مضمون 9: رومیوں (رومیوں دی کتاب اُتے تفسیر)
[8-12 باب] کیہڑا ساڈے خلاف کھلون دی ہمت کرے گا ؟ <رومیوں ۸: ۳۱۔۳۴>
>رومیوں ۸: ۳۱۔۳۴<
”ایس لئی اسیں ایہناں گلاں بارے کیہ آکھئےجے خُدا ساڈے ول اے تاں کیہڑا ساڈا ویری اے ؟ جنہے اپنے پُتر ولوں ای ڈِھل نہ کیتی سگوں ساڈے ساریاں لئی اوہنوں پھڑوادتا اوہ اوہدے نال ہور شیواں وی سانوں کویں نہ دیوے گا؟ خُدا دے بندیاں اُتے کیہڑا مقدمہ کرے گا؟ خُدا اوہ ہیگا اے جیہڑا ایہناں نوں راستباز بناؤندا اے ۔ کیہڑا اے جیہڑا جرم وار بناوے گا ؟ مسیح یسوع اوہ ہیگا اے جیہڑامرگیا سگوں مویاں وچوں جیوں وی اُٹھیا تے خُدا دے سجے پاسے ہیگا اے تے ساڈی حمایت وی کردااے ۔ “
رومیوں ۸ : ۳۱ ۔ ۳۴ وچ ، پولُس ایمانداراں لئی مسیح دی وکھ نہ ہون والی محبت دا پانی تے رُوح دی خوشخبری وچ خلاصہ کرن دے راہیں تے اوہدے اخیری نتیجے اُتے اپڑدے ہویاں گواہی دیندااے ۔ ایہہ حوالہ ایمان دی اخیر تیک پوہنچ کے مکتی دی وڈی خوشخبری داذکرکردا اے ۔
پولُس نے رومیوں ۸: ۳۱ وچ آکھیا ، ”ایس لئی اسیں ایہناں گلاں بارے کیہ آکھئے؟جے خُدا ساڈے ول اے تاں کیہڑا ساڈا ویری اے ؟“ پولُس وانگر ، اسیں تجربہ کر چُکے آں پئی پانی تے رُوح دی خوشخبری جویں ویلا لنگھدا جاندااے چمکدی اے تے ایتھوں تیک پئی بوھتی وڈی مکتی دی خوشخبری بن جاندی اے جنیاں بوہتیاں ساڈیاں کمیاں ظاہر ہوندیاں جاندیاں نیں ۔ جنی بوہتی اسیں پانی تے رُوح دی خوشخبری دی سیوا کردے آں ، اوہنے بوہتے کامل ایمان تے خوشی نال اسیں بھردے جاندے آں ۔
پولُس نے خوشخبری نوں جیہدے اُتے اوہنے ایمان رکھیا ،ایس طرحاں ، ” میری اوس خوشخبری دے مطابق “(۲ ۔ تیمتھیس۲ ۔ ۸)آکھیا ۔ خوشخبری جیہدی پولُس نے گواہی دتی یسوع دے بپتسمے تے لہو اُتے ایمان توں ہٹ کے کوئی دوجی نئیں سی ۔
”میری خوشخبری “ جیہدی پولُس نے منادی کیتی سولی دی خوشخبری بارے نئیں دسدی جیہدے اُتے دینی لوک ایمان رکھدے نیں ، سگوں پانی تے رُوح دی خوشخبری جیہڑی برکت دا ذکر کردی اے پئی یسوع نے سارے لوکاں دے سارے پاپ اکو ای وار تے ہمیش لئی چُک لَے ۔
ایس خوشخبری نے پولُس نوں اک وڈا دلیر بندہ بنا دتا ۔ ایس لئی پئی اوہنے پاپاں توں معافی پائی ، خُدا دی راستبازی نے اوہدا دل بھردتا تے ایسے طرحاں اوہدا دل پاک رُوح نال وی بھریا ہویا سی ۔ اوہنے اپنے آپ نوں پانی تے رُوح دی خوشخبری دی گواہی دین لئی اپنی ساری حیاتی لئی ناویں لا دتا ۔ پانی تے رُوح دی خوش خبری اکو ای وار لوکاں دے پاپاں نوں چُکن دی طاقت تے اختیار رکھدی اے ۔
فیر ،کیہڑا ، پانی تے رُوح دی خوشخبری دے خلاف ہون دی ہمت کر سکدااے جیہدے اُتے پولُس نے ایمان رکھیا ؟ کوئی وی نئیں ! رومیوں ۸ : ۳۱ سانوں دسدااے ، ”ایس لئی اسیں ایہناں گلاں بارے کیہ آکھئے؟جے خُدا ساڈے ول اے تاں کیہڑا ساڈا ویری اے ؟“ ایس جگ وچ کیہڑا اوہنے دا ویری ہو سکدا اے جیہڑے پانی تے رُوح دی خوشخبری اُتے ایمان رکھدے نیں ؟ جدوں خُدا نے سارے لوکاں نوں پانی تے رُوح دی خوشخبری دے راہیں جگ دےپاپاں توں بچایا ، کیہڑا اوہدی قُدرت توں بے فائدہ رہ سکدااے ؟ نہ اوہ جیہڑے صرف اُتوں اُتوں یسوع اُتے ایمان رکھدے نیں نہ ای صرف شیطان اپنے آپ اوہناں دے خلاف لڑ سکدا اے یاں اوہناں توں جِت سکدا اے جیہڑے پانی تے رُوح دی خوشخبری اُتے ایمان رکھدے نیں ۔
اوہنے سانوں ساریاں نوں اکو ای وار راستباز بنایا
رومیوں ۸ : ۲۹ ۔ ۳۰دسدااے ، ”ایس لئی پئی جنہاں نوں اوہنے پہلوں توں جانیا اوہناں نوں پہلوں توں مقرر وی کیتا پئی اوہدے پُتر دی شکل وانگر ہون تاں پئی اوہ بوھتیاں بھراواں وچوں پلیٹھی دا ٹھہرے ۔ تے جنہاں نوں اوہنے پہلوں توں مقرر کیتا اوہناں نوں سدیا وی تے جنہاں نوں سدیا اوہناں نوں راستباز وی بنایا تے جنہاں نوں راستباز بنایا اوہناں نوں جلال وی دتا ۔ “
ایہہ حوالہ سانوں دسدا اے پئی خُدا باپ نے مسیح وچ سارے پاپیاں نوں بچاؤن دا ارادہ کیتا تے اوہناں نوں پانی تے رُوح دی خوشخبری دے راہیں اوہناں دے پاپ اکو ای وار دھو کے اوہناں نوں اپنے پُتر بناؤن لئی سدیا ۔ جدوں ساڈے خُداوند نے سارے پاپیاں نوں اوہناں دے پاپاں توں پانی تے رُوح دی خوش خبری دے راہیں چھڈایا ، کیہڑا خلاف ہو سکدا اے پئی اوہنے کیہ کیتا اے ؟
کیہڑا سوکھے طریقے نال خلاف ہوسکدا اے تے اوہناں توں جِت سکدا اے جیہڑے پانی تے رُوح دی خوش خبری اُتے ایمان رکھن دے راہیں راستباز ٹھہرائے گئے نیں ؟ ایہہ عقل دا گھاٹا اے ۔ تہانوں لازمی طور اُتے جاننا چاہی دا اے پئی کوئی وی جیہڑا اوہناں دے خلاف اے جیہڑے پانی تے رُوح دی خوشخبری اُتے ایمان رکھن دے راہیں راستباز بنائے گئے نیں ۔ اپنے آپ خُدا توں ہٹ کے کسے دوجے دے خلاف نئیں ہیگے۔ تہانوں لازمی طور اُتےہر حال وچ اپنے سارے پاپاں توں مکتی یافتہ ہون لئی پانی تے رُوح دی خوشخبری اُتے ایمان رکھنا چاہی دا اے ۔ جے تُسیں ذہن تے دل توں سچیائی دے خوشخبری دے خلاف جے ، فیر تُسیں اپنے پاپاں توں مکتی یافتہ نئیں ہو سکدے تے تُسیں دوزخ وچ لعنتی بنائے جاووگے ۔
کوئی اوہناں دے خلاف نئیں ہو سکدا جیہڑے خُدا دی راستبازی رکھدے نیں
”ایس لئی اسیں ایہناں گلاں بارے کیہ آکھئے؟جے خُدا ساڈے ول اے تاں کیہڑا ساڈا ویری اے ؟“ (رومیوں ۸ : ۳۱ )۔ مطلب اے خُدا ساڈے ول اے ، سچ وکھاؤندااے پئی اوہنے پانی تے رُوح دی خوش خبری دے راہیں ساڈے سارے پاپ چُکے نیں تے سانوں بچاسکدااے ۔ فیر، کیہڑا ،اوہناں دے خلاف ہوسکدااے جیہڑے پانی تے رُوح دی خوشخبری اُتے ایمان رکھن دے راہیں اپنے پاپاں توں چھُٹ گئے نیں ،تے کیہڑا بوہت سوکھا آکھ سکدا اے پئی ایہو جیہا ایمان غلط ہیگا اے ؟ ایہہ فضول وچ بےفائدہ اوکھا کم ہووے گا ۔ خُدا نے اوہناں دا ایمان من لیا اے جیہڑے پانی تے رُوح دی خوشخبری اُتے ایمان رکھدے نیں ۔
کویں کوئی اوہدا مقابلہ کرسکدااے ؟ یسوع نے اپنے بپتسمے تے سولی اُتے لہو دے راہیں جگ دے
سارے پاپاں نوں چُک لیا ۔ کیہڑا آکھ سکدا اے پئی اوہ جیہڑے اوہدے اُتے ایمان رکھدے نیں غلط نیں ؟ کوئی وی نئیں !
رومیوں ۶ : ۳ وچ پولُس نے آکھیا، ” کیہ تہانوں نئیں پتہ پئی اسیں جنیاں نیں مسیح یسوع وچ اکٹھیاں ہون دا بپتسمہ لیا تاں اوہدی موت وچ اکٹھیاں ہون دا بپتسمہ لیا ؟ “ پولُس دا مطلب سی پئی اوہنے یسوع دے بپتسمے تے اوہدے صلیبی لہو اُتے ایمان رکھیا ، جیہدے راہیں اوہدے سارے پاپ یسوع اُتے لدے گئے تے مُک گئے ،تے جیہدے راہیں پولُس مرگیا تے یسوع نال جیوں وی اُٹھیا ۔
گلتیوں ۳ : ۲۷وی سانوں دسدااے ، ”تے تُسیں سارے جنیاں نیں مسیح وچ اکٹھیاں ہون دا بپتسمہ لیا مسیح نوں تن اُتے پالیا۔ “ ایہہ حوالہ سانوں دسدااے پئی یسوع نے اپنے بپتسمے نال جگ دے سارے پاپاں نوں چُک لیا ، اوہناں پاپاں لئی سولی اُتے مر گیا ،تے جیوں اُٹھیا ، ساراسانوں برکت دین لئی مطلب اے اوہ جیہڑے ایس سچیائی اُتے ایمان رکھدے نیں ، خُدا دے پُتر بن جان گے ۔ پولُس دا ایمان ایس عقیدے اُتے نیہ رکھدا سی پئی اوہنے یسوع وچ بپتسمہ لیا ، اوہدے نال سولی اُتے مرگیا تے اوہدے نال جیوں اُٹھیاں ۔ ایس لئی ، اک وار تُسیں یسوع دے بپتسمے اُتے ایمان رکھدے او ، تہاڈے سارے پاپ مُک جاندے نیں تے تُسیں یسوع نال جیوں اُٹھن دے راہیں خُدا دے پُتر بن جاندے او۔
”تے تُسیں سارے جنیاں نیں مسیح وچ اکٹھیاں ہون دا بپتسمہ لیا مسیح نوں تن اُتے پالیا۔ “ دوجے اکھراں وچ ، اوہ جیہڑے ایمان رکھدے نیں پئی یسوع ایس جگ وچ آیا ، یوحنا بپتسمہ دین والے کولوں جگ دے سارے پاپ چُکن لئی بپتسمہ لیا ، یسوع وچ بپتسمہ لیندے نیں ۔تے ہور وی ، اوہ ایہہ وی ایمان رکھدے نیں پئی اوہ یسوع نال سولی اُتے مر گئے تے اپنے ایمان دے راہیں اوہدے نال جیوں وی پئے ۔
کوئی وی جیہڑا یسوع دے بپتسمے تے اوہدے لہو اُتے ایمان رکھدا اے ایس لئی اپنے پاپاں توں مکتی یافتہ ہووے گا ۔ بالکل جویں لازمی طور اُتے یسوع خُدا دا پُتر اے ، اوہ جیہڑے بپتسمے تے مسیح دے لہو اُتے ایمان رکھن دے راہیں اپنے پاپاں توں چھڈائے جاندے نیں ، خُدا دے پُتر جان گے ۔ ”تے تُسیں سارے جنیاں نیں مسیح وچ اکٹھیاں ہون دا بپتسمہ لیا مسیح نوں تن اُتے پالیا۔ “ جدوں اسیں پانی تے رُوح دی خوش خبری اُتے ایمان رکھدے آں ، اسیں خُدا دے پُتر بنن لئی مسیح دی راستبازی تن
اُتے پا لیندے آں ۔
پولُس یسوع دے بپتسمے دے بارے وچ بولیا ایس لئی پئی اوہنے پانی تے رُوح دی خوشخبری اُتے ایمان رکھن دے راہیں وڈی برکت پائی ۔ پر بوہتیاں نےحالے تیک خُدا کولوں ایہو جیہی برکت پاؤنی اے جیہڑی پانی تے رُوح دی خوشخبری نال ملدی اے ۔ بوہتے لوک سوچدے نیں پئی خوشخبری جیہدی پولُس نے منادی کیتی صلیبی لہو دی خوشخبری سی ، پر سچیائی ایہہ ہیگی اے پئی اوہنے ایمان رکھیاتےپانی تے رُوح دی خوشخبری ودھائی ، جیہڑی یسوع دے بپتسمے تے اوہدے صلیبی لہو نوں اکٹھیاں کردی اے ۔
فیر ، کیوں ، اج یسوع پچھے چلن والے پانی تے رُوح دی خوشخبری نوں نئیں جان دے ؟ ایس لئی اےپئی پانی تے رُوح دی خوشخبری جیہدی مُڈھلی کلیسیا دے دناں وچ منادی کیتی گئی سی، ویلا لنگن نال بدل گئی۔مُڈھلی کلیسیا دے دناں وچ،سارے ایمانداراں نیں پانی تے رُوح دی خوشخبری اُتے ایمان رکھیا تے ایہدی منادی کیتی ۔
پر ، ویلے دے نال ، خوشخبری بدل گئی تے خوشخبری دی صرف مسیح دے لہو دے طور اُتے منادی کیتی گئی جد پئی اوہدا بپتسمہ چھیتی نال اک پاسے کر دتا گیا ۔ ایہہ وضاحت کردا اے پئی کیوں ، بھاویں بوہت سارے لوک صرف صلیبی لہو اُتے ایمان رکھدے نیں، جیہڑا مُڈھلی کلیسیا دے دناں دی سچی خوشخبری توں مُکردااے ۔
ایہہ لوک حالے تیک اپنے اندر پاپ رکھدے نیں ۔ اوہ پانی تے رُوح دی خوشخبری نوں نئیں جان دے ، جیہدے وچ خُدا دی راستبازی وکھائی گئی اے ، تے ایسے طرحاں ، اوہ حالے تیک پاپی نیں ، تے اوہ حالے تیک خُدا دی ایس راستبازی دے خلاف کھلوندے نیں ، بھاویں اوہ آکھدے نیں پئی اوہ یسوع اُتے ایمان رکھدے نیں ۔
اک رُوحانی طریقے نال انھا بندہ کیہ ویکھ سکدااے ؟ انھا خورے ہاتھی نوں ہتھ لاؤن دے راہیں اوہنوں سمجھن دی کوشش کرے ۔ اک انھا بندہ ہاتھی دی لت نوں ہتھ لاسکدااے تے آکھدا اے پئی ایہہ اک ستون اے ، تے فیر دوجا انھا بندی اوہدے نک نوں ہتھ لاؤندااے تے آکھدا اے پئی ایہہ کوئی لمی شے ہیگی اے ، ایس لئی پئی اوہنے پہلوں ہاتھی نئیں ویکھیا اے ۔ ایسے طرحاں ، اک رُوحانی طریقے نال انھا بندہ پانی تے رُوح دی خوشخبری دی وڈیائی بارے وچ گل نئیں کرسکدا۔
ایس لئی ، اوہ جیہڑے پانی تے رُوح دی برکت نوں نئیں جان دے ایہدی منادی نئیں کرسکدے
۔ اوہ جو ویکھ چُکے نیں سوکھے طریقے نال سمجھ سکدے نیں پئی کوئی بندہ کیہڑے اکھراں نال وضاحت کرن دی کوشش کردا اے ، پر اک انھا کدی اصل وچ ایہنوں نئیں سمجھے گا ۔
لوک پاپی جم دے نیں ۔ ایس لئی پئی اسیں بالکل اپنے جمن ویلے توں رُوحانی طریقے نال پاپی ساں ، اسیں پانی تے رُوح دی خوشخبری دی سچیائی نوں نئیں جان دے ۔ اوہ جیہڑے صرف صلیبی لہو اُتے ایمان رکھدے نیں اپنی آپ وچ مسیحیت دی اک نویں قِسم تیار کر چُکے نیں ۔ کویں اوہناں دے پاپ دُھل سکدے نیں جد پئی اوہ دعویٰ کردے نیں پئی اوہ یسوع اُتے ایمان رکھدے نیں تے حالے تیک صرف صلیبی لہو اُتے ایمان رکھدے نیں؟ اوہناں دے صرف بوھتے بوھتے پاپ اکٹھے ہوجان گے جویں جویں ویلا لنگھدا اے ۔
اوہ جیہڑے مکتی دے طور اُتے صرف یسوع دے لہو اُتے ایمان رکھدے نیں، اوہ نیں جیہڑے حالے تیک رُوحانی طریقے نال نئیں جاگدے ۔ پر یسوع یوحنا ۳ : ۵ وچ صاف طریقے نال سانوں دسدا اے ، ”جدوں تیک کوئی بندہ پانی تے رُوح نال نہ جمے اوہ خُدا دی بادشاہی وچ جا نئیں سکدا ۔ “ایس لئی سانوں لازمی طور اُتے خُدا دے پُتر بنن تے اوہدی بادشاہی وچ جان دے جلال نال برکت یافتہ ہون دے سلسلے وچ پانی تے رُوح دی خوشخبری اُتے ایمان رکھنا چاہی دا اے ۔
ایس لئی پئی پولُس نے پانی تے رُوح دی خوشخبری اُتے ایمان رکھیا ، اوہنے ایمان دے راہیں آکھیا ، ”جے خُدا ساڈے ول اے تاں کیہڑا ساڈا ویری اے ؟ “(رومیوں ۸: ۳۱)۔ کیہ اوہ جیہڑے پانی تے رُوح دی خوشخبری نوں نئیں جان دے ، خُدا دے پُتراں دے خلاف ہوسکدے نیں؟ اوہ خُدا دے پُتراں دے خلاف ہوسکدے نیں، پر اوہ کدی اوہناں توں جِت نئیں سکدے ۔ اوہ جیہڑے صرف صلیبی لہو اُتے ایمان رکھدے نیں ، اوہناں توں جِت نئیں سکدے جیہڑے دونویں پانی تے رُوح دی خوشخبری اُتے ایمان رکھدے نیں ۔
اوہ جیہڑے خُدا دی راستبازی دے خلاف نیں صرف اوہدے ویری بن سکدے نیں تے اِنج کدی اوہدے کولوں برکتاں نئیں لَے سکدے ۔ کوئی بندہ پانی تے رُوح دی خوشخبری اُتے ایمان رکھن توں اَڈ مکتی نئیں پا سکدا یاں ایمان نئیں رکھ سکدا جیہڑا اوہنوں اسمان اُتے لَے جاندااے ، مطلب اے اوہ خوشخبری جیہدے وچ خُدا دی راستبازی وکھائی گئی اے ۔ اوہ جیہڑے پانی تے رُوح دی خوشخبری اُتے ایمان رکھدے تے ایس طرحاں جھوٹی خوشخبری اُتے غالب آسکدے نیں تے سچیائی ول پر ت سکدے
نیں ۔ خُدا دے پُتر جگ اُتے تے اپنے آپ شیطان اُتے غالب آسکدے نیں ۔
کئی کھرے طریقے نال یسوع دے بپتسمے تے اوہدے لہو نوں نئیں سمجھدے ، تے اوہناں دی غلط سُدھ بُدھ اوہناں نوں جھوٹے ایمان ول لَے جاندی اے ۔ جے تُسیں صلیبی لہو اُتے ایمان رکھدے او ،پر یسوع دے بپتسمے دی خوشخبری اُتے ایمان رکھن دے راہیں پاپاں توں معافی پاؤن دے بارے وچ بوھتا نئیں سوچدے، فیر تہاڈا ایمان غلط ہیگا اے ۔
اوہ جیہڑے خُدا دے اگے پانی تے رُوح دی خوشخبری اُتے ایمان رکھدے نیں اوہ نیں جیہڑے اوہدی راستبازی پاؤن گے تے کھراایمان پاؤن گے ۔ خُدا سانوں دسدااے پئی اوہ جیہڑے صرف اوہدے پُتر دے صلیبی لہو اُتے ایمان رکھدے نیں غلط نیں ۔ اوہ جیہڑے اوہدی راستبازی اُتے ایمان نئیں رکھدے ، اوہ پانی تے رُوح دی خوشخبری اُتے ایمان نئیں رکھدے یاں پچھان دے، پر اوہ جیہڑے اوہدی راستبازی اُتے ایمان رکھدے نیں ایہہ وی ایمان رکھدے نیں پئی دونویں سولی اُتے مسیح دے لہو تے اوہدے بپتسمے نے اوہناں دے پاپ چُک لَے ۔
سانوں لازمی طور اُتے اپنی اڑی نوں چھڈنا چاہی دا اے ۔ اوہ جیہڑے پانی تے رُوح دی خوشخبری نوں غلط ثابت کردے نیں ضد کردے نیں پئی اوہناں دے غلط عقیدے سچے نیں ۔ اوہ جیہڑے صرف لہو اُتے ایمان رکھدے نیں اوہدی راستبازی اُتے ادھا ایمان رکھدے نیں ۔ صرف اوہو جیہڑے پانی تے رُوح دی خوشخبری اُتے ایمان رکھدے نیں مکمل ایمان رکھدے نیں ، تے صرف اوہو ای اکلے خُدا دی راستبازی اُتے ایمان رکھدے نیں تے اوہدی راستبازی پاؤندے نیں (متی ۳ : ۱۵ ، ۱۱ : ۱۱)۔
اوہناں دے راہیں لکھیاں گئیاں کتاباں جیہڑے صرف لہو اُتے ایمان رکھدے نیں کاغذاں نوں ردی کردیاں پئیاں نیں ۔ خُدائی تعلیم دے ماہر دے راہیں اک واری دسے گئے خُدائی خیال ہُن مسیحیاں دے راہیں اکھیوں اک پاسے ہوندے نیں ، پر پانی تے رُوح دی خوشخبری بوہتی دھیان لیندی پئی اے ۔ ایہہ سچیائی رسولی دناں توں وجود رکھدی اے تے کدی نئیں بدلے گی ۔خُدا دا کلام سدا وجود رکھدااے ، پر اوہ جیہڑے صرف لہو اُتے ایمان رکھدے نیں لوکاں دے دلاں اُتوں اُتردے پئے نیں ۔ سبب کیہ اے ؟ ایس لئی پئی ، لہو جیہڑا خُدا دی ادھی راستبازی رکھدا اے اپنے آپ پاپیاں اُتے اثر نئیں کردا ۔
کھلے دل نال بولدیاں ہویاں ، اج بوہتے لوک ، بھاویں اوہ مسیحی نیں یاں غیر مسیحی بوہت سارے پاپ کردے نیں ۔ کویں ایہہ سارے پاپ صرف لہو اُتے ایمان رکھن دے راہیں معاف ہو سکدے نیں ؟ خُدائی خیال جیہڑے صرف صلیبی لہو بارے گل کردے نیں لوکاں نوں معافی دیاں دعاواں منگنا سکھاؤندے نیں جدوں کدی ا وہ پاپ کردے نیں ،پر کنے چِر تیک اوہ اپنے پاپاں توں معافی پاؤن لئی دعاواں منگ سکدے نیں ؟ سب فضول اے اوہ جو کُجھ کردے نیں ، اوہ پاپاں توں معافی نئیں پا سکدے ۔
کیہ یسوع ایس جگ وچ آیا تے بپتسمہ لین توں اڈ سوکھے طریقے نا ل موت تیک لہو وگایا ؟ تُہانوں پتہ اے پئی ایہہ سچ نئیں ہیگا اے ۔ یسوع ایس جگ وچ آیا تے بپتسمہ لین دے راہیں سارے پاپاں نوں چُک لیا (متی۳ : ۱۵)۔ اوہنے سولی اُتے لہو وگاؤن توں پہلوں ، اپنے آپ نوں سولی اُتے مرن دی اجازت دیندے ہویاں یوحنا کولوں بپتسمہ لیا ۔ ایس طریقے نال یسوع نے ساری راستبازی پوری کیتی ۔ تہانوں ہر دیہاڑے اپنے پاپ توں معافی پاؤن لئی اوہدے فضل دے واسطے رولا پاؤن دی لوڑ نئیں جے تُسیں بپتسمے اُتے ایمان رکھدے اوجیہڑا یسوع نے یوحنا کولوں لیا ۔ ایہدی تھاں اُتے ، خُدا دی راستبازی اُتے ایمان رکھو تے کامل مکتی پاوو۔
یسوع نے اپنے موھڈے اُتے جگ دے سارے پاپاں نوں چُکن لئی بپتسمہ لیا تے اکو ای وار تے سدا لئی جگ دے پاپاں لئی دکھ جر کے سولی اُتے مر گیا ۔ مکتی صرف یسوع دے بپتسمے تے اوہدے لہو اُتے ایمان رکھن دے راہیں مل سکدی اے ۔
کیہ یسوع نے سانوں مکتی دتی جیہڑی ساڈے پاپاں توں جیہڑے اسیں کردے آں بوہتی وڈی اے ؟
یسوع دے راہیں دتی گئی مکتی سارے پاپاں توں بوہتی وڈی اے جیہڑے اسیں کیتے نیں تے کراں گے ۔ جے یسوع دا بپتسمہ تے لہو سارےلوکاں دے پاپاں توں بوہتے نئیں سَن ، فیر اسیں نہ مکتی داتا وانگر یسوع اُتے ایمان رکھ سکدے ساں نہ ای مکتی پاسکدے آں ۔ پر، خُداوند دی وڈیائی اینی وڈی اے پئی اوہنے اپنے بپتسمے دے راہیں سارے اکو ای وار جگ دے پاپاں نوں چُک لیا ۔
ایسے طرحاں ، اسمان دا بوہا سارا کھُلیا ہویا اے ، پر کوئی وی ایس بوہے وچوں پانی تے رُوح دی خوشخبری اُتے ایمان رکھن توں ا ڈ جا نئیں سکدا ۔ تُسیں اوہناں دے خلاف ہو سکدے او جیہڑے پانی تے رُوح دی خوش خبری اُتے ایمان رکھدے نیں، پر تُسیں خُدا دی برباد کرن والی سزا توں نئیں لُک سکدے ۔ ایس لئی ، ایہہ نہ سوچو پئی تُسیں یسوع دے بپتسمے تے لہو اُتے ایمان نال جِت سکدے او ، جیہدےراہیں خُدا دی راستبازی پوری کیتی گئی سی۔
اوہناں وچوں بوہت سارے جیہڑے پانی تے رُوح دی خوشخبری دے خلاف سَن پولُس رسول دے وی خلاف سَن ۔ پر کوئی نئیں آکھ سکدا پئی پانی تے رُوح دی خوشخبری جیہدے اُتے پولُس ایمان رکھدا سی غلط سی ۔ اوہ صرف من دے سَن پئی یسوع خُدا دا پُتر تے اوہناں دا مکتی داتا سی ۔
رومیوں ۸ : ۳۲ سانوں دسدا اے ، ” جنہے اپنے پُتر ولوں ای ڈِھل نہ کیتی سگوں ساڈے ساریاں لئی اوہنوں پھڑوادتا اوہ اوہدے نال ہور شیواں وی سانوں کویں نہ دیوے گا؟ “ خُدا باپ نے اپنے اکلے پلیٹھی دے پُتر نوں جگ وچ گھلیا تے اوہنوں اوہدے بپتسمے راہیں سارے پاپ چُکن ، سولی اُتے مرن ، تے فیر مویاں وچوں سانوں ساڈے پاپاں توں چھڈاؤن لئی جیوں اُٹھن دے لائق بنایا ۔
سانوں جگ دے پاپاں توں بچاؤن تے اپنے پُتر بناؤن دے سلسلے وچ ،جویں یسوع سی ، خُدا باپ نے اپنا اکلا پلیٹھی دا پُتر دے دتا ۔ ایس لئی پئی خُدا نے اوہناں ساریاں نوں جیہڑے پانی تے رُوح دی خوشخبری اُتے ایمان رکھدے نیں، اپنے پُتر تے برکت بھرے تے راستباز بناؤن لئی ، اوہنے اپنا اکلا پلیٹھی دا پُتر بپتسمہ لین لئی گھلیا ۔ خُدا نے سارے لوکاں نوں اپنیاں اسمانی برکتاں نال بھرن لئی پانی تے رُوح دی خوشخبری دا ارادہ بنایا سی ۔ اوہناں برکتاں وچوں اک پانی تے رُوح دی خوشخبری اُتے ایمان رکھن دے راہیں اوہناں نوں اپنے پُتر بناؤنا اے ۔
” جنہے اپنے پُتر ولوں ای ڈِھل نہ کیتی سگوں ساڈے ساریاں لئی اوہنوں پھڑوادتا اوہ اوہدے نال ہور شیواں وی سانوں کویں نہ دیوے گا؟ “ (رومیوں ۸ : ۳۲)۔ ”ساریاں شیواں“ایتھے خُدا دیاں نعمتاں بارے دسدیاں نیں ۔ کیہ نعمتاں ؟ خُدا نے اوہناں نوں دتیاں جنہاں نے یسوع نوں قبول کیتا تے اوہدے پُتر بنن لئی ہُنے اوہدے نام اُتے ایمان رکھیا — ایس سبب توں اوہ جیہڑے پانی تے رُوح دی خوشخبری اُتے ایمان رکھدے نیں خُدا دے پُتر بنائے جاندے نیں ۔ اوہ جیہڑے پانی تے رُوح دی خوشخبری اُتے ایمان رکھدے نیں پاپ توں اَڈ نیں ۔ اوہ راستباز نیں تے سچ مُچ خُدا دے پاک پُتر نیں ۔
اوہ جیہڑے ایناں ساریاں گلاں اُتے ایمان رکھن دے راہیں خُدا دے پُتر بن جاندے نیں ہزارورہیاں دی بادشاہی تے اسمانی بادشاہی دا انعام پاؤن گے ۔ راستباز اسمان دا سارا جلال مالکی وچ لین لئی برکت بھرے نیں ۔
”مفت سانوں ساریاں شیواں دتیاں جاندیاں نیں“ کئیاں دے راہیں پاک رُوح دے ملن دے طریقے نال دسیا گیا اے ۔ اوہ سوچدے نیں ، ” کیہ ایہدا مطلب اے پئی اک واری اسیں یسوع اُتے ایمان رکھدے آں، پاک رُوح سانوں وکھ وکھ دتاجاندااے ؟“ ایہہ سچ نئیں اے ایس لئی پئی جدوں تُسیں پانی تے رُوح دی خوشخبری اُتے ایمان رکھدے او ، تُسیں اپنے پاپاں دی معافی تے پاک رُوح سب کُجھ اوسے اکو ویلے پاؤندے او ۔ پاک رُوح پاپی دل وچ نئیں رہ سکدا ۔ پاک رُوح ساڈے کول اوسے ویلے آؤندااے جدوں ساڈے سارے پاپ معاف ہو جاندے نیں ۔
ایہہ گل ایمانداراں لئی پاک رُوح پاؤن تو ں کنی بوہتی اے ۔ خُدا دیاں نعمتاں مُکدیاں نیں جدوں تیک ساری اسمانی برکتاں سانوں نئیں دتیاں جاندیاں ۔ ایس جگ وچ ، لوک سوچن ول دھیان دیندے نیں پئی ایہو جیہے گُن جویں شفا ،اوپریاں بولیاں وچ بولنا تے نبوت کرنا نعمتاں نیں ،پر ایس حوالے وچ وکھائیاں گئیاں نعمتاں ساریاں اسمانی شیواں بارے دسدیاں نیں جیہڑیاں ساڈے باپ کول نیں ۔ نعمتاں دے راہیں ، پولُس ساریاں شیواں دے بارے گل کردااے جیہڑیاں خُدا اپنے پُتر اں اُتے برساؤندااے جیہڑے خُدا دی راستبازی رکھدے نیں ۔
خُدا نے آکھیا پئی اوہ ساریاں شیواں اوہناں نوں انعام وانگر دیوےگا جیہڑے پانی تے رُوح دی خوشخبری اُتے ایمان رکھدے نیں ۔ خُدا نے نویں سریوں جمن دی نعمت اوہناں نوں دتی جیہڑے پانی تے رُوح دی خوشخبری اُتے ایمان رکھدے نیں ۔ خُدا ساریاں اسمانی شیواں اوہناں نوں انعام وانگر دیندااے جیہڑے پانی تے رُوح دی خوشخبری اُتے ایمان رکھدے نیں ۔ مسیحی جد پئی ایس جگ وچ رہندے ہویاں ایناں بوہتا دُکھ جردے نیں پر جدوں خُدا دی بادشاہی آوے گی ،اوہناں نوں خُدا دا جلال ملے گا ۔
بالکل ایہہ نہ آکھو پئی تُسیں بے سبب چُنے گئے او
رومیوں ۸ : ۳۳ ۔ ۳۴ دسدااے ، ” خُدا دے بندیاں اُتے کیہڑا مقدمہ کرے گا؟ خُدا اوہ ہیگا اے جیہڑا ایہناں نوں راستباز بناؤندا اے ۔ کیہڑا اے جیہڑا جرم وار بناوے گا ؟ مسیح یسوع اوہ ہیگا اے جیہڑامرگیا سگوں مویاں وچوں جیوں وی اُٹھیا تے خُدا دے سجے پاسے ہیگا اے تے ساڈی حمایت وی کردااے ۔ “
” خُدا دے بندیاں اُتے کیہڑا مقدمہ کرے گا؟“ کیہ تُسیں اوہناں دے خلاف مقدمہ کر سکدے او جنہاں نوں خُدا نے پانی تے رُوح دی خوشخبری نال بچایا ؟ بنا شک نئیں !
خُدائی تعلیم دے ماہر ایہہ آکھ کے کیلون دا حوالہ دیندے نیں پئی کئی شرطوں اڈ طریقے نال چُنے گئے سَن جد پئی دوجے نئیں ۔ پر، سانوں لازمی طور اُتے خُدا دے اگے کدی ، ”شرطوں اڈ طریقے نال “بول چال اِستعمال نئیں کرنا چاہی دا ۔ اِنج کرن دے راہیں ، اوہ ثابت کردے نیں پئی اوہ بالکل خُدا نوں نئیں جان دے تے اوہناں دی خُدائی تعلیم جھوٹی اے ۔ شرطوں اڈ چُنے جان دا مطلب اے پئی خُدا کئیاں نوں بے سبب محبت کردا تے دوجیاں نال ایسے طرحاں بے سبب نفرت کردا اے ۔ کویں اسیں آکھ سکدے آں پئی خُداراستباز اے جدوں اوہ کئیاں نال محبت کردا تے دوجیاں نال نفرت کردااے ؟ ایہہ ساڈا خُدا نئیں اے ۔ ساڈا خُدا مسیح وچ سارے لوکاں نال محبت تے اوہناں دی فکر کردااے ۔
ایتھے آیت ۳۲وچ ایہہ آکھیا گیا اے ، ” جنہے اپنے پُتر ولوں ای ڈِھل نہ کیتی سگوں ساڈے ساریاں لئی اوہنوں پھڑوادتا اوہ اوہدے نال ہور شیواں وی سانوں کویں نہ دیوے گا؟ “ خُدا نے سارے لوکاں نوں بچاؤن دے سلسلے وچ اپنا پُتر دتا ۔ اوہدے راہیں ، خُدا نے سانوں ایمان رکھن دے لائق بنایا پئی اوہنے پانی تے لہو دے کلام دے راہیں ساڈے سارے پاپاں نوں چُکیااے ۔ آیت ۳۳ وچ ایہہ لکھیا ہویا اے ، ” خُدا دے بندیاں اُتے کیہڑا مقدمہ کرے گا؟“ ایتھے اکھر ” خُدا دے بندیاں“عائد نئیں کرداپئی خُدا شرطوں اڈ طریقے نال کئیاں نوں چُن دااے ۔ خُدا اوہناں نوں اپنی راستبازی دے لیڑے پوان دے سلسلے وچ اوہناں نوں چُن دا اے جیہڑے یسوع مسیح دے اڈ جیوندے نئیں رہ سکدے تے اپنی آپ دی راستبازی دے اڈ نیں ۔
اوہ جیہڑے خُدا دی راستبازی دے راہیں چُنے ہوئے نیں اوہ لوک نیں جیہڑے ایمان رکھدے
تے سچیائی اُتے قائم رہندے نیں پئی یسوع ایس دھرتی اُتے آیا ، بپتسمہ لیا ، ساڈے سارے پاپ چُکن لئی سولی اُتے اپنے آپ نوں قربان کیتا ۔ اوہ ایہوجیہے لوک نیں جیہڑے خُدا اُتے ایمان رکھدے نیں ۔ مطلب اے اوہ جنہے اوہناں نوں جگ دے پاپاں توں بچایا اے تے اوہناں نوں اپنی راستبازی دے لیڑے پوائے نیں ۔
فیر، کیہڑا، راستبازاں دے خلاف مقدمہ کر سکدااے ؟ کوئی نئیں ! کوئی نئیں آکھ سکدا پئی ساڈا ایمان غلط اے ۔ کوئی اوہناں نوں نئیں جانچ سکدا جیہڑے اپنے پاپاں توں مکتی یافتہ نیں تے پانی تے رُوح دی خوشخبری اُتے ایمان رکھن دے راہیں خُدا دے پُتراں وانگر چُنے گئے نیں ۔ اوہ جیہڑے صرف صلیبی لہو اُتے ایمان رکھدے نیں ، نئیں آکھ سکدے پئی اوہ جیہڑے پانی تے رُوح دی خوشخبری اُتے ایمان رکھدے نیں ،جھوٹے نیں ، نہ ای خُدا دے اگے اوہناں دے خلاف مقدمہ کر سکدے نیں۔
کئی لوک اوہناں نوں غلط جانچدے نیں جیہڑے پانی تے رُوح دی خوشخبری اُتے ایمان رکھن دے راہیں خُدا دی راستبازی دے لیڑے پا چُکے نیں ۔ پر کیہ ایہہ ٹھیک اے ؟ نئیں !خُدا دے اگے راستباز ہون لئی اوہناں چُنیاں ہویاں دا ایمان کدی غلط طریقے نال کسے دے راہیں نئیں جانچیا جا سکدا ۔
کیہڑا آکھ سکدا اے پئی اوہ جیہڑے پانی تے رُوح دی خوشخبری اُتے ایمان رکھدے نیں پاپی نیں تے غلطی نال اوہناں دے ایمان نوں جانچدے نیں ؟ اسیں بوہت چِر توں جگ دے سارے لوکاں تیک پانی تے رُوح دی خوشخبری دی منادی کردے پئے آں ، جیہدے وچ خُدا دی راستبازی وکھائی گئی اے ۔
پر کسے نے ساڈے خلاف پانی تے رُوح دی خوشخبری دی منادی کرن اُتے مقدمہ نئیں کیتا اے ۔ صرف تھوڑے جیہے سَن جنہاں نیں سانوں صرف صلیبی لہو دے ایمان نوں ثابت کرن بارے پُچھیا ۔ ایتھوں تیک پئی اوہ نئیں آکھ سکدے پئی پانی تے رُوح دی خوشخبری اُتے ایمان رکھنا غلط اے ۔
پانی تے رُوح دی خوشخبری اوہ خوشخبری اے جیہدے وچ خُدا دی راستبازی مشتمل اے۔ ایہہ کھری خوشخبری اے ،تے دوجیاں ساریاں خوشخبریاں ادھوریاں نیں ۔ پولُس رسول ، جنہے پانی تے رُوح دی خوشخبری دی منادی کیتی ، آکھیا پئی ایس کھری خوشخبری ورگی کدی دوجی خوشخبری نئیں ہو سکدی تے اوہنے دسیا پئی ، ”پر جے اسیں یاں اسمان دا کوئی فرشتہ وی اوس خوشخبری توں ہٹ کے جیہڑی اسیں تہانوں سنائی کوئی ہور خوش خبری تہانوں سناویں تاں لعنتی ہووے ۔ جویں اسیں پہلوں آکھیا اے اُنج ای ہُن میَں فیر آکھداہاں پئی اوس خوشخبری توں ہٹ کے جیہڑی تُسیں من لئی سی جے کوئی تہانوں ہور خوشخبری سناؤندااے تاں لعنتی ہووے۔“(گلتیوں۱ : ۸ ۔ ۹)۔
کوئی نئیں آکھ سکدا پئی پانی تے رُوح دی خوشخبری پاک کتاب مطابق غلط اے ۔ اوہ جیہڑے پانی تے رُوح دی خوشخبری اُتے ایمان نئیں رکھدے ایہدے خلاف نیں ۔ جے تُسیں ایمان رکھدے او پئی خُدا ولوں دتی گئی پانی تے رُوح دی خوشخبری جھوٹی اے ، فیر اگانہہ ودھو تے خُدا دے اگے احتجاج کرو ۔ سانوں ،وی اِنج ای کرنا اے تے اسیں ادھوری خوشخبریاں دے خلاف لڑن دے لائق آں جیہڑیاں صرف صلیبی لہو بارے گل کردیاں نیں ۔ کویں یسوع ساڈے پاپاں نوں اپنے بپتسمے راہیں اپنے آپ اُتے اوہناں نوں پہلوں لین توں اڈ ساڈے پاپاں لئی سولی اُتے مرسکدا سی ؟
بالکل نہ آکھو پئی خُدا دی راستبازی اُتے ایمان رکھن والے پاپ رکھدے نیں
”مقدمہ کرن“دا مطلب پرکھ کے سزا لئی پُچھنا اے ۔ صرف اوہ جیہڑے اوہناں دے خلاف جیہڑے پانی تے رُوح دی خوشخبری اُتے ایمان رکھدے نیں ، مقدمہ کرسکدے نیں ، بدکار نسل وچوں نیں ۔ اوہ جیہڑے پانی تے رُوح دی خوشخبری اُتے ایمان رکھدے نیں خُدا دی راستبازی اُتے ایمان رکھدے نیں، ایس لئی کیہڑا غلط طریقے نال اوہناں دے ایمان نوں جانچ سکدا اے ؟ کیہڑا آکھ سکدا اے پئی اوہ غلط نیں؟ کوئی وی نئیں ، ایس لئی پئی ایہہ خُدا اے جیہڑا اوہناں نوں راستباز بناؤندا اے ۔ کوئی وی پانی تے رُوح دی خوشخبری اُتے ایمان رکھن والیاں نوں کوئی پاپ رکھن دا الزام نئیں لاسکدا ۔
”خُدا اوہ اے جیہڑا اوہناں نوں راستباز بناؤندااے ۔“(رومیوں ۸ : ۳۳)۔ کیہڑا پانی تے رُوح دی خوشخبری اُتے ایمان رکھن والیاں دے بے پاپ ہون دا اعلان کر سکدا اے ؟ صرف خُدا اِنج کر سکدا اے ۔ اوہ اپنی راستبازی دے راہیں اعلان کردااے پئی پانی تے رُوح دی خوشخبری اُتے ایمان رکھن والے راستباز نیں ۔
”راستباز“ اوہناں اُتے لاگُو نئیں ہوندا جیہڑے حالے تیک پاپ رکھدے نیں ، پر ایہہ اوہناں اُتے لاگُو ہوندااے جنہاں دے پاپ ،اوہناں نوں ”بےپاپ تے راستباز“ بناؤندے ہویاں اصل وچ معاف ہوگئے سَن ۔ جدوں خُداآکھدا اے پئی اوہ لوک جیہڑے پانی تے رُوح دی خوشخبری اُتے ایمان رکھدے نیں ، بے پاپ نیں ، کیہڑا آکھن دی ہمت کر سکدا اے پئی اوہ غلط نیں تے خُدا دی راستبازی نئیں رکھدے ؟ ایس جگ وچ کوئی خُدائی تعلیماں دا ماہر اِنج نئیں آکھ سکدا ۔
اج مسیحیت پاکیزگی دی خُدائی تعلیم نال بھر گئی اے جیہڑی دینی پاکیزگی پاؤن دی ہمت کردی اے ۔ انگلستان وچ اک خُدائی تعلیماں دے ماہر نے ، پُچھن دے بعدوں ،”کیہ خُدا دی کلیسیا پاک اے ؟ “دعویٰ کیتا پئی خُدا دی کلیسیا وی عیبی اے ۔ کھلے طریقے نال ، ایہہ خُدائی تعلیماں دا ماہر نہ پانی تے رُوح دی خوشخبری دے بارے وچ جان دا سی نہ ای خُدا دی راستبازی اُتے ایمان رکھدا سی ۔
پر خُدا دی کلیسیا وچ ہر ایماندار پانی تے رُوح دی خوشخبری اُتے ایمان رکھدااے تے کامل طور اُتے بے پاپ اے ۔ بھاویں اوہ بدن وچ ماڑا ہو سکدا اے ، فیر وی خُدا دی کامل تے بے عیب راستبازی رکھدااے ۔
کیہ خُدا دی کلیسیا وچ ہر کوئی پاپ توں اَڈ اے ؟ آہو جی ! کلیسیا ایہو جیہی تھاں اے جتھے ایمان دارجیہڑے پاک تے پاپ توں اڈ نیں مسیح وچ سارے اکٹھے ہوندے نیں ۔ جے ایماندار پاپ رکھدے نیں ، فیر اوہ خُدا دے پُتر نئیں ہیگے ۔ اوہناں نوں کنہے پاک بنایا؟ ایہہ بنا شک پانی تے رُوح دی خوشخبری اُتے ایمان اے ، جنہے اوہناں نوں خُدا دی راستباز پاؤن دے راہیں بے پاپ بنایا ۔ خُدائی تعلیماں دے ماہر نے آکھیا پئی بھاویں خُدا دی کلیسیا عیبی سی ایس لئی پئی اوہ ایمان نئیں رکھدا سی یاں بھاویں پانی تے رُوح دی خوشخبری نوں نئیں جان دا سی ۔
کیہڑا آکھن دی ہمت کردا اے پئی پانی تے رُوح دی خوشخبری اُتے ایمان رکھن والے پاپی نیں ؟ ایہہ خُدا اے جیہڑا اوہناں نوں ”راستباز بناؤندا“ اے۔ کیہ اسیں ، اوہ جیہڑے پانی تے رُوح دی خوشخبری اُتے ایمان رکھدے آں ، پاپاں سمیت ہو سکدے آں صرف ایس لئی پئی اسیں ماڑے آں ؟ اسیں لازمی طور اُتے نئیں ہو سکدے! فیر کیہ ایہدا مطلب اے اسیں کوئی پاپ نئیں رکھدے بھاویں جویں اسیں حالے تیک پاپ کردے آں ؟ آہو، اسیں کوئی پاپ نئیں رکھدے ! ایہہ ہے کیوں سانوں پانی تے رُوح دی خوشخبری اُتے ایمان رکھن دی لوڑ اے ۔لوک ارادے نال پاپ کرن دا شوق نئیں ، سگوں اپنی کمیاں دے سبب پاپ کرن دا شوق رکھدے نیں ۔
بوہت تھوڑے لوک نیں جیہڑے اصل وچ پاپ کرن دا شوق رکھدے نیں ؛لگ بھگ ساریاں
بدکاریاں لوکاں دیاں کمیاں دے سبب پیدا ہوندیاں نیں ۔ لوک جیہڑ ے پانی تے رُوح دی خوشخبری اُتے ایمان رکھدے نیں ، اپنے دلاں وچ پاپ نئیں رکھدے ایس لئی پئی اوہ خُدا دی راستبازی رکھدے نیں ۔ اسیں پاپ توں اڈ آں ایس لئی خُدا نے اپنی راستبازی نال ساڈے سارے پاپاں نوں مکادتا ۔ ایسے لئی پاک کتاب دسدی اے ، ”خُدا اوہ اے جیہڑا اوہناں نوں راستباز بناؤندااے ۔“ایہہ خُدا اے جیہڑا اعلان کردااے پئی پانی تے رُوح دی خوشخبری اُتے ایمان رکھن والے پاپ توں اڈ نیں ایس لئی پئی اوہ اوہدی راستبازی رکھدے نیں ۔ اسیں پانی تے رُوح دی خوشخبری اُتے ایمان رکھن دے راہیں اپنے سارے پاپاں توں چھڈائے گئے آں ۔
جے یسوع نےبھاویں ساڈے آؤن والے دناں دے پاپاں نوں نہ چُکیا ہوندا ، کویں اسیں اپنے پاپاں توں چھڈائے جا سکدے آں تے کیویں اسیں آکھ سکدے آں پئی اسیں ہور پاپی نئیں ہیگے آں ؟ جے اسیں خُدا دی راستبازی اُتے ایمان رکھن دے بعدوں پاپ کردے آں تے پاپ وچ رہندے آں ، فیر کیہ ایہہ سانوں ادھے راستباز نئیں بناؤندا یاں ساڈی مکتی نوں نکمیاں نئیں کردا تے ایسے طرحاں سانوں دوبارہ دوزخ لئی واپس مقرر نئیں کردا ؟ جواب ناں اے !جے ساڈی مکتی ذاتی پاکیزگی توں ملدی اے ، کیہڑا ایس جگ وچ مکتی یافتہ ہو سکدااے ؟ کوئی نئیں !کوئی وی بدن وچ کامل حیاتی نئیں بسر کر سکدا تے کامل طور اُتے حکماں اُتے عمل کرن دے راہیں پاک نئیں ہو سکدا ۔ ایس لئی پاک کتاب دسدی اے ،” کوئی راستباز نئیں ۔ اک وی نئیں ۔ “ (رومیوں ۳ : ۱۰)۔
قدرتی طور اُتے ، سارے لوک اپنے آپ دے کماں دے راہیں خُدا دی راستبازی پا نئیں سکدے
خُدا نے اپنے اکلے پلیٹھی دے پُتر نوں گھلیا ، جنہے یوحنا بپتسمہ دین والے کولوں بپتسمہ لیا ، تے جگ دے پاپاں توں سارے لوکاں نوں بچاؤن لئی سولی اُتے اوہنوں موت دے حوالے کیتا ۔ اوہ جیہڑے پانی تے رُوح دی خوشخبری اُتے ایمان رکھدے نیں، اپنے ایمان دے سبب راستباز بن گئے نیں ۔ ایس لئی ایتھوں تیک پئی اوہ ایس جگ وچ راستباز ہو سکدے نیں ۔ ابرہام خُدا دے کلام اُتے ایمان رکھن دے
راہیں ایمان دا باپ بن گیا ۔
بھاویں بوھتے مسیحی آکھدے نیں پئی اوہ پاکیزگی دی خُدائی تعلیم دے راہیں خُدا دی راستبازی پا سکدے نیں ،اصل وچ اوہ ایس سچیائی نوں نئیں جان دے ۔ خُدا دی راستبازی کیہ اے ؟ ایہہ بندیاں دی راستبازی توں بالکل وکھری اے ، سگوں خُدا دا انصاف اے ۔ کیہڑی خوشخبری وچ خُدا دی راستبازی وکھائی گئی اے ؟ پانی تے رُوح دی خوشخبری وچ خُدا دی ایہہ راستبازی وکھائی گئی اے ۔ جے اسیں ایہدے اُتے ایمان رکھن توں اڈ پانی تے رُوح دی خوشخبری نوں رد کردے آں ، ایہدا مطلب اے پئی اسیں خُدا دے خلاف کھلوندے پئے آں ۔
کوئی وی پانی تے رُوح دی خوشخبری اُتے ایمان رکھن توں اڈ پاپ توں مکت یاں خُدا دی راستبازی پا نئیں سکدا ۔ کیہ کوئی خُدا دی راستبازی دے خلاف بھاویں تھوڑا جیہا وی ہو سکدااے ؟ میَں بوہت چِر توں ایمان رکھ چُکیا تے پانی تے رُوح دی خوشخبری دی منادی کر چُکیا ہاں، پر میَں کدی کسے نوں وی نئیں ویکھیا جیہڑا ایس خوشخبری دے خلاف کھلوسکدا اے ۔ کوئی وی خُدادے کلام دیاں بنیاداں اُتے پانی تے رُوح دی خوش خبری دے خلاف نئیں ہو سکدا ایس لئی پئی خُدا دی راستبازی دی ایہہ خوشخبری سانوں کاملیت تے ساڈے پاپاں دی کامل مکتی دیندی اے۔
کیہڑا اوہناں نوں جرم وار بنا سکدا اے جیہڑے خُدا دی راستبازی رکھدے نیں؟
آؤ اسیں رومیوں ۸ : ۳۴ پڑھیے ۔ ” کیہڑا اے جیہڑا جرم وار بناوے گا ؟ مسیح یسوع اوہ ہیگا اے جیہڑامرگیا سگوں مویاں وچوں جیوں وی اُٹھیا تے خُدا دے سجے پاسے ہیگا اے تے ساڈی حمایت وی کردااے ۔ “ کیہ کوئی اوہناں نوں پاپی ہون لئی جرم وار بنا سکدا اے جیہڑے خُدا دی راستبازی اُتے ایمان رکھدے نیں ؟ کوئی نئیں بنا سکدا ۔
کیہ کوئی پانی تے رُوح دی خوشخبری دے ایمانداراں نوں پاپی ہون بارے جرم وار آکھ سکدااے ، جیہڑے ایمان دے راہیں اپنے پاپاں توں چھڈائے گئے نیں؟ نئیں ! ” کیہڑا اے جیہڑا جرم وار
بناوے گا ؟ “ کیہڑا آکھ سکدا اے پئی خُدا دی راستبازی اُتے ایمان رکھن والے جرم وار نیں ؟
پاپ دا پھل موت اے ۔ جے تُسیں اپنے دل وچ پاپ رکھدے او ، تسیں دوزخ وچ جان والے او ۔ خُدا لوکاں نوں سزادیندا اے ایس لئی پئی اوہ پاپ رکھدے نیں ۔ پر اوہ جنہاں دے پاپ خُدا دی راستبازی اُتے اوہناں دے ایمان دے سبب مکائے گئے نیں خُدا ولوں سزا نئیں پاؤندے ، ایس لئی پئی اوہ ہورسزا پاؤن لئی کوئی پاپ نئیں رکھدے ۔ جدوں خُدا اپنے آپ اوہناں نوں نئیں سزا دیندا جیہڑے خُدا دی راستبازی اُتے ایمان رکھدے نیں ، کیہڑا اوہناں نوں جرم وار بناؤن دی ہمت کر سکدا اے ؟ جے یسوع مسیح اُتے ایمان رکھن والا پاپ نال اے ، تاں اوہ پاپی اے تے سزاپاوےگا تے خُدا ولوں لعنتی بنایا جاوے گا ۔ پاپی اپنے دلاں وچ اپنے پاپاں لئی خُدا ولوں سزا پاؤن گے تے دوجے لوکاں دے راہیں شرمندہ ہون گے ، پر جے مسیح وچ کوئی ایماندار پانی تے رُوح دی خوشخبری اُتے ایمان رکھدا اے تے خُدا دی راستبازی پاؤندااے ،اوہ بندہ خُدا دے اگے بے پاپ اے تے کوئی بندہ اوہنوں جرم وار نئیں بنا سکدا ۔ نہ ای ایہو جیہے لوکاں دے دلاں وچ پاپ ہوندااے ۔
” کیہڑا اے جیہڑا جرم وار بناوے گا ؟ مسیح یسوع اوہ ہیگا اے جیہڑامرگیا سگوں مویاں وچوں جیوں وی اُٹھیا تے خُدا دے سجے پاسے ہیگا اے تے ساڈی حمایت وی کردااے ۔ “ یسوع ، خُدا دا پُتر ، سانوں خُدا دی راستبازی دین لئی دھرتی اُتے آیا ، ساڈے سارے پاپ چُکن لئی یوحنا بپتسمہ دین والے کولوں بپتسمہ لیا ، اپنا لہو وگا کے سولی اُتے مرگیا تے ساڈا مکتی داتا بنن لئی مویاں وچوں فیر جیوں اُٹھیا ۔اوہ ہُن خُدا دے سجے پاسے بیٹھا ہویا اے تے ساڈی حمایت وچ بولدا اے ۔
پاک رُوح وی اوہناں لئی دعا منگدااے جیہڑے خُدا دی راستبازی رکھدے نیں ۔ یسوع ساڈے لئی اسمان اُتے دعا منگدااے ۔ پاک رُوح وی خُدا باپ دے اگے ساڈے لئی دعا منگدااے ، پر وکھ طریقے نال ، مطلب اے ”ہاڑے پاؤن“ نال جیہڑا دسیا نئیں جا سکدا ، جدوں کدی اسیں اپنے دلاں وچ ماڑے ہوندے آں ۔
خُدا دی راستبازی اوہناں دے دلاں وچ کنی کامل اے جیہڑے پانی تے رُوح دی خوشخبری اُتے ایمان رکھدے نیں؟ خُدا دی راستبازی دی کاملیت سانوں دسدی اے پئی پانی تے رُوح دی خوشخبری بے عیب تے کامل وی اے ۔
Copyright © 2021 by The New Life Mission