En raison du COVID-19 et l'interruption du service postal international,
nous avonssuspendutemporairementnotre "service gratuit de livres imprimés".
nous avonssuspendutemporairementnotre "service gratuit de livres imprimés".
Au vu de cette situation, nous ne sommes pas en mesure de vous envoyer les livres actuellement.
Priez que cette pandémie cesse rapidement et que le service postal reprenne.
Priez que cette pandémie cesse rapidement et que le service postal reprenne.
مضمون 9: رومیوں (رومیوں دی کتاب اُتے تفسیر)
[7-1 باب] باب ۷ دا تعارف
سچیائی دی گل کردے ہوئیاں پئی اپنی مکتی توں پہلاں اوہدا بدن خُدا دی شریعت دے راہیں مرن لئی لعنتی سی ، پولُس رسول نے ایمان دا اقرار کیتا پئی اوہ یسوع اُتے ایمان لیاؤن دے راہیں پاپ ولوں مویا سی ۔ خُدا دی راستبازی پاؤن توں پہلاں — ایہہ ہے، مطلب اے ساڈے نویں سریوں جمن توں پہلاں— ساڈے وچوں اوہ جیہڑے یسوع اُتے ایمان رکھدے نیں شریعت دی غلامی تے لعنت ہیٹھاں جیوندے رہندے سَن ۔ ایس طرحاں ، شریعت ساڈے اُتے حکم چلاؤندی رہندی جے اسیں یسوع مسیح نال ملن دے سبب جیہڑا ساڈے کول خُدا دی راستبازی لیایا سی ،اپنے پاپاں توں چھڈائے نہ گئے ہوندے۔
پولُس اوہناں رُوحانی کماں بارے بولیا جیہڑے بدن وچ ہوندیاں ہوئیاں آسانی نال سمجھ نئیں آؤندے — ایہہ ہے ،اوہ جیہڑے پاپاں ولوں موئے نیں ،ہور پاپ دی غلامی ہیٹھاں نئیں ہیگے ، بالکل جویں کوئی زنانی جیہداگھروالامرگیا اے اپنے گھروالے دے بندھن توں مکمل طور اُتے چھُٹ جاندی اے ۔ ایہہ حوالہ خورے سوکھا لگے ، پر ایہہ رُوحانی طور اُتے بوہت خاص حوالہ ہیگا اے ۔ ایہدا مطلب ہیگا اے پئی کیہ اوہ اینوں پسند کردے نیں یاں نئیں ،اوہ جیہڑے خُدا دی راستبازی نو ں نئیں جاندے ،اصل معاملے وانگر شریعت دی لعنت ہیٹھاں جیوندے رہن دے مجبور ہیگے نیں۔ ایہد سبب ایہہ ہیگا اے پئی اوہناں نیں حالے تیک اپنے پاپاں دا مسئلہ حل نئیں کیتا اے ۔
رومیوں ۶ : ۲۳ سانوں دسدا اے ، ” ایس لئی پئی پاپ دا پھل موت ہیگی اے ۔“ ایہدا مطلب ہیگا اے پئی پاپ صرف مُک گیا اے جدوں اوہدا مُل اُتاردتا گیا اے ۔ جے کوئی یسوع اُتے ایمان رکھدااے ، فیر وی یسوع دے راہیں دتی گئی خُدا دی راستبازی نوں نئیں جان دا ۔ تاں فیر اوہ حالے تیک پاپ وچ جیوندا پیا اے تے اوہنوں لازمی طوراُتے پاپ دا مُل اتارنا چاہی دا اے ۔ایس لئی سانوں یسوع مسیح دے راہیں خُدا دی راستبازی پاؤنی چاہی دی اے ۔ صرف خُدا دی راستبازی پاؤن دے راہیں،اپنے پاپاں ولوں مرکے ، شریعت ولوں چھُٹ سکدے آں تے اپنے نویں لاڑے یسوع مسیح نال ویا ہ کر سکدے آں ۔
اسیں خُدا دی راستبازی یسوع مسیح دے راہیں پا سکدے آں ،پر خُدا دی راستبازی اُتے ایمان
رکھن توں اَڈ ، کوئی وی شریعت ولوں چھُٹ نئیں سکدا ۔ شریعت دی لعنت نوں توڑن دا اکلا طریقہ خُدا دی راستبازی نوں جاننا تے اوہدے اُتے ایمان رکھنا اے ۔ کیہ تسیں یسوع دے راہیں خُدا دی راستبازی پا چُکے او ؟ جے نئیں ، ہُن تہاڈے کول اپنی دلی راستبازی نوں چھڈن تے خُدا دے کلام ول سچے دلوں واپس مُڑن دا ویلا ہیگا اے ۔
پاپ ولوں مرن دے بعد مسیح ول
پولُس نے روم وچ اپنے بھراواں نوں دسیا ، ” تسیں وی مسیح دے بدن دے راہیں شریعت ولوں ایس لئی مردے بن گئے ۔ “ تہانوں ایس گل دی چوکھی جان پچھان رکھنی چاہی دی اے پئی ایہدا ’ تسیں وی مسیح دے بدن دے راہیں شریعت ولوں ایس لئی مردے بن گئے ۔ ‘ کیہ مطلب ہیگا اے ۔ کوئی مسیح دے بدن دے راہیں پاپ ولوں مردہ بنن توں اَڈ مسیح دے کول نئیں جا سکدا ۔ دوجے اکھراں وچ ،ساڈے پاپاں نوں لازمی طور اُتے یسوع مسیح دے بدن نال مرنا چاہی دا اے ۔ ایہہ اوس ویلے ہو سکدا اے صرف جدوں کوئی یوحنا کولوں یسوع دے بپتسمے تے اوہدی صلیبی اُتے ایمان رکھدا اے ۔
اسیں یوحنا کولوں یسوع دے بپتسمے اُتے ایمان لیاؤن دے راہیں پاپ ولوں مسیح نال مر سکدے آں ایس لئی پئی یسوع ، یوحنا کولوں اپنا بپتسمے لَے کے اپنے بدن اُتے سارے لوکاں دے پاپ اپنے اُتے لد ے جان نال مر گیا ، ساڈے پاپ وی جدوں اسیں اوہدے اُتے ایمان رکھیا ، اوہدے نال مر گئے نیں ۔مطلب اے یوحنا کولوں اپنے بپتسمے دے راہیں یسوع اُتے جگ دے سارے پاپ لدے گئے سَن ،ایہہ سچی گل ہیگی اے ۔ ایہہ سچ صرف جانیا ای نئیں جاناچاہی دا اے ،سگوں ساڈےدِلاں وچ ایمان نال قائم رہنا چاہی دا اے ۔ سانوں لازمی طور اُتے ایس ایمان اُتے قائم رہنا چاہی دا اے جدوں تیک اسیں خُدا دی بادشاہی وچ چلے نئیں جاندے ۔ایس پئی پولُس نے آکھیا پئی اسیں مسیح دے بدن دے راہیں شریعت ولوں مرگئے ساں ۔ ایسے طرحاں اوہ جیہڑے ایس سچیائی اُتے ایمان رکھدے نیں یسوع مسیح دے کول جاسکدے نیں،اوہدے نال رہ سکدے نیں تے خُدا لئی سچے پھل پیدا کر سکدے نیں ۔
سانوں خط دے پُرانے ہون اُتے نئیں ،سگوں رُوح دی نویں سچیائی اُتے ایمان رکھنا چاہی دا اے ۔ اصل وچ پاپی شریعت دے سبب بوہتے پاپ کردے نیں ۔ایس لئی شریعت بوہتے پاپاں نوں جیہڑے اوہناں دے اندر لُکے ہوئے نیں ، اِنج اوہناں نوں اوہناں دےپاپاں دی بوہتی پچھان کراؤندے ہوئیاں تے ایتھوں تیک پئی اوہناں نوں بوہتے پاپ کرن دی اجازت دیندے ہوئیاں ظاہر کردی اے ۔ شریعت دے کماں وچوں اک کم سانوں پاپاں نوں پچھانن دے لائق بناؤنا ایں ،پر ایہہ پاپ دی عادت نوں بوہتا وکھاؤن تے سانوں بوہتے پاپ کراؤن دا کم وی کردی اے ۔ کیہ ایہہ شریعت لئی نئیں ہیگا سی جیہڑی خُدا نے سانوں دتی ، سانوں نئیں پتہ سی پئی ساڈے اندراینا بوہتا پاپ لُکیا ہویا سی ، پر خُدا نے سانوں شریعت دتی ، تے ایہہ شریعت نہ صرف ایتھوں تیک پئی پاپی نوں بوہتا پاپی بناؤندی اے ،سگوں ایہہ شریعت بوہتا بوہتا پاپ کرن دے لائق وی بناؤندی اے ۔
ایس لئی پولُس آکھدااے پئی اسیں مسیح دے بدن دے راہیں پاپ ولوں مر گئے آں ،ہُن سانوں خُدا دی راستبازی اُتے ایمان رکھن دے عقیدے نال خُداوند دی خدمت کرنی چاہی دی اے ۔ اوہ سانوں ساڈے ایمان لئی سانوں دتی گئی رُوح دی مدد تے مکتی دی نعمت دے نال جیہڑی ساڈے دلاں وچ بوہت پکی ہیگی اے ،ایمان نال کلام دی لفظی طور اُتے اوہدی خدمت کرن دی تھاں اُتے خُداوند دی سچی خدمت کرن لئی آکھدا پیا اے ۔ جویں پاک کتاب سانوں دسدی اے پئی ، ” اکھر مار دیندے نیں پر رُوح زندہ کردی اے ۔ “ سانوں لازمی طور اُتے پانی تے رُوح دی خوشخبری دا سچا مطلب جانن دے راہیں خُداوند دے پچھے چلنا چاہی دااے ،جیہڑی پئی خُدا دی راستبازی ہیگی اے ۔ دوجے اکھراں وچ ، جدوں ااسیں خُدا دے کلام اُتے ایمان رکھدے آں ، سانوں لکھے ہوئے کلام وچ لُکے ہوئے سچے مطلب نوں جاننا تے اوہدے اُتے ایمان لیاؤنا چاہی اے ۔
فیر کیہ شریعت پاپ ہیگی اے؟ بالکل نئیں
پولُس نے خُدا دی شریعت دی ایہدے کماں بارے دسن دے راہیں وضاحت کیتی ۔ ایہہ وکھاؤندااے پئی شریعت دے کم دی چنگی جان پچھان نال ایمان رکھنا بوہت خاص ہیگا اے ۔ پولُس نے پہلاں اپنے دلی طریقے نال اپنے پاپاں نوں ویکھیا ، تے ایہدے سبب توں اوہنے اپنے دلی پاپاں نوں نہ جانیا ،سگوں خُدا دی شریعت دے راہیں اوہ احساس کرن دے لائق ہیگا سی پئی اوہ اپنے اندر اک بدکاردِل رکھدا سی ۔
میَں آس رکھدا ہاں پئی اج یسوع اُتے ایمان رکھن والے وی شریعت بارے اوسے جان پچھان تیک اپڑن لائق ہیگے نیں جویں پولُس دے راہیں کوئی اپڑیا ۔ بوہت سارے لوک ہیگے نیں جیہڑے شریعت دی سچیائی دا احساس نہ کردے ہوئیاں ، شریعت مطابق اپنی حیاتیاں بسرکرن لئی ہمیشہ جی جان نال ہمت کردے نیں ۔ اوہ ایہہ سوچدے ہوئیاں گرجے جاندے نیں پئی جے اوہ کُجھ ہو ر ودھیری ہمت کردے نیں ، تاں اوہ ساری شریعت نوں قائم رکھن دے لائق ہون گے ۔ پر اصل وچ ، ایہہ لوک سچ مُچ خُدادی راستبازی نوں بالکل لبھن دے لائق نئیں ہون گے ۔
اوہناں خُدا ولوں دتے گئے شریعت دے ڈوہنگے مطلب دا احساس نئیں کیتا ،تے اِنج قانون پسند بن گئے نیں ۔ اوہ ایتھوں تیک پئی اپنے آپ دے دلاں نوں نہ ویکھن دے لائق ، فریبی انھے ہیگے نیں تے اوہ نئیں جان دے پئی اوہ مسیحی جھُنڈ وچ خُدادی راستبازی دے خلاف کھلوتے ہوئے نیں ۔ اج مسیحیت وچ ایہو جیہے بوہتے لوک ہیگےنیں ۔ اوہ جیہڑے خُدادی راست بازی نوں سچ مُچ نئیں جان تے یسوع نوں قانون پسند ایمان نال اپنے صرف ناں دے مکتی داتا وانگر قبول کر چُکے نیں ، اوہ ہمیش دی موت توں بچائے نئیں جان گے ۔
پولُس نے دسیا پئی خُدا دےحکماں دے راہیں ،اوہ اپنے دل دے اندر بدی نوں جانن دے لائق ہویا ۔ جدوں اوہنے حکماں دے راہیں اپنے پاپاں دا احساس کیتا ، پولُس حالے تیک شریعت نوں منن والاسی ،جنہے سوچیا پئی اوہنوں خُدا دی شریعت نوں قائم رکھنا چاہی دا سی ۔ خُدا دے حکماں نیں پولُس دے دل وچ بدی نوں ظاہر کیتا تے پولُس دے پاپاں نوں ایتھوں تیک پئی ہور ودھا دتا ۔ تاں ایس طرحاں پولُس نوں احساس ہویا پئی اوہ کُجھ نئیں سی ،سگوں اک ڈاہڈا پاپی ہیگا سی ۔
انسانی ذہن وچ پاپ دیاں ۱۲ عادتاں ہیگیاں نیں ۔ جدوں پولُس نوں شریعت دے اصل کماں بارے نئیں پتہ سی ،اوہنے اپنے بارے وچ اک چنگےبندے وانگر سوچیا ،ایہہ احساس نہ کیتا پئی صرف اوہ سچ مُچ بوہت وڈا پاپی ہیگا سی ۔ پر خُدا دے حکماں دے مطابق جیوندے رہن لئی اوہدی ہمت دے پھل نے اوہدے اُتے ظاہر کیتا پئی اوہ حکماں نوں قائم رکھن دے لائق ہون توں بوہت دُور ہیگا سی ، تے ایہناں
حکماں نیں اصل وچ اوہدے پاپاں نوں ایتھوں تیک پئی بوہتا ظاہر کیتا ۔
لوک کیہو جیہے ہوندے نیں جدوں اوہ یسوع اُتے ایمان رکھدے نیں؟ جدوں تسیں پہلاں یسوع اُتے ایمان رکھنا شروع کیتا ، تسیں خورے اپنے ایمان دی اَگ وچ پورے سڑ گئے سو،پر جویں ای ویلا لنگھیا ، تسیں بوہت سارے پاپ کر چُکے ہوووگے جیہڑے تہاڈے وچ مُڈھوں ای ہیگے نیں ۔ ایناں پاپاں نوں تسیں کیہدے راہیں پایا ؟ ایہہ لکھی ہوئی شریعت تے حکماں دے راہیں سانوں پتہ لگیا اے پئی ۱۲ قسماں دے پاپاں نال ساڈے دل بوہت بھرے ہوئے نیں ۔ تے اسیں شریعت دے اگے اپنی پاپی جندڑیاں نوں ویکھن توں گھبراؤندے آں ۔ایس لئی پئی سانوں شریعت دے راہیں پتہ لگ دا اے پئی اسیں سچ مُچ ڈاہدے پاپی ہیگے آں ۔
ایس لئی کئی لوکاں نیں اپنے دل نوں تسلی دین لئی دلیل دی خُدائی تعلیم بنائی اے ۔ ایہہ خُدائی تعلیم دعویٰ کردی اے پئی ایتھوں تیک پئی بھاویں اسیں اپنے دلاں وچ پاپ رکھدے آں ، صرف ایس لئی پئی اسیں یسوع اُتے ایمان رکھدے آں ، خُداسانوں راستباز وانگر سمجھے گا ۔ ایہہ صرف انسان دی بنائی ہوئی تعلیم ہیگی اے ۔ لوکاں نیں اپنے پاپاں نوں لکاؤن لئی ، ایس خُدائی تعلیم وانگر جیون دی ہمت کردے ہوئیاں ایہو جیہی خُدائی تعلیم نوں بنایا تے ایمان رکھیا ۔پر ایس لئی اوہ فیر وی شریعت دے اگے پاپیاں وانگر ظاہر ہوندے نیں ، اوہناں دے پاپ اوہناں دے دلاں وچ بھارے تے بوہتے بھارے ہوندے جاندے نیں۔ اپنے سارے پاپاں توں چھُٹن لئی ، ساڈے کول کوئی راہ نئیں ہیگا سگوں خوشخبری اُتے ایمان رکھنا چاہی دا اے جیہڑی خُدا دی راست بازی وچ ہیگی اے ۔ ایہہ اپنے سارے پاپاں توں چھُٹن دا اصل طریقہ ہیگا اے ۔
جویں پولُس نے اپنے ماضی وچ سوچیا سی پئی خُدا نے آکھا منن لئی حکم دتے سَن ، اوہنے صرف عادت طور اُتے سوچیا پئی اوہ ہمت کرے گاتے اوہناں نوں قائم رکھن لئی بوہت ہتھ پیرمارے گا ۔ پر ایہدے اُلٹ ، اوہنوں پتہ لگیا پئی ایناں حکماں نیں اصل وچ پاپ دے سبب اوہدی جندڑی نوں موت دے حوالے کر دتا ۔ پولُس اخیریں جانیا پئی اوہ خُدا دے حکماں نوں غلط سمجھدا پیا سی تے غلطی نال ایمان رکھدا پیا سی ۔
ہر کوئی اپنے دل وچ مرقس ۷ : ۲۱۔ ۲۳ وچ دسے گئے پاپاں دیاں ۱۲ قسماں رکھدااے ۔ ” ایس لئی پئی اندروں مطلب اے بندے دے دل وچوں بھیڑےخیال نکلدے نیں۔ حرامکاریاں ۔ چوریاں ۔ قتل کرنا۔ زناکاریاں ۔ لالچ ۔ بدیاں ۔مکر۔ شہوت پرستی ۔ بھیڑی نظر۔ گند بولنا ۔ شیخی ۔عقل دا گھاٹا۔ ایہہ ساریاں بھیڑیاں گلاں اندروں نکل کے بندے نوں پلید کردیاں نیں ۔ “
پولُس تے دوجے سارے لوک اخیریں خُدا دے حکماں دے راہیں اپنے پاپاں دی پچھان تیک اپڑے ۔ شریعت دے راہیں اوہناں نیں اپنے پاپاں دا احساس کیتا تے موت دے حوالے ہوگئے ۔ تے فیر اوہناں نیں یسوع مسیح دے راہیں خُدا دی راستبازی نوں پایا تے اوہدے اُتے ایمان لیائے ۔ خُدا دی راستبازی دے بارے وچ تسیں کیہ کُجھ جان دے او ؟ کیہ تسیں حالے تیک حکماں اُتے عمل کرن دی ہمت کردے پئے او ،جد پئی ایہہ سوچدے ہوئیاں پئی تسیں اوہناں ساریاں نوں قائم رکھ سکدے او؟ خُدا نے سانوں اپنی شریعت دتی تاں پئی اسیں اپنے پاپاں نوں پچھانیے تے اوہدے ول پرتیے — مطلب اے دوجے اکھراں وچ ، خُدا دی راستبازی اُتے ایمان رکھن دے راہیں پاپ توں چھُٹ جائیے ۔ سانوں لازمی طور اُتے چنگی طرحاں جان پچھان کرنی چاہی دی اے جویں پئی کیوں خُدا نے سانوں حکم دتے تے ایناں اُتے ٹھیک ایمان رکھنا چاہی دا اے ۔اک واری تسیں ایس سچیائی دا احساس کردے او ، تہانوں پتہ لگے گا پئی پانی تے رُوح دی خوشخبری بوہت خاص ہیگی اے ۔
اوہ جیہڑے خُدا دے حکماں اُتے ایمان رکھدے نیں ، احساس کر سکدے نیں پئی خُدا دے اگے اوہ بوہت پاپی ہیگے نیں ۔ اوہ لوک جیہڑے حکماں دے کردار نوں نئیں جان دے تے خُدا دی راستبازی اُتے ایمان نئیں رکھدے ، اپنی دینی حیاتیاں وچ بوہت اوکھے ہون گے تے اخیریں اپنی بربادی ول ودھدے جان گے ۔ ایس لئی پئی پاپ توں وکھ رہنا سوکھا کم نئیں ہیگا اے ،جد پئی ایہو جیہے جگ وچ رہندے ہوئیاں جیہڑا پاپاں نال بھریاہووے ۔ ایس لئی کئی لوک اپنے آپ نوں دُورپہاڑیاں وچ قید کر لیندے نیں تے بھگتاں والیاں حیاتیاں بسر کرن دی ہمت کردے نیں ۔ اوہ سوچدے نیں پئی سنگھنے پہاڑاں وچ رہ کے تے جگ دے پاپاں توں دُور بھجن دے راہیں اوہ پاپ توں بچ سکدے نیں، پر اِنج کدی نئیں ہو سکدا ۔
سانوں لازمی طور اُتے احساس کرنا چاہی دا اے پئی ،بھاویں ایہہ سچ ہیگا اے پئی ایس جگ وچ ہر کوئی پاپ کردااے تے اِنج اپنے دل وچ پاپ رکھدا اے ، اِنج سارے پاپاں توں مکتی خُدا دی راستبازی نوں جانن تے ایمان رکھن نال مل سکدی اے۔ ایتھوں تیک پئی جے سانوں اپنے پاپاں توں بچن لئی جگ توں بچنا سی ، اسیں فیر وی اوہناں دے دلاں دے پاپاں توں بچن دے لائق نئیں ہوواں گے ۔ ایس لئی پئی پاپ ساڈے دلاں وچ ہیگے نیں ۔ اپنے آپ نوں پاپاں توں بچاؤن لئی ، سانوں لازمی طور اُتے پانی تے رُوح دی خوشخبری اُتے ایمان رکھنا چاہی دا اے ۔ خُدا دی شریعت تے اوہدے حکم ساڈے پاپاں نوں ودھاؤندے نیں ۔ اوہ جیہڑے اپنے پاپاں دے بھار نوں جان دے نیں ، اوہناں نوں لازمی جاننا چاہی دا اے تے خُدا دی راستبازی اُتے ایمان رکھنا چاہی دا اے جیہڑی پانی تے رُوح دی خوشخبری دے راہیں ساڈے اُتے ظاہر کیتی گئی اے ۔
” تے جیہڑے حکم دی مرضی حیاتی سی اوہو میرے حق وچ موت داسبب بن گیا۔ ایس لئی پئی پاپ موقع ملدیا ں ای حکم دے راہیں مینوں بہکایا تے اوسے دے راہیں مینوں مار وی دتا ۔ “ (رومیوں ۷ : ۱۰ ۔ ۱۱ )سانوں لازمی طور اُتے شریعت بارے چنگی طرحاں جاننا چاہی دا اے ۔ اوہ جنہاں شریعت نوں چنگی طرحاں نئیں جانیا اے اپنی ساری حیاتی دا ویلا شریعت پسندی وچ ڈُبیا ہویا ، اپنے بالکل اخیری دیہاڑے تیک شریعت توں بچن دی ہمت کردے ہوئیاں بسرکرن گے ۔ صرف اوہو جیہڑے شریعت دا سچا کردار جان دے نیں محبت کرن گے تے یسوع دے راہیں پوری کیتی گئی خُدا دی راستبازی اُتے ایمان رکھن گے ۔ فیر کیہ تسیں خُدا دی ایس راستبازی نوں جان دے او؟
پولُس رسول نے آکھیا پئی ایس لئی پئی اوہ ماضی وچ نویں سریوں نئیں جمیا سی ، اوس ویلے اوہ اپنے بدن نال تعلق رکھدا سی تے پاپ دے ہیٹھاں وکیا ہویا سی ۔ اوہنے ایہہ وی اقرار کیتا پئی بھاویں اوہ خُدا دی شریعت دے مطابق جیوندا رہنا چاؤہندا سی ، اوہ اِنج کردیاں ہوئیاں مک گیا جنہوں اوہ کرنا نئیں چاؤہنداسی —مطلب اے پاپ کرنا ۔ ایس لئی پئی اوہ اپنے آپ وچ پاک رُوح نئیں رکھدا سی ، جویں اوہ خُدا دی راستبازی نئیں رکھداسی ۔ فیر ، پولُس نے من لیا پئی ایس طرحاں کاہدے لئی اوہنے اپنی مرضی دے خلاف پاپ کیتا ، ایس لئی پئی اوہدے دل وچ پاپ ہیگے سَن ، ایس لئی اوہنے اوس ویلے خُدا دی راستبازی نوں صرف لبھنا سی ۔
پر ،پولُس نے اک شریعت دا احساس کیتا ،تے اوہ شریعت پاپ دی شریعت ہیگی سی — اوہدے احساس دی سچیائی دا چوکھا ہونا ایہہ ہیگا سی پئی بندہ جیہڑ ا اپنے دل وچ پاپ رکھدااے ، پاپ کرن توں رُک نئیں سکدا ۔ اوہنے ایہہ وی احساس کیتا پئی بندہ دلوں فیر وی ہمیشہ خُدا دی شریعت مطابق جیوندے رہن دی ہمت کرداسی ۔پر پولُس نے اقرار کیتا پئی ،جویں پاپ دا رُکھ پاپ دے پھل پیدا کردااے ، اوہ اک پاپی ہیگا سی جیہڑا صرف پاپ وچ رہنا چالو رکھ سکدا سی ، ایس لئی پئی اوہ حالے تیک یسوع مسیح نال نہ ملن دے سبب اپنے پاپاں توں مکتی نئیں پا چُکیا سی ۔دوجے اکھراں وچ ،اپنے پاپاں دے سبب اوہدے لئی موت دےحوالے ہونا ای ٹھیک ہیگا سی ۔
ایس لئی اوہنے اقرار کیتا پئی اوہ لیکھاں دا ماریاں ہویا بندہ سی ، پچھتاؤندے ہوئیاں ، ” ایس موت دے بدن توں مینوں کون چھڈاوے گا ؟ “(رومیوں ۷ : ۲۴)۔ایہہ پولُس دی اپنے ماضی بارے یاد ہیگی سی جدوں اوہ اک پاپی رہیا سی ۔تہانوں پولُس دے ایس اقرار نوں اپنے آپ اُتے لاؤن بارے سوچ وچار کرن دی لوڑ ہیگی اے ۔ کیہ تسیں حالے تیک موت دے اوس بدن وچ قید نئیں ہیگے او جیہڑا شریعت نوں قائم نئیں رکھ سکدا ؟ سانوں لازمی طور اُتے خُدا دی راستبازی اُتے ایمان رکھنا چاہی دا اے ۔ خُدا دی ایہہ راستبازی پانی تے رُوح دی خوشخبری وچ لُکی ہوئی اے تے اسیں ایس خُوشخبری اُتے ایمان رکھن دے راہیں اوہدی خوشخبری پا سکدے آں ۔
پولُس یسوع مسیح دے بپتسمے تے سولی اُتے اوہدی موت اُتے ایمان رکھن دے راہیں اپنی ساری بے نصیبی توں چھُٹ سکیا ۔
Copyright © 2021 by The New Life Mission