Search
বাংলা
বাংলা
কোভিড-১৯ এবং আন্তর্জাতিক ডাক পরিষেবা বিঘ্নিত হওয়ার কারণে,
আমরা সাময়িকভাবে আমাদের ‘বিনামূল্যের মুদ্রিত বইয়ের পরিষেবা’ বন্ধ রেখেছি|
এহেন পরিস্থিতিতে এই মুহুর্তে আমরা আপনাদের কাছে ডাকযোগে বই প্রেরণে অসমর্থ|
এই অতিমারীর যেন আশু সমাপন ঘটে এবং ডাক পরিষেবার পুনরাম্ভের জন্য প্রার্থনা করুন৷

খ্রীষ্টীয় বিশ্বাসের উপরে যে প্রশ্নগুলি প্রায়শই করা হয়ে থাকে

বিষয় ১: জল ও আত্মা হতে নুতন জন্ম প্রাপ্ত হওয়া

1-23. میَں کِس طرحاں آکھ سکدا آں، ” میَں راستباز آں “ جد پئی میَں ہر روز پاپ کررہیا آں؟

اِنسان ہون دے ناطے،اَسیں پیدا ہون دے ویلے توں مرن تیکر پاپ کردے آں۔ اصل گل ایہہ ہے پئی ایہہ سب کُجھ ساڈی بنیادی فطرت دی وجہ توں ایں؛یعنی اَسیں شروع توں پاپ کردے آں ۔ ایویں ، کلام ِ مقدّس فرماؤندا اے ، ” کوئی راستباز نئیں ۔اِک وی نئیں ۔“ (رومیوں ۳:۱۰)۔ایس لئی پولُس رسوُل نے خُدا دے حضُورایہہ اِقرار کیتا پئی ، ” ایہہ گل سچ تے ہر طرحاں نال قبول کرن دے لائق اے پئی مسیِح یسوُع پاپیاں نُوں مکتی دین لئی دُنیا وِچ آیا جِنھاں وِچ سب توں وڈا میَں آں۔“(۱۔تیمتھیس ۱:۱۵)۔
” پرہُن شریعت دے اَڈ خُدا دی اِک راستبازی ظاہر ہوئی اے جیہدی گواہی شریعت تے نبیاں توں ہوندی اے۔یعنی خُدادی اوہ راستبازی جیہڑی یسوُع مسیِح اُتے ایمان لیان نال سب ایمان لیان والیاں نُوں حاصل ہوندی اے کیوں جے کجھ فرق نئیں ۔ایس لئی پئی سب نے پاپ کیتاتے خُدادے جلال توں محروم نیں ۔ پر اوہدے فضل دے سبب ایس مکتی دے راہیں جیہڑی یسوُع مسیِح وِچ اے مفت راستبازٹھہرائے جاندے آں۔“ (رومیوں ۳:۲۱۔۲۴)۔
خُدادی  ” راستبازی “ توں مُراد اے پئی یسوُع نے یردن وِچ یوحنا اصطباغی کولوں بپتسمہ لیا ۔ جد اوہنے بپتسمہ لیا تے اوہنے یوحنانُوں آکھیا ، ” ہُن تُوں ہون ای دے کیوں جے سانُوں ایسے طرحاں ساری راستبازی پوری کرنا مناسب اے۔ “ (متی۳:۱۵)۔جدیسوُع نے اِنسانی پیِڑھی دے نمائندے یوحنااصطباغی کولوں بپتسمہ لیا تے اوہنے بوہت سچے تے منصفانہ انداز نال دُنیا دے پاپ چُک لئے۔ایویں،یوحنا نے یسوُع نُوں بپتسمہ دین دے ای اگلے دِن پکار کے آکھیا۔ ” ویکھو!ایہہ خُدادابرّہ  اے جیہڑا دُنیا داپاپ چُکی لےجاندااے۔ “ (یوحنا ۱:۲۹)۔
فیر ایتھے  ” دُنیاداپاپ “ داکیہ مطلب اے؟ ایہہ آدم تے حواتوں ، یعنی رُوئے زمین اُتے پہلے اِنسان توں دُنیا دے آخری اِنسان تیکر جیہڑا زندہ رہے گا ،اِنسانی پیِڑھی دےسارے پاپاں نُوں پیش کردااے ۔ ماضی دے لوکاں دا تعلق دُنیا نال سی ، حال دے لوکاں داتعلق دُنیا نال اے، تےاوہ جیہڑے مستقبل وِچ زندہ رہن گے اوہ وی دُنیا دا حصہ نیں۔ یسوُع، الفاتے اومیگا ،نیں سارے زمانیاں لئی پاپاں دی اِک قربانی چڑھائی ،یردن وِچ بپتسمہ لین تے صلیب اُتے جان قربان کرن دے راہیں اِک واری تے ہمیش لئی دُنیا دے پاپ چُک لئے ۔ تے ’ ایسے طرحاں ‘ ، اَسیں پاک ہوچُکے آں۔
بائبل مقدّس  صاف طورتے اعلان کردی اے ، ” اوسے مرضی دے سبب اَسیں یسوُع مسیِح دے بدن دے اِکو واری قربان ہون دے راہیں پاک کیتے گئے آں۔“ (عبرانیوں ۱۰:۱۰)۔ غورکریے ایہہ جملہ فعل حال مکمل وِچ لِکھیاگیا اے۔ جس لمحے اَسیں خُدا اُتے ایمان لیاندے آں تد توں ہُن تیک تے ہمیش لئی سانُوں مقدّس تے بے پاپ ٹھہرادِتا جاندا اے ۔ کیوں جے خُداقدرت والا اے،اوہ دُنیا دے مُڈھ تےاَخیر اُتے باز دی نظر رکھدا اے۔بھاویں اوہنوں بپتسمہ لئے دوہزار وَرہے لنگھ چُکے نیں تے فیر وی اوہنے سارے پاپ چُک لئے جیہڑے اِنسان ذات دُنیا دے مُڈھ توں اخیر تیک کردے نیں۔ ایویں ، صلیب اُتے مرن توں پہلاں اوہنے فرمایا، ” تمام ہویا!“ (یوحنا ۱۹:۳۰)۔اوہنے دوہزار وَرہے پہلاں دُنیا دے سارے پاپ چُک لئے تے ایہناں نُوں دُور کرن لئی صلیب اُتے جان قربان کردِتی ۔
اَسیں مکتی حاصل کرن توں بعدوی ،بے شک ہن تیک پاپ کردے آں ایس لئی پئی ساڈا جِسم کمزور اے۔ فیر وی ،یسوُع نے بپتسمہ لین تے صلیب اُتے پاپاں دی سزا جَرن دے راہیں ماضی ، حال تے مستقبل دے پاپ اپنے بپتسمہ دے ذریعے اپنے بدن اُتے چُکن تے صلیب اُتے اوہناں لئی پرکھے جان دے راہیں سانُوں ایہناں توں رہاکردِتااے ۔ ایہہ خُدا دی کامل تے سچیاری مکتی اے۔
جے یسوُع نے ساڈے مستقبل دے پاپاں نُوں نہ چُکیا ہونداتے اِک وی شخص روزمرّہ دے پاپاں توں نہ بچ سکدا ، ” کیوں جے پاپ دی مزدُوری موت اے۔“ (رومیوں ۶:۲۳)جدیعقوب تے عیسو حالے اپنی ماں دے ٹِڈھ وِچ ای سَن تے اوہناں دے چنگایا ماڑا کرن توں پہلاں خُدا نے اوہناں نُوں دو قوماں وِچ تقسیم کردِتاتے یعقوب نال محبت رکھی ، پر عیسو نال نفرت کیتی ،تے ایہہ آکھیا، ” وڈا نِکے دی خدمت کرےگا۔“ (پیدائش ۲۵:۲۳) ایہہ حوالہ عائد کردااے پئی خُدادی مکتی نُوں ساڈے عملاں نال کُجھ  نئیں کرنا ، پر ایہہ  اوہناں  نُوں  بخشی  جاندی  اے  جیہڑے  صِرف  اوہدے  بپتسمہ  تے مصلُوبیّت اُتے ، خُدادی کامل مکتی وِچ ایمان رکھدے نیں۔
اَسیں اِنسان پیداہون دے ویلے توں مرن دے ویلے تیک پاپی اِنساناں دے طور تے جہنم لئی مقرر ہوجاندے آں، پر خُدا نے پہلی نظر وِچ ساڈے پاپاں نُوں ویکھیا تے اوہنے یسوُع دے بپتسمہ تے مصلُوبیّت دے راہیں ساڈےسارےپاپاں نُوں اِکوای واری تے ہمیش لئی دھو دِتا ایس لئی پئی اوہ ساڈے نال پیارکردااے۔ اَسیں مبارک دَور وِچ حیاتی بسرکررہے آں ۔یسعیاہ نبی نے آکھیا ، ” یروشلم نُوں دلاسہ دیووتےاوہنوں پکارکے آکھو پئی اوہدی مصیبت دے دِن جیہڑے جنگ تے جھگڑےدے سَن لنگھ گئے۔ اوہدے پاپاں دا کفارہ ہویا تے اوہنے خُدا دے ہتھوں اپنے سبھے پاپاں دابدلہ دُگنا پایا۔ “ (یسعیاہ ۴۰:۲) ۔یسوع دے بپتسمہ تے صلیب دی خوشخبری دے ذریعے ساڈاپاپ دی غلامی دادَور مُک گیا اے،ایویں،خوشخبری اُتے ایمان لیان والا ہر اِک شخص اپنے سارے پاپاں توں رہا ہوسکدا اے ۔ ”خُدافرماؤندااےجیہڑا عہد میَں اوہناں دِناں دے بعد اوہناں نال بنہاں گا اوہ ایہہ ہے پئی میَں اپنے قانوں اوہناں دے دِلاں اُتے لِکھاں گا تے ذہن وِچ پاواں گا ۔فیر اوہ ایہہ آکھدااے پئی اوہناں دے پاپاں تے بے دینیاں نُوں فیر کدی یاد نہ کراں گا ۔ تے جدوں اوہناں دی معافی ہوگئی اےتے فیر پاپ دی قربانی ہورنئیں رہی۔ “ (عبرانیوں ۱۰:۱۶۔۱۸)
خُداہورساڈے روز مرّہ دے پاپاں لئی ساڈی عدالت نئیں کرداایس لئی پئی اوہنے پہلے ای اِنسان ذات دےپاپ دھودِتے نیں تے یسوُع دے ذریعے اوہناں دی عدالت کردِتی اے ۔
نتیجے دے طورتے ،اَسیں چھیتی آن والے خُداوند نوں اُڈیک سکدے آں تے اوہدے کلام دی ، پاپ دے اَڈ راستبازدےطورتے پیروی کرسکدےآں،بھاویں اَسیں ہُن وی اپنی حیاتیاں وِچ پاپ کردے آں۔