בשל נגיף הקורונה ושיבושים בשירות הדואר הבינלאומי
השענו זמנית את שירות הספרים החינמיים המודפסים שלנו.
השענו זמנית את שירות הספרים החינמיים המודפסים שלנו.
עקב מצב זה איננו יכולים לשלוח לך את הספרים כרגע.
אנא התפלל שמגפה זו תסתיים בקרוב ושירות הדואר יחודש.
אנא התפלל שמגפה זו תסתיים בקרוב ושירות הדואר יחודש.
مضمون 11: خیمۂ اِجتماع
[11-10] حوض وچ وکھایا گیا ایمان <خروج ۳۰:۱۷۔۲۱>
>خروج ۳۰:۱۷۔۲۱<
”فیر خُداوند نے مُوسیٰ نوں آکھیا ۔ تُوں دھون لئی پِتل دا اک حوض تے پِتل ای دی کُرسی بناویں تے اوہنوں خیمۂ اجتماع تے قربانگاہ دے وچکار رکھ کے اوس وچ پانی بھر دیویں ۔ تے ہارون تے اوہدے پُتر اپنے ہتھ پیراوس نال دھون کرن ۔ خیمۂ اجتماع وچ جان ویلے پانی نال دھو لیا کرن تاں پئی مر نہ جان یا جد اوہ قربانگاہ دے نیڑے خدمت لئی یعنی خُداوند لئی سوختنی قربانی چڑھان نوں آؤن ۔ تاں اپنے اپنے ہتھ پیر دھو لین تاں پئی مر نہ جان ۔ ایہہ اوہدے تے اوہدی اولاد لئی پیِڑھیوں پیِڑھی ہمیش دی رِیت ہوئے۔ “
خیمۂ اجتماع دے برانڈے وچ حوض
سامان :حوض پِتل نال بنایا گیا سی ، ایہہ سدا پانی نال بھریا رہندا سی ۔
رُوحانی مطلب : پِتل دا مطلب انسانی پیِڑھی دیاں ساریاں پاپاں دی کچہری اے ۔ انسانی پیِڑھی دی سزا نوں جرن لئی ، یِسُوعؔ نے یوحنا کولوں بپتسمہ لین دے راہیں اپنے آپ اُتے دُنیا دیاں ساریاں پاپاں نوں چُک لیا ۔ ایسےطرح ، حوض دا مطلب اے پئی اسیں ایمان رکھن دے راہیں اپنیاں ساریاں پاپاں توں پاک ہو سکدے آں یعنی ساڈے ایہہ سارے پاپ اوہدے بپتسمے دے راہیں یِسُوعؔ مسیح اُتے لد دتے گئے سن ۔
خیمۂ اجتماع وچ سیوا کرن والیاں کاہناں نے وی خیمۂ اجتماع وچ جان توں پہلوں حوض وچ اپنیاں ہتھاں تے پیراں نوں دھویا تے اِنج اپنی موت توں بچے رہے ۔ پِتل ساریاں پاپاں دی کچہری دا حوالہ دیندا اے ، تے حوض دا پانی بپتسمے بارے دسدا اےجیہڑا یِسُوعؔ نے یوحنا کولوں لیا تے جیہدے راہیں اوہنے اپنے آپ اُتے دُنیا دیاں پاپاں نوں چُکیا ۔دوجیاں اکھراں وچ ، حوض سانوں دسدا اے پئی یِسُوعؔ نے اپنے اُتے لدے گئے ساریاں پاپاں نوں قبول کیتا تے ایہناں پاپاں دی سزا نوں جریا ۔ پُرانے عہد نامے وچ ، حوض وچ پانی دا مطلب ، خیمۂ اجتماع دا اسمانی دھاگہ تے نویں عہد نامے وچ بپتسمہ اے جیہڑا یِسُوعؔ نے یوحنا کولوں لیا سی (متی ۳ : ۱۵ ، ۱ ۔پطرس ۳ : ۲۱)۔
سو حوض یِسُوعؔ دے بپتسمے بارے دسدا اے ، تے ایہہ تھاں اے جتھے اسیں اصل وچ اپنے ایمان دا پک کردے آں پئی یِسُوعؔ نے ساڈیاں ساریاں پاپاں نوں ، ساڈیاں اصل پاپاں نوں رَلا کے چُک لیا ، تے اوہناں نوں اِکو ای واری بپتسمہ دے راہیں دھو دتا جیہڑا اوہنے یوحنا بپتسمہ دین والے کولوں ۲۰۰۰ء مسیحی ورہے پہلوں لیا سی ۔
ایس دُنیا وچ راستباز نیں جیہڑے پانی تے رُوح دی خوشخبری اُتے ایمان رکھن دے راہیں نویں سریوں جم پئے نیں ۔ اوہ اوہناں وچوں نیں جیہڑے ایمان رکھن دے راہیں اپنیاں پاپاں دی معافی پا چُکے نیں یعنی اوہناں دے سارے پاپ اسمانی ، ارغوانی تے لال دھاگے تے مہین وٹے ہوئے کتان وچ ظاہر کیتے گئے یِسُوعؔ دیاں کماں دے راہیں معا ف کیتے گئے سن ۔ پر ، ایس لئی پئی ایتھوں تیک راستباز جیہڑے پاپ دی معافی پا چُکے نیں اپنیاں بدناں وچ ادھورے نیں ، اوہ بچ نئیں سکدے سگوں ہر روز پاپ کردے نیں ، تے ایہو جیہے پاپ حقیقی پاپ اکھواؤندے نیں ۔ اوہ تھاں جتھے راستبازجیہڑے اپنیاں پاپاں دی معافی پا چُکے نیں اپنیاں حقیقی پاپاں دے مسئلے نوں حل کرن لئی آؤندے نیں ایس حوض توں علاوہ کوئی دوجی نئیں ہیگی ۔ جد کدی راستباز حقیقی پاپ کردے نیں ، اوہ خیمۂ اجتماع دے برانڈے وچ حوض کول آؤندے نیں ، تے اپنے ہتھ تے پیر دھوندے نیں ، تے اوہ اِنج سچیائی دا پک کر سکدے نیں پئی یِسُوعؔ پہلوں ای خُدا دے لکھے ہوئے کلام اُتے ایمان رکھن دے راہیں اوہناں دیاں ساریاں حقیقی پاپاں نوں وی معاف کر چُکیا اے ۔
پاک کتاب وچ ، پانی کئی تھاواں اُتے خُدا دے کلام بارے دسن لئی وی ورتیا جاندا اے ، پر پانی دا بوہت خاص مطلب یِسُوعؔ دا بپتسمہ اے ۔ افسیوں ۵ : ۲۶کہندا اے ، ”تاں جو اوہنوں کلام دی راہیں پانی نال نوھا کے تےصاف کرکےپاک بنائے۔“تے یوحنا ۱۵ : ۳ کہندااے ،”ہُن اوس گل دے سبب جیہڑی مَیں تہانوں آکھی اے تُسی پاک اوہ۔“ حوض پاک لوکاں نوں جیہڑے اپنیاں پاپاں دی معافی نوں پا چُکے نیں اوہناں نوں ثبوت رکھن دے لائق کردا اے پئی خُدا پانی نال اوہناں دیاں ساریاں پاپاں نوں معاف کر چُکیا اے کوئی معنی نئیں رکھدا اوہناں دے بدن کنے ادھورے ہو سکدے نیں ۔ ۱۔پطرس ۳ : ۲۱ تے ۲۲ دسدا اے ، ”تے ٹھیک اوسے پانی وانگر بپتسمہ وی یِسُوعؔ مسیح دے جی اُٹھن دی راہیں ہُن تہانوں بچاندااے۔ اوہدے توں جسم دی مَیل دُورکرنا نئیں پرچنگی نیّت نا ل خُدا دا طالب ہونا مُراد اے ۔اوہ اسمان اُتے جا کے خُدا دے سجے پاسے بیٹھا ہویا اے تے فرشتے تے اختیار تے قدرتاں اوہدے تابعیاں کیتیاں گئیاں نیں۔ “ ایہناں آیتاں توں کُجھ پہلوں، پطرس نوح دیاں دناں دے پانی دے رُوحانی مطلب دی وضاحت کردا اے ۔ بھاویں نوح پاپیاں نوں ، دوجیاں اکھراں وچ ، پاپ دیاں قیدی رُوحاں نوں ، سیلاب دے بارے خبردار کر چُکیا سی جیہڑا پہلی دُنیا دی ساری پلیتی نوں پاک کرے گا ، صرف اَٹھ لوک پانی دےراہیں بچے سن ۔ اوس ویلے سیلاب دے پانی نے اوہناں ساریاں نوں مار دتا جیہڑے کدی وی خُدا دے کلام اُتے ایمان نیئں رکھدے سن ۔ تے ہُن ، پطرس سیلاب دے حادثے وچوں حوالہ دیندا اے پئی یِسُوعؔ دا بپتسمہ اوسے پانی وانگر اے ۔ ایسے طرح ، حوض تھاں اے جتھے اسیں خُدا دے اگے اک واری فیر دونویں جد اسیں مکتی یافتہ ہوندے آں تے بعدوں اپنی مکتی دا پک کردے آں ۔
پاک لوک جیہڑے ایمان رکھن دے راہیں اپنیاں پاپاں توں مکتی یافتہ ہو گئے نیں حوض دے پانی (یِسُوعؔ دے بپتسمے)، پِتل (خُدا دی ساریاں پاپاں دی عدالت)اُتے ایمان رکھن دے راہیں خُدا دے فضل دےکپڑے پاؤندےنیں ، تے پئی یِسُوعؔ اوہناں نوں اوہناں دیاں پاپاں توں چھڈا چُکیا اے ۔ بھاویں اسیں بوہت کمیاں تے غلطیاں نال بھرے ہوئے آں پئی اسیں مشکل نال ایتھوں تیک پئی اپنے آپ نوں راستباز وانگر پچھان سکدے آں ، اسیں لازمی پک کر سکدے آں پئی اسیں یِسُوعؔ دے بپتسمے (پاپاں نوں جرن ، پانی ) تے سولی اُتے اوہدے وگائے لہو اُتے (پاپاں دی سزا ، پِتل اُتے )اپنے ایمان نوں دوجی واری وقف کرن دے راہیں کامل طریقے نال راستباز آں ۔ ایس لئی پئی اسیں خُدا دے کلام اُتے ایمان رکھدے آں جیہڑا سانوں ساریاں نوں پہلوں ای ساڈیاں ساریاں پاپاں نوں تے ایہناں پاپاں دی سزا توں بچا چُکیا اے ، اسیں سدا لئی راستبازبن سکدے آں جیہڑے بےپاپ آں ۔
خُدا دا کلام جیہدے اُتے اسیں ایمان رکھدے آں سانوں دسدا اے پئی یِسُوعؔ نے یوحنا کولوں لَئے گئے اپنے بپتسمے دے راہیں اپنےآپ اُتے ساڈیاں پاپاں نوں چُک لیا ، ساڈی تھا ں اُتے پاپاں دی ساری سزا جرن لئی سولی اُتے اپنا لہو وگایا ، تے اِنج سانوں ساڈیاں پاپاں توں کامل طریقے نال بچا چُکیا اے ۔ خُدا نے خیمۂ اجتماع دے برانڈے وچ حوض نوں رکھیا تاں پئی اسیں اپنے ایمان نال پک کرئیے پئی اسیں ، کوئی معنی نئیں رکھدا حالات کیہ ہوسکدے نیں ، اوہ واں جیہڑے اپنیاں ساریاں پاپاں توں کامل طریقے نال بچائے گئےواں ۔
کیہ تُسیں اپنیاں ساریاں حقیقی پاپاں توں ہمیش لئی چھڈائے گئے او ؟
اخیری کھانے ویلے ،اپنیاں چیلیاں نال فسح دی روٹی تے شربت ونڈن دے بعد یِسُوعؔ نے ، سولی اُتے مرن توں پہلوں ، پطرس تے دوجیاں چیلیاں دے پیر پانی نال دھونے چاہے ۔ ایس لئی پئی یِسُوعؔ پہلوں ای یوحنا کولوں لَئے گئے اپنے بپتسمے دے راہیں اپنیاں چیلیاں دے ساریاں پاپاں نوں اپنے اُتے لَے چُکیا سی ، اوہنے اوہناں نوں حوض دی سچیائی سکھاؤنی چاہی ۔ یِسُوعؔ نے اوہناں نوں دسیا پئی بپتسمہ لین دے بعد ، اوہ ، فسح دے لیلے وانگر ، اک رُکھ اُتے لمکائے جان دے راہیں پاپ دی مزدوری (موت)اداکرے گا ۔ ایس طرح ، یِسُوعؔ دے باراں چیلے ، بھاویں اوہ اوس اُتے ایمان رکھن دے بعد ادھورے ای رہے ، کدی دوجی واری پاپی نا بنے ۔
ایسےطرح، ایہہ سچیائی پئی یِسُوعؔ نے اوہناں دےپیر دھوتے اوہنے اوہناں دا پک پئی جیہدی سچیائی دا کلام گواہی دیندا اے ― یعنی یِسُوعؔ پہلوں ای اوہناں دے دُنیا دیاں ساریاں پاپاں نوں دھو چُکیا اے ۔ ایس لئی چیلے دُنیا دے لوکاں تیک سدا منادی کر سکدے سن پئی یِسُوعؔ مکتی داتا اے تے پانی تے رُوح دی خوش خبری نوں ودھا سکدے سن جیہڑی اوہ پہلوں ای پوری کر چُکیا سی (عبرانیوں۱۰: ۱۔۲۰)۔ ایس طرح حوض راستباز نوں یِسُوعؔ دے بپتسمے نوں یاد رکھن دی اجازت دیندا اے جیہڑے سچیائی اُتے ایمان رکھن دے راہیں اپنیاں پاپاں توں معاف کیتے گئے نیں ۔ ایہہ اوہناں نوں مکتی دا کامل بھروسہ وی دیندا اے پئی خُدا آپ اوہناں نوں چھڈا چُکیا اے ۔
پاک کتاب حوض دی کاچھ بارے نئیں دسدی
جد پئی خیمۂ اجتماع وچ ہر دوجی شے دی کاچھ بارے دسیا گیا اے ، حوض دی کاچھ نئیں ہیگی ۔ ایہہ
سانوں سچیائی دسدا اے پئی یِسُوعؔ خُدا دے پُتر نے اپنے بپتسمے نال اپنے آپ اُتے ساڈیاں پاپاں نوں چُک لیا اوہ حدوں ودھ طریقے نال وڈا اے ۔ ایہہ سانوں ایہہ وی دسدا اے پئی یِسُوعؔ دی محبت جیہڑی سانوں ساڈیاں پاپاں تے سزا توں بچا چُکی اے حدوں چوکھی اے ۔ حوض خُدا دی وڈی محبت وکھاؤندا اے جیہڑی کچھی نئیں جا سکدی ۔ سارے لوک پاپ کردے رہن وچ پھَسے ہوئے نیں جد تیک اوہ زندہ رہندے نیں ۔ پر یوحنا کولوں لَئے گئے اپنے بپتسمے دے راہیں اپنے آپ اُتے دُنیا دیاں ساریاں پاپاں نوں چُک کے تے سولی اُتے چڑھن تے سولی اُتے اپنا لہو وگاؤن دے راہیں ، یِسُوعؔ سدا لئی ساڈیاں ساریاں پاپاں نوں مکاچُکیا اے ۔
حوض اوہناں زنانیاں دے پِتل دیاں شیشیاں نوں پنگھارکے بنایا گیا سی جیہڑیاں خیمۂ اجتماع وچ سیوا کر دیاں سن (خروج ۳۸: ۸)۔ایہدا مطلب ہیگا اے پئی خُدا دا کلام پاپیاں اُتے مکتی دی لو چمکاندا اے تے اوہناں دا ہنیرا لَے لیندا اے۔ سانوں لازمی احساس کرنا چاہی دا اے پئی خُدا حوض بنا چُکیا اے تا ں پئی اوہ آپ ساڈیاں پاپاں نوں دھو سکے ۔ سچیائی دا ایہہ کلام لوکاں دیاں اوہناں دیاں دلاں دی ڈونگھیائی وچ لُکیاں ہویاں پاپاں اُتے لو چمکا چُکیا اے ، ہمیش لئی اوہناں دیاں پاپاں نوں دھو چُکیا اے ، تے اوہناں نوں پاپاں دی معافی دے چُکیا اے ، تے اِنج اوہناں نوں راستباز بنا چُکیا اے ۔ دوجیاں اکھراں وچ ، حوض سچیائی دی واضح طریقے نال گواہی دین دا کم کردا اے پئی یِسُوعؔ مسیح خُدا دے کلام نال کامل طریقے نال سانوں پاپیاں نوں بچا چُکیا اے ۔
حوض وی پِتل نال بنایا گیا سی
کیہ تہانوں پتہ اے پِتل کناں خاص اے جیہڑا حوض بنان لئی ورتیا گیا سی ؟ پِتل پاپ دی سزا توں علاوہ کسے دوجی شے بارے نئیں دسدا جنہوں اسیں جرنا سی ۔ بوہتانکا کرن لئی ، ایہہ سانوں دسدا اے پئی یِسُوعؔ ساڈیاں ساریاں پاپاں نوں اپنے بپتسمے نال سولی اُتے لَے گیا تے ساڈے بدلے سزا جری ۔ ایہہ اسیں ساں جیہڑے اپنیاں پاپاں دے سببوں اصل وچ سزا دے حقدار ساں ، پر حوض دے پانی دے راہیں ، اسیں اک واری فیر پک کر سکدے آں پئی ساڈے سارے پاپ سارے دے سارے دھوتے گئے نیں ۔ اوہ جیہڑے ایس اُتے ایمان رکھدے نیں اوہ بن جاندے نیں جیہڑے اپنے ایمان دے راہیں پرکھے گئے نیں،تے ایس لئی اوہ دوجی کوئی ہور سزا نئیں جرن گے ۔
پانی نال بھریا ہویا حوض سانوں دسدا پیا اے ، ”اسمانی ، ارغوانی تے لال دھاگے تے مہین وٹے ہوئے کتان دے راہیں یِسُوعؔ پہلوں ای ساڈیاں پاپاں نوں دھو چُکیا اے تے تہانوں تہاڈیاں پاپاں توں کامل طریقے نال بچا چُکیا اے ۔ اوہ تہانوں پاک کر چُکیا اے ۔ “دوجیاں اکھراں وچ ، حوض راستبازاں لئی ٹھیک ثبوت اے جیہڑے پاپ توں معافی پا چُکے نیں پئی اوہ اوہناں دیاں پاپاں توں پاک تے مکتی یافتہ کیتے گئے نیں ۔
سوختنی قربانی دی قربانگاہ دا مطلب پاپ دی سزا اے ، جد پئی حوض خیمۂ اجتماع دے سامان وچکار اسمانی دھاگے نال رَلد اے ، سانوں دسدا اے پئی یِسُوعؔ نے نویں عہد نامے وچ اپنے بپتسمے نال اپنے آپ اُتے ساڈیاں پاپاں نوں چُک لیا ۔
اسیں پاک تھاں اُتے صرف اوسے ویلے جا سکدے آں جد اسیں خیمۂ اجتماع دے برانڈے دے پھاٹک نوں کھولدے تے اندر جاندے آں ، سوختنی قربانی دی قربانگاہ وچوں لنگھدے ، تے فیر ایہدے بعد حوض وچوں لنگھدے آں ۔ اوہ لوک جیہڑے خیمۂ اجتماع وچ جاسکدے نیں جتھے خُدا رہندا اے صرف اوہ نیں جیہڑے واضح طریقے نال ایمان دے راہیں سوختنی قربانی دی قربانگاہ تے حوض دے راہیں لنگھ گئے نیں ۔ صرف اوہ جیہڑے خیمۂ اجتماع دے باہرلے برانڈے وچ حوض دی سچیائی اُتے ایمان رکھن دے راہیں پاپ دی معافی پا چُکے نیں پاک تھاں اُتے جا سکدے نیں ۔
جد کوئی اپنی موہڈیاں دے زور نال پاک تھاں اُتے جان دی کوشش کردا اے ، پاک تھاں وچوں اگ نکلے گی تے اوس بندے نوں کھا جائے گی ۔ ایتھوں تیک پئی ہارون دے پُتر وی ایس توں بچے نئیں سن ، تے اوہناں وچوں کئی ، اصل وچ ، سچ مُچ اخیریں مر گئے (احبار ۱۰ : ۱۔۲)۔اوہ لوک جیہڑے خُدا دے پاپاں نوں جرن دی راستبازی تے سزا نوں نئیں جان دے تے ایس سچیائی نوں ردّکردے نیں اپنیاں پاپاں دے سبب موت دے حوالے کیتے جان گے ۔ لوک جیہڑے اوہدی پاپ دی بوہت وڈی مکتی اُتے ایمان رکھن دی بجائے اپنیاں ذاتی سوچاں مطابق ایمان رکھن دے راہیں خُدا دی بادشاہی وچ جان دی کوشش کردے نیں لازمی ای اپنیاں پاپاں دے سببوں اگ دی سزا جرن گے ۔ پاپ دی ناگزیرسزا دے سببوں ،اوہ ساری جیہڑی اخیریں اوہناں نوں اُڈیکدی اے صرف دوزخ اے ۔
یِسُوعؔ نے ساڈی پاپ توں مکتی اسمانی ، ارغوانی تے لال دھاگے تے مہین وٹے ہوئے کتان نال کامل کیتی تاں پئی اسیں پاک تھاں اُتے جان دے لائق ہو جائیے ۔ ایہہ ایس سچیائی اُتے ایمان رکھن دے راہیں اےپئی اسیں اپنیاں ساریاں پاپاں توں کامل طریقے نال مکتی یافتہ ہیگے آں ۔ خُدا ایتھوں تیک پئی دُنیا بناؤن توں پہلوں ساریاں لوکاں نوں پاپ توں بچان دا اپنا ارادہ تیار کر چُکیا سی ، تے آؤ اسیں پاک کتاب دے راہیں اسمانی دھاگے (یِسُوعؔ دا بپتسمہ)،لال دھاگے (سولی اُتے یِسُوعؔ دی موت )تے ارغوانی دھاگے (خُدا بندہ بن گیا )توں تفصیل نال اوہدی مرضی نوں جانیے ۔ تے ایس منصوبے مطابق ، اوہ سچ مُچ ساریاں پاپیاں نوں اوہناں دیاں پاپاں تے بدکاریاں توں ایہناں اسمانی ، ارغوانی تے لال دھاگے وچ وکھائے گئے یِسُوعؔ دیاں کماں دے راہیں بچا چُکیا اے ۔
۱ ۔ یوحنا ۵ : ۴ کہندا اے ، ”تے اوہ فتح جِہدےنال دُنیاجِتی گئی اے ساڈا ایمان اے۔ “تے ایہدے پِچھلے چلنا آیت ۱۰ نال ہوندا اے ، جیہڑی آکھدی اے ، ”جیہڑا خُدادےپُتر اُتے ایمان لیاؤندا اے گواہی اوہدے وچ ای اے ۔“ مکتی دی ایہہ گواہی کیہ اے ؟ سچیائی دی خوشخبری جیہڑی سانوں پانی ، لہو تے رُوح دے راہیں ساڈی مکتی دےچُکی اے خُدا دے پُتر اُتے ساڈے ایمان دی گواہی اے (۱ ۔ یوحنا ۵ : ۶ ۔ ۸)۔ دوجیاں اکھراں وچ ، صرف پانی تے رُوح دی خوشخبری جیہدے اُتے اسیں ایمان رکھدے آں ، ثبوت اے پئی خُدا ساڈیاں پاپاں نوں دھو چُکیا اے تے سانوں اپنے خاص لوک بنا چُکیا اے ۔ ساڈے لئی ساریاں پاپاں توں مکتی یافتہ ہون دا ، پاک تھاں اُتے جان ، خُدا دے راہیں دتی گئی زندگی دی روٹی وچوں کھان تے اوہدے فضل وچ زندہ رہن دا اِکو راہ پانی تے رُوح دی ایس خوشخبری اُتے ایمان رکھن توں علاوہ کوئی دوجا نئیں ہیگا ۔ پانی تے رُوح دی خوشخبری اُتے ایمان رکھن دے راہیں جیہڑی ساڈیاں پاپاں نوں پاک کردی اے ، ہُن سانوں لازمی مکتی یافتہ ہونا تے اپنیاں ایمان دیاں زندگیاں خُدا دی کلیسیا نال رَل کے رہن دے راہیں بسرکرنیاں چاہی دیاں نیں ۔
ایہہ پانی تے رُوح دی خوشخبری دی سچیائی اُتے ایمان دے راہیں اے پئی اسیں اوہدی کلیسیا وچ خُدا دے کلام توں کھا سکدے آں ، ایہدے نال اکٹھے ہو سکدے آں ، تےراستبازاں وانگر زندہ رہ سکدے آں جنہاں دیاں دعاواں خُدا سُن دا اے ۔ جد اسیں ایس سچیائی اُتے ایمان رکھدے آں ، اسیں راستباز بن سکدے آں جیہڑے اسمانی ، ارغوانی تے لال دھاگےوالا ایمان رکھدے آں ، تے جیہڑے اوہدے تخت اگے خُدا دے فضل دے کپڑے پا کے زندہ رہندے آں ۔ ایمان دی زندگی جیہڑی خُدا دے لوکاں دے راہیں صرف گزاری جا سکدی اے اِکو پانی ، لہو تے رُوح اُتے ایمان دے راہیں ملدی اے ۔ اسیں یِسُوعؔ دے بپتسمے اُتے اپنیاں ساریاں پاپاں توں ، اوہدے لہو وگاؤن تے موت ، تے ایہہ پئی یِسُوعؔ آپ ای خُدا اےاُتے سچے دلوں ایمان رکھن دے راہیں مکتی یافتہ ہو سکدے آں ۔ ایمان جیہڑا تہانوں خُدا دی کلیسیا وچ زندہ رہن دے لائق کر چُکیا اے اسمانی ، ارغوانی تے لال دھاگے تے مہین وٹے ہوئے کتان والا ایمان اے ۔
اج کل بوہت سارے لوک کہندے پئے نیں ، ”سارا کُجھ جیہڑا اسیں کرنا اے صرف یِسُوعؔ اُتے ایمان رکھنا اے ؛ کیوں ایہناں ساریاں پیچیدگیاں توں پریشان ہوئیے ؟ آؤ اسیں نکمیاں گلاں نال اپنا ویلا برباد نا کرئیے تے صرف کسے وی طریقے نال ایمان رکھیے جیہڑا اسیں ٹھیک سوچدے آں ۔“ایہو جیہے لوکاں لئی ، اسیں خورے مسیحیت وچ صرف مصیبت ودھاؤن والے نظر آسکدے آں ، پر جیہڑی گل بالکل ٹھیک اے اوہ ایہہ ہیگی اے پئی جے کوئی یِسُوعؔ اُتے پاپ توں معافی پائیو ں بغیر ایمان رکھدا اے ، اوہنوں لازمی ہمیش دی سزا جرنی پوے گی ۔ پانی،لہو تے رُوح دی خوشخبری اُتے کامل طریقے نال ایمان نا رکھنا اک جھوٹھا تے کچا ایمان اے ۔ ایہہ اصل وچ ، یِسُوعؔ اُتے مکتی داتا وانگر ایمان نا رکھنا اے ۔
جے مینوں ،کسے اوپرےبندے دی طرفداری جتن لئی ، ایس اوپرے بندے نال انھے وا ضد کرنی سی ، ”مَیں تیرے اُتے بھروسہ رکھدا ہاں ، “ کیہ ایہہ بندہ ایس گل نوں من لوے گا ، ”ایس بندے نوں اصل وچ میرے اُتے سچ مُچ بھروسہ کرنا چاہی دا اے ،“ تے ایہدےبارے خوش ہونا چاہی دا اے ؟ ایہدے اُلٹ ، اوہ بھاویں کہہ سکدا اے ، ”کیہ تُسیں مینوں جان دے او ؟ مینوں نئیں لگدا مَیں تینوں جان دا ہاں ۔ “ جے میَں اوہنوں فیر کہندا ہاں ، ”پرمَیں فیر وی تہاڈے اُتے کسے طرح بھروسہ کردا ہاں ، “ تے اوس ول خلوص بھریاں اکھاں نال اوہنوں چنگا محسوس کراؤن دی کوشش کردیاں ہویاں ویکھدا ہاں ، کیہ او ہ فیر ایہدے بارے وچ خوش ہوئے گا ؟ ایہہ بوہت چوکھا ایہدے وانگر اےاوہ مینوں صرف اک ریڑھ دی ہڈی دے بغیر خوشامدی طریقے نال ویکھے گا ، جیہڑا صرف اوہدیاں اکھیاں نوں پڑھن تے اوہدا احسان چُکن دی کوشش کردا پیا اے ۔
نا ای خُدا لوکوں توں خوش ہوندا اے جیہڑے صرف اوس اُتے انھے وا ایمان رکھدے نیں ۔ جد اسیں کہندے آں ، ”مَیں خُدا اُتےایمان رکھداہاں ۔ مَیں یِسُوعؔ اُتے پاپیاں دے مکتی داتا ہون لئی ایمان رکھداہاں،“ فیر سانوں لازمی جانن تے ایمان رکھن دے بعداوس اُتے اپنے ایمان دا اقرار کرنا چاہی دا اے پئی کویں یِسُوعؔ پاپیاں دیاں بدکاریاں دی فکر کر چُکیا اے ۔ جے اسیں بغیر سوچیوں یاں انھے وا ایمان رکھدے آں ، بھاویں ساڈا کوئی کردارای نئیں ہیگا ، تاں اسیں کدی مکتی یافتہ نئیں ہو سکدے ۔ اسیں صرف مکتی یافتہ ہوندے آں جد اسیں پہلوں واضح طریقے نال جانن دے بعدوں ایمان رکھدے آں پئی کویں یِسُوعؔ ساڈیاں پاپاں نوں مکا چُکیا اے ۔ جد اسیں کہندےآں پئی اسیں کسے اُتے بھروسہ رکھدے آں ، تاں اسیں اوس بندے اُتے اپنا سچا یقین رکھدے آں ایس لئی پئی اسیں اوہنوں چنگی طرح جان دے آں تے ایس بندے نوں بھروسہ کرن دے لائق سمجھدے آں ۔ کسے اُتے بھروسہ رکھدیاں ہویاں جنہوں اسیں چنگی طرح نئیں جان دے ایہدا مطلب صرف ایہہ ہو سکدا اے پئی اسیں یا تاں جھوٹھ بولدے پئے آں ، یا اسیں بے عقلے آں جیہڑے راہوں بھٹکن لئی تیار آں ۔ ایس طرح ، جد ااسیں یِسُوعؔ اُتے ایمان رکھن دا اقرار کردے آں ، سانوں لازمی ٹھیک طریقے نال جاننا چاہی دا اے کویں یِسُوعؔ ساڈیاں ساریاں پاپاں نوں مکاچُکیا اے ۔ صرف اودوں اسیں اپنے خُداوند دے راہیں اخیری ویلے تیک چھڈے نئیں جا سکدے تے اسمان وچ نویں سریوں جمے ہوئے خُدا دیاں پُتراں وانگر جا سکدے آں ۔
سچا ایمان جیہڑا ساڈی اسمان تیک اگوائی کر سکدا اے اسمانی ، ارغوانی تے لال دھاگے اُتے ایمان اے ۔ دوجیاں اکھراں وچ ، اصلی ایمان پانی تے رُوح دی خوشخبری اُتے ایمان رکھنا اے جیہڑا سانوں پانی (یِسُوعؔ دے بپتسمے )، لہو (یِسُوعؔ دی موت)تے پاک رُوح (یِسُوعؔ خُدا اے)دے راہیں بچا چُکیا اے ۔ سانوں لازمی جاننا چاہی دا اے ساڈے خُداوند دا فضل صرف کناں وڈا اے جیہڑا سانوں بچا چُکیا اے تے ایس اُتے ایمان رکھیے ، ایس لئی پئی ایس سچیائی اُتے ایمان ساڈی مکتی تیک اگوائی کرے گا ۔
کسے دا ایمان کامل اے یا نئیں ایہدا حساب صرف ایس گل توں ہوندا اے پئی کیہ ایہہ بندہ سچیائی جان دا اے یا نئیں ۔ تُسیں یِسُوعؔ اُتے اپنے مکتی داتا وانگر ایمان رکھ سکدے او صرف جد تُسیں اپنے سچے دلوں پانی تے رُوح دی خوشخبری اُتے ایمان رکھدے او ۔ تے یِسُوعؔ اُتے اپنے مکتی داتا وانگر ایہہ ایمان جیہڑا سانوں پانی تے رُوح دی خوشخبری دے راہیں پاپ توں معافی دے چُکیا اے ، سچا ایمان اے جیہڑا سانوں ساڈیاں ساریاں پاپاں توں بچا چُکیا اے ۔
حوض مکتی دا ثبوت اے جیہڑا ساڈیاں پاپاں نوں معا ف کر چُکیا اے
حوض پانی نال بھریا ہویا سی ۔ایہہ پاک تھاں دے بالکل اگے رکھیا گیا سی ۔ حوض تھاں اے جتھے اسیں اپنے آپ نوں چیتا کراؤندے آں پئی اسیں پاپ توں معافی پا چُکے آں ، تے ایہدے پاؤن دا ایمان دے راہیں پک کردے آں ۔ ایہہ سچیائی دا ثبوت اے پئی خُدا ایمانداراں دیاں ساریاں پاپاں نوں پاک کر چُکیا اے ۔ بالکل جویں پاک تھاں اُتے سیواکرن والے کاہن حوض اُتے اپنیاں ہتھاں تے پیراں نوں دھوندے سن جد اوہ مٹی نال لِبڑ جاندے سن تے اوہ جیہڑے پاپ دی معافی پا چُکے نیں ، جد کدی اوہ پاپ کردے نیں ، اوہ وی ، اِنج پاپاں نوں اپنے آپ نوں چیتا کراؤن تے اک واری فیر اقرار کرن دے راہیں ، خُدا دے کلام دےراہیں دھوندے نیں ، پئی یِسُوعؔ وی پہلوں ای ایناں پاپاں نوں مکا چُکیا اے جنہاں نیں اوہناں نوں گندیاں کیتا تے کفارے لئی لعنتی ہون دے راہیں ایسے طرح اوہناں لئی فدیہ دے چُکیا اے ۔
اسیں پلیت ہوندے آں ایس لئی پئی اسیں بچ نئیں سکدے سگوں ایس دُنیا وچ زندہ رہندیاں ہویاں پاپ کردے رہندے آں ۔ فیر سانوں ایہناں ساریاں پاپاں نوں کیہدے نال دھونا چاہی دااے جیہڑے اودوں سانوں پلیت کردے نیں ؟ اسیں ایمان رکھن دے راہیں اوہناں نوں پاک کردے آں پئی یِسُوعؔ مسیح ، بادشاہواں دا بادشاہ ، پاپیاں نوں بچاؤن لئی اک بندے دے بدن وچ تقریباً ۲۰۰۰ء مسیحی سال پہلوں ایس زمین اُتے آیا ، اپنے بپتسمے دے راہیں اپنے آپ اُتے اوہناں دیاں پاپاں نوں چُک لیا ، سولی اُتے اپنا لہو وگایا تے اِنج پاپیاں نوں اوہناں دیاں ساریاں پاپاں توں معاف کر چُکیا اے ۔ اسیں پاپ توں معافی پا سکدے آں تے ایسے طرح اپنیاں حقیقی پاپاں نوں دھو سکدے آں صرف جد اسیں سچیائی اُتے ایمان رکھدے آں پئی یِسُوعؔ نے بپتسمہ لَے کے اپنے آپ اُتے ساریاں پاپاں نوں چُک لیا ۔ دوجیاں اکھراں وچ ، اسیں ایسے طرح اپنیاں حقیقی پاپاں توں پا ک ہو سکدے آں صرف جد اسیں ایس سچیائی اُتے ایمان رکھدے آں پئی خُدا پہلوں ای اسمانی ، ارغوانی تے لال دھاگے دےراہیں ساڈیاں ساریاں پاپاں نوں دھو چُکیا اے ۔
سانوں لازمی اوہ ایمان رکھنا چاہی دااے جیہڑا حوض دی سچیائی نوں جان دا تے ایمان رکھدا اے
حوض اُتے ایمان دے بغیر اسیں کدی پاک تھاں اُتے جا نئیں سکدے جتھے خُدا رہندا اے ۔ ساڈے چنگے کم سدا کامل نئیں ہو سکدے ۔ ایس لئی پئی ساڈے وچ غلطیاں نیں ، اسیں بوہتی واری پاپ کردے آں ۔ پر مکتی جیہڑا خُدا سانوں دے چُکیا اے اوہ ہر حالے کامل اے ، ایس لئی پئی خُدا دا کلام کامل اے ۔ ایس لئی پئی خُدا اپنی کامل مکتی نال ساڈیاں غلطیاں نوں دھو چُکیا اے ، اسیں نڈر ہوکے ایمان دے راہیں پاک تھاں اُتے جا سکدے آں ۔ اوہ جیہڑے حوض وچوں نئیں لنگھدے کدی پاک تھاں اُتے نئیں جا سکدے ۔ اسیں سچیائی اُتے اپنے ایمان دے راہیں پاک تھاں اُتے جان دے لائق بنائے گئے آں پئی یِسُوعؔ ۲۰۰۰ء مسیحی ورہے پہلوں ایس زمین اُتے آیا تے اسمانی ، ارغوانی ، تے لال دھاگے دے راہیں پیش کیتی گئی پانی ، لہوتے رُوح دی خوشخبری نال دُنیا دیاں ساریاں پاپاں نوں مکا دتا ۔ ایمان رکھیوں بغیر پئی خُداوند پہلوں ای ساڈیاں ساریاں پاپاں نوں مکا چُکیا تے سانوں بے پاپ بنا چُکیا اے ، اسیں پاک تھاں اُتے جانئیں سکدے ۔
جویں اسیں اسمانی ، ارغوانی ، تے لال دھاگے اُتے ایمان رکھیوں بغیر خُدا دی ہیکل وچ جا نئیں سکدے ، جے اسیں پانی تے رُوح دی خوشخبری اُتے ایمان نئیں رکھدے ، نا ای اسیں اوہدی کلیسیا وچ اوہدے کلام اُتے ایمان رکھن دے راہیں خُدا دےفضل دے تخت دے اگے جان دی برکت نال ، اوس توں دعا منگن تے اوہدا فضل پاؤن ، تے اوہدیاں خادماں تے پاک لوکاں نال زندہ رہن نال سواد لَے سکدے آں ۔ اسیں اپنے نال دیا ں ایمانداراں نال خُدا دی کلیسیا وچ اپنیاں زندگیاں ، اوہدا کلام سُن دیاں تے ایمان رکھدیاں ہویاں تے اوس توں دعا منگدیاں ہویاں گزارسکدے آں ، صرف جد اسیں ایمان رکھدے آں پئی خُدا پہلوں ای سانوں اسمانی ، ارغوانی ، تے لال دھاگےدے راہیں ساریاں پاپاں توں بچا چُکیا اے ۔
حوض پا پ توں ساڈی مکتی دی اخیریں تصدیق اے ۔ خُدا نے پاک تھاں دے بالکل اگے حوض نوں رکھیا تے اوہناں نوں ایمان دا ثبوت دین دے بارے ایہنوں پانی نال بھریا جیہڑے پاپ توں معافی دی خوشخبری اُتے ایمان رکھدے نیں ۔ ایہہ حوض راستبازاں دیاں پلیت دلاں نوں پاک کردا اے جیہڑے ایمان رکھدے نیں ۔
آؤ ۱ ۔ یوحنا ۲ : ۱۔ ۲ پڑھیے ، ”بچّیو! ایہہ گلاں مَیں تہانوں ایس لئی لکھنا آں ۔ پئی تُسیں گناہ نا کرو ۔ تے جے کوئی گناہ کرے تے باپ دے کول ساڈا اک مددگار رہندا اے ۔ تے اوہ یِسُوعؔ مسیح اے جیہڑا راستباز اے ۔ تے اوہ ساڈے گناہاں دا کفارہ اے ۔ تے نِرے ساڈیاں دا ای نئیں سگوں ساری دُنیا دا وی ۔ “آمین۔
جے اسیں پاپ کردے آں ، ساڈا باپ کول اک مدد گار اے ، یعنی یِسُوعؔ مسیح راستباز۔ یِسُوعؔ راستبازاں دیاں پلیت دلاں نوں پانی نال پاک کردا اے ۔ اوہدے سولی اُتے چڑھن توں اک دن پہلوں ، اخیری کھانے دے ویلے ، یِسُوعؔ نے اپنیاں چیلیاں نوں اکٹھیاں کیتا ، اک بالٹی وچ پانی لیا ، تے اوہناں دے پیر دھون لگ پیا ۔ ”جدوں مَیں بپتسمہ لیا مَیں تہاڈیاں پاپاں نوں چُک لیا ، ایتھوں تیک پئی پاپاں نوں راؤندیاں ہویاں جیہڑے تُسیں بعد وچ کرو گے ۔تے مَیں لازمی سولی اُتے تہاڈے بدلے سزا جراں گا ۔ مَیں ایتھوں تیک پئی تہاڈیاں آؤن والیاں زمانیاں دیاں پاپاں نوں ایسے طرح اپنے آپ اُتے چُک لیا ، تے مَیں اوہناں نوں مکا دتا ۔ مَیں تہاڈا مکتی داتا بن گیا ہاں ۔ “
ایہہ دسنا سی پئی یِسُوعؔ نے فسح دے اخیری کھانے دے وچکار چیلیاں دے پیر دھوتے ۔ پطرس نوں جنہے یِسُوعؔ نوں اپنے پیر دھون توں منع کیتا ، ”جو کُجھ مَیں کرنا آں اجے تُوں نئیں جان دا پرمیرے مگروں تُوں سمجھیں گا۔“(یوحنا ۱۳ : ۷)۔یِسُوعؔ اوہناں دا کامل مکتی داتا بننا چاہندا سی جیہڑا اصل وچ پانی تے رُوح دی خوشخبری اُتے ایمان رکھدے نیں ۔ اوہناں لئی جیہڑے اسمانی ، ارغوانی تے لال دھاگے اُتے ایمان رکھدے نیں ، یِسُوعؔ اوہناں دا ہمیش دا مکتی داتا بن گیا اے ۔
حوض دااستعمال
حوض کاہناں دی ساری گندگی دھون لئی ورتیا جاندا سی جد اوہ خیمۂ اجتماع وچ خُدا اگے قربانیاں چڑھاؤندیاں ہویاں کم کردے سن ۔ ایہہ میل دھون لئی ضروری سی جیہڑے کاہن قربانی دے پشُو نوں ذِبح کرن ، اوہدا لہو کڈھن ، تے ایس قربانی نوں خُدا اگے چڑھاؤن لئی ایہنوں ٹوٹے ٹوٹے کردیاں ہویاں لیندے سن جیہڑی اسرائیلیاں دےپاپاں لئی کفارہ دیندی سی ۔ جد کاہن جد پئی قربانیاں دیندیاں ہویاں مٹی نال لِبڑ جاندے اوہناں نوں پانی نال صاف ہونا پیندا سی، تے حوض تھاں سی جتھے ایہہ ساری گندگی صاف کیتی جاندی سی ۔
جد کدی اسیں پاپ کردے آں ، بھاویں رُوحانی طریقے نال یا بدن وچ ، تے جد کدی اسیں خُدا دیاں حکماں نوں توڑن دے راہیں پلیت ہو جاندے نیں ، سانوں لازمی ایس حوض دے پانی نال اپنی ساری گندگی نوں دھونا چاہی دا اے ۔ کاہناں نوں ، جد کدی اوہناں دے بدن کسے پلیت یا گندی شے نال لگ جاندے سن ، اپنے بدن دے مٹی لِبڑے حصیاں نوں پانی نال دھونا پیندا سی ، بھاویں اوہ چاؤہندے یا نئیں ۔
ایسے طرح ، جد اوہ سارے جیہڑے خُدا اُتے ایمان رکھدے نیں کسے گندی یا پلیت شے نوں لگ جاندے نیں ، حوض دا پانی ایہو جیہی ساری گندگی نوں دھون لئی ورتیا جاندا اے ۔ مختصر ، حوض دا پانی نویں سریوں جمیاں دی گندگی دھون لئی ورتن لئی دتا جاندا سی ۔ ایس طرح ، حوض خُدا دے فضل والا اے ۔ حوض دا مطلب کوئی اختیاری شے نئیں ہیگی جنہوں اسیں ایمان رکھن یا نا رکھن لئی چُن سکدے آں ، سگوں ایہہ اوہناں لئی خاص کر کے بوہت ضروری شے اے جیہڑے یِسُوعؔ اُتے ایمان رکھدے نیں ۔
خُدا نے خیمۂ اجتماع وچ دوجیاں ساریاں شیواں لئی ناپ مقرر کیتا ، خاص بناؤندیاں ہویاں کنے ہتھ اوہ اُچیائی ، لمائی تے چوڑائی وچ ہونی چاہی دی اے ۔ پر اوہنے حوض دا ناپ خاص نئیں بنایا ۔ ایہہ خاص کر کے صرف حوض دا خاص ہونا اے ۔ ایہہ ہمیش لئی رہن والی محبت بارے دسدا اے جیہڑا مسیحا نے ساڈے اُتے ورسائی اے ، جیہڑے ہر روزحقیقی پاپ کردے نیں ۔ مسیحا دی ایس محبت وچ اوہدا بپتسمہ پایا جاندا سی ، ہتھاں دے رکھے جان دی اک قِسم جیہڑی ساڈیاں ساریاں پاپاں نوں دھوندی اے ۔ جویں بوہت سارا پانی ورتیا جانا پیندا سی جد کاہن مٹی نال لِبڑ جاندے جد اوہ اپنے کم کردے ، حوض نوں لازمی سدا پانی نال بھریا ہویا ہونا چاہی دا اے ۔ سو حوض دا ناپ ایس ضرورت اُتے انحصار کردا سی ۔ ایس لئی پئی حوض پِتل نال بنایاگیا سی ،جد کدی کاہن ایہدے پانی نال ہتھ پیر دھوندے سن ، اوہ پاپ دی عدالت دے بارے سوچدے سن ۔
کاہناں نوں جیہڑےخیمۂ اجتماع وچ سیوا کردے پئے سن اپنیاں ہتھاں تے پیرا ں دی ساری گندگی نوں حوض دے پانی نال دھونا پیندا سی ۔ جے پِتل خُدا دی عدالت بارے دسدا اے ،فیر پانی پاپ دے دھون بارے دسدا اے ۔ عبرانیوں ۱۰ : ۲۲ کہندا اے ،”بدن نوں سُتھرے پانی نال صاف کر کے،“ طِطُس ۳ : ۵ کہندا اے ، ”نویں پیدائش تے نہاؤن تے پاک رُوح دے سانوں نویاں بناؤن دے وسیلے نال۔“ایہناں حوالیاں وانگر، نویں عہد نامے دا کلام وی سانوں بوہت چوکھا بپتسمے دےپانی نال گندگی نوں دھون بارے دسدا اے ۔
جے کاہن اوہناں دیاں زندگیاں توں ملی اپنی گندگی نوں حوض دے پانی نال دھوندے سن ، اسیں ، اج دے نویں سریوں جمے ہوئے مسیحی ،اپنیاں زندگیاں وچ کیتے گئے اپنیاں ساریاں حقیقی پاپاں نوں یِسُوعؔ دے بپتسمے اُتے ایمان رکھن دے راہیں دھو سکدے آں ۔ پُرانے عہد نامے دے حوض دا پانی سانوں وکھاؤندا اے پئی مسیحا ایس زمین اُتے آیا تے بپتسمے نال دُنیا دیاں ساریاں پاپاں نوں دھو چُکیا اے جیہڑا اوہنے یوحنا کولوں لیا سی ۔
پاک کتاب دے راہیں ، خُدا سانوں دسدا اے پئی ناصرف اسرائیلیاں دے کیتے گئے پاپ سگوں انسان دی ساری تاریخ دیاں ساریاں لوکاں دے کیتے گئے حقیقی پاپ سارے بپتسمے نال یِسُوعؔ اُتے لد دتے گئے سن جیہڑا اوہنے یوحنا کولوں لیا ۔ جد یِسُوعؔ نے یوحنا کولوں بپتسمہ لیا اوہنے متی ۳ : ۱۵وچ کیہا ، ”حالی تے ہون دےکیوں جوسانوں چاہی دا اے پئی ایسے طرح ساری راستبازی نوں پورا کرئیے ۔تد اوس ہون دتا۔“اپنا بپتسمہ لین دے راہیں ہتھاں دے رکھے جان دی اوسے شکل وچ ، یِسُوعؔ نے یوحنا ، ساریاں لوکاں دے نمائندے کولوں ساریاں لوکاں دیاں ساریاں پاپاں نوں اپنے آپ اُتے قبول کیتا ۔
ایس لئی ، سچیائی اُتے ایمان رکھن دے راہیں پئی ساڈے سارے پاپ اوہدے بپتسمے دے راہیں یِسُوعؔ یعنی مسیحا اُتے لدے گئے سن ، اسیں سارے اپنیاں دلاں دیا ں پاپاں دی ساری گندگی توں پاک ہو سکدے آں ۔ ایس لئی پئی اسیں پہلوں ای ایس سچیائی اُتے ایمان رکھن دے راہیں یِسُوعؔ اُتے اپنیاں ساریاں پاپاں نوں لد دتا ، جیہڑا سارا کُجھ اسیں کرنا اے صرف ایمان رکھنا اے پئی خُدا دا پُتر سولی تیک دُنیادیاں پاپاں نوں لَے گیا ، سولی اُتے چڑھیا تے اپنا لہو وگایا ،ساریاں لوکاں لئی قربانی دا کامل لیلا بن گیا تے اِنج سانوں ساڈیاں ساریاں پاپاں توں چھڈا چُکیا اے ۔ کیہ تُسیں ایس اُتے اپنے دلوں ایمان رکھدے او ؟ اوہ جیہڑے سچ مُچ ایمان رکھدے نیں پئی مسیحا ساڈا اپنا قربانی دا لیلا بن گیا سی ہمیش لئی مکتی یافتہ نیں ۔
حقیقی پاپ دا مسئلہ وی یِسُوعؔ دے بپتسمے اُتے ایمان رکھن دے راہیں حل کیتا جا سکدا ا ے
کیہ پاک کتاب سانوں دسدی اےاسیں کویں اپنے سارے حقیقی پاپ دھو سکدے آں ؟ جویں کاہناں نیں پُرانے عہد نامے وچ حوض دے پانی نال اپنی پلیتی دھوئی ، نویں عہد نامے وچ ، اسیں ایمان رکھن دے راہیں اپنیاں اصل پاپاں دی معافی پا سکدے آں پئی یِسُوعؔ یوحنا کولوں لَے گئے اپنے بپتسمے دے راہیں اپنے آپ اُتے دُنیا دیاں پاپاں نوں چُک کے خُدا دی راستبازی نوں پوریاں کر چُکیا اے ۔ اخیریں ، سارے پاپ سچیائی اُتے ایمان رکھن دے راہیں دھوئے جاندے نیں ۔
جداسرائیلیاں نیں خُدا لئی پاپ دی قربانی دتی ،اوہ خیمۂ اجتماع وچ اک بے پاپ قربانی دا پشُو اک بھیڈ یا بکری وانگر لیائے ، اپنیاں پاپاں دا اقرار کیتا تے اوہدے سِر اُتے اپنیاں ہتھاں نوں رکھن دے راہیں قربانی اُتے اوہناں ساریاں نوں لدیا ، تے قربانی دے پشُو نوں ذِبح کیتا جنہے اوہناں دیاں پاپاں نوں قبول کیتا ۔فیر اوہ ایہدا گل وہڈدے تے ایہدا لہو کڈھدے ، تے سوختنی قربانی دی قربانگاہ دیاں سنگاں اُتے لہو لاؤندے تے باقی زمین اُتے ڈوہل دیندے سن (احبار ۴)۔ایتھوں تیک پئی اوہناں دے اک ورہے دے بے گنت پاپ ایمان دے راہیں اِکو ای واری سارے کفارہ دیہاڑے دی پاپ دی قربانی دے راہیں معاف کر دتے جاندے سن (احبار۱۶)۔اخیروچ ، اسیں وی پُرانے عہد نامے دی پاپ دی قربانی وانگر اوسے طریقے نال اپنی پاپ دی معافی پاؤندے آں —یعنی ، مسیحا دے بپتسمے تے صلیبی لہو اُتے ایمان رکھن دے راہیں جیہڑا ساڈیاں پاپاں نوں مکاؤن لئی آیا سی ۔
پُرانے عہد نامے وچ ہتھاں دا رکھیا جانا بالکل بپتسمے وانگر اے جیہڑا یِسُوعؔ نے نویں عہد نامے وچ لیا ۔ ساڈے مسیحا نے فکر کیتی تے یوحنا کولوں بپتسمہ لین تے سولی اُتے چڑھن دے راہیں ساڈیاں ساریاں پاپاں نوں دھویا ۔ جد ایہہ مسیحا دے بپتسمے تے اوہدے صلیبی لہو دے کماں دے راہیں ہیگا اے پئی خُدا سانوں ساڈیاں پاپاں توں کامل طریقے نال بچا چُکیا اے ، سانوں ساڈیاں پاپاں توں معاف کرن لئی ہور کیہ ہیگا اے ؟ سانوں لازمی کیہ چیتا رکھنا تے ایمان رکھنا چاہی دا اے ایہہ ہیگا اے پئی ایتھوں تیک پئی جد ااسیں اپنیاں زندگیاں وچ اپنیاں کمیاں دے سببوں روز پاپ کردے آں ، ایہہ سارے پاپ وی یِسُوعؔ مسیح دے راہیں دھوئے گئے نیں جیہڑا پانی تے لہو دے راہیں آیا ۔ بھاویں اسیں خُدا اُتے ایمان رکھدے آں ، ساڈیاں خامیاں دے سببوں ، اسیں حالے تیک اپنیاں کمیاں تے غلطیاں وچ ڈِگ جاندے آں ۔ پرساڈا خُدا ، جیہڑا ایہہ سارا کُجھ جان دا اے ، ایس زمین اُتے مسیحا نوں گھلن دے سبب ،اوہنوں اوہدے بپتسمے دے راہیں اپنےآپ اُتے ساریاں لوکاں دے پاپاں نوں چُکن تے اوہنوں قربان کرن دے راہیں سانوں بچا چُکیا اے ۔
خیمۂ اجتماع دے برانڈے وچ سوختنی قربانی دی قربانگاہ تے حوض رکھن دے راہیں ، خُدا سانوں مقدس، یعنی خُدا دے گھر وچ جان توں پہلوں ساڈے ہر دیہاڑے کیتے گئے سارے حقیقی پاپاں نوں دھون دی اجازت دے چُکیا اے ۔ پر ایہدا ایہہ مطلب نئیں ہیگا پئی اسیں ہر روز توبہ دیاں دعاواں نال ساڈیاں حقیقی پاپاں نوں دھون لئی خیال کیتے جاندے آں ۔ ایہدے اُلٹ ، ایہہ مسیحا دے بپتسمےتے اوہدے صلیبی لہو اُتے ساڈا ایمان اے جیہڑا ساڈیاں ساریاں پاپاں نوں پاک کردا اے ۔ خُدا مقرر کر چُکیا اے پئی جد راستباز یِسُوعؔ اُتے ایمان رکھن دے بعدوں غلطیاں کردے تے پاپ کردے تے بھیڑیاں کرتُوتاں کردے نیں ، اوہ بپتسمہ جیہڑا مسیحا ، حوض دے مالک نے لیا ، اُتے ایمان رکھن دے راہیں ایہو جیہے ساریاں پاپاں توں دھوئے جانے چاہی دے نیں ۔
بوہت سارے لوک یِسُوعؔ نوں پاپ جرن والا سوچن تے اوہدےساریاں پاپاں لئی دکھ جرن نوں اکو ای شے وانگر ، اوہناں نوں انھے وا اکو ای گنڈھ وچ بنھن دی کوشش کرن ول لگے ہوئے نیں ۔ پر ایس لئی پئی اسیں حقیقی پاپ اپنیاں کمیاں دے سببوں ہر دیہاڑے کردے آں ۔ پاپ دا دھویا جانا تے پاپ دی سزا عدالت دو حصیاں وچ وکھ وکھ کیتے جانے چاہی دے نیں ۔ بپتسمہ جیہڑا یِسُوعؔ نے یوحنا کولوں لیا تے اوہدی سولی اُتے موت ساڈیاں ساریاں پاپاں نوں اپنے آ پ اُتے جرنا سی ، یعنی ایہناں پاپاں لئی دکھ جرنا ، تے سانوں اوہناں توں کامل طریقے نال بچانا سی ۔ ایس ایمان وچ ، اسیں ایس طرح اکو ای واری اپنیاں پاپاں دی سزا پا سکدے آں ۔ ایسے طرح ، ہر دیہاڑے کیتے گئے حقیقی پاپاں دے مسئلے نوں لازمی مسیحا دے بپتسمے اُتے ایمان رکھن دے راہیں حل کیتا جانا چاہی دا اے۔ ایہہ ایہناں دو شیواں بپتسمہ تے سولی نوں ، اکٹھیاں کرن دے راہیں اے ، پئی اِکو ، کامل مکتی مکمل ہو گئی اے ۔ ایہہ پاپ دی کامل معافی دی سچیائی اے ۔ جتھوں تیک ساڈیاں پاپاں دے مسئلے داحل تعلق رکھدا اے ، سانوں لازمی ایہنوں یِسُوعؔ دے بپتسمے تے سولی نوں اک دوجے توں وکھ کرن دے راہیں سوچنا تے ایمان رکھنا چاہی دا اے ۔
جد خیمۂ اجتماع و چ کاہن قربانی دے پشُو آں نوں ذِبح کردے سن ، اوہ میل تے لہو دیاں چھِٹاں نال گندے ہو جاندے سن ۔ اسیں ایتھوں تیک پئی سوچنا شروع نئیں کرسکدے صرف اوہ کنے بوہتے گندے ہو جاندے سن ۔ کاہناں نوں ایہہ ساری گندگی دھونی پیندی سی ، پر جے خیمۂ اجتماع دے برانڈے دے حوض وچ کوئی پانی نا ہوندا ، اوہ اِنج کر ن دے لائق نا ہوندے ۔ کوئی معنی نئیں رکھدا ایہہ وڈا کاہن یا بھاویں عام کاہن سی جیہڑا اک ورہے دیاں بے گنت پاپاں توں معاف کیتا گیا سی ، اوس اُتے لگی ہوئی گندگی نوں حوض دے پانی نال چنگی طرح دھوئیوں بغیر ، ایہہ بندہ بچ نئیں سکدا سی سگوں اودوں تیک اوہدے اُتے گندگی نال زندہ رہندا ۔
ایتھوں تیک پئی جے وڈا کاہن اپنے اُتے ساری دی ساری گندگی رکھدا سی ، ایس لئی پئی خیمۂ اجتماع دے برانڈے وچ حوض ہوند ا سی ، اوہ سدا صاف ہو سکدا سی ۔ ایتھوں تیک پئی جے اک کاہن کامل طریقے نال ورہے دے بے گنت پاپاں توں معاف کیتا جاندا سی ، ایہہ فیر وی ایس طرح ہر دیہاڑے دے پاپاں نوں دھونا سی یعنی ایہہ بندہ پاک ہوندا سی ۔ خُدا نے مقرر کیتا پئی کاہن جیہڑے اوہدے اگے قربانیاں چڑھاؤندے سن اوہناں نوں ایس طرح حوض اُتے اپنی ساری گندگی توں پاک ہونا پیندا سی ۔ فیر اسیں احساس کر سکدےآں کیوں خُدا نے خیمۂ اجتماع دے برانڈے وچ حوض نوں رکھیا ۔ اسیں ایہہ وی جان سکدے آں پئی ایہہ حوض سوختنی قربانی دی قربانگاہ تے ہیکل دے وچکار کیوں رکھیا گیا سی ۔
سانوں کیوں حوض دی ضرورت اے ؟
حوض وچ سمجھایا گیا سچ یوحنا ۱۳ وچ وکھایا گیا اے ۔ فسح وچکار ، اپنیاں چیلیاں نال اخیری کھانا کھان دے بعد ، یِسُوعؔ نے اوہناں دے پیر دھونے شروع کیتے ، تے پطرس دی واری آئی ۔ جد یِسُوعؔ نے اوہدے پیر دھون دی کوشش کیتی ، اوہنے پطرس نوں اوہدے پیر اگے رکھن لئی آکھیا تاں پئی اوہ اوہناں نوں دھو سکے ۔ پر ، پطرس نے ایہہ آکھدیاں ہویاں منع کیتا ، ”مینوں تیرے پیر دھونے چاہی دے نیں ، کویں تُسیں ، اے خُداوند ، میرے پیر دھو سکدے او؟ “
پطرس نے منع کیتا ایس لئی پئی اوہنے سوچیا صرف اک اُستاد لئی صرف اپنیاں چیلیاں دے پیر دھونا چنگا نئیں سی ۔ ”کویں مَیں اپنے اُستاد نوں اپنے پیر دھون لئی کہن دی ہمت کر سکدا ہاں ؟ مَیں نئیں کر
سکدا ۔“
پطرس، یِسُوعؔ نوں اپنی سیوا کراؤن توں منع کردا رہیا ، فیر یِسُوعؔ نے پطرس نوں جیہڑا آکھیا ایتھے بوہت خاص اے ۔
”جو کُجھ مَیں کرنا آں اجے تُوں نئیں جان دا پر میرے مگروں تُوں سمجھیں گا ۔“(یوحنا ۱۳ : ۷)۔ایہہ ہے یِسُوعؔ دا کیہ مطلب سی : ”تُسیں ہُن نئیں سمجھ سکدے مَیں کیوں تہاڈے پیر دھونا آں ۔ پر ایہہ لازمی تہاڈیاں حقیقی پاپاں نوں حل کر ن لئی خاص کم ہوئے گا ۔ تُسیں ہُن توں اگانہہ بوہت سارے حقیقی پاپ کرو گے ، پر مَیں پہلوں ای ایتھوں تیک پئی آؤن والیاں زمانیاں دے تہاڈیاں حقیقی پاپاں نوں اپنے آپ اُتے لَے چُکیا ہاں ،تے ایہناں پاپاں دے سببوں ، ہُن مینوں لازمی سولی اُتے اپنا لہو وگاؤنا ہوئے گا ۔ ایس لئی تہانوں لازمی جاننا تے ایمان رکھنا چاہی دا اے پئی مَیں مسیحا ہاں جنہے ایتھوں تیک پئی تہاڈیاں آؤن والیاں زمانیاں دے حقیقی پاپاں دی فکر کیتی ۔ “
پطرس دے دل وچ ، مسیحا لئی اوہدے پیر دھونا صرف سوکھے طریقے نال بد اخلاقی لگیا ، ایہہ ہے کیوں اوہنے دھون توں منع کیتا ۔ پر یِسُوعؔ نے پطرس نوں آکھیا ، ” تُوں بعد وچ سمجھیں گا ،“تے اوہدے پیر دھوئے ۔
”صرف جد مَیں تہاڈے پیر دھوندا ہاں تُسیں میرے نال میل جول رکھ سکدے او ۔ تُسیں ہُن نئیں سمجھدے مَیں تہاڈے پیر کیوں دھوندا پیا ہاں ۔پر میرے سولی اُتے مرن تے اسمانی بادشاہی وچ جان دے بعد ، تُسیں جانو گے مَیں کیوں تہاڈے پیر دھوئے ۔ ایس لئی پئی مَیں تہاڈا مسیحا ہاں ، مَیں پہلوں ای ایتھوں تیک پئی اپنے بپتسمے نال تہاڈیاں آؤن والے زمانیاں دیاں پاپاں نوں چُک لیا ، تے تہاڈیاں پاپاں لئی قربانی دا لیلا بنن دے راہیں ، مَیں تہاڈا مکتی داتا بن گیا ہاں ۔ “
جویں پئی ساڈے خُداوند نے آکھیا ، پطرس اوس ویلے کسے وی طرح نا سمجھیا ، پر خُداوند دے جیوں اُٹھن دے بعدوں ، اوہنے ایہدا احساس کیتا۔ اصل وچ ، ایہہ واقعہ سی جنے ایتھوں تیک پئی اوہدے حقیقی پاپاں نوں مکا دتا ۔
ایس لئی پئی مَیں بچ نئیں سکدا سگوں دُنیا وچ حقیقی پاپ کردا ہاں ، خُداوند نے میرے پیر دھوتے تاں پئی مَیں ایمان رکھاں پئی یِسُوعؔ یعنی مسیحا نے ایتھوں پئی یوحنا بپتسمہ دین والے کولوں اپنے بپتسمے نال اپنے آپ اُتے ایہناں حقیقی پاپاں نوں چُک لیا ! مسیحا دے بپتسمے نے ایتھوں تیک پئی آؤن والیاں زمانیاں دے ایہناں حقیقی پاپاں دی فکر کیتی ! یِسُوعؔ نے اپنے بپتسمے نال اپنے آپ اُتے ایہناں ساریاں پاپاں نوں چُک لیا ، دُنیا دیاں پاپاں نوں سولی اُتے لَے گیا تے سولی اُتے چڑھن دے راہیں ساریاں پاپاں دی سزا جری !تے فیر مویاں وچوں جیوں اُٹھن دے راہیں اوہ سانوں ساڈیاں پاپاں توں اصل وچ تے کامل طریقے نال بچا چُکیا اے !“
صرف بعدوں اک ویلے اُتے ، ایتھوں تیک پئی اوہدے خُداوند دا تِن واری انکار کرن دے بعدوں ، پطرس نے ایہدا احساس کیتا تے ایس اُتے ایمان رکھیا ۔ ایس لئی اوہنے ۱ ۔ پطرس ۳ : ۲۱ وچ کیہا ، ”تے ٹھیک اوسے پانی وانگر بپتسمہ وی یِسُوعؔ مسیح دے جی اُٹھن دی راہیں ہُن تہانوں بچاندااے۔ اوہدے توں جسم دی مَیل دُورکرنا نئیں پرچنگی نیّت نا ل خُدا دا طالب ہونا مُراد اے ۔ “ ایتھے ، اکھر، ’ورگا‘دا مطلب اے ، ”اک جیہڑا پرچھانواں اے یا اک اگیترانشان یا قِسم نال پچھانیا گیا ،نویں عہد نامے وچ اک ایہو جیہا بندہ جیہڑا پُرانے عہد نامے وچ اک اپنے وانگر رکھدا اے ۔“سو ، پہلی پڑھائی واضح طریقے نال اعلان کردی اے پئی یِسُوعؔ دا بپتسمہ پُرانے عہد نامے وچ ، ”پانی “ دا اصل روپ اے ۔
پُرانے عہد نامے وچ ، جد کفارہ دیہاڑے اُتے پاپ دی قربانی اک ورہے دیاں بے گنت پاپاں دی معافی پاؤن لئی خُدا اگے چاڑھی جاندی سی ، وڈے کاہن نوں ، اسرائیلیاں دی نمائندگی کردیاں ہویاں ، قربانی دے پشُو اُتے اپنیاں پاپاں نوں لدن دےسلسلےوچ اپنے ہتھ رکھنے پیندے تے پاپاں دا اقرار کرنا پیندا سی ، یعنی جیہڑے اسرائیلیاں نے کیتے سن ۔ ہتھاں دے رکھے جان دا ایہہ طریقہ یِسُوعؔ دے بپتسمے دی اک رَلدی مِلدی شکل سی ۔ پُرانے عہد نامے وچ ، قربانی دے پشُو نوں مرن تیک لہو وگانا پیندا سی ایس لئی پئی ایہہ ایس اُتے لدے گئے اسرائیلیا ں دیاں ساریاں پاپاں نوں قبول کر چُکیا سی ۔ ایہدا گل وہڈیا جاندا تےایہہ چھیتی نال اپنا سارا لہو وگا دیندا سی ۔ کاہن اودوں ایہدی کھل لاؤہندے ، ایہدے ٹوٹے کر دے ، تے ایہنوں اگ نال ساڑن دے راہیں ایہدا گوشت خُدا اگے چڑھاؤندے سن ۔
مسیحا ، جیہڑا پُرانے عہد نامے دی قربانی دے پشُو دا اصل جوہر اے ، ایس زمین اُتے آیا ، ہتھاں دے رکھے جان دے راہیں ساڈیاں ساریاں پاپاں نوں قبول کیتا ، سولی اُتے لہو وگایا ، تے ساڈے بدلے مر گیا ۔ اج ، ایس لئی تُسیں تے مَیں کامل طریقے نال یِسُوعؔ مسیح دے بپتسمے تے سولی اُتے اوہدی موت دے راہیں اپنیاں پاپاں دی معافی کامل طریقے نال پا چُکے آں ۔ تے سانوں لازمی ہرروز زندگیاں وچ کیتے گئے ساڈیاں حقیقی پاپاں نوں وی ایمان رکھن دے راہیں دھونا چاہی دا اے پئی ایہہ پاپ پہلوں ای بپتسمے جیہڑا ساڈے خُداوند نے لیا تے لہو جیہڑا اوہنے سولی اُتے وگایا دے راہیں دھوئے گئے نیں ۔
سانوں لازمی ایس سچیائی نوں جاننا تے ایس اُتے ایمان رکھنا چاہی دا اے ۔ اسیں اپنیاں ساریاں حقیقی پاپاں توں چھُٹ سکدے آں صرف جد اسیں ایمان رکھیا پئی یِسُوعؔ نے اپنے آپ اُتے ساڈیاں ساریاں پاپاں نوں اپنے بپتسمہ دے راہیں چُک لیا تے اوہناں ساریاں نوں دھو دتا ۔ دوجیاں اکھراں وچ ، جد کدی اسیں حقیقی پاپ کردے آں، سانوں لازمی پانی تے رُوح دی خوشخبری اُتے ساڈے ایمان دی پکیائی کرنی چاہی دی اے ۔ تے سچیائی اُتے غوروخوض کرن دے راہیں پئی ایتھوں تیک پئی ایہہ اصل پاپ پہلو ں ای اوہدے بپتسمہ تے سولی نال یِسُوعؔ دے راہیں مکائے گئے سن ، اسیں کسے وی حال وچ اپنی مکتی نئیں گوا سکدے ، تے ایہنوں چھیتی نال چالو کر سکدے آں جد کدی ساڈیاں دلاں اُتے پاپ دے احساس دا حملہ ہوندا اے ۔
ایس لئی پئی یِسُوعؔ پہلوں ای ایتھوں تیک پئی راستبازاں دے ہتھوں کیتے گئے ہر روز دیاں پاپاں نوں مکا چُکیا اے جیہڑے اپنیاں ہر روز زندگیاں وچ پاپ توں معافی پا چُکے نیں ، خُدا نے اوہناں نوں حوض دی اجازت دتی تاں پئی ایہہ راستباز ، جنہاں دی پاپ دی معافی ، پانی ، لہو تے رُوح دے راہیں ملی سی ، اپنیاں حقیقی پاپاں نوں پانی تے رُوح دی خوشخبری اُتے اپنے ایمان دے راہیں دھون ۔
ایسے لئی خُدا نے خیمۂ اجتماع وچ سیوا کرن والیاں زنانیاں دے ہتھوں ورتے جان والے شیشیاں نوں اکٹھیاں کرن تے پنگھارن دے راہیں حوض نوں بنایا سی ، ایس لئی پئی شیشے اپنے آپ نوں وکھاندے نیں ۔ جد کدی اسیں حقیقی پاپ کردے آں تے ساڈیا ں کمیاں دے سببوں مایوس ہوندے آں ،سانوں لازمی حوض اُتے جانا چاہی دا اے تے اپنے ہتھ تے پیر دھونے چاہی دے نیں ۔ حوض دا کم سانوں چیتا کراؤنا اے پئی یِسُوعؔ مسیح نے اکو ای واری اپنے آپ اُتے ساری دُنیا دے پاپاں نوں جد اوہنے یوحنا کولوں بپتسمہ لیا چُک لیا سی ۔ ایہہ راستبازاں نوں جیہڑے پاپ دی معافی پا چُکے نیں ایہہ سچ سکھانا سی پئی ساڈے خُدا وند نے اسرائیلیاں نون ایہناں زنانیاں دے ہتھاں دے شیشیاں نوں پنگھارن دے راہیں حوض نوں بناؤن ، اوہنوں پانی نال بھرن لئی کہیا، تے کاہناں نوں اپنیاں ہتھاں تے پیرا ں دی ساری گندگی ایس پانی نال دھون دی اجازت دتی ۔
اسیں ایمان رکھدے آں پئی یِسُوعؔ خُدا دا پُتر ، دُنیا بناؤن والا ، تے ساری دُنیا دا مکتی داتا اے ، تے سانوں لازمی چیتا رکھنا چاہی دااے پئی مسیحا اک بندے دے بدن وچ ایس زمین اُتے آیا تے بپتسمے دے راہیں اپنے آپ اُتے لدے گئے ساڈیاں ساریاں پاپاں نوں قبول کیتا جیہڑا اوہنے یوحنا کولوں لیا سی—یعنی ، جد کدی اسیں ایس دُنیا وچ حقیقی پاپ کردے آں ، اپنیاں کماں وچ پھس جاندے یاساڈیاں کمیاں ظاہر ہوندیاں نیں ، سانوں لازمی ایتھوں تیک پئی بوہت چیتا رکھنا چاہی دا اے پئی مسیحا بدن وچ آیا بپتسمہ لیا تے سولی اُتے چڑھیا تے اِنج پہلوں ای ساڈیاں ساریاں پاپاں نوں مکا چُکیا اے ۔
جے اسیں ایہہ چیتا نئیں رکھدے تے ایس اُتے ایمان نئیں رکھدے ، بھاویں اسیں پاپ دی معافی پا چُکے آں ، اسیں فیر اپنیاں حقیقی پاپاں وچ قید ہو جاواں گے تے اسیں اپنی پُرانی ، پاپی حالت وچ پرت جاواں گے۔ ایس طرح ، سانوں ہر روز لازمی ایمان رکھنا چاہی دا اے پئی ساڈیاں کمیاں تے غلطیاں دے سببوں کیتے گئے ساڈے سارے پاپ پہلوں ای اوہدے بپتسمہ راہیں یِسُوعؔ اُتے لدے گئے سن ۔ ہر روز ، سانوں لازمی چیتا رکھنا ، فیر ایمان رکھنا تے اعلان کرنا چاہی دا اے پئی مسیحا نے یوحنا کولو ں لَئے گئے اپنے بپتسمے نال اپنے آپ اُتے ساڈیاں ساریاں پاپاں نوں چُک لیا تے اوہناں ساریاں نوں دھو چُکیا اے ۔
ایس دھرتی اُتے کوئی وی اِنج دا نئیں ہیگا جیہڑا یِسُوعؔ اُتے ایمان رکھن دے راہیں پاپ دی معافی پا سکے ، یعنی ایس اُتے ایمان رکھیوں بغیر پئی اوہنے یوحنا کولوں بپتسمہ لین دے راہیں تے اپنا لہو وگاؤن دے راہیں دُنیا دیاں پاپاں نوں چُک لیا ۔ تے ایتھوں تیک پئی جے لوک پاپ دی معافی وی پا چُکے نیں ، کوئی اِکو اِک بندہ نئیں ہیگا جیہڑا حقیقی پاپ نئیں کردا اے ۔ ایسے طرح ، یِسُوعؔ دے بپتسمے اُتے ایمان رکھیوں بغیر ، ہر کوئی پاپی ہوئے گا تے خُدا دی مرضی ہر کسے لئی کدی پوری نئیں ہوئے گی ۔ ایس لئی خُدا نے سانوں اپنا پُتر دتا ، اوہنوں یوحنا کولوں بپتسمہ دلوایا ، تے اوہنوں سولی اُتے لہو وگاؤن لئی دے دتا ۔
جے اسیں یِسُوعؔ مسیح اُتے اپنے مکتی داتا وانگر ایمان رکھدے آں ، سانوں لازمی ایمان رکھنا چاہی دا اے پئی ساڈے سارے پاپ یوحنا کولوں لَئے گئے اوہدے بپتسمے دے راہیں اوس اُتے لد دتے گئے سن ، تے ایہہ پئی اوہنے ساڈی ساری سزا سولی تیک دُنیا دیاں پاپاں نوں لَے جان ، سولی اُتے چڑھن تے اپنا لہو وگاؤن دے راہیں جری ۔ اسیں اپنے پاپ دی معافی یِسُوعؔ دے بپتسمے تے اوہدے لہو اُتے ایمان رکھن دے راہیں پاؤندے آں ۔ ساڈے سارے پاپ ایس سچیائی اُتے ایمان رکھن دے راہیں مکائے گئے نیں ۔ اسیں اپنے سچے دلوں خُدا دی محبت اُتے ایمان رکھن دے راہیں راستبازی تیک اَپڑ گئے آں ۔ ہُن ساڈے دل بے پاپ ، پاک تے بے عیب نیں ۔ پر ساڈے بدن وچ حالے وی کمیاں ہیگیاں نیں ۔ ایس لئی سانوں ہر روز یِسُوعؔ دے بپتسمے نوں یاد رکھنا اے تے اپنے آپ نوں سدا ایہہ ایمان یاد دلانا اے ۔ جد کدی ساڈیاں غلطیاں تے کمیاں ظاہر ہوندیاں نیں ، جد کدی بھیڑے خیال آؤندے نیں تے اسیں پلیت ہو جاندے آں ،تے جد کدی ساڈے اعمال خراب ہو جاندے نیں ، ساڈا خُداوند خوش ہوندا اے صرف جد اسیں چیتا کردے آں پئی یِسُوعؔ نے یوحنا کولوں لَئے گئے بپتسمے نال ایہناں ساریاں پاپاں نوں اپنے اُتے چُک لیا تے اک واری فیر ایس سچیائی اُتے ایمان رکھن دے راہیں اپنیاں دلاں نوں پاک کردے آں ۔
جد کدی اسیں پاپ کردے آں ، سانوں لازمی پہلوں خُدا دے اگے اپنیاں پاپاں نوں قبول کرنا چاہی دا اے ۔ فیر سانوں لازمی اک واری فیر ایمان رکھنا چاہی دا اے پئی ایہہ سارے پاپ یِسُوعؔ اُتے اوہدے بپتسمے دے راہیں پہلوں ای لد دتے گئے سن ۔ اسیں جیہڑے یِسُوعؔ دے بپتسمے دےکم دےراہیں پاک کیتے گئے آں ،سانوں لازمی ایس کم اُتے ایمان رکھن دے راہیں ساڈے ہر روز دے حقیقی پاپاں نوں پاک کرنا چاہی دا اے ۔ ایس لئی سانوں حتمی طریقے نال لازمی یاد رکھنا تے سچیائی اُتے ایمان رکھنا چاہی دا اے پئی اسیں یِسُوعؔ مسیح دے بپتسمے دے راہیں اپنیاں ساریاں پاپاں توں پاک ہو سکدے آں ۔
ہُن اسیں معائنہ کر چُکے آں کیوں خُدا نے سوختنی قربانی دی قربانگاہ تے خیمۂ اجتماع دے وچکار حوض نوں رکھیا ۔ خُدا نے حوض نوں سوختنی قربانی دی قربانگاہ تے خیمۂ اجتماع دے وچکار رکھیا ، تاں پئی جد اسیں اوہدے اگے جاندے آں اسیں پاک بدناں تے دلاں نال جائیے ، ایتھوں تیک پئی ساڈے راستباز بن جان دے بعد جیہڑے یِسُوعؔ دے بپتسمے تے سولی دے راہیں پاپ دی کامل معافی پا چُکےآں ، ساڈے دل فیر وی پلیت ہون ول تیار نیں جد کدی اسیں، بھاویں جان دیاں ہویاں یا جانیوں بغیر پاپ کردے آں ۔ ایس لئی سانوں لازمی حوض اُتے ایس گندگی نوں پاک کرنا چاہی دا اے جد اسیں سوختنی قربانی دی قربانگاہ وچوں لنگھدے آں تے خُدا دے اگے جاندے آں ۔ ایس لئی پئی اسیں خُدا دے اگے نئیں جا سکدے ایتھوں تیک پئی جے اسیں ساری گندگی وچوں بھورا جِنی وی رکھدے آں ، خُدا نے سوختنی قربانی دی قربانگاہ تےخیمۂ اجتماع دے وچکار حوض نوں رکھیا تاں پئی اسیں پاکیزگی وچ ، اپنے آپ نوں حوض دے پانی نال دھون دے بعد ، خُدا دے اگے جان دے لائق کر سکیے ۔
خُدا دے اگے کِس طرح دی نیّت چنگی نیّت اے ؟
۱۔پطرس ۳ : ۲۱ وی یِسُوعؔ د ے بپتسمے نوں ، ” چنگی نیّت نا ل خُدا دا طالب ہونا مُراد اے ۔ “وانگر دسدا اے ۔ ایتھے ،’چنگی نیّت‘ اوہ اے جیہڑی ایمان رکھدی اےپئی یِسُوعؔ نے ساری دُنیا دیاں ساریاں پاپاں نوں ، ہرروز کیتے گئے ساریاں حقیقی پاپاں نوں رَلاؤندیاں ہویا ں ، بپتسمے نال جیہڑ ا اوہنے یردن دے دریا اُتے یوحنا کولوں لیا دھو دتا سی ۔ اپنے آپ اُتے ساڈے پاپ لین لئی ساڈے خُداوند نے یوحنا کولوں بپتسمہ لیا تے اِنج اپنے آپ اُتے ساڈیاں پاپاں نوں قبول کیتا ایس لئی پئی یِسُوعؔ نے اپنے بدن اُتے ساڈیاں ساریاں پاپاں نوں چُک لیا ، اوہنے سولی اُتے مرنا سی ۔ جے اسیں ردّ کردے آں تے ایمان نئیں رکھدے اوہنے کیہ کیتا ، فیر ساڈے دل صرف بھیڑے ہو سکدے نیں ۔ ایس لئی سانوں لازمی اوہدے بپتسمہ اُتے ایمان رکھنا چاہی دا اے ۔سانوں لازمی خُدا دے اگے چنگی نیّت رکھنی چاہی دی اے ۔ بھاویں اپنےبدن وچ اسیں خورے سو فیصد کامل طریقے نال زندہ رہن دے لا ئق نئیں ہو سکدے ، گھٹوگھٹ اپنیاں نیّتاں وچ ، اسیں کر سکدے آں تے سانوں لازمی خُدا دے نظر اگے چنگی نیّت رکھنی چاہی دی اے ۔
تقریباً ادھی صدی پہلوں ، جد کوریا نے کورین جنگ دی بربادی وچ ہر شے گوا لئی ، تاں ملک وچ باہرلیاں مدداں دا اک سیلاب ایہدی حالت نوں ٹھیک کرن لئی آیا ۔ ایتھوں تیک پئی یتیم خانیاں نوں ایہو جیہاں مدداں پہلوں لینیاں سن ، اِنج کرن دی بجائے ، کئی بھیڑیاں لوکاں نیں اوہناں نوں اپنیاں جیباں وچ پا لیا تے اپنے پیسے دھیلے نوں ودھایا ۔ اوہ بے ضمیر سن ۔ جد باہرلیاں ملکاں نیں سُکا دُدھ ،آٹا ، کمبل ، جُتیاں ، کپڑے تےدوجیاں امدادی شیواں دتیاں ، تاں امدادیاں نیں اوہنا ں نوں گھلیا تاں پئی خوفناک ضرورتاں وچ ننگے تے بھُکھے لوک کپڑے پاؤن تے چنگے طریقے نال کھان ؛ اوہ مشکل نال سوچ سکدے سن پئی کُجھ بھیڑے عوامی افسر تے فریبی ایہناں امدادی شیواں نوں لُٹ لین گے ۔
چنگیاں ضمیراں والے لوک اوہناں نوں ایمانداری نال غریباں وچکار ونڈ چُکے ہوندے ۔ اوہ لوک جنہاں نیں ، اوپرے ملکاں دیاں مدداں نوں اپنے پیسیاں دھیلیاں نوں ودھاؤن دے اک موقع وچ بدلن دی بجائے، بھُکھ نال مردیاں ہویاں غریباں وچکار اوہناں نوں ایمانداری نال ونڈیا خُدا دے اگے شرمندیاں ہویاں لئی کُجھ نئیں رکھن گے ، ایس لئی پئی اوہ چنگیاں نیّتاں نال زندہ رہ چُکے نیں ۔ پر اوہ جنہاں نیں اِنج نئیں کیتا اپنیاں ذاتی ضمیراں دے راہیں چور بنن لئی جرم وار بنائے جان گے ۔ بِنا شک ، ایہہ چور ہُن وی اپنیاں ساریاں پاپاں توں دُھل سکدے نیں جے اوہ پر ت آؤندے نیں تے ایتھوں پئی ہُن یِسُوعؔ دے بپتسمے اُتے ایمان رکھدے نیں ۔
اپنے آپ اُتے ساڈے پاپ لین تے ساڈیاں ساریاں حقیقی پاپاں نوں مکاؤن لئی ، یِسُوعؔ ایس زمین اُتے آیا تے بپتسمہ لیا ۔ ایس طرح یوحنا کولوں بپتسمہ لین دے بعد ، یِسُوعؔ نے اِکو ای واری ساڈیاں پاپاں نوں دھو دتا ۔ مَیں بے ایماناں نوں اوہدے بپتسمے اُتے ، ایہہ آکھدیاں ہویاں جھڑکنا پسند کراں گا ، ”فیر ، تہانوں ایناں گھمنڈی ہون دے کیہ لائق بناؤندا اے یعنی اوہدے بپتسمہ اُتے ایمان نا رکھن لئی ؟ کیہڑے بھروسے نال تُسیں ایمان نئیں رکھدے او ؟ کیہ تُسیں اوہدے بپتسمے اُتےایمان رکھیوں بغیر بادشاہی وچ جان لئی اینے چنگے او؟ “
جے اسیں سچ مُچ چنگیاں نیّتاں والے لوک بننا چاؤہندے آں ، سانوں لازمی ساڈیاں ساریاں حقیقی پاپاں نوں بپتسمے نال دھونا چاہی دا اے جیہڑا یِسُوعؔ نے یوحنا کولوں لیا سی ۔ اِنج کرن لئی ، سانوں لازمی اپنیاں دلاں وچ ایمان رکھنا چاہی دا اے پئی یِسُوعؔ نے سارے پاپ اپنے اُتے چُک لَئے جیہڑے اسیں اپنی ساری زندگی دی مُدت وچ کردے آں تے اوہناں ساریاں نوں دھو چُکیا اے ۔ ایس لئی یِسُوعؔ ساڈے مسیحا نے سولی اُتے جان توں پہلوں یوحنا کولوں بپتسمہ لیا سی ۔
یِسُوعؔ نے اوس زنانی نوں جیہڑی زناکاری وچ پھڑی گئی سی آکھیا ، ”مَیں وی تیرے اُتے توہمت نئیں لاؤندا ۔ نا ای مَیں تینوں سز ا دینا واں ۔“ کیوں ؟ ایس لئی پئی یِسُوعؔ پہلوں ای اوس زنانی دے زناکاری دے پاپ نوں وی اپنے آپ اُتے لَے چُکیا سی ،تے ایس لئی پئی یِسُوعؔ آپ ای ایس پاپ دی وی سزا چُکے گا ۔ اوہنے آکھیا ، ” مَیں اوہ آں جیہڑا تہاڈیاں پاپاں لئی لعنتی ٹھہرایا جاواں گا ۔ پر میرے بپتسمے اُتے ایمان رکھن دے راہیں اپنیاں ساریاں پاپاں توں پاک ہو جاؤ۔ ایس لئی ،میرے اُتے ایمان رکھن دے راہیں اپنیاں ساریاں پاپاں توں مکتی یافتہ ہو جاؤ ۔ ایمان رکھن دے راہیں پاپ دی ساری سزا توں وی مکتی یافتہ ہو جاؤ ، تے اپنیاں ساریاں پاپاں توں پاک ہو جاؤ۔ اپنے دل دیاں پاپاں توں پاک ہو جاؤتے میرے کولوں پانی پئیو جیہڑا فیر کدی تہانوں ترہیانئیں ہون دیندا ۔“
اج تُسیں تے مَیں ایمان رکھدے آں پئی یِسُوعؔ اِکو اے جیہڑا سانوں ساڈیاں پاپاں توں بچا چُکیا اے ۔ کیہ تُسیں سچ مُچ ایمان رکھدے او پئی یِسُوعؔ نےبِنا شک اپنے بپتسمےنال اپنے آپ اُتے ساڈیاں پاپاں نوں چُکیا تے اوہناں ساریاں نوں دھو دتا ۔ ساڈےخُداوند نے بپتسمہ لین دے راہیں ساڈیاں پاپاں نوں معاف کر دتا ۔ ہُن اسیں چنگی نیّت نال خُدا دے کول جا سکدے آں ۔ کیوں ؟ ایس لئی پئی ساڈے خُداوند نے اپنے آپ اُتے ساڈے سارے پاپ چُک لَے تے اوہناں نوں بپتسمہ لین ، ایہناں پاپاں نوں سولی اُتے لَے جان دے راہیں دھو دتا ، سولی اُتے مرن دے راہیں اوہ ساڈے بدلے لعنتی ٹھہرایا گیا ، تے فیر مویاں وچوں جیوں اُٹھیا ۔ بوہت چر پہلوں ، یِسُوعؔ ایس زمین اُتے آیا ، تے اپنی ۳۳ ورہیاں دی زندگی دے راہیں ، اوہنے اپنے آپ اُتے ساڈیاں ساریاں پاپاں نوں اپنے بپتسمے نال چُک لیا تے ایہناں ساریاں نوں دھو دتا ۔
ایتھوں تیک پئی ساڈیاں ساریاں حقیقی پاپاں نوں اپنے اُتے لین دے راہیں تے اوہناں نوں دھون دے راہیں ،تے یِسُوعؔ مسیح دی قربانی دے راہیں ساڈیاں ساریا ں پاپاں دی سزا پا کے ساڈا خُداوند سانوں خُدا دے اگے جان تے راستباز بنن دے لائق کر چُکیا اے ۔ دوجیاں اکھراں وچ ، ایہہ ایس خُداوند اُتے ایمان رکھن دے راہیں اے پئی اسیں خُدا نوں باپ وانگر بلا سکدے آں تے اوہدے تخت اگے جا سکدے آں ۔ ایس طرح ، اوہ جیہڑے یِسُوعؔ دے پانی ، لہو تے رُوح دیاں کماں اُتے ایمان رکھدے نیں اوہ نیں جیہڑے چنگی نیّت والے نیں ۔ ایہدے اُلٹ ، ایہہ لازمی بھیڑی نیّت والا اے جیہڑا خُداوند دیاں راستباز کماں ، اوہدے بپتسمے تے سولی اُتے مرن بارے ایمان نئیں رکھدا اے ۔
اج کل بوہت سارے لوک اپنے شکی ایمان دے سببوں خُدا دے کلام نوں سچے دلوں قبول نئیں کردے
بوہت سارے جھوٹھے ، خُدا دے کلام نوں اِنج ردّ کردیاں ہویاں جویں ایہہ صرف اک گہنا اے ، صرف ایہہ منادی کردے نیں پئی سانوں خُدا اُتے اپنا ایمان رکھ کے اسمانی بادشاہی وچ جان واسطے چنگے کم وی کرنے چاہی دے نیں ۔ تے جد مکتی دی گل ہوندی اے ،اوہ صرف صلیبی لہو دے بارے گل کردے نیں ، تے غلطی نال سوچدے نیں پئی اوہناں نوں اپنے بدن دےتجربےدےراہیں فیر خُدا نوں ملن دے لئی دعا کرن یا روزہ رکھن لئی کسے پہاڑ اُتے چڑھنا اے ۔ بھاویں ایس ایمان توں بوہتی غلط کوئی شے نئیں ہو سکدی ۔ اوہ حتمی طریقے نال ایس اُتے پکا یقین رکھدے نیں ۔ اوہ آکھدے نیں ، ”مَیں اپنے پاپاں دا دکھ جریا تے اِنج ساری رات دعا منگن لئی ٹھہریا ، ’اے خُدا ، مَیں پاپ کیتا اے ۔ اے خُداوند ، مَیں تیرے اُتے ایمان رکھدا ہاں ۔‘ اوسےدن ، مَیں شام تیک دکھ وچ رہیا ، پر ساری رات دعا وچ ٹھہرن دے بعد ، جد دن چڑھیا ، اچانک مَیں محسوس کیتا جویں اگ دی اک گنڈھ میرے اندر چلی گئی سی ، تے بالکل اوسے ویلے میرادل سارا صاف ہو گیا ― میرے دل دے سارے پاپ برف وانگر چٹے ہو گئے ۔ سو ایہہ اوس ویلے سی پئی مَیں نویں سریوں جمیا ۔ہیلیلویاہ ! “
اِنج دے صرف بندے دے بنائے ہوئے ، گئے گواتے تے کملیاں والے خیال نیں جیہڑے خُدا دے کلام نوں بے فائدہ کر دیندے نیں۔ تہانوں لازمی یاد رکھنا چاہی دا اے پئی خُدا ایہناں نوں ، بوہت چوکھی سزا دیوے گا ، جیہڑے ایہو جیہاں حیران کرن والیاں بے عقلیاں گلاں کردے نیں تے اِنج لوکاں نوں فریب دیندے نیں تے دوجیاں نوں دوزخ دی اگ ول لے جاندے نیں ۔
”میریاں کناں وچ بوہت پیِڑ اے پر مَیں ایس گل اُتے ایمان رکھیا پئی خُداوند نے کیہ آکھیا ، پئی اسیں شفا پاوا ں گے جے اسیں ایمان رکھدے آں تے ایس طرح مَیں اپنی پیِڑ نال ایہہ آکھدیاں ہویاں ڈٹیا رہیا ، اے خُداوند ، مَیں ایمان رکھدا ہاں ! جد مَیں ایس طرح ایمان رکھیا، فیر ساری پیِڑ مک گئی ! “
”میرے معدے وچ زخم سی ، سو جد وی مَیں کوئی شے کھاندا ساں ، میرے معدے وچ بوہت پیِڑ ہوندی سی ۔ سو مَیں کھان توں پہلوں ، دعا منگداساں ، ’اے خُداوند ،مینوں ایتھے پیِڑ ہوندی پئی اے ، پر تُوں فرمایا اے پئی تُوں سُنیں گا جیہڑا کُجھ اسیں ایمان نال منگدے آں ۔ مَیں حالے تیک تیرے کلام اُتے ایمان رکھدا ہاں۔‘ پکے یقین نال ، میرے ہاضمے دا کوئی مسئلہ نئیں ہیگا !“
ایہہ سارا کُجھ کیہ اے ! ایہہ اوہ صورتاں نیں جتھے لوک کلام دے راہیں خُداوند نوں نئیں ملے ۔ ایہہ صورتاں اوہناں دے ایمان دے جھوٹھے پن نوں ثابت کردیاں نیں پئی اوہ کلام اُتے ایمان نئیں رکھدے ۔ ایہہ کلام دے راہیں ملے ہوئے اوہناں دیاں دعاواں دے جواب نئیں ہیگے ، سگوں صرف اوہناں دا پُراسرار ایمان اے ۔اوہ خُدا اُتے کلام دے راہیں نئیں ، سگوں اپنیاں ذاتی جذبیاں تے تجربیاں نال بنیا ہویااپنا غلط کچجا ایمان رکھدے نیں ۔ اینی پچھتاوے لائق تے پریشانی والی گل جیہڑی ہیگی اے اوہ ایہہ ہیگی اے پئی اج دیاں مسیحیاں وچکار بوہت سارے صوفی خیالاں والے ہیگے نیں۔
ایس طرح ، اوہ خُدا دے کلام نوں اک پاسے رکھدیاں ہویاں تے اپنیاں جذبیاں یا تجربیاں نال بنائے ہوئے انھے وا یِسُوعؔ اُتے ایمان رکھدیاں ہویاں صرف اک شکی ایمان نوں اکٹھیاں کردے نیں ۔ اوہ لوک جیہڑے یِسُوعؔ اُتے ایمان رکھن دا دعویٰ کردے نیں ایتھوں تیک پئی جویں اوہ کلام دے راہیں ایمان نئیں رکھدے اپنے اپ نوں جانچن لئی ایہہ ویکھن دے ضرورت رکھدے نیں پئی کیہ اوہ بدروحاں وچ پھسے نیں یا نئیں ۔ ”مَیں دعا منگدیاں ہویاں یِسُوعؔ نوں ملیا ۔ یِسُوعؔ میرے سفنے وچ آیا ۔مَیں بوہت جوش نال دعا منگی تے مینوں روگ توں شفا مل گئی ۔ “ کوئی وی اک ادھے عملی مُنھ نال ایہو جیہے دعوے کر سکدا اے ، پر جیہڑی خاص گل ایہہ اوہ ایہہ ہیگی اے پئی ایہہ خُدا ولوں دتا گیا ایمان نئیں ہیگا ، سگوں ایہہ شیطان ولوں دتا گیا جھوٹھا ایمان اے ۔
اسمانی ،ارغوانی تےلال دھاگے تے مہین وٹے ہوئے کتان دے راہیں ، ساڈا خُداوند اپنے آپ نوں ساڈے اُتے ظاہر کر چُکیا اے ۔ کیہ اج دے زمانے وچ ساڈا خُداوند اپنے آپ نوں ساڈے اُتے نویں تے وکھ وکھ طریقیاں نال ظاہر کردا اے ؟ کیہ وہ سچ مُچ ساڈے اگے اک رویا یا سفنے وچ ظاہر ہوندا اے ؟ اوہ اپنے پیراں وچ وڈے وڈے سنگل کھچدا پیا اے ، ہر پاسیوں لہو وگدا پیا اے ، اپنے سِر اُتے کنڈیاں دا اک تاج رکھدا اے ، تے آکھدا اے ، ”تُسیں ویکھو ، ایہہ پئی کویں میَں تہاڈے لئی ایناں بوہتا دکھ جریا ۔ ہُن ، تُسیں میرے لئی کیہ کروگے ؟ “—کیہ اِنج ساڈا خُداوند اپنے آپ نوں ساڈے اُتے ظاہر کردا اے ؟ ایہہ ساری بکواس اے !
پر فیر وی لوک ہیگے نیں ، جیہڑے ایس طرح دا اک سفنا ویکھن دے بعد ، خُدا دے اگے اک قسم کھاندے نیں ، ”اے خُداوند ، مَیں ضرور تیرا خادم بن جاواں گا تے اپنی باقی ساری زندگی لئی اپنے سچے دلوں تیری سیوا کراں گا ۔ مَیں ایتھے اک دعاواں منگن والا گھر بناواں گا ۔ مَیں ایتھے اک لازمی گرجا بناواں گا مَیں اپنی باقی زندگی اپنے موہڈے اُتے اپنی سولی ضرور چُکاں گا تے ساری دُنیا وچ تیری گواہی دیواں گا ۔ “
درحقیقت ،اسیں سوکھے جیہے گلیاں یا عوامی تھاواں وچ ایہو جیہے دیندار مناداں نال مل سکدے آں ۔ کُجھ وی کیتیوں بغیر ، اوہ سارے صوفی خیال والے نیں جیہڑے آکھدے نیں پئی اوہنا ں نیں یِسُوعؔ نوں اپنے سفنے وچ ویکھن یا دعا کردیاں ہویاں خُداونددی اواز سُنن دے بعد ایس طرح زندگی گزارن دا فیصلہ کیتا ۔ پر خُداوند صرف اپنے آپ نوں اپنے کلام دے راہیں ظاہر کردا اے ؛ اوہ ساڈے نال اک سفنے وچ یا جد اسیں دعا منگدے پئے آں نئیں بولدا اے ، خاص کر کے ایس زمانے وچ جد اوہدا سارا کلام ساری دُنیا نوں کامل طریقے نال دتا گیا اے ۔ سفنے صرف بندے دی کچی نیندر دی پیچیدہ سلطنت وچوں آؤندے نیں ۔ ایہہ لوک ایس قِسم دا اک سفنا ویکھدے نیں ایس لئی پئی اپنی بے سود محبت وچ اوہ یِسُوعؔ دے بارے ساریاں قِسماں دے خیال رکھدے نیں تے صرف بوہت چوکھا سوچدے نیں ۔
جد تہاڈا ذہن نیندر وچ جان توں پہلوں کسے معاملے بارے بوہت چوکھا دھیان کر دا اے ، تاں ہو سکدا اے پئی تُسیں اپنے سفنے وچ اپنے آپ نوں ایسے طرح ایس معاملے اُتے ڈٹے ہویاں ویکھدے او ۔ ایس طرح ، ، سفنے تہاڈی کچی بیداری توں آؤندے نیں ۔ ایس لئی پئی اسیں بوہت چوکھا سوچدے آں ، اسیں ساریاں قِسماں دے سمجھوں باہر سفنے ویکھدے آں ۔ ایہناں ساریاں دا ایمان نال کوئی میل جول نئیں ہیگا ، سگوں اوہ صرف بدنی تبدیلیاں یا ادھی رات جگراتے دا پرچھانواں نیں ۔
ایہو ای سبب اے پئی جے لوک یِسُوعؔ دے سولی اُتے لہو وگاؤن دے بارے بوہت چوکھا سوچدے نیں ، تاں اوہناں دیاں سفنے وچ اوہ اپنے سِر اُتے اک کنڈیاں دے تاج نال وکھالی دیندا اے ۔ اپنے آپ وچ ، اِنج دے کسے سفنے وچ کوئی گھاٹا نئیں ہیگا ۔ پر ایس سفنے نوں بوہت سچیاں سمجھنا اک وڈی غلطی اے ۔ کیہ ہوئے گا جے یِسُوعؔ اوہناں اگے وکھالی دیندا اے ، ہر پاسے لہو وگدا پیا اے تے سچ مُچ کہندا اے ، ”تُسیں میرے لئی کیہ کروگے ؟ تُسیں میرے لئی اپنی باقی زندگی اک فقیر وانگر گزاروگے ۔ میرے لئی ، تہانوں کوئی جائیداد نئیں رکھنی پوے گی ؟“کملے لوک ہیگے نیں جیہڑے اصل وچ اپنی ساری جائیداد دے دیندے نیں تاں پئی اوہ ایس طرح زندہ رہ سکن ۔ کیہ کوئی ہیگا اے جیہڑا اک سفنے دے سببوں ڈریا سی ، جنہے ایہنوں سچ جانیا ، یا جیہدی زندگی ایہدے سببوں بدل گئی ۔ ایہہ صوفی پرستی توں علاوہ کوئی دوجا کم نئیں ہیگا ۔
خُدا سانوں کلام دے راہیں ملدا اے ۔ اوہ کوئی ایہو جیہا نئیں ہیگا جنہوں اسیں اک سفنے یا رویا وچ اپنی دعا وچ مل سکدے آں ۔ خُدا دا کلام پُرانے تے نویں عہد نامیاں وچ لکھیا ہویا اے ، تے ایہہ ہیگا اے جد اسیں سانوں دتا گیا ایہہ کلام سُندے آں تے ایہنوں اپنیاں دلوں وچ قبول کردے آں یعنی ساڈیاں روحاں کلام دے راہیں اوس نال مِل سکدیا ں نیں ۔ دوجیاں اکھراں وچ ، کلام دے راہیں تے صرف کلام دے راہیں ای تہاڈیاں روحاں خُدا نال مِل سکدیاں نیں ۔
ایہہ کلام نال اے پئی سانوں پتہ لگیا یِسُوعؔ نے اپنے بپتسمے نال اپنے آپ اُتے ساڈیاں ساریاں پاپاں نوں چُک لیا ؛ ایہہ اوس کلام نوں سُنن دے راہیں اے پئی اسیں اپنیاں دلاں وچ ایمان رکھن لئی آگئے آں ۔ سوال دا جواب کیوں یِسُوعؔ نوں سولی اُتے مرنا پیا سی وی کلام وچ ہیگا اے ۔ ایہہ ایس لئی اے پئی یِسُوعؔ نے اپنا بپتسمہ لین دے راہیں اپنے آپ اُتے ساڈیاں پاپاں نوں چُک لیا پئی اوہ سولی اُتے مر گیا تے سانوں بچایا ۔ کلام دے راہیں، اسیں خُدا نوں پچھان دے آں ، تے کلام دے راہیں ، اسیں اوس اُتے ایمان لیاؤندے آں ۔ ایہہ پئی یِسُوعؔ مسیح خُدا اے ایہہ وی اسیں صرف کلام دے راہیں جان دےتے ایمان رکھدے آں ۔
اسیں کویں خُدا اُتے ایمان رکھ سکدے ساں ؟ کیہ ایہہ خُدا دے لکھے ہوئے کلام دے راہیں نئیں سی
جے خُدادا کلام نا ہوندا ،تاں اسیں کویں یِسُوعؔ نال مِلن تے ایمان رکھن لئی آسکدے ساں ،جیہڑا ساڈیاں ساریاں پاپاں نوں مکا چُکیا اے ؟ جے خُداداکلام نا ہوندا ، تاں ساڈا ایمان کُجھ نا ہوندا ۔ ”ایہہ ہےمَیں کیہ سوچدا ہاں ۔“ —اسیں اپنیاں خیالاں نوں ظاہر کر سکدے آں ، پر ایہہ سچ نئیں ہیگا ، تے جد ساڈے دل ایس گل نال بھر جاندے نیں جیہڑا سچ نئیں ہیگا ، تاں اصل سچیائی ساڈیاں دلاں وچ جا نئیں سکدی ۔ آکھن لئی ٹھیک شے ایہہ نئیں ہیگی پئی ، ”مَیں کیہ سوچدا ہاں ۔“سگوں ایہہ ہیگی اے ، ”ایہہ اوہو ای اے جیہڑی پاک کتاب آکھدی اے۔“جد اسیں پاک کتاب نوں پڑھدے آں ، تاں خُدا ولوں بولیا گیا سچ ساڈیاں دلاں وچ آؤندا اے ،تے ساڈےپِچھلیاں خیالاں دیاں غلطیاں نوں ٹھیک کردا اے ۔
پانی تے رُوح دی خوشخبری اُتے تہاڈا ایمان کیہڑی شے نال بنیا ہویا اے ؟ کیہ ایہہ تہاڈیاں ذاتی خیالاں نال بنیا ہویا اے ؟ یا کیہ تُسیں کلام وچوں سُن کے ایہنوں جانن تے ایمان رکھن دے راہیں نویں سریوں جمے سو ؟ ایہہ کلام دے راہیں ہیگا اے پئی اسیں اپنیاں دلاں وچ ایمان رکھن تے خُدا نال مِلن لئی آگئے آں ۔ ایس لئی ایہہ خیمۂ اجتماع دے برانڈے دا پھاٹک اسمانی ،ارغوانی تےلال دھاگے تے مہین وٹے ہوئے کتان نال اُنیا گیا سی ۔
حوض وچ رکھے گئے پانی دا مطلب بپتسمہ اے جیہدے راہیں یِسُوعؔ مسیح نے ساڈیاں ساریاں پاپاں نوں اپنے آپ اُتے چُک لیا ۔ ”حالی تے ہون دےکیوں جوسانوں چاہی دا اے پئی ایسے طرح ساری راستبازی نوں پورا کرئیے ۔“(متی ۳ : ۱۵)۔خُدا دے کلام دے راہیں ،اسیں بپتسمے نوں جانن لئی آئے جیہدے نال یِسُوعؔ نے اپنے آپ اُتے دُنیا دیاں ساریاں پاپاں نوں چُک لیا ۔ ایس لئی پئی ایہہ کلام دے راہیں ہیگا اے پئی اسیں یِسُوعؔ دے بپتسمے نوں جانن لئی آئے جنہے ساریاں پاپاں نوں چُک لیا جیہڑے تُسیں تے مَیں اپنیاں ساریاں زندگیاں وچ کردے آں ،ایہہ کلام سانوں اپنیاں دلاں وچ بپتسمےدا ایمان رکھن دے لائق بنا چُکیا اے ۔ایہہ کلام دے راہیں ہیگا اے پئی اسیں حوض وچ وکھائے گئے سچ نوں لبھن لئی آؤندے آں ۔
خُدا دے کلام توں ، اسیں ایہہ جان سکدے آں پئی حوض پِتل نال بنایاگیا سی ۔ پاک کتاب وچ ، پِتل دا مطلب کچہری اے ۔ ایس طرح ، پِتل دے حوض دا مطلب اے جد اسیں شریعت دے اگے اپنے آپ نوں ویکھدے آں ، جیہڑی اک شیشے دا کم کردی اے جیہڑی ساڈی ذات نوں وکھاؤندی اے ، تاں اسیں سارے لعنتی ٹھہرائے جان دے لائق آں ۔ ایس لئی حوض خیمۂ اجتماع دی سیوا کرن والیاں زنانیاں دیاں شیشیاں نال بنایا گیا سی ۔ خُداوند سانوں ،جیہڑے بچ نئیں سکدے ساں سگوں اپنیاں پاپاں دے سببوں لعنتی ٹھہرائے جاسکدے ساں ، ایس زمین اُتے آؤن ، بپتسمہ لین تے سولی اُتے مرن دے راہیں بچا چُکیا اے ۔ خُدا دے لکھے ہوئے کلام دے راہیں ، سانوں پتہ لگیا پئی ایہہ ایس لئی سی پئی یِسُوعؔ نے بپتسمہ لیا پئی اوہنے اپنے آپ اُتے ساڈیاں ساریا ں پاپاں نوں چُک لیا ، سولی اُتے گیا ، تے پاپ دی سزا جری ۔ تے ایہہ سانوں دلوں قبول کرن تے ایس سچیائی اُتے ایمان رکھن دے راہیں ہیگا اے پئی اسیں بچائے گئے آں ۔ تہاڈے بارے کیہ اے ؟ تُسیں کویں بچائے گئے او ؟
اک خاص فرقے وچ جیہڑےصوفی پرستی نوں من دے نیں ، اوہ دعویٰ کردے نیں پئی ایہدیاں بندیاں نوں ایہناں دی مکتی دی ٹھیک تاریخ دا پتہ ہونا چاہی دا اے ، جیہڑے مہینے تے دن وچ اوہ بچائے گئے سن ۔ تے ایس فرقے وچ اک پادری بوہت ساریاں ایمانداراں دے اگے گواہی دین لئی آکھیا جاندا اے پئی اوہنے یِسُوعؔ اُتے ایمان رکھیا تے مکتی یافتہ ہویا جد اوہ دعا منگن لئی کسے پہاڑ اُتے چڑھیا تے احساس کیتا پئی اوہ کُجھ نئیں سی ۔ اوہنے بوہت گھمنڈ نال دعویٰ کیتا پئی اوہ اپنے نویں سریوں جمن دی ٹھیک تاریخ تے ویلے نوں کدی نئیں بھُلیا ۔ ایہدا لازمی مہین وٹے ہوئے کتان نال کوئی میل جول نئیں ہیگا ، سگوں ایہہ صرف جذباتی گل اے ، ایس پادری دے ایمان دا اسمانی ، ارغوانی تے لال دھاگے تے مہین وٹے ہوئے کتان نال کوئی میل جول نئیں ہیگا ۔ ایس فِرقے ولوں سکھائی گئی مکتی دا خُدا دے کلام نال بنی ہوئی سچی مکتی نال کوئی میل جول نئیں ہیگا ، سگوں ایہہ صرف اوہناں دی اپنی بنائی ہوئی اے ۔
اپنے آپ نوں پتھروانگر کرنا اصل وچ ممکن اے ۔ جے لوک ضد کردے نیں پئی اوہ بےپاپ نیں ، تے گھڑی مُڑی اِنج سوچدے نیں ، تاں اوہ آپ ای سخت ہو جاندے نیں تے آپ ای بے پاپ بن جاندے نیں ۔جے اوہ اپنے آپ وچ ایس منتر نوں گاؤندے رہندے نیں ،فیر اوہ اصل وچ محسوس کر سکدے نیں جویں جے اوہ سچ مُچ بے پاپ بن گئے نیں ، پر ایہو جیہے احساس بوہتے چر تیک کدی نئیں رہ سکدے ۔ سو ، کُجھ ای چر بعد ، اوہناں نوں اپنے آپ نوں فیربےحس کرنا پوے گا ، ایہہ گاؤندیاں ہویاں ، ”مَیں بے پاپ آں ۔ مَیں بے پاپ آں ۔“ ایہہ کناں خود غرض ، جھوٹھا ، کملیاں والا ، تے وہم کرن والا ایمان اے !
مہین وٹے ہوئے کتان دا مطلب پُرانے تے نویں عہد نامیاں وچ خُدا دا کلام اے ۔ یعنی خیمۂ اجتماع دے برانڈے دے پھاٹک ، پاک تھاں، تے بوہتی پاک تھاں دے سارے پھاٹک اسمانی ،ارغوانی تےلال دھاگےتے مہین وٹے ہوئے کتان نال اُنے ہوئے سن سانوں دسدے نیں پئی یِسُوعؔ ساڈی مکتی دا پھاٹک تے ساڈا مکتی بن گیا اےبالکل جویں پُرانے تے نویاں عہد نامیاں وچ لکھیا ہویا اے ۔ ایس لئی مَیں سچ مُچ خُدا دا شکر ادا کردا ہاں ، ایس لئی پئی ایہہ مکتی کنی بھروسے والی اے جیہڑی خُداساڈے نال بول چُکیا اے !
ایہو ای سبب اے جد مَیں دعاکردا ہاں ، تاں مَیں جذبیاں ول دھیان کرن یا اک وکھا لے د ی کوشش نئیں کردا ۔ مَیں ہر شے خُدا اُتے چھڈن تے اوس اُتے بھروسہ کرن دے راہیں دعا منگدا ہاں ۔”اے باپ ، مہربانی کر کے ساڈی مدد کر ۔ سانوں ساری دُنیاوچ خوشخبری کرن دے لائق بنا ۔میرے سارے نال دے خادم تے پاک لوکاں دی راکھی کر تے قیم رکھ ۔ سانوں کم کرن والے بندے دے جیہڑے خوشخبری دی سیوا کرسکدے نیں ، ایس خوشخبری نوں ودھن دی اجازت دے تے ایمانداراں نوں احساس کرن تے تیرے کلام اُتے ایمان دے لائق بنا۔ “ایہہ سارا کجھ اےجیہڑا مَیں آکھدا ہاں جد مَیں دعا منگداہاں ؛ مَیں اپنیاں جذبیاں نوں ودھاؤن تے چلاؤن دی کوشش کردیاں ہویاں دُعا نئیں منگدا تے ایس بکواس وچوں کوئی وی میریاں دُعا واں دا حصہ نئیں ہیگا ۔
کئی لوک ، جد اوہ صرف فضول ای اوہ کنی چوکھی محنت کردے نیں اپنیاں جذبیاں نوں نئیں ودھا سکدے اتھرووگاؤن تے اپنیاں دُعا واں نوں دوجیاں لئی سچے دلو ں کرن دا فریب کرن لئی ایتھوں تیک پئی بوہت چر توں موئے ہوئے باپ یا ماں دے بارے سوچدے نیں ۔ ایہو جیہاں آپ بنائیاں ہویاں دُعا واں اک کوڑے دے ڈھیر وانگر نیں جنہوں خُدا اپنے مُنھوں باہر سُٹے گا ۔ لوک یِسُوعؔ دے سولی اُتے مرن بارے سوچن دے راہیں اپنیاں جذبیاں نوں وی ودھاؤندے نیں تے انھے وا رولا پاؤندے رہندے نیں ، ”اے خُداوند ، مَیں تیرے اُتے ایمان رکھدا ہاں ! “
پر کیہ سچ مُچ ایہدا مطلب ایہہ ہیگا اے پئی ایہو جیہے لوکاں دا ایمان پکا اے ؟ جے تُسیں اپنیاں پاپاں دے بارے سوچدے او تے اپنیاں جذبیاں نوں ایہہ آکھ کے ودھاؤن دی کوشش کردے او ، ”اےخُداوند مَیں پاپ کیتا اے ۔ میری راستبازی وچ زندگی بسر کرن وچ مدد کر “ تدفیر ایہہ سچ مُچ اپنے آپ نوں جذبیاں نال اُبھارنابالکل سوکھا اے ۔ ایس لئی پئی ایہو جیہا جذباتی تجربہ تے رولا پاؤن دا اک چنگا حصہ بوہتا چوکھا پریشانی نوں مکا سکدا اے ، بوہت سارے لوک ، خوشی محسوس کردے نیں ، سوچدے نیں پئی ایمان دا ایہو ای مطلب اے ۔ بھاویں اوہناں دیاں زندگیاں دکھاں بھریاں نیں ، ایہو جیہے جذباتی تجربے گھٹوگھٹ تھوڑے چر لئی اوہناں نوں چنگیاں محسوس کرن دے لائق بناؤندے نیں تے ایس طرح اوہ اپنیاں دینی زندگیاں گزاردے رہندے نیں ۔
تہانوں لازمی ایمان رکھنا چاہی دا اے پئی خُداوندساڈے کول اسمانی ، ارغوانی تےلال دھاگے تے مہین وٹے ہوئے کتان دے راہیں آچُکیا اے
ساڈا خُداوند ساڈے کول کلام دے راہیں آیا ۔ ایس لئی تہانوں اپنیاں حِساں نوں نئیں اُڈیکناں چاہی دا ، سگوں تہانوں لازمی سُننا چاہی دااے خُدا دا کلام تہانوں کیہ آکھدا اے ۔ ضروری گل ایہہ ہیگی اے پئی کیہ تُسیں اپنیاں دلاں وچ خُدا دے ایس کلام اُتے ایمان رکھدے او یانئیں ۔ جدتُسیں دعا کردے او ، اپنیاں جذباں اُتے دھیان کرن دی کوشش نا کرو۔ سگوں ، تہانوں اوہناں نوں اک ٹھیک معیار اُتے ہتھ وچ رکھنا چاہی دا اے ، کیوں ؟ ایس لئی پئی ایس دُنیا وچ بوہت سارے جھوٹھے ہیگے نیں جیہڑے اوہناں لوکاں تیک اَپڑن گے جیہڑے جذباتی طریقے نال جاگنا پسند کردے نیں تے اوہناں دیاں جذباتی موریاں توں فائدہ لینا چاؤہندے نیں ۔ ایس لئی پئی لوک بوہتی واراپنیاں سوچاں پِچھے چلن دے راہیں سیانیاں تھاواں گوا لیندے نیں ، جد جگراتے دیاں عبادتاں ”وڈی رُوحانی بیداری“دے بینر دے ہیٹھاں کیتاں جاندیاں نیں ، تاں بوہتی واری ایہدارادہ صرف شامل ہو ن والیاں دیاں جذبیاں نوں ودھاؤنا ہوندا اے ۔
پر ، ہُن جد پئی مَیں نویں سِریوں جم پیا واں ، مَیں اک ایہو جیہی جگراتے د اانتظام نئیں کر سکدا بھاویں مَیں کوشش کراں ، ایس لئی پئی خُدا دے کلام دی منادی کرنا دُنیا دیاں ایہناں روحانی جگراتے دیاں عبادتاں وانگر لوکا ں دیاں جذبیاں نوں ودھاؤنا نئیں ہیگا ۔ ایس لئی پئی مَیں سچیائی دے کلام نال نویں سِریوں جم پیا واں ، میَں اپنے جذباتی حصے نوں بوہت پہلوں مکا چُکیا یاں جیہڑا میری رُوحانی زندگی وچ دھکے نال وڑ جاندا سی ۔
اسیں،راستباز جیہڑے خُدا دےکلام نوں سُن دےآں ، اپنی سیانف ورتدے آں ، تے اپنیاں دلاں وچ ایمان رکھدے آں ، اسیں کدی وی جذباتی طریقے نال اگانہہ ودھنا پسند نئیں کردے ۔ اسیں سچیائی اُتے ایمان رکھدیاں ہویاں چھیتی نال ایہہ جان لیندے آں پئی کیہ کوئی ساڈے نال خُدا دے کلام دے بارے جویں ایہہ ہیگا اے بولدا اے یاں نئیں ، تے چھیتی نال پچھان جاندے آں کیہ ایہہ بندہ ساڈے نال سچ مُچ ایس اُتے ایمان رکھن دے راہیں بولدا پیا اے یانئیں ۔ ایس لئی پئی اسیں جیہڑے جان دے تے اسمانی،ارغوانی تےلال دھاگے تے مہین وٹے ہوئے کتان دی سچیائی اُتے ایمان رکھدے آں اپنیاں دلاں وچ پاک رُوح رکھدے آں ، اسیں سارے جان دے آں پئی جذبیاں دا بھانبڑ سچیائی توں بوہت دُور اے تے اسیں صرف اپنیاں دلاں وچ اصلی سچیائی نوں قبول کردے آں ۔
یِسُوعؔ ساڈے کول اسمانی ، ارغوانی تےلال دھاگے تے مہین وٹے ہوئے کتان دے راہیں آیا ۔ ایہہ سچیائی کنی شان والی اے ؟ ساڈے خُداونددی محبت کنی حیران کرن والی اے جیہڑی تہانوں بچا چُکی اے ؟ خُدا دے کلام وچ لکھے ہوئے یِسُوعؔ دیاں چونہہ پاسیاں دیاں کماں دے راہیں اسیں سارے ایمان رکھ چُکے آں پئی یِسُوعؔ نے اپنے بپتسمے نال اپنے آپ اُتے تہاڈیاں ساریاں پاپاں نوں چُک لیا ، سولی اُتے مر گیا ، تے اِنج تہانوں اپنی ساری راستبازی نوں پورا کرکے بچا چُکیا اے ۔
کیہ تُسیں اپنیاں دلاں وچ ایس سچیائی اُتے ایمان رکھدے او ؟ اوہ جیہڑے خوشخبری دی منادی کردے نیں اوہناں نوں لازمی ایہنوں مہین وٹے ہوئے کتان دے اندر ر ہ کے ودھاؤنا چاہی دا اے ، یعنی ، خُدا دا پُرانیاں تے نویاں عہد نامیاں دا کلام ، تے ایہدیاں شیواں لازمی اسمانی ، ارغوانی تےلال دھاگے دیاں ہونیاں چاہی دیاں نیں ۔ تے اوہ جیہڑے ایہنوں سُن دے نیں اوہناں نوں لازمی اپنیاں دلاں وچ ایہنوں قبول کرنا چاہی دا اے تے سچے دلوں ایس اُتے ایمان رکھنا چاہی دا اے ۔
حوض دا پانی ساڈیاں پاپاں نوں دھوندا اے
اپنے بپتسمے دے راہیں یِسُوعؔ نے اپنے آپ اُتے ساڈیاں ساریاں پاپاں نوں چُک لیا تے اوہناں ساریاں نوں دھو دتا ۔ یِسُوعؔ دا بپتسمہ حوض دے پانی بارے دسدا اے؛ ایہہ سانوں پاک کر چُکیا اے ، جیہڑے سارے پاپاں دے سببوں دوزخ جان دے حقدار ساں، تے سانوں خُدا دے اگے کھلون دے لائق کر چُکیا اے ۔ ایس لئی پئی یِسُوعؔ نےاپنے بپتسمہ دے راہیں اپنے آپ اُتے ساڈیاں ساریاں پاپاں نوں قبول کیتا ، اوہ سولی اُتے جا سکد ا سی تے اوہناں نوں موت تیک سولی اُتے مرن دے راہیں دھو سکدا سی ۔ دونویں یِسُوعؔ دا بپتسمہ تےسولی گواہی دیندے نیں پئی یِسُوعؔ نے ساڈیاں ساریاں پاپاں دی لعنت چُک لئی ۔ بپتسمہ تے سولی دے راہیں یِسُوعؔ نے ساڈی ساری مکتی پوری کیتی ۔
توبہ دیاں دعاواں پیش کرنا ساڈیاں پاپاں نوں نئیں دھو سکدا ۔ ایہہ ایس لئی اے پئی یِسُوعؔ نے پہلوں ای اپنے بپتسمے نال ساڈیاں پاپاں نوں چُک لیا اے یعنی ساڈے سارے پاپ دھوتے گئے نیں ۔ ایہہ ایس کلام نوں سُنن تےایمان رکھن دے راہیں ہیگا اے یِسُوعؔ ساڈے لئی کیہ کر چُکیا اے پئی اسیں اپنیاں پاپاں دی سزا توں چُھٹ سکدے آں ۔ سزا دا شکر ہوئے جیہڑی یِسُوعؔ نے جری سی ، اسیں پہلوں ای اوہدے بپتسمے اُتے اپنے ایمان دے راہیں ساڈے پاپ دی ساری سزا جر چُکے آں ۔ سچ مُچ ، اسیں ایمان دے راہیں بچائے گئے آں۔ اک طریقے نال ، مکتی بالکل سوکھی اے ۔ جے اسیں مکتی دے انعام تے محبت اُتے ایمان رکھدے آں ، اسیں مکتی یافتہ ہو سکدے آں ، پر جے اسیں ایمان نئیں رکھدے فیر اسیں مکتی یافتہ نئیں ہو سکدے ۔
خُدا ولوں کامل ہون والی مکتی توں علاوہ ، مکتی یافتہ ہون لئی اسیں کُجھ وی نئیں کرسکدے
اسیں اپنی مکتی لئی کُجھ وی نئیں کر سکدے ، جے ایہہ خُدا نا کردا ۔ جویں پئی ساڈے خُداوند نے دُنیا بناؤن توں پہلوں سانوں ایس طریقے نال بچاؤن دا فیصلہ کیتا تے ساڈی مکتی پوری کیتی ، ہر شےانحصارکردی اے پئی خُدا کویں فیصلہ کردااے ۔خُدا باپ نے اپنے پُتر تے پاک روح دے راہیں سانوں بچاؤن دا فیصلہ کیتا ، تے جد مقرر کیتا ہویا ویلا آیا تاں ، اوہنے اپنے اِکو اِ ک پُتر یِسُوعؔ نوں زمین اُتے گھلیا ۔ جد یِسُوعؔ ۳۰ ورہیاں دا ہوگیا تے اوہدا مکتی دیاں ایہناں کماں نوں پورا کرن دا ویلا آگیا ، فیر باپ نے یِسُوعؔ نوں بپتسمہ لین تے سولی اُتے مرن ، تے اوہنوں جیوں اُٹھن دے لائق بنایا ، تے اِنج سانوں بچا چُکیا اے ۔ اسیں سِکھن تے جانن دے راہیں ساڈا خُداوندپُرانے تے نویں عہد نامیاں دے کلام نال ساڈے لئی کیہ کر چُکیا اے ، تے اپنیاں دلاں وچ ایس اُتے ایمان رکھن دے راہیں مکتی یافتہ ہوندے آں ۔ ساڈیاں دلاں وچ ایمان رکھن دے راہیں مکتی یافتہ ہونا ساڈیاں دلاں وچ ایمان نوں قبول کرن توں علاوہ کوئی دوجی شے نئیں ہیگی ۔
کیہ تُسیں ایمان رکھدے او پئی پاک کتا ب دا ایہہ کلام خُدا دا کلام اے ؟ ایس پاک کتاب توں علاوہ کوئی ہور شے نئیں آپ ای خُدا اے جیہڑا مُڈھوں ہیگا اے تے اوہد ا کلام اے ۔ پُرانےتے نویں عہد نامیاں دےکلام، خُدا دے کلام دے راہیں ، اسیں جان سکدے آں تے خُدا نوں مِل سکدے آں ۔ پُرانے تے نویں عہد نامے دےکلام دے راہیں ، اسیں احساس کرسکدے تے ایمان رکھ سکدے آں پئی اوہ سانوں اسمانی ،ارغوانی تےلال دھاگے تے مہین وٹے ہوئے کتان دے راہیں بچا چُکیا اے ۔ ایس لئی پئی اوہ وی ، جیہڑے سچ مُچ ایس سچیائی اُتے ایمان رکھدے نیں مکتی یافتہ نیں ، اوہ گواہی دے سکدے نیں پئی ایہہ کلام لازمی طاقت رکھدا اے ۔ سانوں اپنی دلی تنگ نظر نال خُدا دے کلام نوں جانچنا تے کچھنا نئیں چاہی دا ، سگوں سانوں لازمی ایس توں ایہہ سمجھنا چاہی دا اے پئی خُدا کنے ٹھیک طریقے نال سانوں بچا چُکیا اے ۔
پرانے تے نویں عہد نامے وچوں ، مَیں آس رکھدا تے دعا منگدا ہاں پئی تُسیں سارے ہُن اسمانی (یِسُوعؔ دا بپتسمہ)،ارغوانی (یِسُوعؔ بادشاہواں دا بادشاہ اے )،تےلال دھاگے(سولی)تے مہین وٹے ہوئے کتان دے کلام (خُدا دے پرانے تے نویں عہد نامے دے کلام )نوں سُنو گے تے ایمان رکھو گے ۔ جے تُسیں خُدا دے کلام نوں اک پاسے رکھدے او تے اپنی باقی زندگی لئی اوہدے کلام نوں آپ بنائی ہوئی کاچھ دے ڈنڈے نال مِن دے او ، تُسیں کدی مکتی یافتہ نئیں ہوووگے ۔
جے تُسیں اپنے آپ نوں پچھان دے او پئی تُسیں خُدا داکلام چنگی طرح نئیں جان دے ، فیر تہانوں لازمی کَن لا کے سُننا چاہی دا اے پئی ایمان بارے سکھاؤن والے کیہ آکھدے نیں ، بھاویں اوہ پادری ہون ، کلیسیا وچ کم کرن والے ہون ، یا دُنیادار، جد تُسیں اوہناں دے راہیں سُنایا گیا خُدا داکلام سُن دے او ، تے جد اوہ جیہڑے منادی کردے پئے ہون تاں سچ مُچ خُدا دے اگے سارا کُجھ جیہڑا تُسیں کرنا اے ، اوہ ایہہ ہیگا اے پئی ایہہ بالکل ٹھیک اے تے اپنیاں دلاں وچ ایس اُتے ایمان رکھو ۔
اوہ لوک جیہڑے کلام نوں ودھاؤندے نیں اوہ ایہنوں ایس لئی نئیں ودھاندے پئی ایہہ بوہت سوکھا اے ، پر او ہ اِنج کردے نیں ایس لئی پئی اوہ جیہڑے منادی کردے پئے نیں خُدا دے اگے ٹھیک نیں ۔ ایس لئی پئی اوہ خُدا دے اگے ٹھیک تعلیم دی منادی کردے نیں —ایہہ ہیگی اے ، پانی تے رُوح دی خوشخبری، یعنی اسمانی ، ارغوانی تے لال دھاگے تے مہین وٹے ہوئے کتان دا سچ۔ ایس توں ہٹ کے پئی اسیں ایہنوں کیہدے کولوں سُن دے آں ، جے ایہہ خُدا دا سچا کلام اے ، فیر کوئی دوجا کم نئیں ہیگا جیہڑا اسیں کر سکدے آں سگوں ایہنوں اک ہاں نال قبول کرئیے ، ایس لئی پئی اِکو اِک شوشہ نا ای اک اکھر ہیگا اے جیہڑاخُدا دے کلام وچ غلط اے ۔
سانوں لازمی خُدا دے کلام اُتے ایمان رکھنا چاہی دا اے ۔ ’ایمان رکھنا‘ کیہ اے ؟ ایہہ قبول کرنا اے ۔ ایہہ بھروسہ کرنا اے ۔ دوجیاں اکھراں وچ ، ایس لئی پئی ساڈےخُداوندنے ساڈے لئی بپتسمہ لیا ، اسیں اپنیاں ساریاں کمیاں اوہدے حوالے کردے آں تے اوس اُتے بھروسہ کردے آں ۔”کیہ سچ مُچ خُداوند نے مینوں اِنج کرن دے راہیں بچایا ؟مَیں بھروسہ کردا تے تہاڈے اُتے یقین رکھدا ہاں ۔ “اِنج دا ایمان رکھنا سچا ایمان اے ۔
ایس دُنیا دیاں خُدائی تعلیم دیاں ماہراں وچوں ،کسے نوں لبھنا بوہت اوکھا اے جیہڑا ٹھیک طریقے نال جان دا تے ایمان رکھدا اے ۔ ایتھوں تیک پئی حوض تیکر اَپڑن توں پہلوں ، اوہ خیمۂ اجتماع دے برانڈے دے پھاٹک اُتے اَڑے ہوئے نیں ،ایتھوں تیک پئی برانڈے وچ جان دے لائق نئیں ہیگے ۔ جد اوہ خیمۂ اجتماع اُتے پیغام دیندے نیں تاں اوہ بوہت چالاکی نال ایہدے برانڈے دے پھاٹک نوں کھسکاؤن دی باضمیر کوشش کردے نیں ، تے جد اوہ خیمۂ اجتماع بارے کتاباں چھاپ دے نیں ،تاں اوہ اِنج دیاں تصویراں لاؤندے نیں جیہڑیاں وڈے پھاٹک نوں جیہڑا برانڈے دی واڑ وچ ۹ میٹر توں بوہتی تھاں گھیردا سی نوں چھڈ دیندیاں نیں ۔
کدی کدائیں ، کئی ہیگے نیں جیہڑے نڈر ہوکے خیمۂ اجتماع دے برانڈے دے پھاٹک بارے منادی کردے نیں ،پرایس لئی پئی اوہ اسمانی دھاگے دے خاص مقصد نوں نئیں جان دے ، اوہ صرف کہندے نیں ، ”اسمانی اسمان دا رنگ اے ۔ “ایس لئی اوہ دعویٰ کردے نیں پئی اسمانی دھاگہ اسمان دا رنگ اے جیہڑا ظاہر کردا اے پئی یِسُوعؔ آپ ای خُدا اے ، تے پئی لال دھاگہ لہو بارے دسدا اے جیہڑا یِسُوعؔ نے سولی اُتے وگایا جد اوہ ایس زمین اُتے سی ، تے اِنج بوہت چالاکی نال ، خیمۂ اجتماع دے برانڈے دے پھاٹک دی سچیائی نوں کج لیندے نیں ۔ ارغوانی رنگ دے بارے وچ کیہ خیال اے ؟ ارغوانی رنگ سانوں دسدا اے پئی یِسُوعؔ بادشاہواں دا بادشاہ تے آپ ای خُدا اے ۔ یِسُوعؔ دا خُدا ہونا پہلوں ای ارغوانی دھاگے وچ کامل طریقے نال ہیگا اے ، تاں پئی کسے دوجے رنگ نال سچیائی نوں رَلاؤن دی ضرورت نا پوے ۔
اسمانی دھاگے دی سچیائی ایہہ ہیگی اے پئی یِسُوعؔ ایس زمین اُتے آیا تے یوحنا کولوں بپتسمہ لین دے راہیں اِکو ای واری اپنے آپ اُتے ساریاں لوکاں دیاں ساریاں پاپاں نوں چُک لیا ۔ پر ایس دُنیا دے خُدائی تعلیم دے ماہر ، ایس لئی پئی اوہ یِسُوعؔ دے ایس بپتسمے نوں نئیں پچھان دے ، نا ایہنوں جان سکدے نیں ، نا ای ایہدی منادی کردے نیں ، سگوں صرف اپنے عقلوں گھاٹے راہیں بولدے نیں ۔ اوہ جیہڑے یِسُوعؔ اُتے ایمان نارکھن دے راہیں نویں سریوں نئیں جمے ،جیہڑا اسمانی ، ارغوانی تے لال دھاگے تے مہین وٹے ہوئے کتان دے راہیں آیا نئیں جان دے پئی یِسُوعؔ نے بپتسمے دے راہیں اپنے آپ اُتے ساریاں پاپاں نوں چُک لیا تے اوہناں دی سزا جری ۔ ایس طرح ، اوہ روحانی طریقے نال انھے ہوگئے نیں تے کلا م نوں حل کرن دے لائق نئیں ہیگے ، تے ایس لئی اوہناں نیں اپنے ذاتی خیالاں نال بنائی ہوئی ایہدی اپنی من مرضی نال تشریح کرن دے راہیں خُدا دے کلام نوں دین بنا لیا اے ۔ اوہ سکھاؤندے نیں ، ”یِسُوعؔ اُتے ایمان رکھو ۔ فیر تُسیں مکتی یافتہ ہو جاوو گے ۔ تے ہُن توں چنگے تے حلیم بن جاوو ۔“اوہ یِسُوعؔ مسیح اُتے ایمان نوں صرف اک دین وچ بدل چُکے نیں جیہڑا صرف اوہناں نوں چنگے کم کرن بارے آکھدا اے ۔
ایس لئی پئی لوک جان دے نیں پئی اوہ چنگے نئیں ہو سکدے سب فضول اے اوہ کنی بوہتی کوشش کردے نیں ، اوہ ایہو جیہے اکھراں توں سوکھے طریقے نال دھوکہ کھا جاندے نیں جیہڑے لوکاں دی مرضی نوں چنگا بنن دی کوشش کرن دی دعوت دیندے نیں ۔ دین اوسے پُرانے طریقے نوں من دے نیں ، ”جے تُسیں کوشش کرو تاں تُسیں کرسکدے او ،“ یا ” پاک بنن دی پوری کوشش کرو۔ “ساریاں دیناں دا سانجھا موضوع ایہہ ہیگا اے پئی اوہ لوکاں دیاں ادبی خیالاں ، کوششاں ، تے ارادے نوں بوہت چوکھا چنگیاں جان دے نیں ۔ مثال طور اُتے ، بُدھ مَت دے بارے کیہ خیال اے؟ بُدھ مَت لوکاں نوں نا مکن والیاں کوششاں تے ارادے بارے آکھدا اے تے اپنیاں منن والیاں نوں اپنے آپ پاک بنن دی کوشش کرن دی تعلیم دیندا اے ، ایہہ آکھدیاں ہویاں ، ”قتل نا کرو ؛ سچیائی نوں لبھو تے چنگے بنو ۔“کئی طریقیاں نال ، ایہدیاں تعلیماں مسیحی خُدائی خیالاں نال بوہت رَلدیاں مِلدیاں نیں ۔ مسیحیت تے بُدھ مَت اک دوجے دے مخالف سرے اُتے ہوندیاں ہویاں اینے نیڑیوں اِکو جیہے نظر آؤن دا سبب ایہہ ہیگا اے پئی ایہہ دونویں صرف دین نیں ۔
دین تے ایمان سارے دا سارا اک دوجے توں فرق نیں ۔ سچا ایمان اپنیاں دلاں وچ انعام نوں پچھاننا تے قبول کرنا اے جیہڑا ساڈا خُداوند ، جیہڑااِکلا خُدا دی راستبازی د ےراہیں بچا چُکیا اے ، سانوں دے چُکیا اے ۔ ایمان ساڈیاں دلاں وچ ایمان رکھن دے راہیں پاپ دی معافی پاؤنا اے یعنی خُداوند ایس زمین اُتے آیا تے اپنے آپ اُتے ساڈیاں پاپاں نوں لین لئی بپتسمہ لیا ، تے ایہہ پئی اوہنے سولی اُتے چڑھن دے راہیں ساڈیاں پاپاں دی ساری سزاجری ۔ ایمان رکھنا پئی خُداوند سانوں ساڈیاں ساریاں پاپاں تے سزا توں بچاؤن دے راہیں پانی تے رُوح نال چھُڈا چُکیا اے ایمان اے ۔ کیہ تُسیں ایمان رکھدے او ؟ سانوں لازمی سچ مُچ ساڈیاں دلاں وچ ایمان رکھنا چاہی دا اے ۔
خُدا تہانوں تے مینوں پہلوں ای ساڈیاں ساریاں پاپاں توں بچا چُکیا اے
ایس طرح ، اسیں صرف ایہہ کرنا اے پئی اپنیاں دلاں وچ ایس اُتے ایمان رکھنا تے ایہنوں قبول کرنا اے ۔ ایہہ اوہو ای اے جیہڑا خُدا دیاں اصل تابعدار پُتراں نوں اوہدے اگے کرنا اے ، تے باقی سارا کُجھ ایناں اہم نئیں ہیگا ۔ ایس لئی پئی خُدا نے تہاڈے نال محبت کیتی اے ، اوہنے ایس زمین اُتے اپنے اِکو اِک پُتر نوں گھلیا ، اوہنوں بپتسمہ دواؤن دے راہیں اوہنوں اپنے آپ اُتے تہاڈیاں پاپاں نوں چُکن دے لائق بنایا ،اوہ سولی اُتے چڑھیا تے لہو وگایا ، تے اوہنوں سزا دین دے راہیں موت دے حوالے کیتا ، اوہنوں زندہ کیتا ،تے اِنج تہانوں تہاڈیاں ساریاں پاپاں توں بچا چُکیا اے ۔
فیر ، جے تُسیں ایس سچیائی اُتے ایمان نئیں رکھدے تاں خُدا کِنج محسوس کرے گا ؟ ایتھوں تیک پئی ہُن وی ، جے تُسیں اوہدے تابعدار پُتر تے دھئیاں بننا چاؤہندے اوہ جیہڑے اوہدے دل نوں خوش کر سکدے نیں ، فیر تہانوں لازمی ایمان رکھنا چاہی دا اے پئی خُدا اپنے پُتر دے راہیں ، تہاڈیاں ساریاں پاپاں نوں مکا چُکیا اے تے تہانوں اوہناں توں بچا چُکیا اے ۔ جے تُسیں اپنے سچے دلوں تے شکر گزاری نال ایمان رکھدے او ، فیرتہانوں لازمی اپنے مُنھوں اقرار کرنا چاہی دا اے ۔ کیہ تُسیں وی اوس اُتے ایمان رکھنا چاؤہندے اے ، پر اِنج لگدا اے پئی تہاڈے لئی اپنے سچے دلوں ایمان رکھنا بوہت اوکھا اے ؟ فیر ، واضح طریقے نال اپنے مُنھوں اپنے ایمان دا اقرار کرن دی کوشش کرو ۔ ایس طرح جد تُسیں اقرار کردے او پئی تُسیں ایمان رکھدے او ، فیر ایمان بیجیا جائے گا تے ہولی ہولی ودھے گا ۔ ایمان اوہناں نال رشتہ رکھدا اے جیہڑے نڈر ہوکے ایس وچ رہندے نیں ۔
آؤ اک منٹ لئی فرض کروپئی میرےکول اک اصلی ہیرے دے مُندری اے ۔ آؤ ہور فرض کرئیے پئی مَیں ایہہ تہانوں دیواں گا ، پر تہاڈے وچوں کوئی ایہنوں اِنج آکھ کے قبول کرن توں مکردا اے پئی اوہ یقین نئیں کر سکدا پئی مُندری اصل ہیرے نال بنی ہوئی اے ۔ بھاویں مُندری اک اصلی ہیرے دے مُندری اے ، ایس لئی پئی ایس بندے نے یقین نئیں کیتا، ایہہ اوس لئی ہیرا نئیں اے ، تے ایس طرح ہُن اوہنےاک اصلی ہیرے دے مُندری لین دا ویلا گوا لیا اے ۔
ایمان ایسے طرح اے ۔ جے اک اختیار والے سنیارے نےاپنے تحریری بیان نال لوکاں اگے ثابت کردتا پئی مُندری اصلی ہیرے نال بنی ہوئی اے ، تاں اوہ ایہدا یقین کر لین گے ۔ خُدا اپنے لکھے ہوئے کلام دے راہیں تفصیل نال سانوں دس چُکیا اے پئی مکتی جیہڑی اوہ سانوں دے چُکیا اے سچی اے ۔ تے اوہ جیہڑے اوہدی مکتی اُتے ایمان رکھدے نیں ایس لئی پئی اوہدا کلام ایس طرح گواہی دیندا اے ایمان والے لوک نیں ۔ ”ایہہ میرے لئی ایمان رکھنا اوکھا اے پئی ایہہ اصل وچ سچ اے ، پر ایس لئی پئی تُسیں جیہڑے اِکو خاص اختیار والے جے کہندے او پئی ایہہ سچ اے ، مَیں ایس اُتے ایمان رکھدا ہاں ۔“جد لوک ایس طرح ایمان رکھدے نیں ، فیر اوہ ایمان والے لوک بن سکدے نیں ، تےوعدے دے
مطابق بوہت مہنگا انعام اوہناں دا بن جاندا اے ۔
دوجے پاسے ، اک ہور قِسم دا ایمان وی ہیگا اے ۔ آؤ تصورکرئیے پئی اک فریبی نے ہیرے دی مُندری دی نقل بنائی ، تے ایہہ پئی کسے نے ایہدے ودھیا رنگاں توں للچا کے ایہنوں خریدیا، ایس یقین نال پئی ایہہ اک اصل مُندری سی ۔ ایہہ بندہ کامل طریقے نال سکون وچ اے پئی اوہنے اک سیانا انتخاب کیتا ۔ پر اصل وچ ، اوہدے نال فریب ہویا اے ۔ جد لوک جھوٹھیاں گواہیاں اُتے ایمان رکھدے نیں جیہڑیاں دعویٰ کردیاں نیں پئی مُندری ہیرے دی بنی ہوئی اے جد پئی ایہہ نئیں ہیگی ، تاں ایہہ نقلی ہیرا اوہناں لوکاں لئی اصلی ہیرے ورگا ای اے ، ایس لئی پئی اوہ انھے وا ایمان رکھدے نیں پئی مُندری ہیرے دی بنی ہوئی اے ۔ پر جو کُجھ اوہناں کول اے ، اوہ یقیناً نقلی اے ۔ ایسے طرح ، لوک ہیگے نیں جیہڑے جھوٹھا ایمان رکھدے نیں ۔ بھاویں اوہ اپنے ایمان اُتےبھروسہ رکھدے نیں ، ایہہ ایمان جھوٹھا ،بے بُنیادا، تے صوفیاں والا اے ، ایس لئی پئی ایہہ خُدا دے کلام ولوں نئیں مِلیا ۔
خُدا نے فرمایا،”میتھوں علاوہ دوجیاں معبوداں دی پوجا نا کرو ۔ “ خُدا داکلام آپ ای خُدا اے ، تے کلام سانوں دسدا اے پئی جد تیک اسیں پانی تے رُوح نال نئیں جم دے ، اسیں خُدا دی بادشاہی نوں ویکھ نئیں سکدے (یوحنا ۳ : ۵)۔ خُدا سانوں دسدا پیا اے پئی پہلوں خیمۂ اجتماع دے برانڈے دے اسمانی ، ارغوانی تے لال دھاگے تے مہین وٹے ہوئے کتان نال اُنے ہوئے پھاٹک وچوں لنگھیوں بغیر ، اسیں خیمۂ اجتماع دے برانڈے وچ جا نئیں سکدے ، تے ایہہ پئی اوہ جیہڑے پہلوں حوض وچوں ہتھاں تے پیراں نوں صاف نئیں کردے خیمۂ اجتماع وچ جا نئیں سکدے ۔ جویں پئی صرف ایہہ کلام سچا اے ، ایس توں علاوہ جو کُجھ ہیگا اے او ہ سارا جھوٹھ اے ۔
صرف سچیائی اُتے ایمان ای اصل ایمان اے ،تے کسے دوجی شے اُتے ایمان سارا نقلی اے ۔ کوئی معنی نئیں رکھدا کنے جوش نال لوک ایمان رکھ سکدے نیں ، جیہڑا خُدا دا کلام نئیں ہیگا ، اوہ بالکل اخیر تیک خُدا دا کلام نئیں ہیگا ۔ جد یِسُوعؔ تہانوں دسدا اے پئی اوہ اپنےبپتسمے تے صلیبی لہو نال تہاڈے ساریاں پاپاں نوں مکا چُکیا اے ، سارا کُجھ جیہڑا تُسیں کرنا اے ، صرف ایمان رکھنا اے ۔ ایس لئی پئی اِکو جیہڑا آکھدا اے پئی اوہ اِنج کر چُکیا اے خُدا اے ، اوہدے کلام اُتے ایہہ ایمان اصلی اے ۔جے ساڈا خُداوند سچ مُچ ایہہ نئیں کر چُکیا، فیر ایہہ اوہدا ظلم اے ، تے تہاڈا ایمان وی غلط نئیں ہیگا ۔ دوجے پاسے ، جے خُداوند خاص کر کے اِنج کر چُکیا اے ، تے تُسیں حالے تیک ایمان نئیں رکھیا تے ایس لئی مکتی یافتہ نئیں ہوئے ، فیر ایہہ واضح طریقے نال سارا تہاڈے اپنے ہتھ وس اے ۔ ایس لئی سانوں جو کرنا اے اوہ ایمان رکھنا اے ۔ سانوں لازمی ایمان رکھنا چاہی دا اے خُدا اپنی کلیسیا دے راہیں سانوں کیہ کہندا اے ۔ کیہ تُسیں ایمان رکھدے او ؟
کلیسیا دے راہیں بولیا گیا کلام کیہ اے ؟ ایہہ یِسُوعؔ مسیح دا کلام اے جیہڑا ساڈے کول اسمانی ، ارغوانی تے لال دھاگے تے مہین وٹے ہوئے کتان دےراہیں آیا ۔ کلیسیا خُدا دا سارا کلام ودھاؤندی اے پئی یِسُوعؔ نے بپتسمہ لین دے راہیں اپنے آپ اُتے ساڈیاں پاپاں نوں چُک لیا ، پئی یِسُوعؔ آپ ای خُدا اے ، تے پئی اوہنے سولی اُتے ساڈیاں ساریاں پاپاں دی سزا جری ۔ ایس سچیائی اُتے ایمان پئی یِسُوعؔ ایس طرح سانوں بچا چُکیا اے ، اصلی ہیرے والا ایمان اے جیہدی خُدا نے ضمانت دتی اے ۔
جد اسیں سب توں پہلوں خُدا دی مرضی تے خیمۂاجتماع وچ ظاہر ہون والے روحانی مطلب نوں جان دے آں تے فیر ایہناں دے بارے بولدے آں ، تاں ایہہ سوکھا اے ۔ پر جے ، اسیں اوہناں نوں جانن دے لائق نئیں ہیگے ، تے صرف خیمۂاجتماع دی باہرلی تشکیل دے بارے سطحی علم، ایہدے لئی اصل عبرانی اکھر، یا ایہدے تاریخی پس منظر ول ساڈا دھیان لاؤنا سی ، تاں سانوں کوئی فائدہ نئیں ہوئے گا سگوں ایہہ صرف سِر پیِڑ نال مکے گا ۔
یِسُوعؔ دے بپتسمے اُتے ایمان رکھو ۔ یِسُوعؔ نے بپتسمہ لیا جیہڑا ساریاں کالیاں ، گندیاں پاپاں نوں پاک کردا اے جیہڑے بھاویں ساڈیاں دلاں وچ نیں ۔ بپتسمہ دا مطلب پاپ نوں دھونا ، لدنا ، دفناؤنا ، اک تھاں توں دوجی تھاں گھلنا تے کجنا اے ۔ ایہہ ایس لئی اے پئی یِسُوعؔ نے اِنج دا بپتسمہ لیا پئی اوہنے ساڈیاں ساریاں پاپاں نوں اپنےآپ اُتے چُک لیا ۔ اوہ جیہڑے اِنج دا ایمان نئیں رکھدے ہُن سارے موت دے حوالے کیتے جان گے تے دوزخ وچ سُٹے جان گے ۔ ” تُوں دھون لئی پِتل دا اک حوض تے پِتل ای دی اوہدی کُرسی بناویں ۔ ۔ ۔تاں اپنے اپنے ہتھ پیر دھولین تاں پئی مرنا جان۔ ایہہ اوہدے تے اوہدی اولاد لئی پیِڑھیو پیِڑھی ہمیش دی ریِت ہوئے۔“(خروج ۳۰ : ۱۸، ۲۱ )۔ ایمان نا رکھنا لعنتی ہونا اے ۔ ایمان نا رکھنا دوزخ وچ سُٹے جانا اے ۔ جے تُسیں ایمان نئیں رکھدے ،یہوواہ دی لعنت تےبربادی تہاڈے اُتے آئے گی ، تے تُسیں ہمیش دی اگ وچ سُٹے جاووگے ۔
” تاں اپنے اپنے ہتھ پیر دھولین تاں پئی مرنا جان ۔“خُدا نے وڈے کاہن نوں ایہہ آکھدیاں ہویاں آکھیا پئی ایہہ اک ہمیش دا قانون اے پئی اوہنوں تے اوہدی قوم نوں اپنیاں ساریاں پیِڑھیاں تیکر لازمی ایہدے اُتے قیم رہنا چاہی دااے ۔ کوئی وی جیہڑا یِسُوعؔ اُتے اپنے مکتی داتا وانگر ایمان رکھنا چاہندا اے اوہنوں لازمی اوہدے بپتسمے تے صلیبی لہو اُتے ایمان رکھنا چاہی دا اے ۔ ایمان اوہناں وچ رہندا اے جیہڑے ایس اُتے نڈر ہوکے چلدے نیں ۔ مکتی تہاڈی بن جاندی اے جد تُسیں ایہنوں ایمان رکھن دے راہیں اپنے سچے دلوں قبول کردے او ۔ سچیائی ساڈے لئی فائدہ مند ہو سکدی اے صرف جدوں اسیں ایس اُتے ایمان رکھدے آں ۔ سانوں لازمی ایمان رکھنا چاہی دا اے خُدا سانوں کیہ دس چُکیا اے ۔ ایہو جیہے دل وچ کوئی اَراؤنی نئیں ہیگی جیہڑا بے ایمانی توں وڈا ہوئے ۔
خُدا نےکہیا پئی جد کاہن اوہدے اگے آؤن ، اوہناں نوں لازمی پہلوں پِتل دے حوض وچ اپنے ہتھ تے پیر دھونے چاہی دے نیں ، تے فیر وی بوہت سارے لوک ہیگے نیں جیہڑے حوض دے پانی نال اپنیاں ہتھاں تے پیرا ں نوں دھون دا ایمان نئیں رکھدے ۔ ہر کوئی جیہڑا وی حوض وچ ظاہر کیتا گیا ایہہ ایمان نئیں رکھدا سارے خُدا دے اگے موت دے حوالے کیتے جان گے ۔ اپنیاں دلاں وچ پانی تے رُوح دی خوشخبری اُتے ایمان رکھو تے پاک ہو جاؤ ،تے اِنج خُدا دے اگے جاؤ، اپنی موت توں بچو ، تے اوہدی بادشاہی نوں اپنے انعام وانگر قبول کرو ۔ ایس گل توں کوئی فرق نئیں پیندا پئی تُسیں خُدا دے اگے کنی ای بحث کردے تے اَڑی کردے او، تہانوں لازمی طریقے نال ایمان نا رکھن لئی لعنتی ٹھہرایا جائے گا جد پئی تہانوں اک موقع دتا گیا سی ۔ مَیں آس رکھدا تے دعا منگدا ہاں پئی تہاڈے وچوں کسے نوں وی سچیائی اُتے ایمان نا رکھن دے سبب موت نا آئے ۔
جے تُسیں مکتی دی سچیائی اُتے ایمان نئیں رکھدے جیہڑی یِسُوعؔ دے بپتسمے تے اوہدےصلیبی لہو نال تہاڈیاں پاپاں نوں مُکا چُکی اے ، تاں تہانوں بوہت چوکھا گھاٹا ہوئے گا ۔ کیہ تُسیں ایمان رکھدے او ؟ سانوں لازمی حوض دے راہیں ساڈیاں پاپاں تے سزا توں سانوں بچاؤن لئی خُدا دا شکر ادا کرنا چاہی دا اے ۔
خیمۂ اجتماع دے بقایہ حصے اُتے ایس کتاب دیاں دوجیاں حصیاں وچ بحث کیتی جائے گی ۔ مینوں پک اے پئی تہانوں ساریاں نوں ایہناں کتاباں دیا ں پیغاماں دے راہیں ، خُدا دے پُتر بنن دا حق ملے گا ۔
Copyright © 2021 by The New Life Mission