בשל נגיף הקורונה ושיבושים בשירות הדואר הבינלאומי
השענו זמנית את שירות הספרים החינמיים המודפסים שלנו.
השענו זמנית את שירות הספרים החינמיים המודפסים שלנו.
עקב מצב זה איננו יכולים לשלוח לך את הספרים כרגע.
אנא התפלל שמגפה זו תסתיים בקרוב ושירות הדואר יחודש.
אנא התפלל שמגפה זו תסתיים בקרוב ושירות הדואר יחודש.
مضمون 10: مُکاشفہ(مُکاشفہ دی کتاب اُتے تفسیر)
[3-5باب] لوَدیکیہ دی کلِیسیا دے ناں خط (مُکاشفہ ۳: ۱۴- ۲۲)
)مُکاشفہ ۳: ۱۴- ۲۲(
”تے لَودِیکیہ دی کلِیسیا دے فرِشتے نُوں ایہہ لِکھ پئی جیہڑا آمِین تے سَچّا تے برحق گواہ تے خُدا دی خلقت دا مُڈھ اے اوہ ایہہ آکھدا اے پئی۔مَیں تیرے کمّاں نُوں جاننا آں۔ پئی نا تے تُوں ٹھنڈا ایں تے نا گرم۔ چَنگا ہوندا جے تُوں ٹھنڈا ہوندوں یا گرم۔اِنجے ای ایس واسطے پئی نا تُوں گرم ایں نا ٹھنڈا۔ سگوں کوسا ایں ایس لئی مَیں تینُوں اپنے مُنھ توں اُباک چھڈاں گا۔تے ایس واسطے پئی توں آکھنا ایں پئی مَیں دَولت مند آں تے مالدار بن گیا آں تے تینُوں کِسے شے دی لوڑ نئیں۔ تے ایہہ نئیں جان دا پئی تُوں بد نصیب تے خوار تے غرِیب تے اَنھا تے ننگا ایں۔مَیں تینُوں صلاح دینا آں۔ پئی مَیتھوں اَگ وِچ تایا ہویا سونا مُل لے لے۔ پئی تُوں دَھنی ہو جائیں۔ تے چِٹّے کپڑے پا لے پئی اوہناں نُوں پا کے تُوں ننگے پن دی بے لہنگی توں بچیں۔ تے اَکھّیاں وِچ پان لئی سُرمہ لے پئی فیر سُجاکھا ہو جاویں۔مَیں جِنہاں نُوں پیار کرنا آں اوہناں نُوں جِھڑکدا تے سزا وی دینا آں۔ ایس لئی سرگرم ہو تے تَوبہ کر۔ویکھ مَیں بُوہے اُتّے کھلوتا ہویا کھڑکانا آں۔ جے کوئی میری اواز سُن کے بُوہا کھولے گا تے مَیں اوہدے کول اندر جا کے اوہدے نال کھانا کھاں گا تے اوہ میرے نال کھائے گا۔جیہڑا جتے مَیں اوہنوں اپنے نال تخت اُتّے بہاواں گا۔ جیویں مَیں وی جِت کے اپنے باپ نال اوہدے تخت اُتّے بَہہ گیا۔جِہدے کنّ ہَین سُنے پئی رُوح کلِیسیاواں نُوں کِیہ آکھدا اے۔“
تشریح
آیت۱۴:”تے لَودِیکیہ دی کلِیسیا دے فرِشتے نُوں ایہہ لِکھ پئی جیہڑا آمِین تے سَچّا تے برحق گواہ تے خُدا دی خلقت دا مُڈھ اے اوہ ایہہ آکھدا اے پئی۔“
ساڈا خُداوندایس دھرتی اُتے آیا تے خُدا دی مرضی نوں پورا کرن لئی اپنی موت تیکر خُدا باپ دا
آکھا منیا ۔ دوجے اکھراں وچ ، اوہنے ، ”آمین“کر کے ہر حکم نوں منیا جیہڑا وی باپ دی مرضی سی ۔ساڈا خُداوندخُدا باپ دی بادشاہی دا وفادار خادم تے اصلی گواہ اے جنہے خُدا دا پُتر تے مکتی داتا ہوندیاں ہوئیاں اپنے آپ دی گواہی دتی ۔ ساڈا خُداوندمُڈھلی شیواں نوں بناؤن والا خُدا اے ۔
آیت۱۵:”مَیں تیرے کمّاں نُوں جاننا آں۔ پئی نا تے تُوں ٹھنڈا ایں تے نا گرم۔ چَنگا ہوندا جے تُوں ٹھنڈا ہوندوں یا گرم۔“
خُدا نے لَودیکیہ دی کلیسیا دے خادم دی اوہدے کوسے ایمان دے سبب اوہنوں جھڑکیا ۔ایہہ خادم خُدا دے غصے دا حقدار سی ۔ جے کسے داوی ایمان خُدا دے اگے کوساہیگا اے تاں ، اوہناں اپنے ایمان ٹھنڈا یاں گرم بنا کے اپنے ایمان نوں واضح کرنا چاہی دا اے ۔ اوہ ایمان جیہڑا خُدا ساڈے توں چاؤہندا اے اوہ واضح طریقے نال پکا ایمان اے جیہڑا پئی ٹھنڈااے یاں گرم ۔ پانی تے روح دی خوشخبری اُتے ایمان رکھن تے وی ایہہ واضح ایمان اک پکی ضرورت اے۔
جدوں خُدا اُتے ایمان رکھن دی گل ہوئے تاں، دو قسماں دے ایماندار نیں۔ اک پاسے ، ساڈے کول اوہ ایماندار نیں جیہڑےایہہ ایمان رکھدے نیں پئی پانی تے رُوح دی خوشخبری کھری خوشخبری اے ، تے ایہہ پئی خوشخبری توں علاوہ کوئی دوجی خوشخبری نئیں ہیگی اے ۔ دوجے پاسے ، ساڈے کول اوہ ایماندار نیں جیہڑے ایہہ ایمان رکھدے نیں پئی پانی تے رُوح دی خوشخبری توں علاوہ ہوروی خوشخبریاں نیں ۔ تے بعد دا ایمان صرف کوسا ایمان اے ۔
اوہ ایہہ سمجھدے نیں پئی یسوع اُتے ایمان رکھنا ای کافی اے ، تے ایہہ پئی خوشخبری تے جھوٹیاں خوشخبریاں وچ فرق کرن دی کوئی لوڑی نئیں ہیگی ۔ اوہناں وچوں کئی تاں ایہہ وی سمجھدے نیں پئی صرف یسوع مکتی داتا نئیں ہیگا ، سگوں ایسے طرح ایہہ مکتی ایس جگ دے دوجے دیناں وچ وی ہو سکدی اے ۔ ایہناں دے ایمان وانگر لَودیکیہ دی کلیسیا دے خادم دا ایمان وی کوسا سی ، سچی تے جھوٹیاں خوشخبریاں وچکار واضح فرق نا کرن والا ایمان—ایہہ پئی پانی تے رُوح دی خوشخبری توں علاوہ کوئی دوجی خوشخبری نئیں ہیگی ۔ ایس لئی ایہہ خادم خُدا لئی پریشانی لیایا تے اوہدے غصے نوں حاصل کیتا ۔
آیت ۱۶:” اِنجے ای ایس واسطے پئی نا تُوں گرم ایں نا ٹھنڈا۔ سگوں کوسا ایں ایس لئی
مَیں تینُوں اپنے مُنھ توں اُباک چھڈاں گا۔“
ساڈے خُداوند خُدا نے اپنے خادم کولوں واضح ایمان منگیا ۔سانوں ایہہ سمجھنا چاہی دا اے پئی خُدا کسے ایہو جیہے ایمان نوں پسند نئیں کردا جیہڑا پئی گرم اے نا ٹھنڈا ۔ جدوں اسیں خُداوند اُتے ایمان رکھدے آں ، ایس لئی، سانوں واضح تے بالکل صاف طریقے نال اپنے دلاں نوں خُدا دے کلام دی پیمائش کر کے مقرر کرنا چاہی دااے تے ایہدے اُتے ایمان رکھدے ہوئیاں اوہدی مرضی مطابق پکے ہوکے قیم رہنا چاہی دا اے ۔ اوہ جیہڑے ایس طرح نویں سریوں جم پئے نیں اوہناں نوں وی پانی تے رُوح دی بائبل دی خوشخبری نال واضح طریقے نال کھلونا چاہی دا اے ، تے ایس کھری خوشخبری توں علاوہ ہور خوشخبریاں ودھاؤن والیاں دے خلاف کسے سمجھوتے دے بغیر اوہناں دامقابلہ کرنا چاہی دا اے ۔ خُدا سانوں دسدا اے پئی جے راستباز واضح ایمان ول کھلوندے نئیں تاں ، اوہ اوہناں نوں اپنے مُنھ توں اُباک چھڈےگا ۔ تاں ، ہُن ، تہاڈا ایمان کیہڑے موڑ اُتے کھلوتا اے ؟
آیت۱۷:”تے ایس واسطے پئی توں آکھنا ایں پئی مَیں دَولت مند آں تے مالدار بن گیا آں تے تینُوں کِسے شے دی لوڑ نئیں۔ تے ایہہ نئیں جان دا پئی تُوں بد نصیب تے خوار تے غرِیب تے اَنھا تے ننگا ایں۔“
اوہ لوک جنہاں دا خُداوند اُتے کوسا ایمان اے اوہ اپنے ایمان نوں صرف ٹھیک سمجھدے نیں ، تے ایس طرح اوہ اپنے ایمان دی غریبی ولوں سُتے رہندے نیں ۔ ایس لئی پئی لَودیکیہ دی کلیسیا دا خادم وی اپنے کوسے ایمان توں مطمئن سی ، ایس لئی ، اوہ ، وی ، ایس گل نوں سمجھن وچ ناکام رہیا پئی اوہ اصل وچ بوہت بے نصیب سی ۔ ایس لئی ، واضح تے پکا ایمان رکھن لئی ، اوہنوں سچیائی لئی ازمائشاں تے دکھاں نوں جرن تے جھوٹیاں دے خلاف ایمان دی لڑائی کرن دی لوڑ سی ۔ صرف اوس ویلے ای اوہنوں پتہ لگ سکدا سی پئی اوہ سچ مُچ بوہت بے وفا ، غریب تے ننگاسی ۔ سانوں ساریاں نوں خُداونددے اگے پکا ایمان رکھنا چاہی دا اے ۔
آیت ۱۸:”مَیں تینُوں صلاح دینا آں۔ پئی مَیتھوں اَگ وِچ تایا ہویا سونا مُل لے لے۔ پئی تُوں دَھنی ہو جائیں۔ تے چِٹّے کپڑے پا لے پئی اوہناں نُوں پا کے تُوں ننگے پن دی بے لہنگی توں
بچیں۔ تے اَکھّیاں وِچ پان لئی سُرمہ لے پئی فیر سُجاکھا ہو جاویں۔“
خُدا نے لَودیکیہ دی کلیسیا دے فرشتے نوں فرمایا پئی اوہ اپنے ایمان نوں پکا بناوے ۔ لَودیکیہ دی کلیسیادے خادم نوں پانی تے رُوح دی خوشخبری اُتے اپنے ایمان دی نیہ نوں دوبارہ بناؤنا چاہی دا سی تے کامل راستبازی دے کپڑے پاؤنے چاہی دے سن ۔اوہنوں آپ وی ویکھنا چاہی دا سی ، واپس آؤنا چاہی دا سی ، تے اپنے ایمان دی ودھیا نویں تعریف کرنی چاہی دی سی ۔ اوہنوں صبر نال اپنے ایمان نوں قیم رکھنا چاہی داسی ، تے اپنے ایمان دی پاکیزگی دے راہیں سکھنا تے اوہدی آس نوں پورا کرنا چاہی داسی ۔
تہانوں وی، پانی اور رُوح دی خوشخبری،خُداولوں دتی گئی سچیائی دی خوشخبری لئی ، وڈی کُٹ مار تے دکھ جرنے چاہی دے نیں ۔ صرف فیر ای تُسیں جان سکدے او پئی پانی تے رُوح دی ایس خوشخبری دی سچیائی بوہت مہنگی اے ۔کیہ تُسیں کدی پانی تے رُوح دی خوشخبری دے راہیں ملن والی خُدا دی راستبازی نوں قیم رکھن لئی اپنی بندیاں والی راستبازی نوں ٹوٹے ٹوٹےکیتا اے ؟ جیہڑیاں لوکاں نیں بندیاں والی راستبازی نوں ٹوٹے ٹوٹےکیتا اےاوہناں نوں پتہ ہیگا اے پئی خُدا دی راستبازی بوہت مہنگی تے برکت والی اے ۔ تہانوں ایہہ احساس ہونا چاہی دا اے پئی تُسیں اوس ایمان دے بغیر جیہڑا خُدا وند اُتے بھروسہ کردااے ، تہاڈی ایمان والی زندگی بس بے نصیب ہو جاوے گی ۔ ایس لئی ، تہانوں ایمان نال سکھنا چاہی دا اے جو کجھ خُدا وند نے ساڈے توں پہلوں اپنے اگے سیواکرن والیاں نوں دتا سی تے اپنی بے وفائی دی شرمندگی نوں کجنا چاہی دا اے ۔
سانوں ایہہ سچیائی نئیں بھُلنی چاہی دی پئی کھرے ایمان نوں سکھن لئی قربانی دینی پیندی اے۔ ایس لئی پئی کھرا ایمان رُوحانی پیودادیاں دے ایمان دے پیراں اُتے پیر رکھ کے سکھیا جاندا اے ، ایس لئی سانوں قربانی دا مُل دینا پوے گا ۔سانوں خُداوند دی بادشاہی دی تعمیر تے اپنے ایمان دی ترقی لئی جگ دیاں شیواں نوں گواؤن لئی وی تیار رہنا چاہی دا اے ، تے خُداوند لئی ہر شے نوں دُور سُٹنا چاہی دا اے ۔
آیت ۱۹:”مَیں جِنہاں نُوں پیار کرنا آں اوہناں نُوں جِھڑکدا تے سزا وی دینا آں۔ ایس لئی سرگرم ہو تے تَوبہ کر۔“
خُداونداوہناں لوکاں نوں جھڑکدا تے ہدایت کردا اے جیہڑے اوہدی محبت نوں جان دے نیں تے اوہدے اُتے ایمان رکھدے نیں ، جے اوہناں دا ایمان کماں دے بغیر اے ۔ اوہناں لوکاں نوں جنہاں نال خُداوندمحبت کردااے ، ایس لئی ،اوہدے لئی بوہت محنت کرنی چاہی دی اے تے کھرے ایمان نال اوہدے پچھے چلنا چاہی دا اے ۔
آیت۲۰:”ویکھ مَیں بُوہے اُتّے کھلوتا ہویا کھڑکانا آں۔ جے کوئی میری اواز سُن کے بُوہا کھولے گا تے مَیں اوہدے کول اندر جا کے اوہدے نال کھانا کھاں گا تے اوہ میرے نال کھائے گا۔“
اوہ جیہڑے خُدا دے خادم بن گئے نیں اوہ خوشی تے غمی دونواں وچ اپنیاں زندگیاں اوہدے نال ونڈدے نیں ۔ اوہ جیہڑے خُداوند لئی کم کردے نیں اوہ سدا خُداوند دے کلام اُتے ایمان رکھدے ہوئیاں زندہ رہندے نیں ، تے ، اوہناں دے ایمان راہیں ، ساڈا خُداوندسدا اپنے سارے کماں نوں پورا کردا اے ۔
آیت۲۱:”جیہڑا جتے مَیں اوہنوں اپنے نال تخت اُتّے بہاواں گا۔ جیویں مَیں وی جِت کے اپنے باپ نال اوہدے تخت اُتّے بَہہ گیا۔“
کھرے ایمان نوں پاؤنا یاگواؤنا ایس گل اُتے مُک دا اے پئی کیہ کوئی شہادت نوں قبول کرن لئی تیار ہیگا اے یاں نئیں ۔ اوہ جیہڑے خُدا دے کلام اُتے ایمان رکھ کے شیطان دے خلاف لڑدے نیں فتح پاؤن گے تے خُداوند نال جلال پاؤن گے ۔ پاک لوک تے خُدا دے خادم سدا شیطان دے خلا ف رُوحانی لڑائی کردے رہندے نیں ۔ ایس لڑائی وچ ،اوہ سدا خُداونددے کلام اُتے ایمان رکھ کے فتح پا سکدے نیں ۔ اوہ جیہڑے شیطان دے خلاف اپنی لڑائی اُتے فتح پاؤندے نیں اوہ خُداوندنال جلال پاؤن گے ۔
آیت۲۲:”جِہدے کنّ ہَین سُنے پئی رُوح کلِیسیاواں نُوں کِیہ آکھدا اے۔“
پاک لوکاں نوں سدا خُدا دی اواز نوں سُننا تے پاک رُوح دی اگوائی پچھے چلنا چاہی دا اے ۔ جد اوہ اِنج کردے نیں تاں ، اوہناں دا ایمان اک اوہ ایمان بن جاندا اے جیہڑا پاک رُوح نال چلدا اے ، تے رُوح دی فتح سدا اوہناں دی ای ہووے گی ۔
Copyright © 2021 by The New Life Mission