בשל נגיף הקורונה ושיבושים בשירות הדואר הבינלאומי
השענו זמנית את שירות הספרים החינמיים המודפסים שלנו.
השענו זמנית את שירות הספרים החינמיים המודפסים שלנו.
עקב מצב זה איננו יכולים לשלוח לך את הספרים כרגע.
אנא התפלל שמגפה זו תסתיים בקרוב ושירות הדואר יחודש.
אנא התפלל שמגפה זו תסתיים בקרוב ושירות הדואר יחודש.
مضمون 10: مُکاشفہ(مُکاشفہ دی کتاب اُتے تفسیر)
[6-1باب] خُدا ولوں مقررہوئے سَتّ زمانے (مُکا شفہ۶: ۱۔۱۷)
)مُکا شفہ۶: ۱۔۱۷)
”فیر مَیں ویکھیا پئی لیلے اوہناں ستّاں مُہراں وِچوں اِک نُوں توڑیا تے اوہناں چَوہاں جانداراں وِچوں اِک دی بدّل دے گجّن وانگر اواز سُنی پئی آ۔تے مَیں دھیان کِیتا تے کِیہ ویکھنا آں پئی اِک چِٹّا گھوڑا اے تے اوہدے سوار کول اِک کمان اے تے اوہنوں اِک تاج دِتّا گیا تے اوہ فتح کر دا ہویا نِکلیا۔ پئی ہور وی فتح کرے۔ تے جد اوس دُوجی مُہر توڑی تے مَیں دُوجے جاندار نُوں ایہہ آکھدیاں سُنیا پئی آ۔فیر اِک ہور گھوڑا نِکلیا جیہڑا لال رنگ دا سی تے اوہدے سوار نُوں ایہہ اختیار دِتّا گیا پئی زمین اُتّوں صُلح نُوں چُک لے پئی لوک اِک دُوجے نُوں قتل کرن تے اوہنوں اِک وڈّی ساری تلوار دِتّی گئی۔تے جد اوس ترِیجی مُہر توڑی تے مَیں ترِیجے جاندار نُوں ایہہ آکھدیاں سُنیا پئی آ تے مَیں دھیان کِیتا تے کِیہ ویکھنا آں پئی اِک کالا گھوڑا اے۔ تے اوہدے سوار دے ہتّھ وِچ اِک ترکڑی اے۔تے مَیں اوہناں چَوہاں جانداراں وِچوں اِنج دی اواز آؤندی سُنی۔ پئی کنک دینار دی اِک سیر تے جَوں دینار دے تَرے سیر تے تیل تے مَے دا نُقصان نا کر۔تے جد اوس چَوتھی مُہر توڑی تے مَیں چوتھے جاندار نُوں ایہہ آکھدیاں سُنیاں پئی آ۔تے مَیں دھیان کِیتا تے کِیہ ویکھنا آں پئی اِک پِیلا جیہا گھوڑا اے تے اوہدے سوار دا ناں مَوت اے تے پاتال اوہدے پِچّھے پِچّھے اے تے اوہناں نُوں زمین دی چوتھائی اُتّے ایہہ اختیار دِتّا گیا۔ پئی تلوار تے کال تے ڈاکی تے زمین دے پشُوآں نال لوکاں نُوں مارن۔ تے جد اوس پنجوِیں مُہر توڑی تے مَیں قُربان گاہ دے ہیٹھ اوہناں دِیاں رُوحاں ویکھیاں جیہڑے خُدا دے کلام تے گواہی اُتّے قیم رہن دے سببّوں مارے گئے سن۔تے اوہ اُچّی اُچّی آکھن لگِیاں پئی اَے مالک قُدُّوس تے سچےتُوں کد تِیکر انصاف نا کریں گا تے زمین دے رہن والیاں توں ساڈے خُون دا بدلہ نا لَویں گا؟تے اوہناں وِچوں ہر اِک نُوں چِٹّا چوغہ دِتّا گیا تے اوہناں نُوں آکھیا گیا۔ پئی ہور تھوڑا چِر آرام کرو۔ جد تِیکر تُہاڈے سَنگیاں تے بھراواں دی گنتری پُوری نا ہو جائے۔ جیہڑے تُہاڈے وانگر قتل ہون والے نیں۔تے جد اوس چھیویں مُہر توڑی تے مَیں ویکھیا پئی اِک وَڈا سارا بھنچال آیا اے۔ تے سُورج بورے وانگر کالا تے سارا چَنّ لہو وانگر ہوگیا۔تے اسمان دے تارے اینج زمین اُتّے ڈِگّ پئے۔ جیویں زور دی ہنیری نال ہنجیر دے بُوٹے نالوں کچّے پَھل ڈِگّ پَیندے نیں۔تے اسمان اینج کھِسک گیا جیویں لِکھیا ہویا مُٹّھا وھلیٹن نال کھِسک جاندا اے۔ تے ہر اِک پہاڑ تے ٹاپُو اپنے اپنے تھاں توں ٹل گئے۔تے زمین دے بادشاہ تے امیر تے فوجی سردار تے مالدار تے زوراور تے سارے غلام تے اَزاد پہاڑاں دِیاں کُھندڑاں تے چٹاناں دے وِچ جا لُکے۔تے پہاڑاں تے چٹاناں نُوں آکھن لگّے پئی ساڈے اُتّے ڈِگّ پَوو تے سانُوں اوہدی نظر توں جیہڑا تخت اُتّے بَیٹھا ہویا اے تے لیلے دے غضب توں لُکا لوؤ۔کیوں جو اوہناں دے غضب دا وَڈا دِن آگیا اے۔ ہُن کون کھلو سکدا اے؟“
تشریح
آیت ۱:”فیر مَیں ویکھیا پئی لیلے اوہناں ستّاں مُہراں وِچوں اِک نُوں توڑیا تے اوہناں چَوہاں جانداراں وِچوں اِک دی بدّل دے گجّن وانگر اواز سُنی پئی آ۔“
ایہہ آیت سانوں دسدی اے پئی یسوع باپ ولوں لئی ہوئی ایس کتاب دا پہلامنصوبہ کھولدا اے ، جیہدے وچ سارے لوکاں لئی خُدا دا سارا منصوبہ لکھیا گیا اے ۔
آیت ۲:”تے مَیں دھیان کِیتا تے کِیہ ویکھنا آں پئی اِک چِٹّا گھوڑا اے تے اوہدے سوار کول اِک کمان اے تے اوہنوں اِک تاج دِتّا گیا تے اوہ فتح کر دا ہویا نِکلیا۔ پئی ہور وی فتح کرے۔“
خُدا دی پہلی مہر یسوع مسیح وچ پانی تے رُوح دی خوشخبری دے قیم رہن دے بارے وچ فرماندی اے جویں پئی خُدا دا ارادہ بندیاں نوں پاپ توں مکتی دینا اے تے فتح دا ارادہ اے ۔ خُدا باپ دے سارے لوکاں نوں اوہناں دے پاپاں توں مکتی دیندے ہوئیاں اپنے لوک بناؤن دے ارادے دا شروع یسوع مسیح وچ پانی تے رُوح دی خوشخبری نال ہویا سی — یعنی ، یسوع دے بپتسمے تے اوہدے صلیبی لہو دے راہیں سارے لوکاں دی پاپ دی مکتی نال ۔
خُدا نے پانی تے رُوح دی خوشخبری دے راہیں لوکاں نوں جگ دے سارے پاپاں توں مکتی دتی اے ، تے اوہ ہُن وی ایسے طرح کم کرنا جاری رکھدا اے جویں پئی ہُن اسیں گل کردے پئے آں ۔ ایہہ پہلا ارادہ اے جیہڑا خُدا نے سارے لوکاں لئی تیار کیتا اے ۔ خُدا دا ایہہ پہلا ارادہ سارے لوکاں دی مکتی لئی یسوع مسیح دی ایس دھرتی اُتے آمد ، اوہدے بپتسمے ، سولی اُتے مرن تے جیوں اُٹھن دے راہیں اے ۔
چٹے گھوڑے دا ایہہ زمانہ خوشخبری دی راستباز جنگ وچ خُدا دی فتح وچ مطلب اے جیہڑا اوہنے سارے لوکاں نوں اوہناں دے سارے پاپاں توں مکتی دین لئی پورا کیتا ۔ ایہہ سانوں ایہہ وی دسدااے پئی پانی تے رُوح دی خوشخبری دی فتح جاری رہوے گی ۔
آیتاں۳ ۔۴:”تے جد اوس دُوجی مُہر توڑی تے مَیں دُوجے جاندار نُوں ایہہ آکھدیاں سُنیا پئی آ۔فیر اِک ہور گھوڑا نِکلیا جیہڑا لال رنگ دا سی تے اوہدے سوار نُوں ایہہ اختیار دِتّا گیا پئی زمین اُتّوں صُلح نُوں چُک لے پئی لوک اِک دُوجے نُوں قتل کرن تے اوہنوں اِک وڈّی ساری تلوار دِتّی گئی۔“
ایہہ سانوں دسدااے پئی خُدا دے تیار کیتے گئے دوجے زمانے وچکار ،دنیا شیطان دی دنیا ہو جاوے گی ۔ایتھے لال گھوڑے دے ظاہر ہون دا مطلب ایہہ ہیگا اے پئی دنیا شیطان دے بھار ہیٹھاں آجاوے گی ۔
شیطان ایس جگ دا سکون کھو ہ کے ایہدے وچ جنگ لیایا اے ۔ اوسے دے سبب ، دنیا دو سارے جگ دیاں وڈیاں جنگاں وچوں لنگھی ، ایہدے نتیجے وچ بے گنت لوک اپنیاں جاناں گوا بیٹھے ، تے جیہڑے لوک جیوندے بچ گئے اوہناں نیں بے وجود تے امن توں سکھنی زندگی گزاری ۔ ایتھوں تیکر پئی ہُن وی سارے جگ وچ قوماں تے ریاستاں اک دوجے اُتے اعتبار نئیں کردیاں تے اک دوجے دے خلاف جنگ لڑدیاں نیں ، اوہ بوہت ساریاں تھاواں اُتے امن دے ٹوٹے ٹوٹے کر دیندیاں نیں ۔ ایہہ زمانہ جنگ تے نسل مکاؤن دازمانہ اے ۔
آیتاں۵ ۔۶:”تے جد اوس ترِیجی مُہر توڑی تے مَیں ترِیجے جاندار نُوں ایہہ آکھدیاں سُنیا پئی آ تے مَیں دھیان کِیتا تے کِیہ ویکھنا آں پئی اِک کالا گھوڑا اے۔ تے اوہدے سوار دے ہتّھ وِچ اِک ترکڑی اے۔ تے مَیں اوہناں چَوہاں جانداراں وِچوں اِنج دی اواز آؤندی سُنی۔ پئی کنک دینار دی اِک سیر تے جَوں دینار دے تَرے سیر تے تیل تے مَے دا نُقصان نا کر۔“
تیجا زمانہ جیہدے بارے وچ خُدا فرماندا اے اوہ کالے گھوڑے دا زمانہ اے ، سارے لوکاں لئی بدنی تے رُوحانی کال دا زمانہ۔ اج سارے جگ وچ ، بوہت سارے لوک اپنے رُوحانی کال دے سبب نئیں بچائے گئے نیں ، تے بوہت سارے بدنی فاقیاں نال وی مردے پئے نیں ۔ سانوں یا د رکھنا چاہی دا اے پئی ہُن اسیں ایس تیجے زمانے وچ جیوندے پئے آں ۔ ایس زمانے دے مکن دے نال ای پیلے گھوڑے دا زمانہ آجاوے گا ۔
آیتاں۷۔ ۸:”تے جد اوس چَوتھی مُہر توڑی تے مَیں چوتھے جاندار نُوں ایہہ آکھدیاں سُنیاں پئی آ۔ تے مَیں دھیان کِیتا تے کِیہ ویکھنا آں پئی اِک پِیلا جیہا گھوڑا اے تے اوہدے سوار دا ناں مَوت اے تے پاتال اوہدے پِچّھے پِچّھے اے تے اوہناں نُوں زمین دی چوتھائی اُتّے ایہہ اختیار دِتّا گیا۔ پئی تلوار تے کال تے ڈاکی تے زمین دے پشُوآں نال لوکاں نُوں مارن۔“
خُدا دا تیار کیتا گیا چوتھازمانہ پیلے گھوڑے دا زمانہ اے ۔ بائبل سانوں دسدی اے پئی ایس زمانے وچ مخالفِ مسیح اپنے کم شروع کر دیوے گا ، تے ایہہ زمانہ پاک لوکاں لئی شہادت دا زمانہ وی اے ۔ ایہہ اوہ زمانہ اے جد مخالفِ مسیح پاک لوکاں دے کھرے ایمان نوں چوری کرے گا ، اوہناں نوں ستاوے گا تے مار سُٹے گا جیہڑے اوہدی بھگتی نئیں کرن گے یاں اوہدے نشان نوں نئیں لین گے ۔ اوس ویلے توں ، دنیا ست نرسنگیاں دیاں آفتاں وچ پھس جاوے گی ۔ اوس ویلے ، پاک لوکاں دی شہادت لازمی اے ۔
آیتاں۹۔۱۱:”تے جد اوس پنجوِیں مُہر توڑی تے مَیں قُربان گاہ دے ہیٹھ اوہناں دِیاں رُوحاں ویکھیاں جیہڑے خُدا دے کلام تے گواہی اُتّے قیم رہن دے سببّوں مارے گئے سن۔تے اوہ اُچّی اُچّی آکھن لگِیاں پئی اَے مالک قُدُّوس تے سچے تُوں کد تِیکر انصاف نا کریں گا تے زمین دے رہن والیاں توں ساڈے خُون دا بدلہ نا لَویں گا؟تے اوہناں وِچوں ہر اِک نُوں چِٹّا چوغہ دِتّا گیا تے اوہناں نُوں آکھیا گیا۔ پئی ہور تھوڑا چِر آرام کرو۔ جد تِیکر تُہاڈے سَنگیاں تے بھراواں دی گنتری پُوری نا ہو جائے۔ جیہڑے تُہاڈے وانگر قتل ہون والے نیں۔“
خُدا دا پنجواں زمانہ پاک لوکاں دے جیوں اُٹھن تے چُکے جان دا زمانہ اے ۔ ایس زمانےدے بعد وں ہزار ورہیاں دی بادشاہی شروع ہووے گی ۔ ایہہ حوالہ سانوں دسدا اے پئی سانوں ساریاں نوں شہادت ، جیوں اُٹھن تے چُکے جان اُتے ایمان رکھنا چاہی دا اے جیہڑے بوہت چھیتی ساڈے اُتے آؤن والے نیں ، تے ایہہ پئی سانوں نویں اسمان تے دھرتی اُتے اپنے ایمان تے آس نال زندہ رہنا چاہی دا اے جیہدا خُدا نے ساڈے نال وعدہ کیتا اے ۔
آیت۱۲:”تے جد اوس چھیویں مُہر توڑی تے مَیں ویکھیا پئی اِک وَڈا سارا بھنچال آیا اے۔ تے سُورج بورے وانگر کالا تے سارا چَنّ لہو وانگر ہوگیا۔“
خُدا دا چھیواں زمانہ خُدا دی بنائی ہوئی پہلی دنیا دی بربادی دا زمانہ اے ۔ ایہہ اوہ زمانہ اے جد دنیا اُتے ست پیالیاں دیاں آفتاں آؤن گئیاں ، جد سورج ، چن تے تارے روشنی گوا لین گے ، تے دھرتی بھونچالاں نال برباد ہو کے پانی دے ہیٹھاں ڈُب جاوے گی ۔
آیت۱۳:”تے اسمان دے تارے اینج زمین اُتّے ڈِگّ پئے۔ جیویں زور دی ہنیری نال ہنجیر دے بُوٹے نالوں کچّے پَھل ڈِگّ پَیندے نیں۔“
ایس چھیویں زمانے وچکار ، خُدا دی بنائی ہوئی دنیا دی بربادی ست پیالیاں دیاں آفتاں نال ہووے گی ۔ تارے اسمان اُتوں ڈگدیاں ای اک وڈی افراتفری دنیا نوں کھا لوے گی تے دھرتی پُٹھی ہو جاوے گی ۔
آیت۱۴:”تے اسمان اینج کھِسک گیا جیویں لِکھیا ہویا مُٹّھا وھلیٹن نال کھِسک جاندا اے۔ تے ہر اِک پہاڑ تے ٹاپُو اپنے اپنے تھاں توں ٹل گئے۔ “
ایہہ آیت سانوں دسدی اے پئی جد ست پیالیاں دیاں آفتاں آؤن گئیاں ، اسمان سَرک جاوے گا جیویں لِکھیا ہویا مُٹّھا وھلیٹن نال کھِسک جاندا اے، تے سارے پہاڑ تے ٹاپُو اپنیاں تھاواں توں ہٹ جان گے—آفتاں جیہڑیاں دھرتی دے ٹوٹے ٹوٹے ہون دی نشانی دسدیاں نیں جگ دی شکل تے
صورت وگاڑ دین گئیاں ۔
آیت ۱۵:”تے زمین دے بادشاہ تے امیر تے فوجی سردار تے مالدار تے زوراور تے سارے غلام تے اَزاد پہاڑاں دِیاں کُھندڑاں تے چٹاناں دے وِچ جا لُکے۔ “
چھیویں مہر دے ایس زمانےوچکار ، جد خُدا نے ست پیالیاں دیاں آفتاں نوں ڈوہلیا تاں ، ایس دھرتی اُتے کوئی زندہ نئیں رہے گا ، نا بادشاہ تے نا ای تگڑے ، جیہڑے لیلے دے غصے دے ڈر توں نئیں کمبے سن ۔
آیت۱۶:”تے پہاڑاں تے چٹاناں نُوں آکھن لگّے پئی ساڈے اُتّے ڈِگّ پَوو تے سانُوں اوہدی نظر توں جیہڑا تخت اُتّے بَیٹھا ہویا اے تے لیلے دے غضب توں لُکا لوؤ۔ “
خُدا دا غصہ بوہت چوکھا ہووے گا پئی سارے لوک ڈر دے مارے کمب جان گے ۔ ایہہ پہلا تے اخیری ویلا ہووے گا جد ہر بندہ ایناں ڈر توں متاثر ہووے گا ۔
آیت ۱۷:”کیوں جو اوہناں دے غضب دا وَڈا دِن آگیا اے۔ ہُن کون کھلو سکدا اے؟“
جد ست پیالیاں دی آفتاں نوں ڈوہلیاجاوے گا تاں ، ہر کوئی ، ایس توں ہٹ کے پئی کناں ای اثر والا یاں تگڑا کیوں نا ہووے ، خُداولوں آؤن والیاں وڈیاں بربادیاں دے ڈر توں کمبے گا ۔ کوئی وی نئیں جیہڑا نڈر خُدا دے غصے اگے کھلو سکدا اے ۔
فیرستواں زمانہ کیہ اے ؟ خُدا دا تیارکیتا گیا ستواں زمانہ اوہ زمانہ اے جیہدے وچ پاک لوک ہزار ورہیاں دی بادشاہی وچ رہن گے ، ایہدے بعدوں نواں اسمان تے دھرتی آوے گی جیہدے وچ اوہ سدا زندہ رہن گے ۔
Copyright © 2021 by The New Life Mission