Search
বাংলা
বাংলা
কোভিড-১৯ এবং আন্তর্জাতিক ডাক পরিষেবা বিঘ্নিত হওয়ার কারণে,
আমরা সাময়িকভাবে আমাদের ‘বিনামূল্যের মুদ্রিত বইয়ের পরিষেবা’ বন্ধ রেখেছি|
এহেন পরিস্থিতিতে এই মুহুর্তে আমরা আপনাদের কাছে ডাকযোগে বই প্রেরণে অসমর্থ|
এই অতিমারীর যেন আশু সমাপন ঘটে এবং ডাক পরিষেবার পুনরাম্ভের জন্য প্রার্থনা করুন৷

শিক্ষা

مضمون 11: خیمۂ اِجتماع

[11-6] خُدا دا وعدہ جیہڑا اوہدے ختنہ دے عہد وچ قیم کیتا گیا اے حالے تیک ساڈے لئی اثر رکھدا اے < پیدا ئش۱۷:۱۔۱۴>

خُدا دا وعدہ جیہڑا اوہدے ختنہ دے عہد وچ قیم کیتا گیا اے حالے تیک ساڈے لئی اثر رکھدا اے
> پیدا ئش۱۷:۱۔۱۴<
”جد ابرام اک گھٹ سو ورہیاں دا ہویا فیر خُداوند ابرام نوں دِسیا تے اوہنوں آکھیا مَیں خُدا قُدرت والا ہاں ۔ تُوں میرے اگے چل تے کامل ہو ۔ تےمَیں اپنے تے تیرے وچکار وعدہ کراں گا تے تینوں بوہت چوکھا ودھاواں گا ۔ فیر ابرام نے سِر نوایاں تے خُدا نے اوس نال گل کر کے فرمایا ۔ پئی ویکھ میرا وعدہ تیرے نال اے تے تُوں بوہتیاں قوماں دا باپ ہوئیں گا ۔ تے تیرا ناں فیر ابرام نئیں اکھوائے گا سگوں تیرا ناں ابرہام ہوئے گا ایس لئی پئی مَیں تینوں بوہتیاں قوماں دا باپ بنا دتا اے ۔تے مَیں تینوں بوہتا پھَل لیاؤن والا کراں گا  تے قوماں تیری اولاد وچوں ہون گئیاں تے بادشا ہ تیری اولاد وچوں کھلون گے ۔ تے مَیں اپنے تے تیرے وچکار تےتیرے بعدتیری اولاد وچکار اوہناں دیاں ساریاں  پیڑھیاں لئی اپنا وعدہ جیہڑا ہمیش لئی وعدہ ہوئے گا بنھاں گا تاں پئی مَیں تیرا تے تیرے بعد تیری اولاد دا خُدا رہواں ۔تے مَیں تینوں تے تیرے بعدتیری اولادنوں کنعان دا سارا ملک جیہدے وچ تُوں پردیسی ایں اِنج دیواں گا پئی اوہ ہمیش دی مالکی ہوجائے ۔ تے مَیں اوہناں دا خُدا ہوواں گا ۔فیر خُدا نے ابرہام نوں آکھیا پئی تُوں میرے وعدہ نوں منیں تے تیرے بعدتیری اولادپیِڑھیوں پیِڑھی اوہنوں منے ۔ تے میرا وعدہ جیہڑامیرے تے تیرے  وچکار تے تیرے بعدتیری اولادوچکاراےتے جنہوں تُسیں منو گے سوایہہ ہیگا اے پئی تہاڈے وچوں ہر اک مُنڈے دا ختنہ کیتا جائے ۔ تے تُسیں اپنے بدن دی کھلڑی دا ختنہ کیتا کرنا ۔ تے ایہہ اوس وعدے دا نشان ہوئے گا جیہڑا میرے تے تہاڈے وچکار اے۔ تہاڈے وچوں پیِڑھیوں پیِڑھی ہر مُنڈے دا ختنہ جد اوہ اَٹھاں دناں دا ہو ئےکیتاجائے ۔ بھاویں او ہ گھر وچ جمے بھاویں اوہنوں کسے پردیسی کولوں مُل لیا ہوئے جیہڑا تیری اولاد وچوں نئیں ۔ ضروری اے پئی تیرے نوکر تے تیرے مُل لَئے ہوئے دا ختنہ کیتا جائے تے میرا وعدہ تہاڈے بدن وچ ہمیش دا وعدہ ہوئے گا ۔ تے اوہ مُنڈا جیہدا ختنہ نا ہویا ہوئے اپنیاں لوکاں وچوں وکھ کیتا جائے ایس لئی پئی اوہنے میرا وعدہ توڑیا ۔“
 
 
پیدائش دی کتاب دے ستارہویں باب وچ ، ختنے دا وعدہ جیہڑا خُدا نے ابرہام نال بنھیا سانوں رُوحانی  ختنہ وکھاؤندا اے جیہدے راہیں خیمۂ اجتماع وچ اوہناں دے قربانی دے    لیلے دے سِر اُتے اوہناں دے ہتھاں نوں رکھن نال تے ایس طرح اوہناں دے پاپ ایس اُتے لدن دے راہیں اسرائیلیاں دے سارے پاپ وہڈے جاندے نیں ۔ دوجے اکھراں وچ ، وعدہ جیہڑا خُدا نے ابرہام نال بنھیا پاپ دی قربانی تے سوختنی قربانی دی ویلے توں پہلوں بشارت سی ۔ وعدہ جیہڑا خُدا نے ختنے نال ابرہام نال کیتا ، پئی اوہ اوہدا تے اوہدی اولاد دا خُدا ہوئے گا ، خیمۂ اجتماع ولوں ، پیشین گوئی کیتی گئی سی ، پئی ابرہام دی اولاد نوں اوہدے سِر اُتے اپنے ہتھاں نوں رکھن دے راہیں اپنے قربانی دے    لیلے اُتے اپنے پاپاں نوں لدنا سی ۔ سانوں لازمی احساس کرنا تے یقین رکھنا چاہی دا اے پئی ایس توں ودھ کے ، ایہہ سانوں وکھاؤندا اے پئی نویں عہد دے زمانے وچ یِسُوعؔ یوحنا کولوں لَئے گئے اپنے بپتسمے نال جگ دے سارے پاپاں نوں چُکے گا ۔
خُدا نے ابرہام نال وعدہ کیتا ،”ہُن اسمان ول دھیان کر تے جے تُوں تاریاں نوں گِن سکدا ایں تاں گِن ۔ ۔ ۔ تے اوہنوں آکھیا پئی تیری اولاد اِنج ای ہوئے گی ۔“(پیدائش ۱۵: ۵)۔ابرہام دے اگے فیر ظاہر ہوندیاں ہویاں ، خُدا نے اک واری فیر وعدہ کیتا ، ” تے مَیں تینوں بوہتا پھَل لیاؤن والا کراں گا تے قوماں تیری اولاد وچوں ہون گئیاں تے بادشا ہ تیری اولاد وچوں کھلون گے ۔تے مَیں اپنے  تے تیرے وچکار تےتیرے بعدتیری اولاد وچکار اوہناں دیاں ساریاں  پیڑھیاں لئی اپنا وعدہ جیہڑا ہمیش لئی وعدہ ہوئے گا بنھاں گا تاں پئی مَیں تیرا تے تیرے بعد تیری اولاد دا خُدا رہواں ۔ “ (پیدائش ۱۷ : ۶ ۔ ۷)۔
وعدہ جیہڑا خُدا نے ابرہام تے اوہدی اولاد نال کیتا ختنے دے راہیں مِلیا ۔ ایہہ ختنہ ہتھاں دے رکھے جان نال رَلد مِلدا سی جیہڑا کیتا جائے گا جد اسرائیلیاں نے خُدا دے اگے اپنی قربانی دا پشُو چڑھاؤنا سی ۔ ایہہ سانوں ایہہ وی پیشن گوئی کردا اے ، نویں عہد نامے دے زمانے وچ ، یِسُوعؔ نے پاپ دی معافی یوحنا کولوں لَئے گئے اپنے بپتسمے نال جگ دے پاپاں نوں چُکن دے راہیں پوری کیتی ۔ سانوں لازمی احساس کرنا تے ایمان رکھنا چاہی دا اے پئی پُرانے عہد نامے وچ خُدا ولوں ابرہام نال کیتا گیا وعدہ نویں عہد نامے وچ یِسُوعؔ دے بپتسمے ولوں پورے کیتے گئے پاپ نوں دھون دے رُوحانی ختنے دے راہیں ظاہر کیتا گیا اے ۔ ایس توں ودھ کے ، تے ایہہ سانوں دسدا اے پئی ابرہام دا ایمان اسرائیلیاں لئی وی ضروری سی جد اوہ خیمۂ اجتماع وچ قربانی دا پشُو دیندے سن ۔
خُدا نے ابرہام نوں  آکھیا ، ” تے تُسیں اپنے بدن دی کھلڑی دا ختنہ کیتا کرنا ۔ تے ایہہ اوس وعدے دا نشان ہوئے گا جیہڑا میرے تے تہاڈے وچکار اے۔ تہاڈے وچوں پیِڑھیوں پیِڑھی ہر مُنڈے دا ختنہ جد اوہ اَٹھاں دناں دا ہو ئےکیتاجائے ۔ بھاویں او ہ گھر وچ جمے بھاویں اوہنوں کسے پردیسی کولوں مُل لیا ہوئے جیہڑا تیری اولاد وچوں نئیں ۔ “ (پیدائش  ۱۷ : ۱۱۔ ۱۲)۔دوجے اکھراں وچ ، خُدا نے ابرہام تے اوہدی اولاد نال  ختنے دے راہیں اپنا وعدہ کیتا ۔ اوہنے وعدہ کیتا پئی اوہ ابرہام دا خُدا تے اوہدی اولاد دا خُدا ہوئے گا ،پر ایہدے بدلے ، ابرہام تےاوہدی اولاد نوں ختنہ کروانا سی: ” ضروری اے پئی تیرے نوکر تے تیرے مُل لَئے ہوئے دا ختنہ کیتا جائے تے میرا وعدہ تہاڈے بدن وچ ہمیش دا وعدہ ہوئے گا ۔ “(پیدائش  ۱۷ : ۱۳)۔
ایہہ ہے کیوں جگ دیاں ساریاں لوکاں وچوں ،صرف اسرائیلی بندے ابرہام دے دناں توں اپنیاں بدناں دیاں کھلڑیاں وہڈدے سن ۔ اج کل ، ختنہ ایہدے صحتی فائدیاں دے سببوں بوہت چوکھا عالمگیر بن گیا اے ، پر اوس ویلے ، صرف اسرائیلی بندیاں دا ختنہ کیتا جاندا سی ۔ ایہہ ابرہام نال خُدا دے وعدے دا نشان سی ، خُدا نے اوہنوں ، تے اسرائیلیاں نوں ، اوہدی اولاد نوں،اپنے بدناں وچ وعدے دا ایہہ نشان رکھن دا حکم دتا جیہڑا اوہ اوہناں نال بنھ چُکیا سی ۔
پیدائش  ۱۷: ۱۱ فرماندی اے ، ” تے تُسیں اپنے بدن دی کھلڑی دا ختنہ کیتا کرنا ۔ تے ایہہ اوس وعدے دا نشان ہوئے گا جیہڑا میرے تے تہاڈے وچکار اے۔ “سو ختنہ وعدے دا نشان سی ۔ خاص گلاں دُہران لئی ، اِنج خُدا نے اپنا وعدہ کیتا :  ”تہانوں کویں پتہ اے پئی تُسیں میرے لوک او ؟ تُسیں ایہنوں اپنے ختنے دیاں نشاناں اُتے دھیان کرن دے راہیں جان دے او ۔ ہُن توں اگانہہ، تہاڈے وچکار ہر جمے ہوئے بندے نوں اپنی کھلڑی داختنہ کروانا چاہی دا اے ۔ ایس طریقے نال ، میرا وعدہ تہاڈے بدن وچ اک ہمیش دا وعدہ ہوئے گا۔ مَیں تہاڈے  نال تہاڈاخُدا ہون تے تہاڈی اولاد دا خُدا ہون دا وعدہ کردا ہاں ۔ تے مَیں تہاڈے نال تہانوں برکت دین دا ، تہانوں پھَل دار بناؤن دا ، تہانوں کنعان دی دھرتی اُتے جان تے ایس وچ سدا لئی رہن دا تے تہانوں قوماں بناؤن تے تہاڈے وچوں بادشاہ کھلارن دا وعدہ کردا ہاں ۔“(پیدائش  ۱۷ : ۴ ۔ ۱۴)۔
خُدا نے آکھیا پئی وعدہ جیہڑا اوہنے ابرہام تے اوہدی اولاد نال بنھیا اے اوہناں دے بدناں وچ ہوئے گا ۔ دوجے اکھراں وچ ، خُدا دا وعدہ اسرائیلی بندیاں دے ختنے دے نشاناں وچ نقش کیتا گیا سی ۔ خُدا نے اوہناں دے ختنے دے راہیں اسرائیلیاں نال اپنا وعدہ کیتا، تے، ایہدے مطابق ، کیہ بندیاں دا ختنہ کیتا جاندا سی یا نئیں نال پک کیتا گیا کیہ اوہ ابرہام دی اولاد سن یا نئیں ۔ ایس لئی ، اوہ جنہاں دا ختنہ کیتا جاندا سی خُدا دے راہیں  ابرہام دی اولاد وانگر جانے جاندے تے برکت والے ہوندے سن ، جد پئی ختنے توں اڈ ایس طرح جانے نئیں جاندے سن ۔
 
 
ابرہام اصل وچ اسرائیلیاں لئی اک بوہت خاص بندہ سی
 
اسرائیلیاں لئی ، بندہ جیہڑاایتھوں تیک پئی موسیٰ ، شریعت دے باپ ، توں بوہتا خاص سی ، ابرہام ، ایمان دے باپ ، توں سوا کوئی دوجا نئیں سی ۔ بھاویں بوہت سارے اسرائیلی نیں جیہڑے نوح نوں یاد نئیں کردے ، تھوڑے ای نیں ، جے کوئی ابرہام نوں یاد کرن وچ ناکام ہوندا اے ۔ صرف اوہناں وچوں بھورا جیہے خورے سم ،سیت یا متوسلح نوں یا د کر سکدے نیں، پر ابرہام ساریاں اسرائیلیاں لئی ایمان دے نا بھلاؤن والے باپ وانگر موجود رہندا اے ۔ اوہ سارے  جان دے ، ایمان رکھدے تے اوہدی اپنی  قوم دے باپ وانگر پیروی کردے نیں ۔ ایسے طرح ، وعدہ جیہڑا خُدا نے ابرہام دے راہیں اسرائیلیاں نال کیتا حالے تیک اثر رکھدا اے ۔
اسرائیلی ایہہ ایمان رکھدیاں ہویاں اپنے آپ وچ کامل طریقے نال مطمئن نیں ، ”اسیں ابرہام دی اولاد ہاں ۔ ساڈے لوک اپنے بدن وچ ختنے دا نشان رکھدے نیں ، ایس لئی خُدا ساڈا خُدا اے تے اسیں اوہدے اپنے لوک آں ۔“سبب کیوں اسرائیلی اپنے آپ نوں چنے ہوئے لوکاں وانگر سمجھدے نیں ایہہ ہیگا اے ایس لئی پئی اوہ حالے تیک وعدے اُتے ایمان رکھدے نیں جیہڑا  خُدا  نے ابرہام  نال ختنے  دے
راہیں بنھیا سی ۔
ابرہام دیاں دو زنانیاں سن :اوہدی شریعی زنانی ساریؔ جنہوں خُدا نے بعدوں سارہ دا ناں دتا ، تے اوہدی دوجی زنانی ہاجرہ ، جیہڑی ساری دی نوکرانی رہی سی ۔ ایس لئی پئی اِنج لگیا جویں ساری ؔوچوں اوہدا کوئی بچہ نا جمے گا ، ابرہام نے ، اپنے دلی خیالاں وچ ، ہاجرہ ولوں اک بچہ  لین لئی کھوجیا(پیدائش  ۱۶ : ۱ ۔ ۴)۔پر خُدا نے واضح طریقے نال آکھیا ایس لئی پئی ساریؔ ابرہام دی شریعی زنانی سی ، ایہہ اوہدے اپنے بچے دے راہیں ہوئے گا جیہڑا اوہ ابرہام نوں اینی چوکھی اولاد وانگر جنےسارے اسمان اُتے تارے نیں دیوے گا ۔ ایس لئی پئی خُدا نے وعدہ کیتا پئی اوہ صرف اوہناں نوں جیہڑے ساریؔ دی کُکھوں جمن گے اوہناں نوں اپنے لوکاں وانگر جانے گا ، اسمٰعیل جیہڑا دوجی زنانی ہاجرہ وچوں جمیا سی ،خُدا دے اگے ایس طرح نا جانیا گیا ۔
جے اسرائیلیاں دا ختنہ نا ہوندا ، وعدہ جیہڑا خُدا نے اوہناں نال کیتا بے اثر ہوجاندا ۔ خُدا نے اوہناں نوں اپنے وعدے دے نشان وانگر ختنہ کروان لئی آکھیا تاں پئی ایہہ وعدہ اوہناں دے بدن وچ رہوے ۔ ایس طرح ، اسرائیلیاں نیں ختنہ کراؤن دا وعدہ کیتا ، ایس لئی پئی بے ختنہ ہونا خُدا دے وعدے نوں بے اثر کر دیوے گا ۔ خورے اسرائیلیاں وچکار کوئی اک وی نئیں ہیگا جیہدا ختنہ نئیں ہویا سی ، ایس لئی پئی اوہناں نوں چنگی طرح پتہ سی پئی بے ختنہ اوپریاں قوماں وانگر اے ، جیہدے نال خُدا دے وعدہ  دا کوئی تعلق نئیں ہیگا ۔
 
 

رُوحانی ختنہ

 
وعدہ جیہڑا خُدا نے ابرہام تے اوہدی اولاد نال بنھیا سارے دا سارا یِسُوعؔ مسیح دے راہیں پوری کیتی گئی پاپاں دی معافی دے راہیں پورا ہویا سی جد اوہ ایس زمین اُتے آیا تے یوحنا بپتسمہ دین والے کولوں بپتسمہ لین دے سببوں انسانی پیِڑھی دے پاپاں نوں چُک لیا ۔
خُدا نے اسرائیلیاں نوں خیمۂ اجتماع دے برانڈے دا پھاٹک تے اوہدا کجن والا پردہ اسمانی، ارغوانی تے لال دھاگے تے مہین وٹے ہوئے کتان نال اوہناں نوں اُنن دے راہیں بناؤن لئی آکھیا (خروج ۲۶ : ۳۱، ۲۷: ۱۶)۔ خیمۂ اجتماع دی ایس تفصیلی شکل دے راہیں ، خُدا سانوں یِسُوعؔ مسیح دی راہیں آؤن والی مکتی  دے بارے وچ  سکھا چُکیا اے ۔اوہ جیہڑے سچیائی اُتے ایمان رکھدے نیں پئی خُداوند ایس زمین اُتے آیا ، تیہہ ورہیاں دی عمر وچ یوحنا کولوں لَئے گئے اپنے بپتسمے نال انسانی پیِڑھی دے پاپاں نوں چُک لیا ، سولی اُتے مر گیا ، فیر مویاں وچوں جیوں اُٹھیا ، تے اِنج سانوں ساڈے ساریاں پاپاں توں معاف کر چُکیا اے — اوہ سارے ابرہام دی اولاد نیں ۔خُدا اوہناں دا خُدا بن گیا اے جیہڑے خیمۂ اجتماع دے اسمانی، ارغوانی تے لال دھاگے تے مہین وٹے ہوئے کتان اُتے ایمان رکھدے نیں ۔
یِسُوعؔ دے بپتسمے اُتے ایمان رکھن دے راہیں ،ساڈا ساریاں دا لازمی رُوحانی طریقے نال ختنہ کیتا جانا چاہی دا اے ۔ ایہہ رُوحا نی ختنہ ایمان رکھن دے راہیں پئی ساڈے سارے پاپ اوہدے بپتسمے دے راہیں یِسُوعؔ اُتے لد دتے گئے سن ساڈیاں دلاں وچوں پاپاں  نوں وہڈن توں علاوہ کوئی دوجی شے نئیں ہیگی (رومیوں ۲: ۲۹ )۔
ایس طرح اوہ جیہڑے اسمانی، ارغوانی تے لال دھاگے تے مہین وٹے ہوئے کتان وچ وکھائی گئی پانی تے رُوح دی خوشخبری  اُتے ایمان رکھن دے راہیں اج پاپ توں معافی پا چُکے نیں سارے خُدا دی بادشاہی دے  بادشاہ تے اوہدے اپنے پُتر نیں ۔ جویں خُدا نے وعدہ کیتا ، ”بادشاہ تیری اولاد وچوں کھلون گے ۔ “ (پیدائش  ۱۷: ۶)۔ اوہدے لوک بِنا شک ساری دُنیا وچوں کھلوندے پئے نیں ۔
جے اسیں ابرہام دی اولاد بننا چاؤہندے آں ، سانوں بپتسمے  اُتے جیہڑا یِسُوعؔ نے ایس زمین اُتے لیا تے اوہدے صلیبی لہو اُتے ایمان رکھنا اے ۔ ایس طرح ، مَیں بوہت چوکھا ٹِل نئیں لا سکدا پئی ایہنوں جاننا تے یِسُوعؔ دے بپتسمے اُتے ایمان رکھنا کناں ضروری اے ۔ یِسُوعؔ مسیح بادشاہواں دا بادشاہ اے ۔ اوہ بادشاہواں دا بادشاہ اےجیہڑا اک ارغوانی چولا پا کے آیا (یوحنا  ۱۹ : ۵)۔یِسُوعؔ مسیح سارے جگ دا بادشاہ تے ایہنوں بناؤن والا اے ۔ جویں اوہ خُدا دا اِکو اِک پُتر اے ، اوہ باپ دا آکھا من دا ہویا ایس زمین اُتے آیا تے سانوں ساڈیاں پاپاں توں چھڈاؤن لئی ، اوہنے سارا اِکو ای واری اپنے بپتسمے نال ساڈیاں ساریاں پاپاں نوں چُک لیا ۔ ساڈیاں پاپاں نوں مکاؤن لئی ، اوہنے ساڈیاں دلاں وچوں  ساڈے سارے پاپ وہڈ سُٹے تے اپنے بپتسمے نال اپنے آپ اُتے چُک لَئے ،تے سولی اُتے اپنا لہو وگاؤن دے راہیں ساڈیاں ساریاں پاپاں دی سزا نوں جریا ۔ ایس طرح ، اوہ سارے جیہڑے ایس سچیائی اُتے ایمان رکھدے نیں ابرہام دی اولاد بن سکدے نیں ۔
ابرہام ، اوہدا خنوادہ تے اوہدی اولاد ساریاں دا  بدنی  طریقے  نال  ختنہ  ہویا  سی ۔ ایتھوں تیک پئی اوپریاں قوماں توں مُل لَئے ہوئے نوکراں دا ختنہ کیتا جاندا سی ۔ جد اوہ وعدے اُتے ایمان رکھدے تے ختنہ کیتا جاندا سی ، ایتھوں تیک پئی ایہہ اوپری قوم دے نوکر برکت پاؤندے سن ، تے خُدا وی اوہناں دا خُدا بن جاندا ۔ ایس طرح ، ایہہ ایمان دے راہیں ہیگا اے پئی اسیں خُدا دے پُتر بن جاندے آں ، ایمان دے راہیں پئی اسیں خُدا ولوں برکت پائے ہوئے آں ، ایمان دے راہیں پئی اسیں اسمان وچ جاندے آں تے ایمان دے راہیں پئی اسیں ایس زمین اُتے بادشاہواں وانگر زندہ رہندے آں ۔ نویں عہد نامے دے زمانے وچ ، ایہہ ایمان اوہناں دا ایمان اے جیہڑے ایمان رکھدے نیں پئی یِسُوعؔ نے اپنے بپتسمے نال جگ دیاں ساریاں پاپاں نوں چُک لیا ۔    
پر ، کئی لوک دعویٰ کردے نیں پئی یِسُوعؔ دا ایہہ بپتسمہ ایناں خاص نئیں ہیگا ،ایس لئی پئی اوہ ایمان رکھدے نیں پئی اوہ صرف اوہدے صلیبی لہو اُتے ایمان رکھن دے راہیں اپنے پاپاں توں معاف کیتے گئے نیں ۔ بھاویں اوہ خیمۂ اجتماع دے زمانے وچ کیتی گئی قربانی دے پشُو دے سِر اُتے ہتھاں دے رکھے جا ن اُتے ایمان رکھدے نیں ، اوہ یِسُوعؔ دے اپنے بپتسمے نوں گھٹ  ای خاص سمجھدے نیں ۔ ایس لئی اوہ اَڑی کردے نیں ایس لئی پئی ابرہام دا ایمان ایس زمین اُتے یِسُوعؔ  دی پہلی آمد توں پہلوں تے ایتھوں تیک پئی مُوسیٰ دے خیمۂ اجتماع توں بوہت پہلوں  منظور کیتا گیا سی ، اوہ ہُن وی صرف صلیبی لہو دے کلام اُتے ایمان رکھن دے راہیں ، ایتھوں تیک پئی یِسُوعؔ دے بپتسمے دے کھرے کلام اُتے ایمان رکھیوں بغیر مکتی یافتہ  ہوندے نیں ۔
پر سانوں چیتا رکھنا چاہی دا اے پئی جد خُدا نے ابرہام کولوں تِن ورہیاں دی اک وچھی ، تِن ورہیاں دی اک بکری،تِن ورہیاں دا اک لیلا ، اک لالی تے کبوتر دا اک بچہ لیاؤن لئی آکھیا— سارا ابرہام نوں احساس دوانا اے پئی اوہ اوہناں دی مالکی وانگر ابرہام تے اوہدی اولاد نوں کنعان دی دھرتی دیوے گا —خُدا اپنے خیال وچ اگ نال پشُودی سوختنی قربانی رکھدا سی ۔ پیدائش ۱۵ : ۱۷ آکھدی اے ، ” تے جدوں سورج ڈُبیا تے ہنیرا ودھ گیا تاں اک تندُور جیہدے وچوں دُھوں نکلدا سی نظر آیا تے اک بلدا ہویاں بھانبڑ اوہناں ٹوٹیاں دے وچوں ہو کے لنگھیا۔ “ خُدا ہابل دی سوختنی قربانی دے پشُو تے اوہدے ایمان نوں وی پسند کر چُکیا سی ، پر اوہنے قائن دے ایمان نوں پسند نا کیتا ، جیہڑا ایس سوختنی قربانی دے پشُو اُتے ایمان نئیں رکھدا سی ۔
 
 

اج دے مسیحیاں وچکار ، بوہت سارے لوک ہیگے نیں جیہڑے غلطی نال سمجھدے نیں پئی اوہ

 
صرف انھے وا یِسُوعؔ اُتے ایمان رکھن دے راہیں ایمان وچ کدی وی رُوحانی طریقے نال ختنہ یافتہ ہوئے بغیر مکتی یافتہ ہوندے نیں ۔ اوہ صرف یِسُوعؔ دے سولی اُتے مرن اُتے ،یعنی سچیائی اُتے ایمان رکھیوں اڈ اوہناں دے سارے پاپ اوہدے بپتسمے دے راہیں یِسُوعؔ اُتے لدے گئے سن ایمان رکھدے نیں ۔ ایہہ لوک کدی وی خُدا دے اپنے لوک نئیں بن سکدے ، ایس لئی پئی ایس طریقے نال ایمان رکھن دے سببوں اپنیاں دلاں  توں کدی وی اپنیاں پاپاں نوں مکا نئیں سکدے ۔ جویں خُدا نےآکھیا پئی اوہدے وعدے دا نشان ختنہ کراؤن والیاں دے بدن وچ اے ، ایس لئی بے ختنے نوں خُدا دے ایس وعدے نال کوئی کم کار نئیں ہیگا ۔
کیہ لوک  بپتسمے  اُتے ایمان رکھیوں بغیر جیہڑا یِسُوعؔ نے یوحنا  بپتسمہ   دین والے کولوں لیا پاپ توں مکتی یافتہ ہو سکدے نیں ؟ کیہ ایہو جیہے لوک خُدا دے پُتر بن سکدے نیں ؟ کیہ اوہ اسمان اُتے جا سکدے نیں ؟ کیہ اوہ اوہدی بادشاہی دے بادشاہ بن سکدے نیں ؟ ایہناں سوالاں داجواب اک تگڑی ناں ہیگا اے! خاص حوالہ جیہڑا اج اسیں پڑھیا اے ایس سوال دا صاف ثبوت دیندا اے ۔ اج ، وعدہ جیہڑا خُدا نے ابرہام نال کیتا سی اوہو ای وعدہ اے جیہڑا اوہ تہاڈے نال تے میرے نال کر چُکیا اے ۔ ساڈے وچوں اوہ جیہڑے یِسُوعؔ مسیح اُتے اپنے مکتی داتا وانگر ،اوہدے بپتسمے اُتے تے اوہدے صلیبی لہو اُتے ایمان رکھن دے راہیں پاپ توں معافی پا چُکے نیں ۔اوہناں لئی جیہڑے اِنج دا ایمان رکھدے نیں ،برکتاں والا اوہو ای کلام جیہڑا خُدا  نے ابرہام نوں فرمایا لاگُو اے ۔ 
 
 

یِسُوعؔ دے سچے ایماندار اپنی ذاتی بنائی ہوئی خُدائی تعلیم دی پیروی نئیں کردےنیں

 
پاک کتاب وچ مکتی دا کلام حتمی تے مکتی دی سچیائی واضح اے؛ جنہاں چوکھا اسیں پڑھدے تے غوروحوض کردے آں ، ایہہ اوناں بوہتا جامع تے واضح بن دا جاندا اے ، اج دے مسیحیاں وچکار بوہت سارے ہیگے نیں جنہاں دا ایمان غلط اے ، اپنے ذاتی خیالاں والا ایمان رکھدے ہویاں تے خُدا پِچھے چلدیاں ہویاں تے حالے تیک بے خبر نیں پئی اوہ جیہڑا ایمان رکھدے نیں اصل وچ جھوٹا اے ۔ایہو جیہے لوکاں دے ایمان دی اصل نیہ غلط اے ۔ انھے وا ایمان رکھدیاں ہویاں پئی یِسُوعؔ اوہناں نوں کسے وی طرح بچا چُکیا اے اوہناں دے اپنیاں دلاں نوں تسلی دین لئی چوکھا ہو سکدا اے ، پر اوہناں نوں لازمی احساس کرنا  چاہی دا اے پئی خُدا اوہناں دے انھے ایمان نوں منظور نئیں کردا ۔
ساڈے خُداوند نے آکھیا پئی جیہڑا وی اوہدے پِچھے چلنا چاؤہندا اے اوہنوں لازمی پہلوں اپنے آپ دا منکر ہونا تے اپنی سولی چُکنی چاہی دی اے ۔ جیہڑا وی خُدا دے کلام اُتے ایمان رکھدا اے اوہنوں لازمی اپنے دلی خیالاں نوں مکاؤنا چاہی دا اے تے خُدا دا کلام اصل وچ کیہ آکھدا اے دے مطابق ایمان رکھنا چاہی دا اے ۔ اج ، تہانوں تے مینوں لازمی پاپ دی معافی اُتے ایمان رکھنا چاہی دا اے جیہڑی یِسُوعؔ مسیح نے سانوں ایس زمین اُتے آؤن ، تے اپنے بپتسمے نال جگ دے پاپاں نوں چُکن تے سولی اُتے لَے جا کے ، اپنا لہو وگاؤن تے فیر مویاں وچوں جیوں اُٹھن دے راہیں دے چُکیا اے  ۔
ایہناں دناں وچ ، بوہت سارے راہوں اُکھڑے ہوئے لوک ہیگے نیں جیہڑے اِنج والا ایمان نئیں رکھدے ، سگوں جیہڑے انھے وا یِسُوعؔ دے ناں نوں پھڑدے نیں ، ایہہ آکھدیاں ہویاں پئی اوہ اپنا ذاتی ایمان رکھن دا طریقہ رکھدے نیں ۔ ایہو جیہے لوکاں دے ایمان دا یِسُوعؔ دے راہیں دتی گئی پانی تے رُوح دی خوشخبری نال کوئی کم کارنئیں ہیگا ۔ مثال نال ، کئی لوک ہیگے نیں جیہڑے دعویٰ کردے نیں پئی یِسُوعؔ وکھالی دتی جد اوہ کسے اُچے پہاڑ اُتے دعا کردے پئے سن ، اَڑی کردیاں ہویاں پئی ایہہ ہےکویں اوہ مکتی یافتہ ہوئے سن ۔ اک دوجی مثال وچ ، اوہ ہیگے نیں جیہڑے دعویٰ کردے نیں پئی اوہناں دے سارے پاپ مُک گئے جد اوہ گرجے گئے ، روزہ رکھیا ، تے ساری رات دعا وچ کھلوتے رہے ، ایس لئی پئی اوہ ایہناں پاپاں دے سببوں دکھ جردے سن ، جنہاں توں اوہ اپنیاں توبہ دیاں دعاواں نال مکتی نئیں پا سکدے سن ۔
اِنج دیاں قِسماں دے ایمان دا سچی مکتی نال کوئی تعلق نئیں ہیگا جیہڑی صرف ساڈے خُداوند ولوں دتی گئی پانی تے رُوح دی خوشخبری دے راہیں ملدی اے ۔ خُدا دا کلام ایہہ کِتھے آکھدا اے پئی اوہ ساڈے پاپاں نوں معاف کرے گا جے اسیں ایہو جیہاں قِسماں دے ایمان رکھدے آں ؟ کِدھرے نیں ! ایہہ لوک ، غیر واضح طریقے نال بے خبرے نیں  پئی خُدا اک حتمی خُدا اے تے پئی یِسُوعؔ اپنی مرضی دا مالک اے ، یعنی یِسُوعؔ دا ناں عارضی طریقے نال لیندیاں ہویاں ، اپنے خالی تے خُدا دے بے یقینی علم دا اپنے بِناں بھروسے ایمان وچ وادھا کردیاں ہویاں — اِنج اوہ ،اپنے دلی پاپاں نوں بھُلاؤندیاں ہویاں ،تے ایتھوں تیک پئی  خُدا دے غصے نوں بوہت ودھاؤندیاں ہویاں خُدا دا ناں بے فائدہ لیندے پئے نیں ۔ ایہو جیہے لوک اپنے ذاتی فرضی یِسُوعؔ نوں تے اپنی ذاتی  مکتی دی قِسم نوں بنا چُکے نیں ، تے اپنے ذاتی خیالاں  والیاں ایہناں بناؤٹیاں گلاں اُتے ایمان رکھدے نیں ۔
پیدائش  ۱۷ : ۱۴،کہندااے، ” تے اوہ مُنڈا جیہدا ختنہ نا ہویا ہوئے اپنیاں لوکاں وچوں وکھ کیتا جائے ایس لئی پئی اوہنے میرا وعدہ توڑیا ۔“ خُدا صاف طریقے نال ساڈے نال وعدہ کر چُکیا اے پئی اوہ رُوحانی ختنے دے راہیں سانوں ساڈیاں ساریاں پاپاں توں بچائے گا ۔ تے خُدا ساڈے نال واضح طریقے نال وعدہ وی کر چُکیا اے پئی صرف اوہ جیہڑے پانی تے رُوح نال نویں سریوں جم دے نیں اوہدے پُتر بنن گے ۔ ایس طرح ، اوہ جیہڑے اوہدے بپتسمے اُتے ایمان رکھیوں بغیر صرف یِسُوعؔ دے صلیبی لہو اُتے ایمان رکھدے نیں کدی خُدا دے پُتر نئیں بن سکدے ۔ ایہو جیہے لوک خُدا دی راہوں وکھ ہو گئے نیں ، ایس لئی پئی خُدا دی وعدہ کیتی گئی خوشخبری اُتے ایمان نئیں رکھدے ، تے ایس لئی اوہ خُدا دے لوکاں وچوں ردّ کیتے جاندے نیں تے اوہدے ولوں لعنتی ٹھہرائے جاندے نیں ۔
ایمان دی نیہ جیہڑی سانوں ساڈیاں پاپاں توں بچا سکدی اے پانی تے رُوح دی خوشخبری توں علاوہ کوئی دوجی نئیں ہیگی ۔ صرف جد پانی تے رُوح دی خوشخبری ساڈی نیہ وانگر رکھی جاندی اے اسیں پکے ہوکے تے کامل طریقے نال خُدا دے کلام اُتے ایمان رکھ سکدے آں ۔ کویں رُوحانی اوپریاں قوماں جنہاں دے دل رُوحانی طریقے نال بے ختنہ رہندے نیں کدی وی اپنیاں دلاں وچ خُدا دے کلام نوں لَے سکدیاں نیں ؟ اوہ کدی اِنج نئیں کر سکدیاں ! ایس لئی پئی پانی تے رُوح دی خوشخبری ، سانوں خُدا دے پُتر بنن دے لائق بناؤندیاں ہویاں رُوحانی طریقے نال ختنہ یافتہ ہون دی اجازت دیندی اے ، ایس اصلی خاص نیہ نوں رکھیوں بغیر ، خُدا دا کلام ساڈے کول صرف سیانی تعلیم وانگر آ سکدا اے ۔
ایس لئی نویں سریوں جمے ہوئے خادماں دیاں رُوحانی تعلیماں  سمجھیا ں جا سکدیاں نیں تے صرف اوہناں لئی موجود نیں جیہڑے پانی تے رُوح دی خوشخبری اُتے بُنیادی طور اُتےایمان رکھدے نیں ۔ دوجیاں اکھراں وچ ، صرف اوہ جیہڑے پانی تے رُوح نال  نویں سریوں جمے نیں خُدا دے کلام نوں سُن تے سمجھ سکدے نیں ۔ جد اسیں لوکاں نال مِلدے آں جیہڑے پانی تے رُوح دی خوشخبری نوں نا جان دیاں ہویاں ، صرف صلیبی لہو دے راہیں نویں سریوں جمن دا دعویٰ کردے نیں ، بھاویں اوہ آکھدے نیں پئی اسیں سارے اوسے خُدا اُتے ایمان رکھدے آں ، اسیں پر محسوس کردے آں جویں جے اسیں اک بالکل وکھرے خُدا دے بارے گل کردے پئے آں ۔ایتھے  اصلی خُدا کیہڑا  اے ؟  اصلی خُدا  اوہ خُدا  اے
جنہے ابرہام نوں اپنے وعدے دا کلام دتا ۔
خُدا نے ابرہام تے اوہدی اولاد نال وعدہ کیتا ، ” میرا وعدہ تہاڈے بدن وچ ہمیش دا وعدہ ہوئے گا ۔“ ( پیدائش  ۱۷ : ۱۳)۔نشان سانوں کِتھے دَسدا پیا اے پئی اسیں اپنے پاپاں توں معافی پا چُکے آں ؟ ایہہ ساڈیاں دلاں وچ ہوندا اے ۔ اسیں سچے دلوں یِسُوعؔ مسیح دے بپتسمے اُتے ایمان رکھن دے راہیں ، اسیں خُدا دے پُتر بن گئے آں ، جنہاں دے دل سچی خوشخبری اُتے ایمان رکھن دے راہیں رُوحانی ختنہ پا چُکے نیں ۔ اسیں اپنے سچے دلوں ایمان رکھن دے راہیں اوہدے پُتر بن گئے  پئی خُداوند نے ساڈیاں ایہناں ساریاں پاپاں نوں چُکن لئی ساڈیاں پاپاں دے سببوں بپتسمہ لیا تے پئی اسیں رُوحانی طریقے نال ختنہ یافتہ  ہو گئے آں ۔
ایہہ ایس سچیائی اُتے ساڈے ایمان دے راہیں ہیگا اے پئی اسیں اپنے سارے پاپ یِسُوعؔ مسیح اُتے لدے ، تے یِسُوعؔ، جواب وچ ، ایہناں پاپاں نوں سولی اُتے لَے گیا، ساڈی تھاں اُتے سولی اُتے مرگیا ، فیر مویاں وچوں جیوں اُٹھیا ، تے اِنج سانوں ساڈیاں ساریاں پاپاں توں بچا چُکیا اے ۔ دوجیاں اکھریاں وچ ، ایہہ ایمان دے راہیں ہیگا اے پئی اسیں خُدا دے پُتر بن گئے آں ۔ ایہہ ایمان دے راہیں ہیگا اے اسیں بے پاپ بن گئے آں ۔ فیر کیہ اسیں کوئی ہور باقی پاپ رکھدے آں ؟ بِنا شک نئیں ! اسیں کسے وی طرح کوئی پاپ نئیں رکھدے ! ایہہ سارا اصل وچ خوشخبری دے شان والے سچ دے راہیں پورا کیتا گیا سی ۔
 
 

تُسیں تے مَیں کویں ابرہام دی اولاد بن سکدے آں ؟

 
اسیں ابرہام دی اولاد بن گئے آں ایس لئی پئی ساڈا خیمۂ اجتماع دے اسمانی، ارغوانی تے لال دھاگیاں وچ وکھائے گئے یِسُوعؔ دیاں کماں اُتے ایمان رکھن دے راہیں رُوحانی طریقے نال ختنہ کیتا گیا سی ۔ ایس لئی اسیں یِسُوعؔ دے بپتسمے تے اوہدے صلیبی لہو اُتے ایمان رکھیا پئی اسیں رُوحانی طریقے نال ختنے والے تے خُدا دے پُتر بن گئے آں ۔ایس لئی پئی اسیں ایمان رکھیا پئی یِسُوعؔ نے بپتسمے اپنے نال ساڈیاں ساریاں پاپاں نوں چُک لیا تے سولی اُتے ساڈیاں ساریاں پاپاں دی سزا جری یعنی اسیں پاپ توں معافی پا چُکے آں ۔ ایس لئی تُسیں تے مَیں رُوحانی طریقے نال ابرہام دی اولاد بن گئے آں ۔
اوہ جیہڑے پانی تے رُوح نال نویں سریوں جم دے نیں اوہناں نوں لازمی ہُن پچھاننا چاہی دا اے اوہ اصل وچ کون نیں ؟ تُسیں تے مَیں ، اسیں جیہڑے پانی تے رُوح دی خوشخبری اُتے ایمان رکھدے آں ، سارے خُدا دے پُتر تے اوہدے اپنے لوک آں ، جنہاں دا ایمان دے راہیں رُوحانی طریقے نال ختنہ ہو گیا اے ۔
اسیں آؤن والی ہزار ورہیاں دی بادشاہی دے بادشاہ آں ، جیہڑے خُدا دیاں ساریاں مخلوقاں اُتے بادشاہی کراں گے  تے اوہدی ساری شان و شوکت  داسواد لواں گے ۔ ایس لئی پئی ہُن ساڈی تھاں بدل گئی اے ۔ کیہ ایس جگ دے لوکاں نوں پتہ اے اسیں اصل وچ کون آں ؟ اوہناں نوں نئیں پتہ ۔ پر اسیں اوہ آں جنہاں دی رُوحانی تھاں خُدا دے کلام اُتے ایمان رکھن دے راہیں بدل گئی اے ۔ ایس طرح ، ہُن اسیں اپنے آپ نوں واضح طریقے نال تے ٹھیک ٹھیک جا ن سکدے آں ۔
اوہ جیہڑے خُدا دے کلام دے راہیں نویں سریوں جم پئے نیں اوہناں نوں پتہ اے اوہ اصل وچ کون نیں ۔ اسیں بُنیادی طوراُتےاوہناں توں وکھرے آں جیہڑے اپنے دُنیاوی دینی لوکاں وچ اپنے آپ نوں مشہور کرن پاسے لگے ہوئے نیں ، جیہڑے جھوٹیاں تعلیماں دی منادی کردے نیں ایتھوں تیک پئی اوہ سارے دے سارے اَن پڑھ نیں تے جیہڑے ٹھنڈے دلوں نویں سریوں جمیاں نوں ،یعنی خُدا دیاں  سچیاں لوکاں نوں   تکدے نیں ۔ جویں اسرائیلی اپنے آپ بارے چُنے ہوئے لوک ہون دا ایمان رکھدے نیں تے اسمٰعیل دی اولاد نوں وکھ سمجھدے نیں ،اسیں جیہڑے ابرہام دی رُوحانی اولاد آں اسیں وی اپنے آپ نوں خُدا دے چُنے ہوئے لوکاں وانگر سوچن دا  حق رکھدے آں ۔
ساڈے وچوں اوہ جیہڑے پانی تے رُوح دی خوشخبری اُتے ایمان رکھدے نیں چنگیاں لیکھاں نال ، اپنے ایمان دے راہیں ،ابرہام دی اولاد بن گئےنیں ۔ اسیں خیمۂ اجتماع وچ وکھائے گئے اسمانی ، ارغوانی تے لال دھاگے دی خوشخبری اُتے اپنے ایمان دے راہیں اسمانی بادشاہی وچ جا سکدے آں ۔
تے بالکل جویں خُدا نے ابرہام نال وعدہ کیتا پئی اوہ اوہدی اولاد نوں ایناں چوکھا ودھائے گا جنے اسمان اُتے تارے نیں ، اسیں اپنے لئی ایس وعدے دی سچی تکمیل دی اپنیاں اکھاں نال گواہی دے سکدے آں ۔ ایہہ برکت اے جیہڑی خُدا ساڈے اُتے ورساچُکیا اے ۔
اپنیاں دلاں دےختنے  دے راہیں ، خُدا سانوں جگ دیاں پاپاں توں بچا چُکیا اے ۔ تے ایہہ ایمان دا ختنہ خیمۂ اجتماع دا پھاٹک بناؤن لئی ورتے گئے اسمانی ، ارغوانی تے لال دھاگے تے مہین وٹے ہوئے کتان
دا بنیا ہویا اے ۔