בשל נגיף הקורונה ושיבושים בשירות הדואר הבינלאומי
השענו זמנית את שירות הספרים החינמיים המודפסים שלנו.
השענו זמנית את שירות הספרים החינמיים המודפסים שלנו.
עקב מצב זה איננו יכולים לשלוח לך את הספרים כרגע.
אנא התפלל שמגפה זו תסתיים בקרוב ושירות הדואר יחודש.
אנא התפלל שמגפה זו תסתיים בקרוב ושירות הדואר יחודש.
مضمون 10: مُکاشفہ(مُکاشفہ دی کتاب اُتے تفسیر)
[3-1باب] سردِیس دی کلِیسیا دے ناں خط (مُکاشفہ۳:۱۔۶)
)مُکاشفہ۳:۱۔۶(
”تے سردِیس دی کلِیسیا دے فرِشتے نُوں ایہہ لِکھ۔ پئی جِہدے کول خُدا دِیاں سَتّ رُوحاں تے سَتّ تارے نیں اوہ ایہہ آکھدا اےپئی مَیں تیرے کمّاں نُوں جاننا آں پئی تُوں زِندہ اکھواؤندا ایں۔ پر ہیں مُردہ۔جاگدا رہو تے اوہناں شیواں نُوں جیہڑیاں باقی نیں تے جیہڑیاں مِٹن والِیاں سن مضبُوط کر۔ کیوں جو مَیں تیرے کِسے کمّ نُوں اپنے خُدا دے اگّے پُورا نئیں ویکھیا تَد یاد کر پئی تُوں کِیویں دی تعلِیم سِکھی تے سُنی سی۔ تے اوہدے اُتّے قیم رہو تے تَوبہ کر۔ جے تُوں جاگدا نا رہیں گا۔ تے مَیں چور وانگر آ جاواں گا تے تینُوں کدی پتا نا ہوئے گا۔ پئی مَیں کیہڑے ویلے تیرے اُتّے آپَواں گابے شک سردِیس وِچ تیری تھاں تھوڑے اجیہے بندے نیں۔ جِنہاں اپنے کپڑے پلِیت نئیں کِیتے۔ اوہ چِٹّی پوشاک پا کے میرے نال سَیر کرن گے۔ کیوں جو اوہ ایسے لائق نیں۔جیہڑا جتے اوہنوں ایسے طرح چِٹّے کپڑے پوائے جان گے تے مَیں اوہدا ناں زِندگی دی کتاب وِچوں کدی نا کٹّاں گا۔ سگوں اپنے باپ تے اوہدے فرِشتیاں اگّے اوہدے ناں دا اِقرار کراں گا۔جِہدے کنّ ہَین سُنے پئی رُوح کلِیسیاواں نُوں کِیہ آکھدا اے۔“
تشریح
آیت۱:”تے سردِیس دی کلِیسیا دے فرِشتے نُوں ایہہ لِکھ۔ پئی جِہدے کول خُدا دِیاں سَتّ رُوحاں تے سَتّ تارے نیں اوہ ایہہ آکھدا اے پئی مَیں تیرے کمّاں نُوں جاننا آں پئی تُوں زِندہ اکھواؤندا ایں۔ پر ہیں مُردہ۔“
خُداوندکول ست رُوحاں تے ست تارے نیں ۔سردِیس دی کلیسیااپنے ایمان دی زندگی وچ بوہت ساریاں کمیاں رکھدی سی ۔ ایس لئی خُدا نے کلیسیا نوں ایمان دے نال رہن دے نصیحت کیتی ۔ خُدا نے ایتھے سردِیس دی کلیسیادے خادم نوں آکھیا ، ” تُوں زِندہ اکھواؤندا ایں۔ پر ہیں مُردہ۔“ایہدے توں ، خُدا دا مطلب ایہہ سی پئی سردِیس دی کلیسیادے خادم دا ایمان سارے کم کرن والے ارادیاں ولوں مرگیا سی ۔
آیت۲:” جاگدا رہو تے اوہناں شیواں نُوں جیہڑیاں باقی نیں تے جیہڑیاں مِٹن والِیاں سن مضبُوط کر۔ کیوں جو مَیں تیرے کِسے کمّ نُوں اپنے خُدا دے اگّے پُورا نئیں ویکھیا۔“
خُداوندسردِیس دی کلیسیادے فرشتے نوں بوہتے چر تیک بے ایمانی اُتے چلن دی اجازت نئیں دیندا ۔ اوس نے ایس کلیسیا نوں جھڑکیا ایس لئی پئی اوہ خُدا دے کلام اُتے پورے ایمان توں اڈ زندہ رہندی پئی سی ۔ پاک لوکاں لئی خُدا دے سارے لکھے ہوئے کلام اُتے سچے دلوں ایمان رکھ کے اپنی زندگی بسر نا کرنا خُدا دے اگے پاپ کردے ہوئیاں زندہ رہن دے برابر اے ۔
ایتھوں تیک پئی جد اوہ ماڑے نیں ، جے پاک لوک خُدا دے کلام اُتے اپنے ایمان نال زندہ رہن تاں ، اوہ خُداتےبندے دونواں دے اگے اُچے کیتے جان گے ۔ ایہو جیہے پاک لوک بنن لئی جنہاں دا ایمان کامل اے ، سانوں خُدا دے کلام اُتے وفادار ی نال ایمان رکھدے تے ایہدے پچھے چلدیاں ہوئیاں اپنیاں زندگیاں بسر کرنیاں چاہی دیاں نیں جنہے پاک لوکاں نوں کامل بنایااے ۔
آیت۳:”تَد یاد کر پئی تُوں کِیویں دی تعلِیم سِکھی تے سُنی سی۔ تے اوہدے اُتّے قیم رہو تے تَوبہ کر۔ جے تُوں جاگدا نا رہیں گا۔ تے مَیں چور وانگر آ جاواں گا تے تینُوں کدی پتا نا ہوئے گا۔ پئی مَیں کیہڑے ویلے تیرے اُتّے آپَواں گا۔“
مُڈھلی کلیسیا دے پاک لوکاں تے خادماں نوں پانی تے رُوح دی خوشخبری سُنن تے ایہنوں قائم رکھن لئی بوہت چوکھیاں قربانیاں دینیاں پئیاں سن ۔ ایس لئی خُداوند نے اوہناں نوں پانی تے رُوح دی ایس مہنگی خوشخبری، اُتے اپنا ایمان نہ گواؤن دی ہدایت کیتی ، اوہ خوشخبری جنہوں پاؤن لئی اوہناں نوں چوکھیاں قربانیاں تے ایتھوں تیکر پئی اپنیاں جاناں وی دینیاں پئیاں ۔ پاک لوکاں نوں پانی تے رُوح دی کامل مکتی دی ایس خوشخبری اُتے قائم رہ کے خُدا دے اگے اپنے ایمان تے ایہدے کماں نوں واضح طور اُتے ظاہر کرنا چاہی دا اے ۔
مکتی پاؤن والیاں نوں ،مکتی دے فضل لئی اپنی شکر گزار زندگیاں بسر کردے ہوئیاں ہمیش ایہہ
یاد رکھنا چاہی دا اے پئی اوہناں نیں پانی تے رُوح دی خوشخبری نوں کِیویں پہلی وار سُنیا تے ایہدے اُتے ایمان رکھیا ۔ نویں سریوں جمن والے پاک لوکاں تے خادماں نوں ہمیش قائم رکھنا چاہی دا ا ے پئی خُداوند ولوں جیہڑی خوشخبری اوہناں نوں ملی اوہ بوہت وڈی تے مبارک اے ۔جے اوہ نئیں رکھدے ، تاں اوہ کم عقلیاں دی تھاں اُتے کھلون گے ، ایہہ نا جان دے ہوئیاں پئی خُداوند کدوں ایس دھرتی اُتے واپس آ جاوے گا ۔
آیت۴:”بے شک سردِیس وِچ تیری تھاں تھوڑے اجیہے بندے نیں۔ جِنہاں اپنے کپڑے پلِیت نئیں کِیتے۔ اوہ چِٹّی پوشاک پا کے میرے نال سَیر کرن گے۔ کیوں جو اوہ ایسے لائق نیں۔“
بہرحال ، خُداوند سانوں ایتھے ایہہ دسدا اے پئی سردِیس دی کلیسیا وچ حالے وی کجھ ایماندار ہیگے سن ، جنہاں نیں اپنے ایمان نوں قائم رکھدے ہوئیاں ، اپنی پوشاک نوں گندیاں نئیں کیتا سی ۔ خُداوند ایہہ وی فرماندااے پئی ایہہ وفادار پاک لوک خُدا دے خادماں وانگر زندگیاں گزارن گے ، جیہڑے ، اوہدی راست بازی دے کپڑے پا کے ، خُداوند نال سیر کرن گے ۔ اوہ خُداوند نال سیر کر سکدے سن ایس لئی پئی اوہناں دا ایمان اوہدے نال سیر کرن دے لائق سی ۔
خُدا نے جیہڑے پاک لوکاں دا ایمان پسند کیتا اے اوہ خُداوندپچھے چلدے نیں جتھے کدھرے وی اوہ اوہناں دی اگوائی کر سکدا اے ۔ ایہہ سچیائی پئی اوہناں نیں اپنی پوشاک نوں پلیت نئیں کیتا اے ایہدا مطلب ایہہ ہیگا اے پئی اوہناں نیں ، خُداونددے کلام اُتے بھروسہ کردے ہوئیاں ، جگ دیاں شیواں اگے ہتھیار نئیں سُٹے ۔ اوہ جیہڑے خُداوند ولوں دتی گئی پانی تے رُوح دی خوشخبری دےراہیں راستبازی دے کپڑے پا چُکے نیں اوہ اوہدے کلام اُتے قائم رہندے نیں تے جگ نال سمجھوتہ نئیں کردے ۔ اوہ دوجے اکھراں وچ ، جھوٹی خوشخبریاں توں کھُل کھلاکے وکھ ہو جاندے نیں ۔
اوہ جیہڑے خُداوند دی خوشخبری اُتے ایمان رکھدے ہوئیاں چٹی پوشاک پا چُکے نیں اوہ اوس خوشخبری لئی محنت کردے نیں تے ایس جگ وچ ایہو جیہی زندگی بسر کردے نیں جیہڑی اوہدے نال سیر کردی اے ۔ ایس لئی پئی خُداوند سدا اوہناں دے نال اے ، ایس لئی پئی اوہ سدا اوہدے کلام اُتے ایمان رکھدے ہوئیاں اوہدے پچھے چلدے نیں ۔
آیت ۵:” جیہڑا جتے اوہنوں ایسے طرح چِٹّے کپڑے پوائے جان گے تے مَیں اوہدا ناں زِندگی دی کتاب وِچوں کدی نا کٹّاں گا۔ سگوں اپنے باپ تے اوہدے فرِشتیاں اگّے اوہدے ناں دا اِقرار کراں گا۔“
اوہ جیہڑے خُدا دے کلام اُتے ایمان رکھ کے جگ اُتے فتح پاؤن گے اوہ سدا لئی زندہ رہن گے ، خُدا دی راستبازی نال اوہدے پاک لوکاں وانگر کپڑے پاؤن گے تے خُداوند دے کماں وچ سیوا کرن گے ۔ خُداوند اوہناں دے ایمان نوں وی پسند کرے گا تے اوہناں دے ناں حیاتی دی کتاب وچ لکھ دیوے گا ، تے ایہہ ناں کدی وی نئیں کٹّے جان گے ۔
ساڈےخُداوند دا وعدے دا کلام سانوں دسدا اے پئی اوہ لوک جیہڑے کھرا ایمان رکھدے نیں اوہ خُدا دے ویریاں دے خلاف اپنی کوشش وچ ایمان نال فتح پاؤن گے ۔” جیہڑا جتے اوہنوں ایسے طرح چِٹّے کپڑے پوائے جان گے ۔“ایتھے چٹے کپڑیاں دا مطلب خُدا دے ویریاں دے خلاف ایمان دی لڑائی وچ فتح اے ۔ ایمان دے فتح پاؤن والیاں نوں ایہہ انعام دتا جاوے گا جیہدے راہیں اوہناں دے ناں حیاتی دی کتاب وچوں کدی وی نئیں کٹّے جان گے ۔تے اوہناں دے ناں نویں یروشلیم وچ وی لکھے جان گے ۔ ” سگوں اپنے باپ تے اوہدے فرِشتیاں اگّے اوہدے ناں دا اِقرار کراں گا۔“ ایتھے ”اقرار“ توں ، ایہدا مطلب ایہہ ہیگا اے پئی خُداوند اوہناں دے ایمان نوں پسند کرے گا ۔
آیت ۶:”جِہدے کنّ ہَین سُنے پئی رُوح کلِیسیاواں نُوں کِیہ آکھدا اے۔“
اوہ لوک جیہڑے کھرا ایمان رکھدے نیں سدا سُن دے نیں پئی پاک رُوح اپنیاں کلیسیاواں دے راہیں اوہناں نوں کیہ فرماندا اے ۔ ایس طرح ، اوہ خُدا نال رہندے نیں تے ہمیش لئی پاک رُوح ولوں اگوائی پاؤندے نیں ۔
Copyright © 2021 by The New Life Mission