ដោយសារការរាតត្បាតនៃជម្ងឺកូវីឌ១៩ និងការរំខានដល់សេវាកម្មប្រៃសណីយអន្តរជាតិ
យើងបានផ្អាកជាបណ្តោះអាសន្ននូវ "សេវាកម្មសៀវភៅបោះពុម្ពដោយឥតគិតថ្លៃ" របស់យើង។
នៅក្នុងស្ថានភាពបែបនេះ យើងមិនអាចផ្ញើសៀវភៅទៅកាន់លោកអ្នកបានឡើយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
សូមអធិស្ឋានសម្រាប់ការរលាយបាត់យ៉ាងឆាប់រហ័សនូវជម្ងឺរាតត្បាតនេះ និងការដំណើរការឡើងវិញនូវសេវាកម្មប្រៃសណីយ។
بوھتی پاک جگہ
សេចក្តីអធិប្បាយដែលទាក់ទង
· اوہ جیہڑے بوہتی پاک تھاں اُتے جاسکدے نیں <خروج ۲۶:۳۱۔۳۳>
> خروج ۲۶:۳۱۔۳۳ <
” تے تُوں اسمانی۔ارغوانی تےلال رنگ دے کپڑیاں تےمہین وٹے ہوئے کتان دا اِک پڑدا بناویں تے اوس وچ کِسے کاریگر اُستاد کولوں کرُوبیاں دی شکل کڈاھویں۔ تے اوہنوں سونے نال مَڑھے ہوئے کِکردیاں چونہہ ستُوناں اُتے لمکاویں۔ ایہناں دے کُنڈے سونے دے ہون تےچاندی دیاں چونہہ خانیاں اُتے کھلارے جان۔تےپڑدےنوں گُھنڈیاں دے ہیٹھاں لمکاویں تے شہادت دے صندُوق نوں اوتھے پڑدےدے اندر لے جان تے ایہہ پڑدا تُہاڈے لئی پاک تھاں نوں بوہتی پاک توں وکھریاں کرے گا۔ “
خیمۂ اِجتماع دا سامان
خیمۂ اِجتماع چار قِسماں دیاں چھاڑاں نال کجیا ہویا اک نکا جیہا تہہ ہون والا گھر سی ۔ ایہہ فرق فرق شیواں نال بنیا ہویا سی — مثال اے پئی ، ایہدی کندھ کِکر دی لکڑ دیاں ۴۸تختیاں نال بنی ہوئی سی ۔ ہرتختے دی اُچیائی ۵.۴ میٹر (۱۰ ہتھ:۱۵ فٹ) سی، تے چوڑائی۵.۶۷ سینٹی میٹر (۵.۱ ہتھ: ۲.۲فٹ)سی ۔ سارے تختے سونےنال مَڑھے ہوئے سن ۔
خیمۂ اِجتماع دے چھاڑ ہیٹھا ں لکھیاں ہویاں شیواں نال بنے ہوئے سن ؛ پہلاچھاڑ اسما نی، ارغوانی، تے لال دھاگے تے مہین وٹے ہوئے کتان نال اُنے ہوئے پڑدیاں دا سی ؛ دوجا چھاڑ بکریاں دی اُنّ نال بنیا ہویا سی ؛تریجا چھاڑ لیلیاں دی لال رنگی ہوئی کھل نال بنیا ہویا سی، تے چوتھا چھاڑ تخُس دی کھل نال بنیا ہویا سی ۔
جویں اسی پہلاں ای اندازہ لا چُکے آں ، خیمۂ اِجتماع دے سارے پھاٹک اسما نی، ارغوانی، تے لال دھاگے تے مہین وٹے ہوئے کتان نال اُنے ہوئے سن ۔
بوہتی پاک تھاں دے پڑدے دے پھاٹک لئی ورتے جان والے چونہہ دھاگیاں دے رنگ یِسُوعؔ مسیح دیاں کماں نوں ظاہر کردے نیں جیہڑے لوکاں نوں پاپ توں بچا چُکے نیں ۔ ایس لئی پئی ایہہ چار رنگ سچیائی دا نُور نیں جیہڑے ایہہ ظاہر کردے نیں پئی یِسُوعؔ مسیح سانوں پاپ توں معافی دا انعام دیوے گا ، ایہہ ایہو جیہاں شیواں نیں جنہاں لئی ایماندار سِر توں لَے کے پیراں تیکر شکر گزار تے احسان مند نیں ۔
پاک تھاں تے بوہتی پاک تھاں دیاں پھاٹکاں دا سامان
پاک تھاں تےبوہتی پاک تھاں لئی ورتے گئے اسما نی، ارغوانی، تے لال دھاگے تے مہین وٹے ہوئے کتان دے کپڑے ظاہر کرن والے پرچھاویں نیں پئی مسیحا ایس زمین اُتے آئے گا ، بپتسمہ لوے گا ، اپنا لہو وگائے گا تے اوہ مکتی دا کم پورا کرے گا ۔ ایہناں وچوں اسمانی دھاگہ اوہ پرچھاواں اے جیہڑا بپتسمے نوں ظاہر کردا اے جیہڑا یِسُوعؔ لوے گا تے لال دھاگہ قربانی دا پرچھاواں اے جیہڑا اوہ جگ دیاں پاپاں بدلے جیہڑے اوہنے چُک لَئے سن پیش کرے گا ۔ ساڈیاں پاپاں نوں دھون لئی ، ساڈے خُداوند نے بپتسمہ لیا تے پاپ دی ،لعنت نوں جریا ۔ بوہتی پاک تھاں دے پڑدے دار پھاٹک دا ایہو ای مطلب اے ۔
خیمۂ اِجتماع دا فرش
خیمۂ اِجتماع ستھری ریت ، زمین اُتے بنایا گیا سی ۔ ایتھے زمین دا مطلب لوکاں دے دل نیں ۔ خیمۂ اِجتماع دا فرش ریت تے زمین نال بنیا ہویا سی سانوں ایہہ وی دسدا اے پئی یِسُوعؔ ایس زمین اُتے اک بندے دے بدن وچ ساڈیاں دلاں دیاں پاپاں نوں مکاؤن لئی آیا سی ۔ ایس لئی پئی یِسُوعؔ نے لوکاں دیاں ساریاں کمیاں دا تجربہ کیتا ، اوہنے بپتسمے دے نال جیہڑا اوہنے لیا تے مہنگے لہو نال جیہڑے اوہنے سولی اُتے وگایا اوہناں دیاں ساریاں پاپاں نوں دھو دتا ۔ ساڈا خُداوند ایس زمین اُتے ایس جگ وچ سچیائی دا نُور چمکاؤن لئی آیا تے لوکاں دے مُڈھلے پاپ دے مسئلے نوں حل کرن لئی آیا ۔ یِسُوعؔ جگ نوں بناؤن والا خُدا اے جنہے سارا جگ تے ایس وچ ساریاں شیواں نوں پیدا کیتا تے اوہ مکتی دا نُور اے جیہڑا ایس زمین اُتے ساریاں لوکاں نوں اوہناں دیاں ساریاں لعنتاں تے پاپاں توں چھڈاؤن لئی آیا ۔
بوہتی پاک تھاں دے ستون
بوہتی پاک تھاں دے ستون کِکر دی لکڑ دے چونہہ ستوناں نال بنے ہوئے سن ۔ پاک کلام وچ ، عدد چار دا مطلب دکھ اے ۔ بوہتی پاک تھاں دے ستون ساڈے اُتے ظاہر کردے نیں پئی لوک مکتی نئیں پا سکدے جد تیکر اوہ اسما نی، ارغوانی، تے لال دھاگے تے مہین وٹے ہوئے کتان وچ ظاہر کیتے گئے مکتی دے چمکن والے نُور اُتے ایمان نئیں رکھدے ۔ دوجیاں اکھراں وچ ، اوہ ظاہر کردے نیں پئی اسی اوہدیاں دکھاں دے راہیں آپ ای خُدا ولوں پوری ہوئی پانی تے رُوح دی خوشخبری اُتے ایمان رکھ کے مکتی دے چمکیلے نُور نوں پاسکدے آں ۔
جیہڑا وی بوہتی پاک تھاں اُتے جانا تے خُدا دی حضوری اگے کھلونا چاؤہندا اے اوہنوں لازمی پانی تے رُوح دی چمکیلی خوشخبری ، یعنی مکتی دی خوشخبری اُتے ایمان رکھنا چاہی دا اے جیہڑی خُدا نے بنائی اے ۔ پر اوہ جیہڑے خُدا ولوں تیار کیتی گئی خوشخبری اُتے ایمان رکھیوں بغیر خُدا کول آؤندے نیں اوہ اوہدا ڈاہڈا غصہ جرن گے ۔ اوہناں نوں جیہڑے خُدا دے اگے کھلوندے نیں لازمی ایہو جیہا ایمان رکھنا چاہی دا جیہڑااسما نی، ارغوانی، تے لال رنگ دےدھاگے تے مہین وٹے ہوئے کتان وچ ظاہر کیتی گئی چمکیلی سچیائی اُتے ایمان رکھدا اے ۔ سچیائی دے چمکیلے نُور نال ، ساڈے وچوں ساریاں نوں لازمی بوہتی پاک تھاں اُتے آؤنا چاہی دا اے جتھے خُدا وسدا اے ۔
پُرانے عہد نامے وچ ظاہر کیتی گئی پاپ توں معافی دی خوشخبری اسما نی، ارغوانی، تے لال دھاگے وچ ظاہر کیتی گئی مکتی دی سچیائی اے ۔ نویں عہد نامے وچ ظاہر کیتی گئی پاپ دی معافی دی اصل خوشخبری بپتسمے جیہڑا یِسُوعؔ نے لیا ، صلیبی لہو تے اوہدے جی اُٹھن نال پوری ہوئی سی ۔ اسی بوہتی پاک تھاں اُتے جا سکدے آں صرف جد اسی اوہ ایمان رکھدے آں جیہڑا ایس بوہت پاک خوشخبری اُتے ایمان رکھدا اے ۔
سانوں اسما نی، ارغوانی، تے لال دھاگے وچ ظاہر کیتی گئی اپنی مکتی اُتے ایمان رکھنا چاہی دا اے
عبرانیوں ۱۱:۶ دسدا اے، ” تے بِناں اِیمان اوہنوں پسند آؤنا اَنہونی گلّ اے۔ ایس لئی پئی خُدا دے کول آؤن والے نُوں اِیمان رکھنا پَیندا اے۔ پئی خُدا اے تے اپنے لَبّھن والیاں نُوں اَجر دیندا اے۔“ خُدا سدا جیوندا رہوے گا ۔ تے سانوں سدا دی زندگی دین لئی ، اوہ سانوں یِسُوعؔ مسیح اُتے ساڈے ایمان رکھن نال پاپاں توں معافی پاؤن دی برکت دے چُکیا اے ، جیہڑا ایس زمین اُتے اک بندے دے بدن وچ آیا ، بپتسمہ لیا ، سولی اُتے چڑھیا ،مرگیا ، فیر مویاں وچوں جی اُٹھیا تے اِنج ساڈا مکتی داتا بن گیا اے ۔ساڈیاں پاپاں دے بدلے اپنی بے ترس عدالت نال ، ساڈی پرانی ذات دیاں ساریاں پاپاں نوں دھون ، تے ساڈیاں جاناں نوں ایمان دے راہیں جیہڑا پانی تے رُوح دی خوشخبری اُتے ایمان رکھدا اے ، خُداوند سانوں اپنی کاملیت دی پاکیزگی دے کپڑے پوا چُکیا اے ۔
سانوں نویں زندگی دے کپڑے پوا کے ، ساڈا خُداوند سانوں خُدا دے اگے جان تے اوس توں دعا منگن دے لائق کرچُکیا اے ۔ ایس توں علاوہ ، اوہ سانوں خُدا دے اگے کھلون تے اوہنوں اپنا باپ آکھن دے لائق کرن دا فضل وی دے چُکیا اے ۔ ایہہ ساریاں شیواں خُدا دے انعام نیں جیہڑے مکتی دے راہیں مل گئے نیں جیہڑی اوہ سانوں دے چُکیا اے ۔ ساڈے کول اسما نی، ارغوانی، تے لال دھاگے دی سچیائی نال ایہہ مکتی لیا کے ،خُدا سانوں ایمان رکھن دے لائق کر چُکیا اے جیہڑا سانوں مکتی یافتہ ہون تے اوہدے اگے کھلون دے لائق کردا اے ۔
جے تُسی تے مَیں کل مرجائیے ، تاں کیہ سانوں یقین اے پئی اسی سارے اسمان اُتے جاواں گے؟ آؤاسی تھوڑے چر لئی ایتھے اپنے آؤن والے زمانے دے بارے سوچئے ۔ جد لوک مردے نیں ، تاں اوہ سارے خُدا دی عدالت دے تخت دے اگے کھلوندے نیں ۔ ایہدا مطلب صرف ایہہ ہوسکدا اے پئی سانوں لازمی اپنیاں ساریاں پاپاں دا مسئلہ حل کرنا چاہی دا اے جیہڑے اسی ایس زمین اُتے کیتے نیں — فیر ، اسی ایس مسئلے نوں کویں حل کر سکدے آں ؟ جے اسی صرف انھے وا یِسُوعؔ اُتے اپنے مکتی داتا وانگر ایمان رکھدے آں ، تاں کیہ ایہدا مطلب ایہہ نئیں ہیگا پئی اسی صرف اک دین اُتے ایمان رکھدے آں ؟
میری زندگی وچ اک ویلا سی جد مَیں پانی تے رُوح دی خوشخبری نوں نئیں جان دا ساں تے اپنیاں پاپاں دے مسئلے نوں صرف صلیبی لہو اُتے انھے وا ایمان رکھ کے حل کرن دی کوشش کردا ساں ۔ اوس ویلے ، مَیں بغیر سوچیوں سمجھیوں ایمان رکھدا ساں پئی یِسُوعؔ سولی اُتے چڑھیا تے میرے جیہاں لوکاں لئی مر گیا ، تے اوہنے جگ دیاں ساریاں مسئلیاں نوں حل کر دتا سی ۔ پر ایس ایمان نال ، مَیں ہر دن دیاں پاپاں دا مسئلہ حل نا کر سکیا جیہڑے مَیں کردا ساں ۔ ایس توں کدھرے دُراڈے، اسما نی، ارغوانی، تے لال دھاگے وچ وکھائی گئی مکتی اُتے ایمان رکھ کے میری رُوح کامل طریقے نال نویں سریوں جمی سی ۔
کیہ ساڈے سارے پاپ سچ مُچ دُھل جاندے نیں جد اسین یِسُوعؔ اُتے مکتی داتا وانگر انھے وا ایمان رکھدے آں ؟ اوہ ایمان جیہڑا سانوں پاک خُدا دے اگے جان دے لائق کردا اے اوہ اوس اُتے انھے وا ایمان رکھ کے نئیں ملدا ، سگوں ایہہ سچیائی نوں جانن تے ایس اُتے ایمان رکھ کے ملدا اے ۔ کوئی معنی نئیں رکھدا کِناں چوکھا اسی یِسُوعؔ اُتے اپنے مکتی داتا وانگر ایمان رکھ سکدے آں ، جے اسی سچی خوشخبری نوں نئیں جان دے جیہڑی پاپیاں نوں اسما نی، ارغوانی، تے لال دھاگے نال بچا چُکی اے ، فیر اسی صرف پاک خُدا نال نئیں مل سکدے ۔ ایہہ اودوں ای اے جد اسی اوہ ایمان رکھدے آں جیہڑا پانی تے رُوح دی خوشخبری اُتے ایمان رکھدا اے پئی اسی پاک خُدا نال مل سکدے آں ۔ ایمان دیاں کیہڑیاں شیواں ، فیر سچیائی نوں بناؤندیاں نیں جیہڑی سانوں مکتی داتا وانگر خُدا دے اگے کھلون دے لائق کردی اے ؟ اوہ کیہڑی خوشخبری اے جیہڑی سانوں اِنج دا ایمان رکھن دے لائق بناؤندی اے ؟ ایہہ خوشخبری
پانی تے رُوح دی چمکیلی خوشخبری اے۔
ساڈا خُداوند ایس زمین اُتے آیا ، یوحنا کولوں بپتسمہ لَے کے جگ دیاں پاپاں نوں چُک لیا ، سولی اُتے چڑھیا ، اپنا لہو وگایا ، تِناں دناں بعدوں مویاں وچوں جی اُٹھیا ، تے اِنج ساڈے وچوں جیہڑے لوک ایمان رکھدے نیں اوہناں لئی اپنی کامل مکتی نوں پورا کیتا ۔ جے ساڈیاں جاناں پاپ توں پاک ہون دی تمنا رکھدیاں نیں ، اِنج سوکھا ہوندا اے جد اسی بپتسمے اُتے جیہڑا یِسُوعؔ نے یوحنا کولوں لیا (متی ۳:۱۵) تے صلیبی لہو (یوحنا۱۹:۳۰) اُتے ایمان رکھدے آں پئی اسی سچیائی دی چمکیلی بادشاہی وی جا سکدے آں ۔ جد تیکر اسی یِسُوعؔ مسیح اُتے ایمان نئیں رکھدے جیہڑا ساڈے مکتی داتا وانگر پانی تے رُوح دی چمکیلی خوشخبری وانگر آچُکیا اے ، اسی کدی ایہو جیہے دل نئیں رکھ سکدے جیہڑے اینے صاف نیں جنی پئی چٹی برف صاف ہوندی اے ۔
کدی کدی ، اپنے بدن دیاں کمیاں نوں ویکھدیاں ہویاں ، اسی اوہناں اُتے روندے آں ۔ پر ایہدے باوجود ، پانی تے رُوح دی خوشخبری دے سببوں ، اسی ہُن وی خُدا نوں اپنی شکر گزاری پیش کرن لئی آؤندے آں ، ایس لئی پئی خُداوند اپنے بپتسمے تے لہو نال ساڈیاں ساریاں پاپاں نوں مکا چُکیا اے ۔ تُسی تے مَیں کدی وی کسے ہور طریقے نال پاک نئیں ہوسکدے ساں ، پر پانی تے رُوح دی خوشخبری اُتے ایمان رکھ کے ، اسی پاک بن گئے آں ۔ ساڈا خُداوند کامل طریقے نال سانوں پاپ توں بچا چُکیا اے ۔ اسما نی، تے لال دھاگے دی خوشخبری اُتے ایمان رکھ کے، اسی سچیائی دے شان والے نُور نوں پاسکدے آں جیہڑا سانوں ساڈیاں ساریاں پاپاں توں بچا چُکیا اے ۔ پانی تے رُوح دی خوشخبری نال ، خُداوند سانوں پکیاں تے پاک بناچُکیا اے ۔
متی ۱۹:۲۴وچ ، ساڈے خُداوند نے فرمایا، ” سُوئی دے نکّے وِچوں اُوٹھ دا لنگھناں ایس نالوں سوکھالا اے پئی دَولتمند بندہ خُدا دی بادشاہی وِچ داخل ہوئے۔“ اوہ لوک جیہڑے رُو ح وچ دولت مند نیں مکتی یافتہ نئیں ہو سکدے ، ایس لئی پئی اوہ ایمان نئیں رکھدے پئی اوہ پانی تے رُوح دی خوشخبری اُتے ایمان رکھ کے پاپ دی معافی پا سکدے نیں ۔ صرف اوہو جیہڑے سچ مُچ رُوح وچ غریب نیں اسمان اُتے جان دی تمنا رکھدے نیں ، خُدا کولوں مدد منگدے نیں ، اپنی ذاتی راستبازی نوں ردّکردے نیں تے ایہدی بجائے سوفیصد خُدا دی راستبازی اُتے ایمان رکھدے نیں پانی تے رُوح دی خوشخبری اُتے ایمان رکھ کے سدا دی زندگی پا سکدے نیں ۔ پانی تے رُوح دی خوشخبری مکتی دا چمکیلا نُور چمکا چُکی اے تاں پئی اسی بوہت پاک خُدا نال ملن دے لائق ہو سکیے ۔ اسی اپنے آپ اُتے بھروسہ کرکے ، کدی پاک نئیں بن سکدے ، پر جدوں اسی خُداوند ولوں دتی گئی پانی تے رُوح دی خوشخبری اُتے ایمان رکھدے آں ، تاں اسی سچ مُچ پاک بن سکدے آں تے سچیائی دی چمکیلی بادشاہی وچ آسکدے آں ۔
سانوں دینی تے نظریائی عقیدے نوں ردّکرنا چاہی دا اے
یوحنا ۳:۳ وچ، یِسُوعؔ نے آپ فرمایا، ” کوئی بندہ جے نَوِیں سِریوں نا جمّے اوہ خُدا دی بادشاہی نُوں ویکھ نئیں سکدا۔ ‘‘ ایہہ سُن کے نیکُدیمس نے اوہنوں آکھیا، ” بندہ جد بُڈھا ہوگیا تے اوہ کِیویں جَم سکدا اے؟ کوئی اپنی ماں دے ڈِھڈ وِچ دُوجی وار جا سکدا اے تے جَم سکدا اے؟ “ (یوحنا ۳:۴)۔
اوہناں لئی جیہڑے نویں سریوں نئیں جمے ، صرف ایمان رکھ کے نویں سریوں جمنا اوکھا لگدا اے ۔ کدی کدی ، اوہدے چیلے وی اوہدے کلام نوں نئیں سمجھ سکدے سن تے ایتھوں تیکر پئی ایس اُتے شک کردے سن ، اِنج اک واری خُداوند نے اپنیاں چیلیاں نوں فرمایا ، ” بندیاں توں ایہہ گلّ اَنہونی اے۔ پر خُدا توں سبھ کُجھ ہوسکدا اے “ (متی ۱۹:۲۶)۔ بِنا شک ، اپنے دینی ایمان نال خُدا دی بادشاہی وچ جانا لوکاں لئی اوکھا اے ، پر اوہناں لئی پانی تے رُوح دی خوشخبری اُتے ایمان رکھن نال بادشاہی وچ جانا سوکھا اے ۔ بھاویں اسی اپنے آپ پاک نئیں بن سکدے ، اوہ جیہڑے ایمان رکھدے نیں پئی خُداوند ایس زمین اُتے آیا ، اپنے بپتسمہ نال اپنے بدن اُتے جگ دیاں پاپاں نوں چُک لیا ، سولی اُتے مریا ، فیر مویاں وچو ں جی اُٹھیا تے اِنج مکتی دا چمکلیلا نُو ر چمکا چُکیا اے جیہڑاسدا تیکر ساڈیاں ساریاں پاپاں نوں مکا چُکیا اے — خُدا اوہناں نوں اپنی بادشاہی وچ جان دے لائق کر چُکیا اے ۔
خیمۂ اِجتماع دے سامان وانگر ورتے گئے اسما نی، ارغوانی، تے لال دھاگے وچ ظاہر ہون والی سچیائی خاص کر کے پانی تے رُوح دی خوشخبری نال میل جول رکھدی اے جنہوں یِسُوعؔ نے نویں عہد نامے وچ پورا کیتا ۔ دوجیاں اکھراں وچ ، پانی تے رُوح دی خوشخبری اوہو ای سچیائی اے جیہو جیہی اسما نی، ارغوانی، تے لال دھاگے وچ ظاہر ہوندی اے ۔ اسما نی، ارغوانی، تے لال دھاگہ اوہدی اصل مکتی دے
پرچھاویں نیں ، تے پانی تے رُوح دی خوشخبری ایس پرچھاویں دا اصلی جوہر اے ۔
ایس لئی اسی پانی تے رُوح دی خوشخبری دے راہیں مکتی دی چمکیلی سچیائی پا سکدے آں تے ایس وچ رہ سکدے آں ۔ پانی تے رُوح دی چمکیلی خوشخبری وچ سلامتی اے ، ایہہ دُدھ پیندے نیانے دے کھیڈن ، سکون کرن ، تے سُکھ نال ماں دیاں بانہواں وچ سون وانگر اے ۔ ایہہ خوشخبری وچ بوہت پاک نُور نوں پاؤن دے راہیں ہیگا اے پئی اسی بوہت پاک خُدا نال ملن دے لائق ہو گئے آں ۔ ایہہ پانی تے رُوح دی چمکیلی خوشخبری اُتے ایمان رکھن نال اے پئی اسی مکتی پاسکدے آں جیہڑی خُدا سانوں دے چُکیا اے ۔ ایہہ صرف اوہ لوک نیں جیہڑے خُدا ولوں دتی گئی ایس مکتی اُتے ایمان رکھدے نیں جیہڑے سدا دا سکون پا سکدے نیں ۔
نکی گل ، ایہہ آ پئی پانی تے رُوح دی بوہت پاک خوشخبری اُتے ایمان رکھنا ای اکلا ایمان اے جیہڑا سانوں بوہتی پاک تھاں اُتے جان دے لائق بناؤندا اے ۔ اوہ ایمان جیہڑا پانی تے رُوح دی ایس چمکیلی خوشخبری اُتے بھروسہ رکھدا اے سانوں پاپ دی معافی نوں اپنی وانگر لین دے لائق بناؤندا اے ۔ ساڈا خُداوند ایس زمین اُتے آیا ، تے خوشخبری دی سچیائی نال اپنے بپتسمے تے سولی دے راہیں اِکو ای واری تے سدا لئی ساڈیاں پاپاں نوں مکا چُکیا اے ۔ اوہ ہُن وعدہ پورا کر چُکیا اے جیہڑا اوہ ساڈے نال اسما نی، ارغوانی، تے لال دھاگے تے مہین وٹے ہوئے کتان نا ل کر چُکیا سی ۔ صرف اوہ جیہڑے اپنے مکتی داتا وانگر یِسُوعؔ اُتے تے پانی تے رُوح دی خوشخبری اُتے ایمان رکھدے نیں سدا دی زندگی پا سکدے نیں تے اسمان اُتے جا سکدے نیں ۔
جے پانی تے رُوح دی ایس سچی خوشخبری دی ۳۰ ورہیاں پہلاں توں منادی ہو گئی ہوندی ، تاں ایہہ سچ مُچ ساری دُنیا وچ ودھ گئی ہوندی ۔ پر اخیری ویلے وچ ایس سچیائی نوں ودھاؤنا ، خُدا دی لمی سوچ اے ۔ ساڈے خُداوند نے مُکاشفہ وچ فرمایا پئی بے گنت لوک اخیری زمانے وچ اپنیاں پاپاں توں مکتی یافتہ ہون گے ۔ اوہنے ایہہ وی فرمایا اے پئی بوہت سارے شہید ہون گے ، تے ایہہ پئی دکھ جرن دے زمانے وچکار ہزاراں لوک ، خُداوند اُتے بھروسہ کرن تے اپنی شہادت نوں قبول کر کے اپنے ایمان نوں ثابت کرن گے ۔ دوجیاں اکھراں وچ ، ساڈا خُداوند بوہت ساریاں جاناں دی فصل وڈن د ے ویلے وانگر اخیری زمانے نوں خاص آکھدا اے ۔ خُدا دا منصوبہ صرف اوہناں لوکاں لئی اے جیہڑے سچیائی دی ایس خوشخبری اُتے سچ مُچ ایمان رکھدے نیں تاں پئی سارے پاپاں توں مکتی دا انعام پاؤن ۔
ایہدا سبب ایہہ ہیگا اے پئی تُسی ہُن ایس زمانے وچ پانی تے رُوح دی خوشخبری سُنن لئی بوہت خوش نصیب جے پئی تُسی اپنیاں ساریاں پاپاں توں مکتی یافتہ ہون دے لائق ہوگئے او ۔ مَیں خُدا دا سانوں پانی تے رُوح دی ایہہ خوشخبری دین لئی سچ مُچ شکر گزار ہاں ۔ جے اسی پانی تے رُوح دی خوشخبری نا سُنی ہوندی تاں ساڈے ساریاں نال کیہ واقع ہوگیا ہوندا؟ پر ایہہ اک سچیائی اے پئی ہُن وی ہر کوئی پانی تے رُوح دی خوشخبری نوں قبول نئیں کردا اے ۔ ایہہ سچیائی ایہو جیہی نئیں اے جیہڑی صرف ہر کسے دے دل وچ اُتر سکدی اے ۔
اصل وچ ، اسی ویکھدے آں بھاویں ایس جگ وچ بوہت سارے مسیحی نیں ، پر اوہناں وچوں بوہت سارے پانی تے رُوح دی خوشخبری نوں نا تاں جان دے نیں تے نا ای ایس اُتے ایمان رکھدے نیں۔ فیر کویں ایہہ لوک جیہڑے سچی خوشخبری نوں نئیں جان دے پاپ توں چھُٹ سکدے نیں ؟ ایہہ اے کیوں خُدا سانوں مسیحی کتاباں دے راہیں سچی خوشخبری ودھاؤن دی اجازت دے چُکیا اے ۔
سارے جگ وچ ایہو جیہے بوہت سارے لوک نیں جیہڑے گواہی دیندے نیں پئی اوہناں نوں پتہ لگ گیا اے پئی پانی تے رُوح دی خوشخبری کیہ اے ، یعنی صرف اوہ خوشخبری دیاں کتاباں پڑھن دے بعد جیہڑیاں اسی ونڈدے پئے آں ۔ اوہ سارے صرف پانی تے رُوح دی ایس خوشخبری نوں جانن توں پہلاں صلیبی لہو نوں جان دے سن ، پر ہُن اوہ پانی تے رُوح دی خوشخبری دی صاف سُدھ بُدھ تیکر اَپڑن دے لائق ہون لئی خُداوند دا شکر ادا کردے پئے نیں تے ایس اُتے ایمان رکھدے نیں ۔ ایس توں علاوہ ، بوہت سارے لوک ہیگے نیں جیہڑے گواہی دیندے نیں پئی اوہ نئیں جان دے سن پئی اینی وڈی خاصیت ایس سچیائی وچ لُکی ہوئی سی پئی یِسُوعؔ نے یوحنا کولوں بپتسمہ لیا سی ۔ اوہ ہُن ایس خوشخبری اُتے ایمان رکھدے نیں تے ایس لئی خُدا دا جناں ضروری اے ایناں شکر ادا نئیں کرسکدے ۔
اسی ویکھ سکدے آں پئی پانی تے رُوح دی خوشخبری وانگر ، خیمۂ اِجتماع دے برانڈے دا پھاٹک وی اسما نی، ارغوانی، تے لال دھاگے تے مہین وٹے ہوئے کتان نال اُنیا ہویا سی ۔ ایہہ چار رنگ پانی تے رُوح دی خوشخبری وانگر اوہو ای نیں ۔ تے ایسے طریقے نال ، پانی تے رُوح دی چمکیلی خوشخبری وی پاک تھاں دے پھاٹک دے پڑدے تے بوہتی پاک تھاں دے پڑدے وچ ظاہر ہوندی اے ۔ ایس توں علاوہ ، خیمۂ اِجتماع دا پہلاپڑدا، وی ایہناں چونہہ رنگاں ؛ یعنی اسما نی، ارغوانی، تے لال دھاگے تے مہین وٹے ہوئے کتان نال اُنیا ہویا سی ۔ ایہہ سچیائی یِسُوعؔ دے بپتسمے تے لہو ول اشارہ کردی اے ۔ ایس لئی یِسُوعؔ نے اپنے آپ نوں اسمانی بادشاہی دا راہ قرار دتا ۔ ایس زمین اُتے آؤن تے پانی تے رُوح دی خوشخبری دی سچیائی نال پاپیاں نوں بچاؤن دے راہیں ، اوہ اوہناں نوں جیہڑے ایمان رکھدے نیں بے پاپ بنا چُکیا اے ۔
اسمانی بادشاہی دا راہ اوس ایمان وچ مِلدا اے جیہڑا یِسُوعؔ مسیح دےبپتسمے تے لہو اُتے ایمان رکھدا اے ۔ اسما نی، ارغوانی، تے لال دھاگے تے مہین وٹے ہوئے کتان نال ، یِسُوعؔ پاپ توں کامل طریقے نال مکتی دے چُکیا اے ۔ تہاڈے خیال وچ تہانوں ایہہ سچیائی کتھوں مل سکدی اے ؟ جے تُسی بپتسمے اُتے جیہڑا یِسُوعؔ مسیح نے لیا تے صلیبی لہو اُتے ایمان رکھدے او ، فیر تُسی اپنیاں ساریاں پاپاں توں مکتی یافتہ ہووو گے تے اِکو ای واری ہمیش لئی سدا دی زندگی پاوو گے ۔
فیر اوس ایمان وچکار جیہڑا یِسُوعؔ مسیح اُتے کسے نا کسے طرح ایمان رکھدا اے تے اوس ایمان وچ جیہڑا ٹھیک ٹھاک پانی تے رُوح دی خوشخبری اُتے ایمان رکھدا اے کیہ فرق اے ؟ ایس لئی پئی ایہہ پانی تے رُوح دی خوشخبری نا ل اے پئی خُداوند پاپیاں نوں اوہناں دیاں بدکاریاں توں مکتی دے چُکیا اے ، ایس خوشخبری اُتے ایمان رکھنا خُداوند اُتے ٹھیک طریقے نال رکھنا اے ۔ ایس لئی پئی خُداوندنے اپنے بپتسمے تے صلیبی لہو نال پاپیاں نوں بچایا اے ، اوس خُداوند اُتے مکتی داتا وانگر ایمان رکھنا ایسے طرح اے جویں پاپ توں مکتی یافتہ ہون لئی پانی تے رُوح دی خوشخبری اُتے ایمان رکھنا اے جیہڑی اوہ پوری کر چُکیا اے ۔ کسے نا کسے طرح صرف اوہدے ناں اُتے ایمان رکھن دا ایہہ مطلب نئیں ہیگا پئی اسی اپنیاں پاپاں توں چھُٹ جاواں گے تے اسمان اُتے جاواں گے ۔
سگوں ، ایہہ بالکل ایمان رکھن دے راہیں ہیگا اے پئی یِسُوعؔ مسیح نے ساڈے بدلے یوحنا کولوں بپتسمہ لیا ، سولی اُتے اپنا لہو وگایا ، ساریاں پاپاں دی سزا جری ۔ تے مویاں وچوں جی اُٹھیا پئی اسی اپنی پاپ دی معافی پا سکدے آں تے خُدا دے اپنے لوک بن سکدے آں ۔ خُدا صرف اوہناں لوکاں نوں اجازت دیندا اے جیہڑے اوہ ایمان رکھدے نیں جیہڑا اسمانی بادشاہی وچ جان لئی پانی تے رُوح دی بوہت پاک خوشخبری اُتے ایمان رکھدے نیں ۔ پر اوہ جیہڑے پانی تے رُوح دی خوشخبری اُتے ایمان نئیں رکھدے اسمانی بادشاہی وچ جا نئیں سکدے ایس لئی پئی اوہ نویں سریوں نئیں جمے ۔
خیمۂ اِجتماع وچ ظاہر کیتی گئی پانی تے رُوح دے چمکدے نُوردی خوشخبری اُتے ایمان رکھ کے ، اسی ایس زمین اُتے زندہ رہندیاں ہویاں بوہت پاک ایمان پاؤن دے لائق ہو گئے آں ۔ بھاویں ساڈے کم ادھورے نیں ، پر جد اسی ایہو جیہا ایمان رکھدے آں ، تاں کوئی کویں کہہ سکدا اے پئی اسی راستباز نئیں بنے ؟ جد اسی پانی تے رُوح دی خوشخبری اُتے ایمان رکھ کے پاک بن گئے آں ، تا ں فیر وی اسی کویں پاپ رکھ سکدے آں ؟ کئی لوک حیران ہوندے نیں پئی کویں اسی کہہ سکدے آں پئی اسی بے پاپ آں جد پئی اسی حالے وی بدن وچ آں جیہڑا پاپ کردا رہندا اے ۔
پر ایہہ اوہناں دے اپنے جسم دےخیال نیں ۔ اوہ جیہڑے جان دےتےپانی تے رُوح دی خوشخبری اُتے ایمان رکھدے نیں اوہ ایس گل بارے راضی ہوندے نیں پئی لوک ادھورے بدن رکھدے نیں تے ایس لئی اوہ بچ نئیں سکدے سگوں پاپ کردے نیں جد تیکر اوہ مر نئیں جاندے ۔ پر ، اوہ ایہہ وی ایمان رکھدے نیں پئی اوہ سدا لئی اپنیاں ساریاں پاپاں توں ، اوہناں پاپاں نوں رَلا کے جیہڑے اوہ آؤن والے زمانے وچ کرن گے ، یِسُوعؔ دے بپتسمے تے اوہدی سولی دی کامل مکتی نال معاف ہو گئے نیں ۔
ایہہ پئی تُسی تے مَیں ایس طرح دے رُوحانی ایمان دے کلام نوں ونڈ سکدے آں تے ایس زمین اُتے زندہ ہوئے بوہت پاک ایمان رکھدے آں ایس سچیائی دے سببوں اے پئی خُداوندسانوں اسما نی، ارغوانی،تےلال دھاگے تے مہین وٹے ہوئے کتان وچ ظاہر ہوئی ساڈی مکتی دے چُکیا اے ۔ ایہہ ایس سببوں اے کیوں جو خُداوندسانوں ایمان دے چُکیا اے جیہڑاسانوں ساڈے لئی اوہدے انعام وانگر پانی تے رُوح دی خوشخبری دی سچیائی اُتے ایمان رکھن دے لائق بناؤندا اے ۔ خُداونداُتے اپنے ایمان نال ، اسی اک دوجے نال میل جول رکھ سکدے آں تے خُداونددی سیوا کردیاں ہویاں تے اک دوجے نال محبت کردیاں ہویاں اپنیاں زندگیاں گزار سکدے آں — ایہہ اوہ تھاں اے جتھے ساڈیاں اصل خوشیاں پئیاں ہویاں نیں ۔
اسی بچ نئیں سکدے سگوں ایس خوشخبری لئی خُدا دا شکر ادا کردے آں ۔ ایہہ کناں ودھیا اے پئی مَیں پانی تے رُوح دی خوشخبری نوں جان سکیا تے ایس اُتے ایمان رکھدا ہاں ! جد مَیں یِسُوعؔ دے بپتسمے دے بارے تھوڑا جیہا وی نئیں جان دا ساں ، تاں سچیائی دے کلام دے نال ، خُدا نے میرے دل نوں ایمان دتا جیہڑا پانی تے رُوح دی ایس خوشخبری اُتے ایمان رکھدا اے ۔ پانی تے رُوح دی خوشخبری اُتے ایمان رکھ کے ، اسی ساریاں اسمانی برکتاں پا چُکے آں ۔
اپنے دل وچ اصل خوشخبری دے سببوں ، مَیں سچی شکرگزاری نال ایہدی منادی کردا ہاں
پاک کلام نوں پڑھدیاں ہویاں ، میرے ذہن وچ اک سوال اُٹھنا شروع ہویا : یِسُوعؔ نے کیوں بپتسمہ لیا سی ؟ ایس لئی ایس سوال نے اُٹھنا چاہی رکھیا ، مَیں پاک کلام دے راہیں ایہدا جواب لبھن دی کوشش کیتی ، پرکوئی وی مینوں سکھاؤن دے لائق نئیں سی ۔ ایہو ای سبب اے پئی جد تیکر مَیں پانی تے رُوح دی خوشخبری نوں نئیں جانیا ، مَیں ایس مضمون وچ بوہت چوکھی دلچسپی رکھدا سا ں ۔
مَیں بوہتی وار ۳:۱۳۔ ۱۷ تیکر ایہہ حوالہ پڑھدا ساں ، خاص کر کے جتھے یِسُوعؔ نے بپتسمہ لین توں پہلاں یوحنا نوں آکھیا ، ” حالی تے ہون دے کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے۔ “ پر مَیں کدی ایہدا مطلب نا سمجھ سکیا ۔ سو مَیں بوہتی واری دوجیاں کولوں ایس سبب دے بارے پُچھیا یِسُوعؔ نے یردن دے دریا وچ یوحنا بپتسمہ دین والے دے ہتھوں کیوں بپتسمہ لیا سی ، پر مَیں کدی کامل طریقے نال تسلی بھریا جواب نئیں سُنیا ۔بہر حال ، خُدا نے مینوں بپتسمے دے مقصد نوں سمجھن دے لائق بنایا جیہڑا یِسُوعؔ نے یوحنا کولوں لیا سی ۔ ایہہ میرے لئی رُوحانی انقلاب سی ۔ جویں کسے انھے دیاں اکھاں ویکھن لگ پین ۔ اِنج متی ۳: ۱۳۔۱۷ دا مطلب سمجھن دے بعدوں ای مَیں اسما نی، ارغوانی، تے لال دھاگے وچ ظاہر کیتی گئی سچیائی دا احساس کیتا جنہے مینوں میریاں پاپاں تو ں بچا لیا ۔
ایس سچیائی نوں سمجھن توں پہلاں ، مَیں اپنی مکتی لئی صرف صلیبی لہو اُتے ایمان رکھدا ساں، پر سچیائی ایہہ سی پئی مَیں حالے وی پاپ رکھدا ساں تے ایس لئی اک پاپی ساں ۔ اوس ویلے ، مَیں ایمان رکھدا ساں پئی مَیں صرف یِسُوعؔ دے لہو نال نسلی پاپ توں دُھل سکدا ساں ، تے میرے ہر دن دے پاپ حالے تیکر میرے دل وچ ہیگے نیں ۔ مَیں ایس ایمان نوں نئیں جان دا ساں جیہڑے کسے بندے نوں کامل طریقے نال بے پاپ بناؤندا اے —یعنی ، مَیں کامل طریقے نال بپتسمہ نوں نئیں جان دا ساں جیہڑا یِسُوعؔ نے یوحنا کولوں لیا ۔ پر ، خُدا نے پاپ دی معافی دے چمکیلے نُور نال میرے دل نوں روشن کیتا ، جویں ہنیرے مکان وچ روشنی ہو جاندی اے ۔ ”آہ ، بپتسمہ جیہڑا یِسُوعؔ نے یوحنا کولوں لیا پُرانے عہد نامے وچ قربانی دے طریقے دے ہتھاں دے رکھے جان نال چوکھا میل جول رکھدا اے !تاں پانی تے رُوح دی خوشخبری ایہو ای اے !“
پر فیر کیہ ؟ اپنی پچھان توں حیران ہوکے، ایس سچیائی نوں سمجھن دے بعد میرے دل وچ اک وڈی کھِچ تھرُو شروع ہوگئی : جے کوئی دوجی خوشخبری نئیں سگوں پانی تے رُوح دی اِکوخوشخبری سچی اے ، تاں ایس جگ دا کیہ بنے گا ؟ مَیں سوچیا سی پئی مبشرانہ منادی والیاں دا ایمان پاک کتاب دے مطابق ٹھیک سی ۔ پر ہُن اخیریں مَیں احساس کیتا پئی پانی تے رُوح دی خوشخبری توں علاوہ دوجیاں ساریاں خوشخبریاں شیطان کولوں ملن والیاں جھوٹھیاں خوشخبریاں نیں ۔
ایس لئی ، مَیں اوس ویلے توں جو کُجھ کیتااے اوہ سارا ایہہ ہیگا اے پئی ایمان رکھیا تے منادی کیتی پئی پانی تے رُوح دی خوشخبری دے سوا کوئی دوجی سچی خوشخبری نئیں ہیگی ۔ کُجھ لوک ایس سببوں میرے اُتے گِلہ کر چُکے نیں ۔ خُدا میرے ، بوہت چوکھیاں کمیاں رکھن والے بندے اُتے ، اسما نی، ارغوانی، تے لال دھاگے وچ ظاہر ہوئی مکتی دی سچیائی وی ظاہر کر چُکیا اے ، تے اوہ مینوں ایمان رکھن تے منادی کرن دے لائق وی کر چُکیا اےپئی ایہہ سچیائی ای سچی خوشخبری اے ۔ ایس جگ وچ بوہت چوکھیاں رَلدیاں مِلدیاں خوشخبریاں نیں ، پر صرف اِکو اِک سچی خوشخبری ایہو ای اے ۔ ایس لئی مَیں سارے جگ وچ پانی تے رُوح دی خوشخبری نوں ودھاؤن دا فیصلہ کر چُکیا ہاں ۔
جد مَیں ایہدے بارے سوچدا ہاں پئی مَیں کویں پاپ دی معافی دی سچیائی دی منادی کرن لئی آیا ،تے مَیں پانی تے رُوح دی بوہت پاک خوشخبری نوں کویں جانیا، ایس اُتے ایمان رکھیا، تے ودھایا تاں مَیں احساس کردا ہاں پئی کِنے ودھیاطریقے نال مَیں خُدا دے ہتھوں برکت یافتہ ہوگیاواں ۔ سارا کُجھ جیہڑا مَیں کیتا صرف ایمان سی پئی یِسُوعؔ نے یوحنا کولوں بپتسمہ لَے کے جگ دیاں پاپاں نوں چُک لیا تے سولی اُتے اپنا لہو وگایا تے فیر میرے سارے پاپ مُک گئے ! پانی تے رُوح دی خوشخبری اصل سچیائی اے ،تے مَیں خُداوند دا مینوں ایہہ خوشخبری دین لئی شکر ادا کردا ہاں ۔ مَیں ایہو جیہا بندہ ہاں جیہڑا سچ مُچ ودھیا طریقے نال خُدا کولوں برکت پا چُکیا ہاں ۔ تہاڈے وچوں اوہ جیہڑے پانی تے رُوح دی خوشخبری اُتے ایمان رکھدے نیں اوہ وی اِنج ای مبارک لوک نیں ۔
مَیں ایمان رکھدا ہاں پئی ایہہ ساریاں شیواں برکتاں نیں جیہڑیاں خُدا سانوں دے چُکیا اے ۔ جویں پولُس رسول نے اقرار کیتا ، ” پر جو کُجھ آں خُدا دے فضل توں آں۔ تے اوہدا فضل جیہڑا میرے اُتّے ہویا بے فائدہ نا ہویا “ (۱۔کرنتھیوں ۱۵:۱۰)۔ مَیں بچ نئیں سکدا سگوں میرے اُتے گھلے گئے اوہدے فضل دی وڈیائی کردا ہاں ۔پوری ایمانداری نال ، کیہ ایہہ خُدا دی کلیسیا وچ نئیں سی جتھے تُسی اسما نی، ارغوانی، تے لال دھاگے وچ ظاہر کیتی گئی سچی خوشخبری نوں سُنیا ہوئے گا ؟ کوئی وی جیہڑا اسما نی، ارغوانی، تے لال دھاگے تےمہین وٹے ہوئے کتان دے کلام نوں سُن دا تے ایمان رکھدا اے دلوں پا ک ہو جائے گا ۔ تاں اوہ جیہڑے پانی تے رُوح دی خوشخبری اُتے ایمان نئیں رکھدے ایس خوشخبری دے بارے کیہ سوچدے نیں ؟ اوہناں لئی پانی تے رُوح دی سچیائی صرف پریشان کرن والی اے ۔
کیہ تُسی اوہ ایمان رکھدے او جیہڑا بوہتی پاک تھاں دے پڑدے دے پھاٹک دے اسما نی، تے لال دھاگےاُتے ایمان رکھدا اے ؟ جد تُسی ایہہ کلام سُن دے او ، تاں صرف ایہہ نا سوچو پئی تُسی ایہنوں پہلاں توں جان دے او ، سگوں اپنےآپ نوں ویکھن لئی پرکھو پئی کیہ تُہاڈیاں دلاں وچ سچیائی ہیگی اے ۔ دوجیاں اکھراں وچ ، ہُن تہانوں لازمی اوہ لوک ہونا چاہی دا اے جیہڑے پاک کلام دےبالکل مطابق پانی تے رُوح دی خوشخبری اُتے ایمان رکھدے نیں ۔ ایہہ خوش نصیبی تے برکت والی گل ہوئے گی جے تُسی خُدا دی کلیسیا وچ آسکدے او ، خُدا دا کلام سُن سکدے او تے اسمان اُتے جان دی عزت پا سکدے او ۔
پر جے ایہو جیہی صورت ِ حال نئیں ہیگی ، جے تُسی پانی تے رُوح دی خوشخبری نوں جانن ، سچا ایمان رکھن ، تے اسمانی بادشاہی وچ جان دے لائق نئیں جے ، ایہہ سارا کُجھ صرف جگ دیاں تے گئیاں گواتیاں بندیاں دیاں بنایاں ہویاں کہانیاں سُنن نال اے ، تاں ایہہ سوکھے طریقے نال تہانوں کیہ فائدہ دے سکدیاں نیں ؟ جے اوہ خوشخبری جیہدے اُتے تُسی ایمان رکھدے او پانی تے رُوح دی خوشخبری توں فرق اے ، تاں کویں تہاڈیاں جاناں خُداوند دے اگے کوئی میل جول رکھ سکدیاں نیں ۔ خُدا دے کلام تے تہاڈے ایمان نوں لازمی بالکل اِکو جیہا ہونا چاہی دا اے ، جویں پولُس رسول دا ایمان تے ساڈا ایمان اِکو جیہا اے ۔ پانی تے رُوح دی خوشخبری جیہدے اُتے پطرس نے ایمان رکھیا اوہ وی اوہو ای خوشخبری اے جیہدے اُتے اسی ایمان رکھدے آں(۱۔پطرس ۳:۲۱)۔
مَیں ایہناں اخیری زمانیاں وچ پانی تے رُوح دی سچی خوشخبری اُتے ایمان رکھن دی سانوں اجازت دین لئی خُدا دا بوہت شکر گزار ہاں ۔ تےجد تُسی ساڈیاں کتاباں وچ پانی تے رُوح دی خوشخبری دی سچیائی نوں من دے او تے ایہنوں دوجیاں نال ونڈدے او تاں اوہ وی پاپ توں معافی پاؤن گے تے اپنی خوشی وچ خُدا دا شکر ادا کرن گے ۔ سانوں ایس گل دا احساس ہونا چاہی دا اے پئی خیمۂ اِجتماع دے سارے نمونے تے بھانڈے ، مکتی دے خُداوند دا تفصیلی خاکہ نیں جیہڑا ساڈیاں ساریاں پاپاں نوں مکا چُکیا اے ، تے سانوں لازمی ایس سچیائی لئی خُدا دا شکر ادا کرنا چاہی دا اے ۔
جد اسی بوہتی پاک تھاں دے پڑدے دے پھاٹک وچ ظاہر کیتی گئی سچیائی اُتے ایمان رکھدے آں تاں اسی مکتی یافتہ ہون تے اسمان اُتے جان لئی مبارک آں ۔ ایس توں علاوہ ، خُدا سانوں سارے جگ وچ اسما نی، ارغوانی، تے لال دھاگے تے مہین وٹے ہوئے کتان والی پاپ توں معافی دی سچیائی ودھاؤن دے لائق کر چُکیا اے ۔ خُدا ایس کم نوں ساڈے حوالے کر چُکیا اے ۔ اپنیاں اپنیاں فرضاں دیاں تھاواں توں ، اسی اوہناں کماں وچ وفادار آں جیہڑے ساڈے وچوں ہر کسے دے ذمے لگ گئے نیں تے خُدا سانوں ایس وفادری دے سببوں برکت دیندا پیا اے ۔
مَیں اپنی شکرگزاری خُدا اگے پیش کردا ہاں ۔ مَیں اپنے ایمان نال اوہنوں جلال دیندا ہاں ، ایہہ ایمان رکھدیاں ہویاں پئی خیمۂ اِجتماع دے برانڈے دے پھاٹک لئی ورتے گئے اسما نی، ارغوانی، تے لال دھاگے تےمہین وٹے ہوئے کتان وچ ظاہر کیتی گئی پانی تے رُوح دی خوشخبری اوہو ای اے جویں بوہتی پاک تھاں دے پڑدے وچ ظاہر کیتے گئے چار رنگ نیں ۔ ہُن ، ایہہ میر ی خلوص بھری آس اے پئی تُسی سارے اوہ لوک ہوووگے جیہڑے ایمان رکھ کے ساریاں پاپاں توں مکتی یافتہ ہو گئے او ، جیہڑے بوہتی پاک تھاں اُتے جان دے لائق نیں جتھے خُدا سدا تیکر رہندا اے ۔ کیہ تہاڈا ایمان وی ایس سچیائی اُتے پکے طریقے نال قیم اے ؟
Copyright © 2021 by The New Life Mission