কোভিড-১৯ এবং আন্তর্জাতিক ডাক পরিষেবা বিঘ্নিত হওয়ার কারণে,
আমরা সাময়িকভাবে আমাদের ‘বিনামূল্যের মুদ্রিত বইয়ের পরিষেবা’ বন্ধ রেখেছি|
আমরা সাময়িকভাবে আমাদের ‘বিনামূল্যের মুদ্রিত বইয়ের পরিষেবা’ বন্ধ রেখেছি|
এহেন পরিস্থিতিতে এই মুহুর্তে আমরা আপনাদের কাছে ডাকযোগে বই প্রেরণে অসমর্থ|
এই অতিমারীর যেন আশু সমাপন ঘটে এবং ডাক পরিষেবার পুনরাম্ভের জন্য প্রার্থনা করুন৷
এই অতিমারীর যেন আশু সমাপন ঘটে এবং ডাক পরিষেবার পুনরাম্ভের জন্য প্রার্থনা করুন৷
مضمون 11: خیمۂ اِجتماع
[11-14] پڑدا جیہڑاپاٹ گیا <متی ۲۷:۵۰۔۵۳>
> متی ۲۷:۵۰۔۵۳ <
” تے یِسُوع فیر اُچّی اواز نال چلّا کے جان دِتّی۔ تے ویکھو ہیکل دا پڑدا اُپروں لے کے ہیٹھاں تِیکر پاٹ گیا تے زمین کمبی۔ تے پتّھر تِڑک گئے۔ تے قبراں کُھل گِئیاں تے پاک لوکاں دِیاں جیہڑے سُتّے پئے سن لوتھاں جوائیاں گِئیاں۔ تے اوہدے جی اُٹھن دے پِچّھوں اوہ قبراں وِچوں نِکل کے پاک شہر وِچ جاوڑیاں تے بتھیریاں نُوں وکھالی دِتّی۔ “
بوہتی پاک تھاں اوہ تھاں سی جتھے خُدا رہندا سی ۔ تے صرف وڈا کاہن ای ورہے وچ اِک واری ، فدیہ دیہاڑے اُتے ، اسرائیلیاں دیاں پاپاں دی معافی لئی قربانی دے بکرے دا لہو لے کے ، بوہتی پاک تھاں اُتے جا سکدا سی ۔ اوہ اِنج ایس لئی کردا سی کیوں جو خیمۂ اِجتماع دی بوہتی پاک تھاں ، خُدا دا گھر ، اِک پاک تھاں سی جتھے اوہ اوس ویلے تیکر جا نئیں سکدا سی جد تیکر او ہ قربانی دا لہو نا لیندا ، جیہدے سِر اُتے ، پاپیاں دیاں بدکاریاں مکاؤن لئی ، اوہدے ہتھ رکھے جاندے سن ۔ دوجیاں اکھراں وچ ، ایتھوں تیکر پئی وڈاکاہن وی خُدا دی سزا توں بچ نئیں سکدا سی جد تیکر پئی اوہ اوہدے اگے جان توں پہلاں قربانی پیش کر کے اپنیاں پاپاں دی معافی پا نئیں لیندا سی ۔
ہیکل دا پڑدا کدوں پاٹ گیا سی ؟ ایہہ پڑدا پا ٹ گیا سی جد یِسُوعؔ نے اپنا لہو وگایا تے سولی اُتے مرگیا ۔ اوہنوں کیوں سولی اُتے مرن لئی اپنا لہو وگاؤنا پیا ؟ ایس لئی پئی خُدا دا پُتر یِسُوعؔ ، اک بندے دے بدن وچ ایس زمین اُتے آ کے ، یردن دے دریا وچ یوحنا کولوں بپتسمہ لے کے پاپیاں دیاں ساریاں بدکاریاں اُٹھا چُکیا سی ۔ ایس لئی پئی یِسُوعؔ اپنے بپتسمہ نال جگ دیاں ساریاں پاپاں نوں اُٹھا چُکیا سی ، یِسُوعؔ پاپ دی ساری لعنت نوں صرف اوس ویلے ای مکا سکدا سی جد اوہ سولی اُتے اپنا لہو وگاؤندا تے مر جاندا ۔ ایہو ای سبب اے پئی اوہ پڑدا جیہڑا خُدا دے گھر وچ بوہتی پاک تھاں نوں پاک تھاں توں وکھریاں کردا سی اُتاں توں لے کے ہیٹھاں تیکر پاٹ گیا ۔ ایہدا مطلب ایہہ ہیگا اے پئی پاپ دی اوہ کندھ جیہڑی خُدا نوں لوکاں توں وکھریاں کر چُکی سی اِکو ای واری سدا لئی ڈِگ پئی سی ۔
دوجیاں اکھراں وچ، بپتسمے دے راہیں جیہڑا یِسُوعؔ نے لیا تے لہو نال جیہڑا اوہنے سولی اُتے وگایا ، اوہ ساریاں پاپاں نوں غائب کر چُکیا اے ۔ یِسُوعؔ مسیح دے بپتسمے تے لہو نال ، خُدا باپ اِکو ای واری سدا لئی ساڈیاں ساریاں پاپاں نوں مکا چُکیا اے تے اسمانی راہ کھول چُکیا اے ، تاں پئی ہُن کوئی وی یِسُوعؔ دے ایس بپتسمے تے لہو وگاؤن اُتے ایمان رکھ کے اسمان اُتے جا سکے ۔
جد یِسُوعؔ سولی اُتے مر گیا ، تاں اوتھے تِناں گھنٹیاں تیکر ہنیرا ہو گیا جتھے اوہ ہیگاسی ۔ یردن دے دریا اُتے اپنے بپتسمے نال جگ دیاں ساریاں پاپاں نوں موہڈا دین دے بعدوں ، یِسُوعؔ ، سولی اُتے چڑھیا تے اپنی موت دے نیڑے اَپڑ کے ، چِلاّ کے آکھیا ، ”ایلی ایلی لما شبقتنی۔“ جیہدے معنے ایہہ نیں اَے میرے خُدا اَے میرے خُدا تُوں مَینُوں کیوں چھڈ دِتّا؟“ (متی ۲۷:۴۶)۔ایہدے پِچھوں اوہنے اپنے اخیری بول ، ”پُوراہویا“ آکھے تے فیر مر گیا ۔ تے تِناں دناں پِچھوں فیر مویاں وچوں جی اُٹھیا ، ۴۰ دِناں تیکر گواہی دیندا رہیا، تے فیر اپنیاں بوہت ساریاں چیلیاں تے منن والیاں دے ویہندیاں ہویاں اسمان اُتے چڑھ گیا ۔
کیہ باپ نے سچ مُچ یِسُوعؔ نوں چھڈ دتا سی ؟
پیِڑ جیہڑی یِسُوعؔ نے جری اینی ڈاہڈی سی پئی اوہنے محسوس کیتا جویں پئی اوہدے باپ نیں اوہنوں چھڈ دتا ہوئے ۔ پاپ دی سزا دی پیِڑ بوہت وڈی سی ۔ ایس لئی پئی یِسُوعؔ نے یوحنا کولوں بپتسمہ لے کے جگ دیاں پاپاں نوں اپنے اُتے چُک لیا ، ایہہ سچ ہیگا اے پئی جد اوہ سولی اُتے پاپ دی سزا جردا پیا سی تاں باپ نے اوہنوں تھوڑے چر لئی چھڈ دتا سی ۔ خُدا باپ نے ہر اوس بندے نوں سز ا دینی سی جنہے پاپ کیتا سی، تے ایس لئی پئی جگ دے سارے پاپ یِسُوعؔ اُتے لدے گئے سن ، ایس لئی یِسُوعؔ نوں اوہناں پاپاں دی سزا لئی سولی اُتےچھیدیا جانا تےاپنا لہو وگاؤنا پینا سی ۔
ایس لئی پئی یِسُوعؔ نے ، جیہڑا اپنی طاقت نال آپ ای خُدا اے ، بپتسمہ لے کے لوکاں دیاں ساریاں پاپاں نوں اپنے اُتے چُک لیا ، جگ دے پاپ اوہدے اپنے پاک بدن اُتے لدے گئے سن ۔ ایس لئی یِسُوعؔ نوں جگ دیاں پاپاں نوں چُکن پِچھوں ، ہُن خُدا باپ ولوں تھوڑے چر لئی چھڈے جانا سی ، ساڈیاں ساریاں پاپاں دا مُل اُتارن لئی سولی اُتے موت جرنی پئی ، تے اِنج ساریاں پاپاں توں لوکاں نوں بچا لیا ۔ایہو ای سبب اے پئی یِسُوعؔ نوں پاپ دی سزا دا حدوں ودھ دکھ جرنا پیا سی ، تے ایس لئی خُدا باپ رہ نا سکیا سگوں اپنے پُتر ولوں تھوڑے چر لئی اپنا مُنھ پھیر لیا ۔
پر ایہدا ایہہ مطلب نئیں ہیگا پئی یِسُوعؔ نوں باپ نے سدا لئی چھڈ دتا سی ۔ سگوں ، ایہدا مطلب صرف ایہہ ہیگا اے پئی یِسُوعؔ نے ساڈیاں پاپاں دی ڈاہڈی سزا جرنی سی ،تے ایس لئی اوہنوں صرف تھوڑے چر لئی باپ ولوں چھڈیاں جانا سی ۔ پر جویں پئی یِسُوعؔ اپنی پیِڑ نال چِلّایا ،” اَے میرے خُدا اَے میرے خُدا تُوں مَینُوں کیوں چھڈ دِتّا؟ “ ایہہ ایس سببوں سی پئی یِسُوعؔ نے پاپ دی اینی ڈاہڈی پیِڑ جری پئی اسی پاپ دی سزا توں مکتی یافتہ ہوگئے آں ۔ اسی ایہو جیہے لوک ساں جنہاں نوں اپنیاں پاپاں دے سببوں باپ دے ہتھوں ایتھوں تیکر پئی چھڈ دتاجاناسی،پر یِسُوعؔ نے ساڈے پاپاں نوں چُک لیا،سولی اُتے پاپ دی سزا دی پیڑ نوں جریا،تے،اگانہہ ہور،ساڈے لئی تھوڑے چر لئی باپ دے ہتھوں ایتھوں تیکر پئی چھڈیا گیا۔
جویں پئی تُسی پہلاں جان دے ہوووگے ، سلیمان بادشاہ دی بادشاہی دے زمانے وچ ہیکل نوں بناؤن دے بعدوں ، خیمۂ اِجتماع نوں ہیکل نال بدل دتا گیا سی ۔ پر خیمۂ اِجتماع دے نظام دے مُڈھلے اصول ہُن وی ہیکل بارے اوسے طرح لاگُو کیتے گئے سن جویں ایہنوں بناؤن توں پہلاں لاگُو ہوندے سن ۔ ایس لئی اوتھے اِک پڑدا وی سی جیہڑا بوہتی پاک تھاں نوں ہیکل دے پاک تھاں توں وکھریاں کردا سی ۔ تے اوسے خاص ویلے جد ساڈے خُداوند نے سولی اُتے چِلّا کے آکھیا ، ” ایلی۔ ایلی۔ لَما شَبقتَنِی؟ “ تاں ہیکل دا ایہہ پڑدا اُتاں توں لے کے ہیٹھاں تیکر پاٹ گیا ۔ ایس واقعے دےراہیں فرمایا گیا سچ ایہہ ہیگا اے پئی ایس لئی پئی خُداوند بپتسمے نال جیہڑا اوہنے لیا تے لہو نال جیہڑا اوہنے سولی اُتے وگایا ساڈیاں پاپاں نوں دھو چُکیا اے ، ایس لئی اسمانی پھاٹک ہُن بالکل کُھل گیا اے ، تاں پئی اوہ جیہڑے ایمان رکھدے نیں ایس اُتے جاسکن ۔ ہُن ،پانی تےرُوح دی خوشخبری اُتے ایمان رکھ کے ، اسی سارے اسمان اُتے جاسکدے آں ۔
خیمۂ اِجتماع دے نظام دے مکاشفے دے راہیں ، پرانے عہد نامے دے لوک وی یِسُوعؔ دے مسیحا وانگر آؤن بارے ایمان رکھدے سن ، تے ایس طرح اوہ وی اپنے ساریاں پاپاں توں معافی پا کے خُدا دے پُتر بن گئے ۔ نویں عہد نامے وچ ، پاپ توں معافی لئی خُدا دی ساری راستبازی اِکو ای واری سدا لئی پوری ہوئی جد ساڈے خُداوند نے اصل وچ یردن دے دریا اُتے بپتسمہ لیا تے سولی اُتے مرگیا ۔ ساڈے شکر گزار دل رکھن دا سبب ایہہ ہیگا اے پئی اسی پاپ دی معافی دی خوشخبری نوں سُنیا تے ایس اُتے ایمان رکھیا جیہڑی خُداوند نے سانوں دتی اے ، انج اے کیوں جو ساڈے کول پانی تےرُوح دی خوشخبری اے ۔
اپنے طریقے نال ، اسی پاپ توں چھُٹ نئیں سکدے ساں، پر مکتی دی سچیائی دے سببوں جیہڑی خُدا سانوں پانی تے رُوح دے راہیں دے چُکیا اے ، اسی ایس سچیائی اُتے ایمان رکھ کے اپنیاں پاپاں توں دُھلن دے لائق ہو گئے آں ۔ پانی تےرُوح دی خوشخبری اُتے ایمان رکھ کے جیہڑی یِسُوعؔ سانوں دے چُکیا اے ، ساڈے پاپ غائب ہوگئے نیں تے ہُن اسی ایمان رکھ کے اسمانی بادشاہی وچ جان دے لائق ہو گئے آں ۔ ایہنوں ویکھدیاں ہویاں ، کویں اسی خُدا دے شکرگزار نئیں ہوسکدے ؟ اسی صرف اوہدا شکر ادا کر سکدے آں ، ایس لئی پئی ہُن اسی جان دے آں پئی اسمانی پھاٹک اُتاں توں لے کے ہیٹھاں تیکر اوسے ویلے جدساڈا خُداوند مرگیا سی ٹُٹ گیا ۔ ایہہ اوہ خوشی بھری خبر اے جیہڑی سانوں دسدی اے پئی ساڈے خُداوند نے بپتسمے نال جیہڑا اوہنے یردن دے دریا اُتے لیا لوکاں دیاں ساریاں پاپاں نوں چُک لیا ، اپنے صلیبی لہو نال پا پ دی سزا نوں جریا ، تے اِنج اوہناں ساریاں نوں پاپ توں چھڈا چُکیا اے جیہڑے ایمان رکھدے نیں ۔
ایہہ حقیقت پئی ہیکل دا پڑدا اُتاں توں لےکے ہیٹھاں تیکر پاٹ گیا سی جد یِسُوعؔ سولی اُتے مرگیا سانوں سچیائی سکھاؤندی اے پئی ہُن ایس زمانے وچ ، اوہ جیہڑے پانی تےرُوح دی خوشخبری اُتے ایمان رکھ کے پاپ توں پاک ہو گئے نیں سارے اسمان اُتے جا سکدے نیں ۔ ایہہ مکتی دی سچیائی دا اکٹھا ثبوت اے جیہدی خُداوند سانوں اجازت دے چُکیا اے ۔ ایس لئی پئی اسی پاپی ساں ، پاپ دی اِک کندھ سی جیہڑی سانوں روک چُکی سی ، اوہ سانوں خُدا دے کول آؤن بارے نکمیاں کردی سی ، پر اپنے بپتسمے تے لہو نال ، یِسُوعؔ پاپ دی ایس کندھ نوں اِکو ای واری سدا لئی غائب کر چُکیا اے ۔ ایہہ پئی خُدا نے ہیکل دا پڑدا اُتاں توں لے کے ہیٹھاں تیکر پاڑ دتا ظاہر کردا اے پئی اوہ سارے جیہڑے بپتسمے اُتے جیہدے راہیں خُدا دے پُتر نے پاپیاں دیاں ساریاں بدکاریاں نوں چُک لیا تے صلیبی لہو اُتے ایمان رکھدے نیں ہُن اپنے پاپاں توں کامل طریقے نال پاک ہو سکدے نیں تے اِنج بِنا روک ٹوک اسمان اُتے جاسکدے نیں۔ خُدا ایسے طرح سانوں پاپاں توں مکتی دے چُکیا اے ۔
یِسُوعؔ نے مکتی دیاں ایہناں کماں دے ثبوت لئی ہیکل دا پڑدا اُتاں توں لے کے ہیٹھاں تیکر پاڑ دتا جیہڑے اوہنے پورے کیتے ۔ ایس لئی ،عبرانیوں ۱۰:۱۹۔۲۲دسدااے، ” ایس لئی بھراؤ جد سانُوں یِسُوع دے لہو دے سبّب اوس نَوِیں تے جِیوندے راہ پاک مکان وِچ وڑن دی دلیری اے۔ جیہڑا اوہنے پردے یعنی اپنے جِسم وِچوں ہو کے ساڈے لئی پاک کِیتا اے۔ تے جد ساڈا وَڈا کاہِن اے جیہڑا خُدا دے گھر دا مُختِیار اے۔ تے فیر اسی سَچے دِل تے پُورے اِیمان نال تے دِل دے الزام نُوں دُور کرن لئی دِل اُتّے چھٹّے مار کے تے بدن نُوں سُتھرے پانی نال صاف کر کے خُدا دے کول چلّئے۔ “
جد یِسُوعؔ سولی اُتے مرگیا ، تاں بوہتی پاک تھاں اُتے جانا پورےطوراُتے کُھل گیا سی ایس لئی پئی ایہدا پڑدا پاٹ گیا سی، تے ایتھے بوہتی پاک تھاں دا ایہہ کُھلا پھاٹک خُدا دا خوشخبری دا کلام اے جنہے اسمان لئی اک نواں راہ تے زندہ راہ نوں کھولیا۔ ایتھے ، پاک کلام سانوں فیر دسدا اے پئی ساڈیاں دلاں تے بدناں دے سارے پاپ اوہدے بپتسمہ(صاف پانی )تےاوہدے لہو دے راہیں مکائے گئے سن ، تے ایس لئی ، اسی اوہدی کامل مکتی اُتے اپنے ایمان دے پکے بھروسے نال پاک ہو سکدے آں ۔
ایس لئی ، مَیں اپنا سارا شکر خُدا دے اگے پیش کردا ہاں ۔ اسی اسمان اُتے جا نئیں سکدے ساں کوئی معنی نئیں رکھدا اسی کنی کوشش کردے ، پر ساڈے ورگیاں لوکاں لئی ، یِسُوعؔ سانوں اپنے بپتسمے تے سولی اُتے اپنے لہو وگاؤن دے ایہناں بھلیائی دیاں کماں نال ساڈیاں ساریاں پاپاں توں مکتی دے چُکیا اے ، تے اوہ اسمانی پھاٹک بالکل کھول چُکیا اے ، سارے تاں پئی صرف اوہ جیہڑے پانی تےرُوح دی خوشخبری اُتے ایمان رکھدے نیں اسمان اُتے جا سکن۔ ہُن ساڈے لئی ایمان دے راہیں اپنیاں پاپاں توں پاک ہونا تے اسمان اُتے جانا سوکھا ہو گیا اے یعنی جیہڑے پانی تےرُوح دی خوشخبری اُتے ایمان رکھدے نیں ۔
ایس لئی پئی خُداوند بپتسمہ لین تے سولی اُتے مر کے ساڈے لئی اسمانی پھاٹک کھول چُکیا اے ، ہُن اسی ایس سچیائی اُتے ایمان رکھ کے اپنیاں پاپاں توں دُھلن تے اسمان اُتے جان دے لائق ہو گئے آں ۔ فیر کویں اسی خُدا دا شکر ادا نئیں کرسکدے ؟ اسی اوہدی قربانی دی محبت لئی اوہدا بوہتا شکر ادا نئیں کر سکدے ۔ بوہتی پاک تھاں دے پڑدے دا پھاٹک بپتسمے نال جیہڑا یِسُوعؔ نے ساڈے پاپاں نوں چُکن لئی لیا تے اوہدی بدنی قربانی نال جیہڑی اوہنے ساڈیاں ایہناں پاپاں دی بوہت پیِڑ والی سزا جرن لئی پیش کیتی پاٹ گیا ۔
اسمان اُتے جان دا اِکو ای راہ اے
ایس لئی پئی اسی یِسُوعؔ دے بپتسمے تے صلیبی لہو اُتے ایمان رکھدے آں ، اسی اسمان اُتے جاواں گے ۔ سچیائی دی ایس خوشخبری اُتے ایمان رکھن توں علاوہ اسمان اُتے جان دا کوئی دوجا راہ نئیں ہیگا ۔ یِسُوعؔ نے ساڈے لئی جو کُجھ کیتا اے اوس اُتے ایمان رکھ کے ای اسی اسمان اُتے جا سکدے آں ، ایس لئی پئی خُدا اوہناں لئی ایہو جیہے کم کر چُکیا اے جیہڑے یِسُوعؔ دی پانی تےرُوح دی خوشخبری اُتے ایمان رکھدے نیں ۔
ایہو ای سبب اے پئی مسیحی اپنیاں دلی کوششاں ، جذبے یا ایس طرح دیاں دوجیاں فریبی کوششاں نال اسمان اُتے جا نئیں سکدے ۔ خُدا نے فیصلہ کر لیا اے پئی صرف اوہو ای جیہڑے بپتسمے اُتے جیہڑا یِسُوعؔ نے لیا تے اوہدے لہو وگاؤن اُتے ایمان رکھ کے اپنیاں پاپاں توں پا ک ہو گئے نیں اسمان اُتے جا سکدے نیں ۔ اوہ جیہڑے ایس سچیائی اُتے ایمان رکھدے نیں اوہ لوک نیں جیہڑے ایمان رکھدے نیں پئی یِسُوعؔ خُدا دا پُتر ، آپ ای خُدا ، تے سدا دا مکتی داتا اے جیہڑا اوہناں نوں اپنے بپتسمے تے لہو وگاؤن نال پاپ توں مکتی دے چُکیا اے ۔ ایہو جیہے لوکاں لئی خُدا پاپ نوں دھون دی اجازت دے چُکیا اے ۔ صرف بپتسمے نال جیہڑا یِسُوعؔ نے لیا تے دکھ جیہڑا اوہنے سولی اُتے جریا ، خُدا باپ ساڈے وچوں اوہناں نوں ایس لائق کر چُکیا اے جیہڑے اوس اُتے ایمان رکھ کے اسمانی بادشاہی وچ جان دا ایمان رکھدے نیں ۔
کیہ سانوں اسمان اُتے جان لئی پیسیاں دی لوڑ اے؟ جے اِنج ہوندا تاں ، اسی ایہدا مُل اُتار کے اپنی مکتی پا چُکے ہوندے ،تے ایہہ اوہ مکتی نئیں ہو سکدی جیہڑی خُداوند ولوں مفت دتی گئی اے ۔ سانوں اسمان اُتے جان لئی ، ایمان توں علاوہ کسے دوجی شےدی لوڑ نئیں ہیگی جیہڑاپانی تےرُوح دی خوشخبری اُتے بھروسہ رکھدا اے ۔ دوجیاں اکھراں وچ ،اسمان اُتے جان لئی ، کوئی پیسہ دھیلا ، چنگے کم یا ساڈی اپنی کوشش کدی وی لوڑی دی نئیں ہیگی ۔ اسمان اُتے جان لئی بندے دے چنگے کم دی کوئی لوڑ نئیں ہیگی ۔ اسمان اُتے جان لئی لائق بنن لئی ، خُدا ساڈے توں کوئی کوشش ، چنگے کم ، مرضی ، پیسے دھیلے یا بھلائی کرن بارے نئیں آکھدا ۔
صرف اک شے ہیگی اے جیہڑی ساڈے لئی اسمان اُتے جان لئی بوہت خاص اے تے ایہہ اوہ ایمان اے جیہڑا پاپ دے دُھلن دے بپتسمے اُتے بھروسہ رکھدا اے جیہڑا یِسُوعؔ نے یردن دے دریا اُتے لیا سی تے قربانی اُتے جیہڑی اوہنے ساڈی اپنی پاپ دی معافی لئی سولی اُتے لہو وگا کے پیش کیتی سی ۔ ایس توں علاوہ کوئی دوجاراہ نئیں ہیگا ۔ اِکو شے جیہدی سانوں لوڑ اے اوہ ایمان اے جیہڑا یِسُوعؔ دے بپتسمے تے لہو دی خوشخبری اُتے بھروسہ رکھدا اے ۔ ایہو ای سبب اے پئی ساڈے لئی پاپ دی معافی پاؤن تے اسمان اُتے جان لئی سانوں لازمی پانی تےرُوح دی خوشخبری اُتے ایمان رکھنا چاہی دا اے جیہڑی یِسُوعؔ پوری کر چُکیا اے ۔
یِسُوعؔ ، محبت دا خُداوند ، پانی تےرُوح دی خوشخبری نال ساڈی کامل مکتی پوری کرچُکیا اے ۔ ایس لئی یِسُوعؔ پہلاں ای پاپ دی معافی دی مکتی پوری کر چُکیا اے ، جے پاپی صرف سچے دلوں ایس خوشخبری دی سچیائی اُتے ایمان رکھن ، تاں اوہ اپنیاں ساریاں پاپاں توں مکتی یافتہ ہو سکدے نیں ۔ ساڈا خُداوند ساڈے سارے پاپ مکا چُکیا اے ، بھاویں اسی بوہت سارے یا صرف تھوڑے جیہے پاپ رکھدے آں ، تے اوہ ہر کسے نوں اسمان اُتے جان دے لائق کر چُکیا اے پر صرف ایمان دےراہیں ۔
ایہہ پئی یِسُوعؔ اسمانی پھاٹک کھو ل چُکیا اے ، تاں پئی پاپی پانی تےرُوح دی خوشخبری اُتے ایمان رکھ کے ایس وچ جا سکن ، مکتی دا فضل اے جیہڑا سچ مُچ خاص اے ۔”خُداوند نے میریاں ساریاں پاپاں نوں چُکن لئی بپتسمہ لیا تے میرے بدلے سولی اُتے مر گیا !اوہ میریاں پاپاں نوں دھو چُکیا اے تے میرے لئی اسمانی پھاٹک کھول چُکیا اے!اوہنے میرے نال اینی محبت کیتی پئی اوہنے بپتسمہ لیا ،اپنا لہو وگایا ، تے ایس طرح میری پاپ دی معافی پوری کر دتی ! “ ایس طریقے نال ، جد تُسی ایس طرح مکتی دی ایس سچیائی اُتے ایمان رکھدے او ، تاں تُسی ایہہ ایمان رکھ کے اسمان اُتے جاؤ گے ۔
لوکاں لئی یِسُوعؔ اُتے اپنے مکتی داتا وانگر ایمان رکھنا اوکھا نئیں ہیگا ، سگوں ایہہ ، اصل وچ بوہت سوکھا اے ، ایس لئی پئی اوہناں نیں جوکُجھ کرنا اے اوہ صرف ایہناں سچیاں کماں نوں اپنیاں دلاں وچ قبول کرنا اے جیہڑے یِسُوعؔ نے ایس زمین اُتے آؤن دے بعد پورے کیتے سن تے ایہناں اُتے ایمان رکھنا اے ۔ ایس لئی پئی یِسُوعؔ ساڈیاں ساریاں پاپاں نوں مکا چُکیا اے تے سانوں یردن دے دریا اُتے اپنے بپتسمے نال جیہڑا اوہنے یوحنا بپتسمہ دین والے کولوں لیا تے لہو نا ل جیہڑا اوہنے سولی اُتے وگایا سی تے رُوح دے راہیں ، جد اسی اپنے سچے دلوں ایس یِسُوعؔ اُتے ایمان رکھدے آں ، تاں اسی سارے مکتی یافتہ ہو جاواں گے ۔
” تے تُسی سچیائی نُوں جانو گے تے سچیائی تُہانوں اَزاد کرے گی“(یوحنا ۸:۳۲) ۔ بھاویں ساڈے پاپ وڈے ہون یا نِکے بپتسمہ تے اپنا لہو وگا کے ، یِسُوعؔ اوہناں ساریاں نوں غائب کر چُکیا اے ۔ ایہہ پانی تےرُوح دی ایس خوشخبری اُتے ایمان رکھن دے راہیں ہیگا اے پئی سچیائی نال جیہڑی سانوں پاپ توں ازاد کردی اے ، اسی اپنی سدا دی مکتی پا سکدے آں تے ایس اصلی مکتی دی ازادی نال مل سکدے آ ں ۔
پانی تےرُوح دی خوشخبری پوری کرن دے راہیں ، ساڈا خُداوند اسمانی پھاٹک سارے دا سارا کھو ل چُکیا اے ۔ ساڈا خُداوند ایس زمین اُتے آیا ، بپتسمہ لیا ، سولی اُتے مر گیا تے ایس سچیائی وچ تِناں دناں پِچھوں فیر مویاں وچوں جی اُٹھیا ، یعنی پانی تےرُوح دی خوشخبری سانوں خُدا دے نیڑے لیا چُکی اے ، تے ایہہ سانوں آؤن والے زمانے وچ اسمان نوں اپنا بناؤن دے لائق کر چُکی اے۔ ہُن ، جے تُسی اسمان اُتے جانا چاؤہندے او ، تے نال ای پاپ توں ازاد ہونا تے خُدا دے پُتر بننا چاؤہندے او ، تاں تہانوں لازمی یِسُوعؔ دے بپتسمے تے اوہدے صلیبی لہو اُتے ایمان رکھ کے اپنے پاپ دی معافی پاؤنی چاہی دی اے ۔ایہو ای ایمان اے جیہڑا تہانوں پاپ دی معافی پاؤن دے لائق کرے گا تے اسمانی پھاٹک ول تہاڈی اگوائی کرے گا ۔
ساڈا خُداوند ساڈے بارے سارا کُجھ جان دا اے ۔اوہ جان دا اے پئی اسی کدوں جمے ساں ، تےاوہ ایہناں ساریاں پاپاں دے بارے جان دا اے جیہڑی اسی کر چُکے آں تے کرن والے آں ۔ تے اوہ ایہہ وی چنگی طرح جان دا اے پئی بھاویں اسی کنی چوکھی کوشش کرئیے ، اسی اپنی دلی کوشش نال اپنیاں پاپاں نوں غائب نئیں کرسکدے ۔ ایس لئی پئی خُداوند سانوں اینی چنگی طرح جان دا اے ، اوہ آپ ای اپنے بپتسمے تے صلیبی لہو نال ساڈیاں ساریاں پاپاں نوں مکا چُکیا اے ۔
یِسُوعؔ ایس زمین اُتے کیوں آیا ؟
یِسُوعؔ ناں دا مطلب مکتی داتا اے ۔ یِسُوعؔ ایس زمین اُتے جمیا سی ایس لئی پئی پاپ توں ساڈی مکتی کسے بندے دے راہیں پوری ہون دے لائق نئیں ہوئی اے ، سگوں ایہہ صرف خُدا ئی طاقت وچ رہندیاں ہویاں پوری ہوندی اے ۔ ایس طرح ، یِسُوعؔ دی پیدائش نے اک خاص مقصد پورا کیتا ۔ ایہو اے سبب اے پئی لوکاں نوں ساریاں پاپاں توں بچاؤن لئی یِسُوعؔ اک کواری دے بدن دے راہیں ایس زمین اُتے جمیا سی ۔ دوجیاں اکھراں وچ ، یِسُوعؔ پاپیاں بدلے جیہڑے آدم تے حوا دے پاپ دے سببوں پاپی بن گئے سن اِک زنانی دے بدن دے راہیں جمیا ۔ مکتی داتا بنن لئی جیہڑا ایس جگ دیاں ساریاں پاپاں نوں اوہناں دیاں ساریاں بدکاریاں توں بچاؤندا اے ، خُداوند ایس جگ وچ آیا ، خُدا دی قدرت نال اک کواری دے بدنوں جمیا ۔
ساڈا خُداوندایس زمین اُتے آپ بنائے ہوئے بدن دے راہیں پیدا ہویا تاں پئی اوہ آپ ای ساڈی بے پاپ قربانی بن جائے ۔ تے جد ویلاآیا ، اوہ ساڈے کول مکتی لیاؤن لئی پیَر پیَر اُتے اپنے منصوبے وچ ودھدا گیا ۔ جد ساڈا خُداوند ۳۰ ورہیاں دا ہو گیا ، تاں اوہنے یردن دے دریا اُتے بپتسمہ لیا ۔ ایس زمین اُتے اپنے جمن دا مقصد پوراکرن لئی ، یِسُوعؔ نے بپتسمہ لے کے جگ دیاں پاپاں نوں قبول کرنا سی ، تے ایس طرح ایس کم نوں پورا کرنا سی پئی اوہنے یوحنا کولوں بپتسمہ لیا(متی ۳:۱۳۔۱۷)۔
جد یِسُوعؔ نوں اپنے بپتسمہ دے راہیں جگ دیاں پاپاں نوں قبول کیتیاں ہویاں تِن ورہے ہو گئے سن ، تاں اوہ سولی اُتے چاہڑیا گیا ۔ ایہہ ایس لئی سی پئی ساڈے خُداوند نے بپتسمہ لیا سی تے اوہنے جگ دیاں پاپاں نوں چُک لیا سی پئی اوہ ساڈیاں پاپاں بدلے بے ترسی نال لعنتی ٹھہریا ۔ یوحنا بپتسمہ دین والے کولوں لَئے گئے بپتسمے تے اپنے صلیبی لہو راہیں ،خُداوندساریاں پاپاں نوں غائب کر چُکیا اے ، تے اِنج اوہ اوہناں لوکاں نوں اوہناں دیاں پاپاں توں مکتی یافتہ ہون دے لائق کر چُکیا اے جیہڑے ایمان رکھدے نیں ۔
ایس گل نال کوئی فرق نئیں پیندا پئی لوک اپنے آپ نوں کیہڑی جہالت وچ پاؤندے نیں ، اوہ کیہڑیاں کمیاں وچ پھسے ہوئے نیں ، تے اوہ کِنج دے پاپی ہو سکدے نیں ، خُدا سانوں پانی تےرُوح دی خوشخبری اُتے ایمان رکھن والیاں نوں اسمان ، خُداونددی بادشاہی وچ جان دے لائق کر چُکیا اے ۔ ایہہ پاپ دا مُل اُتارنا سی پئی یِسُوعؔ نے یردن دے دریا اُتے بپتسمہ لیا تے سولی اُتے اپنا لہو وگایا ۔ ایس مکتی دے سببوں جنہوں یِسُوعؔ ساڈیاں پاپاں دا مُل اُتارن تے اپنے آپ نوں قربان کرکے پوری کر چُکیا اے ، ساڈے وچوں اوہ جیہڑے ایمان رکھدے نیں ہُن صرف پانی تےرُوح دی خوشخبری اُتے اپنے ایمان رکھ کے ای اپنیاں پاپاں توں دُھل سکدے نیں ۔ ایہہ مسیحیت دی مُڈھلی سچیائی تے پاپ دی معافی دامرکز اے ۔
خُداوندایس جگ دیاں ساریاں پاپاں دا مکتی داتا بنن لئی ایس ایس جگ وچ آیا ۔ تے خُداونداصل وچ ساڈے وچوں ساریاں نوں پاپ توں بچا چُکیا اے ۔ ساڈا خُداوندساریاں پاپیاں وں ، بھاویں اوہ کوئی وی ہون ، اوہدیاں کماں اُتے ایمان رکھ کے اسمان اُتے جان دے لائق کر چُکیا اے ۔
ایہہ خُداونددی محبت اے ۔ ایہہ ایس لئی سی تاں پئی ساڈے خُداوندنے ساڈے نال اینی محبت
کیتی پئی اوہنے بپتسمہ لیا تے سانوں بچاؤن لئی اپنا لہو وگایا ۔ سانوں پاپ توں چھڈاؤن لئی ، اوہنے ساڈے نال اینی محبت کیتی جنی اپنے ذاتی بدن نال ، ساڈے خُداوندنے بپتسمہ لین تے اپنا لہو وگا کے مکتی پوری کر دتی ۔ اسی پاپی ساں جیہڑے مرن دیہاڑے تیکر پاپ کردے رہواں گے ۔ اپنیاں پاپاں دے دکھ جر کے ، اسی صرف خُدا توں ہور دُریڈے جاندے رہندے آں ۔ ساڈے ورگیاں لوکاں نوں بچاؤن لئی ، خُداوندنے مکتی دے کم پورے کرنے سن جیہڑے سانوں اوہدے نال رَلن دے لائق بناؤندے نیں ۔
ساڈا خُداوندسانوں جیہڑے پاپی ساں خُدا دی محبت نال بچا چُکیا اے ۔ سانوں پاپیاں نوں ساڈیاں بدکاریاں توں بچاؤن لئی ، اوہ خُدا دی راستبازی تے محبت نوں اپنا بپتسمہ لین تے اپنا لہو وگا کے کامل کر چُکیا اے ۔ اسی جیہڑے ایس خوشخبری اُتے ایمان رکھدے آں کنے شکرگزار آں یعنی خُداوندساڈے لئی جو کُجھ کر چُکیا اے یعنی اکھر سوکھے جیہے ایمان دی ساڈی شکر گزاری ظاہر کرن وچ ناکام ہو جاندے نیں جویں ای اسی اوہدے اگے سِر نواؤندے آں ۔ پاپ دی معافی دی سچیائی جیہڑی ساڈا خُداوندسانوں دے چُکیا اے ایہو جیہی نیک تے کامل محبت اے پئی ایہنوں کوئی گل بات دے بول ، یا کوئی مِٹھیاں بولیاں کدی بیان نئیں کر سکدے ۔
دوہزار ورہے پہلاں ، ساڈے وچوں کوئی وی اوس ویلے نئیں جمیا سی ۔ ایہہ تقریباً دوہزار ورہے پہلاں دی گل اے پئی زمینی ہیکل دا پڑدا تے خُدا دی بادشاہی دی اسمانی ہیکل دا پڑدا کھُل گیا سی ۔ اوس ویلے اسی ایتھوں تیکر پئی اپنی ماں دے ٹِہڈ وچ وی نئیں ساں ، پر ساڈا خُداوندساڈے بارے پہلاں ای سب جاندا سی ۔ اوہنوں پتہ سی پئی تُسی جمو گے ، تے ایہہ پئی تُسی سارے اپنیاں زندگیاں اپنے اپنے فرق فرق طریقے نال گزاروگے۔ تے خُداوندنے میرے نال محبت کیتی —نا صرف میرے نال، سگوں اوہ آپ تہاڈے نال تے باقی ساریاں نال اِکو جیہی محبت کر چُکیا اے ۔ خُداوندساڈے نال اینی محبت کر چُکیا اے پئی اوہ ساریاں پاپاں نوں پانی ،لہوتےرُوح دی خوشخبری اُتے ایمان رکھن دے راہیں جیہڑی یِسُوعؔ ساڈے لئی پوری کر چُکیا اے اسمان اُتے جان دے لائق کر چُکیا اے ۔ پانی تےرُوح (یِسُوعؔ دے بپتسمےتے اوہدے صلیبی لہو)دے نال ، یِسُوعؔ پاپ توں ساڈی مکتی نوں پورا کر چُکیا اے ۔
ہیکل دا پڑدا اُتاں توں لے کے ہیٹھاں تیکر پاٹ جانا سچ مُچ اِک حیران کرن والا واقعہ اے ۔ کویں بوہتی پاک تھاں دا ایہہ پڑدا پاٹ سکدا سی ، صرف ایس لئی پئی یِسُوعؔ سولی اُتے مر گیا ؟ ایہہ پڑدا اَج دیاں قالیناں وانگر سی ۔ ایہہ بوہت موٹا تے پکا اُنیا ہویا سی ۔ فلسطین وچ ، اسی ہُن وی قالیناں وانگر اُنے ہوئے موٹے پڑدے ویکھ سکدے آں ۔ اوہ اینے پکیائی نال اُنے جاندے نیں پئی آکھیا جاندا اے پئی اوہناں نوں پاڑن لئی وکھ پاسیاں وچ کھچن والے چونہہ گھوڑیاں دی لوڑ ہوندی اے ۔ اِک گھوڑا کناں تگڑا ہوندا اے ؟ فیروی اوہ پڑدا جیہڑا ایناں پکا سی پئی ایہنوں پاڑن لئی چونہہ گھوڑیاں دی لوڑ پیندی سی اُتاں توں لے کے ہیٹھاں تیکر پاٹ گیا جد یِسُوعؔ سولی اُتے مر گیا ۔
پڑدا کیوں پاٹ گیا سی ؟ ایہہ پڑدا پاٹ گیا ایس لئی پئی یِسُوعؔ ساریاں پاپاں نوں دھو چُکیا سی جیہڑے لوکاں دیاں دلاں وچ سن ۔ ایہہ پڑدا پاٹ گیا ایس لئی پئی یِسُوعؔ بپتسمہ لین تے مرن تیکر سولی اُتے رہ کے اپنیاں ساریاں چنگیاں کماں نوں پورا کرچُکیا سی ۔ اپنے بپتسمے تے سولی اُتے لعنتی ٹھہر کے جگ دیاں پاپاں نوں قبول کر کے ، یِسُوعؔ نے اوہناں لئی راہ کھول دتا جیہڑے اسمان اُتے جان بارے ایمان رکھدے نیں ۔ سارا کُجھ جیہڑا تہانوں ہُن کرنا اے صرف ایمان رکھنا اے ۔ خُداونداسمان دا پھاٹک کھو ل چُکیا اے تاں پئی تُسی سارے ایس اُتے صرف ایمان رکھ کے جا سکو ۔
کیہ یِسُوعؔ دا بپتسمہ تے لہو دونویں ساڈی مکتی لئی لوڑی دے نیں ؟
ایہہ پُرانے عہد نامے دے زمانے توں وی پہلے منصوبے والی مکتی دے طریقے دے بالکل مطابق سی پئی یِسُوعؔ دے سِر اُتے ہتھ رکھے گئے سن ، ایہہ ای رِیت اے جیہڑی صرف قربانی دیاں پشُوآں لئی خاص سی ۔ ایس لئی پئی ایہہ مکتی دی شریعت سی جیہڑی خُدا ولوں مقرر کیتی گئی پئی قربانی دا پشُو ہتھاں دے رکھے جان تے مرن نال ساریاں پاپاں نوں قبول کردا سی ، یِسُوعؔ ، ساڈے اپنے قربانی دے لیلے وانگر سانوں سدا تیکر بچاؤن لئی آؤن دے بعد ، صرف اپنا بپتسمہ لے کے ، یعنی ہتھاں دے رکھے جان دی شکل وچ ساڈیاں ساریاں پاپاں نوں مکا سکدا سی ۔ ایہو ای سبب اے پئی بوہتی پاک تھاں اُتے جان لئی ، ایتھوں تیکر پئی وڈے کاہن نوں وی قربانی دے پشُودا لہو اپنے نال لے جانا لازمی ہوندا سی جیہڑا ہتھاں دے رکھے جان نال پاپاں نوں چُک لیندا سی ۔
فیر ، کیوں وڈا کاہن ایس تھاں اُتے لہو لے کے جاندا سی ؟ تاں پئی بدن دی جان لہو وچ اے ، خُدا
ایہنوں اپنے اگے آؤن توں پہلاں وڈے کاہن نوں اپنی جان دا فدیہ دین لئی دے چُکیا سی (احبار ۱۷:۱۱)۔ساریاں لوکاں نوں اپنیاں پاپاں دے بدلے مرنا پیندا سی ، پر ایس لئی پئی یِسُوعؔ نے یردن دے دریا وچ بپتسمہ لے کے (اوہدے بپتسمے نال یِسُوعؔ اُتے سارے پاپ لدے گئے سن)لوکاں دیاں ساریاں پاپاں نوں چُک لیا تے اوہناں ساریاں نوں موہڈا دتا ، یِسُوعؔ اُتے چڑھیا تے اِنج سانوں لہو نال جیہڑا اوہنے وگایا ،یعنی اپنی ذاتی زندگی نال بچا چُکیا اے ۔ ایہہ سانوں دسدا اے پئی جد پاپی خُدا دے اگے آؤندے نیں ، تاں اوہناں نوں خاص کر کے اپنے نال اوہ ایمان لیاؤنا چاہی دا اے جیہڑا پانی تے لہو اُتے بھروسہ رکھدا اے ۔ صر ف جدوں اسی یِسُوعؔ دے بپتسمے دے پانی تے لہو اُتے جیہڑا اوہنے وگایا سچے دلوں ایمان رکھدے آں فیر اسی اپنیاں پاپاں دےسببوں لعنتی ٹھہرن توں بچ سکدے آں ۔
ہُن،یِسُوعؔ ساریاں پاپاں نوں دھو چُکیا اے ، تاں پئی کسے نوں وی توبہ دیاں دعاواں ، یا روزہ ، یا اپنیاں پاپاں دی معافی لئی قربانیاں چڑھاؤن دی لوڑ نا پوے ۔ سانوں توبہ دیاں دعاواں منگن دی لوڑ نئیں،تے نا ای اسی اپنیاں پاپاں دی سزا جردے آں ، ایس لئی پئی یِسُوعؔ پہلاں ای پاپ دی معافی تے سزا دی قربانی چڑھا چُکیا اے ۔ سارا کُجھ جیہڑا اسی کرنا اے صرف اسمانی، ارغوانی، تےلال دھاگےوچ ظاہر ہون والی مکتی اُتے اپنے سچے دلوں ایمان رکھنا اے ۔
سارا کُجھ جیہڑا کسے نے کرنا اے صرف ایس بپتسمے اُتے ایمان رکھنا اے جیہڑا یِسُوعؔ نے اسمانی دھاگے وانگر جیہڑا پُرانے عہد نامے دے خیمۂ اِجتماع لئی ورتیا گیا سی لیا ، تے لہو اُتے ایمان رکھنا اے جیہڑا یِسُوعؔ نے اوہدے لال دھاگے وانگر سولی اُتے وگایا سی ۔ تے ایہہ سچیائی پئی یِسُوعؔ اپنی مُڈھلی طاقت نال بادشاہ اے خیمۂ اِجتماع لئی ورتے گئے ارغوانی دھاگے وچ ظاہر کیتی گئی اے ۔ ایس طرح جے اسی اسمانی، ارغوانی، تےلال دھاگےوانگر ظاہر کیتی گئی پاپ دی معافی اُتے ایمان رکھ کے اپنیاں پاپاں توں دُھلدے آں، تے ایمان رکھدے آں پئی ساڈی ساری سزا پہلاں ای مک گئی اے ، تاں ہُن ساڈے وچوں کوئی وی اسمانی بادشاہی وچ جا سکدا اے ۔ ایہہ خوشخبری پانی تےرُوح دی اصل خوشخبری اے ۔
جد یِسُوعؔ سولی اُتے مرگیا تاں ہیکل دا پڑدا کیوں پاٹ گیا ؟ آؤ اسی ایس اُتے اِک واری فیر دھیان کرئیے
پُرانے عہد نامے وچ ظاہر ہون والا اسمانی، ارغوانی، تےلال دھاگہ اوہ خوشخبری اے جیہڑی ایمان رکھن والیاں لئی پاپ دی معافی تے اسمانی بادشاہی وچ جان دیاں برکتاں لیاؤندی اے ۔ ایہو اے سبب اے پئی جد یِسُوعؔ ، بپتسمہ لےکے سولی اُتے مرگیا تاں ہیکل دا پڑدا پاٹ گیا سی ۔ اوہناں لئی جیہڑے یِسُوعؔ اُتے ایمان رکھدے نیں ، ایہہ اپنےآپ خُداولوں دتی گئی پانی تےرُوح دی خوشخبری دی سچیائی اے ۔ ”آہ ، ایہہ ایس لئی سی پئی یِسُوعؔ نے میرے بدلے یوحنا کولوں بپتسمہ لیا سی پئی اوہنے اپنا لہو وگایا تے سولی اُتے مر گیا ،تے اِنج موت دی مزدوری ، یعنی پاپ دا مُل اُتاریا ۔ “ سولی اُتے مردیاں ہویاں ،یِسُوعؔ نے فرمایا ، ”پُوراہویا، “ تے ایہہ اوہ ویلا سی جد اوہنے ساڈے لئی اسمانی بادشاہی وچ جان دا راہ کھول دتا ۔
یِسُوعؔ ایس زمین اُتے اوہناں نوں بچاؤن لئی آیا سی جیہڑے پاپاں دی کندھ دے سبب خُدا توں وکھ ہوگئے سن ایہہ پئی اوہ بچ نئیں سکدے سن سگوں بناؤندے رہندے سن ۔ ایہہ یِسُوعؔ دی اپنی مرضی سی ، پر نال ای ایہہ خُدا باپ دا حکم تے ساڈے لئی اوہدی محبت وی سی ۔ خُدا دی مرضی پوری کردیاں ہویاں ، یِسُوعؔ نے بپتسمہ لیا جنہے جگ دیاں پاپاں نوں اوہدے اپنے بدن اُتے لد دتا ۔ ایہہ ایس لئی سی تاں پئی یِسُوعؔ اپنے بپتسمے نال جگ دیاں پاپاں نوں موہڈا دتا پئی اوہ سولی تیکر گیا ، سولی اُتے چڑھ گیا ، اپنا لہو وگایا تے مرگیا ،تِناں دِناں بعد مویاں وچوں جی اُٹھیا ، تے اِنج اپنی مکتی دیاں کماں نوں پورا کر دتا ۔ ایہہ اسمانی، ارغوانی، تےلال دھاگے وچ ظاہر کیتیاں گئیاں خدمتاں سن ، یعنی پاپ دی معافی جیہڑی پاپیاں نوں اوہناں دیاں بدکاریاں نوں چھڈاؤندی اے ، تے قربانی دے نظام دا پورا ہونا اے ۔
ایہہ ایس لئی اے کیوں جو یِسُوعؔ نےاپنیاں خدمتاں نال مکتی نوں پورا کیتا اے پئی اسمانی پھاٹک ، جیہدے وچ ہُن تیکر کوئی بندہ جا نئیں سکدا سی ، ہُن کھولیا گیا اے ۔ایس توں ظاہر ہوندا اے پئی مکتی دا پھاٹک ہور ہتھاں دے رکھے جان تے پشوُ دے لہو نال نئیں کھُلدا جیہڑا پُرانے عہد نامے دے قربانی دے پشُو لئی ورتیا جاندا سی ، سگوں ہُن ایس ایمان نال کھُلدا اے جیہڑا بپتسمے اُتے جیہڑا یِسُوعؔ نے لیا تے لہو اُتے جیہڑا اوہنے سولی اُتے وگایا ایمان رکھدا اے ۔ ایہہ پئی پڑدا پاٹ گیا سی مکتی دے پورے ہون نوں ظاہر کردا اے ، پئی خُدا ہن ہر کسے نوں اسمان اُتے جان دے لائق کرچُکیااے جیہڑا جاندا تے خُداوند ولوں پوری کیتی گئی پانی تےرُوح دی خوشخبری اُتے سچ مُچ ایمان رکھدا اے ۔ ایہہ ہیگا اے پئی ہیکل دے پڑدے نوں پاٹنا پیا۔
تہانوں لازمی ایمان رکھ کے اسمانی بادشاہی وچ جانا چاہی دا اے جیہڑا یِسُوعؔ دے بپتسمے تے صلیبی لہو اُتے ایمان رکھدا اے ۔ یِسُوعؔ جیہڑا کسے وی طرح کوئی پاپ نئیں رکھدا سی ایس زمین اُتے آیا بدن لےکے جمیا تے ساڈیاں ساریاں پاپاں نوں قبول کرن لئی یوحنا کولوں بپتسمہ لیا (متی ۳:۱۵)۔ ایس توں علاوہ ، ساڈے خُداوندنے ساڈیاں پاپاں دی مزدوری لئی اپنے بدن دی جان پیش کیتی تے فدیہ دی سدا دی قربانی بن گیا اے جیہڑی سانوں لازمی اپنے نال لے جانی چاہی دی اے جد اسی خُدا دے اگے آؤندے آں ۔ ایس لئی ، ساڈے وچوں ساریاں نوں لازمی ایس لہو اُتے ایمان رکھنا چاہی دا اے جیہڑا یِسُوعؔ نے ساڈی مکتی لئی بپتسمہ لین دے بعد وگایا سی ۔ لوکاں نوں پاپ توں چھڈاؤن تے اوہناں نوں خُدا دے اپنے لوک بناؤن لئی، یِسُوعؔ نے اپنے ذاتی بدن نوں پاڑ کے اسمانی پھاٹک کھول دتا ۔
جد یِسُوعؔ دے سانوں بچاؤن دی گل ہوندی اے ، تاں سانوں لازمی جاننا چاہی دا اے پئی اوہنے صرف سولی اُتے لہو نئیں وگایا ۔ سولی اُتے مرن توں تِن ورہے پہلاں ،اوہ یردن دے دریا اُتے بپتسمہ لےکے ساڈیاں پاپاں نوں اُٹھا چُکیا سی ۔ سو یِسُوعؔ نے ساریاں لوکاں دے بدلے یوحنا کولوں بپتسمہ لیا تے فیر رومی سپاہیاں دے ہتھوں سولی اُتے چڑھیا ۔ تہاڈے تے میرے ایس جگ وچ جمن توں پہلاں ، یِسُوعؔ بپتسمہ لین تے اپنا لہو وگا کے ساڈیاں ساریاں پاپاں نوں صاف کر چُکیا سی ۔
ایہہ پئی یِسُوعؔ نے یوحنا کولوں بپتسمہ لیا مکتی دا طریقہ سی جیہڑا اوہنے ساڈیاں پاپاں نوں پہلاں اِکو ای ویلے وچ چُکن دے سلسلے وچ لازمی طور اُتے پورا کرنا سی ۔ تے جیہڑا لہو اوہنے وگایا اوہناں ساریاں پاپاں دے مُل دا اُتارنا سی ۔ ایس لئی پئی یِسُوعؔ آپ ای خُدا اے ، بپتسمہ جیہڑا اوہنے لیا تے لہو جیہڑا اوہنے سولی اُتے وگایا اوہ پک نال ساڈی پاپ توں مکتی نوں بنا سکدےنیں۔ ایہہ ساڈے خُداوند دی کامل قربانی سی جیہڑی اوہنے ساریاں لوکاں دی مکتی لئی پیش کیتی ۔ کیہ تُسی ایمان رکھدے او پئی پانی تےرُوح دی خوشخبری دا کلام ساڈیاں پاپاں نوں صاف کر چُکیا اے تے سانوں ساڈی ساریاں پاپاں تے سزا توں چھڈا چُکیا اے؟
یِسُوعؔ دے بپتسمے تے صلیبی لہو دے راہیں ساریاں لوکاں دے سارے پاپ ہُن دُھل گئے نیں
ایہہ ساریاں لوکاں دیاں پاپاں نوں دھون لئی سی پئی یِسُوعؔ نے یوحنا کولوں بپتسمہ لیا ۔جے اسی اوہدی عوامی زندگی وچوں یِسُوعؔ دےایس بپتسمے نوں کڈھ کے یِسُوعؔ دیاں مکتی دیاں خدمتاں اُتے دھیان کردے آں ، فیر جگ نوں بناؤن توں پہلاں یِسُوعؔ مسیح وچ تیار کیتی گئی ساریاں لوکاں دی مکتی ساری جھوٹھ ہو جائے گی ۔ جگ نوں بناؤن توں پہلاں ای ، یِسُوعؔ ساریاں لوکاں دیاں پاپاں نوں چُکن تے اپنا لہو وگاؤن لئی بپتسمہ لین دی تیاری کردا پیا سی ۔
ایہو ای سبب اے پئی یِسُوعؔ نے یوحنا بپتسمہ دین والے ، ساریاں لوکاں دے نمائندے کولوں بپتسمہ لیا ، تے اِنج ساریاں پاپاں نوں قبول کیتا (متی ۱۱:۱۱۔۱۲؛ متی۳:۱۵)۔ یِسُوعؔ دابپتسمہ لین دے سببوں پاپیاں دیاں بدکاریاں نوں دھونا مکتی دا طریقہ سی ۔ یِسُوعؔ نے پاپیاں دیاں بدکاریاں نوں قبول کیتا تے اوہناں نوں پاک کر دتا تے ساڈی موت دی بجائے ساڈیاں پاپاں لئی ،اوہ ساڈے بدلے بے ترسی نال مرگیا ، تے اِنج کر کے اوہ اوہناں نوں جیہڑے ایس اُتے ایمان رکھدے نیں اوہناں دیاں ساریاں پاپاں تے سزا توں مکتی دے چُکیا اے ۔ ایس طریقے نال (بپتسمہ لین دے طریقے نال) یِسُوعؔ اپنے آپ اُتے لوکاں دیاں ساریاں پاپاں نوں قبول کر سکدا سی تے سولی اُتے اپنا لہو وگا کے پاپ دی سزا جر سکدا سی ۔ ” کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے “ (متی ۳:۱۵)۔یعنی یِسُوعؔ نے یردن دے دریا وچ بپتسمہ لیا ایہدا مطلب ایہہ ہیگا اے پئی اوہنے ساڈے ساریاں پاپیاں دیاں پاپاں نوں قبول کیتا سی ۔
بھراؤ تے بھینو، کیہ تُسی ایس گل اُتے ایمان رکھن دے لائق نئیں پئی یِسُوعؔ تقریباً دوہزار ورہے پہلاں ایس زمین اُتے آیا سی ، پئی اوہنے ۳۰ ورہیاں دا ہون اُتے بپتسمہ لیا سی ، تے اوہنے تہاڈے بدلے اپنا لہو وگایا سی ، صرف ایس لئی پئی تُسی ایہنوں اپنیاں اکھاں نال نئیں ویکھیا؟ پر ساڈیاں ساریاں کمیاں دے بارے جاندیاں ہویاں ، خُدا جگ نوں بناؤن توں پہلاں ای پانی تے لہو نال ساڈی مکتی دا منصوبہ بنا چُکیا سی، تے یِسُوعؔ مسیح تے یوحنا بپتسمہ دین والے نوں اپنے منصوبے دے بالکل مطابق ایس زمین اُتے گھل کے ، اوہ ساڈے ساریاں دی مکتی نوں پورا کر چُکیا اے ۔ سانوں ایس ساری سچیائی نوں سمجھن تے جانن دے لائق بناؤن لئی خُدا نے اپنیاں خادماں کولوں اپنا کلام لکھوایا ۔ اپنے لکھے ہوئے کلام نال ، خُدا مکتی دے منصوبے تے ایہدے پورے ہون دے بارے ساریاں لوکاں اُتے سارا کُجھ ظاہر کر چُکیا اے ۔ ہُن اوہ ہر کسے نوں خُدا دے لکھے ہوئے کلام نال سچیائی نوں سمجھن دے لائق کر چُکیا اے پئی یِسُوعؔ نے ساڈیاں ساریاں پاپاں نوں چُکن لئی یردن دے دریا اُتے یوحنا کولوں بپتسمہ لیا سی ۔
سانوں ساریاں نوں لازمی ہُن بپتسمے اُتے جیہڑایِسُوعؔ نے لیا تے لہو اُتے جیہڑا اوہنے سولی اُتے وگایا اپنی مکتی لئی ایمان رکھنا چاہی دا اے ۔بھاویں اسی ایہنوں اپنیاں اکھاں نال نئیں ویکھیا ، پر سانوں لازمی اپنیاں دلاں وچ ایمان رکھنا چاہی دا اے ۔سچا ایمان سانوں اودوں ملدا اے جد ساڈا ایمان اوہدے کلام نال بنیا اے ۔ خُداوند نے تُوما نوں آکھیا ، ” مُبارک اوہ نیں جِنہاں ویکھیا نئیں تَد وی اِیمان لیاندا “ (یوحنا ۲۰:۲۹)۔ یِسُوعؔ تہانوں تے مینوں بپتسمے نال جیہڑا اوہنے لیا تے لہو نال جیہڑا اوہنے وگایا مکتی دے چُکیا اے ۔ خُدا ہر کسے نوں جیہڑا ایس اُتے ایمان رکھدا اے اسمان اُتے جان دے لائق کر چُکیا اے ۔
ایس لئی خُدا نے ہیکل دا پڑدا پاڑ دتا سی جد یِسُوعؔ سولی اُتے مرگیا ۔ یِسُوعؔ نے پاپ دی کندھ نوں ہیٹھاں ڈیگ دتا جیہڑی خُدا ولوں ساڈا لوکاں دا راہ ڈَک چُکی سی ۔ یِسُوعؔ جو کر چُکیا سی اوہ پاپ دی ساری کندھ نوں ڈیگن لئی بوہت چوکھا سی ۔ اوہ ہر کسے لئی اسمان اُتےجانا بالکل بغیر روک ٹوک دے دل وچ پانی تےرُوح دی خوشخبری اُتے ایمان رکھن دے راہیں سوکھا بنا چُکیا اے ۔ مَیں اپنے خُداوند دا سانوں ایہہ سچیائی دین لئی شکر ادا کردا ہاں ، تاں پئی اسی سارے سچ مُچ اسمان اُتے جائیے جے اسی صرف اپنے دل وچ ایمان رکھدے آں ۔
ایہہ واقعہ کناں وڈا اے پئی ،یِسُوعؔ ایس زمین اُتے پاپیاں نوں بچاؤن لئی صرف اک بندے دے بدن وچ جمیا سی ؟ ایہہ سچ مُچ اِک دسن دے لائق واقعہ اے ، ایتھوں تیکر پئی جد اوہدے بنائے ہوئے جگ نال جانچیا جائے ۔ ایہہ صرف عام گل اے پئی خُداوند ، جگ بناؤن والا جنہے ساریاں شیواں پید ا کیتیاں ، اپنیاں لوکاں نوں بنائے گا ، پر ایہہ پئی جگ بناؤن والا اپنے بنائے ہوئے لوکاں وانگر بن گیا ، جگ دیاں پاپاں نوں بپتسمہ لے کے چُک لیا ، تے سولی اُتے چڑھیا ،کوئی ہور گل نئیں ہو سکدی سگوں مکتی دا وڈا واقعہ اے ۔
کویں جگ بناؤن والا آپ اپنیاں لوکاں وچوں اِک وانگر بن سکدا سی ؟ پر یِسُوعؔ ، آپ ای خُدا نے ، اپنے آپ نوں ایس حد تیکر نیواں کر دتا پئی اوہنے یردن دے دریا وچ لوکاں دے نمائندے ، یوحنا بپتسمہ دین والے کولوں بپتسمہ وی لیا ۔ ایہہ کناں حیران کرن والا واقعہ اے ؟ پر ایہہ اخیر نئیں اے ، ایس لئی پئی یِسُوعؔ نے اپنے آپ نوں سارےدا سارا نیواں کیتا ، تے ایتھوں تیکر پئی اپنے مرن تیکر ، سولی اُتے بے گنت بے ترسی دیاں دکھاں نوں جرن ، اپنا لہو وگاؤن تے مرن تیکر آکھا منیا ۔ ایہہ ساریاں شیواں خُدا دی محبت ، اوہدی رحمت تے اوہدے وڈے فضل توں علاوہ کُجھ نئیں ہو سکدیاں ۔
لوکاں دے سارے پاپ سارے دے سارے خُداونددے بپتسمے تے اوہدے صلیبی لہو دے نال اِکو ای واری سدا لئی پا ک ہوگئے سن ۔ تے ہیکل دا پڑدا پاٹن دےبعد ، یِسُوعؔ تِناں دناں پِچھوں مویاں وچوں جی اُٹھیا ، تے اوہ ہُن اوہناں ساریاں نال سچیائی وچ ملنا چاؤہندا اے جیہڑے سچیائی اُتے ایمان رکھدے نیں ۔ ایس طرح ، خُداونددا کم جیہڑا پاپیاں نوں بچا چُکیا اے ایہو جیہا واقعہ اے جیہڑا وڈا تے ایتھوں تیکر پئی اوہدے جگ بناؤن دیاں کماں وچوں بوہت وڈا اے جنہے ایس جگ تے ایس وچ موجود ساریاں شیواں نوں پیدا کیتا ۔ یِسُوعؔ دی پیدائش ، اوہدا بپتسمہ،سولی اُتے اوہدی موت ، اوہد ا جی اُٹھنا ، اسمان اُتے چڑھنا تے واپس آؤنا ، تے ایہہ پئی اوہ سانوں اپنے دِھیاں پُتر بنا چُکیا اے ایہہ سارے خُدا دی محبت دے کم نیں ۔
ساڈا خُداوندتہانوں تے مینوں ساریاں پاپاں توں بچا چُکیا اے ۔ ساڈا خُداوندپانی تےرُوح دی خوشخبری دے راہیں تہانوں تے مینوں اِکو ای واری جگ دیاں پاپاں توں سدا لئی چھڈا چُکیا اے ۔ ایس لئی اسی ایمان رکھ کے راستباز بن سکدے آں تے خُدا دا شکر ادا کر سکدے آں ۔خُدا ساڈے اُتے بھرویں طریقے نال اپنی مکتی دی برکت گھل چُکیا اے ۔ کیہ تُسی ایمان رکھدے او ؟
بھراؤتے بھینو، تُسی تے مَیں ایہو جیہے بندے ساں جیہڑے بچ نئیں سکدے سگوں دوزخ وچ سُٹے جاندے ۔ اسی ایہو جیہے بندے ساں جیہڑے بچ نا سکدے سگوں اپنیاں پاپاں دے سببوں برباد ہوندے تے پریشانی وچ اپنیاں زندگیاں گزاردے ، پر خُداوندسانوں مکتی نال پاپ توں بچا چُکیا اے جیہدا اوہ ایتھوں تیکر پئی جگ بناؤن توں پہلاں منصوبہ بنا چُکیا سی ۔ ساڈے کول کوئی دوجا چارہ نئیں سگوں اپنیاں پاپاں وچکار بیٹھن ، رون ، پچھتاؤن تے اپنیاں نصیب اُتے لعنت کردیاں ہویاں اپنیاں زندگیاں گزارن دا چارہ رکھدے ساں ، پر ساڈے ورگے لوکاں نوں اسمانی بادشاہی وچ جان دے لائق کرن لئی ، خُداوندسانوں ساڈیاں ساریاں پاپاں توں چھڈا چُکیا اے ۔ اِنج ساڈا خُداوند ساڈی مکتی دا مالک بن گیا اے ۔
یِسُوعؔ سانوں پانی تےرُوح دی خوشخبری دے چُکیا اے ، تے اوہ ساڈی پاپ دی معافی دی ضمانت وی دے چُکیا اے ۔ یِسُوعؔ آپ ای مکتی دا خُداوندبن گیا اے ۔ یِسُوعؔ نے ساڈے بدلے جگ دیاں پاپاں نوں چُک لیا ، ساڈے بدلے مر گیا ، تے اِنج ساڈا کامل مکتی داتا بن گیا اے ۔
کیہ تُسی بپتسمے اُتے جیہڑا یِسُوعؔ نے لیا تے لہو اُتے جیہڑا اوہنے وگایا ایمان رکھدے او؟
پاپ توں ساڈا چھٹکارا بپتسمہ جیہڑا یِسُوعؔ نے لیا تے صلیبی لہو اُتے ایمان رکھ کے پورا ہوندا اے ۔ یِسُوعؔ نوں مکتی داتا وانگر من کے پاپیاں نوں مکتی یافتہ ہون لئی ، اوہناں نوں اوہدے بپتسمے تے سولی نوں ترتیب نال رکھنالازمی بناؤنا چاہی دا اے ، تے اوہناں نوں لازمی ایمان رکھنا چاہی دا اے پئی ایہناں دونواں دے اکٹھیاں ہون نال ای اے پئی کامل مکتی پوری ہوندی اے ۔
کسے وی طرح ، کیہ تُسی ایمان نئیں رکھدے پئے پئی یِسُوعؔ نے بپتسمہ لیا تے سولی اُتے مرگیا ؟ کیہ تُسی بپتسمہ ردّ نئیں کردے پئے جیہڑا یِسُوعؔ نے یوحنا کولوں لیاتے ایس اُتے ایمان رکھن توں انکار کردے پئے او ؟ خُدا دی راستباز ی پوری ہوگئی سی ایس لئی پئی بپتسمہ جیہڑا یِسُوعؔ نے لیا اوہ کم سی جیہدے راہیں اوہنے پاپیاں دیاں ساریاں بدکاریاں نوں چُک لیا ،تے اوہ موت جیہڑی اوہنے اپنا مہنگا لہو وگا کے جری اوہ ساڈیاں پاپاں دی سزا سی ۔ ایس طرح ، جد تُسی تے مَیں یِسُوعؔ اُتے ایمان رکھن دا اقرار کردے آں ، تاں سانوں اوہدے بپتسمے تے اوہدے صلیبی لہو دونواں اُتے اک مکتی وانگر ایمان رکھنا چاہی دا اے ۔
خُدا نے اپنے کلام وچ یِسُوعؔ دے بپتسمے دی لوڑ تے لہو وگاؤن بارے لکھیا ، تے ایہدے باوجود بوہت سارے لوک حالے وی ضد کردے نیں پئی اوہناں نوں مکتی یافتہ ہون لئی صرف صلیبی لہو اُتے ایمان رکھن دی لوڑ اے۔ جے تُسی اوہناں وانگر جے ، تاں تہانوں لازمی اپنے ایمان بارےخاص کر کے دوبارہ دھیان کرنا چاہی دا اے ، پرت آؤنا چاہی دا اے، تے ایہناں دونواں خاص کماں اُتے ایمان رکھنا چاہی دا اے۔ جے تُسی اِنج نئیں کردے سگوں صرف صلیبی لہو اُتے ایمان رکھدے او ، تاں فیر تُسی خُداوند دی عوامی زندگی دیاں پاک خدمتاں نوں ساریاں نوں فضول وچ بدلدیاں ہویاں مُک جاؤ گے ۔ جے تُسی اتفاقاً ایہوجیہا ایمان رکھدےاو، تاں تہانوں ایس کچےایمان توں بازآؤنا چاہی دااے تےاوہ سچا ایمان رکھنا چاہی دااے جیہڑاسارے پاک کلام وچ دسیا گیا اے۔ اوہدے بپتسمے توں اَڈ،سولی اُتے اوہدی موت ساڈے لئی کیوں ضروری ہوئے گی ؟ جے یِسُوعؔ یوحنا بپتسمہ دین والے کولوں بپتسمہ نا لیندا ، تاں اوہدی موت دا ساڈیاں پاپاں نال کوئی تعلق واسطہ نئیں ہوئے گا ۔
بھراؤ تے بھینو ، جے تُسی کسے بِل اُتوں اپنا ناں مٹا دیوو، تاں کیہ تہانوں اصل وچ پیسے لیاؤن تےقرض دین والے نوں پیسے دین دی لوڑ نئیں ہوئے گی ؟ قرض دین والیاں نوں لازمی اپنے قرض والے پیسے اداکرنے چاہی دے نیں ،تے صرف فیر ای اوہ قرضے والی پرچی اُتوں اپنیاں ناواں نوں مٹا سکدے نیں ۔ ایس طرح ، ساڈیاں پاپاں دا مُل اُتارن لئی ،یِسُوعؔ نے اپنے بپتسمے نال ساڈیاں اِنج دیاں پاپاں تے بدکاریاں نوں قبول کیتا تے اپنا لہو وگا کے اوہناں نوں مٹا دتا ۔
بپتسمے نال جیہڑا اوہنے لیا ، خُداوند نے اصل وچ ساڈے سارے پاپ چُک لَئے ،تے ایہو سبب اے پئی اوہ اپنا لہو وگا کے ساڈیاں ساریاں پاپاں لئی سزا جر سکدا سی ۔ اک قرضہ اُتارن لئی ، عام سمجھ وچ آؤن والی گل ایہہ ہیگی ا ے پئی کسے بندے نوں اِک ایہو جیہا مُل اُتارنا چاہی دا اے جیہڑا ایس قرض دے برابر ہوئے ۔ جے قرضہ دین والے پیسے نئیں دیندے سگوں صرف اپنا قرضے دی ادائیگی دا دعویٰ کردے نیں تے اپنے ناں بِل اُتوں مٹاؤن دی گل کردے نیں ، تاں کیہ سچ مُچ اوہناں دے ناں مٹ جان گے ؟ ایس گل نال کوئی فرق نئیں پیندا پئی اوہ کنے ای سچے دلوں ایمان رکھدے نیں پئی اوہناں دے ناں مٹائے گئے نیں ، پر سچیائی ایہہ ہیگی اے پئی اوہناں دے ناں حالے وی بِل اُتے ہیگے نیں ۔
جویں پئی قرضہ لین والے اپنیاں قرضیاں توں صرف اوسے صورت وچ چھُٹ سکدے نیں جد سچ مُچ قرضہ اُتار دتا جائے ، سانوں پاپیاں نوں پاپ توں معافی پاؤن لئی لازمی اپنیاں دلاں وچ اوہ ایمان رکھنا چاہی دا اے جیہڑا ایہہ بھروسہ رکھدا ہوئے پئی ساڈے پاپ بپتسمے نال جیہڑا اوہنے لیا یِسُوعؔ اُتے لدے گئے سن ۔ اسی آپ ای ایہہ بپتسمہ نئیں دتا جنہے ساڈیاں پاپاں نوں یِسُوعؔ دے سِر اُتے لدیا سی ۔
پر یوحنا بپتسمہ دین والے اِک وچولے دےراہیں ، اسی اپنیاں پاپاں نوں یِسُوعؔ اُتے لدن دے لائق ہوگئے ساں ۔ یِسُوعؔ جنہے یوحنا بپتسمہ دین والے کولوں بپتسمہ لیا جگ دیاں پاپاں نوں موہڈا دتا ، سولی اُتے گیا ، اپنا لہو وگایا تے مرگیا ۔ اوہدے بپتسمے ، یعنی مشابہ تے مکتی دی رسید اُتے ایمان رکھ کے ، جیہدے راہیں یِسُوعؔ نے ساڈیاں پاپاں نوں چُک لیا تے سانوں بچا چُکیا اے ، اسی اپنی مکتی دا ثبوت لَے سکدے آں ۔ ساڈے خُداوند نے ساڈے لئی ساڈیاں دلاں وچ جیہڑ ا کُجھ کیتا اے ایس اُتے ایمان رکھ کے ، ہُن اسی پاپ دی معافی پاؤن دے لائق ہو گئے آں ۔ کیوں ؟ ایس لئی پئی سانوں اپنے بپتسمے تے لہودےراہیں ، ساڈا خُداوند نویں زندگی دے چُکیا اے ۔
جد یِسُوعؔ سُولی اُتے مر گیا ، بوہتی پاک تھاں دا پڑدا دو ٹوٹیاں وچ پاٹ گیا ، زمین ہِل گئی ، چٹاناں تِڑک گئیاں ، قبراں کھُل گئیاں تے بوہت ساریاں پاک لوکاں دے بدن جیہڑے مر گئے سن جی اُٹھے ۔ ایہناں واقعاں نال ، خُدا نے ظاہرکیتا پئی اوہ اوہناں نوں اُٹھا کھلارے گا جنہاں نیں اوہدے کلام اُتے ایمان رکھیا، پئی یِسُوعؔ مسیح آئے گا تے لوکاں دیاں ساریاں پاپاں نوں مِٹا دیوے گا ۔ اوہنے ظاہر کیتا پئی یِسُوعؔ سچ مُچ مویاں وچوں جی اُٹھیا تے اوہ جیہڑے یِسُوعؔ اُتے ایمان رکھدے نیں اوہ سچ مُچ زندہ کیتے جان گے ۔ یِسُوعؔ نا صرف سانوں پاپ توں بچاچُکیا اے ، سگوں اوہ سانوں نویں زندگی وی دے چُکیا اے جیہڑے رُوحانی طریقے نال مُردے ساں ۔ ایہہ سانوں نویں زندگی دینا سی پئی یِسُوعؔ نے بپتسمہ لیا ، سولی اُتے مر گیا ، تے فیر زندہ ہو گیا ۔ خُدا سانوں اپنے پا ک شہر وچ جان تے ایس وچ سدا تیکر زندہ رہن دے لائق کر چُکیا اے ۔ مَیں اپنے ایمان نال اوہنوں اپنا اصلی شکر پیش کردا ہاں ۔
اوہ تھاں جتھے پاپ دی معافی پاؤن والے زندہ رہن گے اوہ اسمان اے ۔ سو ایمان رکھو پئی اوہ جیہڑے ایس زمین اُتے پاپ دی معافی پاچُکے نیں سارے اسمان اُتے جان گے تے ایس اُتے زندہ رہن گے ۔ اسمان اوہناں لوکاں دا اےجنہاں نیں پاپ دی معافی پائی اے ۔ پانی تےرُوح دی خوشخبری اُتے ایمان رکھنا تے نویں سریوں جمنا دو وکھ وکھ شیواں نئیں ہیگیاں ۔ سگوں ایہہ دونویں اِکو ای نیں ۔
جے کوئی پانی تےرُوح دی خوشخبری دے کلام اُتے ایمان رکھدا اے ، تاں اوہ بندہ اوسے ویلے نویں سِریوں جمدا اے جد اوہ ایمان رکھدا اے ۔ جد پاپی پاپ دی معافی پاؤندے نیں، تاں اوہ خُدا دےاپنے نیانے بن جاندے نیں ،تے اپنیاں نیانیاں نوں ، خُدا اسمان انعام وانگر دیندا اے ۔ بھاویں اپنے بدن وچ اسی اپنا ذاتی کوئی کم نئیں رکھدے ، صرف اِک شے نوں ویکھدیاں ہویاں ، ساڈا ایمان جیہڑا مکتی داتا اُتے بھروسہ رکھدا اے ، ساڈا خُداوند سانوں پاپ دی معافی تے ساڈے لئی اپنیاں انعاماں وانگر اسمان دے چُکیا اے ۔
ایہہ سچیائی پئی ساڈا خُداوند ایس زمین اُتے آیا ، پئی اوہنے بپتسمہ لیا ، تے ایہہ پئی اوہنے اپنا لہو وگایا ، ایہہ سارا سچ اے ۔ جد یِسُوعؔ سُولی اُتے مر گیا ،تاں اوہ اپنے بپتسمے نال جگ دیاں پاپاں نوں اُٹھا چُکیا سی ۔ یِسُوعؔ دے سُولی اُتے مرن توں پہلاں ، یوحنا کولوں بپتسمہ لین دے بعد اوہنے پہلاں ای جگ دیاں پاپاں نوں چُک لیا سی ۔ تاں ایہہ سی پئی ایس لئی پئی یِسُوعؔ نے بپتسمہ لے کے جگ دیاں ساریاں پاپاں نوں موہڈے اُتے چُک لیا سی پئی اوہنوں شریعت دی سزا نوں جرنا پیا جیہدے وچ پاپ دی مزدوری موت قرار دتی گئی سی ۔ یِسُوعؔ لئی لوکاں نوں پاپ توں بچاؤن لئی ، سولی اُتے مرنا سی جد اوہنے جگ دیاں پاپاں نوں چُکیا ہویا سی جیہڑے اوہ اپنے بپتسمے نال اپنے اُتے لَے چُکیا سی ۔
جدیِسُوعؔ نوں سُولی اُتے چاہڑیا گیا ، تاں اوہ لوک جنہاں نیں اوہنوں کِل ٹھوکے اوہ یہودی نئیں سن ،سگوں اوہ رومی سپاہی سن ۔ یِسُوعؔ نوں اوپری قوم دیاں سپاہیاں نیں سُولی اُتے چاہڑیا سی ۔ ساڈیاں پاپاں بدلے اپنا سارا لہو وگاؤندیاں ہویاں ، یِسُوعؔ نے اپناآخری ساہ لَے کے اُچی ساری آکھیا ، ”پُورا ہویا “ اوسےویلے،ہیکل دا پڑدا اُتاں توں لے کے ہیٹھاں تیکر پاٹ کے دو ٹوٹے ہو گیا ۔ ایس توں علاوہ ، پاک کلام سانوں ایہہ وی دسدا اے پئی زمین اُتے بھچال آیا ، چٹاناں تِڑک گئیاں ، تے قبراں کھُل گئیاں ؛ تے ایہہ پئی بوہتیاں پاک لوکاں دے بدن جیہڑے مر گئے سن ایسے طرح جی اُٹھے(متی ۲۷:۵۱۔۵۲)۔جد صوبے دار تے رومی سپاہیاں نیں ویکھیا پئی کیہ واقع ہویا جد یِسُوعؔ سُولی اُتے مرگیا ، تاں اوہناں نیں گواہی دتی ، ” ایہہ سَچ مُچ خُدا دا پُتر سی۔“(متی ۲۷:۵۴)۔ خُدا ایہناں اوپری قوم دےسپاہیاں دے مُنھوں گواہی دلوا چکیا سی کہ ”یِسُوعؔ زندہ خُدا دا پُترسی۔“
ہُن ، اوہ لوک جنہاں نوں ساری جگ وچ سچی خوشخبری دی گواہی دینی چاہی دی اے اوہ ساڈے علاوہ ، یعنی پانی تےرُوح دی خوشخبری اُتے ایمان رکھن والیاں توں علاوہ کوئی دوجے نئیں ہیگے ۔ ایہہ پانی تےرُوح دی خوشخبری دے راہیں ہیگا اے پئی ہر کوئی بدل جاندا اے ۔ جد لوک یِسُوعؔ کولوں پاپ دی معافی پاؤندے نیں ، تاں اوہ ایتھوں تیکر پئی کوشش کیتیوں بغیر رُوحانی طریقے نال بدل جاندے نیں ، ایس لئی پئی پاک رُوح اوہناں دیاں دلاں وچ رہن لئی آؤندا اے ۔ تے نویں سریوں جمے ہوئے راستبازاں دے دل ہر دن نویں ہوندے نیں ، ایس لئی پئی خُدا دی کلیسیا وچ اوہ پکے طریقے نال پانی تےرُوح دی خوشخبری دا کلام سُن سکدے نیں ۔ اوہ کلام سُنن ، تے یِسُوعؔ دی بھگتی کرن لئی آؤندے نیں ، تے جویں ای اوہ بھگتی کردے نیں ، اوہ تجربہ کردے نیں پئی ایہہ راگاں اوہناں دیاں دلاں وچ پکیاں ہو جاندیاں نیں، تے اِنج ہر دن اوہناں دیاں دلاں نوں نوا کردیاں نیں ۔ راستباز لوک ہر ویلے اپنیاں دلاں نوں بدلدیاں ہویاں ویکھدے نیں ، تے اوہ ایہو جیہاں احساس کرن دے لائق تبدیلیاں نوں اپنے آپ وچ محسوس کر سکدے نیں ۔
تے ساڈیاں بدلیاں ہویاں زندگیاں ویکھ کے ، جیہڑے راستباز بن گئے آں ، بے ایمان گواہی دیندے نیں ، ”اوہ سچ مُچ مکتی یافتہ نیں ۔ اوہ اصل مسیحی ، خُدا دے لوک نیں۔“ ایس طرح ،ساڈی پاپ دی معافی مکتی دی اوہ قِسم نئیں اے جیہڑی اِکلی ساڈی ذات توں ثابت ہوندی اے ۔ رومی صوبے دار تے سپاہیاں نیں وی ایس سچیائی دی گواہی دتی پئی یِسُوعؔ خُدا دے پُتر وانگر پاپیاں نوں جگ دیاں پاپا ں توں بچا چُکیا سی جد اوہ سولی اُتے مریا سی ۔ ایس طرح ، خُدا نے آپ اوہناں دی گواہی دتی جیہڑے سچیائی اُتے ایمان رکھدے نیں پئی یِسُوعؔ سانوں پانی تے لہو نال ساڈیاں ساریاں پاپاں توں بچا چُکیا اے ۔
پانی تےرُوح دی خوشخبری جیہدے اگے شیطان وی ہتھیار سُٹ چُکیا اے
پانی تےرُوح دی خوشخبری اوہ مکتی اے جیہدے اگے شیطان وی ہتھیار سُٹ چُکیا اے ۔ جد یِسُوعؔ نے اپنے مرن ویلے ،”پُوراہویا“ آکھیا ، تاں شیطان نے آکھیا ہوئے گا ، ”ہائے ،مینوں ایس گل توں دکھ ہوندا اے ،پر مَیں ایس بارے کُجھ نئیں کر سکدا ! اوہ سچی گل کردا اے ۔ ہُن ایس جگ وچ ہور کوئی پاپ نئیں ہیگا ۔ہر کوئی بغیر روک ٹوک کامل طریقے نال پاپ توں اڈ اے !ایہہ میرے دل نوں پریشان کرن والی گل اسے ، پر مَیں ایہدے بارے وچ کُجھ نئیں کرسکدا !“
دوجیاں اکھراں وچ، شیطان آپ ای بچ نئیں سکدا سی سگوں ایس مکتی نوں منیا وی جیہڑی یِسُوعؔ نے پوری کیتی ۔ پراوہ فیر وی اوہناں لوکاں نوں روکن دی کوشش کردا اے جیہڑےاپنیاں ایمان دیاں زندگیاں گزار کے پاپ دی معافی پا چُکے نیں ۔ ایس طرح اوہ جیہڑے یِسُوعؔ ولوں پوری ہوئی پانی تےرُوح دی خوشخبری اُتے ایمان رکھدے نیں خُدا دے پُتر نیں ، اوہ اوہدے لئی زندہ رہن دی کوشش کردے نیں ۔ پر شیطان لئی ، ایہدا مطلب صرف ایہہ ہو سکدا اے پئی اوہدے بوہت تھوڑے خادم ہون گے جیہڑے پاپ دے قیدی ہون گے ، تے ایس لئی اوہ خُدا دیاں خادماں نوں سارے جگ وچ ایس سچیائی نوں ودھاؤن توں روکن دی کوشش کردا اے ۔
جے اوہ لوک جیہڑے پاپ دی معافی پا چُکےنیں پانی تے رُوح دی خوشخبری نوں ودھاؤندے رہندے نیں ، تاں فیر پاپ توں مکتی پاؤن والے ہور وی بوہتے لوک ہون گے ۔ ایہو ای سبب اے پئی شیطان لوکاں دیاں کمیاں وچ اپنے دند کھوبدا اے تے اوہناں نوں جان نئیں دیندا ، اوہناں اگے کندھ بن دا اے تاں پئی صرف اِکو ہور بندہ وی یِسُوعؔ پِچھے چلن وچ ناکام ہو جائے ۔
اوہناں نوں ایہہ آکھ کے لوکاں دیاں دلاں نوں پُٹھے پاسے لایا پئی ”یِسُوعؔ نُوں مار دئیو !“شیطان نے اوہنوں مرن لئی سُولی اُتے چڑھن لئی حوالے کیتا ۔ پر جد شیطان نے سوچیا پئی ایہدے نال ای سارا کُجھ مُک جائے گا ، یِسُوعؔ ، سُولی اُتے چڑھیا تے مردیاں ہویاں ، اُچی اواز نال چِلّا کےآکھیا ، ”پُورا ہویا۔ “شیطان نوں ایس توں دھکا لگا۔ ناکام ہون توں بوہت دُراڈے ، یردن دے دریا اُتے اپنے بپتسمے نال ساڈیاں ساریاں پاپاں نوں چُکن تے سُولی اُتے کرن نال ، یِسُوعؔ راستبازی نال مکتی نوں پورا کر چُکیا سی جیہڑی لوکاں نوں پاپ تے سزا توں چھڈاؤندی اے ۔ شیطان خُدا دی ایس دانائی نوں نئیں جان دا سی ۔ اوہنے سوچیا سی پئی ہر شے مُک جائے گی جے او ہ صرف یِسُوعؔ نوں سُولی اُتے مار دیوے گا ، پر ایہہ اصل صورت ِ حال نئیں سی ۔ اپنے بپتسمے نال جگ دیاں پاپاں نون چُکن دے بعد ، یِسُوعؔ نے پاپیاں دی پاپ دی معافی سُولی اُتے اپناں بدن دین تے مر ن دے راہیں پوری کر دتی ۔
اپنے بدن دی موت نال ، یِسُوعؔ پہلاں ای پاپ دا سارا مُل اُتار چُکیا اے ۔ اِس طرح ،پاپ ہُن لوکاں وچ نئیں پایا جاسکدا ۔ کیوں ؟ ایس لئی پئی پاپ دی مزدُوری نوں موت قرار دین والی شریعت دے مطابق ، یِسُوعؔ پہلاں ای پاپیاں دیاں بدلے مرگیا سی ۔ سانوں لازمی ایمان رکھنا چاہی دا اے پئی ایہہ ایس لئی ہویا تاں پئی یِسُوعؔ یردن دے دریا وچ پاپیاں دیاں بدکاریاں اُٹھا چُکیا سی پئی اوہ پاپیاں دے بدلے بے ترسی نال مر سکدا سی ۔
”پُوراہویا۔“ایہہ ہیگا اے جیہڑا یِسُوعؔ نے اپنے آخری ساہ نال سُولی اُتے اُچی اواز نال آکھیا ۔ ایس لئی پئی یِسُوعؔ مر گیا ، شیطان ہُن سانوں ایہہ نئیں کہہ سکدا ، ”تُسی پاپ رکھدے او ، کیہ تُسی نئیں رکھدے؟“ یِسُوعؔ مسیح دی پیدائش ، اوہدے بپتسمے ، سُولی اُتے اوہدی موت ، تے اوہدے لہو تے جی اُٹھن نال ، شیطان نے یِسُوعؔ دے اگے ڈاہڈی ہار مَنّی۔بھاویں شیطان ہر ویلے ساڈے کولوں پاپ کراؤن دے سبب خُدا نال ساڈے میل جول نوں توڑ چُکیا سی ، اخیریں ، خُدا دے پُتر ، یِسُوعؔ دی دانائی دے سبب ، اوہدے پاپ نوں دھون تے سزا نوں جرن نال ، اوہ اخیریں بچ نئیں سکدا سی سگوں کامل طریقے نال ہار گیا۔
جد تُسی یِسُوعؔ دے بپتسمے تے صلیبی لہو اُتے ایمان رکھدے او ، کیہ تُسی فیر وی پاپ رکھدے او ؟ بالکل نئیں ! ایہہ کہنا پئی اسی کوئی پاپ نئیں رکھدے ایہو جیہی گل اے جیہڑی صرف انسانی ضمیر نال بالکل نئیں آکھی جاسکدی ۔ پر یِسُوعؔ دے بپتسمے تے لہو اُتے ایمان رکھ کے ، ہُن اسی دلیری نال ایہہ اعلان کرن دے لائق آں پئی اسی بے پاپ آں ۔ کیہ تُسی سچیائی اُتے ایمان رکھدے او پئی یِسُوعؔ نے یردن دے دریا وچ بپتسمہ لے کے ساڈیاں پاپاں نوں چُک لیا، ساڈے بدلے سُولی اُتے مرگیا تے اِنج سانوں بچا چُکیا اے ؟ ایس سچیائی اُتے ساڈے ایمان رکھن نال ، ہُن اسی کہہ سکدے آں پئی اسی کوئی پاپ نئیں رکھدے ۔ تے اصل وچ ،بالکل ساڈے دل وچ کوئی پاپ نئیں ہو سکدا، اِک ٹکے برابر وی نئیں ۔ ایہو ای سبب اے پئی خُدا دے اگے ساڈے شکر گزاردل، ایمان رکھ کے اپنی شکر گزاری پیش کردیاں ہویاں چھالاں ماردے نیں ۔
”اے خُدا، میرا ایمان وڈا نئیں ہو سکدا ، پر سرہوں دے دانے برابرنِکے ایمان دے ہوندیاں ہویاں ، مَیں تہاڈا شکریہ ادا کردا ہاں ۔ مَیں اوہ بندہ ساں جیہڑا ایتھوں تیکر پئی تیری وڈی محبت نوں پاؤن دے لائق نئیں ہو سکدا ساں ، پر تُوں فیر وی میرے دل وچ آیا ، تے اِنج میرے ایمان رکھن نال جیہڑا پانی تےرُوح دی خوشخبری اُتے بھروسہ رکھدا اے ، مَیں ہُن اپنے دل وچ تیری محبت رکھدا ہاں ۔ میرا دل ہر دن تیرا شکر گزار اے ، ایس لئی پئی خُداوند تُوں میرےدل وچ رہندا ایں تے میرے نال ایں ۔ ایہو جیہا دل دین لئی ، مَیں اپنی ساری شکرگزاری تینوں دیندا ہاں ۔“ایس طرح ، ساڈا خُداوندسانوں شکرگزار دل دے چُکیا اے ۔ تے ساڈا خُداوندسانوں ہر دن برکت دیندا اے ۔
سو نا صرف مَیں، سگوں ہر اوہ بندہ جیہڑا اوہدی کامل مکتی دی سچیائی نوں سُن دا تے ایس اُتے ایمان رکھدا اے ، اسی سارے صاف طریقے نال اپنے دل وچ بالکل کوئی پاپ نئیں رکھدے ۔ ایس لئی پئی اسی پانی تےرُوح دی خوشخبری اُتے ایمان رکھدے آں ، سانوں مکتی دی برکت ، خُدا دے اپنے نیانے بنن دی برکت ملی اے ۔ تے خُداپورے دلوں چاؤہندا اے پئی سارے ایہہ جان لین پئی اوہناں کول یِسُوعؔ دی پیدائش تے اوہدے بپتسمے تے لہو ، اُتے ایمان رکھیوں بغیر اپنیاں ساریاں پاپاں توں مکتی یافتہ ہون تے اوس ول پرتن تے ایس سچیائی اُتے ایمان رکھن دا کوئی راہ نئیں ہیگا ۔
اعمال ۴:۱۲ اعلان کردااے،” تے کِسے دُوجے توں نجات نئیں اے ایس لئی پئی اسمانوں ہیٹھاں بندیاں نُوں کوئی ہور ناں دِتّا نئیں گیا۔ جِہدی راہِیں اسی نجات پا سکیئے۔“ اسی یِسُوعؔ اُتے اپنے مکتی داتا وانگر ایمان رکھدے آں ۔ جیہڑے لوک ایس اُتے ایمان رکھدے نیں ، اوہناں وچ شکر گزار دل پُھٹ دے نیں ۔ ایس لئی اسی ایہو جیہے دل رکھدے آں جیہڑے خُداوند دے شکر گزار نیں ۔ ساڈا خُداوند سانوں مکتی دے چُکیا اے ، تے اوہ سانوں شکر گزاردل وی دے چُکیا اے ۔ خُداوند سانوں سدا دی زندگی دے چُکیا اے ۔ اسی رہ نئیں سکدے سگوں ایہہ ساریاں چوکھیاں برکتاں سانوں دین لئی اپنی شکر گزاری نال خُداوند نوں جلال دیندے آں ۔
ایتھوں تیکر پئی جے ساڈا ایمان سرہوں دے دانے وانگر نِکا اے ، جے اسی فیر وی ایس اُتے ایمان رکھدے آں جیہڑا یِسُوعؔ ساڈے لئی ساڈیاں دلاں وچ کر چُکیا اے ، تاں اسی سارے مکتی یافتہ ہو سکدے آں ۔ مَیں تہاڈے ساریاں اگے ایہہ سمجھن دی مِنت کردا ہاں پئی کُجھ دوجا کم نئیں ہیگا جیہڑا اسی اپنی مکتی لئی کر سکدے آں سگوں صرف ایمان رکھنا اے ،ایس مکتی نوں جاننا جیہڑی خُدا مفت سانوں دے چُکیا اے ،تے ایس اُتے ایمان رکھنا اے ۔ ایہہ ایس لئی ہیگا اے تاں پئی پاپ دی معافی ساڈیاں اپنیاں کوششاں نال نئیں مل سکدی پئی خُدا اِک پاسے والے طریقے نال ساڈے سارے پاپ اپنے طریقے نال مکا چُکیا اے تے ساڈے وچوں جیہڑے ایمان رکھدے نیں اوہناں ساریاں نوں اپنی مکتی دے چُکیا اے ۔ ہُن ساڈے لئی صرف ایمان رکھن نال پاپ دی ایہہ معافی پاؤنا باقی اے ۔
کوریا وچ اک گل مشہور اے پئی ، ”جے تُسی مفت شیواں بوہت چوکھیاں پسند کردے او ، تاں تُسی گنجے ہو جاؤگے۔“ انگریزی بول چال وچ ، ایہہ ایہدے برابر ہوسکدی اے ۔”مفت کھان ورگی کوئی شے نئیں ہیگی۔ “ایہہ پکا سچ اے ؛زندگی وچ سانوں کُجھ وی مفت نئیں ملدا ۔ تے اسی اوہناں لوکاں نوں مخول کرن لئی جائز آں جیہڑے بدلے وچ کُجھ دِتیاں بغیر انعام لین دی آس رکھدے نیں ۔ بہر حال ، مکتی یافتہ ہونا تے اسمان اُتے جانا پانی تےرُوح دی خوشخبری اُتے ایمان رکھن نال ملدا اے ، ایہہ سارا مفت اے ۔ بوہت چوکھیاں مفت شیواں لے کے گنجیاں ہونا بندے نوں بدنی طور اُتے کوہجا کر سکدا اے ،پر خُدا دے انعام نوں لین لئی رُوحانی گنجیاں ہونا خُدا اگے اِک برکت اے ۔ مَیں دعا کردا ہا ں پئی تُسی سارے ایہہ احساس کروگے پئی خُدا بےپاپ دلاں نوں ویکھ کے خوش ہوندا اے ،تے ایہہ ویکھ کے ، اوہ سانوں اپنے سینے لا لیندا اے ۔
اسی خُدا دے مفت فضل دے آس مند آں ۔ تے اسی رہ نئیں سکدے سگوں خُدا وند داشکر کردے آں: ساڈا خُداوند ایس زمین اُتے آیا ، پا نی نال اپنا بپتسمہ لیا ، سُولی اُتے اپنا لہو وگایا تے اِنج اسمانی پھاٹک کھول چُکیا اے ۔ بوہتی پاک تھاں دا پڑدا اُتاں توں لے کے ہیٹھاں تیکر پاڑ کے ، اوہ ہر کسے نوں جیہڑا پانی تےرُوح دی خوشخبری اُتے ایمان رکھ کے نویں سریوں جم دا اے اسمانی بادشاہی وچ جان دے لائق کر چُکیا اے ۔ تہانوں ، وی لازمی اپنیاں دلاں وچ پانی تےرُوح دی خوشخبری اُتے ایمان رکھ کے اسمان اُتے جانا چاہی دا اے ۔
مَیں اپنے خُداوند دا بپتسمہ لین ، اپنا لہو وگاؤن ، مویاں وچوں جی اُٹھن تے فضل لئی جیہڑا اِنج ساڈے لئی پاپ دی معافی دا پھاٹک کھول چُکیا اے شکر ادا کردا ہاں ۔
Copyright © 2021 by The New Life Mission