Через COVID-19 та порушення роботи міжнародної
поштової служби ми тимчасово призупинили наше служіння безкоштовних друкованих книг.
поштової служби ми тимчасово призупинили наше служіння безкоштовних друкованих книг.
У зв’язку з цією ситуацією наразі ми не можемо надсилати Вам книг.
Моліться, щоб ця пандемія незабаром закінчилася і робота поштової служби відновилася.
Моліться, щоб ця пандемія незабаром закінчилася і робота поштової служби відновилася.
مضمون 3: پانی تے رُوح دی خوشخبری
[3-4] یسوُع دا بپتسمہ پاپیاں لئی مکتی دا مشابہ اے <١۔پطرس ٣:۲۰۔۲۲>
<١۔پطرس ٣:۲۰۔۲۲>
”تھوڑے جیہے بشر یعنی اَٹھ جاناں پانی دے راہیں بچ گئیاں۔تے اوسے پانی دا مشابہ وی یعنی بپتسمہ یسوُع مسیِح دے جی اُٹھن دے راہیں ہُن تُہانوں بچاؤندااے۔اوہدےتوں جسم دی ناپاکی دُور کرنا مُرادنئیں سگو ں خالص نیت نال خُدا دے طالب ہونا مُراد اے ۔ اوہ اَسمان اُتے جاکے خُدا دے سجے ہتھ بیٹھا اے تے فرشتے تے اختیار تے قدرتاں اوہدے ہیٹھاں کیتیاں گئیاں نیں ۔“
کیہدے راہیں اَسیں راستباز بن سکدے آں؟
خُدا دے فضل دے راہیں
اَسیں ایس دُنیا وِچ پیدا ہوئے پر خُدا سانُوں ایہدے توں وی پہلاں جان دا سی ۔ اوہنوں پتہ سی پئی اَسیں پاپی پیدا ہوواں گے تے اوہ سانُوں سارے ایمانداراں نُوں اوہدے بپتسمہ دے راہیں بچاوے گا ، جیہدے سبب اوہنے دُنیا دے سارے پاپ چُک لئے ۔ اوہنے سارے ایمانداراں نُوں چھُڈایا تے اوہناں سبھناں نُوں اپنے لوک بنایا۔
ایہہ سارا کُجھ خُدا دے فضل دانتیجہ اے۔ جِویں پئی زبور ٨:۴ وِچ بیان کیتا گیا اے ،” اِنسان کیہ اےپئی تُوں ایہدا خیال کریں؟ “ نجات یافتہ لوک جیہڑے سارے پاپاں توں بچے گئے اوہ اوہدی خاص محبت حاصل کرن والے نیں۔اوہ اوہدے پُتر نیں۔
اَسیں کیہ ساں، اَسیں جیہڑے صرف اوہدے خون تے رُوح اُتے ایمان رکھدے ساں، ،خُدا دے پُتر بنن توں پہلا ں ؟ یعنی راستباز ٹھہرن تو ں پہلاں،کیہ اَسیں مکتی حاصل کیتی تے خُدانُوں پیو آکھن دا
حق حاصل کرن توں پہلاں کیہ ساں؟اَسیں پاپی ساں ، ایویں ایہو جیہے پاپی جیہڑے ایس دنیا وِچ ستّر جے چنگی صحت ہووے تےاَسّی وَرہے زندہ رہن لئی پیدا ہوئے ساں ۔
ایس توں پہلا ں پئی اَسیں پاپاں توں پاک ہوئے ،تے ایس توں پہلا پئی اَسیں یسوُع دے بپتسمے تے اوہدے خون دی خوشخبری اُتے ایمان رکھدے ساں، اَسیں بے ایمانے لوک سی جِنہاں دی تباہی پکی سی ۔
پولُس رسوُل نے فرمایا اوہ جیہڑا ُکجھ وی ہے اوہدے فضل دی وجہ توں اے ۔ ایسے طرحاں ، ایس ویلے اَسیں اوس مقام اُتے آںمکمل طورتے اوہدےفضل دی وجہ توں ایں ۔ اَسیں اوہدے فضل لئی اوہداشکرادا کردے آں۔ خالق ایس دُنیا وِچ آیا تے سانُوں مکتی دِتی ، اپنے پُتر ،تے اپنے لوک بنایا۔ اَسیں پانی تے رُوح دی مکتی دے فضل لئی اوہداشکر ادا کردے آں ۔
کیہ وجہ اے پئی اوہنے سانُوں اپنے پُتر یعنی راستباز ٹھہرن دا حق بخشیا؟کیہ ایہدی وجہ ایہہ ہے پئی اَسیں ویکھن وِچ سوہنے آں؟کیہ ایہدی وجہ ایہہ ہے پئی اَسیں بوہت لائق آں؟ یاں ایس لئی پئی اَسیں بوہت نیک آں؟ آؤایہدے بارے سوچیےتےجِس گل وِچ حق بن دا اے اوہدے وِچ شکراداکریے ۔
سبب ایہہ ہے پئی خُدا نے سانُوں اپنے لوک بنان لئی خلق کیتا تے اپنے نال اَسمان دی بادشاہی وِچ رہن داحق بخشیا۔ خُدا نے سانُوں اپنے لوک بنایا تاں پئی سانُوں ہمیش اپنے نال رہن دا حق بخشے ۔ایہہ واحد وجہ اے پئی کیوں خُدا نے سانُوں ابدی حیاتی دے نال برکت دِتی ۔ ایہہ سچ نہیں پئی اوہنے ایس لئی سانُوں اپنے لوک مقرر کیتا کیوں جے اَسیں ویکھن وِچ بوہتےسوہنے ،بوہتے ادب دےلائق ،یاں اوہدی دُوجی مخلوقات توں بوہتی صاف سُتھری حیاتی بسر کردےآں۔ واحد سبب ایہہ ہے پئی اوہ ساڈے نال محبت کردا اے۔
”تے اوسے پانی دا مشابہ وی یعنی بپتسمہ یسوُع مسیِح دے جی اُٹھن دے راہیں ہُن تُہانوں بچاؤندااے۔“ (۱۔پطرس۳:۲۱)۔”تھوڑے جیہے بشر یعنی اَٹھ جاناں پانی دے راہیں بچ گئیاں۔ (۱۔پطرس۳:۲۰)“
صرف چند لوک بچ سکے ۔اِک شہر وِچوں اِک تے اِک خانوادےوِچوں دو جاناں بچیاں نیں، تے ،فیر کیہ اَسیں دُوجیاں نالوں چنگے آں ؟ بالکل نئیں۔ اَسیں کوئی خاص اہمیت نئیں رکھدے ،پرفیروی اَسیں کِسے طرحاں پانی تے رُوح اُتے ایمان دھرن دی وجہ توں بچ گئےآں۔
ایہہ معجزیاں وِچوں اک معجزہ اے پئی اَسیں بچ گئے آں ،تے ایہہ خُدا وَلوں اِک غیر مشروط
نعمت تے برکت اے پئی اَسیں اوہنوں اپنا پیو،اپنا خُداوند آکھ کے پُکارسکدے آں۔ اَسیں کدی ایس گل توں اِنکار نئیں کر سکدے۔ جے اَسیں پاپی ای ہوندے تے کس طرحاں اوہنوں اپنا پیوتے اپنا خُداوند آکھ سکدے ساں ؟
جدوں اَسیں ایس سچیائی دے بارے سوچ دے آں پئی اَسیں بچ گئےآں ، تے سانُوں پتہ لگدااے پئی خُدانے ساڈے نال شرط توں اَڈمحبت رکھی ۔کیہ اَسیں اوہداشکرادا نئیں کر سکدے ؟ ایتھوں تیک پئی اَسیں نافرمانی دیاں زندگیاں گزارن دے بعدوں پیدا ہوندے تے مرجاندے ،یعنی دوزخ وِچ چلے گئے ہوندے ،جے ایہہ سب اوہدی محبت تے برکت دے سبب نہ ہویا ہوندا۔ اَسیں گھڑی مُڑ ی خُدادیاں برکتاں تے محبت لئی اوہداشکر اداکردے آں جیہدے سبب اَسیں اوہدے پُتر بن گئے تے اوہدی نظر وِچ مقبول ٹھہرے ۔
قیمتی مکتی جیہڑی سانُوں یسوُع دے بپتسمہ دے راہیں بخشی گئی
نُوح دے دَور دے لوک کیوں ہلاک ہوئے ؟
کیوں جے اوہناں نے پانی (یسوع دے بپتسمہ) اُتے ایمان نہ رکھیا
”تے اوسے پانی دا مشابہ وی یعنی بپتسمہ (یسوُع مسیِح دے جی اُٹھن دے راہیں) ہُنتُہانوں بچاؤندااے۔“١۔پطرس وِچ لِکھیا اے پئی صرف اَٹھ جاناں پانی دے راہیں بچیاں ۔نُوح دے دَور وِچ اوتھے کِنّے لوک ہون گے؟ ساڈے کول ایہہ جانن داکوئی وسیلہ نئیں ، پر فرض کرواوتھے دَس لکھ لوک سَن ۔دَس لکھ لوکا ں وِچوں صرف نُوح دے خاندان دے اَٹھ لوک بچے ۔
اَج گھٹوگھٹ ایہو ای حساب ہووے گا ۔ آکھیا جاندااے پئی ایس وقت رُوئے زمین اُتے چھ اَرب
توں بوہتے لوک موجود نیں ۔ اَج یسوُع اُتے ایمان رکھن والے لوکاں وِچوں کِنہاں دے پاپ دھوتے گئے نیں ؟جے اَسیں صرف اِک شہراُ تے نظر کریے تے ایہدے وِچوں بچن والے لوکاں دی تعداد بوہت گھٹ ہوئے گی ۔
میرے شہر وِچ ،جیہدے وِچ ڈھائی لکھ لوک نیں ،اوہناں وِچوں کِنّے لوکاں نے اپنے پاپاں دی مکتی حاصل کیتی اے۔خورے دوسو؟فیر کیہ حساب کتاب ہووےگا؟ایہدے توں مُراد اے پئی ہزار وِچوں اِک توں وی گھٹ نے مکتی دی برکت حاصل کیتی ۔
ایہہ اندازہ لایا گیا اے پئی کوریا وِچ گھٹوگھٹ اِک کروڑ وی لکھ مسیحی لوک پائے جاندے نیں ، جِنہاں وِچ کیتھولک وی شامل نیں ۔ ایہناں وِچوں کِنّے لوک پانی تے رُوح دے راہیں نویں سرے توں پیدا ہوئے نیں ؟سانُوں ایہہ گل ذہن وِچ رکھنی چاہیدی اے پئی نُوح دے دَوروِچ رُوئے زمین اُتے جِنّی آبادی سی اوہدے وِچوں صرف اَٹھ جاناں بچیاں ۔ سانُوں ایہہ لازمی طورتے جاننا تے ایمان رکھنا چاہیدااے پئی یسوُع نیں اوہناں سارے لوکاں دے پاپاں نُوں دھو دِتا جیہڑے اوہدے بپتسمہ اُتے ایمان لیائے ،جیہدے سبب اوہنے سارے پاپ چُک لئے ۔
ایہوجیہے بوہت گھٹ لوک ہوندے نیں جیہڑے ایہہ ایمان رکھدے نیں پئی یسوُع نے اپنے بپتسمہ تے صلیب اُتے خون وگان دے راہیں سانُوں سب نُوں مکتی بخشی ۔یسوُع دی ’ مویاں وِچوں جی اُٹھن ‘ دی مشہور تصویراُتے غورکریے ۔ اوتھے کِنّے جی اُٹھے لوک وکھائے گئے نیں؟تُسیں اوہناں نُوں اوتھے یروشلم دے قلعے توں یسوُع دی صورت وَل آؤندیاں ویکھ دے او،جیہڑا اوہناں دے سامنے اَپنیاں بانہواں کھلارکے کھڑا اے ۔ اندازہ لاؤایہناں وِچوں کِنّے اِلٰہی عِلم دے دَھنی تے پادری نیں۔
اَج ، دُنیا وِچ بوہت سارےاِلٰہی عِلم دے دَھنی نیں ،پر، سانُوں بوہت گھٹ ایہوجیہےلوک مِلدے نیں جیہڑے ایہنوں جان دے نیں تے یسوُع دے بپتسمہ اُتے بنیادی سچیائی دے طورتےایمان رکھ دے نیں ۔ کُجھ اِلٰہی عِلم دے دَھنی آکھدے نیں پئی یسوُع دے بپتسمہ لین دی ایہہ وجہ سی پئی اوہ حلیم سی ،کُجھ آکھدے نیں پئی اوہنے ایس لئی بپتسمہ لیا تاں پئی اوہ ، دوجے لوکاں ورگا بن جاوے ۔
پربائبل مقدّس وِچ ایہہ لِکھیا اے پئی سارے رسوُلاں نے جِنہاں وِچ پطرس تے یوحنا شامل ہیں یسوُع دے بپتسمہ دی اوہدے اُتےپاپاں دی منتقلی دے طورتے گواہی دِتی ،تے اَسیں وی ایہدے اُتے ایمان رکھدے آں ۔
رسوُلاں نے کلامِ مقدّس وِچ گواہی دِتی پئی یسوُع دے بپتسمہ دے راہیں ساڈے پاپ یسوُع اُتے
لد دِتے گئے ۔ ایہہ خُدادے فضل دی ایہنی اَچرج گواہی اے پئی اَسیں صِرف ایہدے اُتے ایمان لیان دے راہیں بچ سکدے آں۔
مکتی دے بپتسمہ دے بارے کوئی ’ خورے‘ نئیں اے
کون خُدا دی حدوں بوہتی محبت حاصل کردااے؟
ایہوجیہا شخص جیہڑایسوُع دےبپتسمہ تے اوہدے خون اُتے ایمان دھردااے
لوک ایہہ یقین رکھن دے عادی ہو چکے نیں پئی اوہ صرف یسوُع اُتے ایمان لیان دی وجہ توں بچ جان گے ۔ سارے فِرقے اپنے عقیدیاں وِچ مکتی دے قائل نیں،تے بوہت سارے لوک ایہہ سوچ کے ایہہ دے نیں پئی یسوُع دا بپتسمہ کِسے مسیحی وسیب دا صرف کوئی خاص عقیدہ اے۔پر ایہہ سچیائی نہیں۔ میَں ہزاراں کتاباں دا مطالعہ کیتا ، پر میَں ایہنا ں وِچوں کوئی اِک اجیہی مکتی دے متعلق کتاب نئیں ویکھی، جیہڑی بپتسمہ دے اندر مکتی تے یسوُع دے خون اُتے مکتی دے وِچکار تعلق نُوں واضح کردی ہووے۔
نُوح دے دَور وِچ صرف اَٹھ جاناں بچیاں ۔میَں نہیں جان دا پئی اَج کِنّے لوک بچن گے ، پر خورے زیادہ لوک نہ بچن ۔ جیہڑے بچن گے ایہہ اوہ لوک ہون گے جیہڑے یسوُع دے بپتسمہ تے خون اُتے ایمان دھردے نیں ۔ بوہت سارے گرجیاں دادَورہ کرن دے وِچکار ،میَں کئی واری جانیا پئی بوہت گھٹ اَجیہے پادری نیں جیہڑے یسوُع دے بپتسمہ دی خوشخبری دی منادے کردے نیں جیہڑی اصل وِچ سچیائی دی خوشخبری اے۔
جے اَسیں بپتسمہ دی مکتی تے یسوُع دے خون اُتے ایمان نئیں رکھدے ،تے اَسیں ہُن تیک پاپی آں تے نجات یافتہ نئیں، ایس توں کوئی فرق نئیںپیندا پئی اَسیں کِنّی وفاداری نال گرجےگھروِچ جاندے آں ۔
اَسیں خورے ساری حیاتی وفاداری نال گرجےوِچ شرکت کر سکدے آں،پر جے ہُن وی ساڈے دِلاں وِچ پاپ موجود اے تے اَسیں ہُن وی پاپی آں ۔
جے اَسیں پنجاہ وَرہیاں توں گرجےوِچ شرکت کر رہے آں ،پر ساڈے دِلاں وِچ ہُن وی پاپ پایا جاندا اے ، تے پنجاہ وَرہیاں دے ایمان دی کُجھ سچیائی نئیں سگوں ایہہ ایویں جھوٹا پن اے ۔ ایس توں کِتے چنگا ہے پئی اِک دِن داسچا ایمان لیانداجاوے ۔ اوہناں دے وِچ،جیہڑے لوک یسوُع اُتے ایمان رکھدے نیں اوہو لوک جیہڑے پئی صحیح طرحاں یسوُع دے بپتسمہ تے اوہدے خون دے معنی اُتے ایمان رکھدے نیں اوہناں نُوں اَسمان دی بادشاہی وِچ منیا جاوے گا ۔
سچا ایمان ایس سچیائی دا یقین کرنا اے پئی خُدا دا پُتر ایس دُنیاوِ چ آیا تے دُنیا دے سارے پاپ دُور کرن لئی اوہنے بپتسمہ لیا ۔ ایہو ای اوہ ایمان اے جیہڑا سانُوں اَسمان دی بادشاہی تیکر لے جاندا اے۔ سانُوں ایہہ و ی ایمان رکھنا چاہی دا اے پئی یسوُع نے تُہاڈے تے میرے لئی صلیب اُتے خون وگایا ۔ سانُوں اوہدا شکر کرن تے اوہنوں جلال دین دے سلسلے وِچ ایہنوں جاننا چاہی دااے ۔
اَسیں کیہ آں ؟ اَسیں مرد تے زنانیاں دی اولاد آں جِنہاں نُوں اوہنے اپنے بپتسمہ تے خون دے نال مکتی دِتی ۔ اَسیں کِس طرحاں اوہدا شکر ادا نہ کریے ۔ جدوں یسوُع ٣۰ وَرہے داسی تے ساڈے پاپ چُکن دی خاطر اوہنے یردن وِچ بپتسمہ لیا ۔ ایویں کرن نال ، اوہنے سارے پاپ چُک لئے تے صلیب اُتے ساڈی سزا نُوں جھلیا۔
جدوں اَسیں ایہدے بارے سوچ دے آں ، اَسیں عاجزی نال اوہدا شکر ادا کرن توں اَڈ ہور کُجھ نہیں کر سکدے ۔ سانُوں ایہہ جاننا چاہی دااے پئی یسوُع نے ایس دُنیا وِچ جو کُجھ کیتا اوہ ساڈی مکتی لئی سی ۔ پہلے ،اوہ ایس دُنیا وِچ آیا ۔ اوہنوں بپتسمہ دِتا گیا، اوہنوں صلیب چاڑھیا گیا، او ہ تِن دِن بعدوں مویاں وِچوں جی اُٹھیا ،تے ہُن خُدا دے سجے پاسے بیٹھا اے۔
خُدا دی مکتی کِسے فرق تو ں اَڈ ساڈے وِچوں ہر اِک شخص لئی اے ۔ یسوُع دی مکتی ساڈے ساریاں لئی اے۔ اَسیں خُدادی محبت تے اوہدی برکتاں لئی اوہدی وڈیائی کردے آں۔
اَسیں خوشخبری دے اِک گیت نُوں جان دے آں جیہڑا ایویں آکھدا اے۔”♫اِک سوہنی کہانی ایں۔♫ دُنیا دے بوہت سارے لوکاں دے وِچ ،میَں کلاں بھاگاں والاآں جیہدے کول اوہدی محبت تے مکتی اے ۔♫ آہ اوہدی محبت کِنّی اَچرج اے! ♫اوہدی محبت میرے لئی ،اوہدی محبت میرے لئی ۔ اِک سوہنی کہانی ایں۔♫دُنیا وِچ بوہت سارے لوکاں دے وِچکار ، اَسیں اوہ بھاگاں والےلوک آں جِنہاں نے مکتی حاصل کیتی، جیہڑے اوہدے لوک بن گئے ۔ اَسیں اوہدی محبت نے سانُوں کجیاہویااے ۔♫ اوہ خُدا دی محبت ،خُدادافضل ۔♫ اوہ اوہدی محبت کِنّی اَچرج اے! میرے لئی اوہدی محبت۔♫“
یسوُع زمین اُتے مینوں تے تُہانوں مکت کرن لئی آیا، تے اوہدے بپتسمہ دی مکتی وی ساڈے لئی اے۔ خوشخبری کوئی پریاں دی کہانی نئیں؛سگوں اِک سچیائی اے جیہڑی سانُوں ساڈی غلامی دی حیاتی وِچوں کڈھ کے خُدا دی سوہنی بادشاہی وِچ داخل کردی اے ۔ تُہانوں یاد رکھنا چاہی دا اے پئی ایمان تُہاڈے تے خُدا دے وِچکار اِک تعلق اے ۔
اوہ ایس دُنیا وِچ سانُوں مکت کرن لئی آیا ۔ اوہنے بپتسمہ لیا تے ساڈے پاپاں نُوں دُور کرن لئی صلیبی سزا جھلی ۔
ایہہ بوہت اَنمُلّی برکت اے جدوں ایماندار خُدا نُوں اپنا پیو آکھ کے پکاردے نیں ! اَسیں کِس طرحاں یسوُع اُتے مکتی داتا دے طورتے ایمان رکھ سکدے آں تے اپنے ایمان دی وجہ توں پاپ توں بچ سکدے آں ؟ ایہہ سب کُجھ اوہدی بے انتہا محبت دے سبب ممکن اے ۔ اَسیں اوہدے راہیں بچ گئے آں جِنہے پہلے ساڈے نال محبت رکھی ۔
یسوُع نے ساڈے سارے پاپ اِکوای واری تے ہمیش لئی دھو دِتے
کیہ اَسیں اِکو واری تے ہمیش لئی بچائے جاندے آں یا ہولی ہولی؟
اِکو وار ی تے ہمیش لئی
” ایس لئی پئی مسیِح نے وی یعنی راستباز نے ناراستاں لئی پاپاں دی وجہ توں اِکو واری دُکھ جھلیا تاں پئی سانُوں خُدا کول پچاوے ۔“(۱۔پطرس۳:۱۸)۔یسوُع نے ساڈی مکتی لئی بپتسمہ لیا تے اِکو واری صلیب اُتے جان دے دِتی تاں پئی مینوں تے تُہانوں ،یعنی ناراستاں نوں بچاوے۔
سانُوں خُدا دی عدالت توں مکت کرن دے سلسلے وِچ اوہ زمین اُتے اِکو واری مرگیا تاں پئی اَسیں خُدا دی بادشاہی وِچ داخل ہو سکیے تے خُدا دے سامنے ہمیش لئی زندہ رہ سکیے ،اوہ ایس زمین اُتے بدن وِچ آیا تے اپنے بپتسمہ ، صلیبی موت ،تے مُردیاں وِچوں جی اُٹھن دے سبب ،اِکوواری ابد تیکر سانُوں سارے پاپاں توں دُور کردِتا ۔
کیہ تُسیں ایمان رکھدے او پئی یسوُع نے اپنے بپتسمہ تے خون دے سبب سانُوں کامل مکتی بخش دِتی ؟ جے تُسیں اوہدے بپتسمہ تے خون دی خوشخبری اُتے نہیں ایمان رکھدے تے تُسیں مکتی نئیں پا سکدے۔ کیوں جے اَسیں بوہت ماڑے آں، اَسیں نویں سِریوں جم نئیں سکدےجے اَسیں ایمان نہ لیایے پئی یسوُع نیں مکمل طورتے ساڈے سارے پاپ اِکو واری تے ہمیش لئی اپنے بپتسمہ تے خون دے نال دھودِتے۔
اوہنے ساڈے سارے پاپا ں نُوں دُور کرن لئی بپتسمہ لیا تے اِکوواری صلیب اُتے سزا نُوں جھلیا ۔ یسوُع نے پاپیاں دے سارے پاپاں نُوں اِکو واری تے ہمیش لئی اپنے بپتسمہ تے خون دی مکتی نال دُور کردِتا۔
اِنسانی طورتے ساڈے لئی مکتی پانا ناممکن ہووے گا۔جے سانُوں ہر واری پاپ کرن توں بعدوں توبہ کرنی پیندی ،ہرویلے سانُوں چنگے تے نیک نیت بننا پیندا ۔تے ایسے طرحاں گرجےوِچ سانُوں بوہت ساریاں شیواں چڑھانیاں پیندیاں ۔
ایویں ،یسوُع دے بپتسمہ تے صلیبی خون اُتے ایمان ساڈی مکتی لئی ضروری اے ۔سانُوں ضرور پانی تے خون اُتے ایمان لیاؤنا چاہی دا اے ۔نیک کم کرن دا ساڈی پاپاں توں معافی نال کوئی تعلق واسطہ نئیں ۔
ایہدے توں کُجھ فائدہ نئیں ہووے گا پئی غریب لوکاں لئی مہنگے سوٹ خریدیے یا پادریاں لئی چنگے کھانے تیار کریے ۔ یسوُع صرف اوہناں لوکاں نُوں مکتی بخشدا اے جیہڑے اوہدے بپتسمہ تے خون اُتے ایمان رکھدے نیں ۔ جے اَسیں ایمان رکھدے آں پئی خُدا نے سانُوں یسوُع دے راہیں اوہدے بپتسمہ تے خون دے سبب اِکو واری تے ہمیش لئی بچالیا تے اَسیں مکتی پاواں گے ۔
کُجھ لوک سوچ سکدے نیں پئی خُدا نے کلامِ مقدّس وِچ اِنج کرن لئی آکھیا اے ،اجیہے لوکاں نُوں اپنی سوچ کھُلی کرن دی لوڑ اے۔ ایہدا دارومدار اوہناں اُتے اے، پر سانُوں جِس طرحاں خُدا دے کلام وِچ لِکھیا اے اوہدے مطابق اوہدے اُتے ایمان رکھنا چاہی دا اے۔
عبرانیوں ١۰ : ١ ۔ ١۰ وِچ ،ایہہ لِکھیا اے پئی اوہنے سانُوں اِکو واری تے ہمیش لئی مکتی بخش دِتی۔
ایہہ سچ اے پئی خُدا نے ایہناں لوکاں نُوں اِکوای واری تے ہمیش لئی مکتی بخش دِتی جیہڑے یسوُع دے بپتسمہ تے خون اُتے ایمان رکھدے نیں ۔سانُوں وی ایسے طرحاں ایمان رکھنا چاہی دااے ۔” ♫اوہ اِکو واری مویا،اوہنے سانُوں سبھناں نُوں تے اِکو ای واری مکتی بخش دِتی۔اَے بھائیو،ایمان لیا تے مکتی پاؤ۔ اپنے بھا ر یسوُع دے بپتسمہ اُتے لد دیوو♫ “ یسوُع نے سانُوں سبھناں نُوں ساریاں نا اِنصافیاں تے پاپاں توں اِکو واربپتسمہ لین تے اِکو ای وارخون وگان دے سبب اِکوای وار ہمیش لئی مکتی بخش دِتی ۔
” راستبازنے ناراستاں لئی “ (۱۔پطرس۳:۱۸)۔یسوُع خُدااے جیہدے وِچ کوئی پاپ نئیں ، جِنہے کدی پاپ نئیں کیتا ۔اوہ جِسم وِچ ساڈے کول آیا تاں پئی لوکاں نُوں اوہناں دے پاپاں توں مکتی بخشے۔اوہنے بپتسمہ لیا تے ناراستاں دے سارے پاپ اپنے اُتے لے لئے ۔ اوہنے سانُوں پاپ تے ناانصافی توں چھُڈایا ۔
جدوں یسوُع نے بپتسمہ لیا تے لوکاں دے پیدائش توں موت تیک سارے پاپ اوہدے اُتے منتقل ہو گئے جدوں اوہنے صلیب اُتے اپنا خون وگایا، تے سارے انسان عدالت توں بچ گئے ۔ اوہنے پاپیاں لئی بپتسمہ لیا تے پاپیا ں دے بدلے بے رحمی نال مرگیا ۔
ایہہ اوہدے بپتسمہ دی مکتی اے ،یسوُع نے سانُوں سبھناں نُوں جیہڑے پاپی سَن اِکوای وار مکتی بخش دِتی ۔ اَسیں سارے کِنّے ماڑےآں!یسوُع نے ساڈی پیدائش تو موت تیک دے سارے پاپاں توں سانُوں خلاصی بخشی تے صلیب دی سزا لئی اپنےآپ نُوں پیش کردِتا ۔ سانُوں یسوُع اُتے ایمان رکھن والیاں نُوں ایہہ ایمان رکھنا چاہی دا اے پئی اوہنے اپنے بپتسمہ تے خون دے سبب سانُوں اِکو ای وار تے ہمیش لئی مکتی بخش دِتی ۔
اَسیں ماڑے آں ،پر یسوُع ماڑا نئیں ۔ اَسیں وفادار نئیں ،پر یسوُع وفادار اے۔ خُدا نے سانُوں اِکوای واری تے ہمیش لئی بچا لیا۔ ” کیوں جے خُدا نے دُنیا نال اجیہی محبت رکھی پئی اوہنےاَپنا اِکو اِک پُتر بخش دِتا تاں پئی جیہڑا کوئی اوہدے اُتے ایمان لیاوے ہلاک نہ ہووے سگوں ہمیش دی حیاتی پاوے۔“(یوحنا۳:۱۶)۔خُدا نےسانُوں اَپنا اِکو اِک پُتر بخش دِتا ۔ اوہنے اپنے پُتر اُتے دُنیا دے سارے پاپ لدن دے سلسلے وِچ اوہنوں بپتسمہ دوایا ، تاں پئی اوہ ساری اِنسان ذات د ی خاطر سزا جھلے ۔
ایہہ کِنّی اَچرج مکتی اے!ایہہ کِنّی اَچرج محبت اے ! اَسیں خُدادا اوہدی محبت تے مکتی لئی شکراداکردے آں ۔ خُدا اوہناں نُوں مکتی دیندااے جیہڑے یسوُع دے پانی تے خون اُتے ایمان رکھدے
نیں:یعنی یسوُع دا بپتسمہ تے خون وگان اُتے ، ایہہ سچیائی اُتے پئی یسوُع خُدا دا پُتر اے ۔
اوہ جیہڑے یسوُع اُتے ایمان رکھدے نیں یسوُع دے بپتسمہ تے خون دی سچیائی اُتے ایمان رکھن دے راہیں بچ سکدے نیں تے راستبازاں دے طورتے ابدی حیاتی حاصل کرسکدے نیں۔ سانُوں ساریاں نُوں بڑے یقین نال ایہدے اُتے ایمان رکھنا چاہی دا اے ۔
کِنّہے سانُوں چھُڈایا ؟ کیہ ایہہ خُدا اے جِنہے سانُوں چھُڈایا یاں ایہہ اوہدی مخلوقات وِچوں کوئی اِک سی جِنہے سانُوں چھُڈایا ؟ ایہہ یسوُع سی جیہڑا خُدااے ،جِنہے سانُوں چھُڈایا ۔اَسیں بچ گئے کیوں جے اَسیں خُدا دی مکتی اُتے ایمان رکھیا ، تے ایہہ خلاصی دی مکتی اے ۔
یسوُع مکتی دا خُداوند اے
’مسیح ‘دا کیہ مطلب اے؟
کاہن ،بادشاہ تے نبی
یسوُع مسیِح خُدا اے۔یسوُع دے معنے مکتی داتا تے مسیِح دے معنے ’مسَح کیتا ہویا ‘ اے۔ جِویں پُرانے عہد نامہ وِچ سموئیل نے ساؤل نُوں مسَح کیتا ،بادشاہواں تے کاہناں نُوں مسَح کیتا جاندا سی تے اِک نبی نُوں وی اپنی خدمت انجام دین لئی مسَح کرنا ضروُری سی ۔
یسوُع ایس دُنیا وِچ آیا تے اوہنوں تِن ذِمے داریاں لئی مسَح کیتا گیا : یعنی ایہدے وِچ کاہن، بادشاہ ، تے نبی دی ذِمہ داری شامل سی ۔ اَسمانی کاہن دی حیثیت نال اوہنے بپتسمہ لےکے اِنسان ذات دے پاپ نُوں اپنے اُتے چُک لیا ۔
اپنے پیو دی مرضی دی تابعداری کردے ہویاں ،اوہنے خُود نُوں پیو دے حضُور پاپ دی قربانی دے طورتے پیش کر دِتا۔”راہ تے حق تے حیاتی میَں آں۔ کوئی میرے راہیں دے اَڈ پیو دے کول نئیں آؤندا۔“ ( یوحنا ۱۴:۶ ) یسوُع نے ساڈے وِچوں اوہناں لوکاں نُوں چھُڈایا جیہڑے ایہدے
اُتے ایہہ ایمان رکھ دے نیں پئی اوہنے اپنے بپتسمہ تے مصلوبیت دے سبب ساڈے سارے پاپاں نُوں دُور کر دِتا ۔
” کیوں جے جِسم دی جان خون وِچ اے “ (احبار ۱۷:۱۱)۔بپتسمہ توں بعدوں یسوُع نے صلیب تے اپنا خون وگایا ؛ایس طریقے نال ،خُدا دے حضُور اپنی حیاتی نُوں ساڈے پاپاں دی قیمت دے طورتے قربان کردِتا تاں پئی اَسیں ایمان داربچ سکیے ۔
اوہ صلیب اُتے مرن دے تِن دِن بعد مویاں وِچوں جی اُٹھیا تے نالے اوہنے قیدی رُوحاں وِچ خوشخبری دی منادی کیتی ۔جِنہاں لوکاں نے ہُن تیک مکتی حاصل نئیں کیتی اوہ اجیہے رُوحانی قیدیاں ورگے نیں ، جیہڑے پاپ دے قید خانے وِچ پئے نیں، تے اوہناں لئی یسوُع نے سچیائی دی خوشخبری ،یعنی پانی تے خون د ی خوشخبری دِی منادی کردا اے۔ خُدا نے سانُوں مکت کرن لئی پانی تے رُوح دے خوشخبری بخشی ۔ جیہڑا وی اوہدے اُتے ایمان لیاؤندا اے اوہ نویں پیدائش حاصل کر سکدااے ۔
یسوُع دابپتسمہ تے خون پاپیاں نُوں مکت کردے نیں
کِویں اَسیں خُدا دے سامنے خالص نیت رکھ سکدے آں؟
یسوُع دے بپتسمہ تے خون اُتے ایمان رکھن دے راہیں
یسوُع مسیِح ساڈا مکتی داتا اے، تے اوہدی ۱۔پطرس ٣:۲١ وِچ ایہہ گواہی دِتی گئی اے ۔”تے اوسے پانی دا مشابہ وی یعنی بپتسمہ یسوُع مسیِح دے جی اُٹھن دے راہیں ہُن تُہانوں بچاؤندا اے۔اوہدے توں جِسم دی ناپاکی دُور کرنا مُراد نئیں سگوں خالص نیت نال خُدا دے طالب ہونا مُراد اے ۔“ یسوُع دے بپتسمہ دا پانی پاپیاں دی مکتی لئی ضروری اے۔
یسوُع نے اپنےبپتسمہ دے راہیں سارے پاپیاں دے پاپ اپنے اُتے لے لئے ۔ کیہ تُسیں یسوُع
دے بپتسمہ اُتےایمان رکھدے او؟ کیہ تُسیں ایمان رکھدے او پئی یسوُع دے بپتسمہ دے راہیں ساڈے دِلاں نُوں پاپاں توں پاک کیتا گیا اے ؟ ساڈے دِلاں نُوں پاک کیتا گیا اے ، پر ساڈا جِسم ہُن وی پاپ کردااے ۔
’ نویں سرے‘ توں پیدا ہون توں اے بالکل مُراد نئیں پئی کوئی آدمی فیر کدی پاپ نئیں کرے
گا ۔ اَسیں نویں سے تو ں پیدا ہوئے لوک ، وی پاپ کردے آں ، پر ساڈے دِل پاک رہندے نیں ایس لئی پئی ساڈا ایمان اوہدے بپتسمہ اُتے ہے ۔ ایس طرحاں اُتلا حوالہ بیان کردا اے ،” اوہدے توں جِسم دی ناپاکی دُور کرنا مُراد نئیں سگوں خالص نیت نال خُدا دے طالب ہونا مُراد اے ۔“(۱۔پطرس۳:۲۱)۔
کیوں جے یسوُع نے میرے پاپ دھودِتے نیں تے میری سزا نُوں قبول کیتا اے ،تے میَں کس طرحاں اوہدا یقین نہیں کر سکدا؟ ایہہ جان دےہوئے پئی یسوُع ،جیہڑا خُدا اے ، اوہنے اپنے بپتسمہ تے خون دے راہیں مینوں چھُڈایا ،میَں کِویں ایس اُتے ایمان نہیں لیا سکدا!سانُوں خُدا دے حضُورمکتی بخشی گئی تے ہُن ساڈی نیت صاف اے ۔اَسیں خُدا دے حضُور مزید ایہہ نئیں آکھ سکدے پئی یسوُع نے مکمل طور تے ساڈے پاپ معاف نہیں کیتے ،بالکل جِویں اَسیں ایہہ نئیں آکھ سکدے پئی خُدا ساڈے نال محبت نئیں رکھدا ۔
ساڈےضمیرنویں سرے توں پیدا ہون دے بعدبڑے حساس ہوجاندے نیں تے اوہ سانُوں دَسدے نیں جدوں وی اَسیں پاپ کردے آں۔ جے ساڈے ضمیر بھورا جیہی وی کوتاہی کردے نیں ، تے اَسیں مکمل طورتے پاپ توں رہا نئیں ہوسکدے جد تیکر اَسیں خُود نُوں یسوُع دے بپتسمہ دی قدرت یاد نئیں دلاؤندے ۔ایہہ ساڈے لئی نیک نیت رکھن دا واحد طریقہ اے۔
جدوں ساڈاضمیر سانُوں تکلیف دیندااے تےایہدے توں ایہہ مُراد ہے پئی کِتے نہ کِتے خرابی موجود اے۔ یسوُع دے بپتسمہ داپانی پاپ دی ساری گندگی نُوں دھودیندااے ۔ یسوُع نےاپنے بپتسمہ دے راہیں ساڈے سارے پاپ چُک لئے تے سانُوں پاک صاف کر دِتا، ایتھوں تائیں پئی ساڈے ضمیراں نُوں وی ۔جدوں اَسیں سچی مُچی ایس گل اُتے ایمان لیاؤندے آں تے ساڈے ضمیروی سچےطورتےپاک ہوسکدے نیں ۔ساڈے ضمیر کس طرحاں پاک ہوسکدے نیں؟یسوع دے بپتسمہ تے خون اُتے ایمان لیان دے راہیں۔ ہرشخص دے اندر پیدائشی طورتے بدی تے گندگی پائی جاندی اے ، ایہدے باوجودجے اَسیں ایمان رکھدے آں پئی ساڈےسارے پاپ یسوُع اُتے لد دِتے گئے سَن ،تے اَسیں ایس داغ نُوں مٹا سکدے آں۔
ایہہ نویں سرے توں پیدا ہوئے شخص دا ایمان اے ۔ ایہہ کوئی خیالی گل نئیں ، ایہو جہی گل جِنہوں تسیں جان دے ہویاں قبول کردے او۔ کیہ تُہاڈی نیت صاف اے ؟کیہ ایس لئی صاف اے پئی تُسیں چنگی حیاتی بسر کیتی ،یاں کیہ ایس لئی صاف اے پئی تُہاڈے سارے پاپ یسوُع اُتے لد دِتے گئے،تے تُسیں ایس اُ تے ایمان لیائے او؟ ایہہ صرف ایس ایمان دے سبب ہے پئی تسیں پاک ضمیر
حاصل کر سکدے او۔
اجیہا کلام وی اے جیہدے وِچ حیاتی پائی جاندے اے تے اجیہا وی اے جیہدے وِچ حیاتی نہیں پائی جاندی ۔ سارے لوکاں دےضمیرکِس طرحاں دُھل سکدے نیں ؟ ساڈےسچے تے صاف ضمیرہون دا اِکو طریقہ یسوُع دے راہیں مکمل مکتی اُتے ایمان رکھنا ایں۔
جدوں اوہدے بپتسمہ اُ تے ایمان لیاؤن دے راہیں سانُوں مقدّس کیتا جاندا اے، تے ایہدے توں مُراد ساڈے بدن دی گندگی دُور کرنا نئیں ،سگوں ساڈے ضمیر دا خالص نیت نال خُدا دے طالب ہونا مُراد اے۔ اوہ ایسے لئی آیا ،تے اوہنے بپتسمہ لیا، سولی اُتے اپنی جان قربان کیتی ،تے مُردیاں وِچوں جی اُٹھیا تے ہُن خُدا دے سجے پاسے بیٹھا اے ۔
جدوں ویلا آوے گا تے یسوُع فیر ایس دُنیا وِچ آوےگا۔ ” دوجی واری اَڈ پاپ دے مکتی لئی اوہناں نُوں وکھالی دیوے گاجیہڑے اوہدی راہ ویکھدے نیں ۔“ (عبرانیوں ۹:۲۸ )۔ اَسیں ایمان رکھدے آں پئی یسوُع سانُوں لین آوےگا جیہڑے بڑی بے قراری نال اوہدا نتظار کردے نیں تے اوہدے بپتسمہ تے خون اُتے ایمان رکھن دے راہیں بے پاپ نیں ۔
ایمان دا اِک طبی تجربہ
کیہ اَسیں یسوُع دے بپتسمے دے اَڈ مکتی یافتہ ہوسکدے آں؟
کدی نئیں
اَسیں اپنے ڈائی جیون چرچ ( Daejeon Church) وِچ اِک طبی تے غیر اِرادی تجربہ کیتا ۔
ڈائی جیون چرچ دے ریورنڈ پارک نے اِک جوڑے نُوں دسیا پئی یسوُع دے بپتسمہ دے معنے نوُں نہ ظاہرکرن دے اَڈ دُنیا وِچ کوئی پاپ موجود نئیں ۔ جدوں اوہ شوہر دُوجے گرجیاں وِچ جاندا سی تے اوہ کلام دے وِچ سون دا عادی سی ۔ ایس لئی پئی پادری یسوُع دے بپتسمہ نُوں اِک پاسے رکھ کے خوشخبری
دی منادی کردے تے ایویں ،ہر روز اوہنوں توبہ کرن تے مجبور کردے سَن ۔
پر ایتھے ساڈے ڈائی جیون چرچ ( Daejeon Church) وِچ اوہنے دونویں اَکھاں کھو ل کے کلام نُوں سُنیا ایس لئی پئی او ہنوں دسیا گیا پئی اوہدے سارے پاپ یسوُع اُتے لدےگئے سَن ۔ ایہدے نال اوہدی بیوی لئی آسانی ہوگئی پئی اوہ اوہنوں اپنے نال گرجے لیاوے۔
اِک دن وہ گرجےوِچ بیٹھا سی تے اوہنے رومیوں ٨:١ نُوں سُنیا۔” پر ہُن توں جیہڑے مسیِح یسوُع وِچ نیں اوہناں اُتے سزا دا حکم نئیں۔“ فیر ،اوہنے فوراً ایہہ سوچیا ، ’ اوہ ،جے اِک شخص یسوُع اُتے ایما ن رکھدا اےتے اوہدے وِچ کوئی پاپ نئیں پایا جاندا ۔جدوں توں میَں یسوُع اُتے ایمان لیاندا،میَں وی پاپ دے اَڈ آں ۔ ‘
ایویں اوہنے اپنے سالے تے بوہت سارے دُوجے لوکاں نُوں اک اک کر کے فون کیتا تے آکھیا ، ” کیہ تُہاڈے دِل وِچ پاپ پایا جاندااے ؟تے فیر ،تُہاڈا ایمان ٹھیک نئیں۔“ اِنج ریورنڈ پارک دانقصان ہویا ۔اوہ شوہر یسوُع دے بپتسمہ نُوں جان دا نئیں سی پر اوہنے سب نُوں زوردے کے آکھیا پئی اوہدے وِچ پاپ موجود نئیں ۔
فیر ، ایس جوڑے نُوں اوکھلاں داسامنا شروع ہویا ۔ بیوی بوہتی مذہبی سی ،پر اوہدے دِل وِچ پاپ ہُن وی موجود سی جدوں پئی اوہدے خاوند نے آکھیا پئی اوہ پاپ توں مکت سی ۔ شوہر چند اِک واری گرجے
وِچ گیا ، پراوہ پہلے ای ایمان لیا چُکیا سی پئی اوہدے وِچ پاپ موجود نئیں۔
بیوی نُوں پک سی پئی ایہناں دونواں دے دِلاں وِچ پاپ ہُن وی موجود سی ۔ اوہناں نے ایہدے اُتے بحث کرنی شروع کیتی ۔ شوہر نےزوردِتا پئی اوہ بےپاپ اے،کیوں جے ” پر ہُن توں جیہڑے مسیِح یسوُع وِچ نیں اوہناں اُتے سزا دا حکم نئیں۔“تے بیوی نے دلیل پیش کیتی پئی اوہدے دِل وِچ پاپ ہُن وی موجود اے ۔
فیر،اک دِن اوہدی بیوی ایس گل دے بارے اینی بے قرار ہوئی پئی اوہنے اپنے پادری پارک دے کول جان تے اوہدے کولوں پُچھن دا فیصلہ کر لیا پئی ایہدے توں کیہ مُرا دسی جدوں اوہنے آکھیا پئی
ساڈے سارے پاپ یسوُع نے چُک لئے ۔
ایویں اِک دِن ،شام دی عبادت توں بعد ، اوہنے اپنے شوہر نُوں گھر گھل دِتا تے ریورنڈ پارک کولوں سوال پُچھن لئی پِچھے رہ گئی ۔ اوہنے آکھیا ، ” مینوں پتہ اے ،تُسیں سانُوں کُجھ دسن دی کوشش کررہے او،پر میرا یمان اےپئی کوئی خاص حصہ لُکیا اے۔ مہرنال مینوں دسو اوہ کیہ اے۔“ فیر، ریورنڈ پارک نے اوہنوں پانی تے رُوح دے راہیں نویں پیدائش حاصل کرن دے بارے دسیا ۔
فیر اوہ فٹافٹ سمجھ گئی پئی رومیوں ٨:١وِچ کیوں لِکھیااے۔” پر ہُن توں جیہڑے مسیِح یسوُع وِچ نیں اوہناں اُتے سزا دا حکم نئیں۔“ اوہنے فٹافٹ ایس گل اُتے ایمان رکھیا تے مکتی پالئی ۔بالآخر اوہ سمجھ گئی پئی یسوُع دے بپتسمہ دے سبب ساڈے سارے پاپ اوہدے اُتے لد دِتے گئے سَن، تاں پئی اوہ جیہڑے مسیِح وِچ نیں اوہناں اُتے سزاداحکم نہ ہووے۔
اوہنے لِکھے کلام نُوں سمجھنا شرو ع کر دِتا ۔آخر وِچ اوہنے جان لیا پئی مکتی دی کُنجی یسوُع دا بپتسمہ سی تے اَسیں اوہدے بپتسمہ دی مخلصی دے سبب راستباز ٹھہر سکدے آں ۔
اصل وِچ ،اوہدا شوہر گھر نہ گیا سگوں باہر اوہنوں اُڈیک دا رہیا ۔اوہنے اوہدی گواہی سُنی پئی اوہدے پاپ پاک ہوگئے سَن ،تے اوہنے جوش و خروش نال پُچھیا ،”تے کیہ،تُوں ہُن مکتی یافتہ ایں ؟ “
ہُن جدوں اوہنے سب کُجھ سُنیا جیہڑا پادری نے اوہدی بیوی نُوں دسیا سی ، اوہ پریشان ہوگیا ۔ اوہنے پہلے کدی یسوُع دے بپتسمہ دی خوشخبری دے بارے نئیں سُنیا سی ۔ ایتھوں تیک پئی اوہنوں یسوُع دے بپتسمہ دے اَڈ ایس گل اُتے ایمان سی پئی اوہدے دِل وِچ پاپ موجود نئیں ۔ایویں ،گھروِچ ،اوہناں نے فیر ایس گل اُتے بحث کیتی ۔
ایس واری ،حالات مختلف سَن ۔اوہدی بیوی نے شوہر اُتے زور دِتا پئی کیہ اوہدے دِل وِچ پاپ
موجود اے یاں نئیں ؟اوہنے اوہنوں پُچھیا پئی یسوُع دے بپتسمہ اُتے ایما ن لیائے اَڈ اوہ کس طرحاں بے ہو سکدا سی ؟ بیوی نے اوہنوں اُبھاریا پئی اوہ غورنال اپنے ضمیر دا جائزہ لوے ۔ اوہنے اپنے پاپ ضمیر دا جائزہ لیندے ہوئے ، ایہہ جانیا پئی پاپ ہُن وی اوہدے دِل وِچ موجود سی ۔
ایویں ، اوہ ریورنڈ پارک کول آیا تے اِقرار کیتا پئی اوہدے دِل وِچ پاپ موجود سی ۔ اوہنے پُچھیا ، ”جدوں اوہ بکرے دے سر اُتے ہتھ دھر دے سَن ،تے کیہ ایہہ اوہنوں قربان کرن تو ں پہلے ہونداسی یاں اوہنوں قربان کرن توں بعد۔“ اوہنے کدی پانی تے رُوح دی خوشخبری دے بارے نئیں سُنیا سی ، ایس لئی اوہ بھیڑی طرحاں پریشانی وِچ پھس گیا ۔
ایہہ اوس رُوحانی تجربے دا نقطہ سی ۔ دُنیا دے سارے پاپ چُکن لئی یسوُع نُوں بپتسمہ لینا سی ۔ صرف فیرای اوہ صلیب اُتے جان دے سکدا سی ایس لئی پاپ دی مزدُوری موت اے۔
” کیہ اوہ قربانی دے ڈنگر دے سر اُتے،ذبح ہون توں پہلاں یا فیر بعد وِچ ہتھ دھردے سَن؟ “ اوہنے ایہہ گل ایس لئی پُچھی کیوں جے اوہ ہتھ رکھن تے یسوُع دے بپتسمہ دے بارے پریشانی دا شکار سی ۔ ایویں ریورنڈ پارک نے یسوُع دے بپتسمہ دی مکتی نُوں اوہناں دے سامنے واضح بیان کیتا ۔
اوس دِن ، شوہر نے حیاتی وِچ پہلی واری پانی تے رُوح دی خوشخبری سُنی تے مکتی حاصل کیتی۔اوہنے اِکوای واری خوشخبری نُوں سُنیا تے رہائی پالئی ۔
ایہہ یسوُع دے بپتسمہ نُوں کڈھن اُتے تجربہ سی ۔ اَسیں شایدآکھ سکدے آں پئی ساڈے اندر کوئی پاپ نہیں پایا جاندا ،پرلازمی طورتے یسوُع دے بپتسمہ دے اَڈ ساڈے دِلاں وِچ ہُن وی پاپ موجود اے ۔ بوہت واراں لوک آکھدے نیں پئی یسوُع دے صلیب اُتے جان دین دے سبب ساڈےسارے پاپ دُھل گئے ، پر صرف یسوُع دے بپتسمہ تے خون اُتے ایمان رکھن والے لوک ای خُدا دے حضُور ایہہ آکھ سکدے نیں پئی اوہناں دے اندر کوئی پاپ نئیں۔
ریورنڈ پارک نے ایس جوڑے نال ایہہ ثابت کیتا پئی اَسیں یسوُع دے بپتسمہ اُتے ایمان لیائے اَڈ مکمل طور تے اپنے پاپاں توں چھُٹکارہ نئیں پاسکدے ۔
مکتی دا مشابہ :یعنی یسوُع دا بپتسمہ
مکتی دا مشابہ کیہ اے؟
یسوُع دابپتسمہ
”تے اوسے پانی دا مشابہ وی یعنی بپتسمہ یسوُع مسیِح دے جی اُٹھن دے راہیں ہُن تُہانوں بچاؤندا اے۔“ یسوُع ایس دُنیا وِچ آیا تاں پئی دُنیا دے سارے پاپ دُور کردیوے تے ساڈے ضمیر نوں برف ورگا چٹا کردے ۔ اَسیں سارے پاپاں توں پاک ہوئے آں ایس لئی پئی یسوُع نے اوہناں ساریاں نُوں اپنے بپتسمہ دے راہیں چُک لیا ۔ اوہنے اپنے بپتسمہ تے خون دے راہیں سانُوں چھُڈایا ۔ایس لئی ، ساری مخلوقات نُوں اوہدے حضُور جُھکنا چاہی دا اے۔
اَسیں یسوُع اُتے ایمان لیان دے سبب بچ جاندے آں ۔اَسیں یسوُع اُتے ایمان لیان دی وجہ تو ں خُدا دے پُتر بن جاندے تے اَسمان اُتے داخل ہو ندے آں ۔ اَسیں یسوُع اُتے ایمان لیان دے راہیں راستباز ٹھہردے آں ۔ اَسیں شاہی کاہناں دا فرقہ آں۔ اَسیں خُدانُوں اپنا پیو آکھ کے پکار سکدے آں۔ اَسیں ایس دُنیا وِچ رہن دے باوجود ، بادشاہ آں۔
کیہ تُسیں واقعی ایمان رکھدے اوپئی خُدا نے ساڈے وِچوں اوہناں لوکاں نُوں مکتی بخشی جیہڑے پانی تے رُوح دی مکتی اُتے ایمان رکھدے نیں؟ یسوُع دے بپتسمہ دےاَڈ ساڈی مکتی مکمل نئیں ہو سکدی ۔ اوہ ایمان جِنہوں خُدا تے یسوُع سچ من دے نیں اوہ یسوُع دی ایس خوشخبری اُتے ایمان لیاؤنا اے پئی اوہنے اپنے بپتسمہ ، اپنی صلیب ، تے اپنے رُوح دے سبب سانُوں مکتی بخشی ،جیہڑے سانُوں مکمل طورتے مکت کردے نیں۔ ایہہ واحد سچا ایمان اے ۔ ساڈے پاپ اوس ویلے دھودِتے گئے جدوں یسوُع نے اوہناں نُوں اپنے بپتسمہ دے راہیں چُک لیا تے صلیب اُتے جدوں اوہنے خون وگایا تے ساڈے سارے پاپاں دی قیمت ادا کر دِتی گئی ۔ مسیِح یسوُع نے پانی تے رُوح دے راہیں سانُوں مکتی بخشی ۔آہو!اَسیں ایمان رکھدے آں!
Copyright © 2021 by The New Life Mission