Search
বাংলা
বাংলা
কোভিড-১৯ এবং আন্তর্জাতিক ডাক পরিষেবা বিঘ্নিত হওয়ার কারণে,
আমরা সাময়িকভাবে আমাদের ‘বিনামূল্যের মুদ্রিত বইয়ের পরিষেবা’ বন্ধ রেখেছি|
এহেন পরিস্থিতিতে এই মুহুর্তে আমরা আপনাদের কাছে ডাকযোগে বই প্রেরণে অসমর্থ|
এই অতিমারীর যেন আশু সমাপন ঘটে এবং ডাক পরিষেবার পুনরাম্ভের জন্য প্রার্থনা করুন৷

শিক্ষা

مضمون 9: رومیوں (رومیوں دی کتاب اُتے تفسیر)

[5-2 باب] اک بندے دے راہیں <رومیوں ۵:۱۴>

>رومیوں ۵:۱۴>
” تاں وی آدم توں لَے کے موسیٰ تیک موت نے اوہناں اُتے وی بادشاہی کیتی جنہاں نیں اوس آدم دی نافرمانی کیتی جیہڑا آؤن والے دی مثال سی ، پاپ نہ کیتا سی ۔“
 
 

سب توں پہلاں، پاپیاں نوں پاپ بارے علم ہونا چاہی دااے

 
اج، میَں تہانوں پاپ دی نسل بارے دسناں چاؤہنداہاں ۔ تسیں اپنے آپ توں نہ پچھو پئی ،  ” تسیں بالکل ایہو گلاں ہر دیہاڑے دسدے او۔ مینوں دوجیاں شیواں بارے دسو ۔ “  میَں چاؤہندا ہاں پئی تسیں دھیان نال سُنو ۔ سب توں مہنگی شے خوشخبری ہیگی اے ۔ جے اک بندہ جیہدے پاپاں نوں مکا دتا گیا اے ،جے خوشخبری نوں ہر دیہاڑے سُن کے اپنے ذہن وچ پکیا ں نئیں کردا ، تاں اوہ برباد ہوجاوے گا ۔ کویں اوہ پانی تے رُوح دی خوشخبری نوں سُنیوں اَڈ جیوندا رہ سکدا اے ؟ صرف خوشخبری نوں سُننا ای اکلا راہ ہیگااے جیہدے راہیں اوہ جیوندا رہ سکدا اے ۔ آؤ اپنی بائبل نوں کھولیے تے ایہدے اصل مطلب نوں سکھدے آں ۔
میَں سوچیا پئی ،  ” اوہناں پاپیاں لئی جنہاں دے پاپ حالے تیک مکائے نئیں گئے اوہناں لئی بوہت لوڑی دی شے کیہ ہیگی اے ؟ “ فیر میری سمجھ وچ آیا پئی اوہناں نوں خُدا دے کلام دے مطابق پاپ دے بارے ٹھیک علم دی لوڑ ہیگی اے ایس لئی پئی اوہ صرف او س ویلے ای پاپاں توں معافی پا سکدے نیں جدوں اوہ اپنے پاپاں بارے جان دے ہون ۔ میَں یقین رکھدا ہاں پئی پاپیاں نوں پاپ دی خبر ہونا لازمی گل ہیگی اے ۔
سارے لوک اپنے جمن ویلے توں لَے کے اپنی مرضی نال یاں مرضیوں اَڈ بوہتی وار پاپ کر لیندے نیں ۔ اوہ ڈاہڈے پاپ بارے جیہڑا اوہناں  وچ رہندااے ، سوچدے نئیں ایتھوں تیک پئی بھاویں اوہ خُدا دے اگے پاپی ہیگے نیں ،ایس لئی پئی اوہ اپنی سنبھال وچکار ای بوہتے پاپ کر لیندے نیں ۔ایہہ اک قدرتی گل ہیگی اے پئی اک سیب دا رُکھ اپنے ودھن دے نال نال پہلاں پھُل کڈھدا تے ویلے سِر سیب پیدا کردا اے ۔ پر، لازمی ہیگا اے پئی سانوں پتہ ہووے پئی خُدا دی شریعت مطابق پاپ دا پھل موت ہیگی اے۔
جے کوئی سچ مُچ پاپ بارے سوچدا تے اصل وچ اوہد ے پھل بارے جان دا اے ، تاں اوہ ایس پاپ توں تے خُدا دی سزا توں بچ سکدا اے تے اوہدی رُوحانی نعمتاں نوں پا سکدا اے ۔ ایس لئی پاپی لئی سب توں خاص تے ضروری گل ایہہ ہیگی اے پئی اوہناں نوں پاپ تے اوہدے پھل بارے تے پاپاں توں مکتی دی سچیائی نوں جیہڑی خُدا نے دتی اے ، تے ایہدے بارے خبر ہونی چاہی دی اے ۔
 
 

کویں پاپ جگ وچ آیا سی ؟

 
اک بندہ پاپ کیوں کردااے؟میَں کیوں پاپ کردا ہاں ؟ پاک بائبل رومیوں ۵:۱۲وچ ایہدے بارے اِنج دسدی اے ، ” ایس لئی جویں اک بند ے دے راہیں پاپ جگ وچ آیا تے پاپ دے سبب موت آئی تے اِنج موت ساریاں بندیاں وچ ودھ گئی ،ایس لئی پئی ساریاں نیں پاپ کیتا ۔  “ پاپ دے راہیں ایس جگ وچ کیہ آیا سی؟ موت ۔ لوک ایہہ سوچدے نیں پئی موت دا مطلب صرف بدنی موت ہیگا اے ۔ پر، ایتھے موت دا مطلب روحانی طور اُتے خُدا توں وکھ ہو جانا اے ۔ ایہہ بدن دے برباد ہون نال خُدا دی سزا تے دوزخ دا سبب وی ہیگااے ۔رومیوں ۵:۱۲ سانوں دسدااے پئی کویں بندے پاپی بنے سَن ۔
بائبل فرماؤندی اے ،   ” ایس لئی جویں اک بند ے دے راہیں پاپ جگ وچ آیا تے پاپ دے سبب موت آئی تے اِنج موت ساریاں بندیاں وچ ودھ گئی ،ایس لئی پئی ساریاں نیں پاپ کیتا ۔  “ خُدا دا  کلام سچیائی ہیگا اے ۔ اک بندے دے راہیں پاپ جگ وچ آیا تے پاپ دے راہیں موت آئی اے ۔
اسیں آدم دی اولاد وانگر پیدا ہوئے ساں ۔ فیر کیہ اسیں آدم دی اولاد ہوندیاں ہوئیاں پاپ رکھدے آں یاں نئیں ؟— آہو، اسیں پاپ  رکھدے آں —  کیہ  اسیں پاپ بھرے ہوئے جم دے آں ؟ —آہو ، ایس لئی پئی اسیں آدم دی نسل ہیگے آں، جیہڑے ساڈے پہلے ماپے ہیگے سَن —
آدم سارے لوکاں دا باپ ہیگااے ، پر آدم تے حوا نیں جدوں اوہ عدن دے باغ وچ ہیگے سَن ،شیطان دیاں گلاں وچ آکے خُدا دے خلاف پاپ کیتا سی ۔ خُدا نے اوہناں نوں دسیا پئی تسیں باغ دے ہر رُکھ دا پھل کھا سکدے او، پر نیکی تے بدی دی پچھان دے رُکھ دا پھل کدی نہ کھایا جے ۔
 پر اوہ شیطان دے فریب دے سبب خُدا دے کلام نوں بھُل گئے تے نیکی تے بدی دی پچھان دے رُکھ دا پھل کھا لیا ۔ آدم تے حوا نے خُدا دے کلام نوں ، جیہڑا پئی ہمیش دی  ہیگااے ، چھڈن دا پاپ کیتا سی ۔ آدم تے حوادےبعد م آدم  حوا کو ل گیا تے ایس طرحاں آدم تے حوا دے راہیں ساراجگ جمیا ۔ اسیں اوہناں دی اولاد ہیگے آں ۔ اسیں صرف اوہناں دے نظرآؤن والے بدن دے ای نئیں ، سگوں اوہناں دی پاپ بھری عادت دے وی حصے دار بنے آں ۔
 ایس لئی ، پاک بائبل دسدی اے پئی ،بندہ اک پاپ بھری نسل وچوں ہیگااے ۔ سارے لوکاں نیں آدم تے حوا کولوں پاپ دا حصہ لیا اے ۔ بائبل فرماؤندی اے ، ” ایس لئی جویں اک بند ے دے راہیں پاپ جگ وچ آیا تے پاپ دے سبب موت آئی تے اِنج موت ساریاں بندیاں وچ ودھ گئی ،ایس لئی پئی ساریاں نیں پاپ کیتا ۔  “ ایس لئی سارے لوک پاپ بھرے جم دے نیں ۔
پر ،لوکاں نوں ایہہ نئیں پتہ پئی اوہ پاپ بھرے جم دے نیں ۔ بھاویں اوہ پاپ بھرے جم دے نیں،تاں وی اوہ پاپ نوں پچھان دے نئیں ۔ اک رُکھ بیج دے راہیں ودھدا ، گُلیاں کڈھدا تے پھل دیندااے ،پر لوک سوچدے نیں پئی پاپ اوہناں لئی اولا ہیگااے ۔ایس لئی پئی اوہناں نوں نئیں پتہ پئی اوہ پاپ دی نسل وچوں جم دے نیں ۔ ایہہ اولی گل ہیگی اے ، بالکل سیب دے رُکھ اُتے سیب دا پھل لگن نال اوس رُکھ نوں ایہہ آکھن وانگر ہیگا اے پئی کیوں میَں سیب دا پھل پیدا کراں؟
ایسے طرحاں بندے دا پاپ کرنا اک عادت ہیگی اے ۔ایہہ سوچ پئی اک بندہ پاپاں نوں چھڈ سکدا اے ، ایہہ مکمل جھوٹ ہیگااے ۔ اک بندہ جنہوں پاپ ماپیاں ولو ں ملیااے اپنی ساری حیاتی پاپاں نوں نئیں روک سکدا تے پاپ دا پھل پیدا کردااے ، پر اوہ ایہدے وچ غرق ہون ویلے سوچدا ای نئیں پئی اوہ اک پاپی ہیگا اے ۔ خُدا کیہ آکھدااے ؟ ،   ” ایس لئی جویں اک بند ے دے راہیں پاپ جگ وچ آیا تے پاپ دے سبب موت آئی تے اِنج موت ساریاں بندیاں وچ ودھ گئی ،ایس لئی پئی ساریاں نیں پاپ کیتا ۔  “
کیوں جے اسیں پاپی جمے ساں ایس لئی اسیں اپنی ساری حیاتی پاپ کردے آں ۔ ایس لئی، اسیں خُداکولوں سزا پاؤن دے حقدا ر ہیگے آں ۔تسیں سوچ سکدے  او پئی کیہ ایہہ خُدا لئی بے انصافی نئیں پئی جدوں ساڈے کول پاپ کرن توں ہٹ کے کوئی راہ ای نئیں تاں اوہ سانوں سزا دیوے ؟ پر پاپاں توں مکتی پاؤن دے بعد تہانوں پتہ لگے گا پئی خُداسانوں اپنے پُتر بناؤن لئی اپنے منصوبے نوں پورا کردااے ۔
 
 

اسیں سارے اک بندے مطلب اے آدم دی اولاد ہیگے آں

 
فیر، کویں سارے لوک جیہڑے اک بندے آدم دی اولاد ہیگے نیں ، وکھ وکھ بدنی رنگاں دے ہیگے نیں؟ کیہ اوہناں دی نسل اَڈ ہیگی اے ؟ کیوں ایتھے ،  چٹے ، خاکی تے کالے لوک ہیگے نیں ؟ کئی لوک سوچدے نیں پئی جدوں خُدا نے آدم نوں دھرتی دے مٹی نال بنایاتاں اوہنوں بھٹی وچ سیک دتا ، تے جنہوں خُدا نے چھیتی نال بھٹی وچوں کڈھ لیا اوہ چٹے رنگ والا بندہ ہو گیا سی ، ایہدے بعد جنہوں کڈھیا اوہ خاکی مطلب اے کنگ رنگ دا سی تے جنہوں سب توں بعد وچ کڈھیا اوہ کالے رنگ والا بندہ ہیگا سی ۔
تسیں حیراں ہووو گے پئی کیوں ایتھے کالے ، گورے تے کنگ رنگ دیاں نسلاں ہیگیاں نیں ،بھاویں سارے لوک اک بندے دے راہیں پاپی بنے ۔ بائبل کھل کے گل کردی اے پئی شروع وچ خُدا نے آدم نوں بنایا ، جدوں اوہنے دھرتی تے اَسمان نوں بنایا ۔  ” آدم “ دا مطلب ہیگا اے اک آدمی ۔خُدا نے اِکو ای آدمی نوں بنایا ۔جے خُدا نے اِکو ای آدمی  ” آدم “ نوں بنایا تاں جگ وچ وکھ وکھ نسلاں کیوں ہیگیاں نیں ،بھاویں جگ دے سارے لوک اوسے دے راہیں جمے سَن ؟اسیں پُچھ سکدے ہاں کیوں ، ایہداجواب ہیگا اے ۔
سائنس دان آکھدے نیں پئی بدن دے رنگ (رُوپ )نوں میلانن آکھدے نیں جیہڑا بدن نوں سور ج دی لو توں سڑن توں بچاؤن لئی اپنے آپ بدن وچوں باہر نکل دا اے ۔ جدوں دھرتی سورج دے دوالے گھُم دی اے ، تاں اوہ جیہڑے سورج دی بوہتی دُھپ والے علاقیاں وچ رہندے نیں کالے ہو جاندے نیں ، تے اوہ جیہڑے سورج دی گھٹ لو والے علاقیاں وچ رہندے نیں چٹے ہیگے نیں ، تے اوہ جیہڑے ایہو جیہے علاقیاں وچ رہندے نیں ،جتھے نہ تاں بوہتی تے نہ ای گھٹ لو ہوندی اے ، اوہ وچکارلی لو دے سبب کنگ رنگے ہو گئے نیں ۔ پر، ساڈا باپ حالے وی اِکو ای بندہ آدم ہیگا اے ۔
سائنس داناں نیں اعلان کیتا پئی میلانن اپنے آپ بدن وچوں باہر نکل آؤندی اے تے بدن نوں سورج دی لو توں بچاؤندی اے ۔ ایس لئی ،میَں اوسے ویلے توں جان گیا ہاں ۔ مینوں پتہ لگیا اے پئی سارے لوک اِکو ای آدم دی اولاد ہیگے سَن ، پر مینوں میلانن بارے حالے تیک نئیں پتہ ہیگا پئی ایہہ کیہ ہیگا اے ۔ اسیں صرف بدن دے مالک ای نئیں ،سگوں پاپ دے وی ہیگے آں ایس لئی پئی اسیں اک بندے آدم دی اولاد ہیگے آں ۔
کیہ تہانوں پاپ دا پتہ ہیگااے ؟ آؤ ایس گل دا پتہ کرنے آں پئی جدوں اسیں ایس جگ وچ جم دے آں تاں کیہ اسیں پاپی ہوندے آں یاں نئیں ۔  ” ایسے طرحاں ہر اک چنگا رُکھ چنگا پھل دیندااے تے گندا رُکھ گندا پھل دیندااے ۔چنگا رُکھ گند ا پھل نئیں دے سکدا نہ گندا رُکھ چنگا پھل دے سکدا اے ۔ “(متی ۷:۱۷ ۔ ۱۸)۔ خُدافرماؤندااے پئی جھوٹے نبی صرف جھوٹ دا پھل دیندے نیں تے کدی وی چنگا پھل نئیں دے سکدے ۔اسیں اصل وچ گندے رُکھ ہیگے آں ایس لئی پئی اسیں پاپ نال جمے ساں ،ایس لئی اسیں گندے پھل دین توں رُک نئیں سکدے ،کیوں جے اسیں گندے رُکھ وانگر جمے ساں ۔
اسیں بندے راہیں پاپ نوں وراثت وچ پایااے ۔ جے اسیں رُکھاں دی گل کرئیے تاں اسیں گندے رُکھ ہیگے آں ۔ اک بندہ ، جیہڑا پاپ وچ جمیا سی ، جے اوہ اپنی حیاتی نوں اک چنگی حیاتی ول لَے جانا چاؤہندااے تے پاپ کدی نہ کرن دی ہمت کردا اے تاں وی پاپ اوہدے کولوں ہو  جاندا اے ، بالکل اوسے طرحاں جویں پئی اک گند ا رُکھ چنگا پھل نئیں دے سکدا اے ۔ کیہ تہانوں سمجھ آگئی اے ؟ بندے اصل وچ شریفاں وانگر ، حلیمی نال ،تے پاکیزگی وچ حیاتی بسر کرنا چاؤہندے نیں ۔ پر، اک بندہ جنہیں پاپ توں مکتی نئیں پائی تے پاپ وچ جمیا سی ،اک سچی حیاتی بسر نئیں کر سکدا ۔ اوہ ہمیشہ اپنے ہتھ پیر ماردا رہندااے ، تاں وی اوہ ٹھیک نئیں ہو سکدا ۔کئی شرابی بوہت شراب پین توں  بچن دی ہمت کردے نیں ، پر اخیریں اوہ شراب  نال بیمار ہو  جاندے نیں تے اوہناں دے گھر والے اوہناں نوں ہسپتال وچ چھڈ کے لُک جاندے نیں ۔
اک دن میَں ٹی وی اُتے اک پروگرام ویکھیا جیہدا عنوان سی ،  ” میَں جاننا چاؤہنداہاں “ اک بندہ جیہڑا پاگلاں دے ہسپتال وچ ۱۳ ورہیاں توں  علاج کراؤن لئی منجے اُتے پیا سی ۔ جدوں اک ٹی وی والے بندے نیں اوہدے خنوادےبارے پچھیا ،تاں اوہنے آکھیا پئی اوہدے گھر والے ایس گل دے باوجود پئی اوہنے شراب پینی چھڈ دتی اے ایتھوں تیک پئی اوہ ڈاکٹر دے ایس یقین کراؤن دے بعد وی پئی اوہ بالکل ٹھیک ہیگا اے ،اوہنوں لین نئیں آئے ۔ ٹی وی والے بندے نے اوہنوں ایہہ وی آکھیا پئی تیرے گھر والیاں نیں تینوں ہسپتالوں واپس نہ گھلن لئی ڈاکٹر نوں رشوت وی دتی سی ۔ اوہدی بے عزتی ہوئی سی ۔ اوہدے گھر والے اوہنوں ایس لئی چھڈ گئے ،ایس لئی پئی اوہدے توں تنگ آگئے سَن ۔ ٹی وی والے بندے نے آکھیاپئی اپنی مرضی توں ہٹ کے ہسپتال وچ مریض اپنے آپ نوں شراب پین توں روک نئیں سکدے تے بوہتی وار بوہتی شراب پیندے نیں ایس لئی پئی کوئی وی اوہناں نوں روکد ا نئیں ہیگا ۔
کیوں اک بندہ اپنی شراب پین دی عادت نوں چھڈ نئیں سکدا ؟ اوہنوں ایہہ پتہ ہیگا اے پئی ایہدے نال اوہدی صحت خراب ہوجاوے گی تے اوہنوں چھڈنا چاؤہندااے : پر ایہدے باوجود وی اوہ گھڑی مُڑی ایہنوں پیندااے۔ایہدا سبب ایہہ ہیگا اے پئی اوہ پہلوں ای شرابی ہیگا اے ، پر اوہدااصل سبب ایہہ ہیگا اے پئی اوہدا ذہن ہمیشہ خالی رہندااے ۔ اوہ ایس لئی شراب پیندا اے ایس لئی پئی اوہ اپنے دل نوں سکھنا محسوس کردا اے ۔ اک بندہ ہمیشہ پیڑ محسوس کردا اے تے چنگا بنن دےلائق نئیں ایس لئی پئی پاپ وچ ہیگااے ۔ ایس لئی ،اوہ پریشان ہو جاندااے تے فیر شراب پین لگ پیندا اے ۔ اوہ سوچدا اے پئی ،  ’ مینوں نئیں پتہ پئی میَں اِنج کیوں کردا پیا واں ۔میَں تاں  اِنج نئیں کر نا چاؤہندا ۔ ‘ فیر اوہ محسوس کردا اے پئی اوہ تاں اپنے آپ ای ایہدے وچ پھسدا جاندا اے تے بوہتی شراب پین نال اوہ اپنے آپ توں وکھ ہوندا جاندا اے ۔
کنی ای بوہتی کوئی ہمت کرے اوہ شراب پین توں بھج نئیں سکدا ۔ ایس طرحاں، اوہ بندہ پریشان ہو جاندااے تے ہو ر بوہتی شراب پیندا اے تے اخیریں ،اوہنوں ہسپتال وچ چھڈ جاندے نیں ۔ بندے دے کم تے چنگے کم صرف اوہدی اصل عادت دسدے نیں ۔ اک بندہ پاپی جم دا اے ایس لئی باوجود اپنی مرضی دے اوہ اپنی ساری حیاتی وچ پاپ نوں روکن دے لائق نئیں ہیگا اے، بالکل اوسے طرحاں جویں پئی اک سیب دا رُکھ گُلیا ں کڈھدا ، پھُل کڈھدا تے فیر سیب دا پھل دیندااے ایس لئی پئی اوہ سیب دی نسل ہیگا اے، اوسے طرحاں بندہ پاپ  کردااے ایس لئی پئی اوہ پاپ دا مالک ہیگااے ۔لولک چنگا بنناچاؤہندے نیں ،پر جنہاں کول پاپاں توں مکتی نئیں ہیگی اوہ چنگے نئیں بن سکدے ،ایس لئی پئی اوہناں وچ چنگے بنن دا ول نئیں ہیگا اے ۔ اوہ سوچدے نیں پئی اوہناں دے پاپ ڈاہڈے نئیں ہیگے نیں ، ایس لئی اوہ ایناں نوں لکاؤندے نیں ،تے ایہہ اوس ویلے ڈاہڈا ہو جاندا اے جدوں اوہناں دے پاپ ثابت ہو جاندے نیں ۔
پاپی دا پاپ کرنا عادت تے خصلت ہیگی اے ایس لئی پئی  اوہ پاپ دے ڈھیر وانگر جم دا اے تے عادت طوراُتے ایہدا مالک ہیگااے ۔ بندے لئی پاپ کرنا مکمل طور اُتے اک عادتی گل ہیگی اے ، بالکل اوسے طرحاں جویں پئی اک لال مرچ دے بوُٹے لئی لال مرچ پیدا کرنا تے بیر دے رُکھ لئی بیر پیدا کرنا ،اک قدرتی گل ہیگی اے ۔ اوسے طرحاں بندے لئی پاپ کرنا عادتی گل ہیگی اے ایس لئی پئی اوہ پاپ وچ جمیا اے ۔کویں اک بندہ پاپ کیتیوں اَڈ رہ سکدااے ،جد پئی اوہ پاپ نال جمیا اے ؟
 
 
بندہ بارہ قسماں دے بھیڑے خیالاں نال جم دا اے
 
مرقس  ۷ باب وچ یسوع نے آکھیا پئی اک بندہ  بارہ قسماں دیاں بدیاں نال جم دا اے مطلب اے ، حرامکاریاں ، چوریاں ، قتل کرنا ، زناکاریاں ، لالچ ، بدیاں ، مکر، شہوت پرستی ،بھیڑی نظر ،گندیاں گلاں ،شیخی ،بے وقوفی ۔اسیں چوری کرن دی آس نال جمے آں ۔ چوری کرن دے خیال پاپ دی مالکی وچ ہیگے نیں ۔کیہ تسیں چورہیگے او؟ ہر کوئی چوری کردااے ۔ جے کوئی چوری نئیں کردا ، تاں ایہدا ایہہ سبب ہیگا اے پئی کوئی نہ کوئی اوہنوں ویکھدا ہوندااے ۔ پر جدوں اوہدے آلے دوالے کوئی نئیں ہوندا تے کوئی ودھیا شے ساڈے ساہمنے ہووے تاں ، چوری کرن دا پاپ اوہدے وچوں پھُٹ پیندااے تے اوہ اوس شے نوں چوری کرن دے راہیں اک پاپ کردااے ۔
ایس لئی بندے نے اخلاقیات تے قانون بنایا ،ایس طرحاں ایہہ مقرر کیتا پئی ایہدے اُتے عمل ہونا چاہی دا اے ۔بندیاں نیں اپنے قاعدے قانون آپ بنائے جیہڑے ایس ول اشارہ کردے نیں پئی دوجیاں نوں دُکھ دینا چنگی گل نئیں ہیگی اے۔جدوں بوہت سارے لوک اکٹھے ہو کے اک معاشرے وچ رہندے نیں ،تاں اوتھے قانوناں دی لوڑپیندی اے ۔ لازمی ہیگا اے پئی اسیں معاشرے دےقاعدے مطابق رہیے۔ پر جدوں اسیں اکلے ہوندے آں تاں کسے دی شے اُتے اکھ رکھ لیندے آں تے اوہنوں چوری کر کے بھج جاندے آں ۔
کوئی ایہو جیہا نئیں ہیگا جنہیں اپنی حیاتی وچ کُجھ نہ کُجھ چوری نہ کیتا ہووے ۔ سارے چوری کردے نیں۔ بوہت چِر پہلاں ، اک دعائیہ عبادت وچکار میَں کلیسیا توں پچھیا پئی اوہناں وچوں اوہ اپنا ہتھ اُچا کرن جنہاں نیں اپنی حیاتی وچ کدی وی پاپ نئیں کیتا ۔ اک وڈیری اماں نے اپنا ہتھ چُکیا تے آکھیا ،  ” میَں اپنی حیاتی وچ کدی کوئی چوری نئیں کیتی ۔“  خیر میَں اوہدے توں پچھیا پئی جے تسیں کدی اپنے گھر جاندے ہوئیاں راہ وچ ڈگی ہوئی کسے شے نوں چُکیا اے ،تاں مینوں دسو۔ فیر اوہ ایس یکدم سوال سُن کے پریشان ہوئی تے ایہہ آکھدیاں ہوئیاں جواب دتا ،  ” پئی اک واری اپنے گھر دے راہ اُتے جاندے ہوئیاں اک نکا جیہا کدو میرے راہ وچ ڈگیاہویا سی ۔ میَں سوچیا پئی ایہہ بوہت سوادی ہووے گا ،ایس لئی میَں آلے دوالے ویکھیا تے کوئی آلے دوالے نئیں ہیگا سی ۔میَں اوہنوں چُک لیا تے اپنے کُرتے ہیٹھاں لکایا تے برتن وچ کٹ کے ایہدا بین پیسٹ بنایا تے کھاہدا ۔“ اوہنوں ایہہ پتہ نئیں سی پئی اوہنے چوری کرن دا پاپ کیتا سی  ۔
 پر، خُدافرماؤندااے پئی کسے نوں پچھن توں اَڈ کوئی شے لینا اک پاپ ہیگاا ے۔ خُدا نے موسیٰ دی شریعت وچ حکم دتا ،  ”  تُوں چوری نہ کریں “ ہر کوئی کسے نہ کسے شے نوں چوری کرن دا تجربہ رکھدا اے ۔ اک بندے نوں جدوں وی موقع ملدااے وہ لہووگاؤن تے چوری کرن وچ  بوہت تیز ہوندااے ۔ اوہ دوجیاں دے جنوراں نوں ، جویں پئی خرگوش، مُرغی وغیرہ نوں دوجے لوکاں دے گھروں چوری کر لیندے نیں ۔ ایہنوں چوری کرنا آکھیا جاندااے ۔ بھاویں اوہ قتل کردا یاں چوری کردااے تاں اوہنوں ایس پاپ بارے کوئی خیال نئیں ہیگا اے ۔ایہہ اوہدے لئی قدرتی گل ہیگی اے ایس لئی پئی اوہناں دے جمن دیہاڑے توں ایہہ پاپ مالکی وچ ملےنیں ۔
 
 
اک بندے نوں پاپ مالکی وچ ملدااے
 
اک بندہ زناکاری نوں وی اپنے ماپیاں توں مالکی وچ پاؤندااے ۔ اوہ  زناکاری دے لالچ نال جم دا اے ۔اوہ لازمی طور اُتے زناکاری کردااے جدوں اوہدے آلے دوالے کوئی نہ ہووے ۔ لوک ہنیریاں وچ جا کے شراب خانے یاں ریستوران وغیرہ پسند کردے نیں۔ اوہ تھاواں پاپیاں لئی بوہت مشہور ہیگیاں نیں ۔ کیوں ؟ ایس لئی پئی اوہ تھاواں اوہناں دے پاپ دی مالکی وکھاؤن لئی چنگیاں ہیگیاں نیں ۔
ایتھوں تیک پئی شریف بندے وی اوہناں تھاواں نوں پسند کردے نیں ۔ اوہ گھر وچ اک چنگے باپ ہیگے نیں تے معاشرے وچ اک اُچا تھاں رکھدے نیں ، پر اوہ وی لک کے اوہناں ہنیریاں تھاواں اُتے جاندے نیں جیہڑیاں پاپاں نال بھریاں ہوئیاں نیں ۔ اوہ اوہناں تھاواں اُتے جاندے نیں جتھے اوہ اپنی پاپاں نال بھری عادت وکھاسکدے تے پاپ دا پھل پیدا کردے نیں ۔ اوہ اوہناں تھاواں اُتے اکٹھے ہوندے،تے اک دوجے نال ملدے تے اک گلاس شراب پین دے بعد اک دوجے دے ایہو جیہے بیلی بن جاندے نیں جویں پئی بوہت چِر توں اک دوجے نوں جان دے نیں ۔ جویں ای اوہ اک دوجے نوں ملدے نیں اک دوجے دے بوہت نیڑے آ  جاندے نیں ،ایس لئی پئی اوہ اِکو ای طرحاں دیا ں پاپ بھریاں کرتُوتاں  رکھدے نیں تے اک دوجے نوں آکھدے نیں ،  ” کیہ تہاڈے کول وی ایہہ ہیگی اے ؟ آہو میرے کول ہیگی اے ۔ “ ” کیہ میَں تہانوں بیلی بنا سکدا ہاں ؟ “  ” تہاڈی عمر کنی ہیگی اے ؟ “ ”عمر وچ کیہ رکھیا اے “  ” تہانوں مل کے خوشی ہوئی ۔ “
بندے جدوں وی اک دوجے نوں ملدے نیں اوہ اپنے وڈیریاں ولوں ملے ہوئے پاپاں نوں اک دوجے نوں وکھاؤندے نیں ایس لئی پئی اوہ ایس جگ وچ پاپ بھریاں کرتُوتاں نال جمے سَن ۔ اوہناں لئی پاپ کرنا اک عادتی گل ہیگی اے ۔ کیوں ؟ ایس لئی پئی اوہناں دے دلاں وچ پاپ ہیگا اے تے اوہ عادت رکھدے ہوئیاں ایسے طرحاں جمے سَن ۔ پاپ نہ کرنا اوہناں لئی بوہت خاص گل ہیگی اے ۔ پر، جدوں اوہ معاشرے وچ رہندے نیں تاں اوہ اپنے آپ نوں اپنی پاپاں بھریاں حیاتیاں نوں پاپ کرن توں باز رکھدے نیں ایس لئی پئی ہر اک معاشرہ اپنے اپنے معاشرتی قانون رکھدااے ۔ ایس طرحاں اوہ ریاکاری کردے نیں تے اپنے معاشریاں دے بنائے ہوئے معاشرتی قاعدیاں مطابق عمل کرن دا وکھالا کردے نیں ۔ایس طرحاں لوک معاشرے وچ اوہناں دی عزت کردے نیں جیہڑے بھیڑے کم نئیں کردے تے نہ ایس طرحاں دیاں کم عقلیاں کردے نیں ۔ اک بندہ لازمی طور اُتے پاپی جم دا اے ، جویں پئی پاک بائبل دسدی اے ، ” ایس لئی جویں اک بند ے دے راہیں پاپ جگ وچ آیا تے پاپ دے سبب موت آئی تے اِنج موت ساریاں بندیاں وچ ودھ گئی ،ایس لئی پئی ساریاں نیں پاپ کیتا ۔  “ (رومیوں ۵:۱۲)۔
ایہہ ٹھیک ہیگا اے۔ اک بندہ ایہہ آکھ سکدا اے ، ” میَں شہوت پرست نئیں ہیگا واں ۔میَں اوس زنانی نوں چنگیاں نئیں سمجھدا جیہڑی اپنے آپ نوں سارا نئیں ڈھکدی تے نکی سکرٹ پاؤندی اے ۔ “ کیہ اوہ سچ مُچ اوہناں دے خلاف ہیگے نیں ؟ جدوں اک بندے دے آلے دوالے بوہتے لوک ہوندے نیں تاں اوہ ایہدے خلاف ہون دا فریب کر سکدا اے ، پر جدوں اوہدے آلے دوالے کوئی نہ ہووے تاں اوہ اپنے آپ نوں شہوت پرستی دے پاپ توں وکھ نئیں رکھ سکدا ۔
اک چنگا رُکھ گندا پھل نئیں دے سکدا ایسے طرحاں اک گندا رُکھ کدی وی چنگا پھل نئیں دے سکدا ۔اک بندے نوں پتہ ہونا چاہی دا اے پئی اوہ  پاپی ہیگا اے ۔ جے کوئی اپنے  پاپاں نوں جان لیندا اے ، تاں اوہ یسوع مسیح اُتے سچے ایمان دے راہیں مکتی پاسکدااے ۔ پر جے اوہ پاپ نہ کرن دا فریب کردا تے پاپاں نوں جانن توں اَڈ اپنے پاپاں نوں لکاؤن دی ہمت کردا اے ، تاں فیر خُدا اوہنوں سزا لازمی دیوے گا تے اوہ دوزخ دی اگ وچ سُٹیا جاوے گا ۔ سارے لوک پاپی جم دے نیں ۔ایس لئی، اوہ ایہوجیہے گندے رُکھ ہیگے نیں جیہڑے اپنے جمن ویلے توں ای پاپ دا پھل پیدا کردے نیں ۔
ایس لئی، اوہ جیہڑے اپنے بچپن توں اپنی پاپ کرن دی عادت نوں ودھاؤندے نیں اوہ اپنی ساری حیاتی پاپ کرن وچ بوہت ودھ جاندے نیں ۔ ایتھے ایہو جیہے لوک وی ہیگے نیں جیہڑے اپنی پاپ بھری عادت نوں کویلے ودھاؤندے  تے کویلے  بدی دا پھل پیدا کردے نیں ایتھوں تیک پئی اپنی حیاتی دے اخیری کُجھ ورہیاں وچ ۔کوریا دے شہر ٹیگو(Taegu)وچ اک زنانی خادمہ ہوندی سی ۔ جدوں اوہ اپنی جوانی دی عمر وچ مسیحیت وچ آئی ،تاں اوہنے خادمہ وانگر خداوند دی خدمت کرن لئی اپنی ساری حیاتی اکلی رہن دا وعدہ کیتا ،پر اوہنے اپنے وعدہ توڑ دتا تے ۶۰ ورہے دے عمر دے بعد اک رنڈے بندے نال ویاہ کر لیا ۔ اوہنے اپنی پاپ بھری انسانیت نوں بوہت دیر بعد ودھن دتا ۔ اوہنے زناکاری دی مالکی نوں کویلے وکھایا ۔  
بوہتے لوک بوہتی وار بچپن توں ای پاپ والی عادت نوں وکھاؤنا شروع کر دیندے نیں ۔ اج کل جوان لوکاں دا جھکا اپنے بچپن توں ای پاپ بھری عادت وکھاؤن ول ہیگااے ۔ اوہ اپنے آپ وچ تے پرانی نسل وچ اک نسلی وِتھ محسوس کردے نیں ۔ اوہناں نوں پُرانی نسل آکھیا جاندااے ۔ فیر وی ، اسیں خُدا دے کلام توں سکھیا اے پئی اسیں پاپی جمے آں تے انسان ہوندے ہوئیاں ساڈی ساریاں حیاتیاں وچ پاپ ساڈے توں ہو جاندااے ۔ کیہ تسیں اینوں من دے او ؟
 
 
کوڑھ والی شریعت
 
 فیر ،خُداوند فرماؤندااے ، ”  ایس لئی جویں اک بند ے دے راہیں پاپ جگ وچ آیا تے پاپ دے سبب موت آئی تے اِنج موت ساریاں بندیاں وچ ودھ گئی ،ایس لئی پئی ساریاں نیں پاپ کیتا ۔“  (رومیوں ۵:۱۲)۔پاپ خُدا ولوں سزا دا سبب بن دا اے ۔ لازمی ہیگا اے پئی اک پاپی اپنے آپ نوں پچھانے تے پاپاں نوں مکتی پاوے۔ کویں اوہ اپنے آپ نوں پچھان سکدااے ؟ کویں اوہدے سارے پاپ خُدا دے اگے معاف ہوسکدے نیں ؟
خُدا نے احبار ۱۳ باب وچ موسیٰ  تے  ہارون نوں کوڑھی دی پچھان کرن دی تعلیم سکھائی ۔ پُرانے
عہد نامے دے ویلے ،اوتھے بوہت سارے کوڑھی ہیگے سَن ۔ میَں کوڑھ دے بارے بوہتا تاں نئیں جان دا ،پر میَں اپنی جوانی وچ بوہت کوڑھی ویکھے سَن ۔میرے بیلیاں وچوں اک بیلی نوں وی کوڑھ ہویا سی ۔
خُدا نےموسیٰ تے ہارون نوں دسیا پئی کوڑھ دی جانچ کرن تے کوڑھیاں نوں اِسرائیلیاں دے جھُنڈ وچوں باہر چھڈآؤن ۔ خُدا نے اوہنوں نوں تعلیم دتی پئی کویں ہر اک کوڑھی نوں جانچنا اے۔  ” جے کسے بدن دے پِنڈے وچ سوج یا چھلکا یاں چٹا چمکدا ہویا داغ ہووے تے اوہدے بدن دے پِنڈے وچ کوڑھ وانگر روگ ہووے تاں اوہنوں ہارون کاہن کول یاں اوہدے پُتر اں وچوں جیہڑے کاہن ہیگے نیں ، کسے کول لَے جان ۔“ (احبار ۱۳:۲)۔جدوں کاہن جانچ کرن دے بعد سوچدا پئی اوہنوں بدن دا روگ ہیگا اے ، تاں کاہن اوہنوں ست دناں لئی تنبُواں توں وکھ کر دیندا سی ۔ فیر، کاہن ۷ دناں بعد دوبارہ اوہدے  پِنڈے نوں ویکھدا سی ۔ جدوں روگ چٹے داغ اُتے نہ ودھے تاں کاہن اوہنوں پاک گن دا سی ، ” تسیں پاک ہیگے او ۔ تسیں تنبُواں وچ رہ سکدے او ۔ “
جے بدن دے پِنڈے وچ سوج یا چھلکا چٹا ہووے ،تے ایہہ والاں نوں چٹا کرے ،تے ایہہ داغ پِنڈے توں ہیٹھاں تیک ڈونگھادِسدا ہووے ،تاں ایہہ کوڑھ ہیگااے ، فیر کاہن اوہنوں پلید منے گا ۔ احبار ۱۳ : ۹ ۔ ۱۱ دسدااے ،  ” جے کسے بندے نوں کوڑھ دا روگ ہووے تاں اوہنوں کاہن کول لَے جان ۔تے کاہن اوہدی جانچ کرے تے جے ویکھے پئی پِنڈے اُتے چٹی سوج ہیگی اے تے اوہنے والاں نوں چٹا کر دتا اے تے ایس سوج والی تھاں دا ماس جیوندا تے کچا ہیگا اے ۔ تاں ایہہ اوہدے بدن دے  پِنڈے وچ پُرانا کوڑھ ہیگا اے۔ایس لئی کاہن اوہنوں ثابت کرے پر اوہنوں بند نہ کرے ،ایس لئی پئی اوہ پلید ہیگااے۔ “  کاہن نے اوہنوں اِسرائیل دے جھُنڈ وچوں وکھ نئیں کیتا ۔
ساڈے ملک وچ بالکل ایہو ای رسم ہیگی اے ۔ کوریا وچ کوڑھیاں لئی وکھ وستیاں ہیگیاں نیں جویں پئی فلاور ویلج(Flower Village)یاں سوروک جزیرہ(Sorok Island) ہیگا اے ۔ بوہت چِر پہلاں ،جدوں میَں تے میری زنانی کار اُتے سوار اپنے گھر ول جاندے پئے ساں ، تاں جدوں اوہنے سُپر ہائی وے سڑک اُتے فلاور ویلج(Flower Village) دا بورڈ ویکھیا تاں اوہنے ایس وستی نوں ویکھن لئی میرا جینا اوکھا کر دتا ۔ فیر میَں سوچیا ، ” تینوں نئیں پتہ پئی ، فلاور ویلج (Flower Village) کیہ ہیگا اے ؟“  میَں اوہنوں آکھیا ،  ” سوہنیے، کیہ تیرا مطلب ہیگا اے پئی تسیں ،  ’ ایس وستی ‘ دی سیر کرنا چاؤہندی ایں ؟ اوہنے آکھیا ، ”آہو “ پر اوہ ایہہ سُن کے حیران ہوگئی، فلاور ویلج(Flower Village)اوس تھاں دا نام ہیگا اے جتھے کوڑھی رہندے سَن تے فیر دوبارہ کدی اوہنے مینوں فلاور ویلج(Flower Village) وچ جان لئی تنگ نئیں کیتا ۔ کوڑھی معاشرے توں دُور وستیاں وچ رہندے نیں ۔
ایتھے، سانوں جیہڑی گل بارے دھیان دینا چاہی دااے اوہ ایہہ ہیگی اے پئی جدوں کوڑھ اوہدے پورے بدن  اُتے ودھ گیا تے اوہدےسارے پِنڈے نوں  کج لیا تاں کاہن اوہنوں پاک ثابت کردا سی ۔ کیہ تہانوں لگدا اے پئی ایہد کوئی مطلب ہیگا اے ؟ جدوں کوڑھ اک بندے دے بدن اُتے تھوڑا جیہا ہوندا تاں کاہن اوہنوں لوکاں وچوں باہر کڈھ دیندا سی تے جدوں کوڑھی دا روگ اک بندے دے سر توں لَے کے پیراں تیک سارے بدن نوں کج لیندا تاں کاہن اوہنوں دسدا پئی اوہ اِسرائیل دے لوکاں وچ وہ سکدا اے ۔
خُدا نے کاہن نوں دسیا پئی کویں کوڑھ دیاں  حد اں بناؤنیاں نیں ۔ ” تے جے کوڑھ  پِنڈے وچ چارے پاسے پھُٹ پوے تے جتھوں تیک کاہن نوں دسدا ہووے ایہو ای لگدا ہووے پئی اوہدا پِنڈا سر توں لَے کے پیراں تیک کجیا گیا اے ۔ “(احبار ۱۳:۱۲)۔ایہہ اوہ طریقہ ہیگا سی جیہڑا خُدا نے کاہن نوں حداں بناؤن لئی دسیا سی ۔
 
 
کوڑھ دی شریعت سانوں کیہ دسدی اے ۔۔۔۔
 
ایہہ شریعت سانوں دسدی اے۔ لوک پاپ بھریاں کرتوتاں نال جم دے نیں تے اپنی ساری حیاتی پاپ کردے  نیں ،پر کئی لوک صرف اپنے تھوڑے جیہے پاپ ای وکھاؤندے نیں ۔ اوہ پہلاں اپنے ہتھاں فیر پیراں نال تے فیر اگلی وار اپنی سوچاں نال تے فیر تھوڑے چِر پچھوں کسے ہور طریقے نال پاپ کردے نیں ، ایس لئی اوہ اپنے بدنی پاپاں نوں جگ نوں نظر آؤن نئیں دیندے ۔ کیہڑا ایہہ آکھے گا جدوں کوڑھ اک داغ وانگر ودھدااے تے اک نکا جیہا داغ بدن اُتے ودھے تاں ایہہ ڈاہڈا ہیگا اے ؟ کوئی اوس کوڑھ دی پچھان نئیں کردا۔
اک بندہ مالکی پاپ دے سبب پاپ وچ جم دا اے ۔پر اوہ اپنے پاپی ہون بارے اوس ویلے تیک بے خبر رہندا اے جدوں تیک اوہ بوہتی وار پاپاں وچ نئیں ڈگدا ،بھاویں خُدا نے اوہنوں پہلاں ای پاپی ثابت کیتا
اے ۔ اخیر اوہنوں پتہ لگ جاندا اے پئی اوہ جگ وچ پاپی ہیگا اے ۔
 پر اک بندہ جیہڑا اپنے آپ نوں بوہت بھگت سمجھدا اے ، چنگی برداشت رکھدا تے بوہت گھٹ پاپ کردا ، ایہہ نئیں جان دا پئی اصل وچ اک پاپی ہیگااے ۔ خُدا نے کاہن نوں دسیا پئی اوس بندے نوں جیہدا کوڑھ اجے تھوڑا جیہا ودھیا اے پلید ثابت کرے تے اوہنوں اِسرائیل دے لوکاں  توں وکھ کر دیوے ۔ پاپی خُدا توں وکھ کر دتے جاندے نیں ۔ کیہ  تسیں سمجھدے پئے او ؟ خُدا پاک ہیگااے ۔ اک بندہ جیہڑا سوچدا اے پئی اوہدے پاپ بھورا جنے، بوہت تھوڑے ہیگے نیں ،ایہو جیہا بندہ خُدا دی بادشاہی وچ جا نئیں سکدا ۔
کیہڑا اَسمانی بادشاہی وچ جا سکدا اے ؟ صرف اوہو ای جنہاں نوں ایہہ پچھان ہیگی اے پئی اوہ  لازمی طور اُتے پاپی  ہیگے نیں تے اوہناں دے پاپ اوہناں دے سارے پِنڈے اُتے کھلرے ہوئے نیں ، اَسمانی بادشاہی وچ جا سکدے نیں ۔اوہناں دے سارے پاپ یسوع اُتے ایمان لیاؤن دے راہیں معاف کیتے گئے نیں ،تے اوہ اَسمانی بادشاہی وچ جا کے خُدا نال بادشاہی کرن گے ۔
بائبل فرماؤندی اے پئی خُدا او س بندے نوں جیہڑا ایہہ سمجھدااے پئی اوہدے پاپ بوہت تھوڑے ودھے ہوئے چٹی سوج دے داغ مطلب اے کوڑھ وانگر ہیگے نیں تاں خُدا ایہو جیہے بندے نوں پلید ثابت کردااے ۔ خُدا اوس بندے نوں بلاؤندااے جیہڑا پاپ نہ  کرن دی آس رکھدے ہوئیاں کئی وار پاپ وچ ڈِگ پیندااے تے اقرار کردااے پئی اوہ مکمل طور اُتے پاپی ہیگا اے  ۔ یسوع نے آکھیا ،  ” پر تسیں جا کے ایہدا مطلب لبھو پئی میَں قربانی نئیں سگوں رحم پسند کرداہاں ،ایس لئی پئی میَں راستبازاں نوں نئیں سگوں پاپیاں نوں بلاؤن آیا ہاں ۔ “(متی ۹:۱۳)۔ خُدا پاپیاں نوں بلاؤنداتے اوہناں دے سارے  پاپاں نوں دھوندااے ۔ خُدا نے اوہناں دے سارے پاپاں نوں معاف کیتا اے ۔ خُدا نے پہلو ں توں ای اِکو ای وار اوہناں دےسارے پاپاں نوں دھو کے اوہناں توں وکھ کردتا اے ۔ یسوع نے اپنے بپتسمے دے راہیں اوہناں دے سارے پاپاں نوں چُک لیا تے اوہناں نوں اَسمانی بادشاہی وچ لَے جان لئی مویاں وچوں جیون دے راہیں اوہناں نوں راستباز بنایا اے ۔
 
 
لازمی ہیگا اے پئی اسیں اپنے آپ نوں جانیے
 
لازمی ہیگا پئی اسیں جانیے پئی کیہ اسیں سارے دے سارے یاں تھوڑی جیہے پاپی ہیگے آں ۔خُدا نے اوس بندے نوں پاک ثابت کیتا جیہدے سارے بدن دے  پِنڈے اُتے کوڑھ ودھ گیا سی ۔ خُدا نے ایس طرحاں کوڑھ دی شریعت بنائی ۔ اک بندہ جنہوں پتہ ہیگا اے پئی اوہ پاپاں بھریا ہیگا اے، پرپانی تے رُوح دی خوشخبری اُتے ایمان لیاؤندااے تاں اوہ اوس ویلے پاپاں دی مکتی پاؤندااے جدوں یسوع اوہدے کول آکے اوہنوں فرماؤندااے پئی اوہنے اوہدے سارے پاپاں نوں اپنے بپتسمے تے سولی دے سبب دور کردتا اے ۔ پر، تھوڑے پاپ کرن والا سوچدااے پئی اوہ پاپاں نال بھریا نئیں ہیگا اے تے خوشخبری نوں قبول نئیں کردا سگوں خوشخبری نوں مذاق  کردااے ۔
جے یسوع نے پاپاں نوں دھوکے مکا دتا سی تاں کیہ ایتھے پاپ ہیگے نیں؟ نیئں ۔ اسیں پاپاں توں مکتی نوں اِکو ای وار ہمیش لئی پا سکدے آں ۔ ایس لئی ، اک پاپی نوں چاہی دا اےپئی اوہ اپنے آپ نوں جانے ۔ جدوں اوہ اپنے آپ نوں جان لیندااے تاں ای  اوہدے سارے پاپ مکائے جا سکدے نیں ۔ لوک خُدا دے اگے صرف نکے پاپاں نوں لین لئی تیار ہیگے نیں ۔ اوہ آکھدے نیں ، ” خُداوند ، میَں پاپ کیتا اے ۔میَں ایہہ کرنا تاں نئیں چاؤہنداساں ،پر میرے کولوں ہوگیا اے ۔ مینوں ایس صرف معاملے وچ  مہربانی کرکے معاف کردے تے میَں فیر کدی وی پاپ نئیں کراں گا ۔ “ اوہ صرف اپنے نکے پاپاں نوں خُدا کول لیاؤندے نیں ۔فیر خُدا فرماؤندا اے ،  ” تسیں پلید ہیگے او ۔“
بندہ خُدا دے اگے کوئی راستبازی نئیں رکھدا ۔  ” تہاڈا راستباز بننا یاں نہ بننا کامل طور اُتے خُدا اُتے مکدااے ۔ میَں اک پاپی ہیگاواں تے دوزخ وچ جانا میرانصیب ہیگا اے ۔ مہربانی کر کے مینوں اوس طرحاں دا بنا جیہدے وچ تیری خوشی ہیگی اے، پر میرے خُدایا میرے اُتے ترس کھا تے مہربانی کر کے مینوں بچا لَے ۔ جے تُوں خُدا ہیگا ایں تاں مہربانی کر کے مینوں بچا ۔ فیر میَں تیرے اُتے ایمان لیاواں گا تے تیری مرضی مطابق حیاتی بسر کراں گا ۔“ خُدا ایہو جیہے بندے نوں بچاؤندا اے جیہڑا من دا اے پئی اوہ پاپاں نال بھریا ہویا اے ۔
 
 
اک بندہ پاپ دا مالک ہیگااے جیہڑا  ۱۲  قسماں دے بھیڑے خیال رکھدااے
 
آؤ مرقس ۷: ۲۰ ۔ ۲۳ اُتے دھیان کرئیے ،  ” فیر اوہنے آکھیا پئی جیہڑا کُجھ بندے وچوں نکلدا اے،اوہو ای اوہنوں پلید کردااے ،ایس لئی پئی اندروں مطلب اے بندے دے دل وچوں بھیڑے خیال نکلدے نیں حرامکاریاں ، چوریاں ، قتل کرنا ، زناکاریاں ، لالچ ، بدیاں ، مکر، شہوت پرستی ،بھیڑی نظر ،گندیاں گلاں ،شیخی ،بے وقوفی ۔ “ بندے دے دل وچوں بھیڑے خیال نکلدے نیں ۔ اک بندہ جمن ویلے توں لَے کے پاپ دا مالک ہیگا اے ۔ کیہ تسیں سمجھدے پئے او ؟ اک بندہ اپنی ساری حیاتی گندیاں سوچاں سوچدااے ۔ جے اوہدے سارےپاپ اِکو ای وار ہمیشہ لئی معاف نہ کیتے ہوندے تاں فیر اوہدے لئی چھڈاؤن دا کوئی راہ نئیں ہیگا اے ۔
اک بندہ ایہناں ۱۲  قسماں دے بھیڑے خیالاں نال جم دااے : حرامکاریاں ، چوریاں ، قتل کرنا ، زناکاریاں ، لالچ ، بدیاں ، مکر، شہوت پرستی ،بھیڑی نظر ،گندیاں گلاں ،شیخی ،بے وقوفی۔ ایس لئی پئی اوہ اپنی ساری حیاتی کسے نہ کسے طرحاں پاپ ول چلا جاندااے ۔ اک بندہ جنہےپاپاں توں معافی نئیں پائی ،بھاویں اوہ پاپاں وچ  حیاتی بسر کرنا نئیں چاؤہندا،تاں وی اوہ پاپ بھری حیاتی ای بسر کردااے ۔ اک بندے دیاں ساریاں شیواں ، جویں پئی خیال تے رویے خُدا دے اگے پاپ بھرے ہیگے نیں ۔
اک پاپی لئی چنگا بننا ریاکاری ہیگی اے ۔ اوہ صرف بھگت بنن دا فریب کردے نیں ۔ایہہ خُدا نوں دھوکہ دینا ہیگا اے ۔ بندے لئی جیہڑا پاپ بھریا جم دا اے لازمی ہیگا اے پئی اوہ اپنے آپ نوں پچھانن پئی یسوع نے اوہناں نوں مکتی دتی اے ۔پر جے اک بندہ اپنے پاپ بھرے ہون بارے نئیں جان دا اے ،تاں جدوں کدی وی اوہ پاپ کردااے اوہ اپنے آپ نوں بے نصیب محسوس کردا تے آکھدااے ،  ” ہائے ، کاہدے لئی میَں اِنج دے کم کیتے ؟ “اوہ  اپنے آپ نوں فریب دیندا اے ۔
اک بندہ بھیڑے خیال رکھدااے ۔ا ک بندہ پچھ سکدا اے پئی ،  ’ میَں کیوں بھیڑے خیال رکھدا ہاں ؟   نئیں ۔ مینوں اِنج دےخیال نئیں رکھنے چاہی دے ۔ کیوں میَں پلید شیواں داخیال کردا ہاں ؟ میرے گُرو نے مینوں دسیا اے پئی بھلیائی کرو۔‘ او ہ ایس طرحاں سوچدا اے ایس لئی پئی اوہنوں نئیں پتہ کاہدے لئی اوہ ایہہ کم بوہت یقین نال کردااے ۔ اوہ اپنی چوریاں تے حرامکاریاں دے سبب توں بوہت دکھی ہوندااے ،ایس لئی پئی اوہنوں نئیں پتہ اوہنے ایہہ سارے پاپ اپنے ماپیاں توں مالکی وچ پائے نیں ۔ قتل کرنا ، زناکاریاں ، لالچ ، بدیاں ، مکر، شہوت پرستی ،بھیڑی نظر ،گندیاں گلاں ،شیخی ،تےبے وقوفی۔ چتے پیر اوہدے وچوں نکل دی تے اوہ ایس سبب توں پاپ وچ ڈِگ پیندااے ۔ایس طرحاں ،اوہ اپنے آپ نوں گندا سمجھدا اے تے ایہنوں جانیوں بغیر ای پئی اِنج کیوں ہیگا اے ، شرمندہ تے پریشان ہوندا اے ۔
اسیں ۱۲ قسماں دے پاپا ں دا ڈھیر ہیگے آں تے اپنی ساری حیاتیاں وچ ایسے طرحاں دے پھل پیدا کردے آں ،ایس لئی پئی اسیں اپنے باپ آدم دے سبب توں پاپی جم دے آں ، ایس لئی اسیں پاپی ہیگے آں۔ مبارک ہیگے نیں اوہ جیہڑے جان دے  نیں پئی اوہ پاپی ہیگے نیں ۔
اک بندے نوں چاہی دا اے پئی جدوں اوہنوں پتہ لگ جاندا اے پئی بے آسرا تے بے سہارا ہیگا اے تاں اوہنوں مکتی داتا یسوع نوں لبھنا چاہی دااے ،جیہڑا اوہنوں اوہدے سارے پاپاں توں مکتی دیندااے ۔ خُدا دے راہیں ، مبارک بنن دا صرف ایہو ای اک راہ ہیگا اے ۔ پر جے کوئی بندہ اپنے آپ بارے نئیں جان دا تا ں اوہ اپنے مکتی داتا نوں لبھ نئں سکدا ۔ پر ،اک بندہ جیہڑا اپنے آپ بارے چنگی طرحاں جان دا اے ،اپنے آپ دا انکار کردا ،اپنی ہمت اُتے توکل کرن نوں چھڈدا ، بندےاُتے بھروسہ کرنا چھڈدا، تے یسوع مسیح نوں جیہڑا پئی مکتی داتا ، خُدا تے نبی ہیگا اے ،لبھدا اے تاں اوہ بندہ یسوع مسیح دے فضل دے راہیں معاف کیتا جاندااے ۔
پاپیاں نوں اپنے آپ نوں پچھانن دی لوڑہیگی اے ،ایس لئی پئی اوہ جیہڑےاپنے آپ بارے جان دےنیں  اوہو ای خُدا دے اگے مبارک بن سکدے نیں ۔ اک بندہ جیہڑا اپنے آپ نوں نئیں پچھان دا اوہ مبارک نئیں بن سکدا ۔ ایس لئی ،پاپیاں نوں اپنے آپ نوں پچھانن دی لوڑ ہیگی اے پئی اوہ اصل وچ کیہ ہیگے نیں ۔ کیہ تسیں سمجھد ے پئے او ؟ کیہ تسیں پاپاں توں مکتی پاؤن توں پہلاں ہمیشہ بھیڑے کم کیتے نیں؟ جے تسیں پاپ کیتے نیں ، تاں کیہ تہانوں پتہ ہیگا اے پئی کیوں ؟ تسیں اپنی مرضی دے خلاف بھیڑے کم کیتے ، ایس لئی پئی پاپ تہانوں ماپیاں ولوں مالکی ملیا اے ۔
 
 
اک بندے دے راہیں پاپ جگ وچ آیا تے پاپ دے راہیں موت آئی
 
بندے دی موت  اصل سچیائی ہیگی اے ،ایس لئی پاپ اوہناں وچ ہیگا اے ۔ اک بندے نوں پاپاں توں مکتی پاؤن لئی یسوع نوں لبھ کے اوہدے نال میل جول رکھنا چاہی  دا  اے تاں پئی  اوہدے  پاپ
مکائے جاسکن ۔ فیر اوہ ہمیشہ دی حیاتی پا سکدا اے ۔ کیہ تسیں اپنے سارے پاپاں توں مکتی پاؤنا چاؤہندے او ؟
” تاں وی آدم توں لَے کے موسیٰ تیک موت نے اوہناں اُتے وی بادشاہی کیتی جنہاں نیں اوس آدم دی نافرمانی کیتی جیہڑا آؤن والے دی مثال سی ، پاپ نہ کیتا ۔پر پاپ دا جیہڑا حال ہیگا اے اوہ فضل دی نعمت دا نئیں ،ایس لئی پئی جدوں اک بندے دے پاپ نال بوہت سارے لوک مر گئے تاں خُدا دا فضل تے اوہدا جیہڑا انعام اِکو ای بندے مطلب اے ، یسوع مسیح دے فضل نال پیدا  ہویا بوہت سارے لوکاں اُتے لازمی طور اُتے بوہت چوکھا اُتریا اے ۔ تے جویں اک بندے دے پاپ دا پھل ملیا ،انعام دا اوسے طرحاں حال نئیں ایس لئی پئی اک دے ای سبب توں اوہ فیصلہ ہویا جیہدا پھل سزا دا حکم ہیگا سی پر بتھیرے پاپاں نال ایہو جیہی نعمت پیدا ہوئی جیہدا پھل ایہہ ملیا پئی لو ک راستباز بنے۔ایس لئی پئی جدوں اک بندے دے پاپ دے سبب نال موت نے اوس اک دے راہیں بادشاہی کیتی تاں جیہڑے لوک فضل تے راستبازی دا انعام چوکھا سارا پاؤندے نیں اوہ اک بندے مطلب اے ،یسوع مسیح دے راہیں ہمیش دے حیاتی وچ لازمی بادشاہی کرن گے ۔ پر جویں اک پاپ دے سبب توں اوہ  فیصلہ کیتا گیا ، جیہدا پھل سارے بندیاں دی سزا دا حکم ہیگا سی ، اوسے طرحاں راستبازی دے اک کم دے راہیں سارے بندیاں نوں اوہ نعمت ملی جیہدے نال راستباز بن کے اوہ حیاتی پاؤن ۔ ایس لئی پئی جویں اِکو ای بندے دی نافرمانی دے سبب بوہت سارے لوک پاپی بن گئے ،اوسے طرحاں اک دی فرمانبرداری نال بوہت سارے لوک راستباز  بنن گے ۔ تے وچکار شریعت آن پوہنچی تاں پئی پاپ بوہتا ہوجاوے پرجتھے پاپ بوہتا ہویا اوتھے فضل اوہدے توں وی بوہت چوکھا ہویا ۔تاں پئی جویں پاپ نے موت دے راہیں بادشاہی کیتی اوسے طرحاں فضل وی ساڈے خُداوند یسوع مسیح دے راہیں ہمیش دی حیاتی لئی راستبازی دے راہیں بادشاہی کرے ۔ “(رومیوں ۵:۱۴ ۔ ۲۱)۔ 
”  ایس لئی جویں اک بند ے دے راہیں پاپ جگ وچ آیا تے پاپ دے سبب موت آئی تے اِنج موت ساریاں بندیاں وچ ودھ گئی ،ایس لئی پئی ساریاں نیں پاپ کیتا ۔“  (رومیوں ۵:۱۲)۔ ایتھے  اک بندہ کیہڑا ہیگا اے ؟ آدم ۔ حواوی ایسے اکو بندے ، آدم وچوں نکلی سی ۔ بائبل ایس طرحاں فرماؤندی اے ،  ’ اک بندے دے راہیں ‘ خُدا نے شروع وچ اک بندے نوں بنایا تے اک بندے دے راہیں ای پاپ جگ وچ آیا ۔ ساڈے خیال وچ عدن  دے باغ وچ دو بندے سَن ۔ پر اصل وچ
،خُدا دی نظر وچ اوتھے اکو ای بندہ ہیگا سی ۔ ساری انسانی پیڑھی اکو ای بندے ، آدم دے راہیں ودھے سَن۔
” اک بند ے دے راہیں پاپ ایس جگ وچ آیا  “ ایس کلام دا مطلب ہیگا اے پئی آدم دی ساری اولاد ،آدم دے پاپ دے سبب پاپی بن گئی سی ۔ موت سارے لوکاں اُتے آئی ، ایس لئی پئی ساریاں نیں پاپ کیتااے ۔ پاپ دے سبب سارے لوکاں نوں موت دی سزا دتی گئی ۔ خُدا ایہو جیہے بندے نوں ویکھ نئیں سکدا جیہڑ ا اپنے دل وچ پاپ رکھدااے ۔
خُداقادرِ مطلق خُدا ہیگااے پر خُدا وی دو کم نئیں کر سکدا : نہ تاں اوہ جھوٹ بول سکدا تے نہ ای اپنے دل وچ پاپ رکھن والے بندے نوں اَسمانی بادشاہی وچ جان دے سکدااے ۔ جویں پئی اوہنے وعدہ کیتا اے اوسے طرحاں اوہ اپنی شریعت نوں پورا کردااے ۔خُدا اوس بندے نوں لازمی طور اُتے سزا دیندا اے جیہڑا اپنے دل وچ پاپ رکھدااے ایس لئی پئی خُدا نہ تاں جھوٹ بولدا اے تے نہ ای اپنی بنائی ہوئی شریعت توں نظر ہٹا سکدااے ۔ سارے لوک اک بندے آدم دے راہیں پاپی بنے جیہڑاشیطان دیاں گلاں وچ آکے ڈِگ پیا تے خُدا دے اگے پاپ کیتا ۔ خُدا دی سزا تے موت ایس طرحاں سارے بندیاں وچ ودھ گئی ایس لئی پئی اوہ پاپی ہیگے سَن تے اک بندے آدم دی اولاد وانگر جمے سَن ۔ ایس سبب توں موت اوہناں وچ کھلر گئی ۔
جدوں خُدا نے شروع وچ آدم نوں بنایا ،تاں اوتھے موت نئیں ہیگی سی ۔اوتھے صرف نیکی بدی دی پچھان دا رُکھ ای نئیں ہیگا سی سگوں حیاتی دا رُکھ وی ہیگا ۔ خُدا نے آدم نوں حکم دتا پئی حیاتی دے رُکھ دا پھل کھاوے تے ہمیش تیک جیوندارہوے ۔ پر، آدم شیطان دیاں گلاں وچ آگیا تے نیکی تے بدی دی پچھان دے اوس رُکھ دا پھل لیا تے کھاہدا جیہدے بارے وچ خُدا نے حکم دتا سی پئی ایہنوں نہ کھاویں تے اوہنے اوسے پھل نوں کھا کے خُدا دے کلام نوں للکاریا ،ایس طرحاں موت پاپ دے راہیں سارے لوکاں وچ کھلر گئی ۔ اک بندے آدم دے راہیں موت ایس جگ وچ آئی سی ۔
 
 
کاہدے لئی خُدا نے بندے نوں شریعت دتی ؟
 
جے پاپ آدم دے راہیں جگ وچ نہ آؤند ا ، تاں موت سارے لوکاں وچ نئیں ودھ سکدی سی ۔ کیوں اک بندہ مردااے ؟ اوہ پاپ دے سبب توں مردااے ۔ اک بندے دے راہیں پاپ ایس جگ وچ آیا تے اِنج موت سارے لوکاں وچ کھلر گئی ۔ شریعت دے آؤن تیک ،پاپ تاں جگ وچ ہیگا سی ،پر شریعت توں پہلاں لوکاں دے کول پاپ دی پچھان دا علم نئیں ہیگا سی ۔  
خُدا دی شریعت موسیٰ دے راہیں سارے لوکاں تیک اپڑی ۔ ایتھوں تیک پئی آدم تے نوح دے ویلے توں ،ایتھے پاپ تاں ہیگا سی ،پر خُدا نے موسیٰ دے دناں تیک شریعت نئیں بنائی سی  ۔ پر بائبل دسدی اے پئی اوس ویلے جنے وی لوک جیوندے سن ساریاں دے دلاں وچ پاپ ہیگا سی ۔
آؤ رومیوں ۵:۱۳نوں  اک واری ویکھدے آں،  ” ایس لئی شریعت دے دتے جان تیک جگ وچ پاپ تاں ہیگا سی پر جتھے شریعت نئیں اوتھے پاپ دا حساب نئیں ہوندا۔ “ ایتھے جدوں کوئی شریعت نئیں ہیگی سی پاپ اوس ویلے وی جگ وچ ہیگا سی ۔ ایس لئی ، سارے لوک مردے سَن ایس لئی پئی خُدا دے اگے پاپی ہیگے سَن ۔ خُدا نے اوہناں نوں شریعت دتی جیہڑی ۶۱۳ قسماں دے حکماں اُتے ہیگی اے ، جیہڑے اوہدے اگے لوکاں وچکار پاپ دی پچھان لئی دتے گئے سَن ۔ لوکاں نے خُدا دی شریعت راہیں کیہ پچھانیا؟ اوہناں نے محسوس کیتا پئی اوہ خُدا دے اگے پاپی ہیگے سَن تے اوہناں نوں پتہ لگیا پئی اوہ پاپ نوں اپنے دلاں وچ رکھدے سَن ۔ لوکاں نے پچھانیا اوہ خُدا دی شریعت اُتے چنگی طرحاں عمل نئیں کر سکدے سَن ۔
ایس طرحاں ، لوکاں نیں اپنے پاپ نوں پچھانیا ۔ آدم تے حوا دی اولاد نوں پتہ لگیا پئی اوہ پاپی ہیگے سَن تے ایہہ پئی صرف خُدا ای اوہناں دے پاپاں نوں معاف کرے گا ۔ پر اوہ ویلا لنگھن دے نال نال بھُل گئے پئی اوہ  پاپی ہیگے سَن تے اپنے باپ آدم کولوں پاپ نوں مالکی وچ پایا سی ۔ اوس ویلے ، اوہ اِنج سمجھدے سَن پئی جدوں اوہ پاپ کردے سَن تاں پاپی بن دے ، پر جے اوہ پاپ نئیں کردے تاں اوہ پاپی نئیں بن دے سَن ۔پر اوہ غلط ہیگے سَن ۔ اج کل ،وی بوہتے لوک حالے تیک سوچدے نیں پئی جے اوہ پاپ کرن تاں اوہ پاپی بن دے نیں تے جے اوہ پاپ نہ کرن تاں اوہ پاپی نئیں بن دے ۔ اصل وچ ،سارے لوک بھاویں اوہ پاپ کردے نیں یاں نئیں ، پاپی ہیگے نیں،ایس لئی پئی اوہناں نیں  اپنے جمن دیہاڑے توں اپنے ماپیاں توں پاپ دی مالکی لئی اے ۔
ایہہ اک کھرا سچ ہیگا اے پئی بندے اپنے پاپاں توں مکتی پاؤن توں پہلاں پاپی ہوندے نیں ۔ ایس لئی خُدا نے پاپ دی پچھان لئی اوہناں نوں اپنی شریعت دتی ۔ اک بندہ جیہڑا  شریعت دے راہیں خُدا نوں جان دا تے شریعت نوں جان کے ایہہ من دا اے پئی اوہ پاپی ہیگا اے ۔ اک بندہ جناں بوہتا خُدا دی شریعت بارے جان دا رہندا اے اوہ اونا ای وڈا پاپی بن دا اے ۔
 
 
اک بندے دے راہیں موت سارے لوکاں وچ کھلر گئی
 
رومیوں ۵ : ۱۳ ۔ ۱۴ دسدااے ، ” ایس لئی شریعت دے دتے جان تیک جگ وچ پاپ تاں ہیگا سی پر جتھے شریعت نئیں اوتھے پاپ دا حساب نئیں ہوندا۔تاں وی آدم توں لَے کے موسیٰ تیک موت نے اوہناں اُتے وی بادشاہی کیتی جنہاں نیں اوس آدم دی نافرمانی کیتی  جیہڑا آؤن والے وانگر سی ،پاپ نئیں کیتا سی ۔ “
خُدافرماؤندااے پئی اک بندے دے راہیں سارے لوک پاپی بنے تے اک بندے راہیں موت اوہناں وچ کھلر گئی۔ پاپ دے راہیں موت اوہناں ساریاں وچ کھلر گئی ۔ ایہہ اک ای بندے راہیں ہیگا سی ۔ ایہہ اک بندہ کیہڑا ہیگا اے ؟ آدم۔عام طریقے نال سانوں پتہ ہیگا اے ۔ پر، بوہتے لوک ایہنوں نئیں جان دے ۔ایتھوں تیک پئی بوہتے مسیحی ایہنوں نئیں جان دے ۔ اوہ وڈے تے نکے پاپاں نوں وکھ وکھ کردے نیں تے سوچدے نیں پئی اوہناں دے نکے پاپ ہر دیہاڑے دیاں دعاواں پڑھن نال معاف ہو سکدے نیں ۔ اوہناں نوں پتہ  نئیں پئی اوہ آدم دے پاپ دے سبب سزا پاؤندے تے دوزخ وچ سُٹے جاندے نیں ۔
آدم دی اولاد اپنے پاپاں دے سبب خُدا نال کوئی میل جول نئیں رکھدے بھاویں اوہ نیک بنن لئی کنے بوہتے ہتھ پیر مارن ۔ خُدا آدم دی اولاد ہون دے سبب اوہناں ساریاں نوں سزا دیندا اے ، پر اوہ نیک حیاتی بسر کرن دی کنی ای ہمت کرن ،اوہ اپنے باپ آدم دے پاپ دے سبب دوزخ دی ہمیشگی دے اگ وچ سُٹے جان گے ۔
 
 
آدم آؤن والے وانگر ہیگا سی
 
ایہہ لکھیا اے پئی آدم آؤن  والے وانگر ہیگا سی ۔ سارے لوک اک بندے دے راہیں پاپی بنے تے موت ساریاں وچ کھلر گئی ۔ پر، اک بندے مطلب اے ، یسوع مسیح دے راہیں سارے لوک راستباز بن  دے نیں ،جویں اک بندے آدم دے سبب سارے لوک پاپی بنے ۔ ایہہ خُدا دا قانون ہیگااے ۔
لوکاں نیں دین بنائے ،ایس لئی پئی اوہ خُدا دے قانوں نوں نئیں  جان   دے ۔اوہ  آکھدے  نیں
پئی یسوع اُتے ایمان لیاؤن دے بعد وی اوہناں نوں مکتی پاؤن لئی نیکی دے کماں دی لوڑ پیندی اے ۔ ایہہ سارے جگ وچ کھلرے ہوئے نیں تےکئی وار اوہ بوہتے جھوٹ بولدے نیں !اوہ لوکاں نوں ایہہ آکھدیاں ہوئیا ں تعلیم دیندے نیں پئی ،  ” تہانوں مسیحیاں وانگر نیک بنن دی لوڑہیگی اے ۔“ ساڈے پاپ ساڈے کماں راہیں کدی وی مکائے نئیں جاندے ۔
” آدم آؤن والے وانگر ہیگا سی ۔ “کیہڑا اوہ بندہ ہیگا اے جیہڑا سانوں پاپا ں توں مکتی دین لئی آؤن والا سی ؟ اوہ یسوع مسیح ہیگا سی ۔ یسوع نوں ایس جگ وچ گھلیا گیا تے اوہنے بپتسمے دے راہیں اِکو ای وار شریعت دے مطابق جگ دے پاپاں نوں مکا دتا تے سانوں ساریاں نوں راستباز بنایا تے سانوں سزا توں بچاؤن لئی سولی اُتے مر گیا سی ۔
پاپ جگ وچ ایس لئی آیا ایس لئی پئی شیطان نے آدم نوں جیہڑا اک انسان ہیگا سی ،اپنے فریب وچ  پھسا لیا ۔ پاپ جگ وچ آدم دے راہیں آیا سی ۔ پر یسوع مسیح ، مکتی داتا ، سارے لوکاں نوں بناؤن والا تے بادشاہواں دا بادشاہ جیہڑا قادرِ مطلق ہیگا اے بندے دی شکل وانگر بندیاں نوں اوہناں دے پاپاں توں اِکو ای وار مکتی دین لئی ایس جگ وچ آگیا ۔ اوہنے اکو ای وار ہمیش لئی جگ دے پاپا ں نوں مکا دتا ۔ اوہنے اپنے بپتسمے دے راہیں اکو ای وار ہمیش لئی پاپاں نوں چُک لیا تے سولی اُتے مر کے اوہناں سارے پاپاں دا مُل اُتار دتاسی ۔  
اک بندہ بھاویں اوہدے پاپ کنے ای وڈے ہون ،جے اوہ ایمان لیاوے پئی یسوع جگ دے پاپاں نوں مکاؤن لئی آیا سی ، تاں اوہ نویں حیاتی پاؤندا تے مکتی پاؤندااے ۔ خُدا نے ارادہ کیتا تے سانوں اپنے پُتر بناؤن لئی دھرتی تے اَسمان نوں بناؤن دا منصوبہ بنایا ۔اوہ جگ وچ آیا تے اپنے وعدے نوں کامل طوراُتے پورا کیتا ۔ ایس لئی لازمی طور اُتے اسیں پاپ توں اَڈ ہیگے آں ۔ خُدا کدی غلطی نئیں کردا ۔آدم آؤن والے وانگر ہیگا سی ۔ میری سمجھ وچ نئیں آؤندا پئی لوک کاہدے لئی اپنے کماں اُتے مکتی لئی بھروسہ کردے نیں ۔ساڈی مکتی دا مکا مکمل طور اُتے یسوع اُتے ہیگا اے ۔ لوک اک بندے ،آدم، دے راہیں پاپی بنے تے اِکو ای بندے ،یسوع مسیح ،دے راہیں مکتی پاگئے سَن ۔
سانوں جیہڑا کم کرن چاہی دا اے اوہ صرف ایہو ای ہیگا اے پئی پاپاں تو ں مکتی پاؤن لئی یسوع مسیح اُتے ایمان لیایے ۔ ایہو ای اوہ کم ہیگا اے جیہڑا سانوں کرنا چاہی دااے ۔ سانوں کُجھ نئیں کرنا پر ایس سچیائی وچ رہ کے خوشی مناؤنی چاہی دی اے پئی یسوع نے ساڈے پاپاں نوں مکا دتا اے ۔ ایس لئی کیوں تسیں دوجیاں نوں ، جوش وچ آکے صرف بدنی نیکیاں کرن لئی مجبور کردے او ؟ کیہ لوک اپنے  کماں دے راہیں
پاپاں توں مکتی پا سکدے نیں ؟ نئیں ۔ مکتی صرف پاپاں توں چھڈائے جان اُتے ایمان لیاؤن نال ای ملدی اے ۔  
 
 
پاپ دا جیہڑا حال ہیگا اے اوہ فضل دی نعمت دا نئیں ہیگا اے
 
رومیوں ۵: ۱۴ ۔ ۱۶ دسدااے ، ” تاں وی آدم توں لَے کے موسیٰ تیک موت نے اوہناں اُتے وی بادشاہی کیتی جنہاں نیں اوس آدم دی نافرمانی کیتی جیہڑا آؤن والے دی مثال سی ، پاپ نہ کیتا سی ۔پر پاپ دا جیہڑا حال ہیگا اے اوہ فضل دی نعمت دا نئیں ،ایس لئی پئی جدوں اک بندے دے پاپ نال بوہت سارے لوک مر گئے تاں خُدا دا فضل تے اوہدا جیہڑا انعام اِکو ای بندے مطلب اے ، یسوع مسیح دے فضل نال پیدا  ہویا بوہت سارے لوکاں اُتے لازمی طور اُتے بوہت چوکھا اُتریا اے ۔ تے جویں اک بندے دے پاپ دا پھل ملیا ،انعام دا اوسے طرحاں حال نئیں ایس لئی پئی اک دے ای سبب توں اوہ فیصلہ ہویا جیہدا پھل سزا دا حکم ہیگا سی پر بتھیرے پاپاں نال ایہو جیہی نعمت پیدا ہوئی جیہدا پھل ایہہ ملیا پئی لو ک راستباز بنے۔“
ایہناں حوالیاں دا کیہ مطلب ہیگااے ؟ بائبل فرماؤندی اے، ” پاپ دا جیہڑا حال ہیگا اے اوہ فضل دی نعمت دا نئیں ہیگا اے  ۔“ فضل دی نعمت خُدا دی مکتی ول اشارہ کردی اے ۔ ایہدا مطلب ہیگا اے پئی سارے لوک جنہاں نیں آدم دے راہیں پاپ نوں مالکی وچ پایا اے ، دوزخ وچ جانا ای اوہناں دا نصیب ہیگا سی ، پر یسوع اُتے ایمان لیاؤن دے راہیں جنہے اوہناں دے سارے پاپاں نوں مکا دتا اے بغیر کسے فرق دے اوہناں دے پاپ معاف کیتے جا سکدے نیں ۔ایہدا مطلب ایہہ وی ہیگا اے پئی یسوع نے پہلاں ای ساڈے آؤن والے دناں دے پاپاں نوں مکا دتا اے ۔
اک بندہ جے اوہ پاپ نئیں کردا تاں وی اوہ آدم دی اولاد ہون دے سبب اک پاپی ہیگا اے ۔ ایس لئی ،جے او ہ پاپ نئیں کردا تاں وی اوہ مالکی دے پاپ دے سبب دوزخ جان توں بچ نئیں سکدا ۔ یسوع ایس جگ وچ آیا تے ساڈا مکتی داتا بنیا ۔ فضل دی نعمت ایہہ ہیگی اے پئی یسوع نے سانوں اوہناں پاپاں توں جیہڑے لوک جگ دے شروع توں لَے  کے اَخیر تیک کر دے نیں  اوہناں   سارے  پاپا ں  نوں
معاف کرن دی سانوں بوہتی ساری مکتی دتی اے ۔
ایس لئی ، اک آدم دے فضل دی نعمت اک بندے دے پاپ توں بوہت ودھیری ہیگی اے ۔ جے کوئی بندہ خُدا دے خلاف پاپ کردااے ، تاں ایہہ اک پاپ ای بندے نوں خُدا توں سزادلواؤن تے دوزخ وچ سُٹن لئی بتھیرا ہیگا اے ۔ پر، خُداوند دے فضل دی نعمت ، جنہے پہلاں توں ای ساڈے پاپاں تے غلطیاں نوں مکا دتا اے،اک بندے دے پاپ توں بوہت وڈی ہیگی اے ۔
ایہدا مطلب ایہہ ہیگا اے پئی یسوع دی محبت تے پاپاں توں مکتی دی نعمت سارے لوکاں دے پاپاں توں ودھیری چوکھی ساری اُتری اے ۔ خُداوند نے ودھیری طاقت نال جگ دے سارے پاپاں نوں مکا دتا اے ۔ یسوع دی محبت ، جنہے سانوں مکتی دتی اے ،تے مکتی دی نعمت چوکھی ساری تے اک بندے دےپاپ تو ں بوہت ودھیری ہیگی اے ۔ بھاویں اسیں اپنے بدن نال اوہدے خلاف ہیگے ساں ، تاں وی یسوع نے ساڈےخُدا دے خلاف جنگ کرن دے پاپ نوں مکا دتا اے ۔ ہُن خُداوند چاؤہندااے پئی  اسیں ایمان لیائیے پئی اوہ پہلوں ای جگ دے سارے پاپاں نوں اِکو ای مکا چُکیا اے ۔ ایس طرحاں اوہنے  پاپیاں نوں اوہناں دے پاپاں توں خُدا دے میمنے وانگر مکتی دتی ،جنہےجگ دے پاپاں نوں مکا دتا اے ۔
ایہہ خیال جیہدے وچ ہیگا اے پئی جدوں اسیں خُدا اُتے ایمان لیاؤندے آں تاں ساڈے پاپ مک جاندے نیں ،تے جدوں اسیں خُدا اُتے ایمان نئیں لیاؤندے تاں ساڈے پاپ چلدے رہندے نیں  ،سچ نئیں ہیگا اے ۔ ایتھوں تیک پئی خُدا نے بے ایماناں دے پاپاں نوں وی مکا دتا اے ،ایس لئی پئی اوہ جگ دے سارے لوکاں نال محبت کردااے ،پر لوک خُدا دی محبت نوں پاؤنا نئیں چاؤہندے ۔ کوئی وی بندہ خُدا دی محبت تے مکتی توں باہر نئیں ہیگا اے ۔خُدا دی مکتی اوہناں اُتے ظاہر ہوندی اے جیہڑے اصل خوشخبر ی اُتے ایمان لیاؤندے نیں ، جیہڑی دسدی اے پئی یسوع نے ساڈے سارے پاپاں نوں مکا دتا اے ۔
اسیں بوہت ماڑے لوک ہیگے آں ۔ خُدا اوہناں نوں جیہڑے ایمان لیاؤندے نیں پئی یسوع نے اوہناں دے پاپ مکادتے نیں ، اوہناں نوں پاپاں اَڈ گن دا اے ۔ساڈے سارے پاپاں دے معاف ہوجان دے بعد وی اسیں اپنے بدن وچ بوہت ماڑے ہیگے آں ۔ بوہتی وار، اسیں خُدا دے خلاف جنگ کردے آں تے ایتھوں تیک پئی جدوں اسیں اوہدی مرضی نال متفق نئیں ہوندے تاں اسیں اوہدی راستبازی نوں اپنے آپ توں وکھ کر دیندے آں ۔ پر خُدا فرماؤندااے،  ” میَں تہانوں محبت کرداہاں تے میَں تہانوں مکتی دتی اے ۔میَں پہلوں ای اوہناں  پاپاں نوں جیہڑے تسیں کردے او،سگوں ایس ویلے دے پاپاں نوں وی مکا چُکیا ہاں ۔ اوہ!کیہ ایہہ سچ ہیگااے خُداوند ا؟ آہو، میَں سارے پاپاں نوں مکا دتا اے ۔ “ خُداوند تیرا شکر ہووے ۔ میَں تیری وڈیائی کرداہاں ۔ تیری وڈیائی کرن لئی میرے کول اکھر نئیں ہیگے، ایس لئی پئی توں مینوں حدوں دونی  محبت کیتی اے ، ایتھوں تیک پئی تیرے نام توں منکر ہون دے پاپ نوں وی توں مکا دتا اے ۔
اوہ جیہڑے پاپی ہیگے سَن راستباز بن گئے تے محبت دے قیدی ہو گئے نیں ۔اوہناں نیں اپنے آپ نوں اوہدی محبت دے اگے نیواں کر دتا اے ۔ بھاویں اوہناں نیں اپنی کمیاں دے سبب پطرس وانگر اوہدا انکار کیتا تا ں وی خُدا وند نے اوہناں داانکار دا پاپ مکا دتا اے ، ایس لئی اوہ خُداوند یسوع دا شکر ادا کرن توں اپنے آپ نوں ڈک نئیں سکدے ۔ ایہہ خوشخبری اوہناں نوں خُداوند دی وڈیائی کرن دے لائق بناؤندی اے ۔ ایس لئی پولُس رسول نے آکھیا پئی خُدا دی مکتی اک بندے دے پاپ توں بوہت وڈی ہیگی اے ۔
یسوع نے مالکی دے پاپ نوں جیہڑا اوہناں نوں ماپیاں ولوں ملدا اے تے اصل پاپ نوں جیہڑا جگ دے اخیر تیک ،اوہ اپنے کماں دے راہیں کردے سَن اوہناں سارے پاپاں نوں مکا دتا اے ۔ ایس لئی، خُدا دی محبت بوہت وڈی ہیگی اے!ایس لئی،بائبل پھل دے طور اُتے دسدی اے ،” ویکھو ! ایہہ خُدا دا میمنا ہیگا اے جیہڑا جگ دا پاپ چُک کے لَے جاندااے  ۔“(یوحنا ۱:۲۹)۔
 
 
راستباز اک بندے یسوع مسیح دے راہیں ہمیش دی حیاتی وچ لازمی بادشاہی کرن گے
 
جگ دے پاپاں نوں توبہ دیاں لفظی دعاواں دے راہیں معاف نئیں کیتا جا سکدا ۔ ایماندار ایس لئی پاک ہیگے نیں تے سارے پاپاں توں مکتی پا چُکے نیں ، ایس لئی پئی خُداوند نے پہلوں ای پاپاں نوں دُور سُٹ دتا ، ایتھوں تیک پئی اوہ پاپ جیہڑے آؤن والے دناں وچ کیتے جانے سَن،اوہناں نوں وی وکھ کر دتا۔ رومیوں ۵ : ۱۷ دسدا اے ،  ” ایس لئی پئی جدوں اک بندے دے پاپ دے سبب نال موت نے اوس اک دے راہیں بادشاہی کیتی تاں جیہڑے لوک فضل تے راستبازی دا انعام چوکھا سارا پاؤندے نیں اوہ اک بندے مطلب اے ،یسوع مسیح دے راہیں ہمیش دے حیاتی وچ لازمی بادشاہی کرن گے ۔ “
اسیں فضل نال مبارک بنے آں ۔ اوہ کیہڑے ہیگے نیں جیہڑے فضل تے راستبازی دی نعمت بوہتی ساری پاؤندے نیں ؟ ایہہ اوہ لوک ہیگے نیں جیہڑے خُداوند اُتے ایمان لیائے تے جنہاں دے پاپ اوہدے اُتے ایمان لیاؤن دے راہیں معاف ہوگئے نیں ۔ اسیں خُداوند دی وڈیائی کردے آں ایس لئی پئی اسیں فضل تے پاپاں توں مکتی نوں بوہتا سارا پایا اے ۔ ” تاں جیہڑے لوک فضل تے راستبازی دا انعام چوکھا سارا پاؤندے نیں اوہ اک بندے مطلب اے ،یسوع مسیح دے راہیں ہمیش دے حیاتی وچ لازمی بادشاہی کرن گے ۔ “ اسیں اوہ بادشاہ ہیگے آں جیہڑے پئی ہمیش دی حیاتی وچ لازمی طور اُتے بادشاہی کراں گے ۔
صرف بادشاہ ای بادشاہی کردے نیں ۔ اسیں حالے تیک بادشاہی کردے آں ۔کیہڑا بادشاہواں دے خلاف لڑائی کر سکدااے ؟ اسیں، اوہ لوک ہیگے آں جیہڑے فضل تے راستبازی دی نعمت چوکھی ساری پاؤندے تے ہر روز بادشاہی کردے نیں ۔ اسیں اَج بادشاہی کردے آں تے اسیں کل وی  بادشاہی کراں گے ۔ ہر بندہ جیہڑا ساڈے بادشاہواں نال مہربانی کرے مبارک ہیگا اے تے ساڈے نال بادشاہ بن سکدااے ۔ پر، جیہڑا ایس اصل خوشخبری اُتے ایمان نئیں لیاؤندا جیہدی منادی بادشاہ کردے نیں تاں اوہ لوک دوزخ وچ جان گے ۔  
جگ وچ بوہت سارے بادشاہ جیہڑے چھڈائے گئے نیں تے ایتھے بوہت سارے لوک ہو گئے نیں جیہڑے دوزخ نوں گئے ایس لئی پئی اوہ ایہناں بادشاہواں دے خلاف ہیگے سَن ۔ اوہناں نوں بادشاہواں اُتے رحم کرناچاہی داسی ، پر اوہناں نیں نئیں کیتا ۔ جے اوہ سچیائی تے دل دیاں اکھاں نال ویکھدے تاں اوہ وی بادشاہ ہو سکدے  سَن ۔
کیہ تسیں بادشاہی کردے او؟ اسیں  جگ وچ اپنے بادشاہ ہون دا یقین رکھدے  تے مزے لیندے آں ۔اسیں اعلان کرکے آکھدے آں پئی جدوں بے ایمان ساڈےخلاف جنگ کردے نیں تاں اوہ لازمی دوزخ وچ جان گے ۔ صرف بادشاہ ای اِنج کر سکدے نیں ۔ اسیں اصلی بادشاہ ہیگے آں ۔ کیہ ایتھے کوئی راستبازاں وچ ایہو جیہا بندہ ہیگا اے جیہڑا بادشاہی نہ کرداہووے؟ بادشاہواں وانگر بادشاہی نہ کرنا ایہہ اوہناں لئی بے ادبی تے شرم والی گل ہیگی اے ۔ اک بادشاہ ، بادشاہ وانگر بادشاہی کردااے ۔ ”تسیں سوچدے او ۔تسیں دوزخ وچ جاووگے جے تسیں ایس سچیائی نوں نئیں من دے ۔“ اک بادشاہ دا رویہ بادشاہواں وانگر ہوندااے ۔ لازمی ہیگا اے پئی اک بادشاہ رُعب والے ہووے تے پاپیاں نوں حکم دیوے پئی سچیائی اُتے ایمان لیاؤن۔
اک بادشاہ مقدمے دا فیصلہ کرسکدااے ، اوہ پاپیاں نوں  جیہڑے خُدا دی راستبازی دے خلاف ہیگے نیں دوزخ وچ جان دا حکم دے سکدا اے، پر اک بادشاہ بھاویں کنا ں ای نکاہووے ۔ اوہ خُدا دے اگے بے ایماناں نوں دوزخ وچ جان دا حکم دین دی طاقت رکھدااے ،پرایہدا مطلب ایہہ نئیں ہیگا پئی بادشاہ اپنی مرضی نال ایس طاقت نوں غلط استعمال کرے ۔ خُداوند سانوں دسدااے پئی جگ اُتے بادشاہی کرو۔ ایس لئی ، آؤ اسیں بادشاہی کرئیے تے اَسمانی ہمیش دی بادشاہی وچ جائیے ۔
پر ،کئی راستباز اپنی طاقت بوہت نرمی نال ورتدے نیں ۔جدوں خُداوند دوبارہ آوے گا تاں اوہناں نوں جھڑکے گا تے آکھے گا ،  ” تسیں اپنے ایمان چھڈدتا ۔ کاہدے لئی تسیں نوکراں وانگر رویہ رکھیا؟ میَں تہانوں اک بادشاہ بنایا سی ۔“ کئی لوک ایتھے اِنج دے ہیگے نیں جیہڑے جگ وچ نوکراں وانگر حیاتی بسر کردے نیں ۔ کیہ اک بادشاہ نوں اِنج کرنا چاہی دااے پئی ،  ” سر“  کیہ ایہہ مضمون ایس طرحاں ہیگا اے؟ بھاویں اوہناں نوں اِنج نئیں کرنا چاہی داتاں وی کئی راستباز ایسے طرحاں بولدے نیں ۔ وہ جگ دے اگے گوڈے نواں کے معافی منگ دے نیں۔ ایتھوں تیک پئی خُدا کولوں مکتی پاؤن دے بعد وی ۔ اک بادشاہ دے طریقے شاہی ہونے چاہی دے نیں۔
جدوں ای میَں بادشاہ بنیا میَں جگ دے خلاف اپنی آزادبادشاہی دا  دعویٰ کیتا ۔ میَں ایمان لیاندا پئی میَں اک بادشاہ ہیگا واں تے میَں اپنا رویہ بادشاہواں والا رکھیا ، بھاویں میَں جوان ہیگا ساں ۔
 
 
اک بندہ یسوع مسیح دی فرمانبرداری دے راہیں
 
رومیوں ۵ : ۱۸ ۔ ۱۹ دسدااے ،  ” پر جویں اک پاپ دے سبب توں اوہ  فیصلہ کیتا گیا ، جیہدا پھل سارے بندیاں دی سزا دا حکم ہیگا سی ، اوسے طرحاں راستبازی دے اک کم دے راہیں سارے بندیاں نوں اوہ نعمت ملی جیہدے نال راستباز بن کے اوہ حیاتی پاؤن گے۔ ایس لئی پئی جویں اِکو ای بندے دی نافرمانی دے سبب بوہت سارے لوک پاپی بن گئے ،اوسے طرحاں اک دی فرمانبرداری نال بوہت سارے لوک راستباز  بنن گے ۔ “
” پر جویں اک پاپ دے سبب توں اوہ  فیصلہ کیتا گیا ، جیہدا پھل سارے بندیاں دی سزا دا حکم ہیگا سی۔“ ایتھے سزا دا مطلب کچہری ہیگا اے ۔اک بندہ جیہڑا آدم دے پُتر وانگر جم دا اے تے اوہ پانی تے رُوح دے راہیں نویں سریوں نئیں جمیا ، بھاویں اوہ یسوع اُتے ایمان لیاؤندااے ، تاں اوہ سزا پاوے گا ۔ ” اوسے طرحاں راستبازی دے اک کم دے راہیں  سارے بندیاں نوں اوہ نعمت ملی جیہدے نال راستباز بن کے حیاتی پاؤن ۔“
سارے لوک یسوع دے اک سچے کم دے راہیں راستباز بنائے جاندے نیں ،جیہڑا کنواری مریم وچوں جمیا سی تے جگ دے سارے پاپاں نوں بپتسمے دے راہیں اوہنے چُک لیا سی ۔اوہنے اوہناں ساریاں لئی سولی اُتے مر کے اپنی جان وار دتی ، تاں پئی اوہ اوہناں نوں راستباز بناوے ۔ اک بندے دی خُدا باپ دی مرضی دی فرمانبرداری نال ،بتھیرے راستباز بنائے گئے ۔
بوہت سختی نال بولدے ہوئیاں ، جگ دے سارے لوک پاپی ہیگے نیں ،یاں راستباز جے اسیں ایمان دیاں اکھاں نال ویکھیے ؟ اوہ سارے راستباز  ہیگے نیں ۔ کئی لوک جنہاں نوں میَں ایمان دے راہیں اِنج آکھداہاں ،اوسے ویلے غصے ہو جاندے تے میرے نال جھگڑا کردے نیں ۔ اصل وچ ایتھے کوئی وی ایہو جیہا نئیں ہیگاجیہڑا خُدا دے نظر وچ پاپی ہووے ۔ خُدا نے اپنے اکلے پُتر نوں جگ وچ گھلیا تے جگ دے سارے پاپاں نوں اوہدے اُتے لد دتا تے سارے لوکاں دے نمائندے وانگر اوہنے سزا جری تے اوہ سولی اُتے مر گیا ۔
 
 
لوک اپنے ایماناں مطابق اَسمانی بادشاہی یاں دوزخ وچ جاندے نیں
 
خُدا ہُن ہور جگ دے نوں سزا نئیں دیندا ایس لئی پئی اوہنے سارے لوکاں لئی یسوع نوں سزا دتی ۔ پر ،کئی لوک ایمان لیاؤندے نیں تے کئی نئیں لیاؤندے ،بھاویں  خُدا دا پُتر ایس جگ دے سارے پاپاں نوں چُک کے لَے گیا تے اوہناں نوں اوہنے خُدا دی مرضی وچ رہندیاں ہوئیاں مکا دتا ۔ ایماندار خُدا دی راستبازی اُتے ایمان لیاؤن دے راہیں اَسمانی بادشاہی وچ جاندے نیں ۔ خُدا اوہناں نوں راستباز گن دا تے فرماؤندااے ، ” تسیں راستبازہیگے او ۔ تسیں ایمان لیاندااے پئی میَں سچ مُچ تہاڈے پاپاں نوں مکا دتا اے ۔ میرے کول آجاوو۔ میَں تہاڈے لئی اَسمانی بادشاہی بنائی اے ۔ “ اوہ بوہتے سارے اَسمانی بادشاہی وچ جاندے نیں ۔
پر کئی لوک  اوہدے  اُتے  یقین  نئیں  رکھدے  تے  ایہہ آکھدے  ہوئیاں  خوشخبری  نوں نند
دے نیں ، ” خُداوند ، کیہ ایہہ سچ ہیگا اے ؟ میَں ایہدے اُتے ایمان نئیں لیا سکدا ۔کیہ ایہہ سچ ہیگا اے ؟ میَں ایہنوں سچ مُچ سمجھ نئیں سکیا ۔ “  خُدا فرماوے گا  ” کاہدے لئی تسیں مینوں غصے کیتا ؟ جے تسیں ایمان لیاؤنا چاؤہندے او تاں میرے اُتے بھروسہ کرو، پر جے تسیں ایمان نئیں  لیاؤنا چاؤہندے  تاں نہ لیاوو۔ “ کیہ خُداوند پانی تے رُوح دی خوشخبری سچی ہیگی اے ؟  ” میَں تہانوں مکتی دتی اے ۔ “ ” میَں ایہدے اُتے ایمان نئیں لیا سکدا ۔ میَں ۹۰٪ تاں ایمان لیا سکدا ہاں پر مینوں باقی٪ ۱۰ اُتے شک ہیگااے ۔“
فیر خُداوند اوہناں نوں فرماوے گا ، ” بھاویں میَں تہانوں پہلوں ای مکتی دتی پر تسیں ایمان نئیں لیائے ،ایس لئی میَں تہاڈے ایمان مطابق تہاڈے نال رویہ رکھا ں گا ۔ میَں اوہناں ساریاں نوں جیہڑے آدم تے حوا دی اولاد وانگر پاپاں وچ ہیگے نیں ، دوزخ وچ سُٹن دا فیصلہ کیتا اے ۔ میَں اَسمانی بادشاہی وی بنائی اے ۔ جے تہاڈی مرضی ہووے تاں اَسمانی بادشاہی وچ ، ایمان لیاؤن دے راہیں جاسکدے او ،تے جے تہاڈی مرضی ہووے تاں دوزخ وچ اگ دے اوس دریا وچ سُٹے جاوو گے۔ “  ایہہ اوہناں دے ایمان اُتے ہیگا اے پئی کیہ اوہ اَسمانی بادشاہی وچ جاندے نیں یاں دوزخ وچ۔
 کیہ تسیں ایمان رکھدے او پئی یسوع نے اپنے بپتسمے تے اوس لہو دے راہیں جیہڑا اوہنے سولی اُتے وگایا سی ، تہانوں تہاڈے سارے پاپاں توں مکتی دتی اے ؟ ایہہ تہاڈے ایمان اُتے ہیگا اے ۔ اَسمانی بادشاہی تے دوزخ وچکار اک بوہت وڈی وِتھ ہیگی اے ۔ خُدا دے اگے ،  ” نئیں “ وانگر کوئی شے نئیں ہیگی اے ۔ اوتھے صرف ،  ” آہو“ ہیگااے ۔ خُدا سانوں کدی نئیں دسدا پئی ،  ” نئیں ۔“ خُدا نے جیہڑیاں گلا ں دا وعدہ کیتا اوہناں ساریاں نوں پورا کیتا ۔ اوہنے سارے پاپیاں دے سارے پاپاں نوں مکا دتا اے ۔
 
 
جتھے پاپ بوہتا ہویا ، اوتھے فضل اوہدے توں وی بوہت چوکھا ہویا
 
آؤ رومیوں۵ : ۲۰ ۔ ۲۱ آیتاں نوں ویکھدے آں ،  ” تے وچکار شریعت آن پوہنچی تاں پئی پاپ بوہتا ہوجاوے پرجتھے پاپ بوہتا ہویا اوتھے فضل اوہدے توں وی بوہت چوکھا ہویا ۔تاں پئی جویں پاپ نے موت دے راہیں بادشاہی کیتی اوسے طرحاں فضل وی ساڈے خُداوند یسوع مسیح دے راہیں ہمیش دی حیاتی لئی راستبازی دے راہیں بادشاہی کرے ۔  “ کیوں شریعت آن پوہنچی ؟ تاں پئی پاپ بوہتا ہوجاوے ۔ سارے لوکاں دے آدم دی اولاد وانگر جمن دے سبب توں لازمی طور اُتے پاپی ہیگے نیں ۔ پر اوہ اپنی پاپی خصلت نوں نئیں جان دے سَن ، تے ایس لئی خُدا نے سارے لوکاں نوں شریعت دتی ، تاں پئی اوہ پاپ نوں پچھانن ،ایس لئی پئی شریعت اوہناں نوں حکم دیندی اے پئی کیہ کُجھ کرنا اے تے کیہ نئیں کرنا ،تے اپنے کماں تے سوچاں نال شریعت دی نافرمانی پاپ ہیگااے ۔
 شریعت ایس لئی آن پوہنچی تاں پئی پاپ ہور بوہتا ہوجاوے۔ خُدا نے سانوں شریعت دتی پئی سانوں پتہ لگے پئی اسیں بوہت پاپی  تے پاپ دا ڈھیر ہیگے آں ۔ پر ،جتھے پاپ بوہتا ہویا ، اوتھے فضل اوہدے توں وی بوہت چوکھا ہویا ۔ ایہدا مطلب ہیگااے پئی اک بندہ جیہڑا آدم ولوں ملے ہوئے پاپ نال جم دا اے ، پر اوہدا اپنے بارے گھٹ پاپی سوچنا ، یسوع مسیح دی مکتی دی سچیائی نال ایہدا کوئی تعلق نئیں ہیگا اے ۔
پر، اک بندہ جیہڑا سوچدا اے پئی اوہدے وچ بوہت کمیاں ہیگیاں نیں تے اوہ بدن نال خُدا دے کلام دے ٹھیک مطابق جیوندا نئیں رہ سکدا اوہ خُدا دی مکتی لئی اوہدا شکر ادا کردا اے ۔خوشخبری جیہڑی آکھدی اے پئی خُداوند نے اِکو ای واری جگ دے سارے پاپاں نوں چُک کے مکا دتا ، ایس طرحاں دے بندے لئی اک وڈی نعمت ہیگی اے ۔ ” پرجتھے پاپ بوہتا ہویا اوتھے فضل اوہدے توں وی بوہت چوکھا ہویا ۔“ فضل دی نعمت بوہت چوکھی ہیگی اے ایس لئی وڈے پاپی وی راستباز بنائے جاندے نیں۔ کُجھ گھٹ پاپی جیہڑے سوچدے نیں پئی اوہناں نیں بوہت گھٹ پاپ کیتے نیں ، دوزخ وچ جان گے۔صرف وڈے پاپیاں نوں ای کامل طور اُتے راستباز بنایا گیا اے۔
ایس لئی اک بندہ جنہوں پتہ ہیگا اے پئی اوہ اک وڈا پاپی ہیگا اے ،یسوع دی مکتی لئی اوہدی بوہت چوکھی وڈیائی کردااے ۔ ایس جگ وچ خوشخبری دی منادی کرن والے خادماں وچکار چنگی عادت رکھن والے مناد تھوڑے جیہے ہیگے نیں ۔ ” پرجتھے پاپ بوہتا ہویا اوتھے فضل اوہدے توں وی بوہت چوکھا ہویا ۔ “ ایہدا ایہہ مطلب بالکل نئیں پئی اسیں جان پچھان کر کے پاپ کرئیے تاں پئی فضل بوہت چوکھا ہووے ۔
پولُس رسول رومیوں ۶:۱ وچ فرماؤندااے ، ” ایس لئی اسیں کیہ آکھیے ؟ کیہ پاپ کردے رہیے تاں پئی فضل بوہتا ہووے ؟     “ پولُس دا مطلب ہیگا اے پئی ،”جے اسیں صرف خُدا دی راستبازی اُتے ایمان رکھیے تاں اسیں مکتی پاؤندے آں ۔ خُداوند نے شروع توں ای ساڈے سارے پاپاں نوں مکا دتا تے پاپیاں نوں اوہناں دے پاپاں توں چوکھی ساری مکتی دتی ۔ اسیں اپنے سچے دلوں ایمان لیا کے راستباز بنائے جاندے آں ۔خُداوند نے جو کُجھ کیتا جے اسیں اوہدے اُتے ایمان لیائیے تاں اسیں مکتی پا سکدے آں ۔ بھاویں اسیں کنے ای پاپی ساں یاں اسیں کنے ای پاپ نہ کیتے ہون ، اسیں ایس سچیائی اُتے ایمان لیاؤن دے راہیں راستباز بن دے آں۔ “
اسیں ایمان نال راستباز بن دے آں ۔ کنے گندے ساڈے کم ہیگے نیں ؟اسیں کنی وارپاپ وچ ڈِگدے آں ؟ اسیں کنے ماڑے ہیگے آں ، جے خُدا جیہڑا پئی بے عیب ہیگا اے ، ساڈے کماں ول ویکھے ؟ میَں خُداوند دی وڈیائی توں ہٹ کُجھ نئیں کر سکدا ۔ رومیوں ۵ : ۲۰۔ ۲۱ دسدا اے ، ” پرجتھے پاپ بوہتا ہویا اوتھے فضل اوہدے توں وی بوہت چوکھا ہویا ۔تاں پئی جویں پاپ نے موت دے راہیں بادشاہی کیتی اوسے طرحاں فضل وی ساڈے خُداوند یسوع مسیح دے راہیں ہمیش دی حیاتی لئی راستبازی دے راہیں بادشاہی کرے ۔ “
خُداوند نےسانوں یسوع مسیح دے راہیں ہمیش دیاں حیاتیاں دتیاں نیں ۔ خُداوند دی راستبازی سانوں ایس لائق بناؤندی اے پئی اوہدے نال بادشاہی کرئیے ۔میَں خُداوند دی وڈیائی کردا ہاں ، جنہے پاپیاں نوں اوہناں دے پاپاں توں چوکھی ساری مکتی دتی اے ۔ شکریہ ، خُداوند ۔