کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
مضمون 8: پاک رُوح
[8-19] سوہنی خوشخبری جنہے ہیکل دا پردہ پھاڑ دِتا < متی۲۷: ۴۵۔۵۴ >
> متی۲۷: ۴۵۔۵۴ <
”تے دوپہر توں لَے کے تیجے پہر تیک مُلک وچ ہنیرا چھایا رہیا۔ تے تیجے پہر دے نیڑے یسوع نے وڈی آواز نال چلا کے آکھیا ایلی۔ایلی ۔ لَما شَبقتِنی؟ مطلب اَے میرے خُدا یا! اَے میرے خُدایا! تُو ں مینوں کیوں چھڈدتا۔؟جیہڑے اُوتھے کھلوتے سن اوہناں وچوں کُجھ نے سُن کے آکھیا ایہہ ایلیاہ نوں بلاندااے۔ تے فٹافٹ اوہناں وچوں اک بندہ بجھیا تے ضُوفہ لَے کے سرکہ وچ ڈبویا تے سرکنڈے اُتے رکھ کے اوہنوں چُسایا۔پر باقیاں نے آکھیا ٹھہر جاو۔ ویکھئیے تاں ایلیاہ اوہنوں بچاؤن لئی آؤندا اے یا ں نئیں۔یسوع نے فیروڈی آواز نال چلا کے جان دے دِتی۔تے مقدس دا پردہ اُوتے توں تھلے تیک پھٹ کے دو ٹوٹے ہو گیا تے زمین کمبی تے چٹاناں تڑک گیاں۔تے قبراں کُھل گیاں تے اوہناں مقدساں دے بوہت سارے جثے جیہڑے سو گئے سن جی اُٹھے۔تے اوہدے جی اُٹھن مگروں قبراں توں نکل کے شہر وچ گئے تے بوہتاں نوں وکھالی دِتے۔ انج صوبہ دار تے جیہڑے اوہدے نال یسوع دی راکھی کردے سن بھونچال تے سارا ماجرہ ویکھ کے بوہت ای ڈر کے آکھن لگے پئی ایہدے وچ کوئی شک نئیں ایہہ خدا دا پُتر ہیگاسی۔“
خُدادی ہیکل دا پردہ کیوں پھٹ گیا جدوں یسوع نے صلیب اُتے اپنی جان دِتی؟
کیوں جے خُد ادی بادشاہی اوہناں لئی کھل گئی جیہڑے اوہدے بپتسمہ تے سولی دی موت اُتے ایمان رکھدے نیں۔
ایس سوہنی خوشخبری دی سچیائی نوں سمجھن لئی ہر کسے نوں پہلاں لازمی طور تے پُرانے عہد
نامے وچ خُدا دے اگے لوکاں دے پاپاں نوں معاف کرن لئی کیتے جاو ن والے قربانی دے نظام نوں جاننا تے سمجھنا چاہی دا اے۔ تہانوں لازمی طور تے ہیٹھ دِتی گئی سچیائی نوں جاننا تے ایمان رکھنا چاہی دااے۔
فدیے دی قربانی دے پرانے نظام مطابق، جس طرحاں پرانے عہدنامے وچ احباردی کتاب دے سولہویں باب وچ بیان کیتا گیا، سردار کاہن اک زندہ بکرے اُتے اپنے ہتھاں نوں رکھدا ہوندا سی تے ایہدے اُتے لوکاں دے سال بھر وچ جمع ہوئے سارے پاپاں نوں منتقل کردا سی۔ انج اسرائیلیاں دے پاپاں دی تھاں ،قربانی ذبح کیتی جاندی سی تے سردار کاہن رحم دی تھاں اُتے ایہدا لہو چھڑکدا سی۔ ایہہ اسرائیلیاں دے سارے پاپاں دا کفارہ دیندا سی۔ ایس طرحاں صرف اوہ لوک جیہڑے ہتھاں دے رکھے جاؤن، لہو تے خدا دے کلام اُتے ایمان رکھدے سن پاک مقدس وچ داخل ہوندے سن ۔
کاہن ہمیش ،عبادتاں دا کم کردیاں ہویاں خیمہءاجتماع دے پہلے حصے وچ جاندے سن۔ پر دوجے حصے یعنی پاک ترین مقام وچ سردار کاہن سال وچ اک واری اکلا ای بغیر لہو دے داخل نئیں ہوندا سی ، جنہوں اوہ اپنے آپ لئی تے لوکاں توں انجانے وچ پاپاں لئی نذر کردا ہوندا سی (عبرانیوں ۹: ۶۔۷)۔ ایسے طرحاں سردار کاہن وی ایمان دے راہیں ہتھاں دے رکھے جاؤن راہیں تیار کیتی گئی قربانی دے ایس لہو دے بغیر پاک ترین مقام وچ داخل نئیں ہو سکدا سی۔
جس طرحاں نویں عہد نامے وچ دسیا گیا، یسوع مسیح ساڈے لئی قربان ہُویا
نویں عہدنامے وچ، سانوں دسیا گیا اے پئی کوئی بندہ یسوع دے بپتسمہ تے اوہدے سولی اُتے وگن والے لہو اُتے اپنے عقیدے دے راہیں خدا دی بادشاہی وچ داخل ہو سکدا اے۔ خدا دے مقدس دا پردہ اُتے توں لَے کے تھلے تیک دو حصیاں وچ کدوں پھٹیا سی ؟ ایہہ اوہدوں پھٹیا سی جدوں یسوع ایس دنیا وچ آیا تے یوحنا توں بپتسمہ لین بعدوں سولی اُ تے مصلوب ہویا ۔
ایہدی کیہ وجہ بیان کیتی گئی سی؟ یسوع خدا دے میمنے وانگر اک قربانی لئی ایس دنیا وچ آیا، یوحنا توں بپتسمہ لین دے راہیں دنیا دے پاپاں نوں چُک لیا تے ایس طرحاں نسل انسانی نوں اوہناں دے ساریاں پاپاں توں دھو دتا جدوں اوہ مصلوب ہویا سی۔ پردے دا پھٹنا اک نشانی اے پئی نسل انسانی دے سارے پاپ جنہاں نے سانوں خدا توں وکھ کردِتا سی اوہدے بپتسمہ تے سولی اُتے وگن والے لہو دے راہیں پاک کیتے گئے سن۔
یسوع نے آپ خودپاپ دی مزدوری اداکرن دے راہیں، جیہڑی پئی موت اے ایس بنھ نوں توڑیا۔ یسوع نے دنیا دے پاپاں نوں چُکن لئی بپتسمہ لیا تے مصلوب ہویا۔ ایہو ای وجہ سی پئی خدا دی ہیکل دا پردہ دوٹوٹیاں وچ پھٹ گیا سی۔ اُنج ای جس طرحاں کاہن ہتھاں دے رکھے جاؤن اُتے عقیدے دے نال خیمہءاجتماع وچ داخل ہو سکدے سن، اوسے طرحاں ہُن اسیں خدا دی بادشاہی وچ داخل ہو سکدے آں، یسوع دے بپتسمہ تے لہو اُتے ساڈے عقیدے دا شکر ہووے۔
جد یسوع مصلوب ہویا سی، اوہ ایہہ آکھدیاں ہویاں ، اُچی آواز وچ چلایا، ”ایلی۔ ایلی۔ لَماشبقتنی؟ “یعنی پئی، ” اَے میرے خُدایا! اَے میرے خُدایا ! تُو مینَوں کیوں چھڈ دتا؟ “ (متی۲۷ :۴۶)۔ جدوں اوہنے اخیری اپنی رُوح دے دِتی، تد فیراوہنے آکھیا، ” پورا ہُویا “ (یوحنا ۱۹ :۳۰)یسوع سولی اُتے اک چَرلئی اپنے باپ ولوں چھڈدِتا گیا سی کیوں جے اوہنے دنیا دے سارے پاپ یردن دے دریا اُتے یوحنا ہتھوں اپنے بپتسمہ دے ویلے چُک لیے سن۔
اوہ ساری نسل انسانی دی رہائی لئی مرگیا۔ یسوع دے بپتسمہ تے اوہدی صلیبی موت دے نتیجے دے طور تے، اوہ سارے لوک جیہڑے اوہد ے اُتے ایمان رکھدے سن رہائی پاگئے۔ کیوں جے اسیں پاپی جم دے آں تے سزا دا مقدر رکھدے آں، ایس لئی یسوع نے ساڈے پاپاں نوں چُک لَے جاؤن لئی بپتسمہ لیا سی۔
اسمان دی بادشاہی دا بوہامضبوطی نال بند سی جدوں تیک پئی یسوع نے ساڈے سارے پاپاں نوں ساڈے توں پاک نئیں کردِتا۔ جدوں یسوع نے یوحنا توں بپتسمہ لیا تے صلیب اُتے مرگیا، خُدا دی ہیکل دا پردہ اُتے توں لَے کے تھلے تک دوٹوٹیاں وچ پھٹ گیا ایس لئی کوئی وی شخص جیہڑا ایس سوہنی خوشخبری اُتے ایمان رکھدا اے اوہ خدا دی اسمانی ہیکل وچ داخل ہو سکد ا اے۔
مَیں خُدا وند دا شکر گزارآں پئی مَیں پانی تے رُوح دی ایس خوشخبری اُتے ایمان رکھدا واں۔ ہُن مَیں ایس سوہنی خوشخبری اُتے اپنے عقیدےدے راہیں اسمان دی بادشاہی وچ داخل ہو سکدا واں جیہڑی یسوع نے اپنے بپتسمہ تے لہو دے راہیں پوری کیتی سی۔ میں اپنیاں ذاتی قوتاں، کامیابیاں تے کوششاں راہیں رہائی نئیں پا سکدا سی۔
برکت جیہڑی ساڈی اسمان دی بادشاہی ول اگوائی کردی اے اَکلی دعاواں، ہدیاں تے خلوص
دے راہیں حاصل نئیں کیتی جا سکدی۔ ہر بندہ صرف یسوع دے بپتسمہ تے اوہدے سولی اُتے وگن والے لہو اُتے ایمان رکھن دے راہیں پاپ توں رہائی پا سکدا اے۔ ہر بندہ صرف ایس سوہنی خوشخبری اُتے ایمان رکھن دے راہیں اسمان دی بادشاہی وچ داخل ہو سکدا اے۔ یسوع اسمان دا بوہااے۔ جیہڑے لوک یسوع اُتے ایمان رکھدے نیں اوہناں لئی کوئی دوجا عقیدہ ضروری نئیں اے۔ اسمان وچ داخل ہونا کسے دے خلوص نال بھرے ہدیے ، دنیاوی کوششاں یا دوجے چنگے کماں دے اجر دے طور تے عطا نئیں کیتا جاندا۔ ایمانداراں دے بادشاہی وچ داخل ہو ؤن لئی اک کھری تےلوڑی دی شے یردن دے دریاوچ یسوع دے بپتسمہ تے اوہدے سولی اُتے وگن والے لہو دی ایس خوشخبری اُتے ایمان اے۔
پانی ( یردن دے دریا وچ یسوع دے بپتسمہ) تے اوہدے لہو (سولی) اُتے ایمان رکھنا تہاڈی اسمان دی بادشاہی تیک اَگوائی کرے گا۔ اوہ بندہ جیہڑاحالے تیک آپنے دل وچ پاپ رکھدا اے، تد فیر گو بھانویں اوہ یسوع اُتے ایمان رکھدا ہووے، اوہنوں اک شے اُتے ایمان رکھن دی لوڑ اے: مطلب پانی تے رُوح دی ایس خوشخبری اُتے ۔ ”تے سچیائی توں آگو ہووو گے تے سچیائی تہانوں رہا کریگی۔ “ (یوحنا۸ :۳۲)۔
اسیں کدی وی اپنی موت دا بالکل درست ویلا نئیں جان دے آں پر یسوع سب کُجھ جان دا اے۔ کیوں جے اوہ ساڈی پاپی فطرت نوں چنگی طرحاں جان دا سی، ایس پاروں اوہنے لگ بھگ دوہزار ورھے پہلاں اپنے بپتسمے تے سولی اُتے وگن والے لہو دےراہیں ساڈے سارے پاپ دھو دتے۔
سانوں لازمی طور تے ایس خوشخبری اُتے ایمان رکھنا چاہی دا اے جنہے خُدادی ہیکل دا پردہ پھاڑ دتا سی
مکتی داتا نسل انسانی نوں اوہناں دے پاپاں توں بچاؤن لئی اک کنواری توں پیدا ہویا۔ ایہہ یردن دے دریا اُتے ۳۰ ورھیاں دی عمر وچ اوہدے بپتسمہ دے راہیں سی، پئی یسوع نے دنیا دے سارے پاپاں نوں آپنے اُتے چُک لیا۔ اوہناں دیاں کمزوریاں تے خامیاں توں پیدا ہون والے نسل انسانی دے سارے پاپ معاف کر دِتے گئے سن، یسوع دا شکر ہووئے۔ اوہدا بپتسمہ تے لہو ساری نسل انسانی دی رہائی لئی ابدی کنجیاں نیں۔ یسوع نے بپتسمہ لیا تے سولی اُتے لہو وگایاتے ہن اوہ سارے لوک جیہڑے ایس خوشخبری
اُتے ایمان رکھدے نیں اسمان دی بادشاہی وچ داخل ہو سکدے نیں۔
خدا دی ہیکل دا پردہ پھٹ گیا سی جدوں یسوع نے سولی اُتے اپنی جان دِتی۔ جدوں یسوع سولی اُتے مریاتد فیر خدا دی ہیکل دا پردہ دو حصیاں وچ کس طرحاں پھٹ سکدا سی؟ ایدی وجہ ایہہ ہے پئی نسل انسانی دی رہائی اوہدے ای راہیں ایس سوہنی خوشخبری وچ حاصل ہوئی سی۔
پرانے عہدنامے وچ، اسیں اسرائیل دے خیمہءاجتماع دے بارے وچ سِکھدے آں۔ اوہناں ویلیاں وچ سوختنی قربانی دی قربانگاہ تے حوض ہوندا سی ۔ ایس حوض توں لنگدیاں ای خیمہءاجتماع سی تے خیمہءاجتماع وچ پردے دے پچھے صندوق پیا ہوندا سی، جِتھے خدا دی حضوری تے جلال رہندا سی۔ پردہ ایہنی مضبوطی نال بُنیا گیا سی پئی جے چار گھوڑے و ی چاروں پاسیوں ایہنوں کھِچدے تد وی ایہدے دھاگیاں نوں پھاڑ نئیں سکدے سن۔ بھاویں سلیمان بادشاہ نے خیمہ ءاجتماع نوں ہیکل وچ بدل دِتا ، بنیادی شکل نئیں بدلی گئی سی ، تے پردہ حالےتیک وی اوتھے پاک ترین مقام دا رستہ روکن لئی موجود سی۔ فیروی ، جدوں یسوع سولی اُتے لہو بہاؤندیاں ہویاں مر گیا تد ایہہ اُتے توں لَے کے تھلے تیک دو ٹوٹیاں وچ پھٹ گیا۔ ایہہ ایس سچیائی دی گواہی دیندااے پئی ایہہ کِنی سوہنی تے کامل خوشخبری اے جیہڑی یسوع دے بپتسمہ تے اوہدے لہو دے راہیں پوری ہوئی سی۔
خدا نے ساری نسل انسانی نوں ایہہ سوہنی خوشخبری دیندیاں ہویاں پاپ دی معافی تے ہمیش رہن والی حیاتی دی برکت دِتی۔ یسوع نے قربانی دے طور تے پاپ دی مزدوری ادا کیتی جدوں اوہنے یوحنا ہتھوں بپتسمہ لیا تے سولی اُتے مرگیا۔ بائبل آکھدی اے، ” کیوں جے پاپ دی مزدوری موت اے “ (رومیوں۶: ۲۳)۔ جس طرحاں پرانے عہد نامے دے دَور وچ ہر بندہ قربانی دے لہو دے نال خُدا دی ہیکل وچ داخل ہو سکدا سی تے پاپ لئی کفارہ پا سکدا سی، اوسے طرحاں اسیں اپنی قربانی دے نال خدا دے کول آسکدے آں، جیہڑی پئی یسوع اے ،تے اپنیاں بدکاریاں توں معاف ہو سکدے آں۔ ایہہ سچیائی اے۔ تے کلام، ” کیوں جے پاپ دی مزدوری موت اے“ سانوں ایہہ وکھاؤندا اے پئی ایہہ سوہنی خوشخبری کِنی کامل اے۔
اسمان دی راہ ایس سوہنی خوشخبری اُتے ایمان رکھنا اے۔ پردے دا دو ٹوٹیاں وچ پھٹنا خُدا دی بادشاہی دے کھُل جاؤن دی نمائندگی کردا اے۔ جد اسیں ایہہ کہندیاں ہویاں ایس خوشخبری نوں جان دے تے ایمان رکھدے آں پئی ، ” آہا، یسوع نے میرے سارے پاپ چُک لئے۔ آہا، یسوع نے سولی اُتے پاپ دی ساری مزدوری دے دِتی! “ تد فیر اسمان دا بوہا ساڈے اگے کُھل جاوے گا۔ ہُن اسمان اوہناں لئی کھُل چکیا اے جیہڑے یسوع دے بپتسمہ تے اوہدے لہو اُتے اپنے ایمان دے راہیں رہائی پاچکے نیں۔ یسوع دے لہو نے پاپیاں نوں موت توں بچایا تے اوہدا بپتسمہ ساری نسل انسانی دے پاپاں نوں چُک لے جاون دا اک وَلّ سی۔
جدوں خد اوند نے سولی اُتے اپنی جان دِتی تد فیر دھرتی ہل گئی تے چٹاناں تڑک گیاں ۔ اوسے ویلے اوہدا لہو دھرتی اُتے ڈگیا تے دھرتی دے نیویں علاقیاں ول وگنا شروع ہوگیا۔ جدوں یسوع سولی اُتے مرگیا، تد فیر نسل انسانی دے سارے پاپ پاک ہو گئے، ایہہ سوہنی خوشخبری پوری ہو گئی تے سارے ایماندار اسمان دی بادشاہی وچ داخل ہوؤن دے قابل ہو گئے۔ ایہہ نویں سرے توں پیدا ہون دی درست سچیائی اے۔
بوہت سارے اجیہے عالم موجود نیں جیہڑےاک سچے بندے دے طور تے یسوع مسیح دےوجود دا انکار تلاش کرن دی کھوج کر چکے نیں۔ پراوہ اوہدے وجود نوں بےگنت تاریخی ثبوتاں پاروں اپنے مفروضیاں اُتے قائم نہ رکھ سکے۔ اوہناں وچوں بوہت سارے ہار من چکے نیں تے یسوع دے بپتسمہ تے لہو دی ایس خوشخبری اُتے ایمان رکھ چکے نیں۔ اوہناں نے جانیاں پئی یسوع دا ثبوت ایہناں پکا اے پئی اوہدے وجود توں انکار نئیں کیتا جا سکدا ۔ جدوں اوہناں نے ایس سوہنی خوشخبری مطلب پئی اوہدی پیدائش، بپتسمہ، موت، جی اُٹھن، اسمان اُتے چڑھن تے آمدِ ثانی اُتے ایمان رکھن نوں جانیا، تد فیر اوہناں نے یسوع نوں اپنے مکتی داتادے طور تے قبول کر لیا۔
اسیں یسوع دے بپتسمہ نوں نئیں ویکھیا۔ لگ بھگ دوہزار سال پہلاں جوواقع ہویا اوہنوں اسیں اپنیاں اکھاں نال نئیں ویکھیا ۔ فیروی جو کُجھ لکھیا ہویا اے، اوہدے راہیں کوئی وی ایس خوشخبری دے رابطے وچ آسکدا اے۔ یسوع نے اپنے بپتسمہ تے لہو دے راہیں خدا تے بندے دے وچکار دے بنھ نوں توڑ دتا ،تے ایس طرحاں خدا دی بادشاہی دا پردہ اُتے توں لَے کے تھلے تیک دو ٹوٹیاں وچ پھٹ گیا۔
ہُن ہرکوئی جیہڑا ایس سوہنی خوشخبری اُتے ایمان رکھدا اے جیہڑی یسوع دے بپتسمہ تے اوہدے لہو دے راہیں پوری ہوئی سی، اوہ اسمان دی بادشاہی وچ داخل ہو سکدا اے۔ کیہ تُسیں ایس سچیائی اُتے ایمان رکھدے او پئی یسوع دا بپتسمہ تے اوہدا لہومطلب ایہہ سوہنی خوشخبری اسمان دی بادشاہی دی کنجی اے؟
کدی میں خودوی اک اجیہاپاپی ساں، جیہڑا یسوع اُتے اپنی رہائی دااعتقاد رکھدا ہوندا ساں پر ایس سوہنی خوشخبری توں آگو نئیں ساں ۔ فیروی، اک دیہاڑے میں بائبل وچ اپنے لئی اوہدی غیرمشروط محبت بارے پڑھیا۔ میں جانیا پئی اوہنے میرے لئی بپتسمہ لیا، میرے لئی سولی اُتے مرگیا تے میرے لئی جی اٹھیا۔ یسوع نے سانوں یردن دے دریا وچ بپتسمہ لین دے راہیں بچا لیا تے ساڈے لئی اپنی محبت پاروں پاپ دی مزدوری ادا کرن لئی مصلوب ہویا سی۔ اسیں ایس سوہنی خوشخبری اُتے ایمان رکھن دے راہیں اسمان دی بادشاہی وچ داخل ہو ؤن دے قابل آں۔
ایہہ نسل انسانی لئی خُدا دی ڈاہڈی اچیری راستبازی اے تے عہد بنھن دا تاریخ ساز واقعہ اے۔ اوہدی ساری خدمت — اوہدی پیدائش، یردن دے دریا اُتے بپتسمہ، سولی اُتے موت، تے جی اُٹھنا— سانوں ساڈے سارے پاپاں توں بچاؤن لئی سی ۔ اسیں اپنیاں موتاں دےبعدوں جہنم دا مقدر رکھدے ساں پر یسوع نے ہمیش لئی جہنم وچ رہن توں ساڈیاں جاناں نوں بچایا تے سانوں اسمان دی بادشاہی وچ داخل ہوو ن دی راہ دے طور تے ایہہ سوہنی خوشخبری عطا کیتی۔
سوہنے بھر او،جدوں یسوع سولی اُتے مر گیاتد اک سپاہی نے بھالے نال اوہدی پسلی چھِد دتی، تے فٹافٹ ایہدے وچوں لہوتے پانی بہہ نکلیا۔ بائبل وچ ایسے طرحاں ای لکھیا ہویا اے ۔ ایہہ یسوع دے بپتسمہ تے اوہدے لہو دی ایس سوہنی خوشخبری دی سچیائی دی گواہی دیندا اے۔
کیہ تُسیں خیال کردے او پئی یسوع دے سولی اُتے وگن والے لہو اُتے تہاڈا ایمان تہانوں تہاڈے پاپاں توں مکت کرن لئی کافی اے؟ کیہ یسوع دا بپتسمہ گھٹ ضروری اے یا تہاڈی رہائی لئی چھوٹا اے؟ جے تُسیں ایس طرحاں دا ایمان رکھدے او تد فیر مہربانی نال توبہ کرو۔ ہُن سانوں یسوع دے بپتسمہ تے لہو دی ایس خوشخبری اُتے ایمان رکھنا اے تے ایہنوں خدا دی سچیائی دے طور تے پچھاننااے۔
کیہ تُسیں اپنے سارے پاپاں توں پاک ہونا چاؤہندے او؟
جس طرحاں سانوں قرض توں نکلن لئی ادائیگی کرن دی لوڑ ہوندی اے، بالکل اوس طرحاں سانوں لازمی طور تے اپنے سارے پاپاں توں پاک ہوؤن لئی یسوع دے بپتسمہ تے لہو دی ایس سوہنی خوشخبری اُتے ایمان رکھنا چاہی دا اے۔ سانوں یسوع دے بپتسمہ تے لہو دی ایس خوشخبری اُتے بے اعتقادی دا پاپ نئیں کرنا چاہی دا اے۔ گو اسیں براہِ راست یسوع اُتے اپنے پاپاں نوں منتقل نئیں کیتا، اک درمیانی جیہڑا یوحنا اصطباغی اکھواندا سی نے ساڈے لئی ایہہ کم کیتا سی۔
جد یسوع سولی اُتے مرگیا، تد فیر یروشلیم وچ کُجھ مقدساں دیاں قبراں کُھل گیاں تے تِناں دیہاڑیاں بعدوں اوہ جی اٹھیا تے گلیل وچ گیا۔ ایہہ حیران کُن واقعہ واقعی رونما ہُویا سی پربوہت سارے لوک اجیہے موجود سن جیہناں نے ایہدے اُتے ایمان نہ رکھیا۔
ساڈے خد اوند نے سانوں راستبازاں نوں اسمان دی بادشاہی عطا کیتی جنہاں نے پاپ دی معافی پائی۔ اسیں رہائی پائی تے نویں سرے توں پیدا ہوئے، مطلب ایہہ اپنے جثے دی طاقت یاں مذہبی کوششاں دے راہیں نئیں، سگوں ایس سوہنی خوشخبری اُتے اپنے ایمان دے راہیں۔ ایہہ خوشخبری کوئی افسانہ کہانی نئیں اے۔ جدوں یسوع نے بپتسمہ لیا تد دنیا دے سارے پاپ اوہدے اُتے لَد دِتے گئے سن ۔ اوہدے وچ کوئی پاپ نئیں سی، پراوہنوں ساڈے اصل پاپاں دا فدیہ دین لئی سولی اُتے مر نا پیا جیہڑے اوہنے اپنے بپتسمہ دے ویلے چُک لیے سن۔
جدوں یسوع نے اپنی جان دتی تد دھرتی ہل گئی تے چٹاناں تڑک گیاں۔ جد وں صوبیدار تے اوہدے نال اوہناں نے جیہڑے یسوع دے بدن دی رکھوالی کرن دیے سن زلزلے تے اوہناںشیواں نوں جانیا جیہڑیاں واقع ہوچکیاں سن تد اوہناں نے گواہی دیندیاں ہویاں ،بوہت ڈاہڈا ڈر محسوس کیتا، ” ایہدے وچ کوئی شک نئیں پئی ایہہ خُدا دا پُتر سی۔ “ (متی۲۷ :۵۴)۔
ارمتیا ہ دے اک دولت مند بندے یوسف نے یسوع دا بدن لیا، ایہنوں اک صاف لینن دے کپڑے وچ لویٹیاتے ایہنوں اپنی ذاتی قبر وچ رکھیا۔ سردار کاہن تے فریسیاں نے تیجے دیہاڑے تائیں قبر دی ڈاہڈی نگرانی کرن دے حکم جاری کیتے۔
فیروی یسوع اوہناں لوکاں نوں نویں حیاتی دین لئی جی اٹھیا جیہڑے ایس سوہنی خوشخبری اُتے ایمان رکھدے نیں۔ اوہ گلیل وچ گیا، جِتھے اوہ اپنے مصلوب ہوؤن توں پہلاں اپنے شاگرداں نوں ملن دا وعدہ کرچکیا سی۔ ایہہ ساریاں شیواں— اوہدی پیدائش، بپتسمہ، سولی دی موت، جی اُٹھنا، اسمان اُتے چڑھنا تے آمدِ ثانی — اوہناں لوکاں دے آل دوالے سن جیہڑے ایس سوہنی خوشخبری اُتے ایمان رکھدے نیں۔ مَیں وی اک اجیہاگواہ بن چکیا واں جیہڑا گواہی دیندا اے پئی یسوع زندہ خدا دا پُتر تے میرا مکتی داتااے۔
کنہاں دےراہیں ایس سچی خوشخبری دی منادی کیتی جاندی اے؟
یسوع دے بپتسمہ تے لہو اُتے ایمان رکھن والے ایس سوہنی خوشخبری دی سچیائی دی گواہی دیندے نیں۔ ایس سوہنی خوشخبری دی منادی اوہناں لوکاں دی گواہی راہیں پھیلائی جاندی اے جنہاں نے اپنے پاپاں توں رہائی پا لئی اے ۔ جدوں کوئی بندہ ایس خوشخبری اُتے ایمان رکھن دے راہیں آپنے پاپاں توں مکت ہو ندا اے تد فیر خدا دا روح اوہنوں ہدایت دیناشروع کردیندا اے تے اوہ اپنی ذاتی مرضی نوں اک پاسے رکھدیاں ہویاں بدل دا اے۔ خدا دے روح جِتن والے اکھر لگاتار اک راستباز بندے نوں بدل دے نیں تے اوہنوں ہور بوہتا مضبوط ایمان دیندے نیں۔ نتیجے دے طور تے اوہ خدا دی تعریف کردا اے ۔ خدا دا کلام اوہدے وچ قائم رہندا اے، تے نتیجے دے طور تے اوہ روز دیہاڑے اپنی اندر دی انسانیت دے نویں ہوون دا تجربہ کردا اے۔ اوہنوں ایس طرحاں بدلیا ہویا ویکھ کے لوک گواہی دیندے نیں، ” اوہ سچی مُچی رہائی پایا ہویا بندہ اے۔ اوہ سچا مسیحی تے خدا دا پُتر بن گیا۔“
گو بھاویں ابلیس من دا تے ایس سوہنی خوشخبری دے تابع ہوندا اے۔ ” میں من وچ شرمندا واں!“ اوہ آکھدا اے۔ ” پر ایہہ سچ اے پئی دنیا وچ کوئی پاپ موجود نئیں اے۔ کوئی اپنے دل وچ پاپ نئیں رکھدا۔“ ایس لئی شیطان لوکاں دیاں سوچاں وچ، اوہناں دیاں وفادار حیاتیاں وچ مداخلت کردیاں ہویاں کم کردا اے۔ ابلیس دا کم اوہناں نوں ایس خوشخبری دیاں روحانی برکتاں پاؤن توں روکنا اے۔
شیطان نے یسوع دے نال یقینی طور تے جنگ ہار دِتی۔ شیطاں لوکاں دے ذہناں اُتے قبضہ کردیاں ہویاں یسوع نوں مصلوب کراؤن وچ کامیاب ہُویا۔ فیروی ،یسوع دُنیا دے پاپاں نوں پہلاں ای چُک لیا سی جدوں اوہنے بپتسمہ لیا ،تے تد اوہ پاپ دی مزدوری ادا کرن لئی سولی اُتے مرگیا۔ ایسے پاروں اوہنے پورے طور تے ایس خوشخبری اُتے سارے ایمان رکھن والیاں نوں بچالیا۔
ابلیس نسل انسانی نوں اوہناں دے پاپاں توں بچاؤن لئی خدا دے منصوبے نوں روکن دے قابل نئیں سی۔ یسوع نے ایس سوہنی خوشخبری نوں پوریاں کرن لئی اپنے بپتسمہ تے لہو دےراہیں نسل انسانی دے پاپاں دی قیمت ادا کیتی۔ ہُن ایس جگ وچ کوئی پاپ موجود نئیں ہیگااے۔ یسوع نے سارے پاپ اپنے بپتسمہ دے وسیلے چُک لَے تے سولی اُتے ایہہ کہندیاں ہویاں اپنی موت دے راہیں سارے پاپاں دا خاتمہ کردِتاپئی، ”پورا ہُویا !“ (یوحنا۱۹ :۳۰)۔ شیطان اوہناں اُتے اِلزام لاؤن دے اِختیار توں محروم ہو گیا جیہڑے ایس سوہنی خوشخبری اُتے ایمان رکھدے نیں۔ یسوع نے اپنی پیدائش، بپتسمہ،
سولی دی موت تے جی اُٹھن دے راہیں اِبلیس نوں شکست دِتی ۔
کیہ تُسیں حالے تیک وی اپنے دلاں وچ پاپ رکھدے او؟ نئیں۔ مسیحی سچیائی دی ایس سوہنی خوشخبری اُتے اپنے ایمان دی بنیاد اُتے اعتماد دے نال ایہہ کہہ سکدے نیں پئی، ” مَیں اپنے دل وچ کوئی پاپ نئیں رکھدا۔“ اوہ بندہ جیہڑا یسوع دے بپتسمہ تے لہو دی ایس سوہنی خوشخبری اُتے ایمان رکھدا اے تد فیر اوہ اپنے دل وچ رتی برابر وی پا پ نئیں رکھدا ۔
ہُن ایہہ سوہنی خوشخبری ساڈے دلاں اُتے کھوددِتی جاچکی اے۔ ہُن اسیں خدا دی حضوری وچ کسے وی قصور توں رہا کھڑے آں۔ کیہ تُسیں سارے ایمان رکھدے او پئی یسوع نے یردن دے دریا اُتے اپنے بپتسمہ دے راہیں تہاڈے سارے پاپاں نوں چُک لیا سی؟ جے ایس طرحاں اے تد فیر تُسیں خدا لئی شکر گزاری تے شادمانی توں بھرپور ہو جاوو گے۔ ایس سوہنی خوشخبری اُتے ایمان رکھن دےراہیں، اسیں پاک ہوچکے آں تے ایس دنیا وچ اپنے پاپاں توں رہا ہوچکے آں۔ اسیں خدا دا شکر ادا کردے آں۔
” اوہنے سانوں ہنیرے دے قبضے توں چھڑا کے اپنے عزیز پُتر دی بادشاہی وچ داخل کیتا۔جیہدے وچ اسیں آزادی یعنی پاپاں دی معافی پائی اے۔ “(کلسیوں۱:۱۳۔۱۴) ۔ ہیلیلویاہ، خُد اوند دی تعریف ہو وے۔
یسوع نے ایس سوہنی خوشخبری دے راہیں مکتی دا بوہاکھول دِتا۔ تہانوں وی لازمی طور تے ایس سوہنی خوشخبری دی طاقت دے نال فٹافٹ اپنے دل وچ موجود بنھ نوں بالکل اوسے طرحاں توڑ دینا چاہی دا اے جس طرحاں ہیکل دا پردہ دو ٹوٹیاں وچ پھٹ گیا سی۔ ایہہ سوہنی خوشخبری تہاڈے لئی تے میرے لئی بنائی گئی سی۔ اسیں ایس خوشخبری اُتے ایمان رکھن دے راہیں اسمان دی بادشاہی وچ داخل ہو سکدے آں، تے ایہہ اوہ پکی سچیائی اے جیہڑی ساڈی روح پاک دی بھرپوری نوں پاؤن لئی اَگوائی کردی اے۔
Copyright © 2021 by The New Life Mission