، کلسیوں ۱:۱۳)۔ جے اسی پانی تے رُوح دی خوشخبری دی روٹی لین وچ ڈِھلے پیندے آں ، تاں اسی نا بچدیاں ہویاں روگی ہو جاواں گے یا مر جاواں گے ۔ کئی واری ، ساڈے بدن دے ماڑے ہون دے سبب ، پانی تے رُوح دی خوشخبری اُتے ساڈا ایمان ماڑا پے سکدا اے ۔ پر جے اسی دکھاں دے ویلے وچ پانی تے رُوح دی خوشخبری نوں پھڑی رکھیے، تاں ایہہ سچ مُچ ساڈیاں جاناں لئی ایتھوں تیکر پئی بوہت تگڑے بنن لئی اِ ک جائز ویلےوچ بدل سکدی اے ۔
جد اسی سچیائی دی ایس خوشخبری نوں سُن دے تے ایہدے اُتے دھیان تے سوچ کردے آں ، اسی ایہنوں جِناں بوہتا سُن دے آں ، اونیاں ای بوہتیاں ساڈیاں رُوحاں تگڑیاں ہوندیاں نیں ، ساڈا ایمان اوناں ای تگڑا بن جاندا اے تے اسی اپنیاں دلاں وچ اونی ای بوہتی نویں طاقت ودھدی ہوئی ویکھدے آں ۔ سانوں پانی تے رُوح دی خوشخبری نوں ہر دن سُنن دی لوڑ اے ، تے ایس خوشخبری اُتے اپنے ایمان دی تصدیق تے صفائی کرن دی لوڑ اے ۔ جویں پئی خُدا فرماؤندا اے،”چاندی دی مَیل دُور کرن نال سُنیار ے لئی بھانڈا بن جاندا اے۔“(امثال ۲۵:۴)، سانوں ایمان دی صفائی دی لوڑ اے —یعنی ، سانوں پانی تے رُوح دی خوشخبری نُوں سُن دیاں رہنا ، اپنیاں دلاں وچ ایہنوں منن ، تے ویلے کویلے ایس اُتے دھیان تے سوچ کرن دی لوڑ اے— ایس لئی پئی پانی تے رُوح دی خوشخبری زندگی دی روٹی اے جیہڑی سانوں زندہ رکھدی اے ! جویں یِسُوعؔ نے خُداوند دی دعا وچ فرمایا، ”ساڈے روز دی روٹی اَج سانوں دے“ساڈا خُداوند سچ مُچ سانوں پانی تے رُوح دی خوشخبری دا کلام دے چُکیا اے ۔ ایس لئی اوہنے سانوں ایس طریقے نال دعا منگن لئی فرمایا۔
جد پاپ دی معافی توں مکتی دل گل ہوندی اے جیہڑی خُدا سانوں دے چُکیا اے ، تاں سانوں لازمی ایہہ واضح کرنا چاہی دا اے پئی پاپاں توں مکتی یافتہ ہون توں پہلاں ساڈا ایمان کِنج د ا سی ۔”ایس سچیائی نوں جانن توں پہلاں، مَیں پاپ توں مکتی یافتہ نئیں ہویا ساں۔“سانوں واضح طریقے نال مننا چاہی دا اے پئی اوس ویلے ، بھاویں اسی یِسُوعؔ اُتے ایمان رکھدے ساں ، اسی پاپ توں مکتی یافتہ نئیں ہوئے ساں ۔ ”مَیں اوس ویلے سارے داسارا پاپ توں مکتی یافتہ نئیں ہویا ساں ، پر جدمَیں پانی تے رُوح دی ایس خوشخبری نُوں سُن دا رہیا ، تاں مَیں ویلے دے نال نال اپنے دل وچ ایس اُتے ایمان رکھن لئی آیا ۔
بھاویں مَیں پہلاں اپنے مکتی یافتہ ہون لئی یِسُوعؔ اُتے ایمان رکھ چُکیا ساں ، میری مکتی اودوں پوری نئیں سی ، پر ہُن ، پانی تے رُوح دی سچی خوشخبری سُن کے ، مَیں سچ مُچ مکتی یافتہ ہو گیا آں۔ ہُن مَیں سچ مُچ پانی تے رُوح دی خوشخبری اُتے ایمان رکھ سکداآں ، تے مَیں ایس اُتے سچا ایمان رکھدا آں ۔ “ ایہہ اودوں ای اے جد تُسی احساس کردے تے ایمان رکھدے او پئی خُداوند اپنے بپتسمے تے صلیبی لہو نال تہانوں پاپ توں کامل طریقے نال بچا چُکیا اے پئی سچی مکتی دا انعام اسمانوں تہاڈیاں دلا ں اُتے آؤندا اے ۔ ایہہ ایمان جیہڑا سچیائی اُتے بھروسہ رکھدا اے اوہو ای سچاایمان اے جیہڑا تہانوں بچاؤندا اے ۔
پاک کلام وچ ظاہر کیتی گئی پانی تے رُوح دی خوشخبری اوس ایمان توں فرق اے جیہڑا اسی پہلاں رکھدے ساں۔ اسی اوس ویلے ، پانی تے رُوح دی ایس کامل خوشخبری دی بجائے ، صرف صلیبی لہو دی خوشخبری اُتے ایمان رکھدے ساں ۔ صرف سولی اُتے ایمان تے پانی تے رُوح دی خوشخبری اُتے ایمان خورے پہلاں رَلدے مِلدے نظر آسکدے نیں ، پر اخیریں دونویں بالکل فرق نیں ۔ پانی تے رُوح دی ایس خوش خبری نُوں تہاڈے جانن توں پہلاں ،کیہ تُسی صرف صلیبی لہو اُتے ایمان نئیں رکھدے سو ؟ کیہ اوس ویلے تُہاڈے سارے پاپ مُک گئے سن ؟ بالکل نئیں !جد تُسی صرف یِسُوعؔ دے صلیبی لہو اُتے ایمان رکھدے سو ، فیر وی تہاڈیاں دلاں وچ ہر دِہاڑے دے پاپ سن ۔ ایہہ اوس ایمان دے وچکار فرق اے جیہڑا پانی تے رُوح دی خوشخبری اُتےایمان رکھدا اے تےایمان جیہڑا صرف سولی اُتے بھروسہ رکھدا اے ۔
صاف فرق ایہہ ہیگا اے پئی اوہ جیہڑے صرف صلیبی لہو اُتے ایمان رکھدے نیں مکتی یافتہ نئیں ہیگے جد پئی اوہ جیہڑے پانی تے رُوح دی خوشخبری اُتے ایمان رکھدے نیں اپنیاں ساریاں پاپاں توں مکتی یافتہ نیں ۔ ایس طرح ، اوہناں دیاں رُوحاں بِنا شک وکھریاں نیں ۔ پر عام لوک ایہدا احساس نئیں کردے ۔بھاویں دونویں خوشخبریاں اِکو جیہیاں لگ سکدیاں نیں، پر ایہناں دوآں وچکار ایمان دابوہت وڈا پندھ اے جنہوں پورا نئیں کیتا جاسکدا۔ جد یِسُوعؔ دے بپتسمے اُتے ایمان رکھن یا نا رکھن وچکار نِکا جیہا فرق سانوں سدا دی زندگی لین یا گواؤن دے لائق بناؤندا اے ، تاں اسی صرف ایہہ من سکدے آں پئی ایہناں دوآں عقیدیاں وچکار ایہو جیہا فرق اے جیہڑا کدی وی مُک نئیں سکدا ۔
سانوں ایہہ بالکل ٹھیک جاننا چاہی دا اے کیہڑا ایمان پاپ توں ساڈی مکتی دی حد نوں بناؤندا اے ۔ پاپ توں مکتی یافتہ ہون لئی ، سانوں لازمی پانی تے رُوح دی خوشخبری اُتے ایمان رکھنا چاہی دا اے ۔پانی تے رُوح دی ایہہ خوشخبری پاپ دی معافی دا سچ اے ۔ مکتی دا صاف صریح مقام تہاڈا ہوئے گا جد تُسی من دے پئی تُسی لازمی پانی تے رُوح دی خوشخبری اُتے ایمان رکھن توں پہلاں مکتی یافتہ نئیں سو ، تے ایہہ پئی ہُن تُسی سچ مُچ اپنے سچے دلوں سچی خوشخبری اُتے ایمان رکھدے او ۔
جے تُسی اپنیاں دلاں دیاں خانیاں وچ پانی تے رُوح دی خوشخبری اُتے ایمان رکھدے او ،تاں تہانوں لازمی خُدا دے اگے ایہنوں واضح طریقے نال مننا چاہی دا اے پئی تُسی پانی تے رُوح دی خوشخبری نوں سُنن تے ایمان رکھن نال اپنیاں پاپاں دی معافی پا چُکے او ۔ جے تُسی ہُن پانی تے رُوح دی خوشخبری دی سچیائی اُتے ایمان رکھ چُکے او ، تاں تُسی بِنا شک اپنیاں دلاں وچ ایہدا ثبوت ویکھ سکدے او ۔
سانوں خُدا دے اگے اپنے ایمان نُوں دھیان نال ویکھنا چاہی دا اے ۔ اپنے ایمان نوں جانچنا کوئی شرم دی گل نئیں ہیگی ۔ جے تہانوں اپنے دل د ے خانے وچ پانی تے رُوح دی خوشخبری اُتے ایمان رکھن تیکر آؤن لئی یعنی جد تُسی پہلاں یِسُوعؔ اُتے ایمان رکھیا سی پنج سال لگے ، تاں بالکل کوئی شرم دی گل نئیں ہیگی ۔ جے تہانوں مکتی یافتہ ہون وچ دس سال لگے ، تاں ایس وچ شرم دی کوئی گل نئیں ، تے جے تہانوں بھاویں مکتی یافتہ ہون وچ ویہہ سال لگے ، تاں فیر وی ایس وچ بالکل کوئی شرم والی گل نئیں۔ ایہدے اُلٹ ، ایہہ اِک برکت اے ۔
پر، سچ ایہہ ہیگا اے پئی بوہت سارے لوک نیں جیہڑے پاپ توں مکتی یافتہ ہون دا فریب کردے نیں ۔ پر پاک رُوح ، جیہڑا ہر شے نوں لبھ لیندا اے ، اوہناں دے ایمان نوں پسند نئیں کر سکدا ، ایس لئی پئی اوہ ایمان داری نال مکتی دی صاف تے واضح لکیر نئیں کھِچدے ۔ ہُن وی ، اپنی مکتی دی حد نوں واضح طریقے نال مقرر کرنابوہت سیانف اے — ایہہ جاننا پئی اسی ٹھیک کس دِن مکتی یافتہ ہوئے سن نئیں ، سگوں ایتھے جیہڑی خاص شے اے اوہ ایہہ ہیگی اے پئی اسی مکتی یافتہ ہون توں پہلاں تے بعد دے وچکار واضح طریقے نال فرق کرئیے — تے اپنے کامل ایمان دا واضح طریقے نال اقرار کرئیے ۔
ساڈے ایمان دیاں وڈیریاں نے وی ایسے خوشخبری اُتے ایمان رکھیا جیہدے اُتے ہُن اسی ایمان رکھدے آں
قُلزم داسمندر پار کرن دے بعد ، جد اسرائیلیاں نے کنعان دی دھرتی اُتے جان لئی یردن دے دریا نوں پار کرن دی کوشش کیتی ، تاں اوہ حفاظت نال صرف اوسے ویلے پا رجاسکدے سن جد اوہناں نیں اصل وچ اپنیاں کاہناں دل گل منی جِنہاں نیں پہلاں خُدا دے عہد د ے صندوق نوں چُکیا ہویا سی ۔ جے اسی صرف اپنیاں دلاں وچ سوچدے آں ، ”اوہ، اِنج مَیں یردن دے دریا نوں پا کر سکدا آں،“ تے اصل وچ پار نئیں کردے ، تاں اسی کنعان دی دھرتی اُتے جا نئیں سکدے ، ایس لئی پئی اسی حالے تیکر دریا دے باہرلے پاسے ای رہواں گے ۔ کنعان دی دھرتی اُتے جان لئی ، سانوں خُداوند اُتے اپنے ایمان نال قُلزم دے سمندر تے یردن دے دریانوں بالکل پار کرنا چاہی دا اے ۔
رُوحانی طریقے نال گل کردیاں ہویاں ، یردن دا دریا مرن تے جی اُٹھن دا دریا اے ۔ اوہ ایمان جیہڑا سانوں پاپ توں بچا چُکیا اے ایہو جیہا ایمان اے جیہڑا بھروسہ رکھدا اے ، ”مینوں لازمی دوزخ وچ سُٹیا جانا چاہی دا اے ، پر خُداوند ایس زمین اُتے آیا تے مینوں اپنے بپتسمے تے صلیبی لہو نال بچا چُکیا اے ۔“سانوں کامل طریقے نال بچاؤن لئی ، ساڈے خُداوند نے یردن دے دریا اُتے بپتسمہ لیا تے سولی اُتے اپنا لہو وگایا ۔ ایس طریقے نال اوہنے ساڈیاں پاپاں نوں چُک لیا تے ساڈے بدلے اپنےآپ نوں دے کے پاپ دا مُل اُتار دتا ۔ ہُن سانوں ایس سچیائی اُتے ایمان رکھنا چاہی دا اے تے ایمان دی لکیر تے مکتی دی لکیر نوں اپنیاں دلاں وچ واضح طریقے نال کھِچنا چاہی دا اے ۔
جویں پئی مَیں خُدا دے کلام دی منادی کردا آں مَیں ویکھ سکدا آں پئی اوہدی کلیسیا وچ بوہت سارے ایہو جیہے نیں جیہڑے حالے تیکر واضح طریقے نال اپنیاں دلاں دیاں خانیاں وچ مکتی دی لکیر نئیں کھِچ چُکے تے ایس لئی اوہ خُداوند دے پِچھے چلن دے لائق نئیں ہیگے ۔ اوہ حیران ہوندے نیں پئی کویں اوہ اپنی مکتی توں پہلاں تے بعد دے وچکار ایہہ لکیر کھِچ سکدے نیں ۔ اوہ آپ ای ایہہ آکھدیاں ہویاں فریب کردے نیں ،” کیہ ایس زمین اُتے کدی کوئی اِنج دا ہویا اے جنہے ایہہ لکیر کھِچی ہوئے ؟ کیہ پولُس رسول نے اِنج کیتا ؟ کیہ پطرس نے اِنج کیتا ؟ کسے وی اِنج نئیں کیتا۔“ پر ایمان دیاں رسولاں مثال طور اُتے پولُس تے پطرس ساریاں نیں مکتی دی لکیر کھِچی۔
پولُس دے معاملے وچ ، اوہنے دمشق دے اپنے راہ وِچ ایہنوں کھِچیا۔ ایس لئی ، اوہنے اکھر ”ہُن“ توں ہٹ کے ”اِک واری ، لنگھے ویلے وچ ، یا پہلاں “دیاں اکھراں دا بوہتا ذکر کیتا ۔ جتھوں تیکر پطرس دا تعلق اے ، اوہنے وی ایہو ای اُتلے اکھر بولے (۱۔پطرس ۲:۱۰، ۲۵)۔اسی ویکھ سکدے آں پئی اوہنے وی ایہہ لکیر کھِچی جد اسی اوہدے اقرار اُتے دھیان کردے آں: ” تُوں تے مسِیح ایں زِندہ خُدا دا پُتر۔“ (متی ۱۶:۱۶)،تے، ” ٹھیک اوسے پانی وانگر بپتِسمہ وی یِسُوع مسِیح دے جی اُٹھن دی راہِیں ہُن تُہانوں بچاندا اے۔ اوہدے توں جِسم دی مَیل دُور کرنا نئیں پر چنگی نِیّت نال خُدا دا طالب ہونا مُراد اے۔ “ (۱۔پطرس ۳:۲۱)۔ پولُس تے پطرس دوآں نیں واضح طریقے نال اپنی مکتی توں پہلاں تے بعد وچکار ایمان دی لکیر کھِچی ۔
اِنج ، ایہہ سوال ، کیہ تُسی پانی تے رُوح دی خوشخبری اُتے ایمان رکھدے او یا نئیں ایہہ کسے دوجے دا مسئلہ نئیں ہیگا ، سگوں ایہہ تہاڈی اپنی ای جان دا اصل مسئلہ اے ۔ پاک کلام وچ خُدا دے خادم سارے پاپ دے مسئلے نال نِبڑدے نیں ۔ ایس لئی پئی ایہہ ساڈے ساریاں لئی بوہت خاص مسئلہ اے، سانوں لازمی آپ ای ایمان رکھ کے ایہنوں لینا چاہی دا اے ۔جد اسی پانی تے رُوح دی خوشخبری اُتے ایمان رکھدے آں تے اِنج اپنیاں دلاں دیاں خانیاں توں پاپ دا مسئلہ حل کردے آں ، خُدا بوہت خوش ہوندا اے ۔ کیہ تُسی خُدا نوں خوش کرنا چاؤہندے او؟ فیر تہانوں صرف ایناں کرنا اے پئی اپنیاں پاپاں نوں پچھاننا اے تے پانی تے رُوح دی خوشخبری اُتے ایمان رکھ کے ایس مسئلے نوں حل کرنا اے ۔ جے ایس سارے ویلے وچ تُسی حالے تیکر مکتی یافتہ نئیں ہوئے سو ، تاں تہانوں لازمی اقرار کرنا چاہی دا اے ،”اے خُدا ، مَیں حالے تیکر مکتی یافتہ نئیں ہویا آں۔“
یِسُوعؔ نے فرمایا، ” تاں جو کُجھ تُوں زمین اُتّے بنھے گا اسمان وِچ بَدّھا جائے گا تاں جو کُجھ
تُوں زمین اُتّے کھولیں گا اسمان وِچ کھولیا جائے گا۔ “(متی ۱۶:۱۹)۔ساڈے ولوں ، سانوں لازمی پہلاں مننا چاہی دا اے ، ”خُدا مینوں پانی تے رُوح نال بچا چُکیا اے ۔ ہُنے ، اپنے دل دے خانے وچ ، مَیں پانی تے رُوح دی خوشخبری دی سچیائی اُتے ایمان رکھدا آں ۔ ایس وچ کوئی شک نئیں ہیگا پئی خُداوند مینوں پانی تے رُوح دی خوشخبری دے راہیں بچا چُکیااے۔ “
سانوں ساریاں نوں اپنیاں دلاں وچ پانی تے رُوح دی خوشخبری نوں قبول کرنا چاہی دا اے ۔” مَیں ایس خوشخبری اُتے بھروسہ رکھدا آں۔ ایس لئی پئی ایہہ سچی اے ، ایس لئی پئی خُداوند بوہت چوکھیاں میریاں پاپاں نوں مُکا چُکیا اے ، مَیں ہُن ایس خوشخبری اُتے ایمان رکھدا آں ۔ مَیں ایمان رکھ کے مکتی یافتہ ہوگیا واں۔“ جد اسی اِنج پچھان دےتے خُداوند ولوں دتی گئی خوشخبری اُتے ایمان رکھدے آں ، فیر خُدا سانوں آکھدا اے ، ” مَیں تہاڈے ایمان نوں منظور کردا آں۔“
جد خُدا پہلاں ای سانوں پانی تے رُوح دی سچیائی دے چُکیا اے جیہڑی سانوں کامل طریقے نال بچا سکدی اے ، جے اسی ، اپنے ولوں ، مکتی دی لکیر نئیں کھِچدے تے ایس سچیائی اُتے ایمان رکھ کے ایس مکتی نوں قبول نئیں کردے ، تاں خُدا ، اپنے پاسیوں ،سانوں مکتی یافتہ وانگر نئیں پچھان سکدا ۔ ایس لئی پئی خُدا ساڈے نال بندیاں والے طریقے نال پیش آؤندا اے نا پئی سوکھے طریقے نال ، جے تُسی اپنیاں دلاں دیاں خانیاں وچ پانی تے رُوح دی خوشخبری اُتے ایمان نئیں رکھدے ، تاں اوہ تہانوں پاپ دی معافی دے نئیں سکدا ۔ دوجیاں اکھراں وچ ، جے تُسی اپنے دل وچ پانی تے رُوح دی خوشخبری نوں نئیں من دے تاں پاک رُوح تہاڈے دل وچ وسوں نئیں کر سکدا ۔
کیہ اسی پانی تے رُوح دی خوشخبری توں علاوہ دوجیاں ساریاں خوشخبریاں نوں غلط قرار دیندیاں ہویاں رَدّ کردے آں ؟ یا کیہ اسی سمجھدے آں پئی ایہو جیہاں جھوٹھیاں خوشخبریاں وی کم آسکدیاں نیں تے اوہناں نوں دُریڈے سُٹن دی کوئی لوڑ نئیں ہیگی ؟ سانوں اپنے آپ نوں جانچن دی لوڑ اےتے ویکھن دی لوڑ اے پئی کِنے ٹھیک طریقے نال اسی ایمان رکھدے آں ۔ آؤ اسی تھوڑے چر لئی فرض کرئیے پئی اسی ورتیاں ہویاں ہتھیاراں تے بجلی دیاں شیواں د ے ڈھیر اُتے آئے آں ۔ آؤ اسی ہور فرض کرئیے پئی اسی اوہناں وچوں کُجھ شیواں نوں ایہہ سوچدیاں ہویاں گھر وچ لیاندا پئی اسی ہُن وی ایہناں شیواں نوں ٹھیک کر سکدے آں ، پر بعدوچ پتہ لگیا پئی اوہناں وچوں کسے شے نے وی کم نئیں کیتا تے اوہ ساریاں نکمیاں نیں ۔ کیہ سانوں فیروی اوہناں نوں اپنے کول رکھنا چاہی دا اے یا اوہناں نوں سُٹ دینا چاہی دا اے ؟ اک واری جدوں اسی ایہہ فیصلہ کردے آں پئی اوہ ساریاں فضول نیں ، تاں لازمی سانوں اوہناں ساریاں نوں سُٹ دینا چاہی دا اے ۔ جد تُسی ایس نتیجے اُتے پوہنچدے او پئی کوئی شے تہاڈے لئی کدی فائدہ مند نئیں ہیگی تے بالکل مستندنئیں ہیگی، تاں تہانوں ایہہ وی جاننا چاہی دا اے پئی فیصلہ کردیاں ہویاں کویں سُٹنا اے ۔
جے سانوں جگ دیاں معاملیاں وچ ایسے طرح عمل کرنا چاہی دا اے ، تاں فیر جد ساڈے رُوحانی معاملیاں دی گل ہوندی اے تاں سانون کویں عمل کرنا چاہی دا اے ؟ سانوں اپنیاں رُوحانی معاملیاں وچ جھوٹھ نوں ردّ کرن وچ ہور وی بوہتے فیصلے کرن والے ہونا چاہی دا اے ۔ سانوں لازمی اِک واضح لکیر کھِچنی چاہی دی اے جیہڑی پانی تے رُوح دی خوشخبری وچ ساڈے ایمان نوں جھوٹھے ایمان توں وکھ کردی اے یعنی جیہڑا صرف صلیبی لہواُتے ایمان رکھدا اے ؛ سانوں لازمی پچھاننا چاہی دا اے پئی صرف صلیبی لہو اُتے ایمان سانوں کدی مکتی نئیں دے سکدا ؛ تے سانوں ایس کچے نظریے نوں فیصلہ کردیاں ہویاں سُٹ دینا چاہی دا اے ۔ پاک کلام دے مطابق کیہڑی خوشخبری اے ؟ کیہ ایہہ صرف صلیبی لہو دی خوشخبری اے ؟ یا کیہ ایہہ پانی تے رُوح دی خوشخبری اے ؟ تہاڈا ایمان جیہڑا پانی تے رُوح دی خوشخبری اُتے بھروسہ رکھدا اے تے جیہڑا تہانوں تہاڈیاں پاپاں توں بچا چُکیا اے اوہو ا ی خُدا نوں خوش کردا اے ۔
نِکی تے خاص گل ، مسیحیاں دیاں دو قِسماں نیں : اوہ جیہڑے پانی تے رُوح دی خوشخبری نوں جان دے تے ایس اُتے ایمان رکھدے نیں تے اوہ جیہڑے ایمان نئیں رکھدے ۔ اِنج نظر آسکدا اے جویں پئی دونویں اِکو ای ایمان دی زندگی گزاردے پئے نیں ، پر اصل معاملے دی سچیائی ایہہ ہیگی اے پئی دونویں بالکل وکھ وکھ نیں ۔ کیہ تُسی، کسے وی طرح ، سوچدے او پئی ادھوری خوشخبری جیہدے اُتے تُسی پہلاں ایمان رکھ چُکے سو ہُن و ی کُجھ فائدہ مند اے ؟ کیہ تُسی ایہنوں حالے تیکر ، ایہہ سوچ کے رکھیا ہویا اے پئی ایہہ کُجھ چر بعدوں کم آسکدی اے ؟
ایہو جیہا ایمان اِک جھوٹھا ایمان اے ، جیہڑا بندے دے بنائے ہوئے خیالاں وچوں نکلیا اے ،تے ایس لئی تہانوں اپنے لنگھے ہوئے زمانے دے سارے پُرانے سامان نوں سُٹ دینا چاہی دا اے ۔ ایہہ ایس لئی اے پئی تُسی حالے تیکر جھوٹھ تے غیر سچیائی نوں نئیں سُٹیا پئی تہاڈیاں دلاں دے خانے وچ پریشانیاں نیں ۔ مَیں تہانوں اوہدے کلام نوں یاد رکھن دی ہدایت کردا آں؛” تُسی میری شرِیعت نُوں مننا۔ تُوں اپنیاں ڈنگراں نُوں وکھری جِنس توں بھراؤن نا دیویں تے اپنی پیلی وِچ دو قِسماں دے بِیج اِکوواری نا بیجیں تےنا تیرے تَن اُتے دو قِسماں دے رَلدےمِلدےتار دا کپڑا ہوئے۔“(احبار ۱۹:۱۹)۔
پاپ تھاں اُتے جان لئی ، سانوں صرف ایہدے پھاٹک وچوں جانا چاہی دا اے
خیمۂ اِجتماع دا پھاٹک کیہڑی شے نال بنایا گیا سی ؟ ایہہ اسمانی، ارغوانی، تےلال دھاگےتےمہین وٹے ہوئے کتان نال اُنیا گیاسی ۔ اوہناں نوں جیہڑے پانی تے رُوح نال نویں سریوں جم پئے نیں اوہناں نوں خیمۂ اِجتماع دا ایہہ پھاٹک کھولنا چاہی دا اے تے پاک تھاں اُتے جانا چاہی دا اے ۔ خیمۂ اِجتماع دے پھاٹک دے ستوناں دے ہیٹھاں ، پِتل دے خانے رکھے گئے سن ۔ ایہہ پِتل دے خانے سانوں ایہہ منن لئی مجبور کردے نیں پئی پانی تے رُوح دی خوشخبری مکتی دی سچیائی اے ۔
اوہ سانوں سکھاؤندے نیں پئی بھاویں اسی خُدا ولوں لعنتی ٹھہرن تے اپنیاں پاپاں دے سببوں مرن توں علاوہ کُجھ کر نئیں سکدے ساں ، پرپانی تے رُوح دی خوشخبری دے راہیں نویں سریوں جمن دی برکت لے کے ، اسی خُدا دے اپنے بن گئے آں ۔ اسی خیمۂ اِجتماع وچ جا سکدے آں صرف جدوں اسی ایس غلط سوچ نوں دُور کردینے آں پئی ، ایہدے پھاٹک لئی ورتے گئے چونہہ دھاگیاں دے رنگاں وچوں ، اسی صرف لال دھاگے وچ ظاہر ہون والی یِسُوعؔ دی خدمت اُتے ایمان رکھ کے مکتی یافتہ ہوسکدے آں ۔
جد تیکراسی اپنے خود غرض خیالاں تے ایمان نوں دُور نئیں کردے ،اسی اسمانی، ارغوانی، تےلال دھاگےوچ ظاہر ہون والی مکتی اُتے ایمان نئیں رکھ سکدے ۔ سانوں ایہہ مننا چاہی دا اے پئی اسمانی، ارغوانی، تےلال دھاگےتے مہین وٹے ہوئے کتان وچ ظاہر ہون والی سچیائی پانی تے رُوح دی خوشخبری اے ، تے سانوں لازمی اپنے خود غرض خیالاں دی غلطی نوں مننا چاہی دا جد اسی پہلاں صرف صلیبی لہو اُتے ایمان رکھدے ساں ۔
جے خُدا چاہے گا ، تاں اوہ تہاڈی پانی تے رُوح دی خوشخبری دی سچیائی تیکر اگوائی کرے گا ۔ صرف اوہو ای جیہڑے پانی تے رُوح دی خوشخبری دی ایس سچیائی اُتے ایمان رکھدے نیں اپنیاں ساریاں پاپاں توں معاف ہو سکدے نیں تے سدا دی زندگی لے سکدے نیں ۔ فیر ای اسی اپنیاں دلاں دیاں خانیاں وچ ایس سچیائی اُتے ایمان رکھ کے مکتی دا پھاٹک کھول سکدے آں تے پاک تھاں اُتے جا سکدے آں ۔
جے تُسی اپنے پُرانے ایمان دی غلطی نوں سمجھن وچ ناکام ہوجاندے او جیہڑا تُسی پانی تے رُوح دی خوشخبری نوں جانن توں پہلاں رکھدے سو ، فیر تُسی پاپ دی سزا جروگے ، ایس لئی پئی تُسی مکتی یافتہ ہون دے لائق نئیں ہووگے ۔ جے اِنج ہوندا اے ،تاں تُسی پاک تھاں اُتے جا نئیں سکدے تے زندگی دی روٹی وی نئیں کھا سکدے۔ جد تُسی پانی تے رُوح دی خوشخبری اُتے ایمان رکھ کے پاک تھاں اُتے جاندے او فیر ای تہانوں زندگی دی گرم روٹی مل سکدی اے ۔
تہانوں ایہہ سمجھنا چاہی دا اے پئی خُداوند تہانوں اپنے بپتسمے ، اسمانی دھاگے نال ،تہاڈے سارے پاپ دھو کے تے سولی اُتے لہو وگاؤن ،لال دھاگے نال تہاڈیاں پاپاں دی سزا جر کے خُدا دے پُتر بنا چُکیا اے ۔ تے تہانوں لازمی واضح طریقے نال سمجھنا تے ایمان رکھنا چاہی دا اے پئی پانی تے رُوح دی خوشخبری اوہ سچیائی اے جیہڑی تہاڈے لئی بوہت ضروری اے ۔ تُسی خُدا دی کلیسیا وچ آسکدے او تے راستبازاں نال زندگی دی روٹی صرف اوس ویلے ونڈ سکدے او جد تُسی جان دے او پئی خُدا ای اے جیہڑا تہانوں پانی تے رُوح دی خوشخبری دے چُکیا اے تے صرف جد تُسی ایس خوشخبری اُتے ایمان رکھدے او ۔
خُداوند دا گوشت زندگی دی روٹی تےگناہ دی معافی اے
آؤاسی یوحنا ۶:۴۹۔ ۵۳ ول دھیان کرئیے، ” تُہاڈے وڈیاں بیابان وِچ مَنّ کھادا تے مَر گئے۔ا وہ روٹی جیہڑی اسمانوں لہندی اے ایہہ اےپئی بندہ اوہدے وچوں کھائے تے نا مَرے۔ زِندگی دی روٹی مَیں آں جیہڑی اسمانوں لتھّی اےجے کوئی ایس روٹی وچوں کھائےسدا تیکرجئے گا۔سگوں جیہڑی روٹی مَیں دنیادی زِندگی لئی دیاں گااوہ میرا گوشت اے۔ایس واسطے یہُودی آپووچ جھگڑن لگےپئی ایہہ اپنا گوشت کیویں سانوں کھان نُوں دے سکدا اے؟تدیِسُوعؔ اوہناں نُوں آ کھیا مَیں تُہانوں سچ سچ آکھنا آں۔جےتُسی اِبنِ آدم دا گوشت نا کھاؤ تے اوہدالہونا پِیو تُہاڈےاپنےوچ زِندگی نئیں۔“ یِسُوعؔ نے اوہناں نوں آکھیا ، جیہڑے اوہدا گوشت کھاندے تے اوہدا لہو پیندے نیں اوہ سدا دی زندگی پاؤندے نیں ۔ ایس حوالے دا مطلب ہیگا اے پئی ساڈے وچوں ساریاں نوں لازمی یِسُوعؔ دا گوشت کھانا تے اوہدا لہو پینا چاہی دا اے ۔
فیر ، اسی کیویں یِسُوعؔ دا گوشت کھاسکدے آں تے اوہدا لہو پی سکدے آں؟ ایہہ پانی تے رُوح دی خوشخبری اُتے ایمان رکھن دے سبب اے پئی اسی یِسُوعؔ دا گوشت کھاسکدے تے اوہدا لہو پی سکدےآں ۔ ایہہ ایمان رکھن دے سبب اے پئی یِسُوعؔ نے اپنے بپتسمے نال ساڈیاں ساریاں پاپاں نوں چُک لیا ، اسی اوہدا گوشت کھاسکدے آں ،تےایہہ ایمان رکھ کے پئی یِسُوعؔ نے ساڈیاں پاپاں نوں موہڈا دتا تے اوہناں لئی سولی اُتے لعنتی ٹھہریا، اسی اوہدا لہو پی سکدے آں ۔
سانوں لازمی ایہہ وی ایمان رکھنا چاہی دا اے پئی اسمانی، ارغوانی، تےلال دھاگے تےمہین وٹے ہوئے کتان وچ ظاہر ہون والے مکتی دیاں کماں دے سبب ، یِسُوعؔ ساڈیاں پاپاں نوں مُکا چُکیا اے تے سانوں خُدا دے اپنے نیانے بنا چُکیا اے ۔ ایس توں ہٹ کے پئی پانی تے رُوح دی خوشخبری اُتے ایمان رکھ کے پہلاں تُسی کیویں ایمان رکھ چُکے او ، تہانوں لازمی مننا چاہی دا اے پئی تہاڈا ایہہ پُرانا ایمان غلط سی ، تے تہانوں ہُن لازمی یِسُوعؔ دا گوشت تے لہو لے کے ایمان دی کنگنی نوں چُکیا چاہی دا اے تے کلام دی روٹی نوں کھانا چاہی دا اے ۔
یوحنا ۶:۵۳ دسدا اے ، ” مَیں تُہانوں سَچ سَچ آکھنا آں۔ جے تُسی اِبنِ آدم دا گوشت نا کھاؤ تے اوہدا لہو نا پِیو تُہاڈے اپنے وِچ زِندگی اے نئیں۔ “ ہُن وی ، کئی لوک ایس حوالے نوں پاک شراکت دے نظریے اُتے دلیل لئی ورتدے نیں ۔ ایس نظریے دا خیال اے پئی پاک اکٹھ وچ ورتی جان والی روٹی تے مَے یِسُوعؔ دے اصل گوشت تے لہوبن جاندے نیں جد اوہ ایمان رکھ کے ریِت پوری کردے پئے ہوندے نیں ۔ پر سانوں ایہہ سمجھنا چاہی داتے ایمان رکھنا چاہی دا اے پئی یوحنا ۶:۵۳ دا ایہہ حوالہ ، پاک شراکت دی گل کرن توں بوہت دُور ،اصل وچ پانی تے رُوح دی خوشخبری دے بارے گل کردا اے ۔
پاک شراکت وچکار ، جے تُسی اک قطار وچ اُڈیکدے او تےکاہن تہاڈے مُنھ وچ روٹی دا بھورا پاؤندے نیں ، تاں کیہ ایہہ روٹی ہُن یِسُوعؔ دے بدن وچ بدل جائے گی ؟ ایہہ نئیں بدلے گی ! اسی ایمان رکھن دے راہیں یِسُوعؔ دا گوشت کھاسکدے آں تے اوہدا لہو پی سکدے آں پئی یِسُوعؔ ایس زمین اُتے آیا ، جگ دیاں پاپاں نوں چُک لیا تے اوہناں نوں بپتسمہ لین دے سبب پاک کر دتا ، سولی اُتے پاپاں نوں لے
گیا تے ایس اُتے مر گیا ، تے اِنج سانوں موت توں بچا چُکیا اے ۔
اوہ جیہڑے یِسُوعؔ دا گوشت کھاندے تے ایمان رکھ کے اوہدا لہو پیندےنیں اوہ لوک نیں جیہڑے ایس سچیائی اُتے ایمان رکھدے نیں پئی یِسُوعؔ ، اسمانی تے لال دھاگے نال ،ساڈیاں پاپاں نوں چُکن تے اپنے آپ اُتے پاپ دی سزا جر کے سانوں پاپ توں بچا چُکیا اے ۔ سانوں لازمی یِسُوعؔ مسیح دے بپتسمے تے لہو اُتے ایمان رکھ کے یِسُوعؔ دا گوشت کھانا چاہی دااےتے اوہدا لہو پینا چاہی دااے۔
اپنے آپ اُتے لدے ہوئے ساڈیاں پاپاں نوں قبول کرن لئی ، یِسُوعؔ نے یردن دے دریااُتے یوحنا بپتسمہ دین والے کولو ں بپتسمہ لیا، آؤ اسی متی ۳:۱۵۔۱۷ ول دھیان کرئیے: ”تےیِسُوعؔ اوہنوں جواب دِتّا۔ حالی تے ہون دے کیوں جوسانوں چاہی دا ایہہ پئی ایسےطرح ساری راست بازی نُوں پُورا کرئیے۔ تداوس ہون دِتّا۔ تے یِسُوعؔ بپتِسمہ لےکےجھٹ پانیوں باہرنِکل آیا۔ تےویکھواسمان اوہدے لئی کُھل گیا تے اوس خُدا دے رُوح نُوں کبُوتر وانگوں اُتردیاں تےاپنے اُتےآؤندیاں ویکھیا۔ تےویکھواسماناں توں اِک اواز آئی پئی ایہہ میرا پیارا پُتراے جِس توں مَیں بڑاخُوش آں۔ “
ایہہ ایس لئی اے تاں پئی یِسُوعؔ نے ساڈیاں ساریاں پاپاں نوں چُک لیا جد اوہنے یوحنا کولوں بپتسمہ لیا تے سولی اُتے مرگیا یعنی اوہنے خُدا دی ساری راستبازی نوں پورا کیتا ۔ ساڈا ایمان جیہڑا خوشخبری دی سچیائی اُتے ایمان رکھدا اے ، پئی جگ دے سارے پاپ یِسُوعؔ مسیح اُتے لدے گئے سن جد اوہنے یوحنا کولوں بپتسمہ لیا، اوہ سچا ایمان اے جیہدے نال اسی یِسُوعؔ دا گوشت کھا سکدےآں تے اوہدالہو پی سکدےآں۔
جے تُسی ایس سچیائی نوں پچھان دے او ، تاں تُسی پہلاں ای ایمان رکھ کے یِسُوعؔ دا گوشت کھاچُکے او۔ یعنی تہاڈے جگ دے پاپ اِک ای وار سدا لئی یِسُوعؔ مسیح اُتے لدے گئے سن سچیائی اے ،تے ایس لئی اپنیاں دلاں دیاں خانیاں وچ ایس اُتے ایمان رکھنا تہاڈے لئی بوہت لوڑی دا اے ۔ ایہہ ایمان اوہ ایمان اے جیہڑا تہانوں یِسُوعؔ دا گوشت کھان دے لائق کردا اے ۔ کیہ تہاڈے پاپ اوہدے بپتسمے نال یِسُوعؔ اُتے لدے گئے سن ؟ صرف ایس صورت وچ جد تُسی ایس گل اُتے ایمان رکھدے اوتُسی یِسُوعؔ دا گوشت کھا سکدے او ۔ یِسُوعؔ نوں بپتسمہ دین دے بعدوں یوحنا بپتسمہ دین والے نے اُچی اواز وچ آکھیا ، ”ویکھو خُدا دا برّہ جیہڑا دُنیا دا گُناہ چُک لے جاندا اے“(یوحنا ۱:۲۹)۔
تے تاں جو یِسُوعؔ اپنے بپتسمہ لے کے جگ دیاں پاپاں نوں قبول کر چُکیا سی ، اوہنے اوہناں نوں اپنے آپ اُتے چُک لیا ، سولی اُتے چڑھ گیا تے اپنا لہو وگایا تے مرگیا ۔ اِنج سولی اُتے چڑھن ، دونواں ہتھاں تے پیراں وچ کِل ٹھکواؤن ، تے اپنا لہو وگاؤن دے بعد ، یِسُوعؔ اپنی موت ویلے ، اُچی اواز نال بولیا ، ”پُوراہویا ۔“ فیر اوی تِناں دناں بعدوں ، مویاں وچوں جی اُٹھیا ۔ چالیاں دناں تیکر گواہی دیندا رہیا تےبالکل اوسے طرح اسمان اُتے چڑھ گیا جویں اوہ نظر آؤندا سی تے ہُن او خُدا باپ دے سجے پاسے بیٹھا ہویا اے ۔ تے اوہنے ایہہ وی وعدہ کیتا پئی اوہ پرت آئے گا بالکل جویں اوہ اسمان اُتے گیا سی ۔ کیہ تُسی اپنیاں دلاں دیاں خانیاں وچ ایس سچیائی اُتے ایمان رکھدے او ؟ ایہہ ایس سچیائی اُتے ایمان رکھن دے سبب ای اے پئی تُسی یِسُوعؔ دا گوشت کھا سکدےاوتے اوہدا لہو پی سکدےاو ۔ ایہہ اودوں ہوندا اے جد اسی سچ مُچ اپنیاں دلاں دیا ں خانیاں وچ ایمان رکھدے آں پئی اسی یِسُوعؔ دا گوشت کھا سکدےآں تے اوہدا لہو پی سکدےآں۔ ایہہ ایس ایمان دے سببوں اے پئی اسی پاک تھاں دی روٹی کھا سکدے آں ۔
ساڈے خُداوند نے سانوں اپنے گوشت تے لہو نوں سدا یاد رکھن دا حکم دتا جد کدی اسی اکٹھے ہوندے آں (۱۔کرنتھیوں ۱۱:۲۶)۔ایس طرح ، جد کدی اسی اکٹھے ہوندے آں، سانوں لازمی ہر واری یِسُوعؔ دے گوشت تے لہو نوں یا د رکھنا چاہی دا اے ۔ جد ایہہ ایمان رکھن نال اے پئی اسی یِسُوعؔ دا گوشت کھاندے تے اوہدا لہو پین لئی سوچے جاندے آں جد کدی اسی اکٹھے ہوندے آں، تاں کویں اسی صرف ریِت رسم لئی پاک شراکت نوں قیم رکھ سکدے آں ؟
ایس لئی پئی اسی بپتسمے اُتے جنہوں لے کے یِسُوعؔ نے اپنے آپ اُتے ساڈیاں پاپاں نوں چُک لیا تے صلیبی لہو دی قربانی اُتے ایمان رکھدے آں ، تاں ایہہ ایمان رکھن نال اے پئی اسی اوہدے گوشت تے لہو نوں ہر دن یاد کردے پئے آں ۔ ایس لئی پئی اسی پانی تے رُوح دی سچیائی اُتے ایمان رکھدے آں یعنی ہر دن اسی یِسُوعؔ دا گوشت کھاندے تے اوہدا لہو پیندے آں ۔ جویں پئی یِسُوعؔ نے فرمایا ، ”اوہ جیہڑا میرا گوشت کھانداتے میرا لہو پِیندااے سدادی زِندگی اوہدی اے (یوحنا ۶:۵۴)،“اوہ اوہناں نوں اخیری دن زندہ کرے گا جیہڑے اوہدا گوشت کھاندے تے اوہدا لہو پیندے نیں ۔
سانوں لازمی مننا چاہی دا اے پئی جے ساڈا ایمان سانوں یِسُوعؔ دا گوشت کھان تے اوہدا لہو پین دے لائق نئیں کردا، تاں ایہہ اِک کچا ایمان اے۔ ساڈے خُداوند نے فرمایا ، ”اوہ جیہڑا میرا گوشت کھاندا تے میرا لہو پِیندا اے سدادی زِندگی اوہدی اے۔ تےاخِیری دِن مَیں اوہنوں زِندہ کراں گا۔ایس لئی پئی میرا گوشت اصل کھان والی شےتے میرا لہواصل پِین والی شےاے۔اوہ جیہڑا میرا گوشت کھاندا تے میرا لہو پِیندا اےمیرےوچ رہندا اے تے مَیں اوہدےوچ۔جیویں باپ جیہڑاجیوندااے مینوں گھلیاتے مَیں باپ دےسبب جیوناں آں ۔ اوہ وی جیہڑا مینوں کھاندااے میرے سبب جیوے گا “(یوحنا ۶:۵۴۔۵۷)۔
اوہ جیہڑے خُداوند دا گوشت کھاندےتے ایمان رکھ کے اوہدا لہو پیندے نیں اوہ اوہدے سببوں جیوندے رہن گے ۔ دوجے پاسے ، اوہ جیہڑے خُداوند دا گوشت نئیں کھاندےتےاوہدا لہو نئیں پیندے مر جان گے ، ایس لئی پئی اوہ ایمان نئیں رکھدے ۔ پر ساڈے لئی ایمان رکھ کےیِسُوعؔ دا گوشت کھانا تے اوہدا لہو پینا اوکھا نئیں ہیگا ۔
آؤ اسی تھوڑے چر لئی ایتھے فرض کرئیے پئی مکتی دا اِک امتحان اے جیہڑا سانوں لازمی خُدا دی بادشاہی وچ جان لئی پاس کرنا چاہی دا اے ۔ ایہدے سوالاں وچوں اِک پُچھدا اے ، ”اوہ کیہڑا ایمان اے جیہڑا تہانوں یِسُوعؔ دا گوشت کھان تے اوہدا لہو پین دے لائق کردا اے ؟ “ سانوں ایس سوال دا جواب کِنج دینا چاہی دا اے ؟جد یِسُوعؔ دا گوشت تے لہو دونویں ای سچیائی اُتے شامل نیں ، تاں کیہ اسی کہہ سکدے آں پئی اسی اوہدا گوشت کھادا جد پئی اصل وچ اسی صرف اوہدا لہو پیتا؟ سانوں لازمی یِسُوعؔ دے بپتسمے تے سولی دوآ ں نوں اپنے جواب وچ لکھنا چاہی دااے ۔ اسی اسمانی بادشاہی وچ جا سکدے آں صرف جد اسی یِسُوعؔ دا گوشت کھاندے تے اوہدا لہو پیندے آں ، بھاویں جے اسی پہلاں غلط ایمان رکھ چُکے تے غلط سمجھ چُکے ساں ، جے اسی اپنیاں دلاں نوں پھیردے آں ، یِسُوعؔ دا گوشت کھاندے تے اوہدا لہو پیندے آں ، فیر اسی امتحان وچ کامیاب ہو سکدے آں ۔ جے اسی ہُنے یِسُوعؔ دےگوشت تے لہو اُتے ایمان رکھدے آں ، ایسے ویلے ، اسی بوہت چوکھا امتحان پا س کر سکدے آں ۔
لوک ظاہری مُنھ متھے نوں ویکھدے نیں ، پر خُدا دل دے خانے نوں ویکھدا اے ، تے ایسے طرح جد اسی یِسُوعؔ دے بپتسمے تے صلیبی لہو دوآں اُتے ایمان رکھدے آں ، تاں اسی یِسُوعؔ دا گوشت کھاندے پئے آں تے اوہدا لہو پیندے پئے آں ۔ خُدا ساڈیاں دلاں دے خانے نوں ویکھن لئی دھیان کردا اے پئی کیہ اسی سچ مُچ اپنیاں دلاں وچ یِسُوعؔ دےگوشت تے لہو اُتے ایمان رکھدے آں ۔ ایس لئی ، جے اسی اپنیاں دلاں دیاں خانیاں وچ یِسُوعؔ دےگوشت تے لہو اُتے ایمان نئیں رکھدے ، تاں اسی پاپ توں مکتی یافتہ نئیں ہیگے ۔ ایس توں کوئی فرق نئیں پیندا پئی تُسی پہلاں کویں ایمان رکھیا اے ، جے ہُن تُسی ایمان رکھدے او جیہڑا دوآں یِسُوعؔ دےگوشت تے لہو اُتے بھروسہ رکھدا اے ، تاں تُسی اسمانی بادشاہی وچ جا سکدے او ۔
ایس جگ دے بوہت سارے دین پرست ، عشائےربانی دے نظریے دی سچیائی بارے نا مُکن والی بحث کردے پئے نیں ۔ اصل وچ جیہڑی شے دی لوڑ اے اوہ ایمان اے جیہڑا سانوں یِسُوعؔ دا گوشت کھان تے اوہدا لہو پین دے لائق بناؤندا اے ۔ پر ایہہ ہو سکدا اے صرف جد اسی اپنیاں دلاں وچ پانی تے رُوح دی خوشخبری اُتے ایمان رکھدے آں ۔ پانی تے رُوح دی خوشخبری دے راہیں اپنیاں دلاں دیاں خانیاں وچ یِسُوعؔ اُتے ایمان رکھنا اصل روٹی کھانا تے اصل لہو پینااے ۔
سانوں اپنی پاپ توں معافی پاؤن لئی یِسُوعؔ دے بپتسمے تے لہو اُتے ایمان رکھنا چاہی دا اے
ساڈے خُداوند نے فرمایا ،” میرا لہواصل پِین والی شےاے۔“(یوحنا ۶ : ۵۵)۔ ساڈے خُداوند نے سولی اُتے پاپ دی سزا جری ۔اوہ ایمان جیہڑا بھروسہ رکھدا اے پئی یِسُوعؔ نے بپتسمہ لے کے ساڈیاں پاپاں نوں چُک لیا تے سولی اُتے اپنا لہو وگایا ایہو جیہا ایمان اے جیہڑا سانوں یِسُوعؔ دا لہو پین دے لائق بناؤندا اے ۔ بپتسمے نال جیہڑا اوہنے یوحنا کولوں لیا ، یِسُوعؔ نے ساڈیاں ساریاں پاپاں نوں ، نال ای تہاڈیاں نیانیاں دے، تہاڈیاں ماپیاں دے ، تے ساڈے وچوں ہر اِک دے تے ہر کسے دے پاپاں نوں چُک لیا ،تے سولی اُتے اپنا لہو وگا کے اوہنے ایہناں ساریاں پاپاں دی سز اجری ۔ اپنے بپتسمےتے لہو نال ، یِسُوعؔ ایس سارے جگ وچ ہر کسے لئی حتمی طریقے نال ساڈے پاپ دے سارے مسئلے حل کر چُکیا اے ۔ایہہ ایمان رکھنا پئی یِسُوعؔ نے اِنج اپنے بپتسمے نال ساڈیاں پاپاں نوں چُک لیا تے اپنے صلیبی لہو نال ساڈیاں پاپاں دی سزا جری ایمان رکھ کے یِسُوعؔ دا لہو پینا اے ۔
اج دے جگ وچ ، بوہت سارے لوک ایہو جیہے نیں جیہڑے کہندے نیں پئی او ہ صرف اپنے اکھراں نال پانی تے رُوح دی خوشخبری اُتے ایمان رکھدے نیں ۔ پر اوہ یِسُوعؔ دے گوشت تے لہو اُتے کامل طریقے نال ایمان نئیں رکھدے ۔ کوئی بندہ وی جیہڑا ایہو جیہا کامل ایمان نئیں رکھدا جیہڑا یِسُوعؔ دےگوشت تے لہو اُتے ایمان رکھدا ہوئے پاپ تو ں معاف نئیں ہو سکدا ۔ ہو سکدا اے پئی تُسی پہلاں ایمان رکھ چُکے ہوو پئی صلیبی لہو ای اِکو سچیائی سی،پر ہُن جد پئی تسی اصل سچیائی پا چُکے او ، تہانوں لازمی ایمان رکھنا چاہی دا اے جیہڑا صاف طریقے نال یِسُوعؔ دےگوشت تے لہو اُتے ایمان رکھدا اے ۔ صرف اودوں خُدا تہانوں مکتی یافتہ وانگر پچھانے گا ۔ پر، دوجے پاسے ، جےتُسی ایس مسئلے اُتے مکتی دی واضح لکیر نئیں کھِچدے — یعنی ، دل دے خانے وچ یِسُوعؔ دےگوشت تے لہو اُتے بھروسہ رکھن والے ایمان نال پاپ دی معافی —تاں تُسی اپنے ایمان نوں خُدا کولوں منظور نئیں کرواسکدے ۔
ساڈے خُداوند نے فرمایا، ” اوہ جیہڑا میرا گوشت کھاندا تے میرا لہو پِیندا اےمیرےوچ رہندا اے تے مَیں اوہدےوچ “(یوحنا ۶:۵۶)۔ پر جد تیکر اسی ایمان رکھ کے یِسُوعؔ دا گوشت نئیں کھاندے تے اوہدا لہو نئیں پیندے اسی خُدا دے اگے جا نئیں سکدے ۔ تے کوئی وی جیہڑا ایہہ ایمان نئیں رکھدا جیہڑا یِسُوعؔ دے گوشت تے لہو اُتے ایمان رکھدا اے اوہ خُداوند وچ قیم نئیں رہ سکدا ۔ ایہہ میر ی سچے دلوں آس اے پئی ساڈی کلیسیا دے پاک لوکاں ، کم کرن والیاں تے خُدا دیاں خادماں وچوں کوئی وی حادثاتی طریقے نال ایس ایمان توں نئیں ہٹے گا جیہڑا یِسُوعؔ دے گوشت تے لہو اُتے ایمان رکھدا اے ۔
جد سدوم تے عمورہ نوں اگ نال فنا ہ کر دتا گیا ، تاں لوط دیاں جوائیاں نیں خُدا دے زندگی دے کلام نوں صرف اِک مذاق وانگر سمجھیا جیہڑا لوط نے اوہناں نوں دسیا سی ۔ اوہناں اُتے جیہڑے خُدا دے کلام نوں سچے دلوں قبول نئیں کردے، خُدا دی سزانازل ہوئے گی بالکل جویں ایہہ لکھی ہوئی اے ۔ بے ایمان لوک اپنی بے ایمانی دے پاپ دے سببوں لعنتی ٹھہرن گے ۔ اوہ اپنے پاپاں دے سببوں فناہ ہو جان گے ۔ ایہہ کوئی ہسن والی گل نئیں ہیگی جنہوں کُجھ ٹھٹھیاں نال مکایا جاسکدا اے ۔
پانی تے رُوح دی خوشخبری یِسُوعؔ دے گوشت تے لہو اُتے ایمان رکھن بارے دسدی اے ۔ ایس سچیائی اُتے ایمان رکھ کے ای سانوں اپنیاں پاپاں توں معافی ملی اے تے سدا دی زندگی ملی اے ۔ ایس لئی پئی یِسُوعؔ دے گوشت تے لہو اُتے بھروسہ جیہدے اُتے اسی ایمان رکھدےآں اصل خوشخبری تے اصل سچیائی اے ، سانوں لازمی اپنیاں دلاں وچ ایہہ ایمان رکھنا چاہی دا اے ۔ سب توں پہلاں اپنیاں دلاں وچ ایمان دی کنگنی نوں اُچیاں چُکن دے راہیں ، سانوں لازمی خُدا دے سارے کلام نوں پکے ہتھیں پھڑنا چاہی دا اے تے ایہنوں کدی اپنے توں دُور تِلکن دی اجازت نئیں دینی چاہی دی اے ۔ اپنیاں دلاں وچ ایمان رکھ کے ، سانوں لازمی سچیائی نوں قبول کرنا چاہی دا اے پئی خُدایِسُوعؔ دے گوشت تے لہو نال پاپیاں دیاں ساریاں بدکاریاں مکا چُکیا اے۔
مَیں آس رکھدا تے دعا منگدا ہاں پئی تُسی سارے خُداوند ولوں پوری ہون والی پانی تے رُوح دی خوشخبری اُتے ایمان رکھو گے ، مکتی دی روٹی کھاؤ گے جیہڑی تہانوں تہاڈیاں پاپاں توں بچاؤندی اے تے اِنج سدا دی زندگی پاؤگے ۔
Copyright © 2021 by The New Life Mission