ដោយសារការរាតត្បាតនៃជម្ងឺកូវីឌ១៩ និងការរំខានដល់សេវាកម្មប្រៃសណីយអន្តរជាតិ
យើងបានផ្អាកជាបណ្តោះអាសន្ននូវ "សេវាកម្មសៀវភៅបោះពុម្ពដោយឥតគិតថ្លៃ" របស់យើង។
នៅក្នុងស្ថានភាពបែបនេះ យើងមិនអាចផ្ញើសៀវភៅទៅកាន់លោកអ្នកបានឡើយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
مضمون 8: پاک رُوح
[8-12] پاک رُوح نال بھری ہوئی حیاتی گزارن لئی < طِطُس ۳:۱۔۸>
> طِطُس ۳:۱۔۸<
” اوہناں نوں یاد دلا پئی حاکماں تے اختیار والیاں دے تابع رہوو تے اوہناں دا حکم منو تے ہراک چنگے کم لئی تیار رہوو۔ کسے دی بدخوئی نہ کرو۔ تکراری نہ ہوو سگوں نرم مزاج ہوو تے ساریاں بندیاں دے نال کامل حلیمی نال پیش آو۔کیوں جے اسیں وی پہلاں نادان ۔ نافرمان۔ فریب کھان والے تے رنگ برنگ دیاں سدھراں تے عیش و عشرت دے بندے ساں تے بدخواہی تے حسد وچ حیاتی گزاردے ساں۔ نفرت دے لائق ساں تے آپس وچ بغض رکھدے ساں۔پر جدوں ساڈے منجی خدا نے مہربانی تے بندے دے نال اپنی محبت وکھائی۔تے اوہنے سانوں رہائی دتی پر راستبازی دے کماں دے سبب توں نئیں جیہڑے اسیں آپ کیتے سگوں اپنی رحمت دے مطابق نویں پیدائش دے غسل تے روح پاک دے سانوں نواں بناؤن دے وسیلے۔جنہوں اوہنے ساڈے منجی یسوع مسیح دے راہیں ساڈے اُتے کثرت نال نازل کیتا۔ایس لئی پئی اسیں اوہدے فضل توں راستباز ٹھہر کے ہمیش دی حیاتی دی اُمید دے مطابق وارث بنئیے۔ ایہہ گل سچ اے تے میں چاؤہندا واں پئی توں ایہناں گلاں دا یقین دے نال دعویٰ کریں ایس لئی پئی جنہاں نےخُدا دا یقین کیتا اے اوہ چنگے کماں وچ لگے رہن دا خیال رکھن۔ ایہہ گلاں چنگیاں تے بندیاں دےلئی فائدہ مند نیں ۔
اسیں کس طرحاں پاک رُوح نال بھری ہوئی حیاتی گزار سکدے آں؟
سانوں خُد ادی مرضی سمجھنی چاہی دی تے ایہدے مطابق خوشخبری دی منادی کرنی چاہی دی۔
اوہ جیہڑے یسوع اُتے ایمان رکھدے نیں تے روح پاک دی بھرپوری رکھدے نیں اوہناں نوں لازمی طور تے روح پاک توں بھرپورحیاتی گزارنی چاہی دی اے۔ مسیحی لوکاں لئی، ایہہ روح پاک نال بھرپور حیاتی ای ہوندی اے جیہدی خدا منگ کردا اے۔ سانوں لازمی طور تے اوہدے حکماں دی پیروی کرنی چاہی دی اے۔ تد کس طرحاں اسیں روح پاک توں بھرپور حیاتی گزار سکدے آں؟ سانوں لازمی طور تے اوس گل اُتے توجہ دینی چاہی دی اے جیہڑی پولوس رسول ایہدے بارے وچ آکھدا اے۔
رُوح پاک توں بھرپور اک حیاتی گزارن لئی کیہ لوڑی دااے؟
طِطُس ۳:۱ وچ پولوس نے آکھیا، ” اوہناں نوں یاد دلا کے حاکماں تے اختیار والیاں دے تابع رہوو تے اوہناں دا حکم منو تے ہراک چنگے کم لئی تیار رہوو۔ “سب توں پہلاں، اوہنے سانوں حاکماں تے اِختیار والیاں دے تابع رہن، فرمانبرداری کرن تے نیک کم کرن لئی تیاررہن نوں آکھیا۔ اوہدے آکھن دا مطلب ایہہ سی پئی جے اسیں دنیا دے قوانین دی نافرمانی کردے آں تد فیراسیں روح پاک نال بھری ہوئی حیاتی نئیں گزار سکدے ۔ بِناں شک، جے دنیا دے حاکم قانون تے سچائی دے خلاف چلدے نیں، تد فیرسانوں اوہناں دی فرمانبرداری نئیں کرنی چاہی دی۔ پر جے قانون ساڈے ایمان نوں نقصان نئیں دیندا، تدفیر سانوں لازمی طور تے سلامتی نال ایس خوشخبری دی خدمت کرن لئی اوہناں دی فرمانبرداری کرنی چاہی دی اے۔
اسیں اوہ لوک آں جنہاں نے روح پاک دی بھرپوری حاصل کیتی اے۔ جے اسیں دنیا دے اصول توڑہوندےتد فیر کس طرحاں اسیں روح پاک توں بھرپور حیاتی گزارن دے قابل ہوسکدے آں ؟ ایس لئی، روح پاک توں بھرپور حیاتی گزارن لئی ،سانوں لازمی طور تے دنیا دے اصولاں دی پیروی کرنی چاہی دی اے۔ اوہ لوک جیہڑے روح پاک دی بھرپوری پاؤندے نیں اوہناں نوں لازمی طور تے معاشرے دے قانوناں دی فرمانبرداری کرنی چاہی دی اے۔ اسیں خدا دے نال تدای چل سکدے آں جد اسیں دنیا دے اصولاں دی پابندی کردے آں۔
فرض کرو ساڈے وچوں کوئی گرجے جاندیاں ہویاں رستے وچ کوئی جرم کردا اے ۔ کیہ اوہ سکون نال خداوند دی خدمت کرن دے قابل ہووے گا؟ جے اوہنے شریعت توں باہر حیاتی گزاری تد فیر
ز مین اُتے کس طرحاں اوہ خداوند دیاں تعلیماں دے مطابق زندہ رہن دے قابل ہووے گا ؟ سانوں لازمی طور تے معاشرے دے قاعدے قانوناں نوں روح دی ہدایت مطابق چلدیاں ہویاں نقصان نئیں دینا چاہی دا اے۔ قانون نوں نقصان دین نال کجھ چنگا نئیں ہوندا اے۔ سانوں لازمی طور تے قانون دی فرمانبرداری کرن دے وسیلے سلامتی نوں قائم رکھنا چاہی دا اے۔ سانو ں لازمی طور تے ایس خوشخبری دی منادی کردیاں ہویاں سدھیاں سادیاں حیاتیاں گزارن دی کوشش کرنی چاہی دی اے۔ روح پاک دی بھرپوری نال رہن لئی معاشرے دے اصولاں دی پابندی کرنا مقدساں لئی عقلمندی اے۔
سانوں لازمی طور تے اپنے دلاں وچ عاجزی رکھنی چاہی دی اے
پولوس نے آکھیا، ” کسے دی بدگوئی نہ کرو۔ تکراری نہ ہوو سگوں نرم مزاج ہوو تے ساریاں بندیاں نال کامل حلیمی نال پیش آؤ۔“ رُوح پاک توں بھرپور حیاتی گزارن لئی، سانوں لازمی طور تے کسے دی بدگوئی نئیں کرنی چاہی دی اے، صلح دے قابل بننا، نرم مزاج ہونا تے سارے بندیاں نال حلیمی وکھاؤنی چاہی دی اے۔
اوہناں لوکاں دے دلاں وچ جیہڑے نویں سرے توں جم پئے نیں، عاجزی، نفس تے قابو تے نرم مزاجی موجود اے۔ ایہہ او س رُوح پاک دی وجہ توں ممکن اے جیہڑا ساڈے وچ وسدا اے۔ پولوس نے سانوں دسیا پئی سانوں لازمی طور تے اک دوجے نال لڑن دے راہیں ایس خوشخبری نوں تباہ نئیں کرنا چاہی دا اے۔ بِناں شک جدوں معاشرے دے قانون ایس خوشخبری دے خلاف جاندے نیں تد فیر سانوں لازمی طور تے لڑنا چاہی دا اے ۔ پر جے ایس طرحاں نئیں اے، تد فیر سانوں لازمی طور تے اطمینان وچ رہنا چاہی دا اے ۔ سانوں دوجیاں دے ساڈے بارے ایہہ سوچن دا سبب بننا چاہی دا اے پئی، ” گوبھانویں اوہ کئی واری اک شیر دے وانگوں جنگلی وکھالی دیندااے، اوہ اک کبوتر دے وانگوں سچی ای پُرامن اے۔ مسیحیت وچ اوہدا عقیدہ اوہنوں لازمی طور تے شائستہ تے اک شعوروالا بندہ بناؤندا اے۔“
جُثے دیاں سدھراں وچ کوئی نرم مزاجی یا حلیمی موجود نئیں اے۔ پر رُوح پاک دی بھرپوری دے وسیلے تے خداوند دے وسیلےجنہے سانوں ساڈے پاپاں توں بچایا اسیں دوجیاں نال نرم مزاج ہو سکدے آں۔ کسے انج دے بندے نوں معاف کردینا جیہڑا میرے خلاف خطر ناک غلطی کرچکیا اے حقیں
طور تے ”معافی“ اے تے اوہدے نال اپنی دل دی ڈوہنگیائی توں حلیمی نال پیش آنا اصل وچ ”حلیمی“ اے۔ایہہ میرے لئی کسے واسطے مہربان ہوون دا بہانہ کرنا، حلیمی نئیں اے جد پئی میں اصل وچ اوہدے لئی نفرت رکھدا واں۔ حلیمی نال بھریا دل تے معافی رکھنا نویں سرے توں پیدا ہوئے مسیحی لوکاں دا باطنی اخلاق اے۔
سانوں لازمی طور تے نرم مزاجی وی رکھنی چاہی دی اے بھانویں لوک ساڈے نال غلط کردے نیں۔ جد تائیں اوہ ایس خوشخبری نوں روکن دی کوشش نئیں کردے نیں، سانوں لازمی طور تے ہر کسے نال نرم مزاج ہونا چاہی دا اے۔ پر جے او ہ روکدے نیں، تد فیر سانوں لازمی طور تے نرم مزاجی دی روشنی نوں سچیائی دی روشنی نال بدلنا چاہی دا اے۔ نرم مزاجی صرف خدا دی سچیائی وچ پائی جاندی اے، لہذا اوہ لوک جیہڑے مخالفت کردے، مداخلت کردے یا خدا دے کلام اُتے الزام لاؤندے نیں اوہ نرم مزاجی نال پیش آؤن دے حقدار نئیں ایں۔
خدا اوہناں نوں معاف نئیں کردا جیہڑے اوہدی مخالفت کردے نئیں سگوں اوہناں توں قیمت ادا کراؤندا اے۔ خُدا نے ابرہام نوں آکھیا، ” جیہڑے تینوں مبارک کہن اوہناں نوں میں برکت دیوانگا تے جیہڑے تیرے اُتے لعنت کرن اوس اُتے میں لعنت کرانگا“ (پیدائش۱۲:۳)۔ اوہ لوک جیہڑے ایس سچی خوشخبری دی مخالفت کردے نیں اوہ بچن دی کوئی راہ نئیں رکھدے۔ اوہ لوک تباہی توں بچن دے قابل نئیں ہوون گے، اوہ نہ صرف اپنیاں حیاتیاں نوں سگوں اپنےنیانیاں دی تیجی نسل تک نوں وی تباہ کرن گے ۔
سانوں کیوں تحمل بردار تے حلیم ہونا اے؟ جس طرحاں ایہہ طِطُس ۳:۳ وچ لکھیا ہُویا اے، ” کیوں جے اسیں وی پہلاں نادان۔ نافرمان۔ فریب کھان والے تے رنگ برنگیاں سدھراں تے عیش و عشرت دے بندے ساں تے بدخواہی تے حسد وچ حیاتی گذاردے ساں۔ نفرت دے لائق ساں تے آپس وچ بغض رکھدے ساں۔ “اسیں نویں سرے توں پیدا ہوون توں پہلاں ایہناں لوکاں وانگرساں۔ لہذا سانوں لازمی طور تے اوہناں نوں برداشت کرنا تے معاف کرنا چاہی دا اے کیوں جے اسیں وی کدی اوہناں وانگر ساں۔
طِطُس ۳: ۴ ۔ ۸ ، وچ ایہہ آکھدا اے، ” پر جد ساڈے منجی خُدا دی مہربانی تے بندے نال اوہدی الفت ظاہر ہوئی۔ تے اوہنے سانوں رہائی دتی پر راستبازی دے کماں دے سبب توں نئیں جیہڑے اسیں آپ کیتے سگوں اپنی رحمت دے مطابق نویں پیدائش دے غسل
تے رُوح پاک دے سانوں نواں بناؤن دے وسیلے۔ جنہوں اوہنے ساڈے منجی یسوع مسیح دے راہیں ساڈے اُتے کثرت نال نازل کیتا۔ ایس لئی پئی اسیں اوہدے فضل توں راستبازٹھہر کے ہمیش دی حیاتی دی امید دے مطابق وارث بنیے۔ ایہہ گل سچ اے تے میں چاؤہندا واں پئی توں ایہناں گلاں دا یقین نال دعویٰ کریں تاں پئی جنہاں نے خدا دا یقین کیتا اے اوہ چنگے کماں وچ لگے رہن دا خیال رکھن۔ ایہہ گلاں چنگیاں تے بندیاں دے لئی فائدہ مند نیں۔ “
بائبل دے مطابق، خُدا نے سانوں ساڈے پاپاں توں ایس لئی نئیں بچایا پئی اسیں چنگے کم کیتے سن۔ اوہنے سانوں نویں سرے توں پیدا ہون دی برکت دتی کیوں جے اوہنے ساڈے نال محبت کیتی تے ساڈے اُتے ترس کھادا ۔ دوجیاں اکھراں وچ، یسوع مسیح ایس دُنیا وچ آیا، بپتسمہ لیا، سولی اُتے مر گیا، جی اُٹھیا، تے ایس طرحاں ساڈے سارے پاپاں نوں دھو دتا۔ یسوع مسیح جی اُٹھیا تے ہن خُدا دے سجے ہتھ بیٹھا ہویا اے۔ پئی فیرمُردیاں وچوں جی اٹھن دے راہیں، دنیا وچ ساریاں اُدھوریاں شیواں پوریاں ہو گیاں سن۔
خُدا نے سانوں یسوع مسیح ساڈے مکتی داتا دے راہیں رُوح پاک نال برکت دِتی۔ یسوع مسیح نے دُنیا دے سارے پاپاں نوں چُک لے جاون لئی یوحنا ہتھوں بپتسمہ لیا تے صلیب اُتے مر گیاتاں پئی ساڈے سارے پاپ معاف ہو سکن۔ اسیں رہائی پاؤن والے ہوگئے تے راستباز بن چکے آں۔
بائبل ایہہ وی آکھدی اے ، ” ایس لئی پئی اسیں اوہدے فضل توں راستبازٹھہر کے ہمیش دی حیاتی دی اُمید نال وارث بنیے۔ “ ایہدا مطلب ایہہ وے پئی اسیں خُد ادے وارثاں دے طورتے اوہ لوک آں جنہاں نے اوہدی ساری دولت تے جلال نوں وراثت وچ پایا۔ ایس قسم دی بابرکت حیاتی گزارن لئی، سانوں لازمی طور تے رُوح پاک دی بھرپوری وچ حیاتی گزارنی چاہی دی اے۔ تہانوں لازمی طور تے پانی تے رُوح دی ایس خوشخبری اُتے ایمان رکھنا چاہی دا اے، اپنے سارے پاپاں توں معاف ہونا تے دوجیاں تیک ایس خوشخبری دی منادی کرنا چاہی دا اے۔
ایس لئی، اپنے پاپاں توں معاف ہون دے بعدوں، سانوں لازمی طور تے دوجیاں دے فائدے لئی کم کرنا چاہی دا اے۔ سانوں لازمی طور تے دنیا دے اصولاں نوں قائم رکھنا چاہی دا اے تے اوہناں تیک ایس خوشخبری دی منادی کرنا چاہی دا اے جیہڑے خدا نوں لبھ دے پئے نیں۔ تے سانوں لازمی طور تے اوہناں لوکاں نوں معاف کرنا چاہی دا اے جیہڑے ساڈا قصور کردے نیں تے نیکی تے حلیمی نال اوہناں نال پیش آنا چاہی دا اے تاں پئی اوہ ایس سوہنی خوشخبری دی منادی کرن وچ مداخلت نہ کر سکن۔ ”ایہہ گلاں چنگیاں تے بندیاں دے لئی نفع دین والیاں نیں۔ “ جے تسیں رُوح پاک دی بھرپوری دی سدھر رکھدے او، تدفیر لازمی طور تے تہانوں یاد رکھنا چاہی دا اے پئی پولوس نے سانوں کیہ آکھیا۔ ایہہ شاید کسے خاص شے وانگر وکھالی نہ دینداہووے ، پر ایہہ اکھر بوہت لوڑی دے نیں۔
کیوں جے اسیں ایس جگ وچ رہندے پئے آں، ایس لئی جے اسیں ایس جگ دے اصولاں دی نافرمانی کرن دے راہیں دوجیاں نال کھِچا تانی وچ رہندے آں تد فیراسیں رُوح پاک نال نئیں بھر سکدے۔ ایس لئی جد تیک ایہہ قانون خدا دے کلام دی مخالفت نئیں کردا تد تیک سانوں لازمی طور تے ایہدی فرمانبرداری کرنی چاہی دی اے ۔ سانوں لازمی طور تے ایس دنیا دے اصولاں دی فرمانبرداری کرنی چاہی دی اے۔ جے اسیں روح پاک نال بھریاں ہویاں حیاتیاں گزارن دی سدھر رکھدے آں تد فیر گو بھانویں اسیں ایمان رکھدے آں، قانون دی پیروی کرنا بوہت چنگی گل اے۔ چنگے کم کرن لئی سانوں لازمی طور تے دنیا دے قانون اُتے چلنا چاہی دا اے تے اپنے گوانڈیاں نال پیارکرنا چاہی دا اے۔
کیہ تسیں رُوح پاک توں بھرپور حیاتی گزارنا چاؤہندے او؟
افسیوں ۵: ۸۔ ۱۱ آکھدا اے، ” کیوں جے تسیں پہلاں ہنیرا سو پر ہن خُداوند وچ نُور او۔ ایس لئی نُور دے فرزنداں وانگر چلو۔(ایس لئی پئی نُور دا پھل ہر طرحاں دی نیکی تے راستبازی تے سچیائی اے)۔ تے تجربے دےنال پتہ کردے رہو پئی خداوند نوں کیہ چنگا لگدا اے۔ تے ہنیرے دے بے پھل کماں وچ شامل نہ ہو ووسگوں ایہناں اُتے ملامت ای کریا کرو۔“ ایہہ حوالہ سانوں نُور دے فرزنداں دے طور تے چلن لئی تے رُوح دے پھل پاؤن لئی آکھدا اے ۔
فیر افسیوں ۵ :۱۲۔۱۳ آکھ دا اے، ” کیوں جے اوہناں دے لُکے ہوئے کماں دا ذکر وی کرنا شرم دی گَل اے۔تے جیہڑیاں شیواں اُتے ملامت ہوندی اے اوہ ساریاں نور توں ظاہر ہوندیاں نیں کیوں جے جوکجھ ظاہر کیتا جاندا اے اوہ روشن ہو جاندا اے۔ “ پولوس ایتھے آکھدا اے پئی ساریاں شیواں جیہڑیاں ظاہر ہوندیاں نیں اوہ نور دے وسیلے ظاہر ہوندیاں نیں۔ جے اک بندہ راستبازی نال حیاتی نئیں گزارسکدا تد فیر اوہ خداولوں یا اپنے آپ ولوں ای ظاہر کیتا جاوے گا۔ کیہ واقع ہوندا اے جدوں کوئی بندہ ہنیرے دے کم کردا پایا جاندا اے تے نور دے وسیلے اوہدی ملامت کیتی جاندی اے؟ اپنیاں غلطیاں من لین بعدوں، اوہدا دل جد اوہ فیر خدا دا سامنا کردا اے روشن ہوجاندا اے ۔ ”تے جیہڑیاں شیواں اُتے ملامت ہوندی اے اوہ ساریاں نور توں ظاہر ہوندیاں نیں کیوں جے جوکجھ ظاہر کیتا جاندا اے اوہ روشن ہو جاندا اے۔ “ نُور دے اگے ظاہر ہوناچنگی گل اے۔ تد اسیں اپنیاں غلطیاں نوں من سکدے آں تے خدا دے ول پرت سکدے آں۔
جے اسیں واقعی رُوح پاک توں بھرپور حیاتی گزارنا چاؤہندے آں، فیرسانوں لازمی طور تے اپنے دلاں وچ مہربانی رکھنی چاہی دی اے۔ گو بھانویں کوئی بندہ اپنے دل وچ کوئی پاپ نئیں رکھدا اے، ایہدا مطلب ایہہ نئیں اے پئی اوہنوں مہربان ہوون دی لوڑ نئیں اے ۔ سانوں لازمی طور تے اپنے دلاں وچ نیکی تے مہربانی نال زندہ رہنا چاہی دا اے۔ سانوں عقلمندی نال لازمی طور تےمنادی کرنی چاہی دا اے تے اوہناں لوکاں لئی دعا کرنی چاہی دی اے جیہڑے پانی تے روح دی ایس خوشخبری نوں نئیں جان دے تاں پئی اوہ ایہنوں سمجھ سکن تے اپنے پاپاں توں معاف ہو سکن۔ تے سانوں لازمی طور تے دوجیاں نوں نقصان وی نئیں دینا چاہی دا اے۔ سانوں لازمی طور تے ایس خوشخبری لئی کھانا، سونا تے زندہ رہنا چاہی دا اے تے ایس طرحاں دوجیاں دی خدمت کرنی چاہی دی اے۔
رُوح پاک نال بھرپور حیاتی گزارن لئی، سانوں لازمی طور تے ویلے دی اہمیت دے بارے وچ سوچنا چاہی دا اے تے عقل والے بندیاں وانگرایس سوہنی خوشخبری دی خدمت کرنی چاہی دی اے۔ جدوں اسیں دنیا نال محبت کردے آں تد فیر اسیں ہنیرے دی ترکیب دا شکار بن جاندے آں تے خدا دا کم کرن وچ لاپرواہ ہو سکدے آں۔ ایس لئی، سانوں لازمی طور تے اپنیاں اکھاں خداوند اُتے لاؤنیاں چاہی دیاں نیں تے اوہدی مرضی مطابق کم کرنا چاہی دا اے ۔ اوس رہائی اُتے ایمان رکھدیاں ہویاں جیہڑی خدا نے سانوں د تی سانوں لازمی طور تے ہر ویلے نگہبانی وی کرنی چاہی دی اے۔ رُوح دی حکمت نال بھرے بندے نوں اپنے آپ نوں دنیا دے ہنیرے نال بھر جاون توں پہلاں عالمگیر طور اُتے ایس سوہنی خوشخبری دی منادی کرن لئی وقف کر دینا چاہی دااے۔
خُداوند دی مرضی نوں سمجھو
سانوں لازمی طور تے ایہہ جانن دی کوشش کرنی چاہی دی اے پئی خدا نوں کیہڑی شے شاد کردی اے۔ سانوں لازمی طور تے جاننا چاہی دا اے پئی اوہ اپنی کلیسیا تے کلام دے وسیلے ساڈے توں کیہ چاؤہندا اے ،پئی اسی کرئیے۔ سانوں جاننا چاہی دا اے پئی اسیں خدا نوں شاد کرن لئی کیہ کرسکدے آں تے ایس طرحاں اپنے لئی اوہدی مرضی دا اندازہ لا سکدے آں۔
لوک جیہڑے اپنے پاپاں توں معاف کیتے گئے نیں اوہ لوک نیں جیہڑے نویں سرے توں پیدا ہوئے نیں تے نویں سرے توں پیدا ہوئے لوک اوہ نیں جیہڑے اپنے وچ رُوح پاک رکھدے نیں تے اوہ واقعی پاک لوک تے خدا دے پُتر نیں۔ اوہناں نوں لازمی طور تے رُوح پاک توں بھرپور حیاتی گزارنی چاہی دی اے۔ ایہہ سارے مقدساں دا فرض اے۔ سانوں دوجیاں دیاں تھوڑاں توں لاپرواہ ہوکے، اپنیاں صلاحیتاں تے توانائیاں خراب نئیں کرنی چاہی دا اے۔ سانوں ویلے دی ندی نال وَگدیاں ہویاں خُدا دے کماں وچ رکاوٹ نئیں پاؤنی چاہی دی۔
جے اسیں خدا دی محبت دے وسیلے پاک ہو چکے آں تے نویں پیدائش حاصل کر چکے آں تد فیر سانوں لازمی طور تے اوہدا کم جاری رکھن تے کرن لئی اک چنگابندہ بن جانا چاہی دا اے۔ جے اسیں اوہدے اُتے ایمان رکھن دے وسیلے خدا دے پُتر بنے آں، فیر ساڈے لئی نیکی دے لوک بننا واجب اے۔
خدا دے پُتراں دا جثہ کا ملیت توں بوہت دور اے پر ایہہ خدا نوں شادکردا اے: شرط ایہہ وے پئی جےاسیں خدا دی مرضی بارے فکر مند ہوندےآں تے چنگے کم کردےآں۔ پراوہ لوک جیہڑے نویں سرے توں پیدا ہوئے نیں ، جے اوہ صرف اپنے آپ لئی جیوندےرہندے نیں تد فیر اوہ دوجیاں نال وی بدی کرن دا رجحان رکھدے نیں ۔ ” تے شراب وچ متوالے نہ بنو کیوں جے ایہدے توں بدچلنی واقع ہوندی اے سگوں رُوح توں بھرپور ہوندے جاو۔) “افسیوں ۵: ۱۸) دا مطلب ایہہ وے پئی جثے دیاں سدھراں نال شرابی نئیں بننا چاہی دا اے سگوں سانوں لازمی طور تے نیکی دے کم کرنے چاہی دے نیں۔
پولوس نے افسیوں ۵ :۱۹۔۲۱ وچ آکھیا، ”تے آپس وچ زبور تے گیت تے رُوحانی غزلاں گایا کرو تے دل توں خُداوند لئی گاؤندے وجاؤندے رہیا کرو۔ تے ساریاں گلاں وچ ساڈے خداوند یسوع مسیح دے ناں توں ہمیش خُداباپ دا شکر کردے رہو۔ تے مسیح دے ڈر توں اک دوجے دے تابع رہو۔ “ جے اسیں رُوح پاک توں بھرپور حیاتی گزارنا چاؤہندے آں، تد فیرسانوں لازمی طور تے ایمان رکھنا چاہی دا اے تے رہائی دی ایس خوشخبری دی منادی کرنا چاہی دا اے تے اوہ سب کجھ ظاہر کرنا چاہی دا جو کجھ خدا ساڈے لئی کر چکیا اے ۔
جدو ں وی اسیں دعا کردے آ ں تے خدا سانوں برکت دیندا اے تے اوہنے ایہہ ساریاں برکتاں ساڈے لئی زبورتے گیت تے روحانی غزلاں دی آواز وچ اوہدی تعریف کرن لئی محفوظ کیتیاں نیں۔ سانوں لازمی طور تے تعریف کرنی، شکر کرنا تے اوہدی ستائش کرنی چاہی دی اے۔ جد اسیں اوہناں لئی جیہڑے ہن تک نویں سرےتوں نئیں جمےنیں تے اک دوجے لئی دعا کردے آں تد فیر اسیں رُوح پاک نال بھرپور با برکت حیاتیاں گزار سکدے آں۔ سانوں لازمی طور تے اپنے دلاں دی اندر دی ڈوہنگیائی توں خدا دا شکر ادا کرنا چاہی دا اے تے یسوع مسیح دی تعظیم کرنی چاہی دی اے جنہےسانوں بچایا۔ اپنیاں دلاں وچ ایہناں خیالاں نال، سانوں لازمی طور تے اپنیاں غلطیاں من لین دے قابل ہونا چاہی دا اے، تے اپنے پاپاں دی رہائی لئی اپنی سمجھ دی دَس پاؤنی چاہی دی تے اوہدی فرمانبرداری کرنی چاہی دی اے۔ رُوح پاک نال بھرپور حیاتی گزارن دا ایہو ای مطلب اے۔
سانوں لازمی طور تے اپنیاں باقی دیاں حیاتیاں وچ ایس سوہنی خوشخبری دی خدمت کرنی چاہی دی اے
سانوں لازمی طور تے چنگے کماں دا منصوبہ بنانا چاہی دا اے تے ایس سوہنی خوشخبری دے بوہتے جلال لئی اوہدی پیروی کرنی چاہی دی اے۔ خدا دی کلیسیا نال شامل ہو کے، سانوں رَل کے دعا کرنی چاہی دی اے تے ہر کسے دی جان نوں بچاؤن لئی خدا نوں پکارنا چاہی دا اے۔ ہن تیک بوہت سارے لوک موجود نیں جیہڑے نویں سرے توں پیدا نئیں ہوسکے کیوں جے اوہ ایس سوہنی خوشخبری نوں نئیں جان دے گو بھانویں اوہ خدا نوں لبھ چکے نیں۔ سانوں لازمی طور تے ایہناں لوکاں لئی ایہہ کہندیاں ہویاں دعا کرنی چاہی دی اے ”اے خدا، مہربانی نال اوہناں نوں وی بچا۔“ تے سانوں لازمی طور تے خودغرض شیواں دی پیروی نئیں کرنی چاہی دی سگوں گواچیاں نوں بچاؤن لئی ایس خوشخبری دی خدمت لئی اپنیاں ملکیتی شیواں نوں پیش کرنا چاہی دا اے۔ دوجیاں دیاں جاناں تے خدا دی بادشاہی دے پھیلاؤ لئی جیوندے
رہنا چنگا کم کرنا اے۔
ایس قسم دا کم کرن دا مطلب رُوح پاک توں بھرپور حیاتی گزارنا اے۔ رُوح پاک دی بھرپوری نال زندہ رہن دا مطلب غیر زباناں وچ بولن تے معجزے کرن دے صلاحیت نوں رکھنا نئیں اے سگوں ایہہ جاننا اے پئی خدا نوں کس طرحاں شاد کرنا اے۔ ایہدا مطلب اوس رہائی اُتے ایمان رکھنا اے جیہڑی خدا نے سانوں دتی، پئی غزلاں تے زبوراں نال خدا دی تعریف کرنا تے جلال دینا اے۔ ساڈے پورے دلاں نال خدا دا شکر ادا کرنا، تعریف کرنا تے جلال دینا، تے راستبازی دے اوزاراں دے طور اُتے اپنے جثیاں نال اوہدی خدمت کرنا خدا دی مرضی اے۔ اوہدے حکماں دی پیروی کرن دا مطلب رُوح پاک توں بھرپور حیاتی گزارنا اے۔
رُوح پاک توں بھرپور حیاتی گزارن لئی، سانوں لازمی طور تے اک دوجے دی فرمانبرداری کرنی چاہی دی اے۔ جے سانوں کوئی نصیحت کردا اے، تد فیرسانوں لازمی طور تے ایہنوںسننا چاہی دا اے پئی اوہ کیہ کہندا اے۔ ایسے طریقے نال جے میں اوہنوں نصیحت کردا واں تد فیر اوہنوں سننا چاہی دا اے گو بھانویں اوہ میرے نال اتفاق نئیں کردا۔ ایسے طرحاں سانوں اک دوجے دی فرمانبرداری کرن تے خدا دا کم کرن دے وسیلے نال لازمی طور تے رُوح پاک توں بھرپور حیاتی گزارنی چاہی دی اے۔
رُوح توں بھرپور حیاتی گزارن دا مطلب یسوع مسیح نوں جلال دینا اے
رُوح توں بھرپور حیاتی گزارن دا مطلب یسوع مسیح دے حکماں اُتے عمل کرنا اے۔ آواسیں افسیوں۶: ۱۰۔۱۳ نوں پڑھن دے راہیں جانیے پئی ایہدا کیہ مطلب اے۔ ”اخیری، میرے بھراؤ! ’ خُداوند وچ تے اوہدی قدرت دے زور وچ مضبوط بنو۔ خُدادے سارے ہتھیار بنھ لوو تاں پئی تسیں ابلیس دے منصوبیاں دے مقابلے وچ قائم رہ سکو۔ کیوں جے سانوں لہو تے گوشت نال کشتی نئیں کرنا اے سگوں حکومت والیاں تے اختیار والیاں تے ایس دنیا دے ہنیریاں دیاں حاکماں تے شرارت دی اوہناں روحانی فوجاں نال جیہڑیاں اسمانی مقاماں وچ نیں۔ ایس واسطے تسیں خدا دے سارے ہتھیار بنھ لوو اتاں پئی ماڑے دن وچ مقابلہ
کر سکو تے سارے کماں نوں انجام دے کے قائم رہ سکو۔“
رُوح توں بھرپور حیاتی گزارن دا کیہ مطلب اے؟ ایہدا مطلب خداوند وچ مضبوط ہونا تے اوہدے اختیار اُتے ایمان رکھنا اے۔ ایہدا مطلب اوس روح پاک دی قدرت دے وسیلے زندہ رہنا اے جیہڑا ساڈے وچ وسدا اے تے صرف ساڈی ذاتی مرضی دے وسیلے توں زندہ رہنا نئیں اے۔ مزید ایہہ پئی، ایہدا مطلب اک دعائیہ حیاتی گزارنا اے۔ دعا کرن دے وسیلے اسیں ہور صلاحیتاں تے برکتاں پاؤندیا ں ہویاں اک زبردست حیاتی گزار سکدے آں جیہڑی خدا عطا کردا اے۔ ایس قسم دی حیاتی گزارن دا مطلب خدا دے ہتھیار بنھ لینا اے۔ اسیں ایہنے کمزور آں پئی جے اسیں اوہدے نال چلن، خدمت کرن تے خدا دی فرمانبرداری کرن دی کوشش کردے وی آں تد وی اسیں اوس ویلے تائیں رُوح توں بھرپور حیاتی گزار نئیں سکدے جد تائیں اسیں اوہدے کلام اُتے قائم نئیں رہندے آں۔
خدا دے کلام اُتے عقیدے ساڈے روحانی اختیار اُتے فخر کرن لئی بوہت ضروری اے۔ گو بھانویں اسیں ایمان رکھدے آں، سانوں لازمی طور تے ایہہ کہن دے وسیلے خدا دے سارے ہتھیار بنھ لینے چاہی دے نیں پئی، ” مینوں یقین اے پئی ایہہ ایسے طرحاں ہووے گاجس طرحاں ایہہ خدا دے کلام وچ لکھیا ہویا اے۔“ ایہہ اوہ ایمان اے جیہڑا سانوں روح پاک توں بھرپور حیاتی گزارن دے قابل کردا اے۔
کیہ تہاڈے وچوں کسے نوں ایس قسم دی حیاتی گزارن وچ مسئلے نیں؟ تد صحیفیاں تے کلام نوں یاد رکھو تے خدا دے سارے ہتھیا ربنھ لوو۔ خدا نے سانوں اپنے سارے ہتھیار بنھ لین لئی آکھیا۔ ڈوہنگیائی نال اپنے دل دے وچ کلام نوں لین دے وسیلے، تسیں جانوگے پئی خدا دے سارے ہتھیاربنھ لین دا کیہ مطلب اے۔ ساڈا ماحول تے دوجے لوک کیہ آکھدے نیں توں اِڈ سانوں خدا دے کلام اُتے مضبوطی دےنال قائم رہنا چاہیدا۔ ایس طریقے نال اسیں رُوح پاک توں بھرپور حیاتی گزاراں گے۔
اسیں کِتھوں ایہہ عقیدہ پاسکدے آں؟ مکاشفہ ۳: ۲۲ آکھدا اے، ” جیہدے کن ہوون اوہ سُنے پئی رُوح کلیسیاواں نوں کیہ فرماؤندا اے۔ “ سانوں سننا چاہی دا اے پئی روح کلیسیا نوں کیہ فرماؤندا اے۔ دوجے اکھراں وچ، خدا دے خادماں توں بغیر اسیں خدا دے کلام نوں نہ تے سن سکدے ساں تے نہ ای روح پاک توں بھرپور حیاتی گزار سکدے ساں۔ روح پاک کنہاں دے وسیلے کلام کردا اے؟ خدا اپنی کلیسیا وچ مقدساں تے دُنیا دے سارے لوکاں نال اپنے خادماں دے وسیلے کلام کردا اے ۔
ایہہ آکھن توں مراد ایہہ وے پئی تہانوں ایمان رکھنا چاہی دا اے پئی خدا دی کلیسیا دیاں تعلیماں
لازمی طور تے خدا دے کلام اُتے مبنی نیں۔ تہانوں ذہن وچ ایسے ایمان نال کلیسیا دیاں تعلیماں نوں قبول کرن دی لوڑ اے۔ جے روح پاک کسے مبشر وچ نئیں وسدا، تے فیر اوہدے لئی اپنے ذاتی خیالاں دی تعلیم دین دا امکان ہووے گا۔ اوہ مبشر جیہڑا رُوح پاک دی بھرپوری رکھدا اے رُوح پاک دے اختیار ہیٹھ خدا دے کلام دی منادی کردا اے۔ جے اوہ ایس طرحاں نئیں کردا اے سگوں بائبل دے مطابق بے بنیاد اکھراں دی منادی کردا اے، تد فیررُوح پاک اوہنوں روکدا اے کیوں جے اوہ اوہدے دل وچ وسدا اے۔
رُوح پاک خدا اے۔ خدا دے خادم دا اختیار بوہت زیادہ اُچیرا اے کیوں جے خدا اوہدے وچ وسدا اے۔ نویں عہدنامے وچ، یسوع مسیح نے پطرس نوں آکھیا، ” میَں اسمان دی بادشاہی دیاں کُنجیاں تینوں دیوانگا “ (متی۱۶ :۱۹)۔ اسمان دی بادشاہی دیاں کنجیاں پانی تے رُوح دی ایہہ خوشخبری نیں۔ دوجے اکھراں وچ، ایہہ خوشخبری اسمان وچ داخل ہوون دی کنجی اے۔ خدا نے نہ صرف پطرس نوں خدا دے کلام دی منادی کرن دا اختیار دتا سگوں خدا دے ہر خادم تے سارے مقدساں نوں وی دتاا ے ،جدوں اوہ نویں سرے توں پیدا ہوندے نیں تے رُوح پاک دی بھرپوری رکھدے نیں۔
رُوح پاک توں بھرپور حیاتی گزارن لئی، سانوں لازمی طور تے خدا دے سارے ہتھیار بنھ لینے چاہی دے نیں۔ جے اسیں ایمان نئیں رکھدے، تد فیرسانوں لازمی طور تے کلیسیا تے خدا دے خادماں دے اختیار اُتے ایمان رکھن دے وسیلے ہر روز کلیسیا دیاں تعلیماں نوں ذہن وچ رکھناچاہی دا اے ۔ گو بھانویں ایہہ پیغام جیہڑا اج تسیں سن دے او کسے فائدے دا نئیں تے براہِ راست تہاڈی حیاتی نال تعلق نئیں رکھدااے، تد وی تہانوں لازمی طور تے ایہنوں ہر حال وچ سننا چاہی دا اے تے ایہنوں اپنے دل وچ لینا چاہی دا اے۔ بائبل وچوں اوہ اکھر لبھوجیہڑے تہاڈی ہرروز دی حیاتی وچ ضروری نیں۔ اوہناں اُتے قائم رہو۔ ایس طریقے نال، تسیں ایماندار مرد ہوو گے۔ تد تسیں رُوح پاک توں بھرپور حیاتی گزارن، خدا نال چلن تے دنیا وچ اختیار والیاں تے ہنیرے دے حاکماں دے خلاف جنگ جِتن دے قابل ہوو گے۔
تسیں شاید پریشان ہو چکے او کیوں جے تہانوں دسیا گیا سی پئی تہانوں دنیا دے حکمراناں دی فرمانبرداری کرنی چاہی دی اے پر ہن میں آکھدا واں پئی تہانوں دنیا دے ہنیرے دے حکمراناں دے خلاف لڑنا چاہی دا اے۔ رومی دور وچ ،رومی شہنشاہ اپنے آپ نوں خدا کھواؤندا سی تے قانون ایس گل دی منگ کردا سی پئی سارے لوک اوہدے نال خدا دے طور تے ورتاوا کرن۔ پر ایہہ اک ایس طرحاں دا کم سی جیہڑا مسیحی لوک نئیں کرسکدے سن کیوں جے ایہہ خدا دے کلام دے خلاف سی۔ مسیحی اوس ویلے دے دوران اوس رومی شہنشاہ دے خلاف لڑن تو ں اڈ کوئی وی چارہ نئیں رکھدے سن، جنہےلوکاں نوں اوہدے اگے جھُکن اُتے مجبور کیتا جیویں پئی اوہ اک خدا ہووے۔
ابلیس نال لڑائی جِتن لئی، سانوں لازمی طور تے خدا دے کلام اُتے ایمان رکھنا چاہی دا اے تے ایہدے اُتے مضبوطی نال قائم رہناچاہی دا اے۔ جے اسیں خدا دے کلام دے مطابق زندہ رہندے آں تد فیر اسیں اوہدی برکت پاواں گے تے ابلیس نوں ہراؤن دے قابل ہوواں گے۔ گو بھانویں اسیں رہائی پاچکے آں تد وی اسیں شیطان دے خلاف ہار جاواں گے جد تائیں اسیں خدا دے کلام وچ مضبوطی نال قائم نئیں رہواں گے۔ خدا سانوں خبردر کردا اے، ” تہاڈا مخالف اِبلیس گرجن والے شیر ببر وانگر لبھدا پھردا اے پئی کس نوں پھاڑکھاوے“ ( ۱۔پطرس ۵:۸)۔کوئی بندہ جیہڑا خدا دے کلام اُتے ایمان نئیں رکھدااوہ آسانی نال شیطان دا شکار ہو سکدا اے۔
ایتھوں تیک پئی یسوع وی شیطان دے خلاف نہ لڑسکدا جے اوہ خدا دے کلام وچوں نہ ہوندا۔ ” اوہنے جواب وچ آکھیا لکھیا اے پئی بندہ صرف روٹی ای نال زندہ نہ رہوے گا سگوں ہر اوس گل نال جیہڑی خدا دے منہ توں نکل دی اے ۔“(متی ۴:۴)۔ اوہنے اِبلیس نوں ایمان دے وسیلے کلام دی طاقت نال دور سُٹیا۔ تے ساڈے بارے وچ کیہ خیال اے؟ اسیں حکمت دی کمی رکھدے آں تے یسوع نال ویروے دے قابل وی نئیں آں۔ ایس لئی سانوں لازمی طور تے خدا دے کلام اُتے پہلاں توں وی بوہتی مضبوطی نال ایمان رکھنا تے قائم رہناچاہی دا اے۔
سانوں محض ایہہ نئیں آکھنا چاہی دا اے، ”میں سوچدا واں کلام درست اے پر میں ایہدے اُتے پورے طور تے ایمان نئیں رکھ سکدا۔“ سانوں لازمی طور تے کلام اُتے مضبوطی نال قائم رہنا چاہی دا اے۔ ” میں ایمان رکھدا واں پئی ہر شے سچ وچ بدل جائے گی جس طرحاں ایہہ لکھیا ہویا اے۔“ ایہہ مناسب ایمان اے تے سانوں خدا دے سارے ہتھیار بنھ لین دی اجازت دیندااے۔ اوہ لوک جیہڑے ایہہ کہندے نیں پئی، ”ہر شے دے درست علم نو ں جانیا جاوے گا جس طرحاں ساڈے خداوند نے آکھیا“ اوہ برکت پاؤن والے ہوون گے۔ جے کوئی خدا دے کلام اُتے قائم رہندا اے تے ایہدے اُتے انحصارکردا اے تد فیر شیواں اوہدے ایمان دے مطابق چنگی طرحاں واقع ہوون گیاں۔ گو بھانویں ابلیس سانوں آزماؤن دی کوشش کردا اے، پرجے اسیں آکھ دے آں، ” میں خدا دے کلام اُتے ایمان رکھدا واں۔ میں ایمان رکھدا واں پئی اوہدے کلام وچ درست جواب موجود نیں۔“ تد فیر ا وہ لازمی طور تے دور چلا جاوے گا۔ ایہہ ابلیس دے خلاف جنگ جِتن دا وَل اے۔
سانوں لازمی طور تے خدا دے کلام اُتے قائم رہنا چاہی دا اے
”ایس واسطے تسیں خُدا دے سارے ہتھیار بنھ لوو تاں پئی بُرے دن وچ مقابلہ کرسکو تے سارے کماں نوں پوریاں کر کے قائم رہ سکو۔ صرف سچیائی نال اپنی کمر کس کے تے راستبازی دا بکتر لا کے۔تے پیر وچ صلح دی خوشخبری دی تیاری دی جوتی پا کے۔تے اوہناں ساریاں نال ایمان دی ڈھال لاکے قائم رہو۔ تاں پئی تسیں اوس شریر دے سارے سڑدیاں ہویاں تیراں نوں بُجھا سکو۔تے رہائی دا خودتے رُوح دی تلوار جیہڑا خُدا دا کلا م اے لے لوو۔ “(افسیوں ۶: ۱۳۔۱۷)
حوالے وچ، ” صرف سچیائی نال اپنی کمر کس کے “ خُدا دا کلام کسے دی کمر نوں کسن دا اک پیٹی نال موازنہ کردا اے۔ ایہدا مطلب ایہہ وے پئی سانوں لازمی طور تے اپنے ذہناں نوں خدا دے کلام نال کسنا چاہی دا اے۔ اوہ سانوں سچیائی دے کلام دی پیروی کرن لئی آکھن دیا اے تاں پئی اسیں خدا نال اک ای ذہن دے ہو سکیے۔ پر جس طرحاں ایہہ پیٹی جثے دے دوالے مضبوطی نال بنھی جاندی اے ، اوسے طرحاں سانوں وی لازمی طور تے اپنے آپ نوں خدا دے کلام نال مضبوطی نال بنھے رکھنا چاہی دا اے۔ جد اسیں خدا نال اک ذہن ہوندے آں تد فیر اسیں فطری طور تے ایمان رکھن تے ایہہ کہن دے قابل ہو جاندے آں پئی، ”میں ایمان رکھدا واں ہرشے چنگی طرحاں ہووے گی۔ مینوں یقین اے پئی ہر شے بالکل اوسے طرحا ں ظاہر ہووے گی جس طرحاں خدا نے آکھیا۔“
اگلی گل ایہہ پئی سانوں راستبازی دا بکترلاؤنا اے۔ سانوں لازمی طور تے پانی تے روح دی ایس خوشخبری دا بکتر لاؤنا اے جیہڑا کہندا اے پئی خدا سانوں بچا چکیا اے۔ سانوں لازمی طور تے سچیائی نال راستبازی دا بکتر لا کے اپنے لک کسنے چاہی دے نیں۔ سانوں لازمی طور تے قیمتی پتھراں دا بکتر لاؤنا چاہی دااے۔ سانوں لازمی طور تے ایس عقیدے اُتے اوہنوں لاؤنا چاہی دا اے پئی خدا ساڈے سارے پاپ معاف کر چکیا اے۔ سانوں لازمی طور تے اپنے پورے دل نال خدا اُتے ایمان رکھنا چاہی دا اے۔ سانوں لازمی طور تے رہائی دی ایس خوشخبری دی منادی کرنا چاہی دا اے جیہڑی سلامتی بخشدی اے۔
اُتلےسارے کلام اُتے قائم رہن بعدوں، سانوں ساڈے پیراں وچ صلح دی ایس خوشخبری دی تیاری دی جوتی پاؤنی چاہی دی اے ،تے رہائی دی ایس خوشخبری دی منادی کرن لئی جانا چاہی دا اے جیہڑی سارے لوکاں نوں خدا دی سلامتی بخشدی اے۔ جے اسیں اپنے پاپاں توں رہائی پا چکے آں،تد فیراسیں اپنے منہ دے وسیلے عقیدے دا اقرار کردے آں۔ تے ہر ویلے جد ساڈے پاپ تے برائی ظاہر ہوندے نیں، تد سانوں لازمی طور تے ایس سچیائی اُتے غور کرن دے وسیلے اوہناں نوں پاک کرنا چاہی دا اے پئی خدا پہلاں ای ساڈے سارے پاپ معاف کرچکیا اے۔ اوہنے ایس طرحاں یسوع دے بپتسمہ تے اوہدے صلیبی لہو دے راہیں کیتا ۔ سانوں لازمی طور تے خدا دا شکر ادا کرن دے وسیلے جلال نال بھری ہوئی حیاتی گزارنی چاہی دی اے۔ سانوں لازمی طور تے پانی تے روح دی ایس خوشخبری دی منادی کرنی چاہی دا اے، جیہڑی ہر اوس شخص نوں سلامتی بخشدی اے جیہڑا ہالے وی اپنے پاپاں توں رہا نئیں ہویا اے ۔
ساریاں توں ودھ کے ،سانوں لازمی طور تے ایمان دی ڈھال دے نال بدکار دے خلاف لڑنا چاہی دا اے۔ جد شیطان حملہ کردا اے ، سانوں لازمی طور تے اک ہتھ وچ ایمان دی ڈھال تے دوجے ہتھ وچ سچیائی دے کلام نال اوہنوں دورسُٹنا چاہی دا اے۔
فیر سانوں لازمی طور تے رہائی داخود پاناچاہی دا اے۔ سانوں ایہہ کہندیاں ہویاں رہائی دے کلام نوں قبول کرنا اے پئی، ” میں پانی تے رُوح دی ایس خوشخبری دے وسیلے اپنے سارے پاپاں توں بچایا گیا ساں۔ خدا نے ایس وَلّ نال میریاں پاپاں نوں معاف کیتا۔“ سانوں اپنے دماغ وچ سچیائی نوں پچھاننا چاہی دا اے۔ سانوں لازمی طور تے خدا دے کلام، رہائی دے خود تے روح دی تلوار نوں ابلیس دے خلاف اپنے ہتھیار بناؤنا چاہی دا اے۔
جے شیطان ساڈے اُتے حملہ کردا اے تد فیرسانوں لازمی طور تے تلوار کڈھنی چاہی دی اے تے اوہنوں شکست دینی چاہی دی اے۔ ” خدا نے ایہہ آکھیا! تے میں ایہدےتےایسے طرحاں ایمان رکھدا واں!“ اسیں خدا دے کلام اُتے ایمان دے وسیلے توں شیطان نوں دور سُٹ دے آں۔ جے اسیں خدا دے کلام اُتے ایمان رکھدے آں تے اپنی روحانی تلوار نوں کڈھدے آں، تد فیر شیطان چیکاں ماردا نس جاوے گا ” اوئی! ایہہ کِناں زخمی کردی اے ۔“ جے اسیں صرف خدا دے کلام اُتے ایمان رکھدے آں تد فیراسیں شیطان دے کسے قسم دے حملے نوں وی شکست دے سکدے آں۔
تہانوں ایہہ اقرار کردیاں ہویاں اک ایس طرحاں دی مذہبی حیاتی گزارنی چاہی دی اے، ” میرا جثہ کا ملیت توں بوہت دور ا ے پر میں خدا دااوہ بندہ واں جیہڑارہائی حاصل کرچکیا اے۔ میں ایمان دے راہیں اوس کلام اُتے قائم رہ کے زندہ رہندا واں جیہدے بارے خدا مینوں دس چکیا اے۔“ جے اسیں ایس قسم دا ایمان رکھدے آں تد فیرجدں وی شیطان ساڈیاں وفادار حیاتیاں نوں پریشان کرن تے خلل پاؤن لئی آندا اے ، اسیں ہر اوس ویلے اوہنوں سچیائی دی تلوار نال نٹھاسکدے آں ۔ جے اسیں صرف زمینی اکھراں نال جوابی حملہ کردے آں تد فیر شیطان اکھ تک وی نئیں جھپکدا۔ ایس لئی سانوں لازمی طور تے ایہہ کہندیاں ہویاں اوہدے خلاف لڑنا چاہی دا اے پئی، ”خدا نے ایس طرحاں ای آکھیا اے ۔“ تد شیطان خدا دے کلام دے اختیار دے سامنے جھک جاوے گا۔
جے اسیں رُوح پاک نال بھرپور حیاتی گزارنا چاؤہندے آں ،تد فیر سانوں لازمی طور تے خدا توں دعا کرنی چاہی دی اے پئی کلیسیا، سارے مقدس لوگ تے خدا دے خادم اپنے آپ نوں ایس خوشخبری دی منادی کرن لئی وقف کر دین۔ ” مینوں دلیری نال ایس خوشخبری دےبھید ظاہر کرن دی اجازت دے،“ ایہہ دعا کرن نال اسیں ایس خوشخبری دی خدمت کردیاں ہویاں بڑی با مقصد حیاتی گزاراں گے۔ ایہہ رو ح پاک نال بھری ہوئی جندڑی اے ۔ رُوح پاک نال بھری ہوئی حیاتی گزرارنا سارے مقدساں لئی بوہت ضروری اے ۔ جے اسیں سچے مقدس بننا اے تد فیرسانوں لازمی طور تے روح پاک نال بھرپور حیاتی گزارنی چاہی دی اے، بالکل اوسے طرحاں جس طرحاں ہر روح لئی پاپاں دی معافی پاؤنا ضروری اے۔ ایہہ خدا دا حکم اے
اوہ لوک جیہڑے اپنے پاپاں توں رہائی پاچکے نیں پر نئیں جان دے پئی وفادار حیاتی کس طرحاں گزارنی اے اوہناں نوں لازمی طور تے جاننا چاہی دا اے پئی اوہناں نوں رُوح پاک توں بھرپور حیاتی گزارنی اے۔ خدا ایہہ ای چاؤہندااے ۔ مقدساں نوں لازمی طور تے روح پاک توں بھرپور حیاتی گزارنی چاہی دی اے جیہڑی پئی خدا دی رضا اے۔ روح پاک توں بھرپور حیاتی مقدساں نوں چنگے کم کرن دے راہیں ایس خوشخبری دی منادی کرن لئی ترقی دیندی اے۔ اوہ ایس خوشخبری دی منادی کرن، خداوند اگے دعا کرن، تے ایمان رکھن تے خدا دے کلام اُتے مضبوطی نال قائم رہن نال محبت کردے نیں۔ سانوں لازمی طور تے رہائی داخود تے راستبازی دا بکتر پاؤنا چاہی دا اے تے ایہہ کہندیاں ہویاں شیطان نوں نٹھاؤنا چاہی دا اے پئی، ” مَیں ہمیش راستباز واں۔“
کیوں جے مقدس لوگ روح پاک دی بھرپوری رکھدے نیں ایس لئی اوہ روح دی ہدایت مطابق چلدے نیں تے روح پاک دی قدرت پاؤن دے قابل ہوندے نیں۔ اوہ ایمان دی دعا دے راہیں پایاں ہویاں خدا دیاں برکتاں نال خدا دا کم کردے پئےنیں۔ تے اوہناں نوں روح دی ہدایت مطابق چلنا چاہی دا اے جد تائیں پئی اوہ شیطان نوں ہرا نئیں دیندے تے خدا دے اگے کھڑے نئیں ہو جاندے۔ لوک جیہڑے خدا دے سارے ہتھیار بنھ سکدے نیں اوہ صرف نویں سرے توں پیدا ہوئے اوہ مسیحی نیں جیہڑے روح پاک توں بھرپور حیاتی گزار سکدے نیں۔
”کیوں جے سانوں لہو تے گوشت نال کشتی نئیں کرنا اے سگوں حکومت والیاں تے اختیار والیاں تے ایس دنیا دے ہنیرے دے حاکماں تے شرارت دیاں اوہناں روحانی فوجاں نال جیہڑیاں اسمانی تھاواں وچ نیں۔“ (افسیوں۶: ۱۲)۔ اوہناں دی جنگ جیہڑے نویں سرے توں پیدا ہوئے نیں لہو تے گوشت دی جنگ نئیں اے۔ فیروی ،اوہناں دی جنگ جیہڑے روح پاک دی بھرپوری رکھدے نیں شرارت دیاں اوہناں روحانی فوجاں دے خلاف تے اوہناں دے خلاف اے جیہڑے ساڈی وفادار حیاتی وچ خلل پاؤندے نیں، اوہ ایس خوشخبری دی خدمت نئیں کردے تے سانوں تنگ کردے نیں۔
جدوں اسیں خداوند دی ایس خوشخبری لئی روحانی جنگ لڑن جانے آں،تد فیر سانوں لازمی طور تے خود تے روح دے ہتھیار بنھ لینے چاہی دے نیں۔ جے اسیں ایس جنگ وچ صرف عام کپڑے پاؤنے آں تد فیر اسیں زخمی ہوجاواں گے۔ایس طرحاں ،سانوں لازمی طور تے ہتھیاراں نوں بنھ لینا چاہی دا اے۔ سانوں تلواراں، ڈھالاں تےخوداں دی لوڑ اے۔ جنگ جِتن لئی سانوں لازمی طور تے جنگ توں پہلاں پورے طور اُتے تیار ہونا چاہی دا اے۔ سانوں لازمی طور تے بکتر لاؤنا چاہی دا اے، اپنیاں کمراں کسنیاں چاہی دیاں نیں تے دونواں پیراں وچ جوتی پاؤنی چاہی دی اے۔ تد، اک ہتھ وچ تلوار تے دوجے وچ ڈھال لے کے سانوں اپنے دشمناں نوں ہراؤنا چاہی دی اے۔ ایہہ روح پاک توں بھرپور حیاتی اے۔
سانوں لازمی طور تے ایس سوہنی خوشخبری نوں قائم رکھنا چاہی دا اے
پولو س نے سانوں دسیا، ” رُو ح پاک دے راہیں جیہڑا ساڈے وچ وسیا ہویا اے ایس چنگی امانت دی حفاظت کر۔“ (۲۔تیمتھیس۱ :۱۴)۔ چنگی امانت کیہ اے ؟ ایہہ پانی تے رُوح دی خوشخبری اے جنہے سانوں ساڈے پاپاں توں بچایا۔ طِطُس ۳ :۵ وچ ایہہ آکھدا اے، ” تے اوہنے سانوں رہائی دتی پر راستبازی دے کماں دے سبب نال نئیں جیہڑے اسیں خود کیتے سگوں اپنی رحمت دے مطابق نویں پیدائش دے غسل تے روح پاک دے سانوں نواں بناؤن دے راہیں۔ “ساڈے خُداوند نے ساڈے سارے پاپ دھو دتے جیہڑے اسیں ایس دنیا وچ کر چکے ساں، صلیب اُتے مرگیا تے جی اٹھیا۔ سانوں لازمی طور تے ایس سوہنی خوشخبری نوں قائم رکھنا چاہی دا اے۔ سانوں لازمی طور تے رہائی داخودتے راستبازی دا بکتر پاؤنا چاہی دا اے تے سچیائی نال اپنیاں کمراں نوں کسنا چاہی دا اے۔ سانوں لازمی طور تے پانی تے رُوح دی ایس خوشخبری اُتے ایمان رکھنا چاہی دا اے۔
اپنے آپ نوں ایس طریقے نال ہتھیاراں نال لیس کرن بعدوں، سانوں لازمی طور تے شیطان دے خلاف جنگ جِتنی چاہی دی اے۔ صرف تد ای اسیں فتح پاؤن تے ایہنوں دوجیاں نال ونڈن دے قابل ہواں گے۔ سانوں شیطان دے خلاف اوس ویلے تائیں بوہت ساریاں روحانی جنگاں لڑ نیاں نیں تے اوہدے توں بوہت ساریاں ٹرافیاں لین دی لوڑ اے جد تائیں پئی اسیں خداوند دی بادشاہی وچ داخل نئیں ہو جاندے ، جیہڑی ساڈی وراثت اے ۔ جِنیاں بوہتیاں جنگاں اسیں اپنے مخالف دے خلاف جت دے آں، اگے والی جنگ اوہنی بوہتی سوکھی ہووے گی۔ سانوں ساریاں نوں لازمی طور تے اوہدی بادشاہی دے ودھن تے پھیلن لئی دعا کرنی چاہی دی اے۔ تد اسیں روح پاک نال بھرپورحیاتی پاچکے ہواں گے۔
سانوں اپنے پاپاں دے معاف ہوون توں بالکل وی مطمئن نئیں ہونا چاہی دا اے سگوں لازمی طور تے روح پاک نال بھرپور حیاتی گزارنی چاہی دی اے۔ ایس خوشخبری لئی تے ساڈے چنگے کماں لئی سانوں لازمی طور تے خدا دے کلام اُتے ایمان رکھنا چاہی دا اے۔ سانوں لازمی طور تے روح پاک دے وسیلے رہنمائی پاؤنی چاہی دی اے تے خدا دے کلام اُتے قائم رہن دے وسیلے ایہدے اُتے ایمان رکھدیاں ہویاں حیاتی گزارنی چاہی دا اے ،تاں پئی شیطان دے خلاف جنگ نہ ہارئیے تے تباہ نہ ہوئیے۔
کیہ تسیں مینوں سمجھدے او؟ صرف تد ای اسیں روح پاک نال بھرپور حیاتیاں رکھاں گے۔ میں اُمید کرداواں پئی تسیں وی پانی تے روح دی ایس خوشخبری دی خدمت تے انحصار کرو گے تے خدا دے کلام دی پیروی کرو گے۔ آواسیں سارے شیطان توں جاناں بچاؤن لئی کم کرئیے۔ جد تک خداوند فیر نئیں آجاندااسیں روح پاک توں بھرپور حیاتیاں گزار سکدے آں۔ روح پاک دی بھرپوری پاؤنا دوجا حکم اے جیہڑا خدا نے سانوں دتا۔ اوہدا شکر ہووے۔ اسیں ساڈے دلاں وچ پاپاں دی معافی پاروں روح پاک دی بھرپوری رکھ سکدے آں۔ تے جے ایہہ روح پاک دی بھرپوری نہ ہوندی، تد فیر مَیں روح پاک توں بھرپور حیاتی شروع نئیں کرسکدا ساں۔ مَیں خدا دا سانوں روح پاک توں بھرپور حیاتیاں گزارن دی اجازت دین لئی شکر ادا کردا واں۔
کیہ تسیں ایمان رکھدے او پئی تسیں روح پاک دی بھرپوری رکھ سکدے او؟ ساڈے وچوں اوہ لوگ جیہڑے اپنے پاپاں توں معاف ہو چکے نیں روح پاک دی بھرپوری رکھدے نیں۔ پراوہ لوک جیہڑے اپنے پاپ مٹا نئیں چکے اوہ ہالے تیک روح پاک دی بھرپوری نئیں رکھدے نیں۔ اوہ لوک جیہڑے نئیں جان دے یا ں پانی تے روح دی ایس خوشخبری اُتے ایمان نئیں رکھدے نیں روح پاک دی بھرپوری نئیں رکھدے۔ جے اوہ روح پاک دی بھرپوری نئیں رکھدے نیں تد فیردنیا دے سارے لوک جہنم وچ سُٹ دتے جاون گے۔
کیوں جے اسیں اپنے دلاں وچ کوئی پاپ نئیں رکھدے، ایس پاروں اسیں روح پاک دی بھرپوری رکھدسکدے آں۔ تے کیوں جے روح پاک ساڈے دلاں وچ وسدا اے، اسیں روح پاک توں بھرپور حیاتی گزار سکدے آں۔ اسیں، جیہڑے روح پاک دی بھرپوری رکھدے آں سا نوں لازمی طور تے روح پاک نال بھرن لئی روح پاک دی سدھر دی فرمانبرداری کرنی چاہی دی اے۔ جِناں بوہتا اسیں روح دی سدھر دی فرمانبرداری کردے آں، اوہناں بوہتا ساڈا ایمان پوری وردی پائے جنگجو وانگر مضبوط بن جاندا اے۔ پر جے اسیں روح دی فرمانبرداری وچ ناکام ہو جانے آں تد فیر ایہہ ساڈے لئی ساڈے جنگ دے ہتھیاراں نوں لاد ین وانگر ہوندا اے ۔
آو اسیں روح پاک دے کلام دے وسیلے ودھیے تے ایماندار مرد بن جائیے۔ جد اسیں روح پاک دے اکھر سن دے آں تد فیر ساڈا ایمان ترقی کردا اے کیوں جے خدا آکھدا اے، ” سو ایمان سنن نال پیداہوندا اے تے سننا مسیح دے کلام توں۔“(رومیوں۱۰ :۱۷)۔ ایس لئی گو بھانویں شیطان ساڈے اُتے حملہ کردا اے اسیں ایہناں کلمیاں اُتے اپنے ایمان دے راہیں محفوظ رہندے آں۔ شیطان اوہناں لوکاں اُتے حملہ نئیں کرسکدا اے جیہڑے پانی تے روح دی ایس خوشخبری اُتے ایمان رکھن دے وسیلے ایمان دی ڈھال دے نال لیس ہو چکے نیں۔ وفادار لوک اپنے ایمان نال شیطان دے حملیاں نوں روکن دا اختیار رکھدے نیں۔
آو اسیں ایمان نال روح پاک توں بھرپور حیاتیاں گزارئیے۔ روح پاک توں بھرپور حیاتی، ساڈی دنیا وچ وفاداری نال پانی تے روح دی ایس خوشخبری دی منادی کرن والی حیاتی اُتے لاگو ہوندی اے۔ ایس طرحاں دی حیاتی روح پاک توں بھرپور حیاتی اے۔
Copyright © 2021 by The New Life Mission