בשל נגיף הקורונה ושיבושים בשירות הדואר הבינלאומי
השענו זמנית את שירות הספרים החינמיים המודפסים שלנו.
השענו זמנית את שירות הספרים החינמיים המודפסים שלנו.
עקב מצב זה איננו יכולים לשלוח לך את הספרים כרגע.
אנא התפלל שמגפה זו תסתיים בקרוב ושירות הדואר יחודש.
אנא התפלל שמגפה זו תסתיים בקרוב ושירות הדואר יחודש.
مضمون 9: رومیوں (رومیوں دی کتاب اُتے تفسیر)
[8-13 باب] کیہڑا راستبازاں نوں مسیح دی محبت توں وکھ کرے گا ؟ <رومیوں ۸: ۳۵ ۔ ۳۹>
>رومیوں ۸: ۳۵ ۔ ۳۹<
”کیہڑا سانوں مسیح دی محبت توں وکھ کرے گا ؟ مصیبت یاں تنگی یاں ظلم یا ں کال یا ں ننگا پن یا ں خطرہ یا ں تلوار؟ ایس لئی لکھیا اے پئی اسیں تیرے بدلے سارا دن جانوں مارے جاندے آں ۔اسیں تاں ذبح ہون والیاں بھیڈاں برابر گنے گئے ۔ پر اوہناں ساریاں حالتاں وچ اوہدے راہیں جنہے ساڈے نال محبت کیتی سانوں جِت توں وی ودھیری اُچیائی ملدی اے ۔ ایس لئی پئی مینوں یقین اے پئی خُدا دی جیہڑی محبت ساڈے خُداوند مسیح یسوع وچ اے اوہدے توں سانوں نہ موت وکھ کر سکے گی نہ حیاتی ۔ نہ فرشتے نہ حکومتاں ۔ نہ ہُن والیاں نہ آؤن والے دناں دیاں شیواں ۔ نہ طاقت نہ اُچیائی نہ پستی نہ کوئی ہور مخلوق ۔ “
آیت ۳۵ دسدی اے ، ”کیہڑا سانوں مسیح دی محبت توں وکھ کرے گا ؟ مصیبت یاں تنگی یاں ظلم یا ں کال یا ں ننگا پن یا ں خطرہ یا ں تلوار؟ “ کیہڑا سانوں مسیح دی محبت توں وکھ کرسکدااے ، جیہڑی اوہناں نوں دتی گئی اےجیہڑے پانی تے رُوح دی خوشخبری اُتے ایمان رکھدے نیں جیہڑی اپنے آپ وچ خُدا دی راستبازی رکھدی اے ؟ کیہ دکھ جرنا تے مصیبتاں اوس محبت توں وکھ کر سکدیاں نیں؟ کیہ ست ورہیاں دا دکھ جرنا سانوں اوس محبت توں وکھ کر سکدا اے ؟ بنا شک نئیں !
جگ دا کوئی دکھ جرنا یاں مصیبت سانوں ساڈے خُدا دی محبت توں وکھ نئیں کر سکدی جنہے سانوں ساڈے پاپاں توں بچایا اے ۔ بھاویں جدوں اسیں اپنی تھکان وچ ،اکلے چھڈے جان دی تمناکردے آں ، تے کوئی سانوں پُچھدااے کیہ یسوع سانوں ساڈے پاپاں توں بچا چُکیا اے یاں نئیں ، اسیں سارے جواب دیواں گے یسوع نے بنا شک بچایا اے مطلب اے اسیں پاپاں توں اڈ آں ۔ ایس توں ہٹ کے ساڈے دل کنے تھکے ہوئے تے اوکھیائی وچ ہو سکدے نیں ، اوہنے سانوں فیروی بچایا اے تے حالے تیک ساڈا سدادا مکتی داتا اے ۔ بھاویں اسیں بوہت تھکنا سی تے چھیتی نال بیمار ہو کے اپنے بدناں نوں پھڑناسی ، اسیں فیر وی خُدا دی راستبازی لئی اپنے شکر کرن دا اقرار کراں گے۔کوئی اوکھیائی سانوں خُدا دی راستبازی توں وکھ نئیں کر سکدی جنہے سانوں ساڈے پاپاں توں بچایا اے ۔
نہ دکھ جرنا ، نہ ای کال ، نہ ای تنگی ، نہ ای خطرہ ، نہ ای تلوار سانوں خُدا دی راستبازی توں وکھ نئیں کر سکدی اے ۔ مطلب اے اسیں کئی واری حیران تے دینی لوکاں کولوں جھڑکاں کھاندے سَن ۔ ایہہ دکھ جرنا اے جیہڑا ساڈے اُتے آؤندا اے ۔ ساڈے دُکھڑے جرنا ساڈے بیلیاں ، گوانڈھیاں ، رشتے داراں تے بھاویں ساڈے اپنے خنوادے دے بندیاں ہتھوں اے، ساڈے اُتے اوہناں دی توہمت دے سبب مطلب اے اسیں پُٹھی راہے چلن والیاں وانگر چھڈے جاندے آں ۔ کیہ ایہہ دکھڑے جرنا سانوں یسوع مسیح دی مکتی توں وکھ کر سکدا اے ؟ اوہ لازمی ای اِنج نئیں کر سکدا !
ایہدے توں علاوہ کنے چوکھےاسیں ستائے جاندے آں ، ایہہ سانوں خُدا دی راستبازی توں وکھ نئیں کر سکدا جنہے سانوں بچایا اے ۔ ایس لئی پئی خُدا دی راستبازی نے سانوں بے پاپ بنایا اے ، تے ایس لئی پئی ایہہ نہ بدلی جان والی سچیائی اے ، کوئی وی تے کُجھ وی سانوں خُدا دی محبت توں وکھ نئیں کرسکدا ۔
کال ، بھاویں رُوحانی یاں بدنی ، سانوں وکھ نئیں کر سکدا ۔ ایس لئی پئی اسیں پانی تے رُوح دی خوشخبری اُتے ایمان رکھدے آں ، ساڈے دلاں وچ سدا کیہ رہندااے ، خُدا دی راستبازی اے — ایہہ ساڈے خُدا وند اُتے ساڈا ایمان اےجنہے سانوں پانی تے رُوح دی خوشخبری نال بے پاپ بنایا اے ۔ ایہہ ایمان خُدا دی راستبازی اُتے ایمان رکھن والا ایمان تے برکت اے ۔”ایس لئی پئی خُدا نے ساڈے سارے پاپاں نوں مکادتا اے ، میَں کوئی پاپ نئیں رکھدا ! خُدا نے مینوں کامل طریقے نال اپنی خاص راستبازی دے لیڑے پواندیاں ہویاں راستباز تے بے پاپ بنایا اے! “ ایس سبب توں ساڈا خُدا دی راستبازی اُتے ایمان نہ مُکے گا ، کال بھاویں بوہت چوکھے ہون ، سارےفضول نیں ۔
پانی تے رُوح دی خوشخبری دے راہیں خُدا دی راستبازی
جدوں تیک کوئی پانی تے رُوح دی خوشخبری اُتے ایمان نئیں رکھدا ، اوہدے دل وچ حالے تیک
پاپ ہیگااے ۔ پر اوہ جیہڑا خُدا دی راستبازی اُتے ایمان رکھدا اے ، کوئی پاپ نئیں رکھدا ، ایس لئی ساڈے خُدا نے آکھیا پئی اسیں رُکھ نوں اوہدے پھلاں توں پچھان سکدے آں ۔ اوہ جیہڑے خُدا دی راستبازی اُتے ایمان نئیں رکھدے یسوع اُتے اپنے ایمان نوں چھڈ دیندے نیں جدوں اوہ تھوڑی جیہی اوکھیائی ،کال، تنگی یاں دُکھ جردے نیں ۔
لوک ہیگے نیں جیہڑے سوچدے نیں ، ” بھاویں یسوع نےسولی اُتے میرے پاپاں دی سزا جری سی ، صرف نسلی پاپ مکیا سی، تے مینوں لازمی طوراُتے ہر دیہاڑے دوجے پاپاں دی معافی منگنی چاہی دے اے جیہڑے میَں ہر دیہاڑے کردا ہاں ۔ “ اوہ جیہڑے ایس طرحاں دا ایمان رکھدے نیں ایمان نہ رکھن دے راہیں پئی یسوع نے اوہناں دے سارے پاپاں نوں چُکیا اے ، خُدا دے خلاف پاپ کردے پئے نیں ، تے ایس کم وچ ، اوہ اپنے آپ نوں لعنتی بناؤندے تے گندیاں کردے نیں ۔ ایہہ اوہو ای لوک نیں جیہڑے یسوع دے مُنکر نیں تے خُدا دی راستبازی اُتے ایمان نئیں رکھدے ۔
پر اوہ جیہڑے پانی تے رُوح دی خوشخبری اُتے ایمان رکھدے نیں اوہ نیں جیہڑے خُدا دی راستبازی اُتے ایمان رکھدے نیں ، تے اپنے حالات توں ہٹ کے جنہاں وچ اوہ ہیگے نیں ، اوہ ایہہ آکھدے ہویاں بوہت پک نال اپنےایمان اُتے قائم رہن گے ، ” خُدا نے مینوں لازمی طور اُتے جگ دے سارے پاپاں توں بچایا اے ۔ میَں بے پاپ آں ! “ بھاویں سانوں اپنے رُوحانی کال دے اخیری دیہاڑیاں وچ موت ویکھنی اے ، اسیں کدی نئیں مُکراں گے پئی خُدا نے سانوں بے پاپ بنایا اے تے مطلب اے اسیں اوہدے لوک بن گئے آں ۔ خُدا دی راستبازی جنہے ساڈے سارے پاپاں نوں چُکیا اے ۔ حالے تیک ساڈے دلاں وچ ساڈے ایمان وانگر قائم رہوے گی ۔ پانی تے رُوح دی خوشخبری اینی طاقت والی تے وڈی اے ۔ کوئی مطلب نئیں رکھدا اے پئی کس طرحاں دے دکھ اسیں اپنیاں حیاتیاں وچ جردے آں ،ایس لئی پئی خُدا دی راستبازی مسیح وچ اے ، اسیں کدی مسیح دی محبت توں وکھ نئیں ہوواں گے ۔
اُتلے حوالے وچ ”ننگا پن“ دا کیہ مطلب اے ؟ ننگا پن ساڈیاں ساریاں جائیداداں دے کھُسن بار ے دسدااے ۔وسطی ویلیاں تیک ، جدوں یورپی مُلکاں وچ کسے پنڈ یاں قوم اُتے مصیبت آؤندی ، لوک بوہتی واری بکریاں نوں ورتدیاں ہویاں ، جادو وچ ساریاں دکھاں لئی توہمت لاؤندے رہندے سَن ؛ لوکاں نیں ہر شے نوں اوہناں کولوں لیا تے راہوں بھٹکے ہون دی توہمت اوہناں اُتے لائی ۔ ایس سبب توں پولُس نے اکھر”ننگا پن“ ورتیا ۔
اوہناں دناں وچ ، کسے اُتے راہوں بھٹکے دی توہمت لاؤنا،تے صرف دو یاں تِن گواہاں نال جرم وار نوں اگ وچ ساڑن دی سزا دینا ،اوہدی ساری جائیداد کھوہ لیناتے اوہنوں بدنام کرنا سوکھا سی ۔
بھاویں جے اسیں ایسے طریقے نال اپنے ننگے پن دی گل کردے آں ، اپنی ہرذاتی شےگوا ؤندے آں تے موت دے حوالے کیتے جاندے آں ، تے خُدا دی راستبازی جنہےساڈے لئی اوہدی محبت وچ ساڈے سارے پاپ چُکے نیں، کدی ساڈے توں وکھ نہ ہووے گی — ایس لئی پانی تے رُوح دی خوشخبری کامل اے ۔
نہ خطرہ نہ ای تلوار سانوں مسیح دی محبت توں وکھ کر سکدی اے ، بھاویں جےسانوں تلوارہیٹھاں رکھیا جاندااے تے اوہدے نال قتل کیتا جاندااے ، اسیں جیہڑا ایمان رکھدے آں کوئی پاپ نئیں رکھدے ۔ مُڈھلی کلیسیا وچ بوہتے مسیحیاں اتے جھوٹ دی توہمت اُتے روم نوں ساڑن دا جرم سی تے لوکاں دے سامنےشیراں دے اگے سُٹ کے کھیڈاں دے میدان وچ ستائے گئے ۔ ایتھوں تیک پئی جدوں اوہ مردے پئے سَن ، اوہناں نیں خُداوند دی وڈیائی کیتی جنہے اوہناں نوں مکتی دتی سی۔ اوہ تعریف کرن دے لائق سَن ایس لئی پئی اوہ پانی تے رُوح دی خوشخبری اُتے ایمان رکھن والے سَن ۔ اوہ جیہڑے سچیائی اُتے ایمان رکھ کے چھڈائے گئے نیں پئی خُدا نے اوہناں نال محبت کیتی اے تے اوہناں دے سارے پاپ اُٹھا چُکیا اے ، خُداوند دی وڈیائی کر سکدے نیں ، بھاویں جدوں اوہ مردے پئے نیں تے شیر اوہناں نوں کھاندے پئے نیں ۔
ایہہ طاقت خُدا دی راستبازی اُتے ایمان نال تے اوہدی محبت نال ملدی اے جنہے ساڈے سارے پاپ مکائے نیں ۔ ایس لئی پئی خُدا ساڈے وچ اے ، ساڈے نال بولدا اے ، سانوں پکیاں ہوکے پھڑدااے ، ساڈی راکھی کردااے تے سانوں تسلی دیندا اے مطلب اے ایہو جیہی طاقت پائی جاندی اے ۔ نہ خطرہ نہ ای تلوار نہ ای ڈراوا، نہ ای شہید ہونا سانوں خُدا دی محبت توں وکھ کرسکدے نیں ۔
اوہ جیہڑے پانی تے رُوح دی خوشخبری اُتے ایمان رکھدے نیں اوہ نیں جیہڑےخُدا دی راستبازی اُتے ایمان رکھدے نیں تے اوہ مسیح دے لوک نیں ۔ اوہ جیہڑے خُدا دی راستبازی اُتے ایمان رکھدے نیں ، اوہ نیں جیہڑے مسیح توں محبت لیندے نیں ۔ پر کئی لوک مسیح دی کامل محبت نوں ، صرف سولی اُتے اوہدے موت نوں ویکھدے ہویاں ، افسوس تے اوہدے دکھاں اُتے رو کے صرف جذباتی محبت وچ بدل دیندے نیں ۔ پر لوکاں دے جذبے راتوں رات بدل سکدے نیں ۔
بھاویں ساڈے جذبے ہر سویرے تے ہر رات بدل جاندے نیں ، محبت جیہدے نال ساڈا خداوند سانوں بچا چُکیا اے کسے وی شے نال تبدیل یاں بدل نئیں سکدی ۔ اوہدی محبت سدا بے بدل اے ، ایس سبب توں پانی تے رُوح دی خوشخبری بوہت طاقت والی اے تے خُدا دی راستبازی بوہت وڈی اے ۔ کوئی وی سانوں ساڈے خُداوند توں وکھ نئیں کر سکدا ، جنہے سانوں کامل کیتا اے تے سانوں اپنی کامل محبت دے لیڑے پوائے نیں ۔ایہہ پانی تے رُوح دی خوشخبری دی طاقت اے تے ایہہ ساڈے ایمان دی خُدا دی راستبازی وچ طاقت وی ا ے ۔
” خوشخبری “ لئی یونانی اکھر ” euaggelion “ اے تے ایہہ ” dunamis “رکھن لئی آکھیا جاندا سی ۔ ایس یونانی اکھر دا مطلب قوت، قدرت یاں گُن اے ، جیہدے توں اسیں اکھر ” dynamite “ خُدا دی — لیندے آں ۔ڈائنامائٹ (بم)دا ہتھیں بناؤنا کسے گھر نوں ایہدی نیہ اُتے لیاؤن تے اینوں برباد کرن لئی بوہت اے ۔جنگ وچ چھڈیا گیا اک ٹوماہاک (Tomahawk) میزائل وڈی کنکریٹ دی عمارت نوں فنا کر سکدااے تے اینوں سوا کرسکداا ے ۔ بھاویں عمارت بوہت ودھیا ہوے سب فضول اے ۔ ایہہ میزائل دی برباد کرن والی طاقت دے اگے کجھ وی نئیں اے۔
دوعام جہازاں نیں نیویارک وچ ورلڈ ٹریڈ سنٹر دے جوڑے ٹاوراں نوں ڈیگ دتا ۔ کیہ ہویا جدوں جہاز عمارتاں نال وجے ؟ جہازاں دے پاٹن نال سڑ کے ،جیٹ طیارے دے تیل دے راہیں لگن والی اگ اینی چوکھی سی پئی ہر شے پنگھر گئی جتھے جہاز چلے گئے ۔ ایس لئی پئی فرش دیاں فولاد دیاں بناوٹاں تے ستون جنہاں نے عمارت نوں سانبھیا ہویا سی سارے پنگھر گئے ، فرش چھیتی نال پاٹ گئے تے عمارتاں ایناں پاٹے ہوئے فرشاں دا بھار سہار نہ سکیاں ۔ ایس لئی اخیریں اوہ اپنی ساری حالت وچ ٹوٹے ٹوٹے ہوگئیاں ۔ جےفرش ہولی ہولی ہیٹھاں آئے ہوندے ، تاں عمارتاں نہ پاٹدیاں ۔ پر ایس لئی پئی فرش اوسے ویلے تے چھیتی نال ڈگ پئے ، ستون تے دوجیاں سنبھالن والیاں بناوٹاں ٹُٹ گئیاں تے ساریاں عمارتاں ، ایسے طرحاں سارے گواہ ، تھوڑے جیہے سیکنڈاں وچ برباد ہوگئے ۔
خُدا دی راستبازی دی قدرت پانی تے رُوح دی خوشخبری دی قدرت اے ۔ ایہہ ایہو جیہی قدرت وی اے جیہڑی اپنے وچ اوہدی راستبازی رکھدی اے ۔ خورے ایہہ المیہ ورتنا خُدا دی راستبازی بارے دسن لئی چنگا نئیں اے ، پر خُدا دی راستبازی دے راہیں دتی گئی پانی تے رُوح دی خوشخبری دی طاقت بم وانگر اے جیہڑی کامل طریقے نال ساڈے پاپ مکا سکدی اے۔ خُدا دی راستبازی ایہہ ہیگی اے پئی ساڈے خُداوند نے ایس دھرتی اُتے آؤن ، بپتسمہ لین ،سولی اُتے مرن تے مویاں وچوں جیوں اُٹھن دے راہیں ساڈے سارے پاپ چُکن دے راہیں سانوں بچا لیا اے ۔
پانی تے رُوح دی خوشخبری خُدا دی راستبازی اے جیہدے نال یسوع سارے پاپاں نوں جیہڑے سارے لوکاں نیں کیتے نیں ، جگ بناؤن دے بالکل مُڈھ توں لَے کے اوہدے اخیر تیک اُٹھا چُکیا اے ۔ ایس سبب توں کُجھ وی اوہناں نوں خُدا توں وکھ نئیں کر سکدا جیہڑے اوہدے کولوں خُدا دی راستبازی اُتے اپنے ایمان دے راہیں اپنی مکتی دے راہیں محبت پاؤندے نیں ۔ پولُس دا ایمان وی ، ایہو جیہا سی جیہڑا خُدا دی راستبازی اُتے ایمان رکھدا سی ۔
فیر کیہ ، اسیں ،صرف صلیبی لہو دی خوشخبری دے راہیں خُدا دی راستبازی پاؤندے آں ؟ نئیں اسیں پا نئیں سکدے ۔صرف صلیبی لہو دی خوشخبری اُتے ایمان رکھنا اکلا سانوں خُدا دی راستبازی نئیں دے سکدا ۔ اوہ جیہڑے دوجی طرحاں سوچدے نیں سوکھے طریقے نال نکے جیہے دکھ نال ای یسوع اُتوں اپنا ایمان چھڈ دین گے ۔
مثال طور اُتے ، جدوں اوہناں دیاں دھرتی دیاں جائیداداں کھوئیاں جاندیاں نیں ، یاں جدوں اوہ اپنے دینی دھیاناں دے سبب کم وچ اوکھیائیاں جردے نیں ، اوہ آسانی نال اپنے ایمان توں مُکر جان گے ، ایہہ نہ بچن دے لائق خاکہ اے تے بوہتے مسیحیاں اُتے لاگُو ہوندااے ۔ اوہ جیہڑے پانی تے رُوح دی خوشخبری اُتے ایمان نہ رکھن دے راہیں ، اپنے دلاں وچ پاک رُوح نہیں رکھدے تے اپنے پاپاں توں چھڈائے نئیں گئے ، نکے جیہے ڈراوے اُتے چھڈ دین دی عادت رکھدے نیں ۔
ایس سبب توں اج دی مسیحیت ایس جگ وچ اینی بوہت ماڑی اے ایس لئی پئی ایس ایمان دے سبب اِنج اے جیہڑا صرف صلیبی لہو تیک ای اے ۔ ایس طرحاں دا ایمان ایہو جیہا اے جیہڑا پانی تے رُوح دی خوش خبری دے راہیں خُدا دی راستبازی پا نئیں سکیا اے ۔
اک راستباز ایماندار جیہڑا خُدا دی راستبازی پاؤن دے راہیں اپنے سارے پاپاں توں چھڈایا گیا اے ، بوہت ساریاں لوکاں لئی کم کرسکدا اے ۔ ایس لئی پئی اوہ پانی تے رُوح دی خوشخبری اُتے ایمان رکھدا اے تے پاک رُوح رکھدا اے ، تے ایس لئی پئی خُدا اپنے کلام وچ اوہدے نال اے ، اوہ بندہ بوہت سارے رُوحانی کم کر سکدا اے تے بوہت ساریاں گواچیاں رُوحاں نوں خُدا ول پھیر سکدااے ۔ ایہہ خُدا دی راستبازی اُتے ایمان اے مطلب اے پانی تے رُوح دی خوشخبری اُتے ایمان اے ۔ پانی تے رُوح دی خوشخبری خُدا ولوں دتی گئی اے ، ساڈے اپنے کماں توں نئیں ، تے ایس طرحاں ایہہ خُدا دے راہیں وی اے پئی اسیں اوہدے کم کر سکدے آں ۔
آیت ۳۶ آکھدی اے ” ایس لئی لکھیا اے پئی اسیں تیرے بدلے سارا دن جانوں مارے جاندے آں ۔اسیں تاں ذبح ہون والیاں بھیڈاں برابر گنے گئے ۔ “اوہناں وچکار جیہڑے پانی تے رُوح دی خوشخبری اُتے ایمان رکھدے نیں اوہ نیں جیہڑے اصل وچ ایس طریقے نال جد پئی ایس دھرتی اُتے رہندے ہویاں پیش آؤندے نیں ۔ اصل وچ پانی تے رُوح دی خوشخبری اُتے ایمان رکھن والے بوہتے دوجیاں توں نفرت پاؤندے نیں ، خاص طور اُتے اوہناں کولوں جیہڑے غلط ایمان نال نیں ، جیہڑے اپنے آپ وچ مسیحی ہون دا دعویٰ کردے نیں ۔
دوجے اکھراں وچ نویں سریوں جمے ہوئے مسیحی صرف نام دے مسیحیاں ولوں بُدھ مت نوں منن والیاں تو وی بوہتی نفرت نال ویکھے جاندے نیں ۔ ایہہ حوالہ مطلب اے ، ” اسیں تیرے بدلے سارا دن جانوں مارے جاندے آں ۔اسیں تاں ذبح ہون والیاں بھیڈاں برابر گنے گئے ۔ “ پانی تے رُوح دی خوشخبری اُتے ایمان رکھن والیاں لئی بولیا گیا خُدا دا کلام اے ۔ایتھوں تیک پئی ساڈا خُداوند ، اپنے بپتسمے تے سولی اُتے مر کے باپ دی مرضی نوں پوراکر کے ، ” ذبح ہون والی بھیڈ برابر گنیا گیا سی ۔ “ساڈے خُدا نے آن کے تے دھرتی اُتے ایہو جیہی حیاتی بسر کر کے سانوں بچایا۔
خُدا دی راستبازی جگ دے سارے پاپاں توں جِت گئی اے
آیت ۳۷ آکھدی اے، ” پر اوہناں ساریاں حالتاں وچ اوہدے راہیں جنہے ساڈے نال محبت کیتی سانوں جِت توں وی ودھیری اُچیائی ملدی اے ۔ “ کویں اسیں ایناں ساریاں شیواں توں جِت سکدے آں ؟ اسیں اپنی جِت دا خُدا دی محبت وچ اپنے ایمان دی طاقت راہیں دعویٰ کردے آں ۔
اوہ جیہڑا پانی تے رُوح دی خوشخبری اُتے ایمان رکھدااے خُدا دی قدرت رکھدااے ۔ پر اوہ جیہڑا پانی تے رُوح دی خوشخبری اُتے ایمان نئیں رکھدا صرف اپنے دل وچ پاپ رکھدا اے ۔ اوہناں دا
ایمان تے مکتی جیہڑے گُناہ دے نال نیں ، بچ نئیں سکدے سگوں اپنے خیالاں دے سبب ترقی تے گھاٹے رکھدے نیں تے اِنج اوہ کوئی طاقت نئیں رکھدے ۔ پر اوہ جیہڑے پانی تے رُوح دی خوشخبری اُتے ایمان رکھدے نیں طاقت رکھدے نیں ۔ اوہ اپنے آپ وچ طاقت نئیں رکھدے ، سگوں اوہ خُداولوں دتی گئی خوشخبری دی طاقت رکھدے نیں ، تے ایس طاقت نال کھلوتے رہ سکدے تے سارے دکھ جرن تے تنگیاں اُتے جت پاسکدے نیں ۔ راستبازاں نوں لازمی طور اُتے پاپیاں دے خلاف رُوحانی جنگ کردیاں رہنا چاہی دا اے تے اوہناں تیک پانی تے رُوح دی خوشخبری دی منادی کرنی چاہی دی اے ۔ راستبازاں نوں لازمی طور اُتے اپنے قدرتی لیکھ مطابق خوشخبری لئی رہن تے ستائے جان نوں وی جرنا چاہی دا اے ۔ اک حیاتی جیہڑی خدا لئی جیوندی اے ساڈا مقدر اے ۔
اک مشرقی لوکاں دا محاورہ آکھدااے، ”جے کوئی اک دن پڑھائی ولوں ناغہ کرے ، اوہدی جیبھ اڑ کے بولے گی ۔“ فیر ساڈے بارے کیہ اے ؟ اسیں وی گندوچ چھیتی نال ڈگن داشوق رکھدے آں جے اسیں خُدا تے اوہدی خوشخبری لئی جیوندے رہن توں اڈ اک دیہاڑے نوں اجازت دیندے آں ۔ ایہہ ہےکویں اسیں اپنی حیاتیاں بسر کراں گے جدوں تیک اسیں مر نئیں جاندے ۔پر جے اسیں مسیح لئی جیوندے آں ، اپنے آپ نوں قربان کردے آں تے خُدا لئی ستائے جاندے آں ،تے جے اسیں پاپ دی رُوحانی طاقتاں دے خلاف رُوحانی جنگ کردے آں ، ساڈے دل رُوحانی کھانے نال رَج جان گے ، جیہدے توں اسیں جاری رکھن دیاں نویاں طاقتاں پاواں گے ۔
جدوں مسیحی ڈگدے نیں، تاں اِنج ہوندااے پئی اوہ خُداوند لئی جیوندے نئیں رہندے ۔ پر جے اسیں خُداوند لئی جیوندے آں ، ساڈی رُوحانی طاقتاں ایتھوں تیک پئی چوکھیاں ہوندیاں نیں تے ساڈی بدنی صحت تے طاقت وی بوہتی ودھدی جاندی اے ۔
آیت ۳۸ ۔ ۳۹ آکھدی اے ، ” ایس لئی پئی مینوں یقین اے پئی خُدا دی جیہڑی محبت ساڈے خُداوند مسیح یسوع وچ اے اوہدے توں سانوں نہ موت وکھ کر سکے گی نہ حیاتی ۔ نہ فرشتے نہ حکومتاں ۔ نہ ہُن والیاں نہ آؤن والے دناں دیاں شیواں ۔ نہ طاقت نہ اُچیائی نہ پستی نہ کوئی ہور مخلوق ۔ “پانی تے رُوح دی خوشخبری اُتے ایمان رکھن والے وانگر ، پولُس ایہدے توں تسلی وچ سی ، اوہو سچیائی ساڈے اُتے لاگُو ہوندی اے :نہ موت نہ ای حیاتی ، سانوں مسیح توں وکھ نئیں کر سکدی ۔
پُرانے وقتاں وچ، مال والیاں لوکاں دیاں طاقتاں ، مثال طور اُتے رُومی شہنشاہاں ، نے مسیحیاں نوں اوہناں دے ایمان توں مُکرن لئی تھڑکاؤن دی کوشش کیتی ، تے اوہناں دے نال دے ایمانداراں نوں ہر طرحاں دیاں سہولتاں ، ودھیا سرکاری دفتروں توں ، زنانیاں تے جائیداداں ، سب اوہناں دے مکرن دے بدلے وچ حکومت اگے پیش کرن لئی آکھیا ۔ پر خوشخبری دے کھرے ایماندار کدی طاقت ، جائیداد یاں عزت دی پرکھ اگے نئیں نیویں ہوئے۔
ایمان ایہوجیہی شے نئیں ہیگی اے جیہڑی بدلی جا سکدی اے پئی جگ کیہ کُجھ دے سکدا اے ۔ جے کسے نے سانوں خالی چیک وکھاؤنا سی تے سانوں آکھنا سی ، ” میَں تہانوں ایہہ چیک دیواں گا ، جےتُسیں خوشخبری ودھاؤنا چھڈ دیوو۔“ اسیں جواب دین دے لائق ہوواں گے، آؤن والے دناں لئی اپنی آس تے خُدا اُتے ساڈے پکے ایمان دے سبب ، ”تہانوں اپنے آپ ایہدی لوڑہووے گی ، ایس لئی ایہنوں خرچ کرو؛ میرے لئی ، ایہہ صرف کاغذ دا ٹوٹا اے ۔ “
صرف پانی تے رُوح دی خوشخبری اے جیہدے وچ خُدا دی راستبازی اے
بوہت سارے لوک نیں جنہاں نے مینوں آکھیا اے ، ”جے تُسیں صرف منو پئی ساڈا صلیبی لہو اُتے صرف ایمان وی ٹھیک ایمان اے ، اسیں وی ، فیر تہاڈے ایمان نوں قبول کراں گے ۔ نہ ای صرف اسیں تہاڈے اُتے راہوں بھٹکے ہون دی توہمت لاؤنا چھڈ دیواں گے ،سگوں اسیں اصل وچ تہاڈی مدد وی کراں گے ۔“ خاص کر کے ایہناں صرف نام دے دینی آگُو اں نے میرے نال ایہو جیہی سودے بازی کیتی اے ۔ پر خُدا دی راستبازی پکی تے یقینی نکلی جدوں اوہدے کلام نال ایہنوں مِنیا گیا ۔ جیہڑا غلط اے اوہ غلط اے ، تے جیہڑا سچ اے اوہ سچ اے ۔ غلط ایمان نوں پہچان دینا اپنے آپ خدا دے خلاف اڑی کرن والا کم اے ، تے ایس طرحاں میَں نہ ای اوہناں دے ایمان نوں من لین دے لائق نئیں آں، سگوں مینوں لازمی طور اُتے پکے طریقے نال اوہدیاں غلطیاں بارے وی گل کرنی چاہی دی اے ۔
” تُسیں صرف صلیبی لہو اُتے ایمان رکھدے او ؟ فیر تہانوں لازمی طور اُتے دل وچ پاپ رکھنا چاہی دا اے ۔تُسیں دوزخ د ے قیدی او۔ میَں مدد نئیں کر سکدا بھاویں جے تُسیں سوچدے او پئی میَں بوہت سنجیدہ تے نہ جھکن والا ہاں ؛ جیہڑا سچ اے اوہ سچ اے ۔ “ ایہو جیہے اکھراں دے سبب ، لوک میرے توں وکھ رہندے نیں — بوہت مختصر، اوہ میرے نیڑے نئیں ہوسکدے ۔ بوہتے لوک ایہہ سوچدے ہویاں میرے تیک اپڑن دی کوشش کردے نیں پئی ، میَں اوہناں وانگر ساں ۔ پر ہر ویلے ، میَں اوہناں نوں دسیا اے ، ”تُسیں جھوٹے ایالی تے ویکھ بھال کر ن والے او جیہڑے خُدا دے نام اُتے روزی کماؤن لئی کاروبار کردے او ، صرف سدھے جیہے چور ۔“ کنے مینوں پسند کیتا ہووے گا جدوں میَں ایہو جیہاں گلاں آکھیاں ؟ پر جیہڑا نئیں اے اوہ نئیں اے، اس سبب توں میَں اپنی گل اُتے بوہت پکا تے ڈکو ڈولے نہ کھان والا رہ چُکیا ہاں ۔
میَں اوہناں ہتھوں وی ازمایا گیا ہاں جیہڑے آکھدےنیں پئی جے میَں صلیبی لہو اُتے ایمان رکھدا ، اوہ مینوں ایہو جیہے تے اجیہو اختیار دین گے ۔ پر جویں اُتلاحوالہ آکھدااے ،” نہ ہُن والیاں نہ آؤن والے دناں دیاں شیواں ۔ نہ طاقت نہ اُچیائی نہ پستی نہ کوئی ہور مخلوق ۔ “سانوں کسے طاقت ، اُچیائی یاں پستی دی لوڑ نئیں ہیگی اے ۔ سانوں شفا دی طاقت دی لوڑ نئیں جیہڑی کئی دھوکے باز رکھن دا دعویٰ کردے نیں ۔ ساڈےوچوں جیہڑے نویں سریوں جمے نیں اوہناں نوں ایہو جیہاں شیواں دی لوڑ نئیں ،تے اسیں ایتھوں تیک پئی اوہناں نوں پسند نئیں کردے ۔
ایہہ حوالہ سانوں ایہہ وی دسدااے پئی کوئی دوجی جمی ہوئی شے سانوں خُداوند یسوع مسیح وچ خُدا دی محبت توں وکھ نئیں کر سکدی ۔ ایتھوں تیک پئی جے ایس جگ وچ عجیب و غریب مخلوقاں ہوندیاں ،اوہ سانوں خُدا دی محبت توں وکھ کرن دے لائق نہ ہوندیاں جیہڑا سانوں بچا چُکیا اے ۔
کئی مسیحی ہیگے نیں جیہڑے عجیب و غریب مخلوقاں دے ہون اُتے ایمان رکھدے نیں۔ ایتھوں پئی پادریاں وچکار ،بوہت سارے اوہناں دے ہون اُتے ایمان رکھدے نیں ۔ پر عجیب و غریب مخلوقاں وانگر کوئی ایہو جیہی شے نئیں اے ۔ جدوں میَں پادری بنن دی تعلیم سکھدا پیا ساں ، میرے پروفیسراں وچوں اک ، جیہڑا یونانی پڑھاؤنداسی ، عجیب و غریب مخلوقاں دے وجود اُتے ایمان رکھداسی ۔ ایس لئی میَں اوہنوں پُچھیا ، ” کیہ تُسیں پاک کتاب وچوں ثابت کر کے اپنے عقیدے دی حمایت بارے دس سکدے او ؟ “بناشک ، اوہ میرے اعتراض بارے کوئی جواب نہ دے سکیا ۔اصل وچ کوئی عجیب و غریب مخلوقاں نئیں ہیگیاں ۔ خُدا نے جگ نال اینی محبت کیتی پئی اوہنے اپنا اکلا پُتر دے دتا ۔ جے اوتھے بنا شک عجیب و غریب مخلوقاں سَن ، تاں یسوع نوں صرف ایس دھرتی اُتے پیدا ہون دی لوڑ نہ ہوندی ۔
بوہت چوکھی سرمایہ کاری تے ویکھ جاکھ دے بعدوں ، اسیں پہلوں ای چن اُتے اپڑن دے لائق ہو گئے آں ، تے ساڈے خلاباز ایتھوں تیک پئی مریخ اُتے اپڑ گئے نیں ، پرسانوں اک اکلا ثبوت نئیں لبھیا پئی جیہڑا دھرتی توں باہر حیاتی دے ہون دی صورت وکھاوے ۔ میَں پاک کتاب دی سچیائی اُتے یقین رکھ کے آکھ سکدا ہاں ، مطلب اے ایس توں ہٹ کے لوکاں دے سائنسی تے کاریگری گُن ترقیاں پا سکدے نیں ، تے ایس توں ہٹ کے اسیں کنی چوکھی جگ بارے تحقیق کردے آں ، سانوں کدی عجیب و غریب مخلوقاں نئیں ملن گئیاں ۔ پاک کتاب سانوں دسدی اے پئی کوئی دوجی جمی ہوئی شے سانوں ساڈے خُداوند یسوع مسیح وچ خُدا دی محبت توں وکھ نئیں کرسکدی ۔ فیر ، خُدا دی ایہہ محبت کیہ اے ؟ ایہہ پانی تے رُوح دی خوشخبری توں ہٹ کے کوئی دوجی نئیں اے ۔ ایہہ خُدا دی محبت اے ۔ مکتی جنہے سانوں بچایا اےتے سانوں پانی تے رُوح دی خوشخبری نال بے پاپ بنا چُکی اے ۔ خُدا محبت اےتے سانوں کُجھ وی ایہدی محبت توں وکھ نئیں کر سکدا ۔
باب ۹وچ پولُس فیر ایمان بارے بولدااے ، پر ایہہ اوہدے باب ۸ دے نتیجے وچ اےجتھے ایما ن دی اُچیائی اے ، رومیوں دے خط دے باباں ۱ توں ۸ تیک اک سرنانواں بناؤندے آں ،تے باب ۸ ایہدے نتیجے دا باب اے ، جتھے ایمان دی اُچیائی اپڑدی اے ۔ جویں خُدا دا کلام سانوں باب ۸ وچ وکھاؤندااے ، صرف اوہ جیہڑے پانی تے رُوح دی خوشخبری اُتے ایمان رکھدے نیں ، خُدا دی محبت توں نہ وکھ ہون دے لائق بن سکدے نیں ۔
اوہ جیہڑے ایہو جیہا ایمان نئیں رکھدے ،تاں فیر ، کدی ایہو جیہے نئیں ہون گے ۔ اوہ خورے خُدا لئی کچے طریقے نال جیوندے رہن دےلائق ہون، پر اوہ اپنے ایمان دی راکھی نئیں کرسکدے تے اوہدے لئی مطلب اے اپنی موت تیک جیوندے نئیں رہ سکدے ۔ اوہ خورے ۱۰ ، ۲۰ ورہیاں لئی دینی حیاتی بسر کرسکدے نیں ، پر اوہناں دا ایمان اخیریں ، اوہنوں نوں کامل طریقے نال وکھ کرن تے خدا لئی کُجھ نہ کردے ہویاں برباد تے مکادیوے گا ۔ اِنج نئیں پئی اوہناں دے کم گھٹ نیں ، سگوں مسیح لئی اوہناں دے دلاں وچ محبت مک جاوے گی ۔ ایس لئی پئی اوہ اپنے دلاں وچ پاک رُوح نئیں رکھدے ، اوہ اپنے دلاں وچ خُداوند لئی محبت وی نئیں رکھد ے ۔ مختصر ایہدی تھاں اُتے اوہناں دے دلاں وچ پاپ ہیگا اے ۔
جویں جویں دیہاڑے لنگھدے جاندے نیں ، میَں احساس کرداہاں ایتھوں تیک پئی کنی بوہتی ڈونگھی تے کنی کامل مکتی دی محبت اے ، جیہدے نال ساڈا خُداوند سانوں پانی تے رُوح دی خوشخبری دے راہیں بچا چُکیا اے ۔ جدوں میَں پہلی واری خُداوند نال ملیا ، میری مسیح دی محبت لئی سوچ دی ڈونگھیائی ، چُپ تے سکون بھری سی ، جویں ندی وچ سُٹیا گیا پتھر نکیاں ، تیز سمجھ آؤن دے لائق لہراں بناؤندااے ۔ میرا جواب صرف حقیقت دا چپ احساس سی پئی یسوع نے میرے سارے پاپ چُک لَے ،تے میَں ایس طرحاں بے پاپ بن گیا ساں ۔ پر جدپئی اوس ویلے توں خوشخبری دی منادی دی حیاتی بسر کردے ہویاں ، میرے دل وچ لہراں سمجھوں باہر طریقے نال وڈیاں تے ڈوہنگھیاں ہوگئیاں نیں ، جویں پئی میرے دل وچ اک بم پاٹ گیا ہووے ۔
کیہڑا آکھدااے پئی سانوں صرف صلیبی لہو اُتے ایمان رکھنا چاہی دا اے ؟ کیہ پولُس نے ایہہ آکھیا؟ رومیوں دے خط وچ ، پولُس نے کھلے طریقے نال تے شکوں بغیر طریقے نال پانی تے رُوح دی خوشخبری دے بارے وچ دسیا: ،” کیہ تہانوں نئیں پتہ پئی اسیں جنیاں نیں مسیح یسوع وچ اکٹھیاں ہون دا بپتسمہ لیا تاں اوہدی موت وچ اکٹھیاں ہون دا بپتسمہ لیا ؟ ایس لئی موت وچ اکٹھیاں ہون دے بپتسمے دے راہیں اسیں اوہدے نال دفن ہوئے تاں پئی جویں مسیح باپ دے جلال دے راہیں مویاں وچوں جوایا گیا اوسے طرحاں اسیں وی نویں حیاتی وچ چلیے ۔ “ (رومیوں ۶ : ۳ ۔ ۴)۔
کیہ پانی تے رُوح دی ایہہ خوشخبری حتمی طور تے وڈی تے مکمل طور اُتے کامل نئیں اے ؟ ایس توں ہٹ کے ، پئی کسے دا ایمان کنا نکا اے جے کوئی پانی تے رُوح دی خوشخبری اُتے ایمان رکھدا اے ، فیر اوہ پا پ توں مکتی یافتہ اے ۔ ایس توں ہٹ کے ، کنیاں کمیاں تُسیں رکھدے او ، تہاڈا ایمان پانی تے رُوح دی خوشخبری دے راہیں کامل بن دا اے ۔ ایس توں ہٹ کے تُسیں کنے ماڑے او ، تُسیں پانی تے رُوح دی خوشخبری اُتے اپنے ایمان دے راہیں مکتی یافتہ ہیگے آں ۔ایتھوں تیک پئی بھاویں اسیں اپنے آپ وچ طاقت نئیں رکھدے، جے خُدا لئی تےخُدا دے نال جیوندے آں ، ساڈے دلاں دی ساری گندگی مکا دتی جاوے گی ۔
پر اوہ جیہڑے مُڈھوں ایمان نئیں رکھدے اخیر وچ خُدا دے خلاف ہوجان گے تے اوہنوں چھڈ دین گے بھاویں اوہناں نیں ایس خوشخبری نوں سُنیا سی تے ایہدے نال دس ورہے تیک جیوندے رہے سَن ، اوہناں جنہاں نیں نہ ویکھن نہ ای خُدا دی سچیائی نوں سُنن دا ، اپنیاں اکھاں بند کرن تے اپنے کن بند کرن دا فیصلہ کرلیا اےاپنے آپ دے ہتھاں نال خُدا دی برکت نوں رد کرن اُتے بوہت بے عقل نیں تے اپنی ذاتی موت ول ودھدے پئے نیں ۔اوہ اپنےپاپاں نال ہر دیہاڑے مسیح نوں سولی اُتے چاڑھدے نیں ، ایتھوں تیک پئی بھاویں سولی اُتے کوئی نئیں مرے گا ، کیہ ایہہ یسوع دے بپتسمے لئی نئیں سی ۔
میَں ہر لنگھدے ہوئے دیہاڑے نال احساس کردا ہاں صرف کنی وڈی تے کامل ایہہ خوشخبری اے — جنہاں مَیں ماڑا ہاں ، ایناں میَں احساس کردا ہاں ، کنی ودھیری تے ساڈے خُداوند دی محبت کامل اے ، ایس خوشخبری دے راہیں ظاہر کیتی گئی، تے میَں ایتھوں تیک پئی ایہدے لئی اوہدا بوہتا شکر کردا ہاں ۔ جنی بوہتی میَں ایس خوشخبری دی منادی کردا ہاں تے ایناں اُچا میَں ہوندا جاندا ہاں ؛ جنی بوہتی میَں ایس خوشخبری دی منادی کردا ہاں اوناں تگڑا میَں بن دا جاندا ہاں ؛ تے جنی بوہتی میَں سچی خوشخبری دی منادی کردا ہاں، ایناں سکون وچ میَں ہوندا جاندا ہاں ۔
بھاویں تُسیں نویں سریوں جمے ہوئے او ، جے تُسیں خُدا دا کلام نئیں سن دے تے اوہدی سیوا نئیں کردے ، جنگلی بوٹیاں تہاڈے دل وچ ودھنا شروع ہو جان گئیاں ، تے ایناں بوٹیاں دے سبب تہاڈا دل گند بھریا ہو جاوے گا ۔ جدوں اِنج ہوندا اے ، فیر وڈیائی دے گیت گاوو تے یہوواہ دے بارے وچ سوچو ۔ خُدا دی وڈیائی کرن دے راہیں تہاڈا دل صاف ہو جاوے گا تے تُسیں اپنی رُوح نوں فیر چُکن دے لائق ہوجاوو گے ۔
تہانوں اپنے دلوں ہر شے کڈھن لئی اوہنوں ہلاؤنا چاہی دا اے جیہڑی ناخالص اے ، تے اپنے دل نوں فیر خُدا دے کلام نال بھرن دے راہیں نواں کرو۔ ساڈے دل پہلوں ای پاک نیں ، پر جدوں جگ دیاں ،ملاوٹاں ساڈے دلاں وچ آؤندیاں نیں تے دکھی کرن دی کوشش کردیاں نیں تے سانوں ناراض کردیاں نیں ، اسیں خُدا دی وڈیائی کر سکدے آ ں تے اوہدے توں فیر خُداوند دی وڈیائی کرن دے راہیں اپنے دلاں نوں نویں تے فیر کھڑے کردے ہویاں دعا منگ سکدے آں ۔
ایس توں ہٹ کے اسیں اپنے آپ نوں کتھے پاؤندے آں ، خُدا دی وڈیائی کرنا اک خوش تے اُچا تے وڈا تجربہ اے ۔ اوہناں دے دلاں وچ کوئی پاپ نئیں اے جیہڑے چھڈائے گئے نیں ، ایس لئی بھگتی تے خوش خیالی اوہناں دے دلاں وچوں ملدی اے ۔ ساڈے جوش بھرے دلاں دے بھگتی دے گیت اوہناں جڑی بوٹیاں نوں جیہڑیاں ساڈے دلاں وچ اُگدیاں نیں مکاسکدے نیں۔
کئی واری ، ساڈیاں کمیاں ظاہر ہوندیاں نیں ۔ ایس لئی پئی ساڈے خیال تے سوچاں سوکھے طریقے نال وکھ وکھ حالاں توں بدل سکدے نیں ، بھاویں اسیں خوش تے چنگے مزاج وچ ہو سکدے آں جدوں اسیں مسیح وچ اپنے بھراواں نال آں ، اسیں ناپاک تے ملاوٹی خیال رکھ سکدے آں، جدوں اسیں اپنے آپ وچ ہوندے آں ۔ ایس سبب توں پولُس اپنے آپ دے بدن اُتے دھیان کردے ہویاں ، رویا ، ”ہائے میَں کناں لیکھاں ماریاں بندہ ہاں ! ایس موت دے بدن توں مینوں کیہڑا چھڈاوے گا ؟ اپنے خُداوند یسوع مسیح دے راہیں خُدا دا شکر کردا ہاں ۔ “
پولُس پانی تے رُوح دی خوشخبری دے راہیں مکتی یافتہ ہون لئی کامل ہوگیا سی ، بھاویں اوہ حالے تیک اپنے بدن وچ ماڑا سی ۔ کیہ پولُس اکلا بندہ سی جیہڑا ایہو جیہا سی ؟ میں وی ، پولُس وانگر آں ۔ کیہ تُسیں وی اوہدے وانگر جے ؟
جدو ں جگ دے لوک سارے اکٹھے ہوندے نیں ، بندے عام طور اُتے شراب پینا پسند کردے نیں ، بوھتے اپنیاں نوکریاں بارے گل کردے تے کنے ترقی کیتی تے کنے نہ کیتی تے وغیرہ وغیرہ پسند کردے نیں، جدپئی زنانیاں خوشی نال اپنے خصماں ، بچیاں ، گھراں تے وغیرہ وغیرہ اُتے مان کردیاں نیں ۔ پر راستبازاں وچکار گل بات اوہناں جگ دیاں لوکاں دے میچ مطابق وکھ ہوندی اے ۔ ایتھوں تیک پئی جدوں اسیں اپنی روٹی ونڈدے آں، اسیں لوکاں بارے وچ ، خُدا دی وڈیائی کردے ہویاں تے اپنے دلاں نال میل جول ونڈدیاں ہویاں گل کردے آں جیہڑے سارے جگ : بھارت ، جاپان ، یورپ ، افریقہ ، امریکہ ، پاکستان تے وغیرہ وچ مکتی یافتہ ہوئے ۔
جدوں رومیوں دے خط پڑھدے پئے آں ، اسیں تجربہ کر سکدے آں تے اپنے دلاں وچ پولُس دا ذاتی ایمان ونڈ سکدے آں ۔ اسیں ایہہ وی لبھ سکدے آں پئی خُدا ولوں دتی گئی مکتی کنی وڈی اے ۔ اسیں خوش خبری دی وڈیائی محسوس کرسکدے آں ۔ اسیں حوالے سمجھ سکدے تے عبارت وچ لُکے ہوئے مطلب لبھ سکدے آں ۔ ایس لئی پئی اسیں محسوس کردے آں پئی کنی مکمل تے کامل ساڈے خُدا دی مکتی اے ، اسیں بچ نئیں سکدے سگوں اوہدی راستبازی دی وڈیائی کردے آں ۔
بھاویں جے کر سارا جگ ہُنے بدل جاوے ، فیر وی ، پانی تے رُوح دی خوشخبری جنہے سانوں ساڈے
پاپاں توں بچایا اے نہ بدلن والی رہوے گی ۔ ایس لئی پئی مسیح دی محبت سانوں بچا چُکی اے ، تے ایس لئی پئی ایس محبت نے سانوں کدی نئیں چھڈیااے تے حالے وی ساڈے وچ قائم ہیگی اے ، سب کُجھ جیہڑا اسیں کرنا ا ے، اپنے دلاں نوں جگ ولوں موڑنا اے تے فیر خُدا اُتے دھیان کرنا اے ۔ اسیں ماڑے آں ، تے ایس ماڑے ہون دے سبب ، اسیں کئی واری جگ دے رستیاں اتے ڈِگ پیندے آں ، پر ہر ویلے جدوں اِنج ہوندااے ، سانوں صرف اپنے دلاں نوں خُدا ول پرتنا اے تے سچیائی اُتے رکھنا اے پئی ساڈے خُداوند نے سانوں بچایا اے ۔ ساڈے بدن نوں ہُنے بدلنا اے تے صرف پاپ دی شریعت دے ہیٹھاں جیوندے رہنا اے ۔ ایس طرحاں سانوں لازمی طور اُتے ہر ویلےاپنے بدن دا انکا ر کرنا چاہی دا اے تے اپنے رُوحانی خیالاں دے راہیں اپنیاں حیاتیاں بسر کرنی چاہی دیاں نیں ۔ اپنے دلاں وچ جڑی بوٹیاں نوں اُگن توں روکن دے سلسلے وچ ، سانوں لازمی طور اُتے سدا خُدا ول پرتنا چاہی دا اے تے اوہدی راستبازی دی وڈیائی کرنی چاہی دی اے ۔
کیہ تُسیں ہُن احساس کردے او پئی پانی تے رُوح دی خوشخبری کنی طاقت والی اے ؟ ایس لئی پئی رومیو ں دا سارا خط پانی تے رُوح دی خوشخبری اُتے لکھیا گیا اے ، اسیں ایس خوشخبر ی اُتے پہلوں ایمان رکھن توں اڈ خُدا دے کلام نوں نئیں کھول سکدے ۔
میَں خُداوند دا ، سانوں ایس کلام نوں کھولن تے ایس کلام دے بھیت نوں ویکھن دی اجازت دین لئی شکر کردا ہاں ۔ کوئی سانوں خُدا دی راستبازی توں وکھ نئیں کر سکدا ، جیہڑی مسیح دی محبت ہیگی ا ے ۔ جے تُسیں خُدا دی راستبازی اُتے ایمان رکھنا چاؤہندے او ، یوحنا کولوں یسوع دے بپتسمے اُتے تے اوہدے صلیبی لہو اُتے اپنے چھٹکار ے تے مکتی وانگر ایمان رکھو ۔ تُسیں وی فیر ،خُدا دی راستبازی پاوو گے ۔
ساڈے خُدا دی راستبازی دیاں برکتاں تہاڈے نال رہن ۔
Copyright © 2021 by The New Life Mission