کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
پاک جگہ
خیمۂ اِجتماع 5.13 میٹر(45 فٹ ) لمبائی تے 5.4 میٹر (15فٹ) چوڑائی دی پیمائش رکھداسی ، تے ایہہ دو کمریاں وچ جیہڑے پاک جگہ تے بوھتی پاک جگہ اکھواؤندے سَن ونڈیاں جاندا سی ۔ پاک جگہ دے اندر ، اک شمع دان ، چڑھاوے دیاں روٹیاں دی میز ، تے بخور دی قربان گاہ سی ، جد پئی بوھتی پاک جگہ دے اندر ، عہد دا صندوق تے سرپوش رکھے ھوئے سَن ۔
پاک جگہ تے بوھتی پاک جگہ وچ ، خیمۂ اِجتماع چارے پاسیاں توں پیمائش وچ گھٹو گھٹ 70 سینٹی میٹر (3.2فٹ) چوڑے تے 5.4 میٹر (15فٹ) اُچے کیکر دی لکڑدے تختیاں نال گھریاھویا سی۔ تے خیمۂ اِجتماع دے بوھے اُتے ، کیکر دی لکڑدے سونے نال مڑھے ھوئے پنج ستون رکھے گئے سَن۔ بوھا اپنے آپ ،جیہدے راھیں کوئی بندہ باھر والے ویہڑے توں خیمۂ اِجتماع وچ جاندا سی ، اسمانی ، ارغوانی تے لال دھاگے تے باریک وٹے ھوئے کتان دے اُنے ھوئے پردے دے نال بنیا ھویا سی ۔
خیمۂ اِجتماع دے باھر والے ویہڑے وچ ، اوتھے 60 ستون ، جیہدے وچ ھر اک دی پیمائش 25.2 میٹر (4.7فٹ) اُچیائی وچ سی کھلوتے ھوئے سن۔ صحن دا بوھا ، جیہڑا ایہدے چڑھدے پاسے سی ، وی اسمانی ، ارغوانی تے لال دھاگے تے باریک وٹے ھوئے کتان نال اُنیا ھویا سی ، تے صرف باھر والے ویہڑے دے ایس بوھے دے راھیں لنگھن دے بعد خیمۂ اِجتماع دے ویہڑے وچ جا سکدا سی ۔ خیمۂ اِجتماع دے ویہڑے وچ سوختنی قربانی دی قربان گاہ تے حوض سی ۔
فیر ایہناں دونواں وچوں لنگھ کے ، کوئی بندہ فیر خیمۂ اِجتماع دے بوھے اُتے آؤندا سی ، جیہڑا پیمائش وچ 5.4 میٹر (15فٹ) اُچیائی جناں لماں سی ۔ خیمۂ اِجتماع دا ایہہ بوھا پنج ستوناں والا سی ، جیہدے خانے پیتل دے بنے ھوئے سَن۔ خیمۂ اِجتماع دے ویہڑے دے بوھے وانگر ، خیمۂ اِجتماع دا بوھا وی اسمانی ، ارغوانی تے لال دھاگے تے باریک وٹے ھوئے کتان نال اُنے ھوئے پردے دا سی تے پنجاں ستوناں دے اُتے رکھیاں ھوئیاں سونے دیاں کُنڈیاں اُتے لمکیا ھویا سی ۔ ایہہ پردہ ونڈ پاؤندا سی جیہڑا خیمۂ اِجتماع دے اندر تے باھر نوں وکھ کردا سی ۔
خُدا خیمۂ اِجتماع دے اندر رھندا سی جیہڑا 48 تختیاں نال بنایا گیا سی ۔ خُدا نے بنی اِسرائیل دے سامنے اپنی ھون نوں رات ویلے اگ تے دن ویلے بدل دے ستون نال ، خیمۂ اِجتماع دے اُتے ظاھر کیتا ۔ تے مقدس دے اندر ،جتھے خُدا آپ رھندا سی ، خُدا دے جلال نے جگہ بھردتی ۔ پاک جگہ دے اندر ، چڑھاوے دیاں روٹیاں دی میز ، شمع دان تے بخور دی قربان گاہ سی ، تے بوھتی پاک جگہ دے اندر ، عہد دا صندوق تے سرپوش سَن ۔ ایہہ تھانواں اسرائیل دے عام لوکاں دی پونچ توں باھر سَن ۔ خیمۂ اِجتماع دے نظام دے مطابق صرف کاھن تے وڈا کاھن ای ایناں تھاواں وچ جا سکدے سَن ۔
ھیکل دے اندر سارے بھانڈے سونے دے بنے ھوئے سَن ؛ شمع دان سونے دا سی ، تے اِنج ای چڑھاوے دیاں روٹیاں دی میز وی سونے دی سی ۔ جویں پئی ھیکل وچ ساریاں شیواں تے ایہدیاں تنے پاسے دیاں کندھاں کھرے سونے نال بنیاں سَن ، ایس لئی ھیکل دا اندر والا حصہ ھمیش سونے والی چمک وچ بوھت چمکدا رھندا سی ۔
ایہہ پئی مقدس دے اندر والا حصہ ایس طرحاں سونے والی چمک نال بوھت چمکدا اے سانوں دسدا اے پئی مکتی پاؤن والے پاک لوک خُدا دی کلیسیا وچ اپنی مہنگی ایمان والی حیاتی بسر کردے نیں ۔ پاک لوک جیہڑے پانی تے رُوح دے خوشخبری اُتے اپنے ایمان نال حیاتی بسر کردے نیں اوہ ھیکل وچ موجود کھرے سونے وانگر نیں۔ ایہو جیہے پاک لوکاں دی حیاتی جیہڑے ھیکل وچ رھندے نیں اوہ برکت والی حیاتی اے جیہڑی کلیسیا وچ رھندی اے ، خُدا دے کلام توں ودھدی پھُلدی ، دعاکردی تے اوھدی وڈیائی کردی اے ، تے خُدا دے تخت دے اگے جاندی تے ھر دیہاڑے اوھدا فضل پاؤندی اے ۔ ایہہ مقدس وچ ایمان دی حیاتی اے ۔ تہانوں ایہہ اپنے دلاں وچ رکھنا چاھی دا اے پئی صرف راستباز جیہڑے پانی تے رُوح دی خوشخبری دے راھیں بچائے گئے نیں اوہ مقدس وچ ایمان والی ایہہ مہنگی حیاتی بسر کر سکدے نیں ۔
Copyright © 2021 by The New Life Mission