Search
ភាសាខ្មែរ
ភាសាខ្មែរ
ដោយសារការរាតត្បាតនៃជម្ងឺកូវីឌ១៩ និងការរំខានដល់សេវាកម្មប្រៃសណីយអន្តរជាតិ យើងបានផ្អាកជាបណ្តោះអាសន្ននូវ "សេវាកម្មសៀវភៅបោះពុម្ពដោយឥតគិតថ្លៃ" របស់យើង។
នៅក្នុងស្ថានភាពបែបនេះ យើងមិនអាចផ្ញើសៀវភៅទៅកាន់លោកអ្នកបានឡើយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។

សំណួរញឹកញាប់អំពីសេចក្តីជំនឿរបស់គ្រីស្ទបរិស័ទ

ប្រធានបទទី៣៖ ការបើកសម្តែង

3-5. ہزار ورہیاں دی بادشاہی کدوں شروع ہوئے گی ؟ (کیہ ایہہ دکھ جرن توں پہلوں یا دکھ جرن توں بعدوں دی بادشاہی اے؟)

بوہت سارے لوک ایمان رکھدے نیں پئی  پاک لوک ست ورہیاں دے  وڈے دکھاں دےشروع ہون  توں پہلوں چُکے جان گے ، تے یعنی دکھ جرن دے ایس زمانے وچکار ،ایس زمین اُتے ہون دی بجائے اوہ پہلوں ای مسیح دی ہزار ورہیاں دی بادشاہی وچ ہون گے ۔پر، جدوں اسیں ایس ایمان دی خُدا دے کلام نال تصدیق کردے آں ، سانوں بوہت چھیتی پتہ لگدا اے پئی  ایہہ اک جھوٹا ایمان اے ۔
ساڈا خُداوند خُدا اپنے پاک لوکاں نوں اک ہزار ورہیاں تیکر مسیحی دی بادشاہی اوہناں دی محنت تے خوشخبری بدلے اپنیاں ذاتی زندگیاں دین دے صلے وچ اک انعام وانگر  دیوے گا۔ جویں مُکاشفہ۲۰ :۴ سانوں دسدااے،”فیر مَیں تخت ویکھے تے لوک اوہناں اُتّے بَیٹھ گئے تے عدالت اوہناں دے سپُرد کِیتی گئی۔ تے اوہناں دِیاں رُوحاں نُوں وی ویکھیا۔ جِنہاں دے یِسُوع دی گواہی دین مارِیاں تے خُدا دے کلام مارِیاں سِر وَڈّھے گئے سن۔ تے جِنہاں نا اوس پشُو دی پُوجا کِیتی سی۔ تے نا اوہدے بُت دی۔ تے نا اوہدا ٹھپّہ اپنے مَتّھے تے ہتّھاں اُتّے لیا سی۔ تے اوہ زِندہ ہو کے ہزار ورھے تِیکر مسِیح دے نال بادشاہی کر دے رہے۔“
اُتلاحوالہ ساڈے اُتے ظاہر کر دا اے پئی اوہ لوک کون نیں جیہڑے ہزار ورہیاں دی بادشاہی وچ  جان دے لائق ہون گے ۔ ایہہ اوہ لوک نیں جیہڑے ، وڈے دکھاں وچکار  ،مخالفِ مسیح دے خلا ف لڑے ، اپنے ایمان دی راکھی کردے ہوئے شہید ہوگئے ، تے ناپشُو دا ٹھپہ  لوایا نا ای اوہدے بُت دی پوجا کیتی ۔ کنک نوں تُوڑی  توں وکھ کرن لئی ، خُدا نے لوکاں نوں ایس چنوتی دی اجازت دے چُکیا اے بھاویں پشُو دا ٹھپہ لوان یا پئی نا لوان ۔ پاک لوکاں نوں چُکن تے اوہناں نوں اپنے ایمان تےشیطان اُتے  اپنی فتح پان دا مسیح دی ہزار ورہیاں دی بادشاہی دا انعام دین لئی ، خُدا  خاص کر کے کنک نُوں تُوڑی توں وکھ کرنا چاہندا اے ۔
مخالفِ مسیح دے اگے ، خُدا دے خلاف کھلون ، اپنے آپ دا بُت بنان تے لوکاں نوں اوہدا ٹھپہ لوان وچ سب توں وڈی رکاوٹ ، خُدا دے لوک ہون گے ۔ ایسے طرح ، مخالفِ مسیح اپنیاں ساریاں کوششاں نوں اوہناں دے مکن لئی  تیار رکھے گا ۔ پر پاک لوک پشُو دے اگے نئیں سِر نوان گے ، ایمان نال اوہدے  خلاف لڑن گے ، اپنی شہادت قبول کرن گے ، تے اِنج خُدا نوں جلال دین گے ۔  پاک لوکاں د ی اک بے گنت بھیِڑ، اپنی آون والی زندگی ول ویکھدے ہویاں ، خُدا اُتے اپنے ایمان  دی راکھی کرن لئی دلوں اپنی شہادت نوں قبول  کرے گی ۔  جویں  مخالفِ مسیح اِنج وڈے دکھ جرن دے زمانے وچکار پاک لوکاں اُتے بوہتے دکھ لیائے گا ، خُدا اوس لئی تے اوہدے ساتھیاں لئی ست پیالیاں دیاں آفتاں تے دوزخ دی سزا  تیار کر چُکیا اے جیہڑی سدا تیکر بلدی رہوے گی ۔
ایسے طرح ، ایہہ دنیا مکمل طور نال برباد ہو جائے گی تے ست پیالیاں دیاں آفتاں نال  ڈِگ پوے گی ، وڈے وڈے بھنچال ، جنہاں دے جھٹکے پہلوں کدی نئیں ویکھے گئے ، زمین نال ٹکران گے ۔ نتیجے طور اُتے ، پہلی دنیا کسے شک توں بغیر برباد ہو جائے گی ۔ فیر خُدا ناگ نوں پھڑن تے ہزار ورہے تیکر اوہنوں ڈوہنگے کھڈے وچ بنھن دا اپنے فرشتے نوں حکم دیوے گا ، ایس لئی پئی ساڈا خُداوند اپنے پاک لوکاں  نوں  مسیح دی ہزار ورہیاں دی بادشاہی وچ  زندہ رہن دی اجازت  دین توں پہلوں ناگ نوں کھڈے وچ قید کرے گا ۔
ایس لئی پئی شیطان ہزار ورہیاں دی بادشاہی وچ نئیں ہوئے گا جتھے پاک لوکاں نیں مسیح دے نال بادشاہی کرنی اے ، اوتھے نا ای دھوکے باز  نا ای ہور لعنتاں ہون گئیاں ۔ یسعیاہ۳۵ :۸۔۱۰مسیح دی بادشاہت دی ہیٹھ لکھے ہوئے اکھراں نال وضاحت کردا اے  جیہڑی اوہناں پاک لوکاں کول آئے گی جیہڑےپہلی قیامت وچ  شامل ہون گے :  ”تے اوتھے اک وڈا راہ  تے لانگھا ہوئے گا جیہڑا پاک راہ اکھوائے گا جیہدے وچوں کوئی پلیت نا لنگھے گا ۔پر ایہہ راہیاں لئی ہوئے گی ۔ بےوقوف وی اوس وچ راہ نا بھلن گے ۔ اوتھے شیر ببر نا ہوئے گا تے نا کوئی درِندہ اوس اُتے چڑھے گا نا اوتھے پایاجائے گا پر جنہاں دا فدیہ دتا گیا اوتھے سیر کرن گے ۔تے جنہاں نوں خُداوند نے مکتی دتی پرتن گے تے صیّون وچ گاؤندے ہوئے  آؤن گے تے  سدا دا نشہ اوہناں دے سِراں اُتے ہوئے گا ۔ اوہ خوشی تے شاد مانی پاؤن گے تے دکھ تے فکر مُک جان گے ۔“ 
مسیح دی بادشاہت ، اُتلے حوالے وانگر ہزار ورہے تیکر قیم رہندے ہویاں ایس زمین اُتے وڈے دکھ جرن دے ست ورہیاں دے زمانے وچوں لنگھن دے بعد وں تے شیطان تے مخالفِ مسیح دی دنیا اُتے راج دے مکمل طور اُتے برباد ہون دے بعدوں آئےگی ۔ ایس لئی ، ایہہ بادشاہت خاص انعام اے جیہڑا ساڈا خُداوند پانی تے رُوح دی خوشخبری اُتے اپنے ایمان دی راکھی تے ایس خوشخبری دی منادی لئی  محنت کرن اُتے ستائے جان والے تے شہید ہون والے پاک لوکاں نوں دیوے گا ۔