Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

مسیحی ایمان اُتے عام سوالنامہ

مضمون 3: مُکاشفہ

3-12. کیہ ”اینی وڈی بھیِڑ جنہوں کوئی گِن نئیں سکدا (مُکاشفہ ۷ :۹)“چُکے گئے پاک لوکاں بارے دسدی اے؟

آہو، ایہہ ٹھیک اے ۔ مُکاشفہ  ۷ :۹ فرماندا ا ے ، ”اوہناں گلاں دےپِچھوں میَں دھیان کیتا۔تے کیہ ویکھناآں پئی ہر اِک قوم تےگھرانےتےاُمت تے اہلِ زبان دی اِک ایڈی وڈی بھیِڑ جنہوں کوئی گِن نئیں سکداچٹےکپڑے پا کے تےکجھور دیاں ٹہنیاں اپنیاں ہتھاں وچ لَے کے تخت تے   لیلے دے اگےکھلوتی اے ۔“ ایس جملے توں ، ” ہر اِک قوم تےگھرانےتےاُمت تے اہلِ زبان ۔۔۔چٹےکپڑے پا کے،“ اسیں ویکھ سکدے آں پئی پانی تے رُوح دی خوشخبری اُتے  ایمان نال ، اِک بوہت وڈی بھیِڑ اوپریاں قوماں وچوں مخالفِ مسیح دے خلاف لڑے گی تے فتح پائے گی  ،شہید ہوئے گی ،تے پہلی قیامت تے چُکے جان وچ  شامل ہوئے گی ۔
بھاویں ایہناں اخیری دناں وچ مخالفِ مسیح دھوکہ دیندیاں ہویاں چالاں چلے گا ، اسیں ایہہ سوچ سکدے آں پئی اوسے ویلے ایتھوں تیکر پئی بوہت سارے لوک اُٹھن گے جیہڑےخُدا ولوں دتی گئی پانی تے رُوح دی خوش خبری اُتے ایمان رکھن گے ۔ ایسے طرح ، اک وڈی بھیِڑ اوپریاں قوماں وچوں  وی نکلے گی ، اک وڈی بھیِڑ ایڈی وڈی جیہڑی ایتھوں تیکر پئی کوئی بندہ گِن نئیں سکدا ،جیہڑ ی پانی تے رُوح دی خوشخبری اُتے ایمان رکھن دے سبب پاپ توں مکتی یافتہ ہوئے گی تے  اپنے ایمان نال اپنی شہادت نوں قبول کرے گی ۔
مُکاشفہ  ۷ : ۱۴ فرماندا اے ، ”اوس مینوں آکھیا ایہہ اوہ نیں جیہڑے اوس وڈ ی مصیبت وچوں نکل کے آئے ہوئے نیں ایہناں اپنے کپڑیاں نوں   لیلے دے لہو وچ دھو کے چٹیاں کیتا ہویا اے “ جویں ای وڈے دکھ ایس زمین اُتے آئے ، ایہہ لوک اپنے سچے دلوں خُدادی کلیسیا دے راہیں ودھائی گئی پانی تے رُوح دی خوشخبری اُتے ایمان رکھن دے راہیں  پاپ توں مکتی یافتہ ہوئے سن ۔ ایس لئی اوہ شہید ہوئے ، ایس لئی پئی اوہناں نیں نا مخالفِ مسیح  دی پوجا کیتی نا ای اپنے سجے ہتھ یا متھے اُتے پشُو دا ٹھپہ لوایا ، تے اِنج پاک لوکاں دے جیوں اُٹھن تے چُکےجان وچ شامل ہوئے ۔ ایس لئی اوہ تخت دے اگے تے    لیلے دے اگے کھلوتے ہوئے تے وڈیائی کردے نیں :  ”نجات ساڈے خُدا ولوں اے ۔جیہڑا تخت اُتے بیٹھا اے تے    لیلے ولوں۔“
ایس لئی ، خُدا نا صرف یہودیاں دا خُدا اے ،سگوں اوہ اوپریاں قوماں دا وی خُدا اے ، ایسے طرح ، اوہ پکا یقین کرے گا پئی جد وڈے دکھ جرن دے اخیری  دن آؤن  ، ساریاں قوماں ، گھرانیاں، لوکاں تےاہلِ زبان وچوں وڈی بھیِڑ پانی تے رُوح دی خوشخبری اُتے ایمان رکھے ، پاپ توں معافی پائے تے شہیداں دی فہرست وچ کھلون ۔