Search
বাংলা
বাংলা
কোভিড-১৯ এবং আন্তর্জাতিক ডাক পরিষেবা বিঘ্নিত হওয়ার কারণে,
আমরা সাময়িকভাবে আমাদের ‘বিনামূল্যের মুদ্রিত বইয়ের পরিষেবা’ বন্ধ রেখেছি|
এহেন পরিস্থিতিতে এই মুহুর্তে আমরা আপনাদের কাছে ডাকযোগে বই প্রেরণে অসমর্থ|
এই অতিমারীর যেন আশু সমাপন ঘটে এবং ডাক পরিষেবার পুনরাম্ভের জন্য প্রার্থনা করুন৷

শিক্ষা

مضمون 10: مُکاشفہ(مُکاشفہ دی کتاب اُتے تفسیر)

[10-2باب] کیہ تُسی جان دے او پاک لوکاں دا چُکیاجانا کدوں ہووےگا؟ (مُکاشفہ ۱۰:۱۔۱۱)

کیہ تُسی جان دے او پاک لوکاں دا چُکیاجانا کدوں ہووےگا؟
(مُکاشفہ ۱۰:۱۔۱۱)
 
ہُن آؤاسیں ایس معاملے ول دھیان کرئیے پئی چُکیا جانا کدوں ہووے گا۔ پاک کلام وچ بوہت چوکھے حوالے نیں جیہڑے چُکے جان دے بارے وچ گل کردے نیں ۔نویں عہد نامہ وچ بوہت سارے حوالے نیں جیہڑےایس بارے گل کردے نیں تے ایسے طرح پرانا عہد نامہ گل کر دااے ، جتھے اسیں، مثال دے طور اُتے ایلیا ہ نوں ویکھ سکدے آں جیہڑا اگ والے رتھ نال اسمان اتے چڑھ گیا ،تے حنوک جیہڑا خُدا نال چلیا تے اوہدے ہتھوں چُکیا گیا ۔ جویں ویکھیا جا سکدا اے ، پاک کلام بوہت ساریاں تھاواں اُتے ، چُکے جان دے بارے وچ کلام کردا اے ۔ چُکےجان دا مطلب ، ’ اُتاں چُکیا جانا ‘ اے۔ ایہہ خُدا دا اپنے لوکاں نوں اپنی قدرت نال اسمان اُتے چُکےجان نوں بیان کردا اے ۔
پر ، پاک کلام وچ جیہڑی سب توں بوہتی پریشان کرن والی گل اے ایہو ای چُکےجان دا سوا ل اے ۔ کدوں خُدا وند اپنے لوکاں نوں چُکے گا ؟ چُکےجان دے ویلے اُتے ایہہ سوال ، مسیحی لوکاں وچ بوہت چوکھا پُچھیا جان والا سوال اے ۔
آؤ اسیں ۱۔ تھسلنیکیوں ۴:۱۴۔۱۷ ول ودھیے تے ویکھیے خُدا سانوں پولُس رسول دے راہیں کیہ دس چُکیا اے : ” کیوں جو جد سانُوں ایہہ یقِین اے پئی یِسُوع مر گیا تے فیر جی اُٹھیا۔ تے ایسے طرح خُدا اوہناں نُوں وی جیہڑے یِسُوع وِچ سَوں گئے نیں اوہدے نال لے آوے گا۔سگوں اسی تُہانوں خُدا دے کلام دے سببّوں آکھنے آں پئی اسی جیہڑے جیونے آں تے خُداوند دے آؤن توڑی باقی رہاں گے سُتّیاں ہویاں توں کِسے طرح اگّے نا وَدھاں گے۔ کیوں جو خُداوند آپ اسمانوں اُتر آوے گا۔ اوس ویلے بڑی پُکار تے سردار فرِشتے دی اواز سُنائی دیوے گی۔ تے خُدا دی تُرہی وَجائی جائے گی۔ تے پہلاں اوہ جی اُٹھن گے جیہڑے مسِیح وِچ موئے ہوئے نیں۔فیر اسی جیہڑے جِیوندے باقی ہوواں گے۔ اوہناں دے نال بدّلاں اُتّے چُکے جاواں گے تاں جو وَا وِچ خُداوند دی اگّوالی کریئے۔ تے ایس طرح سدا خُداوند دے نال رہاں گے۔ “
یہوداہ ۱:۱۴ وچ، خُداوندسانوں ایہہ وی دسدا اے ، ” اوہناں دے لئی حنوک وی جیہڑا آدم توں ستوِیں پِیڑھی سی ایہہ نبُوّت کِیتی۔ پئی ویکھو خُداوند اپنے لَکّھاں پاک لوکاں نال ایس کر کے آیا۔ “ دوجے اکھراں وچ ، پاک لوک سردار فرشتے دی تُرہی دی آواز نال ساڈے خُداوند دے راہیں وَا وچ چُکے جان گے ، تھوڑے چر لئی وَا وچ رہن گے ۔ تے فیر ساڈے خُداوند نال فیر زمین اُتے آؤن گے ۔ ایہہ چُکے جان دے بارے وچ پاک کلام دے مطابق ٹھیک وضاحت کردا اے ۔
سبب کیوں اسیں پہلوں اُتلیاں حوالیاں اُتے دھیان کیتا ایہہ ہیگا اے ایس لئی پئی مُکاشفہ دس باب سانوں دسدا اے چُکیا جانا کدوں ہووے گا ۔ جویں میَں پہلوں ظاہر کیتا ، پئی ایس باب دا خاص حوالہ آیت ست وچ ہیگا اے ، ” سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔“ ایہہ آیت اوہناں ساریاں سوالاں تے چُکے جان دے بارے وچ پریشانیاں دا جواب دین دی کُنجی اے ، ایس لئی پئی ایہہ سانوں دسدی اے چُکیا جانا کدوں ہووے گا ۔
خُدا رویا وچ یوحنا کول اک زوراور فرشتے نوں گھلدا اے ،تے اوہ وکھاؤندا اے اوہ ایس فرشتے دے راہیں اوہدے توں ایس طرح عمل کراؤن دے راہیں کیہ کرے گا جویں پئی خورے خُداوند ایس زمین اُتے آ چُکیا سی ۔ ایس فرشتےنے ، اسمان ول ہتھ چُک کے ، ” تے جیہڑا ہمیشہ تیکرجِیوندا رہے گا۔ تے جِس اسمان تے اوہدیاں سارِیاں شیواں تے زمین تے اوہدیاں سارِیاں شیواں تے سمُندر تے اوہدیاں سارِیاں شیواں پَیدا کِیتیاں نیں اوہدی سَونہہ کھا کے آکھیا پئی ہُن ہور چِر نا لگّے گا۔“ یعنی ہُن ہو ر چر نا لگے گا دا مطلب اے پئی ہور چر کرن دا کوئی ہو ر سببوں نئیں ہیگا اے ۔ ایہدا مطلب اے ”کوئی چر باقی نئیں ۔“ جواب وچ ، یعنی کوئی چر نئیں ہیگا ، دا مطلب ہیگا اے پئی ستویں فرشتے دے تُرہی پھوکن دیہاڑے اُتے ،خُدا دا لُکیا مطلب پورا ہو جاوے گا جویں خُدا نے اپنے خادماں نبیاں اُتے ظاہر کیتا سی ۔
ست تُرہیاں دیا ں آفتاں وچوں ، جد اخیری تُرہی پھوکی جاوے گی ، تاں ایہہ دنیا ست پیالیاں دیاں آفتاں وچ وڑ جاوے گی ۔ سانوں لازمی احساس کرنا چاہی دا اے پئی اوس ویلے توں ، ایس دنیا لئی کوئی ہور ویلا باقی نئیں ہووے گا ۔ ایسے طرح ، خُدا دا کلام آیت ست وچ ، یعنی اوس دیہاڑے ، ” سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔“چُکے جان دے ویلے بارے گل کردا اے ۔ ایس توں علاوہ ، پولُس نے ، وی ، آکھیا پئی چُکیا جانا سردار فرشتے دی اواز تے خُدا دی تُرہی دے پھوکن نال ہووے گا ۔ایس لئی ایہہ پولُس دے ذہن وچ سی ، تے ایسے طرح چُکے جان اُتے پاک کلام دے دوجے سارے حوالیاں لئی نقطہ ء آغاز وی اے ۔
” سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔“ ایہہ کلام سانوں دسدااے پئی پاک لوکاں دا چُکیا جانا اوس ویلے ہووے گا جد ستواں فرشتہ اپنی تُرہی ، اوہناں نوں وَا وچ چُکدیاں ہویاں ، پھوکے گا ۔ جد خُدا دے خادماں نیں بھٹکے ہوئے لوکاں تیکر پانی تے رُوح دی خوشخبری دی منادی کیتی، پاک رُوح ایمانداراں دے دلاں وچ اصل وچ آیا جنہاں نیں سچی خوشخبری نوں قبول کیتا ، تاں اوہ اصل وچ خُدا دے پُتر بن گئے ۔ ایہہ سارا ساڈے لئی اُنج ای اے پئی چُکیا جانا ، خُدا دابھیت ، وی ، پاک لوکاں نوں وَا وچ چُکدیاں ہویاں ، سچ ہوجاوے گا ۔
ایہدے بعدوں ، خُدا ست پیالیاں دیاں اخیری آفتاں ایہدے اُتے ڈوہلن دے سببوں ایس دنیا نوں ساری دی ساری برباد کرے گا ، ایس زمین اُتے خُدا دی بادشاہی لیاوے گا جتھے اسیں مسیح دے نال ہزار ورہیاں تیکر بادشاہی کراں گے ، تے فیر سانوں نویں اسمان تے زمین وچ گھلے گا جتھے اسیں ہمیش تیکر جیوندے رہواں گے ۔
یوحنا نوں آؤن والے چُکے جان دے بارے وچ دسن دے بعدوں ، خُدا نے اوہنوں نکی جیہی کتاب کھان تے فیر نبُوّت کرن دا حکم دتا ۔ بوہت خاص سبق جیہڑا خُدا دے خادماں نوں لازمی ایہناں اخیری دناں وچ جیوندے رہن والے پاک لوکاں نوں سکھاؤنا چاہی دا اے چُکے جان دا واقع تے ایہدا ٹھیک ویلا اے ۔ اوہناں نوں ایہہ سبق پاک کلام دے ٹھیک مطابق پکیاں طریقیاں نال سکھانے چاہی دے نیں ۔ اوہناں نوں لازمی ٹھیک طریقے نال پانی تے رُوح دی خوشخبری دی منادی وی کرنی چاہی دی اے ۔ایس لئی خُدا دے خادماں تے اوہدے پاک لوکاں نوں ،جیہڑے اخیری دناں وچ جیوندے پئے نیں ، لازمی کرنا چاہی دا اے ۔ ایس طرح خُدا ایہہ کم ، ایسے طرح اوہناں اُتے اپنا بھیت کھولدیاں ہویاں پاک لوکاں دے ذمے لا چُکیا اے ۔ خُدا سانوں دسدا اے پئی اوہ کویلا نئیں کرے گا ،سگوں کامیابی نال اپنے کم پورے کرے گا ۔ جد ویلا آوے گا ، خُدا ہر کم نوں ٹھیک ٹھیک پورا کرے گا ۔
باب یاراں وچ ، زیتون دے دوبُوٹے نیں ، یعنی اوہ ، دو نبی نیں ۔ خُدا دے ایہہ دو خادم ، جنہاں نوں زیتون دے دو بُوٹیاں وانگر ظاہر کیتا گیا اے ، اوہدے خلاف اپنی لڑائی وچ مخالفِ مسیح دے ہتھوں قتل کیتے جان گے، پر اوہ مویاں وچوں دوبارہ زندہ کیتے جان گے تے ساڈھے تِن دناں بعدوں چُک لَئے جان گے ۔ دوجے اکھراں وچ ، خُدا سانوں وکھ وکھ ویلیاں اُتے ، وکھاؤندااے پئی یعنی چُکیا جانا فیر واقع ہووے گا جد پاک لوک مخالفِ مسیح دے ایہناں دناں وچ قتل کیتے جان گے ۔
پہلوں سانوں لازمی کیہ جاننا چاہی دا اے ایہہ اے پئی پاک لوک وڈے دکھ جرن دے ویلے جیوندے رہن گے،ایس زمین اُتے باقی رہن گے جد تیکر ست تُرہیاں دی آفتاں وچوں پہلیاں چھے آفتاں لنگھ نئیں جاندیاں ۔ تے خُدا ایہناں ست تُرہیاں دیاں آفتاں توں پاک لوکاں نوں بچاوے گا —ایس لئی خُدا اوہناں دی چھیویں آفت تیکر راکھی کرے گا ، پر مخالفِ مسیح اخیریں اوہناں نوں اپنے ظلم دے ودھ جان دے ویلے اُتےقتل کرے گا جویں ای اوہ خُدا دے خلاف اپنی اخیری بوہت چوکھی کوشش کردا اے ۔ موت جیہڑی او س ویلے پاک لوک قبول کرن گے اوہناں دی شہادت اے ۔ ایس لئی پئی اوہ اپنے ایمان دی راکھی لئی جائزموت نال مرن گے ، اسیں ایہنوں ”شہادت“آکھدے آں ۔ ایس لئی سانوں لازمی ایمان رکھنا چاہی دا اے پئی چُکیا جانا ایس شہادت دے بعدوں ہووے گا تے ایہو ای ایمان دوجیاں تیکر وی ونڈئیے ۔
بوہت سارے لوک بھیڑی اُلجھن وچ پھس گئے نیں پئی چُکیا جانا وڈے دکھ جرن توں پہلوں یا بعدوں ہووے گا ۔ پرانے ویلیاں وچ لوک سوچدے سن پئی مسیح دکھ جرن توں بعدوں آوے گا ، تے پئی پاک لوک یسوع دےدوجی واری واپس آؤن نال چُک لَئے جان گے ۔ پر اج کل ،بوہتے مسیحی ایمان رکھدے نیں پئی چُکیا جانا وڈے دکھ جرن توں پہلوں ہووے گا ۔ اوہ سوچدے نیں پئی اوہناں نوں ست تُرہیاں یا ست پیالیاں دیاں آفتاں نال کجھ تعلق واسطہ نئیں ہووے گا ، تے پئی اوہ چُک لَئےجان گے جد اوہ اپنی ہر دیہاڑے دی ، عام تے ودھیا زندگیاں گزاردے ہون گے ۔ پر سانوں لازمی ایس جھوٹی تعلیم توں دھوکہ نئیں کھانا چاہی دا اے ۔ ایہہ لوک اپنی تعلیم وچ تے چُکے جان دےویلے دی سوچ وچ بوہت غلط نیں ؛ جویں ایں اخیری ویلا نیڑے نیڑے آؤندا پیا اے ، اوہناں دی پرہیزگاری سُست ہو جاوے گی تے اوہناں دا ایمان
مک جاوے گا ۔
جدوں میَں تہانوں دسدا ہاں پئی چُکیا جانا وڈے دکھ جرن وچکار ہووے گا ، میَں تہانوں ایہہ بوہتا بوہتا پرہیز گار بناؤن لئی نئیں آکھدا ۔ میَں صرف چاہندا ہاں ،تُسیں چُکےجان دے ویلے دے بارے وچ چوکھی سمجھ رکھو تے دکھ جرن توں پہلوں چُکےجان دی غلط تعلیم توں نسو،ایس لئی پئی آیت ۷ وچ خُدا سانوں تفصیل نال دسدا اے : ” سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔“ جد ست پیالیاں دیاں آفتاں ڈوہلیاں جان گئیاں ، تاں پہلوں نازل ہون والیاں ست تُرہیاں دی آفتاں وانگر ، اوہ لگاتار اک دے بعدوں دوجی ڈوہلیاں جان گئیاں ۔ اسیں ، پاک لوکاں نوں ،لازمی ایہہ احساس کرنا چاہی دا اے ۔
مُکاشفہ ۱۶:۱۔۲ سانوں دسدا اے ، ” فیر مَیں خُدا دی ہیکل وِچوں کِسے نُوں اُچّی اُچّی اوہناں ستّاں فرِشتیاں نُوں ایہہ آکھدیاں سُنیا پئی جاؤ خُدا دے قَہر دے سَتّے پیالے زمین اُتّے لُدّو۔سو پہلے نے جا کے اپنا پیالہ زمین اُتّے لُد دِتّا۔ تے جِنہاں بندیاں اُتّے اوس پشُو دا ٹھپّہ سی۔ تے جیہڑے اوہدے بُت دی پُوجا کر دے سن اوہناں نُوں اِک بُرا تے تکلیف دین والا چمرس پَیدا ہوگیا۔ “ فیر واری واری باقی پیالیاں دا ڈوہلیا جانا ایس پہلی آفت دے بعدوں اے ، جویں پئی ایہہ آفتاں اک خود کار عمل نیں ، ستاں فرشتیاں دے اک دے بعدوں دوجے دے اپنے پیالیاں نوں خالی کرن نال ای ، یعنی کسے تُرہی دی نہ ای کسی دوجے شے دی اواز اے ۔ دوجے اکھراں وچ ، واروواری ست تُرہیاں ڈوہلن دے سببوں ، خُدا ساری دی ساری ایس دنیا نوں برباد کرے گا ۔ کیوں ؟ ایس لئی پئی ہر شے ستاں پیالیاں دیاں آفتاں دے نازل ہون نال مک جاوے گی ، جیہڑیاں ، اکٹھیاں ، ساریاں ستاں تُرہیاں دی آفت وچ شامل نیں ۔
جد وں ستاں تُرہیاں دیاں آفتاں آؤندیا ں نیں ، اوتھے گھٹوگھٹ اک آفت توں دوجی آفت وچکار تھوڑا وقفہ اے ، پر ستاں پیالیاں دیاں آفتاں وچکار ، کوئی ایہو جیہا وقفہ نئیں ہیگا ۔ کیوں جے ست پیالیاں دیاں ایہہ آفتاں خاص ویلے لئی محفوظ نیں ، ست تُرہیاں دیاں آفتاں اپنی ترتیب وچ نازل ہون دے بعدوں ، جداخیری تُرہی اخیریں پھوکی جائے گی ، دنیا بالکل نویں معیار وچ بدل جاوے گی جتھے ہر شے مک جاوے گی ۔
ایس لئی مُکاشفہ ۱۱: ۱۵۔ ۱۸ دسدا اے : ” تے جدوں ستویں فرِشتے تُرہی نُوں پُھوک ماری۔ تے اسمان اُتّے بڑیاں اَوازاں ایہہ آکھدیاں پَیدا ہویاں۔ پئی دُنیا دی بادشاہی ساڈے خُداوند تے اوہدے مسِیح دی ہوگئی تے اوہ ہمیشہ تِیکر بادشاہی کرے گا۔تے چَوہاں بزُرگاں جیہڑے خُدا دے سامھنے اپنیاں اپنیاں تختاں اُتّے بَیٹھے ہوئے سن مُنھ پرنے ڈِگّ کے خُدا نُوں سجدہ کِیتا۔تے ایہہ آکھیا پئی اَے خُداوند خُدا قادرِ مُطلق جیہڑا ہے تے جیہڑا ہے سی۔ اسی تیرا شُکر کرنے آں کیوں جو تُوں اپنی بڑی قُدرت نُوں ہتّھ وِچ لے کے بادشاہی کِیتی۔ تے قوماں نُوں غُصّہ آیا تے تیرا غضب اُتر آیا۔ تے اوہ ویلا آ گیا پئی مُردیاں دی عدالت کِیتی جائے تے تیرے بندیاں نبیاں تے پاک لوکاں تے اوہناں نِکّے وڈّیاں نُوں جیہڑے تیرے ناں توں ڈردے نیں بدلہ دِتّا جائے تے زمین دے برباد کرن والیاں نُوں برباد کِیتا جائے۔“
ایتھے ایہہ آکھیا گیا ہے پئی جد ستویں فرشتے نے اپنی تُرہی نوں پھو ک ماری بوہت اوازاں ایہہ آکھدے ہویاں سنُیاں گئیاں ، ” پئی دُنیا دی بادشاہی ساڈے خُداوند تے اوہدے مسِیح دی ہوگئی تے اوہ ہمیشہ تِیکر بادشاہی کرے گا۔ “ پر کسے آفت دا اظہار نئیں ہیگا ۔ کیوں ؟ ایس لئی پئی ستویں تُرہی نوں پھوک مارن دے فوراً بعد ستویں آفت نئیں سگوں چُکیا جانا سی ۔ خُدا پاک لوکاں نوں ، دونویں اوہ جیہڑے ہُن تیکر زمین اُتے جیوندے نیں تے اوہ جیہڑے پہلوں ای مرے ہوئے نیں زندہ کرے گاتے چُکے گا ، تے جد چُکیا جانا پورا ہو جاوے گا ، اوہ ست پیالیاں دیاں آفتاں گھلے گا تے ساری دی ساری دنیا نوں برباد کردیوے گا ۔
جے اسیں لبھنا چاہندے آں کدوں بالکل ٹھیک ساڈا چُکیا جانا واقع ہووے گا، سانوں صرف خُدا دے کلام اُتے نظر کرنی چاہی دی اے جیہڑا مُکاشفہ ۱۰: ۷ وچ ملدا اے ۔ خُدا دا لُکیا ہویا مطلب بالکل لازمی ایس موقعے اُتے کامل ہو جاوے گا ، جویں اوہنے اپنے خادماں نبیاں دے اگے اعلان کیتا ۔ خُدا دا لُکیا مطلب ایتھے چُکے جان بارے دسدا اے — نا پئی کسے دے ، سگوں پاک لوکاں دے چُکے جان نوں ۔
ایتھے ، میَں تہاڈی خاص دانائی تے ٹھیک ایمان لئی اک حوالہ پیش کردا ہاں ۔ فیر ، پاک کلام فرماندا اے ، ”ویکھو میَں تہانوں ایہہ بھیت دی گل دسنا آں ۔ اسی سارے سنواں گے نئیں ۔پر سارے بدل جاواں گے ۔ تے اک دم وچ اک پل وچ پچھلی تُر ہی پھوکدیاں ای ہو جائے گا ۔ کیوں جو تُرہی پھُوکی جائے گی تے مُردے بقا دی حالت وچ اُٹھن گے ۔تے اسی بدل جاواں گے ۔ “(۱۔ کرنتھیوں ۱۵:۵۱۔۵۲)۔کیہ پاک کلام واضح طور اُتے نئیں فرماندا پئی پاک لوکاں دا جیوں اُٹھنا اخیری تُرہی پھُوکن ویلے واقع ہووے گا؟ جد تُرہی پھُوکی جاوے گی ، مسیح وچ موئے ہوئے بقا دی حالت وچ جیوں پین گے ، تے اسیں وی فوراً چُکے جان لئی بدل جاواں گے ۔
فرشتہ جیہڑا باب ۱۰ وچ وکھالی دیندا اے خُدا ولوں گھلیا گیا زوراور فرشتہ اے ، دوجے فرشتیاں توں فرق اے جیہڑے پہلیاں چھے تُرہیاں پھُوکن گے۔ جداسیں ویکھدے آں ایہہ زوراورفرشتہ کیہ کردا اے ، اوہ بوہت چوکھا خُداوانگر وکھالی دیندا اے یعنی اسیں خورے ایتھوں تیکر پئی اوہنوں خُدا وانگر پچھانن دی غلطی کر سکدے آں: ” فیر مَیں اِک ہور زوراور فرِشتے نُوں بدّل نُوں کپڑے وانگر اُتّے لیاں ہویاں اسمانوں اُتر دیاں ویکھیا اوہدے سِر اُتّے اسمانی پینگھ سی تے اوہدی شکل سُورج وانگر سی تے اوہدے پَیر اَگ دے تھماں وانگر۔تے اوہدے ہتّھ وِچ اِک نِکّی جِہی کُھلی کتاب سی۔ اوس اپنا سَجّا پَیر سمُندر اُتّے رکھیا تے کھبّا زمین اُتّے۔تے اینج اُچّی اُچّی چیکیا۔ جیویں شیر ببّر بولدا اے۔ تے بدّل گجّن دِیاں سَتّ اَوازاں آئِیاں۔“
دوجے اکھراں وچ ،اسیں ایس فرشتےدی خُدا وانگر غلط پچھان کر سکدے آں ،ایس لئی پئی ایہہ زوراور فرشتہ اوہناں ساریاں گلاں دا پورا ہونا ، اوہدی تھاں اُتے ، کردا اے ، جیہڑیاں یسوع مسیح نے کرنیاں ایں ۔ ایہہ حوالہ سانوں دسدا اے پئی خُدا ایہہ ساری شیواں ایس زوراور فرشتے دےراہیں کرے گا ۔ ایہہ حوالہ سانوں دسدا اے پئی ایہہ فرشتہ ، اپنے پیر سمندر تے زمین اُتے رکھ کے ، اوہناں دونواں نوں برباد کرے گا ، تے یعنی جدوں گرجاں پیدا ہون گئیاں ، اوہ ہر شے پوری کر دیوے گا جیہدا خُدا خلقت تے لوکاں نوں بناؤن توں بالکل شروع توں یسوع مسیح وچ ارادہ بنا چُکیا اے ۔
ست تُرہیاں دیاں آفتاں وچ ، اسیں پاک لوک زندہ رہواں گے تے پہلی چھے آفتاں دا تجربہ کراں گے ، تے اسیں اوس ویلے تیکر خوشخبری دی منادی کردے رہواں گے ۔ خُدا نے یوحنا نوں نکی کتاب لین تے کھان دا تے فیر نبُوّت کرن دا حکم دتا ، پر ایہہ کلام تہاڈے تے میرے نال وی گل کردا اے — ایس لئی ، اخیری دیہاڑے تیکر ، سانوں لازمی اپنے ایمان وچ چلنا تے زندہ رہنا چاہی دا اے ۔ جد ستویں تُرہی پھُوکی جاوے گی اوسے ویلے ساڈا چُکیا جانا سچ ہووے گا ، سانوں لازمی اپنے چُکے جان دی ایس سچیائی نوں پچھاننا چاہی دا اے ، ایمان وچ ایہد ے اُتے پکے ہو کے قیم رہوو ، تے کلام سُنو تے خوشخبری دی منادی کرو جد تیکر اوہ دن نئیں آجاندا ۔
جدوں تیکر ستویں تُرہی نئیں پھُوکی جاندی ، مخالفِ مسیح اوس آفت وچکار کم کرے گا ، پا ک لوک اوہدے ہتھوں شہید کیتے جان گے ، تے اوہ ایہدے تھوڑے چر بعدوں چُکے جان گے ۔ ایسے طرح ، ایتھوں تیکر پئی اوس ویلے ، جد یسوع اُتے بوہت سارے ایمان رکھن والیاں دا ایمان اپنے مُڈھوں ڈکو ڈولے کھاندا اے تےاپنی پکیائی گوا لیندا اے ،تہانوں تے مینوں لازمی فیر وی ایمان دے سببوں زندہ رہنا چاہی دا اے ۔ دوجے اکھراں وچ ،سانوں لازمی ایمان رکھنا چاہی دا اے پئی ساڈا چُکیا جانا بالکل ستویں تُرہی دے پھُوکن دے بعدوں واقع ہووے گا ، تے اپنیاں زندگیاں ایس ایمان وچ بسر کرئیے ۔
بوہت چھیتی اسیں اپنیاں ایہناں اکھاں نال ست تُرہیاں دیاں آفتاں ویکھاں گے ۔ اسیں اپنیاں ایہناں اکھاں نال ایہناں آفتاں نوں ، بالکل پہلی توں لے کے چھیویں تیکر ، ویکھاں گے تے گنتی کراں گے ۔ ایہدے بعدوں ، جد اسیں پاک لوک خُدا وچ رہندے ہوئے محسوس کردے آں پئی ساڈی شہادت دا ویلا گیا اے ، اصل وچ اسیں ایسے مطابق شہید کیتے جاواں گے ۔ ایہہ نا کوئی پریاں دی کہانی اے نا ای سائنسی افسانہ اے ۔ نا ای ایہہ کوئی ایہو جیہی شے اے جیہدے اُتے تُسیں اپنیاں دلی آساں نال ایمان رکھ یا نئیں رکھ سکدے۔ ایہہ حقیقی طورتے تہاڈے اُتے تے میرے اُتے آوے گا ۔
مُکاشفہ ۱۰:۷، آیت جیہڑی مُکاشفہ دی کتاب وچوں سب توں بوہتاخاص کر کے چُکے جان بارے ظاہر کردی اے ، سانوں دسدی اے پئی پاک لوکاں دا چُکیا جانا ستویں تُرہی دے پھُوکے جان نال ، واقع ہووے گا ، تے یعنی دنیا ست پیالیاں دی آفتاں نال مک جاوے گی ۔ پاک لوکاں نوں چُکن دے بعدوں ، خُدا ساری دنیا نوں ایس دےاخیر تیکر لیاوے گا ۔ جد سارے پاک لوک چُکے جان گے ، اوہ وَا وچ خُدا وند دی بھگتی کرن گے ۔ پر ایس زمین اُتے ، ست پیالیاں دیاں آفتاں ، ساری دی ساری دنیا نوں برباد کردیاں ہویاں ڈوہلیاں جان گئیاں ، جد ست پیالیاں دیاں ایہہ آفتاں مک جان گئیاں ، پاک لوک خُداوند نال نویں زمین اُتے اُترن گے ۔ تے ہزار ورہیاں دی بادشاہی ، یعنی مسیح دی بادشاہی ، فیر ایس زمین اُتے قیم ہووے گی ۔
اج دے مسیح بوہت چوکھا دکھ جرن توں پہلوں چُکے جان دے نظریےدی حمایت کردے نیں ، تے اج کل اوہناں وچوں کئی ایتھوں تیکر پئی ہزار ورہیاں دی بادشاہی توں مُکرن دی وکالت تیکر پوہنچ گئے نیں — ایس لئی ، یعنی کجھ ایہو جیہے کم مثا ل طور اُتے ہزار ورہیاں دی بادشاہی وغیرہ نئیں ہیگے ۔ فیر کیہ ہزار ورہیاں دی بادشاہی اصل نئیں اے ؟ بوہت سارے ہیگے نیں جیہڑے ایہناں دناں وچ اِنج کردے نیں ۔ اوہناں وچوں کئی ، جیہڑے کوریا دے وڈے وڈے گرجیاں وچوں کئیاں وچ سیوا کردے نیں ، ایتھوں تیکر پئی اعلان کردے نیں پئی مُکاشفہ دی ہر شے ، چھے سو چھیاٹھ دے نمبر توں لے کے چُکے جان تیکر ، سچ نئیں سگوں صرف علامتی اے ۔ جویں ساڈے خُداوند نے اک واری پُچھیا ، ”جد آدم دا پُتر آوے گا ، تاں کیہ اوہ زمین اُتے ایمان باقی پاوے گا ؟ “لازمی ایہناں اخیری دناں وچ کھرے ایماندار لبھنا بوہت اوکھا اے ۔
پر خُداوند سانوں دسدا اے پئی ساڈا چُکیا جانا بنا ں شک سچ مُچ واقع ہووے گا ۔ جد اسیں چُکے جاواں گے ، اسیں خُداوند نال وَا وچ ملاں گے تے اوہدی وڈیائی کراں گے ، اوہدی راکھی وچ ہوواں گے تے اوہدے کولوں سکون پاواں گے ، تے دوبارہ اوہدے نال ایس زمین اُتے واپس آواں گے ۔ ہزار ورہیاں دی بادشاہی توں آ کے ، اسیں اپنے جیوں اُٹھے تے بدلے ہوئے بدناں وچ ، ہر شے دے وچکار جیہڑی نویں ایں ، ساڈی بدلیاں زندگیاں توں لے کے بدلیاں برکتاں تیکر نویں زندگیاں بسر کراں گے۔اسیں خُدا ولوں کپڑے پا کے ایہو جیہے جلال وچ زندہ رہواں گے ۔ تہانوں تے مینوں لازمی ایس ایمان تے ایس آس نال زندہ رہنا چاہی دا اے ۔ تے جد ہزار ورہیاں دی بادشاہی مک جاندی اے ، اسیں نویں اسمان تے نویں زمین وچ وڑاں گے ،تے ہمیش دی وڈیائی تے جلال وچ ہمیش لئی مسیح دے نال بادشاہی کراں گے ۔
جد اسیں ہزار ورہیاں دی بادشاہی تے نویں اسمان تے نویں زمین وچ وڑاں گے ، سارے فرشتے ساڈے نوکر ہون گے ۔ ساری رُوحانی خلقت ، خُد ا ولوں پیدا کیتی گئی ساری دنیا تے یسوع مسیح ، تے ایہدے وچ ہر شے کیہدے نال تعلق رکھدی اے ؟ اوہ ساریاں ساڈیاں ہون گئیاں ۔ ایس لئی پاک کلام فرماندااے پئی اوہ لوک جیہڑے ساریاں شیواں مالکی وچ لین گے پاک لوک نیں ۔ایس لئی پئی تُسیں تے میَں پاک لوک آں جیہڑے پانی تے رُوح دی خوشخبری دے سببوں نویں سریوں جمے ساں ، اسیں خُدا دے وارث تے مسیح دے نال مالکی وچ آں ، جنہاں نوں ساریاں شیواں میراث وچ دتیاں جان گئیاں ۔ایسے طرح ، تُہانوں تے مینوں لازمی ایس زمین اُتے ایمان دے سببوں مصیبتاں اُتے فتح پاؤنی چاہی دی اے ، تے اپنی مالکی دے دن اُتے دھیان کرن دے سببوں ڈٹ کے رہنا چاہی دا اے ۔ سانوں لازمی خُدا دے چُنے ہوئے فوجی دستیاں وانگرلڑن والا ایمان وی رکھنا چاہی دا اے ۔
خُدا نےسانوں دسیا اے پئی ایہہ ساریاں گلاں بوہت چھیتی دیر کیتیوں اڈ پوریاں ہو جان گئیاں ۔ دوجے اکھراں وچ ، خاص کر کے پکے یقین نال پوریاں ہو جان گئیاں ۔فیر کئی خورے حیران ہو سکدے نیں کاہدے لئی خُدا سانوں ایہدے بارے وچ بوہتی تفصیل نال نئیں دسدا ۔ ایس سوال دا جواب ایہہ ہیگا اے پئی خُدا دا کماں نوں لکاؤنا اوہدی دانائی اے (امثال ۲۵:۲،لوقا۱۰: ۲۱)۔
جے خُدا دا کلام تفصیل نال لکھ دتا جاندا ،تاں ایہہ ایس دنیا وچ بوہتی بے سکونی دا سبب بنے گا ۔ فیر پا ک لوک اخیری دن تیکر زندہ رہن دے لائق نئیں ہون گے ۔ تقریباً سارے پاک لوک غیر ایمان داراں دے ہتھوں قتل ہو جان گے تے اک وی پاک بندہ باقی نئیں بچے گا ۔ جے اخیری ویلے دے بارے وچ ساری تفصیل پاک کلام وچ لکھ دتی جاندی ،اوہ جیہڑے پانی تے رُوح نال نویں سریوں نئیں جمے سارے نویں سریوں جمے ہوئے ایمانداراں نوں چیر دین گے ۔ اپنے ارادے لُکاؤن دے بعدوں ، خُدا اوہناں نوں صرف اوہناں اُتے ظاہر کردا اے جیہڑے ایس لائق نیں ،تے دوجےپاسے اوہناں نوں باقیاں توں بھیت وانگر لُکا کے رکھدا اے — ایہہ خُدا دی خاص دانائی اے ۔ خُدا اپنا ارادہ ساڈے اُتے ظاہر کر چُکیا اے تے سانوں ایہنوں جانن دی اجازت دتی ، ایس لئی پئی ایہہ صرف ایہناں دناں دے پاک لوکاں لئی بوہت لوڑی دا اے ۔
یعنی ہُن خُدا دی نویں سریوں جمیاں ہوئیاں کلیسیاواں تفصیل نال اخیری ویلے دے بارے وچ بولدیاں پئیاں نیں دامطلب اے پئی اخیری دن ساڈے بوہت نیڑے آؤندے پئے نیں ۔ ایس لئی پئی وڈے دکھ جرن دا زمانہ بوہت نیڑے ہیگا اے ، مُکاشفہ دے کلام دی منادی ہوندی پئی اے تاں پئی پاک لوک ایہناں نیڑے آؤن والے وڈے دکھ جرن وچ ڈٹ کے رہن تے فتح پاؤن لئی اخیری ویلے دے بارے وچ ٹھیک تعلیم سکھن ۔ ایتھوں تیکر پئی نویں سریوں جمےہوئے لوک ، جے اوہ کسے تعلیم توں اڈ دکھ جردے نیں ، نئیں جانن گے کیہ کرنا چاہی دا اے تے بھیڑے طریقے نال پریشان ہو جان گے جد اصل وچ دکھ جرنے آؤن گے ۔ ایہہ پریشانی ایتھوں تیکر پئی اوہناں لئی بوہت وڈی ہووے گی جیہڑے صرف اپنے اکلےایمان اُتے بھروسہ کردے نیں ۔
اسیں سوچ سکدے آں پئی بوہت چوکھے نا تیار ہوئے لوک ، اپنی جہالت تے پریشانی وچ ، بھیڑے راہ اُتے چڑھن لگ پین گے یعنی جد اخیری ویلا آوے گا ۔ ”کیہ خُدا نے تہانوں کجھ دسیا اے ؟ “ ”کیہ اوہنے تہانوں رویا نئیں وکھائی جد تُسیں دعا کردے پئے سو ؟ “ بوہتے لوک خُدا توں رویا لبھن لئی بے چین ہون گے ،تے بوہت سارے اخیری دناں وچ ایہو جیہے سُفنے ویکھن دا دعویٰ کرن گے ۔ ” کیہ خُدا نے تہانوں کجھ دسیا جد تُسیں دعا کردے پئے سو ؟ “جے پاک لوک کجھ نئیں جان دے ، ایہہ اخیری دناں
دے پاک لوکاں وچکار چُکیا جان والا بالکل اک عام سوال ہووے گا ۔
پر خُدا کدی ایس طریقے نال کم نئیں کر دا ، ایس لئی پئی اوہ سانوں پہلوں ا ی حکم دے چُکیا اے ، ”جِہدے کنّ ہَین سُنے پئی رُوح کلِیسیاواں نُوں کِیہ آکھدا اے ۔ “ دوجے اکھراں وچ ، پاک لوکاں نوں لازمی صرف سُننا چاہی دا اے پاک رُوح کلیسیاواں نُوں کِیہ آکھدا اے۔ایس لئی پئی پاک روح خُدا دےکلام دی ضمانت دیندے ہویاں ، صرف گواہی دیندا اے پئی سچا تے ٹھیک کیہ اے ، جد آفتاں ٹلیاں وجاندیاں ہویاں جگ دی اخیرلیاؤن گئیاں ،اسیں پاک لوک آؤن والے دکھ جرن دے سببوں حیران نئیں ہوواں گے ،سگوں ایمان نال زندہ رہن گے — ایس لئی پئی اودوں تیکر اسیں پہلوں ای سچا کلام سُن چُکے ہوواں گے تے پہلوں ایمان نال ایہنوں اپنے دلاں اُتے چھاپ چُکے ہوواں گے ۔
ایس لئی یوحنا نے ساڈے اُتے ظاہر کیتا پئی آؤن والے دناں وچ پہلوں ای کیہ واقع ہووے گا ، تے کیوں خُدا دے خادم ایس لکھے ہوئے کلام دی حد وچ رہ کے سچیائی دی منادی کردے نیں ۔ نبُوّت کرنا جانن تے منادی کرن توں علاوہ کجھ دوجا نئیں ہیگا پئی خُدا دے لکھے ہوئے کلام وچوں کیہ نازل ہووے گا ؛ یعنی سُفنیاں یادعاواں وچ رویا ویکھن دا دعویٰ کرنا نبُوّت نئیں اے !
کدی نا بُھلو پئی ساڈا چُکیا جانا بناں شک واقع ہووے گا ، تے پئی یعنی اسیں خُدا دے پاک لوک آں ۔ نا ای بھُلو تُسیں ہُن اک پاک بندہ بن گئے او ،جیہڑے وَا وچ مسیح دے نال ہوواں گے جد تہاڈا چُکیا جانا واقع ہووے گا ، جیہڑے ہزار ورہے تیکر جیوندا رہن لئی دوبارہ نویں زمین اُتے ہیٹھاں آؤن گے ، تے جیہڑے ہمیش نویں اسمان تے نویں زمین اُتے زندہ رہن گے ۔جے تُسیں سُن دے او پئی لوک دکھ جرن توں پہلوں چُکے جان یا دکھ جرن توں بعدوں چُکے جان دے بارے وچ گل کردےپئے نیں، یا دعویٰ کردے پئے نیں پئی بالکل کوئی ہزار ورہیاں دی بادشاہی نئیں ہیگی ، ایس حوالے نوں دسن دے راہیں اوہناں نوں سچیائی دے بارے وچ دسو جیہدی اسیں ایتھے گل کردے پئے آں ۔ تہانوں ۱۔ تھسلنیکیوں باب ۴ تے ۱۔کرنتھیوں باب ۱۵ دا وی اوہناں نوں حوالہ دینا چاہی دا اے ، تےاوہناں نوں دسو پئی خُداوند سردار فرشتے دی اواز تے اخیری تُرہی دے پھوکن نال ہیٹھاں اُتر آوے گا ، تے اوہدے نال ہون لئی وَا وچ پاک لوکاں نوں چُک لوے گا ۔جد تُسیں صرف ایس چُکے جان اُتے ایمان رکھدے او تاں تُسیں اپنے ایمان دی راکھی کر سکدے او ۔
چُکے جان لئی ، ایمان دے سببوں شہادت ہونی چاہی دی اے تے بدن دا جیوں اُٹھنا ہونا چاہی دا
اے ۔ کیوں جے چُکیا جانا جیوں اُٹھن دے فوراً بعدوں ہووے گا ، جویں ای اسیں جیوں اُٹھدے آں ، اسیں چُک لے جاواں گے تے وَا وچ اُڈ جاواں گے ۔ ایس لئی ، چُکیاجانا تے جیوں اُٹھنا اکوجیہے نیں ۔ پہلےجیوں اُٹھن وچ حصہ لین دا مطلب ہزار ورہیاں دی بادشاہی وچ خُداوند دے نال زندہ رہنا اے ۔ چُک لے جانا دا وی مطلب ایس زمین اُتے ہزار ورہے تیکر خُداوند دے نال رہنا اے ۔
فیر،کیوں اسیں چُکے جاواں گے ؟ ایس لئی پئی خُدا ست پیالیاں دیاں آفتاں گھلن دے سببوں ایس زمین اُتے ہرشے نوں برباد کر دیوے گا — ایس لئی اوہ پاک لوکاں نوں پہلوں ای مکاؤن والیاں ایہناں آفتاں توں ، اپنے پُتراں نوں چھڈاؤن دے سلسلے وچ چُک لوے گا ۔ پاک لوکاں نوں پاپیاں توں وکھ کرن لئی ، تے اوہناں دے وکھ وکھ ٹھکانے وکھاؤن لئی ، اوہ پاک لوکاں نوں چُک لوے گا ۔ ایسے طرح ، سانوں لازمی ایہناں ساریاں گلاں اُتے —اپنے چُکے جان اُتے ، اپنے جیوں اُٹھن اُتے تے اپنی شہادت اُتے ایمان رکھنا چاہی دا اے ۔
کئیاں لئی ، پانی تے رُوح دی خوشخبری تفصیل نال ظاہر ہوندی اے ، جد پئی دوجیاں لئی ، ایہہ ساری دی ساری لُکے ہوئے بھیت وانگر قیم رہندی اے ۔ ایسے طرح ، پاک لوکاں دی شہادت ، جیوں اُٹھنا ، چُکیا جانا ، تے اوہناں دی ہزار ورہیاں دی بادشاہت وچ بادشاہی تے نواں اسمان تے نویں زمین سارے خُدا دے بھیت نیں ۔ صرف نویں سریوں جمیاں اُتے خُدا نے کھولے نیں تے ایہہ بھیت ظاہر کر چُکیا اے ۔تے اوہناں نوں ایہناں بھیتاں اُتے ایمان رکھن دے لائق بناؤن دے سببوں اوہ اوہناں نوں اخیری دناں وچ زندہ رہن تے اپنیاں ساریاں مصیبتاں اُتے ، چُکے جان تے اسمانی بادشاہی اُتے اپنی آس نال فتح پاؤن دے لائق کر چُکیا اے ۔
تہانوں تے مینوں لازمی ایس قِسم دا ایمان رکھنا چاہی دا اے ۔ ایس قِسم دے ایمان دے اڈ — یعنی ، ایمان رکھن توں اڈ پئی اسیں چُک لے جاواں گے ، یعنی اسیں نویں اسمان تے نویں زمین وچ زندہ رہواں گے ، یعنی خُداوند سانوں مویاں وچوں جواوے گا جد اسیں مخالفِ مسیح دے ہتھوں قتل کر دتے جاواں گے ، سانوں جواوے گا ، سانوں وَا وچ رہن دی اجازت دیوے گا ، تے فیر سانوں ایس زمین اُتے ہزار ورہے تیکر اپنے نال بادشاہی کرن لئی واپس لیاوے گا — اسیں ایس اخیری دناں دی اوکھی تے دکھاں والی زندگی وچ ڈٹ کے رہن دے لائق نئیں ہوواں گے ۔
پاک لوک اک سوہنا سُفنا ویکھدے نیں ، تے کوئی دوجا نئیں سگوں ساڈا خُداوند ایس سُفنے نوں سچ
ثابت کر سکدا اے ۔ ایس آس دے اڈ ، اسیں ایس دکھاں والی دنیا وچ صرف پریشانی تے دکھ وچ زندہ رہواں گے ۔
پولُس نے تیمتھیس نوں ایس سوہنی گل نوں قیم رکھن دی ہدایت کیتی جیہڑی اوہدے سپرد کیتی گئی سی ۔ ایہہ خوشخبری سوہنی اے ؛ ایسے طرح ساڈی شہادت ، جیوں اُٹھنا تے چُکیا جانا ؛ تے ایسے طرح ہزار ورہیاں دی بادشاہی تے نویں اسمان تے نویں زمین وچ زندہ رہنا اے ۔ ایہہ ساریاں چنگیاں تے سوہنیاں گلاں نیں ۔ اوہ صرف پاک لوکاں نال تعلق رکھدیاں نیں ، تےاوہ ساریاں سچیائی لائق ایمان تے آس نیں، خیالی گلاں یا سوچاں نئیں ہیگیاں ۔ ایہہ خُداوند ولوں دتی گئی ساڈی آس تے ایمان اے ۔ ایہناں ساریاں گلا ں اُتے ایمان نال ، سانوں لازمی او س دن دی آس رکھدے ہویاں ایہناں دناں وچ زندہ رہنا چاہی دا اے جد ہزار ورہیاں دی بادشاہی تے نویں اسمان تے نویں زمین ساڈے کول لیائے جان گے ۔
اوہ جیہڑے چُک لے جان گے تہاڈے تے میرے علاوہ کوئی دوجے نئیں ہیگے ۔ سانوں لازمی ایمان دے سببوں ، اوس دن دی اُڈیک رکھدے ہویاں زندہ رہنا چاہی دا اے جد اسیں خُداوند دے اگے کھلون لئی چُک لے جاواں گے تے ہزار ورہیاں دی بادشاہی تے نویں اسمان تے نویں زمین وچ بادشا ہی کراں گے ۔
خُدا سانوں دسدا اے پئی اکو جیہڑا آؤن والا اے چھیتی آوے گا ۔آفتاں جیہڑیاں وڈے دکھ جرن دے ستاں ورہیاں دے زمانے دے پہلے ادھے حصے دے وچکار نازل ہون گئیاں بالکل ہلکا تے تھوڑا چر رہن والیاں نیں۔ جے آفتاں نوں وڈے دکھ جرن دے پورے ستاں ورہیاں وچ جاری رہنا سی ، کویں کوئی اوہناں وچ قیم رہ سکدا سی ؟ شروع دیاں آفتاں تھوڑیاں نیں ، تے جویں ای ویلا اخیری مکن دے نیڑے ہوندا جاوے گا ، تاں بوہتا دکھ نظر آوے گا ۔جد ستویں تُرہی دی آفت آوے گی ، ایہہ ویکھن دے لائق حد تیکر پوہنچ جاوے گی ۔
جد شیطان پاک لوکاں دے ایمان نوں ہلاؤن دی کوشش کرے گا ،اوہ کجھ کلیسیائی آگُواں کولوں اوہناں نوں قتل کراؤن دے راہیں مثالاں قیم کرے گا ۔ خورے شیطان آکھ سکدا اے ،”میَں تہاڈی زندگی بخش دیواں گا جے تُسیں خُدا دا انکار کر دیوو !“ ایتھوں تیکر پئی جے دنیا نوں بچ جانا سی ، کوئی بندہ فیر وی شیطان دی پیش کش دے بارے وچ دو واری سوچ سکدا اے ۔ فیر کیہڑا اپنے چنگے دل وچ ، خُداوند دا انکار کرے گا جد اوہ چنگی طرح جان دا اے پئی خُداوندست پیالیاں دیاں آفتاں ڈوہلے گا ،تے پئی اوہ ایہناں آفتاں دے سببوں لیاندیاں گئیاں ساریاں مصیبتاں وچوں لنگھے گا ؟ پاک لوک جیہڑے دنیا دی اخیری جان دے نیں نا خُداوند دا انکار کردے نیں نا ای اپنے ایمان نوں گواچن دیندے نیں ۔ ایس لئی پئی ساڈے وچ پاک رُوح ، وی ، اے ، اوہ سانوں دلیری دیوے گا ۔
ایس لئی پئی اخیری دناں وچ خُدا دے سارے ارادے چھیتی چھیتی پورے ہو جان گے ، نیگڑ پن دی کوئی گنجائش نئیں ہووے گی ۔ جد تھوڑا چر رہن والیاں آفتاں مُک جاندیاں نیں ، تاں جیوں اُٹھنا ہووے گا ، تے ایہدے بعدوں چُکیا جانا واقع ہووے گا ، جیہڑا سانوں وَاوچ اُڈائے گا ۔ سوچو پئی ساڈے ماس دے بدن خُداوند دی وڈیائی کردے ہویاں ، رُوحانی بدن ہو جان گے ۔ خُدا دی بادشاہی وچ ، اسیں اک بالکل وکھری دنیا دے مزے لے سکدے آں ، سوہنی تےدل موہنی ، جیہدے پسند کرن دا اسیں کدی ایس دُنیا وچ پہلوں تجربہ نئیں کیتا اے ۔ جویں رُوحانی بدن ویلے تے خلاء دیاں حداں توں ازاد نیں ، اسیں اک حیران کرن والی تے شان والی دُنیا وچ زندہ رہواں گے جتھے اسیں کدھرے وی جا سکدے آں جتھے ساڈا دل چاہندااے ۔
میَں خُدا دا سانوں ایہو جیہاں وڈیاں برکتاں دین لئی اپنے سچے دلوں شکر ادا کردا ہاں ۔ مَیں خُدا دا ساڈے اُتے تفصیل نال ، اپنے کلام دےراہیں ، وڈے دکھ جرن ، ایہدیاں آفتاں ،ساڈی شہادت ، جیوں اُٹھن تے چُکے جان نوں ظاہر کرن لئی شکر ادا کردا ہاں ۔ تے مَیں دعامنگدا ہاں پئی ساڈے دل سدا ایہناں اخیری دناں نوں جانن تے ایہدے اُتے ایمان رکھن دے راہیں زندہ رہن گے ۔