Search
Tiếng Việt
Tiếng Việt
Do COVID-19 và việc gián đoạn dịch vụ thư quốc tế,
chúng tôi đã tạm thời đình chỉ "Dịch vụ sách in miễn phí" của chúng tôi.
Trong trường hợp này, chúng tôi không thể gửi sách cho bạn vào lúc này.
Xin cầu nguyện cho đại dịch này sớm kết thúc và dịch vụ bưu chính nối lại.

Câu hỏi thường gặp về Đức tin Cơ đốc

Chủ đề 3: Khải thị

3-3. مُکاشفہ باب ۱۲ وچ زنانی کون اے ؟

مُکاشفہ  باب ۱۲ وچ  زنانی  وڈے دکھ جرن وچکار خُدا دی کلِیسیا بارے دسدی اے ۔ ناگ کولوں ستائی جان والی  زنانی دے راہیں باب  ۱۲ ساڈے اُتے ظاہر  کردا اے پئی  خُدا دی کلِیسیا شیطان دے ہتھوں بھیڑے طریقے نال تنگ ہوئے گی جد اخیری  زمانہ آئے گا ۔ پر ، خُدا دی خاص راکھی دے سبب ، اوہدی کلِیسیا اپنے  ایمان نال شیطان دے مخالفِ مسیح اُتے فتح پائے گی ، تے اوہدیاں وڈیاں برکتاں دے  کپڑے پان
دا جلال پائے گی ۔
ایس لئی پئی  پاک لوک جیہڑے خُدا دی کلِیسیا وچ رہندے نیں ایتھوں تیکر پئی دکھ جرن دے زمانے وچ  ایمان دی خوراک کھان گے ، تے اوہ مخالفِ مسیح اُتے فتح پاؤن گے تے پانی تے رُوح دی خوشخبری اُتے اپنے ایمان نال اپنی شہادت نوں قبول کرن دے سبب جتن گے ۔ خُدا یس سچیائی نوں ساڈے اُتے باب  ۱۲ وچ   زنانی دی مثال دے راہیں واضح کردا اے ۔
مُکاشفہ ۱۲ : ۱۳۔۱۷ سانوں دسدااے ،  ” تے جد ناگ ڈِٹّھا پئی مَیں زمین اُتّے ڈیگیا گیا آں تے اوس زنانی نُوں ستایا جِس پُتر جمّیا سی۔تے اوس زنانی نُوں وڈّے عُقاب دے دو پَر دِتّے گئے۔ پئی سَپّ دے اگّوں اُڈ کے بیابان وِچ اپنے اوس تھاں اَپڑ جائے جِتّھے اِک زمانے تے زمانیاں تے ادھے زمانے تِیکر اوہدی پالنا ہوندی اے۔تے سَپّ نے اوس زنانی دے مگر اپنے مُنھ توں ندی وانگر پانی وگایا۔ پئی اوہنوں ایس ندی نال روہڑ دیوے۔پر زمین اوس زنانی دی مدد کِیتی تے اپنا مُنھ کھول کے اوس ندی دا گُھٹّ بھر گئی۔ جیہڑی ناگ اپنے مُونہو وگائی سی۔تے ناگ نُوں زنانی اُتّے غُصّہ آیا۔ تے اوہدی باقی اولاد نال جیہڑی خُدا دے حُکماں اُتّے عمل کر دی اے تے یِسُوع دی گواہی دین اُتّے قیم اے لڑن نِکلیا۔ “
شیطان ، جیہڑا بوہت واری  پاک کلام وچ  ناگ وانگر دسیا گیا اے ، اصل وچ  اک فرشتہ سی جیہڑا اسمان اُتے  خُدا دی تھاں اُتے قبضہ کرن دی تمنا دے سبب  کڈھ دتا گیا سی ۔ ایس لئی پئی ابلیس ، دوجے فرشتیاں دے نال نال جیہڑے اوہدے پچھے چلے ، نتیجے طور نال اسمانوں کڈھیا گیا سی، تے جان دے ہویاں پئی اوہ بوہت چھیتی اتھاہ کھڈے وچ قید ہو جائے گا ، فیر اوہ ایس زمین اُتے آیا تے خُدا دی کلیسیا تے اوہدے پاک لوکاں نوں ستایا ۔
بھاویں شیطان نے یسوع مسیح نوں اوہ کرن توں روکن دی کوشش  کیتی  جنہوں کرن لئی اوہ ایس زمین اُتے — یعنی ، لوکاں نوں پاپ توں بچان لئی آیا سی — پر مسیح نے اپنے بپتسمے نال  اپنے آپ اُتے لوکاں دے پاپاں  نوں چُک لیا ، سولی اُتے اپنا لہو وگایا ، فیر مویا ں وچوں جیوں اُٹھیا ، تے اِنج بناں شک لوکاں نوں ایہناں دے سارے پاپاں توں بچا چُکیا اے ۔ ایس لئی یسوع نے خُدا دی مرضی نوں پورا کیتا ۔  یسوع دے  کم وچ شیطان دے خلاف ورزی کرن دی کوشش دے باوجود یعنی پاپ توں  لوکاں نوں بچان لئی خُدا دی مرضی نوں  پورا کرن وچ ، مسیح نے ابلیس دی خلاف وزری اُتے فتح پائی تے باپ دی ساری مرضی  نوں پورا
کیتا۔
پر ، بوہت سارے لوکاں نوں دھوکہ دین تے اوہناں نوں اپنے نال دے  بناؤن دے راہیں ، شیطان اوہناں نوں یسوع مسیح تے پاک لوکاں دے خلاف  کھلار چُکیا اے ۔ ایہہ جان دے ہویاں پئی اوہدے دن تھوڑے نیں ، اوہ ایس زمین دے لوکاں  نوں خُدا دے خلاف  کھلون لئی اُکساندا اے تے اوہدے پاک لوکاں نوں ستاندا اے ۔ یقین پکا کرن دے سبب پئی دنیا پاپ ہیٹھاں اے ، شیطان ہر کسے نوں  پاپ دے پچھے  لاچُکیا اے  تےاوہناں دے دل اپنیاں بدیاں نال ، خُدا دے خلاف کھلون لئی  سخت کر چُکیا اے ۔
شیطان خُدا دے لاڈلے پاک لوکاں اُتے نا مکن والے پاپ نا ل حملہ کردا اے ، ایس لئی پئی اوہ  چنگی طرح جان دا اے پئی اوہدا ویلا مکدا پیا اے  ۔ اوہ ایس دنیا دے ہر اک بندے نوں پاپ  دے پچھے لا چُکیااے تے اوہناں دے دلاں نوں اپنے پاپاں نال   خُدا دےخلاف تے اوہدے پاک لوکاں دے خلاف  کھلون لئی سخت کر چُکیا اے ۔ ایسے طرح ، جد اخیری ویلا آئے گا ، پاک لوکاں نوں  لازمی اپنے ایمان دی راکھی کرنی چاہی دی اے تے لڑنا چاہی دا ا ے تے شیطان اُتے فتح پاؤنی چاہی دی اے ۔
پر خُدا اپنے پاک لوکاں لئی  اک خاص  برکت ذخیرہ رکھدا اے ، ایس لئی پئی اوہ پاک لوکاں نال محبت کردا اے جیہڑے اوہدی کلیسیا وچ رہندے نیں ۔ ایہہ برکت ایہہ ہیگی اے پئی اوہ پاک لوکاں نوں دکھ جرن دے پہلے ساڈھے تِن  ورہیاں دے وچکار ، یعنی ایس دنیا وچ مُخالفِ مسیح دے ظاہر ہون ، لوکاں نوں دھوکہ دین تے اوہناں نوں اپنے خادم بنان ، خُدا تے اوہدے پاک لوکاں دے خلاف  کھلون تے ستان توں پہلوں خُدا دی کلیسیا وچ  ایمان دی خوراک نال رجائے گا ۔ کیوں ؟ ایس لئی پئی جد بے وس پاپ دا زمانہ آئے گا تے مُخالفِ مسیح اپنا آپ ظاہر کرے گا ،پاک لوکاں لازمی شہید ہون گے ۔ اِنج کرن لئی ،  خُدا اپنے پاک لوکاں نوں اپنی کلیسیا دے راہیں رجائے گا تے اوہناں نوں  ساڈھے تِن ورہے تیکر  اپنے ایمان نال  شہید ہون دے لائق بنائے گا —  یعنی ” جِتّھے اِک زمانے تے زمانیاں تے ادھے زمانے تِیکر اوہدی پالنا ہوندی اے “ (مُکاشفہ ۱۲: ۱۴)۔