Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

مسیحی ایمان اُتے عام سوالنامہ

مضمون 3: مُکاشفہ

3-4. بابل کیہ اے؟

پاک کلام وچ اکھر بابل اوس دنیا بارے دسن لئی ورتیا گیا اے جیہڑی خُدا توں وکھ ہوگئی اے ۔ پُرانے عہد نامے وچ،”بابل دے بُرج“دی کہانی مل سکدی اے ۔ جد لوکاں نیں اپنی طاقت نوں اکٹھیاں کردیاں ہویاں خُدا نوں چھڈن لئی بابل دے بُرج نوں بنانا چاہیا ، تاں خُدا نے اوہناں نوں بُرج بنان توں روکیا، ایہنوں ڈیگ دتا ، اوہناں دی بولی وچ  فرق پایا، تے اوہناں نوں ایدھر اودھر کھلار دتا ۔
ایسے طرح، ایہہ دنیا بابل دے بُرج دے زمانے وانگر اے ۔ دنیا دے راجے ایس دنیا دیاں شیواں نال  حرامکاری کر چُکے نیں تے عیش وعشرت نال زندگی  بسر کر چُکے نیں ، تے سارے سوداگر اپنیاں زندگیاں وچ خُدا نو ں ردّ کر چُکے نیں ، اوہ ہر شے ویچن تے خریدن وچ بوہت مصروف نیں جیہڑیاں اوہ اوہناں نوں دے چُکیا اے ۔ دین نوں ورتدیاں ہویاں ،جھوٹھیاں نبیاں نیں جد پئی اُچی اواز وچ گل کردے ہویاں اپنیاں زندگیاں  بسر کر چُکے نیں ، اپنے آپ نوں ایہو جیہے  سوداگر بنا لیا جیہڑے لوکاں دیاں جاناں  دا بپار کردے نیں ،تے ایس دنیا دے پیسے دھیلے نال  لیکھاں والے بنے نیں ۔ اوہ ایہہ آکھدے ہویاں ، دنیا نال  محبت کر چُکے نیں پئی حالے تیکر  لوکاں  دی بنائی ہوئی دنیا جیہڑی بن گئی اے ایس  اج دی دنیا توں ودھیا کوئی نئیں ہیگی۔
ایسے طرح ، جد اخیری زمانہ آئے گا ، ایہہ دنیا خُدا دے اگے اینی گندی ہوئے گی تے پاپ ایس وچ اینا ودھیا ہوئے گا پئی خُدا کوئی انتخاب نئیں رکھے گا سگوں دنیا نوں برباد کرے گا جنہوں اوہ آپ بنا چُکیا سی ۔ دنیا نال بوہت چوکھی محبت کردے ہویاں ، ایس دنیا دے  لوک  ایہنوں اپنے خُداوانگر  سمجھ چُکے نیں ، ایسے طرح ، ایمان رکھدے تے ایہدے پچھے چلدے نیں ۔ ایہہ دنیااِنج پاپ دی آماجگاہ بن گئی اے ، لوک پاپ دی ایس آماجگاہ اُتے رہندے ہویاں  ہر طرح دے پاپاں دے سوادلَے چُکے نیں ،تے ایس لئی ایہہ پاپ دنیادے برباد ہون دا  سبب بن گئے نیں ۔ایس لئی زمین خُدادے ست پیالیاں دیاں آفتاں دے سبب بالکل مُک جائے گی ۔
اک دوجا سبب  کیوں ایہہ دنیا خُدا ولوں  ست پیالیاں دیاں  آفتاں نوں جرے گی ایس لئی پئی ایہدے لوک ، جویں اوہ دنیانال محبت کردے نیں ، شیطان تے مُخالفِ مسیح دے خادم بن گئے نیں ، تے اپنی کوشش نوں مُخالفِ مسیح نال  اکٹھیاں کردیاں ہویاں ، اوہ نویں سریوں جمے ہوئے پاک لوکاں نوں قتل
کر چُکے نیں جیہڑے خُداوند ولوں دتی گئی پانی تے رُوح دی خوشخبری اُتے ایمان رکھدے نیں ۔
جد اخیری زمانہ آئے گا ، لوک مُخالفِ مسیح دے اگے  سِر نوان گے ، اوہدے ولوں دتا گیا شیطان دا ٹھپہ لوان گے ، تے اِنج شیطان دےخادم بن جان گے ۔ ایس لئی  پئی ایس دنیا دے لوک ، مُخالفِ مسیح نال  رَل کے  خُدا دے  خلاف  کھلو چُکے نیں تے اوہدے پاک لوکاں نوں قتل کر چُکے نیں ، خُدا اوہناں نوں  اوسے طرح جواب دیوے گا جویں اوہ مصیبت ، دکھ ، تنگی تے موت  پاک لوکاں  اُتے لیا چُکے سن ۔