Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

مسیحی ایمان اُتے عام سوالنامہ

مضمون 1: پانی تے رُوح نال نویں سریوں جمنا

1-3. خُدادی معرفت قائم کیتی گئی شریعت کیہ اے؟

خُدامنصوبہ بنان والا اے،اوہ واحد سچاخُداتے کامل ہستی اے۔ اوہنے دُنیاوِچ شریعت نوں ہیٹھاں لِکھے مقصداں لئی قائم کیتا ۔
① اوس نیں پاپیاں نُوں اوہناں دے پاپاں تو ں مکتی دین لئی اوہناں نُوں اپنی شریعت دے حکم بخشے۔” شریعت دے راہیں تے پاپ دی پچھان ای ہوندی اے۔“  (رومیوں ۳:۲۰) ۔
② دُوجی شریعت ایمان دی شریعت اے جیہڑی پاپیاں نُوں بچاندی اے ۔ ایہہ ’  زندگی دے رُوح دی شریعت ‘ اے (رومیوں ۸:۲) جیہڑی یسوُع مسیِح ، ساڈے نجات دہندہ اُتے ایمان دے راہیں نجات تیکر اَپڑن دی اِجازت دیندی اے (رومیوں ۵:۱۔۲) یسوُع ایس شریعت نُوں پوراکرن لئی ایس دُنیا وِچ آیا۔اوس نیں بپتسمہ لیا ،صلیب اُتے خون وگایاتے فیر مویاں وِچوں جی اُٹھیا ۔ یسوُع نے دُنیا دے سارے پاپیاں نُوں مکتی بخشن لئی مکتی دِی شریعت نُوں قائم کیتا ۔
خُدا نے ایمان دی شریعت نُوں اوہناں لوکاں لئی قائم  کیتا  جیہڑے  پانی  تے  رُوح  دی  مکتی  اُتے
ایمان رکھدے نیں۔ جیہڑاکوئی شخص مکتی حاصل کرنا تے خُدادا پُتربننا چاہندااے اوہنوں خُدادی مقررکردہ ایمان دی شریعت اُتے ایمان لیاناچاہی دا اے ۔ ایہہ مکتی حاصل حاصل کرن دا واحد رستہ اے ۔ ایہداں ، اوس نے اَسمان تیک پہونچ اوہناں لوکاں نُوں بخشی جیہڑے اوس دی شریعت دے مطابق سچیائی دی رُوحانی مکتی اُتے ایمان رکھدے نیں ۔