Через COVID-19 та порушення роботи міжнародної
поштової служби ми тимчасово призупинили наше служіння безкоштовних друкованих книг.
поштової служби ми тимчасово призупинили наше служіння безкоштовних друкованих книг.
У зв’язку з цією ситуацією наразі ми не можемо надсилати Вам книг.
Моліться, щоб ця пандемія незабаром закінчилася і робота поштової служби відновилася.
Моліться, щоб ця пандемія незабаром закінчилася і робота поштової служби відновилася.
مضمون 10: مُکاشفہ(مُکاشفہ دی کتاب اُتے تفسیر)
[10-1باب] کیہ تہانوں پتہ اےچُکے جان دا ویلہ کدوں اے؟ (مُکاشفہ۱۰: ۱۔۱۱)
(مُکاشفہ۱۰: ۱۔۱۱)
” فیر مَیں اِک ہور زوراور فرِشتے نُوں بدّل نُوں کپڑے وانگر اُتّے لیاں ہویاں اسمانوں اُتر دیاں ویکھیا اوہدے سِر اُتّے اسمانی پینگھ سی تے اوہدی شکل سُورج وانگر سی تے اوہدے پَیر اَگ دے تھماں وانگر۔تے اوہدے ہتّھ وِچ اِک نِکّی جِہی کُھلی کتاب سی۔ اوس اپنا سَجّا پَیر سمُندر اُتّے رکھیا تے کھبّا زمین اُتّے۔تے اینج اُچّی اُچّی چیکیا۔ جیویں شیر ببّر بولدا اے۔ تے بدّل گجّن دِیاں سَتّ اَوازاں آئِیاں۔جد بدّل دِیاں سَتّ اَوازاں آئِیاں تے مَیں لِکھن لگّا تے اسمانوں ایہہ اواز آؤندی سُنی۔ جیہڑیاں گجّن دِیاں گلّاں ایہناں ستّاں اَوازاں توں سُنیاں نیں اوہناں نُوں ٹھپّی رکھ۔ تے نا لِکھ۔تے جیہڑے فرِشتے نُوں مَیں سمُندر تے زمین اُتّے کھلوتا ہویا ویکھیا سی اوس اپنا سَجّا ہتّھ اسمان ولّ چُکیا۔تے جیہڑا ہمیشہ تِیکر جِیوندا رہے گا۔ تے جِس اسمان تے اوہدیاں سارِیاں شیواں تے زمین تے اوہدیاں سارِیاں شیواں تے سمُندر تے اوہدیاں سارِیاں شیواں پَیدا کِیتیاں نیں اوہدی سَونہہ کھا کے آکھیا پئی ہُن ہور چِر نا لگّے گا۔سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔تے جِس اواز دین والے نُوں مَیں اسمان اُتّے بولدیاں سُنیا سی اوس فیر مَینُوں آکھیا پئی جا اوس فرِشتے دے ہتھّوں جیہڑا سمُندر تے زمین اُتّے کھلوتا ہویا اے اوہ کُھلی ہوئی کتاب لے لے۔تَد مَیں اوس فرِشتے کول جا کے آکھیا پئی ایہہ نِکّی کتاب مَینُوں دے چھڈ۔ اوس مَینُوں آکھیا لے ایہنوں کھالَے ایہہ تیرا ڈِھڈ تے کَوڑا کر چھڈے گی پر تیرے مُنھ وِچ شہد وانگر مِٹّھی لگّے گی۔سو مَیں اوہ نِکّی کتاب اوس فرِشتے دے ہتھّوں لے کے کھا چھڈی اوہ میرے مُنھ وِچ تے شہد وانگر مِٹّھی لگّی پر جد اوہنوں مَیں کھالیا میرا ڈِھڈ کَوڑا ہوگیا۔تے مَینُوں آکھیا گیا پئی تینُوں بتھیریاں اُمّتاں تے قوماں تے زباناں والیاں تے بادشاہاں اُتّے فیر نبُوّت کرنی ضرُور پَوے گی۔ “
تفسیر
ایس باب دا خاص نکتہ آیت ۷ وچ ہیگا اے : ” سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔ “ دوجے اکھراں وچ ، چُکیاجانا، ایس موقع اُتے پورا ہوئے گا ۔
آیت۱: فیر مَیں اِک ہور زوراور فرِشتے نُوں بدّل نُوں کپڑے وانگر اُتّے لیاں ہویاں اسمانوں اُتر دیاں ویکھیا اوہدے سِر اُتّے اسمانی پینگھ سی تے اوہدی شکل سُورج وانگر سی تے اوہدے پَیر اَگ دے تھماں وانگر۔
زوراور فرشتہ جیہڑا باب دس وچ ظاہر ہوندا اے خُداداآکھامنن والا خادم اے جیہڑا او ہدے آؤن والے کماں دی گواہی دیندا اے ۔ ایس فرشتے دی ظاہری شکل صورت ظاہر کردی اے پئی خُدا دی وڈیائی تے قدرت بوہت وڈی اے ۔ ایہہ وی ظاہر ہوندا اے پئی خُدا ایس دنیا دے سمندراں نوں برباد کر دیوے گا ، تے پاک لوکاں نوں زندہ کرے گا تے اسمان اُتے چُک لوے گا ۔
آیتاں ۲ ۔ ۳: تے اوہدے ہتّھ وِچ اِک نِکّی جِہی کُھلی کتاب سی۔ اوس اپنا سَجّا پَیر سمُندر اُتّے رکھیا تے کھبّا زمین اُتّے۔تے اینج اُچّی اُچّی چیکیا۔ جیویں شیر ببّر بولدا اے۔ تے بدّل گجّن دِیاں سَتّ اَوازاں آئِیاں۔
خُدا ساریاں شیواں نوں اپنے منصوبے مطابق کر دا اے۔جدوں اخیری دن آوے گا اوہ دونواں زمین تے سمندر نوں تباہ کر دیوے گا۔ دوجے اکھراں وِچ، ساڈا خُداوند پہلے سمندر تے پہلی زمین نوں تباہ کر دیوے گا۔
ایہہ حوالہ ساریاں گلاں نوں پورا کرن جویں اوہنے ارادہ بنایا اے ، تے اوہدے کماں دے پورے ہون لئی خُدا دی زوراور مرضی نوں ظاہر کردا اے ۔ پاک کلام وچ ، عددست پورے ہون دا مطلب دسدا اے ۔ خُدا نے ایس عد د نوں اوس ویلے ورتیاجد اوہنے اپنا کم پورا کر لیا تے آرام کیتا ۔ ایسے طرح ، ایہہ حوالہ سانوں دسدا اے پئی خُدا ، اخیری زمانے وچ بوہت ساریاں لوکاں نوں اوہناں دی بربادی توں چھڈائے گا ، پر دوجے پاسے ، یقین نال ایس دنیا نوں برباد کرے گا ۔
آیت۴: جد بدّل دِیاں سَتّ اَوازاں آئِیاں تے مَیں لِکھن لگّا تے اسمانوں ایہہ اواز آؤندی سُنی۔ جیہڑیاں گجّن دِیاں گلّاں ایہناں ستّاں اَوازاں توں سُنیاں نیں اوہناں نُوں ٹھپّی رکھ۔ تے نا لِکھ۔
خُدانے یوحنا نوں ست گرجاں نال جو وکھایا ، غیر مکتی یافتہ لوکاں وچوں پاک لوکاں دا چُکیا جانا لکا کے رکھن لئی ، نا لکھن دا حکم دتا ۔ کئی واری ، خُداغیر ایمانداراں کولوں اپنے کم لکاؤندااے ، ایس لئی پئی اوہ ، خُدا دے ویریاں وانگر،اوہدے پاک لوکاں توں نفرت کردے تے اوہناں نوں ستاؤندے نیں ۔
نوح دے زمانے وچ وی ، جدخُدا نے پانی نال دنیا نوں برباد کیتا ، اوہنے آؤن والا طوفان صرف نوح اُتے ظاہر کیتاسی ۔ ایتھوں تیکر پئی جویں ہُن ، خُداساری دنیا وچ پانی تے رُوح دی خوشخبری دی منادی کردا اے، تے اوہناں نوں اسمانی بادشاہی دیندا اے جیہڑے ایہدے اُتے ایمان رکھدے نیں ۔ پر اوہناں دے علاوہ جیہڑے سچاایمان رکھدے نیں ، اوہ کسے دوجے اُتے ظاہر نئیں کرچُکیا پئی چُکیا جانا کدوں ہون والا اے ۔ راستبازاں لئی ، خُدا اپنی بادشاہی وچ اک نویں دنیا پیدا کر چُکیا اے ، تے اوہ ایس وچ اوہناں نال جیون دی تمنا رکھدا اے ۔
آیتاں ۵ ۔۶: تے جیہڑے فرِشتے نُوں مَیں سمُندر تے زمین اُتّے کھلوتا ہویا ویکھیا سی اوس اپنا سَجّا ہتّھ اسمان ولّ چُکیا۔تے جیہڑا ہمیشہ تِیکر جِیوندا رہے گا۔ تے جِس اسمان تے اوہدیاں سارِیاں شیواں تے زمین تے اوہدیاں سارِیاں شیواں تے سمُندر تے اوہدیاں سارِیاں شیواں پَیدا کِیتیاں نیں اوہدی سَونہہ کھا کے آکھیا پئی ہُن ہور چِر نا لگّے گا۔
ایہناں ساریاں گلاں دی خُدا دے ناں دے سبب قسم کھائی جا سکدی اے ، جویں ہر شے وچ اخیری قسم کسے دے اپنے ناں دی نئیں ، سگوں کسے دوجے وڈے دے ناں دی قسم کھادی جاندی اے ۔ ایسے طرح ، خُدا دونویں اخیری زمانے دے پاک لوکاں تے اوہناں ساریاں دا حتمی ضامن اے جیہڑے پہلوں ای اوہدے پاک لوک بن گئے نیں ۔
ایتھے ، زوراور فرشتہ اوس قادرِ مطلق دی قسم کھاندا اے پئی چُکیا جانا لازمی طور تے ہووے گا ۔ ایہہ
قسم سانوں دسدی اے پئی خُدا نویں اسمان تے نویں زمین نوں بناوے گا تے ایس نویں دنیا وچ اپنے پاک لوکاں نال زندہ رہوے گا ۔ ایہہ ظاہر کردا اے پئی خُدا اپنی نویں دنیا نوں بناؤن وچ دیر نئیں کردا ، سگوں ایہنوں چھیتی نال اپنے پاک لوکاں لئی مکمل کرے گا ۔
آیت ۷: سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔
ایہہ آیت سانوں دسدی اے پئی جد اخیری ستویں تُرہی ڈاہدیاں دکھاں وچ پھوکی جاوے گی ، سارے پاک لوک چُک لَے جان گے ۔ ایس زمین اُتےسب توں بوہتی حیران کرن والی گل کیہڑی اے ایہہ ہیگی اے پئی پاک لوکاں دا چُکیا جانا کدوں ہووے گا ۔
مُکاشفہ ۱۰ :۷ سانوں دسدا اے ، ” سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔ “ ایس کلام دا ، ” تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔“ ایتھے کیہ مطلب اے ؟ ایہدا مطلب ہیگا اے پئی بالکل جویں پانی تے رُوح دی خوشخبری کھری خوشخبری اے ، تے جویں جیہڑا وی ایہدے اُتے ایمان رکھدا اے فدیہ تے اپنے دل وچ پاک رُوح پاؤندا اے ، ایسے طرح پاک لوکاں داچُکیاجانا لازمی ہووے گا جد ستویں تُرہی پھوکی جاوے گی ۔
ست تُرہیاں وچوں چھیویں آفت مک جان دے بعدوں ، پاک لوک شہید کیتے جان گے جویں ای مخالفِ مسیح ، دنیا وچ اپنی ظاہری شکل صورت ظاہر کرن تےایس اُتے اپنا راج قیم کرن دے بعدوں ، ہرکسے نوں حیوان دے نشان دا چھاپہ لواؤن بارے آکھدا اے ۔ تھوڑے چر بعدوں ،جد ستواں فرشتہ اپنی تُرہی پھوکے گا ، دونویں شہید تے بچ جان والے پاک لوک جنہاں اپنے ایمان دی راکھی کیتی جیوں اُٹھن گے تے چھیتی نال چُک لَے جان گے ۔ فیر ست پیالیاں دیاں آفتاں ، یعنی لوکاں اُتے اخیری آفت ، شروع ہووے گی ۔ ایس ویلے، پاک لوک زمین اُتے ہور نئیں ہون گے ، سگوں اپنے چُکے جان دے بعد وں اسمان اُتے خُداوند نال ہون گے ۔ پاک لوکاں نوں لازمی پتہ ہونا چاہی دا اے پئی اوہناں دا چُکیاجانا اودوں
ہووے گاجد ستواں فرشتہ اپنی اخیری تُرہی پھوکے گا ۔
پولس رسول وی سانوں ۱۔تھسلنیکیوں ۴ باب وچ دسدا اے پئی خُداوند کول رہن والے فرشتے دی تُرہی دی اواز نال اسمانوں اُترے گا ۔ بوہت سارے مسیحی سوچدے نیں پئی خُداوند ایس زمین اُتے اُتر آوے گا جد چُکیا جانا ہووے گا ، پراصل وچ اِنج نئیں ہووے گا ۔ جد چُکیاجانا ہووے گا ، ساڈا خُداوندایس زمین اُتے ہیٹھاں نئیں آوے گا، سگوں وَا وچ آوے گا ۔ دوجےاکھراں وچ ، اوہ چُکےجان دا کم ، پاک لوکاں نوں اُتے چُکن تے اوہناں نوں وَاوچ لین دے راہیں مکمل کرے گا ۔
ایسے طرح ، اوہ مسیحی غلطی نال سوچدے نیں پئی خُداوندایس زمین اُتے جد اصل وچ پاک لوکاں دا چُکیاجانا ہووے گا ، ہیٹھاں آوے گا ایہناں نوں اپنی غلط سوچ نوں دورکرنا چاہی دا اے ، تے اوہناں نوں سچ نوں جاننا چاہی دا تے یاد رکھن دے راہیں جائز طریقے نال ایہدے اُتے ایمان رکھنا چاہی دا اے پئی پاک لوکاں دا چُکیاجانا اودوں ہووے گا جد ستواں فرشتہ اپنی تُرہی پھوکے گا ۔
” تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔“ تہانوں لازمی یاد رکھنا چاہی دا اے پئی خُدا دے بھیت دا مطلب ایتھے پاک لوکاں دے چُکے جان بارے دسدا اے جیہڑا ستویں تُرہی دی آفت دے پھوکن نال واقع ہووے گا ۔ مختصر ، ہُن ، خُدا پہلی دنیا نوں برباد کرے گا تے دوجی دنیا نوں بناوے گا ۔ ایہہ اوہناں نال خُدا دے سکونت کرن تے زندہ رہن لئی اے جیہڑے ایس زمین اُتے رہندے ہویاں ، پانی تے رُوح دی خوشخبری اُتے ایمان رکھن دے سببوں نویں سریوں جم پئے نیں ، تے وفاداری نال اوہناں ساریاں وعدیاں نوں وی پورا کردے نیں جیہڑے قادرِ مطلق خُدا اپنے لوکاں نال کردا اے ۔ ایہہ خُدا ،سارے جگ دے بناؤن والے دی ، مرضی اے ، جنہوں اوہنے اپنے آپ پاک لوکاں لئی تیار کیتا ۔
جد فرشتہ ستویں تُرہی پھوکے گا ، ست تُرہیاں دی آفتاں مک جان گئیاں تے ست پیالیاں دی اخیری آفتاں شروع ہوجان گئیاں ۔ کلام سانوں دسدا اے، ” سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔ “ ایتھے خُدا دے بھیت دا مطلب ایہہ ہیگا اے پئی پاک لوک ستویں فرشتے دے تُرہی پھوکن دے نال ای چُک لَے جان گے ۔
پاک لوک ہُن ایس زمین اُتے زندہ رہندے پئے نیں ، پر اوہناں نوں نویں، یعنی ودھیا دنیا وچ
رہن لئی ، لازمی شہید ہونا، جیوں اُٹھنا تے چُک لیا جانا چاہی دا اے ۔ صرف فیر اوہ خُداوندنال لیلے دے ویاہ دے جشن وچ سدے جان گے تے اوہدے نال ہزار ورہے تیکر بادشاہی کرن گے ۔ہزار ورہے دے بعد وں، مخالفِ مسیح، شیطان تے اوہدے سارے منن والے خُدا دی ہمیش دی سزا پاؤن گے ۔ تے فیر اوس توں اگے، خُداوند نال اوہدیاں سدا دیاں برکتاں دے اسمان اُتے زندہ رہن دی خوشی توں برکت پاؤن گے ۔ ایہہ خُدا دا بھیت اے ۔ اسیں ، اپنے وچوں صرف اوہناں اُتے ایہہ بھیت ظاہر کرن لئی خُدا دا شکر ادا کر سکدے آں جیہڑے کھرا ایمان رکھدے نیں ۔ خُدا سانوں دسدا اے پئی اوہ ایہہ سارے وعدے پورے کرے گا جد ستواں فرشتہ اپنی تُرہی پھوکے گا ۔
آیت ۸: تے جِس اواز دین والے نُوں مَیں اسمان اُتّے بولدیاں سُنیا سی اوس فیر مَینُوں آکھیا پئی جا اوس فرِشتے دے ہتھّوں جیہڑا سمُندر تے زمین اُتّے کھلوتا ہویا اے اوہ کُھلی ہوئی کتاب لے لے۔
خُدا سانوں دسدااے پئی پاک لوک تے خُدا دے خادماں نوں لازمی اودوں تیکر پانی تے رُوح دی خوشخبری دی منادی کردے رہنا چاہی دا اے جدوں تیکر اخیری دن نئیں آجاندا۔ ایہہ خوشخبری پاپاں دی معافی ، شہادت ، جیوں اُٹھن ، چُکے جان تے لیلےدے ویاہ دے جشن دی سچیائی دے بارے وچ اے ۔ پاک لوکاں تے خُدا دے خادماں نوں اخیری دن تیکر خوشخبری دی منادی کرن لئی ، اوہناں نوں لازمی وڈے دکھاں دے ویلے دے شروع ہون توں پہلوں اپنے ایمان نال پہلوں خُدا دے کلام نال ودھنا پھُلنا چاہی دا اے ۔ خُدا ساڈے توں دو قِسماں دا ایمان چاوہندا اے ۔پہلاں نویں سریوں جمن دا ایمان اے، تے دوجا اپنے کھرے ایمان دی راکھی کردیاں ہویاں شہادت نوں قبول کرن دا ایمان اے ۔
آیت ۹: تَد مَیں اوس فرِشتے کول جا کے آکھیا پئی ایہہ نِکّی کتاب مَینُوں دے چھڈ۔ اوس مَینُوں آکھیا لے ایہنوں کھالَے ایہہ تیرا ڈِھڈ تے کَوڑا کر چھڈے گی پر تیرے مُنھ وِچ شہد وانگر مِٹّھی لگّے گی۔
پاک لوکاں تے خُدا دے خادماں نوں پہلوں لازمی خُدا دے کلام نال ودھنا پھُلنا چاہی دا اے تے بعدوں ایہنوں بوہتیاں لوکاں تیکرودھاؤنا چاہی دا اے ۔ ایہہ آیت سانوں سکھاؤندی اے پئی بھاویں اوہناں دے دل جیہڑے خُدا دے کلام اُتے ایمان رکھدے نیں خوشیاں بھرے نیں ، پر گواچے لوکاں تیکر ایمان دے ایس کلام دی منادی کرنا ایناں سوکھا کم نئیں ہیگا ، ایہدے نال نال قربانیاں دی لوڑ اے ۔ ایہہ خُدا سانوں ایتھے وکھاؤندا پیا اے ۔
آیت ۱۰: سو مَیں اوہ نِکّی کتاب اوس فرِشتے دے ہتھّوں لے کے کھا چھڈی اوہ میرے مُنھ وِچ تے شہد وانگر مِٹّھی لگّی پر جد اوہنوں مَیں کھالیا میرا ڈِھڈ کَوڑا ہوگیا۔
جد یوحنا نے ایمان نال خُدا دا کلام کھادا ، اوہدا دل خوشی نال بھر گیا۔ پر اوہناں تیکر جیہڑے سچیائی اُتے ایمان نئیں رکھدے خُدا دے کلام دے سببوں کھری گواہی دی منادی کرن وچ ، یوحنا نے بوہت سارے اوکھے ویلے ویکھے ۔
آیت ۱۱: تے مَینُوں آکھیا گیا پئی تینُوں بتھیریاں اُمّتاں تے قوماں تے زباناں والیاں تے بادشاہاں اُتّے فیر نبُوّت کرنی ضرُور پَوے گی۔
پاک لوکاں نوں لازمی ہرکسے اُتے فیر نبُوّت کرنی چاہی دی اے پئی خُدادیاں برکتاں پانی تے روح دی خوشخبری دے سببوں مل دیاں نیں۔ اوہناں نوں لازمی فیر نبُوّت کرنی چاہی دی اے پئی اخیری زمانے وچ ایس دنیا لئی ساڈے خُداونددا ارادہ ہر کسے لئی پانی تے روح دی خوشخبری اُتے ایمان دے سببوں خُدا دیاں برکتاں وچ جانا اے ۔ خُدا نے یوحنا نوں نبُوّت کرن دا جیہڑا حکم دتا سچیائی دے کلام دی منادی کرنا اے —پئی خُدا ولوں دتی گئی ، اک نویں دنیا چھیتی نال آؤن والی اے ،تے یعنی جیہڑا وی ایہدے وچ جانا چاؤہندا اے اوہنوں لازمی پانی تے روح دی خوشخبری اُتے ایمان رکھن دے سببوں راستباز ٹھہرنا چاہی دا اے ۔ ایس کم لئی ، پاک لوکاں تے خُدا دے خادماں نوں لازمی فیر بالکل مُڈھوں خُدا دے کلام دی منادی کرنی چاہی دی اے ، تاں پئی ایس دنیا وچ ہر کوئی اوہو ای ایمان رکھے جیہڑا اوہناں نوں ساڈےخُداوند دی بادشاہی وچ جان تے زندہ رہن دی اجازت دیوے گا۔
Copyright © 2021 by The New Life Mission