کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
مضمون 11: خیمۂ اِجتماع
[11-26] خیمۂ اِجتماع لئی ورتے جان والے چاندی دیاں خانیاں دا رُوحانی مطلب <خروج ۲۶:۱۵-۳۰>
<خروج ۲۶:۱۵-۳۰<
”تے تُوں مسکن لئی کِکر دی لکڑدے تختے بناویں پئی کھلارے جان۔ہر تختےدی لمان دس ہتھ تےچَوڑائی ڈیڑھ ہتھ ہوئے۔تے ہر تختےوچ دو دو چُولاں ہون جیہڑیاں اِک دُوجی نال مِلیاں ہون۔ مسکن دے سارے تختے اِنج دےای بناویں۔تےمسکن لئی جیہڑے تختے تُوں بنائیں گا اوہناں وِچوں ویہہ تختے جنُوبی پاسےلئی ہون۔تے ایہناں ویہاں تختیاں ہیٹھاں چاندی دے چالی خانے بناویں یعنی ہر اِک تختے دے ہیٹھاں اوہدیاں دوآں چُولوں لئی دو دو خانے۔تےمسکن دے دوجے پاسے یعنی شِمالی پاسے لئی ویہہ تختے ہون۔تے اوہناں لئی وی چاندی دے چالی ای خانے ہون یعنی اِک اِک تختے ہیٹھاں دو دو خانے۔تےمسکن دے پِچھلے حِصّے لئی لہندے پاسے وچ چھے تختے بناویں۔تے اوسے پِچھلے حِصّےوِچ مسکن دیاں نکراں لئی دو تختے بناویں۔ایہہ ہیٹھوں دوہرے ہون تے ایسے طرح اُتلے سِرے تیکر آ کے اِک حِصّےوِچ مِلائے جان۔ دونویں تختے ایسےطریقےدے ہون۔ ایہہ تختے دوآں نکراں لئی ہون گے۔سو اٹھ تختے تے چاندی دے سولاں خانے ہون گے یعنی اِک اِک تختے لئی دو دو خانے۔تے تُوں کِکر دی لکڑدے بینڈے بناویں۔ پنج بینڈے مسکن دے اِک حصّے دیاں تختیاں لئی۔تے پنج بینڈے مسکن دے دُوجے حِصّےدیاں تختیاں لئی تےپنج بینڈے مسکن دے پِچھلے حِصّے یعنی لہندے پاسےدیاں تختیاں لئی۔تے وِچکارلا بینڈا جیہڑا تختیاں دے وِچ ہوئے اوہ تنبُودی اِک حد توں دُوجی حد تیکر اَپڑے۔تے تُوں تختیاں نُوں سونے نال مَڑھیں تےبینڈیاں دے گھراں لئی سونے دے کڑے بناویں تے بینڈیاں نُوں وی سونے نال مَڑھیں۔تے تُوں مسکن نُوں اوسے نمُونے مُطابِق بناویں جیہڑا پہاڑ اُتے تینوں وکھایا گیا اے۔“
خیمۂ اِجتماع دے تختے جتھے خُدا رہندا سی سارے سونے نال مَڑھے ہوئے سن ۔ خیمۂ اِجتماع دے ہر تختے نوں سِدھا کھلارن لئی ، خُدا نے موسیٰ نوں آکھیا پئی چاندی دے دو خانے بناوے ۔ ہر تختے دے ہیٹھاں چاندی دے دو خانے بناؤن دا رُوحانی مطلب کُجھ ایہہ ہیگا اے۔ پاک کلام وچ ، سونے دا مطلب اوہ ایمان اے جیہڑا ویلے دے نال نئیں بدلدا ۔ پئی چاندی دے ایہہ خانے ایس سونے نال مَڑھیاں ہویاں تختیاں دے ہیٹھاں رکھے گئے سن،ایہدا مطلب ایہہ ہیگا اے پئی خُدا نے سانوں دو انعام دِتے نیں جیہڑے ساڈی مکتی دی ضمانت نیں ۔ دوجیاں اکھراں وچ ، ایہدا مطلب ہیگا اے پئی یِسُوعؔ نے بپتسمہ لے کے تے اپنا لہو وگا کے پاپ تو ں ساڈی مکتی نوں پورا کیتا ۔
ساڈے لئی کھرے سونے وانگر ایس ایمان نوں پاؤن لئی کیہ بالکل لازمی اے جیہڑا سانوں خُدا دے لوک بنن تے اوہدی بادشاہی دا حصہ بنن دے لائق بناؤندا اوہ ایمان اے جیہڑا یِسُوعؔ دے بپتسمے تے سولی دے اوس لہو اُتے یقین رکھدا اے ۔ پانی تےرُوح دی خوشخبری جیہڑی خُدا نے سانوں ساڈیاں ساریاں پاپاں نوں مکاؤن لئی دتی اے ایمان دا انعام اے جیہڑا ساڈے لئی بوہت ضروری اے ۔ ایس لئی پئی اسی ہر دن پاپ کرن تے دوزخ دے حقدار بنن توں بچ نئیں سکدے ، اسی اپنیاں ہمتاں ، زوریا مرضی نا ل اپنیاں پاپاں نوں غائب نئیں کرسکدے ۔
اپنیاں ساریاں پاپاں نوں مکاؤن لئی ، اپنےزور اُتے بھروسہ کرن دے بجائے ، سانوں صرف پانی تےرُوح دی خوشخبری اُتے ایمان رکھنا چاہی دا اے ، تےفیر ای اسی اپنے پاپاں توں بچ سکدے آں ۔ ساڈے لئی شکر گزاری اُتے بھروسہ کرنا جائز اے پئی خُداوند سانوں پانی تے رُوح دی خوشخبری سچیائی دے راہیں مکتی دا انعام دے چُکیا اے ۔ جد اسی خوشخبری دیاں ایہناں دو شیواں نال بنے مکتی دے انعام اُتے ایمان رکھدے آں ، تاں ساڈے ایس ایمان نوں ویکھ کے ، خُدا سانوں اپنے کامل لوک بناؤندا اے ۔ ایس لئی ، جے تہاڈے دل وچ ہُن وی کوئی پاپ اے، تاں تہانوں پانی تے رُوح دی خوشخبری اُتے ایمان لیا کے کامل طریقے نال مکتی پاؤنی چاہی دی اے جیہڑی خُدا سانوں بچاؤن لئی اپنے انعام وانگر دے چُکیا اے ۔
ایس جگ وچ رہن والے بوہت سارے لوک خُدا دے اپنے لوک بننا چاؤہندے نیں ۔خُدا دے لوک بنن لئی ، سانوں پہلوں اپنے وچوں خُدا دے کلام دا چانن چمکاؤنا چاہی دا اے تے ایہدے مطابق اپنے آپ نوں پرکھنا چاہی دا اے ۔ فیر ، اسی ویکھاں گے پئی اسی سارے پاپی آں جنہاں کول احتجاج کرن لئی کُجھ نئیں ہیگا بھاویں سانوں اپنیاں پاپاں دی سزا کیوں نا دِتی جائے ۔ اسی اوہ آں جیہڑے ہردن شریعت دے خلاف پاپ کردے آں۔ساڈیاں اصل زندگیاں ایہو جیہاں نیں پئی اسی اپنے آپ نوں ناراستی تے پاپ وچ پھسائیوں بِنا نئیں رہ سکدے ، تے اپنی سزا نوں اُڈیکدے پئے آں ۔ ایہہ ویکھدیاں ہویاں ، اسی خُدا دے اپنے لوک کویں بن سکدے آں ؟ ایس طرح اسی مکتی دے دو انعام پاؤن دی لوڑ نوں محسوس کردے آں جیہڑے خُدانے سانوں اوہدے اپنے لوک بنن لئی دِتے نیں ۔
ساڈے لئی ، خُداوند اوہ مکتی داتا اے جہنے اسمانی، ارغوانی تےلال رنگ دے دھاگےتےمہین وٹے ہوئے کتان نال ساڈیاں ساریاں پاپاں نوں مکا دِتااے۔ بپتسمہ جیہڑا یِسُوعؔ مسیح نے یوحنا بپتسمہ دین والے کولوں لیا سی تے لہو جیہڑا اوہنے سولی اُتے وگایا سی سانوں ساڈیاں ساریاں پاپاں توں کامل طریقے نال بچا چُکے نیں ۔ ایہہ دوویں شیواں ساڈی مکتی لئی لازمی نیں ۔ ایس لئی ، ایس سچیائی اُتے ایمان رکھیوں بِنا کوئی وی بندہ خُدا دا بندہ نئیں بن سکدا ۔
مکتی دیاں ایہناں دوآں انعاماں دے راہیں جیہڑے خُدانے سانوں دِتے نیں ، اسی ٹھیک طریقے نال اوہدے لوک بن سکدے آں ۔ پئی اسی خُدادے نیانے بن گئے آں ایہدا ساڈیاں چنگیاں کماں نال بالکل کوئی تعلق نئیں ہیگا ۔ پئی اسی اپنیاں ساریاں پاپاں تے پاپ دی ساری سزا توں مکتی تے چھٹکارہ پا چُکے آں، یِسُوعؔ دے بپتسمے تے لہو وگاؤن دیا ں کماں دے راہیں مکمل طور اُتے ممکن اے ۔ دوجیاں اکھراں وچ،پانی تے رُوح دی خوشخبری اُتے ایمان رکھ کے ای اسی خُدا دے نیانے بن گئے آں ۔ ساڈا ایمان جیہڑا کھرے سونے وانگر اے خُدا دیاں ایہناں انعاماں نوں پا کے بن گیا اے ۔
خیمۂ اِجتماع بناؤن وچ ، خُدا نے ایہدے ہر تختے دے ہیٹھاں چاندی دے دو خانے بنائے ۔ایہہ سچیائی سانوں دسدی اے پئی یِسُوعؔ مسیح ایس زمین اُتے آیا ، یوحنا بپتسمہ دین والے دے راہیں یردن دے دریا وچ بپتسمہ لے کے ساریاں لوکاں دیاں ساریاں پاپاں نوں اپنے اُتے لے لیا ، تے ایہناں پاپاں نوں سولی اُتے لے جا کے تے ایس اُتے مر کے پاپ دی سزا نوں جریا ۔ بپتسمہ جیہڑا یِسُوعؔ نے لیا تے لہو جیہڑا اوہنے سولی اُتے وگایا اوہ پاپاں دی یقینی معافی دے انعام نیں ۔
تُسی تے مَیں جیہڑے ایس زمانے وچ رہندے پئے آں سانوں لازمی اپنی پاپی زندگی نوں جاننا چاہی دا اے ۔ تے جیہڑے لوک اپنے آپ نوں خُدادے اگے جان دے نیں اوہناں نوں ایہہ سمجھنا چاہی دا اے پئی تاں جو خُداوند سچ مُچ ایس زمین اُتے آیا ، یوحنا بپتسمہ دین والے کولوں بپتسمہ لے کے اوہناں دیاں پاپاں نوں اپنے اُتے چُک لیا ، تے سولی اُتے مرگیا ، اوہ اوہنا ں نوں اوہناں دیاں ساریاں پاپاں تے سزا توں بچا چُکیا اے ۔ جد اسی مکتی دے انعام اُتے ایمان رکھدے آں تے ایس طرح اپنیاں پاپاں دی معافی پاؤندے آں ، تاں اسی اوہدے اگے خُدا دے اپنے نیانے بن جاندے آں ۔ ایہہ ایس لئی ہیگا اے پئی خُداوند سانوں اپنے بپتسمے تے صلیبی لہو نال بچا چُکیا اے پئی اسی پاپ توں مکتی پا چُکے آں؛ جے اوہنے اِنج نا کیتا ہوندا، تاں اسی کدی وی اپنے آپ نوں اپنے طریقے نال پاپ توں کامل طریقے نال چھڈا نئیں سکدےساں ۔ ایس لئی اسی بچ نئیں سکدے سگوں ایس گل اُتے ایمان رکھدے تے اقرار کردے آں پئی ایہہ سو فیصد خُدا دے فضل نال اے پئی تُسی تےمَیں خُدا دے لوک تے راستباز بن گئے آں ۔
خیمۂ اِجتماع دیاں تختیاں لئی چاندی دے خانے سانوں وکھاؤندے نیں پئی ساڈیاں پاپاں دی معافی ساری دی ساری خدا دا انعام اے جیہڑااسمانی، ارغوانی تےلال رنگ دے دھاگے دے راہیں پورا ہوندا اے ۔ ایس لئی پئی خُدا سانوں اسمانی، ارغوانی تےلال رنگ دے دھاگے دےنال مکتی دا فضل دے چُکیا اے پئی اسی ایمان دے راہیں سارے دے سارے مکتی پا سکدے آں ۔ صرف اوہو ای لوک جیہڑے رُوح دے غریب نیں، جیہڑےایہہ من دے نیں پئی اوہ اپنیاں پاپاں لئی دوزخ دے حقدار ہون توں بچ نئیں سکدے ، اسمانی، ارغوانی تےلال رنگ دے دھاگے دے راہیں خُدا دی دتی گئی مکتی پاؤن دے حقدار نیں ۔ صرف اوہوای لوک جیہڑے اپنے آپ توں دُکھی ہوندے تے روندے نیں، پئی اوہناں دا نصیب دوزخ وچ اے ،خُدا ولوں دِتی گئی مکتی دا انعام پاؤن دے حقدار نیں ۔ اوہ لوک جیہڑےاسمانی، ارغوانی تےلال رنگ دے دھاگےتےمہین وٹے ہوئے کتان، پانی تے رُوح دی خوشخبری،جیہڑی خُدا باپ نے یِسُوعؔ مسیح دے راہیں دتی اے ، وچ ظاہر ہون والی سچیائی اُتے ایمان رکھدے نیں ، خُدا دے نیانے بنن لئی اپنیاں ساریاں پاپاں توں مکتی پا سکدے نیں ۔صرف اوہو ای لوک جیہڑے خُداوند ولوں دتی گئی مکتی دا انعام پاؤندے نیں خُدا دیاں ساریاں نعمتاں دا سواد لین دے لائق نیں ۔ ایہہ اِک گُن اے جیہڑا صرف اوہناں لوکاں نوں مل سکدا اے جنہاں نوں پتہ اے پئی اوہ اپنیاں پاپاں دے سببوں دوزخ وچ پھسے ہوئے نیں تے خُدا اگے اوہدی رحمت دی مِنت کردے نیں ۔ سچ مُچ اِنج ای اے ۔
ایہہ پئی اسی اپنیاں ساریاں پاپاں توں بچائے گئے مکتی دے انعام دے سبب اے جیہڑا خُدا نے سانوں دتا سی۔ ایہو ای سبب ہیگا اے پئی افسیوں ۲:۸فرماؤندااے، ’’ کیوں جوتُہانوں اِیمان دی راہیں فضل نال ای نجات مِلی اے ۔“ ایہہ پئی اسی خُدا دے نیانے بن گئے آں ایہدا سبب ایہہ وی اے پئی اسی مکتی دے ایس انعام اُتے بھروسہ کیتا اے ۔ ایہنوں ویکھدیاں ہویاں ، ساڈے لئی فخر کرن لئی کیہ اے ؟ فخر کرن توں بوہت دُریڈے ، اسی بچ نئیں سکدے سگوں صرف خُدا دی بھگتی کر سکدے آں ، ایہہ اقرار کردیاں ہویاں پئی ایہہ اسی نئیں سگوں خُدا اے جنہے سانوں بچایااے ۔
سچ آکھاں تاں ، اسی اپنیاں ساریاں پاپاں توں کد ی نئیں بچ سکدے ساں ، جے خُدا نے سانوں اسمانی، ارغوانی تےلال رنگ دے دھاگےتےمہین وٹے ہوئے کتان نا ل نا بچایا ہوندا ۔اسمانی، ارغوانی تےلال رنگ دے دھاگےتےمہین وٹے ہوئے کتان وچ موجود سچیائی پانی تے رُوح دی خوشخبری دی طاقت نال بنی اے ۔ ایہہ مکتی دی سچیائی نوں ظاہرکردا اے پئی یِسُوعؔ مسیح ایس زمین اُتے پیدا ہویا،یوحنا دے راہیں یردن دے دریا اُتے بپتسمہ لے کے ساریاں لوکاں دے ساریاں پاپاں نوں سدا لئی چُک لیا (متی ۳:۱۳-۱۷)، سولی اُتے مر گیا ، تے فیر مویاں وچوں جیوں پیا ۔ ایس لئی پئی جیہڑے فضل نال خُدا نے سانوں بچایا اے اوہ کامل اے ، ایہہ سانوں ، جیہڑے بدن وچ ادھورے تے پاپ نال بھرے ہوئے ، ایما ن نال کامل کرن ، سانوں خُدا دی بادشاہی دیاں ستوناں وانگر کھلارن ، تے سانوں اپنی بادشاہی دے لوک بناؤن لئی بوہت اے ۔
کیہ تہانوں حالے تیکر نئیں پتہ پئی تُسی کون او بھاویں تُسی یِسُوعؔ اُتے ایمان رکھدے او؟
اَج کل سو طرح دے ٹی وی چینلز ، کیبل یا سیٹلائٹ ٹی وی توں ویکھن لئی ہیگے نیں ۔ سارا دن ۲۴ گھنٹے چلن والے ایہہ چینلزاپنے خاص پروگرام چلاؤندے نیں تے ویکھن والیاں نوں ہر ویلے اپنے دھیانے لاؤندے نیں ۔ ایہناں چینلاں وچ ، سب توں بوہتے پیسے دھیلے کماؤن والے کامیاب خاص چینل، سب توں ودھ کے ، ننگے لوک وکھاؤن والے چینل نیں ۔ ایہو جیہے بوہت سارے گندے چینل نیں جتھے ہر طرح دیاں گندیاں شیواں صرف چینلاں نوں بدل کے ویکھن لئی ہیگیاں نیں ۔ نتیجے طور اُتے ، ایس عمر دے بوہت سارے لوک اپنے آپ وچ ایس طرح دیاں گندیاں فلماں نال سواد لیندے نیں ۔ ایس توں وی بھیڑی گل ایہہ ہیگی اے پئی ایہو جیہے لوک ہُن اپنیاں گندیاں حرکتاں نوں پاپ نئیں سمجھدے ۔
پر ، پاک کلام سانوں دسدا اے پئی حرامکاری، زنا کاری تےشہوت پرستی، جیہڑی ہر بندے دے اندروں نکلدی اے ، واضح طریقے نال پاپ نیں (مرقس ۷:۲۱-۲۳)۔فیر کیہ اسی سارے پاپاں نال بھرے نئیں ہیگے؟ خُدا نے بوہت وار آکھیا پئی ساڈے اندر جیہڑے خاص کم نیں اوہ پاپ نیں ، پئی پاپ دی مزدُوری موت اے ، تے ایہہ پاپ موت نوں جم دا اے جد ایہہ سارے دا سارا ودھ جاندا اے۔ پر کیہ اسی سچ مُچ ایہہ من دے آں ؟ ایہہ کِنج دا اے ؟ کیہ اسی اپنیاں اکھیاں بند کر کے تے کن کنج کے پاپ دیاں ایہناں نتیجیاں توں بچ سکدے آں جیہڑے ساڈے اندر نیں ؟ اسی بچ نئیں سکدے سگوں اپنیاں دلاں تے خیالاں دیاں سوچاں نال ہر طرح دے پاپ کردے آں۔ ایس گل نال کوئی فرق نئیں پیندا پئی اسی اپنے آپ نوں کِناں ا ی دسیے پئی سانوں ایہو جیہاں پاپاں توں وکھ رہنا چاہی دا، تے ایس توں کوئی فرق نئیں پیندا پئی اسی اِنج کرن دی کنی ای چوکھی ہمت کرئیے ، اوہ ساریاں بیکار نیں ۔ اصل وچ ، ساڈا بدن ایہو جیہا اے پئی نا صرف اسی کدی وی کامل پاک لوک نئیں بن سکدے جیہڑے بدنی پاپ نئیں کردے ، سگوں اسی اصل وچ پاپ نال دل لاؤندے آں تے ایس توں وکھ ہون دی تمنا نئیں کردے ۔لوکاں دا بدن تے دل اوہناں شیواں توں سدا وکھ رہندے نیں جیہڑیاں پاک نیں ، تے ایہہ سچ ہیگا اے پئی اوہ نا صرف پاپ دے نیڑے ہونا چاؤہندے نیں ، سگوں اوہ ایس توں وی وڈے پاپ کرنا چاؤہندے نیں ۔
ساڈے وچوں ہر کوئی پاپ تے بدکاریاں دا اِک ڈھیر اے ۔ ایس لئی اسی اپنے آپ وچ ڈِگدے رہندے آں ۔ اسی جیہڑی گندی شے ویکھی ہوئے گی اوہ لمے چر تیکر ساڈیاں یاداں وچ سڑ کے رہ جاندی اے، تے بوہت چر باقی رہن والیاں گلاں ساڈیاں دلاں نوں پریشان کر دیندیاں نیں ۔ ایہدا سبب ایہہ ہیگا اے پئی ہر بندے دا دل اپنے آپ وچ پاپ دے ڈھیر توں بوہتا کُجھ نئیں ہیگا۔ سو، سانوں لازمی ایمانداری نال خُدا دے اگے اپنے اندر دیاں ایہو جیہیاں کرتُوتاں نوں پاپ دے ڈھیر وانگر مننا چاہی دااے ۔ تے ایہہ ساڈے لئی سیانف اے پئی اسی منئے پئی اسی خُدا دی جائز سزا دے راہیں دوزخ دے حقدار آں تے اوہدے اگے اپنی مکتی لئی مِنت کرئیے ۔ کیہ نپولین بوناپارٹ نے ایہہ نئیں آکھیا سی پئی ”ناممکن اوہ اکھر اےجیہڑا صرف کملیاں دی کتاب وچ ہوندا اے؟“ بوہت سارے مسیحی اپنی دلی راستبازی دا وکھالا کرن دی ہمت کردے پئے نیں، جویں اوہ اپنے لئی پاپ کرن توں بالکل بچ سکدے نیں ۔ پرایہہ خُدا دے اگے اِک بوہت وڈا چیلنج کھلارن دے برابراے ۔ ایہو جیہا بدل جان ولا ایمان اوہناں نوں بدکارلوکاں وانگر پھسا دیندا اےجیہڑے خُدا دی راستبازی پاؤن توں مکر دے نیں تے مکتی دی محبت نوں وی رَدّ کردے نیں جیہڑی اوہنے سانوں دِتی اے ۔
کیہ تُسی اپنے آپ نوں چنگا سمجھدے او ؟ کیہ تُسی اپنے طریقے نال سوچدے او پئی تہاڈے کول انصاف دا اِک پکا احساس اے جیہڑا کسے وی حال وچ تے کسے وی شکل وچ کسے وی طرح نا انصافی نوں جر نئیں سکدا ؟ کیہ تہانوں لگدا اے پئی تُسی خُدا دے اگے کسے نا کسے طرح راستباز او ، صرف ایس سببوں پئی تُسی ہر دن خُدا دیاں حکماں نوں اپنے دل وچ رکھدے او تے اپنیاں زندگیاں وچ ایہناں نوں منن تے ایہناں اُتے عمل کرن دی ہمت کردے او؟ جے کسے نوں خُدا دی دِتی ہوئی مکتی دے انعام تے فضل دا پتہ نا ہوئے تے اوہ صرف بھلیائی دے کم کرن دی ہمت کردا اے بھاویں اوہدا دل پاپ نال بھریارہندا اے تاں اوہ جو کُجھ کر دا پیا اے اوہ صرف گندیاں بندیا ں دی راستبازی نال راستبازی دا وکھالا اے ۔ ایہو جیہاں لوکاں دی بھلیائی اوہناں نوں ایس لائق نئیں بنا سکدی پئی اوہ خُدا دے گھر دے ستون بن سکن، تے اوہ صرف پاپ دا اِک گندا ڈھیرنیں ۔
مشرقی ایشائی مُلکاں وچ ، بوہت سارے لوک جمن ویلے توں کنفیوشس دیاں تعلیماں سِکھدے نیں ، تے ایس لئی اوہ ایہناں تعلیماں اُتے عمل کرن دی بوہت سخت ہمت کردے نیں ۔ دوجے پاسے مغرب وچ ، کیتھولک مشن یا پروٹسٹنٹ مشن نے اپنے دینی منظر نامے اُتے غلبہ پایا ہویا اے ،تے بوہت ساریاں مغربی لوکاں نیں خُدا دی شریعت نوں قیم رکھن دی بوہت ہمت کیتی اے ۔ پر ایس گل توں ہٹ کے پئی اوہ کِدھروں نکلدے نیں ، بھاویں چڑھدیوں ہون یا لہندیوں، جد اوہ اپنے آپ نوں خُدادے اگے پیش کردے نیں تے اپنیاں اصل مُڈھلیاں زندگیاں توں محروم ہو جاندے نیں ، دوویں اوہ لوک جیہڑے کنفیوشس دیاں تعلیماں دے مطابق زندگی گزارن دی ہمت کردے نیں تے اوہ جیہڑے خُدا دیاں حکماں دے مطابق زندگی گزارنا چاؤہندے نیں ، سارے پاپ دے ڈھیر تے بدکاراں دے نیانے اِکو جیہے نیں ۔ بندے بدکار، غلطیاں بھرے ، پاپاں دے ڈھیر ، مٹی تے گندگی نال بنے نیں ۔ ایتھوں تیکر پئی اوہ نیک لوک وی جنہاں نیں چنگے کم اپنی مشہوری لئی نئیں کیتے سگوں اپنے سچے دلوں کیتے نیں ، تے جیہڑے اپنیاں چنگیاں کماں دی تعریف کراؤن لئی اصل وچ بے چین نیں ، اوہ وی ایس سچیائی توں نئیں بچ سکدے پئی جد اوہناں دی اپنی زندگی خُدا دے اگے ظاہر ہوجاندی اے ، تاں اوہ پاپاں دےڈھیر تے بدکاراں دے نیانے نیں ۔ ایس لئی پئی بندیاں دی راستبازی خُدا اے اگے اِک بوہت وڈی بُریائی اے ، لوک پاپ دی سزا توں اوس ویلے تیکر بچ نئیں سکدے جد تیکر پئی اوہ اپنی سزا نوں من نئیں لیندےتےپانی تے رُوح دی خوشخبری، یعنی ، خُدا دی محبت نوں قبول نئیں کردے ۔ خُدا دے اگے ، ساریاں بندیاں دیاں ہمتاں دا کسے وی نیکی وچ ترجمہ نئیں کیتا جا سکدا تے لوکاں دی مرضی اوہدے اگے صرف گندی اے ۔ لوکاں دی مُڈھلی عادت مٹی ، لکڑتے پِتل دی اے ۔ بندہ لکڑ دی اِک قِسم اے جنہوں خُدا دے گھر دی چوگاٹھ اُتے نئیں چُکیا جا سکدا جد تیکر پئی اوہ اوہناں نوں سونے نال نا مَڑھن ۔ تے خُدا ولوں دتی گئی مکتی دے فضل دے بِنا ، اوہ پِتل توں بوہتے کُجھ نئیں ہیگے جیہڑے بچ نئیں سکدے سگوں اگ دی سزا جردے نیں ۔ جے اسی مکتی دے انعام اُتے ایمان نئیں رکھدے ، پئی یِسُوعؔ مسیح مسیحا نے ہتھاں دے رکھے جان دی شکل وچ بپتسمہ لیا تے مرن تیکر لہو وگایا ، فیر اسی پاپی ای رہواں گے ۔ ایسے طرح، جیہڑے لوک ایہہ نئیں جان دے پئی اوہ خُدا دے اگے بدکار بندے نیں تے جیہڑے مکتی پاؤن لئی خُدا دا انعام نئیں پا چُکے ، اوہ سچ مُچ وچارے نیں ۔
خُدادی راستبازی نوں جانن توں پہلوں ، ساڈی اپنی راستبازی ساڈی زندگی دا معیار سی ۔مَیں وی اِنج ای ساں جد مَیں خُدا ولوں مکتی دے انعام نوں نئیں جان داساں تے جد مَیں سچا ایمان نئیں رکھدا ساں ۔ اصل وچ ، مَیں اپنی کوئی راستبازی نئیں رکھدا ساں ، پر مَیں فیر وی اپنے آپ نوں چنگا سمجھدا ساں ۔ ایس لئی مُنڈا ہون تو لے کے ہُن تیکر کئی واری ایہوجیہے ویلے آئے جد مَیں نا انصافی نوں جر نا سکیا تے اوہناں لوکاں نال لڑ پیا جنہاں نال میرا کوئی مقابلہ نئیں سی ۔ زندگی وچ میرا فلسفہ عدل تے انصاف نال جینا سی ایس لئی پئی مَیں صرف اِکو ای واری جمیا ساں تے صرف اِکو ا ی واری مراں گا ۔ میرے خیال ایہہ سن، ”مَیں ایس طرح دی نکمی زندگی گزارن دی بجائے مرناپسند کراں گا ، سوا کھان دے ہور کُجھ نئیں کرنا۔ جے ایسے دا ناں زندگی اے تاں ایس نال کوئی فرق نئیں پیندا پئی مَیں ہُن مرجاواں یا ہور ۵۰ ورہے جیوندا رہواں ۔ ایس طرح زندگی گزارنا اَکناتے بھیڑا اے ۔ بِنا کسے مقصددے زندگی گزارنا تے زندگی وچ کسے وڈے مقصد توں بِنا کوئی نیکی دا کم کرن توں وکھ رہنا آپ دوزخ اے ۔ اخیریں دوزخ ہور کیہ اے؟ اِک بندے لئی سؤر وانگر زندہ رہنا ، مرن ویلے تیکر صرف اپنے ٹِہڈ نوں کھوانا تے پیاؤنا ، بے قدری دی دوزخ اے ۔“ ایسے طرح ، ایس لئی پئی مَیں خُدا دے اگے اپنے نوں ویکھن وچ ناکام رہیا ساں ، مَیں اپنی راستبازی نال بھریا ہویا ساں ۔ ایس لئی مَیں اپنے آپ نوں دوجیاں توں چنگا سمجھیا تے راستبازی نال زندگی گزارن دی بوہت ہمت کیتی ۔
پر اصل وچ مَیں خُدا دی راستبازی دے اگے صرف پاپاں دےڈھیر توں بوہتا نئیں ساں ۔ مَیں کوئی ایہو جیہا بندہ نئیں ساں جیہڑا شریعت دیاں ۶۱۳ شِقاں وچوں اِک نوں وی قیم رکھ سکدا ساں پئی دس حکماں دی تاں گل ای نا کیتی جائے ۔ سچیائی ایہہ ہیگی اے پئی مَیں ایہناں نوں قیم رکھن دی تمنا کیتی سی ، ایہہ آپ اک پاپ دا کم سی جنہے خُدادے کلام دے خلاف بغاوت کیتی سی جیہڑا اعلان کردا اے ،”تُسی اِک بدکار وجود ہیگے او جیہڑا پاپ کرن توں بچ نئیں سکدا ،جیہڑا خُدادے خلاف کھلونا اے۔“ لوکاں دی ساری راستبازی خُدا دے اگے صرف پاپ ای ثابت ہوندی اے ۔ سچ تاں ایہہ ہیگا اے پئی بندہ صرف سوکھا جیہا راستباز نئیں بن سکدا ۔ اصل وچ ، ایہہ اَج دا زمانہ اخیری زمانہ اے ۔ جیہدی جھوک بربادی تے بھیڑیاں کرتوتاں تے پاپاں دی بُکل وچ اے ۔ ایہدا مطلب ایہہ ہیگا اے پئی ساڈا بدن ہر ویلے ایہو جیہے بے حیائی تے گندیاں پاپاں دے جال وچ رہندا اے ، تے ایہہ پئی اسی اصل وچ اپنیاں زندگیاں وچ ایہہ پاپ کردے رہندے آں ۔ اصل وچ ، ساڈے بدن ایہناں نادسی جان والی حد تیکر گندیاں پاپاں ول سدا گھسیٹے جاندے نیں، تےا یہناں وچ کدی کوئی بھلیائی نئیں ہوندی ۔
اسی ناراست تے پاپ نال بھرے ہوئے ساں ، پر ہُن خُداوند سانوں پانی تے رُوح دی خوشخبری نال ساڈیاں ساریاں پاپاں توں بچا کے اپنے لوک بنا چُکیاا ے
اسی سارے پاپی ساں ، پر مکتی دے انعام دے راہیں ، خُداوند ساڈے جیہیاں لوکاں نوں ساریاں پاپاں توں بچا چُکیا اے۔ پا ک تھاں، خُدا دے گھر دے تختے ،ہرکسے دی اُچیائی ۵.۴ میٹرتےچوڑائی ۶۷۵ملی میٹرسی ، سونے نال مَڑھے ہوئے سن تے پاک تھاں دیاں کندھاں وانگر چُکے گئے سن ۔ ہر تختے دے ہیٹھاں چاندی دے دو خانے بنائے گئے سن ۔ ایہہ چاندی دے خانے ایتھے ظاہر کردے نئیں پئی خُدا نے تہانوں تے مینوں کامل طریقے نال آپ ای بچایا اے ۔
سچ تاں ایہہ ہیگا اے پئی خُدا نے اپنی محبت نال سانوں بچایا اے ۔ ایس محبت وچ ، یِسُوعؔ مسیح ایس زمین اُتے آیا تے ساڈیاں ساریاں پاپاں نوں چُکن لئی بپتسمہ لیا ، سولی اُتے مر کےساڈیاں پاپاں دی سزا نوں جریا ، ایس طرح ،اوہنے سانوں جگ دیاں ساریاں پاپاں تے ساریاں لعنتاں توں بچایا ۔ مکتی دے انعام اُتے ایمان رکھ کے جیہڑا اوہنے سانوں دتا اے ،اسی نویں سریوں جمے آں ۔ مکتی دا ایہہ خُداوند دا دتا ہویا انعام سونے وانگر سدا رہن والا اے ، تے ایسے لئی ایہہ سدا لئی بِنا بدلن والا اے ۔
خُداوند نے سانوں جیہڑی مکتی دتی اے اوہ یِسُوعؔ دے بپتسمے تے لہو نال بنی اے، تے ایہنے ساڈیاں ساریاں پاپاں نوں کامل طریقے نال تے ودھیا طریقے نال مکا دتا اے ۔ایہہ ایس لئی اے پئی خُداوند سانوں ساڈیاں ساریاں پاپاں توں بچاچُکیا اے پئی تُسی تے مَیں ایہناں ساریاں پاپاں توں کامل طریقے نال مکتی پا سکدے ساں جیہڑے اسی اپنے دماغ ، اپنیاں خیالاں تے اپنیاں چنگیاں کماں نال کیتے نیں تے کراں گے ۔ مکتی دے انعام اُتے ایمان رکھ کے جیہڑا خُدا نے ساڈیاں دلاں وچ سانوں دِتا اے ، اسی اوہدے مہنگے پاک لوک بن گئے آں۔ خیمۂ اِجتماع دیاں تختیاں دے راہیں ، جیہڑے ایہدے ستون تے کندھاں دوویں سن ، خُدا سانوں پانی تے رُو ح دی مکتی دے بارے دسدا پیا اے ۔ تے تختیاں دے چاندی دیاں خانیاں دے راہیں ،خُدا سانوں دسدا پیا اے پئی ایہہ سو فیصد اوہدا فضل تے انعام اے پئی اسی اوہدے نیانے بن گئے آں ۔
جے اسی یِسُوعؔ دے بپتسمے تے لہو اُتوں اپنا ایمان ہٹا لیِئے ، تاں ساڈے وچ کُجھ وی باقی نئیں رہندا ۔ اسی سارے ایہو جیہے بندے ساں جیہڑے پاپ لئی سزا دے حقدار ساں ۔ اسی صرف فنا ہون والے ساں جیہڑے خُدا دی شریعت مطابق ساڈی لازمی موتاں توں پہلوں کمبن دے حقدار ساں جیہڑی اعلان کردی اے پئی پاپ دی مزدوری موت اے ؛ تے سانوں ساڈی اُڈیکدی اَگ دی جائز سزا دا احساس کرناتے رونا سی ۔ ایس لئی جے اسی پانی تے رُوح دی خوشخبری اُتے ایمان رکھنا چھڈ دئیے تاں اسی کُجھ وی نئیں ہیگے ۔ ہُن اِک ایہو جیہے زمانے وچ رہندیاں ہویاں جیہڑا پاپ نال بھریا ہویا اے ، سانوں ایہہ کدی نئیں بھُلنا چاہی دا پئی ساڈا نصیب صرف اَگ دی سزا نوں اُڈیکنا سی ۔ ایہہ اوہو ای جیہڑے اسی سچ مُچ ساں ، تے فیر وی ساڈے اُتے کامل طریقے نال فضل کیتا گیا ایس لئی پئی خُدا نے سانوں پانی تے رُوح دی مکتی دتی اے ۔ مسیحا ایس زمین اُتے آیا ، یوحنا بپتسمہ دین والے کولوں بپتسمہ لیا ، اپنا لہو وگایا تے سولی اُتے مر گیا ، فیر مویاں وچوں جیوں پیا ، تے اِنج اوہنے سانوں ساڈیاں ساریاں پاپاں ، ساڈی ساری بدکاری تے ساڈی ساری سزا توں بچایا ۔ پانی تے رُوح دی ایس کامل خوشخبری اُتے ایمان رکھ کے ، ہُن اسی اپنیاں ساریاں پاپاں توں مکتی پاچُکے آں ، تے اسی صرف اپنے ایمان نال خُدا دا شکر ادا کر سکدے آں ۔
بھاویں اسی بدن طوراُتے ادھورےآں ، ساڈے کم کرن والے تے نال رَل کے کم کرن والے ، خادم ، تے مَیں پانی تے رُوح دی ایس خوشخبری دی سارے جگ وچ منادی کردے پئے آں ۔ بھاویں ایہہ زمانہ ایناں لتاڑیا ہویا اے، ایس لئی پئی اسی پانی تے رُوح دی خوشخبری اُتے ایمان رکھدے آں ، اسی کسے وی بدکاری تو ں پاک ، خاص کر کے خُداوند دی خدمت کرن دے لائق ہو گئے آں ۔ پئی سانوں ایہہ دِل مِلیا اے ایہہ ساڈی اپنی مرضی نال نئیں ہیگا سگوں ایس لئی ہیگا اے پئی خُداوندنے سانوں اپنے فضل نال مکتی دا بانا پوا کےپاکیزگی دتی اے ۔ ایہہ ایس لئی اے پئی خُداوند نے سانوں پاپ تے سزا توں کامل طریقے نال بچا یا اے پئی اسی ایس مکتی دی طاقت دا بانا پایا ہویا اے ، تے ایہہ سارے دا سارا ایہدے سببوں اے پئی اسی خاص کر کے خُداوند دی خدمت کرن دے لائق ہو گئے آں ۔ ایس لئی پئی خُداوند نے سانوں پانی تے رُوح نال ساڈیاں ساریاں پاپاں توں بچایا اے، میرا یقین اے پئی اسی اپنیاں کمیاں دے ہوندیاں ہویاں اوہدی خدمت کر سکدے آں ، اسی ہُن اپنے پاپاں ، کمیاں تے سزاواں دے حقدار نئیں آں ۔
سچ مُچ اسی سارے جگ وچ خوشخبری دی منادی نئیں کر سکدے ساں ، جے ایہہ ساڈے خُداونددا فضل نا ہوندا۔ پانی تے رُوح دی خوشخبری نوں سارے جگ وچ ودھاؤنا تے ایس خوشخبری دی خاص کر کے خدمت کرناخُداوند دے فضل دے علاوہ بالکل ہو نئیں سکدا سی ۔ ایہہ ۱۰۰ فیصد خُدا دی مکتی دے فضل نال اے پئی تُسی تے مَیں ایس سچی خوشخبری دی راکھی تے خدمت کردیاں ہویاں ایمان دیاں زندگیاں گزارن دے لائق ہوئے آں ۔ اسی ایمان دے راہیں خُدا دی بادشاہی دے ستون تے ایس بادشاہی دے لوک بن گئے آں ۔ ایس لئی پئی خُداوند نے سانوں سونے ورگا ایمان دتا اے ، ہُن اسی خُدا دے گھر وچ رہ سکدے آں ، ایس زمانے وچ جد جگ پاپاں نال کجیا ہویا اے ، ایس زمانے وچ جدلوک پاپ وچ رُڑھ کے ، خُدا نوں بھُل دے پئے آں یا اوہدی بے عزتی کردے پئے آں ، اسی سُتھرے پانی نا ل دُھل گئے آں تے صاف ہوگئے آں ، تے ایہدے نتیجے وچ اسی سُتھرا پانی پین تے رُوح دی پاکیزگی نال خُداوند دی خدمت کرن دے لائق ہو گئے آں ۔ سو، اکھر بول نئیں سکدے پئی مَیں ایس نعمت لئی کِناں سچے دلوں شکر گزار ہاں ۔
ایس لئی لازمی اسی ایمان رکھ کے راستباز بنے۔ اسی راستباز کویں بن سکدے ساں ؟ جد ساڈے وچ کوئی نیکی نئیں ہیگی تاں کویں اسی اپنے آپ نوں راستباز آکھن دے لائق ہوسکدے آں ؟ مَیں تے تُہاڈے ورگے پاپی بندے کویں بے پاپ ہو سکدے نیں ؟ کیہ تُسی اپنے بدن دی راستبازی نال بے پاپ تے راستباز بن سکدے سو؟ بدنی خیال ، تہاڈیاں اپنیاں ہمتاں تے تہاڈے چنگے کم —کیہ ایہناں وچوں کوئی وی تہانوں اِک راستبازبندہ بنا سکدا اےجیہڑا بالکل کوئی پاپ نئیں رکھدا ؟ کیہ تُسی صرف پانی تے رُوح دی خوشخبری اُتے رکھ کے راستبازبن سکدے سو ؟ کیہ تُسی صرف اسمانی، ارغوانی تےلال رنگ دے دھاگےتےمہین وٹے ہوئے کتان وچ ظاہر ہون والی خُدا دی مکتی اُتے اپنے ایمان نال راستباز بن سکدے سو ؟ کیہ تُسی پانی تے رُوح دی خوشخبری دے راہیں اپنی مکتی اُتے ایمان رکھیوں بِنا راستبازبن سکدے سو جیہڑی مسیح دے راہیں پوری ہوئی سی تے خُدا دے کلام وچ نازل ہوئی سی ؟ تُسی کدی اِنج نئیں بن سکدے سو !خاص گل ایہہ ہیگی اے پئی صرف لال رنگ دے دھاگے اُتے ایمان رکھ کے اسی کدی وی راستباز نئیں بن سکدے ۔
تاں جو یِسُوعؔ مسیح، ساڈے مکتی داتا تے مسیحا نے جگ دیاں ساریاں پاپاں نوں موہڈا دِتا ، نال ای ساڈی ساری زندگی دیاں ساریاں پاپاں نوں بپتسمے دے راہیں جیہڑا اوہنے یوحنا بپتسمہ دین والے کولوں لیا تاں پئی ساڈے ولوں ساڈیاں ساریاں پاپاں نوں مکا دیوے ،اسی ایمان نال راستبازبن گئے آں ۔ جویں پُرانے عہد نامے دے قربانی دے پشُو نے پاپ نوں قبول کیتا جد پاپیاں یا وڈے کاہن نے اوہدے سر اُتے اپنے ہتھ رکھے ، نویں عہد نامے دے زمانے وچ ، یِسُوعؔ نے یوحنا بپتسمہ دین والے دے راہیں بپتسمہ لے کے جگ دیاں ساریاں پاپاں نوں اپنے اُتے قبول کیتا ۔ یِسُوعؔ نے اپنے بپتسمے دے راہیں ساڈیاں ساریاں پاپاں نوں چُک لیا (متی ۳ : ۱۵)۔تے یوحنا بپتسمہ دین والے نے اُچی اواز نال ایس خاص واقعے دی گواہی دِتی،”ویکھو خُدا دا برّہ جیہڑا دُنیادا گُناہ چُک لےجاندا اے“(یوحنا ۱:۲۹)۔ اپنا بپتسمہ لین دے بعدوں ، یِسُوعؔ نے اپنی زندگی دے اگلے تِن ورہے ساڈی مکتی لئی گزارے ، ساڈیاں ساریاں پاپاں تےسزاواں دے مُل نوں سولی اُتے چڑھ کےتے اپنے بدن نوں خُدا دے حوالے کر کے اُتار دِتا تے سانوں نویں زندگی دےچُکیا اے ، جویں بھیڈ اپنے وال مُنن والے دے اگے چُپ کر کے رہندی اے ۔
ایس لئی پئی یِسُوعؔ مسیح نے یوحنا بپتسمہ دین والے کولوں مِلن والے بپتسمے دے راہیں ساڈیاں ساریاں پاپاں نوں چُک لیا پئی اوہ چُپ کر کے اپنے آپ نوں حوالے کر سکے تے جد رومی سپاہیاں نیں اوہنوں سولی اُتے چاھڑیا تاں اوہدیاں دوآں ہتھاں تے پیَراں وچ کِل ٹھوکے گئے ۔ سولی اُتے چڑھدیاں ہویاں ، یِسُوعؔ نے اپناسارا لہو وگا دِتا جیہڑا اوہدے دل وچ سی ۔ تے اوہنے ساڈی مکتی لئی اپنی خدمت دے اخیری ویلے نوں سینے لایا تے ، اُچی ساری آکھیا ،’’پوراہویا ‘‘(یوحنا ۱۹:۳۰)ایس طرح مرن دے بعدوں ، اوہ تریجے دیہاڑے فیر مویاں وچوں جیوں پیا، اسمانی بادشاہی اُتے چڑھ گیا ، تے ایس طرح سانوں سدا دی زندگی دے کے ساڈا مکتی داتا بن گیا ۔ یوحنا بپتسمہ دین والے کولوں بپتسمے دے راہیں جگ دیاں پاپاں نوں موہڈے اُتے چُک کے ، تے اپنی سولی اُتوں ، جیوں کے ،تے اسمان اُتے چڑھ کے ، یِسُوعؔ ساڈا کامل مکتی داتا
بن گیا اے ۔
اِکلے سولی والے لہو اُتے ایمان تے ہولی ہولی پاکیزگی دا نظریہ تہانوں تہاڈیاں پاپاں توں بالکل نئیں بچا چُکے
مسیح صرف یِسُوعؔ دے صلیبی لہو اُتے ایمان رکھ کے اپنیاں پاپاں توں سارے دے سارے نئیں بچ سکدے ۔ ایس لئی پئی لوک ہر دن اپنیاں اکھاں تے کماں نال پاپ کردے نیں ، اوہ صرف سولی والے لہو اُتے ایمان رکھ کے اپنے کسے وی پاپ نوں مکا نئیں سکدے ۔ لوکاں دیاں زندگیاں وچ سب توں بوہتیاں ودھیاں ہویاں بدکاریاں وچوں اِک جِنسی بے حیائی اے ۔ جویں پئی واضح تے گندی جنسیت دی ثقافت ایس جگ وچ ودھی ہوئی اے ، ایہہ خاص پاپ ساڈے بدن وچ کھُبیا اے ۔ پاک کلام سانوں زناکاری نا کرن دا حکم دیندا اے ، پر اَج دی سچیائی ایہہ ہیگی اے پئی ساڈے آلے دوالے دے حالاں دے سببوں ، بوہت سارے لوک نا چاؤہندیاں ہویاں وی ایہہ پاپ کردے نیں ۔ خُدا اعلان کردا اے پئی صرف شہوت ودھاؤن والے خیال رکھنا ای زناکاری کرنا اے ، تے فیر وی جو کُجھ ساڈیاں اکھاں ویکھدیاں نیں اوہ سارا کُجھ گندہ اے ۔ ایس لئی لوک ہر منٹ تے ہر سیکنڈ وچ اِنج دے گندے پاپ کردے پئے نیں ۔ جے اِنج اے تاں اوہ توبہ دیاں دعاواں کرکے کویں خُدا دی بادشاہی وچ جان لئی پاک ہو سکدے نیں ؟ اوہ کویں راستباز بن سکدے نیں ؟کیہ اوہناں دے دل راستباز ہو جاندے نیں جد اوہ اپنے آپ نوں لمے چر تیکر کج، گھُٹ کے رکھدے نیں تے کسے طرح پاک ہو جاندے نیں جد اوہ بُڈھے ہو جاندے نیں ؟ کیہ اوہناں دے رویّے صاف ہو سکدے نیں ؟ کیہ اوہ بوہتا صبر کردے نیں ؟ بالکل نئیں ! جیہڑا ہوندا اے ایہدے بالکل اُلٹ ہوندااے ۔
جد لوک بُڈھے ہو جاندے نیں تاں اوہ گرم طبیعت تے بے صبرے ہو جاندے نیں ۔ عمر ودھن نال ہارمونی تبدیلیاں آؤندیاں نیں ، تے ایتھوں تیکر پئی اوہ لوک جیہڑے پہلوں بوہت صبر کرن والے سن، اپنے غصے تے پریشانی نوں گھٹ کرنا اوکھا محسوس کردے نیں۔ تے اوہ دوجیاں دے بارے سوچن توں پہلوں اپنے بارے چھیتی نال سوچدے نیں ۔ جویں جویں اوہناں دے بدنی کم وِگڑدے جاندے نیں ، اپنی راکھی لئی اوہناں دی عادت پکی ہوندی جاندی اے ۔ ایس لئی جد اسی بُڈھے ہوندے جاندے آں تاں اسی بچیاں وانگر ہوندے جاندے آں ۔ جویں پئی گل مشہور ہیگی اے پئی جیہڑا نکے ہوندیاں چونہہ پیَراں اُتے رِڑہدا اے ، جوانی وچ دو پیَراں اُتے کھلوندا اے تے بُڈھے وارے تِناں پیَراں اُتے ٹُردا اے ، بندے توں علاوہ کوئی نئیں ہوندا ، تے ہر کوئی اِنج ای ہوندا اے ۔
مسیحی نظریاں وچ ، ایہہ نظریہ اے جنہوں ”ہولی ہولی پاکیزگی دانظریہ “ آکھیا جاندا اے ۔ ایہہ نظریہ ایہہ دسدا اے پئی جد مسیحی اِک لمے چر تیکر سولی اُتے یِسُوعؔ دی موت اُتے ایمان رکھدے نیں ، ہر دن دی نِیہ اُتے توبہ دیاں دعاواں کردے نیں ، تے ہر دن خُداوند دی خدمت کردے نیں ، تاں اوہ ہولی ہولی پاک ہوندے جاندے نیں ۔ ایہہ دعویٰ کردا اے پئی جِناں بوہتا ویلا لنگھدا اے جدوں توں اسی یِسُوعؔ اُتے ایمان رکھنا شروع کیتا ، اوناں ای بوہتا اسی ایہو جیہے بندے بن جاندے آں جیہدا پاپ نال کوئی میل جول نئیں ہوندا تے جیہدے کم چنگے ہوندے نیں ، تے ایہہ پئی جد موت نیڑے آؤندی اے ، اسی سارے دے سارے پاک بن گئے ہوندے آں تے ایس لئی سارے دے سارے بے پاپ بن جاندے آں ۔ تے ایہہ وی سکھاؤندا اے پئی تاں پئی اسی توبہ دیاں دعاواں ہر ویلے کیتیاں نیں، ایس لئی لازمی اپنیاں پاپاں نوں اسی ہر دن دھو سکدے آں ، جویں پئی ساڈے کپڑے دھوتے جاندے نیں ۔ تے ایس لئی جد اسی اخیری مر جاواں گے تاں اسی خُدا کول ایہو جیہے بندے وانگر جاواں گے جیہڑا سارے دا سارا بن چُکیا ہوندا اے ۔ بوہت سارے مسیحی ایہو جیہے نیں جیہڑے ایس طرح دا ایمان رکھدے نیں ۔ پر ایہہ صرف دلوں بنایا ہویا خیال اے جیہڑا بندیاں دے بنائے خیال وانگر اے ۔
رومیوں ۵:۱۹ فرماؤندااے، ’’ کیوں جو جِویں اِک بندےدےحکم موڑن نال بتھیرے گُناہیں ٹھہرائےگئے۔ ایسے طرح اِک بندےدے حکم منن نال بتھیرے گُناہیں راست باز ٹھہرائےجان گے۔“ایہہ حوالا سانوں دسدا اے پئی اسی سارے اِک بندے دے آکھامنن نال بے پاپ ٹھہرے آں ۔ یِسُوعؔ مسیح نے اوہ پورا کیتا جیہڑا تُسی تے مَیں نئیں کرسکدے ساں جد اوہ آپ ای ایس زمین اُتے آیا ۔ ایہہ جاندیاں ہویاں پئی تُسی تے مَیں اپنے آپ نوں پاپ توں چھڈا نئیں سکدے ساں ، یِسُوعؔ نے ساڈے ولوں ساڈیاں پاپاں نوں معاف کر دِتا ، جیہڑے نا تُسی تے نا ای مَیں کد ی کر سکدے ساں ۔ ایس زمین اُتے آ کے ، بپتسمہ لے کے ، سولی اُتے چڑھ کے ،تے مویاں وچوں جیو ں کے ، اوہ تہانوں تے مینوں بچا چُکیا اے تے سانوں ساڈیاں ساریاں پاپا ں توں سدا لئی پاک کر دِتا ۔
خُداباپ دی مرضی نوں منن نال ، یِسُوعؔ مسیح آپ ای ساڈی مکتی نوں پورا کر سکدا سی ، جنہوں ساڈیاں پاپاں دی معافی وی آکھیا جاندا اے ۔ مسیحا وانگر خُدا دی مرضی نوں من دیاں ہویاں ، یِسُوعؔ مسیح نے اپنے بپتسمے، سولی اُتے موت تے جی اُٹھن نال سانوں مکتی دا فضل دِتا اے ۔ ایس طرح سانوں مکتی دا انعام دے کے ، یِسُوعؔ نے پاپ دی معافی نوں بالکل پورا کیتا ۔ تے ہُن ، ایمان نال اسی ایس مکتی دے فضل دے کپڑے پا چُکے آں، ایس لئی خُداوند نے پاپ توں ساڈی مکتی نوں بالکل پورا کر دتا اے جیہڑی ساڈیاں اپنیاں کماں یا چنگیائیاں نال کدی پوری نئیں ہو سکدی سی ۔
بوہت سارے لوک ایس بپتسمے اُتے ایمان نئیں رکھدے جیہڑا یِسُوعؔ نے لیا سی ، سگوں ایہدی بجائے صرف اوہدے لہو اُتے ایمان رکھدے نیں جیہڑا اوہنے سولی اُتے وگایا سی تے اپنیاں چنگیاں کماں نال پاک بنن دی کوشش کردے نیں ۔ دوجیاں اکھراں وچ ، جویں پئی یِسُوعؔ نے ساریاں لوکاں دیاں ساریاں پاپاں نوں چُک لیا جد اوہنے یوحنا بپتسمہ دین والے کولوں بپتسمہ لیا سی، لوک حالی وی ایس سچائی اُتے ایمان نئیں رکھدے ۔ متی باب ۳ سانوں دسدا اے پئی سب توں پہلاکم جیہڑا یِسُوعؔ نے اپنی عوامی زندگی وچ کیتا اوہ یوحنا بپتسمہ دین والے دےراہیں بپتسمہ لینا سی ۔ ایہہ اوہ نا رَدّ کیتے جان دے لائق سچیائی اے جیہدی چونہہ اِنجیلاں نے تصدیق کیتی اے ۔
یِسُوعؔ نے یوحنا بپتسمہ دین والے ، ساریاں لوکاں دے نمائندے تے زنانیاں وچوں جمن والے سب توں وڈے بندے راہیں بپتسمہ لے کے ساڈیاں ساریاں پاپاں نوں چُک لیا ، تے فیر وی بوہت سارےلوک نیں جیہڑے ایس سچیائی نوں رَدّ کردے نیں تے ایس اُتے ایمان نئیں رکھدے ۔ ایہوجیہے لوک یِسُوعؔ دے بپتسمے اُتے یقین کیتیوں بِنااوس اُتے ایمان رکھدے نیں ، تے صرف اوس مہنگے لہو دی جیہڑا اوہنے سولی اُتے وگایا، جوش نال وڈیائی کردے نیں ۔ سولی اُتے یِسُوعؔ دی موت لئی بوہت ہمدردی رکھدیاں ہویاں ، اوہ اپنیاں جذبیاں نوں اُچھال دے نیں، اپنیاں گیتاں وچ ہر طرح دا رولا رپا پاؤندے نیں ، اپنا سَنگھ پاڑ کے گاؤندے نیں ،
♫” قدرت، قدرت، حیران کرن والے کم کرن دی قدرت اے۔
برّے دے لہو وِچ؛
♫” قدرت، قدرت، حیران کرن والے کم کرن دی قدرت اے۔
برّے دےمہنگےلہو وِچ۔“ اوہ خُدا کول جان دی کوشش کردے نیں ، دوجیاں اکھراں وچ، اپنیاں
جذبیاں ، جوش تے طاقت نال سرگرم ہوندے نیں ۔ پر تہانوں ایہہ جان لینا چاہی دا اے پئی اوہ جِناں بوہتا اِنج کردے نیں ، اونے ای بوہتے اوہ پاپی ہوندے جاندے نیں تے اینے ای بوہتے اوہ منافق ہوندے جاندے نیں ۔
جد یِسُوعؔ مسیح اُتے ایمان رکھن دی گل ہوندی اے ، تاں یِسُوعؔ دیاں دو ودھیا خدمتاں بوہت خاص نیں ۔ اوہ کیہ نیں ؟ ایہناں وچوں اِک ایہہ ہیگی اے پئی یِسُوعؔ نے بپتسمہ لے کے ساڈیاں ساریاں پاپاں نوں چُک لیا ، تے دوجی ایہہ پئی اوہنے ساڈیاں پاپاں دا ساری مزدوری جگ دیاں پاپاں نوں سولی اُتے لَے جا کے تے ایس اُتے مر کے ادا کر دِتی ۔ جیہڑا کوئی وی یِسُوعؔ دیاں ایہناں دو ودھیا خدمتاں اُتے کامل ایمان رکھدا اے ، اوہ لازمی طریقے نال راستباز بنایا جا سکدا اے ۔یِسُوعؔ دے بپتسمے تے سولی اُتے اوہدے لہو دوآں اُتے ساڈا ایمان ، اوہدے مکتی دے انعام دے دو محور ، سانوں خُدا دے گھر وچ پکیاں کرکے کھلاردے نیں ۔ خُدا دے فضل نال، اسی اوہدے اصلی بے پاپ لوک بنائے گئے آں ۔ یِسُوعؔ ولوں دتی گئی پانی تے رُوح دی خوشخبری اُتے ایمان رکھ کے ، اسی کھرے سونے وانگر ایمان پاؤندے آں جیہڑا سدا لئی نئیں بدل دا۔ پانی تے رُوح دی ایس خوشخبری اُتے ایمان رکھن نال جیہڑی اسمانی، ارغوانی تےلال رنگ دے دھاگےتےمہین وٹے ہوئے کتان وچ ظاہر ہوندی اے ، اسی اوہ پاک لوک بن جاند ے آں جنہاں نیں پاپ دی کامل معافی دی مکتی پائی اے ۔
تھیالوجی دا زمانہ بمقابلہ پانی تے رُوح دی خوشخبری دا زمانہ
مُڈھلے کلیسیائی زمانے نوں چھڈ کے ، ۳۱۳ ورہے مسیحی وچ روم دے میلان دے حکم دے اعلان دے بعدوں ، مسیحیت صرف سولی دی خوشخبری ودھاؤندی پئی اے جیہڑی یِسُوعؔ دے بپتسمے نوں چھڈ دیندی اے ۔ مُڈھلے کلیسیائی زمانے توں لَے کے ، ۳۱۳ ورہے مسیحی تیکر ، ایس توں پہلوں پئی مسیحیت صرف اِک دین وانگر وِگڑ گئی ، ایہنے پانی تے رُوح دی خوشخبری دی ودھیا طریقے نال منادی کیتی ، پر ایہدے بعدوں رومن کیتھولک کلیسیا مغربی دنیا دے دینی دائرے اُتے حاوی ہوگئی ۔ فیر ۱۴ ویں سوورہیاں دے مُڈھ توں ، اِک ثقافت جنہے ہر شے نوں بندیاں دے بنائے ہویاں خیالاں اُتے مرکوز کیتا تے
بندیاں دی بحالی بارے گل کیتی اٹلی توں ودھنا شروع ہوئی ۔ ایہنوں نشاۃ ثانیہ آکھیا جاندا سی ۔
سولہویں سو ورہیاں تیکر ، اٹلی وچ شروع ہون والی ایس انسانی ثقافت دا اثر ساری مغربی دُنیا وچ ودھنا شروع ہو گیا ، تے انسان دوست ، انسان دے بنائے گئے فلسفے نوں پڑھن والیاں اُستاداں نےتھیالوجی نوں پڑھنا شروع کر دِتا۔پاک کلام دی اپنی گل بات تے نقطۂ نظر نال تشریح کردیاں ہویاں ، اوہناں نیں وکھ وکھ مسیحی نظریے بناؤنے شروع کیتے ۔ پر ایس لئی پئی اوہ سچیائی نوں نئیں جان دےسن ایس لئی اوہ پاک کلام نوں ٹھیک طریقے نال نئیں سمجھ سکدے سن ۔ پاک کلام وچ بوہت سارے اوکھے حصے سن ،تے ایہدے نتیجے وچ اوہناں نیں اپنی سیکولر تعلیم نوں اپنے فلسفیانہ نقطۂ نظر نال رَلا کےاپنے مسیحی نظریاں نوں بناؤن لئی مجبور کردِتا ۔ ایس طرح کیلون ازم، آرمینی ازم،بنیاد پرستی ، لبرل ازم ، نیو تھیالوجی، پُرانیاں گلاں نوں پسند کرنا، سیانف پرستی ، ودھیا تنقید، صوفیاں والی خُدا ئی تعلیم،دیناں دی بھیِڑ ، لبریشن تھیالوجی تے ایتھوں تیکر پئی خُدا دی موت دی تھیالوجی بنیاں ۔
مسیحیت دی تاریخ بوہت لمی لگ سکدی اے ، پر اصل وچ ایہہ اینی لمی نئیں ہیگی ۔ مُڈھلی کلیسیا دے زمانے توں لَے کے ۳۰۰ ورہیاں تیکر ، لوک پاک کلام دے بارے جان سکدے سن ، پر ایہدے بعدوں بوہت چھیتی قرون وسطیٰ دا زمانہ شروع ہوگیا، مسیحیت دا ہنیر زمانہ ۔ ایس زمانے وچ ، پاک کلام نوں پڑھنا آپ اِک جُرم سی جیہدی سزا سِر وَڈھ دِتاجانا سی ۔ایہہ ۱۷۰۰مسیحی ورہیاں دی دہائی تیکر نئیں سی جد تھیالوجی ودھنا شروع ہوئی سی، تے فیر مسیحیت۱۸۰۰مسیحی ورہےتے ۱۹۰۰مسیحی ورہیاں دیاں دہائیاں وچ ودھدی ہوئی نظر آئی ایس لئی پئی تھیالوجی حرکت کردی تے کم کرن والی ہوندی گئی ، پر حالے تیکر بوہت سارے لوک اپنیاں دلی تجربیاں دے مطابق خُدا اُتے ایمان رکھدیاں ہویاں ، اپنے عقیدے دے صوفیاں والے خیالاں وچ پھس گئے سن ۔
پر کیہ ایہہ سچی اے ؟ جد تُسی اِنج ایمان رکھدے او تاں کیہ تہاڈے پاپ اصل وچ مُک جاندے نیں؟تُسی ہر دن پاپ کردے او، تُسی اپنیاں خیالاں ،کماں تے کمیاں نال ہر دن پاپ کردے او ۔ فیر کیہ تُسی صرف ایس لہو اُتے ایمان رکھ کے ایہناں پاپاں توں معافی پا سکدے او جیہڑا یِسُوعؔ نے سولی اُتے وگایا ؟ پئی یِسُوعؔ نے بپتسمہ لے کے ساڈیاں ساریاں پاپاں نوں موہڈا دِتا تے سولی اُتے مرگیا ایہہ سچیائی اے ۔ فیر وی بوہت سارے لوکیں نیں جیہڑے آکھدے نیں پئی اوہناں دے پاپ صرف سولی والے لہو اُتے ایمان رکھ کےتے اوہناں دیاں توبہ دیاں دعاواں کرن نال معاف ہو گئے نیں ۔ کیہ تہاڈیاں دِلاں تے ضمیراں وچ
تہاڈے پاپ توبہ دیاں ایہو جیہاں دعاواں نال پاک ہوئے سن ؟ ایہہ نئیں ہو سکدا ۔
جے تُسی مسیحی او ، تہانوں ہُن ایس سچیائی دی مکتی نوں جاننا تے ایس اُتے ایمان رکھنا چاہی دا اے ،پئی یِسُوعؔ مسیح ایس زمین اُتے آیا تے یوحنا بپتسمہ دین والے کولوں بپتسمہ لے کے جگ دیاں ساریاں پاپاں نوں اپنے اُتے چُک لیا ۔ تہاڈے اگے ایس ثبوت دے باوجود ،کیہ تُسی حالے تیکر ایس سچیائی نوں ردّکردے پئے او ، ایتھوں تیکر پئی ایہنوں جانن دی ہمت وی نئیں کردے تے نا ای ایس اُتے ایمان رکھدے او ؟ جے اِنج اے ، تاں تُسی ایہہ نئیں آکھ سکدے پئی تُسی سچ مُچ یِسُوعؔ نوں اپنے مکتی داتا وانگر من دے او ۔ جے ایہہ گل اے ، تاں تُسی یِسُوعؔ نوں مخول کرن ، اوہدے ناں اُتے کفر بکن تے نِکیاں جانن دا پاپ کردے پئے او ۔دوجیاں اکھراں وچ ،تُسی یِسُوعؔ دے ناں دی بے عزتی کرن تے اپنی مرضی نال خُدا نوں مخول کرن دا پاپ کردے پئے او۔ یِسُوعؔ ایس زمین اُتے ساڈیاں پاپاں نوں مکاؤن لئی آیا سی ،تے اوہدےآؤن دے ایسے مقصد دے مطابق، اوہنے ساڈیاں ساریاں پاپاں نوں چُکن لئی بپتسمہ لیا تے جگ دیاں پاپاں نوں چُک کے تے سولی اُتے چڑھ کے ، اوہنے اوہناں ساریاں پاپاں دی سزا نوں جریا۔
فیر وی ایس اسمانی سچیائی دے باوجود ، بوہت سارے لوک حالے وی یِسُوعؔ مسیح دی ایس مکتی اُتے ایمان نئیں رکھدے ، تے ایہدے نتیجے وچ خُدا دےخلاف ایہو جیہا نا معاف ہون والا پاپ کردے پئے نیں ۔ ایس مکتی دے منصوبے وچوں یِسُوعؔ دے بپتسمے نوں کڈھ کے جیہڑا یِسُوعؔ مسیح نے پورا کیتا سی تے جیہڑ ا وی چنگا لگدا اے ایس اُتے ایمان رکھ کے ، اوہ کدی وی مکتی دے فضل دے کپڑے نئیں پاسکدے ۔ فیر وی ایہناں ساریاں سچیائیاں دے باوجودبوہت سارے مسیحی سچیائی اُتے ایمان نئیں رکھدے جویں پئی ایہہ ہیگی اے ، یعنی ، پئی یِسُوعؔ نے اوہناں دیاں ساریاں پاپاں نوں مکا دِتا اے ، سگوں ایہدی بجائے اپنیاں خیالاں دے پِچھے چلدے نیں تے ایہناں آپ بنائیاں ہویاں سچیائیاں اُتے ایمان رکھدے نیں جنہاں اُتے اوہ ایمان رکھنا چاؤہندے نیں ۔ اَج کل ، لوکاں دے دل اوہناں دیاں غلط نظریاتی عقیدیاں دے سببوں سخت ہو گئے نیں، ایہہ ایمان رکھدیاں ہویاں پئی صرف سولی والے لہو اُتے ایمان رکھ کے اوہناں دیاں پاپاں نوں مکا دِتا جا سکدا اے ۔
پر خُدا ولوں منصوبہ کیتی گئی مکتی دا جواب اِنج اے: یِسُوعؔ دے بپتسمے ، سولی تے اوہدے جیوں اُٹھن اُتے ایمان رکھ کے پاپ دی سدا دی معافی پائی جاندی اے ۔ ایہدے باوجود ایہو جیہے بوہت چوکھے لوک ہوئے نیں جیہڑے بپتسمے نوں باہر کڈھدیاں ہویاں جیہڑا اوہنے مکتی دی ایس سچیائی توں لیا سی یِسُوعؔ اُتے ایمان رکھدے نیں ، ہیٹھاں لکھی ہوئی مساوات نوں سچ ثابت کرن لئی غلط سوچ تے غلط ایمان رکھدے نیں : ”یِسُوعؔ اُتے ایمان(سولی تے اوہدا جی اُٹھنا ) +توبہ دیاں دعاواں +نیک اعمال=پاکیزگی دے راہیں پائی ہوئی مکتی ۔“ایس طرح ایمان رکھن والے صرف اپنیاں گلاں نال آکھدے پئے نیں پئی اوہ پاپ دی معافی پا چُکے نیں، پر سچیائی ایہہ ہیگی اے پئی اوہناں دے دل پاپاں دیاں ڈھیراں نال بھرے ہوئے نیں جیہڑے حالے تیکر حل نئیں ہوئے ۔
جیہڑے لوک صرف یِسُوعؔ دی سولی اُتے ایمان رکھدے نیں اوہ اصل وچ بوہتیاں پاپاں نال مُک جاندے نیں ۔ تُسی ایس سچیائی اُتےایمان کیوں نئیں رکھدے جویں پئی ایہہ آکھیا جاندا اے پئی یِسُوعؔ نے یوحنا بپتسمہ دین والے کولوں بپتسمہ لے کے تہاڈیاں ساریاں پاپاں نوں مُکا دِتا اے ؛سگوں تُسی ایہدی بجائے ایہو جیہاں بندیاں دے بنائے ہوئے جھوٹیاں عقیدیاں اُتے ایمان رکھدےاو ، ایتھوں تیکر تُسی یِسُوعؔ اُتے ایمان رکھن دا اقرار کردے او؟ تہانوں ایس سچیائی دی سمجھ ہونی چاہی دی اے پئی کِکر دی لکڑ دے بنے ہوئےخیمۂ اِجتماع دے ہر تختے دیاں دو چُولاں سن ، تے پئی ایہناں دے ہیٹھاں چاندی دے دو خانے رکھے گئے سن تاں پئی تختیاں نون اپنی تھاں اُتے بنھیا جائے ۔ پانی تے رُوح دی خوشخبری(بپتسمہ جیہڑا یِسُوعؔ نے لیا تے سولی والا لہو)اِک کامل سچیائی اے ۔
جد اسی خیمۂ اِجتماع دے برانڈے دا پھاٹک کھولدے آں تے برانڈے وچ ٹُردے آں تاں سانوں سب توں پہلوں سوختنی قربانی دی قربان گاہ تے فیر پِتل دا حوض وکھالی دیندا اے ۔ سوختنی قربانی دی قربان گاہ کیہو جیہی تھاں اے؟ ایہہ اوہ تھاں اے جتھے سوختنی قربانیاں چاھڑیاں جاندیاں نیں ۔ ایہہ اوہ تھاں اے جتھے قربانی دے پشُو جیہڑے اسرائیلیاں دیاں پاپاں نوں جر دے نیں اوہناں دی سزا جردے نیں ۔ حوض کیہڑی قِسم د ی تھاں اے ؟ ایہہ اوہ تھاں اے جتھے بدناں نوں دھویا تے پاک کیتا جاندا اے ۔ ایہہ ، دوجیاں اکھراں وچ ، اوہ تھاں اے جتھے پاپ نال پلیت دلاں نوں دھویا جاندا اے ۔ جد اسی ایمان رکھ کے ایس کم وچوں لنگھدے آں فیر ای اسی خیمۂ اِجتماع دا پڑدا چُک سکدے آں تے خُدا دے گھر وچ جا سکدے آں نا پئی ایس توں پہلوں ۔
خیمۂ اِجتماع دے پھاٹک دا پڑدا سارا اسمانی، ارغوانی تےلال رنگ دے دھاگےتےمہین وٹے ہوئے کتان نال بنیا ہویا سی ۔ ایہہ مہین وٹے ہوئے کتان تےاسمانی، ارغوانی تےلال رنگ دے دھاگے دی کڈھائی نال اُنیا گیا سی ۔ خُدا دی بادشاہی وچ جان لئی سانوں لازمی ایس سچیائی اُتے ایمان رکھنا چاہی دا اے ۔ اسی خُدا دی بادشاہی وچ اودوں ای جا سکدے آں جد اسی اسمانی، ارغوانی تےلال رنگ دے دھاگے وچ ظاہر ہون والیاں یِسُوعؔ دیاں خدمتاں اُتے ایمان رکھدے آں ۔ یِسُوعؔ ایس زمین اُتے آیا تے اسمانی، ارغوانی تےلال رنگ دے دھاگےدی تکمیل بن گیا ۔ اسمانی رنگ دے دھاگے دا مطلب بپتسمہ اے جیہڑا یِسُوعؔ نے لیا سی ، تے ارغوانی رنگ دا دھاگہ سانوں دسدا اے پئی یِسُوعؔ مسیح آپ خُدا اے ۔ لال رنگ دا دھاگہ سانوں دسدا اے پئی یِسُوعؔ نے ساڈیاں ساریاں پاپاں دی سزا لہو دے کے جری جیہڑا اوہنے سولی اُتے وگایا سی ۔
کیہ تُسی ہُن وی پاپ رکھدے او جیہڑا تہاڈے دل وچ رہندااے ؟ کیہ تُسی پاپ رکھدے او ،دوجیاں اکھراں وچ ، پاپ تہاڈیاں دلاں دے خانے وچ اے ؟جے تہاڈیاں دلاں وچ پاپ اے ایتھوں تیکر پئی تُسی ہُن یِسُوعؔ اُتے ایمان رکھدے او ، تاں صاف طریقے نال ، تہاڈے ایمان وچ اِک ڈاہڈا مسئلہ اے ۔ ایہدا سبب ایہہ ہیگا اے پئی تُسی یِسُوعؔ نوں صرف اِ ک دین وانگر من دے او پئی تہاڈے دل صاف نئیں ہیگےتےتُسی فیر وی پاپ رکھدے او ۔ پراسمانی، ارغوانی تےلال رنگ دے دھاگےتےمہین وٹے ہوئے کتان وچ ظاہر ہون والی سچیائی دے راہیں خُدا اُتے ایمان رکھ کے ، تُسی اپنیاں دلاں نوں وی صاف کر سکدےاو ۔
ایہہ سچیائی اے پئی ہُن تُسی یِسُوعؔ دے بارے اپنی بھٹکی تعلیم دے سبب اپنے آپ دے پاپی ہون دا احساس کر سکدے او ، اپنے آپ وچ لیکھاں والے ہونا اے ۔ کیوں ؟ ایس لئی پئی جیہڑے لوک سچ مُچ ایہہ سمجھدے نیں پئی اوہ ہُن وی پاپ رکھدے نیں اوہ منن گے پئی اوہ بچ نئیں سکدے سگوں ایس پاپ دے سببوں دوزخ دے حقدار ہو سکدے نیں ، تے جد اوہ اِنج کردے نیں تاں اخیریں اوہ رُوح وچ غریب بن سکدے نیں تے ایس طرح اصلی مکتی دا کلام سُنن دے لائق ہو سکدے نیں۔
جے تُسی سچ مُچ ایتھوں تیکر پئی ہُن خُدا ولوں پاپ دی معافی پاؤنا چاؤہندے او ، تاں تہاڈیاں دلاں نوں لازمی تیار ہونا چاہی دااے ۔ اوہ لوک جنہاں دے دل خُدا دے اگے تیار نیں اوہ اوہدے اگے ایس طرح اقرار کرن گے: ”مَیں یِسُوعؔ اُتے اِ ک لمے چر توں ایمان رکھیا اے ، پر میرے دل وچ ہُن وی پاپ نیں ۔ ایس لئی پئی پاپ دی مزدوری موت اے ، مَیں دوزخ وچ سُٹے جان توں بچ نئیں سکدا ۔ اے خُدا، مَیں پاپ دی معافی پاؤنا چاؤہنداہاں ۔ “ایس طرح ، او ہ اپنے آپ نوں خُدا دے اگے کامل طریقے نال پاپی بندیاں وانگر پچھان دے نیں ۔ اوہ لوک جیہڑے خُدا دے کلام نوں پچھان دے نیں ، اوہ جیہڑے ایمان رکھدے نیں پئی خُدا دا کلام لازمی بالکل ایسے طرح پورا ہوندا اے جویں پئی ایہہ آکھدا اے— ایہناں دے علاوہ ہور کوئی نئیں ہیگے جنہاں دے دل تیار نیں ۔ ایہو جیہے لوک ایس کلام نوں سُنن گے ، کلام نوں اپنیاں اکھاں نال ویکھن گے ، تے ایہدی تصدیق کرن گے ، تے اِنج کر کے اوہناں نوں احساس ہو جائے گا ، ”ہائے،مَیں ایس سارے ویلے وچ غلط ایمان رکھیا سی ۔تے بوہت چوکھے لوک ہُن اوہو ای غلطی کردے پئے نیں۔“تےپانی تے رُوح دی خوشخبری اُتے ایمان رکھن نال ، ایس توں ہٹ کے پئی دوجے کیہ آکھن یا کرن گے ، فیراوہ اپنیاں ساریاں پاپاں دی لازمی معافی پاؤن گے ۔
جد مَیں سوچدا ہاں پئی ایس جگ وچ کنے لوک غلط ایمان رکھدے پئے نیں ، تے کِنے غلط راہ اُتے ٹُردے پئے نیں ، میرا دل بوہت دُکھی ہوندا اے ۔ بھراؤتے بھینو،اوہ خوشخبری جیہدے نال خُداوند نے سانوں ساڈیاں پاپاں توں بچایا اے اوس بپتسمے نال پوری ہوئی جیہڑا یِسُوعؔ نے لیا تے لہو جیہڑا اوہنے سولی اُتے وگایا ۔ یِسُوعؔ نے اپنے بپتسمے نال ساڈیاں ساریاں پاپاں نوں چُک لیا ، سولی اُتے لہو نال پاپ دی ساری سزا نوں جریا، تے اِنج سانوں بچا چُکیا اے ۔ سو، سانوں لازمی صاف طریقے نال ایمان رکھنا چاہی دا اے پئی خُدا نے سانوں اوہ ایمان دے کے بچایا اے جیہڑا اسمانی، ارغوانی تےلال رنگ دے دھاگےتےمہین وٹے ہوئے کتان وچ ظاہر ہون والی سچیائی اُتے یقین رکھدا اے ۔ مَیں ایس سچیائی لئی بوہت شکر گزار ہاں پئی یِسُوعؔ مسیح نےاپنے بدن نال تہانوں تے مینوں ایس طرح بچایا اے ۔ تُسی تے مَیں ، جیہڑے پانی تے رُوح دی خوشخبری اُتے ایمان رکھدے آں ، ایس لئی سدا سکون نال رہندے آں ، تے ساڈے دل کدی نئیں ڈکو ڈولے کھاندے ۔
جیہڑے لوک اپنیاں پاپاں توں مکتی پا چُکے نیں اوہناں نوں لازمی پانی تے رُوح دی خوشخبری اُتے ایمان رکھ کے اپنے ایمان دی راکھی کرنی چاہی دی اے
ایہہ جگ شیطانی نظریاں نال اینا بھریا ہویااے پئی نویں سریوں جمن والے دلاں نوں وی اَزمایاتے پلیت کیتا جاسکدا اے ۔ ایس لئی یِسُوعؔ مسیح نے فرمایا، ’’ خبردار فرِیسِیاں دے خمِیرتوں۔ تے ہیرودؔیس دے خمِیر توں ہُشیار رہو‘‘(مرقس ۸:۱۵)۔صرف اِک واری سُن کے لوکاں دیاں
دلاں نوں پلیت کرن والیاں ایہو جیہاں کِنیاں وِگڑیاں ہوئیاں تعلیماں نیں اسی ایہناں دا حساب کدی نئیں لا سکدے ۔ سانوں لازمی ایہہ سمجھناچاہی دا اے پئی ایہہ جگ کویں جِنسی بے حیائی نال بھریا ہویا اے ۔ اسی جیہڑے ایمان رکھدے آں اوہناں نوں ایہہ جاننا چاہی دا اے پئی اسی اپنے ایمان دی راکھی لئی ہُن کس طرح دے زمانے وچ رہندے پئے آں ۔ ایہدے باوجود جد اسی ایہو جیہے پاپی جگ وچ رہندے آں ، ساڈیاں دلاں وچ اوہ نا ہرائی جان دے لائق سچیائی اے پئی خُداوند سانوں ساڈیاں ساریاں پاپاں توں مکتی دے چُکیا اے ۔ گواہی دا کلام جیہڑا ساڈی نا بدلن والی مکتی دی گواہی دیندا اےپانی تے رُوح دی خوشخبری اے ۔ سانوں ایس سچیائی اُتےایمان رکھنا چاہی دا اے جیہڑی نا تاں جگ توں ڈولدی اے تے نا ای ایہدے پِچھے لگدی اے ۔
ایہہ جگ سچیائی دا نئیں ہیگا ۔ سگوں ، ایہہ شیطان دیاں جھوٹھاں نال بھریا ہویا اے ۔ پر ، خُدا نے سانوں دسیا پئی راستباز جگ اُتے فتح پا سکدے نیں ۔ ایس نا بدلی جان والی سچیائی دی خوشخبری اُتے اوہناں دے ایمان نال ای راستباز شیطان اُتے غالب آؤندے نیں تے جگ اُتے فتح پاؤندے نیں ۔ بھاویں اسی ادھورے آں ، ساڈے دل ، ساڈے خیال تے ساڈے بدن ہُن وی خُدا دے گھر وچ نیں تے ایمان رکھ کے مکتی دی خوشخبری اُتے پکیاں ہو کے کھلوتے نیں ۔ اسی پانی تے رُوح دی خوشخبری اُتے ڈٹ کے کھلوتے آں جیہدے نال خُداوندنے سانوں کامل طریقے نال بچایا اے ۔
کِکر دی لکڑ دے تختے ، جیہڑے خیمۂ اِجتماع دیاں کندھاں دے ستوناں تے شیواں دوآں لئی چُکے گئے سن، سونے نال مَڑھے ہوئے سن۔ تے تاں پئی تختے چاندی دیاں خانیاں اُتے کھلوتے سن ، ایس لئی اوہ پکیائی نال جمے ہوئے سن تے ڈولدے نئیں سن ۔ ایسے طرح ساڈے وچوں جیہڑے لوک پانی تے رُوح نا ل نویں سریوں جم پئے نیں اوہناں دا ایمان وی سدا لئی نا ڈولن والا اے ۔ جویں کِکر دی لکڑدیاں تختیاں اُتے مَڑھے جان والے سونے دی پتی نئیں بدل دی تے نا ای ساڈا کھرے سونے جیہا ایمان کدی بدلدا اے ، میرے تے تہاڈے لئی ، کِکر دی لکڑجیہڑی اَگ نال بلن توں علاوہ کُجھ نئیں کرسکدی سی ، اِنج کامل طریقے نال بچ گئی اے ۔
ایس سببوں اسی خُدا دے بوہت شکرگزار ہاں ۔ ایس توں کوئی فرق نئیں پیندا پئی ایس جگ وچ پاپ کِنے ای بوہتے ہون ، گھٹوگھٹ ساڈے راستبازاں کول سچ مُچ بے داغ ضمیر تے ایمان اے جیہڑا ساڈیاں دلاں وچ سونے وانگر چمکدا اے ۔ اسی سار ے راستباز اِک ایہو جیہی زندگی گزاراں گے جیہڑی ایس عقیدے نال جگ اُتے فتح پاؤندی اے ۔ خُداوند دے پرت کے آؤن دیہاڑے تیکر ، تے اوہدی بادشاہی وچ جان دے بعدوں وی ،اسی سارے ایس ایمان دی وڈیائی کراں گے ۔ اسی سدا خُداونددی وڈیائی کراں گے جنہےسانوں بچایا اے تے اپنے خُدا دی وڈیائی کراں گے جنہے سانوں ایہہ ایمان دِتا اے ۔
ساڈا کھرا ایمان کسے وی حال وچ ڈولے نئیں کھائے گا ایس لئی پئی ایہہ چٹان اُتے بنایاگیا اے ۔ سو ، اسی ایس زمین اُتے رہندیاں ہویاں اوس دیہاڑے تیکر جو کُجھ وی ہو جائے جد تیکر پئی اسی خُداونددے اَگے کھلو نئیں جاندے ، اسی ایمان نال اپنیاں دلاں دی راکھی کراں گے ۔ ایتھوں تیکر پئی جے ایس جگ دی ہر شے فنا ہوجائے ،بھاویں ایہہ جگ پاپ وچ ڈُب جائے ، تے بھاویں ایہہ جگ پرانےزمانے دے سدوم تے عمورہ توں وی بوہت بھیڑا ہو جائے ، اسی ایس جگ پِچھے نئیں جاواں گے ، سگوں اسی خُدا اُتے پکا ایمان رکھاں گے ۔ اسی اوہدی راستبازی پِچھے چلاں گے ، تے اسی یِسُوعؔ دیاں دو خدمتاں (یِسُوعؔ دا بپتسمہ تے سولی اُتے اوہدی موت)دی مکتی ، خُدا دے اصلی فضل نوں ودھاندے رہواں گے ۔
مَیں خُدا دے فضل توں بالکل حیران ہاں ، پئی اسی کویں پانی تے رُوح دی ایس خوشخبری اُتے ایمان لیائے آں ۔ مَیں صرف ایس گل لئی بے حد شکرگزار ہاں پئی اسی ایس خوشخبری نوں کویں جانیا تے ایس اُتے ایمان رکھیا ، تے اسی کویں خُدا دے چنگے کم کرن لئی آئے آں ۔ جویں پئی پانی تے رُوح دی خوشخبری خُدا دا فضل اے جیہڑا اوہنےسانوں مُفت دِتا اے ، اسی اپنے خُداوند نوں جیہڑا کُجھ دے سکدے آں اوہ صرف اپنے ایمان نال اوہدا شکر اداکرنا تے اوہدے پرت کے آؤن والے دیہاڑے تیکر ایس خوشخبری دی سچیائی نوں ودھاؤنا اے ۔
مَیں خُدادا شکر ادا کردا ہاں پئی اوہنےسا نوں ا یہہ سچیائی دِتی۔
Copyright © 2021 by The New Life Mission