ដោយសារការរាតត្បាតនៃជម្ងឺកូវីឌ១៩ និងការរំខានដល់សេវាកម្មប្រៃសណីយអន្តរជាតិ
យើងបានផ្អាកជាបណ្តោះអាសន្ននូវ "សេវាកម្មសៀវភៅបោះពុម្ពដោយឥតគិតថ្លៃ" របស់យើង។
នៅក្នុងស្ថានភាពបែបនេះ យើងមិនអាចផ្ញើសៀវភៅទៅកាន់លោកអ្នកបានឡើយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
مضمون 10: مُکاشفہ(مُکاشفہ دی کتاب اُتے تفسیر)
[20-1باب] ناگ اتھاہ کھڈے وِچ قید کِیتاجاوےگا (مُکاشفہ ۲۰:۱۔۱۵)
)مُکاشفہ ۲۰:۱۔۱۵)
” فیر مَیں اِک فرِشتے نُوں اسمانوں اُتر دیاں ویکھیا جِہدے ہتّھ وِچ اتھاہ کھڈے دی کُنجی تے وَڈا سَنگل سی۔اوس ناگ یعنی پرانے سَپّ نُوں جیہڑا ابلیس تے شیطان اے پَھڑکے ہزار ورھے لئی بنھیا۔تے اوہنوں اتھاہ کھڈے وِچ بند کر چھڈیا۔ تے اوہدے اُتّے مُہر لا چھڈی۔ پئی اوہ ہزار ورھے دے پُورے ہون تیکر قوماں نُوں فیر بدراہ نا کرے ایہدے پِچّھوں ضرُور اے۔ پئی تھوڑے چِر لئی فیر کھولیا جائے۔فیر مَیں تخت ویکھے تے لوک اوہناں اُتّے بَیٹھ گئے تے عدالت اوہناں دے سپُرد کِیتی گئی۔ تے اوہناں دِیاں رُوحاں نُوں وی ویکھیا۔ جِنہاں دے یِسُوع دی گواہی دین مارِیاں تے خُدا دے کلام مارِیاں سِر وَڈّھے گئے سن۔ تے جِنہاں نا اوس پشُو دی پُوجا کِیتی سی۔ تے نا اوہدے بُت دی۔ تے نا اوہدا ٹھپّہ اپنے مَتّھے تے ہتّھاں اُتّے لیا سی۔ تے اوہ زِندہ ہو کے ہزار ورھے تیکرمسِیح دے نال بادشاہی کر دے رہے۔تے جد تیکر ایہہ ہزار ورھے مُک نا گئے۔ باقی مُردے زِندہ نا ہوئے۔ پہلی قیامت ایہو اے۔مُبارک تے پاک اوہ اے جیہڑا پہلی قیامت وِچ شریک ہوئے اجیہاں اُتّے دُوجی مَوت دا کُجھ وَس نئیں سگوں اوہ خُدا تے مسِیح دے کاہِن ہون گے۔ تے اوہدے نال ہزار ورھے تیکر بادشاہی کرن گے۔تے جد ہزار ورھے مُک جان گے تے شیطان قید وِچوں چھڈیا جائے گا۔تے اوہناں قوماں نُوں جیہڑیاں زمین دے چَواں پاسے ہون گِیاں۔ یعنی جوج تے ماجوج نُوں بدراہ کر کے لڑائی دے لئی اکٹّھیاں کرن نُوں نِکلے گا۔ اوہناں دی گنتری سمُندر دی ریت وانگر ہوئے گی۔تے ساری زمین اُتّے کھِلّر جان گِیاں۔ تے پاک لوکاں دیاں پڑاواں نُوں تے پیارے شہر نُوں چَواں پاسیوں گھیر لین گِیاں۔ تے اسمانوں اَگ وَرھ کے اوہناں نُوں کھا جائے گی۔تے اوہناں دا بدراہ کرن والا ابلیس اَگ تے گندھک دی اوس جِھیل وِچ سُٹّیا جائے گا۔ جِتّھے اوہ پشُو تے جُھوٹھا نبی وی ہوئے گا۔ تے اوہ دِنے راتِیں ہمیشہ تیکر عذاب وِچ رہن گے۔فیر مَیں اِک وڈّے چِٹّے تخت نُوں تے اوہنوں جیہڑا اوہدے اُتّے بَیٹھا ہویا سی ویکھیا۔ جِہدے اگّوں زمین تے اسمان بھج گئے۔ تے اوہناں نُوں کِدھرے تھاں نا مِلیا۔فیر مَیں سارے نِکّے وڈّے مُردے اوس تخت دے اگّے کھلوتے ہوئے ویکھے۔ تے کِتاباں کھولِیاں گِئیاں۔ فیر اِک ہور کتاب کھولی گئی یعنی حیاتی دی کتاب۔ جیویں اوہناں کِتاباں وِچ لِکھیا ہویا سی۔ اوہناں دیاں کمّاں دے سببّوں مُردیاں دا انصاف کِیتا گیا۔تے سمُندر اپنے وِچلے مُردے دے دِتّے۔ تے مَوت تے پاتال نیں اپنے وِچلے مُردے دے دِتّے۔ تے اوہناں وِچوں ہر اِک دے کمّاں پِچّھے اوہدا انصاف کِیتا گیا۔فیر مَوت تے پاتال اَگ دی جِھیل وِچ سُٹّے گئے۔ ایہہ اَگ دی جِھیل دُوجی مَوت اے۔تے جِس کِسے دا ناں حیاتی دی کتاب وِچ نا لَبّھیا۔ اوہ اَگ دی جِھیل وِچ سُٹّیا گیا۔ “
تفسیر
آیت۱: فیر مَیں اِک فرِشتے نُوں اسمانوں اُتر دیاں ویکھیا جِہدے ہتّھ وِچ اتھاہ کھڈے دی کُنجی تے وَڈا سَنگل سی۔
پاک لوکاں نوں جیہڑے خوشخبری لئی محنت کر چُکے نیں اپنے انعام نال بدلہ دین لئی ، ساڈا خُداوند خُدا اوہناں نوں ہزار ورہیاں لئی مسیح دی بادشاہی دا انعام دیوے گا ۔ اِنج کر ن لئی ، خُدا نوں لازمی پہلوں اپنے فرشتیاں وچوں اک نوں نا گ نوں ہزار ورہے تیکر اتھاہ کھڈے وچ قید کرن لئی پھڑن دا حکم دینا چاہی دا اے ۔ خُدا نوں لازمی پہلوں ایہہ کم کرنا چاہی دا اے ، ایس لئی پئی ناگ نوں پھڑ لیا جاناچاہی دا اے تے پاک لوکاں نوں مسیح دی ہزار ورہیاں دی بادشاہی وچ زندہ رہن دے لائق کرن توں پہلوں اوہنوں کھڈے وچ بنھنا چاہی دا اے ۔ ایس طرح خُدا اپنے فرشتے نوں اتھاہ کھڈے دی کُنجی تے اک وڈا سنگل دیوے گا ، تے اوہنوں پھڑن تے ناگ نوں اتھاہ کھڈے وچ بنھن دا کم شروع کرن دا حکم دیوے گا ۔
آیت ۲: اوس ناگ یعنی پرانے سَپّ نُوں جیہڑا ابلیس تے شیطان اے پَھڑکے ہزار ورھے لئی بنھیا۔
اوہ بندہ جنہے آدم تے حوا نوں بد راہ کیتا تے دھوکے وچ پھسا لیا ایہو ای سَپّ اے ۔ پاک کلام ایس نوں ناگ تے شیطان آکھدااے ۔ خُدا یس ناگ نوں پھڑے گا تے اوہنوں ہزار ورہیاں لئی اتھاہ کھڈے
وچ بنھے گا تاں پئی پاک لوک امن نال ہزار ورہیاں دی بادشاہی وچ مسیح نال زندہ رہ سکن ۔
آیت ۳: تے اوہنوں اتھاہ کھڈے وِچ بند کر چھڈیا۔ تے اوہدے اُتّے مُہر لا چھڈی۔ پئی اوہ ہزار ورھے دے پُورے ہون تیکر قوماں نُوں فیر بدراہ نا کرے ایہدے پِچّھوں ضرُور اے۔ پئی تھوڑے چِر لئی فیر کھولیا جائے۔
ایس زمین اُتے مسیح دی بادشاہی بناؤن دے سلسلے وچ تے پاک لوکاں دے ہزار ورہیاں تیکر خُداوند نال بادشاہی کرن لئی، خُدا ناگ نوں اتھاہ کھڈے وچ ہزار ورہیاں لئی بنھے گا تے اوہنوں پاک لوکاں نوں دھوکہ دین توں روکےگا۔
ایہہ حوالہ ایتھے فرماندا اے ، ” ایہدے پِچّھوں ضرُور اے۔ پئی تھوڑے چِر لئی فیر کھولیا جائے۔ “ جد ہزار ورہے پورے ہو جان گے ، خُدا ناگ نوں تھوڑے چر لئی کھولے گا ، تاں پئی جد اوہ پاک لوکاں نوں فیر ستان لگے پوے ، اوہ اوہنوں فیر سدا لئی دوزخ وچ سُٹ دیوے گا ، اوہ کدی دوبارہ نظر نا آئے گا۔
آیت۴: فیر مَیں تخت ویکھے تے لوک اوہناں اُتّے بَیٹھ گئے تے عدالت اوہناں دے سپُرد کِیتی گئی۔ تے اوہناں دِیاں رُوحاں نُوں وی ویکھیا۔ جِنہاں دے یِسُوع دی گواہی دین مارِیاں تے خُدا دے کلام مارِیاں سِر وَڈّھے گئے سن۔ تے جِنہاں نا اوس پشُو دی پُوجا کِیتی سی۔ تے نا اوہدے بُت دی۔ تے نا اوہدا ٹھپّہ اپنے مَتّھے تے ہتّھاں اُتّے لیا سی۔ تے اوہ زِندہ ہو کے ہزار ورھے تیکر مسِیح دے نال بادشاہی کر دے رہے۔
مسیح دی بادشاہی وچ ، نویں سریوں جمے ہوئے مسیحی کچہری لاؤن دا اختیار لین گے ۔ پاک لوک ، مسیح دے کاہن بنن دے بعدوں، خُداوند نال ہزار ورہیاں دی بادشاہت وچ بادشاہی کرن گے ۔ ایس بادشاہی دے باشندےاوہ نیں جیہڑے یسوع دی گواہی تے اپنے ایمان دی راکھی کردے ہویاں شہید ہوگئے سن ، اوہ جنہاں نیں پشُو دا ٹھپہ نئیں لوایا نا ای اوہدے بُت دی پوجا کیتی سی ۔
ایہہ اوہ لوک نیں جیہڑے مخالفِ مسیح دے پیدا کیتے ہوئے دکھ جرن دے زمانے وچکار شہید ہوئے سن ، تے خُدا اوہناں نوں فیر زندگی بسر کرن لئی زندہ کرے گا تے آؤن والے ہزار ورہیاں وچ اوہناں نوں مسیح دی بادشاہت وچ بادشاہی دیوے گا ۔بنا ں شک ، اوہ سارے جیہڑے پہلی قیامت وچ شامل ہوئے وی ایہو ای برکت پاؤن گے ۔
خُداوند ولوں دتیاں گئیاں دو قیامتاں نیں : یعنی پہلی قیامت تے دوجی قیامت ۔ پاک لوک جیہڑے ہزار ورہیاں دی بادشاہی وچ زندہ رہن گے اوہ لوک نیں جیہڑے میل جول رکھن گے تے پہلی قیامت وچ شامل ہون گے ۔ اوہ سارے جیہڑے پہلی قیامت وچ حصہ لین گے ہزار ورہیاں دی بادشاہی ،یعنی مسیح دی بادشاہی وچ زندہ رہن دے جلال وچ وی شامل ہون گے ۔ پہلی قیامت ہوئے گی جد یسوع مسیح سارے پاک لوکاں نوں چُکن لئی واپس آئے گا (۱۔تھسلنیکیوں۴ :۱۵۔۱۷)۔پر دوجی قیامت ہزار ورہیاں دی بادشاہی دے اخیر اُتے واقع ہوئے گی ایس لئی پئی ایہہ پاپیاں نوں ہمیش دی موت دی سزا سناؤن لئی بنائی گئی اے ۔
پاک لوکاں نوں ہزار ورہیاں تیکر بادشاہی کرن دا اختیار قادرِ مطلق خُداوند دے راہیں دتا جاندا اے ۔ مسیح دی بادشاہی اوہناں نوں دتی جاندی اے ایس لئی پئی اوہناں نیں خُداوند دی پانی تے رُوح دی خوش خبری اُتے ایمان رکھیا تے ایس اُتے اپنے ایمان دی راکھی کرن لئی اپنیاں زندگیاں چھڈ دتیاں۔
آیت ۵: تے جد تیکرایہہ ہزار ورھے مُک نا گئے۔ باقی مُردے زِندہ نا ہوئے۔ پہلی قیامت ایہو اے۔
اوہ جیہڑے، خُداوند کولوں اپنے پاپاں دی معافی نا پاؤن دے بعدوں ، یعنی ایس زمین اُتے رہن دے بعدوں اوہدے کول پاپیاں وانگر جاندے نیں اوہ پہلی قیامت وچ شامل ہون دے لائق نئیں ہون گے جیہڑی خُداوند پاک لوکاں نوں دیوے گا ۔ ایسے طرح ، ایتھوں تیکر پئی جویں پاک لوک خوشی تے شادمانی نال مسیح دی بادشاہی وچ ہزار ورہیاں تیکر زندہ رہن گے ، اوہ پہلی قیامت نئیں جرن گے ، سگوں ایہدی بجائے اوہ دوجی قیامت وچ شامل ہون گے ۔ سبب ایہہ ہیگا اے پئی پاک لوک جیہڑے پہلی قیامت دی برکت پاؤن گے مسیح دی بادشاہی وچ ، دولت تے جلال نال ، ہزار ورہیاں تیکر زندہ رہن دا اختیار وی پاچُکے ہون گے ۔
پر ، خُدا پاپیاں لئی ، ”دوجی قیامت“دی اجازت دیوے گا ۔ کیوں ؟ ایس لئی پئی دوجی قیامت دے ویلے اُتے ، خُدا اوہناں نوں اوہناں دی موت توں زندہ کرے گا تاں پئی اوہ اوہناں دے پاپاں دے سبب اوہناں دی عدالت کر سکے۔اوہناں دی قسمت ایہو جیہی اے پئی اوہناں نوں لازمی اپنے پاپاں دی عدالت لئی فیر مُردیاں وچوں زندہ ہونا پوے گا۔ ایہہ ہے کیوں پاپیاں دی قیامت دونویں اپنی ترتیب تے نتیجیاں وچ پاک لوکاں دی قیامت توں فرق اے ۔
اوہناں توں علاوہ جیہڑے پانی تے رُوح دی خوشخبری اُتے اوہناں دے ایمان دے سبب ، پہلی قیامت وچ شامل ہوندے نیں خُداوند کسے دوجے نوں فیر زندہ رہن دی اجازت نئیں دیوے گا جد تیکر ہزار ورہے پورے نئیں ہو جاندے ۔ اِنج راستبازاں دی قیامت پاپیاں دی قیامت توں اک ہزار ورہے پہلوں ہوئے گی ۔ راستبازاں دی قیامت اوہناں لئی ہمیش دی زندگی تے برکتاں لینا اے ، پر پاپیاں دی قیامت اوہناں لئی اوہناں دے پاپاں دی ہمیش دی سزا لینا اے ۔
آیت ۶: مُبارک تے پاک اوہ اے جیہڑا پہلی قیامت وِچ شریک ہوئے اجیہاں اُتّے دُوجی مَوت دا کُجھ وَس نئیں سگوں اوہ خُدا تے مسِیح دے کاہِن ہون گے۔ تے اوہدے نال ہزار ورھے تیکربادشاہی کرن گے۔
پاک کلام سانوں دسدا اے پئی دوجی موت اوہناں اُتے کوئی اختیار نئیں رکھدی جیہڑے پہلی قیامت وچ شامل ہوندے نیں ۔ ایسے طرح ، ایہہ کلام سانوں دسدا اے پئی پہلی قیامت وچ شامل ہون والے ایہہ لوک مبارک نیں ، ایس لئی پئی اوہ ہزار ورہیاں دی بادشاہت وچ وی بادشاہی کرن گے ۔
آیتاں ۷ ۔ ۸: تے جد ہزار ورھے مُک جان گے تے شیطان قید وِچوں چھڈیا جائے گا۔تے اوہناں قوماں نُوں جیہڑیاں زمین دے چَواں پاسے ہون گِیاں۔ یعنی جوج تے ماجوج نُوں بدراہ کر کے لڑائی دے لئی اکٹّھیاں کرن نُوں نِکلے گا۔ اوہناں دی گنتری سمُندر دی ریت وانگر ہوئے گی۔
ہزار ورہیاں تیکر اتھاہ کھڈے وچ بند رہن تے چھٹ جان دے بعدوں ، ناگ اک واری فیر پاک لوکاں دے خلاف کھلون دی کوشش کرے گا ، تے ایسے طرح خُدا اوہنوں گندھک دی اگ وچ سُٹے گا تاں پئی اوہ دوبارہ کدی باہر آؤن دے لائق نا ہوئے ۔ ایس عدالت دے نال ، ناگ صرف دوزخ وچ نظر آئے گا ۔
فیر اسیں خورے پُچھ سکدے آں ، ” کیہ ایہدا مطلب ہیگا اے پئی اوہ جیہڑے نویں سریوں نئیں جمے ہُن تیکر ہزار ورہیاں دی بادشاہی وچ وجود رکھدے نیں ؟ “جواب ، ”آہو“ اے ۔ مُکاشفہ۲۰ :۸ دسدا اے پئی مسیح دی بادشاہی وچ زمین دے بوہت سارے لوک نیں ۔ اسیں یقین نال نئیں جان دے پئی کیہ اوہ خُدا دے ہتھوں پیدا ہوئے نویں لوک نیں ، یا اوہ لوک نیں جیہڑے ایس زمین اُتے پہلوں رہ چُکے سن ۔ پر اسیں کیہ جان دے آں ایہہ ہے پئی خُدا جان دا اے پئی اوہ کون نیں ، تے یعنی پاک لوکاں دے بادشاہی کرن لئی ، اوہ بوہت چوکھے لوک ہون گے ، اینے بوہتے جِنّی سمندر دی ریت اے ۔
سچیائی ایہہ ہیگی اے پئی جد پاک لوک مسیح دی بادشاہی وچ زندگی بسر کرن گے ، اوہ فیر وی زمین دے لوکاں نوں ویکھن گے ۔ اوہ پاک لوکاں دی سیوا لئی وجود رکھن گے ،تے اوہناں دی گنتری اینی بوہتی ہوئے گی یعنی جِنّی سمندر دی ریت ہوندی اے ۔ بھاویں اوہ اک واری فیر پاک لوکاں دے خلاف کھلون لئی ناگ نال اکٹھے ہون گے ، اوہ سارے خُدا ولوں گھلی گئی اگ نال برباد ہو جان گے ، اوہدے وڈے چِٹے تخت دی ہمیش دی عدالت لین گے ، تے ہمیش تیکر بلن والی اگ وچ سُٹ دتے جان گے ۔ ایہدے نال ، ہزار ورہیاں دی بادشاہی اپنے مکن ویلے تیکر اپڑ جائے گی ، تے فیر توں پاک لوک نویں اسمان تے نویں زمین ول ودھن گے جتھے اوہناں نیں ہمیش تیکر زندہ رہنا اے ۔
آیت ۹: تے ساری زمین اُتّے کھِلّر جان گِیاں۔ تے پاک لوکاں دیاں پڑاواں نُوں تے پیارے شہر نُوں چَواں پاسیوں گھیر لین گِیاں۔ تے اسمانوں اَگ وَرھ کے اوہناں نُوں کھا جائے گی۔
ناگ شیطان اے جیہڑا سدا لئی خُدا تے اوہدے پاک لوکاں دے خلاف کھلو چُکیا اے ۔ بھاویں اوہ مسیح دی بادشاہی وچ زمین اُتے رہن والے لوکاں نوں دھوکہ دیوے گا تے پاک لوکاں نوں دھمکی دیوے گا ، ایس لئی پئی خُدا قادرِ مطلق اے ، اوہ اسمانوں اگ ورھائے گا تے اوہناں ساریاں نوں ساڑ کے سواہ کر دیوے گا ،تے ناگ نوں اپنے تے اپنے پاک لوکاں دے خلاف فیر کدی کھلون دی اجازت نا دین لئی ، ہمیش دی اگ وچ سُٹ دیوے گا ۔
آیت ۱۰: تے اوہناں دا بدراہ کرن والا ابلیس اَگ تے گندھک دی اوس
جِھیل وِچ سُٹّیا جائے گا۔ جِتّھے اوہ پشُو تے جُھوٹھا نبی وی ہوئے گا۔ تے اوہ دِنے راتِیں ہمیشہ تیکر عذاب وِچ رہن گے۔
ناگ نوں اگ تے گندھک دی جھیل وچ سُٹن دے سبب ، خُدا یقین دہانی کرے گا پئی اوہ رات دن دکھ جرے ۔ ایہہ خُدا داٹھیک انصاف اے ، یعنی اَذّیت جیہدے ناگ تے اوہدے چیلے حقدا ر نیں ۔
آیت ۱۱: فیر مَیں اِک وڈّے چِٹّے تخت نُوں تے اوہنوں جیہڑا اوہدے اُتّے بَیٹھا ہویا سی ویکھیا۔ جِہدے اگّوں زمین تے اسمان بھج گئے۔ تے اوہناں نُوں کِدھرے تھاں نا مِلیا۔
ہزار ورہیاں لئی پاک لوکاں نوں اپنا انعام دین دا کم پورا کرن دے بعدوں، خُدا ہُن اپنے نویں اسمان تے نویں زمین نوں بنائے گا تے اوہناں نال ایس تھاں اُتے ہمیش تیکر زندہ رہوے گا ۔ اِنج کرن لئی ، خُدا سارا کم پورا کر چُکیا ہوئے گا جیہڑا اوہ اوہناں دے اخیر تے پکی قید لئی کر چُکیا ہوئے گا ۔ خُداوند لئی اخیری ، قید دا کم چِٹے تخت اُتے جج وانگر بیٹھنا تے سارے پاپیاں اُتے ، جنہاں دے کم عملاں دی کتاب وچ لکھے ہوئے نیں اپنی اخیری کچہری لاؤنا اے ، اوہناں توں سِوا جنہاں دے ناں حیاتی دی کتاب وچ لکھے ہوئے نیں ۔
ایہدے نال ای خُدا دی پاپیاں لئی کچہری ساری مُک جائے گی ، تے اوس توں اگے نویں اسمان تے نویں زمین دی بادشاہی شروع ہو جائے گی ۔ ساڈا خُداوند پہلے اسمان تے پہلی زمین نوں غائب کر دیوے گا ، نویں اسمان تے نویں زمین دی دوجی دنیا پیدا کرے گا ،تے پاک لوکاں نوں ایس اسمانی بادشاہت وچ زندہ رہن دی اجازت دیوے گا ۔ اوہدی حیاتی دی کتاب تے کچہری دیاں کتاباں وچ کیہ لکھیا ہویا اے دے مطابق ، خُدا نویں اسمان تے نویں زمین لوکاں دی اک جماعت نوں دیوے گا ، تے دوجی جماعت نوں دوزخ دی سزا دیوے گا ۔
آیت ۱۲: فیر مَیں سارے نِکّے وڈّے مُردے اوس تخت دے اگّے کھلوتے ہوئے ویکھے۔ تے کِتاباں کھولِیاں گِئیاں۔ فیر اِک ہور کتاب کھولی گئی یعنی حیاتی دی کتاب۔ جیویں اوہناں کِتاباں وِچ لِکھیا ہویا سی۔ اوہناں دیاں کمّاں دے سببّوں مُردیاں دا انصاف کِیتا گیا۔
ایس ویلے خُدا دی کچہری اخیری سزا مقرر کرے گی—یعنی اوہ پاپیاں اُتے دوزخ دی سزا نال موت دا اخیری حکم فرمائے گا ۔ اوہ اپنے کماں مطابق جانچے جان گے ، جویں عدالت دی کتاب وچ لکھیا ہویا اے ۔ اِنج پاپی دوجی واری مرن گے ۔ اوہناں دی دوجی موت دوزخ دی سزا اے ، جنہوں پاک کلام ہمیش دی موت دسدا اے ۔ پاپی دوزخ دی سزا توں بچ نئیں سکدے ۔ ایس لئی ، اوہناں نوں لازمی ہُنے پانی تے روح دی خوشخبری دا کلام سکھن دے بعدوں لبھنا چاہی دا اے ،جد پئی اوہ ہُن ایس زمین اُتے زندگی بسر کردے پئے نیں ، ایس اُتے ایمان رکھنا چاہی دا اے، تے اِنج حیاتی دی کتاب وچ اپنے ناں لکھان دی برکت پاؤنی چاہی دی اے ۔
آیت ۱۳: تے سمُندر اپنے وِچلے مُردے دے دِتّے۔ تے مَوت تے پاتال نیں اپنے وِچلے مُردے دے دِتّے۔ تے اوہناں وِچوں ہر اِک دے کمّاں پِچّھے اوہدا انصاف کِیتا گیا۔
” تے سمُندر اپنے وِچلے مُردے دے دِتّے۔ تے مَوت تے پاتال نیں اپنے وِچلے مُردے دے دِتّے۔ “ ایس لئی سارے پاپیاں نوں لازمی اپنے پاپاں دے سبب حتمی لعنت پاؤنی چاہی دی اے ۔ تھاں جیہڑی ایس حوالے وچ دسی گئی اے — یعنی موت تے پاتال ،یعنی—خاص کر کے اوس تھاں بارے دسدے نیں جتھے شیطان دے چیلے اوس توں دھوکہ کھا کے اوہدے اختیار ہیٹھاں ہو کے جد پئی زندہ سن ، خُدا دے خلاف کھلو چُکے تے پاپ کر چُکے سن ،قید کیتے جان گے ۔ ایہہ آیت سانوں دسدی اے پئی جدپئی خُدا تھوڑے چر لئی اوہناں دے پاپاں اُتے اپنی عدالت ملتوی کر چُکیا سی ، ہُن اوہناں دی آخری عدالت دا ویلا آگیا اے ۔
ایسے طرح ، جتھے کِتھے وی لوک رہندے نیں ، اوہناں نوں لازمی احساس کرنا چاہی دا اے پئی اوہ کنہاں نال میل جول رکھدے نیں بوہت اہم اے ۔ اوہ جیہڑے شیطان دے چیلیاں وانگر جد پئی ایس زمین اُتے کم کر چُکے سن مُردیاں وچوں اپنی اخیری عدالت پاؤن دی سزا دی قیامت نال زندہ کیتے جان گے ، پر اوہ جیہڑے پانی تے رُو ح دی خوشخبری دی سیوا کر چُکے سن ہمیش دی زندگی تے برکتاں دی قیامت نال میل جول رکھن گے ۔
ایس لئی، لوکاں نوں لازمی ایس زمین اُتے جد پئی احساس کرنا چاہی اے پئی پانی تے رُو ح دی خوشخبری ، جیہدے نال خُداوند لوکاں دے پاپاں نوں مکا چُکیا اے ، حدوں ودھ کے اہم اے ۔ اوہ جیہڑے ایس زمین اُتے شیطان دےچیلیاں وانگر کم کر چُکے سن سزا دی قیامت نال زندہ کیتے جان گے ، پر اوہ جیہڑے ساڈے خُداوند دے چنگیاں کماں دی سیوا کر چُکے سن ہمیش دی زندگی تے برکتاں دی قیامت نال زندہ کیتے جان گے ۔ سارے پاپی اپنے پاپاں دے سبب جانچے جان گے تے دوزخ وچ اپنی اخیری سزا پاؤن گے ۔ ایہہ ایتھےہےجتھے اسیں مختصرسبب ویکھدے آں جویں کیوں سانوں لازمی ،جد پئی ایس زمین اُتے پانی تے رُو ح دی خوش خبری اُتے ،ایہو جیہی خوشخبری جیہدے نال خُداوند ساڈے سارے پاپاں نوں مکا چُکیا اے ایمان رکھنا چاہی دا اے۔
آیت ۱۴: فیر مَوت تے پاتال اَگ دی جِھیل وِچ سُٹّے گئے۔ ایہہ اَگ دی جِھیل دُوجی مَوت اے۔
ایہہ آیت خُدا دے اگے لوکاں دے پاپاں دی عدالت بارے دسدی اے ، جیہڑے اوہ شیطان پاسے کھلون دے سبب جھل چُکے سن ۔ بھیڑیاں لوکاں لئی محفوظ سزا جیہڑے لوکاں دی شیطان ول اگوائی کر چُکے سن اگ دی جھیل وچ سُٹ دتے جانا اے ، ایہہ دوجی موت اے جیہڑی خُدا پاپیاں اُتے لیائے گا تے ایہو ای اگ دی جھیل دی سزا اے ۔ موت جیہدے بارے وچ پاک کلام ایتھے گل کردا اے سوکھے جیہے غائب ہونا نئیں اے ، سگوں ایہہ بلن والی دوزخ وچ ہمیش دے دکھاں دی سزا اے ۔
پاک کلام دےراہیں فرمائی گئی مکتی عارضی نئیں ، سگوں سدا دی اے ۔ اوہ جیہڑے پانی تے رُو ح دی خوش خبری اُتے ایمان رکھدے نیں جد پئی زمین اُتے اسمانی ہمیش دی بادشاہت وچ جان گے تے سدا تیکر خوشی نال زندہ رہن گے ۔ پانی تے رُو ح دی خوشخبری اُتے ایمان رکھن والیاں دے انعام تےایمان نا رکھن والیاں دی سزا وچکار فرق ایناں وڈا اے جناں وڈا اسمان تے زمین وچکار فرق اے ۔
آیت ۱۵: تے جِس کِسے دا ناں حیاتی دی کتاب وِچ نا لَبّھیا۔ اوہ اَگ دی جِھیل وِچ سُٹّیا گیا۔
ایتھے ، ”جس کسے“ اکھر نال ایہہ آیت سانوں دسدی اے پئی کیہ لوکاں دے ناں حیاتی دی کتاب وچ لکھے ہوئے ہیگے نیں یا نئیں ، ایہہ مکمل طور اُتے ایتھے گل مُک دی اے پئی کیہ اوہ پانی تے رُو ح دی خوشخبری دے کلام اُتے ایمان رکھدے نیں ، جیہدے راہیں اوہناں دے سارے پاپ معاف ہوندے نیں ، یعنی برف وانگر چِٹے دُھلدے نیں ، ایس توں علاوہ چاہے اوہ چنگے گرجے جان والے نیں ، یا چاہےاوہناں دے گرجے پکے ایمان والے یا شرع دے خلاف فِرقیاں نا ل میل جول رکھدے نیں ۔ ایس لئی ، جنہاں دے ناں خُداوند دی حیاتی دی کتاب وچ لکھے ہوئے نئیں ہیگے ، سارے کسے روک ٹوک توں ہٹ کے اگ دی جھیل وچ سُٹ دتے جان گے ۔
دنیا دے دینی لوک پاپ توں اپنے چھٹکارے توں بوہتا اپنیاں دینی رسماں اُتے بوہتا زور دین دا واضح رُجحان رکھدے نیں ۔ پر جد او ہ خُدا دے اگے کھلون گے ،جے کسے دے دل وچ یسوع دے راہیں دتی گئی پانی تے رُو ح دی خوشخبری نئیں ہیگی ، اوس بندے دا ناں حیاتی دی کتاب وچ لکھیا ہویا نئیں ہوئے گا ، تے اِنج اوہ وی اگ دی جھیل وچ سُٹیا جائے گا ، ایتھوں تیکر پئی بھاویں اوہ اک چنگا مسیحی سی ۔
ایس لئی ، جد پئی تُسیں ایس ویلے ایس زمین اُتے رہندے پئے او ،تہانوں لازمی اپنے کناں نال خُداوند دی پانی تے رُو ح دی خوشخبری نوں سُننا چاہی دا اے جیہڑی تہاڈے سارے پاپاں نوں مکا چُکی اے ، تے تہانوں لازمی اپنے سچے دل نال ایہدے اُتے ریمان رکھنا چاہی دا اے ۔ فیر تُسیں حیاتی دی کتاب وچ اپنے ناں لکھے جان دا جلال پاؤگے ۔
Copyright © 2021 by The New Life Mission