کورونا وائرس تے عالمگیر ڈاک سروس وچ رکاوٹ دے سببوں، اَسیں اپنی ’مُلوں بغیر چھاپی ہوئی کتاب دی سروس‘ نوں تھوڑے چِر لئی بند کر دے پئے آں۔
ایس صورتحال دے چانن وچ اسیں ایس ویلے تہانوں کتاباں گھلن دے قابل نئیں ہیگے آں۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
دُعا ہے پئی ایہہ وبائی بیماری چھیتی ای مُک جاوے تے ڈاک سروس کُھل جاوے۔
بخور دی قربان گاہ
بخور دی قربان گاہ کیکر دی لکڑ نال بنائی گئی سی ، تے ایہہ مربع شکل ، دونویں اپنی لمبائی تے چوڑائی وچ اک ھتھ (45 سینٹی میٹر: 5.1فٹ) ، تے اوچیائی وچ 2 ھتھ دی پیمائش رکھدی سی ۔ پاک جگہ دے اندر رکھی ھوئی ، بخور دی قربان گاہ اپنی بناوٹ وچ سونے نال مڑھی ھوئی سی ، تے آلے دوالے سونے دا تاج رکھدی سی ۔ سونےدے چار کڑے ایس تاج دے ھیٹھاں ایہنوں چُکن لئی ورتی جان والیاں چوباں نوں پھڑن لئی رکھے گئے سَن ۔ ایس بخور دی قربان گاہ اُتے ، کُجھ وی نئیں سگوں صرف مسح دا پاک تیل تے خوشبودار بخور ورتیا جاندا سی ۔ (خروج 30 : 22 ۔25) ۔
بخور دی قربان گاہ اوہ جگہ سی جتھے دُعا دا بخور خُدا دے اگے پیش کیتا جاندا سی ۔ پر بخور دی قربان گاہ اُتے دُعا منگن توں پہلوں، سانوں پہلوں لازمی طور اُتے ویکھنا چاھی دا اے کیہ اسیں ایس قربان گاہ اُتے خُدا توں دُعا منگن دے لائق ھیگے آں یا نئیں ۔ جیہڑا وی پاک خُدا توں دُعا منگن دے لائق ھونا چاؤھندا اے اوھنوں پہلوں لازمی طور اُتے ایمان دے راھیں اپنے پاپاں نوں دھون دے سبب بے پاپ بننا چاھی دا اے ۔ اِنج کرن لئی ، ھر کسے نوں لازمی طور اُتے سوختنی قربانی تے حوض دے ایمان دے راھیں اپنے سارے پاپاں توں پاک ھونا چاھی دا اے ۔
خُدا پاپیاں دی دعا نئیں سُندا (یسعیاہ 59 : 1۔ 3) ۔ کیوں؟ ایس لئی پئی خُدا صرف اوھناں نوں قبول کردا اے جیہڑے پانی تے رُوح دی خوشخبری اُتے ایمان رکھن دے راھیں اپنے پاپاں توں دُھل گئے نیں ۔ ایس لئی پئی خُدا اسمانی ، ارغوانی ،تے لال دھاگے تے باریک وٹے ھوئے کتان وچ ظاھر کیتی گئی سچیائی دے راھیں ساڈے سارے پاپاں نوں دھو چُکیا اے ۔ دوجے اکھراں وچ ، خُدا ، صرف راستبازاں دی دعاواں سُن کے خُوش ھوندا اے (زبور 34 : 15 ، 1۔ پطرس 3 : 12) ۔
ملدے جُلدے خطبے
Copyright © 2021 by The New Life Mission