Через COVID-19 та порушення роботи міжнародної
поштової служби ми тимчасово призупинили наше служіння безкоштовних друкованих книг.
поштової служби ми тимчасово призупинили наше служіння безкоштовних друкованих книг.
У зв’язку з цією ситуацією наразі ми не можемо надсилати Вам книг.
Моліться, щоб ця пандемія незабаром закінчилася і робота поштової служби відновилася.
Моліться, щоб ця пандемія незабаром закінчилася і робота поштової служби відновилася.
Запитання 4: Найцікавіші запитання від читачів наших книг
4-9. کیہ تُسیں مہربانی کر کے عبرانیوں دے باب 6 دے پہلے حصے نوں کھول کے دسو گے؟
ایتھے میری عبرانیوں 6: 1-8 دی وضاحت ویکھو ۔
" سو مسِیح دی تعلِیم دِیاں مُڈھ والِیاں گلّاں چھڈ کے تے کمال ولّ وَدِھیئے۔ تے مُردہ کمّاں توں تَوبہ کرن تے خُداوند اُتّے اِیمان لے آؤن۔ تے بَپتسِمیاں تے ہتّھ رکھن تے مُردیاں دے جی اُٹھن تے سدا دی عدالت دی تعلِیم دی نِینّھ دُوجی واری نا دھریئے۔ تے خُدا چاہے اسی ایہو ای کراں گے۔ ایس لئی پئی جِنہاں نُوں اِک واری لو لگ گئی تے اوہناں اسمانی بخشِش دا سواد لے لیا۔ تے پاک رُوح دے سنگی ہوئے۔ تے خُدا دے چنگے کلام تے اگلے جہان دِیاں قُدرتاں دا سواد لیا۔ جے اوہ بَھوں جان تے اوہناں نُوں تَوبہ دے لئی فیر نواں بنانا اَنہونی گلّ اے۔ ایس لئی پئی اوہ خُدا دے پُتر نُوں اپنے ولّوں دُوجی وار صلِیب دیندے نیں تے اوہدی کُھلی بے عِزّتی کر دے نیں۔ کیوں جو جیہڑی زمین اوس مینہ دا پانی پی لَیندی اے۔ جیہڑا اوہدے اُتّے بڑی واری وَسدا اے تے اوہناں دے ورتن لئی سبزیاں اُگاندی اے جِنہاں ولّوں واہی جاندی اے۔ اوہ خُدا ولّوں برکت پاندی اے۔ تے جے مَلہے تے پوہلیاں اُگاندی اے۔ تے ردّی جاندی اے۔ تے لعنت دے نیڑے آگئی اے۔ تے جِہدا انت سَڑنا اے۔"
>آیت ا تا 2<
خدا آج دے مسیحیاں دا عبرانیوں دے وانگر یسوع وچ مسیح دے بنیادی اُصولاں اُتے کامل ایمان قیم کرنا چاؤہندا اے۔
اوھناں وچوں کجھ لوکاں دے دل اک وار روشن ہوگئے، تے اوھناں نے اصلی خوشخبری دا مزہ چکھیا ، تے پاپ دی معافی پائی ، تے ایسے سبب توں پاک رُوح پایا ، پر بعد وچ اوہ سچے عقیدے توں دور ہوگئے۔ اوہ پانی تے رُوح دی خوشخبری دے خلاف شک کردے ہوئیاں دل ورچاؤندے رھے۔
ایس لئی ، بائبل کھول کے اعلان کردی اے پئی مسیح دے بنیادی اُصول (مُردہ کماں توں توبہ دی نِینّھ، تے خدا ول ایمان ، بپتسمیاں دی تعلیم ،اُتے ہتھاں دا رکھیا جانا ، مُردیاں دے جی اٹھن تے ھمیشگی دی سزا دی نِینّھ) ہر ایماندار دے دل وچ پکیائی نال آباد ہونا چاہی دا اے۔
ایتھے سانوں ایس سچیائی اُتے دھیان دینا چاہی دا اے پئی ایہہ خاص اُصول مُڈھلی کلیسیا دی اصل خوشخبری جان نیں۔
تے ایہناں وچ بپتسمیاں، تے ہتھاں دے رکھے جان دیاں تعلیماں ھیگیاں نیں۔ ایہہ پکا ثبوت ہیگا اے پئی پانی تے رُوح دی خوشخبری اوہ خوشخبری ہیگی اے جیہدی اوس ویلے دے رسولوں تے شاگرداں نے منادی کیتی سی۔
اوہ جیہڑے اصلی خوشخبری اُتے ایمان رکھدے نیں مسیح دے خاص اُصولاں اُتے کوئی شک نئیں کردے ، سگوں اوہ خوشخبری اُتے پکیائی نال قیم رہندے ، تے ایمان دی حیاتی ، کاملیت دی حیاتی ول اگے ودھدے نیں۔ انسانی نیکیاں کامل نئیں ہوسکدیاں ، پر جدوں اسیں پانی تے رُوح دی اصلی خوشخبری اُتے ایمان رکھدے آں ، فیراسیں ایمان دے راھیں کامل طوراُتے بے پاپ ہوسکدے آں۔
ایس لئی خدا نے ابرہام نوں آکھیا ، " توں میرے حضور وچ چل ، تے کامل ہو" (پیدائش 17: 1 KJV) ایہدا مطلب کامل ایمان رکھنا اے جیہڑا تہانوں مکمل طوراُتے بے پاپ بنا دیندا اے۔
<آیت 4 تا 6>
پر جے کوئی ایہدے اُتے ایمان رکھن دے بعد اصلی خوشخبری توں بھٹک جائے تاں فیردوبارہ مکتی پاؤن دا کوئی رستہ نئیں اے۔ ایہوای خدا دی مرضی اے۔ اوھدی محبت اینی ودھیا تے کامل اے پئی اُوھدے مخالفاں اُتے اوھدا غصہ وی بھیڑا تے رُکھا اے۔
ایس لئی ، غزلُ الغزلات8: 6 دسدا اے :
" نگینے وانگر مینوں اپنے دِل وچ لا رکھ تے تعوِیذ وانگر اپنے بازو اُتے ایس لئی پئی عشق مَوت وانگر بھیڑا اے تے غیرت پاتال وانگر رُکھی اے اوھدے انگارے اگ دےانگارے نیں تے خُداوند دے انگارے وانگر "
عبرانیوں 10: 26-27 وچ وی ایہوای خبردار کیتا گیا اے: " ایس لئی جے سچیائی نُوں پچھانن دے پِچّھے اسی جان کے گُناہ کریئے متاں گُناہاں دے بدلے کوئی ہور قُربانی باقی نئیں رہندی۔ سگوں عدالت دی ڈران والی تے اجیہی مُچّی ہوئی اَگ دی اوڈِیک۔ جیہڑی وَیرِیاں نُوں کھا چھڈے گی۔"
ھُن تُسیں سچیائی دی تعلیم ، مطلب اے، پانی تے رُوح دی خوشخبری اُتے ایمان رکھ سکدے او۔ فیر ، ایہدا کیہ مطلب اے ، " جان کے گُناہ کریئے؟ " سانوں ایہہ جاننا چاہی دا اے پئی پاپ دیاں دو قِسماں وچ درجہ بندی کیتی جاسکدی اے: "اوہ پاپ جیہڑا موت دا سبب نئیں بن دا " تے " پاپ جیہڑا موت دا سبب بن دا اے" (1۔ یوحنا 5: 16)۔
اسیں ھر دیہاڑے پاپ کردے آں۔ ایہہ اوہ ہیگے نیں " جیہڑے پاپ موت دا سبب نئیں بن دے ، " تے خداوند پہلوں ای اوھناں دے سارے پاپاں نوں مٹا چکیا اے۔ پر " جیہڑے پاپ موت دا سبب بن د اے " رُوح دے خلاف کُفر داپاپ اے۔ لکھیا اے ، " ایس لئی مَیں تُہانوں آکھنا آں پئی ہر اِک گُناہ تے کُفر بندیاں نُوں بخشیا جائے گا پر اوہ کُفر جیہڑا رُوح دے حق وِچ ہوئے بخشیا نا جائے گا۔" (متی 12: 31)۔
پاک رُوح ایہدی گواہی دیندا اے پئی یسوع ای اصلی مکتی داتا اے ، تے اوہ نویں سریوں جمن والے پاک لوکاں دے راھیں پانی تے رُوح دی خوشخبری دی گواہی دیندا اے۔ خاص گل ایہہ ھیگی اے پئی جے کوئی ایہدی ساری گل سُنن دے بعد اصلی خوشخبری توں مکردا اے تاں، فیر اوہ بندہ پاک رُوح دے خلاف کُفر دا پاپ کردا پیا اے۔ بے نصیبی نال ، کجھ لوک ایہوجیہے نیں جیہڑے خوشخبری توں بھٹک جاندے نیں جدوں او خوشخبری دے سبب کسے پریشانی وچ پھس جاندے نیں ۔
جے کوئی خوشخبری نوں جان دیاں پچھان دیاں اوھدے ولوں مُکردا اے بھاویں اوھنوں پتہ اے پئی ایہہ سچی اے ، تاں کیہ خدا دے راھیں ایہو جیہے بندے نوں ایس طرحاں دے پاپ توں معاف کیتا جاسکدا اے؟ خدا ایہو جیہے پاپ کرن دے بعد واضح طور اُتے ھمیش دی سزا دا اعلان کردا اے۔
میَں آس رکھدا ھاں پئی ایہہ جواب تہاڈی روحانی تریہہ مکاوے گا۔ پر سب توں بوھتا ، میری تمنا اے پئی تُسیں پانی تے رُوح دی خوشخبری اُتے پکیاں ھوکے قیم رہوو ، اصلی خوشخبری جیہڑی ساڈے خداوند یسوع نے شروع توں ای سانوں دتی اے۔
Copyright © 2021 by The New Life Mission