ដោយសារការរាតត្បាតនៃជម្ងឺកូវីឌ១៩ និងការរំខានដល់សេវាកម្មប្រៃសណីយអន្តរជាតិ
យើងបានផ្អាកជាបណ្តោះអាសន្ននូវ "សេវាកម្មសៀវភៅបោះពុម្ពដោយឥតគិតថ្លៃ" របស់យើង។
នៅក្នុងស្ថានភាពបែបនេះ យើងមិនអាចផ្ញើសៀវភៅទៅកាន់លោកអ្នកបានឡើយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
مضمون 3: پانی تے رُوح دی خوشخبری
[3-8 باب] یسوع دا بپتسمہ پاپاں دی معافی لئی ضروری کم اے <متی ۳: ۱۳ ۔ ۱۷>
>متی ۳: ۱۳ ۔ ۱۷>
” اوس ویلے یسوع گلیل توں یردن دے کنارے یوحنا کول اوہدے کولوں بپتسمہ لین آیا ۔پر یوحنا ایہہ آکھ کے اوہنوں منع کرن لگاپئی میَں آپ تیرے کولوں بپتسمہ لین دا محتاج آں تے توں میرے کول آیا ایں؟ یسوع نے جواب وچ اوہنوں آکھیا ،ہُن توں ہون ای دے ،کیوں جے سانوں ایسے طرحاں ساری راستبازی پوری کرنا چنگااے ۔اِنج اوہنے ہون دتا ۔ تے یسوع بپتسمہ لےکے اوسے ویلے پانی کولوں اُُتے گیا تے ویکھو اوہدے لئی اَسمان کُھل گیاتے اوہنے خُدا دے رُوح نُوں کبوتر وانگر اُتردیاں تے اپنے اُتے آؤندیاں ویکھیا۔تے ویکھو اَسمان توں ایہہ آواز آئی پئی ایہہ میرا سوہنا پُتر اے ،جیہدے توں میَں خُوش آں۔“
یوحنا اصطباغی دا بپتسمہ
توبہ کیہ اے؟
پاپ بھری حیاتی توں مُڑنا تے پاک ہون لئی یسوع اُتے ایمان رکھنا ۔
بوہت سارے لوک جگ وچ نئیں جان دے پئی یسوع ایس جگ وچ کیوں آیاسی تے یوحنا اصطباغی توں بپتسمہ کاہدے لئی لیا ۔ ایس لئی آؤ اسیں یسوع دے بپتسمہ دے مقصد دے بارے وچ تے یوحنا اصطباغی دے بارے وچ جنہے اوہنوں بپتسمہ دِتا ،گل کرئیے۔
پہلاں ،سانوں سوچنا چاہی دااے ،کیہڑی شے نے یوحنا اصطباغی دی لوکاں نوں یردن وچ بپتسمہ دین لئی ،اَگوائی کیتی ۔ ۳ : ۱ ۔ ۱۲ وچ ایس گل نُوں کھولیا گیا اے پئی یوحنا اصطباغی نے لوکاں نوں پاپاں دے اقرار دے راہیں خُداول واپس لیاؤن لئی بپتسمہ دِتا ۔
” میَں تے تہانوں توبہ لئی پانی نال بپتسمہ دینا واں “ ( آیت ۱۱)تے ” جنگل وچ پکارن والے دی آواز آؤندی اے پئی خُداوند دی راہ تیار کرو۔ اوہدے رستے سِدھے بناؤ۔“ (آیت ۳) یوحنا اصطباغی اونٹ دا بانا پائے ہویاں تے ٹِڈیاں کھانداسی تے جنگل وچ رولا پاؤنداسی تے پاپاں دی معافی لئی توبہ دے بپتسمہ دی منادی کرداسی ۔
اوہنے لوکاں دے اگے رولا پایا ، ” توبہ کرو،انسانی پیڑھی دا مکتی داتا آؤنداپیااے ؛اوہدے لئی راہ تیار کرو،اوہدی مکتی دی راہ سِدھی بناؤ۔اوپریاں قوماں دے خُداواں دی پوجا کرنی چھڈ دیووتے اپنے دلاں وچ خُداوند نوں قبول کرو۔ “
کیہڑی گل توں مُڑنااے ؟ بُتاں دی پوجا توں تے پاپ نال بھری حیاتی دے دوجے سارے بھیڑے کماں توں ۔ ایس لئی سانوں کیہ کرنا چاہی دااے ؟ سانوں پاک ہونے لئی یسوع اُتے ایمان لیا کے بپتسمہ لینا چاہی دااے ۔ یوحنا اصطباغی نے جنگل وچ رولا پایا ، ” میرے کولوں بپتسمہ لوو۔ اپنے پاپاں توں دُھل جاوو۔ مکتی داتا ، تہاڈا مسیحا ایس جگ وچ آؤنداپیا اے ۔ اوہ پرانےعہد نامے دے قربانی دے میمنے وانگر تہاڈے پاپاں نوں چُک لوے گا تے تہاڈے سارے پاپاں نوں دھو دیوے گا ۔ “
پُرا نے عہد نامے وچ ،فدیہ دی قربانی اُتے ہتھ رکھن دے راہیں ہردیہاڑے دے پاپ لد دِتے جاندے سن ۔ سارے اِسرائیل دے پورے ورہے دے پاپ وی فدیہ دیہاڑے وڈے کاہن دے راہیں بکرے اُتے لدے جاندے سن ،جیہڑا ہرورہے ستویں مہینے دی دسویں تاریخ نوں ہونداسی (احبار ۱۶ : ۲۹ ۔ ۳۱)۔
ایسے طریقے نال ، انسانی پیڑھی دا پاپ یکدم اوہدے بپتسمہ دے راہیں یسوع اُتے لدیا جانا سی تاں پئی اوہ اوہدے راہیں مکائے جاسکن ۔ ایس لئی یوحنا نے لوکوں نوں یسوع ول مُڑن تے اوہدے راہیں بپتسمہ لین لئی ہلہ ماریا ۔
یوحنا اصطباغی دے راہیں بپتسمہ دی خاص لوڑ ، پوری کیتی گئی مطلب اے ، توبہ ،جیہڑی بنی اِسرائیل نوں یسوع ول موڑلیائی جیہڑا بعد وچ آؤن والا سی ۔ توبہ دا مطلب ،پاپ دی حیاتی ولوں واپس مُڑنا تے سارےپاپاں دی معافی لئی مسیحا اُتے ایمان لیانااے ۔
بنی اِسرائیل مسیحا اُتے آس رکھن دے راہیں مکتی پا سکدے سن جیہڑا بعد وچ آکے اوہناں دے سارے پاپ دھووےگا ۔ بالکل ایسے طرحاں ،اسیں وی اوس یسوع اُتے ایمان لیان نال پاپاں دی معافی پا سکدے آں ۔ جیہڑااَج توں ۲۰۰۰ ورہے پہلاں اَسمان توں اُتریا تے جگ دے سارے پاپ دھودِتے ۔ پر بنی اِسرائیل نے پُرانے عہد نامے وچ خُدا دی شریعت نوں چھڈ دِتا ،غلط قربانیاں چڑھائیاں تے مسیحا نُوں بھُل گئے ۔
تاں پئی یوحنا اصطباغی نوں ،اوہناں نوں خُدا دی شریعت یاد کراؤن دی لوڑ پئی تے مسیحا دی جیہڑا بعد وچ آوے گا ، اوہنے لوکاں نوں بپتسمہ دینا شروع کیتا تے آخر کار یسوع نوں یردن وچ بپتسمہ دِتا۔
بوہت سارے لوک ،بُتا ں دی پوجا کرن تے خُدا دی شریعت نوں چھڈن دی توبہ کردے ہویاں یوحنا کول آئے تے بپتسمہ لیا ۔ جائز قربانی وچ ۳ شیواں بوہت لوڑی دیاں نیں — جیونداپسُو، ہتھاں دا رکھیاجانا تے اوہدا لہو ۔سارے جگ دے لوک یسوع اُتے ایمان لیاؤن دے راہیں مکتی یافتہ ہوندے نیں ۔
جدوں فریسی تے صدوقی بپتسمہ لین لئی آئے ، تےیوحنا نے اوہناں اُتے رولا پایا ۔” پر جدوں اوہنے بوہت سارے فریسیاں تے صدوقیاں نوں بپتسمہ لین لئی اپنے کول آؤندیاں ویکھیاتے اوہناں نوں آکھیا ،اوئے سپ دے پُترو ! تہانوں کِنے بھڑکایا پئی آؤن والے غصے توں بھجو؟ ایس لئی توبہ دے موافق پھل لیاؤ۔ تے اپنے دلاں وچ ایہہ آکھن دا خیال نہ کرو پئی ابرہام ساڈا پیو اے کیوں جے میَں تہانوں آکھدا ہاں پئی خُدا ایناں پتھراں توں ابرہام لئی اولاد پیدا کر سکدااے۔“ (متی ۳ : ۷ ۔ ۹)۔
ایناں فریسیاں تے صدوقیاں دا تعلق ،سیاسی فرقیاں تے بُتاں دے پُجاریاں نال سی جیہڑے سوچدے سن پئی اوہ خُدا دے لوک نیں ایس سچ دے باوجود پئی اوہ خُدا دے کلام اُتے ایمان نئیں رکھدے سن ۔اوہ دوجے خُداواں اُتے تے اپنیاں سوچاں اُتے ایمان رکھدے سن ۔
جدوں اوہ یوحنا اصطباغی کولوں بپتسمہ لین لئی اوہدے کول آئے ، اوہنے اوہناں نوں دَسیا ،” تہانوں غلط قربانیاں نئیں چڑھاؤنیاں چاہی دیاں سگوں پاپ ولوں مُڑو تے سچا ایمان رکھو پئی مسیحا آوےگا تے تہاڈے پاپ دھووےگا۔ تہانوں ایہدے اُتے اپنے دل نال ایمان رکھنا چاہی دا اے ۔ “
توبہ کرنا غلط راہ توں مُڑنا اے ۔ سچی توبہ پاپ تے جھوٹے عقیدیاں ولوں واپس مُڑنا اے تے یسوع دے کول پرت کے آؤنااے ۔ایہہ اوہدے بپتسمہ دی مکتی تے اوہدی سولی اُتے سزا پاؤن اُتے ایمان رکھنا اے ۔
ایس طرحاں ، یوحنا اصطباغی نے بنی اسرائیل اُتے اوہناں نوں خُدا ول واپس موڑن دے سلسلے وچ رولا پایا ، جیہڑے خُدا دی شریعت تے قربانی دے طریقے نوں چھڈ چُکے سن۔ یوحنا اصطباغی دا کم لوکاں نوں یسوع ول پرت لیاؤن دا سی تاں پئی اوہ اوہدے اُتے ایمان لیاؤن تے اپنے سارے پاپاں توں مکتی پاؤن ۔
کیہ تسیں یسوع دے بپتسمہ دے راہیں پاپاں دی معافی اُتے ایمان رکھدے او ؟
سارے لوکاں نُوں یسوع دے اگے کیہ کرنا چاہی دااے ؟
اوہنان نوں اپنے سارے پاپاں توں مکتی پاؤن لئی اوہدے اُتے ایمان لیاؤنا چاہی دااے ۔
سب توں پہلاں کم جیہڑا یسوع نے اپنی زمینی خدمت وچ کیتا اوہ یوحنا اصطباغی کولوں بپتسمہ لینا سی ۔ایس طریقے نال جگ دے سارے پاپ اوہدے اُتے لددِتے گئے سن ۔
ایسے طرحاں یسوع دا بپتسمہ خُدا ولوں انسانی پیڑھی دی مکتی دا شروع سی ، ایسے طرحاں ایہہ یسوع دی راستبازی دا کم اے جنہے سارے جگ دے پاپاں نوں دھو دِتا ۔ خُدا اوہناں ساریاں نوں مکتی دیندااے جیہڑے ایس سچ اُتے ایمان رکھدے نیں پئی یسوع نے اپنے بپتسمہ دے راہیں جگ دے سارے پاپاں نُوں چُک لیا اے ۔
جدوں یسوع ایس جگ وچ آیا تے یوحنا اصطباغی کولوں بپتسمہ لیا ،فیر ای اَسمان دی بادشاہی دی خوشخبری دا شروع ہوگیا ۔اوہدے بپتسمہ دے راہیں اَسمان کُھل گیا تے ایس طرحاں متی ۳ : ۱۵ ،وچ دَسیا گیا اے ،جیہڑا پئی ہوبہو فدیہ دی قربانی وانگرسی ،جیہدا ذکر سانوں پُرانے عہد نامے وچ احبار ۱ : ۱۔۵، ۴ : ۲۷ ۔ ۳۱ وچ مِلدااے ۔
پُرانے عہدنامےدی ہر گل تے اِنج ای ایہدے اگے نویں عہد نامے وچ رَلدی مِلدی اے ۔
” تسیں خُداوند دی کتاب وچوں لبھو تے پڑھو۔ایناں وچوں اک وی گھٹ نہ ہووےگا تے بے جوڑ نہ ہووےگا۔“ (یسعیاہ ۳۴: ۶۱)۔
دونویں پُرانا عہدنامہ تے نواں عہد نامہ لوکاں دے سارے پاپاں دے فدیہ دے بارے وچ دَسدے نیں
کیہ سانوں ہر دیہاڑے دے پاپاں لئی ہر روز توبہ کرنی چاہی دی اے؟
نئیں ۔سچی توبہ کسے دا ،اپنے سارے پاپاں دا اقرار کرنا اے تے مکتی پاؤن لئی اپنے دل نوں یسوع دے بپتسمہ ول موڑنااے ۔
پُرانے عہد نامے وچ،کسے وی دیہاڑے دے پاپ نوں فدیہ دے قربانی اُتے ہتھ رکھن دے راہیں لدیہ جانداسی ۔ فیر قربانی دا لہو وگایا جانداتے پاپی دے تھاں اُتے اوہنوں سزا مِلدی ۔ تے سارے ورہے دے اکٹھے پاپ وی ہتھ رکھن دے راہیں پاپ دے قربانی اُتے لد دِتے جاندے سن تاں پئی سارے لوک پورے ورہے دے پاپ توں معافی پاسکن ۔
ہُو بہُو اِنج ای ،نویں عہد نامے وچ ،یسوع مسیح آیا تے جگ دے سارے پاپاں نوں چُکن لئی اوہنے یردن وچ بپتسمہ لیا۔ ایس طرحاں پُرانے عہدنامےوچ خُدا دا نبُوتی کلام پورا ہویا ۔
یوحنا اصطباغی جنہے یسوع نوں بپتسمہ دِتا ،خُدا دا خادم سی جیہڑا یسوع توں ۶ مہینے پہلاں گھلیا گیا سی ۔ اوہنے ، یوحنا ۱ : ۲۹ وچ ایہہ آکھدیاں ہویاں گواہی دِتی پئی یسوع نے جگ دے سارے پاپ چُک لَے، ” ویکھو! ایہہ خُدا دا میمنااے جیہڑا جگ داپاپ چُک کے لَے جاندااے ! “
یوحنا اصطباغی نے یسوع نوں دریائے یردن وچ بپتسمہ دین دے راہیں جگ دے سارے پاپ اوہدے اُتے لد دِتے ۔ایس طریقے نا ل خُدا وند نے انسانی پیڑھی دے سارے پاپاں دا فدیہ دِتا ۔ سانوں ساریاں نوں ہُن صرف ایمان لیاؤنااے ۔
سارے جگ دا پاپ یسوع اُتے لد دِتا گیا سی ۔ یسوع دے چیلیاں نے اعمال ۳: ۱۹وچ آکھیا ” ایس لئی توبہ کرو تے اپنے دھیان پرتو ،تاں پئی تہاڈے پاپ مکائے جان تے ایس طرحاں خُداوند ولوں نروئے دیہاڑے آؤن۔ “
اوہ ساڈی سمجھ لئی ہتھ پیر ماردے سن کیوں یوحنا اصطباغی نے یسوع نوں بپتسمہ دتا،کیوں اوہنے لوکاں نوں یسوع دے پِچھے چلن لئی آکھیا ۔اوہنے آکھیا ، ” توبہ کرو تے دھیان پرتو،یسوع دے بپتسمہ دی مکتی اُتے ایمان لیاؤ ،اپنے پاپاں توں دُھل جاوو۔“
مسیحا آیا تےساڈے سارے پاپ اوہنے اکو واری بپتسمہ لین دے راہیں دھودِتے ۔ ایس طرحاں سارے جگ دے سارےپاپ یسوع اُتے لددِتے گئے سن ۔ایس طرحاں یسوع دے بپتسمہ دے نال خُدا دا عہد پوراہویا ،جویں متی ۳ : ۱۳ ۔ ۱۷ وچ لکھیا ہویا اے۔
” اوس ویلے یسوع گلیل توں یردن دے کنارے یوحنا دے کول اوہدے کولوں بپتسمہ لین آیا۔ پر یوحنا ایہہ آکھ کے اوہنوں منع کرن لگا پئی میَں آپ تیرے کولوں بپتسمہ لین دا محتاج آں تے توں میرے کول آیا آیں ؟ یسوع نے جواب وچ اوہنوں آکھیا ،ہُن تُوں ہون ای دے کیوں جے ساڈے لئی ایسے طرحاں ساری راستبازی نوں پوریاں کرنا ،چنگااے ۔ اِنج اوہنے ہون دِتا ۔تے یسوع بپتسمہ لے کے اوسے ویلے پانی کولوں اُتے گیا تے ویکھو اوہدےلئی اَسمان کُھل گیا تے اوہنے خُدا دے رُوح نُوں کبوتر وانگر اُتردیاں تے اپنے اُتے آؤندیاں ویکھیا۔ تے ویکھو اَسمان توں ایہہ آواز آئی پئی ایہہ میرا سوہنا پُتر اے جیہدے کولوں میَں خوش آں۔ “
خُدا دی مکتی نوں پوریاں کرن لئی ،یسوع یوحنا کولوں بپتسمہ لین لئی آیا ۔ یوحنا اصطباغی خُدا دا خاص خادم سی ۔ لوقاپہلا باب آکھدااے پئی یوحنا ہارون ،پہلے وڈے کاہن د ی پیڑھی وچوں سی ۔خُدا نے یوحنا نُوں ،ہارون دی پیڑھی وچوں چُنیا کیوں جے ساری انسانی پیڑھی دی راستبازی نوں پوریاں کرن لئی اوہ خاص نمائندہ چاہنداسی ۔
ایس لئی ، خُدا نے ہارون دے خنوادے وچ یسوع دے جمن توں ۶ مہینے پہلاں یوحنا نوں پیداکیِتا ۔ یوحنا اصطباغی نے جنگل وچ پکارن دے راہیں یسوع لئی راہ تیار کیتی ” توبہ کرو ۔ تسیں اوئے سپ دے بچیو! توبہ کروتے دھیان موڑو۔ مسیحا آوےگا ۔اوہدے ول دھیان موڑو یاں فیر اوہ تہانوں وڈ دیوے گا تے اگ دی جھیل وچ سُٹے گا ۔ اوہدے بپتسمہ تے اوہدے صلیبی لہو اُتے ایمان لیاؤ۔ توبہ کروتے بپتسمہ لوو فیر تسیں پاپاں توں مکتی پاووگے۔“
پاپاں دی معافی دی خوشخبری بڑی کھول کے اعمال ۳ : ۱۹ وچ دَسی گئی اے ۔ جدوں یوحنا اصطباغی نے انسانی پیڑھی دے پاپاں دے بارے وچ رولا پا کے دَسیا تے بڑیاں لوکاں نیں دھیاں کِیتا ۔
کیوں جے یوحنا نے جگ دے پاپاں نوں یسوع اُتے لد دِتا تاں پئی اوہ اِکو ای واری انسانی پیڑھی دے سارے پاپ مکا دیوے ۔ کیوں جے یوحنا اصطباغی نے گواہی دتی پئی یسوع نے ساڈے سارے پاپاں نُوں چُک لیا ، سانوں پتہ پئی اسیں مکتی دی خوشخبری اُتے مطلب اے ، پانی تے لہو دی خوشخبری اُتے ایمان لیاؤن دے راہیں مکتی یافتہ ہو سکدے آں۔
کیہڑی وجہ توں یوحنا اصطباغی نوں یسوع توں پہلاں آؤنا پیا سی
” ایسے طرحاں “ داکیہ مطلب اے ؟
① ہُو بہوٹھیک
②ہُو بہو چنگا
③ ہُو بہو صرف اِنج دا
( کوئی دوجا طریقہ نئیں)
اوہ لوک جنہاں دے پاپ یسوع ،مطلب اے، مکتی داتا اُتے ایمان لیاؤن دے راہیں مکائے گئے نیں ، اوہ اپنی مکتی داپک متی رسُول دی انجیل وچ یسوع دے بپتسمہ دی خوشخبری تو ں کر سکدے نیں ۔ متی ۳ : ۱۵ ۔ ۱۶ وچ یسوع یوحنا کول آیا تے اوہنے آکھیا، ” مینوں بپتسمہ دے “تے یوحنا نے جواب دتا ، ” میَں آپ تیرے کولوں بپتسمہ لین دا محتاج آں تے توں میرے کول آیا ایں؟ “
ایہہ یوحنا اصطباغی سی جنہے یسوع نوں بپتسمہ دتا ،جنہوں پتہ سی پئی اوہ کون اے ؟ یوحنا خُدا دا خادم سی ،جیہڑا نسانی پیڑھی دا سارا پاپ یسوع اُتے لدن لئی گھلیا گیا سی ۔ کیوں جے یسوع مکتی داتا وانگر ، پُرانے عہدنامے دیاں پیشن گوئیاں نوں پوریاں کرن لئی آیا سی ۔اوہنے یوحنا اصطباغی نوں سارے جگ دا پاپ اوہدے سر اُتے لدن لئی بپتسمہ دین دا حکم دتا۔
کیوں؟ کیوں جے یسوع قادرِ مطلق خُدا دا پُتر اے جیہڑا سانوں بناؤن والا تے ساڈا مکتی داتا اے ۔ اوہ ایس لئی ساڈے کول آیا ،تاں پئی ساڈے سارے پاپاں نوں مکا دیوے ۔ ایس لئی ، سارے لوکاں نوں مکتی دین دے سلسلے وچ ، اوہنے بپتسمہ لینا سی ۔
” ایسے طرحاں “ یسوع نے یوحنا اصطباغی کولوں بپتسمہ لیا تے ساڈے سارے پاپاں نُوں دھودتا۔ اوہنے ساڈی تھاں اُتے سولی اُتے موت جری ۔ یسوع دا بپتسمہ ساڈی مکتی دی گواہی سی ۔ جویں خُدا نے پُرانے عہد نامے وچ وعدہ کیتا سی پئی سارےپاپ اک قربانی دے میمنے اُتے لد دِتے جان گے ، خُدا دا پُتر میمنا بن گیا تےاوہنے اپنے اُتے ساڈے سارے پاپ چُک لَے ۔
ایس طرحاں پُرانے عہد نامے وچ ہتھاں دا رکھیا جانا تے نویں عہد نامے وچ یسوع دا بپتسمہ دونویں پاپاں نوں لدن دا کم کردے نیں تے مکتی تے ہمیش دی حیاتی اوہناں نوں دتی جاندی اے جیہڑے پانی تے رُوح دی خوشخبری اُتے ایمان لیاؤندے نیں ۔
یسوع دے بپتسمہ نے ساڈے سارے پاپاں نُوں مکا دِتااے
اسیں کویں مسیح نوں لیڑیاں وانگر پا سکدے آں؟
مسیح وچ بپتسمہ لین دے راہیں
جدوں یسوع نے بپتسمہ لینا چاہیا،یوحنا اصطباغی نے اوہنوں ایہہ آکھ کے منع کرن دی کوشش کیتی ، ” میَں آپ تیرے کولوں بپتسمہ لین دا محتاج آں تے تُو ں میرے کول آیا ایں ؟ “
پر یسوع نے جواب دتا تے آکھیا ، ” ہُن تُوں ہون ای دے کیوں جے ساڈے لئی ایسے طرحاں ساری راست بازی پوری کرنا ،چنگا اے ۔اِنج اوہنے ہون دتا ۔“ ہُن تُوں ہون ای دے۔اجازت دے ۔ اوہنے یوحنا نوں دَسیا ، ” تینوں یقیناً سارے لوکاں دے پاپاں نُوں میرے اُتے لدنا چاہی دااے ،انج ہی میَں ایناں ساریاں نوں اپنے کول لیاسکدا ہاں،جیہڑے پانی دی خوشخبری دی معافی اُتے ایمان رکھدے نیں ۔فیر میَں اوہناں دے سارے پاپاں لئی دُکھ جراں گا تاں پئی اوہ سارے جیہڑے میرے بپتسمہ اُتے ایمان رکھدے نیں ،اپنے سارے پاپاں توں چھُڈائے جان ۔ بپتسمہ دے راہیں جگ دا پاپ میرے اُتے لد دے ، انج جیہڑے بعد وچ میرے اُتے ایمان لیاؤندے نیں ،اکو ای واری اپنے سارے پاپاں توں چھُڈائے جان گے ۔ ایس لئی ہُن توں ہون ای دے۔ “
یسوع نے یوحنااصطباغی کولوں بپتسمہ لیا تے یسوع دا بپتسمہ خُدا دی مکتی دی راستبازی دی شریعت دے وانگر ہُو بہُو سی ۔ ایس لئی پئی جدوں یسوع نے بپتسمہ لیاسارے پاپ اوہدے اُتے لد دِتے گئے سن ۔جدوں اسیں یسوع اُتے ایمان رکھدے تے بپتسمہ لیندے آں ،اسیں اکو ای واری مکتی یافتہ ہو سکدے آں۔ایس لئی پئی اوہنے ہتھاں دے رکھے جان دے راہیں ساڈے سارے پاپاں نوں چُک لیا ،سولی اُتے ساڈے لئی مرگیا تے خُداد ے سجے ہتھ اُتے بیٹھا اے، اسیں پانی تے رُوح دی مکتی اُتے ایمان رکھن دے راہیں مکتی یافتہ ہو سکدے آں ۔
اوہ صرف یسوع اے جنہیں سانوں جگ دے سارے پاپاں توں مکتی دتی اے ۔ اسیں ایمان رکھن دے راہیں مکتی یافتہ ہوسکدے آں پئی یسوع نے ساڈے سارے پاپ چُک لَے تے سولی اُتے ساڈے سارے پاپاں دا مُل تاریا۔یسوع دا بپتسمہ مکتی دی خوشخبری دا شروع سی ۔
پاک کتاب وچ بوہتا مکتی دا بپتسمہ وکھایا گیا اے تے پولُس رسُول گلتیوں دے خط وچ وی آکھدا اے پئی اوہ مسیح دے نال سولی اُتے مرگیا کیوں جے اوہنے مسیح وچ شامل ہون دا بپتسمہ لیا تے مسیح نوں لیڑیاں وانگر پنڈے اُتے پالیا ۔پولُس رسول یسوع دے بپتسمہ تے اوہدی سولی اُتے موت دے راہیں، مکتی لئی اپنے ایمان دی گل کردااے ۔
” ہُن توں ہون ای دے “
یوحنا اصطباغی دا کیہ کم سی ؟
اوہدا کم ایہہ سی پئی ساری انسانی پیڑھی دے وڈے کاہن وانگر سارے جگ دا پاپ یسوع اُتے لدے۔
یسوع نے آکھیا ، ” ساڈے لئی اِنج ای ساری راستبازی پوری کرنا چنگااے۔“ ساری راستبازی دا مطلب اے پئی اوہدے بپتسمہ دے راہیں سارے پاپاں نُوں مکاؤنا تے اپنے لوکاں دے دلاں نُوں بے پاپ بناؤنا اے ۔ ” اِنج اوہنے ہون دِتا ۔“ یسوع نے دریائے وچ بپتسمہ لیا ۔
ہُو بہُو اوسے طرحاں جویں وڈا کاہن بکرے دے سر اُتے اپنے ہتھ رکھداسی ،یوحنا اصطباغی نے یسوع دے سر اُتے اپنے ہتھاں نُوں رکھیا تے تے جگ داسارا پاپ اوہدے اُتے لد دِتا ۔ یوحنا اصطباغی اوہ وڈا کاہن سی جیہدا کم سارے جگ دے پاپاں نُوں انسانی پیڑھی دے نمائندے وانگر یسوع اُتےلدنا سی ۔ ” اے خُدایا ،میَں سارے جگ دا پاپ تیرے میمنے ، یسوع اُتے لددا ہاں ۔“ اِنج ساری انسانی پیڑھی دے پاپ یسوع اُتے لد دتے گئے۔
یوحنا اصطباغی نے یسوع دے سر اُتے اپنے ہتھ رکھے ،اوہنوں پانی وچ غوطہ دِتا تے جدوں یسوع پانی وچوں اُتے آیا تے اپنے ہتھ چُک لَے ۔یسوع دے بپتسمہ نے راستباز لئی مکتی قائم کیتی ۔اِنج یسوع نے ساری انسانی پیڑھی نوں مکتی دِتی جیہڑے اوہدے بپتسمہ اُتے ایمان رکھے نیں ۔
اَسمان کُھل گیا تے اَسمان توں اک آوازآئی
کیہڑے ویلےتوں اَسمان دی بادشاہی کُھل گئی ؟
یوحنا اصطباغی دے دِناں توں (متی ۱۱ : ۱۲)
” تے یسوع بپتسمہ لَے کےاوسے ویلے پانی دے کولوں اُتے گیا تے ویکھو اوہدے لئی اَسمان کُھل گیا تے اوہنے خُدا دے رُوح نوں کبوتر وانگر اُتردیاں تے اپنے اُتے آؤندیاں ویکھیا۔تے ویکھو توں ایہہ آوازآئی پئی ایہہ میرا سوہنا پُتراے جیہدے تو ں میَں خُوش ہاں۔ “ (متی ۳ : ۱۶ ۔ ۱۷)۔
جدوں یسوع نے اپنے بپتسمہ دے راہیں سارے جگ دا پاپ چُک لیا ،تو اوہدے اُتے اسمان کُھل گیا ۔ ایس طرح خُدا دا عہد جیہڑا بوہت ہزار ورہے پہلاں قائم ہویا سی یر دن اُتے یسوع دے بپتسمہ دے
راہیں پور ا ہویا ۔
اِنج یسوع نے ، خُدا دے میمنے وانگر ، سارے جگ دے لوکاں نُوں اوہناں دے پاپاں توں مکتی دِتی ۔ جگ دے سارے پاپ یسوع اُتے لگ لددِتے گئے تے اوہنے خُدا دی مرضی پوری کیتی ۔
یوحنا ۱: ۲۹ وچ گواہی مِلدی اے ۔ ” ویکھو ! ایہہ خُدا دا میمنااے جیہڑا جگ دا پاپ چُک کے لَے جاندااے۔“ کیوں جے سارے پاپ یسوع ،خُدا دے میمنے اُتے لد دِتے گئےسن اوہ اپنے موہڈیاں اُتے اوہ بھار چُکیاں ہویاں ۳ ورہیاں بعد گُلگُتا دی سولی ول ٹُریا ۔ اپنے بپتسمہ دے راہیں سارے پاپ چُکن دے بعد ،جتھے کِتے وی اوہ گیا اوہنے اوہناں نوں جنہاں نے اوہنوں ایمان دے راہیں قبول کیتا دَسیا پئی اوہناں دے سارے پاپ معاف ہوگئے سَن ۔
یوحنا ۸ : ۱۱ ، وچ اوہنے اوس زنانی نوں جیہڑی زناکاری وچ پھڑی گئی سی آکھیا، ” میَں وے تیرے اُتے حکم نئیں لاؤندا ۔“ اوہنے اوہنوں سزا نہ دِتی کیوں جے جنہیں دُکھ اُٹھاناسی اوہ آپ یسوع سی ۔ اِنج اوہنے سارے لوکاں نُوں دَسیا پئی اوہ پاپیاں دا مکتی داتا سی ۔
کیوں جے ایس ، خُدا دے پُتر نے ، سارے پاپاں نُوں چُک لیا ایس لئی جگ وچ ہر ایماندار پا ک ہو سکدااے ۔اَسمان کُھل گیا جدوں اوہنے بپتسمہ لیا ۔اَسمان دی بادشاہی دے بوہے کُھل گئے تے جیہڑا وی یسوع دے بپتسمہ اُتے ایمان لیاؤندااے آزادی نال اندر جا سکدااے ۔
یسوع اپنے بپتسمہ دے راہیں جگ دا سارا پاپ چُکن دے بعد سولی اُتے مریا سی ۔
کویں یسوع نے ابلیس دے سِر نُوں لتاڑ دِتا ؟
ساڈے سارے پاپاں دی سزاچُک کے مویاں وچوں جی اُٹھن دے بعد ۔
کیوں جے اوہدے سِر اُتے سارے پاپ لد دِتے گئے سَن ،ایس لئی یسوع نُوں سولی اُتے دُکھ جرنا سی ۔ اوہ بوہت غمگین تے دُکھی ہویا جدوں اوہنے ایس آزمائش دے بارے وچ سوچیا جیہڑی اوہنے سولی اُتے چُکنی سی ۔اوہ او س ویلے تیک دُعا کردارہیا جدوں تیک اوہدا پسینہ لہودے قطرے نہ بن گیا ۔جدوں اوہ اپنے چلیاں دے نال اوس تھاں اُتے جیہڑی گتسمنی اَکھواؤندی اے گیا ،اوہنے بڑے زور نال آکھیا ، ” سُن لَے میرے پیو! جے ہوسکے تے ایہہ پیالہ میتھوں ٹل جاوے ۔ “ (متی ۲۶ : ۳۹)۔میَں بپتسمہ لیا تے جگ داسارا پاپ چُک لیا پر مینوں ایہدے لئی موت نہ دے ۔پر خُدا نے جواب نہ دِتا۔
پُرانے عہد نامے وچ فدیہ دیہاڑے اُتے ،پاپ دی قربانی نوں مرنا پینداسی تاں پئی وڈے کاہن دے راہیں اوہدے لہو نوں ترس دی تھاں اگے تراؤنکیا جا سکے ۔ ایسے طریقے نال ، یسوع نوں سولی اُتے مرنا سی تے خُدا نے فیصلہ کیتا پئی اوہ دوجے طریقے نال نئیں کر سکداسی ۔
قربان گاہ خُدا دافیصلہ اے تے پاپ دی قربانی دا لہو حیاتی ہیگااے ۔ ترس گاہ توں پہلاں تے اوہدے اگے ۷ واری لہو تراؤنکن دا مطلب اے پئی سارا فدیہ ہو گیااے(احبار۱۶ : ۱ ۔ ۲۲)۔
یسوع نے اوہدے اگے دعا کیتی پئی ایہہ پیالہ میرے توں ٹل جاوے ۔ پر اوہدے پیو نے اِنج کرن دی اجاز ت نہ دِتی تے یسوع نے اخیر وچ آکھیا ، ” میری مرضی نئیں سگوں تیری مرضی پوری ہووے ۔“ (متی ۲۶ : ۳۹)۔اوہنے خُدا دے اگے دعا کیتی پئی جویں اوہ چنگا جان دا اے کرے ۔اوہنے اپنی دعا مکائی تے اپنے پیو دی مرضی دے پِچھے چلیا ۔
یسوع نے اپنی مرضی چھڈ دِتی تے اپنے پیودی مرضی پوری کیتی ۔ کاہدے لئی ؟ کیوں جے اوہ جگ داسارا پاپ چُکن دے بعد دُکھڑے نہ سہندا تے مکتی پوری نہ ہوندی ۔ اوہ سولی اُتے مریا کیوں جے اوہنے اپنے بپتسمہ دے راہیں انسانی پیڑھی دا سارا پاپ چُک لیا ۔ ” کیوں جے پاپ دی دیہاڑی موت ہیگی اے پر خُدادی دین ساڈے خُداوند مسیح یسوع وچ ہمیشہ دی حیاتی اے ۔“ (رومیوں ۶ : ۲۳)۔
خُدا نے اپنے اوس عہد نُوں پورا کیتا جیہدے وچ اوہنے آکھیا سی پئی اوہ مکتی داتا نُوں گھلے گا تے انسانی پیڑھی نُوں ہتھاں دے رکھے جان دےوسیلے، یسوع دے بپتسمہ دے راہیں مکتی دیوے گا۔ یسوع نے خُدا دی مرضی پوری کیتی تے ساڈے لئی سزا نوں قبول کیِتا ۔
ایہہ پیدائش ۳ : ۱۵ دی پیشن گوئی دی تکمیل وی سی ،” تے میَں تیرے تے زنانی دے وچکار تے تیری نسل تے زنانی دی نسل دے وچکار ویر پاواں گا ۔اوہ تیرے سِر نُوں پھیوے گا تے تُوں اوہدی اَڈی اُتے وڈیں گا ۔ “ خُدا نے آدم توں مسیحا نُوں ، زنانی دی نسل وچوں گھلن دا وعدہ کیِتا ،تے
اوہ شیطان دی طاقت نُوں ہراوےگا جنہے انسانی پیڑھی نُوں پاپی تے دوزخ دے لائق ٹھہرایا ۔
جدوں اسیں یسوع دے بپتسمہ تے اوہدی صلیبی موت نوں جان دے تے ایمان رکھدےہاں ، ساڈے سارے پاپ دُھل جاندے نیں تے اسیں سزا توں بچ جاندے آں ۔
سانوں اپنے دلاں وچ مضبوط ایمان رکھنا چاہی دااے جدوں اسیں یسوع دے بپتسمہ تے سولی اُتے اوہدے لہو ول دھیان دیندے آں ۔تسیں اپنے دل وچ ایہہ ایمان رکھو فیر تسیں مکتی یافتہ ہو جاوو گے ۔
یسوع دابپتسمہ اَسمانی خوشخبری دا شروع اے
خُداونددا اَسمان اُتے جان توں پہلاں آخری حکم کیہ سی ؟
اوہنے اپنے چیلیاں نوں ساریاں قوماں نوں چیلے بناؤن تے پیو تےپُترتے پاک رُوح دے ناں نال بپتسمہ دین دا حکم دِتاسی۔
یسوع دابپتسمہ خوشخبری دا شروع سی تے اوہنے اپنے بپتسمہ تے لہو دے راہیں سارے پاپیاں نوں مکتی دِتی ۔ متی ۲۸ : ۱۹ وچ لکھیا ہویا اے ، ” ایس لئی تسیں جاکے ساریاں قوماں نوں چیلے بناؤ تے اوہناں نوں پیو تےپُترتے پاک رُوح دے ناں نال بپتسمہ دیوو۔“ یسوع نے اپنے چیلیاں نوں ایہہ گواہی دین لئی آکھیا پئی پیو تےپُترتے پاک رُوح نے ساری انسانی پیڑھی نُوں اوہناں دے پاپاں توں بچا لیااے تے اوہدے بپتسمہ تے اوہدے لہو دے راہیں سارے پاپ دھودِتے نیں ۔
یسوع نے اوہناں نوں ساریاں قوماں نوں چیلے بناؤن دا اختیار دِتا،اوہناں نوں یسوع دے بپتسمہ ، خلاصی دے بپتسمہ ، بپتسمہ جنہے سارے جگ دا پاپ دھودِتا ،دے بارے وچ سکھاؤن دا حکم دِتا۔
تقریباً ۲۰۰۰ ہزار ورہے پہلاں ،یسوع جگ وچ بدن لَے کے آیا تے یوحنا اصطباغی کولوں بپتسمہ لیا ۔یسوع دے بپتسمہ دے نال ،سارے جگ دے پاپ ،ایہدے وچ ساڈے سارے پاپ وی شامل نیں
،اوہدے اُتے لد دِتے گئے سَن ۔
کِنے پاپ اوہدے اُتے لد ے گئے سن؟کل دے پاپ دے بارے وچ کیہ خیال اے ؟ اوہ سانوں دَسدا اے پئی ایتھوں تیک پئی کل دے پاپ وی اوہدے اُتے لد دِتے گئے سَن ۔ساڈے بچیاں دے پاپ تے سارے ماضی ، حال تے مستقبل دی نسلاں دے پاپ، ایتھوں تیک پئی آدم دے پاپ وی یسوع اُتے لد دِتے گئے سن ۔
کویں اوتھے کوئی پاپ نئیں ہوسکدا؟ اسیں کویں بے پاپ ہو سکدے آں؟ کیوں جے یسوع نے ساڈے سارے پاپاں تے جگ دے سارے پاپاں نوں اپنے بپتسمہ دے راہیں چُک لیا تاں پئی سارے ایماندار آپ پاپ توں پاک ہو سکن تے اَسمان دی بادشاہی تیک پہونچ سکن۔
” پر جیہڑا سچیائی اُتے عمل کردااےاوہ نُور کول آؤندااے تاں پئی اوہدے کم وکھالی دین پئی اوہ خُداوچ کیتے گئے نیں۔ “ (یوحنا ۳ : ۲۱)۔
یسوع نے ساڈے سارے پاپ ،اپنے بپتسمہ تے سولی اُتے اپنے لہو ،اپنے مرن تے اپنے جی اُٹھن دے راہیں دھودِتے نیں۔ ایس لئی اوہدے بپتسمہ تے اوہدی موت اُتے ایمان رکھناای سارے پاپاں توں مکتی یافتہ ہونا اے ۔ ایہہ مکتی داایمان اے ۔
جدوں اسیں مسیح دے بپتسمہ تے اوہدے لہو اُتے لیاؤندے آں ، اسیں مکتی یافتہ ہو جاندے آں ۔ جدوں اسیں ٹھیک طریقے نال یسوع اُتے ایمان لیاؤندے آں ،کیہ اسیں راستباز ہاں یاں پاپی؟ اسیں راستباز ہیگے آں ۔ کیہ اسیں پاپ دے اَڈ ہیگے آں بھانویں اسیں ادھوری مخلوق آں؟ آہو اسیں پاپ دےاَڈ ہیگے آں ۔ یسوع دے بپتسمہ تے سولی اُتے اوہدی موت اُتے ایمان لیاؤنا ای ٹھیک تے کامل ایمان رکھنااے ۔
بپتسمہ لینا تے یسوع دے ناں اُتے بپتسمہ دینا
اَسمانی خوشخبری دا شروع کیہ اے؟
یسوع دا بپتسمہ
کیوں جے لوک ادھوری مخلوق نیں، خادم اوہناں نوں بپتسمہ دیندے نیں جیہڑے یسوع دے بپتسمہ تے اوہدے لہو اُتے ایمان لیا کے اپنے ایمان دا پک کردے نیں۔ نویں سریوں جمے ہوئے لوک ایمان دے ثبوت دے طور اُتے ہُو بہُو اوسے طرحاں یسوع دے بپتسمہ دے طریقے وانگر بپتسمہ لَے کے پکا یقین کردے نیں ۔
خادم پہلے نویں سریوں جمے ہوئے بندے دے سر اُتے اپنے ہتھ رکھ کے دُعا کردے نیں ، خُدادی برکت منگ دے نیں تاں پئی ایہہ بندہ اپنی حیاتی دے اخیری دِناں تیک اوہدی چنگی طرحاں عبادت کرے ۔ فیر اوہ ااوہنوں پیوتے پُتر تے پاک رُوح دے ناں اُتے بپتسمہ دیندے نیں۔
اسیں یسوع دے بپتسمہ تے اوہدے لہو وچ ایمان دی بنیاد اُتے بپتسمہ لیندے آں۔ ایہہ بپتسمہ ظاہر کردااے پئی سارا پاپ یسوع اُتے لد دِتا گیا سی مطلب اے ، بپتسمہ یافتہ بندہ یسوع دے نال مرگیا تےاوہد ے نال جی اُٹھیا ۔
بپتسمہ لینا کسے دا اپنے عقیدے دا اعلان کرنا اے پئی اوہدے بپتسمہ دے راہیں یسوع اُتے پاپ لد دِتا گیا سی ، یسوع دے نال نال اوہدے پاپاں نوں وی سزا ملی تے اوہ اوہدے نا ل جی اُٹھیا اے ۔ ایہہ کسے دا پیوتے پُتر تے پاک رُوح ، شیطان تے کسے دا بھراواں تے بھیناں دے اگے اپنے ایمان دا اقرار اے ۔ ایہہ اقرار اے پئی بندہ پانی تے رُوح دے راہیں نویں سریوں جم پیا اے ۔
اوہ لوک جیہڑے یسوع اُتے ایمان رکھدے نیں اوہ یسوع دے بپتسمہ تے اوہدے صلیبی لہو دے سچے مطلب نُوں جان دے نیں جنہاں نے جگ دے سارے پاپاں توں مکتی پائی اے ۔ ایس لئی اوہناں نوں پیوتے پُتر تے پاک رُوح دے ناں اُتے بپتسمہ دِتاجاندااے ۔
” پرانیاں شیواں مُک گئیاں نیں۔ ویکھو اوہ نویاں ہوگئیاں نیں۔ “ (۲۔ کرنتھیوں ۵ : ۱۷)۔ ساڈیاں پُرانیاں شیواں مُک گئیاں تے اسیں ایمان دارلوکاں وانگر نویں سریوں جم پئے آں ۔ اپنے دلاں وچ یقین نوں پکیاں کرن لئی اسیں بپتسمہ لیندے آں ۔ اسیں یسوع دے بپتسمہ اُتے ایمان لیاؤن دے راہیں یسوع وچ بپتسمہ لیندے آں ۔
یسوع دے بپتسمہ تے اوہدے صلیبی لہو دےراہیں نویں سریوں جمن دے بعد دی حیاتی
نویں سریوں جمیا بندہ کیہڑی گل واسطے جیوندااے؟
اوہ خُد ا دی بادشاہی تے اوہدی راستباز ی دے واسطے جیوندے نیں، اوہ ساری دنیا وچ خوشخبری دی منادی کردے نیں ۔
پاپاں دی معافی مل جان دے بعد دی حیاتی وچ نویں سریوں جمیاں نُوں یقیناً خُدا دے کلام دے مطابق ایمان وچ اکٹھیا ں ہونا چاہی دااے ۔ ایہہ جذباتی حیاتی نئیں ہونی چاہی دی اے جیہدے وچ ہر کسے نُوں ہر روز اپنے ہر دیہاڑے دے پاپاں لئی توبہ کرنی اے ۔ سگوں ایہہ اک ایہو جیہی وفادار حیاتی بن دی اے جیہدے وچ اسیں ہر دیہاڑے پُریقین ہیگے آں پئی یسوع نے اپنے بپتسمہ دے نال ساڈے سارے پاپ چُک لَے نیں ۔
ساڈے سارے پاپ یسوع اُتے لد دِتے گئے جدوں او ہنے بپتسمہ لیا۔ فیر اوہ ایس بھار نال ۳ ورہے تیک جیوندا رہیا،جدوں تیک اوہنے ساڈے سارے پاپاں لئی دُکھڑے نہ سہے تے سولی اُتے مرگیا ۔
ایس لئی سانوں ایمانداراں نُوں لکھے ہوئے کلام اُتے ایمان رکھنا چاہی دااےنہ پئی صرف گلاں باتاں اُتے ۔ جے اسیں اِنج کرن وچ ناکام ہو جاندے آں ،اسیں مکتی یافتہ تے نویں سریوں جمن دے بعد صرف اپنے ہر دیہاڑے دے پاپاں دے بارے وچ پریشان ہوواں گے ۔
سانوں پاپ دے موضوع دے خیال نُوں مکاؤنا ایں تے صرف پانی تے لہو دی خوشخبری اُتے ایمان رکھنا اے ۔ ایہہ اوہ حیاتی اے جیہڑی مکتی یافتہ بندے نوں بسرکرنی چاہی دی اے ۔
یوحنا اصطباغی نے یسوع د ے بارے وچ کیہ آکھیاسی ؟ ” ویکھو ! ایہہ خُدا دا میمنا اے جیہڑا جگ دا پاپ چُک کے لَے جاندااے ۔“ (یوحنا ۱ : ۲۹)۔اوہنے گواہی دِتی پئی یسوع نے اَج ،آؤن والے کل ،لنگھے ہوئے کل ،سارے پِچھلے نسلی پاپ چُک لَے نیں۔
کیہ اوہدے اُتے اوہناں دے سارے پاپ نئیں لدے گئے سَن ؟ کیہ اوہ سارے پاپ یسوع اُتے نئیں لدے گئے سَن ؟جگ دا پاپ ساڈے سارے ماضی ، حال تے مستقبل دے پاپاں نُوں اکٹھیاں کردااے ۔سانوں یسوع دے بپتسمہ دے راہیں مکتی دی خوشخبری دا پک کرنا اے ۔
اوہ لوک جیہڑے یسوع دے بپتسمہ تے اوہدے لہو دی سچیائی اُتے ایمان رکھدے نیں اوہ مکتی یافتہ ہو جان گے ۔ جیہڑا کوئی یسوع دے بپتسمہ اُتے ایمان لیاؤندااے اپنے دل وچ پاپ نئیں رکھدا۔
فیر وی ، بوہتے لوک سوچدے نیں پئی اوہ حالے تیک پاپ رکھدے نیں کیوں جے اوہناں نوں پتہ نئیں ہیگا پئی اوہناں دے پاپ پہلوں ای اوہدے بپتسمہ دے راہیں یسوع اُتے لدے گئے سَن ۔ اوہ شیطان توں دھوکہ کھاندے نیں ۔ شیطان اوہناں دیاں جسمانی سوچاں دے راہیں اوہناں دے کناں وچ پھُس پھُس کردااے ۔ ” تسیں ہر دیہاڑے پاپ کردے او۔تسیں بے پاپ کویں ہو سکدے او؟ “
اوہناں نوں بے پاپ ہون لئی صرف خُدا اُتے ایمان لیاؤنااے ۔پر شیطان اوہناں نوں پُٹھے مشورے دیندااے پئی اوہ پاپی نیں کیوں جے اوہ حالے تیک پاپ رکھدے نیں ۔کوئی بندہ پاپ نئیں رکھدا جے اوہ یسوع دے بپتسمہ تے اوہدے صلیبی لہو اُتے ایمان رکھدااے ۔
کیوں جے اسیں ایس جگ وچ بے تکے تے ماڑی مخلوق وانگر حیاتی بسر کردے آں ۔اسیں کدی نئیں آکھ سکدے پئی اسیں اپنے چنگےعملاں تے کماں دے راہیں راستباز بن جاندے آں ۔ پر اسیں ایمان نال آکھ سکدے آں پئی اسیں یسوع دے بپتسمہ تے اوہدے صلیبی لہو دی سچیائی دے راہیں مکتی یافتہ ہوئے آں ۔ اک واری جدوں اسیں ایہہ سمجھ جاندے آں پئی یسوع دے بپتسمہ تے اوہدے لہو اُتے ایمان لیاؤن دے راہیں ،ساڈے دل پاک ہو جاندے نیں ،اسیں ایمان نال جان دے آں پئی اسیں کوئی پاپ نئیں رکھدے ۔
” ♫ میرا فدیہ دِتا گیا اے ، تیرا فدیہ دِتا گیا اے ،ساڈا ساریاں دا فدیہ دِتا گیا اے ♫ “ ایہہ خوشی تے چا ء نال حیاتی بسرکرن دا ایہو جیہا احساس اے مطلب اے، ایس آس نال پئی ساریاں تیک خوشخبری دی منادی کرنا تے جاننا پئی سانوں پاک رُوح دے راہیں اَگوائی مِلدی اے ۔
بے شک اسیں ایماندار ہر دیہاڑے پاپ کردے آ ں پر اسیں کوئی پاپ نئیں رکھدے ۔ اسیں اپنے دلاں وچ یسوع دا بپتسمہ تے اوہدا لہو رکھدے آں۔ ساڈے دل پاپ نال بھرے رہندے نیں ،پر ہُن مطلب اے،اسیں یسوع دے بپتسمہ اُتے ایمان رکھدے آں، اسیں کویں پاپی ہوسکدے آں۔
” خُداوند فرماؤندااے جیہڑا عہد میَں اوہناں دناں دے بعد اوہناں نال بنھاں گا اوہ ایہہ ہیگااے پئی میَں اپنے قانون اوہناں دے دلاں اُتے لکھا ں گاتے اوہناں دے ذہناں وچ پاواں گا۔“ (عبرانیوں ۱۰ : ۱۶)۔
ساڈے دل پاپاں توں چھُڈائے گئے نیں۔ یسوع نے ساڈے لئی ایہہ سوکھا بنایا پئی اسیں اوہدے
بپتسمہ تے اوہدی صلیبی موت دے راہیں مکمل طور اُتے چھُڈائے جائیے۔ خُدا دے کلام اُتے ایمان لیاؤن دے راہیں پاپ توں مکتی پکی ہوندی اے ۔
جیہڑا کوئی یسوع دے بپتسمہ تے اوہد ےصلیبی لہو اُتے ایمان رکھدااے اوہ کدی پاپی نئیں ہوسکدا
جدوں اسیں پاپ کردےآں کیہ اسیں فیر پاپی بن جاندے آں ؟
نئیں ،اسیں فیر کدی پاپی نئیں بن دے۔
جدوں اسیں یسوع دے بپتسمہ تے اوہدے لہو اُتے ایمان نئیں رکھدے کوئی مطلب نئیں رکھدا ،اسیں معافی لئی کِنی بوہتی دُعا کیتی ، ساڈے دلاں وچ پاپ ہیگا سی ۔پرجدوں اسیں اصل خوش خبری اُتے ایمان لیائے ، ساڈے سارے پاپ دُھل گئے ۔
” واہ،ایناں دناں وچ تسیں کِنے چمک دار تے خوش نظرآؤندے او؟ “
” تسیں ویکھدےاو ،میَں اپنے دل وچ ہورپاپ نئیں رکھدا۔ “
” فیر میرا خیال اے تسیں جنہے چاہو ہُن پاپ کرسکدے او؟ “
” تہانوں پتہ اے بندہ کُجھ نئیں کر سکدا پر پاپ،بندہ اِنج دا ہوندااے۔پر یسوع نے اپنے بپتسمہ دے نال سارے پاپاں نُوں چُک لیا تے سولی اُتے اوہناں دی سزا قبول کیتی ۔ ایس سبب توں میَں اپنے آپ نُوں کلیسیا وچ اوہدی خوشخبری دی خدمت دے نانویں لاؤنداہا ں ۔رومیوں ۶ باب سانوں دَسدااے ،سانوں ساریاں نُوں اِنج ای رہنا چاہی دااے ۔ جدوں توں میَں اپنے دل وچ پاپ نئیں رکھدا،میَں راستبازی دے کم کرنا چاہنداہاں ۔ سانوں یسوع دے بپتسمہ تے اوہدے صلیبی لہو اُتے ایمان رکھنا اے تے سارے جگ وچ خوشخبری دی منادی کرنی اے !جدوں اسیں یسوع،اپنے فدیہ دے مالک اُتے ایمان رکھدے آں،فیر اسیں کدی دوجی واری پاپی نئیں بن سکدے ۔ سانوں یسوع دے بپتسمہ تے اوہدے
صلیبی لہو دی ہمیش دی مکتی اُتے ایمان رکھنا اے ۔ میَں بوہت شکرگزاری نال بھریاہویا واں! “
کِنوں پاک رُوح مِلدااے ؟
یوحنا اصطباغی نے یسوع دے بارے کیہ گواہی دِتی ؟
اوہنے گواہی دِتی پئی یسوع خُدا دا میمنا سی جیہڑا جگ دے سارے پاپاں نُوں ،جیہڑے ماضی ، حال تے مستقبل دے پاپ ،ایتھوں تیک پئی نسلی پاپ وی چُک کے لَے گیا۔
جیہڑے کوئی یسوع دے بپتسمہ تے اوہدے صلیبی لہو اُتے ایمان لیاؤندااے مکتی پاؤندااے ۔اسیں کویں پاک رُوح پاؤندے آں ۔ اعمال ۲ : ۳۸ ۔۳۹سانوں ایہدا جواب دَسدااے ۔ ” پطرس نے اوہناں نوں آکھیاپئی توبہ کروتے تہاڈے وچوں ہر کوئی اپنے پاپاں دی معافی لئی یسوع مسیح دے ناں اُتے بپتسمہ لوے تے تسیں پاک رُوح القدس انعام وچ لووگے ۔“
یسوع مسیح دے ناں اُتے بپتسمہ لین دا مطلب اےیسوع مسیح دے بپتسمہ اُتے ایمان رکھنا تے پاپاں توں چھُڈائے جانا۔فیر خُدا پاک رُوح نوں انعام وانگر دیوے گا۔
یسوع مسیح دے ناں اُتے بپتسمہ لین دا مطلب ایہہ وی اےپئی یسوع دے بپتسمہ تے لہو اُتے ایمان رکھن دے راہیں پاک ہونا۔ جدوں اسیں ایس ایمان نوں قبول کردے آں اسیں پاپاں توں مکتی پاؤندے آں تے راستباز بن جاندے آں ۔ایماندار یسوع دے بپتسمہ تے اوہد ے صلیبی لہو دے راہیں برف وانگر چٹے ہو جاندے نیں ۔
” تے تہانوں پاک رُوح دا انعام مِلے گا “جدوں اسیں پکے ہوکے ایمان لیاؤندے آں پئی اوہدے بپتسمہ دے راہیں ساڈےسارےپاپ یسوع اُتے لد دِتے گئے سَن تے سولی اُتے اپنی موت دے راہیں ساڈے لئی دُکھڑے سہے ۔ ساڈے دل بالکل صاف ہوجاندے نیں ۔ساڈی نویں حیاتی شروع ہوندی اے جدوں اسیں یسوع دے بپتسمہ تے اوہدے لہو اُتے ایمان رکھدے آں تے پاک رُوح دا انعام پاؤندے آں تے خُدا دے پُتر بن جاندے آں۔
” سچیائی نُوں جانوں گے تے سچیائی تہانوں چھُڈائے گی ۔“ (یوحنا ۸ : ۳۲)۔سانوں خُداوند دی صلیبی موت دے کھرے مطلب نوں جاننا چاہی دا اے ۔ سچیائی ایہہ ہیگی اے یسوع نے اپنے بپتسمہ تے صلیبی موت دے راہیں ساڈے سارے پاپ دھودِتے نیں ۔ سانوں پاپاں دی معافی مِلدی اے جدوں اسیں سچیائی اُتے ایمان رکھدے آں ۔
یسوع دا بپتسمہ سانوں مکتی دیندااے
کنوں پاک رُو ح مِلدااے ؟
اوہ جیہدا یسوع دے بپتسمہ تے صلیبی لہو اُتے ایمان دے راہیں سارے پاپاں توں چھُٹکارہ ہو گیا اے
پُرانے عہد نامے دے قربانی دے طریقے دے راہیں پاپ لئی فدیہ نویں عہد نامے وچ یسوع دے بپتسمہ دی نمائندگی کردااے ۔ پُرانے عہد نامے دیاں ساریاں پیشن گوئیاں دا خاص محور یسوع دا بپتسمہ اے ۔ پُرانے عہد نامے وچ ہتھاں دے رکھے جان ورگا نویں عہد نامے وچ یسوع دے بپتسمہ وچ لبھ سکدااے ۔
اوہدے بپتسمہ دے راہیں سارے جگ دا پاپ یسوع اُتے لد دِتا گیا سی ہُو بہُو جویں ہتھ رکھے جان دے راہیں اِسرائیل دے پاپ چڑھاوے دے پسُو اُتے لدے جاندے سَن ۔
کیہ سانوں اپنے سارے پاپاں توں مکتی پاؤن لئی یسوع دے بپتسمہ اُتے ایمان رکھنا اے؟ آہو! سانوں رکھنا چاہی دااے !سانوں سچ دی گل نوں قبول کرنا اے یسوع نے اپنےبپتسمہ دے راہیں سارے جگ دا پاپ چُک لیا۔ جے اسیں یسوع دے بپتسمہ اُتے ایمان نئیں رکھدے ،ساڈے پاپ اوہدے اُتے لد ے نئیں جا سکدے ۔ سانوں اپنی مکتی نوں مکمل کرن دے سلسلے وچ یقیناً ایمان رکھنا چاہی دا اے ورنہ ،
اسیں راستباز نئیں بن سکدے ۔
یسوع نےاپنے بپتسمہ دے نال بوہت چنگےتے بڑے ٹھیک طریقے نال جگ دے سارے پاپیاں نُوں مکتی دِتی ۔ ایہہ کسے ہور چنگے طریقے نال نئیں ہو سکداسی ۔ کیوں جے یسوع دابپتسمہ اوہ کم سی جیہدے راہیں سارے پاپاں نُوں اوہدے اُتے لد دِتا گیا سی ۔سانوں اپنے دلاں نوں پکے پاپ توں پاک رکھن لئی ایہدے اُتے ایمان رکھنااے ۔
سانوں ایہہ وی ایمان رکھنا چاہی دااے پئی یسوع دا لہو ساڈے سارے پاپاں دی سزاسی ۔ایس طرحاں ، اوہ سارے جیہڑے یسوع دے بپتسمہ تے اوہدے صلیبی لہو اُتے ایمان رکھدے نیں ،مکتی یافتہ نیں ۔
سانوں اَسمان دی بادشاہی وچ جان لئی یسوع دے بپتسمہ اُتے ایمان رکھنا اے۔ ایہو کلاراہ اے جیہدے راہیں اسیں سارے پاپاں توں مکتی تے اوس سزا توں جیہدے اسیں حقدارساں بچ سکدے آں ۔
نویں عہد نامے وچ یسوع دابپتسمہ تے پُرانے عہد نامے وچ ہتھاں دا رکھیا جانا اک دوجے دا شیشہ نیں ۔ ایہہ پُرانے تے نویں عہد نامے دے وچکار پھڑن والی پکڑ تے گنڈھ اے ۔
نویں عہد نامے وچ، یوحنا اصطباغی یسوع توں ۶ مہینے پہلاں آیا جدوں یسوع نے بپتسمہ لیا تے ایہہ ” یسوع مسیح خُدا دے پُتر دی خوشخبری دا شروع سی “ (مرقس ۱ : ۱)۔خوشخبری دا شروع اوس ویلے ہو یا جدوں یسوع نے اپنےبپتسمہ دے راہیں جگ دے سارے پاپاں نوں چُک لیا ۔
انسانی پیڑھی دی مکتی دی خدمت ،واقعات دے اک سلسلے دے راہیں مکمل ہون تیک پہونچی : یسوع دی پیدائش ،اوہدابپتسمہ ،سولی اُتے اوہدی موت، اوہدا جی اُٹھناتے اوہدا اَسمان اُتے چڑھنا۔ جدوں اسیں واقعات دی ایس زنجیر وچ مکتی دے کم نوں جان دے تے سمجھدے تے ایمان رکھدے آں ، اسیں اپنے سارے پاپاں توں مکتی پاؤندے آں ۔ یسوع دابپتسمہ خوشخبری دا شروع سی جد پئی سولی اُتے اوہدا لہو ایہدا مکمل ہونا سی ۔
” یسوع مسیح خُدا دے پُتر دی خوشخبری دا شروع “ (مرقس ۱ : ۱)اسیں خُدا دے پُتر دی خوشخبری وچوں ۔۔۔اوہدے کسے وی ٹھیک کم نوں نئیں کڈھ سکدے— مطلب اے اوہدابپتسمہ ،اوہدا صلیبی لہو، اوہدا جی اُٹھنا، اوہدا اَسمان اُتے چڑھناتے اوہدا جگ اُتے دوبارہ آؤنا —
یسوع ایس جگ وچ بدن لَے کے آیا تے اپنے بپتسمہ دے نال انسانی پیڑھی دا سارا پاپ دھو دِتا ،ایہہ اَسمانی خوشخبری دا شروع سی ۔ جے ایناں وچوں اک وی ضائع ہوندی ،اَسمانی خوشخبری پوری نہ ہوندی ۔
ایس لئی جے کسے نے نویں سریوں جمنا ایں ،اوہنوں مسیح دے بپتسمہ تے اوہدے لہو اُتے ایمان رکھنا اے ۔ ایناں دِناں وچ ،بوہت سارے لوک یسوع دے بپتسمہ تے اوہدے لہو دی سچیائی اُتے ایمان نئیں رکھدے ۔اوہ سوچدے نیں ، یسوع دا بپتسمہ صرف ایک رسم سی ۔ ایہہ اک بوہت زیادہ غلط خیال اے ۔ ہر کسے نوں جیہڑا یسوع اُتے ایمان رکھدااے یقیناً اوہدے بپتسمہ تے لہو اُتے وی ایمان رکھنا چاہی دااے ۔
کویں معافی لئی صرف دعا دے راہیں ساڈے پاپ دھوتے جاسکدے نیں ؟ساڈے سارے پاپ یسوع اُتے لد دِتے گئے سن جدوں اوہنے یوحنا اصطباغی کولوں بپتسمہ لیا ۔ انسانی پیڑھی دا پاپ چُکن لئی اوہدے کول کوئی دوجا راہ نئیں سی ۔
سانوں اَسمانی بادشاہی وچ جان لئی پانی تے روح دے راہیں نویں سریوں جمنا ایں ۔ پانی دے بپتسمہ ، صلیبی لہو تے رُوح دے اَڈ کوئی مکتی نئیں مِل سکدی ۔صرف اوہ جیہڑا نویں سریوں جمیااےخُدا نوں ویکھ سکدااے ،جویں یسوع نے یوحنا ۳ : ۵ وچ نیکُدیمس نوں آکھیا ۔کھری مکتی صرف اوس ویلے مِلدی اے جدوں اسیں یسوع دے بپتسمہ تے اوہدے لہو اُتے ایمان رکھدے آں ۔
کیہ اسیں یسوع دے بپتسمہ دے اَڈ مکتی یافتہ ہو سکدے آں؟
کویں یسوع ساڈا مکتی داتا بنیا؟
اپنے بپتسمہ دے راہیں ساڈے سارے پاپ چُکن دے سبب
جے اسیں خُداوند دی زمینی خدمت وچوں ایس گل نوں کڈھ دئیے پئی یسوع ایس جگ وچ آیا تے اپنے بپتسمہ دے راہیں سارے پاپاں نُوں چُک لیا،یاں یسوع دے پاکیزگی نوں اُتلی نظراں نال ویکھیے ،جیہڑا کواری مریم وچوں جمیایاں یسوع دی سولی اُتے ایمان لیاؤن توں مکر دے آں ، تے مسیحیت صرف شک شُبے دا دین بن جاوے گا جیہڑا ایمانداراں دی ایس صد اول اَگوائی کرے گا ” مینوں معاف کرو،
مینوں معاف کرو، مینوں معاف کرو۔“ جویں بدھ مت لوک اپنے مندراں وچ کردے نیں۔
یسوع دے بپتسمہ نوں کڈھن دا مطلب ہووے گا پئی ساڈے پاپ اوہدے اُتے نئیں لدے گئے۔ ساڈا ایمان بےمطلب ہووےگا ،اوس قرضدار توں مختلف نئیں ہووے گا جیہڑا دعویٰ کردا اے پئی اوہنے اپنا سارا قرض تار دِتا اے جد پئی اوہنے اصل وچ کُجھ وی نئیں دِتا ۔ ایہہ سانوں ساریاں نوں جھوٹا بنا دیوےگا ۔جے اک قرضدار آکھدااے پئی اوہ اپنا سارا قرض دے چُکیا اے جد پئی اصل وچ اوہنے اک رتی وی نئیں دِتی ، اصل وچ اوہ حالے تیک قرضدار تے اپنے دل ہتھوں دُکھ وچ رہوےگا ۔
یسوع نے اپنے پانی دے بپتسمہ دے راہیں ایمانداروں نوں دھو ، کے پاک کیتاتے خُدا دے پُتر بنا دِتا ۔یسوع نے یوحنا اصطباغی دے راہیں جگ دے سارے پاپاں نوں چُک لیا ، تاں پئی سارے ایماندار پاک ہو سکن ۔ جدوں اسیں اینوں جان دے تے ایمان رکھدے آں، ساڈے دل ہمیشہ لئی پاک ہو جاندے نیں ۔
خُدا دے فضل لئی اوہدا شکر ہووے ۔ لوقا ۲ : ۱۴ آکھدااے ، ” اَسمان اُتے خُدا دی تمجید ہووے تے دھرتی اُتے اوہناں بندیاں وچ جنہاں توں اوہ راضی اے صلح ۔“ساڈا یسوع دےپانی تے لہو اُتے ایمان سانوں کامل مکتی دواؤندااے تے سانوں خُداد ے پُتر بنا دیندااے۔ یسوع دابپتسمہ تے اوہدا لہو سانوں مکتی دواؤندااے تے جیہڑی وی ایناں دو شیواں اُتے ایمان رکھدااے اوہ مکتی یافتہ اے ۔
اوہدے کماں وچوں کُجھ وی نئیں کڈھیا جاسکدا۔کئی صرف لہو اُتے ایمان رکھدے نیں ،ایہہ آکھدیاں ہویاں پئی پولُس رسُول نے کسے شے اُتے فخر نہ کیتاپرسولی اُتے ۔ پر یسوع دا بپتسمہ اوہدی سولی وچ شامل سی ۔
اسیں رومیوں ۶ باب وچ ویکھ سکدےآں پئی پولُس نے مسیح وچ بپتسمہ لیا تے مسیح دے نال مریا۔ تے گلتیوں ۲ : ۲۰ وچ وی لکھیا اے ، ” میَں مسیح دے نال سولی اُتے مریا ہاں تے میَں جیوندانہ رہیا سگوں مسیح میرے وچ جیوندااے تے میَں جیہڑا ہُن بدن وچ حیاتی بسر کرداہاں تے خُدا دے پُتر اُتے ایمان لیاؤن نال بسرکرداہاں جنہے میرے نال محبت رکھی تے اپنے آپ نوں میرے لئی موت دے حوالے کر دِتا ۔ “
تے گلتیوں ۳ : ۲۷ ۔ ۲۹ وچ لکھیااے ”تے تسیں سارےجِنیاں نے مسیح وچ اکٹھیاں ہون دا بپتسمہ لیا مسیح نوں لیڑیاں وانگر پالیا۔نہ کوئی یہودی رہیا نہ یونانی ۔نہ کوئی غلام نہ آزاد۔نہ کوئی مرد نہ عورت کیوں جے تسیں سارے مسیح یسوع وچ اک ہیگے او۔ تے جےتسیں مسیح
کے ہیگے او تے ابرہام دی پیڑھی تے وعدہ دے مطابق وارث ہیگے او۔“
مسیح وچ اکٹھیاں ہون دے بپتسمہ دا مطلب اے پئی اوہدے سارے کماں اُتے ایمان رکھنا جیہڑے اوہنے ایس جگ وچ کیتے ،مطلب اے اوہدے بپتسمہ تے اوہدے سولی اُتے وگائے گئے لہو اُتے ۔ یسوع دے بپتسمہ تے اوہدے لہو اُتے ایمان رکھنا ،ایس سچیائی اُتے ایمان رکھنا اے پئی یسوع نے اَج توں ۲۰۰۰ ورہے پہلاں ای ساڈے سارے پاپ دھو دِتے ۔کوئی دوجی راہ نئیں جیہڑی سانوں مکتی دواؤندی اے ۔
اسیں خُدا دے راہیں مکتی پاؤندے آں جدوں اسیں یسوع دے بپتسمہ تے اوہدے صلیبی لہو اُتے ایمان رکھدے آں ۔
کیہ ساڈے پاپ صرف معافی دیاں دعاواں منگن دے راہیں مکائے جاسکدے نیں؟
نئیں ۔پاپاں دی معافی صرف ساڈےایمان دے راہیں سوکھی اے پئی سارےپاپ یسوع اُتے لددِتے گئے سن جدوں یوحنا اصطباغی نے یسوع نوں بپتسمہ دِتا سی ۔
” کیوں جے راستبازی لئی ایمان لیاؤنا دلوں ہوندااے تے مکتی لئی اقرار مونہوں کیتا جاندااے۔ “ (رومیوں ۱۰ : ۱۰)۔
”تے تسیں سارےجِنیاں نے مسیح وچ اکٹھیاں ہون دا بپتسمہ لیا مسیح نوں لیڑیاں وانگر پالیا۔“ (گلتیوں ۳ : ۲۷)۔ساڈا ایمان ساڈا مسیح وچ اکٹھیاں ہون دے بپتسمہ ول اَگوائی کردااے ،مطلب اے مسیح نوں پِنڈے اُتے پا لئیےتے خُدا دے پُتر بن جائیے۔ جدوں یسوع ایس جگ وچ آیا تے بپتسمہ لیا، ساڈے سارے پاپ تے جگ دے سارے پاپ اوہنے چُک لَے۔
ساڈے ایمان نے مسیح وچ اک ہون لئی ساڈی اَگوائی کیتی اے ۔ اسیں مرگئے جدوں اوہ مریا ۔
اسیں زندہ ہوگئے جدوں اوہ زندہ ہو گیا ۔ ہن کیوں جے اسیں یسوع دے بپتسمہ ،اوہدے لہوتے اوہدے زندہ ہون ، اوہدے اَسمان اُتے جان تے اوہدی دوبارہ آمد اُتے ایمان رکھدے آں، اسیں اَسمانی بادشاہی وچ جاسکدے آں تے ہمیشہ لئی جیوندے رہ سکدے آں ۔
جدوں لوک صرف یسوع دے لہو اُتے ایمان رکھدے نیں ،تے وہ بچ نئیں سکدے سگوں پاپ توں دُکھ سہندے نیں جیہڑا اوہناں دے دلاں وچ قائم رہندااے ۔کاہدے لئی ؟ کیوں جے نہ اوہ جان دے نیں نہ ای یسوع دے بپتسمہ دے مطلب نوں قبول کردے نیں جنہے اوہناں دے سارے پاپاں نُوں چُک لیاتے اوہناں دے پاپی دلاں نُوں ہمیش تیکر برف وانگر چٹا کردِتا ۔
کیہ تسیں یسوع دے بپتسمہ تے اوہدے لہو اُتے ایمان رکھدے اوجہنے تہانوں سارے پاپاں توں مکتی دتی؟ مہربانی نال ایس نہ بدلن والی سچیائی اُتے ایمان رکھو۔ یسوع دے بپتسمہ اُتے ایمان رکھن دے اَڈ ،تہاڈا ایمان نکمہ اے۔ یسوع دے بپتسمہ اُتے ایمان رکھن دے اَڈ ،تسیں اپنے پاپاں توں مکتی نئیں پا سکدے ، تسیں بے اجر محبت وچ رُجھے ہوئے جے ۔
اوہ لوک جیہڑے صرف سولی اُتے ایمان رکھدے نیں ، آکھدے نیں ، ” یسوع میرا خُداوند ہیگا اے ، میرا مکتی داتا،جیہڑا سولی اُتے میرے لئی مریا۔فیر اوہ مویاں وچوں زندہ ہویا تے اَسمان اُتے جان توں پہلاں ۴۰ دیہاڑے تیک اوہنے زندہ ہون دی گواہی دِتی ،ہن اوہ خُدا دے سجے ہتھ اُتے جا بیٹھا اے ۔ میَں ایمان رکھدا ہاں پئی اوہ ساڈی عدالت کرن لئی دوبارہ آوےگا تے میَں دعا منگداہاں یسوع مینوں مکمل طور اُتے بدل دیوے تاں پئی میَں اوہنوں مِل سکاں ۔ اے میرے سوہنے یسوع ،میرے خُداوندا۔“
اوہ اپنے پاپاں دی معافی لئی منت کردے نیں تے بے پاپ ہون دی آس رکھدے نیں ،پر اوہناں دے دلاں وچ پاپ اے۔” میَں یسوع اُتے ایمان رکھدا ہاں پر میرے دل وچ پاپ اے ۔ میَں یسوع نال پیارکرداہاں پر میرے دل وچ پاپ اے ۔میَں اوہنوں نئیں آکھ سکدا ،مہربانی نال ،اے میرے لاڑے ،میرے کول آ، کویں جےمیَں پاپ رکھدا ہاں تے اپنی مکتی اُتے پکا یقین نئیں رکھ سکدا۔ایس میَں آس رکھدا ہاں یسوع آوےگا جدوں میں چنگی طرحاں تیار ہو جاواں گا ،ایہہ صرف میری دلی دعاواں تے توبہ دے بعد ہووےگا ۔ میَں یسوع نو ں اپنے سارے دل نال پیار کردا ہاں پر میَں اپنے دل وچ پاپ ہون دے سبب اوہدے اگے آؤن دا حوصلہ نئیں رکھدا۔ “
جے یسوع ایہوجیہے لوکاں نوں پُچھے ،” تسیں کیوں سوچدے او پئی تسیں ادھورے ہیگے او؟ “
اوہ جواب دین گے ، ” خُداوندا میَں جان دا ہاں ،میَں راستباز نئیں کیوں جے میَں روزانہ پاپ
کرداہاں ۔ایس لئی مہربانی کرکے مینوں اودوں سدنا جدوں تسیں پاپیاں نُوں سدوگے۔“ اوہناں نوں نئیں پتہ پئی خُدا ،خالق تے انصاف کرن والا خُدا پاپیاں نوں قبول نئیں کرےگا تے نہ ای اوہ اوہناں نوں اپنے پُتر بناوےگا ۔
لاڑا آیا تے ووہٹی دے پاپ دے سارے مسئلیاں نوں حل کر دِتا کیوں جے ووہٹی نوں ایس سچ دا پتہ نئیں سی ،ایس لئی اوہ دُکھ وچ پئی ۔ جدوں اسیں سوچدے آں پئی اسیں پاپی آں ،کیوں جے اسیں بدن نال پاپ کیتا ،اسیں خُدا اُتے ایمان نئیں رکھدے ۔ جدوں اسیں خُدا دے کلام دی سچیائی نُوں نہ ای سمجھدے تے نہ ای جان دے آں،پاپ ساڈے دل وچ ودھدارہندا اے ۔
کاہدے لئی کُجھ لوک پاپ توں دُکھ اُٹھاؤندے نیں ،جیہڑا اوہناں دے دلاں وچ قائم رہندا اے؟
کیوں جے اوہ یسوع دے بپتسمہ دے مطلب نُوں اپنے دلاں وچ نہ جان دے نیں تے نہ ای قبول کردے نیں ، جنہے اوہناں دے سارے پاپ چُک لَے سَن ۔
لاڑے نے جگ دا سارا پاپ چُک لیا۔ کِتھے ؟ دریائے یردن اُتے جدوں اوہنے بپتسمہ لیا۔ اوہ لوک جیہڑے ایہدے اُتے ایمان نئیں رکھدے ہُن تیک پاپی نیں ۔ایہو جیہاں ووہٹیاں ناپاک رہندیاں نیں ۔ لاڑا ووہٹی کولوں پُچھے گا ،” توں میرے نال کویں محبت کرسکدی ایں جد پئی توں میری ووہٹی نئیں ہیگی ایں؟ مینوں اپنا لاڑا آکھن توں پہلاں تیرےسارے پاپ یقیناً صاف ہونے چاہی دے نیں ۔ “
کیہ اسیں یسوع دے بپتسمہ دے اَڈ پاپاں دی معافی پا سکدے آں ؟ نئیں ! اسیں خُدا وانگر بنائے گئے آں ،ایس لئی اسیں اپنے دلاں وچ انصاف لبھدے آں ۔ تے ساڈے دل عادل بنن دی کوشش کردے نیں ۔ پر ایہہ سوچنا ساڈے لئی اوکھا اے پئی اسیں بے پاپ آں جے ساڈےدل پاک نئیں کیتے گئے ۔ صرف جدوں اسیں یسوع دے بپتسمہ اُتے ایمان رکھدے تے قبول کردے آں تےاسیں سچ مُچ آکھ سکدے آں پئی اسیں کوئی پاپ نئیں رکھدے تے اسیں راستباز آں ۔
ساڈے دل کدی پاک نئیں ہو سکدے جے اسیں اپنے آپ نوں بے پاپ خیال کردے آں جد
پئی اصل وچ اپنے دلاں وچ پاپ رکھدے آں ۔ نہ ای خُدا سانوں ایس حال وچ قبول کر سکدا اے ۔ خُدا کدی جھوٹ نئیں بولدا۔
خُدا نے موسیٰ نوں بنی اِسرائیل نوں گنن دے واسطے مردم شماری لئی تے اوہناں دیاں حیاتیاں لئی اوہنوں فدیہ دین لئی آکھیا ۔ امیراں نیں ادھے مثقال توں بوہتا نئیں تے غریباں نیں گھٹ نئیں دینا ۔ہر کسے نے فدیہ دینا اے ۔
ایس لئی ، کوئی کویں پاک ہو سکدا اے جے اوہ یسوع اُتے ایمان نئیں رکھدا جنہے اوہدی حیاتی لئی اوہدا فدیہ دے دتا؟ ایہو جیہا بندہ اپنے دل وچ پاپ نوں قائم رکھدااے ۔
جدوں اسیں صرف یسوع دے لہو اُتے ایمان رکھدے آں ،اسیں اپنے دلاں وچ پاپ رکھدے آں تے اقرار کرنا اے پئی اسیں پاپی آں ۔ پر جدوں اسیں اوہدے بپتسمہ تے اوہدی صلیبی خوشخبری اُتے اکٹھا ایمان رکھدے آں ،تے اسیں دلیری نال آکھ سکدے آں پئی اسیں کوئی پاپ نئیں رکھدے۔مکتی تے ہمیش دی حیاتی ساڈی اے ۔
پاک رُوح دے خلاف کُفر بکنا
کیہڑی قِسم دا پاپ بندے نوں دوزخ دی سزا دیندااے ؟
پاک رُوح دے خلاف پاپ ،دوجے اَکھراں وچ ، یسوع دے بپتسمہ اُتے ایمان نہ رکھنا۔
رومیوں ۱ : ۱۷ آکھدااے ، ” ایس واسطے پئی اوہدے وچ خُدا دی راستبازی ایمان نال تے ایمان دے لئی وکھالی دیندی اے ۔“ خُدا دی راستبازی خوشخبری وچ وکھائی گئی اے۔ یسوع مسیح ایس جگ وچ آیا تے اپنے بپتسمہ تے صلیب اُتے مرن دے راہیں ساڈے سارے پاپاں نوں دھو دِتا۔ یسوع دابپتسمہ تے اوہدا لہو خوشخبری دی طاقت نیں ۔ یسوع نے ساڈے پاپ اکو ای واری تے ہمیش
لئی دھو دِتے نیں۔
ایمان رکھن دا مطلب مکتی تے ایمان نہ رکھن دا مطلب ہمیش دی دوزخ اے ۔ ساڈے اَسمانی پیو نے اپنے کلےکارے پُتر یسوع نوں ایس جگ وچ گھلیا تے ساڈے پاپاں دے فدیہ لئی اوہنوں بپتسمہ دِتا ۔ ایس طرحاں جیہڑا کوئی اوہدے اُتے ایمان رکھدااے اپنی ساری بھیڑی کرتُوتاں توں پاک ہو سکدا اے ۔
کلا پاپ جیہڑا ایس جگ وچ قائم اے اوہدے بپتسمہ تے لہو اُتے ایمان نہ رکھن دا پاپ اے ۔ایمان نہ رکھنا ای پاک رُوح دے خلاف کُفر ہیگااے تے اک پاپ جیہدی خُدا آپ سزا دیوے گا ، بے ایماناں نُوں دوزخ دی سزادیوےگا ۔ ایہہ بوہت ڈاہڈا پاپ اے ۔جے تہاڈے وچوں کوئی ایہہ پاپ کردااے ،اوہنوں یقیناً توبہ کرنی چاہی دی اے تے یسوع دے بپتسمہ اُتے ایمان لیاؤن دے راہیں مکتی پاؤنی چاہی دی اے ،جے نئیں ،تسیں ہمیشہ لئی تباہ ہوجاووگے ۔
کیہ تسیں مکتی دی گواہی دے نال ،اوہدے بپتسمہ تے لہو دے سبب مکتی یافتہ ہوئے جے ؟ کیہ تسیں یوحنا دی گواہی نوں قبول کرچُکے اوجویں یوحنا ۱ : ۲۹ وچ لکھیا اے ۔ ” ویکھو! ایہہ خُدا دا میمنااے جیہڑاجگ داپاپ چُک کے لَے جاندااے ۔“ کیہ تسیں یسوع دے بپتسمہ تے اوہدے لہو اُتے ایمان رکھدے او،جویں عبرانیوں ۱۰ : ۱۸ وچ لکھیا اے ، ”تے جدوں اوہنا ں دی معافی ہوگئی اے تے فیر پاپ دی قربانی نئیں رہی ۔“
خُدا اوہناں دے دلاں وچ جیہڑے یسوع دے بپتسمہ تے اوہدے لہو اُتے ایمان رکھدے نیں ،پک کردااے۔ خُدااوہناں نوں اپنے پُتر بناؤندااے ۔اوہ جیہڑے یسوع دے بپتسمہ تے اوہدے لہو اُتے ایمان رکھدے نیں ،یسوع دی سچی محبت دے راہیں پاپاں دی معافی پاؤندے نیں ۔
جنہوں خُدا نے گھلیا خُدا دا کلام بولدااے ، پر اوہ جیہڑے ایس جگ دے نیں ،جنہاں نوں خُدا نے نئیں گھلیا ،اپنے خیالاں دے مطابق منادی کردے نیں۔ایس دھرتی اُتے بوہت سارے لوک ہیگے نیں جیہڑے خُدا دے کلام دی منادی کردے نیں تےجنہاں نوں خُدا نے گھلیا اے ،اوہ یسوع دے بپتسمہ تے اوہدے لہو دے بارے وچ بولدے نیں ۔
پر اوہ لوک جیہڑے اپنے دلی خیالاں نال منادی کردے نیں ،صرف اپنی ذاتی سوچاں وکھاؤندے نیں ۔اوہ آکھدے نیں ، ” سانوں نسلی پاپ توں مکتی مِلی اےپرہر کسے نوں روزانہ دے پاپاں لئی توبہ کرنی اے۔“ اوہ آکھدے نیں اسیں ہولی ہولی پاک ہوواں گے ۔
پر کیہ کوئی بندہ اپنے آپ د ی ہمت نال پاک ہوسکدااے؟ کیہ اسیں اپنے آپ دیاں خوبیاں دی
طاقت تے اپنےآپ دی ہمت نال پاک ہو سکدے آں؟ کیہ اسیں ایس لئی پاک ہوئے آں کیوں جے خُدا نے ساڈے سارے پاپ دھودِتے نیں ، یاں کیوں جے اسیں آپ اپنے ہتھ پیر مارکے ایہہ سب کُجھ حاصل کیتا؟
سچا ایمان اوہ اے جیہڑاسانوں پاک کرے ۔کیہ اسیں کوئلے نوں ہزار واری دھوئیاں چٹا کر سکدے آں ؟کیہ اسیں کسے محلول نال کالی کھل نوں چٹاکرسکدے آں ؟ صابن دی کوئی مقدار یاں محلول ساڈے پاپاں نوں نئیں دھو سکدی تے ساڈی راستبازی گندیاں لیراں وانگر اے ۔ کیہ اسیں یسوع دے بپتسمہ تے اوہدے لہو اُتے ایمان رکھن دے راہیں راستباز بن دے آں ،یاں صرف اوہدے صلیبی لہو اُتے ایمان رکھن دے راہیں ؟
کھراایمان یسوع دے بپتسمہ دے پانی تے اوہدے صلیبی لہو نال پیدا ہوندااے ۔مکتی ساڈی اپنے آپ دی ہمتاں دے نتیجے دے طور اُتے پیدانئیں ہوندی ۔صرف ساڈا یسوع دے بپتسمہ تے اوہدے لہو اُتے ایمان سانوں پاپ توں چھڈاؤنداتے سانوں راستباز بناؤندااے ۔
پیو نے سارے لوکاں نُوں پُتر دے ہتھاں وچ دے دِتا اے تے جیہڑے وی اوہدے اُتے ایمان لیاؤندے نیں اوہ سدادی حیاتی پاؤن گے ۔پُتر اُتے ایمان رکھن دامطلب اوہدے بپتسمہ تے لہو دے راہیں مکتی اُتے ایمان رکھنااے۔جیہڑے ایمان لیاؤن گے خُدا دے پُتر وانگر ہمیش دی حیاتی رکھن گے ۔اوہ جیہڑے مکتی یافتہ نیں اوہ ہمیش تیک خُدادے سجے ہتھ اُتے جیوندے رہندے نیں ۔
یسوع دے بپتسمہ تے خُدا دے نال اوہدے کلیاں ہون اُتے ایمان پاک رُوح اُتے ایمان اے ۔ سچاکلام سانوں نویں سریوں جمن دی اجازت دیندااے ۔اسیں یسوع دے بپتسمہ تے اوہدے لہو اُتے ایمان رکھن دے راہیں مکتی یافتہ ہوئے آں ۔
ایمان رکھو۔ یسوع دے بپتسمہ تے اوہدے لہو اُتے ایمان رکھنا ،مکتی پاؤنا ایں ۔کھری خوشخبری اُتے ایمان رکھو تے پاپاں توں مکتی پاوو۔
Copyright © 2021 by The New Life Mission