Search
پنجابی
پنجابی
کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔

مسیحی ایمان اُتے عام سوالنامہ

مضمون 3: مُکاشفہ

3-13. اپنی گواہی مکمل کرن دے بعدوں دو گواہ جیوں اُٹھدے تے اسمان اُتے چُک لَے جاندے نیں ۔ ایہہ ہے کویں مسیح دا دوجی واری آؤنا ، پاک لوکاں دے چُکے جان توں وکھ اے ؟

جویں  میَں سوال ۲ لئی اپنے جواب وچ وضاحت کیتی ، ایہہ دو گواہ  خُدا دے  خاص خادم نیں جنہاں نوں اوہ اسرائیلیاں نوں بچان لئی اسرائیل دے  لوکاں وچوں  کھلارے گا ۔ اک اجیہا ضروری کم اے جیہڑا خُدا نے ایس دنیا نوں برباد کرن توں پہلاں لازمی کرنا اے ، تے ایہہ اسرائیل دے لوکاں نوں پاپ توں بچاؤنا تے اوہناں نوں پہلی قیامت تے چُکے جان وچ شامل ہون دے لائق کرنا اے ۔
پولُس رسول نے رومیو ں۳: ۲۹۔۳۰ وِچ آ کھیا، ”خُدا نِرایہودیاں دا ای اے تے غیر قوماں دا نئیں ؟ ہاں اوہ غیر قوماں دا وی اے۔ کیوں جو اِکو خُدا اے جیہڑا سُنتی بہن والیاں نوں ایمان نال تے نا بہن والیاں نوں وی ایمان دی راہیں راستباز ٹھہراوے گا ۔ “ خُدا دے اگے پاپ توں مکتی یافتہ ہون دا طریقہ دونواں یہودیاں تے غیر قوماں لئی اکو ای اے ۔ ایس لئی پئی دونویں یہودی تے غیر قوماں اکو جیہے نیں ، راستبازی صرف پانی تے رُوح دی خوشخبری اُتے اوہناں دے ایمان دے راہیں ملدی اے ۔ اپنے سارے پاپاں توں بچن  لئی ، یہودی لوکاں نوں لازمی یسوع مسیح نوں اپنے مکتی داتا وانگر قبول کرنا چاہی دا اے تے ایمان رکھنا چاہی دا اے ، بالکل جویں غیر قوماں ایمان رکھدیاں نیں ، یعنی یسوع مسیح نے اوہناں دے سارے پاپاں نوں اپنے بپتسمے نال اپنے آپ اُتے چُک لیا ، تے یعنی اوہ اوہناں دی تھاں اُتے ایہناں پاپاں دی عدالت لئی سولی اُتے مرگیا ۔ 
خُدا دونویں یہودیاں تے غیر قوماں نال اکو جیہا پیش آؤندا اے ، تے اوہناں دونواں نوں ایمان دے راہیں اکو ای مکتی دی اجازت دے چُکیا اے ۔  ایس لئی  خُدا نے وڈے دکھ جرن دے پہلے ساڈھے تِن ورہیاں دے زمانے وچکار یہودی لوکاں لئی اپنے دو گواہاں دی اجازت دتی، تے کیوں اوہنے ایہناں دو گواہاں نوں اوہناں دے اگے پانی تے رُوح دی خوشخبری دی منادی کرن دی اجازت دتی ۔
ایہناں دو گواہاں دے  سببوں ، مُکاشفہ دا باب۱۱ زیتون دے دو بوٹیاں تے دو دیویاں بارے دسدااے ۔ زیتون دے دو بوٹے خُدا دے ایہناں دو خادماں بارے  دسدے نیں جنہاں نوں اوہ اسرائیلیاں دی مکتی لئی اجازت دیوے گا ، تے دو دیوے خُدا دیاں دو کلیسیاواں بارے دسدے نیں ، جیہڑیاں پئی اسرائیلیاں تے غیر قوماں وچ نیں ۔دوجے اکھراں وچ ، خُدا اپنیاں دو کلیسیاواں نوں اک دوجے نال اکٹھے رل کے وڈے دکھ جرن دے پہلے ساڈھے تِن ورہیاں دے وچکار،اسرائیلیاں تے غیر قوماں دے  اگے پانی تے رُوح دی خوشخبری دی منادی کرن دی اجازت دیوے گا ۔
ایس ویلے ، خُدا دی کلیسیا اسرائیلیاں وچکار نئیں ہیگی ۔ پر جد خُداوند اوہناں دے دلاں نوں لبھے گا تے جد اوہدا ویلا آئے گا ، اوہ اوہناں دے دلاں نوں اوہدا کلام قبول کرن لئی تیار کرے گا ، اوہناں لئی دو خادماں نوں کھلارے گا ، تے اوہناں نوں یسوع مسیح  نوں اپنے مکتی داتا وانگر قبول کرن دے لائق بنائے گا ۔
ایس لئی خُدا دونواں اسرائیلیاں تے غیر قوماں نوں وڈے دکھاں وچکار بچائے گا۔ اوہ دونویں اِکو جیہے  اسرائیلیاں تے غیر قوماں اُتے نویں سریوں جمے ہوئے  پاک لوکاں اُتے ڈاہڈے دکھ تے شہادت دی اجازت وی دیوے گا۔سچ اے پئی دو گواہ اپنی گواہی مکمل کرن دے بعدوں شہید ہو جان گے تے فیر جیوں اُٹھن گے تے ساڈھے تِن دن بعدوں اسمان اُتے چُکے جان گے —ایہہ خاص کر کے سچی گل اے پئی بالکل ایہناں دو گواہاں وانگر ، غیر قوماں وچکار خُدا دے خادم تے اوہدے لوک وی مخالفِ مسیح دے خلاف لڑن
گے ، شہید ہون گے ،تے اِنج اپنے جیوں اُٹھن تے چُکے جان وچ شامل ہون گے ۔