ដោយសារការរាតត្បាតនៃជម្ងឺកូវីឌ១៩ និងការរំខានដល់សេវាកម្មប្រៃសណីយអន្តរជាតិ
យើងបានផ្អាកជាបណ្តោះអាសន្ននូវ "សេវាកម្មសៀវភៅបោះពុម្ពដោយឥតគិតថ្លៃ" របស់យើង។
នៅក្នុងស្ថានភាពបែបនេះ យើងមិនអាចផ្ញើសៀវភៅទៅកាន់លោកអ្នកបានឡើយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
مضمون 1: پاپ
[1-2] اِنسان ذات پاپی جَم دے نیں <مرقس ٧ : ٢٠۔٢٣>
<مرقس ٧ : ٢٠۔٢٣>
” فیر اوہنے آکھیا جوکجھ بندے وچوں نکلدا اے اوہوای اوہنوں ناپاک کردااے۔کیوں جے اندروں یعنی بندے دے دل وچوں بھیڑے خیال نکلدےنیں ۔حرامکاریاں ۔ چوریاں۔خونریزیاں ۔ زِناکاریاں۔لالچ ۔ بدیاں ۔مکر۔گندےچاء ۔بھیڑیاں اکھاں۔چُغلی ۔شیخی ۔بیوقوفی ۔ایہہ ساریاں بھیڑیاں گلاں اندروں نکل کے بندے نوں ناپاک کردیاں نیں۔“
لوک اُلجھن داشکارنیں تے اپنیاں ای پُٹھیاں سوچاںوچ جیوندےنیں
کیہڑا بندہ اپنی مراد مطابق مکتی یافتہ ہووےگا؟
اوہ بندہ جیہڑا اپنے آپ نُوں ڈاہڈا پاپی جان دااے
سب توں پہلاں، میَں تہاڈے کولوں اِک سوال پُچھنا چاہوا ں گا۔تُسیں اپنے آپ نوں کِویں ویکھ دے او؟کیہ تُسیں سوچ دے او پئی تُسیں نیک یابدجے؟ بھلاتُسیں کیہ سوچ دے او؟
سارےلوک اپنیاں ای پُٹھیاںسوچاں وچ جیوندےنیں ۔خورےتُسیں اینے بدکار نئیں جے جس قدرتُسیں سوچ دے او،نہ ای اینے پورے نیک او جس قدرتُسیں سوچ دے او۔
پر،تہاڈے خیال وچ کون ایمان دی چنگی حیاتی جیوےگا؟کیہ ایہہ اوہ بندہ ہو وے گا جیہڑا اپنے
آپ نوں نیک سمجھدا اے ؟یا ں کیہ اوہ بندہ ہووے گا جیہڑا اپنے آپ نوں بدکار سمجھدا اے ؟
ایس وجہ توں ایہہ اوہ بندہ اے جیہدا آخر وچ ذکر کیتا گیااے۔مینوں تہاڈے کولوں اِک ہورسوال پُچھن دی اجازت دیوو۔کیہڑا بندہ بوہتا مراد مطابق چھُڈایاہویااے۔ کیااوہ بندہ جیہڑا بوہتےپاپ کرچُکیااےیاں اوہ بندہ اےجیہڑاصرف اک دو پاپ کرچُکیااے؟ او ہ بندہ جیہڑا اقرارکردااےپئی اوہ بے شمار پاپ کر چُکیااے اوس بندے دی بوہتا مکتی یافتہ ہون دی امید اے،کیوں جے اوہ بندہ ایس گل نوں من دا اے پئی اوہ اک بڑا وڈا پاپی اے ۔ ایہو جیہا بندہ یسوع ولوں اوہدی خاطر تیار کیتے گئے مکتی دے کلام نُوں چنگی طرحاں قبول کرسکدااے۔
جدوں اَسیں سچی مُچی اپنے آپ تےنظرکردے آں تے ایہہ گل ظاہر ہوندی اے پئی اَسیں صرف پاپاں دا ڈھیرآں۔اِنسان ذات کیہ نیں ؟اِنسان صرف ’ بھیڑےکم کرن والیاں دی پیڑھی ‘ نیں ۔یسعیاہ ٥۹وچ ،کلام فرماؤندااے پئی لوکاں دے دلاں وچ ،تمام قِسم دیاں بدیاں پائیاں جاندیاں نیں،ایس لئی ،ایہہ گل صاف اے پئی اِنسان پاپاں دا ڈھیرنیں ۔تےفیر وی، جےاَسیں اِنسانی پیڑھی نُوں پاپاں دے ڈھیردے طور تے بیان کریے، تے بوہت سارےلوک اتفاق نئیں کرن گے۔پرکسےبندے نوں ’ بھیڑےکم کرن والیاں دی پیڑھی ‘ دے طور تےبیان کرنا ای صحیح تعریف اے ۔جےاَسیں ایمانداری نال اپنے آپ نوں ویکھیے،تے ایہہ گل بڑے بیانی طریقے نال ظاہر اے پئی اَسیں بدکارلوک آں۔اوہ لوک جیہڑے اپنے آپ نال ایماندارنیں اوہناں نوں بڑے یقین نال ایسے ای نتیجے اُتے اَپڑنا چاہی دااے۔
پر،اِنج جاپدااے پئی بوہتے سارے لوک ایس گل نوں منن توں منکرہون گےپئی بے شک اوہ پاپاں دا ڈھیرنیں ۔بوہتےسارےلوک آرام نال حیاتی بسرکردےنیں کیوں جے اوہ اپنے آپ نوں پاپی خیال نئیں کردے۔کیوں جےاَسیں بدکردار آں ،اَسیں اِک پاپ نال بھریاگنداوسیب بنالیااے۔جےایہہ گل سچ نئیں ،تے اَسیں پاپ کرکے حدوں دُونے شرمندہ نہ ہوئیے ۔فیر وی،ساڈے وچوں بہت سارے لوک پاپ کرکے شرمندگی محسوس نہیں کردے۔
فیروی،اوہناں دےچِت ایس گل نُوں جان د ے نیں۔ہرشخص دے کول اِک چِت اےجیہڑا
اوہنوں دَسدااےپئی ” ایہہ شرم ناک کم اے۔ “ آدم تے حوانےپاپ کرن توں بعداپنے آپ نوں رُکھاں وِچ لکویا۔ اَج، بوہت سارے پاپی اپنےآپ نُوں اپنے ایس گندےوسیب ۔یعنی اپنے پاپاں نال بھرے وسیب دے اوہلے لکوندےنیں ۔ اوہ خُدا دےغصے توں بچن لئی اَپنے آپ نوں اَپنے بیلی پاپیاں وچ لکوندےنیں ۔
لوکی اپنیاں بھیڑیاں سوچاں دی وجہ توں دھوکہ کھاندےنیں۔اوہ اَپنے آپ نوں دُوجیاں نالوں بوہتا نیک سمجھدے نیں ۔ایویں،جدوں اوہ کوئی بھیڑی خبردے بارے چ سُن دے نیں ،تےاوہ غصے وچ رَولا پاؤندے نیں ، ” بھلاکِویں کوئی اِنسان ایہوجیہاکم کر سکدا اے ؟کِویں کوئی شخص اِنج دا کرسکدا اے؟کِویں کوئی پُتراَپنےای ماپیاں دےنال اِنج دا سلوک کرسکدا اے؟ “ اوہ آپے ای ایمان رکھدے نیں پئی اوہ ایہوجیہاں بھیڑیاں حرکتاں نہیں کرن گے۔
سوہنےسجنو،تہاڈےلئی اَپنے آپ نوں جاننابڑاای اوکھااے۔اصل وچ اَپنے آپ نوں جانن دے سلسلے وچ ،سا نوں پہلے بڑے یقین نال اپنے پاپاں دی معافی حاصل کرنی چاہی دی اے ۔سانوں اپنی اِنسانی فطرت دا صحیح عِلم حاصل کرن و چ بڑا وقت لگدا اے ، تےساڈے وچوں بوہت سارےلوک ایہو جیہےنیں جیہڑے کدی وی ایس توں اوس دن تک جدوں تیک اوہ مرکھپ نہیں جاندے ایس گل نوں نئیں جانن گے۔
اَپنے آپ نُوں جانو
اوہ کِنج دے لوک ہوندے نیں جیہڑے اَپنے آپ نوں جانیوں اَڈ اوسےای طرحاں دی حیاتی لنگھاندے نیں؟
کیوں جےاوہ اپنی پاپاں بھری ذات نُوں لکان دی کوشش کر دے ہویاں ریاکارحیاتیاں لنگھاندے نیں
کدی کدی اَسیں ایہوجیہے لوکاں نُوں مِلدے آں جیہڑے سچےطورتےاَپنے آپ نوں نئیں جان دے۔سقراط نے آکھیا، ” اَپنےآپ نُوں جانو“ فیروی،ساڈےوچوں بوہتیاں نوں پتہ نئیں پئی اوہناں دے دِل وچ کیہ اے: مثال طورتے خونریزیاں،چوریاں ،زِناکاریاں بدیاں ،مکر، شہوت پرستی ، بھیڑی نظروغیرہ وغیرہ۔ ۔ ۔ ۔
اوہ شخص جیہڑااَپنے آپ نوں نئیں جان دااپنے بُلاں تے سپ دازہررکھدااے پر بھلیائی دیاں
گلاں کردااے ۔ایہدی وجہ ایہہ ہے کیوں جے اوہ شخص ایہہ نئیں جان داپئی اوہ نہ بچن والے پاپی دے طور تے پیدا ہویا سی ۔
ایس دُنیا وچ بے شمار ایہوجیہے لوک نیں جیہڑے اپنی اصلی فطرت نُوں نئیں جان دے ۔اوہ اَپنے آپ نوں دھوکہ دے چکے نیں تے اَپنیاں حیاتیاںمکمل طورتے اپنے ای فریباں وچ لکی ہوئی لنگھاندے ہوئے غرق ہوجاندے نیں۔ اوہ ایہہ نئیں سمجھ دے پئی اوہ اَپنے آپ نُوں اپنے دھوکہ دین دی وجہ توں اَپنے آپ نُوں جہنم وچ سُٹ رہے نیں ۔
لوک اپنی پوری جندڑی وچ لگاتارپاپ کردےرہندےنیں
ایہوجیہے لوک کیوں جہنم جاندےپئےنیں ؟
کیوں جےاوہ اَپنےآپ نُوں نہیں جان دے
آؤاَسیں مرقس٧ : ٢۱۔٢٣نُوں ویکھیے، ” کیوں جے اندروں یعنی بندے دے دل وچوں بھیڑے خیال نکلدےنیں ۔حرامکاریاں ۔چوریاں۔خونریزیاں ۔زِناکاریاں۔لالچ ۔ بدیاں ۔مکر۔گندے چاء ۔بھیڑیاں اکھاں۔چغلی ۔شیخی ۔بیوقوفی ۔ایہہ ساریاں بھیڑیاں گلاں اندروں نکل کے بندے نُوں ناپاک کردیاں نیں۔“ لوکاں دے دل جس دن ماں دے ٹِڈھ وچ پیندے نیں اوسے ای دن توں بھیڑیاں خیالاں نال بھرجاندے نیں۔
آؤ اَسیں فرض کریے پئی اِنسان دا دل شیشے دا بنیاہویااےتےاُتے تیک کسے گندے مادےنال ،جیہداناں پاپ اے،نکا نک بھریا ہویااے۔ایس وجہ توں بھلا کیہ ہووے گاجےاوہ شخص اگانہہ تےپچھانہہ ہلدااے؟بے شک گندہ مادہ (پاپ)چونہہ پاسے ڈُھل جاوےگا۔ جدوںوی اوہ شخص ایدھر اودھر ہلے گا،تے پاپ گھڑی مُڑی ساری جگہ اُتے کھِلرجاوےگا ۔
اَسیں لوک ،جیہڑے کَکھ دے نئیں سگوں پاپ دابھنڈارآں ،بالکل ایسے ای طرحاں اَپنی حیاتیاں لنگھاندےآں ۔اَسیں جتھے کِتھے جاندے آں اوتھے ای پاپ کھلاردے آں۔ اَسیں اَپنی حیاتیاں
وچ ہر طریقے نال پاپ کردے رہواں گے ایس لئی پئی اَسیں پاپ دا بھنڈارآں ۔
اوکھل ایہہ ہے پئی اَسیں ایہہ احساس ای نئیں کردے پئی اَسیں پاپاں دابھنڈارآں ،یاں دُوجےلفظاں وِچ ،اَسیں پاپ دا بیج آں ۔اَسیں پاپ دابھنڈارآں تے پاپ ساڈےدلاں وچ ساڈی پیدائش دے دن توں موجودنیں ۔
پاپ دے بھنڈار ڈُلہن لئی تیارنیں۔فیروی ،لوک ایمان نئیں رکھدے پئی اوہ ،سچ وِچ ،موروثی طورتےپاپی نیں ۔اوہ سوچ دے نیں پئی دُوجے لوک اوہناں کولوں پاپ کراؤندےنیں ،ایس لئی اوہ ایہو جیہے نئیں جیہڑے پئی بدکارنیں ۔
بے شک پاپ کردے ہویاں لوک سوچ دےنیں پئی اَپنے آپ نُوں دوبارہ پاک صاف کرن دی کَلّی ضروری شرط پاپ دانام و نشان مٹانا اے۔ہرواری پاپ کرن توں بعداوہ اَپنے آپ نوں پاک کردےنیں ،اَپنے آپ نوں ایہہ دَسدے ہوئیاں پئی اوہناں دی اپنی غلطی نئیں ہے۔صرف کیو ں جےاَسیں اپنے آپ نُوں صاف کرلیندے آں، تےکیہ ایہداایہہ مطلب اے پئی پاپ کھلاردےرہناچنگا اے ؟ سانوں لگاتار گھڑی مُڑی صاف کردےرہناپووےگا۔
جِدوں کوئی گلاس پاپ نال بھریاہویااے،تےاوہ اُچھلدارہوےگا۔اوہنوں باہروں صفائی کرن داکوئی فائدہ نئیں ۔ایہہ گل کوئی خاص نئیں پئی کِنّی واربوہتے ویلےاَسیں اپنے چنگے عملاں نال اپنے باہر نوں صاف کردے آں ،اِنج کرنا بیکار اے۔جدتیکر گلاس پاپ نال بھریاہویااے۔
اَسیں ایس قدرپاپ نال پیدا ہوئے آں پئی ساڈےدل کدی خالی نئیں ہون گے ؛ایس گل دی کوئی قدرپئی اَسیں کِنّاں بوہتاپاپ راہ وچ کھلاردے آں۔ایس لئی ،اپنی پوری حیاتیاں وچ اَسیں پاپ کردےآں ۔
جدکوئی شخص ایہہ احساس نئیں کرداپئی اوہ بے شک صرف پاپ دا بھنڈاراے،تےاوہ اپنی پاپی فطرت نُوں لکان دی کوشش وچ لگارہندااے ۔پاپ سب لوکاں دے دل وچ پایا جاندااےتےباہروں صاف کرن نال ختم نئیں ہوندا۔جدوں اَسیں ایس پاپ دے مادےنُوں تھوڑاجیہا کھلاردے آں،تےاَسیں ایہنوں لیڑے نال صاف کردےآں تے جدوں اَسیں اگلی واری ایہنوں کھلاردے آں ، اَسیں ایہنوں پوچے ۔ ۔ ۔ ۔ کسے تولیے ، تے فیر کِسے موٹےکھیس نال۔ ۔ ۔ ۔ صاف کردے آں ۔اَسیں اُمید رکھدےآں پئی جے اَسیں صرف گندگی نوں گھڑی مُڑی صاف کردے آں ،تے ایہہ صاف ہوجائے گی، پر بے شک ایہہ گھڑی مُڑی کھِلردارہندا اے۔
تہاڈے خیال وچ ایہہ سلسلہ کِنی دیرتیک جاری رہوےگا؟ایہہ سلسلہ کسے شخص دے مر مِٹن
دے دن تیک جاری رہندااے۔لوک اپنے مرن دے دِناں تیک اپنے پاپاں دے عمل نُوں جاری رکھدے نیں ۔ایس لئی سانوں مکتی پاؤن واسطےیسوُع اُتے ایمان لیان دی لوڑاے۔مکتی یافتہ ہون دے سلسلے وچ ،سانوں پہلاں اَپنے آپ نُوں جانن دی لوڑاے۔
کِویں لوک شکرگزاری دےنال یسوُع دی محبت نُوں حاصل کرسکدےنیں؟
ایہو جیہےپاپی لوک جیہڑے من دے نیں پئی اوہ بوہت ساریاں غلطیاں کرچکے نیں
آؤاَسیں فرض کریےپئی گندے مادے نال بھرے ہوئےدوگلاساں وانگر دو بندے نیں۔ دونویں ای گلاس پاپ نال بھرےہوئےنیں ۔اِک اَپنے آپ اُ تے نظر کرکے آکھدا اے، ”ہائے، میَں کِنّاں حدوں بوہتا پاپی آدمی آں۔“ تد،اوہ ہارمّن دا اے تے کسے اجیہے شخص دی کھوج وِچ ٹُر پیندااےجیہڑااوہدی مددکرسکے۔
پردُوجا شخص سوچ دااے پئی اوہ بےشک بدکار نئیں ہے۔اوہ اَپنے ٹِڈھ دے اندرپاپ دے بھنڈارنُوں نئیں ویکھ سکداتےسوچ دااے پئی اوہ ایہناں پاپی اِنسان نئیں ہیگا۔اپنی ساری حیاتی وچ اوہ ڈھلکن والے مادےنُوں صاف کردارہندااے ۔اوہ اِک پاسے نُوں، تے فیر دُوجے پاسے نُوں۔ ۔ ۔ یعنی بڑی چھیتی دوجے پاسے ودھ کےصفائی کردااے۔ ۔ ۔ ۔
ایہو جیہے بے شمارلوک نیں جیہڑےہوشیاری نال اپنی ساری حیاتی لنگھاؤندےنیں ،یعنی پاپ دے ڈُھلن توں بچن دی خاطرایہنے گھٹ پاپ کرن دی کوشش کردے پئے نیں جنھاں وی ایہناں تو ں ہو سکدااے۔پر جدوں پاپ ہُن وی اوہناں دےدِلاں وچ موجود اے،تے ایہہ کیہ بھلا کرن گے؟ احتیاط کرن نال اوہ اَسمان دےکُجھ لاگے نئیں ہوجان گے۔ایہدی بجائے’احتیاط کرن نال‘ اوہ جہنم دے
رستے تے جان گے۔
سوہنے مِترو، ’ احتیاط کرنا ‘ صرف جہنم نُوں لےجاندااے۔سانوں ایس سبق نوں دل وچ لینا
چاہی دااے۔ جدوں لوک محتاط ہوجاندے نیں تے خورے اوہناں دے پاپ دامادہ کُجھ بوہتانہ ڈِھلکے،تے فیروی اوہ پاپی ای نیں ۔
اِنسان ذات دے دل وچ کیہ اے؟پاپ؟بداخلاقی ؟آہو!بھیڑےخیال ؟ آہو! کیہ چوریاں نیں؟آہو! گھمنڈ؟آہو!
اَسیں بچ نئیں سکدے سگوں سچیائی نوں مننا پو ےگا پئی اَسیں پاپ دابھنڈارآں ،اچیچے طورتے جدوں اَسیں اَپنے آپ نوں پاپ تے بدی اُتے ،اِنج کرن دی تعلیم سکھیوں اَڈ عمل کردے ہوئےویکھدے آں ۔
جدوں اَسیں نِکے ہوندے آں تے خورے ایہہ ایہناں واضح نئیں ہوندا۔پر ایہہ کِنج ہووے گا،جدوں اَسیں وڈے ہوجاندے آں ؟جدوں اَسیں ہائی سکول ،کالج ،یاں ہوراَگے ودھدے آں تے سانوں پتہ لگدااے پئی سب کجھ جیہڑاساڈے اندراے اوہ پاپ اے۔کیہ ایہہ سچ نئیں ہیگا ؟ایمانداری نال بولدے ہوئیاں ،تے اَپنی پاپی فطرت نوں لکاؤناناممکن اے۔ٹھیک ؟اَسیں بچ نئیں سکدے سگوں پاپ کھلاردےآں ۔تے فیر اَسیں پچھتاندےآں ، ” مینوں اِنج نئیں کرناچاہی دا “ پراَسیں بدلن نُوں سچی مُچی ناممکن پاؤندےآں ۔اِنج کیوں اے؟ایس لئی پئی ساڈے وچوں ہربشرپاپ دے بھنڈاردے طورتےپیداہویا اے۔
اَسیں بے شک احتیاط کرن دی وجہ توں پاک نہیں ہوسکدے۔سانوں کامل مکتی حاصل کرن لئی صرف ایہہ گل جانن دی لوڑ اے پئی اَسیں پاپ دے بھنڈار دے طورتے پیدا ہوئےآں ۔صرف اوہو ای پاپی لوک بچ سکدے نیں جیہڑے یسوُع دے راہیں تیار کیتی گئی مکتی نوں شکرگزاری دے نال قبول کردے نیں ۔
اوہ لوک جیہڑے ایہہ سوچ دے نیں ” میَں کوئی بوہتا غلط کم یاں بوہتےپاپ نئیں کیتے “ ایہہ ایمان نئیں رکھدے پئی یسُوع نے اوہناں دے سارے پاپ چُک لئےتے ایس وجہ توں اوہناں دا جہنم وچ جاناں پہلوں توں مقرر ہو گیا اے ۔ سانوں جاننا چاہی دااے پئی ساڈے وچوں ہراِک دےاندر پاپ دا ایہہ بھنڈارموجوداےکیوں جے اَسیں سارے ایہدےنال پیداہوئےآں ۔
جےکوئی آدمی ایہہ سوچے، ” میَں کوئی بوہتے غلط کم نئیں کیتے،شرط اے پئی مینوں صرف ایس چھوٹے جیہے پاپ توں مکتی حاصل کر لواں، “ تےکیہ اوہ ایہدے بعدوں پاپ توں رہاہوجاوےگا؟اِنج دی حالت کدی نئیں ہوسکدی ۔
چھٹکارا حاصل کرن والا اپنے بارے جان دااےپئی اوہ پاپ دابھنڈاراے۔اوہ سچ مُچ ایمان رکھدا اے پئی یسوُع نے یردن دریاوچ بپتسمہ لین دے راہیں ساڈے سارے پاپ اپنے اُتےچُک لئے تے یعنی اوہنےپاپاں دی قیمت اداکیتی جدوں اوہ ساڈےلئی مرگیاسی۔
کیہ اَسیں مکتی یافتہ ہیگے آں یاں نئیں ،اَسیں سارے پُٹھی سوچ وچ حیاتی لنگھاؤن دا رُجحان رکھ دےآں۔اَسیں پاپاں دابھنڈارآں ۔اصل وِچ اَسیں کیہ ہیگےآں ایہو ای اوہ سچیائی اے ۔ صرف ایہہ ایمان لیان دی وجہ توں مکتی پاسکدے آں جدوں اَسیں ایمان رکھدےآں پئی یسوُع نے ساڈے سارے پاپ چُک لئے نیں۔
خُدا نیں ایہو جیہے لوکاں نُوں نہیں چھڈایاجیہڑے ’ بھوراجیہاوی پاپ‘ رکھ دے نیں
اوہ کیہڑاآدمی اے جیہڑا خُدا وندنُوں دھوکہ دیندااے؟
اوہ شخص جیہڑاہرروزدےپاپاں دی معافی منگدااے
خُدا ’ بھوراجیہاپاپ‘ رکھن والیاں نُوںمکتی نہیں دیندا،ایتھوں تیکرپئی خُدا اوہناں لوکاں اُتے نظروی نئیں کرداجیہڑے ایہہ آکھدےنیں، ” اَے خُدا،میرے ٹِڈھ وچ ایہہ بھورا جیہا پاپ پایاجاندااے۔“جنہاں لوکاں اُتے اوہ رحم کردااے ،اوہ لوک نیں جیہڑے کہندےنیں، ” اَے خُدا،میَں پاپ دا بھنڈارآں ۔میَں جہنم جارہیاواں۔منت نال مینوں چھڈالے۔“ مکمل پاپی جیہڑےکہندے نیں، ” اَے خُدا ،صرف جے تُو ں مینوں چھڈاویں تے میَں چھُٹاں گا۔میَں ہورتوبہ لئی دُعانہیں کرسکدا۔ایس لئی پئی میَں بچ نئیں سکدا سگوں فیرپاپ کراں گا۔منت نال مینوں چھڈالویں۔“
خُداوندخُدا اوہناں لوکاں نُوں چھڈاندااےجیہڑےپورےطور تے اوہدے اُتے بھروسہ کر
دے نیں۔میَں وی ہر روز توبہ لئی دُعاواں منگن دی کوشش کیتی پرتوبہ لئی منگی جان والیاں دُعاواں نے مینوں کدی پاپاں توں رہائی نئیں دِتی ۔ایہدے بعدوں میَں خُداوند خُدادےاَگےگوڈے ٹیک کےجُھکیاتےدُعامنگی، ” اَے خُدا میرےاُتےترس کھاتے مینوں میرے سارے پاپاں توں چُھڈا۔“ اوہ لوک جیہڑےایس طرحاں دُعا منگن گے ،مکتی پاؤن گے ۔اوہ لوک جیہڑے خُداوندخُدا دی مکتی تے یوحنا اصطباغی کولوں یسوُع دے بپتسمے اُتے ایمان لیاؤن لئی ہوش وچ آندے نیں۔اوہو ای مکتی یافتہ ہون گے ۔
خُداوندخُدا صرف اِنج دے لوکاں نُوں چھڈاندااےجیہڑے اَپنے آپ نُوں پا پ دا بھنڈار،بھیڑے کم کرن والیاں دی پیڑھی سمجھدے نیں ،جیہڑے لوک ایہہ آکھدے نیں،“ میَں تے ایہہ چھوٹا جیہا پاپ کیتااے،منت نال مینوں ایس پاپ توں معاف کر،” اوہ لوک حالے وی پاپی نیں تے خُداوندخُدا اوہناں نُوں چھُڈا نئیں سکدا۔خُداوندخُدا صرف اوہناں لوکاں نُوں چھُڈاندااےجیہڑے اپنے بارے جان د ے نیں پئی اوہ مکمل پاپاں دابھنڈار نیں ۔
یسعیاہ ٥۹ : ۱۔٢وچ ،اِنج لکھیا اے ، ” ویکھو خدا ونددا ہتھ نِکا نئیںہوگیا پئی چھُڈانہ سکے تے اوہدا کن بھارا نئیں پئی سُن نہ سکے۔سگوں تہاڈی بدکرداری نےتہاڈےتے تہاڈے خُدا دے وچکارجُدائی کردِتی اے تے تہاڈے پاپاں نے اوہنوں تہاڈے توں غائب کردِتا، اِنج پئی اوہ نئیں سُن دا۔“
کیوں جے اَسیں پاپ دا بھنڈار جمےآں ایس لئی خُداوند خُدا ساڈے اُتے محبت دی نظر نئیں کر
سکدا۔ ایہہ مشکل ایس لئی نہیں پئی اوہداہتھ نِکاہوگیا اے ،تےاوہداکن بھارا ہو گیااے،یاں پئی اوہ اپنے معافی دی آس رکھن والیاں دی درخواست نُوں سُن نئیں سکدا ۔
خُداوندخُداسانوں فرماؤندااے، ” تہاڈی بدکاری نےتہاڈےتے تہاڈےخُدادے وچکار جُدائی کردِتی اےتے تہاڈے پاپاں نے اوہنوں تہاڈے توں غائب کردِتااِنج پئی اوہ نئیںسُن دا۔ “ کیوں جے ساڈے دِلاں وچ بوہت سارےپاپ پائے جاندے نیں،اَسیں اَسمان وچ وَڑ نئیں سکدے ۔ بے شک بھاویں اَسمان دےبوہےبالکل کھول دِتے جان۔
جے اَسیں لوک ،جیہڑے کجھ نئیں سگوں پاپ دابھنڈارآں،ہرواری پاپ کرن توں بعدمعافی دی درخواست کردے آں، تےخُداوند خُدا نو ں ہرواری اَپنے پُتر دا لہُووگانا پوےگا۔خُداوندخُدااِنج کرنانہیں چاہندا۔اوہ آکھدااے، ” ہردِن اپنے پاپاں دےنال میرےاَگاڑھی نہ آؤ۔میَں اپنے پُترنُوں تہاڈےکول گھلیاپئی تہانوں تہاڈے سارے پاپاں توں رہائی دیوے۔صرف ایہہ سمجھو پئی اوس نے تہاڈے پاپ کِویں چُک لئے تے قبول کروپئی ایہہ سچیائی اے۔ایہدے بعدوں،مکتی پاؤن لئی ،پانی تے رُوح دی خُوشخبری اُتے ایمان لیاؤ۔ایہہ بڑی وڈی محبت اے،جیہڑی میَں تہانوں،یعنی اپنی مخلوقات نُوں
دے چُکیاواں۔“
ایہدی وجہ توں اوہ سانوں دَسدااے ، ” میرے پُترتے ایمان لیاؤتےاَپنے پاپاں دی معافی پاؤ ۔ میَں ، تہاڈےرب تعالیٰ نے،تہاڈے سارےپاپ تے بدکرداریاں دا کفّارہ دین لئی اپنے ای پُترنُوں گھلیا۔ میرےپُترتےایمان لیاؤتے مکتی حاصل کرو۔“
اوہ لوک جیہڑےاَپنے آپ نُوں پاپاں دے بھنڈار دےطورتے نئیں جان دے ، خُداکولوں اپنےہرنِکےتوں نِکے پاپ دی معافی منگ دے نیں ۔اوہ اَپنے پاپاں دے ڈراؤن والے بھارنُوں جانیوں اَڈ اوہدے اَگاڑھی جاندے نیں تے ایہوای دُعامنگ دے نیں ، ” منت نال ایہہ چھوٹا جیہا پاپ معاف کردے ۔میَں فیرکدی ایہوجیہاپاپ نئیں کراں گا۔“
اویہوجیہاں دُعاواں دےنال خُدانُوں دھوکہ دین دی کوشش وی کردے نیں ۔ اَسیں صرف اِک واری نہیں سگوں مردے دم تیکر لگاتارپاپ کردے رہندے آں ۔سانوں اپنی حیاتیاں دے اَخیرلے دِن تیک معافی دی درخواست کردے رہناپوےگا،کیوں جے اَسیں پاپ توں رُک نئیں سکدےتےساڈےبدن پاپ دی شریعت دی غلامی کردے نیں جدتیکر اَسیں مر نئیں جاندے ۔
کِسےنِکے جیہے پاپ دی معافی حاصل کرن نال کوئی پاپ دا مسئلہ حل نئیں ہونداکیوں جے اَسیں ہرروز بے حساب پاپ کردے آں ۔ایویں ،ساڈے کول پاپ توں رہاہون دا واحد طریقہ ایہہ ہے پئی ساڈے سارے پاپ یسوُع اُتے لددِتے گئے نیں ۔
اِنسانی فطرت کیہ اے ؟
پاپاں دا بھنڈار
بائبل مقدّس اِنسان ذات دے پاپاں نُوں اِک اِک کرکےگِن دی اے: ” کیوں جے تہاڈے ہتھ خون نال تےتہاڈی اُنگلاں بدکرداری نال رنگیاں نیں ۔تہاڈےبُل جھوٹ بولدے تے تہاڈی زبان شرارت دیاں گلاں بک دی اے۔کوئی انصاف دی گل پیش نئیں کرداتےکوئی سچیائی نال غور نئیں کردا۔اوہ جھوٹ تے بھروسہ کردے نیں تے جھوٹ بولدے نیں ۔اوہ بدی جم دے نیں تے اَگے بدکرداری نُوں جَم دے نیں ۔اوہ سَپ دے انڈے سیندے نیں تےمکڑی داجالا اُن دے نیں ۔جیہڑااوہناں دے آنڈیاں وچوں کجھ کھاوے مرجاوےگاتے جیہڑا اوہناں وچوں توڑیا جاوےاوہدے وچوں سَپ نکلےگا۔اوہناں دےجالے نال لیڑے نہیں بنن گے۔اوہ اپنے ہتھاں دے کماں نال لباس نئیں پاؤن گے ۔اوہناں دے کم بدکرداری دے نیں تے ظلم دا کم اوہناں دے ہتھاں وچ اے۔اوہناں دے پیر بدی وَل نس دے نیں تے اوہ معصوم داخون وگاؤن لئی چھیتی کردےنیں ۔اوہناں دے خیال بدکرداری دے نیں ۔تباہی تےہلاکت اوہناں دی راہواں وچ اے۔اوہ شانتی دارستہ نئیں جان دے تے اوہناں دی راہ وچ انصاف نئیں ۔اوہ اَپنے لئی وِنگی راہ بناؤندے نیں ۔جیہڑا وی اوہدے اوہدے وچ جاوےگا،امن نُوں نہ ویکھے گا۔“ (یسعیاہ ۵۹:۳۔ ۸)۔
لوکاں دیاں اُنگلاں بدکار ی نال بھریاں نیں تے اوہ اَپنی ساری حیاتیاں وِچ جو کُجھ کر دے پاپ
بھرےکم نیں۔اوہناں دا ہراِک کم بدی اے۔تے ساڈیاں زباناں ،جھوٹ بولدیاں نیں ۔ ساڈےمونہہ وچوں جوکجھ نکلدااےاوہ جھوٹ اے۔
” جدوں اوہ جھوٹ بولدا اے تے اپنی ای آکھدا اے۔“ (یوحنا۸ : ۴۴)۔اوہ لوک جیہڑے نویں پیدائش دا تجربہ نئیں رکھ دے، اوہ ایس طرحاں آکھناپسند کردےنیں ، ” میَں تینوں سچ آکھ رہیاآں۔ ۔ ۔ ۔میَں تینوں سچی سچی دَس رہیاآں۔میَں جو کجھ آکھ رہیاآں اوہ سچ اے۔ ۔ ۔ ۔“ پرایس دے باوجوداوہ سب کجھ جیہڑاآکھ دے نیں جھوٹ اے۔ ایہہ اِنج ای ہے جِویں لکھیا اے ۔ ” جدوں اوہ جھوٹ بولدا اے تے اپنی ای آکھدا اے۔“
لوک کھوکھلے لفظاں تے بھروسہ کردے تے جھوٹ بول دے نیں ۔لوک بدیاں نُوں جَم دے تے بدکاری پیداکردے نیں ۔اوہ سَپ دے آنڈے سیندے تےمکڑے داجالا اُن دے نیں ۔خُداوندخُدا فرماؤندا اے ، ” جیہڑااوہناں دے آنڈیاں وچوں کجھ کھاوے مر جاوےگاتے جیہڑا اوہناں وچوں توڑیا جاوےاوہدے وچوں سَپ نکلےگا۔“ اوہ فرماؤندا اے پئی تہاڈے دل وچ سَپ دے آنڈے نیں ۔ سَپ دے آنڈے !تہاڈے دلاں وچ بدی موجوداے۔ ایہوای وجہ اے پئی سانوں پانی تے رُوح دی خُوشخبری تے ایمان لیان دے راہیں مکتی حاصل کرنی ایں ۔
جدوں وی میَں خُداوند خُدا دے بارے گل کرنی شروع کردا آں ،تے ایہو جیہے لوک وی نیں
جیہڑے آکھدے نیں ، ” سوہنے سجن!منت نال میرے کول خُداوندخدا دے بارے گل نہ کریں ۔ میَں جد وی کجھ کرن دی کوشش کر دا آں تے میرے اندروں پاپ ڈُھلدا اے۔ایہہ صرف سیلاب وانگر نکلدااے۔ایتھوں تیکر پئی ہرتھاں اُتے پاپ کھلاریوں اَڈ اِک قدم نئیں چُک سکدا۔میَں ایہدے توں بچ نہیں سکدا ۔میَں نکانک پاپ دے نال بھریاہویاآں ۔میَں بالکل بے آس آں ۔ ایس لئی میرے نال پاک خُدا دے بارے گل نہ کریں ۔“
اوہ شخص لازمی طورتےجان دااے پئی اوہ صرف پاپ دابھنڈار اے ،پراوہ ایہہ گل نئیں جان داپئی خُداوند خُدا اوہنوں مکمل طور تے اپنی محبت دی خُوشخبری نال مکتی دے چُکیا اے۔صرف اوہ لوک جیہڑے اَپنے آپ نُوں پاپ دے بھنڈاردےطورتےجان دے نیں مکتی یافتہ ہوسکدے نیں ۔
اصل وِچ، ہربشر ایہدے ورگااے۔ہراِک جیہڑاساہ لیندااےلگاتار پاپ چھلکاؤندا اے،جتھے کتھے وی اوہ جاندااے۔ صرف پاپ ای باہر نکلدااے کیوں جے سارے اِنسان پاپ دابھنڈارنیں۔ ایس وجودتوں ساڈے لئی بچن دی کَلّی راہ خُداوندخُدادی قدرت داوسیلہ اے ۔کیہ ایہہ گل بڑی آسانی نال حیران کرن والی نئیں ؟اوہ لوک جدوں وی اُداسی ،خُوشی ،ایتھوں تائیں پئی سکون دی حالت وچ پاپ کردےنیں صرف ساڈے خُداوند یسوُع مسیِح دے راہیں مکتی پا سکدے نیں ۔ یسوُ ع سانوں بچاؤن دی خاطر آیا۔
اوہ کامل طورتے ساڈے سارے پاپاں نُوں مٹاچُکیا اے ۔اَپنے آپ نُوں پاپ دے بھنڈار دے طورتےمنوتےمکتی پاووگے۔
Copyright © 2021 by The New Life Mission