Search
עִבְרִית
עִבְרִית
בשל נגיף הקורונה ושיבושים בשירות הדואר הבינלאומי
השענו זמנית את שירות הספרים החינמיים המודפסים שלנו.
עקב מצב זה איננו יכולים לשלוח לך את הספרים כרגע.
אנא התפלל שמגפה זו תסתיים בקרוב ושירות הדואר יחודש.

שאלות נפוצות על האמונה הנוצרית

נושא 1: לידה מחדש מהמים והרוח

1-30. جے ” پانی تے رُوح “ دے متعلق تُہاڈی سوچ ٹھیک اے، تے فیر صلیب اُتے ڈاکو لئی مکتی پانا ممکن نہیں ہوسکداسی ، جے صلیب اُتے ڈاکو نُوں اوس اصُول توں مکت خیال کیتا جاوے،تے خُدا قاضی نئیں ہووے گا، کیوں جے اوہنے خُودبادشاہی وِچ داخل ہون دے قانون نُوں توڑدِتا ۔صلیب اُتے ڈاکودی مکتی تُسیں کس طرحاں واضح کر سکدے او ؟

اوس ویلے سارے یہودی آن والےمسیحِا دا اِنتظارکررہے سَن ۔ ایس لئی اوہ”  شریعت تے اوہدیاں قربانیاں دے او س نظام “ دے بارے جیہڑے خُدا نے موسیٰ دے ذریعے بخشے ،دُوجے لوکاں دی نسبت چنگی طرحاں جان دے سَن۔ اوہ ایمان رکھدے سَن پئی خُدا دی شریعت دے مطابق مسیِح آوےگاتےاوہناں نُوں اوہناں دے سارے پاپاں تو ں رہا کرے گا ۔
فیروی،اوہ ایس سچیائی اُتےایمان نئیں رکھدےسَن ۔ پئی یوحنا بپتسمہ دین والے توں یسوُع دا بپتسمہ لینا  دُنیا دے سارے پاپ لدن لئی خُداوَلوں سی (مرقس ۱۱:۲۷۔۳۳)، پر ایہدے  توں  اُلٹ ،  اوہ
اوہنوں اجیہا شخص سمجھدے سَن جیہڑا لوکاں وِچ وگاڑ پیداکررہیا سی ،ایس لئی اوہنوں مصلوب کیتا گیا ۔
رُومی حکومت دےمطابق  رومی شہریاں نُوں صلیب اُتے کوڑیاں دی سزا نئیں  دِتی جا سکدی سی (اعمال ۲۲:۲۵۔۲۹،۲۳:۲۷)،ایس لئی اَسیں جان سکدے آں پئی صلیب دِتے جان والے ڈاکو رُومی نئیں  سَن سگوں یہودی سَن ۔اَسیں ایہہ وی جان سکدے آں پئی صلیب دِتا جان والا ڈاکو یہودی سی ۔ تے اوہدے لفظاں توں محسوس ہوندااے پئی اوہ خُدا توں ڈرداسی ، ” اَے یسوُع جدوں تُوں اپنی بادشاہی وِچ جاویں تے مینوں یاد رکھیں۔“ (لوقا۲۳:۴۲)۔ڈاکو پہلاں ای شریعت تے قربانیاں دے نظام نُوں جیہڑا خُدا نے موسیٰ نُوں دِتا سی، سمجھداسی ۔ایویں اوہ ایمان رکھداسی پئی خُدا دے فدیہ دی شریعت دے مطابق مسیِح آوے گا ۔
خُداد ے کول آن والے لوک ضروُر اِقرار کرن پئی اوہ پاپی نیں تے اوہناں دے پاپاں دی وجہ توں اوہناں دی منزل جہنم اے ۔ ڈاکو نے ایہہ آکھدے ہویاں اپنے پاپاں دا اِقرار کیتا، ”تے ساڈی سزا تےواجبی اے کیوں جے اپنے کماں دا بدلہ پارہے آں۔“ (لوقا۲۳:۴۱)۔اَسیں ایس گل نُوں وی جان سکدے آں ،پئی ڈاکو خُدا کولوں ڈرداسی اوہدے لفظاں توں محسوس ہوندا اے پئی اوہدی اُمید خُدا دی بادشاہی سی ۔” اَے  یسوُع جدوں تُوں اپنی بادشاہی وِچ جاویں تے مینوں یاد رکھیں ۔“ (لوقا۲۳:۴۲)۔
اوہنے آکھیا، ” اوہنے  کوئی  بے جا کم  نئیں  کیتا۔“ (لوقا۲۳:۴۱)۔ جو کُجھ یسوُع  نے  کیتا  سی اوہدے بارے ڈاکو کیہ جان دا سی ؟ اوہ ایمان رکھداسی پئی یسوُع رُوح القدّس دی قدرت دے نال پیٹ وِچ پیا تے کواری مریم توں جمیا ،یوحنا اصطباغی توں بپتسمہ لیا ،جیہڑااِنسانی پیِڑھی دانمائندہ سی اوہ دُنیا دے سارے پاپ چُک کے لے گیا، تے اوہنوں مصلُوب کیتا گیا ۔ اوہ اِک یہودی سی جیہڑا ایمان رکھداسی پئی یسوُع نے سارے لوکاں لئی کیہ کیتا ، اوہنوں شامل کر دے ہویاں ،اوہنوں زمین اُتے اوہدے کماں دی سزادین لئی مصلُوب کیتا گیا سی ۔
یوحنا دے بپتسمہ دے ذریعے پاپاں دا اِقرار کرن والے لوکاں نے اوس ویلے خُدا دی راستی نُوں من لیا جدوں اوہناں نے سُنیا پئی اوہناں دے سارے پاپ یسوُع دے بپتسمہ دے ذریعے اوہدے اُتے لد دِتے جان گے ۔ فیر وی ،جِنھاں لوکاں نے یوحنا دا توبہ دا بپتسمہ نہ لیا اوہناں نے خُدا دی مرضی نُوں رَدّکر دِتا کیوں جے اوہناں نے یسوُع دے بپتسمہ دا،وی، یقین نہ کیتا (لوقا ۷:۲۸۔۳۰)۔
ایہدے توں اُلٹ جیہڑا ڈاکو بچ گیا اوہنے اِقرار کیتا پئی جوکُجھ یسوُع نے کیتا اوہ صحیح تے ٹھیک سی ، جد پئی دُوجے یہودیاں نے اِنج نہ کیتا ۔ اوہ اوہنا ں یہودیاں وِچوں ہو سکداسی جیہڑے ساریاں گلاں سُن چُکے سَن جیہڑیاں اوہناں دے وِچکارپوریاں ہوچُکیاں سَن (لوقا۱:۱)۔او ہ آخر کار آکھ سکداسی پئی یسوُع راستباز تے نبُوّتی مسیِحا سی کیوں جے اوحتمی طورتے صلیب اُتے ایمان رکھن دے ویلے تیک آیا یعنی یسوع نے اپنے بپتسمہ دے راہیں اوہدے سارے پاپ چُک لئے سَن۔ ایسے وجہ توں اوہ مکتی پاسکدا سی ۔ اوہنے پانی تے رُوح دی خوشخبری اُ  تے ایمان رکھن دے ذریعے وی مکتی پائی ۔ کیوں جے خُدا سچا اے ، تے اوہ اوہناں نُوں وی راست ٹھہراندااے جیہڑے اوہدی حیاتی دی رُوح دی شریعت دے مطابق یسوُع دے بپتسمہ تے صلیب اُتے ایمان رکھدے نیں۔