Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

مسیحی ایمان اُتے عام سوالنامہ

مضمون 1: پانی تے رُوح نال نویں سریوں جمنا

1-15. کیہ پاپاں توں مکتی اِکو ای واریاں ہولی ہولی بخشی جاندی اے؟

ایہہ اِکو ای واری بخشی گئی سی ایس لئی پئی یسوُع نے اِکو ای واری بپتسمہ لےکےتے اِکو ای واری خون وگاکے پاپاں نُوں اِکو ای واری دُورکردِتا۔اوہنے فرمایا،جِویں پئی متی ۳:۱۵ وِچ لِکھیا اے ، ” ہُن تُو ں ہون ای دے،کیوں جے سانُوں ایسے طرحاں ساری راستبازی پوری کرنا مناسب اے۔“
یوحنا۱:۲۹وِچ یوحنا اصطباغی نے آکھیا، ” ویکھو!ایہہ خُدادابرّہ اے جیہڑا دُنیا داپاپ چُکی لے جاندا اے۔“تے یوحنا ۱۹:۳۰وِچ یسوُع نے فرمایا،” تمام ہویا۔“
عبرانیوں ۱۰:۹۔۱۸  وِچ لکھیا اے ، ” اوہ فیر آکھدااے ویکھ میَں آیا ہاں تاں پئی تیری مرضی پوری کراں ۔ ایویں اوہ پہلے نُوں ختم کردااے تاں پئی دُوجے نُوں قائم کرے۔ اوسے مرضی دے سبب اَسیں یسوُع مسیِح دے بدن دے اِکو واری قربان ہون دے راہیں پاک کیتے گئے آں۔ تے ہر اِک کاہن کھلوکےہرروزعبادت کردا اے تے اِکوای  طرحاں دِیاں قربانیاں گھڑی مُڑی چڑھاندااے جیہڑیاں بالکل پاپاں نُوں دُور نئیں کر سکدیاں۔ پر ایہہ شخص ہمیش لئی پاپاں دے واسطےاِکو ای قربانی چڑھاکے خُدادے سجے پاسےجابیٹھا۔تے اوسے ویلے توں اُڈیک وِچ اے پئی اوہدے ویری اوہدے پیراں دی چوکی بنن۔ کیوں جے اوہنے اِکوای قربانی چڑھان نال ایہناں نُوں ہمیش لئی کامل کردِتا اے جیہڑے پاک کیتے گئے نیں۔ تے رُوح القدّس وی سانُوں ایہو ای دَسدااے کیوں جے ایہہ آکھن توں بعد پئی ۔خُدافرماؤندا اے جیہڑا عہد میَں اوہناں دِناں دے بعد اوہناں نال بنہاں گااوہ ایہہ ہے پئی میَں اپنے قانون اوہناں دے دِلاں اُتے لِکھاں گاتے اوہناں دے ذہن وِچ پانواں گا ۔ فیر اوہ ایہہ آکھدااے پئی اوہناں دے پاپاں تے بے دینیاں نُوں فیر کدی یاد نہ کراں گا ۔ تے جدوں اوہناں دی معافی ہوگئی اے تے فیر پاپ دی ہور قربانی نئیں رہی ۔“
یسوُع دے بپتسمہ تے خون دے سبب دُنیا دے سارے پاپ اِکو ای وار ی تے  ہمیش  لئی  معاف
کر دِتے گئےسَن۔