کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
مضمون 10: مُکاشفہ(مُکاشفہ دی کتاب اُتے تفسیر)
[15-1باب] پاک لوک جیہڑے خُداوند دے حیران کرن والے کماں دی وَا وِچ وڈیائی کردے نیں (مُکاشفہ۱۵:۱۔ ۸)
(مُکاشفہ۱۵:۱۔ ۸)
” فیر مَیں اسمان اُتّے اِک ہور وَڈا تے اچرج نِشان ویکھیا یعنی ستّاں فرِشتیاں پِچّھلیاں سَتّ آفتاں لئیاں ہویاں سن کیوں جو ایہناں آفتاں وِچ خُدا دا قَہر مُک گیا اے۔فیر مَیں شیشے دا اِک سمُندر جیہا ویکھیا جِہدے وِچ اَگ مِلی ہوئی سی تے جِنہاں اوس پشُو تے اوہدے بُت تے اوہدے ناں دی گنتری نُوں جِت لیا سی اوہناں نُوں اوس شیشے دے سمُندر کول خُدا دِیاں بربطاں لے کے کھلوتیاں ڈِٹّھا۔تے اوہ خُدا دے بندے مُوسیٰ دا گِیت تے لیلے دا گِیت گا گا کے آکھدے سن پئی اَے خُداوند خُدا قادرِ مُطلق! تیرے کمّ وڈّے تے اچرج نیں اَے ہمیشہ دے بادشاہ! تیریاں راہاں راست تے ٹھیک نیں۔اے خُداوند! کون تَیتھوں نا ڈرے گا؟ تے کون تیرے جلال دا ناں ظاہر نا کرے گا؟ کیوں جو نِرا توں ای قُدُّوس ایں تے سارِیاں قوماں آ کے تینُوں سجدہ کرن گِیاں کیوں جو تیرے انصاف دے کمّ ظاہر ہو گئے نیں۔ایہناں گلّاں دے پِچّھوں مَیں ویکھیا پئی شہادت دے خیمے دی ہیکل اسمان وِچ کھولی گئی۔تے اوہ سَتّے فرِشتے جِنہاں کول سَتّے آفتاں سن تیز تے چمکدار جواہراں دے نال سَجے ہوئے تے سینے اُتّے سونے دی پیٹی بَنّھ کے خُدا دی ہیکل وِچوں نِکلے۔تے اوہناں چَوہاں جانداراں وِچوں اِک نے سَتّ سونے دے پیالے ہمیشہ تیکر زِندہ رہن والے خُدا دے قَہر نال بھرے ہوئے اوہناں ستّاں فرِشتیاں نُوں دِتّے۔تے خُدا دے جلال تے اوہدی قُدرت دے سببّوں ہیکل دُھوں نال بھر گئی تے جد تیکر اوہناں ستّاں فرِشتیاں دِیاں سَتّے آفتاں مُک نا گِئیاں کوئی اوس ہیکل وِچ وڑ نا سکیا۔ “
تفسیر
آیت۱: فیر مَیں اسمان اُتّے اِک ہور وَڈا تے اچرج نِشان ویکھیا یعنی ستّاں فرِشتیاں پِچّھلیاں سَتّ آفتاں لئیاں ہویاں سن کیوں جو ایہناں آفتاں وِچ خُدا دا قَہر مُک گیا اے۔
باب ۱۵ سانوں ست فرشتیاں ولوں ڈوہلیاں گئیاں ست پیالیاں دیاں آفتاں دے راہیں لیائی گئی دنیا دی اخیر بارے دسدا اے ۔ ایہدا ” اسمان اُتّے اِک ہور وَڈا تے اچرج نِشان“ یعنی جو یوحنا رسول نے ویکھیا کیہ مطلب اے ؟ ایہہ پاک لوکاں دا شیشے دے سمندر کول کھلون دا تے خُدا دی وڈیائی کرن دا سوہنا نظارہ اے ۔
آیت۲: فیر مَیں شیشے دا اِک سمُندر جیہا ویکھیا جِہدے وِچ اَگ مِلی ہوئی سی تے جِنہاں اوس پشُو تے اوہدے بُت تے اوہدے ناں دی گنتری نُوں جِت لیا سی اوہناں نُوں اوس شیشے دے سمُندر کول خُدا دِیاں بربطاں لے کے کھلوتیاں ڈِٹّھا۔
جملہ ” شیشے دا اِک سمُندر جیہا ویکھیا جِہدے وِچ اَگ مِلی ہوئی سی“ ایتھے سانوں دسدا اے پئی ایس زمین اُتے اَذّیت دا رونا دھونا بوہت چوکھا ہو جائے گا جویں ای خُدا ایہدے اُتے ستّ پیالیاں دیاں آفتاں گھلے گا، تے یعنی دوجے پاسے ، پاک لوک وَا وِچ خُداوند دی وڈیائی کردے پئے ہون گے ۔ خُدا ولوں ایس زمین اُتے ڈوہلیا ں گِئیاں سَتّ پیالیاں دیاں آفتاں پاک لوکاں دے ایہناں ویریاں کولوں بدلہ لین لئی گھلیاں جان گِیاں ۔
اوس ویلے ، پاک لوک، خُدا الوں اپنے جیوں اُٹھن تے چُکے جان وچ اکٹھے ہون دے بعدوں ، شیشے دے ایس سمندر کول جیہڑ ا اگ ملیا ہویا اے اوہدے کماں دی وڈیائی کرن لئی کھلون گے ۔ پاک لوک جیہڑے خُداوند دی قدرت دے راہیں ایس زمین اُتےشہیدہون دے سببوں جیوں اُٹھن گے تےچُکےجان گے اوہدی مکتی تے قدرت لئی سدا تیکر اوہدی وڈیائی کرن گے ۔ وڈیائی کرن والے پاک لوک اوہ نیں جیہڑے ایس طرح دے ایمان نال مخالفِ مسیح اُتے فتح پاؤن دے سببوں ایمان دی فتح پاچُکے ہون گے جیہڑے اوہنوں ، اوہدے بُت تے اوہدے ناں دے ٹھپےیاں اوہدے ناں دے عدد نوں ردّ کردے نیں ۔
آیت ۳: تے اوہ خُدا دے بندے مُوسیٰ دا گِیت تے لیلے دا گِیت گا گا کے آکھدے سن پئی اَے خُداوند خُدا قادرِ مُطلق! تیرے کمّ وڈّے تے اچرج نیں اَے ہمیشہ دے بادشاہ! تیریاں راہاں راست تے ٹھیک نیں۔
شیشے دے سمندر کول کھلوتے پاک لوک موسیٰ دا گیت تے لیلے دا گیت گاؤندے پئے نیں ۔ تے ایہدے مصرعے ایہہ نیں : ” اَے خُداوند خُدا قادرِ مُطلق! تیرے کمّ وڈّے تے اچرج نیں اَے ہمیشہ دے بادشاہ! تیریاں راہاں راست تے ٹھیک نیں“ ایس گیت دے مصرعے ،بالکل جویں اوہ لکھے ہوئے نیں ، سچے دلوں خُدا دی وڈیائی کردے نیں پئی اوہدی قادرِ مطلق قدرت دے سببوں کجھ اوکھا نئیں ہیگا جیہڑا اوہ نئیں کر سکدا ۔ ایتھے ایہہ وی لکھیا ہویا اے پئی ” تیرے[اوہدے]کم وڈےتےاچرج نیں۔ “
”اچرج“ دا ایتھے مطلب اے ” کوئی شے اینی وڈی پئی اکھر اوہدے بارے نئیں دس سکدے ۔“دوجے اکھراں وچ ، ایہہ سوکھے طریقے نال حیران کرن والی تے اچرج اے پئی ساڈا خُداوند ،پانی تے رُوح دی خوشخبری دے راہیں ، دونویں پُرانے عہد نامے تے نویں عہد نامے دے سارے پاک لوکاں نوں اوہناں دے سارے پاپاں توں بچا چُکیا اے ، اوہناں نوں بے پاپ بناندااے تے ایہناں پاک لوکاں نوں جیہڑے اپنے ایمان دے سببوں مکتی یافتہ ہوندے نیں ،اوہناں نوں بدنی موت توں زندہ کرن دے سببوں وَا وِچ خُداوند دی وڈیائی کرن تے اوہناں نوں وَا وِچ اُتاں چُکے جان دی اجازت دیندا اے ۔ ایہہ پاک لوک خُداوندخُدا دی اوہناں دے مکتی داتا ،اوہناں دے خُداوندتے قادرِ مطلق خُدا ہون لئی وڈیائی کردے پئے نیں ۔
کیہ تُسیں سچ مُچ ایمان رکھدے او پئی خُداوندخُدا دنیا تے ایس وچ ساریاں شیواں نوں ، تہانوں تے مینوں شامل کردے ہویاں پیدا کر چُکیا اے ،تے یعنی اوہ بنا ں شک ساڈا خُداونداے ؟ صرف اوہ جیہڑے ایس سچیائی اُتے ایمان رکھدے نیں خُداوند ولوں دتی گئی پانی تے رُوح دی خوشخبری اُتے ایمان رکھن والے بن سکدے نیں ۔ اوہ جیہڑے ایہہ ایمان رکھدے نیں اوہ لوک نیں جیہڑے بوہت کھرا ایمان رکھدے نیں ۔ مسیحیاں نوں لازمی جاننا تے ایمان رکھنا چاہی دا اے پئی یسوع دنیا بناؤن والا اے جِنہے ساری دنیا نوں تے ایس وچ ہر اک شے نوں بنایا ۔ تے اوہناں نوں لازمی اوہدے کماں نوں جانن تے اوہدے اُتے ایمان رکھن دے سببوں خُداوندخُدا دی وڈیائی تے بھگتی کرنی چاہی دی اے ۔ ” اَے خُداوند خُدا قادرِ مُطلق! تیرے کمّ وڈّے تے اچرج نیں۔“ ایمان دی ایہہ وڈیائی سچ مُچ نویں سریوں جمے ہوئے پاک لوکاں دے کھرے ایمان نوں ظاہر کردی اے ۔ جیہڑے موسیٰ دا تے لیلے دا گیت گاؤندے نیں۔
کیہ تُسیں ایمان رکھدے او پئی خُداوند یسوع قادرِ مطلق خُدا اے ؟ اوہ جیہڑے ایمان رکھدے نیں پئی یسوع اپنے آپ خُدا اے جنہے ساری دنیا نوں پیدا کیتا ایہہ وی ایمان رکھدے نیں پئی خُداوند بندے دے بدن وچ ایس زمین اُتے آیا ، تے یعنی تَریہہ ورہے دی عمر وچ اوہنے اکو ای وار سارے لوکاں دے پاپاں نوں چُکن لئی یوحنا کولوں بپتسمہ لیا ،تے یعنی اوہنے لہو وگایا تے سولی اُتے مر گیا تے فیر مویاں وچوں جیوں اُٹھیا ۔ اپنے ایمان دے سببوں اوہ پاپ دی معافی پا ؤندے نیں تے پاک لوک بن جاندے نیں ۔ اوہ جیہڑے ایس سچیائی نوں جان دے نیں ،تے ایس اُتے کھرا ایمان رکھدے نیں ، بنا ں شک وڈے ایمان والے لوکاں وانگر دسے جاسکدے نیں ۔
ایہہ حوالہ ایتھے فرماندا اے پئی چُکے گئے پاک لوکاں نیں وَا وِچ ،ایہہ آکھدے ہویاں ، خُدا دی وڈیائی کیتی ، ” تیرے کمّ وڈّے تے اچرج نیں “ دوجے اکھراں وچ ، اوہ خُداوندخُدا دی دنیا تے سارے لوکاں نوں پیدا کرن لئی ، ایس زمین اُتے یوحنا کولوں لَئے گئے خُداونددے بپتسمے نال اکو ای وار اوہناں دے سارے پاپاں نوں پاک کرن دے سببوں پاپیاں نوں بچاؤن لئی، تے اوہناں نوں خُدا دے پُتر بنن دا حق دین لئی وڈیائی کردے پئے سن — ایہہ سارا کجھ خُداوندولوں دتی گئی پانی تے رُوح دی خوشخبری دے سببوں اے ۔ یعنی پاک لوک مسیح لئی اپنی شہادت وچ ، اپنے جیوں اُٹھن تے چُکےجان تے سدا دی زندگی وچ حصہ لَے سکدے نیں — ایہہ ساریاں خُدا ولوں ورسائیاں گئیاں برکتاں نیں ۔
سارے پاک لوکاں نوں لازمی اپنے خُداونددی وڈیائی کرنی چاہی دا اے جیہڑی اوہدے سارے راستی دے کماں لئی اوہدے سارے جلال نوں ظاہر کردی اے جیہڑے خُداوند پاپیاں لئی کر چُکیا اے— یعنی سارے پاپاں نوں ، ایسے طرح سارے دوجے کماں نوں مکانا جیہڑے اوہ جد پئی ایس زمین اُتے کر چُکیا سی ۔ پاک لوک وَا وچ موسیٰ دا گیت تے لیلے دا گیت گاؤن گے ۔ اوہ گاؤندے ہویاں خُداوند دی وڈیائی کرن گے کنے وڈے تے اچرج کم نیں ایہہ ہےکیہ خُداوندخُدا قادرِ مطلق پاپیاں یعنی اپنے ویریاں لئی کر چُکیا اے ۔
بناں شک ، خُداوند پاک لوکاں تے اوہناں ساریاں لئی جو کر چُکیا اے جیہڑے اوہدے خلاف
کھلوندے نیں ناصرف ساڈے لئی اچرج اے ، سگوں ایہہ ایتھوں تیکر پئی ودھیا اے ۔ ایس دنیا نوں بناؤن وچ خُدا دا مقصد سارے لوکاں نوں اپنے لوک بنانا سی ۔ ایسے طرح ، اوہدے سارے کم جیہڑے اوہ سارے لوکاں لئی کر چُکیا اے ساڈے اگے اینے اچرج تے ودھیا وانگر ظاہر ہوندے نیں ۔ اسیں ساریاں اُتے ایمان رکھن دے سببوں خُدا نوں جلال دیندے آں جو کجھ او ہ ساڈے لئی کر چُکیا اے ، تے اسیں اوہدے سارے کماں اُتے ایمان رکھن دے سببوں اوہدی وڈیائی کردے آں ۔
یعنی خُدا نے اپنے آپ دی شکل وانگر بندے نوں بنایا وی کناں اچرج کم اے ۔ یعنی اوہنے ہر کسے نوں اپنی شریعت دتی ، تےیعنی اوہنے ایس زمین اُتے یسوع مسیح نوں گھلن لئی کواری مریم دے راہیں کم کیتا وی ساڈیاں اکھاں اگے اچرج کم اے ۔پر اوسے ویلے ، اسیں ایمان رکھدے آں پئی ایہہ سارے کم پاپیاں نوں اوہناں دے پاپاں توں بچاؤن لئی اک وسیلے وانگر کیتے گئے سن ۔ ایسے طرح ایہہ سچیائی اچرج وی اے پئی ساڈا خُداوندخُدا یسوع مسیح دے بدن اُتے دنیا دے سارے پاپاں نوں ، ساریاں نوں اکو ای وار ، یعنی اوہنوں یوحنا کولوں بپتسمہ دلوان دے سببوں لد چُکیا سی ، تاں پئی اوہ سارے لوکاں دا ہر اک پاپ مکمل طریقے نال تے سارےداسارا مکا سکے ۔
اوہناں لئی جیہڑے پانی تے رُوح دی خوشخبری اُتے ایمان رکھدےنیں ، یعنی خُداوندخُدا اوہناں نوں ایس طرح پاپ دی سدا دی معافی تے اپنا پاک رُوح دے چُکیا اے وی ودھیا تے اچرج کم اے ۔ تے یعنی اوہ اپنے مکتی یافتہ پاک لوکاں نوں ساری دنیا وچ پانی تے رُوح دی خوشخبری دی منادی کرن دے لائق کر چُکیا اے اک ہور اچرج برکت اے ، ایہہ ایہو جیہی شے اے ، جیہڑی اک وار فیر ، ساڈے لئی وڈی اے ۔ سچیائی اے پئی ساڈا خُداوندخُدا پاک لوکاں نوں شہادت دی اجازت دیوے گا ، اوہ اوہناں نوں زندہ ہون تے چُکے جان دی وی اجازت دیوے گا ، تے اوہناں نوں اسمان اُتے سدا تیکر جلال وچ زندہ رکھے گا —ایہہ سارے کم وی اچرج برکتاں نیں ۔
ایہناں ساریاں شیواں دا ارادہ بناؤن دے بعدوں ، جد ویلا آئے گا خُدا اوہناں ساریاں نوں اوہدے مطابق پورا کرے گا — خُداوند دے ایہہ کم جیہڑے پاک لوکاں نوں خُدا دے جلال تے وڈیائی دے لائق بناؤندے نیں اوہناں دے دلاں وچ وڈیاں برکتاں وچ بدل جاندے نیں ۔ اسیں خُداوند دا شکر وی کردے آں تے سچیائی دے سببوں برکت پاؤندے آں پئی اوہ اپنے آپ اپنے ویریاں توں ست پیالیاں دیاں آفتاں دے سببوں اپنی قادرِ مطلق طاقت نال بدلہ لوے گا ۔
ایس لئی پئی خُداوند خُدا دے سارے کم پاک لوکاں دیاں اکھاں ساہمنے ظاہر ہوندے نیں جویں کوئی شے اوہناں دیاں حداں توں باہر اے ، اوہ اوہدی وڈیائی کردے نیں ۔ ایس لئی اوہ اوہدی قادرِ مطلق قدرت ، اوہدے اچرج کماں تے طاقت لئی خُداوند دی وڈیائی کردے نیں ۔ ساڈا خُداوندخُدا نا صرف سارے لوکاں توں سگوں دنیا دی ہر مخلوق توں وی ساری وڈیائی کراؤن دے لائق اے ۔ ہیلیلویاہ!
اوہ جیہڑے جان گئے ، تجربہ کر چُکے ، تے اپنیاں اکھاں نال گواہی دے چُکے نیں پئی ساڈا خُداوند اوہناں لئی کیہ کر چُکیا اے بچ نئیں سکدے سگوں اوہدی قادرِ مطلق قدرت ، اوہدی کامل دانائی ، اوہدی راستبازی ، اوہدی ہمیش دی نا بدلن والی کھری کچہری ، تے اوہدی سدا دی تے نا بدلن والی محبت لئی اوہدی وڈیائی کردے نیں ۔ خُداوند پاک لوکاں نوں اوہدے اچرج کماں لئی سدا تیکر اوہدی وڈیائی کرن دی اجازت دے چُکیا اے ۔
ایسے طرح ، پاک لوک خُداوند خُدادی ہمیش لئی ساریاں کماں ، اوہدی بھلیائی تے وڈیائی دے لئی پرستش کردے نیں جو کجھ اوہ اوہناں لئی کر چُکیا اے ۔ ساڈا خُداوند خُدادنیا وچ ساریاں شیواں توں وڈیائی کراؤن دے لائق اے ، ایس لئی پئی اوہدے سارے کم صرف اوہدی قادرِ مطلق قدرت دے سببوں سوکھے ہوندے نیں ۔ ہیلیلویاہ !میَں خُداوند دی اوس قدرت تے اوہدی ہمیشگی ، نابدلن والی تے مبارک محبت لئی وڈیائی کردا ہاں !
آیت ۴: اے خُداوند! کون تَیتھوں نا ڈرے گا؟ تے کون تیرے جلال دا ناں ظاہر نا کرے گا؟ کیوں جو نِرا توں ای قُدُّوس ایں تے سارِیاں قوماں آ کے تینُوں سجدہ کرن گِیاں کیوں جو تیرے انصاف دے کمّ ظاہر ہو گئے نیں۔
وَا وِچ پا ک لوک خُداونددے کماں دی اپنے مُنھ نال وڈیائی کردےنیں۔” اے خُداوند ! کون تیتھوں نا ڈرے گا ؟ تے کون تیرے جلال دا ناں ظاہر نا کرےگا ؟ “ ایہہ وڈیائی اے جیہڑی کامل یقین تے ایمان نال بھری ہوئی اے ، یقین نال منادی کردے ہویاں پئی کوئی خُداوند خُدادے جلال دے خلاف کدی کھلو نئیں سکدا ، تے یعنی کوئی بندہ کدی اوہنوں وڈیائی پاؤن توں روکن دی ہمت نئیں کر سکدا ۔ کیہڑا ڈر کے کمبیوں بغیر خُداوند دے ناں دے اگے کھلو سکدا اے ۔ کوئی بندہ موجود نئیں ہیگا تے ایس دنیا وچ ، ساری کائنات وچ تے سارے ہمیشگی دے حلقیاں وچ کوئی شےنئیں ہیگی ، جیہڑی خُداوند خُدا دے خلاف
کھلو سکدی اے تے فتح پا سکدی اے ، ایس لئی پئی یسوع راجیاں دا راجہ تے قادرِ مطلق خُدا اے ۔
ایس دنیا وچ ساریاں شیواں تے پاک لوک بچ نئیں سکدے سگوں یسوع مسیح دے ناں اگے ، خُداوندخُدا دی قادرِ مطلق قدرت ،تے اوہدی سچیائی اگے ڈر کے کمبدے نیں ۔ ایس لئی پئی خُداوندخُدا دی قدرت حدوں بوہتی وڈی اے، تے ایس لئی پئی اوہ سچا تے کامل اے ، ساریاں مخلوقاں شکرگزاری ، جلال تے اوہدے ناں اگے وڈیائی کردیاں نیں ۔ ہرکسے نوں لازمی ایہو جیہا دل رکھنا چاہی جیہڑا خُدا کولوں ڈردا ہوئے۔ تے دنیا وچ ساریاں شیواں نوں لازمی ساڈے خُداونددے ناں دی وڈیائی کرنی چاہی دی اے ۔کیوں؟ ایس لئی پئی ساڈا خُداوند پاک ا ے تے اوہ سارے لوکاں نوں اوہدی ساری بدی توں مکتی دے چُکیا اے ۔
ایس لئی پئی ست پیالیاں دیاں آفتاں جیہڑیاں خُداوند مخالفِ مسیح ، اوہدے ساتھیاں تے ایس زمین اُتے زندہ رہن والے دین پرستاں اُتے گھلے گا اوہدی راستبازی نوں ظاہر کرن گِیاں ، اسیں بچ نئیں سکدے سگوں اوہدی وڈیائی کردے آں ۔ ایس لئی پئی خُداوند دا کھراانصاف ست پیالیاں دیاں وڈیاں آفتاں نال ظاہر ہوندا اے ، ساڈا خُداوندخُدا ساریاں زندہ شیواں ، فرشتیاں تے وَا وِچ پا ک لوکاں کولوں جلال ، وڈیائی تے بھگتی کراؤن دے لائق اے ۔
کیہڑا خُداوند یسوع مسیح دے ناں توں ناڈرن دی ہمت کر سکدا اے ؟ ساڈا خُداوندکوئی مخلوق نئیں ہیگا ، سگوں خُداوند قادرِ مطلق خُدا اے ۔ اوہناں ساریاں اُتے ست پیالیاں دیاں ڈراؤنیاں آفتاں ڈوہلن دے سببوں جیہڑے اوہدے خلاف کھلوندے نیں ، خُداوندخُدا ایہنوں سوکھے طریقے نال نا بچن دے لائق بناؤندا اے پئی اوہدی ساری مخلوق اوہدی بھگتی دے لائق تے قدرت دے اگےاوہدی وڈیائی کرن گِیاں ۔
” سارِیاں قوماں آ کے تینُوں سجدہ کرن گِیاں کیوں جو تیرے انصاف دے کمّ ظاہر ہو گئے نیں۔“ سانوں لازمی احساس کرنا چاہی دا اے ، ایس لئی ،پئی کوئی بندہ جیہڑا خُداونددے ناں دے خلاف کھلوندا تے کفر بولدا اے کد ی خوشی نال زندہ نئیں رہ سکدا ۔
صرف خُداونددے ناں اگے گوڈے ٹیکن ، تے ایمان رکھن ، شکر کرن تے اوہدے ودھیا ہون لئی اوہدی وڈیائی کرن ، اوہدی قادرِ مطلق قدرت ، اوہدے فضل ، تے اوہدی وڈی مکتی تے محبت دی وڈیائی کرنا اوس طرح دی بھگتی اے جیہڑی اوہدے ناں دی شان وانگر اے ۔ ایس لئی ساری مخلوق نوں لازمی ایمان رکھنا چاہی دا اے خُداوندایس زمین اُتے جد پئی کیہ کر چُکیا اے ، تے وڈیائی تے اوہدی بھگتی کرنی چاہی دی اے ۔ ساڈا خُداوند سارے لوکاں تے ساریاں قوماں توں وڈیائی کراؤن دے لائق اے ۔ آمین ۔ ہیلیلویاہ!
آیت ۵: ایہناں گلّاں دے پِچّھوں مَیں ویکھیا پئی شہادت دے خیمے دی ہیکل اسمان وِچ کھولی گئی۔
ایہہ آیت سانوں دسدی اے پئی جد ست پیالیاں دیاں آفتاں جیہڑیاں ساڈا خُداوند خُدا ایس زمین اُتے ڈوہلے گا مک دیاں نیں ۔ خُدا پاک لوکاں نوں اپنا اسمانی گھر دیوے گا ۔ ایہہ ساریاں شیواں خُداوند خُدا دے سببوں پوریاں ہو جان گِیاں ۔ فیر ایہہ شہادت دے خیمے دی ہیکل کیہ اے؟ ایہہ خُدا دا گھر اے جیہڑا ایس زمین دے خیمۂ اجتماع وانگر اے ۔ جملہ ، ” شہادت دے خیمے دی ہیکل اسمان وِچ کھولی گئی۔ “ دا مطلب اے پئی خُداوند خُدادی بادشاہی دا زمانہ ادوں توں اگے کُھل جائے گا ۔
شہادت دے خیمے دی ہیکل دے بوہے نوں کھولن نال ، اخیری آفتاں تے خُداوند خُدا دی بادشاہی ایس زمین اُتے لیایاں جان گِیاں ۔ پانی تے رُوح دی خوشخبری نوں پچھانیوں اڈ ، کوئی ایمان خُدا دے اگے منیا نئیں جائے گا ۔ ایسے طرح ، سانوں لازمی جاننا تے سچیائی دی ایس خوشخبری اُتے ایمان رکھنا چاہی دا اے، تے احساس کرنا تے یقین وی رکھنا چاہی دا اے پئی ہُن ساڈے لئی اگانہہ ودھن تے مسیح دی بادشاہی وچ زندہ رہن دا ویلا نیڑے آؤندا پیا اے ۔
آیت۶: تے اوہ سَتّے فرِشتے جِنہاں کول سَتّے آفتاں سن تیز تے چمکدار جواہراں دے نال سَجے ہوئے تے سینے اُتّے سونے دی پیٹی بَنّھ کے خُدا دی ہیکل وِچوں نِکلے۔
ایہہ کلام سانوں وکھاؤندا اے پئی جد خُدا ایس زمین اُتے ست پیالیاں دیاں آفتاں گھلےگا ، اوہ فرشتیاں دے راہیں کم کرے گا جیہڑے ایہناں ست آفتاں دے بوہت لوڑی دےانصاف تے سچیائی اُتے ایمان رکھدے نیں ۔ دوجے اکھراں وچ ، ایہہ آیت سانوں دسدی اے پئی خُدا دے خادم خُداوند دی سیوا کرن دے لائق ہو سکدے نیں جویں اوہدےخادم صرف جد اوہ سدا اوہدی راستبازی اُتے ایمان رکھدے نیں تے اوہدی بھلیائی اُتے مکمل یقین رکھدے نیں ۔
صرف جد اوہ ایمان رکھدے نیں پئی خُداوند دے کم سدا ٹھیک نیں ، خُدا دےخادم خُداوند دے ایہوجیہے کم کر سکدے نیں ۔ پاک لوکاں اِنج خُدا دے مہنگے خادماں وانگر ورتے جا سکدے نیں صرف جد اوہ سدا خُداوند دی راستبازی دے کپڑے پاؤندے نیں ، تے اپنےآپ وانگر مکتی دی آس نوں پاؤندے نیں ، اپنے ایمان دی راکھی کردے نیں ،تے ایہو جیہی زندگی بسر کردے نیں جیہڑی خُداوند نوں جلال دیندی اے ۔
آیت ۷: تے اوہناں چَوہاں جانداراں وِچوں اِک نے سَتّ سونے دے پیالے ہمیشہ تیکرزِندہ رہن والے خُدا دے قَہر نال بھرے ہوئے اوہناں ستّاں فرِشتیاں نُوں دِتّے۔
ایہہ حوالہ سانوں دسدااے پئی جد خُدا اپنے خادماں دے سببوں کم کردا اے ، اوہ اوہناں نوں اک لڑی وار طریقے نا ل کم کرن دے لائق بناؤندا اے، تے یعنی ایہو جیہے کم چنگے طریقے نال ای پورے ہوندے نیں ۔ جملہ، ”اوہناں چوہاں جانداراں وچوں اک نے “سانوں وکھاؤندا اے پئی خُد اوند اپنے ارادیاں لئی اپنے خاص خادماں نوں مقررکر چُکیا اے تے یعنی اوہ اوہناں دے راہیں کم کردا اے ۔ چار جاندار جیہڑے ایتھے ظاہر ہوندے نیں خُد اونددے بوہت خاص خادم نیں جیہڑے سدا اوہدے اگے کھلوتے رہندے نیں ،تے جیہڑے اوہدے ارادیاں دی سیوا کرن لئی سب توں اگے نیں ۔ سانوں لازمی خُدا دی اُچیری بادشاہی تے اوہدے قادرِ مطلق اختیار دا احساس کرنا چاہی دا اے تے سانوں ایہہ وی ایمان رکھنا چاہی دا اے پئی اوہ اپنے خادماں دے راہیں کم کردا اے ۔
آیت ۸: تے خُدا دے جلال تے اوہدی قُدرت دے سببّوں ہیکل دُھوں نال بھر گئی تے جد تیکراوہناں ستّاں فرِشتیاں دِیاں سَتّے آفتاں مُک نا گِئیاں کوئی اوس ہیکل وِچ وڑ نا سکیا۔
خُد اوند خُدا دے ایس زمین دی عدالت مکمل کرن توں پہلوں ، کوئی بندہ اوہدی بادشاہی وچ جا نئیں سکدا ۔ ایہہ حوالہ سانوں دسدا اے صرف کنی کامل خُدا دی پاکیزگی اے ۔ ایہہ حوالہ سانوں ایہہ وی دسدا اے پئی اوہ ایہو جیہا خُدا نئیں ہیگا جیہڑا بدکاری توں خوش ہوندا اے (زبور۵ :۴)۔ایس لئی سانوں لازمی یاد رکھنا چاہی دا اے پئی جے کوئی خُدا دی بادشاہی وچ جانا چاہندا اے ، اوہنوں لازمی پانی تے روح دی خوش خبری اُتے ایمان رکھناچاہی دا اے جیہڑی خُدا لوکاں نوں دے چُکیا اے ۔ ساڈا خُداوند خُدا صرف اوہناں نوں اپنی بادشاہی وچ جان دی اجازت دیندا اے جیہڑے پانی تے روح دی خوشخبری اُتے ایمان رکھدے نیں ۔
پاک لوکاں نوں جیہڑے پاپ دی معافی پا چُکے نیں ، خُدا ست پیالیاں دیاں آفتاں گھلن دے سببوں اپنے ویریاں نوں برباد کرن دے بعدوں اپنی بادشاہی وچ سدا تیکر زندہ رہن دی برکت دے چُکیا اے ۔ خُدا دے سارے کم بندے دے خیالاں توں بوہت دُور ،اوہدی وڈیائی تے ودھیا ہون نوں ظاہر کردے ہویاں اپڑدے نیں ۔ اپنے ویریاں دی عدالت کرن دے سببوں ، خُدا اپنے قادرِ مطلق اختیار نوں ظاہر کردا اے ۔ جے خُدا اوہدے خلاف کھلون والیاں نوں اوہناں دے پاپ دے سببوں اپنے ویریاں نوں سزا دین دی طاقت نئیں رکھدا ، اوہ ساریاں توں وڈیائی کراؤن دے لائق نئیں ہوئے گا۔
پر جویں خُدا اوہناں نوں کافی توں بوہت چوکھی سزادین دی طاقت رکھدا اے جیہڑے اوہدے خلاف کھلوندے نیں ، خُداوند خُدا اپنے ویریاں اُتے اپنی عدالت لیائے گا تے اوہناں نوں ودزخ دی ہمیش دی سزا نال لعنت دیوے گا ۔
ساڈا خُداوند خُدا ہر قوم دے ہر بندے توں سداتیکر وڈیائی کراؤن دے لائق ہون توں بوہت چوکھا وڈا اے ۔ اِنج خُدا اوہناں دے سارے پاپاں دے سببوں ویریاں اُتے اپنی عدالت مکمل کرے گا تے اپنی بادشاہی کھولےگا ۔ آمین ۔ اسیں اپنے خُداوند خُدا دا اوہدی وڈی قدرت ، اوہدے جلال تے پاکیزگی لئی شکر ادا کردے آں۔ ہیلیلویاہ!
Copyright © 2021 by The New Life Mission