Search
বাংলা
বাংলা
কোভিড-১৯ এবং আন্তর্জাতিক ডাক পরিষেবা বিঘ্নিত হওয়ার কারণে,
আমরা সাময়িকভাবে আমাদের ‘বিনামূল্যের মুদ্রিত বইয়ের পরিষেবা’ বন্ধ রেখেছি|
এহেন পরিস্থিতিতে এই মুহুর্তে আমরা আপনাদের কাছে ডাকযোগে বই প্রেরণে অসমর্থ|
এই অতিমারীর যেন আশু সমাপন ঘটে এবং ডাক পরিষেবার পুনরাম্ভের জন্য প্রার্থনা করুন৷

খ্রীষ্টীয় বিশ্বাসের উপরে যে প্রশ্নগুলি প্রায়শই করা হয়ে থাকে

বিষয় ৩: প্রকাশিত বাক্য

3-10. جد تُسیں آکھدے او پئی پاک لوکاں دا چُکیا جانا ستویں فرشتے دے تُرہی پھوکن دے بعدوں واقع ہوئے گا ، کیہ تُسیں خُداوند نے جیہڑا آکھیا سی ،اوہنوں ردّ نئیں کردے پئے او، پئی کوئی بندہ چُکے جان دے دن تے گھڑی نوں نئیں جان دا ، ایتھوں تیکر پئی آپ خُداوند وی نئیں جان دا ؟

بالکل ای نئیں !  ساڈاخُداوندسانوں جو دس چُکیا اے اوہ پاک لوکاں دے چُکے جان دا ٹھیک دن تے ٹھیک ویلا نئیں اے ، سگوں ایس ودھیا واقعے ول اگوائی کرن والا پس منظر تے نشان نیں ۔ صرف تد پاک لوک  جیہڑےخُداوندنال محبت کردے نیں اپنے ایمان نوں پکا کر سکدے نیں ، تے صرف تد اوہ مُخالفِ مسیح دے خلاف لڑن دے سبب چُکے جان وچ شامل ہو سکدے نیں تے جد ویلا  آئے گا تاں اپنی شہادت نوں قبول کر سکدے نیں ۔
اپنے مُکاشفہ دے راہیں ، خُدا نے یوحنا رسول نوں ، جیہڑا اوس ویلے پتمس جزیرے اُتے ملکوں کڈھیا سی ، ہر شے وکھائی جیہڑی ایس دنیا دے اخیری زمانے وچ واقع ہوئے گی ۔ ایسے طرح ، جد خُدا ارادہ بناندا تے اپنے سارے کم پورے کردا اے ، اوہ اپنے خادماں نوں دسن داپکا یقین کردا اے۔
خُدا دے کلام وچوں ، مُکاشفہ دی کتاب بوہت خاص اے جیہڑی بوہت سارے استعاراتی تاثراں نال لکھی گئی اے ۔ ایس سببوں ، صرف خُدا دے خادم جیہڑے پانی تے رُوح دی خوشخبری اُتے ایمان رکھن دے سبب اپنے سارے پاپاں توں مکتی یافتہ نیں تے اِنج اپنے دلاں وچ وسن والا پاک رُوح رکھدے نیں ایہناں استعاراں نوں حل کر سکدے نیں تے اوہناں دی لوکاں اگے وضاحت کر سکدے نیں ۔ خُدا دے خادماں تے اوہدے پاک لوکاں اُتے ،مُکاشفہ دا کلام ست تُرہیاں دیاں آفتاں ، مُخالفِ دے نکلن ، پاک لوکاں دی شہادت ، اوہناں دی جیوں اُٹھن تے چُکے جان ، مسیح دی ہزار ورہیاں دی بادشاہت ،تے نویں اسمان تے زمین دے بارے ہر شے کھول کے وکھا ندا اے ۔
پاک لوکاں دا چُکیاجانا اطلاع دیندیاں ہویاں اوہناں دی شہادت نال تعلق رکھدا اے۔ مُکاشفہ۱۱: ۱۰۔۱۲ سانوں دو نبیاں دی موت ، تے اوہناں دے جیوں اُٹھن تے تِن دناں پِچھوں چُکے جان دے بارےوچ دسدا اے ۔ ایہہ دو گواہ  مُخالفِ مسیح دے ہتھوں شہید ہون گے تے فیر اپنی موت دے ساڈھے تِن دناں پِچھوں جیوں اُٹھن گے ۔ ایس کہانی توں سانوں کیہ لبھ سکدا اے ایہہ پئی جد مُخالفِ مسیح ایس زمین اُتے نکلے گا تے لوکاں کولوں اوہناں دے سجے ہتھاں یا متھیاں اُتے اوہدا ٹھپہ لوان دے راہیں پشُو دی پوجا کروائے گا ، پاک لوک مُخالفِ مسیح دے خلاف لڑن گے تے اپنے ایمان وچ شہید ہون گے ، پر خُداوند دے پرت کے آؤن نال جیہڑا تھوڑے چر پِچھوں ہوئے گا ، اوہ پہلی قیامت وچ وی  شامل ہون گے تے چُک لَئے جان گے ۔
پولُس رسول نے وی ۱۔ تھِسّلُنیکیوں۴:۱۶۔۱۷ وچ چُکے جان دے بارے وچ  فرمایا : ” کیوں جو خُداوند آپ اسمانوں اُترآوےگا۔اوس ویلے بڑی پکارتےسردار فرشتے دی اوازسُنائی دیوے گی ۔تے خُدادی تُرہی وجائی جائےگی ۔تے پہلاں اوہ جی اُٹھن گےجیہڑے مسیح وچ موئے ہوئے نیں ۔فیر اسیں جیہڑے جیوندے باقی ہوواں گے ۔اوہناں دے نال بدلاں اُتے چُکے جاواں گے تاں جو وَا وِچ خُداونددی اگّوالی کرئیے ۔تے ایس طرح سداخُداونددے نال رہاں گے۔ “
جد مُخالفِ مسیح دی ایس دنیا اُتے بادشاہی شروع ہوئے گی ، جد اوہ سانوں اپنا ٹھپہ لوان لئی  مجبور کرن دی کوشش کرے گا ، تے جد اوہ خُداوانگر اپنی  پوجا کروان لئی آکھے گا ، سانوں پاک لوکاں نوں لازمی سارا سوچنا چاہی دا اے پئی  ساڈی  شہادت دا زمانہ نیڑے ہیگا اے ، تے سانوں لازمی ایہہ وی ایمان رکھنا چاہی دا اے پئی ساڈی شہادت دے  تھوڑے چر پِچھوں ساڈا جیوں اُٹھناتے چُکیا جانا واقع ہوئے گا ۔اسیں ٹھیک ٹھیک نئیں جان دے  پئی کیہڑے مہینے تے کیہڑی تاریخ نوں ایہہ واقع ہوئے گا ۔ پرساڈے لئی جیہڑی گل کھُلی اے ایہہ ہیگی اے پئی  پاک لوکاں دا چُکیاجانا اوس ویلے ہوئے گا جد ستواں فرشتہ اپنی تُرہی  پھوکے گا ۔ سارے  پاک لوکاں نوں لازمی خُداوند د ے دن نوں جی آیاں نوں آکھن لئی ایس سچیائی اُتے  ایمان دے راہیں  تیار رہنا چاہی دا اے ۔