話題 1：重生於水和聖靈
1-10. یسوُع نے صلیب اُتے خُود نُوں کیوں قربان کردِتا؟
یسوُع دی قربانی ساڈے پاپاں لئی سی جِنھاں نُوں اوہنے اپنے بپتسمہ دے راہیں چُک لیا سی۔اوہنے ساڈے پاپاں دی قیمت اداکرن لئی اپنا بدن دے دِتاتاں پئی اَسیں اپنے پاپاں دی سزاتوں رہاہوسکیے۔
سانُوں ایہہ جانن دی لوڑ اے پئی یسوُع نُوں یردن وِچ بپتسمہ دِتا گیاتاں پئی اوہ ساڈے سارے پاپ چُک لوے۔سانُوں ایمان لیانا اے پئی یسوُع نے ایسے سبب اپنی جان صلیب اُتے قربان کیتی ۔
جے مصلُوبیّت تو ں پہلاں یسوُع نُوں بپتسمہ نہ دِتاجاندا، جے اوہ صلیب اُتے قربان نہ ہویا ہوندا،
تے ساڈے سارے پاپ قائم رہندے۔ ایویں ، سانُوں لازمی طورتے دونویں یسوُع دے بپتسمہ تے صلیب اُتے ایمان لیانا چاہی دااے ۔ کیوں جے یسوُع خُدادا پُتر ، قربانی دا برّہ اے ، اوہ ساڈے سارے
پاپاں نُوں مٹان لئی قربان ہویا ۔
سانُوں ساریاں نُوں ایہہ ایمان رکھنا چاہی دا اےپئی یسوُع خُدا دا پُتر اے ،تے دُنیا دے سارے پاپاں نُوں دُور کرن لئی اوہنے بپتسمہ لیا، تے ایہہ پئی ساڈے پاپاں دی خاطر اوہنوں صلیب اُتے چاڑھ دِتاگیا ۔ یسوُع نُوں ایس لئی بپتسمہ دِتاگیا تاں پئی ساڈے سارے پاپ چُک لوے،فیر اوہنوں مصلُوب کیتاگیا، تاں پئی اَسیں ،پاپی اپنے سارے پاپاں تے سزاتوں رہائی حاصل کرسکیے۔
Copyright © 2021 by The New Life Mission