Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

مسیحی ایمان اُتے عام سوالنامہ

مضمون2: پاک رُوح

2-7. کیہ یسوع دے چیلیاں نیں پاپاں توں معافی پاؤن دے راہیں ،اپنے پاپاں توں مکتی پا کے پاک رُوح پایا سی ، یاں ایہہ پاپ دی معافی توں اَڈ اک وکھرا تجربہ ہیگاسی ؟

 پاک رُوح پاؤنا مکتی پاؤن توں اک وکھرا تجربہ نئیں ہیگا اے ۔ اسیں پاک کتاب وچوں ویکھ سکدے آں پئی یسوع دے چیلے پہلوں ای جان دے تے ایمان رکھدے سَن پئی یسوع نے یوحنا کولوں اپنے بپتسمے راہیں جگ دے سارے پاپاں نوں ایتھوں تیک پئی اوہناں دے پاک رُوح پاؤن توں پہلاں اُٹھا لیا سی (۱ ۔ پطرس ۳:۲۱۔اوسے پانی وانگر وی یعنی بپتسمہ  یسوع مسیح دے جی اُٹھن راہیں ہُن تہانوں بچاؤندااے)۔
پاپاں توں معافی دامطلب ،پاپ توں مکتی پاؤنا اے ، دوجے اَکھراں وچ ، ایہدامطلب اے ، ساڈے دلاں وچوں سارے پاپ دھوئے جاندے نیں تے مُک جاندے نیں ۔ اَج کل ، بوہتے مسیحی پاپ توں معافی دے مطلب بارے کئی واری پریشان ہو جاندے نیں ،جیہڑی یسوع نے سانوں دتی اے ۔ لوکاں نوں نئیں پتہ پئی اوہ کویں پاپ توں معافی پا سکدے نیں ۔ اوہ سوچدے نیں پئی اوہ اپنے پاپاں توں بوہت سوکھے طریقے نال ،ایس لئی پئی یسوع اُتے اپنے خُداوند وانگر ایمان رکھدے نیں ، چھڈائے گئے نیں ۔
اوہ جیہڑے اپنے پاپاں توں معافی پا چُکے نیں ،اپنے آپ وچ گواہی رکھدے نیں ۔فیر وی ، جے کوئی بندہ اپنی مکتی دے کلام دی گواہی نئیں رکھدا ، فیر اوہنےپاک رُوح نئیں پایا اے ،نہ ای اپنے سارےپاپاں توں معافی پائی سی۔ جے اوہدے خیال رُوح نال بھرے ہوئے نیں ،ایہہ صرف اوہدے دلی خیالاں توں دھوکہ کھان دا سبب اے ۔شیطان اپنے آپ نوں اک نورانی فرشتے وچ بدل سکدااے (۲ ۔کرنتھیوں ۱۱:۱۴ ۔ ۱۵،گلتیوں ۱ : ۷ ۔ ۹)،مطلب اے سچیائی توں ہٹا کے اوہنوں دھوکہ دیندیاں ہویاں (متی ۷:۲۱ ۔ ۲۳)۔
اوہ جنہاں نیں اپنے  پاپاں توں معافی پائی اے اپنے اندر گواہی رکھدے نیں ،کیوں جے اوہ پانی تے رُوح دی خوشخبری اُتے ایمان رکھدے نیں ۔ ۱ ۔یوحنا ۵:۴ ۔ ۱۲ وچ خُدایسوع مسیح دی گواہی دیندا اے جیہڑا پانی تے لہو دے راہیں آیا سی ۔اگانہہ ہور ، اوہ آکھدااے ،جے کوئی بندہ اک وکھری رُوح یاں اک وکھری خوشخبری دے بارے تعلیم دیندااے (۲ ۔کرنتھیوں ۱۱:۴)، فیر نہ تاں اوہنے  پاپ توں معافی پائی ، نہ ای پاک رُوح پایا اے ۔ لوک پاپ توں معافی پا سکدے نیں ،صرف جدوں اوہ یسوع  مسیح اُتے ایمان رکھدے نیں ،جیہڑا پانی تے رُوح دی خوشخبری دے راہیں آیا اے ۔ پاک رُوح پاؤن لئی پاپ دی معافی پاؤنا لازمی ہیگااے ۔پاپ دی معافی پاک رُوح دی بھرپوری لئی لازمی ہیگی اے ۔