Через COVID-19 та порушення роботи міжнародної
поштової служби ми тимчасово призупинили наше служіння безкоштовних друкованих книг.
поштової служби ми тимчасово призупинили наше служіння безкоштовних друкованих книг.
У зв’язку з цією ситуацією наразі ми не можемо надсилати Вам книг.
Моліться, щоб ця пандемія незабаром закінчилася і робота поштової служби відновилася.
Моліться, щоб ця пандемія незабаром закінчилася і робота поштової служби відновилася.
Запитання 4: Найцікавіші запитання від читачів наших книг
4-6. مَیں تہاڈی تعلیماں دے راھیں جان دا ہاں پئی یسوع دا بپتسمہ ساڈی مکتی لئی ضروری ھیگا اے ۔ فیر ، ایمان داراں دے پانی دے بپتسمے بارے کیہ خیال اے؟ کیہ ایہہ وی ہر مقدس لئی لازمی ہیگا اے؟ تے ایس توں ھٹ کے ، مینوں نئیں پتہ پئی کیہ میرے گوانڈھ وچ نویں سریوں جمن والا کوئی خادم ہیگا اے ، جیہڑا مینوں بپتسمہ دے سکدا اے۔
جویں پئی تُسیں ساڈی ویب سائٹ اُتے پڑھیا اے ، ایمانداراں دا پانی دا بپتسمہ صرف پانی تے رُوح دی خوشخبری اُتے ایمانداراں دا بدنی اِقرار اے۔ ایس بپتسمہ دین والی رسم نال ، دوجےاکھراں وچ ،نویں سریوں جمن والے اپنی کامل مکتی اُتے اپنے ایمان دا دعویٰ کرسکدے نیں ، جنہوں یسوع مسیح نے اپنے بپتسمے تے سولی اُتے مرن دے راھیں کامل کیتا اے۔
اسیں سارے نویں سریوں جم سکدے آں جدوں اسیں اپنے پاپی ہون دا اقرار کراں گے ، ایہہ جان دے ہوئیاں ساڈی قسمت دا مقدر دوزخ اے، تے پانی تے رُوح دی خوشخبری اُتے ایمان رکھدے آں۔ ایہوای اے.
فیر ، اک ایماندار لئی پانی دا بپتسمہ کیہ اے؟ کیہ ھُن ایہہ گیاگواتا اے؟لازمی طور اُتے ، ایہہ ساڈی مکتی لئی ضروری شرط نئیں ہوسکدی اے ، پر سانوں یاد رکھنا چاہی دا اے پئی ایہہ ساڈے خداوند یسوع دا مشورہ اے (متی 28: 19)۔
ایس لئی، جدوں تیک تُسیں کر سکدے او تُسیں بپتسمہ پاؤنا چنگا کرو گے ۔ پر ، جویں پئی تُسیں مینوں دسیا ، تہانوں کسے ایہوجیہے بندے نال ملن دی لوڑ اے جیہڑا پانی تے رُوح نال نویں سریوں جمیا ہووے۔ جے تہاڈے جانن والیاں وچ نویں سریوں جمن والا راستباز ہیگا اے تاں ، تُسیں اوھدے توں بپتسمہ لین لئی آکھ سکدے او۔ تہانوں رسم توں پہلاں یسوع دے بپتسمے سولی اُتے اوھدی موت اُتے اپنے ایمان دا دعویٰ کرنا ہووے گا۔ تےفیر اوس بندے نوں تہاڈے سر اُتے اپنے ہتھاں نوں رکھدے ہوئیاں ھیٹھاں والے جملے دا اعلان کرنا ہووے گا:
"بھرا کولن ، خدا باپ ، یسوع مسیح پُتر، تے پاک رُوح دے نام نال ، مَیں تہانوں بپتسمہ دیندا ہاں۔" بائبل دا بپتسمہ پورا ڈبو دین نال دینا اے۔
ایمانداراں دا بپتسمہ یقین کرن دے لائق اے جویں اسیں شادی دے جشن راھیں اک شوہرتے بیوی نوں اک جائز جوڑا بناؤندے آں۔ ایسےطرحاں، پاک لوکاں دے بپتسمے دی رسم ایس طرحاں دےدلی عقیدے دا وکھالے دا اعلان ہیگا اے۔ جدوں اسیں اپنے بپتسمے دے راھیں خدا ، پاک لوکاں، تے جگ دے اگے اوھدے بپتسمے تے سولی اُتے اپنے ایمان دا اعلان کردے آں تاں، ساڈا ایمان ھورپکا ہوجاندا اے۔
پر ، تہانوں ایہہ سچیائی نئیں بُھلنی چاہی دی پئی ابرہام نوں ختنے دا نشان لمے چِر بعد ملیا جدوں اوہ اپنے ایمان دے راھیں راستباز بنن لئی قبول کیتا گیا سی جد پئی اوہ حالے تیک بے ختنہ سی (رومیوں 4: 11)۔ دوجے اکھراں وچ ، خدا نے اوھنوں مکتی دے نشان وانگر ختنہ دتا ، جیہڑااوھنے پہلوں ای خُدا دے کلام اُتے اپنے ایمان دے راھیں پایا سی ۔ ایسے طرحاں ، پانی دا بپتسمہ نویں سریوں جمن والیاں دی اک وکھالے دی رسم اے جنہاں نے اوھدے بپتسمے تے اوھدے سولی اُتے مرن اُتے ایمان دے راھیں اپنے پاپاں دی معافی پائی ۔
Copyright © 2021 by The New Life Mission