Do COVID-19 và việc gián đoạn dịch vụ thư quốc tế,
chúng tôi đã tạm thời đình chỉ "Dịch vụ sách in miễn phí" của chúng tôi.
chúng tôi đã tạm thời đình chỉ "Dịch vụ sách in miễn phí" của chúng tôi.
Trong trường hợp này, chúng tôi không thể gửi sách cho bạn vào lúc này.
Xin cầu nguyện cho đại dịch này sớm kết thúc và dịch vụ bưu chính nối lại.
Xin cầu nguyện cho đại dịch này sớm kết thúc và dịch vụ bưu chính nối lại.
مضمون 8: پاک رُوح
[8-5] کیہ تسیں پاک رُوح نال میل جول رکھنا چاؤہندے او؟ <۱۔یوحنا ۱: ۱ ۔ ۱۰>
>۱۔یوحنا ۱: ۱ ۔ ۱۰>
” اوس حیاتی دے کلام بارے جیہڑا مُڈھوںسی تے جِنھوں اسیں سُنیا تے اپنیاں اکھاں نال ویکھیا سگوں بڑے دھیان نال ویکھیا تے اپنے ہتھ لا کے ویکھیا ۔ (ایس حیاتی نے وکھالی دتی تے اسیں اوہنوں ویکھیاتے اوہدی گواہی دیندے آں تے ایسے ہمیشہ دی حیاتی دی تہانوں خبر دیندے آں جیہڑی پیو نال سی تے ساڈے اُتے کُھلی )۔جو کُجھ اسیں ویکھیا تے سُنیا تہانوں وی اوہدی خبر دیندے آں تاں پئی تسیں وی ساڈے نال رلے جے تے ساڈا اکٹھیاں ہونا پیو نال تے اوہدے پُتر یسوع مسیح نال اے ۔تے ایہہ گلاں اسیں ایس لئی لکھدے آں پئی ساڈی خوشی پوری ہو جاوے ۔ اوہدے توں سُن کے جیہڑا پیغام اسیں تہانوں دیندے آں اوہ ایہہ ہیگا اے پئی خُدا چانن اے تے اوہدے وچ بھورا وی ہنیرا نئیں ۔جے اسیں آکھیے پئی اسیں اوہدے نال اکٹھے ہوئے آں تے فیر ہنیرے وچ ٹُریے تو اسیں جھوٹے آں تے سچ اُتے عمل نئیں کردے ۔ پرجے چانن وچ ٹُریے جویں پئی اوہ چانن وچ ہیگااے ،تے فیر اسیں آپس وچ اکٹھے آں تے اوہدے پُتر یسوع دا لہو سانوں سارے پاپ توں پاک سُتھرا کردا اے ۔ جے اسیں آکھیے پئی اسیں بے پاپ ہیگے آں تے آپنے آپ نوں دھوکہ دیندے آں تے اسیں سچے نئیں ۔ جے اپنے پاپاں دا اقرار کریے تے اوہ ساڈے پاپاں نوں معاف کرن تے سانوں ساڈے سارے جھوٹاں توں پاک کرن وچ سچا تے انصاف کرن والا اے ۔ جے آکھیے پئی اسیں پاپ نئیں کیتا تے اوہنوں جھوٹیاں کردے آں تے اوہدا کلام ساڈے وچ نئیں ہیگااے ۔ “
پاک رُوح نال اکٹھیاں ہون دا خیال رکھن لئی ضروری خاص شرط کیہڑی اے ؟
سانوں پہلاں پانی تے رُوح دی خوشخبری نوں جاننا تے ایمان رکھناچاہی دا اے تے اپنے آپ نوں اپنے سارے پاپاں توں ایمان نال دھونا چاہی دااے ۔
جے تسیں پاک رُوح نال شامل ہونا چاؤہندے او ،پہلاں : تہانوں لازمی طور اُتے جاننا چاہی دااے پئی خُداوند دے اگے ایتھوں تیک پئی اک نِکّا جیہا پاپ وی ایہو جیہے اکٹھیا ں ہون نوں اوکھا بناؤندا اے ۔ تسیں سوچ سکدے او ، ’ کویں کوئی بندہ خُداوند دے اگے ایتھوں تیک پئی پاپ دا اک پرچھانواں وی نئیں رکھ سکدا؟ ‘ پر جے تسیں سچ مُچ خُداوند نال اکٹھیاں ہون دی آس رکھدے او ،فیر تہاڈے دل وچ کوئی ہنیرا نئیں ہونا چاہی دااے ۔ایس لئی خُداوند نال اکٹھیاں ہون لئی ،تہانوں جانن دی لوڑ ہیگی اے پئی تہانوں لازمی طور اُتے مکتی دی خوشخبری اُتے ایمان لیاؤنا چاہی دا اے تے اپنےآپ نوں سارے پاپاں توں دھونا چاہی دااے ۔
جے تسیں سچ مُچ پاک رُوح نال اکٹھیاں ہون دی آس رکھدے او ، فیر پہلوں تہانوں پانی تے رُوح دی خوشخبری نوں جاننا تے ایمان رکھنا چاہی دااے تے ایمان نال اپنے سارے پاپاں نوں دھونا چاہی دااے ۔جے تسیں پانی تے رُوح دی خوشخبری نوں نئیں جان دے تے ایہنوں اپنے دل وچ نئیں لیندے ، فیر تہانوں ایتھوں تیک پئی خُداوند نال اکٹھیاں ہون دے بارے وچ سوچنا وی نئیں چاہی دااے ۔ پاک رُوح نال اکٹھیاں ہونا ،صرف اوسے ویلے سوکھا اے ،جدوں سارے پاپ پانی تے رُوح دی خوشخبری نال تہاڈے دل وچوں مُک جاندے نیں۔
سارے پاپ کسے دے دل وچوں اوہدے پانی تے رُوح دے سچ نال مُک جاندے نیں ۔ خُداوند تہانوں پاک رُوح نال برکت دیندااے ،جدوں تسیں پانی تے رُوح دی سوہنی خوشخبری اُتے ایمان رکھدے او ۔ کیہ تسیں سچ مُچ خُداوند تے پاک رُوح نال اکٹھیاں ہونا چاؤہندے او ؟فیر اپنے پاپاں نوں پچھانو،تے اپنے آپ نوں پاپ توں پاک کرن لئی سوہنی خوشخبری اُتے ایمان رکھو ۔ اِنج کرن دے بعد تسیں سچ مُچ خُداوند نال اکٹھیا ں ہو سکدے او ۔
جے تسیں خُداوند نال اکٹھے ہون دی آس رکھدے او ، تہانوں لازمی طور اُتے یسوع دے بپتسمے اُتے جیہڑا اوہنے دریائے یردن اُتے یوحنا کولوں لیا تے اوہدے صلیبی لہو اُتے وی ایمان رکھنا چاہی دااے ۔ جے لوک سچ مُچ پاک رُوح نال اکٹھیاں ہون دی آس رکھدے نیں ، اوہنا ں نوں جاننا چاہی دااے پئی پاک رُوح کون اے ؟ پاک رُوح پاک خُدا اے ۔تے ایس لئی اوہ صرف اوہناں وچ رہ سکدااے جیہڑے سوہنی خوشخبری اُتے ایمان رکھدے نیں ۔
آؤ اسیں کسے اک اقرار اُتے دھیان دئیے جیہدے پاپ یوحنا کولوں یسوع دے بپتسمے تے اوہدے لہو اُتے ایمان رکھ کے پاک ہو گئے سَن ۔تے جیہڑا ہُن پاک رُوح نال میل رکھدا اے ۔
ایس جگ وچ بڑے وکھووکھ لوک ہیگے نیں تے ہر کوئی اپنے دلی خیالاں تے طریقیاں نال حیاتی بسرکردا اے ۔ میَں اوہناں وانگراک ساں ۔ میری حیاتی بوہت عام جیہی سی تے اپنے بال پَنے توں میَں گرجے لئی اپنی ماں دے پِچھے ٹُریاساں تے خُدا اُتے ایمان رکھن دی عادت نال آیا ساں ۔ میرا پیو اک بے دین سی تے میرے عقیدیاں دے سبب مینوں بڑا بھیڑا سمجھدا سی ، پر خنوادے دے باقی سارے لوک گرجے جاندے سَن ۔ گرجے جانا میری حیاتی دا اک بوہت وڈا کم سی ۔
فیر وی ، میر ی چڑھدی جوانی وچکار ،منجے اُتے پئے اپنے پیو نوں ویکھ کے ،بوہتے خیال مثال طور اُتے ایہو جیہاں شیواں حیاتی تے موت ،فردوس تے دوزخ دے بارے گلاں میرے دل وچ آؤندیاں سَن ۔بوہتے لوکاں نےآکھیا جے میرا ایمان خُدا اُتے سی ، میَں فردوس وچ جان دے لائق ہوواں گا تے اوہدا پُتر بن جاواں گا ، پرمیَں کدی ایہدا یقین نئیں کیتاسی ۔ مینوں کدی یقین نئیں سی پئی اوہداپُتر بن جاواں گا ۔ میَں سکھیا سی پئی جے میَں دھرتی اُتے نیکی کیتی فیر میَں فردوس وچ جا سکدا ساں تے ایس طرحاں میَں لوڑ ونداں نال نیکی کرن دی ہمت کیتی ۔
پر میرے دل دے اک پاسے ، مینوں پتہ سی پئی میَں پاپ کیتا سی ۔ میَں دوجیاں نوں اک چنگے بندے وانگر وکھالی دے سکداساں پر میَں بچ نہ سکیا سگوں اپنے پاپاں دا جرم محسوس کرداساں ۔ اوس ویلے ،میَں گرجے جان تے دعا منگن نوں اپنی عادت بنا لیا ،’ مہربانی کرکے مینوں سچ مُچ اپنا پُتربنن دی اجازت دےدے۔ مہربانی کر کے مینوں سچ نوں جانن دی اجازت دے دے ۔‘جد پئی دعا منگدیاں ہویاں ، میَں اپنے دل وچ اک چاء نوں ودھایا ۔ جدوں کدی وی میَں اوہدے کلام دی تعلیم نوں سُنیا ،میَں سمجھ نہ سکیا تے نہ ای اَکھراں نوں ویکھ سکیا ۔میَں اپنی حیاتی وچ ، اپنے پاپ ، موت وغیرہ سے سکھنے پن نال مُک گیا ساں ۔
میرے خیال سَن ،مثال طور اُتے ’ میَں نویں سریوں جمنا چاؤہنداساں ۔جے میَں نویں سریوں جم
سکدا ہاں میَں ایس طرحاں جیوندا نئیں رہواں گا ۔‘ پر ایہناں خیالاں دے ہوندیاں ہویاں میَں گھٹ محنت نال گرجے گیا تے میری چڑھدی جوانی دے ورہے لنگھ گئے ۔ہن مینوں نوکری لبھن دی لوڑ سی پر ایہہ بڑا اوکھا سی ،جنہاں میَں سوچیا سی ۔ میَں ایتھوں تیک بوہت پریشان ساں تے میَں بوہت محنت کیتی سی ایہہ کسے کھاتے وچ نئیں سی ،میَں ہس نہ سکیا ۔ اک بُجھے دل نال ،اپنے آپ ول دھیان کردیاں ہویاں ،میَں دل اُتے بوہت بھار لیا ۔اوس ویلے ،میَں اپنے وڈے بھرا کولوں خوشخبری سُنی ۔
” ایس لئی توبہ کرو تے پرت جاوو تاں پئی تہاڈے پاپ مکائے جان تے اِنج ای خُداوند ولوں تازے دیہاڑے آؤن۔ “ (اعمال ۳ : ۱۹)۔ ایہہ بالکل پانی تے رُوح دی خوشخبری سی ۔اوہ سارا جیہڑا میَں پِچھلے گرجے دی عبادتاں وچ سکھیا سی اوہ ایہہ سی پئی یسوع ساڈے پاپاں لئی سولی اُتے مر گیا ۔ پر ایس خوشخبری نے مینوں دسیا پئی یسوع نے ساڈ ے پاپا ں نوں چُکن لئی یوحنا اصطباغی کولوں بپتسمہ لیا تے سولی اُتے ساڈے پاپاں لئی دُکھ جرے۔
میَں اپنی ساری حیاتی گرجے گیا ساں تے میَں خُدا دا پُتر ہون دا فریب کردا ساں پر میَں ناکام ہوگیا ساں ۔ میَں اوہدے کلام دا مطلب سمجھن دی ہمت کیتی سی پر میں ناکام ہوگیا ساں ۔ فیر وی ، میرے پانی تے رُوح دی سوہنی خوشخبری نوں سُنن تے اوہدے اُتے ایمان لیاؤن دے بعد ،میرے اندروں پاپ تے ساریاں شیواں جنہاں مینوں دُکھ دتا سی غائب ہوگئیاں تے میرادل سکون نال بھرگیا سی ۔
میَں سوچیا پئی جے میَں صرف جوش تے جذبے نال خُدا اُتے ایمان رکھاں تے باقاعدگی نال گرجے جاواں ،فیر میں بہشت وچ جاواں گا ۔پر خُدا نے میرے کول پانی تے رُوح دی خوشخبری نوں گھلیا تے میرے پاپ معاف ہوگئے ۔ اوہنے مینوں پاک رُوح دا تحفہ دتا ۔ اوہدی مکتی پاؤن توں پہلاں،میَں پاک رُوح دے بارے وچ نہ ای اوپریاں بولیاں دے خیال بارے جان دا ساں ۔ میَں صرف گرجے جاندا تے ایمان رکھدا ساں پئی جے میَں ایمانداری نال جیوندارہواں تے اپنے گرجے دی خدمت کراں ، فیر خُدا مینوں بوکت دیوےگا ۔پر مینوں پتہ لگا پئی میَں صرف پاک رُوح پا سکدا ساں جدوں میرے پاپ پانی تے رُوح دی سوہنی خوشخبری دے راہیں معاف ہوگئے سَن۔
میری پِچھلی حیاتی وچ ، میَں حالے تیک پاپی ساں بھاویں میَں خُدا اُتے ایمان رکھداساں ۔ تے میَں حیاتی دے اک مَٹھی گرم قِسم ،پاک رُوح نوں پاؤن دی لوڑ نوں نہ جاندیاں ہویاں بسر کردا ساں ۔پر اوہدے خادم راہیں ،جنہے پاک کتاب مطابق سوہنی خوشخبری دی منادی کیتی ،میَں ایمان رکھیا تے جانیا پئی
پاک رُوح میرے اندر وی رہنداسی ۔
مکتی پاؤن دے بعدوں ،شروع وچ مینوں سکون نہ آیا پئی کیہ پاک رُوح میرے اندر ہیگا سی یاں نئیں سی ۔ پر میَں لگاتا ر اوہدے کلام نوں پڑھیا تے مینوں پتہ لگا پئی میرے دل وچ اک نواں ایمان سِر چُکداپیا سی تے میَں پاک رُوح دی بھرپوری پا چُکیا ساں ۔ ہن ایہہ سچ ہیگااے ،تے مینوں سکون ہیگا اے پئی پاک رُوح میرے اندر رہندااے ! جدوں اوہنے میرے پاپاں نوں معاف کیتا ، مینوں پتہ سی صرف اوہو جیہڑے پاپاں توں چھُڈائے گئے نیں خُدا دے پُتر بن سکدے سَن تے پاک رُوح پا سکدے سَن ۔
مینوں ایہہ وی پتہ سی پئی اوہدےاگے کامل وکھالی دین لئی میریاں ہمتاں یاں کامل طریقے نال رہنا کدی مینوں پاک رُوح پاؤن دی اجازت نئیں دین گے ۔ خُدااوہناں کول آؤندااے جنہاں نوں پتہ اے پئی اوہ پاپی نیں تے حالے تیک اوہناں نوں نئیں پتہ پئی ایہدے بارے وچ اگانہہ کیہ کرنا اے۔ اوہ اوہنا ں لوکاں نوں مِلدااے جیہڑے دلوں لبھدے نیں تے اوہدی لوڑ رکھدے نیں ۔
اوہنے مینوں ایہہ سوچن دے لائق بنایا پئی نیکیاں کریاں تے انھے وا ہ بھج بھج کے خُدا اُتے ایمان رکھنا مینوں بہشت وچ نئیں لَے جان گے تے پئی یسوع مسیح ایس دھرتی اُتے مینوں میرے پاپاں توں ،پانی تے رُوح دی سوہنی خوشخبری نال مینوں بچاؤن لئی آیا سی ۔ اوہنے پاک رُوح نوں میرے اندر ہمیشہ لئی رہن واسطے دے دِتا اے ۔
میَں خُداوند داشکر ادا کردا ہاں پئی اوہنے مینوں اپنا پُتر بنایا تے مینوں پاک رُوح دی بھرپوری دی برکت دِتی اے ۔ جے ایہہ خُداوند ولوں نہ ہوندا ،میَں حالے تیک اپنے دل وچ پاپ رکھدا تے دوزخ وچ ہمیش دی قید لئی لعنتی ہوندا۔
ایسے طرحاں ، پہلاں میَں صرف صلیبی لہو اُتے ایمان رکھیا تے پاک رُوح پا نہ سکیا ،بھاویں میَں پاؤناچاؤہنداسا ں ۔اوس ویلے میَں یسوع اُتے ایمان رکھدا ساں پر میَں اپنے دل وچ پاپ رکھدا ساں جنہے مینوں پاک رُوح پاؤن توں روکیا ۔اک پاپی اپنے دل وچ پاک رُوح پا نئیں سکدا ۔ پر فیر وی ،بوہتے پاپی پاک رُوح پاؤن دی ہمت کردے نیں ،بھاویں اوہناں دےدل پاپاں نال بھرے ہوئے نیں ۔
جے تسیں سچ مُچ پاک رُوح پاؤن تے اوہدے نال میل جول دی آس رکھدے او ،تہانوں پانی تے رُوح دی سوہنی خوشخبری اُتے ایمان رکھنا تے مکتی پاؤن دی لوڑ ہیگی اے ۔ کیہ تسیں حالے تیک پاپی جے ؟ فیر تسیں اوہناں توں کھری خوشخبری سُن سکدے او جنہاں پہلوں پاک رُوح پایااے ۔ اوہ جیہڑے پاک رُوح نال میل جول رکھن دی آس رکھدے نیں ،اوہناں نوں لازمی طور اُتے اپنے دل وچ تریہہ رکھنی چاہی دی اے تے پانی تے رُوح دی سوہنی خوشخبری اُتے ایمان رکھنا چاہی دااے ۔
صرف راستباز کلیسیا کولوں پاک رُوح بارے سُن سکدے نیں ۔ اوہ سوہنی خوشخبری نوں سُن کے اپنی بیبیاں حیاتیاں بسرکر سکدے نیں ،پر پاپی سدا خوشخبری نوں سُنیوں اَڈ دوزخ راہے پئیاں اپنیاں لعنتی حیاتیاں بسر کردے نیں ۔
ایس لئی، تہانوں لازمی طور اُتے پانی تے رُوح دی خوشخبری بارے سکھنا چاہی دااے تہانوں کاہدے لئی ایس خوشخبری اُتے ایمان لیاؤن دی لوڑ ہیگی اے ؟ ایس طرحاں تہانوں شریعت دے دین توں بچن دی لوڑ اے تے خُدا دے کلام اُتے اپنا ایمان سوہنی خوشخبری نال بناؤ ۔یسوع دے چیلے ایس سوہنی خوشخبری اُتے چلے تے ہُن ایہہ اوہناں نال میل جول رکھدی اے جنہاں پاک رُوح پا لیا اے ۔ پانی تے رُوح دی سوہنی خوشخبری بالکل اوہو ای اے ،جیہدے اُتے مُڈھلی کلیسیا دے شروع وچ رسول چل دے رہے ۔ ساریاں مسیحیا ں نوں پاک رُوح پاؤنا چاہی دااے ۔ صرف اِنج ای اوہ خُدا دے پُتر بن سکدے نیں ۔
اوہ جیہڑے حالے تیک پانی تے رُوح دی سوہنی خوشخبری اُتے ایمان نئیں رکھدے ،لازمی طو ر اُتے اپنے دلاں وچ پاپ رکھدے نیں ۔ اوہ پاک رُوح نال میل جول نئیں رکھدے ۔ اوہدے نال میل جول رکھن لئی ،اوہناں نوں پہلاں پانی تے رُوح دی خوشخبری اُتے ایمان رکھن دی لوڑ ہیگی اے جیہڑ ی خُدا نے اوہناں نوں دتی تے پاک رُوح پاؤن ۔
پاک کتاب پاک رُوح دے بارے بڑی وار دَسدی اے
پاک رُوح دی بھرپوری یسوع دے مویاں وچوں جی اُٹھن دے بعدوں شروع ہوئی ۔ہُن مکتی دیہاڑا اے تے اوہدے حدوں دُونے فضل دا ویلا اے ۔پر ایہہ سچ مُچ بے نصیبی ہیگی اے جے اسیں پانی تے رُوح دی خوشخبری نئیں پاؤندے تے جے اسیں پاک رُوح نال میل جول رکھیوں اَڈ جیوندے آں۔
کیہ تسیں پاک رُوح نال میل جول رکھدے او؟ کیہ تسیں اپنے پاپاں دے سبب پاک رُوح نال میل جول رکھن توں روکے گئے او؟فیر پانی تے رُوح دی خوشخبری دے بارے وچ سِکھوجیہڑی خُدا نے تہانوں دتی تے ایہدے اُتے ایمان رکھو ۔ جے تسیں پانی تے رُوح دی خوشخبری اُتے ایمان رکھدے او ، پاک رُوح تہاڈے دل وچ رہوے گا تے تہاڈا ساتھی ہووےگا ۔ پاک رُوح صرف اوہناں دے دلاں وچ رہندااے جیہڑے پانی تے رُوح دی خوشخبری اُتے ایمان رکھدے نیں۔ پاک رُوح بوہتےراستبازاں دے دلاں وچ اپنی مرضی وکھاؤندااے ۔ پولُس دی پاک رُوح نال خدمت سوہنی خوشخبری نوں ودھاؤنا سی ۔
تسیں کویں کسے نوں پچھان سکدے او ، جیہڑا پاک رُوح پا چُکیا اے ؟ خاص نشانی کیہ ہیگی اے؟ خاص نشانی ایہہ ہیگی اے پئی کیہ اوہ پانی تے رُوح دی سوہنی خوشخبری اُتے ایمان رکھدا اے یاں نئیں رکھدا۔ جے اوہ بندہ جان دااے تے پانی تے رُوح دی سوہنی خوشخبری اُتے ایمان رکھدا اے ، فیر اوہ ایہوجیہا بندہ اے جیہدے وچ پاک رُوح دی بھرپوری ہیگی اے ۔
پاک رُوح اوہناں وچ نئیں رہنداجیہڑے سوہنی خوشخبری اُتے ایمان نئیں رکھدے ۔ پاک رُوح صرف اوہناں وچ رہندااے جیہڑے پاپاں دی معافی اُتے ایمان رکھدے نیں ، جیہڑی بپتسمے توں ،جیہڑا یسوع نے یوحنا کولوں لیا تے سولی اُتے اوہدے لہو نال مِلدی اے ۔کیہ تسیں پاک رُوح نال میل جول رکھن دی آس رکھدے او؟
کیہ تہانوں پتہ اے پئی کس طرحاں دی خوشخبری نوں تہانوں پاک رُوح پاؤن تے اوہدے نال میل جول رکھن دے بارے وچ سمجھن دی لوڑہیگی اے ؟ سوہنی خوشخبری یوحنا کولوں یسوع دے بپتسمے تے اوہدے صلیبی لہو اُتے ایمان وچ ہیگی اے ۔ جے تسیں پانی تے رُوح دی خوشخبری اُتے ایمان نئیں رکھدے ، تہاڈے پاپ معاف نئیں ہوسکدے تے ایس لئی پاک رُوح تہاڈے وچ رہ نئیں سکدا ۔ پاک رُوح چاؤہندااے پئی لوکاں نوں اوہنوں پاؤن دے سلسلے وچ پانی تے رُوح دی خوشخبری اُتے ایمان رکھنا چاہی دااے ۔
پاک رُوح پاپیاں دے دلاں وچ رہ نئیں سکدا ۔جے تسیں پاک رُوح پاؤنا چاؤہندے او ، پہلاں تہانوں لازمی طور اُتے اپنے آپ نوں سارے پاپاں توں دھون لئی سوہنی خوشخبری اُتے ایمان رکھنا چاہی دااے ۔ جے تسیں پاک رُوح نال میل جول رکھن دی وی آس رکھدے او ،تہانوں سوہنی خوشخبری دی منادی دا آکھا مننا چاہی دااے ۔ جے تسیں پاک رُوح راہیں اگوائی پاؤنا چاؤندے او ، تہانوں لازمی طور اُتے سداسوہنی خوشخبری نال محبت کرنی چاہی دی اے تے جتھے وی تسیں جاندے او ،ایہنوں ودھاؤن دی ہمت کرنی چاہی دی اے ۔ پاک رُوح اوہناں نال ہیگا اےجیہڑے پانی تے رُوح دی خوشخبری دی منادی کردے نیں ۔
پاک رُوح دی بھرپوری صرف راستبازاں نو ں جیہڑے سوہنی خوشخبری اُتے ایمان رکھدے نیں دتی جاندی اے ۔ صرف راستباز ، جیہڑے سوہنی خوشخبری اُتے ایمان رکھدے نیں ، پاک رُوح نال میل جول رکھد سکدے نیں ۔ سوہنی خوشخبری جنہوں پاک رُوح چنگیاں سمجھدااے اوہ خوشخبری اے جیہڑی یوحنا ولوں یسوع دے بپتسمے تے اوہدے لہو نال مکمل کیتی گئی سی(۱ ۔ یوحنا ۵ : ۳ ۔ ۷)۔
پطرس نے وی سوہنی خوشخبری اُتے ایمان رکھیا تے آکھیا ، ” تے اوسے پانی وانگر وی مطلب اے بپتسمہ یسوع مسیح دے جی اُٹھن نال ہُن تہانوں بچاؤندااے ۔ اوہدے نال بدن دی ناپاکی دُور کرن دا مطلب نئیں سگوں کھری نیت نال خُدا دی طلب کرنا ، مطلب اے۔“(۱ ۔ پطرس ۳ : ۲۱)۔پاک کتاب وچ ،” پانی “بوہتا بپتسمے نوں وکھاؤندااے ،جیہڑا یسوع نے یوحنا اصطباغی کولوں لیا سی ۔
اوہ جیہڑے پاک رُوح پاؤن د ے لائق نیں سوہنی خوشخبری نال مکتی پا چُکے نیں تے سارے پاپ توں چھُڈائے گئے نیں ۔ اوہ جیہڑے سوہنی خوشخبری اُتے ایمان رکھدے نیں ، رُوح پاک دی اگوائی نال رُوح تے سچیائی نال باپ دی عبادت کر سکدے نیں (یوحنا ۴ : ۲۳)۔ پاک رُوح راستبازاں دی پاک رُوح نال بھریاں ہوئیاں اوہناں دیاں حیاتیاں بسر کرن وچ مدد کردااے ۔ اوہ جیہڑے پاک رُوح دی بھرپوری پاؤندے نیں خُداوند دی وڈیائی کردیاں ہویاں ہمیشہ جیوندے رہ سکدے نیں ۔ پاک رُوح ضمانت دیندا اے پئی اسیں خُدا دے پُتر ہیگے آں ۔ اسیں سدا پانی تے رُوح دی خوشخبری دے اندر تے پاک رُوح دے اندر جیوندے رہ سکدے آں ۔
پاک رُوح اوہناں نال میل جول نئیں رکھدا جیہڑے آپنے آپ نو ں دھوکہ دیندے نیں
پاک رُوح۱ ۔یوحنا ۱ : ۸ وچ پاپیاں نوں دَسدااے ، ” جے اسیں آکھیے پئی اسیں بے پاپ آں تے آپنے آپ نوں دھوکہ دیندے آں تے اسیں جھوٹے آں۔ “پاک رُوح اوہناں وچ رہ نئیں سکدا جیہڑے آپنے آپ نوں دھوکہ دیندے نیں ۔ پاک رُوح پاپیاں نوں ،ایہہ آکھدیاں ہویاں شرمندیاں کردااے ، ” تسیں کاہدے لئی یسوع دے بپتسمے تے اوہدے لہو نال کامل کیتی گئی سوہنی
خوشخبری اُتے ایمان نئیں رکھیا؟ “
اسیں اک نویں سریوں جمے ہوئے مسیحی دے اقرار اُتے جھاتی پاواں گے ، جنہے پہلاں ایمان
رکھیا پئی اوہنے یسوع دے بپتسمے تے اوہدے لہو دے ثبوت دے اَڈ پاک رُوح پایا سی ۔ ایہہ بندہ ہُن پانی تے رُوح دی خوشخبری اُتے ایمان رکھدا اے تے پاک رُوح پا چُکیا اے ۔ایتھے اسیں پکے طریقے نال نتیجہ کڈھاں گے پئی کِناں وچ پاک رُوح رہندااے ۔
” خُدا نے میرے دل وچ رہنا شروع کیتا جدوں میَں ایس جگ وچ ہون دے سبب نوں جانیا ۔ اپنے آپ ول دھیان کردیاں ہویاں ، میَں سوچداہاں پئی ،میرے ایس ویری جگ وچ جیوندیاں رہن لئی خاص مطلب صرف ،خُدا دی اک دلی تمنا وانگر مِلی اے ۔ میَں خُدا نوں لبھیا نئیں سگوں اک عاد ت ہوندیاں ہویاں اوہنوں منیا ،ایس لئی پئی اوہ دِسن والا نئیں ہیگااے،پر اوہ ہیگااے ۔ ایہدے وچ کوئی شک نئیں میَں اپنے آپ نوں پُچھیا، کیہ اوہ سچ مُچ ہیگااے ؟ بھاویں ایہدی سوچ نے مینوں ڈرا دتا ،ایس لئی پئی میَں بوہت پکا ایمان رکھداہاں پئی اوہ ساریاں نوں بناؤن والا ہیگا اے ۔
جنہاں نے خُدا نوں رد کیتا اوہ بےعقل دِسدے نیں، پر کئی طریقیاں وچ میرے توں بوہتے تگڑے ۔ اوہ اِنج نظر آئے پئی اوہ اپنے آپ وچ کسے وی شے وچوں لنگھ سکدے سَن تے دوجے پاسے میَں اک ماڑا ، کملا دِسیا ۔ پر ایس لئی پئی میَں مرن دے بعد حیاتی دی آس رکھداساں ،میَں ایتھوں تیک پئی بوہتی عزت نال خُدا ول ویکھیا ۔میَں حیران ہویا پئی کیہ بہشت میرے ورگے لوکاں لئی اک تھاں سی ، جیہڑے محسوس کردے نیں ،اوہ سدا گھٹ نئیں ۔ تے ایس سوال نال مینوں اپنے دل وچ اَسمانی بہشت دی بوہت آس ہوئی ۔
میرے ماپیاں نے دینی لوکاں نوں نکمیاں جانیا تے میرے بھین ،بھرا کسے خاص مقصد توں اَڈ گرجے گئے ۔ اوہناں نیں سوچیا پئی گرجے لئی میرا مقصد بوہت چھیتی مُک جا ئے گا ایس لئی اوہناں مینوں گرجے جان توں نہ روکیا جدوں تیک میَں مڈل سکول وچ ساں ۔ایس لئی میَں اک گرجیوں دوجے گرجے گیا تے اخیری میَں اپنے گھر دے نیڑے اک نِکے گرجے جانا شروع کیا جدوں میں کالج وچ ساں ۔
میَں ایس گرجے جان نوں ایس لئی چنگا سمجھیا تاں پئی ایتھے خوشخبری بوہتی سنائی جاندی سی ۔ اوس گرجے دا پادری منادی دی لئی جگاؤن والا سی ،جیہڑا وکھالے طور اُتے ککھ نہ کرداسی پئی جیہڑا خُدا دے کلام نوں کوئی نقصان پوہنچاوےگا ۔ میرے کول ایمانداری نال حیاتی بسر کرن دا دے سبب ہیگے سَن ،ایتھوں تیک پئی جدوں میَں پڑھائی ہتھوں تھک جانداتے دل اُتے بھار سمجھداساں ۔
سبب ایہہ سی پئی جدوں لوکاں نے گرجے جان والے میرے دوجے ساتھیاں نوں کافر آکھیا ، میرا ایمان سی پئی میرا گرجا ٹھیک سی تے مینوں پکا یقین سی پئی میَں بہشت وچ جاواں گا ۔ ایہہ یقین خوشخبری ولوں ملیا سی ۔ اوہناں نے آکھیا پئی پاپی بہشت دے بوہیوں اندر نئیں جا سکدے ،پر دوجیاں گرجیاں دے لوکاں نیں وی آکھیا ،اوہناں دے دل پاپ نال بھرے سَن ۔ میَں اپنے گرجے جان توں پہلاں ایس گل نوں وی جانیاں پئی میرے گرجے دے لوک پاپی سَن ۔ ایس لئی میَں ایس تُہمت بارے بوہتا نہ سوچیا ۔
پر اوہ مشہور مناد ی لئی جگاؤن والے وکھ سَن جنہاں نوں پہلاں میں جان داساں ۔ اوہناں نیں آکھیا پئی جے اسیں ٹھیک طریقے نال یسوع اُتے ایمان رکھیا سی ،اسیں بے پاپ ساں ۔ تے صرف اوہو جیہڑے بے پاپ نیں بہشت وچ جا سکدے نیں ۔ اوہناں نیں ایہہ وی آکھیا پئی یسوع نےسولی اُتے جان دے کے ساڈے پاپاں دا انصاف کیتا تے ایس لئی اسیں پاپی نئیں ساں سگوں راستباز لوک ہیگے آں ۔میَں پہلوں ایس گل اُتے ایمان نہ رکھیا ،پر جدوں میَں ایس بارے سوچیا ، ایس نال مینوں عقل آئی ۔ میَں جوان ساں تے میَں سوچیا پئی جے میَں بہشت وچ جانا چاؤہنداسی ، صرف خُدا مینوں جان دے اجازت دیوےگا ،جے میَں بے پاپ ساں ، ایس لئی پئی خُدا پاپ توں نفرت کردااے ۔
ایہہ گرجا وکھ وکھ عقید ے رکھدا سی ،جویں میَں رکھدا ہوندا ساں تے عبادت کرن دی عادت کُجھ وکھری ہیگی سی ۔ پر اَسمان اُتے اک تھاں ہیگی اے جتھے صرف کُجھ تھوڑے جیہے لوک جا سکدے نیں ۔ایتھے ایہہ دِسیا پئی ایس گرجے وچ لوک ٹھیک ایمان رکھدے سَن ۔ ایس لئی پئی ایس گرجے نے یسوع دے بدن تے لہو دی تعلیم دتی ،ہر اتوار اسیں روٹی دی اک بُرکی کھاہدی تے مَے دا اک گھُٹ پیتا ۔ ایس لئی پئی ایہہ عبادت پاک کتاب وچ لکھی ہوئی سی ۔ میَں اینوں دلوں منیا ۔ مینوں بعد وں پتہ لگیا پئی لوک ایہدا سچا مطلب جانیوں اَڈ صرف رسمی طور اُتے ایس وچ حصہ لیندے سَن ۔
میرا ایمان سی پئی پاک رُوح ایمانداراں دے دلاں وچ تے راستبازاں دے دلاں وچ رہنداسی ،مطلب اے اوہ اوہناں دیاں ساریاں دعاواں سُن داسی ۔ ایس لئی میرا ایمان سی پئی پاک رُوح میرے وچ رہندا سی ۔میَں ایناں یقین نال بھریاں ساں پئی خُدا میرا ساتھی سی تے میَں کدی وی خوشخبری اُتے شک نہ کیتا ،جیہدے اُتے میرا ایمان سی ۔ جدوں میرے اُتے اوکھا ویلا آؤنداسی ،میَں خُدا نال ایس طرحاں گل کیتی جویں اوہ میرے اگے سی ۔ میَں ایمان رکھیا سی پئی ،اوہنے میریاں ساریاں گلاں سُنیاں ،جیہڑاں میَں اوہنوں دَسیاں جیہڑیاں میَں کسے ہورنوں نئیں دَسیاں سَن ۔ ایس لئی میَں اوہدا یقین کیتا تے اوہدے اُتے ایمان رکھیا ۔
میَں اوہناں نوں نہ سمجھ سکیا ،جیہڑے اپریاں بولیاں بولن لئی جگراتے دیاں عبادتاں وچ گئے سَن تے میَں اوہناں اُتے ہسیا جیہڑے روزے دیاں دعائیہ عبادتاں وچ گئے سَن ۔ ایناں دیاں ہمتاں ویکھ کے میَں سوچیا ، ’ اوہناں نیں کاہدے لئی پاک رُوح پاؤن لئی ایہو جیہاں بے مقصد ہمتاں کیتیاں ؟ پاک رُوح اوہناں اُتے آؤندااے ،جیہڑے بے پاپ ہوندے نیں تے اوہناں نال سدا رہندااے ۔اوہ لازمی طور اُتے پاپی نیں ۔ ایتھوں تیک پئی ،اوہ اوہناں اُتے ،اوہناں دے ہتھ پیر مارن نال وی نئیں آوےگا ۔‘ مینوں اوہناں اُتے ترس آیا ۔ میَں سوچیا پئی اوہ بوہت بے عقل سَن ۔ اپنے دل وچ ایس گل نال ،میَں سوچیا پئی خوشخبری اُتے میرا ایمان بوہت چنگا سی تے دوجے سارے عقیدے جھوٹے سَن ۔
میرا دل چانواں نال اُچاہوگیا ۔ دس سال میَں اپنی دینی حیاتی بسر کیتی ،پر جویں جویں ویلا لنگھیا میرے دل ذہن تے دل وچ سوال اُٹھن لگ گئے ۔میَں سوچیا ، ’ صلیبی لہو دی خوشخبری دے سبب بے پاپ ہیگا واں ،پر کیہ سارے دوجے ایماندار ایسے طرحاں بے پاپ ہیگے نیں ؟ کیہ اوہ وی سچ مُچ ایس خوشخبری اُتے ایمان رکھدے نیں ؟ ‘ مینوں نئیں پتہ سی پئی میَں کاہدے لئی ایہہ سوال پُچھنے شروع کیتے ۔ایہہ سوال صرف میرے ذہن وچ آئے تے میَں کسے نوں نہ پُچھیا ۔ ایہہ اک دلی ایمان سی جنہوں ٹھیک رہنا چاہی دااے ۔تے ایہہ کسے دوجے توں پُچھنا اک کچجا سوال ہوے گا ۔
پر میَں اپنے دل تو ں ایہہ سوال پُچھن لگ پیا ۔ جد پئی میَں کالج وچ پڑھداساں ،میَں ایہو جیہے کم کرن لگ پیا ،جنہاں توں دینی خیال بوہت سختی نال منع کردے سَن تے میرے دل وچ بوہت ہنیرا ہو گیا پئی میرے عقیدے مکن لگ پئے ۔میرے عقیدیاں اُتے میرا ہوریقین نئیں رہیا سی ۔’ کیہ میَں اپنے آپ نوں اک راستباز بندہ آکھ سکداہاں؟ کیہ یسوع نے سچ مُچ میرے سارے پاپ دھو دِتے سَن؟ ‘ ایس ساری پریشانی وچ ،میَں اپنے دل وچ صلیبی خوشخبری دے بارے وچ سوچن لئی مجبور ہوگیا تے ایہدے نال اپنے دل نوں صاف کیتا ۔پر جِناں میں ایس گل نوں دبیا، اوناں ای بوہتا ایہدے وچ گواچ گیا تے ہور گرجے عبادت لئی نہ گیا ۔ میَں فریبی طور اُتے اپنے کلب دے کماں وچ گیا ۔
ساری پریشانی تے ویرانی دے وچکار ، اخیریں میں سچیائی نال مِلیا ۔ میَں پانی تے رُوح دی خوشخبری دے بارے وچ سُنیا تےایہہ میرے کول نُور دے اک تیروانگر آئی ۔ ایہہ جھگڑا ایناں وڈا سی پئی میرا دل کیتا، میَں چیکاں ماراں ۔پر خوشخبری نوں سُن کے ،مینوں مننا پیا پئی ،اوہ سارا ایمان جیہڑا میَں ہُن تیک رکھیا سی ، جھوٹا سی ۔
میَں کدی یسوع اُتے اپنے پاپاں نوں نئیں سُٹیا سی ۔ میں ٹالم ٹول ایمان رکھیا سی پئی اوہ اوہنے میرےپاپاں نوں چُکیا سی تے پئی میَں اک بےپاپ بندہ ساں ،پر ایہہ سب ٹھیک نئیں سی ۔کاہدے لئی یسوع ایس جگ وچ بپتسمہ لین لئی آیا ؟ ایس لئی پئی اوہ وکھاؤنا چاؤہنداسی پئی اوہ اک میمنے وانگر ککھ دا نئیں
سی ؟ ایہہ ثابت کرنا چاؤہنداسی پئی بندے وانگر آیا سی ، یاں اپنی اٹل موت دی نبوت کرن لئی ؟میَں کدی سُفنا نئیں ویکھیا پئی جیہڑا وی بپتسمے بارے کچ پکا علم میَں جان دا ساں ،اوہ بوہت لوڑی دا سی ۔سچیائی ایہہ ہیگی سی پئی یسوع نے یوحنا کولوں ، ساری انسانی پیڑھی دے آگُو کولوں ،بپتسمہ لیا تے اوہدے بپتسمے نال ، ساڈے سارے پاپ اوہدے اُتے لدے گئے سَن ۔
’ آئے ہائے! کاہدے لئی یسوع خُدا دا میمنا بن گیا سی جنہے اِنج کر کے ساڈے سارے پاپاں نوں چُک لیا! ‘ ہُن ہر شے نے عقل وکھائی اے ۔ ’ یسوع نےسولی اُتے میرے پاپاں لئی دُکھ جرے ،ایس لئی میَں اپنے دلوں بے پاپ ہیگا واں ۔‘ جویں ای میَں پانی (یسوع دے بپتسمہ)،لہو (سولی )تے پاک رُوح (یسوع خُدا ہیگااے )دی خوشخبری نوں جانیا ،پاپی جیہڑا میرے دل وچ سی ،میَں محسوس کیتا پئی میرے دل وچوں کسے پاسے اُڈ گیا ۔
ہُن میَں سچ مُچ اک بے پاپ تے راستباز بندہ ہیگا واں تے پاک رُوح لازمی طوراُتے میرے دل وچ رہندااے ۔ جیہڑا عقیدہ میَں سولی اُتے رکھداساں میرے پاپاں نوں دھون لئی بوہت گھٹ ہیگا سی ،جیہڑا میَں اپنے دل وچ رکھداساں ۔جے تہانوں پکا پتہ نئیں پئی کویں تہاڈے پاپ یسوع اُتے لدے گئے سَن ،تہاڈے پاپ معاف نئیں ہو سکدے تے پاک رُوح تہاڈے وچ رہ نئیں سکدا ۔ میَں خُدا دا شکر دا کردا ہاں ۔ میَں سوہنی خوشخبری نال پاک رُوح پاؤن دے لائق ہیگا ساں ۔
کوئی ہمت کیتیوں اَڈ ، میَں پانی تے رُوح دی خوشخبری نال معاف کیتا گیا ساں تے پاک رُوح ہن تے ہمیش لئی میرے اندر رہندااے ۔ ہُن ، میَں فخر نال اپنے آپ نوں بے پاپ بندہ آکھ سکدہاں تے فخر کر سکدا ہاں پئی آسمان دی بادشاہی میری ہیگی اے ۔ میَں ایس ویلے اُتے خُداوند دا شکر ادا کرداہاں پئی اوہنے مینوں ،اک ٹکا وی لائیوں اَڈ ایہو جیہاں برکتاں دتیاں ۔ہیلیلویاہ !
اوہ جیہڑے پاک رُوح پاؤندے نیں آکھ سکدے نیں پئی اوہ خُدا دے اگے بے پاپ ہیگے نیں ۔ تسیں کِنے چِر توں یسوع اُتے ایمان رکھدے او ،ایہہ کسے ککھ دا نئیں ، جے تسیں سوہنی خوشخبری اُتے ایمان نئیں رکھدے جیہڑی خُدا نے سانوں دتی اے ، تسیں لازمی طور اُتے اپنے دل وچ پاپ رکھدے او، ایہو جیہے لوک ، اپنے آپ نوں تے اِنج ای خُدا نوں دھوکہ دیندے پئے نیں ۔ایہہ لوک کدی خُدا نوں نئیں ملے ۔جے اک پاپی پاک رُوح نال میل جول رکھن دی آس رکھدا اے ،اوہنوں لازمی طور اُتے اپنے آپ نوں دھوکہ دین توں منع ہونا چاہی دااے تے من لینا چاہی دااے پئی پاپی اے ۔ صرف اودوں اوہ پانی تے رُوح دی خوشخبری اُتے ایمان لیاؤن دے لائق ہووے گا ۔ اوہ جیہڑے ایس خوشخبری اُتے ایمان
رکھدے نیں، پاک رُوح پاؤن دے اصل حق دار ہیگے نیں ۔
پاک رُوح پاپیاں نال کیہ کردااے ؟ اوہ اوہناں نوں سوہنی خوشخبری اُتے ایمان رکھن نال اوہناں دے پاپاں توں معافی پاؤن دی نصیحت کردااے جیہڑی یسوع دے بپتسمے تے اوہدے لہو نال کامل ہوئی سی ۔ جے تسیں آکھدے او پئی تسیں پاپی نئیں ہیگے او ، جد پئی تسیں پاپ کردے او ، فیر تسیں کدی پاک رُوح پا نئیں سکو گے ۔ اوہ جیہڑے سوہنی خوشخبری اُتے ایمان نئیں رکھدے تے آکھدے نیں پئی اوہناں پاپ نئیں کیتا ،دونواں، خُدا تے اپنے آپ نوں دھوکہ دیندے نیں ۔ پاپیاں نوں لازمی طور اُتے پانی تے رُوح دی سوہنی خوشخبری نوں جاننا چاہی دااے تے پاک رُوح پاؤنا چاہی دااے ۔ صرف اِنج اوہ خُدا دی ڈاہڈی سزا توں بچ سکدے نیں ۔
راستباز اپنے پاپاں دا اقرار کرکے پاک رُوح نال میل جول رکھ سکدے نیں
میَں اوہناں نوں جیہڑےپانی تے رُوح دی خوشخبری اُتے ایمان رکھدے نیں تے ایس طرحاں پاک رُوح پا چُکے نیں آکھدا ہاں ۔ آؤ اسیں ویکھیے ،خُدا راستبازاں نوں کیہ دَسدااے ۔۱ ۔ یوحنا ۱ : ۹وچ ،ایہہ آکھیا گیا اے ، ” جے اپنے پاپاں نوں منیے تے اوہ ساڈے پاپاں نوں معاف کرن تے سانوں ساری بدی توں پاک کرن وچ کھرا تے انصاف کرن والا اے ۔ “ ایس آیت دا مطلب ہیگا اے پئی اسیں اپنے ہر دیہاڑے دے پاپ اپنے آپ نوں یاد کراؤن تے سوہنی خوشخبری اُتے ایمان رکھن نال اپنے گندے دلاں وچوں دھو سکدے آں جیہڑی منادی کردی اے پئی یسوع نے ساڈے سارے پاپ چُک لَے ،جدوں اوہنے بپتسمہ لیا تے اوہنے سولی اُتے مرکے اوہناں دا فدیہ دِتا ۔ راستباز نوں خُدا دے اگے اپنے ہر دیہاڑے دے پاپاں نوں مننا چاہی دااے ۔ صرف اودوں اوہ پاک رُوح نال میل جول رکھ سکدے نیں ۔ راستباز نوں اپنے ہر دیہاڑے دے پاپاں نوں مننا چاہی دااے تے سوہنی خوشخبری اُتے لگاتارایمان رکھنا چاہی دااے ۔
بوہت چِرپہلاں ، یسوع دے بپتسمے ، تے اوہدے لہو دی سوہنی خوشخبری نے ساڈے سارے پاپاں نوں دھو دتا تے ایس لئی ، راستباز نوں ایس خوشخبری اُتے ایمان رکھنا چاہی دااے تے اپنے سارے پاپاں توں بچ جانا چاہی دااے ۔ خُداوندنے پہلوں ای پانی تے رُوح دی خوشخبری نال اوہناں دے سارے پاپاں نوں معاف کردتا اے ۔ راستباز نوں لازمی طور اُتے اپنے پاپاں توں بچ لئی سوہنی خوشخبری اُتے ایمان رکھنا چاہی دااے ۔ راستبازپانی تے رُوح دی سوہنی خوشخبری اُتے ایمان رکھن نال اپنے دلاں نوں پاک کر سکدے نیں جدوں اوہ اپنے ہر دیہاڑے دے پاپاں نال گندے ہو جاندے نیں۔
ساڈے خُداوند نے اپنے بپتسمے تے اپنے لہو نا ل بڑا چِر پہلاں راستباز دے سارے پاپاں نوں دھو دتا ۔ ایس لئی اوہ جیہڑے ایمان رکھدے نیں اپنے سارے پاپاں توں سچ مُچ چھُڈائے گئے نیں ۔ فیر وی ، راستباز نوں اقرار کرنا چاہی دااے تے اپنے خُدا دے اگے اپنے پاپاں نو مننا چاہی دااے ۔ تے فیر راستباز نوں لازمی طور اُتے یسوع دے بپتسمے تے اوہدے لہو وچ ،اپنے سارے پاپاں توں چھُڈائے جان لئی ایمان اُتے واپس آؤنا چاہی دااے ، جیہڑا سوہنی خوشخبری وچ ہیگااے ۔ ایس لئی ، اوہ سدا پاک رُوح دے نیڑے رہندے ہویاں نویں نکور حیاتی بسرکرسکدے نیں ۔اوہ جیہڑے اپنے ماڑے ہون دے سبب پریشانی دے اَڈ پانی تے رُوح دی سوہنی خوشخبری داشکرادا کردے ہویاں خُداوند ول ویکھ سکدے نیں ،خُدا دے نال سچا میل جول رکھ سکدے نیں ۔
کویں اسیں پاک رُوح نال میل جول دا اک کھراطریقہ پا سکدے آں ؟
بوہتے لوک ہیگے نیں جیہڑے پاک رُوح نال میل جول کرن دی آس رکھدے نیں ۔ پر اوہناں نوں نئیں پتہ پئی ایس آس نوں کویں سچیاں کرنا ایں ،بھاویں اوہ یسوع اُتے ایمان رکھدے نیں ۔ سارے لوک پاک رُوح پاؤن لئی پانی تے رُوح دی خوشخبری اُتے ایمان رکھن نال آؤندے نیں تے او س ویلے توں پاک رُوح نال میل جول رکھنا شروع کردے نیں ۔
ایسے طرحاں ، اکلا طریقہ اک راستباز بندہ پاک رُوح نال میل جول رکھ سکدا اے پانی تے رُوح دی خوشخبری دی سچیائی نوں جاننا تے ایمان رکھنا اے ۔ راستباز تے پاک رُوح دے وچکار میل جول سچی خوشخبری دے اَڈ نئیں ہو سکدا ۔ پاک رُوح نال میل جول رکھن دے بارے وچ کیہ خیال ہیگا اے ؟ ایہہ
صرف سوہنی خوشخبری دے سچ اُتے ایمان رکھن نال ہو سکدا اے ۔
خُدا آکھدا اے پئی بندہ اپنی ساری حیاتی وچ پاپ کردااے
۱۔یوحنا ۱ : ۱۰وچ ،ایہہ آکھدا اے ، ” جے آکھیے پئی اسیں پاپ نئیں کیتا تے اوہنوں جھوٹا سمجھدے آں تے اوہدا کلام ساڈے وچ نئیں ہیگا۔ “ کوئی بندہ نئیں ہیگا جنہےخُدا دے اگے پاپ نئیں کیتا ۔ ایتھوں تیک پئی پاک کتاب آکھدی اے ، ” کیوں جے دھرتی اُتے کوئی ایہو جیہا راستباز بندہ نئیں ہیگا پئی نیکی ای کرے تے غلطی نہ کرے ۔“(واعظ ۷:۲۰)۔ سارے بندے خُدا دے اگے پاپی نیں ۔جے کوئی بندہ آکھدا اے پئی اوہنے پاپ نئیں کیتا ،فیر اوہ جھوٹا ہیگااے ۔لوک اپنی ساریاں حیاتیاں وچ ،اپنے مرن ویلے تیک پاپ کردے نیں تے ایسے لئی یسوع نے یوحنا کولوں اوہناں دے سارے پاپ چُکن لئی بپتسمہ لیا سی ۔ جے اسیں کوئی پاپ نئیں کردے ،فیر اسیں خُدا اُتے اپنے مکتی داتا وانگر ایمان رکھن دی لوڑ نئیں ہووےگی ۔
خُداوند اوہناں نوں آکھدا اے ، ” میرا کلام تہاڈے وچ نئیں ہیگا اے “ جیہڑے سوچدے نیں جویں جے اوہناں پاپ نئیں کیتے ۔جے کوئی بندہ پانی تے رُوح دی سوہنی خوشخبری اُتے ایمان نئیں رکھدا ،فیر اوہ برباد ہو جاوےگا ۔جے اک راستباز بندہ یا اک پاپی آکھدااے پئی اوہنے خُدا دے اگے پاپ نئیں کیتا اے ،فیر اوہ سوہنی خوشخبری اُتے ایمان رکھن دا حق دار نئیں ہیگااے ۔
خُداوند نے ہر کسے نوں سوہنی خوشخبری دا حیران کرن والا تحفہ دتا اے ۔اسیں اپنے سارے پاپاں دا اقرار کیتا تے سوہنی خوشخبری نال پاپاں دی معافی پاؤن لئی توبہ کیتی ۔ اسیں سوہنی خوشخبری ول واپس آسکدے سی جیہڑی خُدا نے ساڈے پاپاں دی معافی لئی ساڈے اُتے اُتاری تے ایہدے اُتے پاک رُوح نال میل جول رکھن لئی ایمان لیاندااے ۔ پاک رُوح نال میل جول رکھن دا اک کھراطریقہ پانی تے رُوح دی خوشخبری وچ ہیگا اے ،تے صرف اوہو جیہڑے پانی تے رُوح دی خوشخبری اُتے ایمان رکھدے نیں ،خُدا نال میل جول رکھ سکدے نیں۔
انسانی پیڑھی آدم تے حوا دی پاپ دی نسل دے سبب خُداکولوں دُور ہیگے سَن ۔ پر اسیں ہُن ،جیہڑے پاپ دا نسلی تخم رکھدے آں ،فیر خُدا نال میل جول رکھن لئی اگے آسکدے آں ۔ اِنج کرن لئی ،سانوں لازمی طور اُتے یسوع مسیح دی پانی تے رُوح دی خوشخبری اُتے ایمان رکھن ول واپس آؤنا چاہی دااے تے پاپاں توں معافی پاؤنی چاہی دی اے ،جیہڑےسانوں خُدا توں بوہت دُورلَے گئے نیں ۔
اوہ جیہڑے سوہنی خوشخبری اُتے ایمان رکھدے نیں ، اپنے سارے پاپاں توں مکتی پاؤن گے تے
خُدا اوہناں نوں پاک رُوح نال بھرے گا ۔ راستباز خُدا نال میل جول رکھ سکدے نیں، کیوں جے اوہناں پاک رُوح پایا اے ۔ ایس لئی اوہ جیہڑے اپنے پاپاں نال خُدا ولوں ٹُٹ گئے نیں ،اوہناں نوں پانی تے رُوح دی سوہنی خوشخبری ول واپس مُڑنا چاہی دااے تے ایہدے اُتے ایمان رکھنا چاہی دا اے۔ صرف اِنج ای اوہ اوہدے نال سچا میل جول رکھنا شروع کر سکدے نیں ۔
پاک رُوح دی بھرپوری سوہنی خوشخبری اُتے ایمان نال آؤندی اے ۔ سانوں لازمی طور اُتے جاننا چاہی دااے پاک رُوح دی بھرپوری صرف پانی تے رُوح دی خوشخبری اُتے ایمان رکھن نال مِلدی اے ۔ سوہنی خوشخبری اُتے ایمان نے خُدا ول اک نویں رستے نوں کھول دتا اے ۔ خُداوند نے وچکار لی کندھ ڈھا دتی اے،جنہے سانوں دونویں، نسلی پاپاں تےاصل پاپاں دے سبب وکھ کردتا سی ،تے سانوں پانی تے رُوح دی سوہنی خوشخبری اُتے ایمان نال ،خُدا نال میل جول رکھن دی اجازت دتی اے۔
سانوں لازمی طور اُتے اک واری فیر پاک رُوح نال میل جول کرنا چاہی دااے ۔ پاک رُوح نال سچا میل جول ،ایمان نال ،آکھامن دے ہویاں پانی تے رُوح دی خوشخبری نوں سمجھن نال مِل جاندی اے ۔ پاک رُوح نال میل جول اوس ویلے ہوندااے ،جدوں اسیں سچ اُتے ایمان رکھدے آں پئی ساڈے پاپاں دی معافی سوہنی خوشخبری نال مِلدی اے ۔جنہاں اپنے پاپاں توں معافی نئیں پائی ، پاک رُوح نال میل جول نئیں رکھ سکدے ۔دوجے اَکھراں وچ کوئی بندہ ، پانی تے رُوح دی خوشخبری اُتے ایمان رکھیوں اَڈ پاک رُوح نا ل میل جول نئیں رکھ سکدا ۔
جے پاک رُوح نال میل جول رکھنا تہاڈے لئی اوکھا اے ،فیر تہانوں پہلوں من لینا چاہی دااے پئی تسیں پانی تے رُوح دی خوشخبری اُتے ایمان نئیں رکھدے تے تہاڈے پاپ معاف نئیں ہوئے ۔کیہ تسیں پاک رُوح نال میل جول کرن دے آس رکھدے او ؟ فیر ، خوشخبری اُتے ایمان رکھو جیہڑی یسوع دے بپتسمے تے اوہدے لہو نال کامل ہوئی سی ۔ صرف فیرتسیں اپنے سارے پاپاں توں معافی پاوو گے تے انعام وانگر اپنے دل وچ پاک رُوح پاوو گے ۔ ایہہ سوہنی خوشخبری لازمی طور اُتے تہانوں پاک رُوح نال میل جول دا تحفہ دے سکدی اے ۔
Copyright © 2021 by The New Life Mission