مضمون 8: پاک رُوح
[8-6] ایمان رکھو تاں پئی پاک رُوح تہاڈے وچ رہوے <متی ۲۵: ۱ ۔ ۱۲>
>متی ۲۵: ۱ ۔ ۱۲>
” اوس ویلے اَسمان دی بادشاہی اوہناں دَس کواریاں ورگی ہووے گی جیہڑیاں اپنے دیوے لَے کے لاڑے نوں جی آکھن لئی نکلیاں ۔ اوہناں وچوں ۵ بے عقل تے ۵ سیانیاں سَن ۔جیہڑیاں بے عقل سَن اوہناں نے اپنے دیوےتے لَے لئے پر تیل اپنے نال نہ لیا ۔پر سیانیاں نیں اپنے دیویاں نال اپنی کُپیاں وچ تیل وی لَے لیا ۔ تے جدوں لاڑے نے دیر لائی تے ساریاں اونگھلاؤن لگیا ں تے سوں گئیاں۔ اَدھی رات نوں شور پیا پئی لاڑا آگیا اے! اوہنوں جی آکھن لئی نکلو۔ اوس ویلے اوہ ساریاں کواریاں اُٹھ کے اپنے اپنے دیوے سوارن لگیاں ۔ تے بے عقلاں نیں سیانیاں نوں آکھیا اپنے تیل وچوں کُجھ سانوں وی دے دیووکیوں جے ساڈے دیوے بُجھدے جاندے نیں ۔ سیانیاں نیں جواب دتا پئی خورے ساڈے تہاڈے دونواں لئی بوہتا نہ ہووے ۔چنگی گل ایہو ای پئی ویچن والیاں کول جاکے اپنے لئی خرید لووو۔ جدوں اوہ خریدن جاندیاں پئیاں سَن تے لاڑا آن پوہنچیا ،تے جیہڑیاں تیار سَن ،اوہ اہدے نال ویاہ دے جشن وچ اندر چلیاں گئیاں تے بوہا بند ہوگیا ۔فیر اوہ باقی کواریاں وی آئیاں تے آکھن لگیاںیاخُداوندا!یاخُداوندا!ساڈے لئی بوہا کھول دے ۔اوہنے جواب دتا ،میَں تہانوں سچ آکھداہاں پئی میَں تہانوں نئیں جان دا۔ “
کواریاں دے راہیں جیہڑیاں پا ک رُوح نال بھرپور نیں ، اوہ کِناں دی اَگوائی کردیاں نیں ؟
کناں کول پاک رُوح آؤندااے ؟
اوہ اوہناں کول آؤندااے جیہڑےیسوع دے بپتسمہ تے اوہدے لہواُتے ایمان رکھن نال اپنے پاپاں توں معافی پاؤندے نیں ۔
اُتلے حوالے وچ ، ۵سیانیاں تے ۵ بے عقل کواریاں ہیگیاں نیں۔ ۵ بے عقل کواریاں ،۵ سیانیاں کولوں ،اوہناں دے تیل وچوں کُجھ اُدھارا تیل منگدیاں نیں ۔ پر سیانیاں نیں ، بے عقل کواریاں نوں آکھیا ، ” خورے ساڈے تہاڈے دونواں لئی بوہتا نہ ہووے ۔چنگی گل ایہو ای پئی ویچن والیاں کول جاکے اپنے لئی خرید لووو۔ “ ایس لئی جدوں بے عقل کواریاں تیل خریدن گئیاں ،۵ سیانیاں کواریاں ،جنہاں دے دیویاں وچ تیل وی ہیگا سی ، ویاہ دے جشن وچ چلیا ں گئیاں ۔ فیر کویں اسیں خُداوند لئی تیل تیار کر سکدے آں ؟اک کم جیہڑا سانوں کرنا چاہی دااے،سانوں پاپاں توں معافی پاؤن دے نال نال اپنے دلاں وچ اوہدی اُڈیک رکھنی چاہی دی اے ۔
سانوں لوکاں دے وچ دو طرحاں دے ایمان دِسدے نیں ۔ اک ایمان پاپاں دی معافی دی خوشخبر ی اُتے ہیگا اے ۔ ایہہ پاک رُوح پاؤن وچ اَگوائی کردااے ۔ دوجا سدھے طریقے نال کسے دا اپنے دینی عقیدے نال چلنا اے —پئی ایس گل دی پرواہ کیتیوں اڈپئی خُداوند کسے دےپاپاں نوں معاف کر چکیااے یاں نئیں۔
اُوہناں دے لئی جیہڑےآپنے ذاتی عقیدیاں دے نال چلدے نیں، سوہنی خوشخبری اک بھار بنی رہندی اے ۔بے عقل کواریاں وانگر جیہڑیاں تیل خریدن گئیاں ،جدوں لاڑا آؤنداپیا سی ،اوہ جیہڑے پاک رُوح پاؤن دی آس رکھدیاں ہویاں اک عبادت والے گھر توں دوجے گھر ول جاندے نیں ،کسے نوں نئیں سگوں اپنے آپ نوں دھوکہ دیندے پئےنیں ۔ایہو جیہے لوکاں نوں سچ دا نئیں پتہ پئی اوہناں نوں بڑے یقین نال سزا دیہاڑے توں پہلاں اپنے دلاں وچ سوہنی خوشخبری اُتے ایمان رکھنا چاہی دا اے ۔اوہ اپنے جوش نال ،خُدا نوں پرچاؤن دے راہیں پاک رُوح پاؤن دی آس رکھدے نیں ۔ اسیں اک ڈیکن دے اقرار کرن اُتے دھیان کردےآں جنہے پاک رُوح پاؤن لئی بڑے ہتھ پیر مارے ۔ایس اقرار نال تہانوں مدد ملے گی ۔
” میَں پاک رُوح پاؤن لئی بڑے جتن کیتے ۔ میَں سوچیا پئی جے میَں بڑے جوش نال اپنے ایمان لئی اپنے آپ نوں ایہدے نانویں لادتا ، تے میَں پاک رُوح پا سکدا ساں تے ایس طرحاں میَں دعا والے اک گھر توں دوجے گھر ول گیا ۔ اوہناں دعاوالے گھراں وچوں اک وچ لوک عبادت وچ بجلی والا پیانو تے ڈرم وجاؤندے سَن ۔پادری جیہڑا عبادت کراؤنداسی اوہناں نوں اک اک کرکے سدیا جیہڑے پاک رُوح پاؤنا چاہندے سَن تے جویں ای اوہنے اوس بندے دے متھے اُتے چنڈ ماری ، اوہنے اوپریاں بولیاں وچ بولنا شروع کردتا ۔اوہ اک مائیکروفون ول بھجیا تے چانگراں ماریاں ، ” اَگ پاوو ،اَگ ،اَگ “ تے اپنے ہتھاں نوں لوکاں دے سراں اُتے رکھیا، جیہدے نال کئیاں نوں دَورے پئے تے بے ہوش ہوئے ۔ مینوں ایہہ شک سی پئی ایہہ اوکھا کم پاک رُوح پاؤن دے بارے وچ سی ،پر مینوں پہلوں ای ایناں عبادتاں دی عادت پئی سی ۔ایہہ سب کُجھ کردیاں ہویاں ، میَں کدی پاک رُوح نہ پا سکیا ۔
ایس تجربے دے بعدوں ،میَں پہاڑاں اُتے گیا تے ساری رات جدپئی اک صنوبر دے رُکھ نوں پھڑ کے روندیاں ہویاں دعا منگن دی ہمت کیتی ۔ میَں ایتھوں تیک اک غار وچ دُعا منگن دی ہمت کیتی پر ایتھے وی میرا کم نہ ہویا ۔ایہدے بعد ،میں مکمل چالی(۴۰)دیہاڑیاں دیا ں راتاں لئی دعامنگن دی ہمت کیتی پر میَں کدی پاک رُوح پاؤن دا سبب نہ کر سکیا ۔ فیر اک دن مینوں پاک رُوح بارے اک سیمینار دی دعوت ملی ۔ سیمینار ہفتے وچ اک واری ہونداسی، تے ستاں ہفتیاں لئی ہوندارہنداسی۔
سیمینار خُدا دی محبت ، سولی ،یسوع دے جی اُٹھن ،ہتھ رکھے جان ،پاک رُوح دل پھل تے رُوحانی ترقی اُتے سی ۔ اوس ویلے جدوں سیمینار دا پروگرام گھٹوگھٹ مک گیا ۔ سیمینار دے مناد نے میرے سر اُتے اپنے ہتھ رکھے تے پاک رُوح لئی دعا منگی تے اوہنے جویں مینوں اوہنے آکھیا اوسے طرحاں میَں کیتا ۔میَں سُست ہوگیا تے اَسمان ول پاسا کرن لئی اپنے ہتھ چکے تے بڑی وار ” لا۔لا۔لا۔لا۔ “ رولا پایا ۔ یکدم،جویں ای میَں ” لا۔لا۔لا۔لا۔ “دا رولا پاؤندا ساں ،میَں اک اوّلی بولی وچ چتے پیر بولنا شروع کیتا ۔بڑیاں لوکاں نیں مینوں پاک رُوح پاؤن دی مبارک دتی ۔ پر جدوں میَں اپنے گھر وچ کلاں ساں ،میَں ڈریاں ہویا ساں ۔ ایس لئی میَں سیمینار لئی اپنی من مرضی دے بندے وانگر کم کرنا شروع کر دتا ۔میَں سوچیا مینوں کم کرن لئی اینی بوہتی ریجھ ہونی چاہی دی اے ،جیہدے وچ میَں سوکھا ہوواں ۔ ایس لئی میَں اپنی خدمت کرن لئی سارے ملک وچ سفر کیتا ۔تے جدوں میَں کئی بیماراں اُتے اپنے ہتھ رکھے ،اوہناں دے روگ مک گئے ،ایتھوں تیک پئی اوہ بعد وچ بوہت چھیتی فیر آگئے ۔ تے فیر میَں اپیناں اکھاں اگے رویا ویکھی تے اوہدے بعدوں پیشن گوئی کر سکداساں ۔ حیران کرن والی گل اے،میری پیشن گوئیاں ہمیشہ سچیاں ہوئیاں ۔اوس ویلے توں ،مینوں بڑیاں تھاواں اُتے دعوت دتی گئی تے میرے بارے اک مشہور بندے وانگر دسیا گیا ۔پر مینوں فیر وی ڈرآؤنداسی ۔فیر اک دن ،میَں اِنج آکھدیاں اک آواز سُنی ،”ایس طرحاں تھاں تھاں اُتے آلے دوالے ناں گھوم،ایہدی تھاں اُتے جا تے اپنے خنوادے دی مکتی پاؤن وچ مدد کرو۔ “ پر ، مینوں نئیں پتہ سی مکتی کیہ ہوندی اے ۔ مینوں صرف ایناں پتہ سی دوجیاں مینوں کیہ دسیا سی— پئی جے میَں پاک رُوح دا یہہ تحفہ نہ ورتیا، ایہہ میرے کولوں لَے لیا جاوے گا ۔ دوجے پاسے ، میَں اپنی اَچرج کم کرن دیاں طاقتاں ورتن بارے ڈرداساں تے حالے تیک میَں اِنج کرن نوں روک نئیں سکیاساں ۔
اک دیہاڑے میَں سنیا پئی اک بی بی شمان نے یسوع اُتے ایمان لیاؤن دی آس رکھی تے ایس طرحاں میَں اپنے بیلیاں نال اوہدے ول گیا ۔ اسیں اوہدے ول جان توں پہلاں اوہنوں نئیں دسیا پئی اسیں اوہنوں ملاں گے ۔ پر بی بی شمان اپنے بوہیوں باہر پہلوں ای سانوں اڈیکدی پئی سی تے اوہنے آکھیا ، ” مینوں پتہ سی پئی تسیں آؤندے پئے او ۔“ فیر اوہنے یکدم ساڈے اُتے پانی سُٹنا شروع کیتا تے آکھیا ، ” چڑھدے ڈنگراں والے دین تے لیہندے ڈنگراں والے دین وچکار کوئی فرق نئیں ہیگا اے ! “ اوہنے سانوں ” یسوع دے شمان “سدیا ،ساڈے ول اشارہ کیتا تے آکھیا ، ” ایہہ بندہ ڈردااے ،پر اوہ نئیں ہیگا ۔ “ بی بی شمان نےجو آکھیا میرے سر اُتے اک مکے دی سٹ وانگر لگیا۔ میَں سوچن لگ پیا پئی اوہ سب کُجھ جیہڑا میَں کیتا سی ، اک جادوگر جویں کردااے اوہدے ورگا اے ۔ میَں کُجھ وی کدی میرے کول پاک رُوح نوں لیاؤن لئی نئیں کیتا ، ایس لئی پئی میَں حالے تیک اپنے دل وچ پاپ رکھدا ساں ۔
ایس پریشانی توں ،اسیں سکھ سکدے آں پئی پاک رُوح پاؤنا ساڈے گُناں توں بوہتا اے ۔ کیوں جے ایہو جیہا ایمان خُدا دی بادشاہی دے بارے وچ نئیں ہیگا ۔اوہ جیہڑے ایس طرحاں دی دینی حیاتی بسر کردے نیں ، اوہناں دے دیوے تیل توں ویہلے نیں ۔
پاک کتاب دیوا کلیسیا نوں آکھدی اے تے تیل پاک رُوح بارے دسدی اے ۔ پاک کتاب دسدی اے پئی اوہ جیہڑے گرجے جاندے نیں ،کیہ اوہ خُدا دی کلیسیا ہیگے نیں یاں نئیں ۔ پاک رُوح پائیوں اَڈ بے عقل نیں ۔
بے عقل لوک اپنے دِلی خیال تے اپنے بدناں نوں دِنے راتیں ساڑدے نیں ۔ بے عقل خُدا دے اگے اپنے دِلی خیال والے بدناں دے نال نال اپنے خیالاں نوں ساڑدے نیں ۔ جے اسیں آکھنا سی پئی ساڈے دِلی خیال وی (۲۰)سینٹی میٹرتیک اکٹھے ہوندے نیں تے اک سینٹی میٹر سڑن وچ اک دیہاڑا لگدا اے ،فیر ساڈےسارے دِلی خیال نوں اگ وچ بھسم ہون لئی وی (۲۰)دیہاڑے لگن گے ۔ اوہناں دے ایمان دے پِچھے دِلی خیال مونہہ ہنیرے دیاں دعاواں ، جگراتے دیاں دعاواں،روزے دیاں دعاواں،جاگن دیاں دعاواں نال نویں طاقت پاؤندے نیں ۔پر اوہناں دے دِلی خیال اوہناں دیاں ساریاں حیاتیاں وچ وی سڑے رہندے نیں ۔ اوہ اپنے دِلی خیالاں دے سڑن دے کدی نہ مکن والے ایس کم دے
عادی نیں ۔
اوہناں دے دِلی خیال یسوع دے ناں اُتے سڑدے نیں ۔اوہ گرجے جاندے نیں تے اپنے دِلی
خیال ساڑدے نیں تے اوہناں دے دل حالے تیک پریشان ہیگے نیں تے کدی دوجیاں شیواں لبھدے نیں ۔ ایہدا سبب ایہہ ہیگا اے پئی اوہناں دا ایمان بدنی تجربیاں نال ودھدااے ؛ایس لئی ، اوہ ایناں خیالاں نوں پکیاں کرن لئی اک سدادی لوڑ رکھدے نیں ،تاں پئی دیوا بُجھ نہ جاوے ۔فیر وی اوہ ایس طرحاں دے ایمان نال پاک رُوح پا نئیں سکدے ۔ اپنے دِلی خیالاں نوں ساڑنا اوہناں دی پاک رُوح پاؤن لئی اَگوائی نئیں کرے گا ۔
ساڈے وچوں ساریاں نوں خُدا دی پوری حضوری وچ پاک رُوح پاؤن لئی چنگا ایمان تیار کرن دی لوڑ اے ۔تے فیر ای اسیں پاک رُوح پاؤن دے لائق ہوواں گے ۔اسی کویں دا ایمان رکھدے آں ،جیہڑا سانوں پاک رُوح پاؤن دے لائق بناؤندااے ۔ سارا سچ سوہنی خوشخبری وچ ہیگا اے جیہڑی یردن اُتے یسوع دےبپتسمے تے سولی اُتے اوہدے لہو وگن نال پوری ہوئی سی ۔
خُدا نے سانوں ، ” بدکاراں دی اولاد “ (یسعیاہ ۱: ۴) دے برابر دسیا اے ۔ سانوں بڑے یقین نال اپنے لئی ایہنوں من لینا چاہی دااے ۔ لوک اصل وچ بارہ قسماں دے پاپاں نال (مرقس ۷ : ۲۱ ۔ ۲۳)جم دے نیں ۔ انسانی پیڑھی اپنے جمن دیہاڑے توں لَے کے اپنے مرن دیہاڑے تیک پاپ کرن توں بچ نئیں سکدے ۔
یوحنا ۱: ۶ ۔ ۷ وچ ،ایہہ لکھیا ہویااے ، ” اک بندہ یوحنا ناں دا آن پہونچیا جیہڑا خُدا ولوں گھلیا گیا سی ۔ایہہ گواہی دین لئی آیا پئی نُور دی گواہی دیوے تاں پئی سارے اوہدے راہیں ایمان لیاؤن ۔ “ یوحنا اصطباغی نے یسوع نوں بپتسمہ دتا تے ایہہ آکھدیاں ہویا ں ،جگ دے سارے پاپاں نوں اوہدے اُتے لد دِتا ، ” ویکھو ایہہ خُدا دا میمنا اے جیہڑا جگ دا پاپ چُک کے لَے جاندااے ۔ “(یوحنا ۱: ۲۹)۔اسیں اپنے سارے پاپاں توں مکتی پائی ،یوحنا کولوں یسوع دے بپتسمے دا شکر ہووے ۔ جے یسوع یوحنا نوں بپتسمہ نہ دیندا تے اعلان کردا پئی اوہ خُدا دا میمنا سی ،جنہے جگ دے سارے پاپاں نوں چُک لیا ، سانوں پتہ نئیں سی لگنا پئی یسوع نے ساڈے سارے پاپاں نوں سولی اُتے اپنے نال چُک کے لَے گیا ۔نہ ای سانوں پاک رُوح پاؤن دے طریقے دا پتہ لگنا سی ۔ پر یوحنا دی گواہی دا شکر ہووے، سانوں سمجھ آگئی پئی یسوع نے ساڈے سارے پاپاں نوں چُک لیا تے سانوں پاک رُوح پاؤن دے لائق کیتا ۔
ایس ایمان نال ، اسیں ووہٹیاں بن گئیاں جیہڑیاں مکمل طور اُتے ، یسوع لاڑے نوں پاؤن لئی
تیار ہیگیاں نیں ۔ اسیں کواریاں ہیگیاں واں جیہڑیاں یسوع اُتے ایمان رکھدیاں ہاں تے پاک رُوح پاؤن لئی مکمل طور اُتے تیار ہیگیاں واں ۔
کیہ تسیں اپنے سارے دل نال پانی تے رُوح دی خوشخبری اُتے ایمان رکھدے او؟ کیہ تسیں ایمان رکھدے او پئی یسوع مسیح نے یوحنا راہیں اپنے بپتسمے نال تہاڈے سارے پاپاں نوں چُک لیا سی ؟پاک کتاب دسدی اے ، ” ایس لئی ایمان سُنیاں پیدا ہوندااے تے سُننا مسیح دے کلام ولوں ۔ “ (رومیوں۱۰: ۱۷)۔سانوں بڑے یقین نال پاک رُوح نوں پاؤن لئی ایمان رکھنا چاہی دااے پئی یسوع نے یوحنا کولوں بپتسمہ لیا تے سولی اُتے مرگیا ۔سانوں بڑے یقین نال ایہہ جاننا چاہی دااے پئی پاک رُوح پاؤنا صرف ایمان رکھیاں ہوسکدا اے پئی یسوع اک بندے وانگر دھرتی اُتے آیا تے یوحنا کولوں بپتسمہ لیا ،مطلب اے سولی اُتے مرگیا تے جی اُٹھیا ۔
ایتھوں تیک پئی اَج ایمانداراں دیاں دو ٹولیاں ہیگیاں نیں ،بالکل جویں دس کواریاں دی اُتلی کہانی وچ دوقِسماں دیاں سَن ۔ تسیں کس طرح دے ہیگے او ؟ تہانوں بڑے یقین نال پانی تے رُوح اُتے ایمان رکھن نال پاک رُوح پاؤنا چاہی دااے ۔ کیہ تسیں گرجے وچ جاندے او ،پر حالے تیک اپنے آپ لئی مطلب اپنے اُتے پاک رُوح دے آؤن دی اُڈیک وچ ہیگے او ؟ تہانوں بڑے یقین نال سچا طریقہ جانن دی لوڑ ہیگی اے جیہدے نال پاک رُوح مِلدااے ۔
کیہڑیاں عقیدیاں نال اسیں پاک رُوح پا سکدے آں ؟کیہ تسیں ڈنگراں والے دین دے سِر پیر ہلاؤن والے جوش جذبے نال پاک رُوح پاسکدے او ؟ کیہ تسیں کومہ دی حالت وچ پاک رُوح پا سکدے او؟ کیہ تسیں اک دوجے نوں گئے گواتے جانن والے دیناں اُتے ایمان رکھ کے پاک رُوح پا سکدے او؟ کیہ تہانوں چتے پیر ،اپنے پاپاں دی معافی لئی خُدا دے اگے دعا منگنی چاہی دی اے ؟ پاک کتاب دسدی اے پئی جدوں یسوع نے بپتسمہ لَے لیا تے پانی وچوں اُتے آیا خُدا دا رُوح اک کبوتر وانگر ہیٹھا ں اُتریا ۔ اوہنے ساڈے پاپاں نوں چُکن لئی بپتسمہ لیا ، تے سانوں دسن لئی پئی اوہ ساڈیاں ساریاں بدیاں دا مُل اُتارن لئی سولی اُتے مرے گا ۔
یسوع نے جگ دے پاپ نوں چُکن لئی یوحنا کولوں بپتسمہ لیا تے سولی اُتے مرگیا تاں پئی اسیں مکتی پا سکیے تے پاک رُوح پا سکیے۔ ایہہ بوہت وڈا سچ ہیگا اے ۔ یسوع نے یوحنا کولوں بپتسمہ لیا ،سولی اُتے ساڈے سارے پاپاں لئی سزا پا کے مرگیا تے جی اُٹھیا ۔سانوں بڑے یقین نال یوحنا ولوں یسوع دے بپتسمے تے صلیبی لہو اُتے ،اپنے پاپاں توں معافی پاؤن لئی ایمان لیاؤنا چاہی دااے ۔ اسیں یسوع دے بپتسمےتوں (متی ۳ : ۱۳ ۔ ۱۵)ویکھ سکدے آں پئی پاک رُوح ساڈے وچوں اوہناں اُتے کبوتر وانگر سکون نال آؤندااے جیہڑے اوہدے بپتسمے اُتے ایمان رکھن نال پاک کیتے گئے نیں ۔
پاک رُوح پاؤن لئی یوحنا ولوں یسوع دے بپتسمے تے اوہدے صلیبی لہو اُتے ایمان رکھنا بوہت لوڑی دا اے ۔ پاک رُوح اک بندے اُتے اک کبوتر وانگر سکوں بھرے طریقے نال آؤندااے ،جدوں اوہ پاپ دی معافی اُتے ایمان رکھدا اے ۔ اوہ جیہڑے پہلوں ای پاک رُوح پا چُکے نیں ،اوہناں نوں جانن دی لوڑہیگی اے پئی ایہہ ایمان نال پاپ دی معافی دے سبب سوکھا بنایا گیا اے ۔ پاک رُوح اوہناں اُتے اُتردااے جیہڑے اپنے سچے دل نال پاپ دی معافی اُتے ایمان رکھدے نیں ۔
یسوع مسیح ہمیشہ دی حیاتی دی روٹی تے مَےدے راہیں آیا (متی ۲۶ : ۲۶ ۔ ۲۸،یوحنا ۶ : ۵۳ ۔ ۵۶)۔جدوں یسوع اپنے بپتسمے دے بعدوں پانی وچوں باہر آیا ،اَسمان اُتوں اک آواز ،ایہہ آکھدیاں ہویاں آئی ، ” ایہہ میرا سوہنا پُتر ہیگا اے جیہدے توں میَں خوش ہیگا واں ۔“ (متی ۳ : ۱۷)۔
تثلیث وانگر خُدا اُتے ایمان رکھنا سوکھا ہیگا اے ۔خُدا یسوع دا پیو ہیگا اے تے یسوع خُدا دا پُتر ہیگااے ۔ پاک رُوح وی خُدا ہیگا اے ۔ساڈے لئی تثلیث ایک اکلا خُدا ہیگا اے ۔
تہانوں یقین نال جانن دی لوڑی ہیگی اے پئی تسیں کدی صرف صلیبی لہو اُتے ایمان رکھن نال اپنے آپ نوں چنگے کماں راہیں پاک کرن دی ہمت کر کے پاک رُوح پا نئیں سکو گے ۔ تسیں پاک رُوح پا سکدے او ، جدوں تسیں ایمان رکھدے او پئی یوحنا نے یسوع نوں ساڈے سارے پاپ اوہدے اُتے لدن لئی بپتسمہ دِتا ۔ تے ایس طرحاں اوہ ساڈے سارے پاپاں لئی کفارہ دین لئی سولی اُتے مریا سی ۔ ایہہ سچ بوہت سِدھا تے کُھلیا ہویا اے !پاپ دی معافی تے پاک رُوح پاؤنا کوئی اوکھا نئیں ہیگا ۔
خُدا نے ساڈے نال سوکھیاں مثالاں وچ کلام کیتا ۔ اک عام بندے دا آئی- کیولیول۱۱۰ توں لَے کے ۱۳۰ہوندااے ۔ اوہدی خوشخبری عام لوکاں دی سمجھ لئی بوہت سوکھی اے ۔ ایتھوں تیک پئی ۴ توں لَے کے ۵ ورہیاں دی عمر دے بچیاں لئی ،سوہنی خوشخبری نوں سمجھنا کدی اوکھا نئیں ہیگا ۔ پر جے خُدا ساڈے نال پاک رُوح دی بھرپوری دے بارے بوہتے اوکھے طریقے نال بولدا، کیہ اسیں کدی اوہنوں سمجھ سکدے ساں ؟ خُدا نے انصاف نال ساڈے سارے پاپاں نوں معاف کیتا تے اوہنا ں نوں اک تحفے وانگر پاک رُوح دتا جنہاں نیں ایہدے اُتے ایمان رکھیا ۔
خُدا سانوں دسدااے پئی اسیں ہتھ رکھن جان نال یاں توبہ دیاں دعاواں نال پاک رُوح نئیں پا سکدے۔ پاک رُوح روزے دی حالت یاں نیک نیتی نال ، ایتھوں تیک پئی پہاڑاں اُتے ساری رات دعا منگن نال نئیں اُتردا۔ ساڈے اندر پاک رُوح پاؤن اُتے کیہڑی طرحاں دا ایمان پیدا ہوندااے ؟ ایہہ ایس سچ اُتے ایمان ہیگا اے پئی یسوع ایس جگ وچ آیا ، ساڈے سارے پاپ چکن لئی بپتسمہ لیا، سولی اُتے مرگیا تے جی اُٹھیا ۔
کیہ سانوں سچ مُچ ایہدے اُتے ایمان رکھنا چاہی دااے ؟
سانوں کاہدے لئی پاپاں دی معافی تے ایس طرحاں پاک رُوح پاؤنا چاہی دااے ؟ سانوں خُدا دی بادشاہی دے شہری بنن لئی ،اوہدے رُوح دی لوڑ ہیگی اے ؟ایس لئی پاک رُوح پاؤن لئی ،سانوں یسوع اُتے اپنے مکتی داتا وانگر ،اوہدے بپتسمہ تے لہو اُتے ایمان رکھن دی لوڑ ہیگی اے ۔ تے اخیریں ، سانوں یقین نال اپنے پاپاں تو ں معاف ہونا چاہی دااے ۔
کیوں خُدا اوہناں نوں پاک رُوح دیندااے جنہاں دے پاپ معاف ہو گئے نیں ؟ ایہدا سبب اوہناں اُتے اپنے لوکاں وانگر نشان لاؤنا اے ۔اوہناں اُتے نشان لاؤن لئی جیہڑے یسوع ،مطلب اے، خُدا دے کلام اُتے پکا ایمان رکھدے نیں ؟ اوہ اوہناں نوں ضمانت وانگر پاک رُوح دیندااے ۔
بوہتے لوک غلط طرحاں دا ایمان رکھدے نیں ۔ یسوع دے بپتسمہ اُتے ایمان رکھنا تے پاک رُوح پاؤنا بوہت سوکھا اے ۔ ایہہ ساڈے وچوں اوہناں لئی سوکھا اے جیہڑے پہلوں ای پاک رُوح پا چُکے نیں ، پر ایہہ اوہناں لئی کدی نئیں ہو سکدا جنہاں پاپاں توں معافی نئیں پائی ۔ اوہ سچ نوں نئیں جان دے تے ایہدے تھاں اُتے پاک رُوح پاؤن لئی دوجے طریقے لبھدے نیں، مثال طور اُتے اپنے آپ نوں جوش والے کماں نال اک دینی کومہ وچ ڈوبدے نیں ۔ اوہ ککھ نئیں جان دے پئی اوہ بیجاں تو ں پریشان ہو جاندے نیں جیہڑے شیطان نے بیجے نیں تے شکی دیناں دے اثر ہیٹھاں ہو جاندے نیں۔
پاک رُوح اوہناں وچ رہندااے جیہڑے یسوع دے بپتسمہ تے اوہدے صلیبی لہو اُتے ایمان رکھدے نیں تے جیہڑے پاپاں دی معافی پا چُکے نیں ۔ صرف اوہ جیہڑے خُدا دی مکتی اُتے ایمان رکھدے نیں ،اقرار کر سکدے نیں ، ” میَں کوئی پاپ نئیں رکھدا “جے کوئی بندہ پانی تے رُوح دی خوشخبری اُتے ایمان نئیں رکھدا ، فیر اوہ نئیں آکھ سکدا پئی اوہ کوئی پاپ نئیں رکھدا ۔ ایسے طرحاں خُدا نےپاک رُوح نوں اپنے پُتراں لئی اک ضمانت وانگر دے دتا اے ، جیہڑے یسوع دے بپتسمے تے اوہدے صلیبی لہو اُتے
ایمان رکھدے نیں تے پاپ دی معافی پا چُکے نیں ۔
کِنے گواہی دتی پئی یسوع دا بپتسمہ تے اوہدے لہو نے ساڈے سارے پاپاں نوں چُک لیا ؟ یسوع ،
اوہدیاں چیلیاں تے پاک رُوح نے گواہی دتی ۔ کنے ساریاں لوکاں نوں اوہناں دے پاپاں توں بچاؤن دا ارادہ بنایا ؟پاک پیو نے ایہہ کیتا ۔کنے ایس ارادے نوں پوریاں کیتا ۔یسوع مسیح نے ۔ کنے اخیریں ضمانت دتی پئی ایہہ ارادہ پورا ہوگیا سی ؟ پاک رُوح نے ایہہ کیتا ۔
خُدا سانوں اپنے لوک بناؤنا چاہنداسی تے ایس لئی سانوں ساڈے سارے پاپاں توں یسوع دے بپتسمے تے لہونال بچاؤن دا ارادہ کیتا ۔ ایس لئی ، خُدائی تثلیث ساڈی مکمل مکتی دی ضمانت دیندی اے تےساڈے پاپاں دی معافی نوں قبول کردی اے ۔
متی ۳ : ۱۷ وچ ، ایہہ لکھیا ہویا اے ، ” ایہہ میرا سوہنا پُتر اے جیہدے توں میَں خوش ہیگا واں ۔“ اوہ جنہاں کول خُدا دا پاک رُوح اے، خُدا دے لوک نیں ۔ اوہ اوہدے پُتر نیں ۔ ” ایہہ میرا سوہنا پُتر اے جیہدے توں میَں خوش ہیگا واں۔ “ یسوع سچ مُچ خُدا ہیگااے ۔ خُداسانوں دسدا اے ، ” جے تسیں اپنے پاپاں توں معافی پاؤنا چاؤہندے او ،ایمان رکھو پئی انسانی پیڑھی دے سارے پاپ ،یسوع ، میرے اکلے کارے پُتر دے راہیں ہمیش لئی چُکے گئے سَن ،پاک رُوح پاؤ ،تے میرے پُتر بن جاوو۔“ اوہ جیہڑے اوہدے اُتے ایمان رکھدے نیں اپنے پاپاں توں معافی پاؤن گے تے خُدا دے پُتر تے دھئیاں بن جان گے ۔ اوہ اوہناں نوں پاک رُوح دا تحفہ اوہناں اُتے اپنے پُتراں وانگر نشان لاؤن دے طورتے دیندااے ۔ اسیں اپنے پاپاں دی معافی پا سکدے آں ،صرف جدوں اسیں یسوع دے بپتسمہ تے نال لگویں اوہدے لہو اُتے ایمان رکھدے آں ۔
جدوں لوک اپنے دلاں نوں خالی نئیں کردے تے معافی دی خوشخبری اُتے ایمان نئیں لیاؤندے ،اوہ ایمان رکھن دا بھار رکھدے نیں پئی نسلی پاپ پہلوں ای مک گیا اے ،پر فیروی ، اوہناں نوں چتے پیر اپنے ہر دیہاڑے دے پاپاں توں معافی پاؤن لئی توبہ دیاں دعاواں منگنیاں چاہی دیاں نیں ۔ جے اوہناں دے خیال اِنج دے ہو جاندےنیں، پاک کتاب نہ سمجھ آؤن دے لائق تے پریشانی دا سبب بن جاندی اے ۔ ایس لئی اوہ ، اوہدے اوہناں چیلیاں دے اَڈ وکھ وکھ عقیدے رکھن لئی آؤندے نیں ۔
کئی آکھدے نیں پاک رُوح اوہناں اُتے ، ” دعاواں نال “ اُتردااے ۔ پر ایہہ پاک کتاب دی اَکھاں دے اگے بالکل سچ نئیں ہیگااے ۔ ایہہ خورے وکھالے طور اُتے ٹھیک لگ سکدااے ، پر پاک کتاب آکھدی اے پئی جدوں یسوع یوحنا کولوں بپتسمہ لین دے بعد پانی توں باہر نکلیا ، پاک رُوح کبوتر وانگراوہدے اُتے اُتریا ۔ ایہہ ثابت کردا اے پئی جے اسیں پاک رُوح پاؤن دی آس رکھدے آں ،سانوں صرف ایہہ ایمان رکھن دی لوڑ ہیگی اے یسوع ایس جگ وچ آیا ،جگ دے سارے پاپاں نوں چُکن لئی یوحنا کولوں بپتسمہ لیا ، اوہناں لئی سولی اُتے جان دتی تے ساڈا مکتی داتا بنن لئی جی اُٹھیا ۔
خُدا سانوں آکھدااے جدوں اسیں ایس سچ اُتے ایمان رکھدے آں تےپاک رُوح پاؤندے آں ؟اوہ آکھدااے ، ”تسیں میرے پُتر او ۔ ایہہ میرا سوہتا پُتر اے ،جیہدے توں میَں خوش ہیگا واں ۔ “ خُدا اوہناں نوں وی ایہوای گل آکھے گا جیہڑے یسوع اُتے ایمان رکھن تے آؤن والے ویلے وچ اپنے پاپاں لئی معافی واسطے آؤندے نیں ۔ ایہہ سچ سانوں اپنے پُتر بناؤن لئی خُدا داوعدہ ہیگا اے ۔
پر لوک فیر وی سوچدے نیں پئی پاک رُوح پاؤن لئی دوجے طریقے ہیگے نیں ۔ کیہ تسیں سوچ سکدے او پئی تہاڈے اُتے پاک رُوح تہاڈے رون تے تہاڈی اپنی دلی ہمتاں نال اُترے گا ؟ خُدا دے کم صرف اوہدی مرضی نال بولے جاندے نیں تے اوہ پاک رُوح صرف اوہناں نوں دیندااے جیہڑے اپنے پاپاں توں معافی پاؤندے نیں ۔اوہ آکھدااے ،” میَں اپنے پُتر نوں بپتسمہ دلوایا تاں پئی اوہ تہاڈے پاپاں نوں چُکے اوہناں دی سزا پاکے سولی اُتے مرنا پیا سی ۔ میَں اپنے پُتر نوں تہاڈے مکتی بناکے مقرر کیتا ۔جے تسیں پاپاں توں معافی پاؤندے او جیہڑی میرے پُتر نے کامل کیتی ،فیر میَں تہاڈی اُتے پاک رُوح گھلاں گا۔ “
ساڈا پیو اُنج ای کردااے جویں اوہ چاؤہندااے ۔ بھانویں کوئی بندہ ساری رات گوڈیاں بھار رہندا اے تے اوہدے لئی روندااے جدوں تیک پھیپھڑے پاٹن لگ پیندے نیں ، خُدا نوں اوہدے اُتے پاک رُوح گھلن دی کوئی لوڑ نئیں ہیگی اے ۔ اوہ صرف اوہنوں ایہہ آکھدیاں ہویاں شرمندہ کرے گا ، ”تسیں حالے تیک سچی تعلیم نوں منیا نئیں تے غلط عقیدیاں نال چمبڑے رہندے او ۔ جدوں تیک تسیں سچے ایمان دے مُنکر رہووگے ، پاک رُوح تہاڈے کول آؤن توں رُکیا رہوے گا ۔ “
ایس جگ وچ ، انسانی پیڑھی دے فیصلے خورے حالات مطابق بدل سکدے نیں ،پر جیہڑا قانون خُدا نے پاپ معاف کرن تے پاک رُوح دین لئی قائم کیتا اے ، اوہ اٹل ہیگااے ۔ جے تسیں غلط عقیدیاں وچ پھس جاندے او ، فیر چنگا راہ لبھنا اوکھا ہیگااے ۔ پاک کتاب آکھدی اے پئی یسوع اوہناں لئی جیہڑے آکھا نئیں من دے ٹُھڈے لاؤن والا روڑا اے (۱ ۔ پطرس ۲:۸)۔
اوہ لوک جیہڑے یسوع اُتے ایمان رکھدے نیں تے حالے تیک نئیں جان دے پئی اوہنے کاہدے لئی بپتسمہ لیا سی،صرف مکتی دی ادھی خوشخبری اُتے ایمان رکھدے نیں تے ایہہ پکی گل اے پئی دوزخ وچ جان گے ۔ ایس لئی ،جدوں تسیں یسوع اُتے ایمان رکھدے او ، تہانوں یسوع دے بپتسمے تے
اوہدے لہو دے بارے وچ جاننا چاہی دااے ، جیہدے توں پاپ دی معافی دی خوشخبری بنی ہوئی اے ۔ تے جےتسیں پاپ توں معافی پاؤندے او ،فیر تسیں وی پاک رُوح پاوو گے ۔
آؤ اسیں دھرتی اُتے یسوع دی حیاتی بارے سوچئے، یسوع اک بندہ بن گیا تے اپنے بپتسمے نال ایس جگ دے سارے پاپاں نوں چُک لیا ۔اوہ سولی اُتے مرگیا تے سانوں دوزخ دے انگاریاں توں بچاؤن لئی ،ساڈے سارے پاپاں لئی دُکھ جرے ۔اوہ جیہڑے اوہدے اُتے ایمان رکھدے نیں اک تحفے وانگر پاک رُوح پاؤندے نیں۔
ایس لئی ،سانوں ساریاں نوں پاک رُوح پاؤن لئی سچی راہے پینا چاہی دااے ۔کاہدی لوڑہیگی اے ، سچیائی دے اَکھراں مطابق سوچن دی لوڑ ہیگی اے ۔جدوں اسیں اِنج کردے آں ، یسوع تہانوں قائم رکھے گا تے تہانوں برکت دیوے گا ۔اوہ جیہڑے اپنے دلاں نوں خالی کردے نیں تے اوہدے کلام اُتے ایمان رکھدے نیں ،پاپ توں معافی پا کے سچیائی نال جیوندے رہ سکدے نیں ۔تے پاک رُوح ولوں اَگوائی پاسکدے نیں ۔ اگانہہ ہور ، اوہ پاک رُوح دی مدد نال چنگے راہ ول دوجیاں دی اَگوائی کر سکدے نیں ۔
یسوع دے بپتسمے تے لہو نال کامل کیتی گئی مکتی اُتے ایمان رکھو، صرف اودوں اسیں ایمان نال اوہدے پِچھے چل سکدے آں تے پاپ توں معافی ، ہمیش دی حیاتی تے پاک رُوح دی بھرپوری دی برکت پا سکدے آں ۔ یسوع معافی دا خُداوند اے ، جنہے سارے جگ دے پاپاں نوں اپنے بپتسمے تے صلیبی موت نال چُک لیا ۔یسوع نے ساڈے سارے پاپاں نوں دھو دِتا تے اوہناں نوں پاک رُوح دتا ،جنہاں نے سچیائی دی خوشخبری اُتے ایمان رکھیا ۔ تسیں سچے ایمان اُتے چل کے پاک رُوح پا سکدے او ۔
Copyright © 2021 by The New Life Mission