বাংলা

কোভিড-১৯ এবং আন্তর্জাতিক ডাক পরিষেবা বিঘ্নিত হওয়ার কারণে,
আমরা সাময়িকভাবে আমাদের ‘বিনামূল্যের মুদ্রিত বইয়ের পরিষেবা’ বন্ধ রেখেছি|

এহেন পরিস্থিতিতে এই মুহুর্তে আমরা আপনাদের কাছে ডাকযোগে বই প্রেরণে অসমর্থ|
এই অতিমারীর যেন আশু সমাপন ঘটে এবং ডাক পরিষেবার পুনরাম্ভের জন্য প্রার্থনা করুন৷

শিক্ষা

مضمون 11: خیمۂ اِجتماع

[11-3] یہوواؔہ زِندہ خُدا <خروج ۳۴:۱۔۸>

>خروج ۳۴:۱۔۸<

” فیر خُداوند نے مُوسیٰؔ نوں آکھیا پہلیاں تختیاں وانگر پتھر دیاں دو تختیاں اپنے لئی کھڑ لئیں تے مَیں اوہناں تختیاں اُتے اوہو ای گلاں لکھ دیاں گا جیہڑیاں پہلیاں تختیاں اُتے جنہاں نوں تُوں توڑ لیالکھیاں سن ۔ تے صبح تیک تیار ہو جائیں تے سرگی ای سیِنا دے پہاڑ اُتے آن کے اوتھے پہاڑ دی چوٹی اُتے میرے اگے حاضر ہوئیں ۔ پر تیرے نال کوئی ہور بندہ نہ آئے تے نہ پہاڑ اُتے کدھرے کوئی دوجا بندہ نظر آئے ۔ بھیڈ بکریاں تے گاواں وچھے وی پہاڑ دے اگے نہ چرن ۔ تے مُوسیٰ پہلیاں تختیاں وانگر پتھر دیاں دو تختیاں کھڑیاں تے صبح سویرے اُٹھ کے پتھر دیاں دو تختیاں ہتھ وچ لَے کے خُداوند دے حکم مطابق سیِنا دے پہاڑ اُتے چڑھ گیا ۔ فیر خُداوندبدل وچ ہو کے اُتریا تے اوہدے نال اوہتھے کھلو کے خُداوند دے ناں دا اعلان کیتا ۔تے خُداوند اوہدے اگوں ایہہ پکاردا ہویا لنگھیا خُداوند خُداوند خُدا رحم کرن والا تے مہربان غصہ کرن وچ مَٹھا تے شفقت تے وفا وچ غنی ۔ ہزاراں اُتے فضل کرن والا ۔پاپ تے غلطی تے خطا نوں معاف کرن والا پراوہ مجرم نوں کدی نہ چھڈے گا سگوں باپ دادے دے پاپ دی سزااوہناں دیاں پُتراں تے پوتیاں نوں تریجی تے چوتھی نسل تیک دیندا اے ۔ فیر مُوسیٰ نے چھیتی نال سِر نیواں کر کے سِجدہ کیتا۔“

سانوں لبھن دی ضرورت اے اصل وچ ایہہ خُدا کون اے جِہدے اُتے اسیں ایمان رکھدے آں

آؤ اسیں خروج ۳:۱۳۔۱۶ ول مُڑدیاں ہویاں شروع کردے آں : ”فیر مُوسیٰ نے خُدا نوں آکھیا جد مَیں بنی اسرائیل دے کول جا کے اوہناں نوں آکھاں پئی تہاڈے باپ دادے دے خُدا نے مینوں تہاڈے کول گھلیا اے تے اوہ مینوں آکھن پئی اوہد ا ناں کیہ اے ؟ تاں مَیں اوہناں نوں کیہ دساں ؟ خُدا نے موسیٰ نوں آکھیا مَیں جیہڑا ہیگا واں سو مَیں ہیگا واں ۔ سو تُوں بنی اسرائیل نوں اِنج آکھیں پئی مَیں جیہڑا ہیگا واں نے مینوں تہاڈے کول گھلیا اے ۔ فیر خُدا نے موسیٰ نوں ایہہ وی آکھیا پئی تُوں بنی اسرائیل نوں اِنج آکھیں پئی خُداوندتہاڈے باپ دادے دے خُداابرہام دے خُداتے اضحاق دےخُداتے یعقوب دےخُدا نے مینوں تہاڈے کول گھلیا اے۔ ہمیش تیک میرا ایہو ای ناں اے تے ساریاں نسلاں وچ ایسے نال میری گل ہوئے گی ۔ جا کے اسرائیلی وڈیریاں نوں اک تھاں اکٹھیاں کر تے اوہناں نوں آکھ پئی خُداوندتہاڈے باپ دادے دے خُداابرہام تے اضحاق تے یعقوب دےخُدا نےمینوں وکھالی دے کے ایہہ آکھیا اے پئی مَیں تہانوں وی تے جیہڑا رویہ تہاڈے نال مصر وچ ورتیا جاندا اے اوہنوں وی چنگی طرح ویکھیا اے ۔“

یہوواہ خُدا کون اے ؟

عبرانی بولی وچ خُداوند داناں یہوواہ یا یہواہ اے ، رسمی جیہوواہ، تے یہوواہ دا مطلب اے اوہ جیہڑا اپنا آپ وجود رکھدا اے ۔ دوجے اکھراں وچ ، خُدا کوئی کسے دے دا بنایا نئیں ہیگا ، سگوں اوہ اپنے آپ وجود رکھدا اے ، خالق جنہے سارا جگ تے ایس وچ ہر اک شے نوں بنایا ۔

آؤ اسیں خروج ۶:۲۔۷ اُتے دھیان کرئیے : ”فیر خُدا نے موسیٰ نوں آکھیا مَیں خُداوند آں ۔تے مَیں ابرہام تے اضحاق تے یعقوب نوں اپنی مرضی دے مالک خُدا وانگر نظر آیا پر اپنے یہوواہ ناں نال ظاہر نہ ہویا ۔ تے مَیں اوہناں نال اپنا پکا وعدہ وی کیتا اے پئی کنعان دا ملک جیہڑا اوہناں دی مسافرت دا ملک سی تے جِہدے وچ اوہ پردیسی سن اوہناں نوں دیاں گا ۔ تے مَیں بنی اسرائیل دے رون نوں وی سُن کے جنہاں نوں مصریاں نیں قیدی بنایا ہویا اے اپنے اوس وعدے نوں یا د کیتا اے ۔ ایس لئی تُوں بنی اسرائیل نوں آکھ پئی مَیں خُداوند آں تے مَیں تہانوں مصریاں دے بھاراں ہیٹھوں کڈھ لواں گا ۔ تے مَیں تہانوں اوہناں دی قید وچوں چھڈاواں گا تے مَیں اپنا ہتھ ودھا کے تے اوہناں نوں وڈیاں وڈیاں سزاواں دے کے تہانوں چھڈاواں گا ۔ تے تہانوں لَے لواں گے پئی میری قوم بن جاووتے مَیں تہاڈا خُدا ہوواں گا تے تہانوں پتہ لگے گا پئی مَیں خُداوند تہاڈا خُدا ہاں جیہڑا تہانوں مصریاں دے بھاراں ہیٹھوں کڈھ دا ہاں ۔“

تریجی اُتلی آیت آکھدی اے ، ” تے مَیں ابرہام تے اضحاق تے یعقوب نوں اپنی مرضی دے مالک خُدا وانگر نظر آیا پر اپنے یہوواہ ناں نال ظاہر نہ ہویا ۔ “ کِنگ جیمز ورژن وچ ، جملہ ”میرے خُداوند ناں نال“ نوں ایس طرح ”میرے یہوواہ ناں نال “ لکھیاگیا اے ۔ عبرانی اکھر یہوواہ دا مطلب اے ”اک وجود رکھن والا “یا ”اک سچے خُدا دا ٹھیک ناں۔“ خُدا نےپہلوں لوکاں لئی اپنے یہوواہ ناں نوں ظاہر نئیں کیتا سی ۔ ایس لئی لوک اوس ویلے اوہنوں صرف خُداوانگر پکاردے سن ۔ پر ہُن،اسرائیل دے لوکاں نوں بچاؤن لئی ، خُدا نے ایس دُنیا دے سارے لوکاں وچ اپنے یہوواہ ناں نوں مشہور ہون دی اجازت دینی چاہی ۔ ”مَیں جیہوواہ ہاں۔ مَیں یہوواؔہ ہاں۔ مَیں جیہڑا ہیگاواں سو مَیں ہیگا واں ، اوہ جیہڑا آپ اپنا وجود رکھدا اے ۔“ ایسے طرح خُدا نے اپنے آپ دی پچھان کران دی اجازت دینی چاہی۔

خُدا اوہ جیہڑا آپ اپنا وجود رکھدا اے ، ” ابرہام ، اضحاق تے یعقوب دا خُدا اے ۔ “ اوہ ایتھوں تیک پئی بوہت پُرانیاں زمانیاں توں پہلوں زندہ رہ چُکیا اے ، ایتھوں تیک پئی ہر شے دے شروع ہون توں پہلوں ۔ دوجے اکھراں وچ ، خُدا زندہ رہندا تے ہمیش لئی وجود رکھدا اے ۔خُدا اجازت دے چُکیا سی پئی اسرائیل دے لوک ، ابرہام دی پیڑھی ، ۴۳۰ ورہیاں لئی مصر وچ قیدی بنے تے اوہدوں اوہنے وعدہ کیتا سی اوہ اوہناں نوں قید توں چھڈائے گا تے کنعان دی تھاں اُتے اوہناں نوں لَے جائے گا ۔ بالکل جویں اوہنے وعدہ کیتا سی ، یہوواہ خُدا ۴۳۰ ورہیاں بعد ظاہرہویا، تے موسیٰ نوں اسرائیل دے لوکاں نوں فرعون دیاں کُٹاں ماراں توں چھڈاؤن دا حکم دتا ۔ ” مَیں یہوواؔہ ہاں۔ مَیں جیہڑا ہیگاواں سو مَیں ہیگا واں،تہاڈا خُدا ۔ میرے لوکاں نوں جان دے ۔ “ اپنے لوکاں دےلئی ، اوہنے اپنے آپ نوں موسیٰ دے اگے ظاہر کیتا ، تے فرعون نوں حکم دتا پئی اوہ اوہدے لوکاں نوں جان د ی اجازت دیوے ، ایس لئی پئی یہوواہ خُدا اسرائیل دے لوکاں دے دکھاں نوں جان دا سی ۔ ایس لئی پئی اوہنوں پتہ سی پئی اوہدے لوک اپنے دکھاں ہیٹھ روہندے پئے سن ، خُدا نے فرمایا پئی اوہ اوہناں نوں اوہناں دی قید وچوں چھڈائے گا ۔

ابرہام نال اپنا وعدہ کرن دے ۴۳۰ورہیاں بعد ، خُدااسرائیل دے لوکاں دے کول آیا تے اوہناں اُتے اپنے آپ نوں ظاہر کیتا ۔ ” مَیں یہوواؔہ ہاں۔ مَیں خُدا ہاں ۔ مَیں وعدے نوں پورا کرن لئی آگیا ہاں جیہڑا مَیں ابرہام ، تہاڈے باپ نال کیتا سی ، پئی مَیں اوہدی اولاد نوں مصر وچوں کڈ ھ کے کنعان دی دھرتی اُتے لَے جاواں گا ۔ تے مَیں تہاڈیاں دکھاں نوں وی جان دا ہاں ۔ ہُن فرعون کو ل جا تے اوہنوں ایس طرح آکھ ۔ اِنج یہوواہ خُدا نے فرمایا ۔

سانوں لازمی سوچنا چاہی دا اے پئی خُدا اصل وچ ابرہامؔ،اضحاقؔ تےیعقوبؔ داخُدااے۔ خُدا ساڈا اپنا ، تہاڈا تے میرا وی خُدا اے ۔ فیر ، اوہدا ناں کیہ اے ؟ اوہدا ناں یہوواہ اے ، مطلب اوہ جیہڑا اپنا آپ وجود رکھدا اے ۔ خُدا ایتھوں تیک پئی جگ نوں بناؤن توں پہلوں وجود رکھدا اے ، جویں اوہ جیہڑا اپنے آپ وجود رکھدا اے ، جِہدا وجود کسے دوجے کولوں نئیں لیا گیا ، سگوں اپنے آپ دے سبب نال۔

سانوں لازمی خُدا دے ناں دا مطلب سمجھنا چاہی دا اے

ایہہ بوہت ضروری اے پئی اسیں جانیے تے ایمان رکھیے پئی خُدا اصل وچ اوہ اے جیہڑا اپنے آپ وجود رکھدا اے ، اک اوہ جیہڑا سانوں بنا چُکیا اے ، جیہڑا ساڈے اُتے راج کردا اے تے جیہڑا سانوں ساڈے پاپاں توں بچا چُکیا اے ۔ سانوں یہوواہ خُدا اُتے ساڈے حتمی خُدا وانگر لازمی ایمان رکھنا چاہی دا اے ، ایس لئی پئی ایس یہوواہ خُدا نے اصل وچ سارے جگ نوں بنایا تے ایتھوں تیک پئی حالے وی وجود رکھدا اے ۔

اسرائیل دے لوکاں وانگر ، تسیں تے مَیں وی خُدا اُتے ایمان رکھدے آں ، تے اوہدے اگے اوہدے حکم پا چُکے آں ۔ باکل جویں اسرائیل دے لوک ساری شریعت اُتے چلن وچ ناکام ہو گئے سن ، اسیں وی شریعت دے راہیں زندہ رہن وچ ناکام ہو گئے آں ۔ ایسے طرح ، خُدا دے اگے ساڈےپاپاں دے سبب ، اسیں وی ایس قِسم دے بندے ساں جیہڑے بچ نئیں سکدے ساں سگوں پاپ دی خطرناک سزا دا نشانہ ساں ۔ دوجے اکھراں وچ ، ساڈے پاپاں دے سبب، اسیں اصل وچ اپنے پاپاں لئی اوہدے سببوں لعنتی ہون توں بچ نئیں سکدے ساں ۔

ایس لئی ساڈے وچوں ہر کسے نوں اپنے پاپاں لئی خُدا دے اگے فدیہ لئی اک کفارہ دینا چاہی دا اے ۔ اپنے پاپاں توں مکتی یافتہ ہون لئی ، سانوں اپنے ایمان نال ، ساڈ ی اپنی زندگی دے برابر فدیہ دا مُل خُدا باپ نوں دینا سی ۔ سانوں اصل وچ اوہدے کھرے انصاف نوں اطمینان وچ کرن دے سلسلے وچ تے خُدا دی رحم پسند محبت نوں ظاہر کرن لئی اپنی سَکی زندگی دے برابر قربانی دینی سی ۔ صرف ساڈے پاپاں لئی اصل فدیہ نوں دین دے سببوں خُدا تے سارے لوکاں وچکار میل جول ہو سکدا سی ۔ ایہہ صرف ایمان دے سببوں اے پئی اسیں اپنے سارے پاپاں تے سزا توں چھُٹ سکدے آں ۔

ایس لئی پئی بِنا شک ایہہ صورتِ حال اے ، جد کدی اسیں خُدا دے اگے جاندے آں ، سانوں پاپاں دے سببوں جیہڑے اسیں اوہدے اگے کیتے نیں مننا سی ، پئی اسیں بچ نئیں سکدے سگوں ایہناں پاپاں دی عدالت سہنی تے سزا پاؤنی سی ۔ جد اسیں خُدا اُتے اپنے مکتی داتا وانگر ایمان رکھدے آں ، سانوں اصل وچ لازمی پچھاننا تے مننا چاہی دا اے پئی اسیں اپنے پاپاں دے سببوں دوزخ دے حقدار آں تے مسیحا اُتے ایمان رکھدے آں ، جیہڑا ساڈے پاپاں دا مُل اُتار چُکیا اے تے ساڈے خاص مکتی داتا وانگر پاپ دی سزا توں سانوں چھڈا چُکیا اے ۔ جد اسیں خُدا دے اگے جاندے آں ، سانوں لازمی یِسُوعؔ مسیح دے بپتسمے تے لہو اُتے ایمان رکھنا چاہی دا اے ۔ ساڈے پاپاں دی قربانی ، یعنی مسیحا وانگر اوس اُتے ایمان رکھنا ، تے ایسے طرح اوہنوں پچھاننا چاہی دا اے ۔ سانوں لازمی مننا چاہی دا اے پئی اسیں سارے اوہدے حکماں نوں منن وچ ساڈی ناکامی دے سبب خُدا دے اگے پاپی بن گئے آں تے سانوں لازمی ایمان رکھنا چاہی دا اے پئی یِسُوعؔ مسیح مسیحا سانوں ساڈے پاپاں توں چھڈا چُکیا اے ۔

سانوں لازمی پچھاننا چاہی دا اے اسیں بچ نئیں سکدے ساں سگوں خُدا دی پاپ دی سزا دے حقدارساں ۔ اِنج اپنی بدکاری نوں منن دے سبب ، اسیں پاپ توں معافی دی برکت نوں پاؤن دے حقدار بن گئے جیہڑی خُدا سانوں دے چُکیا اے تے اسیں اپنے ایمان د ی نیہ بناؤن دے لائق ساں جیہڑی خُدا دے رحم نوں اکٹھیاں کر سکدی اے تے اوہدی پاپ توں معافی نوں پا سکدی اے ۔

سانوں اپنے سَکے پُتر بناؤن لئی ، خُدا نے سانوں اپنے آپ دی شکل وانگر بنایا ،پر اوہنے سانوں کمزوریاں وچ پیدا ہون دی اجازت دتی ۔ آدم دی اولاد ہوندیاں ہویاں اسیں سارے پاپیاں وانگر پیدا ہوئےآں ، پرسانوں اپنے پُتر بناؤنا ایہہ خُدا دی گہری عاقبت اندیشی اے ۔

اسیں ایہو جیہے بندے ساں جیہڑے بچ نئیں سکدے ساں سگوں اپنے پاپاں دی سزا پا سکدے ساں ، پر اپنی خوشی پوری کرن لئی خُدا نے ساڈے کول اپنے اِکلے پُتر نوں گھلیا تے سانوں ساڈے سارے پاپاں توں معاف کرچُکیا اے ۔ یِسُوعؔ خُدادے پُتر ، نے اپنابپتسمہ لیا تے خُدا دے منصوبے نوں من دیاں ہویاں سولی اُتے مرگیا ۔ ایس لئی یہوواہ خُدا ساڈے وچوں اوہناں نوں نویں زندگی دے چُکیا اے جیہڑے ایمان رکھدے نیں پئی جگ دے سارے پاپ یوحنا دے راہیں اوہدے بپتسمے نال اوہدے پُتر اُتے لد دتے گئے سن ، یعنی اوہنے سانوں سولی اُتے اپنے لہو نال ساڈے سارے پاپاں توں بچا لیا تے پئی ایس طرحاں اوہنے ساڈے پاپاں دی ساری سزا نوں جریا ۔

یِسُوعؔ د ابپتسمہ تے اوہدا لہو کفارے دی قربانی سن جیہڑے ، جد اسیں ایمان رکھدے آں ، نویں زندگی پاؤن لئی ،ساڈےسارے پاپاں توں مکتی یافتہ ہون لئی ، تے خُدا دے پُتر بنن لئی سانوں اجازت دین توں چوکھے سن ۔ سانوں لازمی ایمان رکھن دے سببوں اپنے سارے پاپاں توں مکتی یافتہ ہونا چاہی دا اے تے ساڈے اسمانی ، ارغوانی تے لال دھاگے تے مہین وٹے ہوئے کتان اُتے ایمان رکھن نال ، سانوں لازمی ایمان دی اوہ قِسم رکھنی چاہی دی اے جیہڑ ی سانوں خُدا دے پُتر بنن لئی اجازت دیندی اے ۔ اصل وچ ، ایہہ حتمی سچ اےپئی صرف اوہ جیہڑے اِنج دا ایمان رکھدے نیں بِناشک خُدا دے اپنے لوک بن سکدے نیں ۔

ایس دُنیا دے دیناں دیاں ساریاں خُدائی طاقتاں صرف لوکاں دیاں اپنیاں بنائیاں ہویاں مخلوقاں نیں

یہوواہ خُدا ،یِسُوعؔ مسیح،تے پا ک روح توں ہٹ کے ، ساریاں دوجیاں طاقتاں لوکاں دے خود آپ بناؤن دے سببوں صرف دُنیاوی طاقتاں نیں ۔ خُدا توں سوا ، ایس دُنیا وچ کوئی شے نئیں ہیگی جیہڑی آپ ای اپنا وجود رکھدی اے ۔ ایس لئی یہوواہ خُدا نے فرمایا ۔ ، ”مَیں جیہڑا ہیگا واں سو مَیں ہیگا واں ۔ “

اصل وچ ، کیہ کوئی ہیگا اے جیہڑ اپنے آپ وجود رکھدا اے ؟ بُدھا اپنی ماں دی کُکھوں جمیا سی ، تے اِنج ای اوہ صرف خُدا دا بنایا ہویا اے ۔ ایسے طرح کنفیوشس اے ، تے اِنج ای محّمد اے ۔ ایس لئی پئی اوہ سارے اپنے ماپیاں توں جمے سن ، تے ایس لئی صرف خُدا دے بنائے ہوئے لوک نیں ۔ بُدھا دے بُت جیہڑے اوہدے چیلے ڈھال یا کھڑ چُکے نیں صرف بندے دیاں، پتھراں یاں دھاتاں نال بنائیاں ہویاں شیواں نیں جیہڑیاں خُدا نے آپ پیدا کیتیاں سن ۔ ہر شے سورج توں لَے کے چن ، تارے ، پانی ، وَا تے جگ دیاں کہکشاواں ،ساریاں خُدا نے بنائیاں سن ۔ ایس دُنیا وچ کجھ نئیں ہیگا اے جیہڑا خُدا نے نئیں بنایاسی ۔ ایتھوں تیک پئی فرشتے ، روحانی لوک ، سارے خُدا دے راہیں بنائے گئے سن ۔

صرف ابرہامؔ،اضحاقؔ تےیعقوبؔ داخُدا، جِہدے اُتے اسیں ایمان رکھدے آں یہوواہ خُدا اے، اوہ جیہڑا آپ وجود رکھدا اے ۔ یہوواہ خُداکسے دوجے دے ہتھوں نئیں بنایا گیا سی ۔ صرف اوہ آپ اپنا وجود رکھدا اے ، صرف اوہ سارے جگ نوں بناؤن والا اے تے صرف اوہ اکلا اے جنہے تہانوں تے مینوں بنایا ۔ صرف ایہہ یہوواہ خُداسانوں ساڈے پاپاں توں بچاؤن لئی تے سانوں اپنے خاص لوک بناؤن لئی اپنے دل وچ ارادہ بنا چُکیا اے ۔

ایہدا سبب ایہہ ہیگا اے پئی خُدا اِنج ارادہ بنا چُکیا اے جنہے سانوں ایس دُنیا وچ پیدا ہون دے لائق بنایا جد پئی روندیاں تے سکھنے ہتھ واپس مُڑدے ہویاں ، تے ایہہ ایس منصوبے دے سببوں اے پئی اوہ سانوں ایس دُنیا وچ دکھ جرن دی اجازت دے چُکیا اے ، تاں پئی اسیں بچ نہ سکیے سگوں خُدا نوں لبھیے تے اوہنوں مِلیے ۔

جد اسیں آکھدے آں پئی اسیں خُدا اُتے ایمان رکھدے آں ، سانوں لازمی حقیقت نوں مننا چاہی دا اے پئی اسیں مخلوق دی اوہ قِسم آں جیہڑے اپنے پاپاں دے سببوں تے خُدا دے حکماں نوں قیم رہن لئی ساڈی ناکامی دے سببوں ، بچ نئیں سکدے سگوں خُدا دے اگے موت ، دوزخ تے خطرناک دکھاں نوں جردے آں ۔ ساڈا یِسُوعؔ مسیح یعنی مسیحا اُتے ساڈے مکتی داتا وانگر ایمان رکھن توں پہلوں ، سانوں لازمی پہلوں اپنے آپ نوں پاپیاں وانگر پچھاننا چاہی دا اے جیہڑے بچ نئیں سکدے سگوں پاپ دی خطرناک سزا نوں جر سکدےآں تے دوزخ وچ سُٹے جا سکدے آں ۔

یہوواہ خُدا ساراکجھ جانن والا تےاپنی مرضی دا مالک اے

صرف خُدا سارا کجھ جانن والاتےاپنی مرضی دا مالک اے ۔ خُدا جنہے اصل وچ سانوں بنایا دُنیا اُتے

راج کردا اے ۔ ایہنوں پچھانن دے بعد ، سانوں فیر لازمی خُدا دے اگے مننا چاہی دا اے پئی صرف اسیں اصل وچ کیہڑی قِسم دے پاپی آں—یعنی ،سانوں لازمی مننا چاہی دا اے پئی ساڈے پاپاں دے سبب ، اسیں بچ نئیں سکدے سگوں خُدا دے خطرناک غصے دے حقدار ہو سکدے آں ۔ تے سانوں لازمی سچیائی اُتے ایمان رکھناچاہی دا اے پئی خُدا دے لیلے اُتے ایمان رکھن دے راہیں جیہڑا سانوں ساڈے پاپاں توں چھڈاؤن لئی آیا ، تے ساڈے سارے پاپ اوہدے سِر اُتے ساڈے ہتھاں دےرکھے جان دے راہیں ایس قربانی دے لیلے اُتے لدے جان نال ،ساڈے پاپ دے سارے مسئلے حل ہو گئے نیں ۔ ایہہ اسیں آں جنہاں نوں لازمی اصل وچ سزا جرنی تے اپنے پاپاں لئی مرنا چاہی دا اے ، پر ایس لئی پئی ایس قربانی دے لیلے نے اپنے بپتسمے نال ساڈے سارےپاپ چُک لَے ،ساڈے پاپ دھوئے جا سکدے نیں ۔ سانوں لازمی ایس سچیائی اُتے ایمان رکھناچاہی دا اے ۔ سانوں لازمی پچھاننا چاہی دا اے پئی ایس قربانی دے لیلےدے راہیں ، خُدا اپنی مرضی دے مالک ، جیہدے لئی کجھ اوکھا نئیں ہیگا ، اسیں جیہڑے بچ نئیں سکدے ساں سگوں دوزخ دے حقدار ساں ،بِنا شک سانوں ساڈے سارے پاپاں توں بچا چُکیا اے ۔ لوک جیہڑے اِنج دا ایمان رکھدے نیں یِسُوعؔ مسیح مسیحا دے سچے ایماندار نیں ۔

اصل وچ ، مسیح اُتے بے تُکا ایمان رکھنا غلط اے ۔ جد اسیں آکھدے آں اسیں خُدا اُتے ایمان رکھدے آں ، ساڈا ایمان لازمی پاک کتاب دی نیہ اُتے قیم کیتا جانا چاہی دا اے ۔ تے سانوں سچیائی دے کلام اُتے سچیائی دی بالکل پہلی تے تگڑی نیہ رکھنی چاہی دی اے ، جِنہے فرمایا ، ” مَیں جیہڑاہیگاواں سومَیں ہیگاواں۔مَیں یہوواہ ہاں۔“

اسرائیل دے لوک شریعت اُتے چلن وچ ناکام ہو گئے جیہدے اُتے چلن بارے خُدا اوہناں نوں حکم دے چُکیا سی ۔ حکم جیہڑے خُدا نے اسرائیلیاں نوں دتے سن ساڈے وچوں اوہناں نوں وی دتے گئے سن جیہڑے اَج دے زمانے وچ رہندے پئے آں ۔ جے تسیں اصل وچ خُدا اُتے ایمان رکھنا چاؤہندے او ، تے جے تسیں سچ مُچ اپنے ایمان نال ابرہام دے پُتر بننا چاؤہندے او ، تہانوں لازمی پچھاننا چاہی دا اے پئی خُدا صرف ۶۱۳ حکم اسرائیلیا ں نوں نئیں ، سگوں سانوں وی ،ایس دُنیا وچ ہر کسے نوں تے سارے جگ نوں دے چُکیا اے ۔ تے سانوں لازمی اصل وچ پچھاننا چاہی دا اے پئی اسیں وی اسرائیلیاں وانگر ، حکماں اُتے چلن وچ ناکام ہو گئے آں ، تے ایس طرح اسیں موت دے حقدار آں ، کیوں جو، ” گُناہ دی مزدُوری مَوت اے “(رومیوں ۶:۲۳)۔

سانوں لازمی ایمان رکھنا چاہی دا اے پئی خُدا ساڈے پاپاں نوں اسمانی، ارغوانی، تےلال دھاگےدی سچیائی نال معاف کر چُکیا اے ۔ اِنج کرن لئی ، سانوں لازمی مکتی دی سچیائی نوں لبھن واسطے جانا چاہی دا اے ، جِہدے راہیں ساڈا خُداوند سانوں ساڈے پاپاں توں تے ساڈے پاپاں دی سزاتوں چھُڈا چُکیا اے ۔

خُدا دے ڈاہڈیاں حکماں اُتے چلن توں ناکام ہون دے باوجود ، جے اسیں نئیں سوچدے پئی اسیں ڈاہڈے پاپی آں تے جے اسیں نئیں من دے پئی اسیں اپنے پاپاں دی سزا پاؤن دے حقدار آں ، فیر اسیں کدی وی مسیحا اُتے ایمان رکھن دے لائق نئیں ہوواں گے ۔ جے لوکاں نیں ایمان رکھنا سی پئی اوہ اسمان اُتے جان گے بھاویں اوہ پاپی رہندے نیں ، جد ، اصل وچ ، خُدا پہلوں ای اوہناں دے پاپ عدالت دی کتاب وچ لکھ چُکیا اے ، فیر اوہ اپنے طریقے نال خُدا دی شریعت نوں بدلدیاں ہویاں ، خُدا دے ناں نوں بے فائدہ لین دا پاپ کرن گے ۔ ایہو جیہے لوک کدی وی اوہناں پاپاں توں مکتی یافتہ ہون دے لائق نئیں ہون گے ۔ اوہ اپنے پاپاں لئی ہمیش لئی سزا پاؤن گے تے دوزخ دی سزا پا کے لعنتی بنن گے ، ایس گل توں ہٹ کے بھاویں اوہ خُدا اُتے ایمان رکھدے نیں یا نئیں ، اوہ خُدا نوں نئیں پچھان دے ۔ ایہناں لوکاں نوں لازمی چھیتی نال توبہ کرنی چاہی دی اے تے اپنی بےایمانی ولوں مُڑنا چاہی دا اے ۔

ایتھوں تیک پئی ایس ویلے وی خُداساڈ ے دلاں وچ اے ، تے ایہناں ساریاں خلاواں وچ اپنا وجود رکھدا اے ۔ تے اوہ ساڈے بارے ہر شے نوں جان دا اے ۔

بھاویں خُدا زندہ اے ، لوک ہیگے نیں جیہڑے اوس اُتے ایمان نئیں رکھدے ،کئی بھاویں اوہدے اُتےتوہمت لاؤندے نیں ۔ پر سانوں ساریاں نوں اپنےپاپاں لئی قربانی دے لیلے دی ضرورت اے ۔ ایس لئی خُدا نے خیمۂ اِجتماع دی سوختنی قربانی دی قربانگا ہ اُتےاوہناں دے قربانی دے پشُو نال اسرائیلیاں نوں فدیہ دی قربانی دین دے لائق بنایا ، یعنی مکتی دے طریقے وانگر جیہڑا خُدا نے مقرر کیتا سی ۔

خُدا بِنا شک اوہ اے جیہڑا آپ وجود رکھدا اے ۔ اوہ اکو اے جیہڑا پہلوں سی تے ہُن اے ۔ اوہ خُدا اے جیہڑا زندہ رہیا ، ظاہر ہویا تے ساڈے ایمان دے پیو دادیاں نال بوہت پہلوں اوس کلام کیتا ، اکو اوہ جیہڑا زندہ رہندا اے ، ظاہر ہوندا اے ، تے ہُن ساڈے نال کلام کردا اے ، اوہ جیہڑا ساڈے وچکار کم کردا اے ، ساڈی اگوائی کردا اے تے ساڈی زندگیاں اتے راج کردا اے ۔

سچ جیہڑا سانوں لازمی نئیں بھُلنا چاہی دا

بھاویں اسیں مکتی یافتہ ہوگئے آں ، اک خاص شے سانوں لازمی کدی وی نئیں بھُلنی چاہی دی ۔اوہ ایہہ ہیگی اے پئی بھاویں اسیں بچ نئیں سکدے ساں سگوں ہمیش لئی سزا پا سکدے ساں ، اوہدے بپتسمے نال تے سولی اُتے اوہدا لہو وگاؤن دے راہیں، ساڈا خُداوند سانوں ساڈے پاپاں دی ساری ایہو جیہی عدالت توں چھڈا چُکیا اے ۔اصل وچ ، اوس دن تیک جد اسیں خُداوند اگے کھلوواں گے ، سانوں لازمی کدی ایہہ سچیائی نئیں بھُلنی چاہی دی تے سدا ساڈے دلاں وچ ایس اُتے ایمان رکھنا چاہی دا اے ۔سانوں لازمی ایس اُتےایمان رکھنا چاہی دا اے بھاویں جد اسیں خُدا دی وڈیائی کردے ہویاں اسمانی بادشاہی وچ آں ۔ سانوں لازمی اپنے آپ نوں اجازت دین لئی ، بالکل اوہ لوک جیہڑے بچ نئیں سکدے سن سگوں اپنے پاپاں لئی ہمیش لئی لعنتی ہوسکدے تے سزا پا سکدے سن ،ساڈے خُداونداُتے مکتی داتا وانگر ایمان رکھن لئی تے سانوں ہمیش دی زندگی دین لئی خُدا دا شکر ادا کرنا چاہی دا اے ۔

سانوں لازمی سدا پانی تے روح دی خوشخبری نوں پچھاننا چاہی دا اے ۔ کیہ ہوئے گا جے اسیں نئیں من دے پئی اسیں اپنے پاپاں دے سبب ہمیش لئی سزا پاؤن دے حقدار ہیگے آں ؟ ساڈے لئی خُدا دی وڈیائی کرن لئی کوئی سبب نئیں ہوئے گا ۔ خُدا سچ مُچ سانوں بچا چُکیا اے ، فنا ہون والے لوک جیہڑے بچ نئیں سکدے سن سگوں ساڈے پاپاں دے سبب سداسزاپا سکدے سن ۔ ایس ایس لئی سانوں لازمی ایمان رکھناتے خُداوند دی بھگتی کرنی چاہی دی اے —ایس لئی پئی ساڈے خُداوندنے اپنا بپتسمہ لیا تے ساڈے بدلے اپنا لہو وگایا ۔ ایس لئی تہانوں، وی لازمی ایمان رکھناچاہی دا اے ،تے ایس لئی سانوں ساریاں نوں لازمی پانی تے روح دی خوشخبری دی منادی کرنی چاہی دی اے ۔ اوہ جیہڑے بپتسمے اُتے ایمان رکھدے نیں جیہڑا یِسُوعؔ نے لیا تے لہو اُتے جنہوں اوہنے اوہناں دے پاپاں لئی وگایا اوہناں دے دل نیں جیہڑے خُدا دی وڈیائی کردے نیں ۔ ایس لئی پئی خُدا نے اوہناں نوں اوہناں دے پاپاں تے موت توں بچایا اے ، اوہ اپنے ایمان نال ہر روز اوہدی بھگتی کردے نیں ۔

مسئلہ ایہہ ہیگا اے پئی کئی لوکاں یِسُوعؔ نوں غلط سمجھیا اے ۔ اوہناں دا اوہدےبارے علم اکو پاسے دا تے ادھا خالی اے ۔ اوہ ایس قِسم دے لوک نیں جنہاں دے من گندے ہوگئے نیں ، جیہڑے ایتھوں تیک پئی نئیں سوچدے پئی اوہ پاپ کردے پئے نیں جد، اصل وچ، اوہ بِنا شک سارے پاپاں دیاں قِسماں وچ پھسے ہوئے نیں ۔ اوہ جیہڑے پاپ کردے نیں تے ایہنوں پاپ وانگر بھاویں حالے تیک نئیں پچھان دے —ایہہ پاپیاں توں علاوہ کوئی دوجے نئیں ہیگے ۔

بھاویں اسیں اصل وچ ماڑے لوک آں جیہڑے بچ نئیں سکدے سگوں پاپ کردے آں ، سانوں لازمی اپنے پاپاں دا اقرار کرنا چاہی دا اے جیہڑے اسیں ہر ویلے کردے آں، تے سانوں لازمی اپنے خُداوند دے بپتسمے تے سولی اُتے اوہدے لہو نوں پچھاننا چاہی دا اے — یعنی، پانی تے روح دی خوشخبری۔ ایس لئی اسیں سچ مُچ من دے آں پئی اسیں نئیں ہیگے سگوں خُدا دے اگے پاپی ہو سکدے آں ۔ تے پانی تے روح دی خوشخبری اُتے سچا ایمان رکھن دے راہیں،اسیں سُکھ دا ساہ لَے سکدے آں ۔ بِنا شک پانی تے روح دی خوشخبری اُتے ایمان رکھن دے راہیں ، سانوں دلی سکون ملیا اے ۔

جد مَیں بے پاپ ہون بارے گل کردا ہاں ، ایہدا مطلب نئیں ہیگا پئی اسیں اپنے پاپاں نوں نئیں پچھاناں گے بھاویں جد اسیں سچ مُچ اوہناں نوں کردے آں ۔ ایہدا مطلب نئیں ہیگا پئی اوہ جیہڑے پانی تے روح دی خوشخبری اُتے ایمان رکھدے نیں پاپ نوں پاپ وانگر پچھانن دی ضرورت نئیں رکھدے ۔ بھاویں اسیں اصل وچ اپنے سارے پاپاں توں چھڈائے گئے آں ، اسیں فیر وی پاپاں نوں پچھان دے آں جیہڑے اسیں کردے آں یعنی اوہ کیہ نیں — اپنے پاپاں وانگر ۔ سانوں کیہ لازمی کدی نئیں بھُلنا چاہی دا ایہہ پئی بھاویں اسیں بچ نئیں سکدے ساں سگوں ساڈے پاپاں دے سبب ہمیش دی سزا پا سکدے ساں ، ساڈا خُداوند اپنے بپتسمے، سولی اُتے اپنے لہو ، تے اپنے جی اُٹھن نال سانوں ساڈے سارے پاپاں تے پاپ دی سزا توں بچا چُکیا اے ۔ سانوں لازمی کدی وی ، سدا نئیں بھُلنا چاہی دا پئی ساڈا خُداوند سانوں اسمانی ، ارغوانی ،تے لال دھاگے نال بچا چُکیا اے ، سگوں اوس اُتے ایمان رکھنا چاہی دا تے ایس لئی اوہدی وڈیائی کرنی چاہی دی اے ۔ سانوں لازمی یاد رکھنا چاہی دا اے اسیں پہلوں کِنج ساں ۔ یا درکھو پئی اسیں پہلوں ایہو جیہے وچارے لوک ساں جیہڑے بچ نئیں سکدے ساں سگوں اپنے پاپاں لئی ہمیش لئی سزا پا سکدے ساں ۔ تے سانوں لازمی خُدا ولوں دتی گئی پاپ دی معافی دی مکتی دی وڈیائی کرنی چاہی دی اے ، تے ہر روز اوہدے مکتی دے وڈے فضل لئی اوہدا شکر ادا کرنا چاہی دا اے ۔ ایس توں علاوہ کجھ ہور نئیں ہیگا اےایہہ ایمانداراں دا پانی تے روح دی خوشخبری اُتے ایمان اے ۔

یہوواؔہ خُدا ایتھوں تیک پئی ہُن وی زندہ اے

بالکل جویں خُداابرہامؔ، اِضحاقؔ، تے یعقوبؔ دا خُداسی ، اوہ ہُن تہاڈا تے میرا خُدا ہے ۔ ”کیوں جو خُداگڑبڑی دا نئیں سگوں امن دا بانی اے“(۱۔کرنتھیوں ۱۴:۳۳)۔اوہ اوہناں مسیحیاں دا خُدا نئیں ہیگا جیہڑا نمودو نمائش تے چمکیلے کماں والے نیں ، سگوں اوہ اوہناں دا خُدا اے جیہڑے پانی تے روح دی خوشخبری اُتے ایمان رکھدے نیں ۔ اسیں اوہ ایمان رکھدے آں جیہڑا خُدا دے کلام اُتے ایمان رکھدا اے تے اوہدا ”ہاں“ دےنال آکھا من دا اے ۔ خُداساڈا خُدااے ۔ جد اوہ اصل وچ سانوں دسدا اے ، ”تسیں دوزخ دے حقدار او،“ اسیں اوہنوں آکھدے آں ، ”آہو، تسیں ٹھیک او ۔“جد اوہ سانوں دسدا اے ، ”تسیں اپنے مرن دن تیک پاپ کردے رہوو گے، “ فیر اسیں فیر وی آکھدے آں ، ”آہو، تسیں ٹھیک او ۔“تے جد اوہ سانوں آکھدا اے ، ”پرمَیں تہانوں اصل وچ اپنے اسمانی ،ارغوانی تے لال دھاگے تے مہین وٹے ہوئے کتان نال بچا چُکیا اے ،“اسیں صرف ، اک وار فیر ، آکھ سکدے آں ، ”آہو، تسیں بالکل ٹھیک او ۔“ ایس طرح اسیں خُدا دے لوک بن گئے آں جیہڑے سدا ”ہاں “دے نال اوہدا آکھا من دے آں ۔ مَیں اوہدے فضل لئی ساڈے خُدا دا شکرادا ہاں جیہڑا سانوں پانی تے روح دی خوشخبری نال بچا چُکیا اے ۔

سانوں اپنے دلاں وچ لازمی ایمان رکھنا تے پچھاننا چاہی دا اے پئی ساڈا خُداوند بِنا شک سانوں پانی ، لہو تے روح نال ساڈے سارے پاپاں توں بچا چُکیا اے تے اِنج سانوں خُدا دی بادشاہی دے لوک بنا چُکیا اے ۔ ایمان رکھ کے خُداوند دا شکر ادا کرئیے پئی پانی تے روح دی خوشخبری مکتی دا انعام اے جیہڑا خُدا نے تہانوں دتا اے ۔

مَیں سدا خُدا دی میرے ایمان نال مینوں ہمیش لئی ،جیہڑا اصل وچ بچ نئیں سکدا ساں سگوں میرے پاپاں دے سبب دوزخ دا حقدار ساں ، پانی تے روح دی خوشخبری نال بچاؤن لئی وڈیائی کردا ہاں ۔ یاد رکھو اسیں سارے اصل وچ پِتل دے ساں—یعنی ،اسیں خُدا دی عدالت توں بچ نئیں سکدے ساں —تے ایس لئی اسیں بچ نئیں سکدے سگوں ساڈی پاپ توں مکتی لئی ، سانوں اپنے اسمانی ،ارغوانی تے لال دھاگے تے مہین وٹے ہوئے کتان نال بچاؤن لئی خُدا دی وڈیائی کردے آں ۔ تے سانوں لازمی ایہناں اسمانی ،ارغوانی تے لال دھاگے تے مہین وٹے ہوئے کتان وچ لُکے ہوئے خوشخبری دے سچ اُتے ایمان رکھ کے اوہدا شکر ادا کرنا چاہی دا اے ۔

صرف یہوواہ خُدا سارے لوکاں دا خُدااے۔ تے اوہ ساری انسانی پیِڑھی دا خُدایعنی مکتی داتا بن گیا اے ۔ سانوں ساریاں نوں لازمی یہوواہ خُدا اُتے اپنے مالک خُدا وانگر ایمان رکھنا چاہی دااے۔

বাংলা

শর্তাবলী গোপনীয়তা সংক্রান্ত নীতি Cookie Declaration আমাদের সাথে যোগাযোগ করুন