کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
مضمون 10: مُکاشفہ(مُکاشفہ دی کتاب اُتے تفسیر)
[16-2باب] سارا کُجھ جیہڑا تہانوں ست پیالیاں دے لُدے جان توں پہلوں کرنا اے ۔ ۔ ۔ (مُکاشفہ ۱۶:۱۔۲۱)
)مُکاشفہ ۱۶:۱۔۲۱(
ست پیالیاں دیاں آفتاں وچوں ، پہلی آفت پھوڑے دی اے ، دوجی آفت سمندر دے لہو بنن دی اے ، تے تریجی آفت سادہ پانی دے لہو بنن دی اے ۔ چوتھی آفت اوہ ہیگی اے جتھے لوک سورج دے سیک توں مرن تیکر سڑ جان گے ۔
ایہہ خاص حوالہ سانوں دسدااے ، ” تے چوتھے اپنا پیالہ سُورج اُتّے لُدیا تے اوہنوں بندیاں نُوں سیک نال ساڑ دین دا اختیار دِتّا گیا۔ “ ایہہ آیت سانوں دسدی اے پئی خُدا سو رج نوں زمین دے بوہت نیڑے سرکاوے گا تے ایہدی زندگی دیاں شیواں نوں موت نال ساڑے گا ۔ جد خُدا اِنج ہون دی اجازت دیوے گا ، تاں کوئی بندہ سورج دی ساڑ دین والے گرمی توں بچن دے لائق نئیں ہووے گا ، ایتھوں تیکر پئی جے کسے نوں زمین دے ہیٹھاں ڈوہنگی غار بنانی سی تے اوتھے لُکنا سی ۔ نا ای اوہ ایس آفت لئی بنائے گئے ودھیا ائیر کنڈیشنراں نوں چلاؤن دے سبب خُدا دی آفت نوں روکن دے لائق ہون گے ۔ اوہ سارے بے وس ہون گے سگوں اوہناں نوں مرنا پوے گا ۔
جد ایس آفت دا ویلا آوے گا اسیں صرف سوچ سکدے آں اوہناں نال کیہ واقع ہووے گا—اوہناں دا ماس اُکھڑ جاوے گا؛ اوہناں دا اندرلا ماس سارے دا سارے سڑ کے ، ٹُٹدے تے گلدے ہویاں لال ہو جاوے گا ۔ فیر ہر کوئی ماس دے سرطان نال مرجاوے گا ۔
تے فیر وی ، ایتھوں تیکر پئی جد اوہ سورج دے ساڑ دین والے سیک نال سڑ کے مُردہ ہو جان گے ،لوک اپنے پاپاں توں توبہ نا کرن گے ۔ خُدا دی آفت حیران کرن والی اے ، پر ایسے طرح ایہہ لوک نیں جیہڑے ایتھوں تیکر جد اوہ ایس آفت وچوں لنگھن گے توبہ توں مُکرن گے ۔ جویں اوہ توبہ توں مُکرن گے ، خُدا دیاں آفتاں آؤندیاں رہن گیاں ۔
خاص حوالہ فرماندا اے ، ” تے پن جیویں اپنا پیالہ اوس پشُو دے تخت اُتّے لُدیا۔ تے اوہدی بادشاہی وِچ ہنیرا پَے گیا۔ تے پِیڑ دے مارِیاں لوک اپنیاں جِیبھاں وَڈّھن لگّے۔تے اپنے دُکھاں تے چمرساں دے سببّوں اسمان دے خُدا دی بابت کُفر بکیا تے اپنیاں کمّاں توں تَوبہ نا کِیتی۔ “ جد اسیں اج دے لوکاں اُتے دھیان کردے آں ، کیہ اسیں بوہت چوکھے لوک نئیں ویکھدے جنہاں نیں حالے تیکر خُدا دے ہتھوں عدالت وچ جانا اے؟ پر ایس لئی پئی خُدانے صبر نال غصے نوں پھڑیاں ہویا اے ، اوہناں نوں حالے سزا نئیں ملدی ، پر ، جے اوہ یسوع مسیح ولوں دتی گئی پانی تے رُوح دی خوشخبری اُتے ایمان رکھیوں اڈ مرن گے ، تاں اوہ خُدا دے سببوں نا مرن والے بدناں نال فیر زندہ کیتے جان گے ، تے دوزخ دی ہمیش تیکر بلن والی اگ وچ ہمیش دے دکھ جرن گے ۔
جد ایہو جیہا واقع ہووے گا ، تاں لوک مرنا چاؤہن گے ، جویں ای اوہناں دا دکھ جرن توں بوہت ودھیرا ہووے گا ۔ پر دوزخ دی پیڑ ہمیش تیکر ہوندی رہوے گی ۔ ویلا آجاوے گا جد اوہ جنہاں نے خُدا دے ہتھوں سزاجرنی ایں مرن دی آس رکھن گے ، پر موت اوہناں توں نسے گی ، ایس لئی پئی خُدا اوہناں نوں مرن توں روکے گا تاں پئی اوہ اوہناں دی ہمیش تیکر عدالت کرسکے۔
چھیویں آفت ہر مجدون دی لڑائی دی آفت اے ۔ تے ستویں آفت اخیری تے وڈے بھچال تے وڈے گَڑیاں دی اخیری آفت اے ۔
آیتاں ۱۷ ۔ ۲۱ سانوں دسدیان نیں ، ” تے ستویں اپنا پیالہ وَا اُتّے لُدیا تے خُدا دی ہیکل دے تخت ولّوں بڑے زور دی ایہہ اواز آئی۔ پئی مُک گیا۔ فیر بدّلی چمکن تے گجّن لگّی تے اَوازاں آئِیاں تے اِک ایڈا وَڈا بھنچال آیا پئی جدوں توں اِنسان پَیدا ہویا اے ایڈا وَڈا تے ڈاہڈا بھنچال کَدے نئیں سی آیا۔ فیر اوس وڈّے شہر دے تَرے ٹوٹے ہوگئے۔ تے قوماں دے شہر ڈِگّ پئے تے وَڈا شہر بابل خُدا دے حضُور یاد کِیتا گیا پئی اوہنوں اپنے ڈاہڈے غضب دی مَے دا پیالہ پِیائے۔تے ہر اِک ٹاپُو اپنے تھاں توں ٹل گیا تے پہاڑاں دا پَتا نا لگّا۔تے اسمان توں بندیاں اُتّے مَن مَن جیڈے وڈّے وڈّے گڑے پئے تے ایس واسطے پئی ایہہ آفت بڑی ڈاھڈی سی ایس لئی لوکاں گڑیاں دی آفت دے سببّوں خُدا دی بابت کُفر بکیا۔ “
اُتلاحوالہ سانوں دسدا اے پئی جویں ای خُدا ستاں پیالیاں نوں لُدے گا ، اک وڈا بھنچال ایس زمین نال ٹکراوے گا ،ساری دنیا تِن حصیاں وچ ونڈی جاوے گی ، تے اوس ویلے تیکر ایس زمین اُتے کھلوتیاں ہویاں عمارتاں ،اوہناں وچوں اک نوں وی باقی نا چھڈ دیاں ہویاں ساریاں دیاں ساریاں ڈگ پین گیاں ۔ جویں ای ایس دنیا اُتے خُدا نوں ڈاہڈاغصہ آوے گا ۔سارے ٹاپُو تے پہاڑ غائب ہو جان گے ۔
جدوں اِنج ہووے گا تاں کیہ ہمالیہ دا پہاڑ فیر وی کھلوتا رہوے گا ؟ بناں شک نئیں ! سارے اُچے پہاڑ جیوندے لوکاں دیاں اکھاں ساہمنے بالکل غائب ہو جان گے ۔ ایس دنیا وچ ہر اک پہاڑ بے نشان سوکھے طریقے نال دُھوں بن کے اُڈ جاوے گا ۔ ایہہ حوالہ سانوں ایہہ وی دسدا اے پئی وڈے وڈے گڑے ، ہر اک گڑے دا بھار سو پونڈ (پنجتالی کلوگرام )توں بوہتا ہووے گا ، ایس زمین اُتے ڈگن گے ۔کیہ کوئی ہووے گا جیہڑا ایہناں بھنچالاں تے گڑیاں توں جیوندا بچ سکے گا ؟
مُکاشفہ ۱۸ سانوں دسدا اے پئی خُدادا قہر اوہناں اُتے ڈوہلیاجاوے گا جنہاں اوہدے اُتے ایمان نئیں رکھیا سی تے جنہاں اوہدے کلام نوں ردّ کیتا سی ۔ ایس جگ وچ کئی لوک دعویٰ کردے نیں ، جویں پئی اوہ خُدائی مخلوق سن ، ”میرے اُتے کدی خُدا دا قہر نئیں آوےگا ، نا ای میَں کدی اوہدے ہتھوں عدالت دی سزا پاواں گا ۔“ پر ،خُدا دی عدالت ایس طرح دے لوکاں اُتے لازمی طور نال لیائی جاندی اے جیہڑے اپنے دلی غرور تے تکبر نال بھرے ہوئے نیں ۔ سانوں لازمی ایمان رکھنا چاہی دا اے پئی ایہہ دنیا غائب ہوجاوے گی جدوں ایہدے اُتے خُدا ولوں لُدے گئے ست پیالیاں دیاں آفتاں آؤن گیاں ۔
سانوں لازمی خُدا دےکلام اُتے ایمان رکھنا چاہی دا اے
خُدا سانوں دسدا اے پئی اوہ ایس دنیا نوں غائب کردیوے گا ۔ایس لئی ایہہ دنیا ہمیش تیکر باقی نئیں رہوے گی ۔ ایسے طرح ، اوہناں ساریاں نوں جیہڑے ایہدے مکن دے بوہت نیڑے نیں لازمی ایتھوں تیکر پئی بوہت پکیاں ہوکے ایس سچیائی اُتے ایمان رکھن چاہی دا اے تے اپنے رُوحانی ایمان پچھے چلنا چاہی دا اے ۔ ایس لئی ایس دنیا دے سارے لوکاں نوں لازمی اپنی رُوحانی نیندر توں جاگنا چاہی دا اے ۔ مینوں نئیں پتہ تُسیں حالے تیکر کس طرح دے ایمان وچ اپنی زندگی بسر کر چُکے او،پر ہُن تہاڈے کول اپنے دھیان نوں پکیاں کرن دا ، تے جاگن تے ایمان رکھن دا ویلا اے پئی اخیری زمانے وچ کیہ ہووے گا ۔ ایس لئی تہانوں لازمی مُکاشفہ وچ نبُوّت کیتیاں گئیاں آفتاں دی ٹھیک ٹھیک تعلیم سکھنی چاہی دی اے تے
تہانوں لازمی خبردار رہنا چاہی دا اے ۔
ساڈا خُداوند سانوں دس چُکیا اے پئی ایہہ دنیا بوہت چھیتی خُدا دیاں ست پیالیاں دیاں آفتاں ہیٹھ آجاوے گی ۔ایسے طرح ، سانوں لازمی خُداوند دی جد پئی خوشخبری دی منادی کردے ہویاں اڈیک رکھنی چاہی دی اے ، بھاویں لوک ایہنوں چنگی طرح قبول نئیں کردے ۔
ایہہ دُنیادامقدر ہُن خطرے وچ اے ۔ اج دی دُنیا ساریاں خطریاں لئی عیاں اے ۔جنگ دے خطریاں توں لے کے بے ترس موسم ، ماحول دی ردوبدل ، ودھدے ہوئے معاشرتی جھگڑیاں ،تے ساریاں قِسماں دیاں بیماریاں دے خطریاں نال بھری ہوئی اے ۔ ایس لئی خُدا نے سانوں دسیا اے پئی ہُن دا زمانہ نوح دے زمانے وانگر اے ۔ جے ہُن دا زمانہ نوح دےزمانے وانگراے ، تاں ایہدا صرف ایہہ مطلب اے پئی دنیا ہُن اپنے اخیری دناں وچ وڑ گئی اے ۔ اخیری زمانےدا نشان ایہہ ہیگا اے پئی لوک صرف دنیا دیاں شیواں وچ ، مثال طور کھان ، پین ، ویاہ کرن ، تے اِنج دےدوجے معمولی معاملیاں وچ دلچسپی لین گے ۔ ایس لئی اوہ خُدا دے ہتھوں دکھ جرن دے حقدار نیں ۔ نوح دے زمانے وچ، وی ، ایہو جیہاں لوکاں نیں نا سنیا پئی نوح نےاوہناں نوں کیہ دسیا سی ، تے ایسے طرح اوہ سارے ، نوح توں سوا تے اوہدے خنوادے دے اٹھاں بندیاں توں سوا ،سارے برباد ہوگئے ۔ ایسے طرح آؤن والی دُنیا اوس زمانے وانگر ہووےگی ۔
تقریباً ساریاں شیواں جنہاں دا خُدا وعدہ کر چُکیا اے پوریاں ہو گئیاں نیں جویں پاک کلام وچ لکھیاں گئیاں سن ۔ اوہناں وچوں ، تقریباً پنج فیصد حالے تیکر پوری ہون لئی رہندیاں نیں ،پر اوہناں وچوں باقی ساریاں پہلوں ای پوریاں ہو گئیاں نیں ۔ مکتی دا کلام تے خُداوند ولوں فرمایا گیا خلاصی دا کلام وی سارا پورا ہو گیا اے ۔ خُدا دے کلام وچ ، عدالت صرف اوہناں لئی رکھی گئی اے جیہڑے پانی تے رُوح دی خوشخبری اُتے حالے تیکر ایمان نئیں رکھدے ۔ تے نویں سریوں جمے ہوئے پاک لوکاں لئی ، صرف ہزار ورہیاں دی بادشاہی تے نواں اسمان تے نویں زمین ، جتھے راستباز وڑن گے تے جیوندے رہن گے ، اوہناں نوں اُڈیکدے نیں ۔
خُدا ترس کھان والا اے ،تے اوہ راستبازاں ول کھلوندا اے ۔ پر ، اوہناں لئی جیہڑے اوہدے غصے دے حق دار نیں ، خُدا بالکل لازمی طور نال اوہناں اُتے ڈوہلن لئی اپنا غصہ گھلے گا ، جد پئی اوہ جیہڑے اوہدے فضل دے حقدار نیں ، اوہناں اُتے اوہ بالکل لازمی طور نال اپنا فضل گھلے گا ۔
کدوں ایہہ آفتاں آؤن گئیاں ؟ ست پیالیاں دیاں آفتاں پاک لوکاں دی شہادت دے بعدوں واقع ہون گئیاں، جویں ای چھے سو چھیاٹھ دا عدد ایس دنیا اُتے لایا جاوے گا تے پا ک لوک ایہدامقابلہ کرن گے ۔ آفتاں دے بعد وں پہلی قیامت ، ہزار ورہیاں دی بادشاہی، وڈے چٹے تخت اُتے بیٹھے ہوئے یسوع دی اخیری کچہری لگے گی ۔ ایہدی پیروی اسمانی ہمیش دی بادشاہی دے کھلن دے سبب ہووے گی ۔ پاک کلام دے سبب ، سانوں لازمی خُدا دی دُور اندیشی دا علم سکھنا چاہی دی اے ۔
کیہ تُسیں ایس سچیائی اُتےایمان رکھدے او پئی یسوع فیر مویاں وچوں جیوں اُٹھیا سی ؟ کیہ تُسیں ایمان رکھدے او پئی خُداوند اپنے بپتسمے تے لہو دے سبب سارے لوکاں دے سارے پاپاں نوں مکا چُکیا اے ؟ ساڈے خُداوند نے اپنے بپتسمے تے لہو نال سارے لوکاں دے سارے پاپاں نوں چُک لیا ، تیجے دن بعدوں فیر مویاں وچوں جیوں اُٹھیا ، تے ہُن باپ دے تخت دے سجے پاسےبیٹھا ہویا اے ۔ ایسے طرح ، اوہناں دے پاپ جیہڑے یسوع مسیح اُتے ایمان رکھدے نیں سارے دے سارے مک گئے نیں ، تے جویں مسیح فیر مویاں وچوں جیوں اُٹھیا ، اوسے طرح اوہ وی جیوں اُٹھن گے ۔
ایس لئی پاک لوک خُداوند نال جلال پاؤن گے ، پر جد پئی ایس زمین اُتے ، اوہ خُداوند لئی بوہت سارے دکھ وی جرن گے ۔ پر ایس ہُن دے زمانے دے دکھ اوس جلال دے برابر نئیں ہیگے جیہڑا اوہناں نوں اُڈیکدا اے ، ایس لئی پئی ایہہ جلال اکو شے ہیگا اے جیہڑے نویں سریوں جمے ہوئے پاک لوکاں نوں اُڈیکدا اے ۔ ایس لئی پا ک لوکاں نوں آؤن والے دناں بارے پریشان ہون دی کوئی لوڑ نئیں ہیگی ۔ سارا کجھ جیہڑا راستبازاں نیں کرنا اے خوشخبری لئی تے اپنے ایمان دے سبب اپنی باقی دیاں زندگیاں نوں بسرکرنا اے ۔ سانوں لازمی طورنال اپنے آپ نوں لوکاں نوں بچاؤن دے کم لئی وقف کرنا چاہی دا اے ، تے جگ پچھے نئیں چلنا چاہی دا ۔
آؤ اسیں اپنی باقی زندگیاں خُداوند دے کماں ناویں لائیے
مینوں فکر لگی اے پئی ساڈے وچکار کوئی بندہ ہووے گا جیہڑا خوشخبری نال فریب کرے گا ۔ جیہڑا وی پانی تے رُوح دی خوشخبری دا انکار کرے گا اپنے آپ اخیریں خُداونددا انکار کرے گا ۔ بھاویں اسیں
ماڑے آں ، جے اسیں ایمان رکھدے تے خُداوند ولوں کامل کیتی گئی پانی تے رُوح دی خوشخبری نوں من دے آں ، اسیں سارے ایمان دے سبب زندہ رہن دے لائق ہوواں گے ۔ پاک لوک صرف اپنے آپ دی دانائی تے طاقت نال زندہ نئیں رہ سکدے ۔ جے اوہناں نیں اِنج کرنا سی ، او ہ اپنے ایمان دا انکار کردے ہویاں تے اپنے آپ دی بربادی نوں جردے ہویاں مک جان گے ۔ ایس توں بچن لئی ،سانوں لازمی ایمان دے سبب زندہ رہنا چاہی دا اے ۔
ساڈا خُداوند کیوں لوکاں نوں چھے سو چھیاٹھ دا عدد لین دی اجازت دیوے گا ؟ ایہہ کنک توں توڑی نوں وکھ کرن دا کم اے ۔ پاک لوکاں نوں چُکے جان دی اجازت دین توں پہلوں ، پہلا کم جیہڑا خُدا نوں لازمی کرنا چاہی دا اے واضح کر کے کنک نوں توڑی توں وکھ کرنا اے ۔
پاک لوکاں دے سبب لڑیاں جان والیاں رُوحانی جنگاں موجود نیں ۔ ایسے طرح ، پاک لوکاں نوں لازمی خُدا دے ویریاں دے خلاف لڑن توں صرفا نئیں کرنا چاہی دا ۔ جے اوہ شیطان دے خلاف لڑن توں ڈردے نیں ،اوہ ایہدی بجائے شیطان ولوں اک برباد کرن والا دھکا کھان گے ۔ ایس لئی ، سارے پاک لوکاں نوں لازمی لڑنا چاہی دا اے تے ایتھوں تیکر پئی اوہ اپنے آپ رُوحانی جنگاں لڑ سکدے نیں ۔ ساریاں رُوحانی جنگاں جیہڑیاں پاک لوک لڑدے نیں جائز نیں ۔ خُدا پچھے چلن لئی ، ہر پاک بندے نوں لازمی شیطان تے اوہدے نوکراں دے خلاف لڑنا تے فتح پاؤنی چاہی دی اے ۔
پاک لوکاں نوں لازمی خُدا دی بادشاہی لئی لڑنا چاہی دا اے ۔ اوہ لازمی خُدا دی بادشاہی لئی ستائے وی جانے چاہی دے نیں ، تے دنیا دے لوکاں توں نفرت وی جرنی چاہی دی اے ۔ یعنی پاک لوکاں نوں خُداوند لئی لڑن دا موقع دتا گیا اے اپنے آپ اک چنگی گل ہیگی اے ۔ جے تہانوں خُدا لئی لڑن دا ویلا دتا گیا اے ، تاں تہانوں ایہدے لئی اوہدا شکر ادا کرنا چاہی دا اے ۔ ایہو جیہی لڑائی اک چنگی لڑائی اے ، ایس لئی پئی ایہہ لڑائی خُدا دی راستبازی لئی اے ۔
خُدا راستبازاں دی مدد کردا اے ۔ ساڈیاں زندگیاں بوہت لمیا ں نئیں ہیگیاں ، تے میری آس تے دعا ایہہ ہیگی اے پئی اسیں سارے رُوحانی جنگاں لڑدیاں ہویاں تے جد تیکر خُداوند دے اگے کھلو نئیں جاندے ، روحانی کم کردیاں ہویاں اپنی باقی زندگیاں بسر کراں گے ۔ کوئی معنی نئیں رکھدا ایس دنیا دے لوک سانوں کیہ آکھدے نیں ، سانوں روحانی جنگاں لڑنیاں چاہی دیاں نیں ، رُوحانی پھل پیدا کرنے چاہی دے نیں ، تے ایہہ پھل اپنے خُداوند اگے پیش کرنے چاہی دے نیں ۔ جد ساڈے خُداونددی واپسی دا دن آوے گا ،آؤاسیں سارے اوہدے اگے یقین نال کھلوئیے ۔ جد ایہہ دن آوے گا ، خُداوند ساڈے اتھرُو پوہنجھ دیوے گا تے آؤ اسیں اوس تھاں وچ رہیے جتھے اسیں ہورنیں روواں گے ، نا ای فیر کدی پیڑاں جراں گے ، نا ای اوتھے ہور پاپ ہووے گا ۔
آؤ اسیں سارے ایمان دے سبب جیوندے رہیے تے ایس ایمان دےسبب آؤ اسیں سارے خُدا دی بادشاہی وچ جائیے ۔
Copyright © 2021 by The New Life Mission