کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
-
- خیمۂ اِجتماع یسوع مسیح دا پرچھانواں سی جیہڑا اسرائیلیاں تے ہر کسے دے پاپاں نوں معاف کر چُکیا اے جیہڑے اوھدے اُتے ایمان رکھدے نیں ۔ ساڈا خُداوند خیمۂ اِجتماع دا مالک سی ۔ تے اوہ مکتی دین والا سی جیہڑا ہر کسے دے پاپاں نوں ساریاں نوں اکو ای وارمکاچُکیا اے، تے ایسے وچکار ، ساریاں لوکاں لئی آپ ای قربانی دا میمنااے ۔
- بھاویں اسرائیلی ھر دیہاڑے پاپ کردے سَن ، قربانی دے نظام دے مطابق خیمۂ اِجتماع دے ویہڑے وچ بے پاپ قربانی دے پسو دے سر اُتے اپنےھتھاں نوں رکھ کے ،اوہ اپنے پاپاں نوں قربانی اُتے لد سکدے سن ۔ ایس طرحاں ھرکوئی جیہڑا کاھناں دی خدمت تے قربانی دے نظام مطابق دتی گئی پسو دی قربانی اُتے ایمان رکھدا سی سارے اپنے پاپاں توں معافی ،اپنے پاپاں نوں دھوندے ھوئیاں تے اوھناں نوں برف وانگر چٹیائی وچ بدل دے ھوئیاں پا سکدے سَن ۔ ایس طرحاں ، یسوع دے بپتسمے تے قربانی اُتے، مطلب اے خیمۂ اِجتماع دے ٹھیک عقیدے اُتے ایمان رکھن دے راہیں، اسرائیل دے لوک تے ساڈے وچوں جیہڑے اوپری قوم نیں ساری ساڈے سارے پاپاں دی معافی دی برکت تے ہمیش لئی خُداوند نال جیوندے رھن دی برکت پا چُکے نیں ۔
- نہ صرف اسرائیلی ، سگوں ساریاں اوپریاں قوماں وی اپنے سارے پاپاں توں صرف یسوع، خیمۂ اِجتماع دےخُداوند اُتے ایمان رکھن دے راھیں مکتی پا سکدیاں نیں ۔ خیمۂ اِجتماع سانوں سکھاؤندااے پئی پاپ توں معافی دا انعام جیہڑا خُدا نے ھر کسےنوں دتا اے ، کیہ اے۔ ایسے طرحاں، خیمۂ اِجتماع آپ یسوع مسیح دا اصلی جوہر سی۔
- یسوع پاپیاں نوں بچاؤن والا بن گیا۔ ہر پاپی ، جیہڑی کوئی وی او اے، صرف یسوع دے بپتسمے ، اوھدے صلیبی لہو، تے سچ اُتے پئی اوہ آپ ای خُدا اے اُتے ایمان رکھن دے راھیں بے پاپ بن سکدا اے۔ اسیں آسمانی ، ارغوانی تے لال دھاگے اُتے اپنے ایمان دے راھیں خُدا دی عدالت توں بچائےجا سکدے آں ۔ دوجے اکھراں وچ ، یسوع دے بپتسمے ، اوھدے لہو، تے اوہدے خُدا ھون اُتے ایمان رکھن دے راھیں۔ یسوع آسمانی بادشاہی دا بوھا اے ۔
- اعمال 4 : 12 آکھدااے، ” تے کِسے دُوجے توں نجات نئیں اے ایس لئی پئی اسمانوں ہیٹھاں بندیاں نُوں کوئی ہور ناں دِتّا نئیں گیا۔ جِہدی راہِیں اسی نجات پا سکیئے۔“ کوئی دوجا نئیں پر یسوع سارے لوکاں نوں اوھناں دے پاپاں توں بچا سکدااے ۔ یسوع توں ھٹ کے کوئی مکتی داتا نئیں ھیگا اے ۔ یوحنا 10 : 9 آکھدا اے ، ” بُوہا مَیں آں۔ جیہڑا میری راہِیں وڑے اوہ بچ جائے گا۔ تے اندر باہر آیا جایا کرے گا تے کھانا پائے گا۔“ 1۔ تیمتھیس 2: 5 آکھدا اے ، ” کیوں جو خُدا اِکّو ای اے تے خُدا تے بندیاں وِچ وچولا وی اِکّو ای اے۔ یعنی یِسُوع مسِیح جیہڑا اِنسان اے۔“ تے متی 3 : 15 آکھدااے ، ” تے یِسُوع اوہنوں جواب دِتّا۔ حالی تے ہون دے کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے۔“ ایہہ ساریاں آیتاں ایس سچ دی گواھی دیندیاں نیں ۔
- یسوع اک انسان دے بدن وچ ایس دھرتی اُتے آیا ،تے اپنے بپتسمہ لین (آسمانی دھاگہ)تے اپنا لہو وگاؤن (لال دھاگہ) دے نال،اوہ پاپیاں نوں بچا چُکیا اے ۔ ایسے طرحاں ، یسوع سارے پاپیاں لئی مکتی دا بوھا بن گیا اے ۔ بالکل جویں خیمۂ اِجتماع دے ویہڑے دا بوھا اسمانی ،ارغوانی تے لال دھاگے نال اُنیا گیا سی، یسوع نے ، ایس دھرتی اُتے آکے ، سب توں پہلوں یوحنا بپتسمہ دین والے کولوں لیے ھوئے اپنے بپتسمے نال اپنے آپ اُتے جگ دے پاپاں نوں چُک لیا۔ ایس لئی ، اوہ قربانی دا پسو ، مطلب اے خُدا دا میمنا بن گیا (یوحنا 1: 29)۔
- دوجا، ایس طرحاں اپنے بپتسمے نال سارے پاپیاں دیاں بدیاں چُکن دے بعد ،اوہ اوھناں دی تھاں اُتے مرگیا تے اوھناں نوں نویں حیاتی دے چُکیا اے جیہڑے ایمان رکھدے نیں ۔
- تیجا، ایہہ یسوع آپ ای خُدا سی ۔ پیدائش 1:1آکھدی اے ، ” خُدا نے شروع وچ دھرتی تے اسمان نوں بنایا۔ “ تے پیدائش 1: 3 آکھدی اے، ”تے خُدا نے آکھیا پئی روشنی ھو جاوے تے روشنی ھو گئی ۔ “ یسوع لوگاس دے ایس اصلی خُدا توں ھٹ کے کوئی دوجا نئیں سی ، اک اکلا جنہے سارا جہان تے ایس وچ ھرایک شے نوں اپنے کلام نال بنایا ۔
- خُدا نے موسیٰ نوں خیمۂ اِجتماع دے ویہڑے دا بوھا اسمانی ،ارغوانی تے لال دھاگےتے بارِیک وٹے ہُوئے کتان نال بناؤن دا حکم دتا۔ یسوع، جیہڑا آپ ای خُدا اے، نے ایس دھرتی اُتے اک بندے دے بدن وچ آؤن تے اپنے بپتسمے تے اپنے سولی اُتے مرن نال اپنے لوکاں نوں اوھناں دے سارے پاپاں توں بچاؤن دے راھیں اوھدا پاپیاں نوں راستباز بناؤن دا کم پورا کیتا ۔ ایہہ تِن خدمت دیاں راھواں نیں جیہدے راھیں مسیح پاپیاں نوں بچا چُکیا اے ، تے اوہ ایس سچیائی دا ثبوت نیں ۔
- اِفسیوں 4:4-6 وچ پولُوس نے آکھیا ، ” اِکّو ای بدن اے تے اِکّو ای رُوح اے۔ جیویں تُہانوں وی جیہڑے سَدّے گئے سو تُہاڈے سَدّے جان توں آس وی اِکّو ای اے۔ اِکّو ای خُداوند اے۔ اِکّو ای اِیمان۔ اِکّو ای بپتِسمہ۔ تے ساریاں دا اِکّو ای خُدا تے باپ اے۔ جیہڑا ساریاں اُتّے تے ساریاں وِچ تے ساریاں دے اندر اے۔“ ایہہ کلام اسمانی ،ارغوانی تے لال دھاگےتے بارِیک وٹے ہُوئے کتان نال اُنی ھوئی پاپ توں مکتی بارے دسدااے ۔
- ساڈے خیمۂ اِجتماع دے غور نال پڑھن دے راھیں، سانوں لازمی طور اُتے ایہدے بالکل ٹھیک ھون دا احساس کرنا چاہی دا اے ، تے اِنج اپنے سارے پاپاں توں معافی پاؤن لئی برکت والے ھونا چاہی دا اے ۔
خیمۂ اِجتماع دیاں تصویراں والی گیلری ویکھن لئی ھیٹھاں والے زمرے وچوں چُن لوووتے ھر تصویر بارے خطبے پڑھو۔
Copyright © 2021 by The New Life Mission