Search
Tiếng Việt
Tiếng Việt
Do COVID-19 và việc gián đoạn dịch vụ thư quốc tế,
chúng tôi đã tạm thời đình chỉ "Dịch vụ sách in miễn phí" của chúng tôi.
Trong trường hợp này, chúng tôi không thể gửi sách cho bạn vào lúc này.
Xin cầu nguyện cho đại dịch này sớm kết thúc và dịch vụ bưu chính nối lại.

Bài giảng

مضمون 9: رومیوں (رومیوں دی کتاب اُتے تفسیر)

[7-3 باب] کیہڑے سبب تو ں اسیں خُداوند  دی وڈیائی کرسکدے آں <رومیوں۷:۵۔۱۳>

>رومیوں۷:۵۔۱۳<
” ایس لئی پئی جدوں اسیں بدنی ہیگے ساں تاں پا پ دے چاء جیہڑے شریعت دے سبب پیدا ہوندے سَن موت دا پھل پیدا کرن لئی ساڈے ہڈاں پیراں وچ اثر کردے سن ۔ پر جیہڑی شے دے قیدی ساں اوہدے ولوں مر کے ہُن اسیں شریعت توں اِنج چھُٹ گئے پئی  رُوح دے نویں طریقے نال نہ پئی اَکھراں دے پرانے طریقے نال خدمت کردے آں ۔ ایس لئی اسیں کیہ آکھیے ؟ کیہ شریعت پاپ ہیگی اے؟ بالکل نئیں سگوں شریعت توں اَڈ میَں پاپ نوں نئیں پچھان دا مثال طور جے شریعت ایہہ نہ آکھدی پئی تُوں لالچ نہ کریں تاں میَں لالچ نوں نہ جان دا ۔ پر پاپ نے ویلا ملدیاں ایں حکم دے راہیں میرے اندرہر طرحاں دا لالچ پیدا کر دتا ایس لئی پئی   شریعت دے اَڈ پاپ مردہ ہیگا اے ۔ اک دَور وچ  شریعت توں اَڈ میَں جیوندا ساں  ،پر جدوں حکم ملیا تاں پاپ جیوندا ہو گیا تے میَں مرگیا ۔ تے جیہڑے حکم دی مرضی حیاتی ہیگی سی اوہو ای میرے واسطے موت دا سبب بن گیا ۔ ایس لئی پاپ نے ویلا ملدیاں ای حکم دے راہیں مینوں اپنی گلاں وچ لایا تے اوسے دے راہیں مینوں مار وی دتا ۔ ایس لئی شریعت پا ک ہیگی اے  تے حکم وی پاک تے سچا تے ٹھیک ہیگا اے ۔ ایس لئی جیہڑی شے چنگی ہیگی اے اوہ میرے لئی موت ثابت ہوئی؟ بالکل نئیں سگوں پاپ نے چنگی شے دے راہیں میرے لئی موت پیداکرکے مینوں ماردتا تاں پئی اوہدا پاپ ہونا نظر آوے تے حکم دے راہیں پاپ حدوں بوہتا پلید لگے ۔ “
 
 
میَں خُداوند دی وڈیائی کردا ہاں جنہے ہُن تیک  میری اَگوائی کیتی اے
 
میَں خُداوند دی وڈیائی کردا ہاں جنہے  میری آپ ،خُدا دے  خاص  لوکاں  نال  فیرملن  وچ   میری
اَگوائی کیتی اے ۔ میَں سچے دلوں نال اج دے دیہاڑے تیک خوشیاں بھری حیاتی بسر کرن  دی مینوں برکت دین لئی اوہدا شکر ادا کرداہاں ۔ خُدا سدا ساڈے نال رہیا اے تے میرے اُتے اوہنے فضل کیتا اے ،بھاویں کئی ویلیاں وچ جدوں میَں میرے حوصلے مکدے محسوس کیتے ، مشکلاں دا تجربہ کیتا ،بوہتیاں وکھ وکھ  ویلاں وچ  میرے اندر پرکھ تے کمیاں ہیگیاں سَن ۔ اوہ میرے ولوں میری ساری حیاتی وچ ، دونویں ، میرےدکھاں تے خوشیاں وچ جیوندا رہیا ۔ اِنج دی کوئی مثال نئیں ہیگی سی ،جدوں اوہنے مینوں کلے نوں چھڈیاہووے ، ایتھوں تیک پئی اک سیکنڈ لئی وی نئیں چھڈیا ۔
خُدا نے سانوں بوہت برکت دتی اے ! جے خُدا ساڈے وانگر ہوندا ،اوہنے خورے ساڈے اُتے دو یا ں تِن واری رحم کرنا سی ،سگوں اخیریں اوہدا صبر مک  جانا سی ۔ پر خُدا بندہ نئیں ہیگا اے تے اوہدا صبر بے حد ہیگا اے ۔ اوہ ساڈے اُتے اپنا کدی نہ مکن والا فضل کردا رہندا اے ، ایس توں ہٹ پئی بھاویں اسیں چنگے کم کردے آں یاں نئیں کردے ، بھاویں اوہدے کلام پچھے چلدے آں یاں نئیں چلدے ۔ ایہو جیہے محبت کرن والے خُدا توں اسیں پچھے نئیں رہ سکدے سگوں وڈیائی ، پوجا تے اوہدی خدمت کردے آں ۔ داؤد بادشاہ نے اپنی ساری حیاتی وچ خُداوند دی وڈیائی کیتی ،ہر ویلے اوہدی راکھی کرن لئی اوہداشکریہ ادا کردے ہوئیاں جدو ں اوہ اپنی حیاتی وچ تنگیاں دے سبب دکھی ہیگا سی ۔ اوہنے اقرار کیتا پئی ، ”  ایس لئی پئی تیرے سبب میَں فوج اُتے حملہ کرداہاں تے اپنے خُدا دے سبب کندھ اُتوں چھال ماردا ہاں ۔“ (زبور ۱۸ : ۲۹)۔
خُدا نے سانوں بوہت برکت دتی اے !اسیں جنی کرنی چاہیدی اے اوہدی وڈیائی نئیں کر سکدے ۔ کیہ سانوں سکون ملے گا جے اسیں وڈاسارا گرجا بناؤندے آں ،جناں وڈا ایہہ جگ ہیگا اے ؟ کیہ سانوں سکون ملے گا جے اسیں گرجا بنایا جیہڑا اَسمان تیک اُچا ہووے؟ بالکل نئیں !اسیں سب توں بوہتا وڈا تے بوہت سوہنا گرجا بنا سکدے آں جیہدے بارے اسیں کدی سوچ سکدے آں ،پر ایہہ گرجے دا وڈا ہونا یاں سوہنا ہونا نئیں ہیگا اے جیہدا کوئی مقصد ہیگا اے ، پر اصلیت اُتے پئی خُدا بوہت چنگے طریقے نال لوکاں نوں بلاؤن ،تے اوہناں نوں اپنا کلام سناؤن تے کلام اُتے ایمان رکھواؤن دے راہیں اوہناں نوں نویں سریوں جمن دی اجازت دیندے ہوئیاں کم کردااے ۔ تے کُجھ نئیں ہیگا جیہڑا اسیں اوہدے لئی کر سکدے آں ، سگوں ایناں ساریاں برکتاں لئی اپنے خُداوند دی وڈیائی کر سکدے آں ۔ اسیں خُدا دا شکر ادا کردے آں پئی اوہنے سانوں اپنی خدمت کرن لئی ، اوہدے   کماں   دا   پھل   پیدا   کرن   دی  اجازت دتی ،
جیہدے نال لازمی طور اُتے صرف دوجی صورت وچ حیاتیاں ضائع ہوندیاں ۔
کیہ تسیں شکریہ نئیں کردے پئی خُدا تہانوں اپنیاں نویاں پناہواں دیاں تھاواں وچ بیٹھن دی اجازت دیندااے؟ ساڈے خُدا نےسانوں اپنے حدوں بوہتے فضل نال برکت دتی اے تے اپنیاں اکھاں دے تاریاں وانگر سانوں رکھیا اے ۔اسیں کون ہیگے آں اسیں اوہدی ساری محبت دا حق لین لئی کیہ کیتا اے ؟ اسیں کُجھ نہیں ہیگے تے اسیں کُجھ نئیں کیتا اے ۔تے فیر وی اسیں خُدا دے اگے مہنگے ہیگے آں ، ایس لئی نئیں پئی ساڈے کول کُجھ وکھاؤن لئی ہیگا اے ،سگوں اسیں نویں سریوں جمے آں ۔اسیں کُجھ وی نئیں ساں پر یسوع مسیح نال ملن دے بعدوں اسیں مہنگے ہوگئے آں ۔ خُدا نے سانوں اپنے پُتر بنایا ، جیہڑے اپنیاں پاگلیاں ماردے تے ریتلیاں تھاواں وچ آوارہ پھردے ساں ، اسیں مرن دا تے  مٹی تے سواہ وچ مکن دا نصیب رکھدےساں ۔
بوہت سوہنی تے وڈی محبت ہیگی اے جیہڑی خُدا نے سانوں دتی اے !خُدا دی وڈیائی ہووے ! ایس جگ وچ بوہت سارے لوکاں وچوں ، خُدانےسانوں اپنی راستبازی نال مطلب اے اپنی غیر شرط والی محبت نال سانوں مکتی دتی اے ۔ صرف چھڈائے جان توں بوہت چوکھی مکتی موجود ہیگی اے ،ایہدا مطلب ہیگاا ے پئی ساڈیاں جاناں ہُن خُدا نال میل جول رکھدیاں نیں ۔ ایہدا مطلب  ہیگا اے پئی اوہدی محبت ہُن ساڈی ہیگی اے ۔ ایہدا مطلب ہیگا اے پئی اوہدیاں برکتاں ، وی ، دعوے نال ساڈیاں ہیگیاں نیں ۔
ایہہ خُدا دی حیران کرن والا اَگوائی تے حوصلہ افزائی دے راہیں ہیگا اے پئی اسیں حالے تیک اپنے آپ نوں اوس کلیسیا وچ پاؤندے آں۔ جے خُدا نے سانوں ایتھےنئیں رکھیا سی ، اسیں ایتھے کویں ہو سکدے ساں؟ جے اوہنے ساڈے نال محبت نئیں کیتی تے برکت نئیں دتی ،اسیں کویں خوشخبری دی منادی کرن تے اوہدی خدمت کرن دے لائق ہوئے آں؟ اسیں خُدا دی خدمت کرسکدے آں ایس لئی پئی اوہ جیوندااے ، ساڈے نال ہیگا اےتے اوہنےسانوں برکت  دتی اے ۔
جے خُداوند نے قائم نئیں کیتا اے نہ ای سانوں برکت دتی اے ،تاں اسیں پہلوں کدی یاں ایتھوں تیک پئی حالے تیک اوہدی وڈیائی نئیں کر سکدے ساں ۔ خُدانےسانوں اپنے رحم کرن والے ہتھاں نال محبت، برکت ،حوصلہ افزائی تے پناہ دتی اے تاں پئی اسیں اوہدی خدمت ،اوہدے پچھے چل سکیے ،اوہدی وڈیائی تے پوجا کرسکیے ۔ کیہ ایہہ سچ نئیں ہیگا اے ؟ اسیں اپنے لئی اوہدے حیران کرن والے کم تے اوہدی نہ مکن والی محبت لئی اپنے سارے دل نال خُداوند دی وڈیائی کردے آں ۔
خُداونداوہناں لئی بوہت کُجھ کیتا اے جنہاں نوں اوہنے مکتی دتی اے ۔ مطلب اے اوہنے سانوں چھڈایا اے تے اوہ نویں سریوں جمے ہوئے پاک لوکاں دے ایمان نوں پکیاں کردا رہندا اے ، ایہہ ثبوت ہیگے نیں پئی اسیں خُداوند دے ہتھاں وچ ہیگے آں تے اوہ ساڈی راکھی کردا پیا اے ۔ خُدا ساڈے راہیں کم کردا تے اپنی مرضی پور ی کردااے ۔
میَں ایمان رکھدا ہاں پئی خُدانے اپنیاں ساریاں کلیسیاواں نوں ، نویں سریوں جمے ہوئے سارے جگ دیاں مجلساں نوں برکت دتی اے  تے اوہناں نوں ہمیش لئی برکت دیوے گا ۔اسیں بوہت چوکھیاں مشکلاں دا تجربہ کیتا اے ، پر فیر وی خُدا ساڈے نال ہمیشہ رہیا اے ،اوہنے سانوں سہارن دے لائق بنایا تے بوہتیاں برکتاں پاؤن لئی لازمی ایمان دے واسطے ساڈے دلاں نوں تیار کیتا ۔ اوہدافضل بوہت وڈا ہیگا اے !میں اک واری فیر خُداوند دا شکریہ اداکردا ہاں ۔
 
 

اسیں سچے دلوں خُداوند دی وڈیائی کر سکدے آں

 
” ایس لئی پئی جدوں اسیں بدنی ہیگے ساں تاں پا پ دے چاء جیہڑے شریعت دے سبب پیدا ہوندے سَن موت دا پھل پیدا کرن لئی ساڈے ہڈاں پیراں وچ اثر کردے سن۔ پر جیہڑی شے دے قیدی ساں اوہدے ولوں مر کے ہُن اسیں شریعت توں اِنج چھُٹ گئے پئی  رُوح دے نویں طریقے نال نہ پئی اَکھراں دے پرانے طریقے نال خدمت کردے آں ۔  “(رومیوں ۷ : ۵ ۔۶)۔ پاک کتاب آکھدی اے پئی جدوں اسیں بدن وچ ہیگے ساں ، پاپی جذبے جیہڑے شریعت دے راہیں پیدا ہوندے سَن ساڈے ہڈاں پیراں وچ موت دے پھل پیدا کرن لئی کم کردے سَن ۔ پر، پاک کتاب ایہہ وی آکھدی اے ، ”  پر جیہڑی شے دے قیدی ساں اوہدے ولوں مر کے ہُن اسیں شریعت توں اِنج چھُٹ گئے پئی رُوح دے نویں طریقے نال نہ پئی اَکھراں دے پرانے طریقے نال خدمت کردے
آں ۔  “
کیہ بدن پاپی جذبیاں توں چھٹ سکدا اے ؟ اک بندے دے بدن دے دو پاسے ہوندے نیں ۔
اک بدن ہیگا اے تے دوجا دل ہیگا اے ۔ بدن خُدا دی راستبازی تیک نئیں اپڑ سکدا بھاویں کنی وی بوہتی ہمت کرے ۔نہ ای ایہہ خُدا دی شریعت اُتے عمل کر سکدا اے ۔ ساڈا بدن ایتھوں تیک پئی ساڈے نویں سریوں جمن دے بعد و ی خُدا دی شریعت نوں قائم نئیں رکھ سکدا ،کوئی مطلب نئیں رکھدا اسیں کنی بوہتی ہمت کردے آں ۔ ایس لئی پولُس رسول آکھدا اے ، ” ایس لئی پئی جدوں اسیں بدنی ہیگے ساں تاں پا پ دے چاء جیہڑے شریعت دے سبب پیدا ہوندے سَن موت دا پھل پیدا کرن لئی ساڈے ہڈاں پیراں وچ اثر کردے نیں ۔ پر جیہڑی شے دے قیدی ساں اوہدے ولوں مر کے ہُن اسیں شریعت توں اِنج چھُٹ گئے۔ “
رومیوں ۴ : ۱۵ دسدااے، ” ایس لئی پئی شریعت تاں عذاب پیدا کردی اے تے جتھے شریعت نئیں ہیگی اوتھے حکماں دی نافرمانی وی نئیں ۔ “سانوں لازمی طور اُتے اپنے سچے دلوں اپنے خُدا دی وڈیائی کرنی چاہی دی اے ۔ خُدا نے سانوں رُوح دے نویں پن وچ اوہدی وڈیائی لئی بنایا، خط دے پُرانے پن وچ نئیں ،ایس لئی پئی اسیں جیہڑے شریعت دے راہیں پھسے ہوئے ساں پہلاں ای شریعت دے عذاب دے سبب لعنتی ہیگے ساں۔
بدن دل توں وکھرا ہیگا اے ، بدن دیاں حداں ہیگیاں نیں پر دل خُدا دا کلام پا سکدااے تے ایمان دے راہیں اوہدی وڈیائی کر سکدا اے ۔ دل پاپ توں وی چھُٹ سکدا اے۔اسیں شریعت ولوں مر گئے آں ۔ میَں مرگیاہاں ،کیوں میَں جیہدے نال پہلاں بنھیا ہویا ساں ، اوہدے لئی مر گیا ہاں ۔ ساڈا بدن پہلاں ای خُدا لئی مرگیا اے ۔ بدن دے نال ، اسیں نہ اوہدی راستبازی تیک اپڑ سکدے آں نہ ایں خُدا دی شریعت دے اگے بے قصور ثابت ہو سکدے آں ۔ پر خُدا نے ساڈے کول اپنا اکلا پُتر یسوع مسیح گھلیا تے شریعت دا سارا عذاب اوہدے اُتے لد دتا ، جیہڑا اوس ویلے ساڈے واسطے سولی اُتے مرگیا ۔ ایس طرحاں خُدا سانوں رُوح دے نویں پن وچ ایمان دے راہیں خُداوند دی خدمت کرن دے لائق بنایا اے ، اکھراں دے پُرانے پن وچ نئیں ،جیہڑے سانوں اپنے عذاب دے ہیٹھاں ، شریعت دے راہیں بنھ چُکے سَن ۔ 
ہُن اسیں ایمان دے راہیں خُداونددی وڈیائی کر سکدے ہاں ۔ دل خُداونددی وڈیا ئی کر سکدا اے ، بھاویں اسیں حالے تیک بدن رکھدے آں ۔ ساڈے دل ایمان رکھ سکدے نیں پئی خُداوند ساڈے نال محبت کردااے ۔ اسیں اپنے خُداونددی وڈیائی کر سکدے آں ایس پئی اسیں ایمان رکھدے آں پئی اسیں مسیح وچ مر گئے آں ۔ خُداسانوں شریعت دے عذاب توں مکتی دے چُکیا اے ۔ خُدا باپ نے اکلے پُتر نوں ساڈے لئی گھلیا ،جیہڑےشریعت دی لعنت تے خُدا دی سزا دے سبب بنھے ہوئے سَن تے جدوں ویلاپوراہوگیا ،اوہنے اپنے پُتر اُتے ساڈے سارے پاپاں تے شریعت دے عذاب نوں لددتا ۔ایس طرحاں خُدا نے اوہناں نوں مکتی دتی اے جیہڑے اوہدی محبت نوں قبول کردےنیں تے اپنے پاپاں دے سبب ،اوہدی سزا تے شریعت دے عذاب توں بچن لئی اوہدے اُتےایمان رکھدے نیں ۔ اسیں اپنے سارے پاپاں توں مکمل طور اُتے بچاؤن لئی خُداوند دی وڈیائی کردے آں ۔
اسیں سچے دلوں ایمان رکھدے آں پئی خُدا نے سانوں اپنی راستبازی نال بچایا اے ۔ اسیں اوہدی محبت لئی سچے دل نال خُدا دا شکر ،تعریف تےوڈیائی بیان کردے آں ۔ پر کیہ اسیں  ایہہ شیواں بدن نال کرسکدے آں ؟ نئیں ۔ جدوں اسیں بدن وچ ہیگے ساں پاپی جذبیاں نیں ، جیہڑے شریعت دے سبب ہیگے سَن ،ساڈے ہڈاں پیراں وچ موت دے پھل پیداکرن لئی کم کیتا۔ بدن صرف خُدا دے عذاب ہیٹھاں جیوندارہندااے ۔
ہُن اسیں ایمان دے راہیں شریعت دے اوس عذاب توں چھُٹ گئے آں ۔ خُدا نے سانوں اپنی محبت تے مکتی وچ ساڈے ایمان دے راہیں اوہدی خدمت لئی بنایااے ، اکھراں دے پُرانے پن دے سبب نہیں تے نہ ای خُدا دے عذاب دی شریعت دے راہیں ، بھاویں اسیں شریعت دے سبب سزا پاواں گے ۔
ساڈے وچوں کوئی وی اپنے کماں نال خُداوند دی خدمت نئیں کر سکدا ۔ بھاویں اسیں نویں سریوں جمے آں ،اسیں اپنے بدن نال اوہدی خدمت نئیں کر سکدے ۔کیہ ساڈے وچکار کوئی وی ہیگاا ے جیہڑا بدن نال خُداوند دی خدمت کرن دی ہمت کردے ہوئیاں نااُمید ہویااے ؟ اسیں بدن نال کدی خُداوند دی خدمت نئیں کرسکدے ۔ پاپی جذبے سدا بدن اُتے حکم چلاؤندے نیں ، ایتھوں تیک پئی اسیں اپنے نویں سریوں جمن دے بعد وی بدن نال خُداوند دی خدمت نئیں کرسکدے ۔اسیں ایمان دے راہیں اپنے دلاں نال خُداوند دی وڈیائی تے اوہدی خدمت کرسکدے آں ۔ ایس لئی ،جدوں تسیں خُدا دی وڈیائی کردے او، اپنے دل نال  ایمان رکھو تے اوہدی محبت لئی شکر ادا کرو۔ فیر ایمان ایہو جیہاہتھیاربن سکدا اے جیہڑا ایمان دے پچھے چلدا اے ۔
میَں خُداوند دی وڈیائی کرداہاں جیہڑا سانوں شریعت دے سارے عذاب توں بچا چُکیا اے، ایس لئی پئی میَں اپنے دل نال  اوہدے اُتے ایمان رکھدا ہاں ۔ میَں خُداوند دا شکراداکرداہاں ۔ اوہنے مینوں کامل طور اُتے مکتی دتی اے ۔ اوہ مینوں میرے ہر دیہاڑے دے پاپاں توں تے شریعت دی لعنت توں چھڈاچُکیا اے ۔ کوئی شک نہ رہوے : ساڈاخُداوند سانوں بچاچُکیااے ۔ ساڈیاں ساریاں کمیاں تے خطاواں دے ہوندیاں  ہویاں ،خُدانےسانوں بچایا اے ایس لئی پئی اوہ ساڈے نال محبت کردااے ۔ایہہ بوہت ودھیا گل ہیگی اے پئی خُداسانوں راستباز بناوے گا ،بھاویں اسیں خطاواں بھرے ہیگے آں ؟ ایہہ بوہت حیرانی والی گل ہیگی اے پئی خُدا سانوں اپنے خادم بناوےگا؟
اسیں خُدادی وڈیائی کر سکدے آں ایس لئی پئی اوہنے سانوں شریعت دے عذاب توں بچایااے ۔اسیں رُو ح نال تے اپنے دلاں نال خُداوند دی وڈیائی کر سکدے آں ۔ اسیں خُداوند دے پچھے چل سکدے آں ۔اسیں خُداوند دا شکر اداکردے آں ،جیہڑا سانوں ساڈے پاپاں توں تے اپنے عذاب توں چھُڈاچُکیااے ۔ کیہ تسیں اوہدا شکرادا کردے او ؟کیہ ساڈی مکتی ظاہر نئیں کردی پئی اسیں صرف بوہت ماڑے ہیگے آں ؟ کنی واری اسیں اوہدی مرضی مطابق جیوندے رہن وچ ناکام ہوئے آں ، ایتھوں تیک پئی اسیں اِنج کرن دی  اپنی بوہتی ہمت کیتی اے ؟ کنی واری اسیں فخر نال سر چُکیا اے ؟ کنیاں بوہتیاں کمیاں ساڈے وچ ہیگیاں نیں ؟ اسیں اپنے بدن تے کماں نال ، نہ ہُن ، نہ ای آؤن والے ویلے وچ کدی خُداوند دی وڈیائی  کر سکدے آں ۔ اسیں خُدا دی وڈیائی  کردے آں مطلب اے اوہنے ساڈے دلاں نال جو کیتا اے ۔صرف اپنے دلاں نال اپنے ایمان دے راہیں اسیں خُدا دی وڈیائی  کر سکدے آں ۔
 
 

اسیں بدن نال خُداوند دی وڈیائی  نئیں کر سکدے

 
ساڈی اپنی راستبازی ٹوٹے ٹوٹے ہو کے ٹُٹ جاندی اے جدوں اسیں خُداوند دے پچھے چلدے آں ۔ ذہن دی دنیا تے بدن دی دنیا نوں لازمی طور اُتے وکھ وکھ ہونا چاہی دااے ۔ ایہہ بدن توں رُوح دا وکھرے ہونا اے ۔
کیہ تسیں ایہدے اُتے ایمان رکھدے او ؟ ساڈی لئی بدن نال ہمت کرنا بے فائدہ ہیگا اے ۔ جدوں اسیں اپنے دلاں نال گاؤندے ،خوشی مناؤندے ،وڈیائی کردے ، اوہدے پچھے چل دے تے شکر ادا کردےآں ، ساڈا بدن ساڈے دل دے اگے نیواں ہوکے خُداوند دی خدمت کر سکدا اے ، اسیں خُداوند دی وڈیائی  کردے آں تے اپنی مکتی لئی ایہہ گاؤندے ہویاں اوہدا شکر ادا کردے آں ،  ” ♬کلوری دے سبب ، میرے سارے پاپ مک گئے نیں ؛ حیاتی گیت نال بھر گئی اے ، ساراکُجھ کلوری دے سبب ہیگا اے ؛ مسیح میرا مکتی داتا مینوں پاپ توں چھڈاؤن لئی جیوندا اے ؛کسے دیہاڑے ،اوہ آؤنداپیا اے بوہت شاناں والا برکتاں بھریادیہاڑا ہیگا اے ! سارا ، آہو ، ساراکُجھ کلوری دے سبب ہیگا اے ۔♬ “ پر کئی واری اسیں بدن دے سبب توں کمب جاندے آں ۔ اسیں اپنے آپ وچ سوچدے آں ،  ”  میَں کیوں اینا ں ماڑا ہیگا واں ،بھاویں میَں کوئی پاپ نئیں کیتا اے؟   “ فیراسیں اپنے آپ وچ  حیران ہوندے آں ،  ” ♪میرے سارے پاپ مک گئے نیں ♪—  ٹھیک ہیگا اے ♪— حیاتی گیت نال بھر ی ہوئی  اے♪—   ایہہ وی ٹھیک ہیگا اے ♪— ساراکُجھ کلوری دے سبب ہیگا اے♪—  ایہہ سب کُجھ ٹھیک ہیگا اے ، پرمیَں کیوں اینا ں ماڑا ہیگا واں؟ مینوں شکراداکرنا چاہی دا اے تے ویلے دے نال بوہتی خوشی نال خُداوند دے پچھے چلنا چاہی دا اے ، پر میَں کیوں اینا ں غلطیاں نال بھریا ہویا ہیگا واں؟ ہائے، میرا  گیاگواتا بدن! “
جدوں اسیں غم محسوس کردے آں ، خُداسانوں آکھدا اے ،  ” اے میر ی جان ، تُو ں کاہدے لئی غم کردی ایں؟کیہ تینوں نئیں پتہ پئی میَں تیرا مکتی داتا ہیگا واں ؟ میَں تینوں راستبازبنایااے ۔ “اسیں بدن نال خُدا دی نہ خدمت کر سکدے آں نہ ای اوہدے پچھے چل سکدے آں ۔ ساڈے ایمان رکھن دے راہیں اوہنے سانوں بچاؤن لئی کیہ کیتا ، اوہدےنال محبت کرن دے راہیں ،شکر گزاری کردے ہوئیاں تے اپنے دلاں نال اوہنوں جلال دیندے ہویاں خُدادی خدمت کر سکدے آں۔
میَں چاؤہنداہاں پئی تسیں اپنے دل نال خُدادی وڈیائی  کرو۔ میَں ایہہ وی چاؤہندا ہاں تسیں اپنے دل نال ایمان رکھو تے اوہدا شکر اداکرو۔ ایہہ شیواں صرف ساڈے دلاں دے راہیں ہو سکدیاں نیں ۔ بدن ہمیشہ مکتی یافتہ ہون دے بعد بِن بدلیا رہندا اے ۔ اُتلے حوالے وچ پولُس رسول جو آکھدا اے ،اوہ دونویں مکتی یافتہ ہون توں پہلاں تے بعدوں ، اُتے لاگُو ہوندااے ۔ خُدا دا کلام اوہناں لئی اِکو جیہا اے جیہڑے مکتی یافتہ تے اوہناں لئی جیہڑے مکتی یافتہ نئیں ہیگے نیں ۔
 
 

کیہ تسیں مکتی یافتہ ہون دے بعدوں وی بدن نال خُدا نوں خوش کردے رہے او؟

 
کیہ تسیں مکتی یافتہ ہون دے بعدوں وی بدن نال خُدا نوں خوش کردے رہے او؟کیہ تسیں سوچدے او پئی تسیں خُدا نوں خوش کر سکدے او،ایس لئی پئی تسیں دوجیاں توں وکھرے ہیگے او تے تسیں اوہناں توں بوہتی خُدا دی خدمت کردے او؟ اوہ جیہڑے اپنی ذاتی راستبازی نال بھرے ہوئے نیں کسے دن اک ٹوئے وچ ڈِگ پین گے ۔ کئی لوک موجود ہیگے نیں جیہڑے پہلاں ای ٹوئے وچ ڈِگن دا تے کھَڈے وچ تلکن دا تجربہ کر چُکے نیں ۔
اک بھین ہیگی اے  جیہڑی ایس گرمیاں دی بائبل میٹنگ وچ کھَڈے وچ ڈِگ پئی ۔ میرا مطلب ہیگا اے ،ایہہ اک اصل نکی نال دی عمارت ہیگی سی ، پر خوش نصیبی نال ایہہ حالے تیک ورتی نئیں گئی سی ۔جے کسے نے اینوں پہلاں ورتیاہوندا ،اوہ سچ مُچ تنگی دی دلدل وچ پھسی ہوندی ۔ اسیں کئی ڈوہنگے ٹوئے پُٹے تے اوس ہری پہاڑی اُتے کئی نکے نال نال گھربنائے ،جدوں اسیں ایس بائبل میٹنگ دی تیاری کیتی ۔ فیر اسیں ہر نہاؤن والے کمرے اُتے پیررکھن دا تختہ رکھیا ،پر اسیں حالے تیک ہر نکے نال دے گھر وچ پیر رکھن دا تختہ پکا نئیں کیتا سی  ۔ ایس لئی ایہہ بھین تلکی تے مورے وچ ڈِگ پئی ۔ خُدا نے اک ایہو جیہا مورا  اوہناں لئی بنایا اے جیہڑے اپنی دلی راستبازی نال بھرے ہوئے نیں ۔ خُدا چاؤہندااے پئی اسیں صرف اوہنوں جلال دیے ۔
میری جان بے سکون تے بے چینی محسوس کردی اے جدوں میَں مکتی یافتہ ہون دے بعد وں سدھے راہوں پاسا بدل دا ہاں ۔ جدوں میَں غور کرداہاں پئی میَں کیوں اِنج محسوس کردا ہاں ،میَں سوچدا ہاں پئی میرے لیڑے گند گی نال داغی ہوئے نیں ۔ مینوں پتہ ہیگا اے پئی میَں ایس راہ اُتے جان لئی نئیں ہیگا واں ،پر میَں چھیتی نال بھُل جاندا ہاں ، جنی چھیتی میَں ایہدااحساس کردا ہاں ، میَں توبہ کرداہاں ، ایہہ آکھدے ہویاں ،  ” مینوں ایہہ نئیں کرنا چاہی دا اے ۔میَں کیہ سوچدا پیاساں ؟ہائے ،خُداوند میَں اپنے سارے پاپ دھون لئی تیری وڈیائی کردا ہاں ۔ “ پر میَں تھوڑے چِر بعد فیر پاپ کر لیندا ہاں ۔ کئی واری میَں خُدا دے فضل وچ رہندا ہاں تے اچانک  پاپ وچ ڈِگ پیندا ہاں ، فیر میَں اپنے آپ نوں خُدا دے فضل دے راہیں پاپ توں بچیاہویا محسوس کردا ہاں ۔ میَں اَگے پچھے ڈکوڈولے کھاندا ہاں ۔ ایس لئی میَں دکھی ساہواں لیندا ہاں تے اپنے آپ بارےنااُمید ہوندا ہاں ۔
مینوں پتہ لگیا پئی میَں صرف کناں اپنے سارے پاپاں توں معافی پاؤن دے بعد گندہ ہیگا ساں ۔ میَں بوہت ڈوہنگا سمجھیا تے سوچیا ،  ” ایہہ ڈراؤنا ہیگا اے ، کیوں میَں ایناں ماڑا تے ہڈاں پیراں دا ماریاہیگا واں ، بھاویں اے خُدا ، میَں تیرے اُتے ایمان رکھداہاں ؟ “پاپی جذبے ، جیہڑے شریعت دے راہیں پیدا ہوئے نیں ، ساڈے ہڈاں پیراں وچ کم کردے نیں ۔ مینوں پتہ لگیا پئی جنی بوہتی میَں شریعت دے مطابق جیوندے رہن دی ہمت کیتی ،اونا بوہتا میرا بدن پاپی جذبیاں وچ ڈِگ پیا ۔ مینوں پتہ لگیا پئی بدن کدی خُدا دے پچھے نئیں چل سکدا ۔ میَں اپنا بدن خُدا لئی ،  راستبازی  دے ہتھیاروانگر پیش کرن دے راہیں خُداوند دی خدمت کرن لئی آیا تے وڈیائی کیتی ، اپنے دل نال اوہدے اُتے ایمان لیاؤن دے بعدوں خُدا نے بوہت برکت دتی ۔
 
 

بدن تاں ہیگا اے پرپاپی جذبیاں دا ڈھیر ہیگا اے

 
اوہ جنہاں نو ں نئیں پتہ پئی اوہ پاپی جذبیاں داڈھیرہیگے نیں ،حیران ہوندے نیں پئی بوہت چھیتی اوہ پاپ وچ ڈِگ پیندے نیں ، جدوں اوہ تھوڑے چِر لئی خُداوند دی خدمت ولوں ویہلے ہوندے نیں ۔ سانوں لازمی طور اُتے اپنے دلاں نال خُداوند اُتے ایمان رکھنا چاہی دا اے ، اوہدی وڈیائی کرنی چاہی دی اے ،اوہنوں جلال دینا چاہی دا اے تے اوہدے پچھے چلنا چاہی دا اے ۔ دل نال اوہدے پچھے چلنا خُداوند دے فضل دی برکت ہیگی اے ۔صرف جدوں اسیں اپنے دل نال اوہدے اُتے ایمان رکھدے آں ،اسیں اوہدے پچھے چل سکدے آں ۔جدوں اسیں بدن وچ ہیگے آں ، پاپی جذبے،جیہڑے شریعت دے سبب پیدا ہوئے سَن ،ساڈے ہڈاں پیراں وچ موت دے پھل پیدا کرن دے واسطے کم کردے نیں ۔ جدوں اسیں اپنے دلاں نال وڈیائی نئیں کردے یاں خُداوند دے پچھے نئیں چلدے ، ساڈا بدن بوہت چھیتی پاپی جذبیاں وچ ڈِگ پیندا اے ۔ساڈے وچوں سارے ایدھر ای جھک دے نیں ؛ایسے طرحاں پولُس ہیگا سی ۔
پولُس خوشخبری دی منادی کردا ہویا ، اپنی ساری عمر وچ اکلا ای رہیا سی ، پر اوہنے جانیا پئی پاپ بدن دے پاپی جذبیاں دے راہیں تازہ ہوندا سی ۔ اوہنے خورے سوچیا سی ، ” مینوں ڈر آؤندا اے ۔ میَں تھوڑاچِر پہلاں خوشی نال بھریاہویا ساں ،پر ہُن میَں کاہدے لئی ایناں پریشان ہیگا واں ؟ میرے وچ کیہ بھیڑہیگا اے ؟ میَں تھوڑا چِر پہلاں بوہت رُوحانی ہیگاساں پر ہُن میَں ردی وانگر محسوس کردا ہاں ۔ “ ایہدے اُتے دھیان کرن دے بعدوں ،اوہنے سمجھیا پئی اوہ دل نوں بدن توں وکھ کریوں بغیر خُداوند دی  خدمت نئیں کر سکدا سی ۔  ” ہائے میَں بوہت لیکھاں ماریاں بندہ ہیگا واں !میَں بدن نال نیکی نئیں کر سکدا ۔ “  
بدن دل دے اگے جھکدا اے جدوں اسیں اپنے دلاں دے نال خُدا دی وڈیائی تے اوہدے پچھے چلدے آں ۔ پولُس نے ایس سچیائی نوں جانیا ۔ اسیں بچ نئیں سکدے سگوں پاپ کردے آں ۔ کیہ تسیں ایہنوں سمجھدے او ؟ جدوں اوہ جیہڑے بے پاپ ہیگے نیں اپنے دلاں نال وڈیائی کردے ، ایمان رکھدے تے خُداوند دے پچھے چلدے نیں ، تاں بدن دل دے پچھے لگدا اے ۔کوئی بندہ پہلاں خورے سوچ سکدا اے ، ” میَں اپنے سارے پاپاں توں مکتی یافتہ ہو گیا واں ۔ ہیلیلویاہ ۔میَں بوہت خوش ہیگا واں ۔ “پر ویلے دے نال نال اوس بندے دے بوہتے بوہتے پاپی جذبے ظاہر ہوندے نیں ۔ اوہ جیہڑے اپنی ذاتی راستبازی نال بھرے ہوئے نیں اپنے ذاتی نقاب اُتے سوکھے طریقے نال بوہت نااُمیدہوندے نیں ،جویں ای پاپی جذبے اوہناں وچ تھوڑے تھوڑے کر کے نظر آؤندے نیں ۔ بھاویں اوہ اِنج نئیں سوچدے ، اوہ اصل وچ ایہدے توں بوہتے بھیڑے ہیگے نیں مطلب اے اوہ اپنے آپ دے بارے وچ کیہ سوچدے نیں ۔
سانوں لازمی طور اُتے جاننا چاہی دا اے پئی ساڈا بدن پاپی جذبیاں  دا گڑھ ہیگا اے ۔ اسیں بدن اُتے کوئی اعتبار نئیں کردے ؛تہانوں لازمی طور اُتے ایہدے اُتے آسرا نئیں رکھنا چاہی دا ۔ ایہدی تھاں اُتے ، خُدا دے فضل اُتے ایمان رکھو ،خُداوند نوں جلال دیوو تے اپنے پورے دل نال اوہدے پچھے چلو ۔ ایہہ صرف دل دے راہیں ہو سکدااے ۔ خُداوند دی وڈیائی ہووے ، ایس لئی پئی ایہہ خُدا دا فضل ہیگا اے جیہڑا مینوں ، جیہڑا بولن وچ بوہت بھیڑا ہیگا سی تے اپنی ذاتی راستبازی نال بھریا ہویا سی ، خوشخبری دی منادی کرن دی اجازت دیندااے !میَں کویں اِنج خُداونددے فضل دے اَڈ کرسکدا ہاں ؟ میَں صرف اپنے خُداوند دی وڈیائی کر سکدا ہاں ۔
 
 
میَں خُداوند دا شکر اداکرداہاں جنہے مینوں اوہدی وڈیائی کرن دے لائق بنایا
 
میَں خُداوند دا شکر اداکرداہاں جنہے ساڈے سارے پاپاں نوں دھو دتا تے سانوں اپنے دل نال اوہدی وڈیائی کرن دے لائق کرن لئی پاک رُوح دتا تے اپنے بدن نال نئیں۔اسیں اوہدی وڈیائی تے پوجا کرسکدے آں ایس لئی پئی اسیں اپنے دل نال اوہدے اُتے ایمان رکھدے آں ۔
” ایس لئی ہمیشہ اسیں سکون وچ رہندے آں تے سانوں پتہ ہیگا اے پئی جدوں تیک اسیں بدن دے دیس وچ ہیگے آں خُداوند ولوں دیسوں کڈھے ہوئےہیگے آں ۔“ (۲ ۔کرنتھیوں ۵ :۶)۔میَں خُداوند دی وڈیائی کردا ہاں جنہے سانوں ساڈے سارے پاپاں توں بچایا ۔میَں خُداوند دی وڈیائی تے شکر کردا ہاں ۔ میَں پوجا کردا تے اوہدے اُتے ایمان رکھدا ہاں ۔ خُداوندنے سانوں ساڈے سارے پاپاں توں بچایا ، ایتھوں تیک پئی جویں اسیں پاپی جذبیاں لئی جیوندے رہن دے بعد مرن دا نصیب رکھدے ساں ۔ اوہنے سانوں سچے دلوں خُدا اُتے خُدا ایمان رکھن دے راہیں مکتی یافتہ ہون دی اجازت دتی ۔ اوہنے سانوں اپنی وڈیائی لئی بنایا تے سانوں خوشی دتی ۔
بدن نال خُداوند دی خدمت کرن دی ہمت نہ کرو— ایہہ کدی نئیں ہو سکدا ۔ بدن نال سچیائی پاؤن دی ہمت نہ کرو— ایہہ نئیں مل سکدی ۔ بدن دیاں ایہو جیہاں ساریاں ہمتاں نوں چھڈدیوو ۔ فیر اسیں ، کویں خُدادے پچھے چل سکدے آں ؟ جواب ساڈے دلاں وچ ہیگا اے ۔ اسیں دل نال ، رُوح دے نویں پن وچ اوہدی خدمت کر سکدے آں ۔ ساڈے خُدا نے سانوں بچا لیا اے، ایس لئی اپنے دل نال اوہدے پچھے چلیے ،جنہے تہانوں مکتی پاؤن دے لائق بنایا ۔
میَں خُدا دی وڈیائی کردا ہاں ۔ کنے لوک اپنے آپ اُتے روندے نیں ؟ اوہ پریشان ہوکے ساہ لیندے نیں تے اپنے آپ نوں ، ایہہ آکھدے ہویاں دکھ دیندے نیں ،  ” میَں کیوں ایس طرحاں رویہ رکھدا ہاں ؟   “ اوہناں وانگر نہ بنو ۔ اپنے بدن نال پاپ نہ کرنا تہاڈے لئی کدی ہو نئیں سکدا ۔ اوہنوں سوکھا بناؤن دی ہمت نہ کرو جیہڑا ہو نئیں سکدااے ۔ میَں تہاڈے توں چاؤہندا ہاں پئی خُدا اُتے ایمان رکھو تے اپنے دل نال اوہدی وڈیائی کرو۔ فیر بدن دل دے پچھے چلے گا ۔ کیہ تسیں مکتی یافتہ ہون دے بعد بوہتے چِر تیک اپنے بدن نال خُداوند پچھے چلن دی ہمت کر چُکے او ؟ کیہ تسیں اوہ کرن وچ اوکھے ہوندے او ،جو کُجھ کرن لئی تہاڈے بارے سوچیا گیا سی ؟ جے انج ہیگااے ، مسئلہ ایہہ ہیگا اے پئی تسیں بدن نال خُداونددی خدمت کرن دی ہمت کردے پئے او ، دل نال نئیں ۔ کیہ تہانوں پتہ ہیگا اے اوہ جیہڑے مینوں بے عزت تے ذلیل کردے نیں کیہ آکھدے نیں ؟ اوہ مینوں بولیاں ماردے ،مینوں مذاق  کردے ۔ پر میَں صرف اوہناں اُتے ہسدا واں ،ایس لئی پئی مینوں پتہ ہیگا اے پئی اوہناں نوں نئیں پتہ ، میرے اندر کیہ ہوندا پیا اے ۔
میَں خوشخبری دی منادی کر سکدا ہاں ایس لئی پئی خُداوندنے پہلاں ای میرے سارے پاپاں نوں دھودتااے ۔ جے خُداوندنے میرے سارے پاپاں نوں نئیں دھویا سی ،مینوں پہلوں ای سزا مل جانی سی تے میَں خُدا لئی مرجانا سی ۔ خُدا نے سانوں رُوح نال اک بناؤن دے راہیں کامل کیتا ۔ اوہنے سانوں اوہ لوک بنایا جیہڑے اوہدی وڈیائی کردے نیں ۔ اوہنے سانوں شکرگزار ذہناں نال جیوندے رہن لئی بنایا۔ اوہنے سانوں اپنیاں برکتاں وچ خوش رہن لئی بنایا ۔خُدا دی وڈیائی ہووے ! خُداوند دی وڈیائی ہووے جنہے سانوں اپنے پُتر بنایا ! سارا جلال اوسے دا ہووے تے صرف اوسے دا ہووے !
حالے بوہتا چِر نئیں ہویا اے ۔ اپنے بدن اُتے کوئی اعتبار نہ کرو۔پاپی جذبے ساڈے وچوں پہلاں تے نکے جیہے ویلے اُتے باہر آؤندے نیں ۔ بدن ہمیشہ اپنے آپ نوں خُدا دی مرضی دے اگے ودھاؤنا چاؤہندااے ۔ایس لئی پئی خُدا دی مرضی وچ رہنا  صرف ایمان دے راہیں ہوسکدااے ۔ ایہہ بدن دے راہیں ہو نئیں سکدا اپنے آپ نوں ایتھوں تیک پئی مکتی یافتہ ہون دے بعد دھوکہ نہ دیوو ۔ ساڈے لئی اپنی مکتی دے ہوندیاں ہویاں ، بدن دی حکمرانی ہیٹھاں ڈِگ پینا سوکھا ہیگا اے ، ایس لئی پئی سانوں چنگی طرحاں پتہ ہیگا اے پئی بدن ہمیشہ ادھورا تے ماڑا ہیگا اے ۔
اسیں رُوحانی لوک، ایماندار ہیگے آں ۔ اپنے بدن اُتے کوئی اعتبار نہ کرو ۔میرے پچھے دُہراوو:    ” میرا بدن گندگی والے ڈبے وانگر ہیگا اے ۔ “ میَں چاوہنداہاں پئی تسیں اینوں یاد رکھو ۔ اپنے آپ اُتے بھروسہ نہ کرو۔ سانوں لازمی طور اُتے اپنے دلاں نال ایمان رکھنا چاہی دا اے تے خُدا دے پچھے چلنا چاہی دا اے ۔ میَں خُداوند دا شکر اداکردا ہاں تے سانوں خُدا دی شریعت دے سارے عذاب توں بچاؤن لئی اوہدی وڈیائی کردا ہاں ۔ہیلیلویاہ !