话题1：重生于水和圣灵
1-28. ایس گل تے میَں پہلے توں ایمان رکھدا آں تے اوہدی تعلیم دینداآں جد پئی تُسیں صِرف یسوُع دے بپتسمہ اُتے زور دے رہے اوجِنھوں بوہت واراں اَگوں ہٹادِتا جاندا اے۔فیر پانی تے رُوح دی خوشخبری دے بارے کیہڑی گل بالکل وَکھری اے؟
” مکتی یافتہ ہون“ دامطلب مخلصی ،یعنی سارے پاپاں دی معافی حاصل کرنا اے۔ ایہدامطلب نویں سِرےتوں پیدا ہونا وی اے ۔ جد اِک پاپی حیاتی دی خوشخبری اُتے ایمان لیان دے سبب راستباز شخص بن جاندااے ،تےاَسیں آکھدے آں، ” اوہ یسوُع دی مکتی دے راہیں پانی تے رُوح نا ل نویں سِرے توں پیدا ہویا اے۔ “ رُوح القدّس اوہناں اُتے نازل ہوندااے جِنھاں نُوں مکتی تے نویں پیدائش بخشی گئی تے ہُن اوہ گواہی دیندے نیں پئی اوہ خُدا دی اَولادنیں ۔ایہناں ساریاں گلاں دا مطلب اِکو ای اے :پاپاں دی معافی حاصل کرنا،یعنی رُوح القدّس حاصل کرنا،مکتی پانا ،نویں سِرے توں پیدا ہونا،خُدا دی اَولادبننا تے راستباز ٹھہرنا۔
یسوُع نے فرمایا، ” راہ تے حق تے حیاتی میَں آں۔کوئی میرے راہ دے اَڈ پیو دے کول نئیں آؤندا۔ “ (یوحنا ۱۴:۶) ،جیہڑا لاگُو کردااے پئی صِرف یسوُع دے ذریعے ،خُدا دے کلّے کارے پُتر دے راہیں اَسیں خُدا دی بادشاہی وِچ داخل ہوسکدے آں۔ ایویں ہُن سانُوں اَگانہہ توں جاننا اے پئی یسوُع نے کِس طرحاں ساڈے سارے پاپ دھو دِتے تے سانُوں اوہناں لوکاں وِچ شامل کر لیا جیہڑے اوہدی بادشاہی وِچ شامل ہون دے حقدار نیں ۔
فیر وی ،زیادہ تر مسیِحی ہُن تیکر ایہہ سوچ دے نیں پئی صِرف اوہدا ناں لین نال مکتی پا سکدے نیں ۔ اوہ کلام ِمقدّس نُوں کھولے تے ایہہ جانے اَڈ یسوُع اُتے ایمان رکھدے نیں پئی اوہنے سانوں ساڈے سارے پاپاں توں بچان لئی کیہ کیتا سی ۔خُدارُوح اے تےکلّا قدوُس اے جیہدے وچ ہیرپھیری یا تبدیلی نہیں ،پر اَسیں پاپ نال بھری حیاتی بسر کردے آں ۔ خُدا وند دی بادشاہی وِچ داخل ہونا صِرف یسوُع دے ذریعے ممکن اے تے اَسیں ’ مسیِح یسوُع وِچ حیاتی دے رُوح دی شریعت‘ (رومیوں ۸:۲) اُتے ایمان رکھن دے سبب ایہدے اُتے بھروسہ کر سکدے آں ۔
ایتھوں تیک پئی بوہت سارے لوک ایہہ نئیں جان دے پئی یسوُع نے مکتی لئی کیہ کیتا؛پر،ایہدی بجائےاوہ، ” اَے خُداوند ،اے خُداوند ! “ پکارکے اوہدے اُتے اَنّہا ایمان رکھدے نیں ۔ اوہ ایہہ وی سوچدے نیں پئی اوہ مکتی یافتہ نیں پر ہُن وی اوہناں دے دِلاں وِچ پاپ موجود اے ۔ جے یسوُع اُتے اعتقاد کرن دے باوجود ہُن وی پاپ تُہاڈے دِلاں وِچ موجود اے تے فیر تُہانوں کیہڑی شَے نال مکتی ملی اے؟ جے کوئی شخص ایہہ پُچھدااے ، ” یسوُع نے کِس طرحاں ساڈے پاپاں نُوں دُور کیتا؟ “ لوکاں دی اِک وڈی جماعت ایہہ جواب دیوے گی ، ” خورے اوہنے اوہناں نُوں صلیب اُتے دھودِتا۔ “ فیر ، اِک ہور سوال اے،” بھلا تُہاڈے دِل وِچ پاپ پایاجاندااے؟ “ اوہ ایہہ آکھدے نیں ،” لازمی طورتے کون ایس زمین اُتے بالکل پاپ توں رہا ہوسکدااے؟ “
یسوُع ناں دا مطلب اے، ” مکتی داتااوہوای اپنے لوکاں نُوں اوہناں دے پاپاں توں مکتی دیوے گا۔ “ (متی ۱:۲۱)۔اَسیں پاپ توں مکتی حاصل کرن لئی یسوُع اُتے ایمان رکھدے آں۔
فیر وی،جے یسوُع اُتے ایمان لیان دے بعد وی ساڈے دِلاں وِچ پاپ پایا جاندااے تے اَسیں ہُن وی پاپی آں،پاپ دی قید وِچ وِکے ہوئے تے ساڈی عدالت ایہناں پاپاں دے مطابق ہو وے گی ۔ پولُس رسوُل نے آکھیا، ” ایویں ہُن جیہڑے مسیِح یسوُع وِچ نیں اوہناں اُتے سزادا حکم نئیں۔ “ (رومیوں۸:۱)۔ایویں ایہہ گل پکی اے پئی جِس شخص دے دِل وِچ ہُن تیک پاپ اے اوہ ہُن تیک مسیِح یسوُع دے نال اِک نہیں ۔ اوہ کیوں پاپی رہ جاندے نیں جِنہاں نُوں مکتی نئیں مِلدی تے اوہ یسوُع اُتے ایمان رکھن دے باوجود مکتی توں محروم رہ جاندے نیں ؟ایہہ ایس لئی ہے پئی اوہ یسوُع دے بپتسمہ دے ذریعے اوہدےاُ تے اپنے پاپ لدےاَڈ صِرف صلیب اُتے وگن والے خون اُتے ایمان رکھدے نیں ۔ ایویں ، اوہناں دے دِلاں وِچ پاپ ہُن وی موجود اے ، جد پئی یسوُع اوہناں دے پاپاں دا لحاظ کیتےاَڈ صلیب اُتے مرگیا ۔
یسوُع دے بپتسمہ اُتے ایمان رکھن تے ایمان نہ رکھن والے مسیِحیاں وِچ اِک ای فرق نمایاں ایں ؛کُجھ لوکاں نیں یسوُع دے بپتسمہ اُتے ایمان لیا کے مکتی حاصل کرلئی اے جد پئی باقی لوک اوس اُتے ایمان نہ لیا کے پاپی ای رہندے نیں ۔رُوح القدّس اِک پاپی شخص اُتے ناز ل نہیں ہوندا،اوہ صرف راستباز شخص اُتے نازل ہوندااے ۔ جِنہوں پانی تے رُوح دے راہیں مکتی حاصل ہوچُکی اے۔
ہُن پولُس رسول نیں آکھیا ، ” کیہ تُسیں نئیں جان دےپئی اَسیں جِنہاں نیں یسوُع مسیِح وِچ شامل ہون دا بپتسمہ لیا تے اوہدی موت وِچ شامل ہون دا بپتسمہ لیا۔“ (رومیوں ۶:۳)۔ بوہت سارے لوک ایہہ ایمان رکھدے نیں پئی یسوُع نے صلیب اُتے ساڈے پاپ چُک لئے پراَسیں کدی ایہہ اِقرار نہیں کرسکدے پئی یسوُع دے بپتسمہ اُتے ایمان لیائے اَڈ ساڈے دِل پاپ توں پاک ہو سکدے نیں ۔ جے اَسیں ایویں کرئیے، تے اَسیں خُدا دے حضُور جھوٹ بولدے آں تے اپنے ضمیر دے خلاف آواز چُکن دے جُرم دار ہوندے آں ۔
جے اَسیں یسوُع دے بپتسمہ اُتے ایمان لیا کے اپنے سارے پاپ اوہدےاُتے نہیں لد دے تے ایہہ پکی گل اے پئی پاپ ہُن تیک ساڈے دِلاں وِچ موجود نیں ۔اوہ لوک جیہڑے یسوُع دے بپتسمہ تے صلیب دی خوشخبری اُ تے ایمان نہیں لیاندے اوہ شریعت پرستی وِچ ڈِگ کے وڈے پاپی ہون دارُجحان رکھدے نیں ۔ایس لئی بھاویں اوہ جو کُجھ وی کرن ،یعنی پہاڑاں اُ تے دعا منگن یاں عبادتاں دے وِچکاربڑے صاف دِل نال معافی دی دُعا منگن ، اوہ فیر وی پاپاں نُوں اپنے دِلاں وِچ پاندے نیں۔
یسوُع نیں آکھیا، ” جیہڑے مینوں اَے خُداوند اَے خُداوند!آکھدے نیں اوہناں وِچوں ہر کوئی اَسمان دی بادشاہی وِچ داخل نئیں ہووےگا پر اجیہا جیہڑا میرے اَسمانی پیودی مرضی اُتے چلدااے۔اوس دِن بتھیرے مینوں آکھن گے اَے خُداوند اَے خُداوند! کیہ اَسیں تیرے ناں نال نبُوّت نہیں کیتی تے تیرے ناں توں بدرُوحاں نُوں نئیں کڈھیا تے تیرے ناں توں بوہت سارے معجزے نہیں وکھائے؟ اوس ویلے میَں اوہناں نُوں صاف آکھ دیواں گا پئی میری کدی تُہاڈے نال یاری نہیں سی ۔ اے بدکارو میرے کولوں دفع ہوجاوو۔“ (متی ۷:۲۱۔۲۳)۔
” اَےبدکارو “ کِناں لوکاں نُوں بیان کردے نیں ۔ ایہہ اوہناں لوکاں نُوں آکھیا گیا اے جِنہاں نیں صِرف صلیب اُتے ایمان لیا کے اپنے دِلاں وِ چ کامل مخلصی نُوں حاصل نئیں کیتا ۔ ایہہ اَنّہاں ایمان اے جیہڑا خُدا وَلوں نئیں اے۔جے اَسیں ایس سچ اُتے ایمان نئیں رکھدے پئی یسوُع نیں سانُوں اپنے بپتسمہ تے صلیب دے راہیں مکتی بخشی اے تے اَسیں بدکاری کررہے آں ۔ اَسیں دونواں، یسوُع دے بپتسمہ تے صلیب نُوں جانن تے ایمان رکھن توں پہلے نئیں آکھ سکدے ،پئی اَسیں درُست ایمان رکھدے آں ۔
یسوُع نیں آکھیا جے لوک نویں پیدائش حاصل کرنا چاہندے نیں تے ایہہ صِرف پانی تے رُوح دے ذریعے ای ممکن ایں ۔ جِس طرحاں اوہ لوک نُوح دی کشتی وِچ داخل ہون دے سبب ہڑ دےپانی توں بچ گئے سَن،ایسے طرحاں تُسیں مکتی ،پاپاں دی معافی حاصل کر سکدے اوتے سچےایمانداردی حیاتی صِرف اوسےای ویلے لنگھا سکدے او جے تُسیں پانی تے رُوح دی خوشخبری اُتے ایمان رکھدے او۔ پانی تے رُوح دی خوشخبری توں اَڈ ،تُسیں نہ تے پاپاں دی معافی حاصل کرسکدے او تے نہ ای تُسیں خُدا دی اَولاد بن سکدے او۔
- 之前
- 之后
Copyright © 2021 by The New Life Mission